Sunday, 29 May 2011

الى قيادات الاخوان: انقذوا الجماعة.. وارحلوا

تحديث:
ربنا يسعد ايامك يا د. عصام العريان ويهدي الحال ويروق الجو وينور سكتك يا مصر
-----------
ييجي واحد يقول لي: وانت حارقة نفسك عليهم ليه يعني؟
ما احرقش نفسي ازاي؟ مش ولاد بلدي؟ وشفت شباب الاخوان بعيني وهم مخيطين من كل ناحية وعمالين يجروا ناحية القناصة وهم بيزكوا على رجلهم ويقولوا: الى الشهااااااادةةةة؟ وواحد سعودي حكى لي انه كان جاي مصر عشان معرض الكتاب يوم 28 لقى الناس بتثور قام قال لمامته انا قاعد بقى معاهم، وقعد معانا في التحرير وواحد اخواني بيزك وبيقول الى الشهادة وهو بيجري مسك ايده وقال له: يالا يا اخي الى الشهادة قال له: يا عم حل عني انا سعودي وكنت جاي اتفسح لقيتكم بتستشهدوا. 
:))))))
وفوق ده كله تنظيم سياسي قوي.. ما هواش اقوى التنظيمات بحيث يقدر ينفرد لوحده بالساحة السياسية، واهو يوم الجمعة اثبت ان لو القوى كلها اتكتلت ضده تقدر تعزله لو عايزة
وده مش حلو.. مش مبسوطة انا كده، لا غالب ولا مغلوب.. لا غالب ولا مغلوب يا مصريين، انا لا عايزة الاخوان ينفردوا بالساحة، ولا عايزاهم يتحاصروا، لا هم ولا اي فصيل سياسي تاني، من اقصى اليمين الى اقصى اليسار، افتكروا الست اللي احنا مش عارفين اسمها وكانت بتصرخ على الجزيرة: مصر محتاجاكم يا ولاد.. مصر محتاجاكم يا ولاد... ياللي ما حافظتوش على البلد
ايوة.. مصر محتاجة كل الناس، زي ما الميدان كان محتاج كل الناس، واحنا دلوقت مش في وقت ينفع فيه النهش المتبادل ده، احنا لسه محتاجين للاجماع الوطني بتاع التحرير، لسه لسه.. لسه ما خلصناش حاجة، لسه البلد في حالة سيولة، لسه لسه.. اصبروا، حتقطعوا في بعض بعدين، مش دلوقت

اللي بيحصل ده رونج رونج رونج
ايه اللي بتعملوه ده يا اخوان؟ ايه ده؟
بقى هالله هالله ع الجد والجد هالله هالله عليه.. قيادات الاخوان دي على العين والراس تاريخها وكل حاجة بس مش نافعة الاخوان في المرحلة دي، وبصراحة اكتر، اللي قدم التضحيات واللي دماغه اتفتحت واللي مات هم شباب الاخوان، اللي حسن البنا كان في سنهم لما عمل الجماعة... ما عادش فيها كسوف، ياما اعملي معروف، قومي افتحي له الباب
قومي يا قيادات الاخوان افتحي للشباب الباب.. ولا اناديله ياما أما
ايه اللي حصل ده؟ ها؟ ايه ده؟ كل ده عشان مظاهرة؟ هو حد كان رفعكم بالمسدس وقالكم شاركوا فيها؟
اسمعوني بقى عشان ما يسبقش السيف العذل زي ما حصل مع السلفيين وماشيين يقولوا مش بناكل ودان وربنا وربنا ما بنشرب دم مسيحيين وكتاب الله المجيد

