Thursday, 19 May 2011

هرمنااااا هرمنااااااااااااااااااااا ومستنينكم في الميادين بكرة

تحديث:



تحديث:
اوعى.. اووووعىىىى... اوعى نختلف، دي الطريقة اللي عرفوا يسيطروا بيها علينا
اننا مسكنا في بعض
نرجع للاجماع الشعبي، وانا اللي بالف في الشارع وبانزل البلاعات
انزلوا البلاعات واسألوا الناس، الآتي هي قضايا الاجماع الشعبي:
1- اللي في شرم يروح طرة
2- واللي اخد اخلاء سبيل يرجع السجن
3- وموقعة الجمل يتحقق فيها
4- والاقتصاد احنا نصلحه ولا الحوجة للسعودية والامارات والكويت
5- وما ننضربش تاني ولا نتهان واللي اخد حكم عسكري يطلع... يطلع
6- والانتخابات ما تتأجلش
انا سألت ناس في الشارع بنفسي وده اللي انا وصلت له، اسألوا انتوا كمان.
وحننزل الميدان بكرة بقضايا اجماع شعبي ان شاء الله. ما نطرحش قضايا خلافية. اذا كان المجلس الرئاسي - اللي انا شخصيا بقيت معاه دلوقت - حيعمل خلاف، بلاش. نتكلم عن اللي يجمعنا.
اوعى الفرقة
-------

بلال فضل

زهقنا من جس النبض، قرفنا من بالونات الاختبار، هرمنا من الغموض، سئمنا من عدم المصارحة، ورمنا من الاستهانة بدماء الشهداء.

لماذا لا يخرج أحد من حكام هذه البلاد ليقول لنا صراحة: نحن لن نحاكم حسنى مبارك ولا زوجته ولا ابنيه ولا كبار رجاله، لأنهم جميعاً أخذوا الوقت اللازم لتستيف أوراقهم وحساباتهم وليس هناك ما يدينهم، وبما أنه ليست لدينا قوانين تُحاكم الفساد السياسى، ولسنا راغبين فى استصدارها ولا حتى راغبين فى محاكمتهم طبقاً لما هو موجود من مواد قانونية تحدث عنها رئيس محكمة جنايات الإسكندرية منذ شهر ولا حياة لمن تنادى، فكل ما هنالك أن هناك بعض كباش الفداء ستسقط، بعضها سمين مثل حبيب العادلى، وبعضها هزيل مثل مدير تلك المؤسسة أو رئيس ذلك الاتحاد.

قولوا لنا ذلك لكى نعود فى التو واللحظة إلى الميادين والشوارع، وننال الشهادة التى كنا نحلم بها، أنا آسف لأن حماسة اللحظة جعلتنى أقع فى الكذب، نعم، كذبت وأعترف لكم الآن بأننى لم أحلم بالشهادة عندما شاركت فى يوم الخامس والعشرين من يناير والأيام التى تلته، فقد كنت خائفا بشدة، وكنت راغبا بجنون فى أن أشهد هذه البلاد وقد تغيرت إلى الأبد، نعم كنت أحب الحياة وأكره الموت، لكننى وأقسم بالله العظيم بعد أن رأيت خيرة أبناء مصر يسقطون إلى جوارى شهداء وجرحى ويضحون بأرواحهم من أجل مصر، أحب الموت الآن وأكره الحياة يوماً واحداً فى ظل ثورة مقطومة لأسباب لا أعلمها ولا أريد أن أعلمها. كل ما أعلمه أن الله سيلعننا جميعاً لو فرطنا فى حق هذه البلاد وسمحنا لها أن تعيش يوماً واحداً فى ظل نظام شبه صالح أو شبه عادل أو شبه مستقيم.

لن نسألكم عن عفو لم تأخذوا رأينا فيه، سنسألكم لماذا تتباطأون فى وضع حسنى مبارك وزوجته فى المكان الذى يليق بكل فاسد وظالم وسارق ومنتهك لحق الناس؟

ومن قال لكم إن غاية المراد من رب العباد هو أن نحاسب لصوصا بعد أن منحناهم الوقت الكافى لإخفاء المسروقات؟ أنا لا أتحدث باسم أحد، أتحدث عن نفسى فقط، أنا لم أخرج يوم 25 يناير حاملا أدويتى فى جيبى مستودعا الله زوجتى وبناتى لكى أشعر الآن بالنصر فقط لأن حسنى وزوجته أعادا كذا مليون إلى خزانة الدولة، أنا أصلا لم أبلع أبداً شعار (عيش حرية كرامة إنسانية) الذى وجدت من حولى يهتفون به، بل هتفت من أعماق قلبى ومن أول لحظة أصابنى فيها دور الهتاف صارخا (يسقط يسقط حسنى مبارك)، ليس لأن بينى وبينه ثأرا شخصيا، فقد نشأت ونموت وترعرعت وكان يفترض أن أموت فى عهده هو وابنه، بل هتفت بسقوطه لأنه رجل أهان هذا البلد العظيم الذى عرفت عظمته من كتب التاريخ، فأنا من جيل لم يشهد تلك العظمة فى الواقع، هتفت ضده من أعماق قلبى لأننى تذكرت مئات المرضى الذين كنت أراهم يرقدون إلى جوار والدتى فى معهد الأورام المنهار، لأن خيالات ضحايا العبارة الغارقة ومراكب الموت ومسرح بنى سويف وقطار الصعيد ستظل تطاردنى حتى أموت، لأن دموع المعذبين فى زنازينه كانت ستلعننى لو لم أهتف بسقوطه، لأن كل لحظة قضيتها فى بلاد الله التى تقدمت وتطورت واحترمت كرامة الإنسان كانت ستلعننى لو لم ألعنه.

العفو!، أى عفو؟ يا سادة العفو عند المقدرة، ونحن لم نعد قادرين على التحمل بصراحة، ولذلك عفواً لن أسألكم: هل ستعفو عن مبارك وعن رجاله أمهات الشهداء؟ هل ستعفو عنهم ابنتا طارق الأقطش؟ هل ستعفو عنهم أم زياد بكير؟ هل ستعفو عنهم زوجة أحمد بسيونى؟ لن أعدد لكم أسماء الشهداء ولن أذكركم بصورهم، أنا آسف، لن أفعل ذلك، لأننى موقن بحتمية محاكمة مبارك ورجاله ولست محتاجا من أجل ذلك إلى كل تلك الدماء الطاهرة التى لا يساوى مبارك وكل رجاله نقطة واحدة منها، لقد كاد مبارك يزهق روح مصر ومصر فوق الجميع وأغلى من الجميع، لقد أهان رجال مبارك كرامة مصر، وكرامة مصر فوق كل اعتبار، إذا كنتم حقا حريصين على اقتصاد البلاد واستقرارها وأمنها، فاعلموا أن مصر أغلى من حسنى مبارك ورجاله ونسائه، إذا كانت لديكم اعتبارات خفية فقولوها لنا لأننا زهقنا من هذا الملل، لا تطلبوا منا أن ننظر إلى الأمام وأنتم تجبروننا كل يوم على أن ننظر إلى الخلف بقلق وترقب، لا تحرموا أحلامنا من فرصتها فى أن ترى النور كاملة قبل أن تطالبونا بأن نسير خلفكم.

لقد وقفنا ضد كل من يريد أن يوقع بيننا وبينكم تحت أى مسمى أو أى سبب، لأننا ندرك أنكم العمود الصلب الوحيد الذى نجا من تهشيم مبارك والذى لا تستغنى عنه مصر أبدا، ولذلك نرجوكم ألا تجعلوا تلك الوقيعة تحدث بفعل قرارات متعجلة قد يزينها من يبدو أنهم حسنو النية، اتركوا هذا الملف الشائك للشعب والشعب وحده، اجعلوه حقا للرئيس المنتخب والبرلمان المنتخب القادمين، اتركوا مبارك ورجاله يواجهون مصيرهم الذى سيقرره الشعب، والشعب وحده.

أنا لا أتحدث باسم أحد، أنا أتحدث عن نفسى فقط، وما أعرفه أنه إذا كانت مصر تحتاج إلى ثورة ثانية وثالثة ورابعة من أجل أن تصبح وطنا يتمتع بحرية كاملة وعدالة كاملة وتغيير شامل، فوالله العظيم ثلاثة، وحياة شهداء ستة أكتوبر وثمانية وعشرين يناير، سأمنحها روحى ودمى وحريتى، فلست أغلى من الذين استُشهِدوا أو جُرِحوا أو اعتُقِلوا قبل الثورة وأثناءها وبعدها، أنا ببساطة مثل كل الذين رأيتهم فى الميدان، لست طالب ثأر، بل طالب عدل، والعدل لا تصنعه الغرف المغلقة، بل يولد فى قاعات المحاكم المفتوحة للناس التى تمنح عدالة كاملة، وليس عدالة إلا ربع كالتى كان يمنحها نظام مبارك بمزاجه وقتما يشاء ويحجبها عمن يشاء.

هل أنا وحدى الذى يفتقد التحرير ياجدعان؟
-------------
لا مش لوحدك.. انا نازلة بكرة الميدان انشالله ابقى لوحدي خالص، مش مهم
لو حد يذكر اني قلت قبل كده: مجلس رئاسي مدني على جثتي.

مش مهم جثتي على فكرة، انا بعد اللي ماتوا جنبي ودمهم غرق هدومي ما عنديش اي رغبة في الحياة، والله العظيم تلاتة ما عندي اي رغبة في الحياة، وبشكل مستمر صايباني حالة ندم وشعور بالذنب اني عايشة، ودايما ابص للسما واقول: انت زعلان مني ولا ايه؟ اشمعنى هم وانا لا؟

بعد اذنكم، حفاظا على ثقتي في كتاب التربية الوطنية اللي اخدته في المدرسة، وحفاظا على تصوراتي عن ظابط الجيش المصري اللي قريت عنه في الكتب وفي شهادات الظباط الاسرائيليين نفسهم وفي وثائق ويكيليكس واغاني نصر اكتوبر اللي كل ذكرى نصر باقعد اسمعها وانا واقفة عشان ما يصحش اسمعها وانا قاعدة، حتى لو قاعدة لوحدي في الاودة

امشوا.. امشوا قبل ما اكرهكم.. انا لسه ما كرهتكوش، شفتوا انا قلبي طيب ازاي؟ قعدت مع محمد عفت امبارح، ومع البنات والشباب اللي كانوا عند السفارة، وحكوا كل حاجة، ووجعوا لي قلبي، ومع ذلك لسه ما كرهتكوش، انا زعلانة ومجروحة، ومش بازعل ولا اتجرح غير من اللي باحبه، ما تكرهونيش فيكم عشان انا وغيري لو كرهناكم حنعاملكم زي ما عاملنا الشرطة، ما توصلوش الامور بينا لكده
امشوا.. اي مجلس رئاسي مدني منتخب حينفع.. لو جبنا فرقة شباشب حتنفع لأن الشعب حيعرف يمشيها ويتحكم فيها ومش حيبقى بين الشعب وبينهم غير الشغل وان كنتوا اخوات اتحاسبوا، لكن انتوا كده بتحطونا في مزنق احنا مش عايزينه، ليه تخلوا الاختيار: نحافظ على الجيش المصري والمؤسسة العسكرية المصرية وفخرنا بيها ولا نحافظ على كرامتنا؟ ليه تحطوا الاختيار كده؟ ما تضطروناش لحاجات احنا مش عايزينها واكيد انتوا مش عايزينها
ومافيش داعي للاستخفاف بذكائنا، اذا كنتوا لامين حواليكم شوية اغبيا ببرانيط، احنا مش اغبيا، ومش ببرانيط، ومش بنطنش عشان احنا عبط وبريالة، احنا تعمدنا نعمل عبط، وكنا عارفين انكم كنتوا نازلين تموتونا واحنا اخدناكم بالحضن عشان نحتوي الموقف، والشعب ساس الموقف بمهارة، واللي اتقال له انزل على ركبك ده تتشال جزمته على الروس... خصوصا على راس اللي حلف يمين انه يموت عشانا وساب المدني هو اللي يموت ووقف يتفرج. ما تخلوناش نقلب في اللي احنا تعمدنا نسكت عنه، مش عشان عينا مكسورة، ولا عشان اغبيا وسذج، عشان بنحب بلدنا ونفوت بمزاجنا لما نحب... عشان نحافظ على بلدنا... ومش حنفوت بعد كده، برضه عشان نحافظ على بلدنا.. وحد الله ما بيني وبينك غير حب الوطن يا حكومة
احترمونا شوية
وابقوا على اللي فاضل جوة المصريين ناحيتكم.. سيبكم من العيال الظييطة على النت اللي نفسه يبقى ثوري حتى لو حيشتم مصر ذاتها ولما يخلص شتيمة حيندار على امه وابوه وبعدين حيشكك في نسب نفسه بس عشان يشتم امه، مصر مش الفيس بوك ولا التويتر، ولا الفيس بوك والتويتر هم اللي عملوا الثورة، دي اخرتها؟ بعد البوس والاحضان دي كلها تنزلوا الشرطة لسواقين الميكروباص تهينهم تاني وانتوا واقفين في ضهرهم تحموهم من الشعب؟ الشرطة عمرها ما كانت حتفتح فينا لولا وقفتكم في ضهرهم.. ليه كده؟ المواطن المصري العادي بيحبكم.. انا اللي بالف في الشارع، والمواطن المصري العادي زعلان زعلان زعلاااااااااااااااان جدااااااااااااااا منكم
ما تختبروش صبر المصريين
احنا راجعين الميدان... ورجعتنا للميدان بكرة عشان نحافظ عليكم ونقول لكم روحوا مكان ما جيتوا وانتوا لابسين اكاليل النصر واحنا مسامحينكم على اللي فات قبل ما الجراح توسع اكتر من كده وتتملي غرغرينة وما ينفعهاش غير البتر ويبقى فات المعاد

135 comments:

m-noaman said...

أكيد لازم كلنا ننزل الميدان تاني ..... لأانه من الواضح إنهم عاوزين يخلونا نقول فعلا هرمنا هرمنا ياولاد ال.........

assour said...

نوارة انا حزينة جدا على حزنك على مصر، انتي قدمتي الخير لمن لا يستحق الخير كقيادة و رئاسة مش كجيش، الجيش ده اهلنا و ناسنا اما القيادة فهي الجيش بقدر ما مبارك هو الشعب.
لا تحزني ان الله معنا و لكن اعتقد تأخرنا كثيرا و طويلا و تم استيراد الطيارات والقاذفات و و تجنيد كل الاعلام لفصل الثورة عن الشارع . لا ادري ماذا يحمله الغد لكن غضب الكثيرون منكما انتي و بلال نتيجة للثقة الغالية التي وضعناها فيكم، و قد اثبتم حسن نيتكم و حرصكم على تفادي الشقاق ما امكن ،و هي حكمة.

هل تعتقدين بعدما اشترى المجلس الاخوان بالبرلمان و الاعلام و الافراج عن معتقليهم فقط ،و وظف امن الدولة السلف في دورهم الخسيس ، هل يبقى لشعب مصر المضلل اعلاميا منفذ ليبدأ منه من جديد ضد عالم بأكمله -من امريكا و حتى اسرائيل مرورا باوروبا و الخليج- استعد حق الاستعداد و جيش الجيوش من مال و اعلام و عتاد و مواد لخمد مصر التي كما قلت لك سلفا لو قامت الحرية و العلم لنامت الدنيا تحت قدميها و انصلح المعوج ليس في العالم العربي و حسب بل في الدنيا باسرها، و اسألي التاريخ القريب و البعيد .

عودا حميدا و حمد الله على السلامة ، قلتي لي سابقا ان لا اشتم الجيش و طاوعتك و لكن لم اقصد ابدا الجيش بل كنت دائما و ابدا اقصد المؤسسة التي تتحكم بهذا البلد - و خربت الحكم فيه بالاستبداد الذي هو جزء لا يتجزأ من عتاد الحياة العسكرية - و ليس جنودنا و اخواننا و كل من يخاف الله فيهم ، نحن نريد الحرية و ليس حكم العسكر و لا ساعة بعد الان .

لدي نصيحة لو تريدين لمصر العلا، ليس لهذه المرحلة سوى البرادعي لانه لا يخاف و لن يستطيع احد لوي ذراعه لا الاخوان و لا المجلس مثلما عملوا مع شرف، الراجل له وزن و اسألي كده من هو اكثر من لا يريده ، انهما امريكا و اسرائيل قبل العالم كله، الراجل بيخاف ربنا و بيعيط على الغلابة و هذا القائد- لو تعلمون- العظيم ,
شكرا لكل اخلاصك و صدقك و ان لم اتفق معك في الكثير من حبك و ايمانك باشخاص لا راحوا ولا جم و لا نفعوا بلدهم في حاجة .
لك الله يا مصر و لكم الله يا اهل مصر الغلابة الطيبين .

shero said...

