Saturday, 21 May 2011

الايفينت بتاع يوم 27 مايو


تحديث:
د. صفوت حجازي حيبقى مسافر الجمعة 27 بس قال لي ان بكرة اجتماع اللجنة التنسيقية ولسه حيقرروا اذا كانوا نازلين يوم 27 ولا لا بناء على التقارير اللي بتجيلهم بشكل اسبوعي
كمان قال لي ان اكتر من نص الشباب بتوع السفارة خرجوا وان فاضل منهم 60 واحد ان شاء الله حيخرجوا بكرة، الراجل بقاله 3 ايام متشحطط في النيابة العسكرية
وفي كل الاحوال اللجنة التنسيقية حتطلع بيان
ويا رب خير يا رب
تحديث:
اربعة مليار؟ ايه شغل الجرابيع ده؟ عشان كده شيخ الازهر بيقول الرحمة فوق القانون في التعامل مع مبارك؟ 
اتاريها الاربعة مليار فوق القانون
ايه اربعة مليار دي؟ ايه شغل الجربعة ده؟ احنا مش عايزين من ملك السعودية حاجة، مش عايزين من اللي شتموا شهدائنا وقالوا عليهم خارجين عن الحاكم حاجة، مش عايزين من اللي بيقولوا على الشعب المصري قليل الاصل حاجة، مش عايزين من اللي بيتحدوا القانون المصري وعايزين يهربوا طريد العدالة المخلوع من المحاسبة حاجة
ايه ده؟
اربعة مليار؟
ايه ده؟ ايه شغل الشحاتة ده؟ اربعة مليار دول نجيبهم لكوا في اسبوع
الفنانين اللي بياخدوا مليون جنيه في الفيلم، لعيبة الكورة اللي خانوا شهداء الالتراس وكل واحد فيهم كان بياخد مليون جنيه لما يتهزم، رجال الاعمال، شرفاء بقى ولا مش شرفاء، اللي فيهم مش عايز يدفع بمزاجه اقسم وسطه ضرايب
واعمل حملة تبرعات واحنا نجيب لك قد الفلوس دي عشر مرات، ومش عايزين منك شكرانية يا سيدي
ايه ياختي ده؟ 
رجعوا له الفلوس دي، حد الله ما بينا وبينها
تحديث:
وادي بالونة تانية اهي
قالك مبارك حيطلع وثائق تدين مسئولين كبار في الدولة لو ما تمش العفو عنه
اه.. انهي مسئولين يعني؟ 
اصل المسئولين عندنا نوعين، نوع وقف جنبنا يوم 11 فبراير، ونوع ما وقفش جنبنا يوم 11 فبراير
بالنسبة للي ما وقفش جنبنا اليوم ده مالوش حاجة عندنا غير الحبس
بالنسبة للي وقف جنبنا يوم 11 فبراير، احنا مسامحينه... مسامحينه مسامحينه مسامحينه
ثم اصلا مبارك ده راجل كداب.. مين اللي حيصدق مبارك؟ مبارك ده صاحب اسرائيل والسعودية وممكن جدا يزوروا له وثائق، الوثائق مكتوبة او مسموعة او مرئية تتزور بسهولة ودلوقت ما بقاش حد يقدر يعرف الحقاني م البراني
وطبيعي انه يقول الكلام ده دلوقت لما يحس انه بيتحاكم.. ولو الحكاية دي ما عملش كده ليه من اول ما طلبوا منه يتنحى بدل ما كان يبعت لعبد اللطيف المناوي قرار انقلابي؟ ولو هم عارفين انه ماسك عليهم ذلل ما كانوش اتجرأوا ينحوه
تتحل تتحل دي.. شفتوا؟ اهو باب زويلة يفوت عشر جمال اهو
هاه... خلصونا بقى، احنا لا سننا ولا صحتنا يستحملوا: مش سونيا اتصلت بيا؟ - سونيا؟ انت رجعت تلعب بديلك تاني يا راجل؟ - لا.. ما انا قفلت السكة في وشها.. باقولك... عايزة حاجة مني وانا راجع؟ - راجع منين؟ انت خارج؟ انت مش قايل انك قاعد معانا النهاردة وحتخرج العيال؟ - يا ستي باتكلم على بكرة.. وانا راجع من الشغل يعني
اه... كده صعب قوي، خصوصا يعني انها جوازة متعة بالمدة مش طالبة حرقة الدم دي
واحنا نازلين برضه يوم 27 نرفع عنكم الـ... لا مؤاغزة حرج
تحديث:
النطق بالحكم في قضية الشهيد خالد سعيد اتأجل ليوم 30 يونيو على ما يكونوا شافوا صرفة فينا او احنا شفنا صرفة فيهم
تحديث:
تم تكذيب خبر براءة الضابط قاتل خالد سعيد على نفس صفحة الفيس بوك اللي نشرته عشان احنا اصلنا ناقصين بلالين.. نجاتي انتشر على فكرة
تحديث:
الظابط اللي قتل خالد سعيد اخد براااااااااااااااااااااااااااءءءءءةةةةةةةة
احنا بيتعمل فينا حاجة قلة ادب 


تحديث:
انا اتكلمت مع كذا حد اخوان على التويتر وبيقولوا لي: واحنا كل شوية ننزل وبعدين نتشتم ولما تحتاجونا تقولوا لنا تعالوا؟
سبحان الله
جماعة قوامها تلاتة مليون نفر زعلانة عشان خمستاشر واحد بيشتمها؟ ومستعدين تغامروا بأن مبارك يطلع، وجمال يطلع، وعلاء يطلع، والنظام يعيد انتاج نفسه عشان مقموصين؟ 
ده بجد ده ولا هم كام واحد بيفضفضوا اللي في قلبهم؟ ولا هي حجة؟ 
امال انا اعمل ايه بقى؟ انا فرد لوحدي وفيه مجموعات كاملة من البشر عايشة عشاني اساسا وما وراهش غيري؟ اروح انتحر بقى... هو اللي بيعرف ربنا بيقول كده؟ تطوير نظرية داروين ان الانسان اصله وسخ فما تتغرش بناس بتقولك انك حلو لانهم بعد شوية حيقولوا لك انك وحش، لان كل انسان ملكوت لوحده وبيحكم على الناس من نظره هو، لو اتفقت معاه تبقى حلو وجدع وبميت راجل ولو اختلفت معاه تبقى ابن كلب، ويا سلام بقى، يا سلام بقى لما تبقى واحدة ست في المجتمع الوسخ ده، بس اللي شاف ناس بتفرفر قدامه لحد ما تطلع في الروح يعرف ان دي اتمان رخيصة قوي، واللي نازل عشان الناس تقول عليه حلو ما ينزلش، واللي مقموص عشان الناس قالت عليه وحش بالسلامة، واللي فارق معاه محبة الناس وكراهيتهم يروح يدور على قصة حب من بتاعة منى واحمد، وعلى فكرة، حتى قصص الحب بعد شوية بتقلب بملل، ايه نقص الحنان ده؟ وسيدنا عمر بيقول "إنما تبكي على الحب النساء"؟ والنبي انا نساء اهو، او شبه نساء يعني، وما بابكيش على الحب ولا فارق معايا بتلاتة نكلة اللي بيقول لي باحبك من اللي بيقول لي باكرهك ولا فاكرة اساميهم حتى.. واللي قاعدين يبكوا على الحب جماعة عمرها تمانين سنة
ماحدش يزعل.. ماحدش يزعل
اللي نازل نازل عشان ينقذ بلده، لو كل الناس نزلت كتر خيرهم، لو ماحدش غيرك نزل احمد ربنا انك نلت الشرف ده وغيرك لا، وانت ميت وغيرك ميت، موت وانت محترم وغيرك يموت وهو ندل، المهم اللي بعد الموت مش اللي قبله
المهم اللي بعد الموت مش اللي قبله
ومدام مستبيع على روحك يبقى حنتمسك بمطالب الاجماع الوطني عشان ما نديش فرصة لحد انه يمسك علينا غلطة، ولا ندي حجة لحد انه يبقى قاعد في بيته وهو ضميره شبه مرتاح
والله الموفق
------------
تحديث:
مش انا اللي عاملة الفيديو ده، ده واحد اخده مني في الميدان لما لقاني عمالة اصوت واعيط لما عرفت ان جمال مبارك اتحفظ معاه التحقيق
بس كل واحد فينا بقى يعمل فيديو زي ده يقول ليه نازل يوم 27، يقول رأيه بمنتهى الحرية، واياك يفتح سيرة المجلس الرئاسي، مش عايزين حد يمسك علينا غلطة



تحديث:
لو سمحتوا اطبعوا الورقة دي كل واحد يطبع على الاقل عشر نسخ وينزل يوزعها على في الشارع على ناس ما يعرفهمش غير العشرة اللي هو يعرفهم وحيجيبهم معاه
بدل القعدة دي اللي مالهاش اي لازمة، ده فرض عين عليك تطبعها وتوزعها 
انا بيدخل لي عشرين الف في اليوم، حنقول نصهم مش موافق او مش في مصر، يبقى فيه عشرتلاف، لو كل واحد فيهم طبع 10 ورقات ووزعهم وقال لعشر بني ادمين يعرفهم يبقى كده جبنا 200 الف.. غير كده تبقى مالكش لازمة بصراحة.. اتنحرر بقى الله يكرمك
فين ام روح التحرير بقى؟ 
--------------
والنبي الله يكرمكم نركز.. ونحاول نجمع الصفوف، احنا ما اتاكلناش على قفانا كده الا لما اتفرقنا وبقى اليساريين والليبراليين يشتموا في الاخوان والاخوان يغطسوا ويروحوا يجيبوا ورقة بوستة والسلفيين والمسيحيين يقعوا في بعض والدنيا تشرذمت خالص
صلوا ع النبي كده وموسى نبي عيسى نبي محمد نبي وكل من له نبي يصلي عليه
وبحق من قال لموج البحر يهتدي، لتقولوا يا عزيز
انا مش شايفة الناس مختلفة على الاهداف، انا شايفاهم مختلفين على الحلول
والاختلاف على الحلول مش مشكلة... فيه حل كلنا مجمعين عليه اللي هو وقفتنا في الميدان
اللي بيقول تأجيل الانتخابات ده عيل ساقط وعايز يأجل الامتحان
واللي عايز مجلس رئاسي كفران زيي، بس مش لازم يجبر الناس توافق معاه على حاجة هم مش عايزينها، خلاص يا شباب، ننزل على الاجماع واللي يحب البلد اكتر ييجي على نفسه
واللي بيتحجج انه مش نازل عشان اللي بيقولوا تأجيل الانتخابات ومجلس رئاسي بيناقد نفسه، وبيشتغلنا بصراحة، لأنه في نفس الجملة بيقول الاغلبية مش عايزة كده، طيب يا عم انت الاغلبية، ما تنزل تاكل الميدان لصالحك، انت حتشتغلنا؟ 
الله.. جرا ايه؟ ما نزلتوا اليوم اللي ظباط التحرير نزلوا فيه وكان فيه ناس بتقول نازلين نسقط المشير ولما انتوا نزلتوا الميدان اتاكل لصالحكم وبتوع يثقط المثير دول بقوا نملة في غيط
من بات في بيته سلم اصحابه
حد مختلف على ان مبارك وحاشيته لازم يتحاكموا؟ ومش بس يتحاكموا على الفلوس يتحاكموا على الدم؟
حد مختلف ان فيه حاجة مش تمام بتحصل وانهم بيتسرسبوا الواحد ورا التاني؟
حد مختلف ان دول لو خرجوا حيبقى نهارهم نادي ونهارنا احنا اللي مش باين؟ 
حد مختلف على ان التهديد بالازمة الاقتصادية لوي دراع وان مصر فيها اقتصاديين عباقرة يحلوا الازمة الاقتصادية دي في يوم ونص؟ 
حد مختلف على ان التحجج بالازمة الاقتصادية لعدم محاسبة رجال الاعمال الفاسدين ورجال الوطني حجة مش مقبولة؟
حد مختلف على حد ادنى واقصى للاجور؟ 
حد مختلف على ان ما ينفعش شباب طاهر ونقي يتقدم لمحاكمة عسكرية في نفس الوقت اللي الجمل بيدعو فيه للمصالحة مع الحرامية؟
حد مختلف على ان الجمل لازم يمشي امبارح؟
حد مختلف على ان عمر سليمان بيلعب في اساسنا بالفتن الطائفية ولازم يتجاب؟ 
حد مختلف على ان عودة امن الدولة بالشكل ده مش مقبولة وانهم لازم يبقوا تحت اشراف قضائي وحقوقي؟
حد مختلف على ان الشرطة عاد لينتقم.. واذا كان على الشرطة امرها سهل تنضرب تاني مدام بقت مدمنة ضرب، لكن ينفع الجيش يكتفنا للشرطة، خلاص.. الجيش يخلي بينا وبين الشرطة ولا يتدخل لا لصالحنا ولا لصالحهم، واحنا نتصرف معاهم، لكن ظابط شرطة يقول لظابط جيش قدام العيال بتوع السفارة: انا جاي اخد تاري؟ الله الله الله.. هي بقت كده؟ 
من هنا ليوم الجمعة ممنوع الآتي:
1- الخلاف والشقاق
2- الاتهام والتخوين
3- طرح قضايا خلافية
كل واحد حييجي على نفسه عشان اخوه، المهم نرجع الميدان رجعة قوية ويبقى شكلنا محترم
المجانين يمتنعون.. المهم وحدة الصف
الاندال يتنحررون.. عشان وكتاب الله المجيد انتوا اول الناس حتندبحوا، لايموها بقى، بقاء المجانين كمعارضة في مصلحة النظام القديم اللي بيعيد انتاج نفسه لانهم اساسا تغور المعارضة من وشهم، الناس بتكرههم وما بيعرفوش يكسبوا الشارع، بالعكس، كل لما يتبنوا قضية الناس تكرهها كأنهم ثورة مضادة على نفسهم، الناس كرهت العمال من وشهم، وكرهت البرادعي من وشهم، وكرهت الديمقراطية من وشهم، وكل ما يحطوا صباعهم في حاجة يكرهوا الناس فيها.. بالصلاة ع النبي، عاملين زي مبارك ربنا مسلط عليهم نفسهم
فدول مافيش اي خطر عليهم، حيتسابوا يعني، عشان النظام القديم الجديد يشاور عليهم ويقول: لو عارضت حتبقى زي عمو الجرسون 
انما اللي بيعرف يكسب الشارع هو ده اللي حيندبح، وحتبقى مدبحة تاريخية، ومدبحة بتشويه، ومش بعيد يطلعوكوا عملاء وجواسيس وقرف.. لايموها بقى، بلاش غباء
مافيش داعي للندالة
انت بتستندل مع نفسك كده
الايفينت بتاع يوم 27 مايو اهو لو سمحتوا اعملوا اتند وشيروه وفيه المطالب اللي عليها اجماع وطني 

123 comments:

د/احمد فهمي said...

ماشي يانوارة الطلبات دي زي الفل وهاننشرها على الفيس والتويتر بس عايزينك تختصريها في كام طلب بسيط وباسلوب واضح عشان نطبعهم ونوزعهم على الناس انا مش باتقل عليكي انا بس عايز تبقا الاوراق اللي بتتوزع كلها واحدة مش عايز الناس تحس باختلاف لما الناس اللي في الشارع من كل حته يوصلهم نفس الورقة هايحسوا ان الموضوع كبير والناس كلها نازله وهايتشجعوا هما كمان ينزلوا بس المهم نكسب راجل الشارع
انا لسه باعتلك كومينت حاكيلك فيه على اللي شوفته في البلاعات على البوست اللي فاتت على طول
د/احمد فهمي - المنسق الإعلامي لحزب مصر الثورة

lastcrazyboys said...

لا تصالح

ولو توَّجوك بتاج الإمارة

كيف تخطو على جثة ابن أبيكَ..؟

..وكيف تصير المليكَ

على أوجهِ البهجة المستعارة؟

..كيف تنظر في يد من صافحوك

فلا تبصر الدم..

في كل كف؟

إن سهمًا أتاني من الخلف..

