Monday 16 May 2011

محضر الجلسة لندوة المجلس الاعلى للقوات المسلحة

تحديث:
نسيت اقولكم كمان ان محمد صبحي قال: انا منزعج جدا من المطالبة بحل مباحث امن الدولة، كل دولة لازمها امن
تحديث:
اه.. نسيت اقولكم، اخو هشام طلعت مصطفى قعد يقول: انا زعلان على بلدي، ونفسي اساعدها، بس انا خايف اتحول للنائب العام.. ومن ضمن الكلام اللي قلته وانا نسيت اكتبه، اني قلت تعليقا على الكلام ده: على فكرة احنا مش عايزين نتذل لحد، وماحدش يقول لي ان القانون والعدالة بيعطلوا الاقتصاد، احنا نزلنا في الثورة عشرين مليون، ومستعدين نتطوع في اي عمل عشان نحمي اقتصاد بلدنا ولا ان رجال الاعمال الفاسدين اللي خايفين من القانون والامارات يذلونا ويجبرونا اننا ما نحاكمش الفاسدين، وعلى فكرة احنا مش بنقبض بالدولار ولا بناكل كنتكاي
وحسين عبد الغني قال اللي عايز يشتغل بالقانون اهلا وسهلا بيه، اللي مش عايز بالسلامة
بسم الله الرحمن الرحيم يا رب ما انساش اي حاجة ابدا
ابتدت بأن اللواء محمود نصر عضو المجلس العسكري قال: نود التأكيد على ان المجلس العسكري يعترف بشرعية ثورة 25 يناير، واستعرض الحالة الاقتصادية بالارقام، واخد وقت بتاع ساعة كده، وفيه بريزينتيشن ان شاء الله احاول اخدها منهم عشان انشرها، وقال ان فيه ازمة اقتصادية، بس انا متفائل بروح الثورة، لكن عندنا مشاكل آنية، واحنا مجتمعين مع حضراتكم عشان نسمع اقتراحاتكم وافكاركم غير التقليدية لحل الازمة الاقتصادية الحالية، احنا جيش.. دي اول مرة نحكم بلد، ومحتاجين مساعدتكم، ما اتحطيناش في الموقف ده قبل كده.
بعدين اتكلم حسب الله الكفراوي الكلام بتاعه ده، وقعد يترحم على السادات، والحقيقة ما خلصش كلام، وبعدين اتكلم بعديه واحد مش فاكراه، وقال كلام مش مهم ابدا ابدا ابدا، البتة يعني، بعدين د. ابو العلا ماضي اتكلم في مقترحات اقتصادية، وبعدين واحد مش عارفاه قعد يحط خطة خمسية ويتكلم في التفاصيل، فالدكتور جلال امين اتغاظ وقال ده كلام مش مهم ابدا، راح اللوا ما صدق وقال فعلا كلام مش مهم، واحنا عندنا في القوات المسلحة لما بنقول حنتكلم خمس  دقايق يبقى هم الخمس دقايق مش تلت ساعة، احنا مش طالبين خطة خمسية، عارفينها احنا الخطط دي، احنا عايزين حلول آنية تسعف الحالة الاقتصادية بشكل آني. بعدين اتكلم طلعت السادات واعوذ بالله.. اعوذ بالله وربنا، تقولش السادات يبعث من جديد؟ رغي رغي رغي، ورايش كله.. وفاكر نفسه بيتكلم في مجلس الشعب وقعد يقول: افتح يا راجل.. افتح.. اه وربنا قال كده، راح اللوا بص له وهو مش فاهم كده، راح قايل: افتح لي الاستثمارات، خلاص.. الحبيب العدلي مشي، ما تقعدش تاخد فلوس من المستثمرين، افتح افتح افتح.. هو حيجيبه من برة؟ وواحد من الاخوان اتكلم وقعد يقول في ارقام ويشكك في الارقام اللي طرحها المجلس العسكري فاللواء قال له الارقام دي دقيقة وممضي عليها وانا حاجيب لك التقرير. وعماد اديب كان قاعد جنبي قال: هو ده بقى اقتصاد الاخوان.. مافيش فكر خالص! 
كل ده وانا رايحة وجاية على واحد كده اكتشفت انه مدير الاوتيل في الاخر، وقلت له انا مفوضة من حوالي 250 واحد على المدونة والتويتر اني اوصل صوتهم للمجلس هنا، ولازم اتكلم ودول مش بيسكتوا، راح مقعدني قدام عشان ييجي الدور عليا بدري، اصلهم كانوا بيتكلموا بالدور، ورحت باعتة للواء ورقة بالمعنى ده، وقلت له يا تخليني اقرا النقط اللي معايا يا اكتبها لك في ورقة، راح باصص لي وانا رافعة ايدي وقال: دي نوارة؟ نصقف لها يا جماعة عشان دي من شباب الثورة العظيمة ماحدش صقف غير حسين عبد الغني وجلال امين وابو العلا ماضي. فيه حد تالت اتكلم برضه عارفين مين؟ عميد كلية الاعلام اللي بلال فضل شطفه على اون تي في، قعد يقول لازم تواجهوا الاعتصامات الفئوية بكل حسم وحزم، وبعدين عادل حمودة اتكلم بعده وقال: انا اللي كشفت فساد داماك، لكن احنا محتاجين دلوقت ان اي رجل اعمال دفع رشوة لمسئول المسئول هو اللي يتحاسب ورجل الاعمال ما يتحاسبش والا الاستمثارات حنخسرها، قام اللواء قال: والله انا عارف الكلام ده، بس الناس مصرة على المحاكمات، واحنا ما نقدرش نتدخل في القضاء، لكن مثلا الامارات لما لقت اننا بنحاسب بتوع داماك قالوا بتعملوا في الناس بتوعنا كده؟ طب مافيش استثمارات، واحنا محتاجين الاستثمارات دي بشكل ملح والا الاقتصاد حينهار. وبعدين اللواء قال لي تعالي يا نوارة اطلعي هنا وكلميهم... وراح مشاور عليا وهو مبتسم: دي من بتوع الثورة، لازم نكرمها
فقلت لهم الآتي بالنص:
انا مش عايزة اتكرم ولا حاجة انا قبل ما اجي نزلت على المدونة والتويتر اني جاية هنا وفيه حوالي 250 واحد وكلوني اقول الكلام ده، وانا الثوار بيقولوا عليا "نوارة عميلة الجيش المصري" وانا مش زعلانة من اللقب ده لاني باحب الجيش، ولو اني عمري ما قعدت مع ظابط جيش غير واحد من سنتين كان بيحبني وما حصلش نصيب، الكلام عن الازمة الاقتصادية اللي كلنا عارفين اسبابها ومافيش داعي للاستفاضة فيها والشباب بيقولوا ان عشان الازمة الاقتصادية تتحل نوفر فلوس الداخلية، الامن المركزي على سبيل المثال امبارح ضرب المتظاهرين بالقنابل المسيلة للدموع والرصاص المطاطي والخرطوش، بعد غياب من يوم 28 اول ظهور للشرطة كان وهي بتحمي السفارة الاسرائيلي من متظاهرين مصريين، اذا كان الناس دي عقيدتهم ان الشعب هو العدو وان مهمتها تحمي اسرائيل يبقى ادوهم اعانة بطالة وفيه تسعة مليون عاطل مستعدين يخدموا بلدهم وولاءهم للوطن وللشعب مش لاسرائيل. امبارح اللواء فاروق لاشين المتهم بضرب المتظاهرين اثناء الثورة واللي بعد كده بقى محافظ الجيزة كان بيقود معركة ضد المصريين لحماية السفارة الاسرائيلي، والامن الوطني لسه بيشتغل ضد الناس. 
الحالة الاقتصادية عشان تتحسن لازم الناس تستعيد الثقة مع المجلس العسكري، انا عايزة اوضح ان انتوا دايما بتفهمونا غلط، ودايما بتعتبرونا بنشتمكم، احنا لو ما كانش لنا عشم في القوات المسلحة المصرية ما كناش هاجمنا ولا اتكلمنا، كنا عملنا زي ما عملنا مع الامن المركزي، احنا بصراحة بنحتقر امن الدولة والامن المركزي، لكن بنحب الجيش المصري، والاثر النفسي لتعذيب الجيش المصري للمتظاهرين اقوى بكتير من الاثر البدني، لازم تبطلوا تضربونا، ولازم الثقة ترجع، وعشان ترجع يجب الافراج عن كل المعتقلين، واعادة المحاكمات العسكرية، ورفع كل القيود عن وسائل الاعلام. 
فيه حاجات كمان بتكلف الدولة فلوس وبتساعد على انتشار الفساد وده بيهدد الحالة الاقتصادية، زي المجالس المحلية، وزي المحافظين اللي لازم يبقوا بالانتخاب، وانتخاب عمداء ورؤساء الجامعات، وعشان الامن يرجع لازم يتحاكم ضباط الشرطة المتورطين في ضرب المتظاهرين. 
(في الحتة دي طلع جوز نسوان قالوا: ما تخلصي بقى.. احنا مش عايزين نسمع الكلام ده، فاللواء محمود قال: لا.. سيبوها تكمل وتفضفض.. قلت له: انا مش بافضفض، انا جاية لك بتفويض من اكتر من 250 مواطن وانا لخصت كلامهم دي معجزة)
لازم يتم اتخاذ موقف حاسم من الشرطة، فاللواء قال لي: بس احنا مش ثوار، احنا جيش، يعني ما بنفهمش غير في ضرب الرصاص. قلت له: ليه كده يا سيادة اللواء، ده الجيش والشعب ايد واحدة. فالجدع بتاع جمعية جمال مبارك قال لي: والشرطة والشعب والجيش ايد واحدة. قلت له: لا انا اسفة، الشرطة هربت من واجبها من يوم 28 واول ظهور لها كانت بتحمي السفارة الاسرائيلية وبتضرب المصريين بالنار، تاني؟ بعد كل اللي حصل ده تاني؟ احنا مش حنقبل تاني ده يحصل. 
ولازم يبقى فيه شفافية، حضرتك قلت في كلمتك ان فيه اجندات خارجية وداخلية بتهدد الثورة وعايزة تفشلها، يا ريت تقول لنا ده مين، صارحونا، احنا في ضهركم ونعرف نحميكم، لأن عدم مصارحتكم لينا بتحطكم في موقف محرج، وبتخلي الناس تتهمكم انتوا، بالنسبة للاعتصامات الفئوية اللي كانوا بيقولوا عليها الزملا هنا عاملوها بكل حزم، الحزم الوحيد المقبول في حل الاعتصامات الفئوية هو حد اقصى وحد ادنى للاجور، بقى عايزين تتسامحوا مع رجال الاعمال اللي نهبوا مليارات وعايزين تتعاملوا بكل حسم مع عامل بياخد 400 جنيه؟ اعمل حد اقصى وحد ادنى للاجور وده مش حيكلفك لانك حتعيد هيكلة الوظائف والاجور من جوة المؤسسة وساعتها مش حتلاقي اعتصامات فئوية، لكن انا ما اقدرش اطلب من عامل بعد ما بات في الميدان 18 يوم انه يفضل يقبض 400 جنيه ويسكت. وبعدين قانون منع التظاهر ده مش عملي، وبينهك الشعب والجيش، لأن لا الشعب حيبطل يتظاهر، ولا الجيش حيبطل يضربهم طول ما فيه القانون ده، الغي القانون لانه منهك، وهو اللي بيعطل الانتاج، لان التعامل الامني بيخلي الناس تعند وتكمل اعتصام مش بتمشي، ثم طالبين نلغي التظاهر واصلا مافيش حاجة بيتم انجازها من غير مليونيات. 
الفتنة الطائفية اللي برضه بتعطل الاقتصاد مش حتتحل بالعرفي ولا بفض الاعتصامات، حتتحل بقانون دور العبادة الموحد وقوانين للمواطنة، والعدالة كمان كفيلة بانها تعيد الثقة بين الناس والجيش، مش معقولة ابراهيم كامل يبقى اول واحد ياخد براءة قدام محكمة عسكرية وعمرو البحيري ياخد خمس سنين وعايزين الناس تسمع الكلام. لازم يتم تحديد جدول زمني لتسليم السلطة لان الضبابية دي بتصيب الناس بالقلق، والناس القلقانة مش بتشتغل. واستمرار امن الدولة بيئذي البلد.. هم اللي بيعملوا الفتنة الطائفية، وهم اللي بيبعتوا البلطجية، لازم يبقوا تحت اشراف قضائي وحقوقي، واخلاء سبيل ضباط الشرطة المتورطين في التعذيب وضرب المتظاهرين عمره ما حيعيد الامن ابدا، ده حيزود الانفلات الامني. 
فيه ثروة بشرية اسمها العشوائيات، دي ممكن تدخل دخل للبلد، يعملوا ريسايكل للزبالة، مشاريع غزل ونسيج، بس هم مش عايشين في امان، هم مش بلطجية، البلطجية الهربانين من السجون هم اللي بيهجموا عليهم والشرطة العسكرية مش بتسأل فيهم والامن مش بيحميهم، فيه حاجة كمان حتفيد الاقتصاد: محاكمة اعضاء الحزب الوطني المتورطين في الفساد، الناس دي احنا محتاجين فلوسهم مش يتسابوا كده. 
الاعلام مهم جدا للتواصل مع الناس، وفيه ناس مدربة على النفاق حتى لو ما جلهاش اوامر، لازم السياسة نفسها تتغير. وما ينفعش حل مشاكل الطائفية بناس مثيري الطائفية زي محمد حسان، ويحيى الجمل دوره ايه في الحياة؟ بيعمل ايه يعني؟
(اللي في القاعة: تؤ تؤ تؤ.. بس بقى.. اللواء: سيبوها تكمل)
الحوار الوطني اعضاؤه غير منتخبين وما يمثلوش الناس، مجلس الشورى مالوش لازمة لانه مصروف على الفاضي، وزير الداخلية لازم يبقى مدني عشان يحافظ على حقوق المدنيين ما يبقاش عقلية بوليسية. 
اخيرا فيه كام حاجة لو اتعملوا الناس حترتاح والاوضاع حتتحسن:
- المخلوع يروح سجن طرة بدل ما احنا بنصرف عليه ما يروح مستشفى طرة، يعني ايه مش مناسبة له؟ ما هو اللي عاملها للناس يدوق اللي هو عمله للناس
(الناس اللي في القاعة: اففففففففففففففف تؤ تؤ تؤ) 
- اعادة هيكلة المؤسسات واجورها
- تغيير المحليات والمحافظين يبقوا بالانتخاب
- مافيش اعتصامات تتفض تاني بقى.. لا بالقوة ولا بالذوق، الاعتصام يتفض بالاستجابة للمطالب، ماحدش يمد ايده على المصريين
واللي اتقبض عليهم يطلعوا كلهم
-------------------
طبعا حتسألوني فاكرة الكلام ده كله ازاي، حاقولكم لاني كاتبة النقط على الكمبيوتر وطبعتها، فافتكرت كلام، وفيه نقط كتبتها في الجلسة افتكرت بعضها، والبعض الاخر مش فاكراه، زي ان في الاخر فيه نقطة خامسة مش فاكراها، بس فاكرة اني وانا راجعة مكاني واحدة محجبة وحاطة برنيطة على حجابها قالت لي: انتوا زودتوها قوي
اللواء محمود قال: طبعا احنا بنحييها لانها من شباب الثورة.. بس انا مش فاهم حاجة خالص، واكيد فيه ناس من الحضور ممكن يتكلموا مع الشباب ويفهموهم اكتر مني، لاني مش عارف افهم هم بيفكروا ازاي؟
!!!!!!!!!!!
بعدين قام الراجل اللي من جمعية جمال مبارك، واللي فضحه كان حسين عبد الغني، اول ما قال انا من جمعية شباب مش عارفة ايه راح حسين عبد الغني معلي صوته وقال: دي بتاعة جمال مبارك
الراجل ده قال: لازم يبقى فيه حسم وحزم في التعامل الامني.. فاللواء قال له: يعني ايه حزم بقى وحسم، فهموني عشان احنا جيش، يعني اول ما تقول حسم وحزم نفهم انك بتقول اضربوا بالنار
فقال له: اضرب بالنار
فاللواء قال له: نضرب بالنار؟
فجلال امين وحسين عبد الغني وانا وابو العلا ماضي وكام حد تانيين قالوا: لا لا لا.. وبعدين قلت له: او نجرب فيك يا استاذ.. انت اول واحد ينضرب بالنار، وحسين عبد الغني قال له: احنا مش محتاجين ناس فاشيست زيك
بعدها محمد صبحي اتكلم وقال: احنا كلنا ضد اسرائيل بس احنا مش عايزين ناس تحطنا في مواجهة مع اسرائيل زي اللي راحوا يقتحموا السفارة امبارح، راح اغلب اللي قاعدين صقفوا. وبعدين قال لازم يبقى فيه حسم وحزم، اي بلطجي يقتحم قسم اي بلطجي يعتدي على الناس اضرب بالنار فورا (تصفيق من القاعة) واي حد يعمل فتنة طائفية ياخد اعدام شنقا، ست شهور بس الفتنة دي حتخلص (تصفيق من القاعة). رحت باصة للظباط اللي واقفين ورايا وقلت لهم: انتوا عايزين تقتلونا؟ راح واحد منهم قالي: هو انت بتقتحمي قسم؟ قلت له: احيي بلطجي ولا تقتل بريء.. راح ساكت. 
بعد شوية جه مدير الاوتيل - هو ظابط جيش او مخابرات عسكرية ما اعرفش عشان لابس مدني - وقعد جنبي وقعد يرسم لي على الورقة ويقول لي انا عندي شقة، جبت كهربا بعشرتلاف جنيه، وما دفعتهمش، ده اسمه الدين الخارجي، جبت مقاول يشطب لي الشقة بميت الف جنيه، وما دفعتهمش، ده اسمه الدين الداخلي وبعدين سبت لمراتي 20 جنيه عشان تدفع فاتورة الكهربا، هو ده الاحتياطي بتاعنا. نعمل ايه؟ قلت له ايه الناس الفاشيست اللي انتوا جايبينهم دول؟ هم دول بقى اللي قلبوكوا علينا بعد ما كان الجيش والشعب ايد واحدة؟ قال لي: كل واحد فيهم كان بتاع مبارك واستفاد من مبارك ودلوقت جاي بيتكلم عن الثورة، عشان كده باحب ابوكي، عشان هو اللي شتم مبارك في وجوده، مش زي عبد الرحمن الابنودي اللي كان بيبوس ايد مبارك واول ما مشي عمل ثوري.. فماندي فهمي قالت له: طب ما انتوا اللي داعيينهم. قالها: نعمل ايه؟ احنا محتاجين مساعدة الناس، عايزين حد يحط لنا خطة كويسة عشان نجتاز المرحلة دي. قلت له: لو كان فيه خير ما كان رماه الطير، لو دول بيعرفوا يحطوا خطط ما كانش مبارك سقط.. اداني ورقة وقلم وقال لي: خدي اكتبي لي اسماء الناس اللي ندعيهم الاجتماع الجاي.. احنا خلاص ما بقيناش عارفين انتوا عايزين مننا ايه؟
كتبت كل اللي موجودين على الفون بوك بتاعي
ولما يتصلوا بيكوا روحوا
روح يا اخويا منك لها له.. روحوا واتكلموا وقولوا كل حاجة.. ده جيش مصر يعني، ولا ما يشبهش الفريدم هاوس، والمعهد الديمقراطي، والسفارة الامريكاني، وفريدريش ناومان، والسفارة التركي، وكود بينك، والبوسنة، والهند والسند وبلاد تركب الافيال، ما بتقعدوا مع طوب الارض ولما بنكلمكم بتقولوا: مش مهم انا رحت فين؟ المهم انا باقول ايه.. هو ده كان جيش اسرائيل؟ تسعين في المية من اللي راحوا الاجتماع ده راحوا عشان يلحسوا الجزم يمكن المجلس العسكري يرمي لهم عضمة يقرقشوا فيها، وكل اللي نازل عليهم: اضربوهم، احرقوهم، موتوهم، انسفوهم... لو نص العدد ده كان ناس عندها ربع انسانية السياسة اللي مضايقانا حتتغير، ذنب اللي حيموت بعد كده في رقبتكم لو ما رحتوش.. اديني باقولكم، الاغلبية اللي بترضى تروح بتحرض على قتلنا وش
انا كتبت كل اللي اعرفهم.. واللي حتجيله دعوة ومش حيروح حسبي الله ونعم الوكيل فيه، واللي حيروح ومش حيقول كل اللي في بطنه حسبي الله ونعم الوكيل فيه
حسين عبد الغني اتكلم كلام رائع، وركز على نقطة اساسية: انا شايف ان كل اللي بيتكلموا مسميين الثورة "الكارثة اللي حصلت" مافيش كارثة حصلت.. فيه ثورة عظيمة حصلت، ومافيش ازمة، ومافيش مصيبة حتحصل، الشرطة بتعاقب الشعب، وده مش مقبول.. راحت برضه واحدة كده طالعة لوحدها وقالت له: بس بقى.. خلص
راح شاخط فيها وقالها: هو انت مديرة الجلسة ولا سيادة اللوا؟ 
وراح مكمل كلامه، وقال ان فض الاعتصامات بالطريقة دي مش مقبول، واننا بنحب القوات المسلحة، لكن لو سمحتوا اسمعونا، كده الرصيد خلص، واذا ما كانش عقول ثورية هي اللي تدير المرحلة دي البلد مش حتمر بامان، ماحدش يعند مع الناس. 
جلال امين قال نفس الكلام تقريبا، بس قال ان ده مش وقت الحد الادنى للاجور، لكن ممكن نرفع الاجر بشكل مؤقت لحين استصدار قانون بالحد الادنى للاجور. 
اه نسيت.. ابو العلا ماضي اتكلم عن الضريبة التصاعدية. 
وبعدين قالوا لنا تعالوا على الغدا:
رحنا على الغدا، لقيت اللواء محمود بيقول فين نوارة؟ انا عايز اقعد جنبها.. انا جاي اقعد جنبك بقى عشان افهم انتوا بتفكروا ازاي؟ اصل احنا عايزين نفهمكم، هو انتوا ليه مش كلكم حاجة واحدة؟ فيه ستميت ائتلاف، واحنا مش عارفين نكلم مين، يعني انت مثلا تبع مين؟ قلت له انا مش تبع حد، قال لي: شوفتي؟ اهو احنا بقى مش عارفين نتعامل كده.. كل شوية حركة وائتلاف وحزب لما دوخنا
قلت له: بس دي حاجة كويسة.. دي حرية
قال لي: ماشي.. بس احنا مش فاهمين منكم حاجة، وعلى طول انتوا زعلانين
فمدير الاوتيل الظابط قال له: هم بيحبوا بلدهم، وعايزينها احسن بلد، بس الظاهر فيه مشكلة تواصل بينا وبينهم، يعني مثلا انا باشوف ناس بتعمل كروت ويكتب فيها: فلان الفلاني.. ثورة 25 يناير. 
(حقة فيه حد بيعمل كده؟)
وبعدين جات الولية ام برنيطة وقعدت تاكل في دماغه لحد ما احد الظباط قالها: هو عايز ياكل.. فراحت باصة لي ومتخانقة معايا تاني وقالت لي: انتوا زودوتها.. وراحت باصة للواء وقالت له: دول عايزين يمشوا البلد على كيفهم، هم مين عشان يتكلموا نيابة عن الشعب، وتبص لي: لعلمك يا حبيبتي، انا باحضر هنا من زمان.. والظباط واقفين يضحكوا وانا مذهولة، قلت لها: انت بتحرضي علينا؟ قالت لي: ايوة باحرض عليكم
وبعدين قلت للواء: لو سمحت كفاية ضرب، وبلاش اعتقالات، وافرجوا عن المعتقلين.. فقال لي: حاضر... واللي اخدوا محاكمات عسكرية حتتعاد محاكمتهم وحتى الظباط اللي اعتصموا، المفروض ياخدوا اعدام، بس مش حنديهم اعدام عشان البلد في حالة استثنائية. قلت له: ده فيه تلاتة منهم ماتوا. قال لي: والله العظيم مافي حد مات منهم، والله العظيم ما في حد مات منهم، والله العظيم ما في حد مات منهم.. وبعدين برضه اتلمت عليه شوية نسوان قعدوا ياكلوا في دماغه، لقيت ظابط صغير كده، مش حاقول رتبته، اولا عشان مش بافهم في الرتب، ثانيا مش حاقول كان على كتفه ايه عشان ما يتئذيش، ثالثا: الشهادة لله مز يعني، حرام يروح في داهية
مال عليا وشوشني وقال لي: انت عارفة اللي حصل مع العيال بتوع سفارة اسرائيل امبارح؟ دول مقبوض على شوية منهم ومتوجه لهم تهم انهم حاولوا يقتحموا السفارة واتلاف منشآت عامة وممكن يروحوا في داهية
قلت له: مش صحيح، دول عشان يقتحموا السفارة لازم يطلعوا في الاسانسير، كل اللي عملوه انهم زقوا الحاجز، وكانوا بيتكلموا مع الجيش عشان ينكس لهم علم اسرائيل وهم بيتكلموا فوجئوا بالامن المركزي بيضرب 
فقال لي: طيب كلمي اللواء محمود عنهم.. وخدي منه وعد يطلعهم
قلت للواء محمود: انا مش حاكل الا لما انت تقعد، اول ما قعد قلت له: فيه عيال مقبوض عليها امبارح، يعني ما بقاش الا يتحاكموا عشان اسرائيل.. قال لي: ما كانوا حيخربوا الدنيا امبارح. قلت له: لا مش صحيح.. طلعوهم لو سمحت.. فقال لي: ربنا يسهل ان شاء الله
وبعدين جات ست كده قعدت تاكل في دماغه وعايزة تعمل معاه حوار، قال لها: لا.. انا مش قادر اتكلم انا بالنسبة لي نوارة اهم عشان عايز افهم شباب الثورة.. فضلت تكاكي وتاكل في دماغه وتشتمني انا وشباب الثورة في وشنا
وبعدين هنج خالص وبقى شكله تعبان، فقلت له شكلك تعبان مش حينفع نتكلم، فمدير الاوتيل قال له: هي كتبت لنا قائمة بالناس اللي ندعيهم وربنا يسهل، هي مش عاجبها اللي حضروا النهاردة وبتقول انهم ثورة مضادة.
وبعدين سلمت عليهم ومشيت
بس خلاص
-------
احنا حنعمل ايه؟
حنعمل حشد لقضايا الاجماع الوطني.. ما عادش ننزل الجمع باعداد قليلة ابدا
نمسك قضايا الاجماع الوطني قضية قضية
ونرجع الجمع لقوتها تاني.. غلطنا جدا اننا سبنا الشارع
وغلطنا جدا اننا فتحنا مواضيع بعيدة عن الاجماع الوطني تخلي شكلنا عار في الميدان
وغلطنا جدا اننا كنا مش بنروح نقابلهم ونقولهم اللي في نفسنا
وانا من ضمن اللي غلطوا
بس طبعا مش عشرين مليون حيقابلوهم
لكن على الاقل مليون واحد ينزلوا في قضايا الاجماع الوطني 
ونعمل مؤتمرات شعبية
مؤتمرات شعبية ومليونيات.. مارشات عسكرية وقرآن
وربنا يستر
بس على فكرة.. البلد مليانة زبالة.. وياما زبالات لابسة بدل وبرانيط

