Thursday, 26 March 2009

اطفال جنين يغنون للناجين من الهولوكست عبر جمعية خيرية اسرائيلية

لا اسم الله عليا انا ما اتجننتش، انا شفتها بحبابي عنيا اللي ح ياكلهم الدود على البي بي سي عربي
عارفين نغمة ننة هوه؟ اهو، اهي هي هي نفس النغمة بس جايبين كام مراهق ومراهقة (البنات كلهم محجبات اذا كانت المعلومة دي تهمكوا) من جنين بيقولوا على نغمة ننة هوه الاغنية دي: نحن نصلي للسلااااااااااام، نحن نصلي للسلااااااااااااااااام، نحن نصلي للسلااااااااااااااااااام، نحن نصلي للسلاااااااااااااااااام، نحن نصلي للسلاااااااااااااااام،
لا استنوا الغنوة لسة ما خلصتش
نحن نصلي للسلااااااااااااااااام، نحن نصلي للسلاااااااااااااااااااااام، نحن نصلي للسلاااااااا
طب ما تزقوش
والعيال وهم بيغنوا كان شكلهم عامل كده
اما بالنوسبة للناجين من الهولوكوست اللي كانوا قاعدين يسمعوهم فكان شكلهم كده
طب وليه الجوازة اللي مش نافعة دي ؟ هو الحب بالعافية؟
العالم كله عاملين زي اتنين بينهم بزنس وعشان كده عايزين يجوزوا العيال لبعض والواد والبت مش طايقين بعض
كام سؤال على الماشي:
-مش جينين دي اللي كان فيها محرقة من كام سنة وشارون رفض هيئة التحقيق اللي جاية من القلل المنتحرة تدخل جنين وقال مستعد اتحمل عقوبات منعهم ومش مستعد اتحمل تبعات دخولهم؟ بصراحة كده
-جمعية خيرية اسرائيلية... استخرج جملة مفيدة مما سبق
امي سألت سؤال وانا ما اقدرش احرمها من حاجة، دي امي: مين السمسار اللي ورد العيال دي؟
وبما اني انسانة مادية فانا باسأل: اخد كام؟
--------
وفي نهاية الحفل عزفوا لهم اغنية انت عمري بمنتهى النشاز اللي خلقه ربنا في الدنيا كلها، عمري في حياتي ما سمعت نشاز كده، ياريت كان فيه تسجيل كنت سجلت لكوا بصوتي عزفوها ازاي
تقريبا بينتقموا منهم، مين عارف؟ يمكن عملوا استراتيجية جديدة في المقاومة انهم يفضلوا يغنوا لهم نشاز ويعزفوا لهم نشاز لحد ما ما يقعوا من طولهم فيييييضررررب برجلك تررررررررررهب العديوووووووو

33 comments:

الكلمة نور said...

صحيح هى البى بى سى بتدفع؟
وبتدفع كام؟
ومين المسئول؟
وبالمناسبة مش محتاجين حد يغنى للسلام من مصر؟
انا صوتى حلو

جبهة التهييس الشعبية said...

لا لو صوتك حلو مش ح تنفع
لازم تبقى نشاز

الكلمة نور said...

ننشز لو الطلب نشاز

TAFATEFO said...

هو ايه علاقة الناجين من الهولوكوست بأطفال جنين بالسلام؟؟

أقترح إضافة تاج جديد بدل احا

TAFATEFO said...

وبعدين هما الناجين من الهولوكوست بعد كل التعويضات اللي أخدوها من كل البلاد .. محتاجين حد يغنيلهم؟؟

يا حرام

sindebad said...

اذ باض الشيطان بيضة افرخت بنتا جميلة
فردريش شيلر - شاعر الماني

جبهة التهييس الشعبية said...

طفاطيفو

انت فين يا راجل

صحابك الساداتيين مستلمين اهلي ونازلين شتيمة في البيندنج

:)

سندباد

ما اشربش الشاي اشرب أزوزا انا

ليلى نظمي

TAFATEFO said...

مممممممم

أصحابي الساداتيين !! ما علينا .. بطلوا يا أصحابي يا ساداتيين .. نواره هانم حلوه

على الله بس ميكونش مقصود بأصحابي الساداتيين أنا

في أسوان .. متأمريش بأي حاجه؟؟

TAFATEFO said...