بقى كان واضح ان السلفيين بيتفرد لهم عشان يتحرقوا، واقول مهما اقول ما اخدتش من السلفيين غير الشتيمة وانا كنت بانصحهم لوجه الله
خلصوا السلفيين كده وامبابة كانت اخر شوت ليهم
دلوقت لازم الاخوان يتحرقوا.. واتحرقوا بالحركة اللي عملوها، ما تقعدوش تدفنوا راسكم في الرمل وتقولوا واااالاااااا يهمنا، ولا اساسا نزل في المظاهرة دي غير خمستلاف، ولااااااا احنا هنا اصلا.. ولاااااا يفرق معانا اساسا
لا بقى.. لا.. انتوا حظكم احسن من السلفيين عشان انتوا تنظيم هرمي وينفع يعاد هيكلته
ايه بقى؟
ناس اعلنت عن مليونية يوم 27، وانتوا من الاخر كده اتفقتوا مع الجيش انكم مش مشاركين.. قشطة، ايه سوء الادارة ده؟ ليه تطلعوا نفسكم اندال ومبلغاتية وتقولوا كلام مليان هلاوس سمعية وبصرية وكدب كدب كدب.. الكدب وحش جدا على فكرة، ربنا يعافينا يعني يا رب وما يكتبش على حد انه يكدب سواء كان واعي او ساهي، ده طعم الصدق في البق زي السكر.. ليه الكدب ليه؟ احسن حاجة الواحد يقول كل حاجة، بالتفصيل، وبامانة، كده انت ضامن انك في امان.. الصدق منجاة
عارفين سوء الادارة جاي من ايه؟ ومن غير زعل؟ من العقول القديمة، اللي حتعمل في العيال اللي فتحوا دماغهم على مصر نفس اللي اتعمل سنة 54 و65.. ليه كده؟ هو اتكتب عليهم يعني؟ قضاء وقدر؟ 
انتوا مستعيلينهم ليه دول شباب زي الفل ودماغهم توزن بلد وبيعرفوا حاجات كتير انتوا ما تعرفوهاش وعندهم قدرات هايلة لادارة اي ازمة
بصوا بقى.. انا حانصحكم وتشتموني وانبسط عشان انا بانبسط من الشتيمة عشان اخد الثواب كله من ربنا وماحدش يديني ثواب بكلام حلو
اولا: شبكة رصد دي تتقفل فورا.. لا مش تتعدل، تتقفل، ما بقتش نافعة، ما بقاش لها اي مصداقية وبقى لما ييجي منها اي خبر يقولوا: شوفوا لكم مصدر تاني دي اخوان فشارة
انتوا بقى شوفوا لكم منفذ تاني غير رصد
ثانيا: موقع اخوان اون لاين، كل الهبل اللي حصل فيه ده يتم التحقيق فيه فورا، وتنزلوا اعتذار على الموقع
اسمعوني بقى.. تاني حاجة تنجي الانسان بعد الصدق انه لما يغلط يقول انا غلطت.. كده انت في سليم السليم، الكبر بطر الحق وغمط الناس، وانتوا عملتوا الاتنين.. اعتذروا، الاعتذار يكسر الكبر ويدخلك جنة الدنيا والاخرة ويخلي الناس تحترمك واللي ما يحترمش اللي بيعتذر هو نفسه مش محترم، اللي يغلط يراجع نفسه ويغير موقفه فورا ويتراجع عن الغلط اللي عمله وما يتكسفش من اللي مش محترم اللي بيعتبر ان الجدعنة انك تفضل ماسك في موقفك حتى لو كان غلط.. ده مش محترم ده
ثالثا: كنوا بقى شوية عشان الناس روحها في مناخيرها منكم.. وبطلوا ادعاء انكم مالكين الشارع ده، الكلام ده بيستفز الناس، افتكروا احد اسباب حرق السلفيين انهم كانوا بيقعدوا يقولوا احنا مع الناس والناس احنا واحنا الناس ونبقى نقابلكم في الصناديق الشفافة وغزوة الصناديق والكلام ده، الطريقة دي بتستفز كل الاطراف وكل الناس وبتخليهم ينفروا
افتكروا ان البرادعي اتشتم لما واحد من حملته قال البرادعي احد اسباب الثورة، ولما راح الميدان بعدها قابلوه وحش قوي
اي حد بيعمل وصي على الشارع بيتلفظ، فوقوا بقى، الناس ما عادتش زي الاول تاني، ومش قابلة زعامات ولا قابلة ان كفة ترجح على كفة
رابعا: اجتماع عاجل كده بتقارير صادقة وواضحة.. اللي يعملها شباب الاخوان نفسهم التقارير دي، عشان القيادات اخدت على انها تضحك على نفسها، لا.. الشباب اللي انتوا مستعيلينهم دول هم اللي يكتبوا لكم تقرير مفصل بما حدث في ادارة ازمة جمعة 27 ويكتبوا لكم توصياتهم
خامسا: القيادات الكبيرة دي تتنحى.. معلش.. كل الكبار بيمشوا دلوقت، ومش حيترموا في شرم ولا حاجة، يشكلوا لجنة حكماء يبقى دورها استشاري وما تبقاش هي اللي بتصنع القرار
سادسا: يتم نقل القيادة لشباب الاخوان فورا، مش حاقول المرشد يبقى في سن البنا وقت ما اسس الجماعة (22 سنة وعمل كل حاجة وخلصها ومات 43 سنة.. ايه العضام الكبيرة دي بقى اللي ماسكة الجماعة؟).. يا سيدي ما يقلش عن 33 سنة وما يزيدش عن 40 سنة، عشان يكون خلص كول كورسات الكتب اللي بتقروها لهم، عدانا العيب كده؟ ومافيش حاجة اسمها مرشد مدى الحياة، يقعد عشر سنين بحد اقصى وبعد كده يتم انتخاب مرشد تاني في حدود السن ده، وعندكم في السن ده اعداد كبيرة وناس زي الفل، وبعدين هم دول العيال اللي دايرين في الشوارع وبينزلوا البلاعات، وانا شخصيا لما بانزل اي بلاعة بالاقيهم، وهم دول اللي بيعملوا الجهد في الشارع اللي بتتآلطوا بيه على بقية الناس، وهم دول اللي راح منهم شهدا، وهم دول اللي منهم جرحى، يبقى هم اولى ياخدوا القرار مدام ايدهم في الشغل
ومن غير زعل كده، دماغهم انضف كتير، ما عندكم عشرميت واحد كان يقدر يحل المشكلة دي من غير ما يستفز كل الناس دي عليكم وتروحوا تستفزوا الناس وتطلعوا بيانات فظيعة وبعدين ترجعوا تقولوا بيتصيدوا لنا، وتضغطوا على اعصاب شباب الاخوان وتخلوهم يرددوا الكلام ده ويبقوا محرجين ولما يتزنقوا في المناقشة ما يردوش مش لانهم ما بيعرفوش يردوا بس لانهم مش مقتنعين باللي بيقولوه
يا سيدي انت ما كانش فيه داعي ابدا انك ما تنزلش يوم 27، اجيبها لك على بلاطة، ما كانش فيه داعي ابدا انك تعمل اتفاق انك ما تنزلش
خالص يعني، وبعد كده اللي يتكلم مع الجيش الشباب برضه، اركنوا بقى انتوا شوية من غير زعل كده ولكم كل الاحترام، عشان حتى لو حيعملوا اتفاق يعملوا اتفاقات مافيهاش الشرقة اللي انتوا فيها، فيه فرق احساس الى جانب فرق الفهم
الكبار بيفرحوا قوي باي حد مسئول في البلد يتعامل معاهم على انهم مش محظورة وبينهاروا على اعصابهم وبيعملوا اي حاجة تنطلب منهم
الشباب، زيهم زي بقية شباب البلد دلوقت، حاسين انهم في السما، وانهم يقعدوا على البساط ويختاروا ست البنات، ومبروك عليكي انا.. ده انا فلة وبطل واحط رجل على رجل والدنيا كلها تجيلي لحد عندي، ده انا مشيت اسرائيل تكلم نفسها، وخليت امريكا تنافقني وتشتري رضايا وانا مش راضي كمان
فهمتوا؟
يعني حتى لو عايز تعمل صفقات، ما تبعتش واحد شرقان كده.. تبعت واحد مناخيره في السما عشان يجيب لك شروة عدلة بدل الوكسة دي
انتوا بتتصرفوا غلط، ومش عارفين حاجة، برضه من غير زعل.. ولا بزعل بقى.. اه مش عارفين حاجة ابدا، في عز ما العيال كانت بتموت في التحرير رحتوا اجتمعتوا مع عمر سليمان عشان فرحانين ان اخيرا نظام مبارك بيتعامل معاكم ومش بيقول عليكم المحظورة، ايه سقف الطموحات المتدني ده؟ العيال انا كنت شاهدة وهم حيموتوا كمدا في التحرير لما عرفوا بالمصيبة دي وكل واحد فيهم قعد يلطم على وشه من حماقة التصرف
انتوا مش عارفين حاجة.. مش عارفين حاجة ابدا، ولا عارفين تتصرفوا
يعني مثلا اضرب لك مثل باللي حصل في يوم 27، لنفرض انك خلاص رحت اتورطت واتفقت انك مش نازل
هات بقى اي واحد من اللي انت مستعيلهم دول، احمد عبد الفتاح - اخر عهدي بيه كان اخوان، ولا طفشتوه؟ طفش؟ على الله ما يكونش طفش - ولا احمد سمير، ولا احمد نصر حتى ابعت استدعيه، ولا اي حد من العيال الحلوة المطقطقة دي
وقول له دبرني يا وزير احل المشكلة ازاي؟
طبعا انا مش عارفة كل واحد فيهم حيحل المشكلة ازاي، بس انا واثقة انه كان حيحل المشكلة باقل الخسائر ويمكن بمكاسب كمان، ومش عارفة بالظبط الخطة اللي كان حيحطها وكان حيعمل ايه؟ بس عارفة بالظبط كل واحد فيهم كان مش حيعمل ايه
1: ولا واحد فيهم كان حيقول "عرفني.. قال لي انت مخبر يالا" اللي انتوا قلتوها في البيان دي.. ازاي تروح تتفق مع الجيش وبعدين تجيب سيرة الجيش في البيان؟ ايه الغباوة دي؟ اي حد من الشباب دول ولا كان حيجيب سيرة الجيش اساسا، لا بالخير ولا بالشر
2: ما كانش حد فيهم ابدا حيتهم القوى اللي نازلة بإنها بتقفز على ارادة الشعب والشارع ويتكلم نيابة عن "شعب مصر بأكمله"، بالعكس، كان اول استفتاحنا حيبقى احنا بنحترم كل القوى اللي نازلة ومؤمنين بحريتهم في التعبير ومشاركينهم في كتير من المطالب، وبنطالب معاهم بحقهم في التظاهر، لكن عندنا اسباب لعدم النزول.. الا وهي.. ويروح راصص اسباب محترمة مالهاش علاقة بالتخوين ولا بالتلطيش في الناس ولا بـ"الوقيعة".. وقيعة ايه؟ مين اللي قالكم تكتبوا التعبير الفاكس ده؟ ايه القلش ده بجد؟
3: ما كانش حد فيهم ابدا حيعمل الحملات البدائية العبيطة دي عشان يحشد لعدم النزول وينزل ناس بميكروفونات عشان ما تنزلش ويوزع الورق العبيط اللي خليتوهم يوزعوه وهم في نص هدومهم كده
خالص.. بالعكس.. كان حيخش دخلة محترمة، وبعدين يسرد اسبابه لعدم النزول، وانا اؤكد لكم ان احمد سمير مثلا لو كان كتب البيان ده كان كل اللي قراه ما نزلش.. عشان بيعرف يتكلم.. بيعرف يتنيل يتكلم مش يهطرس ويحط شطة في ودان اللي بيسمعه ويخليه يبقى عايز يلطشه بالالم ويرفع الضغط عند كل اللي بيقراه ويسمعه.. هو راح فين الجدع؟ انا من ساعة الموضوع ده وشايفاه خفيان؟ ايه؟ محرج منكم ولا طفشتوه راخر؟ ما هو كل عيل فالح حتطفشوه بقى
وبعدين انتوا ليه اساسا تورطوا نفسكم في انكم ما تنزلوش؟ كان جرا ايه لو نزلتوا؟ بتعملوا اتفاقات ليه؟ مش قلنا نبطل الحركات دي؟ ويا ريتكم بتعرفوا تخبوا وتدكنوا، الا كل حاجة تتفضحوا عليها
بلاش
ما عملتوش زي المجلس العسكري نفسه ليه؟ "احد قيادات القوات المسلحة" قال وماله؟ انزلوا، لا.. ده احنا كمان عايزينكم تنزلوا عشان ننفذ طلباتكم، وراحوا قالوا لنا: ويالا احسن شباب.. احموا نفسكم، واللي عايز يبات سابوه يبات كمان.. وادي اليوم خلص والدنيا ميت فل وسبعتاشر
ولا الناس اتخانقت مع المجلس، ولا حد شتم الجيش، ولا اي حاجة، فلة كده فلة.. مين اللي لبس؟ 
ااااااه.. انتوا اللي شيلتوا الليلة كلها، والناس سابت كل خناقاتها ومسكت فيكم
مسكت فيكم ليه؟ عشان لاسباب غير معلومة وغير مبررة وغير مفهومة قررتوا تتصرفوا زي الحزب الوطني
ايييييييييييه ده؟ ايييييييييييييييييييييييييييهههههههههههههه ددددددددددههههههههههههههههههه؟
انتوا ازاي تطلعوا د. عصام العريان يقول 30 الف؟ وازاي تتخانقوا على الاعداد بالطريقة الطفولية دي؟ ايه الهيافة دي؟ وازاي في الاول تقولوا خمستلاف وبعدين عشرتلاف وبعدين تلاتين الف وتمشوا تدوروا على الجزيرة مباشر وعلى العربية وتقولوا للناس قولوا انها 30 الف؟ ما كل حاجة بتتفقس.. وانتوا في القنوات دي بتتعاملوا مع صحفيين.. فاهمين يعني ايه صحفيين؟ يعني شغلتهم الاساسية انهم فضحية، وفضحوكوا ومشيوا في كل حتة يقولوا الاخوان بيتصلوا بينا وبيقولوا لنا نقول كذا
ومن غير ما هم يقولوا، انتوا ازاي تكتبوا على موقع اخوان اون لاين الكلام ده؟ وازاي د. عصام العريان يقول كده؟ وازاي تعملوها خناقة اعداد بالطريقة دي؟ هو حد بيعد نفر نفر؟ ويوصل بيكم الامر انكم تقولوا اصلا الميدان ما يشيلش اكتر من 200 الف؟ انتوا اتخبطوا في مخكم؟ انتوا بتضربوا مشاركتكم انتوا في الثورة؟ انتوا ناسيين ان اول واحد اقترح كلمة "مليونية" دي كان البلتاجي؟ يعني بتقولوا على نفسكم ان انتوا كنتوا بتكدبوا لما قلتوا مليونية بس عشان تقولوا ان حتى لو الميدان مليان كده ماهماش مليون؟ 

