Monday, 30 May 2011

شبكة رصد وشها اسود ومناخيرها بقت قد الكوز من كتر الكدب

انا قلت كده امتى؟ اولا ده مش الاكاونت بتاعي
ثانيا انا ما قلتش الكلام ده.. الشهادة لله صحبي صالح لم يكسب اي تعاطف من اي حد، واولهم انا، لإنه كداب، ثم انا ما باحبش خالد منتصر بس ما قلتش عليه الكلام ده، ومش شايفة اي حد متحامل على صبحي صالح غير لسان صبحي صالح
وبعدين بقىىىىىىىىىىىىىىى
وبعدين بقىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىى
ايه القرف ده
طب لو سمحتوا بقى شير البوست ده على اوسع نطاق عشان شبكة رصف دي تبطل فشر

73 comments:

Sara said...

التزوير دا طبيعي يا نوارة
شبكة رصد من زمان بتزور !!

Shady said...

قررت الخروج من صفحة رصدعلى الفيسبوك والتويتر..بعد اعلان انتماءهم الفج للاخوان وتغيرهم للحقائق بشكل مخزي يوم 27..ريتويت لو موافق #RNN

Mina Milad said...

ظرط صوتها علي قوي وبقى مقرف

mustafa said...

ياشيخة حرام عليك يعنى انت بتقولى عليه كذاب رغم ان الراجل حلف 3 مرات انه ما سمعش الاسم يعنى هو ده مش وارد عندك....المسلم المفروض يلتمس لاخيه مائة عذر وبعدين هيكذب فى حاجة هايفة زى ده ليه!!!!هى مذيعة بجحة بصراحة انها تعمل الموقف البايخ ده مع راجل أد ابوها....

Amani said...

يا نواره انا جالي نفس الكومنت و الفيديو ده من الاكاونت بتاعك عالفيس بوك مش بس من على رصد و ده اللينك اهو.
http://www.facebook.com/Nawara.fans?ref=ts
اوعي يكون حد مخترق الأكاونت ده

إبراهيم جمال الدين said...

نوارة، ده مش أول و لا أخر خبر تفبركه رصد
في خبر كتبوه عن مشاجرة في الميدان يوم الجمعة و انا كنت هناك و كتبت عن المشادة الكلامية اللي دارت و حولتها رصد لمصيبة عشان تثبت لنفسها و للناس إن المظاهرة كانت فاشلة

http://fo2elsoto7.blogspot.com/2011/05/blog-post_27.html

Medhat Nabawi said...

المفروض يسموها شبكة رصف مش رصد

ضياء said...

شبكة رصد كدابة ,, أه
مش متعاطفة مع صبحي صالح فده رأيك وإنت حرة,, بس متقوليش عليه كداب ,, ايه اللي عرفك إنه كداب؟؟ كنتي معاه لما اتصلوا بيه

Medhat Nabawi said...

المفروض تتسمى شبكة رصف مش رصد - أخرها متابعة أخبار الطرق والكباري

ضياء said...

رصد ,, إخوان ايه بس
انتوا بتهزروا ؟؟؟؟؟

elzahraamegahed said...

نواره ممكن ماتنفعليش أنا واحده من الناس فاكره إن الأكاونت بتاعك، وقبل كده سألناكى هما ع المدونه عليه وأنتى ما ردتيش، وعلى الفكره الأدمن بيعلق جوه على البوستات وبيرد علينا وتقريبا بنف س أسلوبك وليكى أكاونت تانى غير ده،
وده مش دفاع عن صبحى صالح لأنه ما يستحقش ودفاع الإخوان عنه بيشوههم
http://www.facebook.com/Nawara.fans

elzahraamegahed said...

http://www.facebook.com/nawaranegm
وده كمات بتاعك ولا لأ؟

EBN EL AQSA said...

الغلط مش من شبكة رصد الغلط من إلي مزور الأكونت

حالم said...

رصد ملوش ذنب والنقل كان من على الأكونت ده وبلاش اتهامات على الفاضي والمليان مش عايزين نفقد احترامنا لك
http://www.facebook.com/Nawara.fans

elzahraamegahed said...