سوف يجيئك من ألف خلف

فالدم -الآن- صار وسامًا وشارة

لا تصالح،

ولو توَّجوك بتاج الإمارة

إن عرشَك: سيفٌ

وسيفك: زيفٌ

إذا لم تزنْ -بذؤابته- لحظاتِ الشرف

واستطبت- الترف

====
!!.. في ذكـــــرى أمــل

دكتور محمد said...

always respect your mind.

صوت الحق said...

يانوارة
فيه دعوات تانية لعمل مجلس رئاسي وعشان كده فيه ناس معترضييين

لازم نلغي موضوع مجلس رئاسي دي حاليا على الاقل

وموضوع دستور جديد اومال الاستفتااء ده وتعب القلب ده كان لازمتهم ايييه؟؟؟

http://www.facebook.com/event.php?eid=203663063002238

بس لازم يكون فيه تركيز على العدالة الاجتماعية وعلى تطهير الحكومة من الفاسدين ومن اي واحد كان في الحزب الوطني والاستثناء زي عصام شرف هو اللي يكون لكن اي حد في الحزب الوطني يمشي فورا حتى لو ملاااك

والبوست اللي قبله انا متفق معاكي فيه تماما وده حالنا كلنا كمية الخناقات اللي اتخانقتها في الكام يوم دي رهييبة

المهم فيه اغبياء هيضيعونا ولازم نلحق الموضوع
والا هيخسروا ويخسرونا معاهم

بلاش مجلس رئاسي دلوقتي وبلاش تغيير دستوور والكلاام ده دلوقتي خاالص خاصة موضوع المادة التانية اللي صدعت دماغنا

وايه موضوع التيار المصري الرئيسي والوثيقة اللي بتتعمل ومعتز عبد الفتاح

ايه حكايته لو حاجة كويسة ممكن نلم علييه


د/ أحمد مخلص

0117618422

واحد مش فاهم حاجة said...

انا كنت امبارح في التحرير والله وكنت جاي من محافظة اسيوط لكي اشارك في جمعة رفض الاعتذار بجد اتصدمت العدد كان قليل وفوق كدان ان كل واحد بيغني على ليلاه في ناس بتتطالب باسقاط المشير وفي ناس عايزة مبارك واسرته يتحاكموه وفي ناس عايزة تتطبق الشريعة وفي ناس عايزة تلغي قانون الايجار الجديد وفي ناس مش عارف عايزة ولا بلاش وفي ناس كل هذا وسط غياب للتيارت الرئيسة الموثرة والفعالة زي الاخوان الي مش عارف راحوا فين فالمنظر امبارح كان اشبه بسوق منه بميدان التحرير الي عرفته لدرجة انا والله يانواة خايف الاسبوع الي جاي الاقي الدنيا كده واتبهدل تاني في المواصلات ويارت الناس الاسبوع الجاي كلها تبجي ويبقى فب موضوعات محل اجماع وطني بدل المنظر يبقى زي الاسبوع الي فات وياريت نعرف هو المنظر هيبقى زي الاسبوع الي فات عشان الواحد يقعد في بيته اكرمله

elsayar said...

المشكلة يا استاذة نوارة مش فى كل الكلام الجميل الى حضرتك بتقوليه المشكلة الكبيرة ان الناس دلوقتى بتعانى فى مشاكل مادية كبيرة وبترجع اسبابها للثورةاقناع الناس انها تنزل تشارك شىء صعب جدا فى ظل مشاكل السولار وارتفاع الاسعار ...الخ
ده غير عدم امان الناس بنسبة 100% الى الجيش و احساسه بانه ممكن يقلب على الناس فى ثانية .

elsayar said...

@nawaranegm المشكلة مش فى كل الكلام الجميل المشكلة الكبيرة ان الناس دلوقتى بتعانى فى مشاكل مادية كبيرة وبترجع اسبابها للثورة ,اقناع الناس انها تنزل تشارك شىء صعب جدا فى ظل مشاكل السولار وارتفاع الاسعار ...الخ
ده غير عدم امان الناس بنسبة 100% الى الجيش و احساسه بانه ممكن يقلب على الناس فى ثانية وان صبره ممكن ينفد فعلا زائد ربط الناس قلة الامن فى الشارع بالمظاهرات ...........انا خايف يبقى ميدان التحرير فى وادى والناس فى وادى تانى ارجو التعليق استاذة نوارة

waleedsebak said...

هشارك عشان الناس كلها مش حاسه بتغير ولا كأن فى ثوره

lavender said...

ناس كتير ليسوا من الاخوان ضد المجلس الرئاسي المدني و ضد تاجيل الانتخابات

lavender said...

يا نواره ايه تفسيرك ان دي مش اول مره طلب المجلس الرئاسي يتحشر في وسط الطلبات اللي الناس بتبقي نازله علشانهه في الاساس ؟؟ تنكري ان ده اتكرر كتير ؟؟

Ghada said...

عايزة اقولك حاجة مهمة جدا دعصام شرف ممكن يكون ورقة ضغط على المجلس العسكرى هو لية بطل يطلع يوم الاثنين ولية مطنش على حاجات كتير ما ينفعش يتطنش عليها هو لازم يفهم انة كدة بيساعدالثورة المضادة لازم يا نوارة انت ومجموعة من الاتلاف تروح تقابلة وتفهموا منة هو فية اية بالضبط ولازم يفهم انة اقوى من المجلس بينا احنا ولو هدد المجلس انة كدة ممكن يمشى المجلس ها يجيب ورا ولو قال للناس انة ماشى علشان مش عارف يحقق طلبات الثورة الملايين ها تنزل الشارع ومش هاترجع غير لما كل مطالب الثورة تتحقق وكل واحد عمل انة مصدق المجلس هايفهم الحقيقة وعايزة اقلك ان المجموعة الى راحتلة من مصر للطيران قالهم المجلس قال فية اتنين تحتهم خط احمر شفيق ومشعل لازم يفهم هو قوى بينا واحنا اقويا بية

Moora said...

لازم نرجع كلنا صف واحد أيد واحدة،،،،"المهم وحدة الصف" لأن التقسيم اللي حصل هو اللي خلى أفانا يورم ضرب من حيث لا نحتسب!!!!!!!!!!!!!!!

Ghada said...

عايزة اقولك حاجة مهمة جدا دعصام شرف ممكن يكون ورقة ضغط على المجلس العسكرى هو لية بطل يطلع يوم الاثنين ولية مطنش على حاجات كتير ما ينفعش يتطنش عليها هو لازم يفهم انة كدة بيساعدالثورة المضادة لازم يا نوارة انت ومجموعة من الاتلاف تروح تقابلة وتفهموا منة هو فية اية بالضبط ولازم يفهم انة اقوى من المجلس بينا احنا ولو هدد المجلس انة كدة ممكن يمشى المجلس ها يجيب ورا ولو قال للناس انة ماشى علشان مش عارف يحقق طلبات الثورة الملايين ها تنزل الشارع ومش هاترجع غير لما كل مطالب الثورة تتحقق وكل واحد عمل انة مصدق المجلس هايفهم الحقيقة وعايزة اقلك ان المجموعة الى راحتلة من مصر للطيران قالهم المجلس قال فية اتنين تحتهم خط احمر شفيق ومشعل لازم يفهم هو قوى بينا واحنا اقويا بية

Waleed said...

قشطة السنين عايزين من ده

أسامة said...

استاذة نوارة انا برة مصر بس دمنا بيتحرق في اليوم 100 مرة من التباطؤوالتواطؤ اللي بنشوفه يعني لو مبارك وعصابته مش حراميه وقتلة مين بأى اللي هايبأى حرامي وقاتل ؟؟؟ الشعب !!! ايام الثورة كان عندنا امل عن الوقتي الوقتي الثورة بتجهض ...بس السؤال احنا بنواجة مارد كافر فلازم نواجهه بقوة لازم يكون فيه كتله مضادة للعصابة دي تواجهها بقوة ..لازم حشد لعلماء مصر والمفكرين والمثقفين ورجال الدين ورجال الاعمال الشرفاء ومعاهم الشعب كل الشعب مسلمين وزمسيحين وخلينا من القرف اللي بنسمعة دهوتقسيم الناس لسلفيين واخوان وليبرالييين وكله عمال يسب في كله ..لأ ده فرض عين على الشعب كله فين دكتور زويل والبرادعي وفاروق الباز و.......فين الشيخ حافظ سلامة وشعب السويس فين دكتور محمد غنيم وشعب المنصورة فين.....لازم نوجه رساله ليهم شخصيا وندعوهم عشان يقوا جبهتنا لازم شغل طول الاسبوع ده ليوم الجمعة...

كيوبيد said...

نواره كلام جميل وزى الفل بس فيه طلب مهم قوى انتى نسيه لازم حرمنا اعضاء الحزب الواطى من ممارسات الحياة السياسه 10 سنين على الاقل علشان دول هايرجعو تانى بس فى جلد جديد زى الافاعى يخربو من جديد ارجوكى لازم الناس دى تمنع من ممارسات الحياه السياسى

ahmed said...

حمد لله على السلامه يا نواره ربنا شفاكي من سحر المجلس العسكري واتنورت بصيرتك ياريت كل الناس تفوق وتعرف الحقيقه وانا معاكي نأجل مطلب المجلس الرئاسي على جنب المهم نقصقص ريش المجلس العسكري من اذناب النظام السابق ونغيرهم كلهم اوم ايه اوم المجلس العسكري ما يلاقيش حد يساعده في تخطيطه للحركات القرعه اللي بيعملها اوم يتلم ويحترم نفسه وينفذ مطالب الثورة ونخش الانتخابات البرلمانيه واحنا محققين اهدافنا ولو المجلس ما احترمش نفسه وما حققش مطالب الثورة مش هيلاقي حد يساعده ووقتها نشوف حل تاني المهم الاجماع والتنفيذ والاصرار على رايي ابراهيم الفقي والله الموفق

Tears said...

انتى مش عايزة تواجهى نفسك بالحقيقة يا نوارة

المجلس العسكرى اللى فيه قيادات الجيش خانوا القسم اساسا و خانوا الشعب تلت مرات

مرة لما سكتوا على مبارك عميل اسرائيل الاول و همه شايفيين اللى بيعمله

و مرة لما وقف يتفرج على المدنيين و القناصة بتقتلهم و ساب البلطجية يقتلوهم يوم موقعه الجمل و غيرها و الشباب دول كانوا بيحرروا البلد و بيعملوا اللى همه المفروض يعملوه بس سبوهم عزل يموتوا

و اخر مرة لما تحالف المجلس مع الاخوان و جاب مجرد محامى اخوانجى داير فى البلد يقول اسلامية اسلامية يعمل تعديل الدستور بتاع الدولة المدنية و ساب فقهاء و اساتذة جامعه نتيجة صفقة بتكلم عنها كل الصحف العالمية مع الاخوان...احموا فسادى و سبونى فى حالى لانى كنت جزء من نظام مبارك و شريك فى بلاوية لانى لو مش كده كنت انقلب عليه و انا ح اسيبلكم الارض....ده نفس اللى حصل فى الحجاز بين ال سعود و محمد عبد الوهاب و اتغير اسمها للسعودية و الفسدة رعوا فى البلاد مقابل ان جماعه عبد الوهاب ليها الشارع تتسلط عليه و بقى اسمها جماعه الامر بالمعروف...ده تاريخ بيعيد نفسة

يوم تنحى مبارك و الناس فرحانة صرخ ضابط و قال يا اغبياء انتو فرحانيين عشان شيلتوا مبارك و جبتوا 19 مبارك بداله


http://tears-demo3.blogspot.com/2011/05/blog-post_18.html

kandil86 said...

يا نوارة انا شغال فى شركة فيها عدد حوالى 300 واحد وهابعت المطالب والدعوة بتاعة يوم 27/5 على الميل الداخلى للشركة وريت كل حد يقدر يعمل كدة يعمل دة طريقة سهلة وهتوصل لناس كتير

prof-osama said...

بقيتى بتفكرينى ببثينة كامل يا نوارة .. معاركك بقا الفشل عنوانها الابرز... امبارح فضيحة الميدان بينت ان مجموعة ال22 فعلا اقلية مشرزمة لا تاثير لها .. وياريت حاولى تروحى تتفاهى وتقبلى ايادى القوى الحقيقية اللى نجحت الثورة وتقنعيهم بكلامك لان الشطط وشغل التحريض دة ممنوش فايدة.. تحالف المجلس العسكرى مع قوى ال77 مخلى موقفهم قوى جدااااااااااااااا ولا امل فى عمل تحرك بحدة الادنى من غيرهم واللة لو مشيتوا على ايدكم وعملتوا قرود هيبقا شكلكم فضيحة زى امبارح.. بجد كنتم كوميدين قوى قوى ..:)))))))))حاجة كدة زى بتوع جروب انا اسف ياريس..هههههههههههها

mahmoud said...

اللواء البطران اتقتل من الداخلية والتفاصيل علي النت وجت في برنامج علي مودرن حرية قيادات الصف الاول والتاني ويمكن اكتر في الداخلية خونة تطهير وزارة الداخلية اللي نجست مصر هو ده اساس المشكلة اللي مخلية دم الشهدا رايح والمجلس العسكري بيتفرج واضح يانوارة انه لو مش بمزاج المجلس العسكري تبقي موازين قوي ويمكن تهديد محور الشر بحرق البلد لو النظام اتهدم ده سبب دموع عصام شرف لما مسك الوزارة وقال مصر مش حتقع الناس الموجودة دلوقتي في الوزارة همها مصلحتها وحيجي يوم تسيب الوزارة نبقي رمم لو ماسدناش المنبع وهو كلية الشرطة عشان لما الخونة عمرهم الافتراضي يخلص تبقي السيطرة في ايدنا بما ان الجيش مش عايز عملية جراحية سريعة ده كل ده بفرض حسن نية المجلس العسكري نوارة الاجابة وزارة الداخلية هم بيحكموا علي الارض زي اسرائيل كده كل ده بفرض حسن نية المجلس العسكري بكررها كتير صح بس علي فكرة الاخوان لو تصفيتهم بالحل الامني سهل كان النظام البائد عمله من زمان الاخوان مش بيبتدي العنف عشان مايتروجش انها ثورة اسلاميين علي الحكم بس لو وجودهم والكيان كله اتهدد مش حيتفرجوا اما السلفيين فالسوعدية بتحركهم هي توازونات قوي وربنا حيوصلنا للنقطة اللي كاتبها مش حنعمل كل حاجة مرة واحدة انا عايز اقولك كلام كتير بس مش حتقل اكتر من كده بس يمكن اكلمك تاني سلام عليكم

الفجرُ الآتى said...

للاسف يا نوارة ، وياريت تقرى كلامى ده كويس
معظم الناس مبقتش واثقة فى الائتلاف نفسه ، ولا فى دعواتهم

لما يطلعوا فى التليفزيون
وفين مكاسب الشباب من الثورة ؟
ثوار التحرير يأنون لأن مكاسبهم ضاعت وليس لهم مقاعد فى البرلمان

يعنى الثوار دول كان هدفهم مصالحهم من الأول يعنى ولا ايه ؟
ده غير إنهم بيستعدوا الناس

يعنى ايه مجلس رئاسى مدنى ودستور جديد
انتوا بتضحكوا على مين ؟

لازم ترجع المصداقية تانى
والثورة مش ملك الشباب عشان يشيلوا ويحطواويشجبوا وينددوا

اتكلمى يا نوارة فى كل القنوات الفضائية اللى تقدرى تتكلمى فيها
الناس بتحبك وبتثق فيكى
انتى مش بتتلونى ومش زى معظم الناس دلوقتى

وربنا يحفظ بلدنا

mahmoud said...