مش هاقعد نقول و نعيد ف اللي فات المهم دلوقتي ان 90% من المصريين ع اقل اللي حواليا عندهم غضب م المجلس من ردود افعالهم و بالذات المشير طنطاوي. ما حد م الشرفاء ف العسكر يعرض علي المتورطين و حبايب المخلوع ف المجلس الخروج الأمن مقابل يشيلوا ايدهم وحلال عليهم الفلوس الحرام اللي ربنا هيشويهم بيها ان شاء الله ؟؟؟

بدل ما هما عشان ينقذوا نفسهم بيخربوا البلد بالرغم انهم هيتحاسبوا ف الاخر زي المخلوع يقبلوا الخروج الامن وبلاش عناد عشان نخلص من المهتزل دي

noor said...

فى حاجة بتحصل فى الخفاء بس انا مش فاهمها ولا عارفها.
اكبر خطا حصل فى الثورة انها اخلت الميدان قبل اختيار مجلس رئاسى لانى مش مستريحة بصراحة

noor said...

فى حاجة بتحصل فى الخفاء بس انا مش فاهمها ولا عارفها.
اكبر خطا حصل فى الثورة انها اخلت الميدان قبل اختيار مجلس رئاسى لانى مش مستريح بصراحة

حسني مبارك الا ظلمتوة said...

بلال فضل امعة ونوارة نجم مضيعة وملايين المصريين بتحبك ومش مصدقة اي حاجة من الا بتنشر رغم انف الامعة وانف المضيعة

هشام عيد said...

سؤال برئ من طفل مش فاهم
ليه القانون حاسم
أحكامه قطعيه
ف اللي سرق
واللي حرق
شقه وعربيه؟
واللي نهب بلدي
واللي حرق بلدي
واللي سرق مستقبلي
عايش في حريه.
هشام عيد

shero said...

الواد الاهبل بتاع مبارك اجري ياض طرطر بعيد عن هنا كتك نيلة عليك وعلي اللي مشغلينك انت بقا بتقبض بالساعة واللا بالكومنت؟ يمكن نأجرك تخدم علينا يا روح طنطك ف التحرير

لو سمحتي يا نوارة نزلي الكومنت عشان الحقير ده ملاحظة بقالو فترة بيبعت كومنتات هاطلة زيو و مالوش لازمة عايز يتهزأ بقا

megabaraty said...

في سياسة واضحه لتكفير الشعب بالثورة ....... مطالبات بالعمل و في نفس الوقت أهم متطلبات العمل "السولار" غير متوفر مما يعيق العمل بل و يعيق الحياه اليوميه للمواطن البسيط .... هل ده إستكمال لمناشدة المخلوع في خطاب الفتنه للعمال و الفلاحين؟!!! .... التحريض على الثورة يؤكد عدم إقتناعهم بها ... و المسؤليه علينا ..... علينا أن نكون جميعاً في يوم العطله حماة للثورة بمنتهى التحضر و الأدب


يا نوارة المجلس العسكري مش فاهمنا لأنه مش سامعنا ... وجب يفهم إننا هنا ...
إتجمعوا يااااا ناااااس .... إملوا الهوى بحماس ... إملوا الحياااه إحساس ... النووور هيجي أكيد _____ راجعيين

NAGWA said...

أنا كمان حزينة
المصالح المشتركه يا نونو هي اللى خلتهم ميتحاكموش
ياريتني أقدر أنزل معاكى مكنتش أسيبك لوحدك أبدا
أنا حاسه بيكي ووجعنا كبير
ربنا يقويكي يا حبيبتى
nood74

Hosam said...

نوارة أنا نازل بكرة أكيد عشان مش عاجبني الي بيحصل لاكن لو قلنا مجلس رئاسي أنا أول واحد حنزل في مظاهرات ضده

mahmoud said...

فى حاجة غلط انا مش فاهمها هى المسالة صعبة اوى كدة

جبهة التوعية بأهداف الثورة said...

نداءٌ عاجل.. وأنا على ثورتي أبكي
http://gabhataw3ya.blogspot.com/2011/05/blog-post_18.html

صُدمتُ كما صُدِم الكثيرون من قرار الإفراج عن زكريا عزمي ومن قبله فتحي سرور بكفالة، ثمَّ تطوَّرت أعراض الصدمة غير المتوقَّعة إلى أن صارت صاعقة؛ حينما طالعتنا الصحف (الغرَّاء!) بنيَّة الرئيس السابق في تقديم الاعتذار والتنازل عن ممتلكاته مقابل إخلاء سبيله؛ خاصةً وقد تم ذلك مع زوجته التي أخلت نيابة الكسب غير المشروع سبيلها بعد تنازلها عن أموالها للشعب، والتي تُقدَّر – كما يقولون- بأربعةٍ وعشرين مليون جنيه مصري.. يا له من مبلغٍ كبير!!! تنازلتْ سيادتها عنه للشعب الذي سرقته منه!
والعجيب أنَّ ذلك قد تمَّ بعد أن صدر قرار بحبسها خمسة عشر يومًا، لم تقضِ منها إلا أربعة أو خمسة أيامٍ في المستشفى.
وحاولتُ عبثًا إفاقة نفسي من هذه الصدمة وتلك الصاعقة، وتناولتُ ما وقع في يدي من حبوب احترام سلطة القانون، وحُقن المتهم بريء حتى تثبت إدانته. وكانت النتيجة: أن أغمى عليّ، وحملوني إلى المستشفى، وسريعًا أحضروا لي محلول الثورة في يدِ حكومةٍ أمينةٍ أتت من التحرير، فتوقَّف قلبي، فقام الطبيب فَزِعًا إلى جهاز إنعاش القلب، فأنعش قلبي بأنَّ المجلس العسكري الذي حمى الثورة ورفض قتل المتظاهرين هو مَن يديرُ شؤون البلاد، وقد تعهَّد أمام الشعب المصري بأنه سيحمي الشرعية الثورية، وسيسعى جاهدًا بحزمٍ وقوةٍ لحماية مطالب الثوار والقضاء على رموز الفساد. ولم يُجدِ إنعاشهم لقلبي نفعًا، كما لم ينفع معي من قبل حباتُ مسكِّنهم أو حقنهم المنتهية الصلاحية، ومازلتُ إلى الآن أنتظر قرار نقلي سريعًا لميدان التحرير؛ لتدهور حالتي الصحية.. ولا أراكم الله مكروهًا في عزيزًا لديكم.
إمضاء: ثورة مصر

Tears said...

الناس اللى ضد مجلس رئاسى او مجلس مساعد مدنى للمجلس و ضد عمل دستور الان و بيقولوا ده التفاف على نعم

يقروا ده عشان يفهموا الفخ

http://tears-demo3.blogspot.com/2011/05/blog-post_18.html

kobbara said...

إخلاء سبيل إبراهيم كامل والغمراوي أمين الحزب الوطني بالقاهرة وإلغاء قرار حبسهما في "موقعة الجمل"

Hosam said...

حلو التحديث الأخير ده كده أحسن بدل ما نختلف

kobbara said...

إخلاء سبيل إبراهيم كامل والغمراوي أمين الحزب الوطني بالقاهرة وإلغاء قرار حبسهما في موقعة الجمل

prof-osama said...

نوارة حبيبتى مفيش داعى تلقى التهم على عوانها...وكمان مفيش داعى اننا نحتك بالمجلس العسكرى المدعوم من نواة صلبة للغاية هى ال77 وما ادراكى من هم .. بفكرك ان النخبة والمثقفين وكامل الاقباط دون استثناء مشيوا على ايدهم ورجليهم وعملوا مية عفريت كمان وجابوا 22 .. حبيبة قلبى اقعدى مع مفكر مصر ورئيسها القادم بمشيئة اللة الدكتور العوا وخدى رأية قبل ما تكتبى ..لانة غالبا هيظبط الفولت العالى الواضح جدا فى كتباتك بقالك كام يوم

no_women_better said...

السلام عليكم ورحمة الله وبركاته
اولا انا دلوقتي مش محتاج اعلن بيان باسم الحزب اقول فيه لأ وازاي واحنا بنرفض وبنشجب وبنعترض على قرارات العفو ......كل دا كان شغل زمان قبل 25 يناير الصوت دلوقتي مش لحزب مصر الثورة او اي حزب او اي حد غير صوت الشعب نفسه ....وانا برضه مش باتكلم بلسان الشعب ...لأ ...كل واحد حر يتكلم عن نفسه ....موقف الحزب الرسمي طبعا رافض فكرة التسامح فيما لا نملك زي ما قال د / علاء الاسواني العفو دا مش من حق حد غير اهالي الشهداء بجميع انواعهم بقا ...تعذيب واعتقال وعبارة وثورة وهجرة وسرطان وكل اللي ماتوا منهم ....اسمحولي انا باتكلم عن نفسي وبس ......انا هاحضر شنطتي ونازلهم التحرير تاني .....من يوم الجمعه ومعايا الاكل والشرب واللاب توب وهابقا معاكو من هناك ..احنا مانزلناش من 25 يناير في الشارع وطلع عين ...نا واتسحلنا في الشوارع وشربنا دخان وقنابل وقعدنا نعالج في ناس بتموت من بين ايدينا ومش عارفين نعملهم حاجة عشان في الاخر نسامح وناخد من الهانم 24 مليون ونديها عفو يمنعنا من استرداد مليارات برا ودم الشهدا يبقا رخيييييص قوي كدا ....لأ ثورتنا مش هاتتسرق مننا ...انا نازل التحرير واللي غالي عليه دم اخوانه الشهدا ينزل معانا اخر حاجة اتفقنا عليها مع نوارة وبلال ان الجمعه دي هانقف بأدب ونشوف ايه اللي بيحصل ولو ماكنش في نتيجة يبقا خلاص بقا مابدهاش ادينا قاعدين تاني ....واوعى حد يقولي اقتصاد البلد بلاش بقا الفزاعة دي تاني دول بيبيعوا دمنا ببلاش وفي ايديهم اكتر من سوزان اللي اغنى من مبارك نفسه سابوها ب 24 مليون مايكفوش البلد 3 ايام مصاريف وهي عندها مليارات نقدر نجيبها ونحاكمها برده ....ومبارك ياعيني نفسيته تعبانة ومش قادرين يدخلوه السجن عشان نفسيته وزكريا عزمي راجل كبير وعيان ....واحنا بقا اللي ولاد .... انا اسف على اسلوبي دا بس بصراحة بقا خلاص طفح الكيل ....عنوان ميدان التحرير الناس كلها عارفاه ....بلاش نتسرق واحنا عايشين ولما نموت شهداء نسيبهم يسرقوا دمنا برضه
المواطن المصري
احمد فهمي
المنسق الاعلامي لحزب مصر الثورة
0100130419

mohamed said...

بالله عليكي يا نوارة انا اتحرمت من اني اشارك في الثورة لاني بره مصر شوفوا لنا اي دور بينكم الجمعات الجاية..اي دور..اي دور
مستعدين ندغدغ الدنيا .بس مافيش في ايدنا حاجة غير الانترنت....شوفوا لنا اي دور وسطكم ارجوكي اهتمي بكلامي انا ومراتي هنا هنتجنن

mohamed said...

بالله عليكي يا نوارة انا اتحرمت من اني اشارك في الثورة لاني بره مصر شوفوا لنا اي دور بينكم الجمعات الجاية..اي دور..اي دور
مستعدين ندغدغ الدنيا .بس مافيش في ايدنا حاجة غير الانترنت....شوفوا لنا اي دور وسطكم ارجوكي اهتمي بكلامي انا ومراتي هنا هنتجنن

Tears said...

بصى يا نوارة عشان انتى بتكررى غلطة فظيعه لتانى مرة و بتقودى الناس فى الاتجاه الغلط و اديكي شفتى دفاعك عن المجلس و كنتى ضد الضبابط اللى قالوا الحق كانت نتيجته ايه

دفعك باتجاه انتخابات برلمانية فى ظل تحالف المجلس مع الاخوان..يعنى تحالف فاسد مع وصوليين مش ح يؤدى لشىء غير حماس جديدة او سودان او ايران لان دول اول ما بيوصلوا بينقضوا على الديمقراطية و اللى معترض يدينى نموذج واحد فى اى دولة ماحصلش فيها كده..ده من دلوقتى و بيكدبوا و يخدعوا الناس زى ما عملوا فى دعاية الاستفتاء و متلونيين

حتى فى موضوع العفو عن مبارك همه الوحيدين اللى صمتوا لغاية ما المجلس العسكرى نزل بيان و قال احنا مش مع العفو و بعدها قالوا و احنا كمان لكن لو كان المجلس قال نعفو كانوا باعوا الاسلام و الشرع فى اقرب محطة لمصالحهم السياسية

انتى بتقودى تجاه مش بس ضياع الثورة انما ضياع مصر و مش ح ينفع بعدها تفوقى متاخر زى ما بيحصلك

واحد من الناس said...

طيب انا مش عارف ليه انزل التحرير تاني اذا كانت النخبة لا تعترف الا بنفسها وتكرهنا كما لم تكره اسرائيل ولا ترى لنا حقوقا ولا لعرضنا كرامة
انا كنت من الداعين ل 25 يناير وقت ان كان النائمون يسرحون في المقاهي والكافيتيريات لكني الان لا اطمئن لشركاء النضال
سأنتظر لارى طلباتهم الحقيقية
الجيش مكنش مع الثورة من يوم منزل , وكلهم كانوا عتارفين كده , ليه دلوقتي فاقوا , علشان خافوا على نفسهم وعلى مكاسبهم الشخصية , انا هاجمت مواقف الاعتقال والتعذيب من اخر فبراير , وكا حاجة كانت واضحة , ليه دلوقتي شافوها

مش عارف بس بكره نعرف واخد قرار لما تتحدد المطالب الفعلية الحقيقة

mahmoud said...

لو كانت سياسة امريكا اعطاء معونة عسكرية للجيش المصري تساهم في تقويته مقابل السلام مع اسرائيل وتركه ككيان مستقل دون عمل احتياطتها لابقائه تحت السيطرة كانت لتكون هذه سياستها مع مصر كدولة والواقع بالطبع لا فهم لم يقرروا ان يتركوا مصر تتقدم مقابل السلام وبعدين هي مخابراتهم دي بتلعب حتسيب مؤسسة حساسة زي الجيش من غير اختراق الضباط اللي ركعوا ولاد بلدهم عشان علم اسرائيل كانوا جيش وشرطة ولو ادونا دولة قانون وديموقراطية مش حنقبل بقيادات خونة وماتقوليش ان الضباط دول اتصرفوا غصب عن قيادتهم لانهم بياخدوا تعليمات باسلوب التعامل والتعليمات كانت ركعوهم قدام العلم الرسالة وصلت وقبلنا التحدي وان ينصركم الله فلا غالب لكم صدق الله العظيم

magda said...

الشباب لومعملش حاجة الجيل ده ها يموت بالحسرة الوجع اكبر من وجع النكسة علشان اللي وجعنا جزء غالي وعزيز علينا وكان هو الأمل اللي فاضل

magda said...

يالله ياالله غرقونا في فتن وسرقونا اتسرقنا واتسرق الحلم الحقونننننننننا

إيمان سراج said...

http://www.almasryalyoum.com/node/442140
الأربعاء, 18/05/2011
مللنا لعبة جس النبض .. ياصانعى القرارات فى مصر

بقلم إيمان سراج

للمره الأولى أتحير فى إختيار ما أبدأ به مقالى وكنت أتمنى ان أبدأ بمناشده لشعب مصر
لضرورة البدء فى العمل والإجتهاد وترك المشاحنات والمظاهرات فبلدنا ماعادت تحتمل المزيد منهما

ولكن دائما تحركنا أحداث ليس لنا يد فيها
منذ اعلنت الهانم سوزان عن التنازل عن أموالها مقابل العفو عنها ولاحديث للشعب غير هذا الحدث وخاصة ان ماطلبته تحقق لها وكأنها مازالت الهانم حرم الرئيس

حقيقة لا اعلم اين هى أموالها وممتلكاتهاالتى تنازلت عنها
وماتنازلت عنه فى الأساس هو ملكا للدولهفالفيلا التى تقول انها من ممتلكاتها هى فى الأصل كما قرأنا ملكا للمخابرات العامه والاموال هى تبرعات للقراءه للجميع

ثم كيف نبرئها قبل أن يتم الكشف عما إذا كانت تمتلك حسابات سريه بالخارج أم لا
لأنه بقرار التبرئه هذا لايحق لمصر التجميد ثم الحصول على هذه الأرصده إذا ثبت وجودها طالما تم تبرئتها

قرار الإفراج عن السيد زكريا عزمى هذا القرار الذى كان بمثابة صدمه للجميع وخاصة عندما أُعلن أن هذا القرار اتخذ بسبب مرضه وكبر سنه ولأن القانون لايعاقب على قبول الهدايا

لا يامن إتخذتم هذا القرار لايوجد فى القانون إعفاء متهم لمرضه وكبر سنه وإلا إعفوا أمثاله الموجودين فى جميع السجون معه

أما موضوع الهدايا ففى نص المادة 77 من القانون رقم 47 لسنة 1978 علي ان : " يحظر علي العامل

قبول أي هدايا أو مكافأة أو عمولة أو قرض بمناسبة قيامه بواجبات وظيفته.