212 comments:

1 – 200 of 212   Newer›   Newest»
Heba said...

يعني ايه منحاسبش المستثمرين الاجانب لو ظهر فسادهم!!
و لو كانت محاسبتهم طفشت الاستثمارات فهي كدة كدة طفشانة دي فترة انتقالية و فترة مش مستقرة فطبيعي انها مش وقت و لا جو استثمارات..لما مصر تبقى بلد مستقرة منتعشة اقتصاديات الاستثمارات حتيجي لها غصب عنها و مش المستثمر هو اللي يتشرط انما احنا...و ايضا التغاضي عن الفساد المتورطين فيه ده يشجعهم على الاستثمار...
الاماراتيين و السعوديين بيستثمروا في اروبا بس هنا بيمشوهم على العجيب ميلخبطوهش اشمعنى احنا بقى عايزين نتجاوز على القانون عشان نكسبهم!!

مش فاهمه said...

يا نهار كوبيا بقى جايبين عميد اعلام و بيتكلموا معاه و محمد صبحى كمان ......زانا رأيي قولى لهم كل يوم الصبح يتابعوا فهمى هويدى و ووائل قنديل و عماد حسين و بلال فضل و جلال امين و حسن نافعه و هم حايفهموا كل حاجه .......بس بجد انا قلقت جدا بعد اللى قولته ده لأن بعد ده كله بيجيبوا الأشكال الوسخه دى .....بس رأيي يا نوارة بجد انكم انتم ما تسيبهومش و تزهقوا خليكم وراهم و بصراحه بقه انا ابتديت اقلق لا يكون كل القرارات اللى اخدوها قبل كده كانت بناء على نصايح الزباله اللى بيقابلوهم دول .....ربنا يستر على اللى جاى

Unknown said...

ممتاز جدا مش سبتي حاجة الا لما غطتيها

Mahmoud said...

مصر بخير طول مافيها إللي زيك

AmrMElKhashab said...

wallahi mesh 3aref a2ollk eh bs ana 7ases eny ettament shwaya,rabbena ysahel :)

emmy said...

بيتكلموا عن الاغلبية الصامتة وفعلا بيسيئوا للصورة هتخربوا البلد بقت الكلمة اللي بتخبطني حتي في البيت الناس كانت فرحانة دلوقت الناس مرعوبة غسيل المخ شغال علي آخره اعلام معفن لسه زي ما هو علي كلاب امن وطني عارفين سكتهم في اللعب شائعات- بلطجة- تفرقة بين الثوار وبعض من ناحية وبين الثوار والشارع من ناحية تانية عشان نفلح لازم نحط عينينا في وسط راسنا الالتحام بالشارع اساسي هم بيلعبوا علي تفتيتنا لفرق لازم نفوق من تقسيمة الخيابة مسلم -مسيحي- سلفي- اخواني تقدمي - شيوعي - بطيخي

CASABLANCA_z0my said...

بصي يا ست بتاعة انتي انا بحبك موت وبثق فيكي معرفش ليه ومفقوع منك ومن الجيش ومعنديش مانع اعمل فيهم عمليات استشهادية ومش شايف اي مبرر لطبطبتك المشكلة الوحيدة اني واثق فيكي
لو هم طيبين وحنينين وولاد حلال اوي كده قوليلهم يعملولنا اي حاجة ملموسة ف اقرب وقت بس لازم تكون ملموسة لقطاع كبير عشان تشيل عنهم الاعصار اللي بيتحضرلهم يوم 27 مايو
ولو جه 27 مايو ومفيش اي حاجه حصلت هيبقي زيك زيهم خونة وعملا لمبارك وحاشيته
انا بسببك كل ما اتكلم يتتريقوا عليا ويقولولي يلا يا بتاع نوارة
اجري نور عينيها بدل مانت عاملنا فيها ثورجي
قبل 27 يا ناوناو
وزي ما بتقولي
الا هل بلغت .. اللهم فاشهد

samar_angel_1990 said...

والله يا نوارة طمنيتيني ان الجيش عايز يفهم الثوار لاني كنت بدات احس باحباط وان الجيش بيتصرف بدماغه وخلاص..الكلام جميل اوي..انا رايي لو تقترحو علي الجيش انه يبئا يعمل تصويت علي صفحته علي الفيس علي الخطوات اللي عايزين باخدوها..والفيس طبعا لامم ناس كتير واطياف مختلفة..وبدل ما ياخدو راي النخبة اللي زي زفت وعايزة مصلحتها وشايفة الشعب غبي..ياخدو راينا احنا الشباب..بس طبعا يستنو ان الصوات تكون بمئات الالاف فاهمة اصدي يا نوارة
ويا ريت يا نوارة يا عميلة الجيش تقوليلهم علي الشخصيات المحترمة المثقفة اللي يستعينو بيهم مش الاشكال اللي انتي حكيتي عليها
يكرا يا نوارة انك وصلتي صوتنا

شادى زلط said...

مع كامل استعدادى لتلقى الشتائم من اصحاب وجهة نظر "نوارة بتاعة الجيش"أو أى وجهات نظر اخرى

ممكن تعتبرى الـ250 بقوا 251

احييكى ع الصراحة واحييكى انك كنتى هناك بجد مش كده وكده

شادى زلط said...
This comment has been removed by the author.
emmy said...

سوري نسيت حاجة محاسبة الفاسدين لا فيها فصال ولا تفريق مفيش حاجة اسمها اللي دفع الرشوة اسيبه واللي خدها اشنقه والاستثمار من الاشكال دي مش له لزمة اصلا ربنا هيبعتلنا ناس نضيفة ومستثمرين بجد مش بتوع رشوة وفساد الناس اللي كانت مستبعدة مصر من دماغها قبل كده ممكن تيجي وده هيبقي احسن للكل

Anonymous said...

روعة وصلتي كل كلامنا

إعادة التفكير said...

تصفيق حاااد..اقسم بالله انتى اعظم من رايت ومن زمان بقول بنت بمليون راجل..والله ماحد بيعمل كده ..ربنا يحميكى يانواره وياريت اروح انا المرة الجاية معاكم..وبعد اذنك هاخد الحوار ده عندى فى صفحتى ..انتى عملتى مجهود عظيم سواء فى حماية الثورة والدفاع عنها وكمان فى تعبك لكتابة ماحدث ومع انى حزين لسوء اختيار الحاضرين الا ان البركه فيكى انتى وحسين عبد الغنى ويانوراه طوال مافيه الناس اللى حضروا معاكى دول يبقى طبيعى نشوف ثورات مش ثورة مضادة حسبى الله ونعم الوكيل فيهم يارب

إعادة التفكير said...

تصفيق حاااد..اقسم بالله انتى اعظم من رايت ومن زمان بقول بنت بمليون راجل..والله ماحد بيعمل كده ..ربنا يحميكى يانواره وياريت اروح انا المرة الجاية معاكم..وبعد اذنك هاخد الحوار ده عندى فى صفحتى ..انتى عملتى مجهود عظيم سواء فى حماية الثورة والدفاع عنها وكمان فى تعبك لكتابة ماحدث ومع انى حزين لسوء اختيار الحاضرين الا ان البركه فيكى انتى وحسين عبد الغنى ويانوراه طوال مافيه الناس اللى حضروا معاكى دول يبقى طبيعى نشوف ثورات مش ثورة مضادة حسبى الله ونعم الوكيل فيهم يارب

Unknown said...

It is important that the revolutionary energy is channeled in a positive direction, otherwise it is getting channeled in sectarian tensions, embassy attacks or other negative ways. Make people feel unsafe and the country be unstable. A good way to channel the energy is by having local council elections, the energy will be channeled in competitions, we get rid of a corrupt system and people should expect to get better services from elected councils. This will help the average citizen start to see the fruits of the revolution.

Summer is coming, we can ask the army/police to open doors for youth-volunteers, have a training camp for 30-45 days and then can work in local community policing and "Ligna Shabiaa"

arabian_faithful said...

سلام عليكم

أنا و الله العظيم مش عارف أيه الحل وأنا من الناس اللى بتثق فى القيادة العسكرية وأراهن على الجيش برقبتى و هما معذورين وشايلين شيلة منيلة بنيلة وربنا يكون فى عونهم بس أنا كان عندى فكرة على أدى كده أحنا ليه مبنستغلش العلماء المصريين سواء فى الخارج أو الداخل و ليه الجيش مش بيقولنا كل حاجة بيخبى علينا ليه أحنا مستعدين نموت فدا البلد بس هوا يقولنا عاوزينا نساعد أزاى
يعنى أحنا عندنا مشكلة فى صناعة الغزل و النسيج كبيرة جداً جداً المفروض بقى نستعين بدكاترة فى الإقتصاد و الهندسة يشوفولنا حل للخيبة دى و نحط خطة بجدول زمنى و نطلع عليها أصحاب المصانع و نشوف خريطة ترضيهم و نشتغل
عندنا مشكلة مهببة فى صناعة الأثاث بدمياط و الناس مش بتشتغل نجيب أصحاب الورش و نجيب أصحاب المصانع و نشوف خطة بملامح محددة و جدول زمنى و نخلى الناس تشتغل
يعنى أكيد أكيد البلد فيها ناس حتقدم حلول أحسن من الستات اللى بيروحوا يشتموا فينا دول و عاوزين يقتلونا
طيب هما بيقولوا عاوزين نكلم الشباب مبيكلموشى المعيدين ليه اللى فى الكليات مادول شباب و شاركوا فى الثورة و عندهم علم كمان يعنى رأيهم حيبقى محترم مش أى كلام فى الهوا
و النبى يا نوارة لازم تشركوا دكاترة الجامعة و المعيدين فى أى حوار دول اللى عندهم حلول عملية مش كل واحد يطلع فى التليفزيون نلاقيه بيتكلم فى مصير البلد
وربنا يجازيكى خير يا رب و أنتى عملتى اللى كان نفسنا نعمله

Abd El-Rahman said...

ايوة كده ادي الواحد بصيص امل حتّي .. استمري

amr essam , ahmed elezazy said...

مش عارف بس دا كلام خطير جدا ارجو منك انك تتكلمى فى الموضوع دا فى برنامجك على قناة التحرير

amr essam , ahmed elezazy said...

كلام خطير ومهم جدا ارجو منك مناقشته فى برنامجكعلى قناة التحرير

ِAhmed Atef Abu Zied said...
This comment has been removed by the author.
yosef said...

طيب كويس انك بلشتِ تعرفي الخلل فين؟؟
الخلل ليس في المجلس الاعلى فقط
الخلل في الموروث الكبير من العقلية المتخلفة الموجودة داخل الشعب المصري
نوارة
قرأت كل التعليقات وكنت ناوي اكتب ادراج على شكل رسالة الى الاخوة المصريين
صدقيني
المشكلة ان الثورة فاجأت الجميع وسبقت الكثيرين لذلك لا بد من التركيز على القضايا الاساسية والمهمة وان يكون هناك اجندة عمل تحتوي فقط على عشرة نقاط على الاكثر تكون عناوين المرحلة الانتقالية
مطلوب برنامج عمل وعناوين يلتف من حولها معظم الشعب المصري لكي يتم تحقيقها
ما تم طرحه اليوم للمجلس من خلال ادراجك هو عبارة عن سمك لبن تمر هندي

لا بد من التوقف والرجوع خطوة الى الوراء قبل التقدم الى الامام حتى نجزم ان المسيرة تسير بالاتجاه الصحيح

ِAhmed Atef Abu Zied said...

يانوارة انتي بتتلكامي كأن الامن المركزي عمل كده مع نفشه والجيش برئ براءة الديب من دم ابن يعقوب!!!!!!!!!!!

انتي عاوزة تحسني صورة العسكر عاطل في باطل
ومع ان انا من الناس اللي بتحبك بس مش قادر ادافع عنك ولا ابرر لموقفك باللي بتعمليه للجيش ده

طائر said...

بصي يا استاذة نوارة

الله يباركلك ويبارك فيكي


ربنا يكتر من امثالك

بس انا مش فاهمة

هو حضرته ايه اللي مش فاهمه بيكرر انه مش فاهم ايه المطلوب والشباب دول عايزين ايه

مع ان كلامك واضح وزي الفل

وبجد والله منهم لله اللي عايزين يخربوها ومابيفكروش غير في مصالحهم ومش هاممهم بشر وعادي كده

يعني بقى

بيقولولك ليه... انتي بتهجمي على اقسام

يعني اصحاب الحق لما بيندفعو ناحية منشأة فيها اللي واكل حقهم ولا قاتلهم حد

دول يتقتلوا
(مش معنى كده اني معاهم بس ما الومهومش)
يلا حتى عشان الظالم يعيش ويستمخمخ من غير ما حد يضايقه

بس رب الكون مش هيسيبه


يااااااااااااااااااااااااااااااااااارب

نورهان رمضان said...

وربنا بحبك جدا ... بس انا مش مرتاحة ابدا للى بيحصل ... انا حاسة انها من ضمن الطبطبة عشان يسكتونا ... انا مش مرتاحة ... انا اتطمنت بس على ظباط التحرير انهم مش اعدام دى احسن حاجه
لكن انا مش متطمنة
ابدا
ابدا
ابدا
مهما المجلس عمل .. مش مرتاحة !! مش هرتاااااح ... مش هيتضحك علينا اكتر من كده
وربنا يستر

ِAhmed Atef Abu Zied said...

يانوارة انتي بتتلكامي كأن الامن المركزي عمل كده مع نفسه والجيش برئ براءة الديب من دم ابن يعقوب!!!!!!!!!!!

انتي عاوزة تحسني صورة العسكر عاطل في باطل
ومع ان انا من الناس اللي بتحبك بس مش قادر ادافع عنك ولا ابرر لموقفك باللي بتعمليه للجيش ده

Unknown said...

ana 3omri ma kont metab3 kalamek , bas el yomen dool 7asset ennek bet2ooli kalam kowayes! koll elli olteeh fel egtema3 mohem,we kalam kowayes! we bravo ennek ro7ti el egtema3! seebek men wael abbas, rashazab, we kaman wad esmo camara! asli ana kont 3ala twitter, we sebto men kotr ellet adab el nas dih! we zay ma 2olti, el balad feeha zebala kteeeeeer

TRUTH SEEKER said...

يا ريت كل اللي بيهاجموا المجلس اما يبذلوا جهدا لفِهمه و إفهامه من نحن او ليذهبوا لنعلم اطلاق النار ليقف المصري امام المصري .... خلااااااااص ما فيش حد تاني فاضل بعد المجلس العسكري يا ريت مانخسروش

Ibrahim said...

طيب ياريت نزن بقى عشان الزن هو اللي بيجيب نتيجة

TRUTH SEEKER said...

يا ريت كل اللي بيهاجموا المجلس اما يبذلوا جهدا لفِهمه و إفهامه من نحن او ليذهبوا لنعلم اطلاق النار ليقف المصري امام المصري .... خلااااااااص ما فيش حد تاني فاضل بعد المجلس العسكري يا ريت مانخسروش

تناتيش said...

بجد والله تسلمى يانواره
ياريت فى منك عشره- صحيح بنت ابوكى

Nader Gad said...

برافو عليكى يانواره بس فى نقاط محدده لازم نتكلم فيها بايجابيه وكل نقطه منهم فى قطاع حيوى لازم نطرحها بفكر واحصائيات محدده انتظر منك للتواصل حتى ارسلها لكى
تحياتى

arabian_faithful said...

أنا عندى إقتراح صغير كده
بدل المناقشات و الندوات و الكلام العجيب ده اللى لا بيودوى ولا يجيب خصوصاً أنكم قاعدين فى القاهرة ومتعرفوش حاجة عن باقى مصر كأننا تراكوة بس مش مهم مش وقته
أنا نفسى نحدد كل يوم مشكلة معينة و كل واحد هنا يحدد الحل من وجهة نظره فى شكل نقط محددة و فى شكل جدول زمنى و حضرتك تجمعى الكلام ده و تنقيه و تعرضيه على أى حد من صانعى القرار فى مصر يعنى أعرضى النهاردة مشكلة و قولى كل المعلومات اللى عدك و اللى متأكدة منها تماماً و كل واحد هنا يعرض الحل من وجهة نظره و يمكن حد مننا يطلع منه حاجة مفيدة
و النبى فكرى فى الفكرة دى

Unknown said...

كلامك كان رائع مش عارفه مافهموش ليه؟؟؟
وأحبط بجد لما عرفت ان معظم الحضور لا يمثلنا:(((
بس متكلمتيش عن المقدم ايمن سالم ليه؟؟؟ده مش من اللى اعتصمو فى التحرير ..ده دعا للثوره قبل قيامها بشهرين ياررريت توضحيلى هو الكلام عنه محظور!!!!!! أنا معرفوش شخصيا فقط نصرة مظلوم

Anonymous said...

بعد السلام نواره انا مغترب من15 سنه وشايف الوضع الاقتصادي وعندي خطه سريعه جدا لحل مشكة البطاله ورفع الاجور ومصدر المال متوفر لها فيمصر والمطلوب هو فقط قرار لو تقدري تسعديني اوصل صوتي للمساهمه مثلكم وعلي فكره انا نزلت مخصوص لتظاهر معكم وحضرت جمعة انقاظ الثوره وجمعة التطهير في الميدان بس لاسف كان لازم ارجع شغلabnbalala@gmail.com

علاء زين الدين said...
This comment has been removed by the author.
Unknown said...

فعلا لازم ناس دماغها منورة تقعد معاهم كتير , كل كفاءات مصر الحقيقية متسيبوهمش للعالم الوسخة

الطائر الحر said...

أكنى بتفرج على فيلم بريف هارت
ايه الرعاع اللى راحوا المجلس دول !!
يعنى ايه يفرج على رجال اعمال عليهم قضايا رشاوى وفساد بحجة الاستثمار طيب مهو هيطلعوا يعملوا نفس اللى كان بيحصل قبل كده
ولا التانيين اللى بيقولوا اضربوا المتظاهرين :S
كلامك ده يعبر عن أغلبنا فعلا
وياريت أعرف لو حبيت أروح الجلسات دى بعمل ايه

الحسينى said...

اللى فهمته يا أستاذه من كلامك أنهم محتاجين بشكل يائس لحلول إقتصادية طبعاً بالنسبة لموضوع حرية التظاهر والقبض على الثوار والكلام ده ممكن انتوا تقوموا بيه يعنى الناس اللى بتفكر فى حشد ومليونيات واللى تعرف ازاى تضغط علشان المطالب دى لكن الحلول الاقتصادية مهمة برضه لوضع البلد وبيتهيألى إحنا منفهمش فيها والجيش محتاج حلول ممكن إنتى بقى تطرحى الموضوع ده للنقاش عامة وعلى اصحابك ومعارفك اللى يعرفوا ناس عقليتها الاقتصادية نظيفة بشكل خاص ويفكروا لنا فى حل؟

Anonymous said...

الله ينور! اوعي تزهقي!

Mohamed said...

طيب على الأقل ماكانش قصدهم انهم يبهدلو فى الثورة واللى فيها وكان غرضهم ينفذو إرادة الشعب...فيما يبدو. معاكى فى كل اللى قلتيه، لازم ترجع روح الميدان، لازم صوتنا يبقا واحد ونوحد مطالبنا ونجمع الناس عليها عشان صوتنا يفضل مسموع. والأهم اننا نوعى الناس بمعنى المطالب دى عشان يقتنعو بالهدف.

Ahmad Rashad said...

مش عارف أشكرك ازاي
المقال ده طمني جدا
و أتمنى يكون في مقابلات ثانية

sa6560 said...

ضربه ف قلب كل واحد عاوز يقتل أو يضرب المتظاهرين،،،ويعني إيه نتصالح مع شوية حرامييه اللي عاوز كده طبعاً قابض......نواره حاولي تلزقي للجيش..وياريت يتفرجو علي قناة التحرير شويه

Early bird said...