يعني انتوا عايزين تنسفوا شرعية الثورة من اساسها عشان يطلع اللي كانوا في الميدان قليلين من غيركم؟ فرقتوا ايه عن اللي قالوا ايام الاستفتاء: اللي قالوا لا هم الثوار واللي قالوا نعم هم اللي كانوا ضد الثورة؟
ايه التخريف ده؟ طب ايه؟ نروح نجيب مبارك تاني ولا ايه؟ 
مش نافع كده.. مش نافع خالص.. كده الكل حيطلع خسران
اتكلوا على الله بقى.. وصبحي صالح ده حد يسكته، الراجل طالع يحلف كدب على الهوا؟ 
لا بقى.. كنوا شوية.. كنوا وعيدوا هيكلة التنظيم عشان يفلح، والا العيال اللي راسها اتفتحت دي، يا حتطفش منكم وانتوا مالكوش غيرهم، يا حيتلبسوهم في حيطة حرام عليكم
تاني الخمسين قفا اللي على سهوة.. ما اتعلمناش من ايام 52 ان مافيش نجدة لاي فصيل او مجموعة غير الاجماع الوطني، وان اي فصيل او مجموعة تسول له نفسه انه ممكن ينفرد بالسلطة او ياكل من تعشيم بانه ينفرد بالسلطة اخرته وحشة، طمعنجي بنى له بيت فلسنجي سكن له فيه
القوى السياسية الاخرى حتندبح لو الاخوان اتصفوا، ولو الاخوان طمعوا حيتصفوا، والمعادلة دي سهلة وبسيطة على فكرة وواضحة، انا مش فاهمة ايه الصعب في فهمها؟ 
وايه الصعب في فهم اننا دلوقت مش وقت مشاحنات سياسية والحوار الفاكس بتاع: علمانية ولا اسلامية اللي كان على العاشرة مساء ده؟ علمانية ايه واسلامية ايه هو احنا عندنا دولة من اساسه؟ احنا كل اللي عندنا دلوقت وقفات احتجاجية وظباط.. مارشات عسكرية وقرآن.. ولو فضل السجال الفاشل ده مرسي الزناتي حيتهزم يا منز
والدولة اللي حتتبني حاجة من الاتنين مالهاش تالت:
يا دولة ائتلافية توافقية بين كل القوى السياسية بمبدأ لا غالب ولا مغلوب.. وتبقى دولة ديمقراطية مدنية مافيهاش حد كعبه عالي على التاني، وبصريح العبارة اكتر، كل واحد صباعه في بق التاني وده التشكيل الوحيد اللي يصب في مصلحة الشعب الغلبان ده اللي عمره ما شاف يوم عدل.. ارحموه بقى
يا دولة عسكرية بقى اخر ما المجلس العسكري يزهق منكم ومن تفاهاتكم وخناقتكم على الاعداد اللي في الميدان، ويقولكم يالا ياض بقى انت وهو من هنا جاتكم خابط ده انتوا معاتيه وحتضيعوا البلد، وده اللي عملتوه من ستين سنة وبرضه الجيش قالكم يالا ياض انت وهو جاتكم خابط ده انتم معاتيه وحتضيعوا البلد
احنا حنعيده تاني؟

123 comments:

bang887 said...

للسادة العلمانيين واللبراليين : إللى أعرفه إن الكسبان يندمج فى الاحتفال بالنصر وينسى ما عداه. وواضح من فظاعة تهجمكم على الإخوان المسلمين أنكم منيتم بهزيمة ساحقة. ولا أثر لأى نصر حققتموه.

Adb El-Hameed Riad said...

هما ليه الاخوان بس الى واخديين الشتيمه رغم ان برده فى فصائل سياسيه قالت ان الناس دى كلها نازله تطالب بدستور قبل البرلمان .
وبعديين فرضا ان الاخوان مشاركوش هما حريين هو ليه كل ما واحد يطلع بفكره والاخوان يرفضوها ينزلو فيهم شتيمه .
وبعديين جمعه اول امبارح دى انا لسه مش مستريحلها, من الاول دى كانت دعوه لثوره تانيه وفعلا حصلت حاجات غريبه وهجوم تانى على اقسام الشرطه والصراحه بدل اما الجيش حذر وقال احتمال حاجه تحصل يبقى عدم النزول احسن ماهو اشمعنى الناس بره لما حكوماتهم بتحذرهم انهم يروحوا مكان بياخدوا ده فى اعتبارهم واحنا لا . هنفضل بنشك فى كل الناس لحد امتى

bang887 said...

واضح إن فضيحة الليبراليين وصلت لممولينهم الأمريكان. أنا بعتللك اللنك بتاع مقال لوس أنجيلوس تايمز امبارح على خيبة الليبراليين، وأعيدهالك :

Los Angeles Times: Egypt protesters gather for 'second revolution'

http://www.latimes.com/news/nationworld/world/la-fg-egypt-protest-20110528,0,1148766.story

Liberal activists called the protest a success. But analysts and observers said it was the latest proof that Egypt's progressives have failed to organize themselves post-revolution into a unified political force capable of overtaking the Muslim Brotherhood, a far more established opposition movement, in the upcoming elections.

جاتها خلف إللى عايزة نيلة.

Zeyad Goda said...

ايييه الرغي ده كله ... بس الكلام موزووون مع بعض التحفظات

مواطن مصري said...

التاريخ بيعيد نفسة و الأخوان بتيعد نفس الخطأ و هيجي واحد هيطلع عين الاخوان و السلفين تاني و ساعتها بقى مش هيلاقو حد
يتضامن معاهم تاني

bang887 said...

"دول شباب زي الفل ودماغهم توزن بلد" .... هع هع هع ...

تفتكرى أسلوب شق الصف الأهبل ده ينفع مع ناس زى دى؟ ....

تانى أقولك :

جاتها خلف إللى عايزة نيلة.

Moataz Nadi said...

لا فض فوك .... حاجة اهم لازم اللى خايفين على الثورة ينزلوا يفهموا الناس البسيطة فى الشارع العادى عشان فيه ناس منهم لغاية دلوقتى فاهمة غن الثورة بتخرب و توقف الحال

Tears said...

يعتذروا عن ايه يا نوارة انتى بتهزرى؟ دى جماعة قائمة على الكذب اساسا و انا كمسلمة اشعر انهم يسئون للاسلام و يفسدون السياسة

دى أخلاق اللى عايزين يحكموا مصر و عاملين بتوع ربنا؟

اسلامنا ارقى كثيرا من عبث جماعات الاسلام السياسي التى تضلل و تكذب و تتلون بل و تنصب باسم الدين من اجل مصالحها الدنيوية

الاسلام مافيهوش كهنوت و لا مكتب ارشاد

الاسلام لا يبيح ما استحلوا لانفسهم و قد نرتضى بهم كجماعه سياسية رغم خطرهم على مدنية الدولة و نهضتها و ما خلفته فروعها فى كل الدول الذى وصلت فيها للحكم (حماس..السودان..الصومال) من دمار و لكن هم ليسوا ابدا ممثلين عن الاسلام بل متاجرين به

Tears said...

ملتحي فى الميدان يتبرأ من الاخوان و يفضح اساليبهم

http://www.youtube.com/watch?v=ctMqR9YUL6A

يوم الاستفتاء و تدليسهم على البسطاء

http://www.youtube.com/watch?v=hM8ZaG9gFac&feature=youtu.be



http://www.youtube.com/watch?v=wYU2LykwyBo



لماذا لم يرفع الاخوان قضية ضد تلك المجلة إن كانت وثائقها ملفقة؟ و هل يجوز لحزب سياسي مصرى او جمعية ان تلتقى بالصهاينة فى الظلام او يكون لها تمويل دولى و فروع خارج الحدود و تؤتمن على مصر؟

http://www.rosaonline.net/Daily/News.asp?id=112304

فيديو توثيقي من تاريخ الاخوان

http://www.youtube.com/watch?v=Tnyx4CADkWg

abolila said...

على فكرة انا نفسى الكلام ده يفضل شغال على طول
احنا فى وقت لازم لازم لازم نتوحد فيه عشان الناس اللى عمالة تسحب بساط الثورة من تحت راجلنا ما تاخدش فرصه
قال تعالى ( ولا تنازعوا فتفشلوا وتذهب ريحكم ) لا نريد ان تذهب ريحنا
تحيات من قلب ام الصعيد اللى لسه محدش حس فيه ان هناك ثورة قامت

mohammadmasoudortho said...

bravoooooooooooooooo

Tears said...