معلش يانوارة حقول اللي عايزه دلوقتي فيه صراع بين الاسلاميين متمثلين في الاخوان وغيرهم وبين الغرب علي تربية وتثقيف الشعب وغالبيته الصامتة الغرب عايزنا مش متطرفين ومش متمسكين باصول الاسلام عايزنا روشين بس هم اغبيا ودي من النوادر اللي اقول عليهم فيها اغبيا اختاروا الحل الامني واستسهلوا قالوا ليه ننميهم ونحترمهم ونديهم ديموقراطية عشان يحبوا المجتمعات الاخري ومايبقوش متزمتين ليه نكلف نفسنا واحنا بالعصاية بنربيهم من غير تعب وده حل فاشل بيخلينا نقرب لربنا اكتر ونلتزم اكتر ومسيرهم حيفهموا اما اعوانهم من البهايم اللي في مصر اصلهم عرب والعربي لو مش عارف ربنا بيبقي بهيمة عمره ماحيفهم ودي مصلحة زي الاخ كده اللي هو مش من جرابيع الميدان الاخوان بقي الناحية الاخري ومعاهم الاسلاميين هدفهم الاسمي التوغل في المجتمع وتربية الناس علي الدين هي حرب كل طرف بيحاول فيها صبغ الشعب بالصبغة اللي مؤمن بيها وعايزها واحنا مسلمين يعني عواطفنا ناحية التدين البهايم اللي في مصر بيخدموا الغرب مش فاهمين ومش حيفهموا ان القهر حيقربنا من ربنا اكتر انا بقولك كده ليه عشان تعرفي وانتي اصلا عارفة ان ده صراع كبير الديموقراطية جزء منه بس ربنا وعدنا احنا بالنصر عشان كده وانتي بتحاولي ارضي بالنقطة اللي ربنا يكتب لنا الوصول ليها من غير احباط لان ده صراع طويل نهايته لسة بعيدة حلمنا الاسلامي والعربي الجميل مش حيحصل في يوم وليلة احنا بنكتب فصل فيه واللي بعدنا حيكملوه وحتشوفيهم وانتي فرحانة عايشة بقي ولا في الجنة الله اعلم وربنا يوفقك ويحفظك

Mohammed said...

من الافضل مخاطبة الجيش كشريك وليس خصم


لو لازم تنزلوا

بلاش شتايم في الجيش ولا المجلس العسكري

وهذا لمصلحة الوطن

لانكم مش فاهمين حاجة

معلهش المرة دي كمان

متفائل said...

أولاً : الإخوان عمرهم ما حينزلوا ولا حتشوفي طرف صوباعهم في الميدان .. مش عشان بيتشتموا زي ما قالولك .. عشان نزولهم يوم الجمعة حيضرهم ضرر جامد ويزعل منهم الجيش خصوصاً وهم يتقدمون للجنة الأحزاب بأوراق حزبهم الجديد هذه الأيام علاوة على برنامج موسع ينفذونه إستعداداً للإنتخابات المقبلة بدأ بعشرات من قوافلهم الطبية تجوب الأرياف والصعيد شبر شبر وزنقة زنقة وهو أمر لا تستطيعه المعارضة الأخرى (اللي إنتي بتشبهيها بالتلميذ الخايب وتظلمينها كثيراً) علاوة على إتهامات الكفر التي تلصقها بهم الإخوان مهما عملوا مما يصرف رجل الشارع عنهم فما بالك بالفلاح البسيط

ثانياً : التحقيق إتحفظ مع جمال مبارك في قضية واحدة من أربعتلاف قضية لسه شايلهم وإنتي عارفة كده كويس وفاهمة كده كويس وبالتالي بلاش تخدعي الناس البسطاء بمقولة : جمال حيطلع وعلاء حيطلع والنظام حيعيد إنتاج نفسه وراجع .. كمان إنتي بتخدعي الناس حين تقولين : ظابط شرطة يقول لظابط جيش قدام العيال بتوع السفارة: انا جاي اخد تاري؟ الله الله الله.. هي بقت كده؟ .. فهي مقولة واضحة الإختلاق تقصدين بها إثارة مشاعر الجماهير وهذا لا يليق بواحدة مثقفة زيك .. المفروض تكوني أمينة مع الناس أكتر من كده

ثالثاً : إنتي بتقولي الثورة إتسرقت ومطالب الثورة لم تتحقق ويتم الإلتفاف حولها .. الكلام ده لغاية دلوقتي ما حصلش .. لكنه حيحصل .. عارفة حيحصل أمتى ؟ حينما يصل الإخوان إلى الحكم وهم حتماً سيصلون بعدما أخليتم لهم الساحة بخلافاتكم وضيق أفقكم .. ماتحطيش نفسك قدام دبابة وتنتحري دلوقتي يا نوارة .. أجليها شوية لما يجي الإخوان وترين منهم ما سوف يجعلك تترحمين على اليومين دول اللي مش عاجبينك .. الأيام بينا وحافكرك .. ده طبعاً لو فضلت عندك مدونة أو كانت هناك نت من أساسه

رابعاً وأخيراً : إزاي بتقولي على نفسك (أشباه نساء) ؟ مانتي طالعة في الفيديو أهو منورة وزي القمر

الفوريجي said...

يقول أمل دنقل

لاتصالح فما الصلح الا معاهدة بين ندين في شرف القلب لا تنتقص
ونقول
والذين نحاورهم مجرد لصوص يحاولون تطويق الثورة أمام أعيننا والتردد
يطلق ضحكته الساخرة

يقول تميم البرغوثي

يا شعب انت اللي كارم كل من حكمك الدولة دي عارفة تحكم بس من كرمك
كشر لها وهي حتجيلك تبوس قدمك
مافيش حاجة اسمها مليون راجل اتغصبوا
سايق عليك النبي
ما تقول كفاية يا شيخ
الملحمة لما تخلص يبدأ التاريخ
وبكرة جاية حروب فيها بكا وصريخ وبكرة نصرك يخض الشمس من لهبه
سايق عليك النبي
ما تقول كفاية كده
من النهاردة انتصاراتك حتبقى كده
يا شعب مصر اللي رجالته وبناته كده

حلال عليه لبن العصفورة لو طلبه

فماذا تقولون؟

Mohammed said...

صح يا متفائل

بت خيخة وأي كلام said...

like

Hady said...

ده هدية مني ليكي... المجلس لازم يمشي و المجلس بيلعب على حتت الاستهبال اللي عمالين نحطها في عقولنا بمزجنا http://www.dostor.org/politics/egypt/11/may/21/42868
اولا اا متفق مع حاجات كتير من اللي قولتيها بس لازم ننبش و نحفر... اتنين الطرقة اللي ماشية بيها هي نفس الطريقة اللي ما عملتش حاجة اساسا غير ان المجلس تمادى... يعني استهبال النفس بمزجها ادى للي احنا فيه... الناس لازم تفهم و تصدق و نشوف الية لحطهم ادام نفسهم بصراحة عشان يحسموا قرارهم بسرعة... ثالثا مش انتي اللي هتحطي نفسك تحت دبابة من اللي شارينها بفلوسنا و من المعونة الامريكية اللي اسرائيل بتاخد اضعافها و المخلوع و قيادات المجلس ده ما اعترضوش ولا مرة و بيتعاملوا مع الوضع كأنه قضاء الله عليهم و ماتخلينيش اتكلم اكتر... اللي يتحط تحت الدبابة اللي عامل فينا كده... المهم انا كنت محضرلك ردرو بس انا دماغي مشوشة شويتين... الناس لازم تواجه الحقايق... و لازم نساعد اللي مش قادر.. انا فاهمك في حتة المجلس تماما بس على الاقل احفري و حفري و انتي فاهماني... الاستاذ عادل حمودة كان فتح موضوع كدة ياريت توليه اهتمامك.. المهم الطريقة دي هما بيستغلوها و معاكي ان ماكنش العشم من الاخوان و عارف انهم ماشيين و فاكريين انهم اذكى من الكل و يعني صابرين لحد ما يتمكنوا لأنهم عارفين انهم هيكسبوا الانتخابات و بعدين يظبطوا الاوضاع... بس ده لو اساسا هيفضل فيه انجازات للثورة عشان يوصلوا للإنتخابات و هيندموا و هتكون ضربة قاضية ليهم انهم مش ملتحمين مع الناس و خسروا برضة من مصلحتهم يكونوا مع الناس مش مع افكارهم و الانغلاق..لأن لو خسروا هيخسروا الناس... اسألي اللي عاوز المجلس عاوزه ليه لمجرد انه الجيش؟؟ مش هما الجيش و بعدين الناس لازم تعرف ان لو شلناهم هيرجعوا جيش من تاني وعلى الاقل يتفرغوا لدورهم اكتر و ده احسن للامن القومي المصري في ظل اللي بيحصل في ليبيا و احتمال في سوريا.. فكري و هفكر برضة تاني بس لازم يبقى فيه مصارحة و كفاية استهبال للنفس و على فكرة انا عارف و انتي عارفة و الكل عارف ان مش هيحصل حاجة و اللعب بقى على المكشوف فبلاش نداري احنا بالعكس ماشي مش هنطالب و ان كنت متحفظ بس لازم ننعكش و نعرف غيرنا لحين اشعار اخر.

roudy_ig said...

http://www.facebook.com/?ref=home#!/event.php?eid=156499904415101

نوارة انا عملت الايفنت ده علشان الموضوع ينتشر و تبقى مليونية انشاء الله شوفيه كده, هو فيه كل المطالب

roudy_ig said...

http://www.facebook.com/?ref=home#!/event.php?eid=156499904415101

نوارة انا عملت الايفنت ده علشان الموضوع ينتشر و تبقى مليونية اكبر من اى مليونية حصلت قبل كده انشاءالله شوفيه كده هو فيه كل المطالب

Hady said...

اضيف... اننا لو نازلين عشان نطالب بمطالب كنا طالبنا بيها بل كدة في خمستاشر مليونية نبقى بنستهبل و نستاهل اللي يحصلنا... و ممكن من واقع المطالب الاقتصادية اللي طرحتيها بعد ما يتبنوها يبداوا يهدوا الناس و نلاعب بعض بطريقة انتي لو فكرتي فيها هتفهميها و نقوم نفقد حشد مهم... ثانيا احنا لما عمانا مليونيات عشان نفس المطالب دي قبل كده و ما اتحققش منها حاجة نبقى بنكرر نفسنا و و بالعكس اللعب على المكشوف و بقى فيه انفراد اكتر بالقرار و ده ضد كل مبادئ ثورتنا... مصارحة النفس اللي نازل لازم يصارح فسة بليه نازل المرادي... و تتوهيش عقول الناس خوفا من الاختلاف.. يعني لازم نعرف الناس و اللي نازل مش نازل يطالب بمطالب اطلبت قبل كده و محصلش فيها حاجة... و لو بتدوري على الشرارة يبقى ما تطفيهاش اساسا من الاول سبيلها الهوا اللي حوليها يساعدها.. و ارجع و اقول الشجاعة في مصارحة النفس و مواجة الامر... طيب ايه رأيك نمسك العصايا من النص... جربي بس فكري شوية بالمنطق اللي بقول عليه... ركزي جهدك على التوعية احسن من رأيي... على فكرة اللي عاوز المجلس مجرد انه خايف من المستقبل مش اكتر و خايف من الفراغ ده غير اللي مستفدين من الهزل اللي بيحصل... كل الناس عارفه و فاهمة... نوحد جهدنا في اننا نزق الزقة المطلوبة و و لو لقينا اننا ما لناش اجماع ماشي نسمع للي بيقولوه... بلاش نستهبل نفسنا و نديهم ثغرات عملية يدخلولنا منها و يقسمونا بجد... و يدخلونا في عملية تفاوضية و استنزاف وقت اكتر من كده فكري تاني لو بتسمعي كل الاراء... شكرا لسعة صدرك ليا و للي بقوله و اسف لو من غير قصد كنت ضايقتك او زعلتك من غير ما اقصد

عصام said...

مهم جدا يا نوارة نضيف لمطالبنا "تطهير القضاء"
محاسبة القضاة الفاسدين وأن يكون التعيين في الجهات القضائية والجامعات بالتقدير

أصل ما ينفعش يبقى الفاسد عادل عبدالسلام جمعة هو اللي بيحاكم العادلي في القتل
وماينفعش اللي بينتدب قضاة التحقيق في قضايا الفساد يبقى عبدالعزيز عمر ابن خالة حسني ورئيس لجنة الانتخابات في عهده
وما ينفعش رئيس نادي القضاة يطالب بتوريث المناصب القضائية لأولاد المستشارين

ولازم بالله عليكم نؤكد على كل الناس بلاش المطالب اللي ممكن تفرقنا بلاش المجلس الرئاسي وتأجيل الانتخابات والكلام ده

وربنا يوفقنا

DIY CNC said...

بصى يا نوارة
لوكنتى فكرة الكومينتات بتعتى زمان اناكنت بقلك لمى الكبار كل الكبار


مشمهم انك ما بتسمعيش الكلام محدش فينا بيسمع الكلام بس مش ده المهم المهم انكو كل ما تعلنو عن مليونبة بتم افشلها عن طريق التنفيز الصطحى لواحد او اتنين من المطالب طيب ممكن تجربو تططلبو كل حاجة مرة وحدة ونشوف حا يعملو ايه

utopia said...

والله مسا محين اى حد سرق بس يقف جنبنا
مايخافوش بقا ويخلصوا
اهم حاجة مبارك وحكومته وعيلته ورجال الاعمال غير كده والله مسامحين
حلال عليهم بس يرحمونا بقا
وهانعمل عبط ومش هانصدق اى كلام يقوله الراجل ده وعياله اصلا ده كداب ومتغاظ منكموكمان هانشيلهالكوا جميلة
ياللا خلصوا بقا
اوفففففففففففففففف

hardway said...

أنت عملتي أيفينت..لبتوع الترمس والسوداني واللب الابيض..اوعي ..اوعي تنسي.. حمص الشام ..ياااااااااه وهو مشطشط في ميدان التحرير وياريت بتوع الشاي أكثر من كده لالالالالالالالالالالالالالا
يا نوارة
الخدمات مش مساوية الحدث..دي ثورة يا نوارة
أنا ملاحظ ان الخدمات بمستوي عشوائي
لا يوجد الا شاي حمص سوداني قليل من السميط والدقةو بعض الطراطير والبالونات علب مناديل ثورة25..الخدمات تحتاج تتطوير
السندويتشات قليلة جدا وبعدين نوع واحد جبنة بيضا وحلاوة طحينية مفيش بروتين خالص..ولا هي مقصودة..؟؟؟
ممكن تتعاقدي علي علب جاهزة ورخيصة ..والله
علبة بها عدد 2 سندوتش + مشروب+منديل ثورة + رقم..ممكن اخر النهار نعمل تمبولا عليه........................
يا نوارة حديقة التحرير
أقرئي جيدا عن الثورات..بدل العبط والهتل اللي بتكتبه

أع ـقل مـ ج ـنـونــة said...

يانوااااااااارة الله يكرمك يا اوختي
تقوليلنا الامتحانات نعمل فيها ايه؟
نروح التحرير ولا الامتحانات يعني :(
ولا بما اننا فالخرة دا مستقبلنا ضايع يبقي نضيع من كل حاجة ولا ايه؟
عرفينا وانبي يا اوختي عشان انا واللي خلفوني دماغنا هتنفجر
لا راضيين ع اللي بيحصل فالبلد
ولا عارفين نذاكر
:(

sallam_123 said...

يا نواره انا مبحبش التشكيك فى حد بس احب اقولك ان الجيش له علاقات قويه جدا مع امريكا ويمكن اكتر من مبارك نفسه وخاصه الثنائى طنطاوى وعنان ومن متابعتى للبرامج فى امريكا شوفت رأيس الاركان الامريكى وهو بيتكلم وبيأكد ان كل اتصالاتهم مع المشير والمجلس العسكرى علشان يضمنو عدم اطلاق النار على المتظاهرين وده طبعا اللى حصل امريكا ادت حتى الان 30مليار دولار مساعدات للجيش ومش معقول يعنى لوجه الله او من غير ما يكون لهم راجل او اتنين جوه الجيش ,على العموم انا مسامحهم وبطلب منهم يعملو مجلس استشارى يساعدهم من رحم الثوره ويلتزمو بتحقيق كل المطالب لان لو فتحنا فى تاريخهم هنلاقى بلاوى

RyDer said...

مطالب مليونية الجمعة 27 مايو
تم تصميمها بالفوتوشوب

http://www.mediafire.com/?bzochw59oito1fh

nosseir said...

