Friday, 27 May 2011

شعبك كأنه سما والدنيا دي مطره

الحمد لله
:)

109 comments:

Passant said...

الراجل ده حيجننى حيجننى اللواء ممدوح شاهين على قناة اون تى فى بيقول للمذيعة ازاى القناة تقول ان المظاهرات النهاردة كانت حاشدة مش عارفة ايه اللى مزعله يا رب طولة البال من عندك

mahmoud said...

الله واكبر ولله الحمد

سنابل said...

الحمد لله ربنا كبير

nosseir73 said...

الحمد لله ربنا عداها على خير ولو ان فى بعض المطالب الغير متفق عليها برضه مجلس رئاسي وتاجيل الانتخابات والدستور اولا بس برضه عدت على خير والعدد كويس امال لية خايفين من الانتخابات مااحنا نقدر نواجه الاخوان اهه العدد كويس مع شوية ترتيب وتنظيم ونزول الشارع بجد هيبقى لنا وجود الشعب واعى جدا والدليل انه ماخفش النهاردة ونزل وما ممشيش ورا كلام الاخوان او القوى السياسية الاخرى امال ليه النخب بتخاف من الانتخابات مش فاهمه دى

Basma said...
This comment has been removed by the author.
Basma said...

العدد كان هايل و الناس مركزة جدا وربنا دة كبير قوىىىىىىىىىى

خواطر شابة said...

انتظر تفاصيل اليوم منك على احر من الجمر رجاء لا تتأخري

mohamed said...

انهارده تم اثبات بالدليل القاطع ان السياسة ولعبها من اقذر ما يكون .......الاهداف اللي كانت الناس نازلة عليها انهارده كانت المحاكمة و حل المحليات ....و فجاءة كل التليفزيون يبقى الناس بتاعت الاحزاب عمالة تقول اهو الشعب بيقول الدستور اولا ....حاجة تقرف استعمال التحرير كوسيلة سياسية .......التحرير للمطالب الثورية اللي متتعارضش مع ارادة الشعب..... مش هاقول الاخوان ابرياء لا الاخوان كانوا عارفين كويس ان معظم الناس نازلة للمطالب الثورية و لكن نزلوا بيان بيكلموا فيه القلة بتعات المجلس الرئاسي و الدستور و خونتهم فاتفهم كلامهم انها على الكل .....و ماظنش انهم بالسذاجة انهم ميعرفوش ان المعنى ده هيوصل .....كانت رسالة عايزين يوصلوها للاحزاب وموصلتش ...برضه لعبة سياسة

بقيت واثق اني مش هارشح اي حزب من الاحزاب الجديدة اللي مسمين نفسهم ليبرالينن و الليبرالية منهم بريئة ميفرقوش عن اي حزب لا يعرفوا ديمقراطية و لايعرفوا مصلحة البلد ..... ببساطة الاستفتاء كانت نتيجته الانتخابات اولا والدستور ثانيا .....و كلنا قلنا هنحترم نتيجتها اي كانت ....لم يحترموها و ابتدا ...الكلام دلوقتي اصل التاثير الديني ضيع شرعية الانتخابات .... طبعا بغض النظر عت ان الكلام ده كان يبقى من ايام الاستفتاء مش بعدها بشهرين ....لكن الرد سهل كام واحد نزل بسبب شيخ و قال نعم 8 مليون طيب نخليهم 9 مليون ... 9 مليون و بفرض ان كان مفيش و لا واحد نازل يقول لا علشان الكنيسة قالت و لا ناس اضغط عليها بجملة دم الشهداء .... هيفضل 5 مليون قالوا نعم قدام 4 مليون برضه اغلبية و اظن ان اي حد كان بيتكلم معايا ايام الاستفتاء عارف اني كنت بادافع عن لا و بشدة لكن قبل نعم و لا انا هدافع عن الديمقراطية و حرية الشعب ..... مش هانرجع تاني لنفس كلام مبارك و سليمان ان الشعب اختار غلط .... انت مين علشان تقول الشعب اختار غلط..... في ناس كتير نسيت كانت بتقول ايه و بتلعب بكلامها .... و انهارده ناس كتير اتكشفت قدامي ....اولهم حركة كفاية و الاحزاب الجديدة و عمرو حمزاوي لان كان ليه قال بعد الاستفتاء قال فيه ان لازم نحترم رأي الشعب و منتكلمش على دستور و نشتغل على الانتخابات .... ابراهيم عيسى افاق و حاجة من الاثنين يا مبيفهمش يا بيستهبل ....عامة زي مقلت في الاول السياسة زبالة والاي يخش فيها شكله كده لازم يتوسخ

Rasha Ahmed said...

الحمد لله اليوم عدي علي خير!معطر بريحه 25 يناير!الحمد لله الحمد لله!!!!!!مع ان في صفح وتصريحات مستفزه بتقول ماكنتش حاشده!بس الحمد لله ان احنا في زمن الاقمار الصناعيه واليو تيوب والتليفويونات!!!!!!!دا حتي الواء شاهين بيقول كده انها ماكنتش حاشده بس حانشوف رد الفعل هايبقي ايه؟؟؟؟؟؟شيدي حيلك يانواره اليومين اللي جايين وكتري من كتاباتك حتي لو في المدونه 3 او 4 مرات في اليوم وفي الميدان لتوعيه الناس وتحريك الاغلبيه الصامته لتخرج عن صمتها!!!وتحيا مصر

محمد نبيل said...

"حبيب": رفض الإخوان للمشاركة فى مظاهرات اليوم "خطأ سياسى"

http://www.youm7.com/News.asp?NewsID=422101

haroon said...

تصدقي انا مستني انك ترجعي من تلات ساعات كدة ...حمد الله ع السلامة ..ايه الاخبار ؟؟؟؟

Shoukry said...

انا مش مبسوط من اللي بيحصل يا نواره. الدنيا اتقسمت و الجهود اتفرقت و ده مش في المصلحه العامه و لا في مصلحة الثورة. الناس بقت عمالة تشتم في بعض و يتهموا بعض بالخيانه و كله باصص علي مصلحته و ايه المناسب لأفكاره. بغض النظر عن مين اللي ابتدي و اي مزايدات ملهاش لزمه. ليه الليبرالين بما انهم المفروض اكثر تفتح انهم ينتخبوا مجموعه (فين دكتور البرادعي) و يحلوا المشاكل مع الأخوان و يرجعوا ايد واحده تاني و يبقوا صوت واحد امام المجلس العسكري و يوحدوا المطالب عشان المجلس ينفذها بدل حاله الأستعباط اللي هو فيها. كمان عشان يقطعوا الطريق علي المجلس العسكري عشان اللي متابع الأحداث و التصريحات هيعرف انها مش عفويه و الجيش عابز يعمل حاجه

محمد نبيل said...

لن يتحكم فى هذا الشعب اخوان ولا غيرهم. اليوم خرج من خرج من الشعب المصرى وعبر عن مطالبه بدون وصاية من أحد.

موقف الاخوان فى التحدث باسم الشعب كان ديكتاتوريا وسخيفا وكاشفا لتدليس الاخوان وانتهازيتهم.

مرة أخرى عندما يريد الاخوان أن يتحدثوا فليتحدثوا نيابة عن أنفسهم فقط وليكفوا عن الحديث باسم الشعب.

hardway said...

الحمدلله..الحمدلله..فين باقي الدعاء....
ياسلام علي مكرك وخبثك .....
كلمة واحدة ..الحمد لله...وتركتي الموضوع لكل قارئ لمدونتك..حسب مايري..مكر و خبث
الحمدلله..انك رجعت سالمة
الحمدلله ان البتاع موجودولم ينزله أحد
...................................
حينزل لباس امك هو اللي حينزل (واخد لي بالك؟)ده كلامك أنت بمدونتك
...................................
الحمد لله علي العدد الذي لم يتجاوز 1000000
الحمدلله علي عدم سماع أحد في مصر عن طلباتكم
الحمدلله علي ايه لو صحيح بتحترمي نفسك ومؤمنة بما قمت به قولي لنا ماذا جنيت عن الهرتلة دي
خليكي أنت مع السما والمطر بتاع الاخ /تميم والعصير بتاع بلال

haroon said...

الامتحان كان صعب ؟؟ طب الشعب كان أد الامتحان ؟؟ والوقت كافي ولَّا فيه ملاحق ؟؟ طب يا تري البلد هتعدي الازمة السنة دي ؟؟ وياتري لو عدت التنسيق هيوديها علي فين ؟؟ مدنية ولّا دينية ولا علمانية ولا حسب المجموع وخلاص ؟؟؟

شريف صابر said...

السلام عليكم
ازيك يا نواره
ربنا يوفقك دايما لنصر الحق
طبعا الحمد لله على كل شى
اتمنى ان يرزقنا الله بريس كويس يكون حازم وجرىء
تحياتى لكى

emi_80 said...

بجد كأني رجعت ليوم29يناير لما الميدان بقى بتاعنا وماحدش اتدخل في حاجه ولجان الشعبيه كانت نار النهارده مع اني معرفش ايه اللي حصل لشيريهان انا موجوده من8الصبح ماشفتش حاجه بصراحه ولسه داخله البيت من شويه

negmat lail said...