خليهم يقابلوا كل الاشكال علشان يسمعوا ويعرفوا ويقارنوا وفى الاخر لا يصح الا الصحيح

من كل اللى فات احب الخص للجيش فى جمله واحده اللى حيصلح مصر القانون عوده سياده القانون المستثمر الحرامى المرتشى يتحاسب علشان غيره ميعملهاش وبعديين هم زى ما احنا محتاجنهم هم محتاجينا علشان احنا سوق والبيضه اللى بتبيض دهب واسال اى واحد فيهم واللى يفهمك غير كده يبقى كداب
الفتنه الطائفيه الحل فيها القانون يعنى مش علشان ناس مستقويه بامريكا نسيبهم ولو ثبت ان فيه محرضين مسلميين انفخوهم عادى ما هم طول عمرهم بيتنفخوا مافيش يعنى اعتصامات علشانهم قانون دور العباده الموحد يبقى حقيقى مش محاباه ويتعرف العدد الفعلى للاقباط ويتعمل دور عباده ليهم كلهم وعلى قدهم زى الاتفاقات الدوليه واللى ماشى على الجامع يمشى عليهم واللى يمشى على محمد جسان ويعقوب يمشى على ساوريس ومايكل منيرعلشان اصل الفتنه دى ليها روحيين ولو حابيت طرف على حساب طرف حتولع برضه وبعديين اظن برضه اللى عليهم احكام بالتزوير والتهم التانيه والتربح يتجابوا وساعتها كل الفلول حتبقى حنب اللى مفللهم وهو فعلا عنده حق لما مايفهمش الشباب عايزين ايه لانهم بيقولوا ديموقراطيه بس فى نفس الوقت بيتهموا الشعب بعدم النضوج لانهم عارفين ان مالهومش ثقل سياسى وهم خايفيين من الاسلاميين فدلوقتى بيضربوا الديموقراطيه يعنى بمعنى اصح عايزيين انهم يجيوا للسلطه باى طريقه مش عن طريق الشعب لانهم حاسيين ان الشعب دوره كده انتهى وانهم كنخبه بيفهموا اكثر من الشعب الجاهل الى ميعرفش مصلحته فين فالجيش له حق يتلخبط فعلا

راجيه said...

يانواره كلامك زى الفل ومانستيش حاجه بس عيب اما تقولى الشيخ محمد حسان بتاع فتنه وبيثير الفتنه الكلام ده مش صحيح راجعى نفسك انا بثق فى الجيش زيك دورك بقى ودور اللى ذيك تكونوا صوتنا

Yaser said...

نوارة-----------بيسالوكم عن حلول اقتصادية---تحكيلهم عن مشاكل ثقة وازمة الداخلية؟فين حلول التقشف والردود الايضاحية الحاسمة(مش العنيفة) على المطالب الفئوية
وفين تحجيم رضوان اللى بيشحت علينا؟
انا بصيت على كل التعليقات لقيتك حكيتى حدوتة مالهاش علاقة خالص
الله يسامحك----------عشمتينا وخليتى بينا

nour1971 said...

لو انتي فعلا قلتي كده في وشهم تبقي عشره علي عشره يسلم فمك و مخك . عندي بس اعتراض علي حاجه واحده يعني ايه انهم مش فاهمين الكلام اللي انتي قلتيه همي مش عندهم مخ يفكروا فيه و يستوعبوا الكلام اللي بيتقال و همي مش برضوا المفروض يعني انهم بيحبوا البلد دي و بيخافوا عليها و بيحموها و بيحموا شعبها ، حا يحموا الناس دي ازاي و همي مش فاهمين؟؟؟؟؟؟؟؟؟؟؟؟؟ الغريبه انهم جايبين الناس بتوع مبارك زي ما انتي بتقولي السؤال همي جايبينهم ليه بالظبط ما يجيبوا الشباب اللي عملوا الثوره و يا ريت الناس اللي اتفقت علي انها تعمل الثوره اللي هو ائتلاف شباب الثوره يا ريت يتجمعوا و يتحدوا لان زي ما قالوا لنا في المدارس الاتحاد قوه فعلشان نبني البلد لازم نتحد لو سمحت وصليلهم الكلام مش

Unknown said...

تسلمى يا بنتى
بس ايه الأرف اللى عامله المجلس ده
مجتمع مع الزبانيه ماهو لازم ينفخ دين ابونا بعد كده فى اى مظاهره او إعتصام
لازم احنا اللى نتكلم
احنا اكتر ناس حاسه بالوضع
احنا اللى دفعنا التمن
احنا اللى وقفنا فى وش المدرعات بتاعت الداخليه اللى هى اصلا بتاعتنا ومن فلوسنا
احنا اللى كنا بندهن شورعنا تانى
احنا اللى حمينا المساجد والكنايس يا نوووووااااااااااره
احنا صوتنا احنا
صوت الشعب المجروح فى قلبه
احنا اللى نتكلم مش عاوزين حد كان سبب فى الثورة يتكلم بغسم الثوره
انا مقالك ده خلانى اعيط
يعنى الجيس بيحط ايده فى ايد اللى قتلوا اصحابى و وكسونا وجبوا دين ابونا روا
وخلانى التمس للجيش العذر ماهو مش شايف غير شويه ارجوزات راحه جايه تبسو الأيادى وتلعق الأحذيه
انا ممكن اعمل بيان بمطالب الناس وانزل الشارع وانزل العشوئيات انا ممكن اسيب شغلى والله انا محوش قرشين للجواز توزززز
وكمان ممكن نضع تصور للحلول سريعه تنتشلنا من الحاله ديه
انا اعرف ناس كتير بتحب البلدو عندها حلول
انا عاوز اعرف مين اللى دعى شويه الكلاب ديه تتكلم بإسمنا
صاحب المشكله اللى هو اللى يقول صاحب المشكله هو اللى يحكى
الشرطه لازم تلم نفسها
فى دعوه لثورة تانيه يوم 27 الجاى انا ناوى انزل علشان خلاص الدنيا انا حاسس انها بتخرب والثورة ماشيه فى اتجاه معاكس
ومش لاقى حد اتكلم معاه الناس خلاص زهقت واصحاب الحقوق لسه حقهم ما رجعش
انا مش بعرف انا يا نواره انا مصر جابتى الضغط انا من يوم 25 يناير لحد تاريخه فى قلق وخوف على بلدى انا سعات كتير بقوم بالليل من النوم اعيط
مش عارف اللى احنا عمناه ده صح ولا غلط

كسرنا صنم مبارك وعاوزين بلدنا احلى ده صح ولا غلط
كسرنا شوكه الظالم ده صح ولا غلط
انا جويا حجات كتير انا عاوز اصرخ والله عاوز اصرخ بأعلى صوتى يمكن حد يسمعنى الناس مكبوته ومش عارفه اننا اللى عملناه ده فى صالح البلد وصالح أولادهم
انا مش عايز منصب ولا فلوس ولا حتى عاوز اتجوز ولا اخلف بس التاريخ يحكم علينا صح ؟

التاريخ يقول ان فى يوم 25 يناير خرج شباب بيحيب مصر مش خرج شويه فوضويين خربوا البلد
انا بحبك جدا وبموت فى ابوكى

sa6560 said...

يسلم فمك يا نواره...واضح إنهم حبوكي حاولي تلزقي لهم ربنا يخليكي

Unknown said...

تسلمى يا بنتى
بس ايه الأرف اللى عامله المجلس ده
مجتمع مع الزبانيه ماهو لازم ينفخ دين ابونا بعد كده فى اى مظاهره او إعتصام
لازم احنا اللى نتكلم
احنا اكتر ناس حاسه بالوضع
احنا اللى دفعنا التمن
احنا اللى وقفنا فى وش المدرعات بتاعت الداخليه اللى هى اصلا بتاعتنا ومن فلوسنا
احنا اللى كنا بندهن شورعنا تانى
احنا اللى حمينا المساجد والكنايس يا نوووووااااااااااره
احنا صوتنا احنا
صوت الشعب المجروح فى قلبه
احنا اللى نتكلم مش عاوزين حد كان سبب فى الثورة يتكلم بغسم الثوره
انا مقالك ده خلانى اعيط
يعنى الجيس بيحط ايده فى ايد اللى قتلوا اصحابى و وكسونا وجبوا دين ابونا روا
وخلانى التمس للجيش العذر ماهو مش شايف غير شويه ارجوزات راحه جايه تبسو الأيادى وتلعق الأحذيه
انا ممكن اعمل بيان بمطالب الناس وانزل الشارع وانزل العشوئيات انا ممكن اسيب شغلى والله انا محوش قرشين للجواز توزززز
وكمان ممكن نضع تصور للحلول سريعه تنتشلنا من الحاله ديه
انا اعرف ناس كتير بتحب البلدو عندها حلول
انا عاوز اعرف مين اللى دعى شويه الكلاب ديه تتكلم بإسمنا
صاحب المشكله اللى هو اللى يقول صاحب المشكله هو اللى يحكى
الشرطه لازم تلم نفسها
فى دعوه لثورة تانيه يوم 27 الجاى انا ناوى انزل علشان خلاص الدنيا انا حاسس انها بتخرب والثورة ماشيه فى اتجاه معاكس
ومش لاقى حد اتكلم معاه الناس خلاص زهقت واصحاب الحقوق لسه حقهم ما رجعش
انا مش بعرف انا يا نواره انا مصر جابتى الضغط انا من يوم 25 يناير لحد تاريخه فى قلق وخوف على بلدى انا سعات كتير بقوم بالليل من النوم اعيط
مش عارف اللى احنا عمناه ده صح ولا غلط

كسرنا صنم مبارك وعاوزين بلدنا احلى ده صح ولا غلط
كسرنا شوكه الظالم ده صح ولا غلط
انا جويا حجات كتير انا عاوز اصرخ والله عاوز اصرخ بأعلى صوتى يمكن حد يسمعنى الناس مكبوته ومش عارفه اننا اللى عملناه ده فى صالح البلد وصالح أولادهم
انا مش عايز منصب ولا فلوس ولا حتى عاوز اتجوز ولا اخلف بس التاريخ يحكم علينا صح ؟

التاريخ يقول ان فى يوم 25 يناير خرج شباب بيحيب مصر مش خرج شويه فوضويين خربوا البلد
انا بحبك جدا وبموت فى ابوكى

Early bird said...

على هامش التحديث محمد صبحى ده تقريبا اتجنن
تقريبا هو قال كلام اثناء الثوره فالناس اعتبرته خاين لها ومن ساعتها الكبر والعند مسكه وبقى عايز يثبت وجهه نظره وانه صح والباقى كلهم غلط لمجرد ان الناس انتقدته بعنى تامر حسنى طلع احسن منه على الاقل لما اتضرب فى الميدان طلع وقال انا مكنتش فاهم

يخرب بيت الكبر فعلا العن حاجه فى الدنيا الكبر

Unknown said...

اولاً اشكرك جداً على كتابة هذا "المحضر"
ثانياً هناك الاًلاف من الوطنيين المخلصين ذوي الفكر المنظم، بجانب الموجودين على تليفونك
ثالثاً انا قلق جددً جداً اذا كانت البلد فعلاً تدار بهذه الكيفية في الرحلة الحالية
رابعاً اتفق معك تماماً على ضرورة التحرك الفعال فيما هو متفق عليه من اهداف قومية

Unknown said...

تسلمى يا بنتى
بس ايه الأرف اللى عامله المجلس ده
مجتمع مع الزبانيه ماهو لازم ينفخ دين ابونا بعد كده فى اى مظاهره او إعتصام
لازم احنا اللى نتكلم
احنا اكتر ناس حاسه بالوضع
احنا اللى دفعنا التمن
احنا اللى وقفنا فى وش المدرعات بتاعت الداخليه اللى هى اصلا بتاعتنا ومن فلوسنا
احنا اللى كنا بندهن شورعنا تانى
احنا اللى حمينا المساجد والكنايس يا نوووووااااااااااره
احنا صوتنا احنا
صوت الشعب المجروح فى قلبه
احنا اللى نتكلم مش عاوزين حد كان سبب فى الثورة يتكلم بغسم الثوره
انا مقالك ده خلانى اعيط
يعنى الجيس بيحط ايده فى ايد اللى قتلوا اصحابى و وكسونا وجبوا دين ابونا روا
وخلانى التمس للجيش العذر ماهو مش شايف غير شويه ارجوزات راحه جايه تبسو الأيادى وتلعق الأحذيه
انا ممكن اعمل بيان بمطالب الناس وانزل الشارع وانزل العشوئيات انا ممكن اسيب شغلى والله انا محوش قرشين للجواز توزززز
وكمان ممكن نضع تصور للحلول سريعه تنتشلنا من الحاله ديه
انا اعرف ناس كتير بتحب البلدو عندها حلول
انا عاوز اعرف مين اللى دعى شويه الكلاب ديه تتكلم بإسمنا
صاحب المشكله اللى هو اللى يقول صاحب المشكله هو اللى يحكى
الشرطه لازم تلم نفسها
فى دعوه لثورة تانيه يوم 27 الجاى انا ناوى انزل علشان خلاص الدنيا انا حاسس انها بتخرب والثورة ماشيه فى اتجاه معاكس
ومش لاقى حد اتكلم معاه الناس خلاص زهقت واصحاب الحقوق لسه حقهم ما رجعش
انا مش بعرف انا يا نواره انا مصر جابتى الضغط انا من يوم 25 يناير لحد تاريخه فى قلق وخوف على بلدى انا سعات كتير بقوم بالليل من النوم اعيط
مش عارف اللى احنا عمناه ده صح ولا غلط

كسرنا صنم مبارك وعاوزين بلدنا احلى ده صح ولا غلط
كسرنا شوكه الظالم ده صح ولا غلط
انا جويا حجات كتير انا عاوز اصرخ والله عاوز اصرخ بأعلى صوتى يمكن حد يسمعنى الناس مكبوته ومش عارفه اننا اللى عملناه ده فى صالح البلد وصالح أولادهم
انا مش عايز منصب ولا فلوس ولا حتى عاوز اتجوز ولا اخلف بس التاريخ يحكم علينا صح ؟

التاريخ يقول ان فى يوم 25 يناير خرج شباب بيحيب مصر مش خرج شويه فوضويين خربوا البلد
انا بحبك جدا وبموت فى ابوكى

M. Zakariya said...

الناس فاضيه و مش لاقيه شغل ممكن نعمل حاجه للناس اللي مش لاقيه شغل نشغلهم في بيتهم يعني مثلا في منطقتنا في ناس بتوزع اشولة سوداني للناس تشتغل فيه و تعبيه في اكياس و هو قاعد في بيته في حاجات كتير بسيطه ممكن الناس تشتغلها في بيتها و تفيد البلد مدام مش قادر ين يشغلونا بشهادتنا يعني ازاي عربيه بتتعمل انتاج يدوي واحد يصنع الدركسيون و واحد يصنع الدواسه شغل الناس في حاجات بسيطه يمكن تشوفيها فكره هبله بس انا شايف ان سبب الفتن و الخناقات الكتير اللي في الشارع ان الناس ما ورهاش حاجه بيشكلو في بعض و يا ريت يسمعو الشباب لان انا شايف مثلا اني ممكن الشب يحل المشكله اسرع من راجل في ال60 انا شايف ان طول ما البلد ديه ماسكها مسنين مش هنعمل حاجه و هنفضل في مكنه و يا ريت تقري رسالتي

Unknown said...

بصي يا ست نوارة , مبدئيا انا بعد موضوع امبابة دا كنت بفكر في فكرة مليونية مدنية الدولة , ثانيا نفسي اعرف قرار تعيين نبيل العربي امين عام جامعة الدول دا كا ليه في الاساس ,ثالثا انا اصلا مش عارف اروح فين ولا اتكلم مع مين .... الاحزاب اما مشتتة جدا وفي حالة توهان وزيي مش عارفين يعملوا ايه او ليهم اهداف غير انهم يرفعوا البلد

ana said...

هو السؤال يانوارة مش المجلس عندة ناس بتخطط ومتخصصة في كل المجالات مهندسين واطباء وغيرهم لية مش بيجتمع بيهم وياخد منهم افكار واقترحات ثانيا :يعني اية يجيبوا ناس بطستة ملهاش في حاجة ويسمعلهم يعني دة يصح علي رجالة الحرب امال عصام شرف فين من دة كلة هو مش المفروض انة مدني مش بيقعد هو مع المجلس ويحدد الشخصيات المثقفة والمؤهلة انه يكون عندها تصور للوضع الراهن مش عامل صفحة لمجلس الوزراء واحنا بنبعت مقترحتنا وارئنا لية مبيجمعهاش ويطلع بخطة منها ثم يعرضها علي المجلس لمناقشتها لكن تمر الهندي اللي الجيش عملة وانة يقعد مع شوية ناس فاضية وهو عارف انك القيمة الوحيدة اللي فيهم يعني فاهم الحلو من الوحش طب لية يضيع وقتة مع لمامة ياريت توضيح علي النقطة دي

mohamed said...

تسلمى يا نوارة
بس ايه الأرف اللى عامله المجلس ده
مجتمع مع الزبانيه ماهو لازم ينفخ دين ابونا بعد كده فى اى مظاهره او إعتصام
لازم احنا اللى نتكلم
احنا اكتر ناس حاسه بالوضع
...احنا اللى دفعنا التمن
احنا اللى وقفنا فى وش المدرعات بتاعت الداخليه اللى هى اصلا بتاعتنا ومن فلوسنا
احنا اللى كنا بندهن شورعنا تانى
احنا اللى حمينا المساجد والكنايس يا نوووووااااااااااره
احنا صوتنا احنا
صوت الشعب المجروح فى قلبه
احنا اللى نتكلم مش عاوزين حد كان سبب فى الثورة يتكلم بغسم الثوره
انا مقالك ده خلانى اعيط
يعنى الجيس بيحط ايده فى ايد اللى قتلوا اصحابى و وكسونا وجبوا دين ابونا روا
وخلانى التمس للجيش العذر ماهو مش شايف غير شويه ارجوزات راحه جايه تبسو الأيادى وتلعق الأحذيه
انا ممكن اعمل بيان بمطالب الناس وانزل الشارع وانزل العشوئيات انا ممكن اسيب شغلى والله انا محوش قرشين للجواز توزززز
وكمان ممكن نضع تصور للحلول سريعه تنتشلنا من الحاله ديه
انا اعرف ناس كتير بتحب البلدو عندها حلول
انا عاوز اعرف مين اللى دعى شويه الكلاب ديه تتكلم بإسمنا
صاحب المشكله اللى هو اللى يقول صاحب المشكله هو اللى يحكى
الشرطه لازم تلم نفسها
فى دعوه لثورة تانيه يوم 27 الجاى انا ناوى انزل علشان خلاص الدنيا انا حاسس انها بتخرب والثورة ماشيه فى اتجاه معاكس
ومش لاقى حد اتكلم معاه الناس خلاص زهقت واصحاب الحقوق لسه حقهم ما رجعش
انا مش بعرف انا يا نواره انا مصر جابتى الضغط انا من يوم 25 يناير لحد تاريخه فى قلق وخوف على بلدى انا سعات كتير بقوم بالليل من النوم اعيط
مش عارف اللى احنا عمناه ده صح ولا غلط

كسرنا صنم مبارك وعاوزين بلدنا احلى ده صح ولا غلط
كسرنا شوكه الظالم ده صح ولا غلط
انا جويا حجات كتير انا عاوز اصرخ والله عاوز اصرخ بأعلى صوتى يمكن حد يسمعنى الناس مكبوته ومش عارفه اننا اللى عملناه ده فى صالح البلد وصالح أولادهم
انا مش عايز منصب ولا فلوس ولا حتى عاوز اتجوز ولا اخلف بس التاريخ يحكم علينا صح ؟

التاريخ يقول ان فى يوم 25 يناير خرج شباب بيحيب مصر مش خرج شويه فوضويين خربوا البلد
انا بحبك جدا وبموت فى ابوكى

Unknown said...

اذا اردت ان تطاع فامر بما يستطاع لا احد يستطيع ان ينكر حقوق جميع الفئات من المعتصمين و لا ان ينكر مدى تواضع حالتهم المعيشية التي تخرج بكثير منهم من حدود الادمية و لكن هل يمكن الان حل جميع مشاكلهم؟ قطعا لا في ضوء توقف ضخ الاستثمارات و السياحة والانتاج لذا لا نطلب من اي صاحب حق السكوت عن حقه و لكن نسالهم الصبر الي ان تنضج الكعكة و ينعم كل منهم بنصيبة و لن تنضج الا بايدي اؤلئك العاملين و بدعم شباب الثورة لهم لمواصلة الانتاج لا تعطيله

Thoraya said...

ياريت حد يكلمهم في موضوع نبيل العربي ... احنا عيزينوا وزير خارجيتنا ... يأي منطق يشيلوا احسن واحد في الوزارة .

Anonymous said...

احلفك بالله يا نواره اوعى تسيبهم دول رايحين يجيبوا ناس يسمعوهم يودوا فى داهيه عماد اديب بتاع من اجلك انت لازم نبقي صوت واحد وواحد بس لازم مؤتمرات وتوحيد لراى انا مستغربه الائتلاف بيعمل ايه قاعد مئموص منهم ومش عايز يكلمهم شغل عيال لازم يفوقوا وانتى تعرفى نشطاء كتيييير وناس كتير من الى شاركت فى الثوره من مختلف التيارات كلميهم وابقوا صوت واحد

sameh said...

مهما حصل نحب مصر و راجعيين ليها مصر اللي احنا عاوزينها مش بقايا الكلاب اللي بيحلموا بيها ربنا يستر خلاص الحقيقة شبه انها بانت ....... ربنا يستر

oum mariam said...

