Tuesday, 3 May 2011

اضرب عليا انا مش جاري يا قناص

هو حد لقى الشاب ده؟



هو الجدع ده ما بيطلعش من دماغي ابدا، الواد لا فكر يطلع في الاعلام، ولو مات ما فكرش اهله يقولوا ده ابننا
انا بس عايزة اقول له شكرا عشان قلت للناس كلها ان رجالة مصر رجالة
ومنك لله عشان احرجتني لاني كنت بارقع بالصوت لما القناصة بيضربوا
والنبي يا جماعة لو حد لقاه يقول لي
لو هو مش عايز يعلن عن نفسه، انا نفسي اشوفه، واوعده اني مش حاقول لحد عليه، بس عندي فضول اعرف مين البني ادم ده
نسيت اقول حاجة
انا مش بيعدي يوم مش باقرا واسمع قصيدة يا شعب مصر بتاعة تميم.. تصدقوا حفظتها على طولها ده؟ 
وعمري ما كنت اتصور ان الثورة تتعمل قصيدة حية كده، ده كل ده وهو كان بعيد، امال لو كان قاعد معانا كان عمل ايه؟ 

41 comments:

sereen said...

و أنا كل ما أكون عايزة أنتشي و أنبسط وأحسن معنوياتي أشوف الفيديو ده عشان أسمع صيحات:
جدع جدع .. راااجل
أنا انبسطت لما حطتيه هنا يانوارة

متابعة من سنين

sereen said...

صحيح نسيت أقول أن من التقط هذه الصورة و من سجل الفيديو يستاهلوا الحصول على جائزة من أحسن لقطات العام 2011

حلم بيعافر said...

الورد مبيقولش انا ورد

بس برضه لازم نعرفه))

haroon said...

الشاب ده جدع من الاف الجدعان المصريين اللي علي حق.. اللي اتحملوا الظلم بصحيح ووقفوا ف وش المدرعات بصدورهم العارية وقالوا لأ عشان احنا نرفع راسنا ونحس اننا بني ادمين مرة تانية..ده ابن بلد بصحيح وراجل من ضهر راجل من ضهر راجل ..ولكن للاسف فين الناس دي دلوقت ؟؟ حد يعرف عنهم حاجة ؟؟ دلوقت احتل الصورة للاسف اللي بيسموهم النخبة والناس اللي انقضت علي المشهد زي السلفيين والاخوان وكثير ممن لم يكن لهم دور مؤثر وكانوا مجرد شخصيات كرتونية موجودة علي الساحة السياسية ف مصر لاستكمال فصول مسرحية هزلية لا اكثر ولا اقل ؟؟؟ اين شباب الثورة الحقيقين ؟؟ اين اسر الشهداء ؟؟ اين الشباب الذين ضحوا بعيونهم من اجل مصر ؟؟ للاسف لا نجد الان غير كل متنطع وراكب موجة ..لكن الغلابة والناس اللي اتحملوا وعاشوا اصعب ايام ...خلاص ...اين هذا الشاب ؟؟

dalyanassar_15 said...

تصدقى إنى بقالى أسبوع الولد ده مش عايز يطلع من دماغى و نفسى حد يطلع يطمننا عليه و يقول إنه لسه عايش.. مع إننا المفروض نفرحله لو كان شهيد بس كل ماتيجى الفكرة دى فى دماغى ألاقينى بدمع

arnoba said...

آه و يبقى فارس أحلام فتيات مصر :D

eman said...

هو ده البطل المجهول

dodda15 said...

والله والله والله ده اول واحد حركني و حسيسني انها ثورة
و قعدت اعيط و اقول انا عايزة انزل مصر فورا
و حسيت ان الثورة هتنجح بعزيمة و شجاعة شبابك يا مصر
ولازم و واجب عليا اعتذر لان قبل الفيديو ده و قبل ٢٦ يناير ماكنتش متافئلة و لا مقدرة رجالة بلدي و شبابها(اولاد و وبنات) شكرًا


مصرية فخورة

El - Shandwely said...

دى كمان شوية صور لموقعة عربية الامن المركزى

http://www.flickr.com/photos/shandwely/5422819721/in/set-72157626466942104


http://www.flickr.com/photos/shandwely/sets/72157626466942104/with/5422819721/

Ihab said...