ايران راحت فى داهية و بقت محاصرة و معادية الغرب و العرب و حماس برضة خربت بيت فلسطين و دخلتها فى خلافات داخلية و حوصرت و شفنا تجارب السودان و الصومال و السعودية و طالبان

الاخوان لو وصولوا في مصر ح تبقى خراب...الحمدلله على نعمه الاسلام و ربنا يشفى الاخوان الوصوليين اللى شوية يتحالفوا مع عمر سليمان و شوية مع المجلس و بيستخدموا الكذب و التضليل و شعبيتهم الاساسية بين الجوعى او الاميين...بيضحكوا بزيت و سكر شوية و شوية بتكفير الاخر...

و اتفضلى اسمعى شهادة عبد الحليم قنديل ايام الثورة (اللى نطوا عليها بعد اعلانهم المقاطعة فى الاول) لما رفضوا يمضوا بيان ضد مبارك

http://www.youtube.com/watch?feature=player_embedded&v=Yo9pD0o7oY0

مواطن مصري said...

الأخوان عادت ريما لعادتها القديمة

nosseir said...

اتمنى يا نوارة تشوفى الاقتراح دة ...
تعالوا نحل مشكلة الخوف من انفراد الاخوان بعمل الدستور الجديد فى ضوء المسار الذى تم الاستفتاء علية فى 19 مارس الماضى
اقترح ان يتم وضع شرط موافقة 85 % من اعضاء مجلس الشعب القادم على الدستور الجديد قبل عرضة على الناس فى الاستفتاء
ونظرا لانة مستحيل حصول الاخوان على اكثر من 40 % فى المجلس القادم
وحتى لو اضفنا لهم القوى الاسلامية الاخرى فلن يذيد مجموع التيار الاسلامى عن 60 % من المجلس
وبهذا يتم دفع التيار الاسلامى بشكل عام الى التوافق مع القوى الاخرى
حتى يستطيع اخراج الدستور الذى يحتاج 85 % من اصوات اعضاء المجلس
وبهذا نخرج بدستور يرضى عنة الجميع بدون الانقلاب على المسار الذى تم اختيارة فى الاستفتاء
ارجو نشر الاقتراح

Tears said...

على فكرة حزب الوفد كمان قاطع يوم الجمعة 27 لكن لم يهاجمة احد

تعرفى ليه؟

لانه لم يصدر بيان يخون فيه اللى نازل و يقول دول يا نازلين ضد الشعب يا ضد الجيش

و لم يسيير مكرفونات فى الشارع قبلها بيوم تحذر الناس من المشاركة و تقول اللى ح يشاركوا كفرة و ملاحدة

لانه لم يتصل احد قيادات الوفد لتقديم بلاغ على الهوا فى المشاركين قبلها بيوم على اون تى فى و يقول دول نازلين يسقطوا المشير

الاخوان محتاجين يتعلموا ان السياسة محتاجة شوية اخلاق مش ح ينفع كله كذب و تكفير للاخر

واحدة ست غلبانة لا ليها فى سياسة و لا هباب بقت تقول همه بتوع ربنا طلعوا كدابييين؟؟

Khaled Aboubakr said...

عداكى العيب

مواطن مصري said...

بس رصد فعلا لازم تتقفل فعلا يا نوارة رصد بقت عاملة ولا اليوم الساقع و اية الفرق بين رصد و اللجنة الالكترونية بتاعت الحزب الوطني

اللجنة الالكترونية ل الاخوان = اللجنة الالكترونية الحزب الوطني

bebo_605 said...

الكلام صح بس انا باكد على حته انه مش وقت خناق بقى و تخوين مصر كلها بقت خونه الى مع والى ضد انت معانا ولا مع الناس التانيين ايه القرف ده مفهاش حاجه لما نختلف يعنى عادى والتيرات تخف ايدها شويه وبلاش نبره التحكم دى و شويه وفاق بقى مفهاش حاجه الغايه لما نعدى

aboyahya said...

خبر عاجل : الكفرة والملحدين والعلمانيين يؤدون صلاة الجمعة في كل ميادين مصر

yasere said...

باستثناء الجزء الخاص بهيكلة الجماعة والتى هى شانهم الخاص----المقال رائع----بس مش ممكن تختصرى----

medo_green1982 said...

والله انتى بنت ب 100 راجل عاقل وانتى بجد جبتى اللى فى قلبى وفى عقل كل مصرى ناضج وان المصريين انتصروا يوم 28 يناير على سلطة دوله شبه السرطان عمرها 30 سنه باننا كنا كيان واحد وعلى قلب رجل واحد انما سياسة فرق تسد هى دى اللى هتضيعنا كلنا وده اسلوب نظام حسنى 30 سنه

lollaalshazly said...

كلامك كلو صح يا نوارة بس فى حاجه انتى اغفلتيها
انتى مش ملاحظه حرقة الجزيرة على الأخوان قد ايه
و معلش بقي قطر ده مبطملهاش ابدااااا
يا نوارة شبكة رصد الفاشله فى يوم من الايام نزلت خبر عن موزة زوجة حمد و لما الناس كتبت كلام تريقه ( انتى عارفه المصرين و خفة دمهم ) شبكة رصد ولا ول مرة فى التاريخ تدخل فى الكلام و تقلهم يا ريت الاحترام و تمسح الكومنتات كمان فى حين بيتسيب المسلمين و المسيحين يسبو لبعض الدين و تنزل لاخبار بصيغه تنرفز الناس مثلا ( رجل الاعمال المسيحي فلا الفلانى ,و كلام من ده ... احترامى لشباب الاخوان اللى وقف معانا فى الميدان بس قادتهم عملو صفقه خارجيه و ريحتها فاحت

aboyahya said...

خبر عاجل : الملحدون والكفرة والعلمانيون يؤدون صلاة الجمعة في كل ميادين مصر

ab.khalaf said...

يا أستاذه نواره أنا أول مرة أختلف معاكي علي نصيحتك للأخوان المسلمين ... أزاي الناس إللي حاربت النظام السابقه وكانوا محظورين ودخلوا المعتقلات وكل ده وما استسلموش وأستمر شغلهم وتنظيمهم لأجل رفع راية الإسلام وتحرير مصر من الظلم أزاي نقولهم أمشوا .... لو في قرار صدر منهم غير موفق ننبهم ونعتبهم بهدوء لأن الأخوان إضافه كبيرة وقوة لميدان التحرير وماينفعش ندبحهم.

sum_1_ said...

طمع أي شخص أو حزب أو جهة في الحكم أكبر دليل انه بينظر للسلطة من منظور بتاع مبارك حاجة هبطلع منها مصلحة
كتير سمعوا الكلمة دي: المنصب تكليف و ليس تشريف , لكن واضح انهم حافظينها مش فاهمينها

د ياسر جابر الحاج said...

بيان الإخوان كان فعلا حاد شوية! ورد فعل المشاركين كان حاد شويتين 3 شويات!! بيان الإخوان فيه اتهام ضمني، وكلام المشاركين سيل اتهامات وش! هو في إيه؟! ياللي بتحبو سيدنا علي براحة شوية، قتلة عثمان جايين جايين ما احنا عرفنا الطريقة؟ وأخيرا واعتبروها تهديد: الشعب خلاص قرب يفصل مننا يا ثوار! الشعب خلاص قرب يفصل مننا يا ثوار! الدنيا بايظة بجد!

Nibal said...

كأنك بتتكلمي بلساني بجد
ربنا يكرمك
ربنا يهدي كل الفصائل اللي بقوا عاملين زي الدراير مستنيين لبعض على غلطة وكل واحده امنيتها تطلق التانية

nosseir said...

الاخوان بيقعوا حاليا فى خطاء رهيب
الشعب المصرى اصلا متعاطف جدا مع الثورة عشان الشباب اللى استشهد واللى كل شوية يجيبوا اغانى لهم فى التلفزيون الرسمى
والشباب الثائر دة هو اللى الان فى خلاف مع الاخوان...يعنى الاخوان لبسوا نفسهم خلاف مالوش داعى مع شباب الثورة
وبما ان الشعب متعاطف مع الشباب...يبقى هيكشر انيابة لكل من يهاجم الشباب
ودة اللى بيعملة الاخوان دلوقتى
من الاخر جرس انذار: الاخوان رصيدكم وشعبيتكم بتقل....والله بقولها كلمة لوجه اللة

gogo said...

ياسلام ومالك عمالة تدافعي وتنصحي فيهم .. قال يعني دي اول مرة يكدبوا ماطول الوقت بيكدبوا لكن المشكلة انهم مسمين نفسهم اخوان مسلمين ويكدبوا .. طيب علي فكرة من زمان وانا مسمية شعارتهم الاخوان المسلمين "الكدب هو الحل " و " الاخوان مصلحتك اولا " ولا مصلحة البلد ولا الكلام الفاضي دة .. المشكلة الاكبر انهم بيعتبروا اي نقد ليهم اوهجوم دة محاربة للاسلام علي اساس انهم معاهم التوكيل الحصري للاسلام .. انا مش هاشتم لسببين الاول علشان اضايقك بما انك بتحبي الشتيمة والتاني علشان انا اصلا مابشتمش

المصوراتي said...