يا نوارة أرجوكى انا عايزة اوصلك ضرورى .. أنا إسمى تغريد الدسوقى بأشتغل معدة برامج فى التليفزيون المصرى من تلاميذ إبراهيم عيسى فى الدستور القديم و بعد كده صوت الامة و معينة فى قناة المنوعات إللى بقت قناة نايل لا يف دلوقتى ، أنا حزينة جدا جدا جدا من الكلام إللى إتقال على فساد الإعلام و على التليفزيون .. آه فيه فساد .. آه فيه ناس غير مهنية .. قولوا كل إللى عايزينه بس كمان فيه ناس من مصلحتها إن ده إللى يبان على السطح .. لسانا نشف عشان عايزين إعلام مهنى قولنا إللى ما يعرفش يتعلم .ز ما حدش كبير على التعليم و لو فشل يمشى يبقى ما فيش فايدة منه .. قلنا إدونا ظروف عادلة تخللى أى حد يبدع و ينتج و يطلع أحلى ما عنده ما فيش فايدة إدوا كل حاجة للناس إللى بره المبنى عشان طول الوقت بيصدروا فى تقاريرهم السرية إن المبنى ما فيهوش حد عدل عارفة يا نوارة قناة المنوعات إللى انا منها كان فيها مين ؟ ميدو شعبان المخرج .. و ياسر فرحات إللى بيخرج برنامجك عارفة بيعملوا معانا إيه بيطفشوفنا رسمى أنا قلت الإسمين دول بس لأن فى الليستة عدد كبير قوى هوه إللى قوم القنوات الخاصة و العربية و دى قناة منوعات يعنى حاجة كده هلس بس كنا بنشتغل بجد أخدنا فرصة التعلم و التجريب و عملنا حاجات حلوة لم يسلط عليها الضوء عشان كان هدفهم يببيعوا القنوات المتخصصة و يفككوها زى ما عملوا فى القطاع الخاص زمان يفلسوه و بعدين يبيعوه بخس انا شفت فى التليفزيون ناس فاسدة و ناس بتقاوم الفساد و ناس مدفونة بالحيا لكن لحد إمتى ؟ لما المجلس العسكرى يعلن كده وش غن المبنى ما فيهوش حد عدل ده ظلم بين ..المبنى فيه كفاءات شغلها و إديها فرصتها و لمعها و بعدين حاسبها .. غحنا لما بنطلب إن البرنامج بتاعنا يتعمله برومو أو يتغير الديكور او يقل عدد المذيعين أو نعمل تطوير يقولوا لنا ما فيش قلوس الكلام ده حتى من قبل الثورة مش دلوقتى فى حين غن فيه برامج بعينها هى إللى بتحظى بكل الإهتمام و الرعاية .. المشكلة إنهم توقفوا عمدا عن تصعيد اى كوادر شابة فى الغعلام المصرى و بقوا بيستوردوا من بره ، الإعلام صنعة القائمين عليها لأنهم بيتم إختيارهم حسب الإهواء الشخصية و ليس الكفاءة فسد الإعلام اى شخص كان بيلمع و له مستقبل طفشوه او ركنوه على جنب ..و للأسف المجلس الإعلى قرر التخلص من الشيلة كلها و فى الوقت نفسه حافظ على القيادات الفاسدة و على تدميرها للغعلام .. مين قال إن المجلس الأعلى مش بيتدخل طب أقولك إننا جات لنا أوامر غير مباشرة .. لأ على فكرة مباشرة مذيعة من العاملين معا فى برنامج نهارك سعيد طلب منها إسماعيل و كان الطلب فى صورة إستنكار وقت الإستفتاء : التليفزيون المصرى لازم يتبنى " نعم " الناس كلها بتتطلع تعارض الإستفتاء ، فردت عليه و قالت المهنية بتقول إننا ما نأثرش على رأى الناس لا بنعم و لا بلا بعدها نزل على القناة حملة للتعريف بالمواد المستفتى عليها و فى آخر كل مادة و تعريفها " نعم " بالأحمر و اضحة للمشاركة فى الإستفتاء .. بلاش كل يوم بنتعرض لحالات إختراق فى البرنامج من قبل هالة حشيش إللى شتمت فى الثورة و الثوار .. بعد 25 يناير أخدنا على عاتقنا أنا و زملائى إننا ح نعمل إللى يرضى ضميرنا و إننا لن نقبل بالتدخلات التى كانت تفرض علينا من قبل قبلها كان عزرنا إن ده تليفزيونهم بناكل عيش بعد الثورة و الحالة الجميلة إللى كلنا عيشناه عذرنا إيه .. معلش ده كان فلاش باك .. المهم هالة حشيش مثلا بتفرض علينا ضيف كل الناس بتقول غن امن رسمى و هو أحمد فضالى بتاع حزب السلام و هو بيفرض نفسه مدعيا أنه له علاقات قوية بالمجلس و إنه له علاقات قوية بالثوار و بيجوبهم من إيديهم كل شوية لسامى الشريف مرة و لهالة حشيش مرة و بالتالى ما تلاقيش قناة مصرية ما بيطلعش فيها ..أسفة إنى طولت بس فيه ناس كتير فى المبنى مظلومين . فيه ناس نفسها المبنى يتطور و عندها افكار عظيمة للكل بس ما حدش بيسمع لها بنفس المنطق القديم انا و زملائى بعد الثورة بأسبوع عملنا إجتماعين طلعنا بورقة مبدئية لتطوير القناة و الشاشة و مطالب خاصة بالمهنية و التدريب و الصورة و البرامج و سلمناها لسامى الشريف أول ما وصل و لا حاجة ما حدش بيسمع كله عايز ينسف حمامه القديم ..ليه بأقولك الكلام ده ؟ لأنى باثق فيك و لأننا محتاجين أصوات عاقلة و عندها ضمير تقف جنبنا إحنا عايزين ننهض بالإعلام و إللى ما ما يجيش معانا يمشى لكن ما نحكمش من بره من غير ما ندور و نعرف نشغل الناس صح .. شكرا

Anonymous said...

الزقلهم يا نواره امانه عليكي لنتى لزقلهم هم بيثقوا فيكي و مصدقينك الزقلهم محدش هيحس بينا زيك يا نواره وانتى الى عارفه الارف الى احنا فيه

kandil86 said...

مية مية كالعادة يا نوارة بس انا مش عارف الاشكال اللى انت بتقولى عليها دة بيدعوهم منين دول اصحاب مصالح وعندهم استعداد يبوسوا الجزم عشان مصلحتهم بس يارب الجيش ياخد موقف حقيقى تجاة القضايا اللى انت طرحتيها لان التباطؤ دة هيموتنى وفاتح باب للفتنة وبصراحة الشباب الثائر ضد الجيش عندهم حق لازم الجيش يثبت حسن نيته وياخد قرار حاسم ضد استهبال الشرطة لان على رايك لا اقتصاد بدون امن ولازم تركزى على تذكير الناس بالمطالب الجماعية عشان حالة التشتيت اللى احنا فيهاش

ph.zeinab said...

ياريت يستعينوا بأهل التخصص يعنى بيناقشوا الإقتصاد يستعينوا بخبراء إقتصاديين زى الدكتور أحمد النجار أو الأستاذ اللى كان مع محمود سعد من يومين عامل دراسات عن الفساد من زمان أهم حاجه لازم الكل يركز عليها هى الإنتخابات القادمه هى التى ستفرز ممثلين للشعب حقيقين مش اللى بيحضروا فى الندوات

elzahraamegahed said...

المجلس جايب إعلاميين عشان يقترحوا عليه حلول غير تقليدية آنيه لحل المشكلة الاقتصادية؟؟؟؟!!!! أكيد فيه حاجه غلط

elzahraamegahed said...

بصى يا نواره حل كل مشكلنا ينفذوا باقى مطالب الثورة والأمن يرجع ويتكلموا معانا بصراحه وبالنسبه للوضع القتصادى واحنا رجاله وهتربط الحزام بس الأمن يرجع تانى

منظور شامل للحياة السعيده said...

فين كلام بثينه كامل و سيادو اللوز عثمان؟

منظور شامل للحياة السعيده said...

فين كلام بثينه مع اللوز عثمان

hassn hamdi said...

الصراحة لم أر ثورة وثوارا يطلبون من النظام الذي ثاروا عليه أن يحقق مطالب الثورة!!!!!!!!!!!!!!!
الأمر فعلا غريب وعجيب
يا ستي نوارة الأمر سهل وبسيط جدا لو فيه نية حقيقية لإصلاح البلد:
المجلس الأعلى للقوات المسلحة جزء من نظام مبارك وهو مجلس غير متخصص في إدارة البلد
ولم يطلب أحد منهم إدارة البلد..
وبدلا من الشكوى والتذمر المكشوف عليهم أن يسلموا الأمر إلى أهله ويثبتوا ولاءهم لهذه الأرض بحماية الثورة فعلا وليس بالأقوال الكاذبة التي تثبت الأفعال أنها مجرد أصوات..
إذا كانوا صادقين فقولي لهم ما يلي:
حسن حمدي بيقولكم تقعدوا مع كافة التيارات والقوى السياسية في البلد والنقابات والاتحادات والجمعيات وكافة الكيانات التي تمثل قوى المجتمع السياسية والدينية والمدنية والثقافية وغيرها وتختاروا ممثل من كل تيار بشرط أن يكون وطنيا وشريفا وغير متورط في جرائم النظام وتعملوا منهم لجنة تنفيذية تمثل مجلس شعب مؤقت في الفترة الانتقالية وتكون هي صاحبة القرار والأمر في البلد في هذه المرحلة وأنتم مجرد حماة لها ومنفذين لأوامرها..
حسن حمدي بيقولكم كلفوا اللجنة التنفيذية هذه بعمل انتخابات لاختيار مجلس رئاسي من أربع شخصيات (أمنية+شئون رئاسة الوزراء+شئون سياسة خارجية+حقوقية/قضائية) واختاروا منكم خامس ليرأس المجلس لكن يكون أي قرار للمجلس الرئاسي بالتصويت وأغلبية الأصوات وبعد إقرار اللجنة التنفيذية التي تمثل الشعب له.
بعد كده تختاروا حكومة كفاءات وطنية مستقلة (ويمكن ترك الدكتور عصام شرف رئيسا لها ولكن بعد إبعاد كل وزراء مبارك منها واستبدالها بوطنيين شرفاء ممن شاركوا في الثورة، كلاً في تخصصه)..
أي قرارات أو قوانين تخص المرحلة الانتقالية أو الانتخابات البرلمانية والرئاسية وغيرها لابد أن تصدر من اللجنة التنفيذية نفسها والمجلس الرئاسي يعتمدها ويرفعها للحكومة للعمل بمقتضاها
كده تضمنوا إن أي قرار أو قانون سيتم اصداره في الفترة الانتقالية سيكون صادرا من الشعب نفسه وليس من أعلى كعادة النظم الاستبدادية
والمجلس الرئاسي يكون له لجان فنية متخصصة تقدم له الاستشارات بخصوص أي قضايا انتقالية وتتكون من ممثلي الكيانات المهنية المختلفة (مثلا نقابة الأطباء تشكل لجنة طبية متخصصة في تقديم الاستشارات الطبية للمجلس، وائتلاف ضباط الشرطة وضباط ضد الفساد والجمعيات الحقوقية يشكلوا لجنة تقدم استشارات متخصصة في مجال الأمن والحريات والحقوق.. وهكذا في باقي المسائل) وبالتالي لن يخرج أي قرار أو قانون أو تصريح من المجلس الرئاسي إلا عن علم ومتابعة لما يحدث في الشارع وبرغبة الشارع نفسه وساعتها ستخف وطأة الفتن والاعتصامات وغيرها
إذا رفضتم هذا الحل فأنتم فعلا امتداد لنظام مبارك..وسيتم تنفيذ هذا الحل رغم أنوفكم لأن مصر مش لعبة زي ما انتم فاكرين

iahmed said...

طيب يا نواره كده مش هاينفع نسيب الجيش لوحده و بما انك عارفه سكتهم واو عرفتى النهارده سكتهم انتى لازم توريهم السكه و الناس اللى المفروض يتكلمو معاهم و كمان زى ما حد قال فى رد قبل كده خليهم يشوفو بلال فضل و ابراهيم عيسى و يقروا من المدونه بتاعنك.....ههههههه لا بجد والهى يعنى اللى انا فهمته كده ان الجيش عاوز حد ياخد بايده ولو الناس المحترمه و الثورجيه اللى عندهم حلول غير تقليديه ماساعدوهمش هتلاقى الف فل و فل (مفرد فلول) هياخد بايدهم و الله اعلم على فين .... المهم ارجوكى ماتسيبهمش يجيبو ناس كتير من اتجاه واحد زى اللى انتى كتبتى عنهم دول

smsem_87 said...

امال فين علاء الاسواني وبلال فضل ويسري فوده وابراهيم عيسي وجورج اسحاق ومحمود سعد وحمدي قنديل وحافظ الميرازي وفهمي الهويدي فين الناس المحترمه دول بعتين لبتاع جمعيه جمال مبارك وعميد كليه اعلام والست امو برنيطه ازاي يعني وسايبين الشرفاء هوه المجلس مش عارف يعني من الشرفاء ومين مساحين الجوخ بتوع النظام الفائت تاني حاجه بالنسبه لحل الازمه هوه رجوع الامن لا حنعرف نعمل انتخابات ولا ناس تيجي تستثمر ولا السياحه ترجع ولا الناس ترتاح غير لما نحس بالامن ليه مش عايزين ياخدو بتوع حقوق وتربيه رياضيه يعينوهم في الشرطه بدل امناء الشرطه انصاف المتعلمين والظباط ولاد الكلب الي عايزين يذلو الشعب لا كده لا يسيبو البلد تخرب بقالنا 4 شهور والظباط مش عايزة تشوف شغلها عند في الشعب عشان عايز يحاكم الظباط الي قتلو الشهدا لا ومديرين الامن امثال فاروق لاشين الي بيتحاكم لسه في مكانه واترقي بقي مدير امن الجيزة نواره البلد مش حتتعدل ولا حنعرف نعمل انتخابات لاي حاجه من الي طلبتيها غير لما نشوف حل للامن لان البلطجيه حيطلعو يبلتجو ويرهبو الناس في اي انتخابات وساعتها عليه العوض ومنه العوض

mlasheen said...

الحل مجلس رئاسى هما مش عارفين بديروا البلاد عشان مهندهمش حنكه سياسيه ورؤيه ..مع كل احترامى وتقديرى ليهم بس احنا فى مرحله عايزين حد عندوا حنكه سياسيه واستراتجيه يعدى بينا من عنق الزجاجه مع وجودهم بردوا عشان احنا محتاجين لقوتهم وحزمهم

mlasheen said...

الحل مجلس رئاسى هما مش عارفين بديروا البلاد عشان مهندهمش حنكه سياسيه ورؤيه ..مع كل احترامى وتقديرى ليهم بس احنا فى مرحله عايزين حد عندوا حنكه سياسيه واستراتجيه يعدى بينا من عنق الزجاجه مع وجودهم بردوا عشان احنا محتاجين لقوتهم وحزمهم

Dr. Elghamry said...

يانواره انا قرات المحضر بصراحةااللى بيحصل ده عك ايه نوعية النا س دي اللى المجلس بيسمع ليها لابد من مؤتمر اقتصادى عاجل

mlasheen said...

الحل مجلس رئاسى هما مش عارفين بديروا البلاد عشان مهندهمش حنكه سياسيه ورؤيه ..مع كل احترامى وتقديرى ليهم بس احنا فى مرحله عايزين حد عندوا حنكه سياسيه واستراتجيه يعدى بينا من عنق الزجاجه مع وجودهم بردوا عشان احنا محتاجين لقوتهم وحزمهم

elzahraamegahed said...

أنا بطتى كركبت ، وخصوصا ان الاحتياطى بتاعنا هيخلص كمان ست اشهر /
طب فعلا ليه ما بيستفيدوش من شباب العشوائيات والثوار ويوجهوهم لمشاريع متنوعة

محمد نبيل said...

محمد صبحى دة يسكت خالص بعد موقفه أيام الثورة

ana said...

ياريت يانوارة زي ماخدوا منا نبيل العربي يجبلنا واحد احسن منة كمان عشان دي زعلة هتبقي جامدة احنا مانمناش من القهر والزعل يعني الراجل اللي يرجعلنا كرمتنا يبعوة للجامعة حرام واللة مش هنسمحهم اذا جبوا لينا واحد زي بوا الغيط

nashwa said...

هذة العقلية لايمكن ان تدير طابونة حتى مش عارفين يجيبو مين يحاورهم يعملوا استطلاع رأى فى الجرايد يدورا ناسهم عالبيوت هايعرفوا الشعب عايز ايه من بقه لازم لازم مجلس رئاسى مدنى من البرادعى وعبدالمنعم ابوالفتوح وجورج اسحاق وحمدين صباحى ورئيس الاركان -خطة قومية للقضاء على البطالة احياء التعاونيات الانتاجية الناس لازم تحس بالامل هاتوصل الليل بالنهارعشان البلد دى والاهم تطهير الامن
هم بيخوفونا بالاقتصاد على اساس ان احنا عمرنا كنا احسن من كدة اعادة هيكلة كل مرافق الخدمه العامة والا راجعين للشارع ماهم ضربونا امبارح عشان اسرائيل وهايحاكمو القبوض عليهم عسكرياناقص اية قال
ضربوا الاعور

نسيم الفجر said...

كل الكلام اللي قلتيه كويس يا نوارة .. لكن مش كويس أبدا ردود عضو المجلس العسكري بالشكل دا بدأت أتأكد انهم مش عاوزين يفهمونا اصلا !! كل حاجة واضحة قدام عنيهم وكل المطالب واضحة من اول يوم لكن المماطلة والترقيع اللي عايشين فيه دا هو اللي مودينا في داهية واسلوبهم في ادارة البلاد فاشل اخر حاجة دا بفرض حسن النية وعدم السماع لمن يرددون انهم جزء من الثورة المضادة !! بكفاية عليهم كدا بجد يا اما يتعدلوا ويثبتوا حسن نيتهم يا اما يسلموا السلطة بالذوق لمجلس رئاسي منتخب في وجودهم عمرنا ما هنعدي المرحلة الانتقالية دي ابدا واحنا نضاف هما مصرين يخلوا الوضع على ما هو عليه على قد ما يقدروا بحجة عدم هدم الدولة واهم بيهدموا هما الدولة بسكاتهم على بلطجية الثورة المضادة اللي هما بقوا جزء منها اصلا !! حسبي الله ونعم الوكيل شاب من الشباب اللي كانت عند السفارة امبارح دخل في غيبوبة !! دمه في رقبة مين دا !!!!!!!!! وكأنهم ملهمش أي ذنب ... دم المصريين مش رخيص كدا يا ست نوارة عشان يضربونا بالنـار كل شوية .

Mohannad said...

أولا, أنا معترض على طريقتك أحيانا في النقاش و في معالجة بعض اﻷشياء,
بس بموت فيك مش عارف ليه و بتعجبني آرائك بشكل عام

بصي يا نوارة, الانطباع الوحيد اللي طلعت بيه من الموضوع ده كله هو إن المجلس العسكري فعلا حواليه شوية زبالة محتاجة تتشال.

الحاشية ديه لازم تتشال اﻷول لإن ده أساسا مش جو نقاش فياريت فعلا ننظف الحضور اﻷول و بعدين تتكلموا, قبل ما نتكلم على أي مشاكل, فلو حد هيبتدي كلامه إن احنا لازم نخلي أمن الدولة, مينفعش يقعد.

اســــــــتــــــــمـــــــــري

حاجة أخيرة, أنا متوقع إن الجو هناك مستفز, بس معلهش امسكي أعصابك

و معلهش برضه, "بناس مثيري الطائفية زي محمد حسان", أنا أسجل اعتراضي على هذا الوصف

Anonymous said...

من غير اي كلام كثير و رغي
1- شكرا يا نوارة
2- انا متضامن مع ل اللي قلتيه

bang887 said...

عايزين يسيبوا المستثمرين إللى بيدو رشوة؟!!! يعنى المستثمرين المضمون والمتأكدين أنهم بيرشوا؟!!!

يعنى إحنا وقعنا فى إيد شوية نصابين، عايزين يهبروا ويتبشبشوا ، آآآآآآآآآآآآآآآآآآآآآآآآه ه ه ه ه

مش فاهمه said...

ماحدش جاب سيرة نبيل العربى و المقلب اللى اخده .....
طيب ايه احتمال انهم يكونوا عارفين احنا بنفكر فى ايه بس بيستعبطوا

Unknown said...

دي كارثة ان المجلس العسكري مش فاهم حاجه...دا اللي كنا خايفين منه بجد ناس كتير كانت بتشكك وتقول متواطئين اتاري القصه انهم مش فاهمين الشباب ولا فاهمين يمشو البلد ازاي وكمان بيمشو ورا كلام الزباله بتوع العهد البائد بتوع مصالحهم اللي ما يعرفوش ربنا ونفسهم الثورة تفشل باي طريقة....المشكله كلها اننا حلمنا حلم جميل اوي والشباب بيفكر بسرعه الصاروخ وبتفكير ثوري....وهما بيفكرو بتفكير اصلاحي....احنا ماطلبناش اصلاحات وقدمنا في سبيلها شهداء وجرحى احنا عملنا ثورة ..يعني تغيير جزري مش ترقيع...ربنا يستر علينا شكلنا هننزل تاني بجد

elzahraamegahed said...

الأرقام اللى قالها سيادة اللواء لازم تتعرف وتتناقش فى برامج التوك شو ، وتبقى شغاله عمال على بطال عشان الناس تفوق شويه ويحسوا بالخطر اللى البلد فيه وأصحاب المطالب الفئويه يتهدوا شوية ما يتهدوش خال أقصد شويه بس لحد ما البلد تقوم على رجلها.

mimi said...

تصفيق حاااد..اقسم بالله انتى اعظم من رايت ومن زمان بقول بنت بمليون راجل..والله ماحد بيعمل كده ..ربنا يحميكى يانواره وياريت اروح انا المرة الجاية معاكم..وبعد اذنك هاخد الحوار ده عندى فى صفحتى ..انتى عملتى مجهود عظيم سواء فى حماية الثورة والدفاع عنها وكمان فى تعبك لكتابة ماحدث ومع انى حزين لسوء اختيار الحاضرين الا ان البركه فيكى انتى وحسين عبد الغنى ويانوراه طوال مافيه الناس اللى حضروا معاكى دول يبقى طبيعى نشوف ثورات مش ثورة مضادة حسبى الله ونعم الوكيل فيهم يارب

محمد طنطاوي said...

أنا مش عايز أقول حاجة خالص النهاردة غير إنك شرفتينا ونورتينا

محمد طنطاوي said...

أنا مش عايز أقول حاجة خالص النهاردة غير إنك شرفتينا ونورتينا

محمد نبيل said...

ينصر دينك يا نوارة ربنا يباركلك

bang887 said...

إللى لم ناس من النوعية دى، لو قلنا إنه حسن النية، أمال لو كان سيئ النية كان جاب ناس شكلها إيه؟

حلم بيعافر said...

ههههههههه

انت روحتى قريش على فكرة على الناس اللى انت قلتيهم دول

ايه عماد اديب وعادل حمودة والناس ام برانيط دول؟

هما دول بقى اللى بيتكلموا دللوقتى؟

وكمان فيه ناس من جمعيات جمال؟

مين بقى الحمار اللى بيرتب الاجتماعات دى اساسا وبيجيب الناس دى تتكلم باسمنا؟

على اختلاف مشاربنا فكلنا لينا خطوط عريضة متفقين عليها ميجيش حد كان بيبوس الجزم بقى ويحكى كلام ملوش لازمة الا انه يغلوش وخلاص

a said...

يا ست نوارة أرجوكى توصلى رأيى للمجلس العسكري

الديموقراطية شبه المباشرة هي الحل المليونيات فى التحرير صورة من صور الديموقراطية شبه المباشرة لكن تقنين الديموقراطية شبه المباشرة ضرورةلإنها أوسع وشعبية أكتر من التحرير
التحرير مش هيقدر يجيه إلا سكان القاهرة بينما يصعب على باقى القطر المصري المجئ وتزداد الصعوبة كل ما يزداد بعد محل السكن يعنى اللى فى أسوان والسلوم ورفح يا عينى عليهم
الديموقراطية شبه المباشرة يعنى اننا يكون ممكن اننا نجمع توقيعات باقتراح قوانين أو الاعتراض على قوانين (ودول يكونوا بثلث أو ربع هيئة الناخبين) أو باسقاط الحكومة حتى أو حتى بتعيين رئيس أو إلغاء معاهدة أو حل البرلمان (بس لازم يكون ده ب 50% + 1 من هيئة الناخبين)
يبقى مش ده زي التحرير وأحسن؟ كل واحد فى بيته وكل ناشط سياسي يلف على البيوت يترجاه يوافق على الرأي اللى متبنيه والمواطن يقعد فى بيته معزز مكرم والنشطاء يترجوه مفيش احتمال إنه يستشهد ولا يصاب ولايعتقل ولا يتعدب
فى تاريخنا حصل ده قبل كده فى ثورة 1919
وممكن نشترط البصمة جنب التوقيع تجنبا للتزوير (أمال أجدادنا عملوها ازاي فى 1919 ومحدش طعن بالتزوير)
أو نشوف لها سوفت وير
لو كان ده موجود قبل 25 يناير كنا حقنا دماء ألف شهيد و عشرة آلاف مصاب وكان مبارك مشي بطريقة أكرم له بس النظام السابق كان أغبى من إنه يعمل ده وفاكر إنه ممكن يستمر يحكمنا بالمباحث
أرجوكم إقترحوا على المجلس العسكري إنه يوافق على ده لأنه أدكى من النظام السابق وده أريح له وأريح لنا و أسلم للجميع
بدل ما فى مية ألف واحد كل واحد عايز يشد المجلس العسكري ناحيته ببساطة المجلس يقول لهم هات لى موافقة 50 %+1 من الناخبين وبدل ما يوجع دماغ 19 قائد فى المجلس العسكري يلف هو بر مصر يترجى الناخبين يوقعوا له بالموافقة ده لو الرأي اللى متبنيه ينفع أساسا يواجه بيه الناس
مستعد للمناقشة
زورى مجموعتنا على الفيس بوك
هو شهداء الثورة استشهدوا عشان شعبهم المصري ولا عشان حد يسرق ثورتهم

haroon said...