أنا عملت ديس لايك للصفحه وعلى فكره الخبر جالى قبل ما رصد تنشره

بغض النظر عن ان صبحى صالح فعلا أساء لنفسه وكرهتا فى الاخوان لو كلهم زيه كده، بس فعلا أنا مش فاهمه هى رصد مضايقاكى أوى كده ليه؟؟ ده بفرض إنها ما كانتش تعرف إنها صفحتك

احمد محمد عمر said...

رصف شالت الخبر

شبكة زبالة مفيش رجالة تعمل شبكة غيرها

متعملوا شبكة التحرير

ونضملها مراسلين

ويديرها محترفين

بدل الشبكة المسيسة دي

sum_1_ said...

7elwwwww yeb2a unlike fe esokkaity

احمد محمد عمر said...

رصف شالت الخبر

رجاءا شوفولنا شبكة تانية نشوف منها الاخبار

حالم said...

فين الكومنت يا نوارة؟

mohamed said...

سنانك حلوة اوى

amrsobhyhedaya said...

يا نوارة متظلميش رصد فيه فعلا صافحة باسمك وانا كنت مشترك فيها علي انها بتاعتك كاتبة الكلام ده

toty said...

تختلف قيادات التيارات السياسية والنخب الثقافية المصرية فى المسمى ... علمانى ليبرالى يسارى شيوعى اٍخوانى سلفى... وتتفق فيما بينها على اعتناق الفكر الاٍقصاىٔي و وتعتمد التخوين والكذب- أو على أحسن تقدير المواربة- كأسلحة سياسية والأهم أنها تفرز أتباعا حمقى يتعاملون مع المذاهب الفكرية على أنها أديان... وأحسب أن هذا هو اٍرثنا من فرعون موسى فلا يرينا اٍلا ما يرى ولا يهدينا اٍلا سبيل الرشاد

Muhammad Abdelghani said...

شعار رصد الجديد:ـ

نحن نصنع الحدث، ونحطه على بيدج في الفيس بوك، وبعد كده ننشره

فمافيش داعي تتعبوا في صناعة الأحداث
إحنا أهو بنصنعهالكم بنفسنا

ومافيش داعي توجعوا بقكم بالكلام
لأننا بندلي بالتصريحات بالنيابة عنكم

والله الموفق

حد له شوق في حاجة؟
:D

man1 said...

الصفحه بتاعتك الى فيها 18 الف حد من الاخوان الى عاملها

طول عمرهم جزم كده

amoralol said...

بس يانوراره الكلام ده أنا قريته على الصفحه بتاعتك مش على رصد وفعلا" أستغربت جدا"

Muhammad Abdelghani said...

ثم أنك دلوقتي صخصية "عامة" يا أوستازة

يعني من حق "عموم" الناس انهم يتكلموا بالنيابة عنك

افهموها بقى

Adb El-Hameed Riad said...

مش بتاعك !! ده انا نفسى فاكره الاكونت بتاعك واعتقد ان فى ناس كتير برده فاكره الكلام ده. ياريت تحطى رابط للاكونت بتاعك وتبلغى عن الاكونت ده وتنبهى شبكه رصد

lollaalshazly said...

عسسسسسسسسسسسسسسسسسسسل يا نوراة صدقى بالله انا كل يوم بحبك اكتر من اللى قبلو و الله والله يبنتى الشبكه المشبوهه ده نزلت مرة خبر عن موزة بتاعت قطر ولما العيال كتبو تريقه ( منتى عارفه خفة دم المصرين ) راحت مسسحت الكومنتات و طلبت من الناس الاحترام و لما يكونو مسلمين و مسيحين يسبو لبعض الدين بتسبهم ع البحريييييييييي

Ahmedmam90 said...

هدى اعصابك يا نونو

بنحلم said...

على فكره شبكة رصد مقلتش عليكي حاجه ولا جابة سيرتك في جروب على الفيس اسمه نواره نجم
تاني حاجه يا نواره اللي حصل مع منى مش اسمه مناااااااااظره اسمه تصيد ورصد قامت بدور المتصيد وبينتلنا كدب وادعاء منتصر
ومش فاهم انتي مبتحبيش منتصر لكن لا تجرئي انتقاده لكن بتعرفي بس تنتقدي الاخوان صح
لا ونعم الحياديه والعدل
مصر راحه في داهيه بسبب الاعلام
واطالب بمليونيه لتطهير الاعلام من الافاقين
ده لينك الجروب اللي باسمك
http://www.facebook.com/mobileprotection#!/Nawara.fans/posts/133963450012855?notif_t=like

Thoraya said...