ربنا يستر يا نوارة

انا قلقان جدا علي الاخوان الايام دي

بس احنا كشباب الاخوان حسين اننا بنتربي بس بطريقة جديدة تتناسب مع الديمقراطية و الحرية و ان مفيش اعتقالات

بنتربي بالاختلاف و النقاش و الحوار
و عمر الشوري ما جابت غير الخير

شكرا يا ستي علي الاهتمام و ربنا يستر و يقدم الخير لمصر و المصريين اللهم امين

DIY CNC said...

الى يتجوز امى اقلو يا عمى

DIY CNC said...

شعار الخوان الغير معلن
الحق مادخل جيبى والباطل ماطلب منى

Amr said...

معلش أنا مش وفدي و يمكن خبختلف معاهم في حاجات كثير .. لكن ليا أصدقاء من شباب الوفد اللي كان موجود أمبارح يمكن جم متأخرين علشان أنتخابات الحزب عندهم لكن بصراحة هما مش موافقين على قرار الحزب بالأمتناع عن المشاركة و جم بعد الانتخابات ما خلصت على الميدان على طول

حاجةة تانية اللي لاحظته أن الأخوان مش بيستحملوا أي نقد ليهم ، رغم أنهم هما اللي بدءوا بالبيان بتاعهم بصراحة شىء مخزي أن فيه فصيل سياسي يصدر بيان بالشكل المريب ده بيفكرني ببيانات الحزب الوطني قبل 25 يناير

كلمتين محشورين كنت هطق لو ماقلتهمش

Ibrahim said...

برده أنتي ميرضيكشي إني أنزل الميدان بعد ما كنت هأعيط علي الشهداء و جرحي الثورة اللي مش لاقيين يتعالجوا و أنتي قعدتي تقولينا عشان خاطر د/ مصعب اللي هوا أخوان اساسا
و بعدين ألاقي مفيش و لا احجة من الكلام ده و يطلع كله الدستور أولا و تأجيل الإنتخابات
ما ده برده انتهازية و استغلال و تجارة بدماء الشهداء و آلام الجرحي
عشان ناس معينة يحطوا طلباتهم الخاصة كعنوان في الآخر
شعار كل القوي السياسية حاليا بما فيهم الأخوان
(( أنا كنت جزء من النظام ))

dr_abdog said...

الاخوان غلطوا؟ طبعا ... ولازم يراجعوا
نفسهم
انا طبعا مش باتكلم على موقفهم بعدم النزول لأن ده مايختلفش اتنين في انه من حقهم ... انما الكلام على التصريحات وطريقة صياغتها ...

بس في المقابل ماننساش انهم بشر يخطيء ويصيب وان رايتهم المرفوعة هي فخر لكل مسلم بل ولكل عربي
وان اعدائهم من اليسار اصبحت تصريحاتهم في غاية التطرف واقصاء الآخر
و كمان بقى الحملة الشرسة والفجة والغير مقبولة على كل ماهو اسلامي في معظم وسائل الاعلام لا بد لها من ان تتوقف لانها حملة خاسرة في نهاية المطاف ولأن الشعب المصري متدين بطبعه ولن يقبل بهذه السفاهات

هناك مقولة غربية شهيرة يقول صاحبها"مادمت اتلقى الركلات في مؤخرتي فأنا في المقدمة" اي ما معناه بالعربي: أن الورود تقدم للموتى... ولا يرمى الا الشجر المثمر...
وكفى الاسلاميين بهذا شرفا
ربما أخطأ الاخوان وربما سيخطأون مستقبلا ولكن هذا ليس سببا لجعلهم وليمة يتسابق الكل على الفتك بها بل الاولى مساعدتهم على النهوض من عثرتهم نظرا الى تاريخهم المضيء الذي لولا فضل الله ولولاه لما وصلنا الى ما نحن فيه الآن

بالنسبة الى دعوتك يا نوارة للجماعة الى مراجعة مواقفها فهي مفهومة ومقبولة ... بل ومطلوبة بشدة في هذه المرحلة الدقيقة ...
ولكن انا اظن ان اليسار الذي ما فتيء يتصيد الاخطاء للاسلاميين عموما والاخوان خصوصا هو الاولى بهذه الدعوة وهوالأولى ايضا بتكثيف الدعوات لوقف الهجوم على الاخوان وتوحيد الصف قبل ان يفوت الأوان ويحدث ما لا يحمد عقباه... ربنا يستر

14681324-88c3-11e0-8e24-000bcdcb5194 said...

ن النخب بتنفخ فى قربة مخرومة ولمؤخذة..:)))) كل الفعليات السياسية خلال ال 10 سنوات القادمة هيظل الخطاب الدينى المسيس فيها هو سيد الموقف .. والحل اصلاح اجتماعى شامل وثورة تعليمية حقيقية ...ياريت كل اصحاب الدكاكين الحزبية الجديدة يشدوا حيلهم وميتأخروش عن انتخابات 2016 .... لانها قربت...:))))

14681324-88c3-11e0-8e24-000bcdcb5194 said...

ن النخب بتنفخ فى قربة مخرومة ولمؤخذة..:)))) كل الفعليات السياسية خلال ال 10 سنوات القادمة هيظل الخطاب الدينى المسيس فيها هو سيد الموقف .. والحل اصلاح اجتماعى شامل وثورة تعليمية حقيقية ...ياريت كل اصحاب الدكاكين الحزبية الجديدة يشدوا حيلهم وميتأخروش عن انتخابات 2016 .... لانها قربت...:))))

14681324-88c3-11e0-8e24-000bcdcb5194 said...

ومن نافلة القول اننا نعيد تذكير ال300 جماعة اللى دعت للخروج عن شرعية غزوة الصناديق المباركة امبارح ..:))ان القوى الايدولوجية مش الحزب الوثنى اللى اختفا فى 4 ساعات .. وان لو نص الشعب المصرى نزل ومعاة الشعوب العربية كلهم مش هيهزوا فيهم شعرة...:))))

14681324-88c3-11e0-8e24-000bcdcb5194 said...

ومن نافلة القول اننا نعيد تذكير ال300 جماعة اللى دعت للخروج عن شرعية غزوة الصناديق المباركة امبارح ..:))ان القوى الايدولوجية مش الحزب الوثنى اللى اختفا فى 4 ساعات .. وان لو نص الشعب المصرى نزل ومعاة الشعوب العربية كلهم مش هيهزوا فيهم شعرة...:))))

المهدى said...

الله أكبر ولله الحمد

14681324-88c3-11e0-8e24-000bcdcb5194 said...

By Molly Hennessy-Fiske and Amro Hassan, Los Angeles Times
May 28, 2011
Reporting from Cairo—
Thousands of protesters filled Cairo's Tahrir Square on Friday for what was billed as a "second revolution," chanting their demands: Try former President Hosni Mubarak and his cronies immediately, end military courts, replace the military government with civilian leaders, reform the constitution and delay the September elections.

There were so many demands, so many slogans and signs that it was difficult to keep track.
"Our message is to continue our revolution until we achieve our goals," said English teacher Mazen Ragab, 25, with the goals being "security, stability — something like that."

Liberal activists called the protest a success. But analysts and observers said it was the latest proof that Egypt's progressives have failed to organize themselves post-revolution into a unified political force capable of overtaking the Muslim Brotherhood, a far more established opposition movement, in the upcoming elections.

14681324-88c3-11e0-8e24-000bcdcb5194 said...

By Molly Hennessy-Fiske and Amro Hassan, Los Angeles Times
May 28, 2011
Reporting from Cairo—
Thousands of protesters filled Cairo's Tahrir Square on Friday for what was billed as a "second revolution," chanting their demands: Try former President Hosni Mubarak and his cronies immediately, end military courts, replace the military government with civilian leaders, reform the constitution and delay the September elections.

There were so many demands, so many slogans and signs that it was difficult to keep track.
"Our message is to continue our revolution until we achieve our goals," said English teacher Mazen Ragab, 25, with the goals being "security, stability — something like that."

Liberal activists called the protest a success. But analysts and observers said it was the latest proof that Egypt's progressives have failed to organize themselves post-revolution into a unified political force capable of overtaking the Muslim Brotherhood, a far more established opposition movement, in the upcoming elections.

14681324-88c3-11e0-8e24-000bcdcb5194 said...

ياريت كل النخب تبقى فى عقل وكياسة ورجاحة عقل الدكتور المعتز باللة عبد الفتاح ... انا ابدى اعجابى الشديد بهذا الرجل صاحب الفكر والرؤية الهادفة لمصلحة المجتمع مش تهييج ولخبطة وبعثرة كيان المجتمع

14681324-88c3-11e0-8e24-000bcdcb5194 said...