نوارة , في جروب اتعملت عالفيس بوك باسم " الشعب يريد معرفة البطل " , و بعد اسبوع الادمين بتاعها قال انه عرف يوصل ليه و الراجل بلغه انه بخير و انه مش عايز شهره من وراه الموضوع ده , انا شايف تحاولي تعملي كونتاكت مع الادمين , قال مش عاوز شهره قال :)
http://www.facebook.com/photo.php?fbid=193076277393922&set=a.192426800792203.45521.192344830800400&type=1&theater

كيوبيد said...

نواره كلامك خالنى ابكى ده فارس من ملاين الرجل الفوارس شباب مصر لسه الشعب ده لم يكشف عن كل اسراره المعدن الاصيل لسه مش ظهر لسه تحت تراب 30 سنة او اكتر انا مع كل جو الاحباط الى مسيطر حاليا لكن عندى امل كبير فى بكره وفى الشعب المصرى العظيم لو عارفتى ها الفارس ابقى سلامى علية هو وكل شباب مصر من كل ارض مصر

سامح said...

لما بشوفه بفتكر الحديث ده
عجب الله من رجلين
وَرَجُلٍ غَزَا فِي سَبِيلِ اللهِ عَزَّ وَجَلَّ ، فَانْهَزَمُوا ، فَعَلِمَ مَا عَلَيْهِ مِنَ الْفِرَارِ ، وَمَا لَهُ فِي الرُّجُوعِ ، فَرَجَعَ حَتَّى أُهْرِيقَ دَمُهُ ، رَغْبَةً فِيمَا عِنْدِي ، وَشَفَقَةً مِمَّا عِنْدِي ، فَيَقُولُ اللهُ عَزَّ وَجَلَّ لِمَلَائِكَتِهِ: انْظُرُوا إِلَى عَبْدِي ، رَجَعَ رَغْبَةً فِيمَا عِنْدِي ، وَرَهْبَةً مِمَّا عِنْدِي ، حَتَّى أُهَرِيقَ دَمُهُ
الناس كلها جريت وهو ده اللي رجع وهو عارف ان ممكن يموت

حسن محمد على said...

اهو بقى الابطال الحقيقين يانوارة بيبقوا زى الجدع دة مش لابسين (ينيفورم)ولا انواط واوشحة واوسمة -مع احترامنا لهم- واللى تستغربي لة انهم مش عارفين انهم عملوا عمل بطولى ولا على بالهم غير انهم عملوا الواجب عليهم,ولولا الصور لم يكن يدرى بوجودهم احد.

انا ونفسى والحياة said...

تحياشعب مصر .... فيه من الولد ده كتييييييييير بحمد ربنا ان كل الحاجات دى شوفتها بعينى علشان احكيها لولادى وولادى يحكوها من بعدى ...ودلوقتى اقولهم بكل فخر الابطال فى 73 حرور سيناء من العدو الصهيونى والابطال فى 2011 حررو مصر من الطاغيه مبارك .. ومصر رجعت كامله لينا ... وحمدلله على سلامتك يا مصر

Ahmed . M . Abdulrahman said...

البطل بطل ولو وسط الالوف

تحيه ليه و لكل الرجاله الى شفتهم ولى مشفتهمش

تحياتى

______________________

اقراء مقال اسلاميه ام مدنيه ( وجهة نظر شخصيه )

على مدونه مصر..............الروح والنصر ادعمها تدعم مصر والثوره ادعمها ولا تبخل

http://misr25jan2011.blogspot.com/2011/05/blog-post.html

kingtut said...

طول عمرى نفسى اكون الشاب دااااااااا

maii bahaa said...

أنا يابنتي بعتلك ماسج من أول يوم سألتي عليه ..بس الظاهر ماقريتيهاش
المصور هو : مصطفى فتحي .. هاتلاقيه على الفيس بوك
وهو صحفي ومصور وبيشتغل في راديو حريتنا وعنده معرض صور شغال دلوقتي هناك .. ووصل للراجل البطل ده..والفيديو أخد جايزة من كام يوم
maii bahaa

حسني مبارك الا ظلمتوة said...

