Thursday, 5 March 2009

وحياة امهم؟

يعني البشير ده لو هو انسان الغاب طويل الناب، ما يشبهش بوش اللي قتل مليون في افغانستان ومليون ونص في العراق؟ ما يشبهش بيريز واولمرت؟ ما يشبهش كل وسخ امريكاني ييجي يدبح في الناس يمين وشمال من اول نيكاراجوا لحد لبنان والعراق ويكوم مليارات على قلبه ويمشي؟ بقى هو البشير اللي كخة ويتحاكم؟
طيب يتحاكم، بس فورا يتحاكم معاه كل المسئولين عن جرائم الحرب من اول هيروشيما ونجازاكي اللي طيار بتاعهم لسة ميت قريب وهو بيطلع في الروح بيقول: انا ح اقابل ربنا وانا مرتاح الضمير عشان انا اللي انقذت العالم من استمرار الحرب العالمية
لحد بوش...لا بوش ايه؟ لحد اوباما اللي لغاية اللحظة دي قواته بتضرب المدنيين في افغانستان وكرزاي كل شوية يقول له: وبالمناسبة السعيدة دي احب اهني وابارك واقول ياريت تبطلوا ضرب في المدنيين عندنا عشان الناس اتخنقت شوية
والسفاحين بتوع اسرائيل
على الاقل عشان تستاهل يبقى اسمها محكمة العدل
يا نعيش عيشة فل يا نموت احنا الكل، وللا احنا يعني اللي تف علينا الكلب؟ ما البشير يقول لهم زي ما رامسفيلد قالنا:
people die
واعتبروهم ضحايا زلزال وللا اعصار، ساعتهم جات... ح تكفروا بقى؟
وللا الكلمتين دول مقبولين من رامسفيلد بس، وبعدين ما البشير بقاله تلتميت سنة قاعد يعني، ايه اللي فكرهم بيه دلوقت؟ وللا بعد ما فضيوا من العراق عايزين يخلصوا على السودان بالمرة، هو مش ح يسلم نفسه، والمجتمع الدولي ح يصعب عليه الفن، يضرب الدنيا صارمة وقنابل عنقودية
مش كده؟
وطبعا في الاخر ح يطلع السودانيين هم اللي غلطانين عشان ربنا خلقهم من اساسه
طيب ومين اللي ح يحاكم اللي عمل كده في الناس؟

37 comments:

Dena said...

I think Al Bashir and his government should be tried for their crimes against all of Sudan not just Darfur. However, the strangest thing about this case is that not a single Darfurian rebel was accused of anything despite the fact that they were the ones who started the unrest in Darfur and nobdoy questioned where these groups got their arms and weapons from???


Also, nobody is paying attention to the fact that climate change has affected Darfur greatly and dried most water sources...could diminishing resources possibly be a reason why people started to kill each other in the first place??? and why did Darfur gain all this attention when countries (not regions but whole countries) such as Rwanda and Congo which happens to be close to Sudan's western borders have been and still are suffering from horrific crimes of genocide for years(the ICC could not prove that Al Bashir committed genocide by the way so they're calling it war crimes)

The government of Sudan has just as much responsibility as the Darfurian rebels in this case. The government wanted to capture and control rebel groups and instead the result was that both parties committed heinous crimes against the civilians. This arrest warrant decision seems to be highly politically influenced and not just a way to achieve justice.

عبد من عباد الله said...

اهلاً يا استاذه نوراه و الله وليكي وحشه من بدري مجتش سلمت على سعادتك .. ما علينا يعني

و بمناسبه موضوع البشير فده شئ عادي يعني و مش غريب ولا حاجه و احنا اتعلمنا في التاريخ و السياسه على مستوى الدول ان الضعيف لا يلومن إلا نفسه و القانون مش بيطبق إلا على الضعيف .. دا اساسيات احنا درسنها فمش حنستغرب لما تحصل يعني ولا ايه ؟

و على رأي الابنودي " اللي يخافها ما يلعبهاش " و برده مش قادر انسى شعر مطر( مع الاعتراض على بيت الانبياء ) وهو بيقول :


فصيحنا ببغاء،
قوينا مومياء،
ذكينا يشمت فيه الغباء،
ووضعنا يضحك منه البكاء،
تسممت أنفاسنا حتى نسينا الهواء،
وامتزج الخزي بنا حتى كرهنا الحياء،
يا أرضنا، يا مهبط الأنبياء،
قد كان يكفي واحد لو لم نكن أغبياء؛
يا أرضنا، ضاع رجاء الرجاء،
فينا ومات الإباء،
يا أرضنا، لا تطلبي من ذلنا كبرياء،
قومي احبلي ثانية،
واكشفي عن رجل لهؤلاء النساء!

كل سنه وانتي طيبه
اشوفك على خير

مصر تحت الاختلال said...

يا نوراه دي لعبه بيلعبوها زي ملعبوها مع صدام بيكرروها مع البشير وتتلعب مع كتير غيره ولسه اللته مليانهالموضوع في الاساس هو تقسيم الجنوب وجعله ولا مؤخده دوله مسيحيه زي معيزين يعملوا في الصعيد بالظبط
http://masrthtele7tlal.blogspot.com/2009/03/blog-post_04.html

مصر تحت الاختلال said...

يا نوراه دي لعبه بيلعبوها زي ملعبوها مع صدام بيكرروها مع البشير وتتلعب مع كتير غيره ولسه اللته مليانهالموضوع في الاساس هو تقسيم الجنوب وجعله ولا مؤخده دوله مسيحيه زي معيزين يعملوا في الصعيد بالظبط
http://masrthtele7tlal.blogspot.com/2009/03/blog-post_04.html

عاشقة القمر said...