الشيطان يلد .. لا يبيض**

---------------------
(**) حقيقة علمية

جبهة التهييس الشعبية said...

ههههههههههههههه

الشيطان يلد؟ هو راجل وللا ست
:))

انت مين يا عم

باقول لك في البيندينج
باعمل لهم ريجيكت عشان بيقولوا كلام زي العسل بصراحة

وكل يوم يبتكروا حاجة جديدة
انا خايفة على اخر الشهر يطلع عندي عيل رامياه في الملجأ

sindebad said...

الشيطان مكار وتوقع منه اي حاجة

ايوشة said...

اطفال جنين يغنون للناجين من الهولوكست عبر جمعية خيرية اسرائيلية


ده تاكيد اننا شعوب متسامحة جدااااااااااااااااااا لدرجة اقتلنى ولا يهمك انا مسامح بردو

TAFATEFO said...

هي دي حاجه يتخاف منها؟؟ هو حد لاقي عيال علشان يرميهم في الملجأ؟؟

خلاص يا فندم .. اللي تخلف بعد كده تحط راجلها في عنيها وتبوس رجلها شعر ودقن

بيقولوا ان وزارة الصحة أخفت إحصائية عن نسبة اللي بيستخدموا منشطات سيكو سيكو في مصر

sindebad said...

سونة اجدع ناس
سعيد صالح

أكون أو لا أكون said...

العالم كله ماشي بالعبط والاستهبال الإنحطاط...!!!
زي اللي بيركب الحمار بالمقلوب ويفضل ماشي بيه ووشه ورى...!
هي كده...
غلط في غلط...
أنا لسه شايفه صور لأطفال مشهوين نتيجه الحرب على العراق...
وقال إيه سلام سلام...
الله يخرب بيوتهم... ولاسلام مع اللي قطعوا
...وحرقوا ولادنا وشوهوهم
ليه مايجمعوش الولاد المشوهين ويخلوهم يغنوا السلاااام السلااام... علشان تكون الأغنيه أكثر رومانسيه وكلاسيكيه....ونشاز بجداره...!!!

عاشــــــ النقاب ـقــــة"نونو" said...

مش يمكن كدبة ابريل وبيجتهدوا في عملها بدري بدري
ولا بجد دة
حسبي الله ونعم الوكيل
ازيك يا نوارة
كل عام وانتم بخير

مواطن مصري said...

التطرف هيوصل العالم الي الدمار سواء كانت متطرفين صهاينة او مسيحين او مسلمين


@طفاطيفو الشيطان ذكر

مواطن مصري said...

ب الرغم اي احب السادات و لكن الي بيشتم في الاهل هو انسان غير عاقل

مواطن مصري said...

مش دة تطرف يا نوارة
http://www.almasry-alyoum.com/article2.aspx?ArticleID=204337&IssueID=1356

حبس مصريين فى السعودية وترحيلهما «مكبلين بالحديد» لإسقاط مستحقاتهما.. وشكوى إلى الرئيس: يعاملون الحيوانات أفضل منا

سيادة الرئيس».. إننا المصريون العاملون بالسعودية نعامل معاملة سيئة للغاية، بل إن معاملة الحيوانات أفضل منا بكثير، ونحن لا نطلب أكثر من العيش الكريم واستعادة حقوقنا التى استولوا عليها كأننا عبيد».. كان هذا هو نص الشكوى الثالثة التى أرسلها مصريان كانا يعملان فى المملكة العربية السعودية إلى الرئيس مبارك بعد أن تم ترحيلهما إجبارياً، وقدما الشكوى بعد أن طرقا أبواب السفارة المصرية فى الرياض، ووزارة الخارجية، ثم وزارة القوى العاملة، والمجلس القومى لحقوق الإنسان، وأخيراً رئاسة الجمهورية.

٥٣ رجل دين سعودياً يطالبون بمنع ظهور المرأة فى التليفزيون والصحف
http://www.almasry-alyoum.com/article2.aspx?ArticleID=204374
تى هذه التصريحات متزامنة مع ما طالب به ٥٣ رجل دين سعودياً بارزاً وزير الإعلام الجديد عبدالعزيز خوجة، بفرض حظر تام على ظهور المرأة فى التليفزيون، والصحف، والمجلات، بسبب ما اعتبروه «تجذراً للانحراف» فى الإعلام السعودى، والنوادى الأدبية ومعارض الكتاب، وقالوا فى رسالة نشرت على شبكة الإنترنت «الرجاء فيكم كبير أن يتم الإصلاح الإعلامى على أيديكم ابتغاء مرضاة الله جل وعلا».