بالله عليكم كيف تكونون مع مايسمي بثورة 25 يناير وتعملوا فرحانيين بصور الشهيد بن لادن لايستقيم هذا الوضع فمن مع ماحدث في 25 يناير هو من الفئة الضالة ومع الامريكان قلبا وقالبا لان ماحث في 25 يناير هو مخطط امريكي اطلق علية ايام بوش الابن الفوضي الخلاقة وتم التنفيذ في عهد اوباما واسألوا بتوع 6 ابريل والاخوان وياريت تحاولوا تصاحبوا اي حد منهم وانتم تتاكدوا اقسم بالله العظيم ان هذا هو ماحدث فعلا امة ضكت من جهلها الامم هو اية انتم معندكمش عقل للدرجة دي ومن تمام الخطة للازم يطلعوا مبارك ونظامة حرامية دة شيئ لازم ولابد منة فلتحيا امريكا الا بتلعب بالعرب كيفما شاءت

بساطه said...

اه يانواره على قصيدة تميم مؤلمه ومبكيه وفخوره ومفرحه اااااه انا بسمعها واتبستر احاسيس ياموت تعالى اعوض غربتي ومنفاي .. في جسم كل شهيد في مصر مكتمله بكاء حاد فعلا ضحكت وبكيت

elzahraamegahed said...

http://www.facebook.com/photo.php?fbid=194589157257623&set=a.104265636289976.2684.104224996294040&type=1&ref=nf

واللى ف اللينك ده جدوته جامده أوى هو كمان

mohamed said...

سبحان الله ... نفس احساسي
ديما ادور علي الفيديو بتاعه و اقعد افتكر يوم ما شوفتو و قعدت أعيط :D
يمكن عشان كان نفسي ابقي مكانه او معاه
و فعلا كنت ديما اقول انه لا دور انه يطلع في الاعلام و يدور علي شهرة ولا اعتقد انه كان بيدور علي ده اساسا ولا كان يعرف انه بيتصور و كان ممكن يموت قدام العربية و محدش يصورو ولا حد هيعرف عنه حاجة بس هو مفكرش في كل ده ببساطة لانه مكنش بيعمل كدة عشان حاجة الا عشان بلده

mohamed said...

سبحان الله ... نفس احساسي
ديما ادور علي الفيديو بتاعه و اقعد افتكر يوم ما شوفتو و قعدت أعيط :D
يمكن عشان كان نفسي ابقي مكانه او معاه
و فعلا كنت ديما اقول انه لا دور انه يطلع في الاعلام و يدور علي شهرة ولا اعتقد انه كان بيدور علي ده اساسا ولا كان يعرف انه بيتصور و كان ممكن يموت قدام العربية و محدش يصورو ولا حد هيعرف عنه حاجة بس هو مفكرش في كل ده ببساطة لانه مكنش بيعمل كدة عشان حاجة الا عشان بلده

mohamed said...

سبحان الله ... نفس احساسي
ديما ادور علي الفيديو بتاعه و اقعد افتكر يوم ما شوفتو و قعدت أعيط :D
يمكن عشان كان نفسي ابقي مكانه او معاه
و فعلا كنت ديما اقول انه لا دور انه يطلع في الاعلام و يدور علي شهرة ولا اعتقد انه كان بيدور علي ده اساسا ولا كان يعرف انه بيتصور و كان ممكن يموت قدام العربية و محدش يصورو ولا حد هيعرف عنه حاجة بس هو مفكرش في كل ده ببساطة لانه مكنش بيعمل كدة عشان حاجة الا عشان بلده

Tamer Abdel Aziz said...

اروع الابطال هم المجهولين
الذين لاينتظرون شكرا ولامجدا علي بطولتهم
والصورة مبهرة من يوم ماشفتها .. مكانش في مشهد في ذاكرتي في قوتها الا مشهد
tank man
اللي وقف رتل دبابات لوحدة في الميدان السماوي في بكين في مظاهرات الطلبه في التسعينات واللي اختفي من ساعتها ومحدش قدر يوصلة وداب في وسط مليار بني ام
ليه وللبطل المجهول ده من قلبي الف تحية ..ومحبة ..واحترام واجلال وتقدير

eenaa_10 said...