يا لهوي يا خرابي ..معقولة المجلس العسكري لسة محتاج يفهم ولسة محتاج حد يشرحله ايه المطلوب وايه اللي لازم يتعمل ..ولسة بيستضيف ناس زبالة بالشكل ده بتقول علي الثورة كارثة ؟؟؟ الثورة فعلا هتبقي كارثة لو فضلنا تحت حكم المجلس العسكري اللي طلع مش فااااااااااهم حاجة خالص .. يعني مكنش فيه برنامج ولا تخطيط ولا بعد نظر ولا قصر نظر ولا حاجة خالص ..طب مين كان بيحكم البلد الفترة اللي فاتت دي ؟؟ ومين هيحكم الفترة اللي جاية ؟؟ ..يا لهوي يا خرابي يالهوي يا خرابي

محمد نبيل said...

الامارات قالت مفيش استثمارات، والله أعلم بدوافعهم يمكن مش عشان محاسبة المستثمرين بتوعهم بس، يمكن عشان تغير سياسة مصر أو محاكمة مبارك.

طالما قالوا مفيش استثمارات يبقى نقاطع شركاتهم ومنتجاتهم. أنا شخصيا عندى شريحة "اتصالات" اتخلصت منها.

nosseir73 said...

هو اية الجيش اللى دماغه بتتاكل بكلمتين وهومش عارف يختار حد من الناس الشرفا طيب مش ضرورى ثوريين انما مش لاقيين غير بتاع عميد اعلام وبتاع جمعية مبارك ايه التخلف ده بصراحة حاجة فى منتهى الغرابة بس تفتكرى هينفذوا كلامك ويستعينوا بك تانى
هم ما بيقروش جرايد ويعرفوا مين قلبه على البلد ولا مابيقروش غير الجرايد الصفرا زى الفجر وما شابه
انا اتعقدت اكتر من الكلام دة
الفكر مختلف وغريب وبصراحة بقى اللى عايزمصلحة البلد فكره المفروض ما يبقاش مختلف عن العامة لا فرق بين عسكرى ومدنى ده بيحسسونا انهم كانوا عايشين فى بلد تانى
المفروض يبقى فى تنظيم اكتر من كده والناس تبطل نزاعات وائتلافات ونحط اساس العمارة الاول و ارساء القواعد اولا وبعدين بيقى نشوف الائتلافات والاحزاب
بصراحة مجموعة فيران بتبرطع فى قلبى و عدم اطمئنان ربنا يستر

وجهة نظري said...

- طبعاً واضح إن المأجورين وأصحاب الأغراض والمطبلين موجودين بقوة وفي كل مكان. معلش، لسة بدري علشان نخلص منهم، ودا يعتمد على الرئيس ومجلس الشعب ورئيس الوزراء القادمين.

- أمال عصام شرف وحكومته بيعملوا إيه لو الجيش عايز يفهم وعايز خطة ومش عارف الناس ومتلخبط والدنيا حالتها بالبلاء؟ إلا هو فين محضرش ليه؟

- هي البلد عدمت اقتصاديين شرفاء وعلماء شرفاء؟

- مش عارف، حاسس إن الجيش مستسخف فكرة الحوار الوطني، أو مستهيفهم، إذا كان أصلاً الشارع مش حاسس بيهم.

- الثورة كل يوم بتخسر أرض، لازم تركيز أفكار وتنظيم أهداف. مفيش مانع من الإستعانة بشركة إدارة لإعادة تلميع الأفكار.

- زهقت كل يوم عدد إلي بيقولولي: "مش هي دي الثورة إلي كنت عايزها؟ خليها تأكلنا بقى." وأقربها النهاردة، أزمة سولار خانقة وحكومة نايمة وضعيفة. مش هو دا إلي عايزينه؟ الناس بقى فكرها قاصر نتيجة تجريف مبارك وكلابه، وخلقهم بقى ضيق.



ربنا يستر.

haroon said...

يا لهوي يا خرابي ...هي مشكلة مصر الاقتصادية بقي حلها استضافة مجموعة من الناس ونصهم بيوصفوا الثورة بالكارثة والنص التاني في وادي والمجلس العسكري ف وادي تاني وطلع مش فاهم حاجة ولا عارف هيعمل ايه ؟؟؟؟؟؟؟؟ نهار اسود ومطين بطين

haroon said...

ياااااااااه ..اخيرا نوارة الشطورة اقتنعت ان النزول للشارع هو الحل وطرح قضايا وطنية والتركيز عليها بدل من التركيز علي ما هو ليس بوقته الان ؟؟؟ ولكن للاسف بعد فواااات الاوان يا نوارة ...الامن الوطني = امن الدولة ..المجالس المحلية = فساد للركب ...رؤساء الجامعات والمحافظين = طظ ف الثورة ...عصام شرف = نار باردة متحرقش مكانها

haroon said...

حسين عبد الغني الذي ضحك بملء فيه عندما قال له جمال مبارك ( رد انت يا حسين ) ....سلام يا مصر

Unknown said...

نوارة انتى جربتى قبل كدة تعملى حوار مع المختلفين معاكى في الرأى و
يعنى حاولتى تتكلمى مع محمد حسان دا قبل كدة او حد زيه ؟ ؟

Rasha Ahmed said...

السلام عليكم
كلامك مش ممطمن حد يا نواره!يعني ايه مش فاهمكم؟ايه في كلامك مش مفهوم؟بلاش ضرب في الشعب ومحاكمه الرئيس وشلته وعدم تتدخل اي دوله في شئونا وابعاد الرموز اللي بيتأدي للفتنه (المفروض من الجانبين مش جهه واحده) وتخفيض الاجور المغالي فيها وتوزيعها علي الاجور القليله ومحاسبه الضباط اللي مش عايزين يشتغلوا ؟ايه بقي اللي مش مفهوم؟؟؟؟؟!!!ثانيا هما مش عارفيين مين اللي كان تبع النظام واللي كان ضده؟دا لو جبت حد في الاعداديه هايرصلهوملك!!!!!!!!يانهار ابيض عميد كليه الاعلام؟؟؟؟؟؟؟!!!!!!بتاع الاجندات والدولارات؟؟؟؟؟؟؟طب ازاي؟عماد اديب؟ولا النسوان غريبه الشكل اللي بتحرض علي شباب الثوره؟انت سيبتيهم ازاي ولا اللواء ده ازاي سكيتلهم؟مش بيقول مؤمنين بشرعيه الثوره؟يعني مؤمن بيكي وبالشباب ازاي يسمح بقي بكده؟ربنا يستر!كان بس نفسي تسأليهم مين الليي هايتحاسب علي السرطان والكبد الوبائي والفشل الكلوي والقمح الفاسد واللحوم الفاسده اللي هلك الشعب الغلبان ودخلهم البلد؟؟؟؟؟؟ويعدين سؤال اخير فين بلال فضل ؟علاء الاسواني؟محمد امين؟ غيرهم كتير ممكن اقعد للصبح اقولهوملك!مش ناقص الا لميس جابر بقي يدعوها للمشاركه

Unknown said...

باختصار شديد جدا هو ده مربط الفرس : يعنى ايه الجملة دى(اللواء محمود قال: طبعا احنا بنحييها لانها من شباب الثورة.. بس انا مش فاهم حاجة خالص، واكيد فيه ناس من الحضور ممكن يتكلموا مع الشباب ويفهموهم اكتر مني، لاني مش عارف افهم هم بيفكروا ازاي؟) بعد كل اللى اتقال و بردو مش فاهم ماهى حاجة من اتنين يا تنتن يا تنتن

Ahmed . M . Abdulrahman said...

سقفه ليكى بجد
نجحتى فى انك توصلى صوتنا
لو كنت بلبس برنيط كنت قلعتهالك هههههههههههاااااااااااااا

انا فرحان جداً والله

فى ناس عقولها نضيفه وعندها افكار كتير

لاكن للاسف فى ناس برضعه عقولها نضيفه و عندها افكار كتير لاكن مغمورين
ومحدش بيسمعهم وبيحفروا فى الصخر

علشان افكارهم توصل

انتى عملتى معجزه بكل المقايس
واحترمتك وقدرتك اكثر لما اتكلمتى باسم 250 فرد على المدونه و التويتر يمكن انتى متعرفيش معظمهم

دا مع اختلافى معاكى فى نقطه المحافظين بالانتخاب هى محتاجه تعديل بسيط او نقاش بسيط

احنا ممكن نعدل النقطه ونخلى المحافظين من ابناء المحافظه
لاننا بنشوف محافظين جين بالبراشوت
من القاهره و من حتت تانيه كتير

وباقى الحجات الى انتى قلتيها انا موافق عليها كلها

وربنا معاكى

سلام مؤقتاً يا نواره
_________________________
الى عاوزنى يجينى
http://misr25jan2011.blogspot.com

كيوبيد said...

بعد كلامك لا يوجد شى يقال لا ساكت لكى صوت ربنا يبارك فيكى فعلا بنت النيل شمس الثورة المصرية وربنا ياخد كل ابو بدله او برنيط من الجماعه ايهم ويبارك فيكى

miss said...

طيب ياريت يا نوارة تقولي على كل الأرقام الي قالها المجلس العسكري.. اللي بسمعها دلوقتي في القاهرة اليوم وجاتلي حالة هلع ورعب رهيبة بسببها.. عشان الإخوة اللي بيقولوا مستثمرين ايه اللي دفعوا رشوة ميتحاسبوش.. لا معلش الأهم الفلوس دلوقتي..اعرفوا حجم الكارثة اللي إحنا فيه وبعدين اتكلموا والنبي

Chicoo said...

انا معاكي في كل حرف يا نوارة

Unknown said...

يسلم يمينك يانوارة ؛بصراحة أنا نفسي أكون معاكي في الاجتماعات اللي زي دي ؛ونتفرج شوية على عواجيز الفرح اللي وحشونا من أيام بلابيعو؛ وبلاليكا وابراهيم نفخو!بس في حاجة مهمة جداً والكل مش واخد باله منها ؛وياريت توصليها للدكتور عصام شرف رئيس الوزراءوللمجلس الأعلى للقوات المسلحة(ولو إني أكاد أشك في عدم درايته بما أنوه عنه)ويارب تهتمي برسالتي دي. عندنا في التعليم على سبيل المثال لاالحصر؛كثير من المعلمين حصلوا على جزاءات وخصومات عن تجاوز للعارضة عن العام الماضي 2010 فقط تصل إلي نصف شهر تقريباً ؛وقد خصمت الشهر الماضي؛وبعض المعلمين تلفقت لهم تهم من مديريهم بالمدارس وبالتبعية مديري عموم الإدارات والشئون القانونيةبالإدارات التعليمية تصل إلي حد الإخلال بشرف المهنة(ولم يحالوا إلي تحقيق ؛ولم تثبت عليهم التهم المنسوبة إليهم؛ ويشهد لهم بالكفاءة وحسن الخلق والتقدير والاحترام من قبل زملائهم وأولياء ألأمور) لتوقيع جزاءات عليهم؛وأحب أعرفك أن هذه الأموال التي تحصل من قبل الخصومات الموقعة على المعلمين لاتدخل خزانة الدولة ؛وإنماتدخل جيوب الإدارين بالإدارات التعليمية وعلى رأسهم مديري عموم الإدارات والشئون القانونية. ياترى إيه المقصود من وراء كل هذا في هذا التوقيت بالتحديد ؛وهل هذا ليكون هناك رد فعل للمعلمين بإثارتهم علىقرب امتحانات الثانوية العامة؟ أم أن هناك شيء ما يدبر للثانوية العامةوامتحاناتها

Unknown said...

يسلم فمك يا نواره

Mohamed omar Zaian said...

كلامك واهنمامهم بيكي خلي عندي حبة تفائل واتمني منك الثبات علي الطلبات اللي قولتيها

ihanafy2002 said...

فى البداية تهنئتنى ليك على حضورك و بداهتك العالية و من محاسن القدر انك حضرت هذا الاجتماع و انا متفق معاك تماما فيما عرضتية على المجلس..... لى طلب بسيط هل تستطيعى ان تشرحى الاحساس داخل الاجتماع هل هو رسمى ام هناك حرية . عدد الحضور. هل كان هناك تسحيل او تصوير. هل كان هناك اوراق مطبوعة لايضاح الغرض من الاجتماع و امثلة من اجتماعات سابقة و لك حزيل الشكر على اهتمامك

elbasha said...

محل فخر وتقدير كل مصري حر، واسأل الله سبحانه وتعالى ان يجعل في سعيك لمصلحة البلد الاخلاص والسداد لما فيه الخير ورفعة شأن الوطن

Nahla said...

100 100 يا نوارة
أنا رأيي ان قضايا الإجماع الوطني المهمة دلوقتي هى:
1. إعادة نبيل العربي لمنصبه كوزير خارجية و رفض أي ضغط أجنبي ع شئوننا

2. إقالة العيسوي مع كامل احترامنا ليه بس بصراحة الوضع الأمني بيسوء يوم عن يوم و هو إنجازاته صفر من ساعة ما تولى منصبه

3. المطالبة بالشفافية التامة في قرارات الحكومة و إشراك الشعب

4. ملف أمن الدولة = الأمن الوطني الي لسة شغال زي الزفت و قياداته بتررقى و مش بتتحاكم

5. تطهير سياسات الإعلام المدلس

جزاكِ الله خيرا

Ahmad Sadek said...

ده كلام مخيف

Tears said...

صراحة خفت اوى على مصر من نوعية الناس المدعويين و خفت اكتر من تكرار العسكريين انهم مش فاهمين و ان مالهمش فى السياسية و مش فاهمه امال مش راضيين بمجلس رئاسى مدنى او خليها مجلس استشارى مدنى يوجههم و يدير بجد


دول ضيعوا وقت مصر و خربوا البلد و خلوا الناس كرهت الثورة

كفاية رغى و لقاءات و تضيع وقت و اهدار فرص و مال

دول محتاجين حازم الببلاوى (اقتصاد) ممدوح حمزة (الاسكان و التجارة) و المستشار الخضيرى و حسب الله الكفراوى و ممكن ياخدوا من الاخوان ابو الفتوح لو لازم و يبقوا مجلس استشارى بس بجد مش زى ايام مبارك حبر على ورق و دول اللى يقعدوا مع الشباب بتوع الائتلاف و يوصولوا لهم و يقدموا حلول

ياخد قرارات حاسمة و سريعه بدل ما ولعوا البلد و ضيعوا السياحة بطلقهم لمدعى الدين يعملوا فتن و طلقهم للبلطجية و وضع قوانيين جلها غبية تنم عن جهل سياسي...احتيا اختيارهم الضيوف و اعضاء اللجان ينم عن انها ناس ح تغرقنا ومصرة تدير و همه مش عارفين حاجة و لا عندهم خبره فى اى حاجة مدنية باعترافهم...مصر مبتلاه

DOLA said...

لسة مبنعرفش نفعد نركز ونتكلم
عارفة لان كل القاعدين كانوا الناس اللى الثورة لم تصل لوجدانهم بعد
واللي بيعملوة دلوقت انهم بيعجزوا بعضهم واللي حواليهم
ومش عارف آخرة الهوايات الغريبة دي وممر التنمية اكبر مثال وشوفي الهجوم علية ازاى
السادات زمان كان بيكرر كلمة حقد وانا بكرر كلمة هواة اعداء النجاح مش عاوزين الثورة تتنفس

mg_barakat said...

نوارة انا مكان عندى حاجات كتير لخصتها وبعتهالك فى ايميل

someone80 said...

طيب ممكن لو سمحتم قبل ما تروحوا تتفقوا على واحد اتنين تلاتة زي اللي انتي كنتي عاملاهم دول؟

على كلامك يبقى بتوع الجيش دول ناس طيبين بس مالهمش في المجادلات و الحوارات الطويلة و اختلاف الآراء. دول ناس عاوزين كلام واضح و محدد. انتم قدها ، أي واحد فيكم بيتكلم أحسن من الوزرا ، بس لو اتفقتم.

moo said...

ياه يا نوارة طمنتينى ووجعت قلبى ياه كل النخبة طلعت نكبة ايه السادية اللى عند الخلق دى دول ماينفعهمش حريه وعدالة دول لايصلحوا الا لافساد الحياة السياسية والاقتصادية بس عندى سؤال هو فين بلال فضل من القعدة دى وكمان فين المفكرين الاقتصاديين الحقيقيين وكمان هو اللوا مردش على التساؤلات ولاايه

moo said...

كمان لاتهاون مع الفساد لانه حيؤدى لفساد اكتر واكبر مادام فيه فاتورة للفساد وفيه مقدرة على الدفع

amal said...

تسلمى يا نوارة والله قلتى كل اللى نفسنا نقوله انا مش من الشباب بس قريبه منهم فى السن بس فاهمه كل اللى بتقوليه وهو ده اللى احنا عوزينه بالضبط وياريت تفضلوا وراهم نوروا لهم الطريق هما طلبوها بنفسهم قالوا احنا اول مرة نحكم شعب وانا احترمتهم اكتر دلوقتى دوركم انتم ماتسبوش حد يلف عليهم ويوصل لهم مطالبهم الشخصيه اللى بتخدم مصالحهم مش مصالح الشعب ,مصر يا نوارة دلوقتى امانه فى اديكم او تفرطوا فى الامانه دى وحاولوا زى ماقالك اللوا انكم تتجمعوا تانى مع بعض لان فى الاتحاد قوه وبعدين هما فعلا مش عارفين يرضوا مين لما تتحدوا الامور هتكون اوضح واسهل بدعيلكم وربنا معاكى ومع اللى زيك ..

FATMA said...

لا مش كفاية الي انتي عملتيه
قعدي الناس الي كتبتي اسماؤهم مع الجيش
وانتييييييييييييييييييييي معاهم
ده اكيد واقعدوا وحددوا معاهم عايزين تعملوا ايه وخدي طلبات الناس ليهم
الجيش محتاج للناس النضيفة لو انتي ماروحتيش يعني انتي بتسيبي مصر لال مبارك واعوانهم
ما ينفعش توقفي تتفرجي يا ثوراجية
ليه مش انتي والناس الي كتبتيهم وعلاء الاسواني وبلال فضل وحمدي قنديل وغيرهم كتير
امال حتسيبوا الجيش ومصر لمين لمنتفعي ال مبارك
وفين افكار الشباب للخروج من الازمة الاقتصادية

FATMA said...

هل يوجد فئة علي اتصال دائم من شباب الثورة علي اتصال اي هل توجد قناة اتصال بين الجيش وشباب الثورة لمناقشة المشكلات وحلولها قبل وقوعها ام لا وان لم تكن توجد فلما لا توجد

Unknown said...

هايل يا نواره انا عاجبنى الكلام اللى حصل دا جدا وحاسس ان الجيش ابتدى يرجع لنا تانى

amal said...
This comment has been removed by the author.
Hamdyyoussef.blogspot.com said...

I Am Very Surprised That Until Now One Of Mubarak Generals Pretend He Does Not Understand The Basic Egyptian Revolution 25th January 2011 Demands And Requested As They Were Published Everywhere And By Judge Mohamed Fouad On Al Jazeera On The Day Of The Revolution Victory 11th February 2011. Sister Nawara Did Not Need To Repeat Again & Again The Youth Revolution Requests, Mubarak's General In Mubarak's Military Council For Sure They Know. These Generals Has To Be Forced To Go As Their Ex-Boss Who Hired Them Ex-General Mubarak''' They Are All The Same. We Need Civilian Presidential Council NOW, We Need Millions Demonstrations To Realize The Youth Revolution Request. I Have Been Writing That In MY Facebook Page (Notes) Since 14th February 2011 And Will Never Stop. Any Further Delays Are More Problems. The Youth Revolution Requests Are For Egypt Best Interests.

Amr Omar said...

نواره معلش انا مش بعلق كثير في المدونة عندك .. بس متابع ... يا ترى في أمكانية تجيبي لينا التقرير اللي عرضه المجلس العسكري بالتفصيل
علشان نقدر نحكم معاكم ... الناس لازم تعرف الحقيقة ايه و كلنا نشارك في الحل

عن نفسي هكتب مقتراحاتي في المدونة عندي و هبعت ليكي أقريها و حاولي توصلي صوتنا اللي ما بيوصلش

اتمني الشهادة said...

نوارة انتي بالنسبة لنا صوتنا العالي ياريت تعليه كمان وكمان احنا معاكي وربنا معانا كلنا لاننا نفسنا نشوف بلدنا بأحسن حال ... ربنا ينصرنا ويحمي ثورتنا

Unknown said...

ربنا يكرمك


وفيتى

جزاك الله كل خير

GigiWorld said...

ربنا يكرمك

والله شمكله المجلس العسكري ابن حلال مشكلته فابو النطيط اللى كل شويه ينطوا على الثوره وكلام مختلف
وكل واحد كلام تانى


يعنى معقول مؤتمر يحسب انه مع شباب الثوره او المؤيدين للثوره يبقى نصهم ضد الثوره


ربنا يهديلنا المجلس العسكرى كمان وكمان

rawhia said...

بجد الله ينور

mohamed said...

لم تكن الاغلبية هناك للاسف مين بقه ام برنيطه؟

متفائل said...

بس على فكرة.. البلد مليانة زبالة.. وياما زبالات لابسة بدل وبرانيط

هذا الإسلوب مرفوض يا أخت نوارة .. الكل فاسد وزبالة ما عداكم ؟ هل هذا معقول ؟ هل هذا مقبول ؟ لازم تعرفي يا أخت نوارة إن الثورة دي ثورة الشعب كله .. الشعب اللي لو ماكانش ساندكم كانت إنتفاضتكم خلصت في ربع ساعة ولكنتم جميعاً الأن جثث هامدة في القبور .. شوية تواضع .. شوية أدب في الحوار .. يعني مثلاً الأستاذ الفنان الكبير محمد صبحي ماينفعش تتكلمي عنه بالشكل ده .. ده ماهوش شعبان عبد الرحيم ده فنان ومثقف كبير وله تاريخه في النضال السياسي مستخدماً فنه وذلك عبر عقود طويلة والكل يشهد له بذلك (ولا إنتي مش من هنا ؟).. أما الأخ حسين عبد الغني اللي إنتي بتشيدي بيه مش هو ده برضه اللي كان جمال مبارك بيقوله : رد عليهم إنت يا حسين في الفيديو الشهير ؟ وبعدين أيه اللي مزعلك من اللي بيقول إقتلوا البلطجية ؟ أمال نعمل لهم حفلة شاي ؟ والعيال اللي راحوا سفارة إسرائيل دول كانوا بيهببوا أيه بالظبط ؟ وأزاي بتعتبري اللي عملوه ده نضال ؟ يا فرحة إسرائيل لو كان ده هو النضال ضدها .. وأخيراً .. إزاي بتحرضي على المظاهرات الفئوية التي تطالب بزيادة الأجور والبلد في الحالة المهببة دي ومافيش فلوس لهيكلة ولا دياولو .. وحدها المطالبة بعودة الأمن والضغط بيد من حديد على الشرطة لتنفيذ ذلك هي المطالبة الوحيدة المعقولة في الوقت الراهن

nahla5z said...