وندد الموقعون على الرسالة بـ«تبنى مشروع تغريب المرأة السعودية واختزال حقوقها فى السفور والتبرج واختلاطها بالرجال، وفتح الباب على مصراعيه للفكر الليبرالى، إضافة إلى الغناء والمعازف ونشر صور النساء، وخروج المغنيات والمذيعات من السعوديات وغيرهن، والسعى إلى اختلاطهن بالرجال فى مبنى الوزارة».


ها مش دة وجهة اخر ل انواع التطرف

احمد سعيد said...

صراحتا الثابت انه احيانا يلد واحيانا يبيض
يتاع كله يعنى
طبعا المقصود هنا انثى الشيطان
وليس الشيطان الدكر
كما هو مثبت فى المراجع السحريه الشعوذيه الكبرى
كشمس المعارف الكبرى
للعلامه ابن البونى بك
حيث قيل ان بعض الطوائف تلد
كالمردة مثلا
بينما تبيض بعض الطوائف الاخرى
كالغيلان مثلا

وممكن يقضوها اطفال انابيب

عند حاله التزاوج مع الانس

وفى هذة الحاله يكون المولود بقرنين وديل
فى اخرة شوكه

.............


دائرة معارف الشرابيه

tuhamy said...

مفيش حد يغني للناجين من محرقة غزة؟؟؟


وأنا أدفع لة اللي يبغاه

tuhamy said...

مفيش حد يغني للناجين من محرقة غزه ؟؟؟


وأنا أدفع له اللي يبغاه

هو فيه ايه!!! said...

استاذه نواره انا متبعاكى من زمان بس اول مره اعلق عندك بصراحه اكتر شىء يستفزنى التطبيع الاجبارى ده زى ما عملو معرض عن مصر وبيقولو السفير مرحش...هو بالعافيه... هى حركات ومسرحيات اسرائيل الغبيه علشان اوربا... بس على فكره انا ناصريه وساداتيه "ومتساليش ازاى" بس بعد متابعتى ليكى شايفه انه موش هينفع وهحاول ارسى على بر ...سلام

جبهة التهييس الشعبية said...

صباح الخير يا شباب

صحيت الصبح لقيت حوالي مية وسبعين تعليق قلت يا ما شاء الله
مين دول كلهم

ههههههههههههههههههههههه

والله العظيم الساداتيين دول عندهم

mental disorder

طب والله العظيم كمان مرة

طيب يكتبوا يدافعوا عنه بكلام عاقل عشان انزل الكلام اللي بيقولوه لو عندهم حاجة يقولوها

مية وسبعين تعليق؟

منهم حوالي خمس تعليقات بس اللي نفع تنزل اللي هي تعليقاتكوا والباقي بقى خلل عقلي كامل
هو مش فيه جامعة السادات ومعاش السادات؟ عايزين نعمل مصحة السادات

جبهة التهييس الشعبية said...

والله يا مواطن اللي انت كاتبه على السعودية ده زي ما تقول مثلا: مصر بتمنع اللي بيلبسوا جلابية من دخول الاوبرا

يعني ال سعود دول عاملين كل البلاوي اللي خلقها ربنا ما سابوش وساحبين حسني وراهم زي المعزة ومبهدلين الدنيا و
sleeping with the enemy
وكابسين على نفس الناس وحابسين نص البلد واللي بيروح ما بيتعرفلوش اسم ولا رسم خلاص، دخل في بحر الظلمات

كللللللللللللل ده
وهو بس ده اللي مضايقك

Anonymous said...

كل سنةوانتم طيبين النهاردة 26 مارس

Anonymous said...