نحنا مش سلم البشير اهتقرض علينا عوقبات قبل كده نفذوا علينا عوقبات عل موتنا جوعا والعطش لا نحنا صامدون ان شاءالله نصر لنا

جبهة التهييس الشعبية said...

عاشقة القمر

واضح انك سودانية

كويس قوي بقى انا عايزة اسألك كام سؤال

اصل يعني سواء اللي بيدينوا البشير او اللي بيساندوه ماحدش عارف الحقيقة فين
احنا كل معلوماتنا جاية من منظمات مشكوك فيها وماحدش راح السودان عشان يعرف الحقيقة فين

قولي لي بقى بيني وبينك
هو صحيح مجرم؟

امممممم
طبعا هو فيه نقطة اساسية اني ما اعرفش انتوا مسموح لكوا تتكلموا وللا زي ايام صدام كده ممنوع حد يتكلم

شايفة تعليق دينا

دينا بتقول كلام مهم قوي
1- هي بتقول ان فعلا البشير مدان بجرايم حرب

2- بس مش لوحده، الثوار في دارفور هم كمان مجرمين حرب ولازم يتقدموا للمحاكمة

3- فيه عناصر اخرى ادت الى الاعداد المهولة اللي ماتت من ضمنها تغير المناخ اللي ادى الى جفاف المياه وان ده ادى الى انفجار حرب اهلية بسبب تقلص الموارد


4- مش بس اسرائيل اللي بيحصل فيها جرايم حرب رواندا والكنغو بيحصل فيها جرايم حرب وهم لزق في السودان طب اشمعنى السودان

5- البشير بيتقاسم المسئولية مع الثوار في دارفور
والاتنين ارتكبوا جرائم حرب

وفي الاخر وصلنا لبيت القصيد ان القرار سياسي

ايوة

سياسي ليه بقى؟

عايزين ايه من السودان؟

مواطن مصري said...

نوارة البشير مجرم حرب و لا يمكن ان ندافع عن مجرم حرب و ايضاً الومرت مجرم حرب


لازمن الاتنين يتقدمو للمحاكمة

العادلة

جبهة التهييس الشعبية said...

يا مواطن
بطل تدخل بالدراع في الحاجة بالطريقة دي

انت عندك تفاصيل؟

انا شخصيا لا باقول عليه مجرم حرب ولا باقول انه مش مجرم حرب

انا ما اعرفش وما عنديش تفاصيل ولا ادلة

عندي ادلة على اجرام اولمرت لانه متبجح ومش بينكر وفيه صور وفيديوهات

لكن انت ايه الادلة اللي عندك ضد البشير؟

لو عندك ادلة ضده انا مستعدة اقبلها

لو عندك صورة مكتملة من مصدر تاني غير المنظمات الدولية اللي اثبتت بالدليل القطعي عدم نزاهتها

زي مثلا مصدر اعلامي مستقل

ارجوك اديني اللنكات او دلني على الادلة

وبعدين

دلوقت في مصر مثلا

لما سواق ميكروباص يسرق خمسين جنيه ويتسجن

بينما رجل اعمال بيسرق مليارات وما يتسجنش

يبقى ده عدل؟

طب حسني مبارك ما بيدعيش العدل ولا الحفاظ على حقوق الانسان

لكن منظمة العرص الدولية دي بتدعي العدل

تقول لنا بالصور والفيديوهات والادلة الدامغة
ايه اللي البشير عمله ابشع من جورج بوش ومن اوباما نفسه اللي لحد دلوقت بيموت المدنيين في افغانستان وبروح ميتين اهله بيبعت قوات زيادة كمان

انما يختمونا على قفانا زي جريمة قتل بنت ليلى غفران ويروحوا يجيبوا نقاش يشيلوه القضية؟

على مين يا بتاع الفريكيكو
اطلع يا بتاع الفريكيكو
طب ما انا عارفاك
طب ما انا شايفاك
الفرفرفرفر

Sosso said...

ya nawwara 7ay3ouzou eh men Essoudan, de balad kollaha 5er. ta7t el ard fo2ha fel ba7r 7ododha.
ya3ne pétrole, dahab, ne7as, Ennile (benssebe li da marbat el faras heyya di akbar sarwa)Masr wa5da belgazma delwa2ti bas ba3d ma yemsekou mafati7 Ennile 5alas moch hate3raf te2olohom 7arf.
Weba3deen feha estesmar chinese aktar mellozoum.
wel ba7r la7mar keda ye2felouh bera7ethom.
el Bachir zebela bas ashareli 3ala we7id men elarba3in 7arami elli maskin moch Kalb ebn settin kalb. ah 3amal 7agat mor3eba fennes fe darfour bezzet (So7abi beyrou7ou henak be2Oulou ennou seyeb ennes tet2etel, so howa mosharek fel jorm). Bas delwa2te 3ayzin ye2ddebouh nafs essanario elli 3amalouh ma3a ghirou. de le3bet elkobar(usa we daladelha france masalan and china ) wehowa kabch el feda.
en makontich enti elli 3amalti propaganda le John Perkins ;-)

Sosso said...

sorry concerning sudanese wealth here is a french article about it http://www.sudanembassy.ca/Docs/profile_f/Le%20petrole,%20l'Energie%20et%20les%20Mines-15.pdf

mido said...

لماذا يدافعون عن البشير؟!
شباك نور

أيمن نور

.. لماذا تدافع مصر «الرسمية» عن الرئيس السوداني البشير؟!

.. لقد دخل الرئيس عمر البشير، مصيدة العدالة الدولية، بعد أن أعلق كل أبواب ونوافذ العدالة محلياً.