ألم تنتبهو لهذه الفقره من القانون أم غضيتم الطرف عنها

يبدو ان هناك من إنتبه لذلك فزج مره اخرى بالسيد زكريا عزمى فى الحبس رغم أنى أرجح انها ليست مسألة إنتباه للقانون من عدمه بقدر ماهى لعبه يلعبونها معنا أصحاب إصدار القرارات فى مصر الآن

الا وهى لعبة جس النبض

يصدرون القرارت وإذا وجدو رفض تام وقرارات مضاده من الشعب يبادرون بإلغاء قرارهم وكأننا نمارس لعبة القط والفار كما كان يمارسها معنا النظام البائد تماما ايام الثوره

اين الشفافيه والوضوح فى إتخاذ القرارات
اين العدل والمساواه فى إصدار الاحكام
رأفة بمصر ياصانعى القرار نرجو العدل والوضوح
وكفاكم جس نبض للشعب فى قراراتكم فالشعب صار واعيا ومل كثيرا من هذه اللعبه

مش فاهمه said...

ل انا كده مش فاهمه بجد منين بتقولى مجلس رئاسى على جثتى و منين بتقول ممكن مجلس رئاسى منتخب و عايزينهم يمشوا ماهو لو فيه برلمان حايقعدوا على قلبنا لما البرلمان ينتخب لجنه و الجنه تعمل دستور و الدستور يستفتى عليه و البيضه عند الفرخه ....نوارة فعلا الوقت ده مش وقت خلاف المجلس مش نافع و عايوين محاكمات ثوريه و عايوين تطهير للقضاء و عايوين وزير داخليه حاسم و حازم طبطبه تانى لأ استهبال تانى لأ

مش فاهمه said...

نسيت اقولك كفايه انهم لحد اول اول امبارح اما قابلتيهم كانوا بيستشيروا هميد اعلام و الست ام برنيطه ده كلام و النبى ....ممكن نفوق بقه و نتوحد على كلمه واحده

samysalah7 said...

لا مش لوحدك أنا كمان نفسي أموت عشان الأمة اللي مش عايزة تفوق وترجع لربها. عايز أموت لتكون كلمة الله هي العليا. ومصر لازم تعلى علشان مصر قلب الأمة النابض وهي ديه بداية المشوار لتكون كلمة الله هي العليا. كان نفسي أموت في سبيل الله وهو جه اليوم اللي كنت بأتمناه. أنا معاكم نازل ومش راجع. إلى رياض الجنة إن شاء الله. عل فكرة أنا لا سلفي ولا إخوان أنا مجرد مصري مسلم

محمد نبيل said...

قلتهالك فى تدوينة من كام يوم، وحقولهالك تانى :

ينصر دينك

gogo said...

لا للمجلس الرئاسي لا للمجلس الرئاسي لا للمجلس الرئاسي.. مش هو الحل ابدا بالعكس هيفتح علينا بلاوي اكتر م اللي احنا فيها .. الحل علشان نخلص من الهم دة هو الانتخابات رغم خوفي منها بس مافيش حل تاني الانتخابات تتعمل ونخلص .. كلنا ارفانين من الافراجات بس مش معني كدة اني اتقلب ٩٩٠ درجة .. علي فكرة انتي وبلال هاتتحملوا نتيجة الاحتكاك مع الجيش اللي غالبا هايحصل بكرة علشان اللي من اول الثورة هايموتوا ويضربوا ف الجيش والجيش يضرب فيهم وفاكرين ان الثورة لازما وحتما ولابد تنتهي بمعركة مع الجيش والا ما تتحسبش ثورة هما مستنيين الفرصة وانتوا بكلامكم التسخيني اوي دة اديتوههم المبرر .. وبعدين مش عارفة بتدافعوا عن اللي راحوا عند السفارة لية راحوا يقتحموها الامن حاطط حاجز بيشيلوه لية هايدخلوا يسلموا عليهم مثلا ولما الامن منعهم ضربوا طوب مش لازم تبقي كل حاجة فوضي وبعد كدة نقعد نعيط ونقول الجيش سايب الفوضي دي لية
المهم خلوا بالكوا من المندسين اللي اكيد هايبقوا وسطكم علشان يولعوا الدنيا اكتر ماهي والعة .. والله من وراء القصد

محمد نبيل said...

أتفق مع الأخ

assour

فيما قاله بأن البرادعى هو الذى يصلح لهذه المرحلة، بالأمس كنت أتحدث مع والدتى بنفس ماتقوله من أنه رجل مبدئى صلب لن يلين تحت أى ضغوط.

mahmoud said...

ليه حق يسقط رضوي مدام المغفلين صدقوا اولا ان الفاسدين الجيش مايقدرش يشيلهم من اماكنهم لا وكمان لما يمارسوا فسادهم تاني يمارسوه ببجاحة اصلي فيه كيان غامض بيدافع عنهم والكيان ده الجيش مش عايز يحتك بيه بعنف عشان البلد ماتخربش صلاة النبي لو دي قوة المؤسسة العسكرية تبقي مهزلة الواقع اللي بنهرب منه ان ده كله بمزاج المجلس العسكري احسبيها معايا النظام الحاكم دلوقتي بيقول وده عن طريق افعاله الاتي دم شهدائكم قضاء وقدر مش حينفع نعدم القتلة ويكون فيه قصاص ومش حينفع نحاسبهم علي اللي عملوه في كرامتكم وشرفكم اصلهم كانوا زمان حاجات ملهاش تمن اما كرامتكم وشرفكم في المستقبل معلش مش حنقدر نضمنهم ليكم عشان مش حنقدر نرفد المجرميين في الشرطة وامن الدولة ومعلش مش حينفع دولة قانون عشان امريكا رافضة ديموقراطية وعدل في مصر ولو عملتوا حاجة في شيء يخص اسرائيل حنركعكم ولو خرجتم عن السيطرة حتتحاكموا عسكريا يالا بقي سامحوا علي الماضي ومافيش ضمانات كافية للمستقبل وحنحاول نخف العيار سنة عنكم بس بعد مانربيكم عشان عملتوا ثورة يالا بقي سامحوا والا انتوا عارفين اسلحة الضغط يياما من انفلات امني لنقص اكل وشرب جايين لعصابات مسلحة حتقتل فيكم والتقيل لسة اصل امريكا قالت كل الخيارات متاحة

lawyer said...

ان شاء الله نازل القائد ابراهيم و حقنا هنجيبوا و محدش هيشتغلنا

متفائل said...

ما تضطروناش لحاجات احنا مش عايزينها واكيد انتوا مش عايزينها

تهديد للجيش ؟ لا أصدق .. حقاً لقد تجاوزت حدودك هذه المرة .. إنتي مش عارفه إن هذا التهديد يضعك تحت طائلة القانون ؟ ثم .. إيه حكاية إن الجيش كان نازل يموت الشعب قوم الشعب خده بالحضن وضحك عليه وفوت عليه الفرصة ؟ مين دخل في دماغك الكلام الأهبل ده ؟ الجيش لو كان عايز يعمل اللي بتقولي عليه ده كان عمله وماهموش أحضان ولا بوس .. إنتي فاكراها أيه ؟ خناقة في حارة ؟هو ده جزاء الجيش اللي حافظ على أرواح الناس ووقف جنب الثورة ؟ تتهميه النهاردة بالخيانة ؟ الجيش مش خاين يا أخت نوارة .. الجيش - وكتر خيره - مازال حتى اللحظة محتفظاً بأقصى درجات ضبط النفس معك ومع أمثالك لأنه لو لم يكن كذلك لألقت النيابة العسكرية القبض عليك فوراً فما كتبتيه في مدونتك النهارده وقبل النهارده يمنحها الحق في هذا .. فوقي .. فوووووقي

محمد نبيل said...

عايزين حساب لدعم الاقتصاد المصرى عشان نتبرع

Hady Hamouda said...

مرة تانية ما اعرفش اعلق لأن ما كتبته كبير على مساحة التعليق و لكن اذا حد مهتم و بما انك يا نوارة بدأتي تواجهي الواقع فده الرابط بتاع التعليق او رأيي اللي كنت عاوز ابعته ليكي و ليكم هناو على فكرة من زمان بس احترمت طريقتك و ما انكرش اني انتهجتها او حاولت اقنع نفسي بيها بس كنت واثق ان اللحظة دي جاية جاية... اذا حد مهتم يتفضل و يشرفني بقراءته من خلال
الرابط ده http://www.facebook.com/?ref=home#!/photo.php?fbid=150412588360990&set=a.146120542123528.34827.146115328790716&type=1&comments
لأنه اكبر من مساحة التعليق... او ده www.facebook.com/IntellectualWhirlwinds.
و شكرا ليكي و ليكم جميعا لأهتمامكم... على فكرة مش انتي بس اللي هتنزلي و مش هتكوني لوحدك بإذن الله

mody200639 said...

العزيزه.. نواره.. والغالي... بلال... والاخوه مفجري ومفكري ثورتنا الغاليه اعذركم جميعالقلة خبرتكم وصغرعمركم ولكن الامل كل الامل في صدقكم وصدق احساسكم.. فمنذ الاىام الاولى للثوره المذهله للجميع مؤيدين ومعارضين بدأت وضع خطة الاحتواء وشربتوا للاسف جميعا الطعم وبداتوا تقولوا هل من مزىد...من اول تحية الشهداء وحتي الاخبارالمسربه والتي كثرت في الايام القليله الماضيه الموضوع يدار بعنايه وللاسف الثوار ومفكريهم اصحاب نوايا طيبه ولكن قي الثورات لاتوجد نوايه حسنه او حنيه او حلول وسط...سجلوا واكتبوا الاحداث من يوم28يناير وحتي اليوم وستجدوا كل شئ ممنهج ومرتب يؤدي لشئ واحد وهو افشال الثوره وافقادها التايد الداخلى والخارجي واظهار السلبيات ولن ازىد رتبوا الاحداث وردود الافعال لحماتها كما يدعوا وانتوا هاتفهموا الموضوع مش محتاج عبقريه ... الثوره لم تنتهي الثوره بدأت فقط والتقطت النفس والمفروض ان تمضى للامام واياكم ان تثقوا باي انسان اي كان تولي قياده او منصب هام في العصر البائد ان اردتوا النجاح فالقادم اصغب القادم اسؤء ولسه وياما في الجراب ياحاوي وعاشت مصرنا دائما حره

جبهة التهييس الشعبية said...

انا ولا اتهمت الجيش بالخيانة ولا هددته

عشان انا لو عارفة انه خاين ما كنتش قلت له يرجع ثكناته

كنت طالبت بمحاكمته

ولو عايزة اهدده ما كنتش اتكلمت بالحنية دي

دي اخر حنية عندي في ظل الافراج عن كل الفاسدين وتقديم الثوار لمحاكمات عسكرية

دي اخر حنية عندي في ظل لوي الدراع بالازمة الاقتصادية والتلميح باننا ما نقدرش نحاسب الفاسدين عشان محتاجين فلوس

دي اخر حنية عندي في ظل ان الشرطة تنزل تضرب الشعب وتقولهم: خلو الثورة تنفعكم، والجيش واقف في ضهرها يحميها

دي اخر حنية عندي في ظل بالونات الاختبار اللي حرقت لنا اعصابنا

دي اخر حنية عندي في ظل الخطاب الاعلامي المتعمد عشان يكره الناس في الثورة

دي اخر حنية عندي في ظل اعتراف المشير ان مبارك طلب منه يقتلنا وهو رفض ومع ذلك رافض يحاكمه محاكمة عسكرية بتهمة الخيانة العظمى

دي اخر حنية عندي في ظل ان اللواء محمود نصر قالي احنا مش ثوار احنا جيش ومش بنفهم غير في ضرب الرصاص

دي اخر حنية عندي في ظل التباطؤ في حل مشكلة الفتنة الطائفية وعدم التدخل لحماية الكنائس وفي نفس الوقت تقديم 186 شاب للمحاكمة العسكرية بتهمة التظاهر قدام السفارة الاسرائيلي

للصبر حدود
للصبر حدود
وانا شخصيا الاطول بالا والأأدب خطابا والاحن لدرجة العلوقية

ولو عايزة اهدد كنت قلت وش، ما بالفش وادور انا زي ناس

انا باقول اللي في قلبي بصراحة
وانا قلبي لسه علق ولسه عايزة القوات المسلحة تحتفظ بتماسكها وهيبتها وصورتها الحلوة في اذهان المصريين وفي ذهني انا شخصيا

ويا اخ متفائل... مش حتلاقوا واحدة تحبكوا وتنصحكوا لمصلحتكوا قدي

اسمعوني تكسبوا... بدل ما تسمعوا الست ام برنيطة

نورت المدونة

محمد نبيل said...

أنا مع مجلس رئاسى مدنى لأن المجلس العسكرى أثبت بما لا يدع مجالا للشك تواطؤه وتلاعبه بالشعب ومطالب الثورة.

Nader Gad said...

بلاش نتكلم بالمشاعر وخلونا نحسب كل شئ بالعقل مثل من يلعب شطرنج ----- فى مماطلة فى حساب الفاسدين من عدة جهات مش مهم مين يماطل احنا تحت يدنا فاسدين ---- لو جهه لها حجة ان الخليج يضغط لعدم الحساب للفاسدين الرد يكون احنا لايحكمنا حكام الخليج احنا شعب كريم ولانقبل اى طرف يتدخل فى شؤننا الخاصة ---- خلينا لانفكر باسترداد الفلوس المنهوبة لاانها لن تسترد بااى حال من نهبها نهبها لينعم بها لن ندعه ينعم بها قم قهر شعبنا الخلاصة علشان البلد دى تفوق محاكمة ثوريه لكل فاسد بتهمه الخيانه العظمى ويعدم ونطهر البلد ونبتدى من جديد بلد مفلسه لكن معها قوة وامل شعبها يعيدها بسرعة وقوة للمسار الصحيح واول القوانين التى يجب ان تسن للمرحلة القادمة توجييه تهمه الخيانه العظمى لمن يستغل منصبه فى التربح وافساد الحياة السياسية ولااحد فوق القانون----- اما التحايل على الشعب وكسب الوقت بمحاكمات للفاسدين حاتستغرق وقت طويل ولن تعود بااى عائد سوى تفتيت الثورة ------ لاانجاح الثوره لازم محاكمات ثوريه وتطهير البلد من كل الفاسدين اعداما مهما كانت الخسائر الاقتصادية فى هذه المرحله لكننا سنعود بعدها بقوة لااقتصاد اقوى وشعب انظف بدون فاسديه

wealy2003 said...

كل ما اقول خلاص الدنيا مشى حالها و اتفائل ارجع تانى تتغم نفسى من اللى بسمعه و اشوفها .. افرجها يا رب لجل حبيبك النبى !

محمد نبيل said...

الى الأخ متفائل : الجيش مايقدرش يضرب فى الشعب زى ما انت بتدعى، حيحصل انشقاقات فيه واللى حيرضى يضرب فى الشعب مش حيقدر يصمد والدبابات والمدرعات حتبقى عبارة عن

sitting ducks

وحيتعمل فيها زى ما اتعمل فى عربيات الشرطة والأمن المركزى وعربيات الشرطة العسكرية اللى نقلت ذخيرة للشرطة

قيادات الجيش ماكانتش تقدر تعمل غير اللى بتعمله دلوقتى، تحتوى الثورة

Bondok said...

حسأل نفس السؤال الي سألته قبل كده - من انجح دول اوروبا اقتصاديا هي سويسرا - يا ترى مين رئيسها؟؟ و بعد ما نعرف مين الرئيس ايه رأيكم في اقتصادها و هل هي بلد آمن ولا لأ؟---على فكره انا كنت داخل ارد على الأخ متفائل بس لقيتك قمتي بالواجب

محمد نبيل said...

على فكرة الجيش عنده ادارة للشئون النفسية من أهدافها السيطرة على الرأى العام وتوجيهه، الناس دى مش بتتحرك جهجهونى، دول عندهم امكانيات بيستغلوها لأغراضهم فلازم نبقى صاحيين لهم كويس.

محمد نبيل said...

الى الأخ متفائل أيضا، نسيت أقول كمان ان لو الجيش ضرب فى الشعب حيحصل عليه عقوبات وحظر تسليح

smsem_87 said...