طبعا الحمدلله بس في اسكندرية كانت الهتافات دستور اولا ومجلس رئاسي وصوتهم اعلى

taha said...

الحمد لله

haroon said...

يمكن نوارة بتقول الحمد لله عشان كانت حاسة بغلطتها وندمها عشان كانت من الناس اللي مؤيدة لترك الميدان والمرة دي عملت اقصي ما بوسعها عشان الناس ترجع الميدان تاني ونوارة تقول خلاص انا رجعتكم تاني للميدان ومحدش يقوللي ويأنب فيا تاني ...زي السواق اللي توه الزبون راح مرجعه مكان ما أخده تاني وقاله انزل يا بيه خد تاكسي تاني معلهش

arabian_faithful said...

يرحمكم الله :)

arabian_faithful said...

بزمتك موسعتشى منك لما قلتى ربع مليون
بزمتك و أيمانك ماحسيتم النهارده بقيمة مشاركة الأخوان المسلمين

و عاجبك الشتيمة فى الأخوان النهارده

ابن طفيل said...

الحمد لله وكفى وسلام الله على عياده الذين كانوا اليوم في ميدان التحرير

waheedhabeeb said...

نوارة
حمد الله على السلامة ، عاوز أقولك حاجة لا حاجتين الأولى بلاش حكاية مجلس رئاسي مدني دي . الناس في مصر مش بيعجبها العجب ولا الصيام في رجب ، وكمان معظم المدنيين معندهمش القدرة على ان الناس تحترمهم او نقول تحس ان في ايدهم سلطة زي الجيش مثلا. برضه المجلس العسكري وقت ما بنحتاجه بنلاقيه هو وجنوده. الجماعة المدنيين حيطلعوا بالظبط زي عم شرف وأبويا الحاج الجمل.
أما بخصوص الحاجة التانية تعرفي يا نوراة احنا عاملين زي ايه ، زي شوية عيال في بيت أبوهم أو جوز امهم أو أي حد ، المهم صاحب السلطة سافر ، راح في نصيبة ، ومش عارفين يتفقوا يقضوا الليلة ازاي. حاسس ان الموضوع بدا يخرج من ادينا شوية ، كل يوم بنبعد عن بعض أكتر ، وصوتنا بيعلى على بعض. ربنا يسترها ان شاء الله

M. Faramawy said...

و الله انا كنت خايف مووت احسن يحصل حاجة
لكن لما عرفت ان الجيش مش نازل اطمنت شوية.
ربنا يحمي مصر و شعبها.

نور الدين said...

يارب

Jabhah said...

يا نوارة أنا عارف إنو إنتي مشغولة بثورة مصر بس الثوار في سوريا محتاجين خبراتكم. كيف من الممكن تحفيز الناس أكثر؟ كيف يمكننا إرسال رسائل تحفيزية لهم لأن الكثير منهم يرفض تصديق الجزيرة كما أن أعلب الشعب السوري لا يملك إنترنت. أرجو التواصل من قبلك أو من قبل أي من الشباب اللي عندو فكرة على الإيميل التالي:
jabhah.watanyah@gmail.com
شكرا مسبقا

mahmoud said...

الفرحة خليتني ازود واو في الجملة الله اكبر ولله الحمد

hassan said...

على فكرة الاخوان فقدو جزء كبير من شعبيتهم واعتقد انهم اتغرو فى انفسهم اكتر من اللزم
انا عايز اقول حجة كمان
الاخوان لما كانت الناس بتايدهم فى انتخابات مجلس الشعب كانو بيايدوهم عشان هما معارضة ضد الحكومة والحزب الوطنى مش عشان مقتنعين بافكارهم بس دلوقت الوضع اختلف وكله هيبان فى الانتخابات

hassan said...

على فكرة الاخوان فقدو جزء كبير من شعبيتهم واعتقد انهم اتغرو فى انفسهم اكتر من اللزم
انا عايز اقول حجة كمان
الاخوان لما كانت الناس بتايدهم فى انتخابات مجلس الشعب كانو بيايدوهم عشان هما معارضة ضد الحكومة والحزب الوطنى مش عشان مقتنعين بافكارهم بس دلوقت الوضع اختلف وكله هيبان فى الانتخابات

om said...

أكيد كلمة "الحمد لله" إللى إنتى كاتباها المفروض تكملتها "الذى لا يحمد على مكروه سواه" أو "الحمد لله على كل حال"، كما علمنا النبى أن نقول إذى حدث أمر نكرهه و لا نتوقعه.. لإن دة إللى حصل لكم فعلا.. بس مش عارفة بتمثلوا على مين.. (يؤسفنى إنى لهجتى حادة شوية بس إنتوا زودتوها بجد)..
و طبعا إنتى بتحاولى تدارى قهرتك إن اليوم ماعداش زى مانتو خططتوا، لإن للأسف الهتافات إللى إنتوا حذرتوا منها و إحنا ما نزلناش بسببها بدأت من أول لحظة خلصت فيها صلاة الجنازة، لما جه واحد مسك الميكروفون و قعد يصرخ "الشعب يريد دستورا جديد".. إعلانا منه عن افتتاحية الهتافات كإن دة أول مطلب للمتظاهرين اليوم.. و كإنه ماسمعش نصيحة خطيب الجمعة بعدم الهتاف بمطالب خلافية.. و كإنه ما سمعش كلامك إنتى كمان على المدونة..

فما تحاوليش تبينى للناس إنك راضية عن النتيجة رضا السعداء، بل رضا المستسلمين لقضاء الله و أحييكى على حمد الله فى السراء و الضراء)، (اللهم إلا سراء واحدة حصلت النهاردة و هى إن -و لله الحمد- اليوم عدى على خير من غير حوادث، فدى فعلا نعمة تستحق الحمد.. و أغلب الظن هو دة الجانب الإيجابى الوحيد فى اليوم، و بدون فضل ليكم بل بفضل الله، و بفضل دعانا ليكم إنكم ما تتئذوش برضه، ما حنا برضه إخوات رغم التمرد) .. لكن من ناحية تحقيق أهدافكم فلا العدد كان عليه القيمة (للأسف مسخرتوا منظر المليونيات و ابتذلتوها)، و لا الأهداف بتاعتكم عرفتوا تسيطروا عليها.. عشان تنازعتم مع الأغلبية فذهبت ريحكم..

و أنا أقول الحمد لله أننا لم نأت اليوم، لإن زى ما كنا بنقول:هتتقرطسوا.. بلاش تنزلوا، و أديكو اتقرطستوا فعلا للأسف. و استخدموكم للهتاف لطاباتهم الفردية..

مش إنتى يا أختى يا حبيبتى قعدتى تقولى أهم حاجة نوحد المطالب عشن نكسف إللى ما نزلوش و نخليهم يندموا إنهم ماجوش معانا؟ و أهم حاجة إوعوا حد يقول عاوزين مجلس رئاسى أو دستور جديد أو تأجيل انتخابات عشن إللى ما نزلوش ما يشمتوش فينا لإن هو دة السبب إللى مخليهم ما ينزلوش؟؟ آهو إللى إحنا حذرناكم منه حصل، و الناس الليبراليين و العلمانيين و "الأنتى-دين" و "الأنتى-ديموقراطية" استغلوا فيكم الثورية للمطالب إللى كل الشعب بيطلبها عشان يكتروا عددهم قدام المشاهدين و هما بيطلبوا تأجيل انتخابات و دستور جديد و الهرتلةو التهييس الشعبى دة، عشان يبان فى الآخر إن كل العدد إللى نزل التحرير دة عاوز الطلبات الفردية دى كمان ضمن جملة المطالب المتفق عليها.. الله يسامحكم عشن إديتولهم الفرصة دى رغم كل الناس إللى حذرتكم.. و قال إيه "أنا ما اتقرطسش فى ثورتى".. دانتو اتقرطستوا فى ثورتكم فعلا و إنتوا الوحيدين إللى اتقرطستوا... يا خسارة والله...
يا ريت تعقلوا و تراجعوا حساباتكم..
كل ابن آدم خطاء، و خير الخطائين التوابين..
"و لم يصرو على ما فعلوا و هم يعلمون" صدق الله العظيم

و رغم كل شئ برضه أختكم و بحبكم و بدعيلكم و أعض إللى يئذيكم

ملكش دعوة said...

عمر حمزاوي قال ان الجمعه دي لا حديث عن الستور وكان واقف علي المنصه بيطالب بالدستور اولا
لما بيكدبوا من دلوقت امال بعدين هيعملوا ايه بطلوا كلام بأه واعملوا حاجه كلنا مع سرعه المحاكمات وحل المجالس وتغيير المحافظين وتكريم وعلاج مصابي الثوره ووضع حد ادني للاجور .. محدش مبيحلمش بكده بس انهرده كان الكلام علي ده وبس !!!!!
واللي مش عاجبه نتيجه الاستفتاء نزل صوت ليه كان عايز نتيجه متفصله علي دماغه
واحد استاذ دكتور زميلي بيقولي صوتي في الانتخابات هيبقي ادام صوت بياع الترمس مساء اوي ومش عاجبه مع ان بتاع الترمس مخه انضف من مخ الاستاذ
تناقضات تناقضات ... اتخنقت من التناقضات

ملكش دعوة said...