.. ليس صحيحاً أن البشير هو أول رئيس يدخل دائرة الملاحقة، من قبل القضاء الدولي ولن يكون الأخير فقد سبقه الرئيس الليبيري «تشارلز تايلور» في مارس 2003، بفعل الجرائم التي ارتكبها بحق 120 ألف شخص أثناء الحرب الأهلية في سيراليون «1991-2001»، كما سبق البشير الرئيس اليوغوسلافي «سلوبودان ميلوسيفتش» وكذلك رئيس صربيا «ميلان ميلوسوفيتش»..

.. أيدي البشير ونظامه ملوثة بدماء 35 ألف إنسان قتلوا بشكل مباشر بفعل هجمات شنتها قوات البشير وميليشيا «الجنجويد» فضلاً عن تعريض مليونين ونصف المليون لعمليات اغتصاب وتجويع وتنكيل!!

.. وفقاً للشرع، والقانون، والعقل لا يمكن إبراء ذمة البشير من هذه الدماء المسفوحة، والحقوق المهدورة، بوصفه الحاكم الفعلي، وصاحب السلطة المطلقة، ورئيس الحزب الحاكم، والقائد الأعلي للجيش والشرطة والقضاء.

.. البشير متهم بأنه حرض ونفذ وبأوامر منه عمليات إبادة لجزء كبير من مجموعات «الفور، والمساليت، والزغاوة» متذرعاً بمكافحة التمرد، بينما الحقيقة كانت أنه يعاتبهم علي موقفهم الرافض لتهميش ولاية دارفور.

.. أخطر الأسلحة التي استخدمها البشير هو سلاح الثقة في أنه ونظامه فوق القانون والمساءلة فضلاً عن أسلحة التجويع، والتخويف، والاغتصاب، واغتيال الحق في العدالة، بوصفه حراً فيما يملك.

.. منذ نهاية الحرب العالمية، وما تخلف عنها من جرائم ارتكبها الحكام، بحق شعوبهم، وبحق الإنسانية، باتت قضايا حقوق الإنسان هماً عالمياً، ومسئولية لا يجوز التنصل منها، بدعوي الخصوصية أو السيادة، فلا سيادة لمستبد في ممارسة استبداده علي شعبه، ليكون خصماً وحكماً في آن واحد!!

.. ويبقي السؤال الذي طرحناه في البداية، عن سر الدفاع عن البشير من قبل السلطات المصرية.

.. لقد كان البشير منذ أن اعتلي السلطة في السودان في انقلاب عسكري صناعة مصرية 100% إلا أنه أيضاً كان خطأً فادحًا يصل لحد الخطيئة في الحسابات والتقديرات عندما أسفر البشير عن هوية مختلفة عن تلك التي قدرتها بعض الجهات في مصر وساندته في اغتصاب السلطة.

.. من حقنا أن نغضب لمحاكمة البشير دولياً وإهمال مجرمي الحرب علي غزة، لكن ليس من حقنا أن نلتمس مبررات وأعذاراً للرجل الذي ارتكب كل الجرائم في حق شعبه وحق مصر أيضاً..

.. ألم يكن البشير هو المتهم الأول في عملية التحريض علي محاولة اغتيال الرئيس المصري في أديس أبابا؟!

.. ألم يكن هو أول من لوح بمراجعة اتفاقية 1959 الخاصة بتقسيم حصص المياه علي دول الحوض؟!

.. أليس هو أيضاً أحد أطراف المعسكر الداعي لمزيد من التهميش لدور مصر وهو أيضاً الذي اختار التحاور مع الفصائل السودانية في ليبيا، وأخيراً في قطر مستبعداً دور مصر القديم في الشأن السوداني وخبراتها المتراكمة في هذا الشأن ومصالحها في أن تظل فاعلة في هذه المنطقة؟!

.. الحديث عن الرفض من حيث المبدأ لما صدر من قرار في شأن محاكمة البشير دولياً يتصادم مع موقف مصر - مثلاً - في قضية المحكمة الدولية لقتلة الحريري!! أم أن دم الحريري أثمن من الدماء التي تلطفت بها أيدي البشير من شعب السودان؟!

.. بالقطع لا يسعدنا أن نري حاكمًا عربيًا يمثل أمام المحكمة الدولية أو يتم اعتقاله لما يمثله هذا من إهدار لكرامة الحاكم وبلده.. ولكن يبقي القصاص من مجرم عملاً نبيلاً قد يذعج ويربك الحكومات المستبدة.. لكنه يفتح أبواب العدالة الموصدة محلياً وداخلياً ويؤكد دائماً أن دماء وحقوق الشعوب ليست دائماً رخيصة.

.. أفضل من رفض محاسبة البشير أن نطالب بمحاكمة مجرمي الحرب في غزة والعراق.

mido said...

رابط المقال السابق

http://dostor.org/ar/index.php?option=com_content&task=blogcategory&id=20&Itemid=59

مواطن مصري said...

نوارة انتي مش بتشوفي الجرائم في دارفور ولا الجنوب


ولا حروب الاهلية ولا مقاتيلن الاطفال في افريقيا

مواطن مصري said...

يعني يا نوارةهدافعي عن حسني لو صدرر علية حكم من محكمة العدل الدولية لية الشعوب العربية تشتم في حكامها الي جاين بانقلاب اول ما يحكمو ضدهم الناس تقف معاهم


الومرت = البشير البشير = صدام

مجرميي حرب

جبهة التهييس الشعبية said...