ياريت كل النخب تبقى فى عقل وكياسة ورجاحة عقل الدكتور المعتز باللة عبد الفتاح ... انا ابدى اعجابى الشديد بهذا الرجل صاحب الفكر والرؤية الهادفة لمصلحة المجتمع مش تهييج ولخبطة وبعثرة كيان المجتمع

14681324-88c3-11e0-8e24-000bcdcb5194 said...

ياريت كل النخب تبقى فى عقل وكياسة ورجاحة عقل الدكتور المعتز باللة عبد الفتاح ... انا ابدى اعجابى الشديد بهذا الرجل صاحب الفكر والرؤية الهادفة لمصلحة المجتمع مش تهييج ولخبطة وبعثرة كيان المجتمع

3eeez said...

بصى قبل مارد عليكى ...عشان انتى بتقولى الاخوان باعو القضية واخرتهم وحشة....انا بقولك انه ختى لو عايزين يبيعوها عشان مصلحة معينة...هما مش بالغباء عشان يعملو كدهبالشكل السافر ده
..خدى اقرى دى وفكرى وقوليلى رأيك
http://kolhanefsha.blogspot.com/2011/05/blog-post_28.html

المهدى said...

نوارة ريحى نفسك وفكرى فى الخطة البديلة لا يمكن الإخوان أو إخوان 65 يفكروا على طريقتك
النهاردة وقبل قرارهم بساعة زمن كنت بأتكلم مع أحد الخمسةالمغضوب عليهم وكان على إتصال بكبار الجماعة وشعر بإرتباكهم وعرف من البلتاجى إنهم سيحملوا الليلة كلها لإخوان أون لاين وتوقع أنهم سيتراجعوا ويعتذروا لكل القوى الوطنية ( هو يحسن الظن بهم رغم كل شئ)
وتوقعت مثلك( لأنى أسئ بهم الظن) أن يكنوا ولا يتراجعوا ليستطيعوا هضم اللقمة الكبيرة اللى خدوها من المجلس العسكرى
وقلتلوا بالنص إنهم لا يمكن يهدوا التحالف الإسلامى الذى بنوه علشان شوية قوى وطنية ولو إعتذروا إيه اللى حيجمعهم تانى بالسلفيين غير العداء للعلمانيين والملحدين
وبعد ساعة كلمنى فى حالة هستيرية وبيقول أعلنوا الحرب عملوا حاجة تالتة خالص طب لحسن الظن نفع ولا سؤه يبقى إيه

المهدى said...

يبقى مجموعة عواجيز ضيقى الأفق بدأوا حياتهم العملية فى السجون والشعب يهتف لزعيمه كيف بالله عليكى يقدموا صالح الوطن على صالح الجماعة
يبقى مجموعة عواجيز على المعاش أو إقتربوا منه أكبر شخصية حكومية تعاملوا معها كانت مساعد مدير مباحث أمن الدولة وأكبر تقدير لهم أن لا يصفهم الإعلام بالمحظورة كيف يتقبلوا شباب زى الورد بيتفاوض مع رئيس الوزراء وتجرى خلفه كل وسائل الإعلام
عواجيز لم يمكنوا ولم يأخذوا فرصتهم أبدا أمامهم فرصة يأخذوا بلد بناسها (كما يتوهمون )يسيبوها إزاى
طيب بذمتك والحال كما هو الحال يهم كما هم يقدموا خيرت الشاطر بأمواله الطائلة وقدرته التنظيمية الفذة والا يقدموا عبد المنعم أبو الفتوح بنقائه الثورى وعقله المنفتح ووطنيته المفرطة

7oksha said...

دعوة الي شباب الاخوان .. ثورو على مجلسكم البالي مجلس العواجيز .. انتو اثبتلونا في الميدان قد اية انتو شباب مستنير و متفتح و معاه كل الخير لمصر ! لية تسيبو ناس لسة عايشف بنجرسة مبارك و الحزب الوطني بيتحكمو فيكو ؟؟؟؟
الحقو الموقف قبل ما الناس في الشارع تبتدي تكره الاخوان

arabian_faithful said...

السلام عليكم و رحمة الله

أنا زعلان منك قوى حرام عليكى تتهمى قيادات الأخوان بالكذب يعنى حضرتك قصدك أن د.محمد بديع بيكذب أو د.عصام العريان بيكذب أو حسن مالك بيكذب أو خيرت الشاطر بيكذب حضرتك دول ضحوا بعمرهم علشان يقولوا الصدق حيكذبوا دلوقتى طيب ليه يعنى حضرتك متخيلة أنهم حيخافوا من عدم رضى حد ومش حيخافوا من المولى عز و جل !

و بالنسبة للقيادة يا أستاذة الجماعة ليست سياسية الجماعة دعوية كان أجدر بيكى تتكلمى عن الحزب أنما الجماعة دى حاجة تانية الجماعة مش هدفها الحكم أو السلطة الجماعة هدفها بناء مجتمع إسلامى قوى و ليس فى مصر فقط حتى فبلاش تختزلى دور الجماعة فى مجرد المشاركة فى مظاهرة


و بعدين أنا مش قادر أفهم حضرتك تأكدت منين من أنهم عقدوا صفقة مع الجيش طيب صفقة ضد مين ! طيب هما لو عملوا صفقة مع الجيش المصرى _مش الإنجليزى يعنى_ يبقوا خونة طيب الجيش حيفيد الأخوان بأيه بس !

ويا أستاذة القيادة اللى مش عاجبة حضرتك دى كلهم أساتذة جامعة كلهم حاملى دكتوراة كلهم معترف بهم دولياً بعد الثورة أنشأوا أكتر من 20شركة للإستثمار فى البلد ساهموا فى حل مشاكل أنابيب البوتاجاز فى الأقاليم اللى محدش بيقولهم ليلتكم سودا كونوا لجان شعبية لحماية البلد و قرروا أنهم ينسقوا مع الجيش وينزلوا لجان شعبية تانى علشان الأمن ورجال الشرطة اللى خايفين ينزلوا دول و ساهموا فى علاج العديد من المشاكل الطائفية فى أكتر من منطقة

د.محمد بديع راح زار شيخ الأزهر وقاله أنت شيخ المسلمين لما لقى التيارات السلفية بتهاجمه و بينزل كل أسبوع محافظة شكل وأكتر من عشرين ألف واحد بيستقبلوه كل مرة علشان يوضح أن الأخوان جماعة وسطية على فكرة المرشد العام له تصنيف عالمى من أبرز 20عالم فى تخصصه على مستوى العالم وضحى بكل حاجة فى سبيل قول كلمة حق وكان محكوم عليه قبل كده بالإعدام وخاطر بحياتى علشان إيمانه وماخافشى على رقبته وبعد كده حضرتك تقولى بيكذب !
والله العظيم أنا مش من الأخوان بس أنا حزنت بالغ الحزن و الأسى لما أتهمتيهم لأن أنا أحزن لما حد زى حضرتك وأنا عارف مدى مصريتك يهاجم مصريين تانين يعلم الله مدى وطنيتهم و إخلاصهم

وأخيراً حضرتك لما كنتى فى التحرير حسيتى فعلاً أننا أيد واحدة ولا خلاص الحكاية بقت سياسة و قلبت بسفالة وناس كتير طالبت بالدستور أولاً وقالوا لازم نعمل الدستور قبل الإنتخابات


أخيراً والله العظيم الأخوان المسلمين لم يقولوا أنهم القوة الوحيدة فى الشارع بل لم يقولوا حتى أنهم القوة الأقوى أرجوكى لوجه الله تعالى أعيدى قراءة كافة تصريحات قيادات الجماعة وبعد كده قولى اللى حضرتك عاوزاه وبالمناسبة القيادات فى الجماعة بالإنتخاب بالإنتخاب بالإنتخاب


و ربنا يسامحك على إتهامك لناس أحسبهم على خير ولا نزكى على الله أحداً

الشبكة المستقلة said...

سليمان راح في الكازوزة ان شاء الله
http://gate.ahram.org.eg/News/76035.aspx

semsem said...

"" وبعدين هايجى واحد يطلع عينيهم ومش هايلاقوا حد يقف جنبهم "" طب بسلامه امك يافالح هو كان فى حد وقف جنبهم لما مبارك كان مطلع عين امهم

arabian_faithful said...

معلشى بقى يا أستاذة أخر كلمة مين اللى من حقه يقول أنه أغلبية دلوقتى و التانى أقلية اللى نزلوا الأغلبية ولا اللى منزلوش !! يعنى بزمتك العدد اللى كان موجود فى الميدان كان أكتر من نص العدد اللى كان موجود يوم جمعة الرحيل !

مش معنى كده أن الأغلبية الأخوان لأ معنى كدا أن الأغلبية فعلاً كانت ضد النزول اليوم ده ليه بقى الهجوم على موقف الأخوان ماهما بقى بالمنطق ده يبقوا خدوا نفس موقف الأغلبية و يبقى اللى نزل هما اللى بيدعوا للفرقة !