-الافراج عن ابراهيم كامل والغمراوي واخلاء سبيلهم من موقعه الجمل
- فصل 9 طلاب من المعتصمين في كليه اعلام
-تحويل 3 دكاترة في كليه اعلام لمجلس تاديب عشان بيساندو الطلاب المعتصمين
التصالح مع سوزان مبارك
-الافراج عن فتحي سرور في قضايا لكسب غير المشروع
-انشاء قانون للمصالحه مع رجال الاعمال
-حركه المحافظين الفاشله
-ما زال جميع اعضاء الحزب الوطني في مناصبهم كعمداء للجامعات ورؤساء للجامعت كرؤساء للهيئات الحكوميه كا محافظين كرؤساء للشرطات
انتبه أنتبه أنتبه أنتبه أنتبه
دم الشهداء سيضيع هدر
الثورة لم تحقق مطالبها لقد اسقطنا راس النظام وديوله مستمرة
ما معني دعوه كل رموز النظام الفاسد في اجتماع للمجلس العسكري
ةاخيرا فضيحه طنطاوي وده يوضح ليه مبارك مش حيتحاكم هوه وولاده وليه فلوسنا مش حترجه
http://www.youtube.com/watch?v=28YVHmp2iYM&feature=player_embedded#at=58

Wael said...

.مش عارف ليه قلقان

Ibrahim said...

يا نوارة مش هنفرط في الديمقراطية
لا للمجلس الرئاسي
نعم لبرلمان و رئيس منتخب !!!
يعني أيه مجلس رئاسي منتخب !!!

هوا إحنا فاضيين ننتخب كل أربع ايام !!!

إحنا نضغط فقط للتعجيل بالإنتخابات

حـنــّا السكران said...

بتحبّي و بتعشقي من واريا يا نوّارة؟؟ يا شماتة الأمن العام فيّا.

http://www.al-akhbar.com/?q=node/12427

حسني مبارك الا ظلمتوة said...

انزلوا الميدان ولا شيئ هيتغير ومبارك العظيم عمرة مهيتضرر وكل الا في طرة هيطلعوا براءة ملحوظة الواد الا اسمة shero انت واضح عليك يا shero انك سالب جهز نفسك

prof-osama said...

سيدتى الفاضلة رجاء الا تنزلقى الى اسلوب السيدة بثينة كامل صاحبة اعلى درجات الشطط العقلى قى التحريض ضد المؤسسة العسكرية والتشكيك فى نوايها بكلام مرسل يعطى فرصة تاريخية لفلول العصابة الاجرامية الهالكة ان تستغل هبات التهور والمراهقة السياسية بدأ من الغد... وياريت متخدش سيادتك الجلالة قوى فى الدفاع عن مظاهرات مغلفة بنوايا حسنة زى مظاهرة السفارة الاسرائيلية التى جمعت من هم وطنيين ومن هم حثالة وهجامين.. وياريت فية استاذ تانى هو بحق احد اهم رمز الثورة المصرية هو الاستاذ ابراهيم عيسى ياريت ناخد بالنا من كلامة القاطع بان عبث التظاهر خارج اطار القانون مجرم فى كل الدول الديموقراطية والا فرجينى كدة جدعنتك فى فض اعتصام ماسبيرو واحب افكرك بدعوتك انك رايحة هناك وهتقفى معاهم ووحدةمسار ومصير وكلام لم يتحقق منة شىء فى ظل احد اسؤ التجمعات الطائفية فى تاريخ مصر .. روقى يا ست نوارة واقعدى تانى مع الكبار بحق العوا وعيسى لانهم ضابطى ايقاع هذا الوطن الحقيقين

Ibrahim said...

هأكتب تاني يمكن أول تعليق ما اتنشري

لا للمجلس الرئاسي الديكتاتوري النخبوي المعين

لا لعمر سليمان جديد (( اللي شايف الشعب غير مؤهل للديمقراطية ))

فقط برلمان و رئيس منتخب ، نضغط من أجل التعجيل به ، نضغط من أجل كافة الضمانات للنزاهة و الديمقراطية الحقيقية

لا للالتفاف علي اختيار الشعب في الاستفتاء

لو قبلنا مرة نضحي بالديمقراطية تحت أي اسم هنضحي بها طول عمرنا

Ibrahim said...

هأكتب تاني يمكن أول تعليق ما اتنشري

لا للمجلس الرئاسي الديكتاتوري النخبوي المعين

لا لعمر سليمان جديد (( اللي شايف الشعب غير مؤهل للديمقراطية ))

فقط برلمان و رئيس منتخب ، نضغط من أجل التعجيل به ، نضغط من أجل كافة الضمانات للنزاهة و الديمقراطية الحقيقية

لا للالتفاف علي اختيار الشعب في الاستفتاء

لو قبلنا مرة نضحي بالديمقراطية تحت أي اسم هنضحي بها طول عمرنا

Ibrahim said...

هأكتب تاني يمكن أول تعليق ما اتنشري

لا للمجلس الرئاسي الديكتاتوري النخبوي المعين

لا لعمر سليمان جديد (( اللي شايف الشعب غير مؤهل للديمقراطية ))

فقط برلمان و رئيس منتخب ، نضغط من أجل التعجيل به ، نضغط من أجل كافة الضمانات للنزاهة و الديمقراطية الحقيقية

لا للالتفاف علي اختيار الشعب في الاستفتاء

لو قبلنا مرة نضحي بالديمقراطية تحت أي اسم هنضحي بها طول عمرنا

جبهة التهييس الشعبية said...

بلغني ان الاخ متفائل مش من الجيش

بيقولوا: ده مش احنا ههههههههههههه

Xkandarany said...

في ١٩٥٢ الجيش عمل ثورة و الشعب وقف معاهم .في ٢٠١١ ،الشعب عمل ثوره والجيش إشتغلهم

منى حسن said...

ح أقولك يا نوارة
ده اللي كنا بنقوله من الأول ونزلتي شتيمة فينا وفضلتي رافعة لواء ايد واحدة .. قلنا إنهم لم يمنوا علينا بل أصلا حيادهم ده كان جريمة في حق شعب اقسموا على حمايته ومع ذلك وقفوا يتفرجوا عليه وهو بيموت في الميدان على أيدي بلطجية الميدان
ما علينا الحل الوحيد الآن هو المجلس المدني.. يطلعوا نفسهم من الحرج والأزمة السياسية اللي وقعوا نفسهم فيها ومفيش حل غير ده أبدا لأننا مش ح نسكت على أى أى اهانة أو اعتقال أو ضرب أو قتل زى ما حصل وسكتنا عليه مرغمين ولما اتكلمت\نا قالوا بنوقع بين الجيش والشعب
تسلم ايديكي

prof-osama said...

سيدتى الفاضلة رجاء الا تنزلقى الى اسلوب السيدة بثينة كامل صاحبة اعلى درجات الشطط العقلى قى التحريض ضد المؤسسة العسكرية والتشكيك فى نوايها بكلام مرسل يعطى فرصة تاريخية لفلول العصابة الاجرامية الهالكة ان تستغل هبات التهور والمراهقة السياسية بدأ من الغد... وياريت متخدش سيادتك الجلالة قوى فى الدفاع عن مظاهرات مغلفة بنوايا حسنة زى مظاهرة السفارة الاسرائيلية التى جمعت من هم وطنيين ومن هم حثالة وهجامين.. وياريت فية استاذ تانى هو بحق احد اهم رمز الثورة المصرية هو الاستاذ ابراهيم عيسى ياريت ناخد بالنا من كلامة القاطع بان عبث التظاهر خارج اطار القانون مجرم فى كل الدول الديموقراطية والا فرجينى كدة جدعنتك فى فض اعتصام ماسبيرو واحب افكرك بدعوتك انك رايحة هناك وهتقفى معاهم ووحدة وكلام لم يتحقق منة شىء فى ظل احد اسؤ التجمعات الطائفية فى تاريخ مصر .. روقى يا ست نوارة واقعدى تانى مع الكبار بحق العوا وعيسى لانهم ضابطى ايقاع هذا الوطن الحقيقين

Rasha said...

yeslem foumek ya nawara, I was sad from you for a while after the revolution, but now I'm so proud of you. you have to go to the people , that is the way to get what we want.
BACK TO TAHRIR SQUARE. THAWRA THAWRA HATA EL NASER.

salma dodin said...

allah ye7meekee ya masr!
ana ba7eb a2aked 3ala kalam el ragel ele 2al shofo aye 7aga ne2dar ne3malha men bara.
e7na kolena edeena 3ala albena..mosta3deen ne3mal aye 7aga

DOLA said...

يارب قوينا على تحمل هذة الكوابيس
لاني مش مصدق ان حلمنا بيسرقة مننا اعز شئ عندنا اللي بنسمية عزنا وصرحنا وحضننا سامحكم اللة وانقذ مصر الغالية من كيد الكائدين ياخسارة

hazem said...

طظ فى الجيش

hazem said...

يا نوارة الجيش شريحة عشوائية من الشعب
يعنى فيها المسلم وفيها المسيحى
يعنى فيها الكويس وفيها الكويس قوى
يعنى فيها اللى مثقف وبيفهم جدا وفيها اللى بيفهم عادى
لذلك الثقة المطلقة غير مطلوبة
ولذلك كنت اعتقد انك انتى وبلال فضل كنتوا مخدوعين بثقتكم التامة فى الجيش
لكن الحمد لله رجعتوا لعقلكوا
ناقصهم بس يبطلوا استخفاف بعقولنا يعاملونا كما لو كنا ناس بتفهم
اكيد سلوكهم حيتغير والامور حتبقى احسن لكن للاسف انا دخلت الجيش وعارف ان ده مستحيل
الحل هو مجلس رئاسى

arabian_faithful said...

أنتى بتقولى أوعوا نتفرق !!أحنا خلاص أتفرقنا من أول ماكل حد بقى مفكر نفسه طالما بيحب البلد يبقى هوا اللى عارف مصلحتها و رأيه هوا الصح و طز فى الناس الظاهر أن الناس هيا اللى دايماً حتفضل فى خانة المفعول به فى البلد دى عموماً يارب يكون أى تصرف بتدعى ليه لصالح البلد و أكون أنا اللى غلطان و أنتم أحرار و اللى نفسه يموت و عامل فيها فدائى و شهيد الوطن ياريت بس ساعة الجد يفضل راجل و ميقلبش أصل والله العظيم الكلام سهل أنما ساعة الجد للأسف أنا شفت مين اللى بيروح ساعة الجد و مين برده اللى بيجرى و بعدين يعمل بطل و ثورى عموماً أحنا فعلاً أتفرقنا من ساعة ما أنتشرت سياسة لوى الدراع ألا أنا عندى سؤال لو نزلت مظاهرات فى مصر تطالب بترشيح أحد أعضاء المجلس العسكرى فى الإنتخابات الرئاسية أيه رأى حضرتك ساعتها!!!

gogo said...

وبعدين بقى فى العك ده ... نواره الصفحة بتاعت ثورة الغضب الثانية اللى انتى حطاها عندك ع الفيس بتقول المطلب الاول مجلس رئاسى مدنى واحنا بنقول لألألأ مش عايزين مجلس رئاسى متخلوش الناس تنقسم وبدل ماهننزل كلنا علشان اهداف واحدة هنتفرق ونتقسم ... وكمان ف نفس الصفحة حاطين فيديو اسمه ( ظباط الثورة الذين كشفوا حقيقة المجلس العسكرى ) .. خيييير هى نوارة نجم قلبت عمر عفيفى رفم اتنين .... وبعدين الاخ اللى بيقول الجيش مايقدرش يضرب وهنعمل فيه زى الامن المركزى بقوله ابقى اتغطى وانت نايم مين اللى ميقدرش يضرب وكان ايه اللى هايمنعه يعمل زى جيش ليبيا وسوريا ويضرب ف الناس بالدبابات والمدرعات غير لو هو مش عايز يعمل كدة ولا كنت هاتخوفو بالطوب فاهيجرى ... بلاش نعك علشان الحكايه مش ناقصة اللى احنا عايزينه نقوله ونعمله بس بالعقل والنبى

محمد نبيل said...

هيثم أبو خليل : المجلس العسكري والشعب ..ليسا أيد واحدة ..!

http://elbadil.net/%D9%87%D9%8A%D8%AB%D9%85-%D8%A3%D8%A8%D9%88-%D8%AE%D9%84%D9%8A%D9%84-%D8%A7%D9%84%D9%85%D8%AC%D9%84%D8%B3-%D8%A7%D9%84%D8%B9%D8%B3%D9%83%D8%B1%D9%8A-%D9%88%D8%A7%D9%84%D8%B4%D8%B9%D8%A8-%D9%84/

torero said...

http://www.youtube.com/watch?v=k3b6ud7RXK0&feature=player_embedded#at=576

btkhekhaweaykalamtoz said...

اية دة يانوارة انا شايفك ماشية في سكة غلط طالما حكم القضاء ببراءة فلان خلاص انتهي ويبقي نزولنا الي التحرير هو الا غلط لاننا كدة فعلا بنساهم في الفوضي ويبقي الا بيقولوا ان الا حصل في مصر مخطط لة امريكيا بما يسمي الفوضي الخلاقة عنهم حق احنا نزلنا الميدان وشيلنا النظام انتهي دورنا كدة خلاص ولازم نثق في القضاء والا نكون من بتوع الفوضي الخلاقة مش كدة والا اية وساعتها الجيش هيضربنا ويكون لية حق

negmat lail said...

واقالة قيادات الداخلية المتهمين بقتل المتظاهرين والمطلوب منهم الآن حفظ الأمن ومنع الفتن

negmat lail said...

ومش عايزين سلفة من امريكا ولا البنك الدولي ولا غيره

negmat lail said...

مش وقت مجلس رئاسي دلوقتي ما تطلعيهاش في مخ الناس لأن الوقت مش مناسب خالص الانتخابات قربت و مش حنعيده من الاول..هما بس يقيلوا القط اللي ماسك مفتاح الكرار في وزارة الداخلية

Long Life,four wars said...

نوارة أنا من فلسطين وهذه المرة الأولى التي أعلق فيها عندك رغم انني أتابعك يومياً وأنتظر كل ما تكتبين ..فقط أريد أن أعلق على قولك"اشمعنى هم وانا لا؟انت زعلان مني؟"
نحن نحبك كثيراً أكثر مما يمكن أن تتخيلين بل أنت لا يمكن للإنسان إلا أن يحبك مهما اختلف معك في بعض أفكارك بالعامية قديش مصر عظيمة؟نوارة هي عظمة مصر وأجمل تعبير عن عظمة مصر فلا تفكري بذلك الكلام مرة أخرى أرجوك حفظك الله لمصر لتكون مصر كما تحبين وحفظك الله لنا

nana said...

على فكرة احنا مستحيل نكره الجيش و مش عاوزينهم يمشوا ولا عاوزين مجلس رئاسى مدنى.و الجيش هو الجهة الوحيدة اللى تؤتمن على مصر و ثقتنا فيهم مالهاش حدود.
ثانيا : الناس اللى حاولت تقتحم السفارة دول عاوزين يعرضوا مصر لكارثة و الامن كانوا هنا بيدافعوا عن امن مصر القومى مش عن السفارة الاسرائيلية فما فيش داعى للنظرة السطحية للأمور
و على فكرة معظم الشعب ايدوهم فى
استخدام القوة مع دول

غالبية الشعب يؤيد استخدام القوة مع البلطجيةو مثيرى الخراب و الفتن و ما ينفعش نشجع الخراب و نزعل و نعترض لما يتم استخدام القوة مع المخربين ..مصر فى مرحلة صعبة جدا و الا هايبقى الاعتصام و قطع الطرق و التعدى و الاستهتار بأمن مصر هو الموضة و كل واحد يعمل اللى هو عاوزه و تبقى سداح مداح
..مصر فوق الجميع
ثالثا بما انك بتقولى تقدرى تجمعى التبرعات و تقودى الحملة دى ..يبقى انتى مستنية ايه ؟؟؟مش لازم تستنى اما حد يطلب منك او يقولك مصر محتاجة كام و لو ان كلنا عارفين محتاجة كام .

السلام عليكم said...

هى دى المشكله اللى احنا اتحطينا فيها على فكره موضوع المجلس الرئاسى ده مرفوض ومهما كان الجيش مش على قد احلامنا المجلس الرئاسى بقى حيبقى مصيبه وش بكل المقايس والشعب لن يقبل بيه وبدات لو فيه البرادعى اللى هو فى نظر الشعب المصرى السبب الرئيسى والاساسى لغزو واحتلال العراق حتقولوا مش ضحيح ماشى بس خلاص الناس لزق فى دماغها كده وبعديين مين اللى عايز المجلس الرئاسى واللى اصلا بيدفع الاحداث فى سكه اختيارالمجلس الرئاسى من يوم ما الشعب قال كلمته فى ااستفتاء بنعم الشعب اللى هو امى وجاهل معلش مجلس رئاسى دلوقتى زى ما يحى الجمل وساويرس وعمرو موسى وعمرو حمزاوى وبتوع كارينجى وبتوع سفاره الامريكيه وبتوع الشعب جاهل مينفعش الجيش بقى عندنا احسن منهم 100 مره يبقى ايه يبقى التحرير و كافه المياديين علشان التسريع ةوالضغط احنا مبنزهقش لكن حتقولوا مليونيه علشان مجلس رئاسى كويس برضه بس الناس اللى مش عايزه المجلس الرئاسى مش حتنزل ويبقى استفتاء جديد وتقسيم للشعب ونداء للاحزاب الاخوان المسلميين مش البعبع اللى انتم فاكرينه مش علاشان هم كويسين علشان ملهومش الشعبيه اللى انتم متصورينها الناس برضه متاثره بالدعايه المضاده ليهم اللى كان مبارك بيعملها انزلوا انتم الشارع واتكلموا كويس مش علشان انتم كساله ومش عايزيين تشتغلوا عايزيين تقلبوا الترابيزه على الكل وكلموا الناس من الاخر كده بدون استهانه بالدين اللى بيستهيين بالدين الناس مبتسمعوش اصلا مش عاجبكم السلفيين علشان مش فاهميين الاسلام صح والا علشان بتكلموا بالاسلام افهموا انتم الاسلام صح علشان الناس تسمعكوا لكن باقصاء الدين بالكليه لن تجنوا شئ

Ahmed . M . Abdulrahman said...