عيب قوي انك تتهم حد بالكذب و هو حلف بربنا .... ربنا الادرى بيه ... انت هتسألي عن الكلام ده يوم القيامة ؟!؟!؟ ...اشتغلى لمصر صح ..بالاساليب التي ترضي ربنا

tarek said...

http://www.youtube.com/watch?v=20Yv1ObSHXk&feature=player_embedded  , ده السيد سعد الحسينى عضو مكتب الارشاد و هو بيقول على شبكة رصد اخوان ,و ده شبكة اخبار مصر شبكة محترمة و لسه جديدة مشفتهاش منها اخبار متفبركة http://www.facebook.com/ENN.News

Thoraya said...

...عيب قوي قوي انك تشتمي حد حلف بربنا وتقولي عليه كداب؟!؟! ربنا ادرى بيه ...انت مش هتدخلي في نيات الناس ... ده مش اخلاق ناس عايزة تبني حضارة... و يمكن يكون صادق و تسألي عن الكلام ده يوم القيامة ... عايزة تبني مصر ابنيها بأسلوب يرضي ربنا

DxBscrewer said...

طب يا حجة ما تقولي و تنشري الكلام ده!!
انا لسه عامل لايك للصفحة المزعومة هناك من نص ساعة بس لما لاقيت الاكونت مكتوب بصيغة الغائب و ناس كتيرة بتقول انه فشنك عملت انلايك و جيت استفسر لاقيتك كاتبة البوست ده
اعتقد ان الحل الوحيد لعدم تكرار الكلام ده هو انك تعملي اكونت على الفيسبوك و انتي اللي تعمليه و تكتبي فيه بنفسك

Muhammad said...

أخطأت رصد بالنقل من الأكونت المجهول ولكن هذا في نظري لا يعتبر كذب وفشر

وبعدين من أنت حتى تقف الدنيا على تقييمك لصبحي صالح ولا خالد زفت منتصر

لذلك أزعم أن رصد أخطات مرة أخرى باختيارك للتدليل على موقف كهذا

وإذا خالد منتصر لا يسعه إلا مصادمة المرجعية الإسلامية التي ارتضتها الأغلبية فعنده أمريكا وكندا يسافر هناك ,,, وإذا عايز فيزا يقول ما يختشيش

omar said...

اولا الرسول قال من حلف له بالله فليرضى والراجل حلف 3 مرات وترجعى تقولى كذاب
عيب عليكى بصراحه
ثانيا الشبكه نقلت من اكونت عليه اسمك وعليه حوالى 20 الف مشترك كنتى المفروض من زمان توضحى انه مش بتاعك
اما والله حاجه عجيبه
وبعدين رصد متجهه الاتجاه الأسلامى كل يوم تتشتم وعندك كل القنوات المصريه نازلين شتيمه فى الأسلاميين واتجاهاتهم ليبراليه صرفه ولا حد بيتكلم
دا حتى الظلم وحش
اخس بجد

mazicabbbb said...

كله بيهجس عشان يجيب اخبار اليومين دول

DxBscrewer said...
This comment has been removed by the author.
el zahra2 said...

متظلميش الشبكه يا نواره
المشكله ان فيه صفحه كانت بإسمك وهي اللي نشرت البوست دا .. وانا نفسي كنت فاكراها صفحتك لأنها كانت بتتكلم بإسمك .. والصفحه فعلا كانت ناشره فيديو بدا وبتقول رأيك ورجعت دلوقتي غيرت كلامها
الصفحه أهي:

http://www.facebook.com/nawaranegm

DxBscrewer said...

بس يا نوارة لو جينا للحق(و بدون تحامل على رشبكة رصف على قولتك) هي جابت الفيديو من اكونت يشاع انه اكونتك
معذورة برضة ده فيه ناس هناك لابسة في الحيط و عمالة تكلمك و مستنية انك تردي عليهم!!!

DxBscrewer said...

@ الاخت اماني

اللينك اللي انتي باعتاه اصلا مش صفحة نوارة على كلامها
و فعلا انتي بتأيدي كلامي ان شبكة رصد جايبه الفيديو من صفحة معتقد انها صفحة نوارة الرسمية

شبكة المتاجر والأعمال said...