والنبي ايمن نور ده يقعد لنا على جنب بقى عشان النفس والله


قال صحيح هو وجميلة متخانقين؟ ده يبقى غبي قوي لو اتخانق معاها، هو حد عمله له سعر غيرها؟


مواطن

بس حسني مبارك مش ح يصدر عليه حكم رغم انه مجرم

وهي دي النقطة اللي باتكلم فيها

لو حسني مبارك بسياساته اللاعقة لحذاء اسرائيل وامريكا صدر ضده حكم يبقى دي محكمة العدل الدولية

لكن لما حسني مبارك وال سعود واولمرت وبوش واوباما يتسابوا والبشير هو اللي يصدر ضده حكم

يبقى دي محكمة العرص الدولية

طيب دلوقت اوروبا والدول المتغدمة لهم اطماع في السودان

لو دلوقت حالا بالا ابو الفصاد البشير سمع الكلام وقال لهم لو ما كنتش انت تدلعني مين ح يدلعني

تفتكر ح يفضل قرار القبض عليه ساري؟

مواطن مصري said...

نوارة


اتفرجي على كليبات دارفورررر عللى اليو تيوب و فية فيديو عن اطول حر في افريقيا كنت في السودان

كان عندي اللينك بس ضاع

تفسري ب اية لما حسني راح قابل البشير لاحظي ان مصر ليها قوات في دارفور و بعتت في غانا بسس متأخر و احتمال اعداد القوات هتزيد في السودان عشان الموارد المائية و مصر مش هتسيب الامم المتحدة تدخل السودان تحت البند السابع

لاحظي ان المتحكم في اغلب البترول في السودان الصيننننننننن

مش امريكا

جبهة التهييس الشعبية said...

وبعدين انت ما ردتش عليا

ايه دليلك على الكلام اللي بتقوله

اول واحدة معلقة بتقول ان البشير والثوار وتغير المناخ التلاتة متاقسمين المسئولية

طبعا مش ح يعاقبوا تغير المناخ
بس ليه ما عاقبوش الثوار؟

ومع ذلك كلامها كلام مرسل

انا عايزة دليل مادي على تورطه

لان فيه حاجات كتير ممكن تتسبب في موت الناس في السودان بالذات

منها ان يكون نظام الحكم ضعيف ومش عارف يسيطر على المتمردين

منها الفقر اللي ساري عليهم كلهم

منها الظروف المناخية السيئة

ايه دليلك على ان اللي بيحصل ده مسئولية البشير مش بسبب ضعفه او تكالب المجتمع الدولي عليه ومساندة الثوار

مين اللي ادا المتمردين السلاح ده؟
ودخل ازاي؟
مجرد دخوله دليل على ضعف البشير

ومافيش مقارنة ما بينه وبين صدام
لان ايام صدام ما كانش حد يجرؤ يمتلك سلاح

Blank-Socrate said...

يا سيدتى
بكل بساطه نتفق فى ان الجميع مذنب
و لكن لا تطولهم يد العداله
و لكن ذلك ليس سبب لننكر ان البشير ايضا مجرم
اه البشير كخه :)
و قادرين نحاكمه ايه المشكله
مشكلتك انك احاديه الرؤيه
و لا انت بتعتبرى اغتصاب الالوف من الفتيات شىء عادى
تخيلى لو انت واحدة منهم

جبهة التهييس الشعبية said...

طب والمتحكم في اغلب موارد بترول السودان
الصيننننننننن
يقوم ايه؟
يقوم عشان كده الصيننننننننننننن بتنضرب من خلال البشير؟

جبهة التهييس الشعبية said...

مين دول اللي "قادرين نحاكمه" الن دي عايدة على مين؟

انت ولا ح تحاكم ولا ليك سعر اساسا
انت تقعد تتفرج ولو اللي اغتصبك على كيف المجتمع الدولي يبقى
relax and enjoy it

ولو اللي اغتصبك مش على كيفه فجأتن تظهر العدالة

طيب ما ده المنطق اللي بيحكم بيه حسني مبارك

امال انتوا ضد حسني مبارك ليه؟

وللا انتوا مش ضده

واحد يقتل واحد صاحبه ياخد اعدام

واحد يسرطن الاكل ويموت ملايين يبقى فدا جزمته

ده اسمه نفاق
ده اسمه نفاق

الناس كلهم سواسية
ولو هو يتحاكم يتحاكم بس ليه ما يتحاكمش معاه المتمردين اللي دخل لهم السلاح بشكل غير مشروع
ومنين دخل لهم السلاح اصلا؟

واغتصاب الملايين ده ايه القرينة من جهة مستقلة انه مسئولية قوات البشير لوحده

ماهو ربنا عرفوه بالعقل
مدام فيه طرف تاني وطرف معاه سلاح وقوي ومهيمن على جزء من السودان
يبقى اكيد اكيد الطرف ده اولا مدعوم من جهة تانية
ثانيا اكيد اكيد مسئول ولو بجزء عن المذابح اللي بتحصل

دول مش حماس معاهم صواريخ العيد اللي لا بتقتل ولا تخلا من اللي مش عارف ايه؟

دي ناس معاها سلاح قوي ومؤثر وبيموت ناس

يعني هم قوة موازية لقوات البشير

مش ممكن هم ملايكة ينقصهم الجناحين والبشير لوحده عامل ده كله

الحاجة التانية

اشمعنى البشير ودلوقت؟

اشمعنى؟

الحاجة التالتة

البشير لو مؤدب وسمع الكلام هل ح يفضل قرار الاعتقال ده ساري؟

جبهة التهييس الشعبية said...