عمر حمزاوي قال ان الجمعه دي لا حديث عن الستور وكان واقف علي المنصه بيطالب بالدستور اولا
لما بيكدبوا من دلوقت امال بعدين هيعملوا ايه بطلوا كلام بأه واعملوا حاجه كلنا مع سرعه المحاكمات وحل المجالس وتغيير المحافظين وتكريم وعلاج مصابي الثوره ووضع حد ادني للاجور .. محدش مبيحلمش بكده بس انهرده كان الكلام علي ده وبس !!!!!
واللي مش عاجبه نتيجه الاستفتاء نزل صوت ليه كان عايز نتيجه متفصله علي دماغه
واحد استاذ دكتور زميلي بيقولي صوتي في الانتخابات هيبقي ادام صوت بياع الترمس مساء اوي ومش عاجبه مع ان بتاع الترمس مخه انضف من مخ الاستاذ
تناقضات تناقضات ... اتخنقت من التناقضات

torero said...

الحمد لله
احب اقول الى كل الفلول
ريحوا نفسكوا ربنا اراد خير لمصر

hardway said...

ياريت..ياريت..يـاريـت
الحاجة نوارة والمناضل فضل بلال و الثورجي ناصرعبدالحميد
يعرفون ويشعرون مدي شعبيتهم وقوة أسهمهم في بورصة المصريين..وبعد ذلك عندما يتكلمون أو يتحدثون أويدونون أو يثورجون..ياريت يكون في حجم شعبيتهم
اما عن المقال الطويل العريض اللحاف كما قالت عليه تلميذتك..لم يجد اي صدي...حتي لم يشعرنا بالدفء كالحاف الشتاء
عيشي موقعك في الاعراب يانوارة 100000

qqq said...

أه الحمد لله على كل حال، خلاص فكرة الميدان و انصهار الجميع في بوتقة واحدة انهارت النهاردة بسبب جشع بعض التيارات السياسية التي لا يهمها حرق البلد و تدمير الثورة للوصول لأهدافها، عليه العوض و منه العوض فقد تم اليوم و بنجاح منقطع النظير تسييس الميدان و القفز على واحدة من أصدق و أنبل الثورات في التاريخ، المشكلة إن هؤلاء الأفاكين الحواة لا يعلمون أنهم بعد استغلالهم المليونية لخدمة أغراضهم السياسية و مصالحهم الشخصية قد قضوا تماما على فكرة المليونيات و لن يستمع بعد اليوم أي أحد لنداءات التظاهرات خصوصا هؤلاء الذين خرجوا اليوم للمطالب المعلنة فغرر بهم و فوجئوا بمطالب المجلس السياسي و تأجيل الانتخابات و غيرها من المطالب الفئوية، يعني بهذا قد ضربوا فكرة المليونات في مقتل و عمقوا الفرقة و لن يستطيعوا بعد اليوم تنظيم أي فعالية، لم يكتفوا بفشلهم و خيبتهم السياسية فأرادوا أن يخيبوا البلد كلها معهم و يقضوا على الإجماع الوطني و فكرة الحشد للأبد، يالا عليه العوض و منه العوض بسسب كل الأنانيين أصحاب البوتيكات السياسية متسلقوا الثورات.

qqq said...

أه الحمد لله على كل حال، خلاص فكرة الميدان و انصهار الجميع في بوتقة واحدة انهارت النهاردة بسبب جشع بعض التيارات السياسية التي لا يهمها حرق البلد و تدمير الثورة للوصول لأهدافها، عليه العوض و منه العوض فقد تم اليوم و بنجاح منقطع النظير تسييس الميدان و القفز على واحدة من أصدق و أنبل الثورات في التاريخ، المشكلة إن هؤلاء الأفاكين الحواة لا يعلمون أنهم بعد استغلالهم المليونية لخدمة أغراضهم السياسية و مصالحهم الشخصية قد قضوا تماما على فكرة المليونيات و لن يستمع بعد اليوم أي أحد لنداءات التظاهرات خصوصا هؤلاء الذين خرجوا اليوم للمطالب المعلنة فغرر بهم و فوجئوا بمطالب المجلس السياسي و تأجيل الانتخابات و غيرها من المطالب الفئوية، يعني بهذا قد ضربوا فكرة المليونات في مقتل و عمقوا الفرقة و لن يستطيعوا بعد اليوم تنظيم أي فعالية، لم يكتفوا بفشلهم و خيبتهم السياسية فأرادوا أن يخيبوا البلد كلها معهم و يقضوا على الإجماع الوطني و فكرة الحشد للأبد، يالا عليه العوض و منه العوض بسسب كل الأنانيين أصحاب البوتيكات السياسية متسلقوا الثورات.

Mohammed said...

الحمد لله
الحمد لله
الحمد لله
الحمد لله


بس احنا كنا على مشارف خطر عظيم

و ربنا سلمها من عنده
مع حكمة الجيش برضه


بس المهم ان بعد اليوم ده

نقفل الملف ده تماما

لا يعتبر هذا انتصار على الاخوان

وطبعا اعتباره انتصار على الاخوان في حد ذاته مش مشكلة كبيرة

اهو يبقى كويس عشان يفتكر الفريق الثاني انه قوي بس المفروض ما يتغروش


بس اللي احنا خايفين منه ان يتم تخوين الاخوان واتهامهم بالتخلي عن الثورة والمحلسة للمجلس العسكري او التظبيط معاه

وهذا غير صحيح لأنها كانت مجرد رؤية سياسية

(صحيحة فيما أظن)

فليس من الحكمة تخوين الاخوان او محاولة اقصاءهم من المشهد الوطني

وهذا خطأ كبير سيصيب الاخوان وايضا باقي القوى


والافضل هو نسيان الماضي واعتبار ما حدث اختلاف رؤى في عائلة وطنية واحدة


ويجب احتواء الاخوان في ائتلاف عام يضم القوى الوطنية ويدخل الانتخابات بقائمة واحدة ستمنع نجاح كل الفلول

يجب ان نتمتع جميعا بأدب الاختلاف ورحابة الصدر حتى نعمل للوطن

mahmoud said...

معلش النهاردة المفروض فرحة وبس لكن المليارات اللي مجموعة التمانية الكبار رشتها علي مصر كرشة جريئة حسستني انهم ابتدوا يزغللوا عين اولي الامر بتوعنا ودول لازم عنيهم ترجع تبص علينا تاني ياريت يانوارة تعتبري انك اخدتي ضوء اخضر للتحرك من اجل الدعوة لدعم الاقتصاد من غير تكليف رسمي وانتي قولتي وانا عارف انك قد القول اعتمدوا علينا وحتشوفوا حنعمل ايه وسالتي عايزين كام نوارة المجلس العسكري مش بيحسب كل حاجة بالعواطف المظاهرات حتخليه يبص علينا شوية ويدرسها من ناحية الامن الغرب رما بياضه لو ماعملناش المثل المجلس مش حيعتبرنا شريك محترم في صنع السياسات وده علي مستوي الاقتصاد اما وزارة الداخلية اللي مجرميها كما هم بلا حساب فده موضوع يطول شرحه ممكن اكتب ليكي بخصوصه بعدين بس انا قولته لمجرد لفت النظر ان زي ما انتي جاوبتي علي سؤال سبب انتفاضة المصريين وقولتي الاجابة تونس انا بجاوب واقولك الاجابة علي العقبة امام دولة محترمة وزارة الداخلية

btkhekhaweaykalamtoz said...

اليوم تاكدت ان الاخوان هم القوة الضاربة وهم السبب في تخلي مبارك وباقي القوي ليست الا ديكور او هييصة وليس لهم لازمة

Mohammed said...

الحمد لله
الحمد لله
الحمد لله
الحمد لله



بس احنا كنا على مشارف خطر عظيم


و ربنا سلمها من عنده
مع حكمة الجيش برضه



بس المهم ان بعد اليوم ده


نقفل الملف ده تماما


لا يعتبر هذا انتصار على الاخوان


وطبعا اعتباره انتصار على الاخوان في حد ذاته مش مشكلة كبيرة


اهو يبقى كويس عشان يفتكر الفريق الثاني انه قوي بس المفروض ما يتغروش



بس اللي احنا خايفين منه ان يتم تخوين الاخوان واتهامهم بالتخلي عن الثورة والمحلسة للمجلس العسكري او التظبيط معاه


وهذا غير صحيح لأنها كانت مجرد رؤية سياسية


(صحيحة فيما أظن)


فليس من الحكمة تخوين الاخوان او محاولة اقصاءهم من المشهد الوطني


وهذا خطأ كبير سيصيب الاخوان وايضا باقي القوى



والافضل هو نسيان الماضي واعتبار ما حدث اختلاف رؤى في عائلة وطنية واحدة



ويجب احتواء الاخوان في ائتلاف عام يضم القوى الوطنية ويدخل الانتخابات بقائمة واحدة ستمنع نجاح كل الفلول وستضمن عدم نجاح الاخوان الا بنسبة محدودة متفق عليها سلفا


يجب ان نتمتع جميعا بأدب الاختلاف ورحابة الصدر حتى نعمل للوطن

محمد نبيل said...