وليه التصيد لشبكة اللي بيديرها مجموعة هواه متطوعين وليهم فضل كبير في ايام الثورة في نقل الاخبار ومن جهه اخرى نسيب الاعلام الفاشل المرئي والمقروء اللي مغرقنا كدب وفشر ومعيشنا في رعب كان البلد خربت والامن ضاع الفلوس خلصت والجيش باعنا والسلقيين كلوا المسحيين وحسني مره بيموت ومرة هرب ومره جاتلة زغطة والله عيب نسيب دول ونمسك في الغلابة

mahmoud said...

انا عمال اكلمك علي تويتر ومش بتردي هو انتي مابتكلميش الا اللي تعرفيهم علي الاقل ردي انا كل اللي كنت مستنيه ان لما حد يكلمك تردي بس وبعدين ده انا لو ثورة مضادة كنتي اتعاملتي احسن من كده عموما مافيش زعل بشكل شخصي انا بس زعلت من الموقف وعموما انتي برده نوارة مش اي حد عشان كده رصيدك يكفي ويزيد بس ده مايمنعش اني اتضايقت

hardway said...

الكلام ده كله صحيح..ولا كذب و لا رياء
وأنت متأكدة وتعلمي جيدا انه كلامك..
لكنك تحبي وتعشقي العرض و الاستعراض
في أنتظار العرض الكبير في صالة الاحتفالات الكبري بنادي الجلاءالاربعاء 2011/6/1..
طبعا كل قيادات المجلس هيقولوا.....
خلي نوارة تتكلم...لالالا خلي نوارة تتكلم
زي ما حصل في الاجتماع السابق ..مع الست ام برنيطة.......صح صح صح...........
بطلي كدب و تلفيق.............

ساعي الخير said...

سوري سا نوارة

هههههههه

أنا لسه داعي لك

و اللهم أني ما ليش دعوة بالحكاية دي

منعتي لي تعليقين

و طنشتي التالت

فلبستي في الحكاية دي

بس و الله ما ليا دعوة

ده انا حتي دعيت لك

انشري بقي اللي حوشتيه

الهي يحوش عنك الأفترا

قادر يا كريم

ههههههههههه

keno_2010 said...

والله زوجي قرا الكلام ده العصر قولت لله مش ممكن اكيد دا مش الحساب بتاعها لو عاوز كلامها ادخل المدونة بس

hosseiny shatat said...

واضح انكم عايزين الاخوان يأدبوكم يانواره
ماتستفزوش الاخوان يانواره وخلي لنفسك شخصيه بلاش مشي ورا بلال
عايزك يكون رأيك من دماغك
ورصد عشان محايده تزعلوا منها عايزنها تكون وراكم وخلاص عامة الاخوان مش زي السلفيين
الاخوان يعرفوا يظبطوكم بالادب
وبعدين فيها ايه ان الاخ يجوز اخت
ع الاقل هتتحمل انه يعتقل ويتسجن ويتمرمط وتناضل معاه وتصبر
ليه يجيب واحده تانيه يظلمها معاه ويبهدلها
وياترى تصبر ولا لاه
يانواره راعي ربنا
ياما جوازات لاخوان من بنات من بره الاخوان فشلت عشان الزوجه مش بتتحمل

hosseiny shatat said...

التاريخ هيعيد نفسه وماحدش هيقدر ع الاخوان كلوا عيش يانواره وحسسوا الاخوان انكم بتعملوا للصالح العام مش ضد الاخوان وخلاص

مجلة رؤى مصرية said...

مش شبكة رصد بس يا نوارة .... دي قناة الجزيرة كمان .... لها نفس التحيز

hosseiny shatat said...

وبعدين ماحدش عارف مين ال وشه اسود بعد مليونية الوقيعه الفاشله
يابنتي هوه انتو عرفتوا تنظموا المظاهره من غير الاخوان
وبعدين لو نجحت
طيب محروقين ليه
ولو نجحت حققت ايه وهل استمرت مثل جمعة الغضب
انتو بغباؤكم خليتو الناس تقول جمعة الغضب الاولى حققت ماحققت لان الاخوان كانوا فيها والثانيه فشلت لانهم قاطعوها
هههههههههههههههههههههه

Mohamed Elwakeel said...