اية دة

nahla5z said...

انا مش فاهمة يعني اية المجلس العسكري مش عارف لسة مين اللي مع الثورة لية ما بيعينش مستشاريين معليهومش خلاف هما مش بيقرو جرايد,احنا كدا هيجيلنا جلطة

Dr.issamo said...

ممتاز يا نوارة

ولكن


هذا حطأنا من زمان


الحل هو التواصل المستمر مع المجلس العسكري

لأنهم والله نواياهم طيبة


واحنا احيانا باندفاعنا بنحرجهم

معلهش

أنا ضد اسرائيل وضد كامب ديفيد وضد التطبيع

بس مش معقول نهاجم او نتحرش بسفارة اجنبية على ارضنا

حتى لو بس زقوا الحاجز

ده ما بيحصلش في أجعص دولة ديمقراطية



لازم احنا نساعد الجيش ونعتبره في صفنا مش ضدنا لأنه والله في صفنا

المفروض نتعاون معاه ونقدمله حلول مش بس نطلب منه


ازاي نطلب حزم

وبعد ما تحصل مصيبة مننا او من الفلول اللي بيلقطوا طبعا اول خيط من اي مشكلة ويولعوها بس في الغالب بيكون حد عادي هو اللي بدأها

نعمل كده وبعدين نطلب الافراج عن المعتقلين!!!!!!!!!!!؟

والمسيحيين ضربوا نار
وبيطالبوا بالافراج عن المعتقلين

وكذلك السلفيين


تاني انا عايز اقول مؤشرين يدلوا على ان الجيش معانا و مش على نفس خط مبارك لان ده ما كانش هيحصل في وجود مبارك

الصلح الفلسطيني
فتح معبر رفح
تفجير خط الغاز لاسرائيل


يا نوارة

الجيش محتاج مساعدة

محتاج حوار ولقاءات ومشاريع ومتطوعين

احنا اللي سبنا الفرصة للمنتفعين والفلول ياكلوا ودان الجيش


بلاش مليونيات
بلاش نزول للشارع

ده بيربك الجيش وبيحرجه

وما بيعرفش يتصرف


وبيكون بين مطرقة الحسم
وسندان الحرية

وبيدخل على الخط مغرضين وفلول

الحوار
الحوار
الحوار

maYHam said...

أمانة عليكي توصلي للناس دي إن في ثوابت في ادارة الدولة مش محتاجة إنهم يفهموا الشباب .. في ثوابت زي سيادة القانون وتطبيقه على الغفير والوزير ومفيش حاجة اسمها نسكت على المستثمر الحرامي مدام شغال ، وفهميهم إن المطالب الفئوية دي كلها هتسكت لما الموظف يعرف إنه كل الحرامية الكبار في الوزارة اتمسكوا خلاص وانتهى عصر المكافأت الوهمية والسرقات العلنية ، وصلي للمجلس العسكري إنه من الثوابت إنهم يبدأوا فيقص كل رؤوس النظام السابق من عمداء كليات ومحافظين ولواءات ومال إلى ذلك ، وصلي للمجلس العسكري إنه مش عيب خالص إنهم يخلوا المخابرات تجيب الحرامية الهربانين برة مصر وأكبرهم حسين سالم

sara elshazly said...

أنا دلوقتى مش فاهمة حاجة
المعدول قاعد فى شرم الشيخ لية
الست مراتة المنهارة قاعدة هناك لية
البيان الجديد بتاع الجيش قاصدة إيه
الست أم برنيطة برضة عايزة إية
طيب الإخوة الأقباط عايزين إيه من ماسبيرو يتصوروا
طيب الإخوة السلفيين ظهروا ومش فاهمة عايزين يوصلوا لإيه
طيب أنا من الأخر هاعمل مظاهرة فئوية بدعوا كل أساتذة الجامعة الكحيانين اللى المعدول دمرهم بشتى تخصصاتهم نفسيا وإجتماعيا وماديا بأمارة ال1300 جنيه أن يبدأو فى إصلاح ماأفسدة النظام وتبقى كلمتهم لها مدلول فى حياة الطلبة لأن دلوقتى إديهم فيها عمار اللى تخرب وياريت أى أستاذ ينتمى للحزب البائت يحاول يركن نفسة ويدى فرصه لغيروا يعمر
والله المستعان

خالد عثمان المحامى 6 اكتوبر said...

برافو عليك يا نواره المطالب اللى بلغتيها مطالب بصراحه عاجله ولازم المتابعه مع المجلس العسكرى لان عنصر السرعه هم جدا فى هذه المرحله كى تفلت مصر مما تتمناه الثوره المضاده

خالد عثمان المحامى 6 اكتوبر said...

برافو عليك يا نواره المطالب اللى بلغتيها مطالب بصراحه عاجله ولازم المتابعه مع المجلس العسكرى لان عنصر السرعه هم جدا فى هذه المرحله كى تفلت مصر مما تتمناه الثوره المضاده

nour1971 said...

علي فكره محمد صبحي نزل من نظري جدااااااا ايام الثوره اتكلم في التليفزيون المصري و اعد يقول كلام مهبب علي الثوره و الثوار و كفايه كده و همي عايزين ايه اكثر من كده مهوا الراجل غيرلهم الوزاره و قال مش حا اترشخ تاني و كلام من الزباله دي و بعد التنحي اتكلم علي الحياه و غير كلامه تماما محمد صبحي من اللي ركبوا الموجه بالقوييييييييييييييي اللي مش مصدق يشوف علي اليو تيوب محمد صبحي و مكالمته للتلفزيون المصري مش قناه الحياههههه لانه في قناه الحياه كان بعد الخلععععععععع

Unknown said...

نوارة هم ليه عمالين يتكلموا على الاستثمار الأجنبي بس. احنا عندنا سيولة تمويلية كبيرة في البنوك و عاطلين بالهبل و رجال أعمال مصريين شرفاء و سوق عربية أفريقية ممتدة محتاجة أننا نغزوها و مشاريع قومية تحتاج عمالة كثيفة. لو بدأنا العمل و فتحنا الأسواق سيأتي رأس المال العربي و الأجنبي لغاية عندنا و يتحايل علينا. فلنصلح البيت من الداخل أولا.

Unknown said...

نوارة هم ليه عمالين يتكلموا على الاستثمار الأجنبي بس. احنا عندنا سيولة تمويلية كبيرة في البنوك و عاطلين بالهبل و رجال أعمال مصريين شرفاء و سوق عربية أفريقية ممتدة محتاجة أننا نغزوها و مشاريع قومية تحتاج عمالة كثيفة. لو بدأنا العمل و فتحنا الأسواق سيأتي رأس المال العربي و الأجنبي لغاية عندنا و يتحايل علينا. فلنصلح البيت من الداخل أولا.

الدرويش المرووش said...

أنا قلبى وجعنى
و قلقان جدا
ربنا يستر

Unknown said...

المشكله اللي واضحه جدا من كلامك يا نوارة ان الجيش مشتت حبتين ومحتاج اننا نوصله الافكار بشكل منظم ومتسلسل (مش لكشه واحده يعني) وكمان لازم صوتنا يكون واحد كثرة الهيئات اللي بتمثلنا علي أد ما هو شيء جميل بس هو شيء مشتت لانتباه الجيش لانه متعود علي ان كل حاجه واحده ليها جهه واحده تمثلها .. فلازم ناخدهم بالراحه وفي نفس الوقت نزن علي ودانهم في نفس المطلب لحد ما يستوعبوا

megabaraty said...

والله إنت فلللللة و شمعه منوره ....... بس مقولتيلهمش ليه على وزراء الوطني اللي كابسين على دماغ أبونا في حكومة مفروض تبقى حكومة ثورة


المهم ..... إحنا اللي إنت وصلتيله ده بيييييس مووووت ..... بس متقوليش أنا عملت اللي عليا و الباقي عليكوا و الكلام الخايب ده .... لا لا لا .... النقاوة العشوائي مش هتنفع .... الناس اللي بتهتف حلوة قوي في الميدان بس في اللقائات دي عايزين ناس هاديه .. راسيه .. عارفه هي عايزه إيه و توصله إزاي.


دلوقتي المفروض إنك تقعدي تعملي لسته .. إئتلاف على مجلس وطني على 6 إبريل على إئتلاف نوارة على ناس ملهمش إنتماء زييي ههههههه ..... و تعملي إجتماع تتفقوا إحنا هنقول إيه و نعرضه إزاي.


الزن على الودان له تأثير السحر و جماعة الأسفين على المستفيدين و الناس بتوع حزب الكنبة اللي كانت موافقه على الثوره من منطلق الفرجه عليها معندهمش أي إستعداد لأي تضحيه علشان أهداف الثورة.... و لو فضلنا ساكتين نبقى إحنا اللي قصرنا.


بالنسبه بقى للأفكار الإبتكاريه .... و أنا بجهز شقتي رحت بلد جنب المحلة بتصنع سجاد يدوي ..... حاجه في منتهى الجمال ..... الفلاحيين دول جبابرة .... شغل في الغيط الصبح .. و باليل على النول ... حاجه تفرح.


أحسن حاجه قولتيها موضوع إن العشوائيات دول مناطق مظلومه .... معتدى عليهم من الكل من البلطجيه و من الأمن و من خطط التنميه ..... الأماكن دي لازم يدخلها مشاريع يدويه صغيره .... إستثمار القوى البشريه ...... مش الكلام ده اللي خلى الصين دي صين؟!!! ...... و أهي بدل القهاوي و النواصي.


أنا تحت الأمر في أي حاجه .... جندي مجند في جيش نوارة هههههه

ربنا يوفقك و ينصرنا

Ibrahim said...

على كلامك المحترمين اللي كانوا في الندوة يتعدوا على صوابع الايد الواحدة
هو المجلس متخبط اوي كده؟!!!

Unknown said...

طيب إيه رأيك في الفيديو ده

http://www.youtube.com/watch?feature=player_embedded&v=AH3YJrJN5Vk

emanezzat said...

هل شباب جمال مبارك هم شباب الثورة ... أم تقصدو شباب الثورة المضاده
أكيد لأنكم تنفذون فى شبابنا كل ما يريده جمال مبارك... من قتل وتعذيب وضرب وسجن ... فأذا كانت هذه مشورة اأمن الدولة لكم أو رجال جمال فذلك لأن فلول النظام من الداخلية يحقدون عليكم لحب الشعب لكم ... وسيعملون على أن تكونو مكروهين... ولكى تكونو محبوبين عاملو الشباب كما تعاملو أولادكم... أسمعو وصارحو والجميع سيقف معكم ويشرح الحالة لكل مصرى... الذى يشير عليكم بقتل أهلكم هو خائن لمصر حاكموه بتهمة الخيانة العظمى...

emanezzat said...

هل شباب جمال مبارك هم شباب الثورة ... أم تقصدو شباب الثورة المضاده
أكيد لأنكم تنفذون فى شبابنا كل ما يريده جمال مبارك... من قتل وتعذيب وضرب وسجن ... فأذا كانت هذه مشورة اأمن الدولة لكم أو رجال جمال فذلك لأن فلول النظام من الداخلية يحقدون عليكم لحب الشعب لكم ... وسيعملون على أن تكونو مكروهين... ولكى تكونو محبوبين عاملو الشباب كما تعاملو أولادكم... أسمعو وصارحو والجميع سيقف معكم ويشرح الحالة لكل مصرى... الذى يشير عليكم بقتل أهلكم هو خائن لمصر حاكموه بتهمة الخيانة العظمى...

mejdi_mejdi said...

نوارة ...ليييه قلتي في أحدي مقالاتك أن الحكومة التونسية ..مخترقة أرجو الأجابة

kbahey said...

كدة انتي جبتي المفيد يا نوارة

طول ما بيسمعوا لسامي عبد العزيز بتاع كلية الاعلام و طلعت السادات، و برانيط بتقول انتوا زودتوها قوي، و بتاع جمعية جمال مبارك، يبقى مافيش حاجة حتحصل

و اهو اللواء محمود نصر جاب لك من الآخر و قال لك انا مش فاهم الشباب

و معظم الحاضرين بيقولوا "الكارثة اللي حصلت" على الثورة، زي ما اللينك اللي كتبته في مقال فيسبوك و قول اللواء مختار الملا الفوضى الخلاقة و الشرق الاوسط الكبير، يعني مؤامرة خارجية و كأن مبارك و شفيق و سليمان لسة موجودين و الكذب الحصري على التلفزيون المصري

و ادي اللينك تاني اهوه بدل ما تدوري
http://www.facebook.com/notes/khalid-baheyeldin/%D8%A3%D8%B3%D8%A6%D9%84%D8%A9-%D9%85%D9%84%D8%AD%D8%A9-%D9%84%D9%84%D9%85%D8%AC%D9%84%D8%B3-%D8%A7%D9%84%D8%B9%D8%B3%D9%83%D8%B1%D9%8A-%D9%81%D9%8A-%D8%AD%D8%A7%D8%AC%D8%A9-%D9%84%D8%A7%D8%AC%D8%A7%D8%A8%D8%A7%D8%AA-%D8%B3%D8%B1%D9%8A%D8%B9%D8%A9-%D9%88-%D8%B4%D8%A7%D9%81%D9%8A%D8%A9/220793167932028

صدق اللي قال عايزين ثورة جديدة

على فكرة، اقري التاريخ

الثورة الفرنسية قام بها العوام من الشعب
و مرت بثلاث مراحل، مدتها عشر سنين و عملوا فيها دستورين
و انتهت زي مانتي شايفة في الاجتماع كدة ان اللي عمل الثورة ما شكلش الدولة اللي بعدها، و خلصت على شوية بورجوازيين يجيبوا ديكتاتور اللي هو نابليون و سمى نفسه امبراطور و عاش في احلام توسعية

البورجوازيين اللي حوالين المجلس دول لازم ما يقعدوش يكلموه تاني ابدا، و الا حيفضل فاكر الثورة كارثة

شوفي، الافضل مجلس رئاسي من شخصيات مقبولة للثورة، عشان الدنيا تنظف و يبدأ البناء سواء اقتصاد او سياسة

بس لو شايفة في امل في المجلس دة، حاولي توصلي لهم ان المهم دلوقت حاجتين هم سبب كل المصايب اللي احنا فيهم

اولا: التطهير الشامل لكل اجهزة الدولة، سواء وزارات و محليات و محافظات و جامعات

اديكي شفتي الزبالة بعينك، و اللي اقنعوا المجلس الطيشة ان الثورة دي كارثة

الامن مش راجع عشان مساعدين العادلي لسة موجودين
المحافظين اللي امن دولة او حزب مين اللي جابهم
الخ الخ
السباعي ما مشيش غير ما يسري فودة عمل له زار على ثلاث حلقات

سامي عبد العزيز نفس الزار بس على صغير و لسة موجود

مش حتنظف غير اذا كله اتشال و دعكنا بالليفة السلك و الفينيك

التاني: عودة الامن، و دي حتفرق كثير لو حصلت
اللي مش عايز ينزل مالوش مرتب و يروح يشتغل في فندق او شركة


اؤيدك في قضايا الاجماع الوطني، و الضغط بالمليونيات

و على فكرة المعتز بالله عبد الفتاح استاذ السياسة اللي بيكتب في الشروق عامل مبادرة اسمها التيار الاساسي المصري، و الا الرئيسي، و بيتكلم على الموضوع دة بالذات

و هو اتعين مستشار لعصام شرف من كام يوم

كلميه و كلي دماغه

Rasha Ahmed said...

اه نسيت يانواره اسألك ايه موضوع يوم 27 ومجلس رئاسي اللي بيدعوا ليه بعض الجهات؟؟؟؟؟انا خايفه الجيش يقلب علينا

abdo73 said...

مخطئ من ظن يوماً أن للثعلب دينا
برز الثعلب يوماً
في شعار الواعظينا
فمشى في الأرض يهذي ويسب الماكرين
ويقول الحمد لله إله العالمينا
ايا عباد الله توبوا
فهو رجاء التائيبنا
وازهدوا في الطيرإن العيش عيش الزاهدينا
واطلبوا الديك يؤذن
لصلاة الصبح فينا
فاتى الديك رسولٌ
من إمام الناسكينا
عرض الأمر عليه وهو يرجو أن يلينا
فاجاب الديك عذراً يا أضل المهتدينا
ابلغ الثعلب عني عن جدودي الصالحينا
عن ذوي التيجان ممن دخل البطن اللعينا
إنهم قالوا وخير القول قول العارفينا
مخطئ من ظن يوماً
أن للثعلب دينا!

hassn hamdi said...

إذا كان بتوع المجلس مش فاهمين احنا عاوزين ايه يبقوا نسرحهم ونشغلهم في الأمن المركزي ويسيبوا البلد نحكمها احنا
مصر مش محتاجة أغبيا ما يستحقوش يلبسوا أشولة مش بدل عسكرية
ده استهبال واضح من سيادة اللوز وبيضحك عليكي
اللي ما يشوفش من الغربال يبقى أعمى وشكلنا هنعلق بتوع المجلس دول في مشانق في ميدان التحرير قريب ان شاء الله

Mervat said...

remember when you talked about talking to ordinary people in the streets? we REAAAAALY need that now. I think we need to organize more to raise awareness among people, then mobilization would be easier and it would be more difficult for people to vote based on religion or money. and easier to mobilize when we need to go to the square. Does this make sense? We need two fronts: talk to the SCAF and be in the street. one does not work without the other. we are so fragmented, and I use the word on purpose. it is good to have diversity in opinion and view, but fragmentation is dangerous then we see the "discharge" of society, like ام برنيطة

Eng.Tamer said...

كلامك ده قلقنى و وترنى وعصبنى يا نوارة .... يعنى ايه يجيبوا الناس دى عشان يسألوهم و حجتهم انهم مش عارفين يكلموا مين

هى خلاص البلد عقمت من الناس النضيفة ؟؟؟

ده يكفى يسألوا اى حد فى الشارع عادى يقولوله قولى 10 اسماء محترمة فى البلد هيرصلوا دستة

ده عذر اقبح من ذنب ..... انا بس عايز اعرف نسبة الثورة المضادة لشباب الثورة كانت كام لكام .... اصلى حاسس انه كان اجتماع حزب وطنى مش اجتماع وطنى

khsnas said...

يا ترى الكلام دا معناه ان المجلس العسكرى مش عارف هو مودى البلد على فين؟؟؟؟ الوضع بجد مقلق جدا وانا من النهاردة بقول فرب يا 27 مايو عشان خلاص ...وبعدين هى دى الناس الى الجيش بيستشيرها فى احلك ظروف البلاد امال فين فهمى هويدى و حسن نافعه وعلاء الاسوانى وحمدى قنديل وووووووو...
باظت للاسف

khsnas said...

يا ترى المجلس العسكرى مش عارف بقى هو مودى البلد على فين؟؟؟
وبعدين لما الجيش يحب يستشير اهل الراى يجيب الناس دى امال فين فهمى هويدى وحمدى قنديل وحسن نافعة وووووووووو
انا من دلوقتى بقول قرب يا 27 مايو
البلد بتضيع واحنا واقفين!!!!!!!

يادوبك لسه بادئ said...

بصراحه يانواره انتي طيبه جدا ومحترمه وانا كنت بصراحه عاوز انصحك نصيحه..
1-أولا سيبك منهم وماتحوليش تروحي تقعدي معاهم تاني..دي ناس ضاربها السلك ومافيش فايده فيهم "انا اسف على التعبير ده"
2-ثانيا:وهو مين اللي قال اننا عاوزين الجيش هواللي يقود البلد هما مبيفهموش الا في ضرب الرصاص..خليهم في اللي بيفهموا فيه ..احنا عاوزين حكومه مؤقته تسير أمور البلد وهما يتفرغوا للي بيفهموا فيه ..
3-ثالثا :انا ملاحظ ان كلامهم ده وراه مصيبه..وممكن يجي حسني المخلوع وحرمه ويتبرعوا للبلد بفلوسنا اللي سرقوها ويطلعوهم انهم بينقذوا البلد وهما الوحيدين اللي خايفين عليهاوهما اللي عندهم وطنيه..وتقوم مظاهرات تقول ارجعولنا تاني اشتقنا للبلاوي ...
4-رابعا :سيبك من الكلام المحنجل ده من اللواء ده جر رجل ..وهما مش عايزين يعرفوا الثوره عاوزه ايه ولاحاجه هي اشتغالات وخلاص
5- الله يخليكي ماتروحيش تاني لحسن أنا بدأت أغير عليكي منهم (بهزر
6-مافيش حل غير ان يكون حكومه انقاذ مؤقته ..وبس دي الخلاصه وسيبك من اللي بيتأفأفوا ...
,,

sawabe2 said...

kan fi masal hendi zaman bey2ool .. " eddi el 3esh le 7'abbazo " ... ento 3askar w zay ma 2al wa7ed mnhom .. mabye3rafoosh 3'er darb el nar ... ye7'alohom fi darb el nar w y7otto 7ad "beyefham" fel seyasa wel eqtesad badal ma homma layseen kda ... w badal ma homma beysha3leloha aktar b tasarofat-hom el 3'er 7akimah " eli heya doctora ya3ni "

ana fe3lan e7taramt el magles el 3askary 3ashan el nadwa "fel awil" .. bs teftekry lw wa7ed msh 3awiz yeshta3'al doctor .. yed7'ol koleyet tebb leeh ? ya3ni ento gayeen tet3alemo mennina leeh ? metaweleen 7adaratkom masalan ?

lw homma 3amalo kda 3ashan el azma el "amneyah" wal eqtesadeyah .. fa el magles el mowaqar hwa el sabab el ra2eesy fehom.. ya3ni homma mesh me7tageen 7olool ... homma me7tageen yeddo el 3eesh le 7'abazo .. " w 3agaby " ..

matenseesh tedehom nemrity el marra elli gayya .. :P

mal7oza a7'erah " 3aref enni tawelt " .. bs benisba le 7ekayet el geesh eli el nas "bet3ayrik" beha di ..
ana shayef enohom 3andohom 7a2 .. 3ashan enty ma7'talafteesh keter 3an el nas btoo3 e7na asfeen ya rayyes .. la2innik 3ala tool fi saffohom msh fi saf el sh3b .. aywa sa7ee7 sa3at bet3anifihom w ana metabi3 el blog .. bs bterga3y w t2olilhom ento el sanad .. ento el madad .. w homma wala da wala da .. walla 7atta homma elli 7amo el sawra .. bel 3aks .. da homma elli beydaya3o dam el shohada hadar bel qararat el mota7'elfa elli beyata7'ezoha ..

الشبكة المستقلة said...

انا شايف ان موضوع المجلس العسكري مش عارف احنا عايزين اية دة كلام خايب و لعب علينا
ما الطلبات واضحة جداً بس المشكلة في التنفيذ و لو مش عارفين يستعينوا بالخبراء
و ممكن يسلموها لشركة و يطلبوا منهم اللي هم عايزينوة
و يستلموا سوبر لوكس
كل مشكلة تروح لاهل تخصصها و كفاية لعب بالبلد لحد كدة
لو تم حشد الناس لاهداف و خطة واضحة المعالم و اعتماد اسلوب المصارحة في الكبيرة و الصغيرة فحنحل كل المشاكل او على الاقل حنعرف طريقة الحل و الشعب كلة يشتغل
و ربنا يستر و مشكورة جداً على مجهودك و جعلة الله في ميزان حسناتك

Sheri said...

مادام هما عايزين يتواصلوا مع الشباب اقترح انك تنسقي معاهم ومع المدونين علي اساس ان المدونين ف الشارع اكتر

Sheri said...

مادام هما عايزين يتواصلوا مع الشباب اقترح انك تنسقي معاهم ومع المدونين علي اساس ان المدونين ف الشارع اكتر

احلام جوليا said...