كلام سليم

كلام جميل

فى حاجه لازم تعرفيها

لسه فى ناس خيفين بعد الثوره

فى جمهور عريض منزلش يتظاهر

انا شفت دا بنفسى

لما مدينه تعدادها 603,787 الف نسمه

و مينزلش يتظاهر فيها غير 10000 الاف واحد

وانا عارف ان فى اعداد اكتر كانت ممكن تنزل

يبقى لسه فى خوف

لما مدينه تبقى معزوله عن الواقع

او تقريباً ارض للارهاب

يبقى فيه خوف

مش خوف عادى

لازم مصر كلها تخرج مش ميدان التحرير

ميدان التحرير بدأ يتحول ل هايد بارك

مسكن لألام الثوار

الثوره ثوره مصر

و كل بلد ضحت بلى فيه النصيب

لا كن لازم احساس الثوره يدب تانى فى كل فروع مصر

التحرير اصبح مكان معزول

الناس عندى متعرفش اى حاجه فى اى حاجه

الاتحاد الاتحاد الاتحاد

السبب الى خلا الثوره تنجح هى

قياده الافكار

انا قلتلك قبل كده ان لازم يبقى فى قياده مركزيه

لاكن

انا معرفش الكلام اقنعك ولا لأ

ولاكن الى خلى الثوره تنجح هو ان الناس اتجمعت على افكار و مطالب وحده

و بدأ ضرب الشرطه

فالناس اخذت بالها

غير كده والله محد كان حاسس بحاجه

انا صحبى مكنش مصدق ان فى ثوره

يوم 28 كان عاوزنى اروح اكل معاه حمص الشام

لولا انه عرف ان فى حظر تجوال

و ضرب النار اشتغل

مكنش حياخد باله

بعد كده الناس كلها انتبهت

لاكن لما الزخم انتهى وكل واحد راح نام فى بيته

و كل واحد اعد فى الكرسى الجديد

و كل واحد اعد يستعرض تاريخ " كفاحه "

كانت الناس عندى مش حاسه بحاجه

و مش حاسه بحاجه يعنى مش حاسه بمسئوليه

مش حاسه انها ممكن يبقى لها دور فعال و مؤثر

فى فعلا عيال عل تويتر
و الفيس بوك

بيصيحوا جامد

انا نفسى بعد ابعتلك فى رتويتات لما بزهق

و عاوزين يعملوا ثورجيه

عامه هم ممكن يبقوا ثورجيه ولاكن لو عرفنا ازاى نستثمرهم

مش قصتنا فى اللحظه دى لا كن قصتنا فى اللحظه الى جايه

هم مش فهمين اللعبه ماشيه ازاى

لان معندهمش خبره

حل هو التنظيم

تنظيم ثورى حقيقى شعبى يعنى كل واحد يقول افكاره

يقول الى فنفسه

ميبقاش الموضوع ناس بتجرى فى الشارع
وخلاص

انا مقدر جهودك و عارف الضغت الى عليكى

وبجد انا زهقت من الكلام

مش معقوله حنعد نتكلم طول العمر

لازم نغير الاسلوب

ننفذ ثم نتحدث

الله هم انى بلغت الله هم فشهد

لسه فى ناس خيفين

انا بلغتك

انا عندى الاحساس الثورى فى مدينتى " بورسعيد" تقريباً

=
3 ÷ 10

ارجوا تخدى كلامى ب اهتمام

وانا معاكى فى كل كلمه قولتيها

وربنا الموفق

سلام مؤقتاً يا نواره
________________________
الى عاوزنى يجينى
http://misr25jan2011.blogspot.com

محمد نبيل said...

ردا على

gogo

المقارنة بليبيا وسوريا غير صحيحة، فى ليبيا قوات القذافى بتهاجم الثوار فى الطرق المفتوحة بين المدن، لكن هنا مش حيقدروا يصمدوا فى مدن ذات كثافة سكانية رهيبة وفى سوريا مدن كبيرة مش مشاركة فى الثورة ورغم كدة حصل انشقاقات فى الجيش السورى، ودى حاجة قادة الجيش هنا عايزين يتجنبوها

وابقى اتكلم بأسلوب كويس

LogicMind said...

فعلا بلاش اى حاجه تؤدى للفرقه لان المرة دى لو حصلت الفرقه حتكون نهاية الثورة وعوده الظلام..
بس لازم يكون فيه بديل للمجلس العسكرى ولا حنفضل نقول طلبات لمجلس بيدعى انه مع الثورة وافعاله لا تدل على ذلك..
لازم مجلس قيادة للثورة ممثل فيهالجميع والاهم انهم ينتخبوا رئيس مجلس قيادة الثورة..ويتم عمل بيانات للرد على المجلس العسكرى وتوعيه الشعب.. لازم بديل والا نبقى بنلف حوالين نفسنا..المجلس العسكرى حيجر الجيش للانقسام والحرب الاهليه ..لازم قائد للثورة مثل البرادعى له وزنه الدولى او مجلس قيادة الثورة ويقدم طلبات الثوار وعلى رأسها حل لموضوع الشرطه المتعمد عدم حله انهاءموضوع مبارك وحاشيته فى خلال شهر كل دة والناس فى الميادين وياريت لو تشوفوا رأى الاخوان وبلاش لغة التخوين

Mohammed said...

يا نوارة
اهدي أبوس ايدك
علشان خاطري


مبارك والله بيسرب اخبار وبيحط حاجات في الصحف علشان يوقع الجيش والشعب في بعض ده واضح جدا

قلتلك قبل كدة في ميت دليل على ان الجيش معانا


يا جماعة ماهو القانون فيه ثغرات بنت وسخة ومش اول مرة مجرم يطلع بريء

بس مبارك مش هيطلع لانهم مجهزينله تهم كتير جدا وبيتكتكوله

وبيشتغلوا وكأنهم مضغوطين من الشعب علشان اللي يضغط عليهم يقولوله نعمل ايه؟ الشعب عايز كدة وما نقدرش

بس لابد اعتبار الجيش شريك وليس خصم

لان مفيش سينايو تاني يحل محله

من الاخر احنا مضطرين ننافقه لغاية ما يسلمنا السلطة

بس احنا كدة بنربكه وبنلخبطه وبنخليه ما يعرفش يفكر

على الاقل نطالب بمطالب الثورة

بس بلاش شتايم في الجيش

هو يا ست الكل مين هيعين المجلس الرئاسي احنا هنضحك على بعض ما هو المجلس العسكري برضه

هيقولك شخصيات مستقلة
وهيحطلك عصام شرف والجمل ورضوان ومحمود شاهين ومحمود نصار

كدة بقى يبقى احنا عملنا ايه

ماهو مش ممكن نعمل انتخابات عشان المجلس الرئاسي لانها صعب تتعمل

اعقلي يا نوارة

انتي اذهلتيني بعقلك قبل كدة
ايه اللي جرالك

المحاكمات والخرا برضه بنبص لورا
مش بنبص لقدام واللي ورانا
والتحديات الانتخابات

مبارك والله ما هيطلعوووه

نفوق بقى للي قدامنا

ونتخاور مع الجيش ونساعده كشريك وليس كخصم

ما...أم الفلوس اللي هتخلينا نرتبك ونرجع لورا

هتدخلونا في متاهة حرام عليكي فكري تاني

بلال فضل مراهق شوية مش زيك يا عاقلة يا كمل

تاني وتالت ورابع

لو الجيش على سياسة مبارك وزيه ما كانش حصل 3 حاجات

المصالحة الفلسطينية
فتح معبر رفح
تفجير غاز اسرائيل

وأهم حاجة

ماكانوش اجبروا مبارك على التنحي وبداوا كل المحاكمات

اهدي عشان خاطر الشعب
سلام يا نوارة الثورة

كيوبيد said...

نواره يوم بعد يوم باتثبتى انك من افضل عشرة نساء فى مصر دماغك دهب بس دلوقتى المشكله بكره جمعة الاداب اوك كل الناس تنزل الميدان والمطالب واضحه وصريحه وياريت بلاش مطالب فئوية والى شوية ناس على جنب كده ومعهم يافطه عليه كلام فئوى كلنا نكون ايد واحده ومع بعض ومطالبا واحده بس ده كل المطلوب وفيه حاجه تانى مهم اوعى المجلس العسكرى يضحك علينا بشوية كلام البلد لسه فيه قانون طوارى لازم يسرى على تلك الافاعى ولازم اعتذار عن ما حدث اما السفاره الصهيونى لازم لازم والافراج فورا عن كل الى قبض عليهم وبالتوفيق باذان الله

misha و lado said...

ثورة علي كل عسكر مبارك
مدنية مدنية مدنية

الخوجة said...

#JAN25 #TAHRIR #BYEMUBARAK نوارة نجم

حسني مبارك الا ظلمتوة said...

ياجرابيع التحرير ( ودة الاسم الا كل المصريين بينادوكم بة الان ) فضحتكم ستكم وتاج راسكم وولية نعمتكم الست كلينتون وقال بالحرف الواحد نعم نحن من قاد التغيير في الشرق الاوسط والان ستنكوي مصر بنيران الفوضي الخلاقة وانتم اول المحروقيين يا انجس من انجبت مصر يا جرابيع مصر

حبيبة said...

من غير كلام كتير انا نازلة بكرة بأذن الله التحرير لكن موضوع مجلس رئاسى ده مرفووووووووووض تماما مش ناقصين فرقة انا نازلة عشان خلاص قرفت وتعبت انا بقيت اخاف اسمع اخبار لا يكون فيها مصايب

نور الدين said...

كلام جميل بس صعب التنفيذ...مبدئيا بعد الشر عليكي انتي وبلال فضل وربنا يديلكوا طولت العمر بس لو كلنا عشان نرفع اسم مصر لازم نموت كلنا يبقي مصر مش حتلاقي حد يبني فيه ويدور علي حق الشهداء اللي ماتوا ....ربنا تقبل شهدئنا عنده وانا معاكي عقبلنا كلنا ...مين فينا مش نفسه يموت شهيد ...بس لو فكرنا شويه اكيد ربنا ليه حكمه ان ناس زيك انتي وبلال فضل تعيشوا عشان تكملوا اللي الناس دي عملته...ودول دمهم في رقبتنا كلنا لازم نريحهم في تريتهم علي راي اخونا الصعيده وناخد طارهم من حسني وكلابه وانا معاكي بس في جمعة قلة الادب عشان الادب مبيجبش نتيجه باين ....بس في كل ده ليا علي كلامك اعتراض واحد واسمحيلي بيه ...مينفعش الجيش يمشي دلوقتي وموضوع المجلس الرئاسي ده فاشل وحتلاقي كل نص ساعه واحد معترض علي الشخصيات الموجوده ...عشان ده من الاخوان وده كان مره قاعد مع السلفيين وده كان مره دخل كنيسه والهبل ده كله واعتصامات ومظاهرات .....لا مع المجلس ارحم بس نضغط عليه عشان ينفذ مطالبنا ويحاكم المخلوع واللي معاه.... نقرفهم هما احسن مايجي ناس تضيع البلد ....وبعدين هما فاضلهم كام شهر ويرجعوا لاماكنهم بالسلامه ....وربنا يستر.

متفائل said...

بلغني ان الاخ متفائل مش من الجيش

بيقولوا: ده مش احنا ههههههههههههه

طبعاً أنا مش من الجيش ولا حاجة .. لذلك إستغربت بشدة من تعقيبك الذي تواجهينني فيه بذلك (في إستنصاح شديد) .. وجه إستغرابي هو أنك من السذاجة بحيث تتصورين إن كل واحد بيحترم الجيش ويأيده مقدراً أياديه البيضاء على الثورة لازم يكون من الجيش !!! وده منطق غريب جداً ويجافي الواقع .. الواقع الذي يقول أن هناك ملايين غيري ينظرون إلى الجيش بنفس عين التقدير والإحترام ويرون أنه صمام الأمان الوحيد الباقي لهذا البلد برغم كل شيء وقبل كل شيء وبعد كل شيء .. لهذا فليس من مصلحة أي طرف إطلاقاً دفع الأمور لمواجهة بين الشعب والجيش .. وهو أمر لن يحدث إن شاء الله فالشعب أوعى من ذلك بكثير ولن يستجيب لمثل هذه الدعوات الصبيانية

LogicMind said...

انا عايز اعرف مين اسهل فى التخلص منه لو منفذ اللى الثوره قامت علشانه
المجلس العسكرى باحتمال استخدامه الرصاص واحتمال انشقاق الجيش الحرب الاهليه
ولا مجلس رئاسى اذا لعب بديله مظاهرة واحدةتجيبوة الارض...بعد اللى بيحصل ده لازم نفكر كويس والا على الثوره السلام

mahmoud said...

امريكا واسرائيل هما اللي كسروا عين القادة بتوعنا وممكن يكون اللي بيتمارس علي الجيش دلوقتي هو قهر الرجال يمكن معذورين لان الغرب ربا حكامنا علي عدم الاعتماد علينا ماحدش عنده ثقة فينا في الحرب ضباط الجيش والشرطة مسمينا مخنثين الثورة اللي لو اسرائيل حاربتنا حتفرمنا في العلم والاقتصاد دول بهايم يجوا ايه جنب الاجانب ويقدروا ينتجوا ايه ويصدروه الاستثمار وبس ياجدع وعشان قلة ثقتهم في عرقهم واصلهم نفسهم وعينهم مكسورة مع اننا والله خير اجناد الارض ولو اعتمدوا علينا في العلم والاقتصاد وساعدونا حنحولها جنة الارض ولا كسرة النفس والشحاتة والمعونة المشروطة هم عايزنا عاجزين يامجلس ياعسكري بيقولولك اطلب اللي عايزه حيجيلك ماتتعبش وتتعلم وتشقي قشر يجيلك بس امضي علي الورقة دي والاتفاقية دي عايز قمر صناعي يا عالم ياتالت خت وافتخر بس ماتفكرش ومتشتغلش وماتتقدمش واحنا سدادين ده اللي بيحصل مش احنا اللي بهايم صندوق النقد يقول خلي التعليم فاشل واصرفلك مليار وبلاش تحتار انتوا اللي كاسرين عنيكم بنفسكم ياحكامنا ونسيتم علماء العرب ونسيتم اصلكم الطيب ونسيتم انكم علمتم الدنيا كلها زي ماقلتي يانوارة لازم نشجعهم ونقولهم اعتمدوا علينا لازم نرجهم ونفوقهم ونعيد ثقتهم فينا لو عايزنا اسود حنكون عباقرة موجود اخلاص ومثابرة موجود احنا حنغازل مشاعرهم لاخر لحظة عشان يفوقوا من التنويم المغناطيسي وعقدة الخواجة اللي الغرب بيحاول يصورهلهم انا عارف انهم مش بالسذاجة دي بس تراجع امتنا بقي محبط ويهز الثقة واحنا حنرجعها تاني قولي امين

rainmoa_reef said...

اههههههههههههههههههههههههه
انا بعيط والله العظيم
بس فرحان لان انا معرفتش اروح فى 25 بس دى فرصه
وانا من ساععه الجيش ممسك وانا حاسس بكده وزهقان والله العظيم حاجه تعيااااااااااااااااااااااااااط

mahmoud said...

انا عارف ان رسالتي الاخيرة مختلفة عن الاتنين اللي قبلها بس انا افتكرت تاثير الكلمة الطيبة ومش قادر اخون الجيش باعتبرهم اخواتي اللي لو لقيتهم حيغلطوا احاول افوقهم مش اخونهم مع ان ماعنديش اسباب شافية عن اللي اتعمل مع الناس قدام سفارة القرود قلة الايمان بتحول الناس لنوعين نوع بيبقي ذبالة خدام مالوش كرامة عبد لحاملات الطائرات الامريكية مؤمن بعجزه وخيبته ونوع تاني ثقته ساعات بتهرب وبيفزع شوية بس ايمانه بالله بيرجعله اتزانه انا بكلم النوع التاني وغضبي في اول تعليقين كان علي النوع الاولاني والنوع التاني هو ان شاء الله الاغلبية العظمي في الجيش

مصري اصييل مش من جرابيع التحرير said...