السلام عليكم

أنا أدمن صفحة "الشعب يريد معرفة البطل" على الفيسبوك

والحمدلله وصلت له بالفعل .. تقدري تتوصلي معي :)

ودا لينك البيج


http://www.facebook.com/elsha3b.yoreed.ma3refet.el.batal

بنت سينا said...

سبحان الله هذا الولد وغيرة من الشباب اللذين اظهروا شجلعتهم فى الثورة اعادوا لنا الثقه فى انفسنا كنا قد فقدناها ولكنهم اعادوها الينا بارك الله فيهم ان كانوا احياء ورحم الشهداء منهم

yoyo mosta7el said...

الشعب يريد معرفة البطل
نوارة ياريت تقابيله بجد وقوليله رفعت راسنا
صورته ما لهاش حل .. هترفع راس المصريين العمر كلـــــــــــه
وهنحكى لأجيال جاية قصة البطل اللى وقف قدام عربية عباد المأمور ووقفها مكانها
علشان هو كان عبد الله
:)))))))

بنحبــــــــك يا بطــــــــل

yoyo mosta7el said...

ربنا يخليكى يا نوراة
دايما كدة بتقولى اللى جوانا
الشعب يريد معرفة البطل

لو قابلتيه قوليله
انت رفعت راسنا يا بطــــــــــل
هنفضل نحكيها زى الأساطير بس هقنلوهم دى كانت حقيقة
المصرى وقف قدام العربية ووقفها مكانه
وقف قدام عباد المأمور وثبتهم فى مكانهم
علشان هو كان عبد الله
:)))
ده الميه رفضت تضربه يا نوارة
:))
على فكرة ممكن توصليله عن طريق الصفحة دى

http://www.facebook.com/media/set/?set=a.199492750075748.50561.165679300123760#!/elsha3b.yoreed.ma3refet.el.batal


الشباب اللى فيها عرفوه خلاص

skiff said...

طبعا في الثورة كثيرون لم يظهروا في الاعلام اما لانهم قتلوا او اصيبوا او لزهد الاعلام الباحث عن الاثارة في بضاعتهم
بينما لفت انتباه الكثيرون هذا البطل الذي ارجو له السلامة و خصوصا ان موقفه هذا حدث في بداية الثورة و ان ثباته ثبت عشرات و الاف
جزاه الله خيرا و ثبته دنيا و اخره
اخيرا اري ايضا البحث عن سائق المصفحة فقد كان انسان في زمن قلت فيه الانسانية فقد وقف و تردد و رش مائه و توقف ثانية بينما كان غيرة يدوس اللي يقف في طريقه
انا عارف ان طبيعي ان نكرم واحد علي اقل ما يمكن عمله لكن الوقوف امام اوامر القيادات الامنية اري انه لا يقل عن الوقوف امام المصفحة

skiff said...

طبعا في الثورة كثيرون لم يظهروا في الاعلام اما لانهم قتلوا او اصيبوا او لزهدهم في الشهرة او لزهد الاعلام الباحث عن الاثارة في بضاعتهم
بينما لفت انتباه و الهم الكثيرون و انا منهم هذا البطل الذي ارجو له السلامة و خصوصا ان موقفه هذا حدث في بداية الثورة و ان ثباته ثبت عشرات و الالاف
جزاه الله خيرا و ثبته دنيا و اخره
اخيرا اري ايضا البحث عن سائق المصفحة فقد كان انسان في زمن قلت فيه الانسانية فقد وقف و تردد و رش مائه و توقف ثانية بينما كان غيرة يدوس اللي يقف في طريقه
انا عارف ان مش طبيعي ان نكرم واحد علي اقل ما يمكن عمله لكن الوقوف امام اوامر القيادات الامنية اري انه لا يقل عن الوقوف امام المصفحة

omnia said...