بالمناسبة مش صبحى صالح اللى يحلف كذب ولو على رقبته ولو على رقبة الجماعة كلها صدقينى أنتى متعرفيش الأخوان المسلمين لسه

lollaalshazly said...

ومعلش تصحيح يا نورة المليونيات ده اتعلمناها من اخوتنا المغاربه على الفيسبوك لما عملو مليونيه ضد البوليسارو و كانو فخورين بيها جدا و بيفرجونا احنا المصرين على صور المليونيه بتعتهم اللى كان فيها 3 مليون واحد ضد البوليسارو و ضد دعم الجزائر لعصابات البوليسارو و بيعلنو انو الصحراء مغربيه و المغرب فيه صحراءة و الصحراء فى مغربها

m.elaimy said...

اللغة العربية.. عداء الآخر
(1)

د. عبدالله البريدي | 28-05-2011 00:14





في مطلع عام 2011م أصدر عالم اللسانيات والمفكر العربي المرموق عبدالسلام المسدّي كتاباً قيماً بعنوان (العرب والانتحار اللغوي)، وقد ناقش المسدي فيه جملة من المسائل التي تستحق منا كل العناية والمدارسة.

وتدور تلك المسائل في إطارها العام حول ما يسميه البعض بـ(الحروب اللغوية) وظواهر موت اللغات واندثارها، ويعتقد المسدي بأن الحروب اللغوية لا تقل ضراوة عن الحروب العسكرية ولا السياسية، وقد عبّر عن ذلك ديغول بالقول: (لقد صنعت لنا اللغة الفرنسية ما لم تصنعه الجيوش) (الكتاب السابق، ص 45).

دعونا نتأمل بعض الأحداث والمشاهد اللغوية التي عرضها المسدي في كتابه دون تعليق حول دلالتها ولا استحقاقاتها. فقط لنتأملها جميعاً:

أولاً: يسوق عالم الاجتماع الفرنسي (بيير بورديو) في كتابه (ماذا يعني أن نتكلم) شهادة لها قيمتها تتمثل في الثبوت القطعي بأن المحتل سعى إلى ترسيخ نظرة دونية لدى الشعوب المحتلة إزاء لغتها القومية ودفعها من ثم لتعلم اللغة الأرقى (لغة المحتل).

وقد اندفع الفرنسيون إلى دعم اللغة البربرية في الجزائر إبان الاحتلال وبعده، ومن ذلك أنهم عمدوا بعد استقلال الجزائر إلى تأسيس (أكاديمية اللغة البربرية) ومقرها باريس.

وفي سياق مشابه نجد أن (ساركوزي) حين كان وزيراً للداخلية عام 2006 تحرك لوضع ضوابط للتجنيس من بينها منع المهاجرين في الحديث فيما بينهم بغير اللغة الفرنسية.

ثانياً: اللغة العربية كانت تدرّس في البوسنة والهرسك في مرحلة التعليم العام، وأحسب أن الكثيرين منا لا يعلم هذا الأمر. وفي منتصف عام 2002م ضغط الأميركيون عليهم كي يتوقفوا عن تدريسها بحجة تطبيق برنامج شامل لمكافحة الإرهاب، فأصدر وزير التعليم هناك قراراً بوقف التدريس.

ثالثاً: بادرت فرنسا بإدراج ما تسميه بـ(العربية الدارجة) أو (العربية العامية) ضمن (لغات فرنسا) وذلك عند إقرار (الميثاق الأوروبي حول اللغات الإقليمية ولغات الأقليات)، ولم تكتف بذلك بل سعت فرنسا إلى إدخال العربية الدارجة كمادة اختيارية في ام! تحان شهادة البكالوريا (الثانوية العامة)، وذهبت أبعد من ذلك ففي يناير 1 995م جعلت العربية الدارجة مادة كتابية تاركة للتلاميذ خيار كتابتها بالحرف العربي أو الحرف اللاتيني، وتولت الباحثة (دومينيك كوباي) مهمة الإشراف على ذلك المشروع، وهي معروفة بحماسها الكبير للهجات العامية واستنقاص العربية الفصحى والنيل منها، مع انتمائها المفضوح إلى اللوبي الصهيوني.

رابعاً: هنالك محاولات أخرى بذلت لإحلال الحرف اللاتيني بدل الحرف العربي من قبل أطراف أخرى، ومن ذلك الجهود البائسة في الجمهورية التي صنعها الأمريكان في العراق، إلا أنها باءت بفشل ذريع كما يبدو.

خامساً: قدّم سفيرُ أمريكي في تونس دعوةً لشاعر تونسي مجيد للشعر العربي الفصيح وهو مجيد أيضاً للون من الشعر الشعبي (الشعر الملحون) لإقامة أمسية شعرية، غير أن السفير اشترط عليه أن يلقي شعراً ملحوناً فقط، فأبى الشاعر وقال لنمزج بينهما، فرفض السفير وأصر الشاعر على رأيه، فأجهضت الأمسية وما وراءها!.

m.elaimy said...

اللغة العربية.. عداء الآخر
(2)
سادساً: في عام 2003 قدِم منتجُ سينمائي أمريكي إلى مدينة الإسكندرية وهو يحمل مشروع إعادة بعث مسلسل (افتح يا سمسم) بحلقات جديدة، ولم يكن لديه سوى شرط وحيد يتمثل في ألا يكون الإنتاج بالعربية الفصحى، على أن ُتختار أي ل! هجة عربية لأي قطر عربي.

سابعاً: أشار المسدي إلى أن هنالك جهات غربية عديدة -ومن بينها مجلس الاتحاد الأوروبي- تقف على أهبة الاستعداد لتمويل أي بحث يروم دراسة أي مظهر للهجات العامية، ويواصل المسدي القول (ولن تظفر بدانق واحد لو اعتزمت دراسة أثر اللغة العربية في قاموس اللغة الإسبانية أو قلت إني أعتزم البحث في الألفاظ المتداولة في اللغات الأجنبية والتي هي ذات أصول عربية) (ص 104).

أنا لا أسوق تلك ! المشاهد لمجرد إثبات عدائية الآخر للغتنا العظيمة في سياقات عديدة، بل للتأكيد على أن ثمة استحقاقات كبيرة تقع على عواتقنا جميعاً، ولئن كان حديثي السابق عن العربية موجهاً إلى الشباب والشابات العرب، فإني اليوم أوجه حديثي إلى متخذ القرار العربي في الحقول السياسية والتعليمية والثقافية والإعلامية، فنحن نحملهم وزر التخاذل عن دعم اللغة العربية والتقصير في حمايتها وتعزيزها كلغة قومية دينية لشعب عربي يزيد عدده على 350 مليون ولغة دينية لشعوب مسلمة يتجاوز عددها المليار، مع تقديري الجم لكل الشباب والشابات الذين تجاوبوا مع دعوتي لإطلاق حملات إلكترونية لدعم العربية وصونها، غير أني أنتظر منهم أكثر وأكثر.

كيف نسمح باستخدام اللغات الأجنبية كلغة رئيسة في عدد من المناس! بات التي ُتعقد في عالمنا العربي في مشهد احتضار (الغيرة اللغوية) لدينا؟ ..

في حين أن الساسة الفرنسيين على سبيل المثال يشترطون في المرشح لليونسكو إتقانه للفرنسية أولاً. ويذكرنا المسدي بعدد من المشاهد التي انبرى فيها الساسة لحماية لغاتهم. ومنها أن السلطة المركزية في الاتحاد السوفيتي أقرت في مطلع القرن العشرين (حملة التنقية اللغوية) لحماية اللغة الروسية.

وحين رحل المحتل الياباني عن كوريا وكان قد! منع تداول اللغة الكورية إبان احتلاله، صدر أول مرسوم كوري بحظر اللغة اليابانية واستدعي الشيوخ لتلقين الأطفال والشباب لغتهم القومية، وبعد انتصار (هوشي) في فيتنام أعاد الوهج للغتهم القومية وأعلن (فَتنمة المدارس)، فطلب أساتذة الطب إمهالهم بعض سنوات للانتقال إلى الفيتنامية فأنظرهم تسعة أشهر.

وفي الصين عمد (ماوتسي تونج) إلى إقرار توحيد اللغة الصينية بإقرار أن على كل صيني أن يتحدث (اللغة الخانيّة) وهي لغة بكين، وأن يدع ما سواها، أما جهود اليهود في إحياء العبرية بعد اندثارها فهي أشهر من أن تذكر.

m.elaimy said...

اللغة العربية.. عداء الآخر

(3)




ولنا أن نتساءل بحسرة: وماذا قدم الساسة العرب في هذا العصر لدعم اللغة العربية ومواجهة المهددات ومعالجة المعوقات أياً كان مصدرها ونوعها؟ لن أقول شيئاً محدداً كإجابة، وسأكتفي بالتذكير بأن تآزرنا كعرب سيكون له مردود ملموس في تعزيز العربية وحمايتها ونموها كأعظم لغة إنسانية متكاملة، ومن الشواهد الدالة على ذلك ما يسوقه الدكتور المسدي حيث يرى أن إدخال اللغة العربية كلغة سادسة ضمن اللغات المعتمدة في المنظمات الأممية في بداية عام 1974م حدث من جراء عدة عوامل، ومنها ما تحقق من انتصار عسكري وسياسي واقتصادي عربي عام 1973م، ولنقل بقدر من التآزر العربي والعمل المشترك.