عشان الناس تنزل يوم 27 لازم تشوف حاجة مقنعة...يعنى مثلا لو الناس اتأكدت من موضوع العفو عن مبارك انا واثق ان الكل هينزل ويمكن يعتصموا فى الميادين...لكن الجيش كذب الخبر ونفى تماما...يبقى لية بقى عايزانا ننزل؟..مبارك ونظامة ..كلهم فى الحبس... الانتخابات..الجيش اكد انها لن تؤجل ودة شئ ممتاز....فين السبب المقنع عشان ننزل...بجد انا مش شايف اى لازمة من الثورة اللى بدون هدف دة ..وبالنسبة لموقف الاخوان فانا بجد شاايف موقفهم عاقل جدا...الاخوان مش شباب متهور كل شوية عايز ثورة عشان ادمن ريحة قنابل الغاز

zeina said...

خذي بالك يا نوارة: دول حيفضلو يأجلوا بالمحاكمات حتى شهر رمضان لما تكون الناس مشغولة ومش قادرة تنزل الشارع وتتظاهر. خلو عينيكن صاحيالهم

Roura said...

انا مش ح اشارك يوم 27 و ناس كتير اعرفهم مش ح تشارك. انت عملتي لينك للصفحة بتاعتهم من غير ما تقرأي هم كاتبين ايه و لما قرأت قلتهم ما حدش ح يوافق علي الكلام ده و ده حقيقي احنا مش غنم عشان تحددولنا مين اللي يحكمنا و يحطلنا الدستور و تقولولنا "هر" علي المليونية فاحنا نهر و الحالة الوحيدة اللي ح تخليني اشارك هو ان انتو تقولوا انكو مالكوش دعوة بالناس اللي عاملة الصفحة دي اللي ما حدش عارف هم مين بالظبط

جبهة التهييس الشعبية said...

اللي مش عايز مجلس رئاسي ولا لجنة دستور ولا تأجيل الانتخابات ينزل عشان ما يخليش اللي بيقولوا الكلام ده يسيطروا على الميدان

يا اما قولوا انكم خايفين بقى

Hady said...

يرجعوا مين و ايه؟؟؟ دا اساسا منشور انهم شكروه على تمن مبارك... بس مبارك معاه سبعين مليار... طيب المهم بالطريقة دي ممكن نسميها مليونية محلك سر... يعني هنقدم نفس المطالب اللي قدمناها اساسا قبل كدة و نروح و هكذا و لو مافيش اجراء للضغط عمرهم ما هيعملوا حاجة... يعني ادينا بنروح نزيط و نهيص في التحرير ايام الجمعة و نروح... فسحة يعني ... و الله اساسا المجلس المدني نخليه تامين ليهم و يباصوله الكورة و يا دار مادخلك شر و نوعدهم ماحدش يتكلم عن اي حاجة و نكفي على اي حاجة في اي حاجة ماجور... بس لو باصوا الكورة كده و شالوا عن نفسهم الجبل التقيل اللي علىى اكتافهم بالطريقة دي..ز وعفا الله عما سلف... و مش زعلانين بس يعفوا نفسهم هما الاول من اي حرج

أبو هاجر said...

ست الكل مساء الخير

عنيدة ، و راكبة راسك، وما تسمعيش إلا صوتك

جميع المتابعين للثورة المصرية يجمعون، إلا نوارة نجم، أنها ثورة بدون سلطة ثورية ، بل يذهب سمير أمين في بحث، أنها أقل من ثورة. وهذا خلق وضعية جد معقدة . و المثقفين الذين أبدوا الكثير من المحاذير و التوجسات ودخلوا في سجال مع رموز المؤسسة العسكرية .تكفلت نوارة نجم في مدونتها، وصاحبها على صفحات المصري اليوم ، فيما شبه توزيع الأدوار وتقسيم العمل ، بهجوم عنيف على النخبة المصرية ووجهت لها تهم مختلفة أقلها حدة أنها نخبة واطية ومتخلفة وريفية وبلدي اوي و تعلق ملابسها الداخلية على... وتهجمت بالاسم على أستاذ العلوم السياسية حسن نافعة لمجرد أنه اختلف مع الضابط عثمان لأن الدكتور نافعة رأي ما لم تراه النوارة التي كانت في تلك الفترة غارقة حد شوشتها في حب العسكر
و اليوم بعدما تبين الخيط الأبيض من الأسود وتبين فعلا ،كما قالت، أن النظام يعيد إنتاج نفسه وهي الجملة و الوحيدة الصحيحة في كل ما قالت ، بدأت تذرف الدموع و تهدد أنها تضع نفسها تحت دبابة .
الثورة يا النوارة علم له إطاره النظري وقواعده ومناهجه وهو علم يدرّس في الجامعات وله مؤلفات و أساتذة يتربعون على المدرجات . و من الآخر كما تقولون في المحروسة ،السلطة القائمة ليست من الثورة وهناك تحالف داخلي وخارجي لتقزيمها وتحويلها إلى مجرد إصلاحات وترقيعات . وهذا أيضا ينسحب على تونس وأنا أنصحك أن تعودي إلى تصريحات القاضي التونسي ،فرحات الراجحي التي أحدث ضجة في تونس .عندها تكتشفي المؤامرات التي تعرض لها الثورات العربية ذلك كله يتطلب إعادة النظر في جميع الممارسات وطرق العمل على أسس أخرى مغايرة . وهذا كما قلت في تعليق سابق يحتاج إلى طراز من الرجال و النساء ذوي أفق واسع ،مش ناس تضع نفسها تحت دبابة . وبهذه المناسبة أتوجه بالشكر لتلك السيدة التي في كل مرة تكشف تعليقاتها عن وعي حاد ومتقدم ، السيدة
tears

ملحوظة
الناس اللي حبوك ما طلبوش رأيك

mohammed said...

يعنى شيخ الأزهر العرص ما قراش فى القران "و لكم فى الصاص حياة يا أولى الألباب؟؟؟؟؟"
ما قراش حديثي رسول الله
‏أخبرنا ‏ ‏قتيبة ‏ ‏قال حدثنا ‏ ‏الليث ‏ ‏عن ‏ ‏ابن شهاب ‏ ‏عن ‏ ‏عروة ‏ ‏عن ‏ ‏عائشة ‏
‏أن ‏ ‏قريشا ‏ ‏أهمهم شأن ‏ ‏المخزومية ‏ ‏التي سرقت فقالوا من يكلم فيها رسول الله ‏ ‏صلى الله عليه وسلم ‏ ‏قالوا ومن يجترئ عليه إلا ‏ ‏أسامة بن زيد ‏ ‏حب رسول الله ‏ ‏صلى الله عليه وسلم ‏ ‏فكلمه ‏ ‏أسامة ‏ ‏فقال رسول الله ‏ ‏صلى الله عليه وسلم ‏ ‏أتشفع ‏ ‏في ‏ ‏حد ‏ ‏من ‏ ‏حدود ‏ ‏الله ثم قام فخطب فقال ‏ ‏إنما هلك الذين قبلكم أنهم كانوا إذا سرق فيهم الشريف تركوه وإذا سرق فيهم الضعيف أقاموا عليه ‏ ‏الحد ‏ ‏وايم الله لو أن ‏ ‏فاطمة بنت محمد ‏ ‏سرقت لقطعت يدها ‏

أبو أمك شيخ أزهر عرص صحيح

elsawraelarabia said...

موضوع محاكمة حسنى من ناحية ، و الفلوس من ناحية تانية ، غرضهم تشتيت انتباة الناس مش اكتر ..
الفلوس ممكن تيجى و يستفيد منها الحرامية برضة و الشعب ما يطولش منها و لا مليم ، و يرجعوا يقولوا " اجيبلكوا منين " ـ زى حسنى ما كان بيقول زمان ـ او ان اقتصادنا منهار و هنفلس ـ زى ما بيقولوا النهاردة .
و حسنى و عصابتة حتى لو اتعلقوا ع المشانق مش هيعوضوا العمر اللى راح و لا هيجيبوا اللى ماتوا ..
عشان المآسي دى ما تتكررش تانى يجب يكون هدفنا ـ فى المرحلة اللى بدأت ب 25او 28 يناير او حتى 11 فبراير ـ هوة :
بناء سلطة بديلة ، سلطة الشعب الكادح و الشغيلة ، عبر مجالس منتخبة من الجماهير ، فى كل مصنع او منطقة سكنية او اقليم ..
اى حاجة تانية تضييع وقت ( و تضييع ثورة )

http://thearabrevolution.blogspot.com/p/blog-page_6707.html
الفلوس و المحاكمات

e said...

ﻣﺼﺮ ﻋﺎﻣﻠﻪ ﺯﻱ ﻓﻼﺣﺔ ﺑﻬﻴﺔ ﻣﺎﺕ ﺭﺍﺟﻠﻬﺎ ﻣﻦ ﺯﻣﺎﻥ ﻭﺍﻟﻌﺴﻜﺮ ﻭﺍﻟﻤﻤﺎﻟﻠﻴﻚ ﺑﻴﻬﺘﻜﻮﺍ ﻋﺮﺿﻬﺎ ﻛﻞ ﻟﺤﻈﺔ ﻛﻢ ﻳﻮﻡ ﻭﺍﺣﻨﺎ ﻋﻴﺎﻟﻬﺎ ﺑﻨﺼﺮﺥ ﺍﻻﺗﺤﺎﺩ ﻳﺎ ﺧﻠﻖ ﺍﻻﺗﺤﺎﺩ ﻳﺎ ﺑﺸﺮ ﺍﻻﺗﺤﺎﺩ ﺩﻩ ﻫﻮ ﺍﻟﻠﻲ ﻓﺰﻋﻬﻢ ﺍﻳﺪ ﻭﺍﺣﺪﻩ ﻛﻠﻨﺎ ﻣﺴﺎﻡ ﻣﺴﻴﺤﻲ ﺍﺧﻮﺍﻧﻲ ﺳﻠﻔﻲ ﺍﺷﺘﺮﺍﻛﻲ ﻟﻴﺒﺮﺍﻟﻲ ﺷﻴﻭﻋﻲ ﺍﻳﺪ ﻭﺍﺣﺪﻩ ﻧﻮﻗﻊ ﺍﻟﺨﻔﺎﻓﻴﺶ ﺩﻭﻝ ﻭﺑﻌﺪﻳﻦ ﻳﺒﻘﻲ ﻓﻲ ﺗﺪﻭﺍﻝ ﺳﻠﻄﺔ ﺑﻴﻦ ﻛﻞ ﺍﻟﻔﺌﺎﺕ ﺩﻱ ﻣﻔﻴﺶ ﻓﺮﺍﻋﻨﺔ ﻭﻻ ﻓﺮﻋﻮﻥ ﺑﻌﺪ ﺍﻟﻴﻮﻡ ﻣﺼﺮ ﻣﺶ ﺣﻴﺤﻜﻤﻬﺎ ﻭﺍﺣﺪ ﻣﺼﺮ ﺣﻴﺤﻜﻤﻬﺎ ﺍﺋﺘﻼﻑ ﻣﻮﺣﺪ ﺗﺪﻭﺍﻝ ﺳﻠﻄﺔ ﻋﺪﻝ ﻭﻛﺮﺍﻣﺔ ﺟﻴﺶ ﺣﺴﻨﻲ ﻻﺯﻡ ﻳﺴﻘﻂ ﺗﻠﻔﺰﻳﻮﻥ ﺣﺴﻨﻲ ﻻﺯﻡ ﻳﺴﻘﻂ ﺩﻡ ﺗﻤﻨﻤﻴﺖ ﺷﻬﻴﺪ ﻣﺶ ﺣﻴﺮﻭﺡ ﻫﺪﺭ

elsawraelarabia said...
This comment has been removed by the author.
elsawraelarabia said...
This comment has been removed by the author.
elsawraelarabia said...
This comment has been removed by the author.
elsawraelarabia said...
This comment has been removed by the author.
e said...

ﺍﺭﺑﻌﺔ ﻣﻠﻴﺎﺭ ﺩﻭﻻﺭ ﺗﻤﻦ ﻛﺮﺍﻣﺔ ﻣﺼﺮ ﺍﻡ ﺍﻟﺪﻧﻴﺎ ﺍﻟﻠﻲ ﻓﻴﻬﺎ ﺧﻴﺮ ﻳﻐﻄﻲ ﺍﻟﻜﻞ ﺍﻟﻠﻲ ﺑﺘﺘﻨﻬﺐ ﻣﻦ ﺍﻳﺍﻡ ﺍﻟﺮﻭﻣﺎﻥ ﻭﻟﺴﻪ ﻓﻴﻫﺎ ﺍﺭﺑﻌﺔ ﻣﻠﻴﺎﺭ ﺩﻭﻻﺭ ﺷﺤﺎﺗﻪ ﻭﺍﺣﻨﺎ ﺑﻨﺒﻴﻊ ﺍﻟﻐﺎﺯ ﻻﺳﺮﺍﺋﻴﻞ ﺑﻌﺸﺮ ﺗﻤﻨﻪ ﻭﺍﻟﻐﻔﻴﺮ ﺑﻴﺸﻜﺮ ﺍﻻﻣﻴﺮ ﻫ ﻋﻠﻲ ﻛﺮﻣﻪ ﺍﻟﺤﺎﺗﻤﻲ ﺍﺳﺘﻌﻴﺮ ﻛﻠﻤﺔ ﻧﻮﺭ ﺍﻟﺸﺮﻳﻒ ﻓﻲ ﻓﻴﻠﻢ ﺳﻮﺍﻕ ﺍﻻﺗﻮﺑﻴﺲ ﺍﻫﻬﻬﻬﻪ ﻳﺎ ﻭﻻﺩ ﺍﻟﻜﻠﺐ

محمد صبرى said...

لأ طبعا مقراش .. لأنه شيخ ازهر عرص .. و لعلمك مفيش عرص بيقرا ولا بيفهم

mimit_saif said...

اولا انت مش شبه نساء انت ست النساء وانا ان شاء الله نازل يوم 27 بس انا عايزك تقولى حاجه للمجلس الرئاسى لو تعرفى توصليلهم قوليلهم احنا مش عايزين حاجه غير الصراحه لو فى ضغوط من الخليج عشان نفرج عن مبارك فاحنا مش عايزين حاجه من الخليج ان شالله حتى نجوع مستعدين ان كل واحد يبقى ليه طقم فى الصيف والتانى فى الشتا وناخد البنزين ببطاقات ولا اننا نتذل للسعوديه قوليلهم ان احنا عملنا الثوره عشان كرامتنا مش الفلوس وانا عن نفسى مستعد اتنازل عن مرتبى كل شهر (هو اساسا كله على بعضه 233 جنيه و80 قرش) يعنى ياخدوه احسن مش فارقه

mimit_saif said...

اولا انت مش شبه نساء انت ست النساء وانا ان شاء الله نازل يوم 27 بس انا عايزك تقولى حاجه للمجلس الرئاسى لو تعرفى توصليلهم قوليلهم احنا مش عايزين حاجه غير الصراحه لو فى ضغوط من الخليج عشان نفرج عن مبارك فاحنا مش عايزين حاجه من الخليج ان شالله حتى نجوع مستعدين ان كل واحد يبقى ليه طقم فى الصيف والتانى فى الشتا وناخد البنزين ببطاقات ولا اننا نتذل للسعوديه قوليلهم ان احنا عملنا الثوره عشان كرامتنا مش الفلوس وانا عن نفسى مستعد اتنازل عن مرتبى كل شهر (هو اساسا كله على بعضه 233 جنيه و80 قرش) يعنى ياخدوه احسن مش فارقه

bang887 said...

**************************
سمير رضوان وزير المالية
**************************

نفى البنك المركزي المصري اليوم السبت تقريرا بثته وكالة أنباء الشرق الأوسط بأن احتياطي النقد الأجنبي للبلاد قد تراجع إلى 24.9 مليار دولار.

كانت الوكالة الرسمية تنقل في تقريرها الذي بثته يوم 19 مايو عن وزير المالية سمير رضوان.

http://www.shorouknews.com/ContentData.aspx?id=460598

محمد نبيل said...