الي جرابيع التحرير شكرا لكم تفعلون بالضبط ما نحن نريدة وما حاولنا كثيرا ايام مبارك ان نفعلة ولكنة كان يقف ضدنا لذلك كان لابد من التخلص منة وعشان انتم جرابيع حركاناكم وخليناكم تنذلوا الميدان عن طريق اعوانا وعلي راسهم الجربوع الاجرب وائل غنيم وحركة 6 ابريل والبردعة الكبيرة لذا نتوجة لكم باحر شكرنا وكل ما الفوضي الخلاقة تزيد هنزود الشكر لناس والمعلوم لناس دمتم لنا الراسل عزرائيل كوهيين ظابط المخابرات الاسرائيلي فرع مصر

مصري اصييل مش من جرابيع التحرير said...

الي جرابيع التحرير نرجو تخريب مصر اكتر واكتر والدولارات في الطريق طبعا مش لكلكم انما للقادة بتوعكم وبعد الخراب التام ياريت تبقوا تدوا بقية الجرابيع البلهاء كل واحد كام سنت هيفرحوا لانهم اصلا عاطليين عن العمل الراسل كلينتون الا جزمتها اشرف منكم وزيرة الخارجية الامريكية معلشي نسيت يابقر تسلمولي علي البردعة تعليق هذة صورة خطاب مرسلة من كلينتون لجرابيع التحرير والختم حذاء كلينتون

hassn hamdi said...

لجنة تنفيذية من ممثلين عن كافة القوى والتيارات والاتحادات والجماعات والاحزاب والشخصيات والنقابات والائتلافات الوطنية تنتخب مجلس رئاسي مدني من أربعة خامسهم ممثل للمجلس العسكري أو شخصية عسكرية وطنية من المتقاعدين وهم كثيرون وممكن يكون عصام شرف زي ما هوه رئيس وزرا بس وزارته تتطهر من وزرا الفساد بموافقة واختيار واعتماد اللجنة التنفيذية الممثلة للشعب المصري..والمجلس الرئاسي يكون القرار فيه باغلبية الاصوات وبعد اعتماد اللجنة التنفيذية الممثلة للشعب المصري لأي قرار أو قانون ولابد من اعلان دستوري جديد وقوانين جديدة يمكن بها محاكمة حسني مبارك وعصابته بتهم الفساد السياسي والجنائي والتربح من وظائفهم ومصادرة كافة املاكهم وحل أمن الدولة تماما وهيكلة الشرطة والافراج عن جميع المعتقلين وتشكيل لجنة وطنية تتولى ملف الامن ولجنة اخرى تتولى ملف الفتنة الطائفية..القرار لابد أن يكون للشعب واي مجلس رئاسي أو حكومة أو غيره عليها فقط تنفيذ الأوامر وتبوس الايادي وتحمد ربنا اننا راضيين عليها..
اذا المجلس العسكري رفض بإذن الله نمتلك اللي نقدر نخلعه ونحاكمه بيه كمان ونحط مجلس أعلى للقوات المسلحة بس وطني فعلا ونزيه فعلا ويحمي الثورة ومصر فعلا مش بالكلام الماسخ اللي زهقنا وحذرنا منه

hassn hamdi said...

لجنة تنفيذية من ممثلين عن كافة القوى والتيارات والاتحادات والجماعات والاحزاب والشخصيات والنقابات والائتلافات الوطنية تنتخب مجلس رئاسي مدني من أربعة خامسهم ممثل للمجلس العسكري أو شخصية عسكرية وطنية من المتقاعدين وهم كثيرون وممكن يكون عصام شرف زي ما هوه رئيس وزرا بس وزارته تتطهر من وزرا الفساد بموافقة واختيار واعتماد اللجنة التنفيذية الممثلة للشعب المصري..والمجلس الرئاسي يكون القرار فيه باغلبية الاصوات وبعد اعتماد اللجنة التنفيذية الممثلة للشعب المصري لأي قرار أو قانون ولابد من اعلان دستوري جديد وقوانين جديدة يمكن بها محاكمة حسني مبارك وعصابته بتهم الفساد السياسي والجنائي والتربح من وظائفهم ومصادرة كافة املاكهم وحل أمن الدولة تماما وهيكلة الشرطة والافراج عن جميع المعتقلين وتشكيل لجنة وطنية تتولى ملف الامن ولجنة اخرى تتولى ملف الفتنة الطائفية..القرار لابد أن يكون للشعب واي مجلس رئاسي أو حكومة أو غيره عليها فقط تنفيذ الأوامر وتبوس الايادي وتحمد ربنا اننا راضيين عليها..
اذا المجلس العسكري رفض بإذن الله نمتلك اللي نقدر نخلعه ونحاكمه بيه كمان ونحط مجلس أعلى للقوات المسلحة بس وطني فعلا ونزيه فعلا ويحمي الثورة ومصر فعلا مش بالكلام الماسخ اللي زهقنا وحذرنا منه

mahmoud said...

انا اسف اني رغيت كتير النهارده بس هي بتيجي بظروفها اللواء اسماعيل عتمان قال جيش مصر قوامه من الشعب ومافيهوش مرتزقة وان مش عارف كان قصده ايه لان دي حقيقة فما الداعي لذكرها المهم انا باكد علي كلامه مش جيش مصر اللي يضرب شعبه ويخوفه شبيحة واقفين وراه يقتلوا اللي ماينفذش الاوامر شعب مصر غير وجيش مصر غير ورجالة مصر غير وربنا مع اخواتنا في سوريا وحق شرفكم العسكري ياجيش مصر اعلنوها كرامة وحرية وعدل وحق كل نقطة عرق في تدريب وحق كل ثانية بعد عن اهلكم في الصحرا ايه فايدة الاستعداد والتجنيد لو حنتنازل عن الكرامة ايه ندافع عليه ونتدرب عشانه ولا حتخلوا بتوع الكونجرس اللي بيقولوا المعونة العسكرية رخيصة قصاد ماوصل ليه الجيش المصري من احترافية كانهم بيتكلموا عن جيشهم يطلعوا صح انا مصدق انكم مش خونة عشان وماعرفش الامريكان بيراهنوا علي ايه بس احنا رهانا علي رجال مصر وشرف وايمان المصريين واحنا اللي حنكسب ان شاء الله لو فرطنا في الكرامة يبقي مافيش معني للتجنيد والتعبئة والمناطق العسكرية والتدريب لاننا حنخسر حنخسر الكرامة والعدل ياجيش مصر

hardway said...

الي الاخ /متفائل
لازم تعرف ان نوارة الحنية..الحنونة
بتدخل المدونة باسم shero said...
وكذلك باسم الفوريجي لتهاجم من يتصدي لها
أنت مصدق انها ديمقراطية ده لقمة عيش ياأخ متفائل
لقمة عيشها كما تري........ولقمة عيش ابوها وامها كمان نفس المهنة.......
كلام فارغ وغير مسؤول..اخر العبط الثوري
حملة تبرعات لانقاذ الاقتصاد الوطني....شفت أعبط من كده ..الحنينة ..الحنونة..
لاتعرف ان قوتها ولقمة العيش للمصريين ليس من انتاج يدها..أكلنا مش من صنع ايدينا
كتك خيبة في اللي علمك الوطنية

hardway said...

الي الاخ /متفائل
لازم تعرف ان نوارة الحنية..الحنونة
بتدخل المدونة باسم shero said...
وكذلك باسم الفوريجي لتهاجم من يتصدي لها
أنت مصدق انها ديمقراطية ده لقمة عيش ياأخ متفائل
لقمة عيشها كما تري........ولقمة عيش ابوها وامها كمان نفس المهنة.......
كلام فارغ وغير مسؤول..اخر العبط الثوري
حملة تبرعات لانقاذ الاقتصاد الوطني....شفت أعبط من كده ..الحنينة ..الحنونة..
لاتعرف ان قوتها ولقمة العيش للمصريين ليس من انتاج يدها..أكلنا مش من صنع ايدينا
كتك خيبة في اللي علمك الوطنية

prof-osama said...

- اللي في شرم يروح طرة
2- واللي اخد اخلاء سبيل يرجع السجن
3- وموقعة الجمل يتحقق فيها
4- والاقتصاد احنا نصلحه ولا الحوجة للسعودية والامارات والكويت
5- وما ننضربش تاني ولا نتهان واللي اخد حكم عسكري يطلع... يطلع
6- والانتخابات ما تتأجلش
بجد انتى شايفة ان المطالب دية محتاجة الهوجة اللى انتى عاملها ما المجرم محبوس وافراد العصابة فى السجن وطرة قريبا هيشرف فيها اما باقى المطالب من نوعية مننضربش تانى والاقتصاد هنصلحة فالحقيقة هى ليها طابع كوميدى ممكن طلبة ثانوى تجارى يقولوة مش ناس عملت اكبر ثورة فى التاريخ الحديث ...ياريت نضيع وقتنا وجهدنا فى مناقشة احداث جسام زى اللى بيحصل فى عين شمس النهاردة واعتصام ماسبيرو اللعين ونناقش قانون الحقوق السياسية بتاع النهاردة.. والا نفرغ نفسنا للمظاهرات مش معقولة اطلع اقول فيها محدش من الجيش يمد ايدة عليا ويضربنى .. واللة مطالب هلس لا تليق اطلاقا

prof-osama said...

ثورة الغضب المصرية الثانية
بعض ارئنا و تحذيراتنا قبل حدوث الاستفتاء و مطالبتنا للجميع للنزول لالغاء الاستفتاء على دستور ساقط اساسا بحكم ان اى ثورة ناجحة ولابد ان يتبعها اسقاط الدستور ... ولكن الهدف الوحيد من الاستفتاء هوة تفريق الشعب الى طوائف متعددة يسهل السيطرة عليها ..... وكان هذا بتاريخ 16-3-2011 للدعوة لجمعة انقاذ الثورة 18-3-2011
فخ الأستفتاء ... بين تؤاطو مجلس و سلبية شعب .... التحرير

دة الكلام اللى كتب فى صفحى ثورة الغضب الثانية .. اسلوب ركيك وقدرة شديدة الضعف على الاقناع بحدث فاشل يقينا .. ياريت بس محدش يصادر راى 77% من شعب مصر ويفتكر انة وشوية المهاوييس الللى معاة هيعملوا حاجة
يااااا على الهمجية والصبيانية بتاعت شوية مراهقين مدعومين من كتاب بقا عندهم شطط عقلى يصل لحد الهذيان ... بجد اللى يحب يدخل يشوف صفحة هزلية وعبيطة يدخل يبصق على صفحة الثورة التانية .. واللة وائل غنيم وصفحتة هى فعلا نبض شباب الثورة الراشدين

mohamed roshdy said...

صوحابي اللي لسه داخلين الجيش بيشتموهم و بيهذقوهم و بيقولوهم انتو بقي بتوع الثورة دا انتو حايطلع .. امكم ليه بيكرهوا جنود الجيش فينا ليه و بعدين بقي يبقي طبييعي بعد كده لما جندي الجيش دا ينزلنا في الشارع و بيضربنا و يكهربنا و يسبلنا ماهو من اللي بيتعمل فيه
ليه بتعملو كده يا جيش ؟؟؟؟؟!!!!
انا زعلان منك يا جيش و زي ما مصر كانت قبل الثورة مانتيش حابيبتي نمن النهارده انتا كمان مانتش حبيبي من النهارده

gogo said...

ردا علي محمد نبيل
واضح ان حضرتك مذاكر ودارس ارض المعركة كويس .. خلاص اتوكل علي الله وابقي طمنا ..
ومالكش دعوة باسلوبي اتكلم زي ماانا عايزة انا ماغلطتش فيك ..
بتوع اللجنة اللي لسة بيدخلوا يشتموا ف الثورة والتحرير انتوا لسة ماانقرضتوش اساسا مواعيد العمل الرسمي بتخلص الساعة ٢ الضهر ولا اليومين دول شغالين اوفر تايم علشان وقت ازمة وكدة

Rasha Ahmed said...

كلامك رائع وبيعبر عن اللي جوه كل مصري شريف عايز البلد دي تتصلح!!!!!!وماكنتش مضايقه من دفاعك عن الجيش عشان ده اللي كان لازم يتعمل في الفتره اللي فاتت بس لما الموضوع بدأ يعك كان لازم وقفه!كل يوم والتاني يخرجلنا واحد من الشله الفسدانه ويقولولنا ما تسمعوش الاشاعات والارصده دي مش حقيقيه والادله مش كفايه!كأننا مش احنا اللي كنا عايشين في البلد دي!!!!!!!!يمكن ناس تانيه!؟بس كل اللي مخاوفني ان الشعب بدأ ينقسم تاني منهم اسفين يا ريس ومنهم اللي سعبان عليه حاله البلد الاقتصاديه ومنهم اللي مش حاسس باي امل في البلد دي! هانعمل ايه لو كل يوم عددنا بيقل؟الحق معانا بس للاسف الظلم هو الاقوي واللي طاغي في البلد دي!!!!!!!!ما انت رحتي ويشفتي الاصناف اللي ملمومين حوالين الجيش؟سامي عبد العزيز؟يانهار ابيض؟؟؟!!!!عادل حموده؟عماد اديب؟امو برانيط؟؟؟؟؟؟وشله جمال!!!!!!!!!الموج عالي قوي قوي !!!

Rasha Ahmed said...

يا بتاع مبارك ياريت تخرج بره اصل هنا للمصريين فقط!!!!!دا لو ماكنتش تعرف؟؟؟؟

Rasha Ahmed said...

يابتاع مبارك ياريت تطلع بره اصل هنا للمصريين فقط!!!!!دا لو ماكنتش تعرف!!!!!!!!

muhammed said...

انا مش عارف راحت فين روح الميدان ، راح فين اللي كان بيجمع الناس، الناس اختلفت ليه؟ فين باقي الثوره؟ ثلاث شهور و نص بعد التنحي ومش لاقيين غير الاسوأ. لازم صوتك يعلى، لازم يوصل لكل الناس وهو ده جهادك، هو ده ميدانك اللي تطلب فيه الشهاده، لازم حد دايما يفكر الناس بمطالب الثوره. انت مسئلتش نفسك انت ليه لسه عايش
مع انك كان ممكن تكون شهيد دلوقتي؟ اكيد ربنا مش مستخسر فيك الشهاده، لكن لسه فيه رساله هتوصلها، كل
واحد له دور لازم يقوم بيه وهتكون شهادته اعظم لو مات و هو بيؤدي دوره و ده لكل الناس وليك ولنواره
وياستي ربنا ينولك منازل الشهداء

mohammed said...

كده أنت بنت عم نجم صحيح . و خلاص سحبنا أغنية حلاويلا منك. نرجع أغنية الجدع جدع. يا نوارة الله يبارك لك ما تخليش العواطف و شكل البدلة الميرى يأثروا على تفكيرك و قرارتك. و مع كامل إحترامى أغلب الى حاربوا فى الحرب يا إما معاش يا إما اتركنوا على الرف. و أديكى شوفتى البطل الشاذلى حصله أيه. المجلس ده من الأخر مجلس بتاع إتفاقية كامب ديفيد و لولا إن الضباط الصغيرين رفضوا غنهم يضربوا النار علينا كان المجلس أمر بالضرب و لا يهمه. و الى بيحصل دلوقتى إن المجلس الموقر بيكره الضباط الصغيرين فينا و يفرقع بيننا و بينهم قنابل دخان تخلينا ما نعرفش نتناقش معاهم و تخليهم ياخدوا عننا أفكار مسبقة. بس حقيقى أنت طلعتى أصيلة زى عمونا نجم ربنا يبارك فى عمره ياااااااااااا رب

qqq said...

موش حنختلف تاني إن شاء الله، حنتعاون و نكون إيد واحدة في نقاط الاتفاق و حنحترم بعض عند الاختلاف و في النهاية الصندوق هو اللي يقرر و الجميع إيد واحدة ينفذ و يبني زي الصندوق ما يقول، مصر هي السفينة اللي احنا عايشين فيها و 85 % من كل اللي على الساحة عايزين السفينة تبحر بسلام لحد ما توصل لشط الأمان و نبقى دولة عظمى إن شاء الله، بالنسبة لل 15% الباقيين فليهم أهداف شخصية أو مصالح أنية و قد يكون قلة قليلة منهم متورطة في تحالفات خارجية بس هو في النهاية موش حيقدروا يعملوا حاجة طول ما ال 85% إيد واحدة و روح التحرير هي السائدة، بالعكس إن شاء الله ال 15% حينصلح حالهم و ينضموا لينا لما يشوفونا إيد واحدة، بكرة في التحرير مطالبنا واحدة و هي:
1- سيادة دولة القانون و وضع مبارك و سوزان في السجن زي بقية خلق الله
2- تطهير الإعلام من صحف و فضائيات رجال الأعمال بتوع عصر مبارك
3- استقالة يحيى الجمل و كل اللي بيحاول يلتف على نتائج الاستفتاء و رأي الأغلبية
4- إيد واحدة ضد الفتنة الطائفية و استمرار سياسة المحاباة و الاستجابة لضغوط الاعتصامات، دولة القانون الكلمة الأولى و الأخيرة فيها للقضاء

ننسى اللي فات و نكون تاني إيد واحدة. كفاية كدة عشان تعبت و معادنا في التحرير إن شاء الله.

megabaraty said...