اسمعيني يا نواره طول ما الثوار ظهرهم للشارع ما بيشوف احتياجاته الاساسية حتلاقي ناس مضاده للثورة تلعب في دماغه ودماغ المجلس العسكري وعلى فكرة يا نواره انتم السبب ان الشارع ضدكم دلوقت لانكم بتتعالوا عليه وبتعاملوه على انكم بتفهموا احسن منه الشارع لازم يحس انكم منه زي ما كان جمال عبد الناصر بيحسس الناس في ثورته ثورة 52 علشان الناس تسندكم والناس اقوى من الحكومة واقوى من الجيش الناس كرهت حتى الحكومة الي انتم اخترتوها علشان تصرفات الثوار مش عاجباهم متزعليش دي الحقيقة لو عاوزين تنقذوا الثورة انزلوا من علياءكم للناس مش بس تفهمهم هم مش اغبياء ساعدوهم حققوا لهم حاجة الناس كانت فرحانة بكم لما نزلتم الميادين تجملوها وساعدتم باللجان الشعبية وكرهتكم لما بقيتوا تعملوا كل شوية مظاهرات على الفاضي والمليان مرة سب للجيش ومرة شكر للجيش وكله معطل السياحة والاستثمار ومهدد الاقتصاد البلد الناس خايفة على البلد زيكم بالضبط لكن شايفاكم عملين دوشه اكتر من الشغل والناس الي انت بتشتمي فيهم النهاردة والي ضد الثورة محسسين الناس انهم بيحاولوا يساعدوهم ويساعدوا اقتصاد البلد لو عاوزة تكسبوا الثورة اكسبوا الناس يا نواره انتم كل ما دى بتخسروا اكبر حليف لكم الشارع

khaled Bassim said...

إحنا معاك
بلاش احتقار الاخوان من فضلك
دول ناس وطنيين زيك و تكاتفنا مفيد للبد
ربنا مع البلد
من فضلكم تفاءلوا وما تخافوش
اللي إذن بإزاحة مبارك قادر علي حماية الحق

احلام جوليا said...

نواره قبل اي خطة للتظاهر لازم الاول كثوار انتم الي عملتم الثورة تقدموا خطه لرفع الاقتصاد لان اي تظاهر الان مش حيبقى في صالحكم الجيش مظنش حيخضع للضغط ووسط كل الناس الي مش عاجبهم التظاهر ناس حتفضل تضغط على الجيش باستخدام العنف معكم وزي ما قالوا لك انتم زودتوها قوي الناس دي اقنعت الجيش بكده والشارع كمان مقتنع بكده يعني تظاهركم حيزود من الفجوة بينكم وبين الجيش والناس من جهة اخرى اجمعوا معلومات من الشرفا واساتذه الجامعة اعملي مدونة جانبية لو امكن زي ما قال احد المعلقين واكتبي المشكلة واجمعى فيه اراء وافكار ومقترحات لحلها باقل امكانيات ماديه واقتصادية لرفع حال الاقتصاد كده حتكسبي الجيش والناس تاني دوري على الحل متكونيش سبب المشكلة بل سبب الحل واسمعيني يا نواره اذا خسرتوا الجيش والناس ضاعت الثورة للابد اوجدوا حلول يا نواره امس عمرو خالد قدم مقترحات ممتازة لوأد الفتنه الطائفية مثلا قال انه اتصل بشيوخ في وزاره الاوقاف واتفق معهم ان الجمعة القادمة كل الجوامع قدر المستطاع التابعة لوزارة الاوقاف توحد الخطبة وتكون عن الفتنة ووأدها والتحابب بين الناس وانه بيتصل بالكنيسة لعمل نفس الشئ في يوم الاحد وطلب من كل واحد بيسمعه انه يروح لجاره لو كان مسيحي او يشرب معاه الشاي او يعزمه عنده على الغدا ولو اي مسيحي سامعه يعمل نفس الشئ مع جاره المسلم منتكلمش مع بعض في الفتنه والي حصل ومنشعلش النار لان كل واحد اكيد له راي مخالف نتحابب بالطريقة العملية ونروح عند بعض ناكل عيش وملح مع بعض دي فكره حلوة عاوزين تصرفات من النوع ده من الثوار حلول مش مشكلات اشتغلوا على الصعيدين طريقة لحل المشكلة وطريقة لعرض المشاكل الجديدة مش كله عرض مشاكل بدون حلول ده بيرهق الناس والمجلس العسكري يا نواره انتم عمالين تنتقدوا وتقدموا المشاكل الي مش عجباكم محدش فيكم بيحاول يساعد بتقديم حلول عمليه عاملين لا مؤاخذه زي العيل الي طول النهار طلبات طلبات حتى لو من حقه لازم يفكر ازاي اهله حيوفروا له الطلبات دي والا اهله حيزعقوا له ومش حيسمعوا له وحيضربوه علشان يبطل طلبات هي دي الحقيقة ولو انك حتزعلي وانا راي صديقك من يصدقك وانا بقول لك الحق مش وحتى لو زعلتي مني ثقي اني نفسي الثورة تحقق كل مطالبها وانا اول المدافعين عنها بس راي ان الثوار بيتبعوا اساليب بتخسرهم ما بتكسبهمش مش عارفة دي براءة ولا قلة خبرة ولا سذاجة لازم تعتمدوا الحيلة علشان تكسبوا الماتش انتم بتلعبوا مع فطاحل في السياسة وناس عمالقة ديناصورات فتحتم عليهم النار فلازم تبقوا قدهم مش معقول تكونوا فاكرين ان كل الي كان لهم مصالح بالمليارات حيسيبوكم تاخدوا منهم كل التورته كده لازم تعرفوا تلاعبوهم صح علشان تكسبوا الماتش يا نواره انتم فعلا خسرتم الشارع وحتخسروا الجيش اذا لم تفكروا بتغيير الاسلوب اكسبوهم الاول وبعد كده لو طلبتم لبن العصفور حيجيبوه لكم

احلام جوليا said...

نواره قبل اي خطة للتظاهر لازم الاول كثوار انتم الي عملتم الثورة تقدموا خطه لرفع الاقتصاد لان اي تظاهر الان مش حيبقى في صالحكم الجيش مظنش حيخضع للضغط ووسط كل الناس الي مش عاجبهم التظاهر ناس حتفضل تضغط على الجيش باستخدام العنف معكم وزي ما قالوا لك انتم زودتوها قوي الناس دي اقنعت الجيش بكده والشارع كمان مقتنع بكده يعني تظاهركم حيزود من الفجوة بينكم وبين الجيش والناس من جهة اخرى اجمعوا معلومات من الشرفا واساتذه الجامعة اعملي مدونة جانبية لو امكن زي ما قال احد المعلقين واكتبي المشكلة واجمعى فيه اراء وافكار ومقترحات لحلها باقل امكانيات ماديه واقتصادية لرفع حال الاقتصاد كده حتكسبي الجيش والناس تاني دوري على الحل متكونيش سبب المشكلة بل سبب الحل واسمعيني يا نواره اذا خسرتوا الجيش والناس ضاعت الثورة للابد اوجدوا حلول يا نواره امس عمرو خالد قدم مقترحات ممتازة لوأد الفتنه الطائفية مثلا قال انه اتصل بشيوخ في وزاره الاوقاف واتفق معهم ان الجمعة القادمة كل الجوامع قدر المستطاع التابعة لوزارة الاوقاف توحد الخطبة وتكون عن الفتنة ووأدها والتحابب بين الناس وانه بيتصل بالكنيسة لعمل نفس الشئ في يوم الاحد وطلب من كل واحد بيسمعه انه يروح لجاره لو كان مسيحي او يشرب معاه الشاي او يعزمه عنده على الغدا ولو اي مسيحي سامعه يعمل نفس الشئ مع جاره المسلم منتكلمش مع بعض في الفتنه والي حصل ومنشعلش النار لان كل واحد اكيد له راي مخالف نتحابب بالطريقة العملية ونروح عند بعض ناكل عيش وملح مع بعض دي فكره حلوة عاوزين تصرفات من النوع ده من الثوار حلول مش مشكلات اشتغلوا على الصعيدين طريقة لحل المشكلة وطريقة لعرض المشاكل الجديدة مش كله عرض مشاكل بدون حلول ده بيرهق الناس والمجلس العسكري يا نواره انتم عمالين تنتقدوا وتقدموا المشاكل الي مش عجباكم محدش فيكم بيحاول يساعد بتقديم حلول عمليه عاملين لا مؤاخذه زي العيل الي طول النهار طلبات طلبات حتى لو من حقه لازم يفكر ازاي اهله حيوفروا له الطلبات دي والا اهله حيزعقوا له ومش حيسمعوا له وحيضربوه علشان يبطل طلبات هي دي الحقيقة ولو انك حتزعلي وانا راي صديقك من يصدقك وانا بقول لك الحق مش وحتى لو زعلتي مني ثقي اني نفسي الثورة تحقق كل مطالبها وانا اول المدافعين عنها بس راي ان الثوار بيتبعوا اساليب بتخسرهم ما بتكسبهمش مش عارفة دي براءة ولا قلة خبرة ولا سذاجة لازم تعتمدوا الحيلة علشان تكسبوا الماتش انتم بتلعبوا مع فطاحل في السياسة وناس عمالقة ديناصورات فتحتم عليهم النار فلازم تبقوا قدهم مش معقول تكونوا فاكرين ان كل الي كان لهم مصالح بالمليارات حيسيبوكم تاخدوا منهم كل التورته كده لازم تعرفوا تلاعبوهم صح علشان تكسبوا الماتش يا نواره انتم فعلا خسرتم الشارع وحتخسروا الجيش اذا لم تفكروا بتغيير الاسلوب اكسبوهم الاول وبعد كده لو طلبتم لبن العصفور حيجيبوه لكم

محمد صبرى said...

طيب ايه احتمال انهم يكونوا عارفين احنا بنفكر فى ايه بس بيستعبطوا

...

أستاذة مش فاهمة , دى مفيهاش احتمال دا يقين

Argenda said...

أنا قلبي واجعني و عايز اعيط
عارف ان الدنيا هتكون صعبة بس مش بإيدي
***
الكويس إن الجيش عايز يسمع الشباب
بس الوحش حاجتين
الاول انه مش فاهمنا
التاني اننا مش حوالين الجيش و اللي حوالية شوية مش عارف اسميهم ايه
***
لازم بطانة الجيش تنضف و الوساخة اللي كانت حاضرة متتلمش على الجيش تاني لازم صوتنا هو اللي يبقى في ودن الجيش
احنا مش منافقين لما مبيعجبناش حاجة بنقول عكس الناس اللي ملمومين حواليه
***
دلوقتي عندنا 3 مصايب
1*اقتصاد و امن و اه دول حاجة واحدة
2*الشارع اللي سايبينه لنفسه او للخفافيش و الفيران تلعب في ودن الناس
3*الجيش اللي مش فاهمنا و لامم حواليه زباله و احنا اللي سيبناه و لا هو اللي سابنا
***
الكلام مريح و مش مريح
معدتش فاهم و مفيش وقت بصراحة للغباوة
ان كان الجيش اول مرة يحكم فاحنا برضة اول مرة ديموقراطية ولازم نعكز على بعض و نسند بعض
مش يتسند على زباله مبارك و يسيبنا احنا
***
مش قادر اصدق ان الجيش وصل بيه الحال يلم الناس دي حواليه امال فين ابراهيم عيسى و بلال فضل و علاء الأسواني و يسري فودة و حسن نافعة و انتي كويس انه جاب حد مننا و الشباب و الف اسم و لا هي مصر عدمت الشرفاء
***
حد يعمل مشروع قومي للإقتصاد و كلنا هنرشق فيه و انا هشتغل ببلاش في وقتي الفاضي بس زهقت من كتر مبيقولولنا مفيش فلوس و الاقتصاد بايظ عارف الكلام ده شاورولي على حل و انا اول ايد هتشتغل
***

ashek said...

بصراحة الموضوع محتاج جلسات بيننا احنا الأول
شباب الثورة
نح خطط اقتصادية من وجهة نظرنا
والله لو اجتمعنا هنطلع بافكار تحفة
وليه مانستعنش بعمرو خالد
الراجل دماغ تنموية جامدة
ليه زكاة أموالنا ما تبقاش لمشاريع
وليه ما نخليش العاملين بالخارج يشتروا هداياهم السنوية من مصر
وليه ما نشجعش السياحة الداخلية؟


نفسي بجد نتقابل ونعمل ورشة عمل

Unknown said...

بصراحة انا مش شايفة اي حاجة من دولة القانون اللي عوزاها انا عاوزه البلد تمشي زي الساعة لكن بالمنظر دة مش حلوة ابدا في حقنا وبعدين انا خحاسة ان المجلس العسكري مال يلف في دايرة مقفولة ولا فية اي خطوة لقدام وبعدين لية ميفتحش الاستثمارات اللي هو عاوزها والشعب يديلوا احنا مش عاوزين صندوق نسلف مصر احنا عاوزين صندوق نستثمر في مصر يعني اديهم فلوس واكسب منها وبالتالي الفلوس ترجعلي دة غير الاراضي اللي عاوزة تتزرع ولازم نمشي الناس الكبيرة كلها لانهم حيتان ومش هايخلوا البلد تتقدم ابدا

elbasha said...

سؤال: هو المز هيقرا الكلام ده؟؛
؛-)

zizou said...

يا جماعه انا مصري و قاعد في السعوديه و بموت في تراب مصر و انا عندي حاجه عايز اقولها و هي ان مهم جدا المجلس العسكري يوضح سياسه مصر الاقتصاديه فيما بعد الثوره عشان المستثمر يعرف راسه من رجله بمعني
هل في تعديل في الجمارك علي المدي الطويل او حتي القصير ؟
هل في تغيير في سياسه الضرايب و الشرائح الضريبيه؟
هل في تسهيلات ستطرح لتحفيز الاستثمار في مصر؟
في المناخ الاسلامي الحالي في مصر ماذا سيكون وضع البنوك و الفوائد البنكيه؟
ما هي خريطه المشاريع في مصر الفتره المقبله و متي يستقر الامن علي الاقل في المناطق المطروحه في خريطه المشاريع؟
لو وضحت الخيوط دي المستثمر هيجي و كل مل كان الحفز قوي كل مل المستثمر جري عشان يلحق في ناس كتير عايزه تستثمر في مصر و هنا في السعوديه فيه كتير عايزين يستثمرو في كل المجالات لان مصر فيها تنوع في الاستثمار مش موجود هنا بس لازم الصوره توضح محدش عايز يجي يستثمر و بعد شويه يطلع قانون مثلا يقلل الجمارك بعد ما يكون اشتري معدات و دفع جمارك و يجي منافس يدفع جمارك علي النظام الجديد اقل و يخسرو ده مثل يعني
يا رب وفقنا و نخرج من الازمه

Unknown said...

هو فيه مين دول اللى رايحين يحضروا هو اى حد طلع فى برنامج فى فضائيه بقى خلاص خبيبر
الموضوع بسيط اوى
قولتكك قبل كده انا الناس لازم تحس ان فيه حاجه تمت صالحها يعنى استفادت من الثوره مش كل يوم يصحوا على مشكله جديده مره حرق كنسيه ومره خطف بنت ومره ازمه بوتجاز ومره سولار
طيب الناس تحس الزاى بتحسن فى صالحها فى سكتيتن سكه ببلاش وسكه بفلوس خلينا الاول فى السكه ام بلاش
ايه اكتر حاجه بتهم كل الشعب او اغلبيته طبعا ررررررغيف العيش يعنى انا لوحست ان رغيف العيش اتحسن احس ان كده فى امل واننا رايحين للاحسن مش بعد ما نوقف طااابور طويل ناخد العيش ونرمى نصه وبعدين نروح نشترى الرغيف بنص الجنيه اللى العيل الصغيره ياكل منه اتنين تلاته يعنى رب تكاليف كتير على الناس
والحاجه التانيه موضوع الميكروباصات اللى بتقطع السكه يعنى الواحد بدل ما يروح بجنيه يروح بتلاته اربعه جنيه
نجى بقا للى حاجه ام فلوس اى تخفيض فى فاتوره من الفواتير يعنى مثلا فلوس الزباله تشال من على فاتوره الكهرباء او نقلل قيمه ايجار عداد الغاز اللى ترفع من تلاته جنيه لسته جنيه او فاتوره التليفون اللى بعد ماكان الاشتراك طول السنه 24 جنيه بقت المره الواحده 34
حاجات من هذا القبيل تحسس الناس انه فيه حاجه فى صالحها ولو حست بجده اقسم بالله ان الشعب ده هياكل الارض اكل ويطلع منها بطيخ

ehabafndy said...

أعتقد إن نزول الناس أمام السفارة الإسرائيليه و الضغط على موضوع فلسطين و غزه أمر مهم جدا و مفيد فى الوقت الحالى إذا كنا مجمعين إحنا و المجلس العسكرى إن فيه أصابع خارجي بتعبث بأمن الوطن إلى هيه بدون ذكر أسماء إسرائيل يبقى لابد من تشكيل نوع من أنواع الضغط الشعبى لتخويف إسرائيل و توجيه رساله شديدة اللهجه يعنى خليكوا فى حالكوا علشان أفضل فى حالى و إلا سيحدث ما لا يحمد عقباه و أعتقد إن ده نوع من أنواع المسانده الشعبيه للجيش ضد الأصابع الخارجيه العابثه لو كان الجيش فهم الأمور بالطريقه دى مكنش حد إضرب و لا إتعور و لا كان حد إتقبض عليه ما حدث فى رأيى المتواضع كان من باب إن الشعب و الجيش إيد واحده ليس إلا .

ehabafndy said...

و أعتقد إن عقليات الشرطه المصريه إلى موجوده دلوقت بتقول حسب ما فهمت إما أن تصدروا لنا تصريح بالقتل و إلا فلا أمن و لا أمان لكم مع إنى إللى أعرفه يعنى إن القانون بيكفل ليهم الدفاع عن نفسهم تماما و بيقول طلقه فى الهواء و التانيه فى الرجلين لكن هما لالالالالالالالالالالا يإما رصاصه فى الجوره لإما بلاها يا بوى به

المنسى said...

تمااااام يانوارة قلتى كل الكلام وخصوصا حتة إنهم يصارحونا دى ...وكمان هما لو مش بيفهموا فى العمل المدنى يستعينوا بمندنيين شرفاء وما أكثرهم
وفى ناس بتدعوا لثورة تانية وجمعة غضب تانية يوم الجمعة 27 مايو
عايزين نعرف دول إيه نظامهم ...لإن انا بقيت مقتنع مليون فى المية بالنزول لإن مفيش حاجة بتتم ..إبراهيم كامل براءة زى ما بتقولى وفتحى سرور كمان ...طلع بكفالة ...وحسنى عايز يعتذر على الهواء يانوارة ..على الهوااااااااااااااا
يعنى ممكن يقسملنا الناس أكتر ماهى مقسومة ...
كده ناقص بقى يطلعولنا جيمى وعز وتبقى تسليميلى على الترماى
مش هينفع كده
المليونيات فعلا لااااااازم ترجع تاااااااااااانى وبقوة وبسرعة
ولازم يبقى فى حاجة نتكلم فيها كلنا وتلم كل الآراء الإيجابية وإللى مضمون إنها مش تابعة لإخواننا البعدا
وربنا يستر

memo_yaaaa said...

صحيح بالمناسبة انا نسيت اقولك اني طبعا بحبك اوي وبحرص علي مدونتك افتحها في اليوم يجي 3 مرات صبح وغدا وعشا دي الدوا الموصوف
وبالذات لما اصحي من النوم عليها عدل وكمان انا نفسي جدا احضر اللقاء الجاي مع المجلس
وياريت تشوفي موضوع صفحة الاقتراحات دا وتعريضها عليهم لانو هيدي فرصة للي نفسهم يروحو المجلس ويوصلوا صوتهم بس مش هيقدرا او مش هيعرفوا لان كتير بيكون نفسة يشارك
طبعا ياريت يكتب ان الاقتراحات تكون موجزة مش واحد يفضل ياخد االصفحة لحسابة ويفضل يكتب وهاتك يا رغي رغي رغي كانو مكلمة
معلش بقي انا اللي رغيت المرة دي علي فكرة نفسي اعرف نمرة تليفونك
علي فكرة انا صعيدية ونفسي لو فية اية مهمة او عمل اقدر اساعد فية قولي علي طول
علي فكرة انا كنت مندوبتكو هنا في بلدي في جمع التوقيعات لحبس الثلاثي المرح ومرضتش اتصل وبعت لكم كل التوقيعات الكتروني بعد اما جمتعتها علي الورق
طبعا كرهت نفسي وانا عمالة ادخل البيانات وقتها وقلت انا كان مالي ماكنت في حالي بس بصراحة
حسيت اني بعمل حاجة للبلد
يووووووووووووووة
كفاية رغي معلش والله انا متاسفة علي رغي

ola said...

كلام أحلام جوليا صح تماما
الشارع كره الثورة
الناس مش عاوزة تسمع عن أي وقفة ولا أي احتجاج من أي نوع
الكلام بتاع احتياطي النقد الأجنبي اللي هينفذ في خلال 6 شهور وأزمات السولار والبوتاجاز هي دي اللي هامة الناس بجد
وللأسف للأسف ، اللي إنت بتقولي عليهم ببرانيط وبدل دول بيعبروا عن رأي الشارع دلوقتي أنا عارفة الكلام ده لأني بتعامل مع الناس العادية مش مع ثوار ولا مثقفين
اهدوا وركزوا في الحلول مش في المشكلات
ومش عن طريق وقفات
وإلا هترجعوا تاني ال20 واحد بتوع سلالم النقابة

احلام جوليا said...

قريت خبر في جريدة الشروق حرق دمي لو صحيح تبقى مصيبة يا نواره لي مده بقول لكم يا جماعة يا ثوارنا من لا يملك قوته لا يملك حريته طول ما الاقتصاد بيقع الثورة حتقع لان ببساطة لما المجلس العسكري يلاقي انه مش قادر يوفر اقل احتياجات للناس لازم يتصرف حيقدم تنازلات لدول عربية وغربية علشان تساعده واديكي شفتي جولة عصام شرف على الدول العربية الجولة لم تنجح ولم يمدوا له يد المساعده باعوا له الكلام وبس لانهم مش عاجبهم ان الثورة تنجح وبيضغطوا على الحكومة الاكل مقابل عدم محاكمة مبارك والدول الغربية كذلك ودلوقت بمظاهرات غزة خليتوا المجلس العسكري طق واول تنازل قدمه بتنحية وزير الخارجية ووضعه في منصب شرفي للتخلص منه والبقية تاتي التنازل يبدا بخطوة ولسه طول ما محدش بيفكر يساعد فر رفع الاقتصاد حيقع وحتقع معاه الثورة لو عاوزة تنقذيها كنتم ساعدتم بعودة الامن للشارع وساعدتم بعودة عجلة العمل وتنشيط السياحة لكن كتر التظاهر ضرب السياحة ووقف عجلة العمل وساعد في سوء حالة الاقتصاد وخلى حكومة الثورة تتسول الاستثمارات من دول عربية وياريت جه بفايدة بالعكس حسسوا الكل باننا ضعاف ورجعوا بخفى حنين ودلوقت المصيبة الكبرى كتبتها جريدة الشروق مبارك سيقدم اعتذار للشعب ويتنازل عن ثروته في مقابل العفو عنه وعن زوجته يعني بصريح العبارة حيرمي لنا الملايين الي في مصر الفتافيت ويسافر هو يعيش بالمليارت الي بره مصر لاننا ببساطة اذا عفونا عنه يبقى خلاص منقدرش نكشف ارقام الحسابات في الخارج ومنقدرش يحسرها يعني لو رما لنا جنيه وقال ده كل ثروتي منقدرش نقول حاجة ناخده ونسكت والباقي يلاعبنا به كورقة ضغط من رجل اعمال وتاجر سلاح كبير وياثر على الاقتصاد ويمكن يبعت لنا مليشات مسلحة لمصر لتدميرها واستعاده سلطاته ويقدر بعد فترة ياخد عياله بعفو او تهريب وساعتها قولي لام الشهيد تزغرد اصل مبارك قال لها سوري وقولي للي عينه راحت يفرح مبارك قال سوري والله يا نواره معرفش ليه من ساعة ما سمعت الكلام ده وانا بتخيل الفنانة شادية والفنانة سهير البابلي وهم في مسرحية ريا وسكينة لما فرشوا الملاية على المسرح ووقفوا يقولوا (شوبش يا حكومة) ولو اني مش عارفة يعني ايه شوبش بس شكلها كانت كلمة قبيحة

dalyanassar_15 said...