المستشار زكريا عبد العزيز يطالب بمجلس رئاسى

http://www.mujaz.me/coverages/1900489/%D8%B9%D8%A8%D8%AF-%D8%A7%D9%84%D8%B9%D8%B2%D9%8A%D8%B2-%D8%A7%D9%84%D9%82%D8%B6%D8%A7%D8%A1-%D8%BA%D9%8A%D8%B1-%D9%85%D8%B3%D8%AA%D9%82%D9%84-%D9%88%D8%A7%D9%84%D8%AB%D9%88%D8%B1%D8%A9-%D9%84%D9%85-%D8%AA%D8%B5%D9%84%D9%87-%D9%88%D9%85%D8%AD%D8%A7%D9%83%D9%85%D8%A7%D8%AA-%D8%B1%D9%85%D9%88%D8%B2-%D8%A7%D9%84%D9%86%D8%B8%D8%A7%D9%85-%D9%84%D9%8A%D8%B3%D8%AA-%D8%A8%D8%B7%D9%8A%D8%A6%D8%A9?source=mrwidget

yosef said...

يا نوارة الله يرضى عليكِ ويسعدك
ارجعي واقرأي ما بيكتب لكِ من المصريين ومن غيرهم وانا منهم
ارجعي اقرأي ما كتبه ابو هاجر وتيرز

الثورة مش مسيرات مليونية وبس
الثورة برنامج عمل يعتمد على رؤية واضجة وتحليل ناضج لكل ما حولنا
بعدين للثورة رؤية او رؤى مرحلية واستراتيجية وفي كل مرحلة هناك شعار او شعارات لكل مرحلة

لا يجوز ان نستسهل ان الشباب المصري ازاح طاغية حكم مصر 30 سنة ب 18 يوما وبالتالي قادر ان يقود مصر وبنفس المسيرات المليونية

حددي الاهداف المرحلية والتي تتوافق مع مطالب معظم الشباب وتياراتهم وطالبوا فيها
مش معقول ينقسم ال20 مليون اللي بتحكي انهم شاركوا بالمسيرات المليونية الى 20 مليون رأي ومطلب

اذا كان النظام القديم بعده بيشتغل يبقى الخلل فينا واذا كان الاخوان منظمين حالهم وبيشتغلوا كويس وعارفين لوين رايحين وانتوا لسه مش عارفين لوين رايحين يبقى الخلل فيكوا مش في الاخوان

ما تطلبيش من الآخرين التوقف عن العمل لمجرد انه احنا مش عارفين نشتغل كويس

اعادة احياء النظام من جديد يتطلب اعادة احياء الثورة من جديد وبشكل جديد يتناسب مع المتغيرات التي تمت بعد 11 فبراير

محمد نبيل said...

مبارك خالف أحكام القضاء عشان مولد أبو حصيرة يستمر ووسع للصهاينة الضريح كمان وأمنهلهم غصب عن عين الناس، محدش وجه له التهمة دى، المفروض يتقدم فيه بلاغ بالكلام دة. كمان موضوع أبو حصيرة دة خيانة عظمى واضحة.

bang887 said...

******************************
سمير رضوان وزير المالية
******************************

أكد سمير رضوان، وزير المالية، أن مصر ستكتفي ذاتياً من القمح خلال عام 2011، وقال - خلال حواره ببرنامج (واحد من الناس)، ''سنكتفى ذاتياً من القمح هذا العام وسيكون لدينا فائض.. المحصول جيد جداً ولكننا لن نشعر به الآن.. لأن المحصول لم يُجنى حتى الآن ولذلك فالدولة مضطرة أن تدفع مليار جنيه يوميًا لاستيراد القمح..

شوف إزاى : مليار جنيه يوميا لشراء القمح، يعنى 365 مليار جنيه سنويا، يعنى تقريبا ميزانية الدولة بحالها فى سنة. ...... شوفتو التهويل والتخويف والتهجيص .... إيه الهدف منه؟

http://www.masrawy.com/News/Egypt/Politics/2011/may/20/radwan_economy.aspx

حبيبة said...

بصى يا نوارة عشان فى كلام بيخوف الناس من يوم 27 زى مثلا انكوا عايزين تشيلوا المجلس العسكرى وعايزين دستور جديد ومجلس رئاسى لازم الناس تفهم ان يوم 27 مش عشان المجلس العسكرى عشان الناس متكشش وتخاف وبعدين يا نوارة انتى زعلانة من الاخوان ؟؟؟ طيب فين باقى الناس يا نوارة انتى مش ملاحظة ان الشبا دلوقتى انشغلوا بالاحزاب اللى مش باينلها حاجة دى ونسيوا الشارع والناس لازم الكل يرجع يا نوارة عشان نكون اقوى ومؤثرين وربنا يستر

نسيم الفجر said...

يا ست نوارة شوفيلك حل الكلاب بتوع الثورة المضادة عاملين يسموا بدن الناس ع الفيس بوك ويقولولهم مطالب الثورة التانية دي مطالب خبيثة ودنيئة والتفاف على رأي الاغلبية واوعوا تنجروا وراهم وتنزلوا يوم الجمعة

المهدى said...

نوارة المشكلة إن مبارك بيتحاكم بقانون مبارك وبيحقق معاه وبيجمع الأدلة نيابة مبارك واللى حيحكم عليه قضاء من اللى مخترقه مبارك واللى حيطلق الشائعات ويطالب بالعفو مشايخ ورجال مبارك فى إعلام مبارك
يبقى لازم حيطلع براءة
المجلس العسكرى الوطنى والغير ثورى لما شاف كدة فكر فى موضوع البلاليين دى كلها لإنها حتحل مشاكل المحاكمة وترفع حرج اليمين وبالمرة تجيب فلوس وترفع ضغوط
الحل إنها تكون ثورة بجد نطهر الأول ونأسس وبعدين نتنيل نصوت مادام حنموت نصوت على روحنا والراجل بتاع قانون الإجراءات الجنائية ده يقعد على جنب ويتقدم بدلا منه عسكرى بجد من أبو بيادة ثقيلة ينضف الشرطة والقضاء والإعلام ويذيع حقائق عصر الإنحطاط المباركى

Mohammed said...

يا نوارة

في جهتين مستفيدين من الهبل اللي انتوا بتهبلوه ده

الاخوان وعمرو موسى

دول بقى عاملين زي الطالب الشاطر اللي جاي مذاكر وقاعد في الفصل في اول دكة
وبيرفع ايده ويقوم يجاوب والاستاذ يقولهم
صقفوله

واحنا قاعدين ورا عمالين نتخانق مش ملتفتين لدروسنا


يا نوارة

الاخوان مش هينزلوا
مش لانهم مظبطين مع الجيش والكلام الفارغ ده

لانهم عندهم وعي سياسي
وعارفين متطلبات المرحلة

ويا خوفي بعد 3 شهور نلاقي الثورة اتسرقت وراحت لعمرو موسى او الاخوان

يا نوارة

انا موافق على كل مطالبك

بس مش هنزل
لان لازم اذاكر عشان انجح بعد 3 شهور
وماقعدش اعيط
واقول يا ريت اللي جرى ما كان

ما تشتموش الجيش
اعتبروه شريك وليس خصم

هههههههههه
زهقت

Mohammed said...

يا نوارة

في جهتين مستفيدين من الهبل اللي انتوا بتهبلوه ده

الاخوان وعمرو موسى

دول بقى عاملين زي الطالب الشاطر اللي جاي مذاكر وقاعد في الفصل في اول دكة
وبيرفع ايده ويقوم يجاوب والاستاذ يقولهم
صقفوله

واحنا قاعدين ورا عمالين نتخانق مش ملتفتين لدروسنا


يا نوارة

الاخوان مش هينزلوا
مش لانهم مظبطين مع الجيش والكلام الفارغ ده

لانهم عندهم وعي سياسي
وعارفين متطلبات المرحلة

ويا خوفي بعد 3 شهور نلاقي الثورة اتسرقت وراحت لعمرو موسى او الاخوان

يا نوارة

انا موافق على كل مطالبك

بس مش هنزل
لان لازم اذاكر عشان انجح بعد 3 شهور
وماقعدش اعيط
واقول يا ريت اللي جرى ما كان

ما تشتموش الجيش
اعتبروه شريك وليس خصم

هههههههههه
زهقت

Mohammed said...

على فكرة انتي جميلة
وجميلة الروح

وجميلة العقل
ولو انه اتجنن شوية

nahla5z said...

نوارتنا احنا هنا في الغربة هيجيلنا دبحة من الاخبار دي كل يوم وانا زعلانة ان واحدة زيك هي اللي تتقهر كدة انشاء اللة هم يارب بسلاطتهم وفلولهم ,المهم انا كل ماوصل زيك لليأس افكر نفسي بان الثورة دي ربنا تكفل بيها من الاول وكل مايحاولو يمكروا بينا ربنا بيقلبها عليهم,يمكن علشان احنا فينا غلابة كتير واتبهدلنا كتير,انا شايفة ان لازم يكون في تحرك لتوحيد اراء الشرفاء وعمل جبهة موحدة وساعتها ممكن يتقال لهم احنا مسامحين اللي وقفوا معانا كفاية انهم حقنو دماء هدا الشعب بس نخلص بقى احسن كدا استننزاف وانا مش مسامحة اي حد بيدور على مصلحة وفتافيت في وقت حرج,باامناسبة جوزي بيقولي ان 27 هيكون مئوية الزمالك تفتكري دة ياثر على العدد والالتراس يستندل .على العموم مصر محروسة انشاء اللة..

salma dodin said...

nawara eeh ra2yek fel kalam dah?
http://www.youtube.com/watch?v=txUr_XI9IlM&feature=player_embedded

hardway said...

أيوه..أحنا خايفين.. في حاجة ياحاجة نوارة
مش نازلين..مش نازلين..مش نازلين...
شوفوا حد تاني يزحم لكم الميدان....
خلاص ..كفاية حرام عليكي ..ياحاجة..مش كفاية أزدحام..وأحتكاك..وفرك .. كفاية
العالم بيقول ده حرمان جنسي...وزيادة العونسة في مصر عاملة كل المليونات دي
أتـــــــــلـمي شـويـة

ام مصريه said...

بسم الله وتوكلنا ع الله
ما تيجى يانوارة نبدأ من الأول..يعنى زى ما بدأنا قبل 25 ..يوم الجمعة نطلع من المساجد بنفس الترتيب ورجعى للبوست بتاعك ونفذه
وترجع نفس الهتافات داخل الشوارع لغاية أقرب ميدان.

النهايه التجمع ميدان التحرير
وياريت الناس ف السويس تساعدنا وأسكندرية التركيز ع التحرير خلانا شوية ناس بتتسلى وبيفرغوا طاقتنا وخلاص
ونرجع لهتاف يا أهلينا أنضموا لينا وننادى ع الناس تنزل
ولو الأمن أتصدى ياريت ولو موتنايكون أحسن ما أحنا بنموت أهو موت بطئ
أتابى الأمل مرهق
ما أنا كنت عايشة وبقول أيام وبتعدى
ورتبت نفسى ودماغى ع مفيش فايدة
لكن لومات الأمل تانى
أنا همشى..أنا جبت أخرى
ياربنا ياخودنى زى الشهدا
إلى طول الوقت بحسد فيهم
يا أمشى من البلد دى وأتفرج عليها
من بره
ما خلاص بقينا فرجة
يارب أنا كل أملى..ما أمتش صفر ع الشمال ..أموت علشان هدف
يارب ده كتير
أنى أموت حرة

ام مصريه said...

بسم الله وتوكلنا ع الله
ما تيجى يانوارة نبدأ من الأول..يعنى زى ما بدأنا قبل 25 ..يوم الجمعة نطلع من المساجد بنفس الترتيب ورجعى للبوست بتاعك ونفذه
وترجع نفس الهتافات داخل الشوارع لغاية أقرب ميدان.

النهايه التجمع ميدان التحرير
وياريت الناس ف السويس تساعدنا وأسكندرية التركيز ع التحرير خلانا شوية ناس بتتسلى وبيفرغوا طاقتنا وخلاص
ونرجع لهتاف يا أهلينا أنضموا لينا وننادى ع الناس تنزل
ولو الأمن أتصدى ياريت ولو موتنايكون أحسن ما أحنا بنموت أهو موت بطئ
أتابى الأمل مرهق
ما أنا كنت عايشة وبقول أيام وبتعدى
ورتبت نفسى ودماغى ع مفيش فايدة
لكن لومات الأمل تانى
أنا همشى..أنا جبت أخرى
ياربنا ياخودنى زى الشهدا
إلى طول الوقت بحسد فيهم
يا أمشى من البلد دى وأتفرج عليها
من بره
ما خلاص بقينا فرجة
يارب أنا كل أملى..ما أمتش صفر ع الشمال ..أموت علشان هدف
يارب ده كتير
أنى أموت حرة

mr_adham said...

شيخ الازهر نفي تصريحه بالرحمه فوق القانون
الطيب ينفي طلب العفو عن مبارك

mr_adham said...

http://www.alwafd.org/index.php?option=com_content&view=article&id=47578%3A%D8%A7%D9%84%D8%B7%D9%8A%D8%A8-%D9%8A%D9%86%D9%81%D9%8A-%D8%B7%D9%84%D8%A8-%D8%A7%D9%84%D8%B9%D9%81%D9%88-%D8%B9%D9%86-%D9%85%D8%A8%D8%A7%D8%B1%D9%83&catid=98%3A%D9%85%D8%AD%D9%84%D9%8A%D8%A9&Itemid=92#axzz1MthwGgm3

Mahmoud said...

التعليق ده جالي من جمال حموده

you know, is only one action that can end all this "3ack" peacefully. ........ obviously the Army is our protection and our back bone and it became clear that there is a sort of corruption in the army and since this corruption could only be some sort of commissions in arm deals not to mention that they were not involved in killing the protesters .......so ....... i think if the nation grant them a full pardon for any previous illegal earnings , and a future budget to develop the military ability and the over all working conditions of the military personnel's with only one condition of having a civil government then i guess we will witness the end of this dilemma in less than a week ..... and that includes the army forcing the return of the stolen wealth and ending the security problem and establishing the foundation of a real parliament and stopping the Muslim christian conflict for good .......any way it is a personal point of view but i think it is a fair deal since they hold most of the cards that matters .......... و حياتك ساعتها الجيش هايطبق فى زمارة رقبة النظام كله و البلطجية هايتجابوا من بيوتهم و الفيلم الهابط اللى احنا عايشينه ده هايخلص فى كام يوم و كل الحقيقة هاتبان ......... انا شايف بصراحة اننا محتاجين اتفاق زى ده يقلب الترابيزة على كل الاطراف اللى ضدنا ....... و ساعتها اتفرجى على العدالة السريعة و مش هانلاحق على سرعة التطورات ........... عمر عفيفى ده الظاهر كان غاوى تاريخ و بيعمل زى قنصوه الغورى بتاع المماليك و فاكر اننا هانتحايل عليه علشان يبقى الريس ............ انا بصراحة بقيت شايف انه هجاص

kjhfkjsdhsf said...

اللي بيطالبوا بالمجلس الرئاسي لازم يعرفوا إن فيه نسبة كبيرة من المصريين بيحبوا الجيش وعايزينه يكمل عشان كده لازم اللي نازل يوم 27 ينسى المطلب ده لأن هيخلي الناس تقف ضدكم وكمان هيساهم في شق صف الثوار وبكده تكون الثورة ضاعت فعلا . المفروض يكون فيه تأكيد واضح وصريح على مطالب الثورة وتذكير المجلس العسكري بوعوده ولازم نعرفه إن إحنا فاهمين كل اللي بيحصل ومش هنسمح بيه

omima said...

يسلم فمك يانوارة انا اول ماقريت خبر الاربعة مليلر جاتنى صدمة هو اية اللى بيحصل يانوارة لوبتعتبرى نفسك الزوجة الاولى فانا بعتبر نفسى الثانية انا بحبهم واعزهم جدا ومش عايزة ثقتى فيهم تهتز تعرفى انا كان نفسى الرئيس الجاى يكون من الجيش واحد فية هيبة جمال ومكر ودهاء السادات وما فيش مانع حبة برود من المخلوع ومازال عندى امل انة هايطلع منهم لكن اللى بيحصل من الموالسة مع الحفاة العراة لعب مليون فار فى................ولا هما من الخبث انهم يتحكوا على ابو كرش وياخدوا فلوسة وبعدين يحاكموا المخلوع ويسجنوة تفتكرى ؟بس برضة لاء ياناس كرامتنا اغلى من اى فلوس تيجى من الحفاة العراة

محمد عبدوه said...