فكرتيني بالمرحوم صدام اتهزم وبلاد راحت وبعدين يقول ايه انتصرنا في ام المعارك

B. said...

السلام عليكم
الأخت نواره، أرجو أن تفتحي الإيميل، أرسلت لك على أيميل المدونة، من اليمن
في أمان الله

Amal said...

نوارة.. شوفي الفيديو ده .. و اذا عندك حد بيعرف الماني يتأكد من الترجمة.. لانها لو صحيحة تبقى مصيبة و لازم وقفة بجد

http://www.youtube.com/watch?v=_-xgUa04UZo&feature=player_embedded#at=25

Amal said...

http://www.youtube.com/watch?v=_-xgUa04UZo&feature=player_embedded#at=25

كل دي اكاذيب؟؟؟

لمصلحة ميييييييييييين؟

بساطه said...

كان عندك حق لما قلتي ان شبكة رصد تعمل لصالح الاخوان.. حاجه تقرف

the magnificent ninja said...

صبحي صالح مش كذاب
و لا عزاء لمحبي المتخلف عقليا خالد منتصر

Sara said...

ما يوم اللقاء الي ععلى الهوا بين صبحي صالح و خلاد منتصر رصد كان تعليقها ان خالد منتصر بيقول ايه دخل ربنا في السياسة
اي تاليف و خلاص و سايبين كل كدب صبحي صالح

Sara said...

يا نوارة اصلا بعد المناظرة بين صبحي صالح و خالد منتصر رصد كل الي همها من الحوار فيديو ان خالد منتصر بيقول ايه دخل ربنا في السياسة و لا جابوا سيرة عن كل كدب و تاليف صبحي صالح

ali elhaddad said...

انا نفسى كنت مفكر انه الاكونت بتاعك فبلاش بقى الحوارات دى وقولى انها لبس بلاش تهييييج حراااام توبوا بقى

Rawash Amr said...

انا معاى اخرة ليله من غير مذاكرة وتتحرق الدبلومة على الكتب انا عملك منشن فى تويتر عليه رقمى كلمينى ارجوكى هحللك معضله المجلس العسكرى واللقاء انا مش عايز التعليق يظهر بس رقمى اهو 0127099194 كلمينى وحيا نجم
هو بيتكلم عن فرق تسد انا معاى حل يخلينا تانى ايد واحده كلنا مسلمين واقباط وائتلافات وشعب ومثقفين وغيرهم ويخليه تانى ميقولش دول مش بيعبروا عن الثورة ولا حد يقدر يقول دول فلول ومشفنهمش والكلام البايخ ده
كلمينى ارجوكى

حزب اللي مش لاقي حزب يلمه said...

الجوم الإعلامي الشرس المضاد لرد فعل الناس للحصل للإخوان من بعد جمعة الغضب 2 .....و عم الفلوطه صبحي صالح و المفبركون في الموقع بتاعهم و بديع شغال تصريحات مع الجيش .... في رايي علشان الناس متدخدعش .... الإخوان دائماً الأزكي في القول .... و لكن أيضاً الأغبى غي الفعل

السياسه مش كلام ... الفعل هو المترجم الوحيد ..... زي إسرائيل كده ... الكلام و الفعل شتين الفارق
مع الإعتذار إلي الشباب الصالح اللي بيحب مصري بس لسه في جماعه الإخوان

hassn hamdi said...

شبكة رصد نقلت عن موقع ليس موقع نوارة الشخصي ولكنه موقع لمحبي نوارة نجم ويبدو أن نوارة أصلا لا تدخل على هذا الموقع لأنني لم أرها مرة واحدة تعلق على أي مشاركات فيه..والمشكلة ليست في خالد منتصر أو صبحي صالح ولكنها في الشبكة التي تدعي المهنية ثم تكذب رسميا ولا تستحي من الكذب
على فكرة: أنا لا أطيق خالد منتصر هذا وأعلم تماما أنه كان كلب سوزان مبارك المدلل، بل اسمه عندي "خالد ختان" علشان عنده عقدة من ختان الإناث

hassn hamdi said...