خليكوا فاكرين السيناريو بس اللي باقولهولكوا ده

البشير مش ح يسلم نفسه

السودان ح تنضرب لاسقاط النظام

اسرائيل وامريكا ح يسيطروا على منابع النيل


مصر ح تتفشخ اكتر ما هي مفشوخة

ساعة ما يبقى الاختيار ما بين نتذل وللا نعطش ما يبقاش يطلع لنا كام عرص يقول البشير هو السبب

عشان ح انسل الشبشب على دماغه
انا عارفة الناس اللي ح تطلع تقول كده - على راي السادات - واحد واحد بالاسم

Blank-Socrate said...

نوارة
المشكله مش فى البوست دا
او البشير
لا الموضوع اكبر من كدا
زى ما قلت انت احاديه الرؤيه و مش قاصدى اهاجمك
الفكرة ان انت بتطلبى عالم مثالى دا نمرة واحد
و نمرة اتنين ان العالم المثالى بتاعك على اساس دينى اسلامى
-----------
العالم مش مثالى علشان كدا فى سياسه و حروب و اغتصاب و قتل
و ثانيا
مصر مثلا مش اسلاميه
اه النسبه الاعلى مسلمين و باغلبيه
لكن مش صح انك تتجاهلى الملايين المسيحين
-----------
القوميه العربيه معاناة خسارة فقط
و انت عارفه كويس انه مش على مستوى الحكومات بس
انت عارفه ازاى معظم العرب بيتاعملوا مع مصر
الخليج شايفين فى رجاله مصر خدامين عندهم و اقل منهم فى القيمه
و ستات مصر شايفين فيهم شارع الهرم بس
---------------
عارفه لما عملوا الوحدة مع سوريا زمان كان تعليق السورين ان سوريا فيها الرجال و مصر فيها المال
:)
------------------
الهجوم الدائم اللازع يفقد صاحبه القدرة على الاقناع
و افتكرى دايما ان معظمنا ميملكش غير الحق دا
الكلام
:)
تحياتى
مينا

مواطن مصري said...

نوارة هتقولي المواطن قالك ان مصر مش هتسيب السودان ولا البشير و هتبعت قوات المسلحة لو هيتدخلو تحت البند السابع

مهندس مصري said...

أصحاب العقول في راحة
كان فيه برنامج على قناة الجزيرة امبارح كان جايب اعترافات عالم اقتصاد اشتغل مع الـ سي آي إيه

كان بيقول فيه 3 خيارات لسيطرتنا على أي بلد
1- نرشي الرئيس و نخليه عميل لينا و نخليه يدين بلده بقروض ما تقدرش تسددها و يخرب إقتصادها و تبقى تحت تحكمنا المطلق
مع تهديده بالقتل لو خرج عن طوعنا
2- لو رفض نبعت فرقة إغتيالات تخلص عليه او ندبر ضده إنقلاب
3- لو ما نفعش الإغتيال و الإنقلاب يبقى نغزو البلد غزو عسكري مباشر

و إتكلم عن تطبيق الكلام ده في الإكوادور و العراق و بنما و كذا دولة تانية
و ذكر حقايق بالتواريخ و الارقام

لما تشوفوا البرنامج و تفهموا كلام المخابراتي المنشق الامريكي ده
حتقدروا تفهموا مسرحية البشير بالضبط

جبهة التهييس الشعبية said...

والله يا مينا انا باحسدك على ثقتك الكاملة في انك الوحيد اللي صح والوحيد اللي عنده الرؤية المظبوطة التعددية الشاملة العميقة من غير اي تردد

دي قدرة فائقة على فكرة
مش بالاقيها عند اي حد

جبهة التهييس الشعبية said...

مواطن مصري

لو مصر عرفت تعمل كده يبقى برافو عليها

انت عارف ان فيه صواريخ في جنوب السودان واثيوبيا اسرائيلية طويلة المدى متوجهة ناحية مصر؟

الكلام ده ماحدش بيتكلم عليه

امال انت فاكر يعني مبارك ميت في جلده كده ليه

انا باكرهه انت عارف يعني

بس مافيش بني ادم مهما كان متخلف تماما ينبطح بالطريقة دي الا اذا كان ممسوك عليه ذلة

dr.lecter said...

ده كان لاازم يحصل من بدري

بس كانوا بيدوله شويه وقت

السيناريو معمول من زماان اووي ومتجهز والكل عارف ده علشساان اييه

وبعد كده هيبتدوا يدخلوا علي التانيين واحد ورا التااني


اللي يضحك بجد ان مافيش حد من القاده العرب بيتصرف قاعدين بيتفرجوا وبس


الادله هتطلع لو فعلا ارتكب جرائم حرب ولا هو بريء من ده كله

مواطن مصري said...

نوارة لعلمك انا من الناس الي بتنادي اننا نبعت قوات في السوادن خصوصاً الجنوب عشان موارد المية المشكل العرب شغلو مصر بمشاكلهم و نسينا السودان و دول حوض النيل

انا بكرة معمر القذافي بس يمكن الحاجة الوحيدة الي عملها انو ركز على افريقيا

بس انا مع محاكمة اولمرت و البشير و انا شايف ان التعاطف مع ديكتاتورين هو اكبر خطأ

هيجي واحد اسرائيلي هيفكر بنفس منطقك و يقولك ما الومرت برىء و ملاك و هاتي دليل قاطع لاحظي ان الحكومة السوودانية بتمنع وسائل اعلام انها تغطي الاحداث
كلها

احمد سعيد said...

ايوة
احنا اللى تف علينا الكلب

Blank-Socrate said...