النهاردة كلمت واحد صاحبى غاوى يتفرج على توفيق عكاشة ! لقيته مالى دماغه ان اللى دعوا للثورة عملاء وادربوا برة وانهم داعيين لجمعة 27 مايو عشان مايبقاش فيه استقرار فى البلد وويجيبوا تدخل خارجى، جت سيرتك يانوارة فى الكلام يقولى نوارة نجم ادربت برة برضه ! جت سيرة البرادعى يقوللى دة عضو فى منظمة بتدرب الناس برة !!

المهم أنا عرفت برضه انهاردة ان فى واحد شريف بيشتغل فى أمن الدولة اتصل ببثينة كامل وقالها ان أمن الدولة بيدبرلها تهمة انها ادربت برة وخدت نص مليون دولار، وانها بلغت بكدة.

نستنتج من كدة ان قناة الفراعين بتاعة توفيق عكاشة دى خن أمن دولة، وان أمن الدولة أو الأمن الوطنى حسب الاسم الجديد عمالين يتكتكوا عشان يطلعوا القوى الداعية للثورة عملاء ونرجع للكلام الاهبل دة تانى.

mohamed said...

انتى كان عندك شك فين ولا ايه يا نوارة بس ايه رايك فى مسيرة اسكندرية انا بحب اقول مسيرة مش مظاهرة لان تحثى بالثورة فيها اكتر كانت جامدة ومن غير الاخوان عشان يبقو يطلعو فى مع نفسهم اوعى تخافى تانى

sum_1_ said...

نواااااااااااااااااارة
الوفد الالكترونية بتقول ان مبارك هرب من شوية
عندك فكرة عن الكلام دة؟؟؟

حسن محمد على said...

اللواء ممدوح شاهين رجل خلقة ضيق ,نافذ الصبر ,لايتحمل الرأى الاخر ويتحدث بعصبية غير مبررة, كأنة يعطى المذيع والمستمعين "داخلية"شين فة

حسن محمد على said...

خطاب المدنيين يتسم بقدر اكبر من المرونة والسماحة ,وغير مقبول الذى يتحدث او حتى يحاضر -هة-وكأنة يخطب من فوق اعواد المنابر,واياكى اعنى بما اقول ياجارة

محمد نبيل said...

هههههه، الاخوان كعادتهم شالوا خبر من على موقعهم كانوا مسميين فيه جمعة 27 مايو "جمعة الوقيعة" وبيقولوا الحضور ضعيف فى الساعات الأولى، لكن الدليل فاضل أهو

http://www.mujaz.me/coverages/2011518/%D8%AD%D8%B6%D9%88%D8%B1-%D8%B6%D8%B9%D9%8A%D9%81-%D9%81%D9%8A-%D8%A7%D9%84%D8%B3%D8%A7%D8%B9%D8%A7%D8%AA-%D8%A7%D9%84%D8%A3%D9%88%D9%84%D9%8A-%D9%84%D8%AC%D9%85%D8%B9%D8%A9-%D8%A7%D9%84%D9%88%D9%82%D9%8A%D8%B9%D8%A9?source=mrwidget

Mohammed said...

الحمد لله
الحمد لله
الحمد لله
الحمد لله



بس احنا كنا على مشارف خطر عظيم


و ربنا سلمها من عنده
مع حكمة الجيش برضه



بس المهم ان بعد اليوم ده


نقفل الملف ده تماما


لا يعتبر هذا انتصار على الاخوان1-


وطبعا اعتباره انتصار على الاخوان في حد ذاته مش مشكلة كبيرة


اهو يبقى كويس عشان يفتكر الفريق الثاني انه قوي بس المفروض ما يتغروش



بس اللي احنا خايفين منه ان يتم تخوين الاخوان واتهامهم بالتخلي عن الثورة والمحلسة للمجلس العسكري او التظبيط معاه


وهذا غير صحيح لأنها كانت مجرد رؤية سياسية


(صحيحة فيما أظن)


فليس من الحكمة تخوين الاخوان او محاولة اقصاءهم من المشهد الوطني


وهذا خطأ كبير سيصيب الاخوان وايضا باقي القوى



والافضل هو نسيان الماضي واعتبار ما حدث اختلاف رؤى في عائلة وطنية واحدة



ويجب احتواء الاخوان في ائتلاف عام يضم القوى الوطنية ويدخل الانتخابات بقائمة واحدة ستمنع نجاح كل الفلول وستضمن عدم نجاح الاخوان الا بنسبة محدودة متفق عليها سلفا


2- لا يجب ان يغتر المجلس العسكري بالقلة النسبية للاعداد ويتصور ان الشعب موافق على اخطاؤه وتباطؤه
وبالتالي تزيد الفجوة بين الجيش والشعب

يجب ان نتمتع جميعا بأدب الاختلاف ورحابة الصدر حتى نعمل للوطن

mohammed said...

يا ريت يا نوارة تفهمى الشباب إن خسارة الاخوان فى الظرف ده غلط. انا من اكتر الناس الى مخنوقة من الاخوان و عايز اولع فيهم بجاز. بس غلط إننا نمسك فى بعض دلوقتى. يا ريت تركزى على الجزئية دى الفترة الجاية. الشباب الى بيسخن بسرعة ممكن يخربوا الدنيا لو سيبناهم يشتموا فى الاخوان و يعزلوهم. و الاخوان وزن مش سهل فى الشارع السياسى.

عيــــ ا ل ن د ى ــــون said...

الحمد لله النهارده الميدان كان رائع :)
بجد شباب مصر رائعين
وبالنسبه للاخوان.. بلاش التخوين فيهم يا جماعه.. اولاً هما احرار ينزلوا أو لا..
وتانيا حتى لو كانو خونوا واتهموا الشباب اللي نزلوا.. برضو مش من حقنا نتهمهم او اي حد غيرهم..
وبعدين يعني؟ كله يتهم في بعضه ونتخانق وعلى مصر السلام
سيبو اللي يتهم يتهم مع نفسه.. ومصيره هيرجع لعقله.. وساعتها ماحدش يشمت.. لااااا كلنا ايد واحده عشان مصر.. مش عشان اي حاجه تانيه
وربنا يحفظ البلد يارب يااااارب

أبو يوسف said...

إلي الأستاذة نوارة:- السلام عليكم ورحمة الله وبركاته.....
كان نفسي تشوفوا جمال ملايينية المحافظات التانية؛وخاصة بورسعيد والسويس والإسكندرية وخاصة سيناء وشرم الشيخ كانت قناة 25 يناير جيباهم على سكاي وبتنقل ثوراتهم. المهم ياريت نستعد بتوعية الناس من أجل الاتفاق والالتفاف على الانتخابات البرلمانية بحيث يكون هناك توعية للملايين بأنهم يتفقوا حين التوجه لصناديق الاقتراع على توزيع الأصوات على كل المرشحين حتى لايكن هناك انفراد بالبرلمان وتدخله جميع الطوائف فتكون الأغلبية محدودة؛ والحمد لله ربنا كرمه وفضله عظيمين

hema said...

هو اللي حصل النهاردة دا بسبب المطالب ولا بسبب الحاشدين لليوم ... ؟؟ يا ريت الناس تفكر في الموضوع دا كويس .. ونبعد بقا عن الاخوان ومش الاخوان .. المطالب مشروعة وكلنا متفقين ... يبقي اللي يجي يطلبها معانا اهلا وسهلا واللي مش هيجي ياللا في ستين ... وخالو بالكم يا بتوع السياسة مش انتم اللي لميتم الناس .. اللي لم الناس انكم علي الحق ثابتين ... لكن لو بعتم عنه .. مش هتلاقو حواليكم اتنين

hema said...

هو اللي حصل النهاردة دا بسبب المطالب ولا بسبب الحاشدين لليوم ... ؟؟ يا ريت الناس تفكر في الموضوع دا كويس .. ونبعد بقا عن الاخوان ومش الاخوان .. المطالب مشروعة وكلنا متفقين ... يبقي اللي يجي يطلبها معانا اهلا وسهلا واللي مش هيجي ياللا في ستين ... وخالو بالكم يا بتوع السياسة مش انتم اللي لميتم الناس .. اللي لم الناس انكم علي الحق ثابتين ... لكن لو بعتم عنه .. مش هتلاقو حواليكم اتنين

Adb El-Hameed Riad said...

او تى فى الى انت طلعتى عليها وقلتى ان مفيش ثوره تانيه ولا حاجه وان المطالب بتاعت دستور جديد وثوره جديده دى محش متبنيها الا كام واحد .
النهارده جايبه واحد بيتكلم ان دى ثوره جديده وان دول هما الثوار ودول بيمثلوا الشعب وعايزيين دستور جديد .
ياريت بقى تخلى بالك بدل ماتلاقى نفسك جزء من لعبه كبيره

nosseir said...