مصر قبل كامب ديفيدهي
التي علمتالعرب العزة والكرامة والكبرياء

مصر قبل كامب ديفيدهي
نهضة الاداب والفنون
واليوم هي فن الاسفاف و ثقافة الهيافة

مصر كورنيش النيل
والذي تم بناؤه في اسابيع باشراف البطل عبداللطيف البغدادي
واليوم تطفح مياه الكورنيش بمخلفات المصانع والحيوانات والطيور النافقةو
يتم تبوير الاراضي الزراعية اليوم والبناء عليها ثم يحاولون استصلاح الصحراء

مصر الصروح الصناعية الكبرى
مثل الحديد والصلب الذي باعوه لاحد باشوات العصر الامريكي
ومصانع الاسمنت الذي يصدرونه الان للكيان الصهيوني لبناء جدار الفصل العنصري

مصر الدولة المدنية
التي ينعم فيها كافة الاطياف بمواطنة كاملة
والتي لم تحدث حادثة فتنة طائفية واحدة
و اليوم لا يمر عام بدون حادثة مفجعة

مصر الدولة الاقليمية العظمى
والتي لقبت
بالاخت الكبرى للدول العربية
و اليوم مصر مثلها مثل اي دولة عادية في المنطقة
وانحصر دورها كشرطي على حدود دولة بنت صهيون

مصر الآن
هي الطفيلية المتسلقة والحرامية في زي رجال اعمال
والتعليم الخرب و الذمم الفاسدة وطب تجارة الاعضاء

مصر كانت
المقاومة لكل مشاريع الاستعمار بالمنطقة والخطر الاول على العدو الصهيوني
ومصر الان
هي عراب التسويات المهينة وصديقة العدو الصهيوني
واداته في خنق اخوتنا في فلسطين وشرطي الاستعمار الامريكي

واليوم تسمح بمرور البوارج لاحتلال العراق

marwan said...

يا نوارة يا نورتنا قوليلى هما لية ان شاء الله أطفال جنين يغنوا أنت عمرى وكمان اية الاشكال والمناظر بتاعت الاسرائيلين ايلى فى الصور دى لأ وكمان ناجين امال لو مش ناجين كان حيبقى اشكالهم اية أعوذ بالله من الخبث والخبائث

Pink said...

@ TAFATEFO

هو ايه المقصود بالضبط بالسيكو سيكو و لماذا التورية ؟

كشف الدكتور حسين غانم أستاذ أمراض الذكورة بالقصر العيني وأمين عام الجمعية العربية للصحة الجنسية، من خلال دراسة حديثة له عن أن 75% من السيدات في مصر يطالبن أزواجهن بتناول المنشطات الجنسية، مشيراً إلى أن ضغوط الحياة جعلت الرجال غير قادرين على القيام بمجهودات كانت بسيطة وعادية في وقت من الأوقات مما أثر بدوره على علاقاتهم بكل من حولهم.

http://www.almesryoon.com/ShowDetails.asp?NewID=55472&Page=13

TAFATEFO said...

دراسة د؟ حسين غانم قد تكون عن نسبة غير ممثلة .. لكن وزارة الصحة بتعمل إحصائيات عن انتشار ظواهر معينة على عينات كبيرة وممثلة .. وبتخفي معظمها أو تغير النتيجة

زي نسبة انتشار مرض الإيدز في مصر مثلاً .. أو النسبة الحقيقية لانتشار فيروس سي بين المصريين وحاجات تانيه

واحد في الوزارة بيقوللي ان نسبة العجز الجنسي عند الرجال فوق الـ40 عام في مصر كارثية .. وان نسبة الضعف الجنسي مهولة

جبهة التهييس الشعبية said...

هههههههههههه
يعني انا شفت التعليقات ونزلتها وسكت

ما تقعدوا بقى ربنا حليم ستار

هو احنا محتاجين دراسة؟ ما الـ... وللا بلاش هههههههههه

فيه حاجة في الاكل

او غالبا في المية

لا هي في الهوا لان الموضوع كده شكله مش طبيعي

عموما فيه واحد زميلي في الشغل مراته بتشتغل في جرنال وموظفين من وزارة الزراعة قالوا لها فيه مواد مسرطنة مقفول عليها في وزارة الزراعة واحنا خايفين لان الريحة عمتنا

ما اعرفش هي عفنت وللا ايه؟ ايه حكاية الريحة طلعت دي

وبيقولوا ان الشحنة جاية من اسرائيل

برضه

برضه

احنا بناخد سبعة وخمسين قفا على سهوة؟

فاذا كانوا بيبعتوا سرطان اكيد ح يبعتوا حاجات تانية

خصوصا انهم كانوا غيرانين مننا في الموضوع ده
هههههههههههههههه
لا حول ولا قوة الا بالله

معلش معلش
المهم المعاملة الكويسة

حسكوا في الدنيا يا رجالة

Pink said...