بصراحه مش عارف اذا كان ردك دا تهكم و لا نقد لازززع كالمعتاد :)
اكيد افضل نقد مباشر زى ما عملت معاكى
انا باثق فى ارائى و باثق فى نفس الوقت انها ممكن تكون غلط
كلنا بنهيس يا عزيزتى

احمد سعيد said...

ههههههههههههههههه
هههههههههههههههههههههه
هههههههههههههههههههههههههههه
عمى؟؟؟
مواطن مصرى؟؟؟؟

قوات مسلحه مين يابا اللى مصر تبعتها السودان؟؟؟؟

هههههههههههههههههه

بجد ضحكتنى


يعنى ايه قوات مشلحه؟؟

ههههههههههههه

اسكت
اسكت خلى الطابق مستوووووووووووور

جبهة التهييس الشعبية said...

طب تعالى لي بقى من خلال الشنطة راجل لراجل مدام التلقيح الحريمي مش عاجبك

اولا:
مش عايزة اتكلم عن اللي حاولت اعمله في ملف الفتنة الطائفية وحقوق المواطنة عشان لو كان وحش يبقى ربنا امر بالستر لو كان خير يبقى ثوابي عند ربنا

بس يا سيد مينا انا اخر حاجة تتقال عليا اني متجاهلة اللي انت مسميه "الاقلية المسيحية" اظن بصة سريعة على المدونة تقول لك اني مؤمنة بالمساواة بين كل البشر وان العقائد كلها يجب ان تحترم ويكفل لاصحابها حق التعبير عن ايمانهم والتعايش ما بين العقائد المختلفة بما يكفل لهم كامل الحقوق كبني ادمين
بس انا عارفاك يا بتاع تانية تالت

مش حضرتك برضه، بدون اي سبب وجيه سوى المشاعر الطائفية، اللي دخلت تتضامن مع بيريز السفاح لمجرد انه بيتريق على حديث نبوي شريف؟

وانا فاكرة كويس اني قلت لك يا استاذ الاديان كلها زي بعض
احنا عايزين نتعايش وللا عايزين نقل ادبنا؟ لو عايزين نقل ادبنا كل واحد ح يطلع في دين التاني ودين التاني بمنتهى البساطة لان العقائد كلها شبه بعض بس طالعة بمناظر مختلفة وعلى ما اذكر قلت لك حتى العقيدة الالحادية كمان فيها نفس العناصر اللي موجودة في العقائد الايمانية
ما اعرفش بقى انت زعلت ليه وليه اني ساويت المسيحية بالاسلام وللا ايه؟
الله اعلم
بس انا مؤمنة ان كل الناس سواسية
وايوة ايماني بالمساواة والحق في حرية الاختيار والتعايش وان ربنا هو اللي ح يفصل بينا يوم القيامة نابع من ايماني المسلم
عشان انا مسلمة حضرتك وللا تحب اغير لك ديني؟
ماهو مش معقولة ابقى مؤمنة بحق اصحاب الديانات التانية في التعبير عن ايمانهم واختياراتهم واقمع ايماني انا
والطبيعي اني لما باستشهد في قضية ما بنص ديني باستشهد بالقرآن لان ده ايماني الروحاني زي ما انا شايفة انه من الطبيعي انك تستشهد بالانجيل وده حقك
وهي دي المساواة اللي انا مؤمنة بيها وحضرتك لا
واخشى ما اخشاه انك تبقى زي اللي مينا زكري بيقول عليهم: عايزين علمانية فيما يخص الاسلام بس ولما تيجي للمسيحية مش عايزين العلمانية تهوب ناحيتهم

واذا كنت باكره المشاعر الطائفية في المسلمين اكيد ح اكرهها في المسيحين واليهود والبوذيين والملحدين والهندوس واي حد يفتكر نفسه احسن من التاني او يدي لنفسه حق ما يديهوش لغيره

ولما اوباما خلى قس (بالمناسبة شاذ جنسيا كمان) هو اللي يعمل الصلاة الافتتاحية لحفل تنصيبه ماحدش قال انه بيتجاهل الاديان التانية ولا الناس اللي ميولها الجنسية طبيعية لمجرد انه افتتح حفل تنصيبه بصلاة لقس مثلي
وانا مش اوباما ولا رئيسة جمهورية انا على باب الله ومن حقي اعبر عن ايماني بحرية زي بالظبط ما باعبر عن حق الناس في التعبير عن ايمانهم بحرية


النقطة التانية

زي ما انا باكره الطائفية انا باكره العنصرية

واللي حضرتك بتقول عليه ده عن العرب اسمه عنصرية وخطاب كراهية وتحريض على عدم قبول الاخر لمجرد انه عربي

وبتاخد حوادث ان شالله تبقى الف حادثة وتعممها على ناس يبلغ قوامهم حوالي ميت مليون وتقول ان كلهم بيكرهونا وبيعاملونا وحش

وده كلام كده شبه كلام الصهاينة
يعني لو العرب الديفولت بتاعهم انهم يعاملونا وحش وهم بالعدد ده كله
يبقى حاجة من الاتنين
يا اما انت ما عندكش تعريف واضح للمعاملة الكويسة والمعاملة الوحشة
قد يكون مفهومك للمعاملة الكويسة زي مفهوم الصهاينة كده، يا تعملني سيدك يا اما تبقى معادي للسامية

او ان كلامك ده صحيح وان العرب كلهم بيكرهونا وفي الحالة دي اكيد مش ممكن كل دول غلط

اكيد احنا فينا حاجة استفزازية بتكره الناس فينا

انما افتراض ان العرب كلهم بيعاملوا الناس وحش ده افتراض عنصري مش مقبول يا استاذ مينا زي ما الطائفية المتمثلة في عدم قبولك لاشاراتي او استشهاداتي بديني مش مقبول