كان يوم جميل وعدى على خير الحمد لله...واجمل ما فية ان اكد ان شباب الثورة قادرين على الحشد ....وعلى الاخوان مراجعة موقفهم...وانا ضد تعميق الخلاف...خلاص اللى حصل حصل واهو موقف واخدتة الاخوان ..نرجع الان بقى كلنا ايد واحدة تانى...لانى مش من مصلحة الثورة الانقسام تماما

DIY CNC said...

مبروك وعقبال الجمعة الجية
انتظرو اخبار سعيدة ممتاتالية هزا الأسبوع
يعنى اعتراف او تائيد او تحالفات وخد بالك من عبدو مشتاق ومن شابهه

muhammed said...

ربنا تمم بخير النهارده
عقبال كل مليونيه
كنت حاسس زي ايام الاعتصام
لقيت روح الميدان و اتنفست نفس الحريه
الحمدلله

14681324-88c3-11e0-8e24-000bcdcb5194 said...

بنظرة عميقة بعد مرور الجمعة بسلام وبدأ اخلاء الميدان ..نجد ان المجتمع خسر بإنقسامة النهاردة كتير.. تحول الى التراس اغلبية ضد التراس اقلية ..:) والمحصلة انقسام طرفي الثورة الاصليين... من اشعلها يوم 25 هو اللى نزل النهاردة .. ومن انجز الثورة وانجاحها من اغلبية يوم 28 هو اللى غاب...بكل اسف تلاسن لا قيمة ولاطائل منة بنسمعةممن يسمون انفسهم نخبة..

محدش يقول ان الكام ساعة اللى اتجمع فيها 100 الف على اعتبار اخذ اكثر التقديرات مبالغة كمرجعية ... اثر فى اى حاجة شتيمة فى التيارات الدينية بدون اى داعى والمحصلة مذبحة لليبرالين فى مجلس الشعب القادم ... ومجلس عسكرى عرف مقاس النخبة اية فى الشارع .. ومكاسب للتيار الايدولوجى لا حصر لها لانة قدم لهم ذريعة للهجوم على الليبرالين من حيث لا يحتسبوا .. رزق وجالهم وهيخدوا النخبة على حجرهم وخد فين ما يوجعك

14681324-88c3-11e0-8e24-000bcdcb5194 said...

صلاة الجمعة بقت شعيرة كاجوال خالص ... منصة عليها شيخ يخطب وبجانبة ناس بتتكلم فى الموبيل وليدى امورة واقفة فى كتف الشيخ وتصفيق حاد وهتافات خلال الخطبة... جو كرنفالى زى الفل فى ظل اعداد بكل المقاييس تحقق المثل القائل تمخض الجبل فولد عبثا...:))))))))))))))

Hesham essa said...

شوفي بقة تروحوا او تيجوا ونزلوا او تطلعوا اللي مش ليراهم علي شعب مصر الطيب الواعي خسران
واليوم انهزم تيار الرجعية واحد صفرر
بس دي نتيجة غير مطمئنة واحنا لسن في اول المباراة
الايام القادمة حنشوف اللياقة السياسية علي حق
مبروك هدف الثقة والي الامام

متفائل said...

واحد بيقول : مااحنا نقدر نواجه الاخوان أهه .. وكل ده عشان شافله ميت ألف ولا مائه وخمسين الف في التحرير النهاردة .. طب الميت ألف دول ضد الإخوان .. ماذا عن بقية الخمسة وثمانين مليون ؟ بالعكس .. أنا أرى أن مظاهرة اليوم أثبتت شيئين هامين
أولاُ : لا مليونية بدون الإخوان
ثانياً : معارضي الإخوان هم ميت ألف واحد من ضمن خمسة وثمانين مليون واحد
.... مبروك عليكم

كيوبيد said...

الحمدالله على كل حاجه العداد كان كبير ومش حصلت اى مشكلة وخلص اليوم على خير والرساله وصلت للمجلس العسكرى والاخوان ان البلد دى فيه قوة سياسى كتير وتقدر تنزل الشارع وله شعبى وان الشعب ده لسه فيه روح الثوره تمام قوى كده انا فعلا حاسس بسعاده لم اشعر به منذ يوم تنحى المخلوع عن السلطه ومن نصر الى نصر يارجال مصر

smasry said...

الأخ إللي مش عاجبه كلمة الحمد لله شكله كده إخوانجي ومش فهم مين اصلآ اللي قال العبارة الغير مهذبة بعاهة علم إسرائيل أو بيستعبط كعادة الإخوان

smasry said...

الأخ إللي مش عاجبه كلمة الحمد لله شكله كده إخوانجي ومش فهم مين اصلآ اللي قال العبارة الغير مهذبة بعاهة علم إسرائيل أو بيستعبط كعادة الإخوان

smasry said...

الأخ إللي مش عاجبه كلمة الحمد لله شكله كده إخوانجي ومش فهم مين اصلآ اللي قال العبارة الغير مهذبة بعاهة علم إسرائيل أو بيستعبط كعادة الإخوان

AHMED PASHA said...

الأخوان المسلمون دول اغبى فصيل سياسي فى مصر

ولائهم الأول للسلطه فقط

و عمرهم ما حينضفوا

الحمد لله اليوم عدى تمام التمام من غيرهم

انشاء الله دايما

zeinab said...

هنفضل لحد امتي متفرقين؟؟؟؟؟؟؟؟نفسي نتوحد علشان نتقدم

aa_33 said...

نفسي أعرف فيها إيه لما نطالب بالدستور أولا؟؟؟؟ ومحدش يقولي أوان الكلام ده عده لأنه ببساطه العسكر طمعانين في السلطه ياريت الناس تفهم دخ كوبس وفككو أرجوكم من أنه ليس بديلا عن الشرعيه لانه التاريخ بيقوووول ان السلطه هتفضل ف إيدين العسكر طب والحل؟؟؟؟ توحيد المطالب الاساسيه والتوافق عليها عشان كده أما شايف الترتيب للمليونيه متمش بشكل جيد وان كنت شايف انها نجحت إلي حد ما مش هنطمع ف نجاح أبعد من كده طالما إننا انقسمنا وفيه ناس كتير برضه منزلتش وطبعا عارفين الاخوان منهم لله برضه ليهم تاثير بس قريب قوووووي إنشالله هيفقدوه منتو عارفين المصري لسه حديث عهد بالسياسه ومتعطهاش قبل كده علي اي حال المطالب هي الدستور أولا وتاجيل البرلمان ثانيا إقاله حكومه شرف الفاشله ثالثاوإختيار المحافظين بالانتخاب وحل المحليات وتغيير قيادات التلفزيون وبعد الامتحانات مباشره تغيير قيادات الجامعه اللي جايبهم أمن الدوله

aa_33 said...

طبعا الست نواره مش هيعجبها الكلان ومش هتنسر وأتحدي

aa_33 said...

طبعا الست نواره مش هيعجبها الكلان ومش هتنسر وأتحدي

aa_33 said...

طبعا الست نواره مش هيعجبها الكلان ومش هتنسر وأتحدي

lastcrazyboys said...

يرحمــكم الله :))

BestItalianPizza said...

رجاء الإطلاع للأهمية .. تحليل للأخداث الراهنة

http://www.facebook.com/note.php?created&&note_id=2044548795516

Mohamed said...

كالعادة .. يلتف الساسة في محولة انتهازية للثورة و الصعود على اكتافها ... ثم يتجاوز شعبنا كل هذا قمة الرقي و التحضر ليستكمل المسيرة غير عابيء بمن خلفه يلهثون ... الحمد لله .. وننتظر الأكثر و الأكثر من شعبنا القوي.

ملحوظة: دعاوي الدستور أولا و المجلس الرئاسي ليس مكانها الميدان .. واتمنى على أصحابها أن نبقي الميدان لما اتفقنا عليه حتى نكون شوكة في حلق كل من تسول له نفسه سرقة مصر أو العبث بحقوق شعبها

vip said...

ياترى الاخوان والسلفيين شكلهم ايه دلوقتى اكيد عرفم ان الشعب مش هينضحك عليه تانى وخلى التربيط مع:...ينفعهم نحن الاصل

vip said...

الحمد لله ربنا كبير دانا كنت خايف خوف مش من البلطجيه ولامن الفلول ولامن اخوناال أفتكرو انهم انجعصوا على كرسى الثوره واحنا مؤدبين اهوه ومش هنشارك ربنا خيب ظنهم ولامن مصلحه الارصادال تشبه الطب الشرعى فى عهد السباعى كل دول ربنا خيب ظنهم وعدت بردآوسلامآ

العصفورية said...