@ TAFATEFO

اتفق معاك في اسلوب التكتيم و التعتيم الحكومي علي مشاكلنا الصحية و هذا ليس بجديد و لعل اكبر مثال هو ما حدث في الستينات ايام حكم عبد الناصر و كان مشهورا بمواقفه تجاه الفلاح المصري فبالاضافة الي الغاء الاقطاع و تمليك الفلاحين للاراضي الزراعية , بدأت وزارة الصحة انذاك حملة كانت الاولي من نوعها لعلاج الفلاح المصري من اقدم الامراض المتوطنة في التاريخ الا و هو مرض البلهارسيا. و كانت حملة قومية بحقن الفلاحين بالعقار العلاجي وقتها. لحد هنا مفيش مشكلة و لكن المشكلة كانت في استخدام الحقن الزجاجية في عدة مرضي في آن واحد و عدم الاهتمام بتعقيم الحقن بل كانت الابرة تستخدم في عدة اشخاص دون اي تغيير او تعقيم. النتيجة الكارثية هي حدوث وباء الكبد الفيروسي "ب" و الذي استمر يحصد في ارواح و صحة المصريين عشرات السنين. و تكتمت الحكومة علي هذه الكارثة الصحية و توالي التكتيم بتوالي الحكومات و الحكام. و ما لا نعرفه في مصر و لا يعرفه الكثيرين من خريجي كليات الطب ان هذه الواقعة قد سجلت في المراجع الدولية كأكبر وباء صنعه الانسان في التاريخ الموثق. و لم اعلم بذلك الا عندما قرأت مقالة في
JAMA
منذ عدة اعوام.

و لكن تعليقي لم يكن لهذا السبب. ما اردت قوله هو لماذا نتعامل مع الموضوعات الجنسية و كأن الجنس "تابو" لا يصح الحديث فيه او عنه حتي لو كان الحديث جادا؟
و الغريب ان هذا التابو الاجتماعي لا اصل له في الدين او في موروثنا الثقافي. فها هي احدي نساء الانصار تسأل الرسول (ص) هل تحتلم النساء و أخري تلح في السؤال ليوضح لها الرسول (ص) أين بالتحديد تضع خرقة القماش و و تصف السيدة عائشة رضي الله عنها نساء الانصار بقولها رحم الله نساء الانصار لم يمنعهن حياؤهن من التفقه في الدين.

و لا يعلم كثير من المسلمين انه في صدر الاسلام و بعد 200 سنة هجرية خرج من تونس الشيخ نفزاوي بأول كتاب تعليمي عن الجنس و قد كتبه بتكليف من الوالي و هو كتاب " الروض العاطر في نزهة الخاطر" . و رغم صدور غيره من الكتب الا ان هذا الكتاب حظي و لا يزال بمكانة عالمية فريدة فقد تم ترجمته لعدة لغات و اعتبره الكثيرين بمثابة "كاما
سوترا" العرب

و غيره كثير من الامثلة التي تطرح بالحاح كيف اصبح الجنس عيب و الكلام فيه قلة أدب

احمد سعيد said...

بينك
...........

ياماما الجنس عيب
وكوخه

وعمل شيطانى مذموم

ولاننا مصريين

محترمين


طعمين ومؤدبين


عيييييييييييييييب


عيب والف عيب نتكلم عن الحاجات دى


خاااااالص


بس نعملها فى الحرام


ونصورها صوت وصورة


ونعيب بيها على بعض


ونطلع بيها اوشاعات



ونقذف محصنات وناس شرفا



ويجيلنا سعار حيوانى بحجتها



كدة ماشى



انما تقولى احصائيات وكلام فاضى


وصحه ومصحاش


وتابو مغلق وتابو غير متاح



توء توء توء


عييييييييييييييييييييييييب


احنا شعب مؤدب مش بنتكلم فى الحاجات دى




شششششششششششششششششششششششششششششش