بينما انا متقبلة اشاراتك واستشهاداتك بدينك وغيرك من الاديان بما فيها البهائية على سبيل المثال لا الحصر واللا اديان

حضرتك عايز تدخلنا في متاهات الهوية مع ان مصر اسمها جمهورية مصر العربية وحضرتك كاتب بحروف عربي دلوقت

ولو تخلت مصر عن هويتها العربية ح تروح فين؟

العروبة دي ثقافة واحد عناصر الثقافة اللغة على سبيل المثال

طيب اللغة المصرية القديمة واللي هي بالمناسبة مش اللغة القبطية
اللغة المصرية القديمة تصنيفها انها من اللغات السامية
يعني اللغة المصرية القديمة احد جذور اللغة العربية زي السريانية مثلا

لو مصر قررت التخلي عن لغتها العربية ح تتكلم ايه؟

اللغة المصرية القديمة؟ اولا دي لغة ميتة وغير متطورة

ثانيا مافيش معنى للرجوع للغة ميتة وغير متطورة بينما تطورها الطبيعي اللي هو العربي موجود وبنتكلمه كويس

وللا اللغة القبطية؟

ليه؟
اشمعنى يعني؟ ماهي اللغة القبطية احد مراحل تطور اللغة المصرية القديمة
اذا كنا وصلنا في اللغة بتاعتنا للمرحلة الاخيرة يبقى اشمعنى نختار اللي في النص؟
ما هو المنطق بيقول يا نرجع ورا خالص ونبتدي من تحت الصفر نطور اللغة ونرجع بقى نرسم عصفورتين ومقطف

ونشوف ح تطور معانا توصل لفين
يا اما نرضى بالتطور اللي وصلت له البشرية

وللا ايه؟
ده من حيث الهوية اللي فعلا صداع ومالهاش اي محل من الاعراب

بالنسبة للكلام اللي بتقوله عن خسارة مصر بسبب عروبتها

ايوة يعني جول لي حاجة واحدة من اللي ربنا كتبها علينا

مصر بلد على حزام ضيق وعندها فائض في موارد معينة وفقر في موارد اخرى ولو عايزة تعمل نهضة لازم تعمل تحالفات

التحالفات المطروحة

يا اما تبعية لناس اقوى منك وبالتالي انت مالكش دور غير انك تبقى متلقي
او بالبلدي الصريح معمول فيك

يا اما ناس قريبين منك فيهم احسن شوية فيهم اوحش شوية لكن كلكوا عالم تالت والعلاقة ما بينك وبينهم ح تبقى تبادلية مما يضمن لك النهضة من غير ركل السلم بعيدا

(ده كتاب حلو قوي ابقى اقراه)

ايه الخسارة اللي اتعرضت لها مصر من جراء تحالفاتها العربية

الحقيقة ان مصر هي اللي الحقت خسارة بالعرب بسبب قياداتها غير الرشيدة مش العكس

وانا عندي من الشجاعة والايمان بالمساواة وكراهية الشوفونية اللي تخليني اقيم الموقف بعدالة
مصر هي اللي خسرت العرب مش العكس
وده كلام حقيقي والشوفونية المصرية لا تقبله والشوفونية المصرية دي مرض يجب العلاج منه

الوحدة مع سوريا بالتحديد خسرت سوريا ومشتهم يكلموا نفسهم
وعبد الناصر بقى الله يرحمه كان عايز يمارس عليهم القمع اللي بيمارسه علينا وهم عندهم قمع محلي فكان ح يبقى قمع اس اتنين

هم كانوا ناقصين قرفنا احنا كمان؟


بالنسبة للساني اللي زي الفرقلة

والله انا كبرت على الرباية
ده انا قربت اموت


سؤال اخير
انت تالت مينا اعرفه في حياتي
اشمعنى؟

Blank-Socrate said...

انا باشكرك جدا على الرد و الاهتمام و الوقت بتاعك
الموضوع كبر قوى
هافكر كويس و ارد لو عندى اى تعليق
لو لأ مش هرد
:)
لكن بردوا هاكون موجود فى البوست اللى بعده
انت اتكلمتى كلام كتير فى حاجات كتير
----
ان في 3 مينا فى حياتك
دا كويس و لا حاجه وحشه؟
انا فى نوارة واحدة فى حياتى
انا متفائل ان دا شىء كويس
تحياتى

Dena said...

Nawara...is the name correct??? I apologize for not writing in arabic since I don't have an arabic keyboard. I will try to answer some of the questions I've seen floating around in the comments to the best of my ability.

First and foremost unfortunately it is very hard to find material evidence on anything happening in Sudan simply because as you mentioned the reports all come from certain agencies and organizations and certain sides who have a lot of interest in Sudan so they are far from objective or unbias. If you watch any of the youtube videos you simply cannot tell where these things are being filmed. For example, a lot of times when they show you a picture of what they supposedly call the Janjawid who are supposed to be "Arab" militias in Darfur anybody who is not Sudanese will not be able to tell the difference because people think all Sudanese look alike, but for Sudanese people it is very easy to tell that many of those "Janjawid" men have features closer to the features of what they call the "African" tribes of Darfur and West Sudan. Ya3ni anybody can dress up in a certain way and say I'm Janjawid and nobody who isn't Sudanese will be able to make the distinction or even question whether this is true or not.

Another thing about the videos that supposedly show the problems in Darfur...I could not find a single video that shows dead bodies that have been salyed it is all pictures of broken down huts and people in refugee camps or maybe bones of dead people (by the way how long does it take for a dead body to become bones???? if you know what I mean??) and maybe accounts of some people saying that they were raped, massacred, and so on. So technically there are no pictures or videos that were taken live as an attack is happening unlike what was happening in Gaza for example.