ياااااه تعبت من التفكير

راحت السكرة و أتت الفكرة

يمكن تسريب محاكمة زكريا عزمي هدتني شوية و أنا شايفه واقف على رجله قدام القاضي هههه

آخر تحديث عجبني موووت

هنروح الميدان ... بس لازم نفتكر إن المكان نفس المكان بس في إختلاف .. اليدان في ال 18 يوم بتوع الإعتصام دايماً هيكون الأفضل .. لأننا كنا في شدة و لأن المواقف تصنعها الرجال.

أما الرجال صنيعة المواقف ما هم غير منتهزي فرص و سارقين أحلام ... و سنجد من يحاول أن يسرق دور البطولة و يعتلي منصة الحرية .

أتفق معك إن المرحلة الإنتقالية تشهد أخطاء ... لكن للأسف الخطاء مشترك من الجميع ... بداية الخطاء كان الإستفتاء و هو من أدار البوصلة .. فقد إتخذت معظم النخبه السياسية إتجاه و جائت النتيجه في إتجاه مغاير تماماً

و فات على المجلس العسكري إن هذه هي طبيعة الثورات .. ففي الحياة السياسية الطبيعية المستقرة .. ترشد النخب الرأي العام و تقوده .. بينما في الثورات تتقدم الشعوب قتسبق نخبها و تجرهم جراً لأفق مختلفة .

و فاتنا أن المجلس العسكري يحسب الأمور بنظام صارم و ما دامت الجموع لم تتبع النخب فهؤلاء لا شرعية حقيقية لديهم ولا تأثير لهم على الشارع.

منذ اليوم الأول و أنا أريد مجلس مدني يحكم .. الحكم العسكري بطبعه لا يتعاطى القضايا بشكل سياسي .. فتتحول الفترة الإنتقالية من قفزات ثوريه و حلول إبتكارية لفترة إدارة أزمة و حلول عرفية و تأجيل حسم كثير من المواقف.

للأسف الحديث عن المجلس الرئاسي في الوقت الراهن هو إنشغال بخيار كان تجاوزته الأحداث و سنصطدم بشرعية الإستفتاء و خوف الإخوان من الإقصاء و دعاة الإستقرار الذين يستصرخون في المجلس العسكري للبقاء في الحكم و إصدار الأحكام العرفية.

لابد من وقفة الاّن لنفهم جميعاً أن كلنا مخطؤن ... و لابد أن نبدأ من الاّن في تقديم النخب و من نرى منهم الحكمة و رجاحة العقل و رغبة صادقة في حماية الثورة .

ليس بالضرورة من يهتف في الميدان و يشحذ الهمم أن يكون قادراً على التواصل و عرض الحلول و رسم الطريق.

و العسكر لا يفهمون الهتاف إلا إذا كان في الطابور أمام العلم .. فلنعترف هم لم يفهمونا و نحن لم نفهمهم.

نحن لا نحتاج لثورة غضب فلم ننه بعد ما بدأناه .. كما لن يفيد الغضب غير في تصدير فكرة العصيان ... ثم لماذا الغضب؟!! .. أنسينا لماذا غضبنا !!!

علينا من الاّن في دعم من نريده كي يكون صوتنا .. و من الاّن .. مجلس إنقاذ للثورة تدعمه كل التيارات و الأحزاب و الحركات الإسلامية ... لا بديل عن المجلس العسكري .. بل بديل لنا .. و لابد أن نبقى نحن في خلفية الصورة نراقب الأحداث و في نفس الوقت لا نطفئ جزوة الثورة في صدورنا ...

أعتقد أن لم يكن منا من أراد لنفسه دور البطوله ... و ليبقى إنقاذ الثورة هو ما يجمعنا بإختلاف أطيافنا

محمد صبرى said...

بديل المجلس العسكري موجود للى بيقول ملوش بديل , و هو مجلس رئاسي مدنى موسع عناصره كفاءات مصر السياسية و الاقتصادية و الثقافية و القانونية و العلمية و الطبية من ذوى المواقف المشهود ليها فى مناهضة نظام الفساد السابق, على ان يكون المجلس ممثل لكل قوى المجتمع الوطنية و الحية .. و اليك باسماء مقترحة , مؤسس حركة كفاية جورج اسحق , المعارض القومى حمدين صباحى , نائب وزير الخارجية الأسبق المستقيل عبد الله الأشعل , سفير مصر ابراهيم يسرى , الأستاذ حسن نافعة ,المستشار زكريا عبد العزيز , المستشار هشام البسطويسى , استشارى الهندسة العالمى ممدوح حمزة ,منافس مبارك 2005 الليبرالى زعيم حزب الغد أيمن نور , المعارض د. محمد البرادعى , الطبيب العالمى محمد غنيم , القيادى الإخوانى عبد المنعم ابو الفتوح , الأديب اليسارى صنع الله ابراهيم , رئيس حزب الجبهة أسماة الغزالى حرب , رئيس حزب الكرامة الناصري فادى اسكندر , و نهى الزينى ... و فيه غيرهم كمان لو تحب اقولك ياللى بتقول المجلس العسكري اللى عينه مبارك مالوش بديل , و احب اقولك دى نفس تهديدات مبارك انا او الفوضى و كل شعب مصر بقى واعى جدا و عارفين انه اللى بيردد الكلام دا هو اللى بينشر الفوضى و بيستفيد منها ... انا مصر على مجلس رئاسي مدنى موسع من ناس مننا حاسا بينا , عارفة تطلعاتنا ,و لازم رموز مصر تقوم بدورها و بمسئولياتهم و لازم يؤكد عليهم انهم يعملوا دا من الميدان ... انا مصر جدا و مش عارف مين معايا ..بس اتمنى اللى معانا يقول

.......

دا ردا ع الجماعة اللى بيقولوا يستحيل نعمل مجلس رئاسي عشان هننتخبه ازاى , لا مش شرط انتخابة طبعا ,اذا راعينا انه يكون ممثل لكل التوجهات, و بعدين دا مجلس رئاسي مدنى محدد الأهداف و هى تسيير الأعمال و الحياة اليومية و استعادة الأمن المبنى على حماية حقوق الناس مش قمعهم و التحضير لانتخاب جمعية تأسيسية ممثلة لكل طوائف و شرايح المجتمع لوضع دستور يتم الاستفتاء عليه مادة مادة, ثم اجراء الانتخابات النيابية و الرئاسية و فقط

........

و شكرا يا استاذ محمد نبيل لانه ردك على متفائل حقيقي فعلا . الجيش مينفعش يضرب اساسا لانه الحالة فى مصر مختلفة فحركة الشعب فعلا أقوى و أضخم فى المدن الكبرى من جهة و من جهة تانية عقيدة أفراد الجيش و ولاءاته مش جزء منها القبلية أو الطائفية, و اذا فكر جزء منهم يستخدم القوة -بمعداتهم التقيلة دى-هيكون مصير الجزء دا اسوا من مصير الامن المركزى خفيف الحركة و المجهز اساسا للتعامل مع الناس حتى فى الحوارى و الممرات الضيقة .و قيادات الجيش فاهمة دا كويس اوى

كمان كلامك عن سعي الجيش لتوجيه الرأى العام و السيطرة عليه حقيقية و واضحة فى كل خطوة بتتاخد .. سواء تخديرية كانت أو خطوات ايهام الناس بالخطر و خلق حالة الهلع المفتعلة للتاثير على معنوياتهم و استغلال الوقت لعزل أكبر جزء منهم عن الثورة و أهدافها
......................

و ياريت يا استاذ متفائل لو الجيش مضايق اوى من النقد يسيب الحكم لمجلس رئاسي مدنى بسرعة لانه قمع حرية التعبير مستحيل تحصل تانى ,الثورة قامت اساسا لانتزاع الحريات و من اهما حرية التعبير, و كل رئيس هيجي لمصر بعد كده على اد ما هيلاقى ترحيب و احتفال باى خطوة ايجابية هيلاقى نقد و توجيه مع اى خطوة سلبية , و دايما من حق اي كان يخالفه و يعترض عليه فى اى وقت ,و كلنا هنحمى حقه فى الاختلاف و التعبير من غير ملاحقته أو حجر على رايه

و يا رب بقى دايما فايقة و مصحصحة يا نواره انتى و بلال

e said...

ﺍﻧﺎ ﻋﺎﻳﺰ ﺍﻋﺮﻑ ﺣﺎﺟﺔ ﺍﻟﻨﺎﺱ ﺍﻟﻠﻲ ﻓﻲﻣﺠﻠﺲ ﺍﻻﻧﺲ ﺩﻭﻝ ﻓﻜﺮﻳﻦ ﺍﻥ ﺍﻟﺸﻌﺐ ﺍﻟﻤﺼﺮﻱ ﺍﻫﻄﻞ ﺍﻻ ﺍﻳﻪ ﻋﺎﻳﺰﻳﻦ ﻧﺴﻘﻂ ﺍﻟﻨﻈﺎﻡ ﻳﺎ ﺭﺟﺎﻟﺔ ﻋﻠﺸﺎﻥ ﺩﻭﻝ ﺑﻴﺸﺘﻐﻠﻮﻧﺎ ﺑﺼﻮﺍ ﺣﺴﺤﺲ ﻭﻋﻴﺎﻟﻪ ﻭﻣﺮﺍﺗﻪ ﻭﻣﻮﺍﻓﻲ ﺍﻟﻌﺮﺹ ﻭﺯﻛﺮﻳﺎ ﺍﻟﺠﻨﺎﻳﻨﻲ ﻭﺍﻟﻌﺒﺎﻟﻲ ﻭﺍﻟﺒﺸﺮ ﻭﻻﺩ ﺍﻟﻬﺮﻣﺔ ﺩﻭﻝ ﻣﺶ ﻓﻲ ﺍﻟﺤﺒﺲ ﻭﻻ ﺩﻳﺎﻭﻟﻮﺍ ﺩﻭﻝ ﻓﻲ ﺍﻟﺤﻔﻆ ﻭﺍﻟﺼﻮﻥ ﻟﺤﻴﻦ ﺗﺼﺮﻳﻒ ﺍﺧﺮ ﻭﺍﻻﺳﺘﻔﺘﺎ ﺩﻩ ﻛﺎﻥ ﺍﻟﻐﺮﺽ ﻣﻨﻪ ﺍﻟﻮﻗﻴﻌﺔ ﺑﻴﻦ ﺍﻟﺸﻌﺐ ﻭﺑﻌﺪ ﻛﺪﺓ ﻃﻠﻘﻮﺍ ﺍﻟﺴﻠﻔﻴﻴﻦ ﻭﺍﻟﺒﻠﻄﺠﻴﺔ ﻋﻠﻲ ﺍﻟﻨﺎﺱ ﻟﺘﺮﻭﻳﻌﻬﻢ ﺍﻟﺜﻮﺭﺓ ﻟﺴﻪ ﻣﺴﺘﻤﺮﺓ

ابن طفيل said...

يا شباب وبا أبناء التحرير إذا جازت التسمية. الشباب والثوار يتكلمون لغة والمجلس يتكلم لغة مختلفة فيه مشكلة تواصل.. والمجلس العسكري صعب عليا ان اشك في وطنيته لكني قد اشك في رؤيته وفلسفته وتناوله للحالة المصرية حتى الآن نحن نرى اصلاحات تمت برمجتها واعلانها في خطاب الرئيس المخلوع .. تعديل مواد دستورية ثم انتخابات رئاسية ، لم يتغير في الموضوع الا اسقاط حكومة شفيق و حل مجلس الشعب والشورى ومحاكمات التهدئة الشعبية.. المجلس يعرف لغة اتخاذ القرار الذي تقف وراءة قوة السيف .. وسيف الشعب هو ميدان التحرير .. لكن نصيحتي هي التنسيق مع المحافظات وتوعية الناس هناك الكثير من الناس لا يدركون معنى وفائدة ما حدث في مصر القوة الحقيقية الأن في الأقاليم وليس القاهرة

nana said...

المصرى اليوم
http://www.almasry-alyoum.com/article2.aspx?ArticleID=297424&IssueID=2141
محاكمة عاجلة لـ٢٥ متهماً فى أحداث السفارة الإسرائيلية اعترفوا باستفزاز الجيش

LogicMind said...

يا اخ متفائل... انت متفائل بأية بالضبط؟؟؟ يبدو انك متفائل ان الجيش هو اللى يحكم!!!
غريبه اوى حكايه شكر كل واحد قام بواجبه!! اللى ينفذ الدستور اللى بيقول الجيش ملك الشعب يبقى عمل الواجب ولا شكر على واجب الا مع العيال فى ابتدائى.. ولنفرض الجيش ضرب بالنار طب ما الشرطه ضربت وانهزمت امام شعب مصر الحاكم الاوجد لمصر... ده غير ان معظم الجيش مع الثوره الا قله يسهل عزلها...كنت فاكرك متفائل بقدرة الشعب المصرى على قهر كل من يريد ان يسرق ثوريه

LogicMind said...

رأى لانقاذ الثورة يستحق التمعن فيه

http://www.facebook.com/home.php?sk=group_154242707966663&id=173109249413342&notif_t=group_activity

nosseir said...

مجلس رئاسى اية؟ انا اصلا مش مستأمن حد من العالم النخبة دول...انا عندى الرئاسة المؤقتة للجيش افضل مائة مرة من ناس يجوا علينا بطيارة فجأة كدة من فوق....ثم هو مش احنا عملنا استفتاء والناس اختارت مسار معين ؟ هنرجع فية؟ هى البلد لعبة؟....وبالنسبة لمبارك...اهو فى الحبس...وانسى تماما فكرة العفو...الجيش نفى الكلام الفاضى دة...وبالنسبة للشباب اللى كانوا عند السفارة...فأى واحد منهم حاول زى ما اتقال يدخل اسفارة عشان ينزل العلم الاسرائيلى بنفسة فدة شاب اهبل وحمار وعايز يلبس الجيش فى الحيط ويحط الجيش بصورة اللى مش عارف يحمى حتة سفارة على ارض مصر...رغم ان انا نفسى مش طايق وجود اليهود بعلمهم على ارض مصر...لكن الامور ما تتحلش بالطريقة الهمجية اللى حاولها البعض

LogicMind said...

مين اللى يختارالمجلس الرئاسى؟؟؟ لازم نفكر بس بعيد عن المجلس العسكرى... سؤال مهم جدا الاجابه عليه

أبو هاجر said...

ست الكل مساء الخير
العودة إلى ميدان التحرير تعبير عن أزمة و ليس حلا
العودة إلى ميدان التحرير يكشف عن انسداد كبير في الأفق جعل الثورة تراوح في المكان .هل المطلوب في كل أزمة تكون العودة للميدان . أم أن الثورة في حاجة ماسة إلى أسلوب تفكير آخر وأساليب عمل أخرى .بمعزل تام عن المؤسسة العسكرية هذه الأخيرة وبحكم تكوينها ومهامها هي مؤسسة محافظة بالضرورة. لهذا لا يعول عليها في عملية التغيير الثوري الذي يحتاج إلى قوى أخرى خارج المؤسسة .أما من يتوسل المؤسسة العسكرية مثل مقال صاحبك فهذا يعود إلى احد أمرين : إما أنه متورط معها، أو يطلب القرب منها . أما حديث الثورة و الثوار فيحتاج إلى طراز من الرجال،و النساء أيضا، ذوي أفق واسع ، يفضلون ركوب المجهول على ركوب دبابة هذا الضابط أو ذاك .
لك أجمل التحيات

ساعي الخير said...

الحل في تأجيل المحاكمات لحين تطهير القضاء من

القوانين الفاسدة و القضاة المرتشين

فاهمين و لا مش فاهمين

و لا ألف مليونية

و لا مليون مظاهرة هتحل حاجة

يا معشر الأغبياء هههههههههههه

تستاهلوا كل اللي يجرالكم أنتم و نوارة الغبية

سوري يا نوارة بس اعمل ايه طيب

و الله العظيم ما ينفع نتوضي بميه وسخة

أنتم مش عايزين تفهموا ليه

أيه الغباوة دي

ثم الجيش ذنبه ايه

قوانين فاسدة و 300 قاضي مرتشي

افهموا بقي مال الجيش و مالكم

ايه بس اللي جرالكم

LogicMind said...

الى PRO_OSAMA

بدل النقد قول حل...قول رأيك فى اللى بيحصل تحت سمع وبصر مجلس الحيش ولا حرك ساكن...قول رأيك فى تصرفات هذا المجلس مش تنتقد فقط دى سلبيه عصر ما قيل 25 يناير اللى ودتنا فى الف داهيه

السلام عليكم said...