مكتوب كويس وباللغة العربية الفصحى في الموقع اللي نقلت منه شبكة رصد الكلام على لسان نوارة إنه موقع لمحبي نوارة وليس موقع نوارة نفسها ومتهيألي بتوع شبكة رصد بيعرفوا يقروا عربي كويس
وكل الاخوانجية اللي بيعلقوا على الخبر بيتجاهلوا حقيقة لا دخل لها بكل الحوارات اللي دايرة دي: شبكة رصد كذبت على نوارة نجم وقوّلتها ما لم تقل...طلعت رصد اخوانجية طلعت علمانية، خالد منتصر طلع قرد أو شيمبانزي..صبحي صالح كذب أو ما كذبش..كل ده مش مهم ومش مربط الفرس في المشكلة اللي على الفيسبوك..المشكلة إن رصد كذبت على نوارة نجم...نقطة ومن أول السطر

hassn hamdi said...

كل اللي قاعدين يشتموا نوارة ما بيفهموش..لو بتفهموا فعلا روحوا الصفحة اللي نقلت عنها شبكة رصد "الإخوانجية" وشوفوا هيه بتاعة نوارة ولا لأ..شوفوا كده نوارة عملت كام مشاركة في الصفحة دي وردت على كام تعليق..ومفيش حد يتحجج بإن الصفحة جديدة وأدمنز شبكة رصد المساكين ما كانوش يعرفوا انها مش صفحتها لأن الصفحة دي بقالها شهور موجودة وأي حمار هيفهم إنها مش بتاعة نوارة..
أنا نفسي أول ما اشتركت فيها كانت فاكر إنها صفحة نوارة وبعد تلات أربع مشاركات اكتشفت بسهولة انها صفحة لمحبيها..يبقى كلامها ازاي يا متخلف منك له؟ عاوزين تلبسوها اي حاجة والسلام؟
المدونة دي هيه اللي بتاعة نوارة يعني يا تنقلوا من المدونة دي أو تنقلوا من فيديو لنوارة بصوتها وصورتها..
اتعلموا بقى: "ولا يجرمنكم شنآن قوم على ألا تعدلوا اعدلوا هو أقرب للتقوى"..
وليه شبكة رصد طردتني أصلا وأنا كنت أول واحد أرد عليها واقول ان دي مش صفحة نوارة؟؟؟؟
صحيح.. الغرض مرض
ربنا يشفيكم

السلام عليكم said...

هو حد شتم نواره هم بيقولوا الصفحه اللى رصد بتنقل منها كل الناس معتقده انها صفحتها فعلا وبعيدين صبحى صالح كداب ايش عرفكم انك كداب ولا هو لمجرد انه اخوان يبقى كداب وانتهازى وكل الصفات المقندله فيه نصيبه ايه دى وبعديين انا مشفتش الحوار لكن لو منى الشادلى قالت له كده فعلا يبقى غبى انه مسبهاش ومشى

mustafa said...

شهادة للتاريخ


الأستاذ صبحى صالح أبلغنى الاسبوع الماضى ببرنامج "منى الشاذلى" حتى نسافر سويا من الاسكندرية إلى قناة دريم و تحدثنا طويلا فى محاور الحديث وكيفية الاعداد له وأهم الافكار وتوقعات الأسئلة واستفضنا بإسهاب وتناقشنا فى طبيعة اللقاء وأهدافه ومتطلباته ولم نتطرق مطلقا لوجود ضيف آخر ولم نذكر أى إحتمال لوجود ضيف من أى نوع بل كان المستقر فى يقيننا أنه بمفرده ضيف الحلقة الوحيد "


د.أحمد مطر - رئيس المركز العربى للبحوث السياسية والاقتصادية

NevenHazzaa said...

دليل كذب خالد منتصر ومني الشاذلي وصدق صبحي صالح بالبراهين في الفيديو دة ... حللوا الكلام وننتظر التعليق

http://www.youtube.com/watch?v=WGqDmQ1DHaM&feature=player_embedded

NevenHazzaa said...

دليل كذب خالد منتصر ومني الشاذلي وصدق صبحي صالح بالبراهين في الفيديو دة ... حللوا الكلام وننتظر التعليق

NevenHazzaa said...

دليل كذب خالد منتصر ومني الشاذلي وصدق صبحي صالح بالبراهين في الفيديو دة ... حللوا الكلام وننتظر التعليق

حمكشه said...