الحمد لله ... مائة مرة ، الف مرة ، مليون مرة بعدد من كانوا في التحرير أو حتي ستة وثمانون مليون بعدد أهل مصر.. مش كفاية. الحمد لله عدد رمل الأرض وعدد قطرات ماء البحار والمحيطات ربما مش كفاية. حبسنا أنفاسنا ونحن نراقب الشاشات من كتر الخوف علي البلد والشباب والناس اللي مالهاش أي ذنب في إن في غيرهم قرر يدور علي مكاسبه الشخصية. حملة التخوين والتخويف التي أطلقها كثير (لكنهم قليل في 86 مليون) ممن يتصدرون مسرح التهريج السياسي من بعد الثورة لإفزاع الشباب كانت ح تقتلنا من الخوف، لكن هؤلاء الشباب الذين لم يفزعوا من قبل أمام مدرعات الخونة من الشرطة ولا أمام جمال وأحصنة وحمير وكلاب النظام الخائن لشعبه وبلده، هؤلاء الشباب لم يفزعهم أمس الجمعة تهاويل المتربحين من وراء ثورة نفس الشباب التي بدأت يوم 25 يناير الماضي. وكما أسقط هؤلاء الشباب في 18 يوماً هي عمر ثورتهم أسقطوا فيه الأفاقين واللصوص المتربحين من وراء بلد بأكملها، أسقطوا بالأمس المتربحين الجدد من وراء ثورتهم الشريفة. لقد خسرت جماعة الأخوان - المحظورة... فاكرين اللقب ده- خسرت جماعة الأخوان كثيراً من مصداقيتها لدي الشعب -يمكن كل المصداقية .. حنشوف في الأيام اللي جاية- بهذه الحركة التي تتسم بالغباء السياسي في إظهار الاستعداء ضد نفس القوي السياسية المهمة في الشارع الآن والتي أخرجتهم من قبل من المحظورة -إلي المنظورة- وأقصد بهذه القوي شباب مصر. هل يظن الأخوان أنهم قد حصلوا علي الوعود بالمكاسب من أولي الأمر الحاليين في مصر فخلاص مابقاش في لازمة لشوية العيال الثورجية دول، هل اطمئن الأخوان إلي حجم ماربحوه من وراء الثورة حتي الآن حتي بدءوا في خيانتها والتشنيع عليها واعتبار أن وقفة التحرير هي وقفة ضد مصر -إيه الكلام الجامد ده، طيب مش كانوا يزودوا شوية ماكدونالدز وكام يورو ولا استرليني ولا حتي شيكل علشان التهمة تبقي محبوكة وتقيلة كده. الشباب الذي وقف ينظم المرور ويفحص هويات الداخلين للميدان أمس، والذين حافظوا علي مصر كلها أمس، وعلي صورة مصر المتحضرة والراقية أمس، أسقطوا الأخوان في فخ الغباء السياسي والعمي الاجتماعي تماما كما كان يحدث من قبل المخلوعين كلهم من غباء وعمي وعدم قراءة دقيقة للشارع والاتجاه الذهني والنفسي للشعب الذي هو وقود هذا البلد وثورته، هؤلاء الشباب هم من يشكل وعي الجموع في مصر، وأزعم أنهم يشكلون هذا الوعي بوعي منهم أنفسهم ولا يجب أن يكافأوا أبداً بتهم التآمر وخيانة مصلحة البلد. هؤلاء الشباب ليسوا من تسبب في هروب الأمان من البلد ولكنها خيانة الأمن والذي لا يظهر سيطرته إلا أمام السفارة الاسرائيلية. هؤلاء الشباب ليسوا من تسبب في انهيار السياحة كما يعلق 150 نفر في تظاهرتهم المية وخمسينية أمام المنصة أو أمام الحسين. هؤلاء الشباب يجعلون وسائل الميديا في العالم كله تظهر احتراماً وتقديراً لمصر والمصريين والذي يعد دعاية مجانية لسياحتكم والبزنس الخاص بكل واحد فيكم في المستقبل القريب لو صبرتم لحين اتمام تحقق مطالب الثورة، لكن الذين تعودوا علي الأخذ والقنص -السريع- فقط من مقدرات هذا البلد وهذا الشعب دون رد ودون تحمل ولو لجزء بسيط من المسؤلية الأدبية والاجتماعية تجاه البلد الذي يقنصون من وراءه ملايين ومليارات. الذين تعودوا علي الأخذ لا يقنعهم إلا الأخذ، والذين تعودوا علي العطاء والتضحية بالدم الغالي هم من كانوا في الميدان أمس. مرة أخري أري أن الذين خسروا أمس هم من ظنوا أنهم ربحوا في الشهور الأربعة الماضية وهؤلاء هم الأخوان والأحزاب الورقية وأصحاب البراشوتات -علي رأي نوارة نجم- الذين ظنوا أنهم خلاص قسموا التقسيمة بالمكاسب والمواقع المهيأة لكل منهم وكل واحد منهم خلاص عرف الحتة اللي ح ياخدها من التركة ونصيبه من الميراث الفاسد -ميراث تقسيم الغنائم كما كان النظام سابقا- هؤلاء خسروا لكن مصر ربحت وأكثر ربحها هو شبابها وثورتها، هذا الشباب سوف أكون مطمئناً لو كانوا هم مستقبل بلادي. أما الذين خسروا امس فهم "الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعاً. سورة الكهف 104 "

qqq said...

أجمل فيديو شوفتوا في حياتي

http://www.facebook.com/video/video.php?v=126473310766596&oid=134278526590953&comments

Hesham essa said...

صباح الفل يانوارة الكل
عايزين روح جديدة من شبابنا
عجبنى قوى الالتزام الرائع من الشباب بالاهداف المعلنة
الفترة القادمة يحب ان تستثمر فى توثيق العلاقة مع الشعب

moo said...

نوارة
حمد لله على سلامتكم والله انا فخور بيكم جدا ولا اجد لى عذرا فى عدم المشاركة سوى البعد وربنا يكتب لى فرصة ثانية زى مليونية الانتفاضة
المكاسب التى تحققت من المظاهرة اكثر من السلبيات واكبرها الدروس المستفادة واننا نوضح للمجلس ان التحالفات مش هى الوسيلة لادارة الدفة فى بلد فيها كمية التنوع دى وحكمل بعدين احسن اتخرت سلام

د/احمد فهمي said...

عايز تعمل مليونية ...ماتقولش سنية وسلفية.... ولا ليبرالية
ومدنية....ماتقولش مطالب فئوية.....ولا مطالب خلافية....قول مطالب
شعبية......قول مصر أم الدنيا....قول مصر غالية عليا....عايز ترضي
المليونية .....قول هحاسب كل الحرامية....بمحاكمة كلها شفافية....علنية مش
سرية ....أعدم كل اللي فتحوا نارهم عليا .....قتلوني وصفوا عنيا ....مبارك
والعادلي وجمال وزكريا ....وصفوت وسرور وعمر وسوزان .....كل البلطجية
...هاتلي حق اللي ماتوا.... دول ليهم دم مش ماية.... وجاي تحاكم الثورجية
.....بأحكام عسكرية..... ومبارك محاكمة مدنية..... وفي شرم لسوء حالته
النفسية .....دول لازم يتعدموا بدل المرة مية .... هنا في التحرير.... في
ميدان الحرية .....عايز ترضي المليونية .....أعملي هيكلة في الأجور ....دا
الشعب بيغلي وهايفور....نزلي الشرطة في وسط الناس ....يتعاملوا بعدل وأحساس
....عايز ترضي المليونية .....حققلي مطالبي الثورية .....عيش عدل مساواة
حرية ....داحنا لسه لحد دلوقتي ....مليونيتنا سلمية.... سلمية .....سلمية
جزء من كلمة د/احمد فهمي المنسق الإعلامي لحزب مصر الثورة من منصة التحرير في مليونية 27مايو

د/احمد فهمي said...

هنا جنبنا في المستشفي
الميداني.... كنت معاهم وبتموت قدامي إخواني ....والقناصة فوق رإسنا على
المباني .....والمسؤل في شرم نفسيته بتعاني.....أاااااه لولا كلمة
عيب...هاقول مرارتي هيا اللي فاقعاني

جزء اخر من نفس الكلمة

om said...

أكيد كلمة "الحمد لله" إللى إنتى كاتباها المفروض تكملتها "الذى لا يحمد على مكروه سواه" أو "الحمد لله على كل حال"، كما علمنا النبى أن نقول إذى حدث أمر نكرهه و لا نتوقعه.. لإن دة إللى حصل لكم فعلا.. بس مش عارفة بتمثلوا على مين.. (يؤسفنى إنى لهجتى حادة شوية بس إنتوا زودتوها بجد)..
و طبعا إنتى بتحاولى تدارى قهرتك إن اليوم ماعداش زى مانتو خططتوا، لإن للأسف الهتافات إللى إنتوا حذرتوا منها و إحنا ما نزلناش بسببها بدأت من أول لحظة خلصت فيها صلاة الجنازة، لما جه واحد مسك الميكروفون و قعد يصرخ "الشعب يريد دستورا جديد".. إعلانا منه عن افتتاحية الهتافات كإن دة أول مطلب للمتظاهرين اليوم.. و كإنه ماسمعش نصيحة خطيب الجمعة بعدم الهتاف بمطالب خلافية.. و كإنه ما سمعش كلامك إنتى كمان على المدونة..