احلى حاجه بقى ان مؤيديين مبارك بيلقحوا بالكلام على اللى خلعوه بانهم بينفدوا اجنده امريكيه او اسرائيليه بجد انتم بتتكلموا بجداللى خلعوا مبارك خلعوه لانه راجل امريكا الاول فى المنطقه على قول هيلارى كيلنتون دى قالت عليه نسيبه ازاى ده خدمنا لمده ثلاثه عقود يعنى يا عينى بيخدمهم من يوم ما مسك الحكم ووهو برضه الكنز الاستراتيجى لاسرائيل واللى لغايه دلوقتى بتلطلم عليه وبتقول ولا يوم من ايامك يا مبارك وناقص تجيب معدده وتقول يا سبعى ويا جملى
امريكا نفسها اتفاجات بالتغير واللى برضه طار فيها مدير المخابرات الاسرائيلى لانه مكانش شاف شغله كويس وحمى رجل اسرائيل الاول وفى معرض دفاعه عن نفسه قال ان كانت الثوره فاتت على مخابرات المصريين نفسهم يبقى انا حاحميه ازاى فبلاش النغمه دى خليكم فى نغمه الاستقرار مبلوعه شويه

السلام عليكم said...

احلى حاجه بقى ان مؤيديين مبارك بيلقحوا بالكلام على اللى خلعوه بانهم بينفدوا اجنده امريكيه او اسرائيليه بجد انتم بتتكلموا بجداللى خلعوا مبارك خلعوه لانه راجل امريكا الاول فى المنطقه على قول هيلارى كيلنتون دى قالت عليه نسيبه ازاى ده خدمنا لمده ثلاثه عقود يعنى يا عينى بيخدمهم من يوم ما مسك الحكم ووهو برضه الكنز الاستراتيجى لاسرائيل واللى لغايه دلوقتى بتلطلم عليه وبتقول ولا يوم من ايامك يا مبارك وناقص تجيب معدده وتقول يا سبعى ويا جملى
امريكا نفسها اتفاجات بالتغير واللى برضه طار فيها مدير المخابرات الاسرائيلى لانه مكانش شاف شغله كويس وحمى رجل اسرائيل الاول وفى معرض دفاعه عن نفسه قال ان كانت الثوره فاتت على مخابرات المصريين نفسهم يبقى انا حاحميه ازاى فبلاش النغمه دى خليكم فى نغمه الاستقرار مبلوعه شويه

haroon said...

هو احنا ليه اتخيلنا ان الجيش جزء يتجزأ بعيد عن منظومة الدولة المصرية الفاسدة والخاضعة للهيمنة الامريكية والاسرائيلية وليه افتكرنا ان خلاص بمجرد قيام الثورة المجلس العسكري هيصبح زي ايران مثلا او فنزويلا ف وقوفهم ف وش امريكا ونسينا ان موقع مصر ف العالم العربي والشرق الاوسط وعلاقتها المباشرة باسرائيل من ناحية التاثير علي وجود الكيان الصهيوني يجعل من امكانية التغيير محاطة بكمية هائلة من الضغوط من امريكا حماية لاسرائيل ومن دول عربية حماية لكراسيهم وخوفا من تكرر نموذج الثورة المصرية عندهم ...

محمود الزهري said...

يا ست هانم امبارح تقولي بكرة مليونية ومش عرف اية وفي الاخر يطلعوا مئات طاب والله انا كنت حهرب من البيت واروح بس الحمدلله المحاولة فشلت تاني مرة لما تقولي كلام تبقي قده مش ناقصة وبس

محمود الزهري said...

يا ست هانم امبارح تقولي بكرة مليونية ومش عرف اية وفي الاخر يطلعوا مئات طاب والله انا كنت حهرب من البيت واروح بس الحمدلله المحاولة فشلت تاني مرة لما تقولي كلام تبقي قده مش ناقصة وبس

مصري اصييل مش من جرابيع التحرير said...

الاخ الا مسمي نفسة السلام عليكو ارجو ان تقرأ ماكتب عن الفوضي الخلاقة وهي خطة امريكية من ايام بوش الابن وتم تنفيذها في مصر يوم 25 يناير الاسود طيب لية ؟ الهدف هو الفوضي لية؟ اولا ليعود المنتميين للقاعدة الي ديارهم والفوضي في حد ذاتها يسهل العمل للامريكان ولايكون هناك اي تقدم وعلي طريقة فرق تسد والاهم الهاء الشعوب في نفسها وبالتالي لن يظهر لهم تاني شخص كابن لادن والمؤكد انك لو قريت ماكتب من عدة سنوات عن الفوضي الخلاقة ستجدة كما هو الحال لدينا في مصر الان ومن لم تجبرة المظاهرات علي الرحيل تجبرة القوة الامريكية والاوربية فالهدف الاسمي هو الفوضي والخراب ياريت تقرأ افضل وانت هتتاكد تماما

مصري اصييل مش من جرابيع التحرير said...

خطاب موجة الي جرابيع التحرير اية قلة الادب بتاعكم دي فقط 20 الف في التحرير الم نتفق ان يكون العدد مليون علي الاقل اية ياوائل ياغنيم وانتم يابتوع 6 ابريل مش مدينكم فلوس كفاية والا اية وبعديين احنا عاوزيين خراب طيب عموما خلال الاسبوع الا جاي عاوزيين كام فتنة طائفية علي كام حريقة علي كام اضراب عاوزيين خراب خراب فاهميين ياولاد ياجرابيع الراسل عزرائيل كوهيين المخابرات الاسرائيلية

ميدان التحرير said...

http://mtahrir.blogspot.com/2011/05/blog-post.html?spref=fb

السلام عليكم said...

فعلا الخطه الامريكيه هى اللى بيحصل دلوقتى وبيحاول المخلوع انه يشم نفسه بس يا عم الحاج ياللى مش من الجرابيع ربنا كبير وعشمنا فيه انه زى ما اغرق فرعون يغرق المخلوع هى مش شرم دى بطل على البحر الاحمر كويس يعنى مش مشوار ولا حاجه ربنا يشفيك ياللى مش من جرابيع التحرير ومن دلاديل مبارك

السلام عليكم said...

فعلا الخطه الامريكيه هى اللى بيحصل دلوقتى وبيحاول المخلوع انه يشم نفسه بس يا عم الحاج ياللى مش من الجرابيع ربنا كبير وعشمنا فيه انه زى ما اغرق فرعون يغرق المخلوع هى مش شرم دى بطل على البحر الاحمر كويس يعنى مش مشوار ولا حاجه ربنا يشفيك ياللى مش من جرابيع التحرير ومن دلاديل مبارك

السلام عليكم said...

وعلى فكره انا مصدقه فكره الفوضى الخلاقه امريكا فعلا ممكن تكون بتفكر انها تحرف مسار ثورات الشعوب وتستغلها لمصلحتها امال هى بتحاول تقلب الناس على المجلس العسكرى ليه والفتنه الطائفيه كل شويه ليه علشان الناس تتجمع حواليين السفاره والحقنا يا اوباما بس ده هبل وهم مش عارفيين الشعب ده اللى تم مفاجأتهم بيه زى اسرائيل برضه كانوا قاعديين يا عينى يلموا نفسهم والشتات ويهود الشتات والهولوكوست ويقتلوا ومؤتمرات وكل ده علشان وطن ليهم مع ان اصغر حاخام فيهم عارف ان تجمعهم فى حته واحده بدايه النهايه ليهم يعنى هم بينفدوا قضاء الله فيهم والامريكان كمان خلى بقى الفوضى الخلاقه تنفعهم ويمكرون ويمكر الله والله خير الماكريين

naguibahmed said...

كذاب ولص ومزور وزعيم عصابة و قاتل بشهاده وزير دفاعه هي دي التهم اللي تواجه مبارك بس اكبر جريمه ارتكبها انه زرع جوانا عقيده اننا هباء وغثاء وكل واحد عاجز عن المطالبه بحقوقه وجاهل بها اصلا ومتنازل عنها مقدما وعلي بياض بكل استهتار واستهانه ولامبالاه عايز يرمي لنا اعتذار ممكن الثوره تكون بيضاء لكن الحريه ملهاش غير لون واحد

prof-osama said...

اظن ان اليوم كان الفشل ذريع لدرجة الفضيحة . تجاهل اعلامى رهيب لتجمع التحرير الهزلى اللى الناس ولاول مرة نشوف شيخ بيخطب وفى وسط الصلاة يستطلع راى المصلين يكون النتيجة ان المصلين يشبكوا فى بعض ويضربوا بعض .. بجد اللة يخيبكم بقيتوا بتتعاملوا زى بتوع احنا اسفين ياريس.... من الاخر اللف والدوران ونكد البعض وحرقتهم وكلهم طبعا من حزب ال22ولا هيقدم ولا هياخر مينفعش المهزوم يفرض ارادتة على المنتصر لما الشعب وافق على خطة المجلس فى المرحلة الانتقالية باغلبية 77% هذا يعنى ان الاقلية لازم تعرف مقاسها وتحترم راى الاغلبية... لان الواقع واضح فى مهزلة النهاردة انكم اقلية عديمة القيمة والتاثير ويقينا الجمعة القادمة فضيحتكم هتبقا اكبر

د/احمد فهمي said...

ربنا يسامحك يا نوارة.....طلعتيها في دماغ اللي خلفوني وخليتيني من امبارح وانا بابرم في الشوارع وانزل البلاعات اللي بتقولي عليها واسأل في الناس لدرجة اني كنت هاضرب وافتكروني قلة مندسة ههههههههه المهم اللي طلعت منه من كل دا اربع طلبات الناس كلها عايزينها
1-حدادنىوحد اقصى (وحد اقصى دي اهم ))للاجور
2-محكامة مبارك وشلته بسرعة من غير مسكنات وضحك على الدقون والناس اللي بتتسرسب وتطلع لانهم مبوظين البلد بالبلطجية كده وهما جوا السجن امال لو طلعوا من السجن دول هاينفخونا (دي مصطلح سواق الميكروباص على فكرة )
الشباب الصغير اللي اتمسك وبيتحاكم من الثوار يطلعوهم دول عيال صغيرة وبتحب البلد وعشان مستقبلهم حرام
3- الشرطة بقا لازم تنزل من تاني وتبقا شديدة بس مع الغلطان يعني يبقوا رجالة بقا يلموا الحرامية اللي هما عارفينهم ويظبطوا الشوارع بس منغير مايرجعوا يتنططوا على اهالينا تاني
4-الجيش خلية ماسك لحد مانعمل انتخابات احنا بصراحة مش عارفين حد من اللي بيتكلموا عنهم دول البرادعي ولا عمرو موسى احنا عارفين ان الجيش كويس ومحترم يبقا خليه لغاية الانتخاباتواللي الناس تختارة يبقا هوا اللي فيه الفايدة والله العظيم ياباشا انا بابقا نفسي انزل معاكوا التحرير بس بابقا خايف عشان بلاقيكوا احيانا بتطلبوا حاجات مش فاهمها وبخاف اذي البلد من غير ماحس لكن وعهد الله لو الطلبات كده وبس انا نازل قتيل معاكو في التحرير
بصي بقا يانوارة دي كده تقريبا خلاصة اكتر من 60 مقابلة وانا قصدت انقلهالكم تقريبا بنص الالفاظ بتاعة الناس اللي في البلاعات يا نوارة ياريت بقا فعلا بلاش نزايد عليهم ولا نزود طلبات كتير تخلينا نخسر تعاطف رجل الشارع على الاقل مانطبعش غير الطلبات دي عشان نقدر نجمع بيهم الناس وساعة التفاوض نبقا نزود حكاية نشيل يحيى الجمل لكن ابوس ايدك يا نوارة حكاية المجلس الرئاسي باتعصب الناس وتحسسهم اننا فعلا لينا اجندات ومش لمصلحة البلد واننا عايزين ناس معينة وبندور على مصالح شخصية الناس مش فاهمة حاجة خالص ومفيش وقت نفهمه دلوقتي احنا عايزين نلحق نجمع المليونية دلوقتي بعدين نبقا نفهمهم الحقي انتي بس ظبطي الطلبات في ورقة واحدة باسلوب يجذب الناس ونزليها تحديث عشان نطبعها ونشتغل عليها

انسى الغمرى said...

على الرغم من اننى تركت الجامعة منذ مايقرب من تسعة وعشرون عاما بعد حصولى
على درجة البكالوريوس من كلية التجارة الا اننى اشعر باضرابات معوية كلما مررت
امام جامعة عين شمس فى مثل هذا التوقيت وارى الخيام التى يمتحن فيها الطلبة قد نصبت
وهذا كان حالى ايام الامتحانات حيث كنت اصاب فى هذه الايام بالتهاب فى القولون العصبى
واسهال وكنت اطلب من المراقب ان يسمح لى بالذهاب الى الحمام اكثر من مرة لدرجة انه كان
يشك في ويقوم بتفتشيى .. ايضا كنت اصاب بالالم فى العظم سواء فى الفقرات القطنية او ركبى
.. حتى عندما قمت بعمل درسات عليا فى عام 88 كانت نفس الحالة مستمرة معى .. وكل ذلك يدل على
الحالة النفسية والرهبة من الامتحان الذى سيحدد مستقبلى سواء بانتقالى للصف التالى او بحصولى على
الشهادة ... وهذه الحالة لم تكن لى وحدى بل كانت لجميع الطلبة ولكنها باشكال وبدرجات متفاوته
فقد يصاب البعض باكتئاب قبل ايام الامتحانات او قد قد يطلق البعض لحيته إيذانا بقدوم الامتحانات
واستعدادا لها .
وربما يسأل البعض عن سبب هذه الحكاية التى اسردها ويصر اخونا العزيز عصام او الابنه رنيم على
معرفة ذكرها هنا .. وساقول لكم تذكرت تلك الحالة كلما طالعت اخبار الرئيس السابق حسنى مبارك
فى الجرائد او نشرات التلفاز حيث ترد الينا الاخبار بان الرئيس حالته الطبية مستقرة ولكنه يعانى من
اكتئاب وحالته النفسيه غير مستقرة ومتدهوره .. فاعجب من هذه الاخبار لان الطبيعى ان تكون حالته على
هذا النحو والا اصبح رجلا ماعندهوش ((....)) هو ومن يقف بجانبه او يشايعه .. فالرجل متهم بعدة تهم الحكم فيها سيكون اعدام او السجن لسنوات وعقود طويلة ... فهو متهم بالخيانة العظمى بما فعله على مدار ثلاثون عاما تجاه شعبه المثابر...و قتل المتظاهرين .. متهم بنهب ثروات البلد والكسب الغير مشروع وتهريب تلك الاموال الى الخارج ... افساد الحياة السياسية وتجريفها ...تخريب علاقة مصر مع دول حوض النيل وافريقيا ... ضياع كرامة المصرين فى الدول العربية والاجنبية ..
محاولته توريث الحكم لابنه لنصبح جمهوريه ملكية (( جمالوكية )) على راى تعبير الدكتور سعد الدين ابراهيم
تسليم اقتصاد البلد الى مجموعة من المنتفعين حتى يسهل توريث الحكم لابنه وبيع ثروات مصر باسعار بخثه
كما فى حالة بيع الغاز لاسرائيل ... استباحة الوطن لجهاز مباحث امن الدولة تفعل فيه ماتشاء انما المهم امنه
هو وامن حاشيته .. ناهيك عن اللعب بملف الفتنة الطائفية بين المسلمين والمسحين كما حدث فى كنيسة القدسين بالاسكندرية .. تربية جيل من المنفعين يصعب القضاء عليه بسهوله ويحتاج الى سنوات حتى نتخلص منه ...
افساد التعليم وخروج مصر من اى تصنيف دولى ... ناهيك عن ابتلاء الشعب المصرى بامراض الفشل الكلوى وفيرس سى والسرطان نتيجة المبيدات المسرطنة والتى سمح بدخولها الى البلد ... انتشار مبدأ الرشوة والوسطة والمحسوبية
لقد اصاب هذا الرجل البلاد والعباد بمجموعة من الامراض الاجتماعية والصحية لايمكن التخلص منها او علاجها بسهولة


وفى النهاية اقول لابد ان تسوء حالته النفسيه ولا تسقر ابدأ الا ان كان الامر هو فيلم من افلام مخرج الروائع حسن الامام
ولا يستبعد عنه ذلك ... تهميش كل ادوار الرجال الشرفاء فى حرب اكتوبر حتى يظل هو فى الصورة كصاحب الضربه الجوية والتى لايجب ان نخرجها من دورها وحجمها الطبيعى فى ملحمة حرب اكتوبر ..ورحم الله الفريق سعد الدين الشاذلى والمشير احمد اسماعيل والمشير عبد الغنى الجمسى والفريق محمد على فهمى والمشير احمد بدوى والفريق عبد المنعم رياض....... واذا كانت اكبر حسناته الطلعة الجوية فى حرب اكتوبر فاننا نقول له (( لاتتبع الحسنة السئية فتمحوها )) فهل هذه الحسنه تستحق كل هذه السيئات التى عشناها لمده ثلاثون عاما !!!!!!!!