كلنا هننزل وهنعتصم فى الميدات لغاية ماحكاية المجلس العسكرى تبان

Let Your Heart Sing said...

رجاء تعليقي السابق ليس للنشر وإنما لك أنت فقط يا نوارة. راسليني على بريدي إذا كان الأمر يهمك
joy_of_life@live.com

كيوبيد said...

نواره والله منا عارف اقولك ايه الله يحرق ال سعود على مكتوم على صباح على الخليج على الى يجى منو ربنا يحرقهم جمعيا والله العظيم والله العظيم والله العظيم حسنى ان ما تحاكم لاخد حق مصر منو بايدى ومش هاسيبو وان مات قبل ماخدو هاوصى بيه العيال وعيال العيال هو دمنا رخيص عند ولاد الكلب دول ليه؟؟ لا ياخونه ياعرب دمنا مش رخيص اذهبو الى الجحيم انتو ومالكم والمجلس العسكرى يما يمشى عدل يما يغور الى خايف يمشى احنا عايزين حكام رجاله مش عايز ناس تركع واحنا منصرين باذان الله لان الله معنا

ساعي الخير said...

النزول مش حل

الحل في اتخاذ العدل مبدأ اساسي

ثم الأتفاق علي مبادئ لا تخالف العدل

الضرائب التصاعدية ظلم و لكن سياسة

ضرائب عادلة كنسبة ثابتة من دخل كل فرد يحددها كل فرد بنفسه و تتابعه الجهة المختصة للتحقق من صحة الأقرار و العقوبة مشاطرة المال يعني يتاخد 50% من فلوسه كذا و يتم الغاء كافة الضرائب و الرسوم الأخري و التمغات

الغاء سياسة الأقتراض الخارجي الا بضمان المقترض الشخصي أياً كان شخصه رئيس جمهورية رئيس وزارة
مش كل مرة ييجي واحد يستلف فلوس و يسرقها و الناس تدفع ثم سياسة الأقتراض شروطها دايماً مجحفة و بسببها كان الأحتلال الأنجليزي و الذل الأمريكاني

المساواة في سنين التجنيد الأجباري مش واحد سنة و واحد ثلاث سنين و واحد أعفاء و لم يصبه الدور

الحرية في العمل يعني اللي عايز يشتغل دكتور و لا مهندس و لا زي ما يعجبه يدخل امتحان لمزاولة المهنة و الممارس مسئول جنائياً عن أفعاله
و الناس حرة في اختيار الناجح في مهنته

يجب أن يكسر الأحتكار الجامعي لممارسة المهن مما يقلل مصروفات الدولة علي تعليم غير عملي بل أكاديمي بحت و يكسر الأصنام الأحتكارية
المسماة بأساتذة الجامعات

الحرية في التعليم من حق كل فرد أن يتعلم ما شاء وقتما يشاء و كيفما يشاء
و علي يد من يشاء

لا يجب أن يفرض الأساتذة و المناهج و عدد سنوات الدراسة علي الطلاب

كما لا يجب أن يفرض الطلاب علي المدرسون

حرية التعليم تعني حق الجميع في انشاء مدارس غير مقيدة بأي قيود كمناهج و سنوات دراسة و طرق تدريس

حرية التعليم تعني أحترام التعليم المستمر المكتسب من الممارسة الفعلية دون تجاهل

حرية التعليم تعني الأشراف علي كل المدارس من قبل الدولة بغرض تقييمها
في نشرة دورية سنوية أو شهرية لترشد ولاة الأمور و الطلاب إلي أفضل السبل للتعليم

و عموماً

الحل في تأجيل المحاكمات لحين تطهير القضاء من

القوانين الفاسدة و القضاة المرتشين

فاهمين و لا مش فاهمين

و لا ألف مليونية

و لا مليون مظاهرة هتحل حاجة

يا معشر الأغبياء هههههههههههه

تستاهلوا كل اللي يجرالكم أنتم و نوارة الغبية

سوري يا نوارة بس اعمل ايه طيب

و الله العظيم ما ينفع نتوضي بميه وسخة

أنتم مش عايزين تفهموا ليه

أيه الغباوة دي

ثم الجيش ذنبه ايه

قوانين فاسدة و 300 قاضي مرتشي

افهموا بقي مال الجيش و مالكم

ايه بس اللي جرالكم

mohamed said...

انا زهقت وقرفت ونفوخى ورم
يا نهار اسود اانا خلاص دماغى باظ انا حقاطع النت لحد يوم 27 وحنزل بس فى اسكندرية ان شا الله يا رب يا رب
ياخونا برضه عايزين احترام للرأى اللى عايز ينزل ينزل واللى مش مقتنع مينزلش
قشطة ومحدش بقى يقل ادبه ويطول لسانه ربنا معانا بقى

elzahraamegahed said...

محمود سعد النهارده بيسأل عصام شرق اذا ينفع عمل الدستور الأول؟ وشرف بيقوله ربنا يسهل ؟!!!!!! وعايزه بعد كل الهجمه على إرادة الشعب مش الاخوان بس الناس تنزل مع شوية المجانين اللى عايزين الستور يتعمل الأول عشان الاخوان ما ينجسوهوش ايه الجنان ده حتى محمود سعد وعصام شرق والله ليهم حق الاخوان ما يسألوش ولا يعبروا حد
وربنا يستر لانى شامه ريحه مش ولابد

الشبكة المستقلة said...

انا متفائل جداً
اهم مطلب ان المجلس يبطل يلعب باعصابنا و لو عايز ينفذ حاجة ينفذها بدون مليونيات و بلاش كسوف بأة
عايزين حكومة ثورة مش رئيس وزراء و بس
احنا مسامحين اعضاء المجلس العسكري في كل شيء مضى ما عدا لو فية تورط في دم فدة مينفعش نسامح فية و ما افتكرش دة حصل و نكبس حسني و نكسب المجلس
انا مش عارف انتي زعلتي لية ان مبارك حيطلب العفو من الشعب
دة مبارك هو مفجر الثورة و كانت طبعاً حتنقلب على دماغة و دماغ اللي معاة و كنا كسبنا جولة بدون مجهود
يلة ربنا معانا و املي في ربنا كبير

وائل لبيب said...

ايوة لو السعودية عايزة فلوس عايزة ميت مليار احنا نلمهم فى غمضة عين هنلمهم من امهات الشهداء والارامل وكل من مات له اخ او اخت هنلمهم باى طريقة ولو نشحت فى ناس كتير مستعدة تدفع وخصوصا اهالى القطارات والعبارات الى لسة مقهورين على دم اولادهم الى راح هدر وفى رقبة الراجل دة لازم يتحااااااااااااااااااااااااااااكم ويتعدم ومش عايزين شحاتة من حد ولا معونة من حد والى بيقول نتصالح معاهم ونتفاوض ويرجعوا جزء من فلوسنا المسروقة بلاش هبل واستعباط واستلطاخ دى فلوسنا نتفاوض عليها ازاى حقنا هناخدها من عنيهم ولاد الكلب لازم يتحبسوا كلهم اة المطلب الوحيد والاساسى الى انا شايفة لازم يكون اول المطالب نشوف العدل بيتطبق فى الكلاب ولو لمرة واحدة بكدة ربنا هيشفى صدور كل الناس صدقونى لو مسكناهم كلهم حبسناهم فى زنزانة زى الكلاب بس اية اية بيحصل دة بالصلاة على النبى افراج عن سوزان مبارك حفظ التحجقيق مع جمال افراج عن زكريا عزمى بكفالة ياربى هى البلد دى مش هتنضف بقى بعد كل الناس الى ماتت وعايزين نتصالح اى حد بيقول نتصالح نتفاوض بيضيع دم الشهداء بيشارك فى كل الخراب الى بيحصل للبلد اة انا والله بصراحة عايزها ثورة حمراء عايزها دم زى ماسيحو دمنا فى كل مكان بس فى الاخر الثورة ماتضيعش ننضف البلد الاول من الكلاب وحقوقنا ناخدها من عنيهم

mr_adham said...

طب تمام بخصوص صفوت حجازي كنت لسه داخل انبهك بضرورة الاتصال بيه لانه كان قال انه ميعرفش حاجه عن جمعه 27
ربنا ييسر ويقدم الخير يارب

Tears said...

قراتى ده يا نوارة؟

http://ar.wikipedia.org/wiki/الرائد_محمد_عمر_على_السيد

nosseir said...

هتبوظوا ثورة 25 يناير بثورة 27 مايو .. الله يخرب بيوتكم....ثورة اية اللى عايزين تعملوها؟ على الجيش؟ الجيش اللى لولا وقفتة جمب الشعب كان مصر بقت انهار دم؟ لية سوء الظن بالجيش؟ لية كل شوية نقول الجيش بيعمل بالونة اختبار؟..اية افلامكم الهندى دة... الناس واضحة معانا...بل انا شايف كمان انهم هما اللى ضغطوا عشان زكريا عزمى يرجع الحبس تانى بــ 30 يوم على زمة التحقيق... بجد انتوا عالم توجع القلب

mohamed.omr said...

ازيك يانواره
على فكره انا شايف الخبر بتاع الاربعه مليار بتاعه السعوديه بطريقه تانيه مش عارف هى صح ولا غلط :
احنا بنتهمهم انهم بيضغطوا على المجلس العسكرى علشان مايحاكمش مبارك قبل كده هما نفوا ده وبيتهيألى ان الفلوس دى برضو لنفس السبب ينفوا انهم بيضغطوا علشان مانحاكمش مبارك خصوصا ان المبلغ فعلا كبير ....لو تفتكرى اليومين اللى فاتوا السيد وزير الماليه كان بيلف على كعوب رجليه علشان عايز يستلف 2.2 مليار دولار ......وده معناه ان حكايه ضغط دول الخليج دى ممكن ماتكونش صح ....مش عارف بس انا حاسس ان الموضوع غريب شويه ......
الاخوان المسلمين تانى انا بس عايز اقولكم حكايه صغيره ايام ما الصلبين كانوا بيهاجموا المنصوره كان الملك الصالح نجم الدين ايوب على فراش الموت ويظهر انه ظهر منه بعض التخاذل واتححج بمرضه فبعتله الشيخ العز بن عبد السلام وقاله :
(ان صحكتم فى خطر والاسلام فى خطر فانظر ماذا تختار )
من نفس المنطلق انا عايز اقولكم :
)مصر فى خطر والجماعه فى خطر _لو كان خساره بعض المكاسب الضيقه يعتبر بالنسبه لكم خطر- فانظروا ماذا تختاروا)
وفعلا زى ماقلتى يانواره:
المهم اللى بعد الموت مش اللى قبله

ان شاء الله مصر حره

nosseir said...

وبعدين ثورة مطالب اية اللى بتقولوا عليها...انا ممكن امسك مطلب مطلب وافندهم كلهم..الغاء قانون الطوارئ الان...ازاى طيب؟..ان كان القانون موجود وبنشتكى من البلطجية ..وبنطلب من الجيش والشرطة بضرب البلطجية وبقوة...دة هيتم بالقانون العادى؟ طبعا مش هيكفى..القانون العادى مخارجة والاعيبة كتيرة...بنطلب محاكمة مبارك...طب ما هو محبوس اهو..وكل مجموعتة فى السجن..حتى ولادة...محاكمة قتلة الشهداء....امال العادلى ومعاونية والظباط دول كلهم اية؟ والتحقيق شغال والمحاكمة شغالة...اتخاذ الاجرائات لارجاع ثروات مصر...فعلا فى لجنة حكومية بتتحرك فى الاتجاة دة ..بس ما تنسوش اننا لازم يبقى معانا احكام قضائية نهائية بأدانة مبارك ومجموعتة لارجاع الاموال من الخارج....حل جهاز الامن الوطنى..فى دة اسمحولى اقول احا بجد... جهاز المن الوطنى فية ربع اعضاء جهاز امن الدولة السابق فقط..اللى كانوا شغالين فى ملفات خارجية..وايدهم نضيفة من تعذيب المواطنين...امال عايزين يجيبوا لكم ضباط من بوركينا فاسوا؟..اطلاق حرية تكوين الاحزاب وحرية الاعلام والصحف وووو الخ الخ... اسمحولى بــ احا مرة تانية ...امال هيصة الاعلام والاخبار اللى نازلة علينا بشكل فوضوى دة اسمها اية؟..حرية مقيدة؟...دة بالعكس بقى..المفروض يتحاسب شوية اللى بيطلقوا الاخبار الكاذبة..لان الموضوع بقى فوضى بجد...باقى المطالب زى تطهير القضاء وذيادة استقلالة وجعل شيخ الازهر بالتعيين والمحافظين والكلام دة كلة انا شايف انة هيحصل هيحصل... تعالوا نصبر فقط اربع اشهر ونجيب مجلس شعب يمثلنا وينفذ القوانين اللى الناس محتاجاها..وبعدين رئيس ينفذ برضة اللى عايزينة ...خلونا نخلص الاول من الحكم العسكرى...ربنا يهديكم ويهدينا

قارئة said...

في محطة القطار امبارح... بتكلم على التليفون عن الثورة المضادة القادمة من النظام السعودي فجأة لقيت رجل خليجي يرفع صوته ويقول السعودية هتفضل تاج راسكم يا أنذال وبغض النظر عن نذالته هو لأن صاحب النخوة لا يرفع صوته على أمراة في الطريق عند العرب ... أنا رديت وقلتله تاج راسك أنت ولكننا أحرار ... وطبعا أفهم كوننا أحرارا يصيب البعض بالحقد لأنهم تعودوا التبعية... أما السؤال اللي بفكر فيه من ساعتها هو : هل النظام السعودي تاج راس المجلس العسكري عشان ناوي يشحتهم كام مليار؟ طيب تاج راس حد فيكم يا مصريين؟ حد عايز استقرار وفلوس على حساب كرامته والمستقبل؟ لو أه يبقى أسفين يا ريس ارجع... في ناس بتحب النوم في الذل!؟ أما لو لأ يبقى نبقى بني أدمين ونتحمل لحد ما البلد تنظف واللي يقدر ينزل يوم 27 مايو ما يتخاذلش عشان في ناس مستعجلة على استقرار موهوم

megabaraty said...

الأمر لله من قبل و من بعد نازل .... جيلك يا ميدااااااااان

naguibahmed said...

baykjdbasfadyufb

naguibahmed said...

ارجو قراءه مقال الدكتور اسامه غيث بعنوان اكاذيب الافلاس والانهيار ومخططات الترويع الاقتصادي من واقع اني مزارع فان ازمه السولار تحدث كل عام في نفس الميعاد بسبب موسم الزراعه الصيفي مفيش جديد يعني كل ده شغل وعلي فكره فيه كمان ازمه الاسمده التي يحرم منها المزارع لاستيلاء لصوص بنك التنميه والاتمان الزراعي عليها والاتجار بها في السوق السوداء وازمه القطن الذي يتاخر سداد ثمنه شهور وازمه الارز الذي قضي عليه رشيد محمد رشيد فاشتعل سعره فيه مزارعين بيسيبوا ارضهم بور لان ده اقل الحلول خساره وهي دي ثوره الجياع والسبب فييها سياسه الفشل الذريع بتاعه عهد مبارك و عايزين يلبسوها للثوره علي فكره واحد قريبي في البترول قال ان السولار موجود وان الكميات المباعه جمله للموزعين زادت عن العام الماضي!!!!!!!!!!!

naguibahmed said...

حد يفسرلنا هذا اللغز ويفسرلنا كمان مفاجأه قانون مباشره الحقوق السياسيه اساليب لوى الذراع والmanipulation والامر الواقع مفضوحه لنا في صدر الاسلام عبره يعني في صدر الاسلام كان فيه المؤمنين والكفار والمنافقين والنهارده كمان فيه الثوريين المؤمنين بالثوره لحد التطرف واعداء الثوره والمنافقين برده اللي ربنا افردلهم سورة باسمهم الفرق الوحيد ان المؤمنين كان لهم قائد هو الرسول صلى الله عليه و سلم وهو اكثرهم إيمانا بالتغيير وبالتجديد أى بالإسلام إحنا ينقصنا القائد المؤمن بالثورة و لم يعهد إلى أبى طالب عم الرسول برغم أنه كان يحميه ويمنع الأذى عنه بعبء النهوض بالدعوة لأنه لم يكن مؤمنا أصلا بلإسلام.......

magda said...