You will hear about news of Darfurian rebels attacking a camp or a group of people or organizations in the region, but you won't find any videos that show the damages that these rebels have done. why is that???

Second of all who is counting the numbers of the people who were being killed???? In fact is there even a census of the number of people living in the region at all??? Do these people take into account the fact that the borders between Chad and Darfur are almost no existent and many people walki in and out of the region freely???

in 2003 when the problems started coming to the surface for the first time even though the problems of Darfur have been happening for far longer than that because of the diminishing resources as I said before, the New York times started giving a whole bunch of different and conflicting numbers, and it was the New York Times that first started this whole Save Darfur Campaign even though the US has economic sanctions on Sudan so I don't know how an American company got "confirmed" information about Sudan in the first place. First it was 200,000-300,000 then it became closer to a million then it went back down to 200,000 to 300,000 and this is the number that has been used for the past five years...WHO IS COUNTING THESE NUMBERS??? and for 5 years the number remains between 200,000 to 300,000???? what does that mean????

I live in the States and tried to volunteer with refugees from Sudan both from the South and Darfur with an Organization calle Care. The most interesting fact I heard from people working in the Organization is that they found a lot of bogus cases...meaning that they found many people who claim they are Darfurian refugees but when they investigate their cases they discover that these people are not from Darfur and they are not even Sudanese!!!!!!!

Does this mean that the government is totally innocent from committing crimes in Darfur..absolutely not because after the rebels started the unrest the government tried to control them but several tribes gave refuge to these rebels so the government started retaliating by arming other tribes to fight the rebels...but what happened??? Those government backed tribes started finishing off buisness with the other rival tribes or started taking revenge based on past conflicts revolving around the diminishing resources. (I hope this makes sense).

The Darfur issue began waaaaaaay longer than the 2003 claims of "genocide" which all of the sudden couldn't be proven anymore so it became war crimes. The desertification of the region caused the farmers and nomads to fight each in order to control resources. Is Darfur a neglected region....yes...but so is the rest of Sudan. There was no development in Sudan for almost 20 years because of the corrupt government and because of the war in the South. However, truth must be said...this government has the highest number of officials who are from West Sudan..so technically the West was politically represented in the government...and believe it or not...some of the rebel leaders from Darfur like Khalil Ibrahim from the Justice and Equality movement was working with this very government that he now is fighting...another thing that people don't pay attention to is the possible role of Al Turabi in this rebel movement...all hell broke loose in Darfur after Al Turabi was removed from the government and he has very close ties with some of the rebel leaders like Khalil so could he possibly have a role in initiating the attack against the government??.

Nobdoy is learning from the lessons of South Sudan...the role of foreign intereference was very clear in South Sudan for example the rebels in South Sudan were trained by Moussad and other foregin intelligence agencies. A lot of false information was propagated by the media and nobody cared to search the truth...there were reports from Care and the UN saying that most people in South Sudan were not killed by the war but rather dying because of conflicts between Southerners but these reports were never publicized because it was necessary to create a state of Isolation on the Sudanese government...you can get a lot more support if you're saying the the bad Muslim Arabs of the North are killing the poor Christians in the South...however, not all Northern Sudanese are Arabs or Muslims and the majority of Southern Sudanese are not Christian...in fact the percentages of christians and muslims in south sudan are almost equal...and the majority of Southerners practice traditional religions. The same is happening now in Darfur...in order to have a good case to practice more international pressure on Sudan and its government you have to say that "Arab" Darfurians are practicing genocide against "African" Darfurians even though Darfurians are some of the most mixed tribes of Sudan and despite all the other factors that may lead to such conflicts other than just the supposed race card.


Sorry for the long comment but I am really sick and tired of all the lies and half-truths propagated about the issue of Sudan. Al Bashir is responsible but he is not the only one and things should be said they are not as they want it to be.

Desert cat said...

من جاء بانقلاب يذهب بانقلاب واعتقد ان الموضوع مش له علاقه بالعدل وانما لاسباب سياسية بحته انا موافقه على اللى هتعمله محكمة العدل الدولية لكن بشرط مش يبقى البشير لوحده المفروض كل حاكم وصل شعبه للهلاك يتحاكم لو البشير جريمته واضحه وبيقولوا ان له يد فى اللى بيحصل فى دارفور .. فالناس التانية جريمتها اوضح فى اللى بيموتوا فى عرض البحار

samehrocks said...

هذا ما يمكن ان نطلق عليه الفكر التعريصي... اذا كان هناك اثباتات ان الراجل البشير ده ارتكب فظائع في دارفور وكان سبب في مقتل مئات الألاف من الناس طيب ليه ما يتقدمش للمحاكمه... انا معاكي بوش و شارون وتسيبي ليفني وألمرت كلهم مجرمي حرب (والبشير أيضا) لا أحد ينكر ذلك... بس طالما البشير مجرم يتحاكم، أهو المجرمين ينقصوا واحد، هنيجي ونقول لأ هاتو بوش يتحاكم الأول؟ طيب الاسرائلين أقنعوا العالم انهم كانوا بيدافعوا عن نفسهم ضد صواريخ حماس، وبوش أقنع العالم انه بيتخلص من ديكتاتور بشع زي صدام حسين، البشير بيقتل ويهجر و يغتصب أهل دارفور بأي ذريعه؟؟

ربما تشرق الشمس said...

السلام عليكم
كل مشكلة البشير أنه مش معاهم
يمكن الاطلاع على مقالي في نفس الموضوع على مدونتي