فما تحاوليش تبينى للناس إنك راضية عن النتيجة رضا السعداء، بل رضا المستسلمين لقضاء الله و أحييكى على حمد الله فى السراء و الضراء)، (اللهم إلا سراء واحدة حصلت النهاردة و هى إن -و لله الحمد- اليوم عدى على خير من غير حوادث، فدى فعلا نعمة تستحق الحمد.. و أغلب الظن هو دة الجانب الإيجابى الوحيد فى اليوم، و بدون فضل ليكم بل بفضل الله، و بفضل دعانا ليكم إنكم ما تتئذوش برضه، ما حنا برضه إخوات رغم التمرد) .. لكن من ناحية تحقيق أهدافكم فلا العدد كان عليه القيمة (للأسف مسخرتوا منظر المليونيات و ابتذلتوها)، و لا الأهداف بتاعتكم عرفتوا تسيطروا عليها.. عشان تنازعتم مع الأغلبية فذهبت ريحكم..

و أنا أقول الحمد لله أننا لم نأت اليوم، لإن زى ما كنا بنقول:هتتقرطسوا.. بلاش تنزلوا، و أديكو اتقرطستوا فعلا للأسف. و استخدموكم للهتاف لطاباتهم الفردية..

مش إنتى يا أختى يا حبيبتى قعدتى تقولى أهم حاجة نوحد المطالب عشن نكسف إللى ما نزلوش و نخليهم يندموا إنهم ماجوش معانا؟ و أهم حاجة إوعوا حد يقول عاوزين مجلس رئاسى أو دستور جديد أو تأجيل انتخابات عشن إللى ما نزلوش ما يشمتوش فينا لإن هو دة السبب إللى مخليهم ما ينزلوش؟؟ آهو إللى إحنا حذرناكم منه حصل، و الناس الليبراليين و العلمانيين و "الأنتى-دين" و "الأنتى-ديموقراطية" استغلوا فيكم الثورية للمطالب إللى كل الشعب بيطلبها عشان يكتروا عددهم قدام المشاهدين و هما بيطلبوا تأجيل انتخابات و دستور جديد و الهرتلةو التهييس الشعبى دة، عشان يبان فى الآخر إن كل العدد إللى نزل التحرير دة عاوز الطلبات الفردية دى كمان ضمن جملة المطالب المتفق عليها.. الله يسامحكم عشن إديتولهم الفرصة دى رغم كل الناس إللى حذرتكم.. و قال إيه "أنا ما اتقرطسش فى ثورتى".. دانتو اتقرطستوا فى ثورتكم فعلا و إنتوا الوحيدين إللى اتقرطستوا... يا خسارة والله...
يا ريت تعقلوا و تراجعوا حساباتكم..
كل ابن آدم خطاء، و خير الخطائين التوابين..
"و لم يصرو على ما فعلوا و هم يعلمون" صدق الله العظيم

و رغم كل شئ برضه أختكم و بحبكم و بدعيلكم و أعض إللى يئذيكم

om said...

أكيد كلمة "الحمد لله" إللى إنتى كاتباها المفروض تكملتها "الذى لا يحمد على مكروه سواه" أو "الحمد لله على كل حال"، كما علمنا النبى أن نقول إذى حدث أمر نكرهه و لا نتوقعه.. لإن دة إللى حصل لكم فعلا.. بس مش عارفة بتمثلوا على مين.. (يؤسفنى إنى لهجتى حادة شوية بس إنتوا زودتوها بجد)..
و طبعا إنتى بتحاولى تدارى قهرتك إن اليوم ماعداش زى مانتو خططتوا، لإن للأسف الهتافات إللى إنتوا حذرتوا منها و إحنا ما نزلناش بسببها بدأت من أول لحظة خلصت فيها صلاة الجنازة، لما جه واحد مسك الميكروفون و قعد يصرخ "الشعب يريد دستورا جديد".. إعلانا منه عن افتتاحية الهتافات كإن دة أول مطلب للمتظاهرين اليوم.. و كإنه ماسمعش نصيحة خطيب الجمعة بعدم الهتاف بمطالب خلافية.. و كإنه ما سمعش كلامك إنتى كمان على المدونة..

فما تحاوليش تبينى للناس إنك راضية عن النتيجة رضا السعداء، بل رضا المستسلمين لقضاء الله و أحييكى على حمد الله فى السراء و الضراء)، (اللهم إلا سراء واحدة حصلت النهاردة و هى إن -و لله الحمد- اليوم عدى على خير من غير حوادث، فدى فعلا نعمة تستحق الحمد.. و أغلب الظن هو دة الجانب الإيجابى الوحيد فى اليوم، و بدون فضل ليكم بل بفضل الله، و بفضل دعانا ليكم إنكم ما تتئذوش برضه، ما حنا برضه إخوات رغم التمرد) .. لكن من ناحية تحقيق أهدافكم فلا العدد كان عليه القيمة (للأسف مسخرتوا منظر المليونيات و ابتذلتوها)، و لا الأهداف بتاعتكم عرفتوا تسيطروا عليها.. عشان تنازعتم مع الأغلبية فذهبت ريحكم..

و أنا أقول الحمد لله أننا لم نأت اليوم، لإن زى ما كنا بنقول:هتتقرطسوا.. بلاش تنزلوا، و أديكو اتقرطستوا فعلا للأسف. و استخدموكم للهتاف لطاباتهم الفردية..

مش إنتى يا أختى يا حبيبتى قعدتى تقولى أهم حاجة نوحد المطالب عشن نكسف إللى ما نزلوش و نخليهم يندموا إنهم ماجوش معانا؟ و أهم حاجة إوعوا حد يقول عاوزين مجلس رئاسى أو دستور جديد أو تأجيل انتخابات عشن إللى ما نزلوش ما يشمتوش فينا لإن هو دة السبب إللى مخليهم ما ينزلوش؟؟ آهو إللى إحنا حذرناكم منه حصل، و الناس الليبراليين و العلمانيين و "الأنتى-دين" و "الأنتى-ديموقراطية" استغلوا فيكم الثورية للمطالب إللى كل الشعب بيطلبها عشان يكتروا عددهم قدام المشاهدين و هما بيطلبوا تأجيل انتخابات و دستور جديد و الهرتلةو التهييس الشعبى دة، عشان يبان فى الآخر إن كل العدد إللى نزل التحرير دة عاوز الطلبات الفردية دى كمان ضمن جملة المطالب المتفق عليها.. الله يسامحكم عشن إديتولهم الفرصة دى رغم كل الناس إللى حذرتكم.. و قال إيه "أنا ما اتقرطسش فى ثورتى".. دانتو اتقرطستوا فى ثورتكم فعلا و إنتوا الوحيدين إللى اتقرطستوا... يا خسارة والله...
يا ريت تعقلوا و تراجعوا حساباتكم..
كل ابن آدم خطاء، و خير الخطائين التوابين..
"و لم يصرو على ما فعلوا و هم يعلمون" صدق الله العظيم

و رغم كل شئ برضه أختكم و بحبكم و بدعيلكم و أعض إللى يئذيكم

بساطه said...

الي يراهن على الشعب يكسب .. محدش يراهن على اي حاحه تانيه .. لا على سلطه ولا على نفوذ .. ما الشعب الي هيديهالكو ياعالم

يلا مش هنحكي في المحكي

ياشعب انت الي كارم كل من حكمك
الحمد لله الحمد لله الحمد لله

Ahmad said...

إلى الأخ Hard way

تعرف أكتر حاجة بتعجبني في الاستاذة الكبيرة نوارة.. أن تدور مع الحق ـ بالطبع من وجهة نظرها ـ حيث دار.. مصلحتها هي مصلحة الوطن عامة، وقضايه المصيرية.. معيرها الوحيد هو مصلحة الوطن ليس الفكرة ولا الايدلوجيا ولا الحزب.
هذا وحده ما يمكن أن ينقذ الوطن الآن.. يجب أن ندرك حجم المرحلة التي نحن فيها، ونرتفع إلى مستوى المسؤولية.

يجب أن نلتف حول القضايا الرئيسية لهذا الوطن، هذه أمانة في عنق الجميع.

شيء آخر يجب أن يلتزمه الإنسان احترامًا للإنسانية.. هي أدب الخلاف، أنا اختلف مع الأستاذة العظيمة نوارة في طريقة النظر للأمور، لكنها في قلبي امرأة بألالاف الرجال، اختلف معاها فإذا تكلمت تكلمت محبًا ناصحًا، أو موافقًا محترمًا الرأي.
يجب أن نترقي في سلوكنا وأخلاقنا حتى نستطيع أن نترقي بوطننا نحن بحاجة إلى إعادة ميلاد وطن من جديد، ولا بد للألم من مخاض..

Ahmed Taha
Lightworker_2006@yahoo.com

حسن محمد على said...

الاخوان والسلفيين يمارسون السياسة بمنطق تجار السوق السوداء ومضاربى البورصة فيفقدون بذلك مصداقيتهم وتعاطف الشعب معهم ك مطهدين سابقين ويتحولوا الى مجرد نهازى فرص خايبانين

hardway said...