لو كان شعار يوم 27 هو محاكمة قتلة الشعب وتاخر المحاكمة حتي الان ومعرفة السبب ومن هم المتهمين ومتي سيقدموا للعدالة وان الشعب عايز يعرف الكل هاينزل

esraa said...

يا نوارة انا مش فاهمة انت بتتحايلي على الاخوان يشاركوا ليه همة طالما عملوا صفقة مع الجيش مش هيشاركوا غير لو نزلنا احنا الاول بعدد كبير و كمان صفوت حجازي بتاع ربنا بس لغايت مصلحة الاخوان مبيفرقش و عنده قدرة غريبة على التلاعب بالالفاظ لو سمحتي سيبيهم براحتهم و اتاكدي ان شبابهم زي الفل معترضين على القيادة قبلينا و قبل اي حاجة ربنا معانا هوة ينصرنا ان شاء الله

hassn hamdi said...

الصراحة لم أعد أفهم كيف تفكر نوارة نجم ومن يسير وراءها!!!!!!!!!!!!!
إلى من سيتم تقديم هذه المطالب؟
إلى المجلس العسكري؟
والمجلس امتداد لنظام مبارك والاثنين "في مركب واحدة"؟
سبحان الله!!!!
ما البديل الذي قدمتيه ليكون الشعب هو صاحب القرار وليس المجلس العسكري الحاكم بأمره؟
ألم أعرض عليك مشروعا وطنيا جامعا ولم تلتفتي إليه أصلا؟
سبحان الله!!!
إذا خرجت بهذا الورقة الهزيلة وقدمت مطالب أخرى (كأننا لم نمل من المطالبات منذ 25 يناير) فلن يتحرك حجر واحد في مياه مصر الآسنة...
إذا لم نتوحد ونشكل قيادة وكيان واحد ونحكم البلد وننفذ بأنفسنا أهداف الثورة ومطالب الشعب (وممكن المجلس يكون شريك مجرد شريك أو منفذ للأوامر) فلن يتحقق شيء وسنرى نظام مبارك وهو يعيد إنتاج نفسه ولكنه سيصبح أشرس وسنكتفي نحن بالحسرة
الوقت لم يفت بعد يا نوارة "ولن يفوت أبدا إلا على الغافلين"
ابحثي في مدونتك عن مشروع الجبهة الوطنية لإدارة المرحلة الانتقالية وناقشيها مع كل القوى السياسية التي تعرفينها
وبالنسبة للإخوان فليس من الضروري أن تشارك "الرؤوس" في الجبهة
يكفي جدا أن تشارك "الذيول" فيها وهم كثير ومنتشرون في كل مكان وسهل إقناعهم
بنا أو بغيرنا ستكون ستكون
ومع ذلك سأطبع ورقتك وسأنشرها لكنني لن أكتفي أبدا بها

Hossam said...

من أجل حقك و حق كل ضحايا هذا الديكتاتور سوف أنزل يوم 27 مايو - لا يجب اختزال هؤلاء الضحايا في ال 860 شهيد للثورة فقط (مع عظم دم كل نفس منهم)، بل هم أكثر بكثير من ذلك - هم ضحايا الفقر والتهميش والتعذيب والسرطان و العبارة والقطارات و حوادث الطرق والإقصاء السياسي والمعنوي والمالي . نحن لسنا ضد المجلس العسكري بل نحن معه ضد النظام البائد وبالتالي فعليه أن يكون مع شعبه . نحن سوف نحترم نتيجة الاستفتاء لأنه كان الشئ الشرعي الوحيد في الثلاثين سنة الماضية ولكننا سوف نطالب بكل المطالب الاخري - http://www.mediafire.com/?8h5ozxnz4zcxvzn

Marwa said...

يلعن أبو الليبرالي عالأحراري

عاللي يفتح بقو يقوللي انا يساري

عاللي بيسَرَّح فدقنه ومتداري

يلعن أبوكم كلكم

خَلَّف ولا ربّا
...

واقفين مكانكم ليه

والبلد طابَّه

اكمن يعني الملك

وقع ولا سمّى

ولا كلاب السكك

بتقسموا القسمه

يا خيب الرجا فيكم

يا خيبة الأمه

دي ثورة يابن العبيطه

موش جيمز وأتاري



لو حتى مات الملك

أو راح فخراره

لسه جيوش الملك

صاحيه وجراره

واكمن فهمك بطيء

نقولها بالراحه

الجيش ده جيش الملك

يا حلو موش جيشك

وان كنت باقي على

شربك وعلى عيشك

انزل وقول للجيوش

مات الملك فرفر

وانا مالنهارده الملك

اتصف يا عسكر

واسمع كلام الملك

تلقى الملك سكر

لك شوق لشيء غير كده

أنا في الميدان داري

shero said...

يخرب بيت المجلس الرئاسي اللي هيبوظ الجمعة دي كمية بشر معترضة عليه ع فيسبوك و بيشتموا ف يوم الجمعة الجاي وشكلهم امن الدولة واللا العسكر عامل حملة لتبويظ يوم الجمعة الله اعلم.
اللي بينادي بالمجلس الرئاسي انسووووا كان وافق عليه العسكر بعد ما غار المخلوع وبصراحة مالوش لازمة كلها شهرين ونخلص م الارف ده
الورقة اللي انتي عاملاها هي دي اللي هننزل عشانها والنبي بقا اللي هيهتف لمجلس رئاسي اكتموا بؤؤه

mkadry28 said...

ياريت والنبى بلاش حكاية أجيبلكو فلوس زى مانتوا عايزين كل شوية..... طيب ماتجيبى وتورينا ، حتقنعى الناس تتنازل عن نص فلوسها ولا حتعمللى تأميم زى أيام عبد الناصر للعاطل والباطل؟ .,.. ياريت تكونى إيجابية شوية وتعملى حاجة مفيدة بدل الصويت والنواح والوقفة فى التحرير
إنتوا عاملين زى العيل اللى قعد يعيط لحد أمه ما جابتله اللعبة اللى كان عايزها ، وأما لقى الموضوع كده بقى كل ما يعوز حاجة يقولها هاااااااا .... حاعيط وفى الآخر الأم حترزعه علقة يحرم بعديها يعيط تانى
كارت التظاهر والإعتصام اتحرق لأن الناس مابقتش معاه ، الناس خايفة ومش لاقية شغل ومفلسة وبالتالى البلد لازم تشتغل وتنتج
لو عايزين نعمل حاجة مفيدة ، إليكم بعض الإقتراحات:
1- تشكيل لجان قانونية شعبية برئاسة بعض الناشطين المحترمين زى عصام سلطان والخضيرى وغيرهم لتقديم بلاغات جديدة للنائب العام ضد الفاسدين وأفراد النظام السابق مع ترتيب الأدلة والمستندات اللازمة ، ومتابعة المحاكمات الجارية، جمال مبارك إذا كان خرج من قضية فده لعدم وجود أدلة ، ومادمنا عايزين ديمقراطية يبقى لازم نقبل ده وفى نفس الوقت نقدم ميت قضية جديدة ليها أدلة وده سهل قوى لكثرة مفاسد النظام السابق وعدم توقعه لهذا الإنهيار المفاجىء
2-تشكيل لجان اقتصادية برئاسة علماء وأساتذة الإقتصاد لاقتراح ودعم مشروعات التنمية وجمع التبرعات من المصريين فى الداخل والخارج
3-تشكيل ائتلاف موحد للثورة برئاسة ناس كبيرة وعاقلة ولا تبحث عن شهرة أو منفعة للتخاطب والتفاوض مع المجلس العسكرى على الأمور الهامة
4-تشكيل لجنة لدعم الشرطة برئاسة ضباط شرطة محترمين على المعاش ، ويكون دورها طرح الحلول ودعوة الضباط لجلسات شحن معنوى مع دعوة الناس لإحترام الشرطة ومساعدتها لتحقيق الأمن

والناس اللى ماوراهاش غير الوقفة فى التحرير تساعد اللجان دى باللى تقدر عليه وكل واحد حسب تخصصه وإمكانياته

محمد said...

هتتجوزى امتى بقى يا نوارة ؟..هتتهدى امتى ان شاء الله ياختى ؟...هنتحرم من طلعتك البهية علينا امتى انشاء الله ..اوعدينى انه هيحصل قريب ..قبل مايجرالى حاجة .. اصل اللى زيك مش وش نعمة يا ضنايا ..عايزين جيش زى الجيش الليبى يديكو بالجزمة على دماغكو عشان تعرفو ان الله حق ..يارب تنضربو بالجزمة يوم 27 وتتسحلو عالارض عشان تتعلمو الادب ..كفاية قرف بقى الله يخربيوتكو ..البلد بتنهار ومش ناقصين مصايب ..ارحمينا يا نوارة يا حقنة يا مولاعاتية ..اتجوزى بقى وهاتيلك عيل اتلهى بيه بدل مانتى سارحة فى الشوارع والمظاهرات طول النهار ..جتكو القرف مليتو البلد .. ههههههههههه اهو شوفى كل ده وانا من مؤيدى ثورة 25 يناير ..مابالك بقى باللى ضد الثورة ..زمانه بيلعن اهلك دلوقتى ليل نهار ..

محمد صبرى said...

ايوه يا TEARS

انا شفت موضوع الرائد على ويكيبيديا

اكيد قصدك الجزء اللى كاتبين فيه انه نواره و بلال ضللوا الراى العام لما صرفوهم عن المطالبة بتنحى المجلس العسكرى لصالح اخر مدنى ؟؟طب ما عادى يا تيرز كلنا عارفين انه دا اللى حصل و بيحصل , و نوارة و بلال انفسهم عارفين دا يعنى

BestItalianPizza said...

يا نوارة .. لو سمحتى عنوان صفحتك غلى الفيس بووك لو تكرمتى .. و بعدين لبوصلات بتاعة طلبات 27 مايو لنا خدتها من صفحة اسماء محفوظ و لم اصل للطلبات بس جالى فايروس على الكومبيوتر غياريت تنشريها على الفيس بوك
الصفحة بتاعتى على الفيس اهيه

http://www.facebook.com/profile.php?id=1298250613

و شكرا

MarwaGoogle said...

مع بعض يوم 27

بس الملافظ يا نوارة أبوس ايدك
ليس المسلم بالسباب , ولا باللعان , ولا بالفاحش ولا بالبذيء

صدق رسول الله

esraa said...

http://www.facebook.com/notes/muhammad-maza/لو-انا-غلطان-فى-الكلام-دة-لية-الى-قلت-علية-من-يوم-20-مارس-بيتحقق-وكلوا-بالقرارات/192193310819870
نوارة كلمي صفوت حجازي اعرضي عليه الفكرة الموضوع جد خطير و صدقيني انا خايفة عليهم اكتر من خوفي على نفسي اعرضي عليهم الفكرة

محمد طنطاوي said...

الحقيقة إن المجلس العسكرى كان على الثورة أكتر ما كان ليها واللى عطاه للثورة أكتر من اللى خده منها ، والآن نحن نشهد خطة ممنهجة بقيادته أو بمباركته للقضاء تدريجيا على كل متعلقاتها ، وفى كل الأحوال ، لا يهم هذا كثيرا فحينما قمنا بالثورة من بدايها لم يكن عندنا عشم لا فى المجلس العسكرى ولا فى أى مؤسسة كانت ، ولم نكن نعول إلا على أنفسنا والآن هذا هو المطلوب ، أن نترك من معنا ومن ضدنا وألا نكون فى الساحة إلا وحدنا بمختلف فئاتنا وألواننا
https://www.facebook.com/l.php?u=http%3A%2F%2Fwww.youtube.com%2Fwatch%3Fv%3D6fPGmf8sZfI&h=42126

صوت الحق said...

من الاخر كده عشان نبقى عارفين

للأسف اللي هيبوظ الموضوع هو حكاية مجلس رئاسي مدني بالأخص

ولجنة وضع الدستور مش اوي محدش مهتم بيها

لكن مجلس رئاسي دي هتخلي كتييير ماينزلوووش عشان محدش يتحسب انه نازل بيطالب بمجلس رئاسي

ودي حاجة تقرررف وتغييظ عشان خناقة وشوية ناس عاوزين حاجة معينة يبوظوا لنا مليونية والمشكلة ان الاغبياء في الناحية التانية بيتجاوبوا معاهم بقى عن قصد وان كله بيقول لبعضه ولابغباء مستقل ..........ز مش عارف

بس المهم اننا لازم نشوف حل للموضووع ده
والحل في وجهة نظري مش تكليم الاخوان بس لا
حد زي كلنا خالد سعيد يعلن المطالب كلها وائتلاف شباب الثورة و6 ابريل ومايطلعش حد فيهم دلوقتي ينادي بمجلس رئاسي

عاوزيين نخلص

هو ده راييي
ولازم نلحق نعمله من دلوقتي

د احمد مخلص

السلام عليكم said...
This comment has been removed by the author.
السلام عليكم said...

يخرب بيت ال سعود يخرب بيتهم بجد وكل الخونه اللى تعاملوا مع لورانس الزفت اللى خانوا وباعوا وصدروا لينا نوعيه من الحكم لتكون مثل للحكم الاسلامى كل الناس تخاف منه مع انه مش حكم اسلامى ولا له صله بيه
الحكم الاسلامى كان ايام النبى عليه الصلاه والسلام والخلفاء الراشديين وحتى الملك العضوداللى بعديه ايام الخلافه الامويه والعباسيه وحتى العثمانيه مكناش ولا عمرنا كنا ملطشه كده المصيبه بقى اللى عملوها بتوع السعوديه او الجزم اللى كانوا وراهم واقصد بيهم المخبارات البريطانيه اللى كانت بتحركهم انهم ادوا الفرصه لكل كلب انه يصدر لنا نوعيه من الحكم تخالف كل الاعراف والتقاليد وحتى الشريعه وكل ده باسم الدوله المدنيه والمصيبه دى حصلت فعلا بس فى تركيا اللى لغايه دلوقتى وحتى بعد اردوغان كل الحرب اللى بيعملوها علشان يعرفوا يسمحوا للبنات انهم يدخلوا الجامعه بالحجاب يعنى الدوله المدنيه احترمت حريه الشدود الجنسى لكن تيجى عند الحجاب وتعصلج لانها مش حريه دى مجرد حرب على الأسلام والنتيجه ان النظام اللى بيمثله ال سعود والنظام اللى بيمثله اتاتورك كلاهما طعنا فى الأسلام ولا يحقق اى مصالح للبشر وعلى فكره ال سعود بيحاربوا الاخوان ولا يطيقوهم وهم مش زيهم لا من قريب ولا من بعيد

mohamed said...

رثاء ثورة أم رثاء ثوار؟ من اشعار الدكتاتور العادل
اهداء الى الثوار الحقيقيين لثورة 25 يناير المباركة وحيث لا أجد احدا منهم الاّن على ساحة الوطن فأنا أنعى اليكم وفاة ثورة كانت تبدو رائعة لشعب يبدو انه لا يستحق


مروا مرور الأكرمين
وطواهم السر الدفين
هم ومضة وضاءة
أخفاها شيطان لعين
هل كانوا حلما عابرا؟
ام بعض نوبات الحنين؟
ام وحى رب باطن؟
ما ساعه قلب أمين
كانوا نجوما زاهرات
تهدى الحيارى التائهين
سيمهدوا الدرب الرهيب
سهلا لسير الكادحين
وينشئوا وطننا عزيزا
ينهى قهر المظلومين
عبروا بنا فى لحظة
فوق الصراط المستقيم
حتى حلمنا أننا
فى جنة الخلد العظيم
نرى كأن جسومنا
نورا يسر الناظرين
ثم غابوا فاكتشفنا
أننا ماء وطين
كم كان قدر مصيبتى
فى ضيعة الحلم الثمين
من يشاطرنى العزاء
فى موات الصالحين؟
من ذا يبرد مهجتى
ويكفكف الدمع الحزين؟
أسفا فلن يتكرروا
أبدا على مر السنين

الدكتاتور العادل

daza@maktoob.com
kamal abdelrehiem

mohamed said...