انا كمان عملت صفحه علي الفيس بوك وحاولت اوصل صوتي لبرامج التوك شو لكن لم استطع فاكيد هناك قصص بطوليه كتيره عايزين نشوف ابطالهم لتكريمهم فهم لهم حقوق علينا ليس الشهداء فقط ولكن المصابين والابطال مثل الشاب الشجاع الواقف امام عربيه الامن
http://www.facebook.com/pages/%D8%A7%D9%84%D8%B1%D8%A7%D8%AC%D9%84-%D8%A7%D9%84%D8%B4%D8%AC%D8%A7%D8%B9-%D8%A7%D9%84%D9%88%D8%A7%D9%82%D9%81-%D8%A7%D9%85%D8%A7%D9%85-%D8%B9%D8%B1%D8%A8%D9%8A%D9%87-%D8%A7%D9%84%D8%A7%D9%85%D9%86/175675609148545#!/pages/%D8%A7%D9%84%D8%B1%D8%A7%D8%AC%D9%84-%D8%A7%D9%84%D8%B4%D8%AC%D8%A7%D8%B9-%D8%A7%D9%84%D9%88%D8%A7%D9%82%D9%81-%D8%A7%D9%85%D8%A7%D9%85-%D8%B9%D8%B1%D8%A8%D9%8A%D9%87-%D8%A7%D9%84%D8%A7%D9%85%D9%86/175675609148545?sk=wall&filter=2

omnia said...

http://www.facebook.com/home.php#!/home.php?sk=group_175758065809101&ap=1

AMAL said...

وأما انت شايفة انه عمل شيئ عظيم ومع ذلك ما فكرش يطلع في الاعلام ولا يتشهر، ما تقولي لنفسك بدل ما انت عملت نفسك القائد الملهم للثورة وناقص نفتح الحنفية تنزلي منها ....اطلعي من دماغنا يا بنت الحشاش

sameh said...

هى فعلا من احلى صور الثورة لانها تعبيرية عن حقيقة الصراع بين قوة الحق بدون سلطة و طغيان الظلم بالسلطة و فى اخر الحق اللى فى قلوب الملايين فى التحرير انتصر على شوية عربيات و قناصات فى ايدين السلطة

و تانى صورة هى صورة الصلاة على كوبرى قصر النيل

دول فعلا اكتر صورتين عبروا عن المعانى السامية لثورة التحرير من وجهة نظري

ساعي الخير said...

الحمد لله رب العالمين

هو بطل بس كمان

البطل الحقيقي

هو الشاب الضابط اللي كان في الكابينة و رفض يصدمه بالعربية

mrsbieber174 said...

من اول ايام الثوره وصوره هذا البطل فى وجدانى ةاقترح عمل حمل للبحث عن الراجل اللى امام المدرعه لتكريمه

mrsbieber174 said...

من اول ايام الثوره وصوره هذا البطل فى وجدانى ةاقترح عمل حمل للبحث عن الراجل اللى امام المدرعه لتكريمه

Mondassa said...

مو بس بمصر يا نوارة
هي مقاطع لشجاعة السوريين

أطفال ينبطحون أمام الدبابات في بانياس السورية
http://www.youtube.com/watch?v=zHVF12ypaGo

وفيديو آخر لشاب من درعا يطلب من رجل أمن سوري اعترض على تصويره بقوله : قوسني (أطلق علي النار) ، العالم بدو يشوف ماذا يجري في درعا ..
في وقت أصبحت فيه الصورة أغلى من حياة كاملة
http://www.youtube.com/watch?v=xMxEuV3A8gg

Rehab said...

Just watched your new show on El Tahrir. Sorry for writing in Engish but I dont have arabic keyboard. The famous question "why did you go out on the protests that became a revolutin ?" For once I wanted to hear sombody share my thoughts which are :
1- i went coz even though i live a very good life , i stongly feel i am part of this society and i care so much about it and would do anything to give them better chances of living
2- i went because i was raised as muslim and a thinker who does not accept lies, who does not accept unfairness, who is proactive and brave and strong.
A big thanks to the old generation who helped form our personality as muslims and thinkers and strong, honest , proactive citizens. we owe it to them somehow .. would like to how what do u think?

SAMS-1990 said...

يا نوارة
الشاب ده هو
اللى كنت أتمنى أكون مكانه
بس خلاص

الدرويش المرووش said...

يا نوارة
الشاب ده هو

اللى نفسى كنت أكون مكانه