خالدمنتصر نبيل شرفالدين اقبال بركه فريده الشوباشى يحيى الجمل ...الاخوه الاقباط لا تستفزوا مشاعر البسطاء بالتهكم على الاسلام وثوابته فلتهاجموا الاخوان والسلفيين كما تحبوا ولكن سيبو ا للناس عقيدتهم واللى عايز يتنصر يروح يتنصر

mm_shariff said...

الاستاذه الفاضله نواره هناك تفسير لما حدث مع الاستاذ صبحى صالح يبدوا لى منطقى وهو على النحو التالى ما حدث أن الأستاذ صبحى صالح أقسم لمنى الشاذلى أنه لا يعرف الضيف و لم يقسم انهم لم يخبروه , و هذا يمكن تفسيره بثلاث أشياء , التفسير الأول أنه لم يسمع الكلام جيدا فى التليفوِن , التفسير الثانى أنه سمع و نسى , و التفسير الثالث أنه يكذب ....لماذا اختارنا التفسير الثالث و تركنا الأول و الثانى ...و قد قال الأستاذ صبحى لعل معدة البرنامج قالت له و هو لم يسمع جيدا , ...اذن لماذا لم نقل منذ البدايه أنه لعله لم يسمع جيدا جيدا أو سمع و نسى ؟ و اعتقد ان شهادة د.أحمد مطر - رئيس المركز العربى للبحوث السياسية والاقتصادية تؤيد هذا التفسير و هذا نصها كما كتبها على صفحة على الفيس بوك وهى كالتالى أبلغنى الاسبوع الماضى ببرنامج "منى الشاذلى" حتى نسافر سويا من الاسكندرية إلى قناة دريم و تحدثنا طويلا فى محاور الحديث وكيفية الاعداد له وأهم الافكار وتوقعات الأسئلة واستفضنا بإسهاب وتناقشنا فى طبيعة اللقاء وأهدافه ومتطلباته ولم نتطرق مطلقا لوجود ضيف آخر ولم نذكر أى إحتمال لوجود ضيف من أى نوع بل كان المستقر فى يقيننا أنه بمفرده ضيف الحلقة الوحيد اذا الموضوع حمال اوجه ليه نجزم ان الرجل يكذب فى شى فيه احتمالات و المشكله ان لو مكنش بيكذب يوم القيام ربنا حيفصل بينا و بينه

mm_shariff said...

الاستاذه الفاضله نواره هناك تفسير لما حدث مع الاستاذ صبحى صالح يبدوا لى منطقى وهو على النحو التالى ما حدث أن الأستاذ صبحى صالح أقسم لمنى الشاذلى أنه لا يعرف الضيف و لم يقسم انهم لم يخبروه , و هذا يمكن تفسيره بثلاث أشياء , التفسير الأول أنه لم يسمع الكلام جيدا فى التليفوِن , التفسير الثانى أنه سمع و نسى , و التفسير الثالث أنه يكذب ....لماذا اختارنا التفسير الثالث و تركنا الأول و الثانى ...و قد قال الأستاذ صبحى لعل معدة البرنامج قالت له و هو لم يسمع جيدا , ...اذن لماذا لم نقل منذ البدايه أنه لعله لم يسمع جيدا جيدا أو سمع و نسى ؟ و اعتقد ان شهادة د.أحمد مطر - رئيس المركز العربى للبحوث السياسية والاقتصادية تؤيد هذا التفسير و هذا نصها كما كتبها على صفحة على الفيس بوك وهى كالتالى أبلغنى الاسبوع الماضى ببرنامج "منى الشاذلى" حتى نسافر سويا من الاسكندرية إلى قناة دريم و تحدثنا طويلا فى محاور الحديث وكيفية الاعداد له وأهم الافكار وتوقعات الأسئلة واستفضنا بإسهاب وتناقشنا فى طبيعة اللقاء وأهدافه ومتطلباته ولم نتطرق مطلقا لوجود ضيف آخر ولم نذكر أى إحتمال لوجود ضيف من أى نوع بل كان المستقر فى يقيننا أنه بمفرده ضيف الحلقة الوحيد اذا الموضوع حمال اوجه ليه نجزم ان الرجل يكذب فى شى فيه احتمالات و المشكله ان لو مكنش بيكذب يوم القيام ربنا حيفصل بينا و بينه

حسين العسقلاني said...

اتقي الله يا نوارة ولا تصفي الأستاذ صبحي صالح بالكاذب دون دليل لأنه هياخد حقه منك يوم القيامة