رثاء ثورة أم رثاء ثوار؟ من اشعار الدكتاتور العادل
اهداء الى الثوار الحقيقيين لثورة 25 يناير المباركة وحيث لا أجد احدا منهم الاّن على ساحة الوطن فأنا أنعى اليكم وفاة ثورة كانت تبدو رائعة لشعب يبدو انه لا يستحق


مروا مرور الأكرمين
وطواهم السر الدفين
هم ومضة وضاءة
أخفاها شيطان لعين
هل كانوا حلما عابرا؟
ام بعض نوبات الحنين؟
ام وحى رب باطن؟
ما ساعه قلب أمين
كانوا نجوما زاهرات
تهدى الحيارى التائهين
سيمهدوا الدرب الرهيب
سهلا لسير الكادحين
وينشئوا وطننا عزيزا
ينهى قهر المظلومين
عبروا بنا فى لحظة
فوق الصراط المستقيم
حتى حلمنا أننا
فى جنة الخلد العظيم
نرى كأن جسومنا
نورا يسر الناظرين
ثم غابوا فاكتشفنا
أننا ماء وطين
كم كان قدر مصيبتى
فى ضيعة الحلم الثمين
من يشاطرنى العزاء
فى موات الصالحين؟
من ذا يبرد مهجتى
ويكفكف الدمع الحزين؟
أسفا فلن يتكرروا
أبدا على مر السنين

الدكتاتور العادل

daza@maktoob .com

Jameel said...

ست نوارة
يعلم الله كم أنا خائف على مكتسبات الثورة المصرية , خوف لا يساويه غير فرحتي يوم 11 فبراير. هذا هو ما يسبب لي الشعور بالإحباط وأحيانا الجزع من التباطؤ و التخبط و أظن أن هذا هو حال الكثيرين و انتي منهم. و لكن قبل أن أستسلم لخوفي و اترك التشاؤم يسيطر علي أتذكر الإنجاز الأكبر للثورة المصرية و هو معرفة الشعب بقدرته الحقيقية وأنه بحق مصدر السلطات, حقيقة أثبتتها الملايين بالدم في الشارع وليس حبرا على ورق دستور تافه ( ا لدولة دي عارفة تحكم بس من كرمك كشر لها وهي حتجيلك تبوس قدمك ) فلا خوف بعد اليوم ولا مجلس عسكري و لا أمريكا ولا كل الدنيا ممكن تقمع هذا الشعب العظيم.
فلا داعي للتشاؤم وبرأيي المتواضع أن كل ما يحصل الآن هو ترنح العملاق بعد أن إستفاق من سبات طويل و لن يلبث أن يستعيد توازنه و حينها ستكمل الثورة طريقها.
أنا كتبت تعليق من فترة عن المجلس العسكري (لو فاكرة) فحواه أنه من غير المستبعد أن تكون قيادات في المجلس العسكري قد تورطت في الفساد و خايفين من إكتمال الثورة ( في الحقيقة هذا هو الراجح و المنطقي عندي ) و قلت إن موقفهم أثناء الثورة يبرر العفو الشامل عن كل قيادات الجيش عن كل ما حصل قبل 11 فبراير ( و إن كنت أعتقد أنهم لم يكن بإستطاعتهم غير ذلك لمعرفتهم بأن أوامر بتصفية المتظاهرين لن تنفذ) ولكن حذار من إستعدائهم ولكن يجب زيادة الضغط عليهم بكل الطرق لأنهم شئنا أم أبينا أحد الأطراف المؤثرة في المرحلة الحالية.
طرف آخر مؤثر جدا في هذه المرحلة هو الإخوان المسلمون و هذا ما يجعل المجلس العسكري يعمل جاهدا على إسترضائهم و هم مستمتعون بهذه العلاقة بحكم تعودهم نتيجة إظطهادهم طوال عقود على عقد الصفقات السرية واللعب من تحت الطاولة وإن كانوا مظطرين لذلك في السابق فهم الآن يفعلونه بحكم العادة و لأنهم لا يحسنون غيره.
ولكن لا المجلس العسكري ولا الإخوان هم العدو , فحذار من إستعداء الإخوان لأن هذا سيدفعهم الإثنين الى أحضان بعض. ألم تلاحظي أن الكثيرين من من نعرفهم مغرضين عادوا لإستعمال الإخوان كفزاعة ليس أقلهم العمرين, عمرو موسى و عمرو أديب. و ذلك لمعرفتهم أن الإخوان سيكونون أشد ضراوة في مواجهة النظام البائد وأن حسن تظذيمهم سيجعلهم مؤثرين بإجتثاث الثورة المضادة.
برغم إختلافي الفكري الشديد مع الإخوان إلا أنني لا أرى أنهم يشكلون خطرا فهم في النهاية قوة سياسية و فكرية من السهل مواجهتهم بالفكر و السياسة. فالأنسب اللآن توحيد الصفوف لضمان عدم عودة تشكل النظام البائد حتى لو ببرلمان ذو أغلبية إخوانية و برئيس منهم أو متعاطف معهم. و قد تكون هذه الضارة النافعة بمعنى أن عندها سيظطرون لمقارعة نظرياتهم بالواقع و يرى الشعب ما وراء الشعارات.
وحدوا الصفوف ثوار و إخوان و عسكر و آسف على الإطالة.
تحية لكي يا نوارة و لبلدياتي الشاعر تميم البرغوثي اللذي إقتبست هنا جملة من روائع شعره

esraa said...

نوارة ردي على ام الي خلفوني الاسكندرنية بيقولوا ان الاخوان عاملين حاجة اسمها حائط صد الثورة يعني هينزلوا ضدنا
الاخوان رفضوا الثورة التانية على لسان سليم العوا متستنيش الرد من صفوت حجازي و متقلقيش معانا ربنا

صوت الحق said...

يعني اييه ناس من الحزب الوطني مصطفى الفقي لا واييه ومرتضى منصوور يحضروا المؤتمر الوطني ....................... اييييييييييييييييييييييييييييييييه مانخلي جمال مبارك واحمد عز يجوا يحضروا احسن .................. لو انا موجود هناك كنت هاطلع على المنصة وهاقول لهم كلمة من 3 حرووف وبس

صوت الحق said...

حضور رموز الحزب الوطني واللي بيحصل من تحت الطرابيزة دليل على الثورة المضادة والالتفاف على الثورة ..................... الى التحريييييييييييييييير

Hunter.Wolf said...

مع أحترامي لكي أستاذة نوارة .. لكن بخصوص المليارات التي تبرع بيها عاهل السعودية .. يا ريت نفكري شوية ليه المشير قبل التبرع ده علي الرغم من أنه رفضه قبل كده وقال "أحنا مش حنشحت من حد" .. السبب واضح .. وهو أن الأستثمارات الأجنبية هربت والأعتصامات والأضرابات عمال علي بطال أذت الأقتصاد المصري جداً .. محدش يحاول يقنعني أن كل الشركات اللي قفلت أو فلست أو سرحت عمالها أو عمالها مضربين ومش شغالين مأثرتش علي الأقتصاد المصري .. ده يبقي كلام خيالي .. أحنا أصلاً أقتصادنا مضروب بالجذمة من نظام مبارك .. منجيش أحنا نكمل عليه

أقترح عليكي الأستعانة برأي خبير/خبراء أقتصاديين قبل موضوع "نلم فلوس من بعض" .. يا أستاذة نوارة المشكلة مش في الفلوس اللي جوه .. المشكلة أن أحنا عاوزين فلوس تيجي من بره .. الطبيعي أنها تيجي في صورة أستثمارات .. لكن نتيجة الظروف اللي أحنا فيها ده صعب دلوقتي .. فالحل دلوقتي هو المنح الخارجية .. لكن نعد نلم من بعض .. مش حتفرق حاجة .. تخيلي مصر إناء وفيه فلوس مبعترة .. هل لو جمعناها حتزيد !!! .. لأ طبعاً .. لكن لو جبنا فلوس من بره الإناء وحاطينهاه جواه حتزيد .. ده الفرق .. موضوع نعد نلم من بعض ده مش علمي ولاحيحل حاجة طالما مفيش فلوس بتيجي من بره

وعموماً المشير قبل الفلوس لي أنها (قروض ميسرة) مش منحة لوجه الله أو شحاتة .. ودي نقطة كويسة لحفظ ماء الوجه .. مضطرين نعمل كده

Ahmed said...

اهم غلطة غلطناها هى السماح لهم بفض الاعتصام .......ارجوكم نفضل معتصمين لغاية مطالبنا ما تتحقق

iibrahim9 said...

الاستاذة نوارة
انتى حد وطنى ومتحمس ومشكورة كل جهودك
بس انا عايز اقول ويمكرون ويمكر الله
ا-كلنا لابد ان يعلم علم اليقين ان النظام السابق كان من القوة والجبروت بحيث لايتخيل بش امكانية القضاء عليه او ما شابه مما حدث لابد ان نعلم انه عز وجل هو وحد القادر على ان ينزع الملك ممن يشاء ويذل من يشاء وكلنا على يقين ان ما حدث هو معجزة الاهية بكل معنى الكلمة وقد سخر الله لنا القوات المسلحة ليتم المراد سيدتى يدعون ان الثورة ليس لها زعيم انها ثورة ربانية تمت بقدرته اطمئن كل الشرفاء ان الثورة مستمرة ولن تستطيع اية فلول ان تعيق المسيرة وجميع الازمات التى يتم افتعالها خير دليل على انهم لن يستطيعوا من يااختى رفع انتاجية محصول القمح حتى اقترب من الاكتفاء رغم البحوث التىتتم بشكل مستمر لم يتوقع مخلوق ماحدث لمحصول القمح فالسبب ربانى ومصر لن تجوع ولن تفلس ولن تتسول وستعود الى الريادة والزعامة ويمكرون ويمكر الله والله خير الماكرين
اعملى ما تعتقدين صحته بدون تشنج واعلمى ان الله متم نوره ولو كره المشركون
وتقبلى سلامى

احلام جوليا said...
This comment has been removed by the author.
Farouk said...

Hope you don’t mind if I pass on some prayers:
كتاب الأدعية والصلوات الخاص بالإمام المجدد السيد محمد ماضى أبو العزائم رضوان الله عليه
http://abul-azayem.com/prayers.html
فى الله صحبتنا
http://www.youtube.com/watch?v=Hr1r-Bd-sWI

omnia said...

لقد تم أغتيال اللواء /محمد البطران رئيس مباحث قطاع السجون المصرية - فى سجن القطا طريق المناشى بالقليوبية - يوم السبت الموافق 29 يناير 2011 والذي قتلة رائد/جهاد حلاوة معاون مباحث سجن القطا من برج الحراسة داخل السجن بتحريض من عقيد/ عصام البسراطى مفتش مباحث سجن القطا لرفضة فتح السجون المصرية وبعد أغتيالة فتحت جميع السجون المصرية وأعلنت وزارة الداخلية انة رئيس مباحث سجن الفيوم؟؟؟ وقتل فى سجن الفيوم المركزى على يد السجناء؟؟؟ لماذا صرحت وزارة الداخلية بمعلومات مغلوطة عن حادث أغتيال البطران ؟؟؟

ولقد تقدمت شقيقىة الشهيد اللواء/ محمد البطران بتاريخ 16 فبراير 2011 ببلاغ الى النائب العام للتحقيق فى مقتلة رقم 1100 لسنة 2011 وبلاغ آخر للنائب العام رقم 2459 لسنة 2011 أيضا ولم يتم شئ حتى الآن.

اولا : امتنعت النيابة العامة عن اجراء تحقيق قانونى طبقا لقانون الاجراءات المصرى:
ذلك ان النيابة لم تقم باجراء معاينة لمسرح الجريمة ولم تقم بتشريح الجثة لبيان السلاح المستخدم ومكان اطلاق النيران وما يكشفه تشريح الجثة من أمور فنية تعين المحقق فى تحقيقه ولم تقم باستجواب المتهمين كمتهمين بل سألتهم كشهود واهملت مواجهة كل من تم سؤالهم عن التناقض الواضح فى اقوالهم 0 ولم تقوم بتوفير الحماية القانونية لشهود الواقعة وجعلتهم فريسة فى ايدى القتلة والقتلة ضباط بالخدمة ويتمتعون بكل الجبروت والسلطان مما أدى الى ظاهرة القتل الجماعى لمساجين سجن القطا حتى لايكون هناك شهود عيان على حادث مقتل اللواء البطران.
ولم تقم النيابة بالاستعلام من شركة التليفونات المحمولة عن المكالنات التى جاءت للشهيد لتمنعه من التوجه لسجن القطا والتعليمات التى صدرت له بفتح السجون لبيان من اتصل به بالاضافة الى العيوب القانونية الكثيرة التى شابت تحقيقات النيابة ومنها عدم حضور المبلغه للتحقيقات لتمكينها من سؤال المتهمين وتوجيه الاتهام اليهم

ثانيا : ان النيابة طلبت التحريات عن واقعة قتل اللواء الشهيد من قاتليه ولم تطلب التحريات من جهة محايدة.

ثالثا : قتل اللواء الشهيد لأنه امتنع عن تنفيذ التعليمات الصادرة له بفتح السجون واطلاق السجناء على الثورة للقضاء عليها والفتك بالشباب القائم بها واجهاض الثورة والقضاء عليها.

رابعا : لم تحدث حالة هروب واحدة من السجون حتى قتل الشهيد اللواء البطران.

خامسا : هناك اصرار على عدم كشف قتلة اللواء الشهيد واتخاذ الاجراءات القانونية ضدهم حتى لاينكشف من اصدر اليهم الأمر بقتل اللواء البطران آية ذلك بعدم قيام وزارة الداخلية بعدم عمل تحقيقات لبيان حقيقة مقتل الشهيد اللواء البطران وأمتناعها عن أرسال المسجونين الذين تم ذكرهم كشهود بأدعاء عدم قدرتها التوصل اليهم وهو الأمر الذى يناقض مع أبسط قواعد المنطق. كما أن النيابة العامة ووزارة الداخلية أمعانا منهما فى أخفاء أدلة الجريمة من شهود ومسرح الجريمة بالعمل على توزيع المساجين شهود الواقعة على سجون الجمهورية من أقصاها الى أقصاها وكذا القيام بتجديد سجن القطا وترميمة لطمس الدليل على على أستخدام الأسلحة والذخيرة الحية فى الجريمة ولطمس الدليل حقيقة الواقعة من القيام بأطلاق النيران على محيط الموجود بة الشهيد حتى يتم فرار من حولة من ضباط ومساجين ليتم قتلة بمفردة وأحداث أصابة بسيطة فى أحد الضباط الأخرين حتى يتم أكتمال التمثلية الهزلية وأن هذة الجريمة تندرج نحو ما يعرف فى العالم كلة بالأعمال الشرطية القذرة. عصام البصرطى المحرض على قتل اللواء البطران قامت وزارة الداخلية بترقيتة من مفتش مباحث سجن القطا الى مفتش مباحث وجة قبلى.؟؟؟؟؟؟ هكذا هو المناخ بعد الثورة.





مقدم من الأستاذ/محمد الغنيمى – محامى بالنقض ومحامى أسرة الشهيد اللواء/محمد البطران
القاهرة- 19 مايو 2011
تليفون 0123470944
مطلوب من كل اللى يشوف النوت دى انو يساهم فى نشرها فى كل حتة ويبعتها على قد ما يقدر كل شوية لايميل رئاسة الوزراء ورئيس الوزراء عايزين نعمل حملة لكشف غموض القضية وتحريكها شعبيا واعلاميا عشان نكشف التلاعب والتعتيم الخسيس من القتلة اللى لسه طلاقاء لحد دلوقتى القتلة اللى قتلونا كلنا مش بس قتلو الشهيد البطران وهم السبب فى كل الخوف والاجرام اللى لسه بنعانى منه لحد دلوقتى
الشهيد اتقتل عشان كان خايف علينا كلنا وكان شايفنا كلنا ولاده وكلنا فى رقبته وعشان كدا ضحى بحياته عشانا
دا مش كلامى دا كلام بنت الشهيد اللى ساهمت فى اعداد النوت دى وكل المعلومات مصدرها عائلة الشهيد
دا حق الشهيد علينا مش هنسيب اللى قتلوه ابدا

ودى الايميلات

pm@cabinet.gov.eg
info@essamsharaf.org