الله ينور عليكى يا نوارة
و إحنا لازم نعترف اننا غلطانين اننا مش بنتواصل معاهم و مديين فرصة للزبالة تتلم حواليهم... يبقى الاحداث اللى حصلت و بتحصل دى طبيعية جدا

منظور شامل للحياة السعيده said...

بعد تفكير

يعني ايه يعزم حبة اعلاميين (مهما كان مقامهم على راسي من فوق) علشان يسألهم في خطه أنيه لحل ازمة الاقتصاد و الامن؟ هوا ايه علاقتهم بدا اصلا الا لو هوا عاوز يلمع صورته و يقول يا عيني انه عاوز يعمل حاجه و بيمدلكم ايديه اهه بس مش عارف؟!!؟!؟!؟

ثانيا فين المخابرات العامه و العسكريه و غيره و غيره لو هوا عاوز يفهم و يعرف الناس عاوزه ايه؟ و الا هوا خلاص قعدات السمر دي هيا اللي بتعرف الجيش الايام دي بس؟

ماشي ملوش خبره يجيب ناس ليها خبره.....و لو ان الموضوع مش داخل دماغي

zmmorabya said...

". وما ينفعش حل مشاكل الطائفية بناس مثيري الطائفية زي محمد حسان"

الله يسامحك يا شيخة!! بقى محمد حسان من مثيري الفتن؟!! أمال اللي واقفين عند ماسبيرو و روحتي وقفتي معاهم دول إيه بقى!! الفئة البنائة اللي في البلد و إحنا مش واخدين بالنا!!
حسبنا الله و نعم الوكيل فيك.. أنا مش ÷ادعي عليكي إنت حسابك عند ربنا على كل كلمة زور قلتيها في حق الشيخ ده و غيره!!!

بس نصيحة لوجه الله, بما إننك لسان و طلعله إنسان.. قبل ما تتكلمي و تبعبعي بكلام فارغ إبقي إتأكدي منه, روحتي إنت صول و شوفتي رد فعل الناس مسلمين و مسيحيين بعد زيارة محمد حسان؟؟ روحتي قنا؟؟ روحتي إمبااابة و سمعتي كلام الشهود العيان اللي من الطرفين اللي بتنفي وجود شيةخ سلفيين من أسااااااسه عند بداية الواقعة!!! عرفتي إيه حيثيات المواضيع و سمعتي كل الأطراف ولا شغالة هرتلة و خلاص!! حسبي الله و نعم الوكيل

أما بالنسبة لباقي الكلام فواااااضح جدا إن الجيش مستهبل بالدرجة الأولى و حلها إن الشعب كله ينزل تاني

zmmorabya said...

". وما ينفعش حل مشاكل الطائفية بناس مثيري الطائفية زي محمد حسان"

الله يسامحك يا شيخة!! بقى محمد حسان من مثيري الفتن؟!! أمال اللي واقفين عند ماسبيرو و روحتي وقفتي معاهم دول إيه بقى!! الفئة البنائة اللي في البلد و إحنا مش واخدين بالنا!!
حسبنا الله و نعم الوكيل فيك.. أنا مش ÷ادعي عليكي إنت حسابك عند ربنا على كل كلمة زور قلتيها في حق الشيخ ده و غيره!!!

بس نصيحة لوجه الله, بما إننك لسان و طلعله إنسان.. قبل ما تتكلمي و تبعبعي بكلام فارغ إبقي إتأكدي منه, روحتي إنت صول و شوفتي رد فعل الناس مسلمين و مسيحيين بعد زيارة محمد حسان؟؟ روحتي قنا؟؟ روحتي إمبااابة و سمعتي كلام الشهود العيان اللي من الطرفين اللي بتنفي وجود شيةخ سلفيين من أسااااااسه عند بداية الواقعة!!! عرفتي إيه حيثيات المواضيع و سمعتي كل الأطراف ولا شغالة هرتلة و خلاص!! حسبي الله و نعم الوكيل

أما بالنسبة لباقي الكلام فواااااضح جدا إن الجيش مستهبل بالدرجة الأولى و حلها إن الشعب كله ينزل تاني

Passant said...

يادى النيلة عليا و على اهلى انا قريت مذا تفعل لو كنت حرامى و بعدين قريت احداث الاجتماع ده يعنى دلوقتى بعد ما اجتمعتوا و قلتلهم الكلام اللى زى الفل ده و روحتى طلع خبر خطاب الإعتذار طيب يا ست البنات جايز انا مجنونة بس مش ديه حاجة غريبة يعنى يجتمعوا بالناس عشان يفهموا الشعب عايز ايه و بعديها نلاقى مبارك بيقولك انا حتنيل اعتذر

نور الدين said...

احلي كلمه قولتيها هي الاخيره..(ومقصودش طبعا انا الكلام التاني غلط او وحش) بس بداية حل الازمه في مصر هي ابعاد ...الزباله اللي لابسه بدل اللي بتحاول انها تاخد دور وتستفيد من الوضع هما هما بتوع النظام السابق ...مش عارف الناس دي مش حاسه ان في ثوره قامت ولا ايه ...ومن الواضح انهم لزقين للمجلس العسكري وطبعا كل العك اللي بيحصل في بعض قرارات المجلس العسكري لسيادتهم دور فيه هما والدكتور يحيي الجمل المخترع فعلا هو مش فقيه دستوري هو مخترع ....المهم انا شايف حل بسيط ممكن يساعد في الموضوع ده انهم يعملوا لجنه من شباب الثوره ..ولا بلاش لجنه ...الكلمه دي كرهناها من نظام مبارك ..ممكن نعمل مجموعة عمل من الشباب المجموعه دي تاخد تفويض بالتصرف بالتفاوض مع اي اضراب او مظاهره فئويه ,,وده انا بقوله عشان الشباب ليهم قدره اعلي ومصدقيه عند الناس فده حيساعد علي حل المشكله واعطاء فرصه للحكومه للتفرغ لحل المشكلات الاكبر ...ويتعمل مجموعه عمل اخري من الشباب المثقف والمتحدث ..يعني شباب اذكياء وعندهم قدره علي الاقناع والناس دي تسافر وتعمل لقاءات مع اعضاء الكونجرس والاتحاد الاوربي والسياسين الاوربييين لاقناعهم بشطب ديون مصر وتقديم الدعم الاقتصادي والعلمي لمصر وانا قولت الشباب هما اللي يسافروا لهدف وهو ان الشباب المصري حاليا ليه قبول عالي عند الاجانب وفي انبهار بما حققه ...ومن الاخر الناس دي بتحترم وبتقدر اللي بيشتغل وهما شافوا الشباب ده عمل معجزه فلازم نضرب علي الحديد وهو سخن ...وكمان الناس دي حاسه بالذنب لدعمها لنظام مبارك فهما حيتلككوا عشان يدعموا الثوره المصريه وعشان كمان يحسنوا صورتهم اما ناخبيهم من الاوربيين والامريكان وعشان يكسبوا الدوله المصريه الصاعده او بمعني اصح يحموا مصالحهم في الشرق الاوسط عن طريق مصر يعني تبادل مصالح...دي فكرتي ممكن تكون اصابة او اخطاْت بس كل اللي اقدر اقوله اني بحب البلد دي ونفسي تتغير للاحسن........والسلام ختام ...شاب اسكندراني...

Ahmed Hamza said...

ويعدين
هم هم نفس الناس اللي بتقول نفس الكلام ؟؟؟
حتي في الاعلام نفس الكلام
انا بحس ان المصريين خلصوا لما بلاقي شوية الناس ديه لسه بتتكلم بصراحة حرام الناس ديه تتكلم عن خطط للنهوض بالبلد واننا ازاي نعدي المرحلة ديه

سمير أباظة said...

نوارة لازم تتكلمى فى برنامجك على قناة التحرير فى الموضوع ده الاسبوع ده وبسرعة ولازم قناة التحرير تقف ضد اللى بيحصل ده عشان البلاوى اللى احنا فيها دى بسبب عدم التواصل اللى بينا وبين المجلس واللى هو السبب ان شوية الالاضيش دول ملموميين حواليهم

YASSER said...

م يغرق احد أقاربى فى عبارة الموت,و لم يكن أحد أفراد عائلتى مستقلا قطار جهنم, و لم يئن أطفالى من الجوع فى عهدك المرير,و لم يجرؤ أحد رعاه الغنم على أن يضطهدنى يوما ,و لم يستمتع أى من زبانيتك بتعذيبى , و لم اضطر لصبغ شعرى و عوج لسانى لكى لايعلم أحد انى مصرى .........و مع ذلك لن أسامح .....لن أسامح حتى لو عاد الشهيد حيا .....حتى لو قبل الشهيد الإعتذار بعد ان يرتد حيا .....لا تعتذر ....فلن اسامح

hussein44 said...

جد خايفين عالثورة المصرية، إعملوا شي وبسرعة منشن ألله

negmat lail said...

شكلك غلطت ودخلت مؤتمر الحزب الوطني اللي شكلهم رجعوا تاني ..ويعني ايه مش فاهمينك ده ... وبعدين الندوة دي دليل ان الناس دول عندهم امل انهم فعلا ترجع ريما لعادتها القديمة

Peace said...

يا مصريين يا اللي رفعتوا راس العرب كلهم! يا اللي خليتو الشباب الامريكاني يتباهى انه بيعرف حد من صحاب شباب الثورة.. والله العظيم شفت وحدة امريكية وهي بتتباهى انها كانت ساكنة في منطقة قريبة من ميدان التحرير وانها كانت في مصر لما الثورة حصلت... اللي بيحصل دلوقتي سواء اشاعة او جس نبض او اي حاجة لازملها الهدوء والتفكير صح! هو مش فيه قانون محلي ودولي ومحاكم استئناف ومحكمة جرايم حرب ومحكمة دولية؟ خلاص خلو المحامين الشباب يشوفو شغلهم بقى... هو في حاجة في القانون المصري اسمها (اعتذر وعفى الله عما سلف)؟ اذا كان فيه حاجة كده طب العتب على مشرعيكم.. مين اللي عاوز يرشح نفسه لمجلس الشعب امسكوا في تلابيبه... حملة دبلوماسية واستخدموا اوراقكم صح.. انتم مهما قلتم مش عايشين في كوكب لحالكم... واصحاب الاستثمارات بيهمهم فلوسهم بالدرجة الاولى ومستقبل استثماراتهم... راجعوا القانون صح وشوفوا ايه ممكن تعملوه من غير عصبية... ترفعوا قضايا في المحاكم المصرية.. في المحاكم الدولية المهم كل حاجة بالقانون اللي انتم دفعتو ثمنه غالي من دم شبابكم..ارجع واقول امسكوا في اللي عاوزين يكسبوا الانتخابات باتوا ليل نهار ادام بيوتهم خلوهم يفهموا بشكل مفيش لبس انكم مش حتنتخبوهم اذا انتهك القانون المصري.. وبعدين القضاة همّ رايهم ايه؟ فيه قاضي موافق على الكلام ده؟ اعملوا ندوات قانونية واسئلوا كل قاضي.. زي ما قلت.. العالم كله بيبص على مصر ويشوف شبابها هيعمل ايه.. افتكروا ده كويس

مهند said...

انا اول يوم ادخل مدونة نوارة هنا كان فى بداية الازمة الاقتصادية اللى احناعايشين فيها حاليا فى مايو 2008وقلت الكلام ده وقتها فى تعليق على بوست لنوارة ان احنا فى ازمة اقتصادية كبيرة وبيضحك علينا يا جدعان

الحقيقة ان مصر على وشك الافلاس من مايو 2008 ده مش من 25 يناير 2011 ابدا
وكنا رايحين رايحنن للافلاس
ومش الثورة اللى جابت الافلاس
الثورة عجلت بعربيتنا فى طريقنا للافلاس مش اكتر

دى رؤية للازمة الاقتصادية وخطة مرحلية للخروج سياسيا واقتصاديا من الوضع ده

http://www.mtyhoo.co.cc/2011/05/blog-post_17.html

اتمنى لو حد عنده اراء او انتقادات او اضافات يشاركنا لتحسين الرؤية

ms said...

this is the first time that i answer on anything since the revolution, i would like to thank you of what you wrote, but on the other hand i would like to highlight few points: the protesters were standing in front of the embassy since Friday, and no one attack them and they tried to ask them to go using politics, but they didn't accept but on the contrary they were increasing in numbers, and shout. till what happened on Sunday night after they tried to enter into the building. i doubt that you were there, did you see the faces of the protesters, and there social level, i am talking about the kids who were fighting till 3 am, as i was awake to see how it will ends, by chance i live next to the zoo, and we were letting people who were suffering from the tear gas to enter in our building to take their breath, and i had a chance to ask them why are you protesting one of them was an entire family, and couple of kids actually i didn't get an answer which make me go and join them, one of them answered i asked before i go, asked whom?? when i told them it's not the proper timing, answer was every thing not the proper time so when is the proper time? replied when we recover and become much stronger, i don't think what these kids know what they are doing, and for trying to enter the embassy i didn't see anything my self, but based on 2 students from the AUC& GUC they were there to report, they told that every was fine till they tried to enter the embassy which they were not suppose too. On the other hand i don't know why every body is putting the blame on the Police, for how long you want us to live in this chaos? i saw a Cherokee, Opel, and a cerato standing next to the protesters at 2 am,any clue?? i saw a video on You tube for Sheikh safwat Hegaz provoking protesters, any clue?? do you think we don't need the police?? can you protect me and my family?? are the entire people living in Egypt well educated, and have manners like educated people, doctors, writers, specialists, consultants, etc... which represent more or less 10% of the entire community??
i'm just a sales Manager in an IT company, and had nothing to do with the old regime, and was never affected by them, i was leaving in peace, and i was with the revolution for my kids, and i like my Army, and my police force which is a red line underlined, as we need them and pls. don't expect that they go and give tea and coffee in order to arrest them, sorry not in our beloved country, at least not in this period, finally appreciate answering this question what would be the reaction of any country who is applying the human rights if protesters were attacking an embassy?

N.B: sorry for writing in English as i don't have an Arabic Keyboard.

and I'm one of your father's fans, regards to him, and to you as well

rifaa said...

Nawara,
I am an Egyptian engineer living in the US working in designing jet engines. I have fixed many problems before and can easily see the mistakes made by the army. I appreciate if you read this and convey the message to them.
http://rifaatahtawi.blogspot.com/2011/05/blog-post_17.html

Economy is not their problem. There are other things they need to focus on.

الناس عايزه إيه said...

ياريت يا نوارة تقوليلنا الاجتماع الجاي إمتي و فين و الحاضر يعلن الغايب لان من كلامك ده أنا فهمت حاجتين أولا الجيش أسند الحوار لغالبية من أتباع المنافقين و المنتفعين من إدارة الفساد اللي في البلد ثانيا واضح إن القائمين علي الحوار من جانب الجيش لديهم إستعداد غير تام و محفوف بالمخاطر لسماع صوت الشباب فبالله عليكي تبقي تقوليلنا الاجتماع فين علشان يبقي فيه حضور كثيف من الشباب علشان الجيش يحس بينا و يسمع منا بدل ما شلة المنتفعين اللي حوليهم دول يكملوا مسلسل التشويه و التحريض بالله عليكي يا شيخي ما تنسي وده الميل لو أمكن تبعتي عليه أو تعرضي معاد الاجتماع علي المدونة تحياتي
nour.p7@gmail.com

rifaa said...

الخطأ الثاني الذي زل فيه الجيش هو إعلانه التركيز على الأمن و الاقتصاد معا. ان تجربه العراق و العديد من دول العالم اثبتت انه لا جدوى من التركيز على الاقتصاد في غياب الأمن و عدم وضوح المسار السياسي المستقبلي . لن يستطيع سائح القدوم لمصر بدون الأمن. لقد ارتفعت اسعار التامين على الدين الحكومي المصري بسبب ارتفاع المخاطر الناجم عن تقلص الأمن وعدم وضوح المسار السياسي لمصر . ان شعور الجيش برغبته في إصلاح الاقتصاد المصري هو شعور طيب و لكنه غير مجد. لقد تعرض الاقتصاد المصري في خلال العشر سنوات الاخيره لعمليه تجريف شديده. لقد زرت مصانع في مصر يزيد حجمها عما اعرفه و اعهده في الولايات المتحده و لكن كانت جميعها خاويه حيث سرح عمالها و بيعت الاراضي المحيطه بها. لقد قابلت بعض من هؤلاء العمال و هم على المعاش في سن يقل عن الخمسين. في نظري هذه جريمه ثلاثيه فقد نحونا جانبا قطاع منتج في الدوله من المفترض ان يكون في اكثر الأعمار إنتاجا و تدفع لهم الدوله معاشا بدون انتاج و تستورد ما كان ينتج بالعمله الصعبه. لقد كان صحيحا ان المنتج المصري لم يكن على درجه كبيره من التنافسية و لكن الحل لم يكن بالقضاء عليه. باندثار التصنيع في مصر اصبح الشعب اما يعمل في الخدمات كالسياحة او سمسره العقارات او قياده التوكتوك او يعمل في بناء البيوت و القصور. لقد تحول الاقتصاد المصري لاقتصاد خدمي معتمد على الخارج فبدون شراء العرب للقصور ينكمش الطلب و بدون السياحه يتدهور ميزان المدفوعات و المشكله ان العمل الخدمي كالسمسرة و تنظيف غرف النوم يسهل الاستكانه. ان اعاده التوازن للاقتصاد المصري و اعاده هيكلته ليست مهمه الجيش فضلا عن انها ستستغرق سنوات و في كل الأحوال هي مهمه لا يفهمها الجيش و غير مطلوب منه ان يفهمها.

rifaa said...

ان راس المشاكل و مفتاح البدايه في مصر هو الأمن و يجب على الجيش ان يركز على ذلك.لا يكون ذلك بتنصيب الجيش نفسه شرطيا. ان المشكله و الحل هما بيد الشرطه و ما يقال عن انهيار جهاز الشرطه في مصر هو كلام مضلل فالضباط في أماكنهم و اعداد العساكر كما هي و سلاحهم كما هو. يصعب تخيل أقدام بلطجي على ترويع الناس و تفجر ازمه كاميليا و عبير بدون علم الشرطه و على افضل الفروض تعمدها تجاهل الامر مما فيه شبهه تواطؤ. لقد أتيح لي السير في الشارع مع احد الضباط و ذهلت من حواره مع البلطجيه و المسجلين و معرفته لهم و معرفتهم له بالاسم.ان الحل مع الشرطه و مهما بلغ حب كبرائهم لحبيب العادلي او لعهد مبارك او كرتهم للثوره فهم يحبونه بسبب إغداقه عليهم بالامتيازات. ان المشكله في نظري هي مما يحل بالمال. ان توضيح الطريق السليم لضباط الشرطه بما في ذلك احترام حقوق الانسان و إغداق المال على من يتبعونه و عقاب من يصر على التخريب كفيل بالحل. يمكن ان يتخذ كل لواء او عميد مستشار من جماعات حقوق الانسان لتقليص التوتر مع الشعب.

في الاخير يجب ان يركز المجلس العسكري على الأمن و لا يكون ذلك بترويع الشعب بل يكون بتطويع الشرطه و يجب ان يتم ذلك في فتره لا تتجاوز الثلاث اشهر يبدء فيها الجيش بإجراء انتخابات محليه و وضع جدول زمني لانتخابات قوميه يترك فيها الجيش العيش لاصحابه و الاقتصاد لمن يستوثقهم الشعب عليه. سيكون ذلك كفيل لتطمين الداخل و الخارج في المدى القصير و عوده السياحه و انخفاض اسعار خدمه الدين مما يؤدي الي استقرار ميزان المدفوعات و تباطؤ نزيف الاحتياطي النقدي. لقد أسدى لي حكيم هذه النصيحة: لا تؤدي عمل لا تحسنه لفتره طويله. ابحث عن شيئ اخر بسرعه. أنا اسدي بدوري هذه النصيحة للجيش. اللهم بلغت. اللهم فاشهد

. said...

لماذا يبدي الجيش حزماً مع "الخارجين عن القانون" كما يصفهم من المتظاهرين بينما لا يبدي الحزم ذاته مع النخبة الفاسدة من مخلفات النظام، المعادية للثورة لأنها تهدد شبكة مصالحها المادية، لماذا يتعامل الجيش مع الثورة كأزمة ولا يراها كعملية اصلاح وطني؟ الجيش يفتقر إلى النية الثورية، حتى أغلبية النخب الحاكمة الحالية سواء في الوزارات أو غيرها من مخلفات النظام الفاسد.حتى الحياة الاقتصادية كان يسيّرها أمن الدولة،الجيش يتعامل مع الفترة الراهنة كأزمة اقتصادية مشابهة مثلا لما تمر به دول أخرى والأمر غير صحيح،وهو خطر لأنه يجعلها تبحث عن حلول تسكينية مثل الاقتراض من الخارج وخطط الانقاذ على طريقة صندوق النقد الدولي، والواقع أن البلد يحتاج لاستعادة رؤوس الأموال المنهوبة وللتعامل بحزم مع الفساد المالي،ومواجهة الملف الأمني بجدية،يدهشني تماما من يعاتبون الجيش على "طبطبته" على الشباب المتظاهرين بينما لا يعاتبه على "تهاونه وطبطبته" مع الشرطة، ان كان يؤلمكم هروب الاستثمارات فإنها تفعل بسبب الانفلات الأمني،لماذا لا تُنفذ خطة اكتفاء ذاتي جادة؟لماذا لا يتم التوجه إلى الادخار الداخلي؟ لماذا لا تُحسن ظروف الائتمان المحلي؟ تحقيق الاكتفاء في الطاقة والسلع الاستراتيجية؟
لو أراد الجيش أن يتعامل مع الأزمة بابتكار ووفاء حقيقي لمبادئ الثورة لفعل،المشكلة أنه يتم قهقهرته بفعل أصحاب المصالح السابقين
شيء مضحك تماما أن بلد بهذا الحجم الهائل من الطاقة البشرية وذو بنية تحتية صناعية وزراعية لا بأس بها وفي تعرضه لأزمة يتوجه للاقتراض من الخارج وكأنه دولة خدمية صغيرة بلا موارد طبيعية. وبالنظر لحجم رؤوس الأموال المنهوبة بواسطة رموز النظام السابق يمكننا الحدس بأن المشكلة الحقيقية هي ترهل القطاع شبه الحكومي/شبه الخاص المكون من لصوص/عصابة تستغل مخصصات الدولة، لماذا لا ينتهج الجيش خطة تقشف خاصة بالمصالح الحكومية المترهلة كي يوفر دعماً للسلع الأساسية والطاقة؟

«Oldest ‹Older   1 – 200 of 212   Newer› Newest»