الحمد لله....أتـقـرطـسنــا
نوارة نجم

hardway said...

الحمد لله....أتقرطسنــا
نوارة نجم

keno_2010 said...

ربنا يحميكي انت وابراهيم وبلال وعمر مع حفظ الالقاب ومش عارفة اقول ايه لاحول ولا قوة الا بالله الاخوان الكبار عمرهم ماهيتعلمو من اخطائهم والمتوسطي الاعمار تفكيرهم محدود وثقافتهم ضحلة وعلمهم قشور والشباب ماشي علي السمع والطاعة وحسبي الله ونعم الوكيل في اللي فاهم فيهم وبيلعب بالناس

Menna Mohammad said...

ياريت نعمل اولويات لطلباتنا ونركز على طلب او اتنين وبعد تنفيذهم ننتقل على غيرهم حتى تنفذ جميع طلبات الثورة. وبالشكل ده هيحس الناس اننا بننجز شئ وليس مجرد تظاهر وبس مما يحشدهم ورانا فى كل تظاهراتنا. أما أن نطلب كل طلباتنا مرة واحدة فليس من المنطق ان يتم تنفيذها كلها مرة واحدة ممايفقدنا فعاليتنا

bang887 said...

Los Angeles Times: Egypt protesters gather for 'second revolution'

http://www.latimes.com/news/nationworld/world/la-fg-egypt-protest-20110528,0,1148766.story

Liberal activists called the protest a success. But analysts and observers said it was the latest proof that Egypt's progressives have failed to organize themselves post-revolution into a unified political force capable of overtaking the Muslim Brotherhood, a far more established opposition movement, in the upcoming elections.

جاتها خلف إللى عايزة نيلة.

arabian_faithful said...

http://www.alarabiya.net/articles/2011/05/27/150688.html

arabian_faithful said...

http://www.alarabiya.net/articles/2011/05/27/150688.html


معلشى بس طالما كل واحد بيكذب بقى فلازم نحتكم لحكم عدل

جبهة التهييس الشعبية said...

الحكم العدل ده قناة العبرية السعودية اللي كانت بتشتم غزة وهي بتنضرب والتابعة للسعوديين اللي عايزين يدفعوا شرفهم عشان يطلعوا مبارك؟

جبهة التهييس الشعبية said...

الخبر بيقول خلا الميدان من الاخوان والسلفيين

وهو خلا من الاخوان فعلا

بس السلفيين كانوا ماليين الميدان، وعلى فكرة، هتفوا ضد الاخوان

arabian_faithful said...

http://www.youtube.com/watch?v=B8JY49kypKQ&feature=related


هدية لحضرتك عن 6أبريل

arabian_faithful said...

طيب حضرتك يمكن مقرتيش الخبر فأنا جبت لحضرتك أول فقرة



أخفقت ثورة الغضب المصرية "الثانية" في حشد مليونية، كما كانت تطالب، ليصل عدد المشاركين فيها، اليوم الجمعة، 27-5-2011 قرابة 40 ألف بحسب آخر التقديرات.







بالمناسبة حضرتك قناة التحرير أمبارح و الحمد لله معملتشى حاجة غير الشتيمة فى الأخوان المسلمين و المدافعة المستميتة عن الدستور أولاً بس بختهم المايل وقعهم مع عصام سلطان و أنا والله العظيم حأتعبط أنتم كنتم نازلين علشان ليكم مطالب ولا نازلين ضد الأخوان طيب أنا مش من الأخوان المسلمين بس لو أنتم عاوزين تقسموا البلد فريقين فأنا أفضل أكون فى نفس الخندق مع الأخوان المسلمين ولو الحكاية أنتم عاوزين تقلبوها تحدى فى قدرة على الحشد فأنا أظنى كلنا عارفين مين اللى حيكسب أنا حأقول لكل المحترمين اللى بيهاجموا الأخوان حاجة واحدة بس أنا من دمنهور ولما فضيلة المرشد نزل عندنا اللى طلع من عندنا يستقبله فى دمنهور أكتر من اللى كانوا موجودين أمبارح فى ميدان التحرير وده مش بأقوله علشان أتبجح لأ ده أنا بأقوله علشان تصدقوا أن الناس بتثق فى الأخوان أكتر من أى فريق تانى فى مصر
و أبوس أيديكم بلاش تخلطوا بين الأخوان و السلفيين

arabian_faithful said...

أخر سؤال والنبى
هيا قناة العربية دى أخوان مسلمين !

على فكرة أنا مش بأقول الأخوان مبيغلطوش لأ طبعاً بيغلطوا وبيغلطوا كتير أوى كمان بس هما بشر أنتم مفكرينهم ملايكة يعنى !!!

بس هما مخلصين و والله العظيم أنا لمست إخلاصهم ده بنفسى و هم ليسوا بطلاب سلطة ولا حتى بطلاب دنيا بس أنا مش فاهم أنتى بتهاجميهم ليه ! دول ناس والله لو حصلت حرب ليكونوا فى أول الصفوف ودول بردوا الفصيل الوحيد فى مصر اللى كان بيساند حماس ودول برده الفصيل الوحيد فى مصر اللى نزل لنا فى الشوارع و القرى علشان يحاولوا يساهموا فى مساعدة أهل مصر و والله بدون أى مقابل ولا حتى كانوا مستنين شكر

مش دول برده أحسن من اللى كل ساعة قاعدين يعايرونا بفقرنا و بأرتفاع الأمية عندنا و يقولوا الشعب المصرى الطيب البسيط الكروديا بينضحك عليه بأسم الدين طيب نقول أيه بس

حسبنا الله ونعم الوكيل فى كل واحد تطاول على أى راجل مصرى مخلص

arabian_faithful said...

طبعاً دول كمان أخوان مسلمين


http://www.latimes.com/news/nationworld/world/la-fg-egypt-protest-20110528,0,1148766.story

arabian_faithful said...

أنا قلت أجيبلك الفقرة اللى أنا قاصدها علشان يمكن متخديش بالك




Liberal activists called the protest a success. But analysts and observers said it was the latest proof that Egypt's progressives have failed to organize themselves post-revolution into a unified political force capable of overtaking the Muslim Brotherhood, a far more established opposition movement, in the upcoming elections.





شكراً بالمناسبة على موضوعية و حيادية قناة التحرير

bang887 said...

نوارة، إنت قلت إن السلفيين كانوا ماليين الميدان؟ .... على كده حزب إبراهيم عيسى وعلاء الأسوانى كانوا قد إيه فى الميدان؟

m.elaimy said...

الحكم العدل ده قناة العبرية السعودية اللي كانت بتشتم

Would Al Jazeera be a more impartial arbiter?

Ahmed elshebli said...

خلاص يا نوارة ما بقتيش فاضية تكتبيلنا حاجة؟

hardway said...

أخوان..سلفيين..وأنت مالك أيه دخلك أنت
أنت غريبة جدا..أنت مالك مليان سلفي فاضي أخوان...أيش دخلك أنت دول ناس عندهم مرجعيات..وخا رطة طريق وكوادر وتنظيم وأفكار ونظريا ت في كل شئون الحياة
أنت مالك يهتفوا ضد بعض علي بعض......
أنت خارج الدائرة..خليكي أنت مع السما والمطر وتميم ومع السناريست بلال.......
ياعالم معقول دول ناس تحكم بلد..ياعالم
عـيـب

hardway said...

أخوان..سلفيين..وأنت مالك أيه دخلك أنت
أنت غريبة جدا..أنت مالك مليان سلفي فاضي أخوان...أيش دخلك أنت دول ناس عندهم مرجعيات..وخارطة طريق وكوادر وتنظيم وأفكار ونظرياتفي كل شئون الحياة
أنت مالك يهتفوا ضد بعض علي بعض......
أنت خارج الدائرة..خليكي أنت مع السما والمطر وتميم ومع السناريست بلال.......
ياعالم معقول دول ناس تحكم بلد..ياعالم
عـيـب

arabian_faithful said...

عموماً بغض النظر عن أى شىء فأنا فعلاً بأحترمك للغاية و أنا أشعر فيكى بوطنية أحسدك عليها وأشهد بأنك سبقتنى أنا على الأقل فى العديد من المواقف


بس أنا فعلاً بأزعل من الهجومغير المبرر والمستمر ضد الأخوان وبصراحة أنا مش شايفهم ملايكة و زعلان منهم فى مواقف كتير بس والله العظيم أنا لمست منهم إخلاص و وطنية و صدق لم ألمسه عند غيرهم وبعدين طيب منتكلم و نتناقش ويصحح بعضنا بعضاً بدل الهجوم و السب و الإقصاء يعنى أحنا برده كلنا مصريين فى الأول و الأخر

am.roaa said...

ال اخوان ال هما اصلا نزلوا من نظر اغلبيه الناس دة اذا ماكانوش نزلوا من نظر نفسهم ههههههههه

am.roaa said...

ال اخوان ال هما اصلا نزلوا من نظر اغلبيه الناس دة اذا ماكانوش نزلوا من نظر نفسهم هههههههههه