هل تتحركون أيها العرب لحماية لغتكم ومن ثم ُهويتكم ولصيانة أعظم لغة إنسانية متكاملة، وهي اللغة الوحيدة التي عمرت قرابة 17 قرناً في حقيقة علمية قاطعة -فوفقاً للمسدي- (فلأول مرة في تاريخ البشرية - على ما نعلمه من التاريخ الموثوق به- يُكتب للسان طبيعي أن يعمر حوالي سبعة عشر قرناً محتفظاً بمنظومته الصوتية والصرفية والنحوية، فيطوعها جميعاً ليواكب التطور الحتمي في الدلالات دون أن ينتزع النظام الثلاثي من داخله..

إن اللغة العربية ُتلقي بتاريخها تحدياً كبيراً أمام العلم الإنساني، وهذا التحدي يبتهج به العلماء الذين أخلصوا إلى العلم مهجتهم، ولكنه يغيظ سدنة التوظيف الأممي، ويستفز دعاة الثقافة الكونية، لا سيما منذ بدأت المعرفة اللغوية المتقدمة على المستوى ! العالمي -وفي الجامعات الأمريكية تخصيصاً- تكتشف ما في التراث العربي من مخزون هائل يتصل بآليات الوصف اللغوي، ويقف على الحقائق النحوية العجيبة، ويستلهم مكونات المنظومة الصورية الراقية التي انتهى إليها النحو العربي: من حيث هو إعراب، ومن حيث هو منطق قياسي، ومن حيث هو كذلك علم بأصول الظاهرة اللغوية الكلية) (ص 26).

غير أن البروفيسور المسدي يرى بأن العداء الخارجي ليس هو الأخطر على اللغة العربية، إذ الأشد خطراً وفتكاً بها هو لون من العداء الداخلي أو ما أسماه بـ(آلية النسف الداخلي التي تهدد اللغة العربية بالانفلات الذاتي على يد أبنائها وعلى مرأى من ساسة أبنائها) (ص 26)، وذاك حديث يتطلب مقالاً مستقلاً.

ولعلي أعيد طرح السؤال المحوري:

ترى ماذا سوف تعملون أيها المتنفذون العرب في الفضاءات السياسية والتعليمية والثقافية والإعلامية إزاء لغتكم وهويتكم؟

mm said...

بجد انتي هايلة يانوارة
الحرس القديم للاخوان بعقليته المحاورة المناورة يجب ان يرحل
الاخوان جزء من كل ولا يمكن الاستغناء عنهم
يجب ان نعقل ونتعقل لا نتشرزم
وشكرا

Dreamy said...

والله يا نوراة عندك حق ... بس من الواضح أن الإخوان إختارو أنهم يبقوا الحزب الوطنى فى عصر ما بعد الثورة باستخدامهم نفس الأساليب وإعجابهم بكثرتهم ... وده كفيل أنه يسقطهم من عيون الناس
أسلحة سياسية غير مشروعة بدأو يستخدموها وده خذلنى جدا لأنى كنت حاسة انهم يعتمد عليهم
وربنا يستر عالأيام الجاية بس أكيد هتبقى خير لأن الجيل اللى قام بالثورة لسه موجود على وش الأرض

د. أحمد مراد said...

تحية خاصة لصاحب الرد التالي .. بصراحة رد برقبة مقالة الطويلة كلها :


الاخوان غلطوا؟ طبعا ... ولازم يراجعوا
نفسهم
انا طبعا مش باتكلم على موقفهم بعدم النزول لأن ده مايختلفش اتنين في انه من حقهم ... انما الكلام على التصريحات وطريقة صياغتها ...

بس في المقابل ماننساش انهم بشر يخطيء ويصيب وان رايتهم المرفوعة هي فخر لكل مسلم بل ولكل عربي
وان اعدائهم من اليسار اصبحت تصريحاتهم في غاية التطرف واقصاء الآخر
و كمان بقى الحملة الشرسة والفجة والغير مقبولة على كل ماهو اسلامي في معظم وسائل الاعلام لا بد لها من ان تتوقف لانها حملة خاسرة في نهاية المطاف ولأن الشعب المصري متدين بطبعه ولن يقبل بهذه السفاهات

هناك مقولة غربية شهيرة يقول صاحبها"مادمت اتلقى الركلات في مؤخرتي فأنا في المقدمة" اي ما معناه بالعربي: أن الورود تقدم للموتى... ولا يرمى الا الشجر المثمر...
وكفى الاسلاميين بهذا شرفا
ربما أخطأ الاخوان وربما سيخطأون مستقبلا ولكن هذا ليس سببا لجعلهم وليمة يتسابق الكل على الفتك بها بل الاولى مساعدتهم على النهوض من عثرتهم نظرا الى تاريخهم المضيء الذي لولا فضل الله ولولاه لما وصلنا الى ما نحن فيه الآن

بالنسبة الى دعوتك يا نوارة للجماعة الى مراجعة مواقفها فهي مفهومة ومقبولة ... بل ومطلوبة بشدة في هذه المرحلة الدقيقة ...
ولكن انا اظن ان اليسار الذي ما فتيء يتصيد الاخطاء للاسلاميين عموما والاخوان خصوصا هو الاولى بهذه الدعوة وهوالأولى ايضا بتكثيف الدعوات لوقف الهجوم على الاخوان وتوحيد الصف قبل ان يفوت الأوان ويحدث ما لا يحمد عقباه... ربنا يستر

ayman al shafe3y said...

انا عايز اقول للأخوان بلاش تاخدوا جنب و تقعدوا لوحدكم
تقعدوا لوحدكوا
لا ميخدوش جنب لان فيهم اللى بيعرف يختلط
و انا زعلان عليهم لان كان نفسى ينجحوا و كنت حديهم صوتى لو كانوا عملوا زى حزب العداله و التنميه فى تركيا

بلاش الاتفاقات و الكلام الفارغ
السياسه تتلعب لما يبقى فيه مجلس شعب و دستور و رئيس
و المجلس كان عايز يعرف مين اللى فى الشارع عشان يتكلم معاه و يعرف مطلب الشارع
لكن انتوا افتكرتوها سياسه
و السلفيين نفسهم سابوكم و لما دلوقتى كل ما اكلم واحد سلفى عن الأخوان يقولوا كلمه واحد " دول انتهازيين "
و اعتقد ان المجلس بيلعب سياسه مع الاخوان لما يقولهم متنزلوش يقوموا يعملوا الواجب بزياده و يقوم هو طالع قايل أنزلوا عادى

و بالغباء الشديد بتاعكم سيبتوا الميدان عشان اللى نزلوا يبان حجمهم رغم التهديد و التخويف و الكلام العبيط اللى قعدتوا تخوفوا بيه الناس
الميدان كان فيه تقريبا 300 الف
و ده عدد كبير جدا بعد حملات التخويف و انكم قلتوا على الجمعه انها ضد الجيش او ضد الشعب

و اللى يقولى لا 300 الف مش كبير
افكره ان فى ال 18 يوم ثوره كان فى اعداد قليله اقل من هذا الحد فى بعض الأيام
و تحديدا يوم 1 فبراير و الناس نزلت لما حست ان فى خطر
و زادت بعد يوم 2 فبارير و فضلت قاعده و العدد لم يقل بعدها ابدا

و الجمعات لسه جايه طالما لسه ممتناش

و باقى أحزاب المعارضه اللى رفضت تنزل هى كمان فا هى اصلا لاعبه سياستها اللى هى تجرى ورا الاغلبيه لانه اصلا ملهمش وزن فا عايزين اى حته من التورته

بس بقول ان بغبائكم استعجلتوا على التورته

و كل أغبياء الأعلام أتفضحوا معاكم


و انا عايز مش منتمى لاى حزب و عمرى ما حنتمى و حفضل بس اختار الحزب اللى يعمل اللى محتاجينه

و مش حنتمى لحزب الا لو اتعمل حزب التنميه و العداله

عشان البلد محتاجه دول دلوقتى فى فتره البناء

عداله = كلنا مصريين
تنميه = أقتصاد قوى و محترم عشان مصر تبقى قويه




و انتى عندك غلطه فى التدوينه عايزك متعمليهاش تانى
حتى انا قلت لواحد صاحبى عليا امبارح هو عملها قبلك فى ميدان التحرير
بس مش حينفع اكتبها دلوقتى
حبقى اكتبلك الكلمتين دول لو غلطتيها تانى يمكن تاخدى بالك

* أن الأوان ترحلى يا دوله العواجيز *
* أن الأوان ترحلى يا دوله العواجيز *

hesham said...

ياست الكل
الجمعة هايلة والحشد شديد يلا روحوا علي الصناديق يلا خايفيين لية من الانتخابات لية عايزين وقت كمان وكمان وبعدين بدلا من ان تنظمي الاخوان وتديهم نصائح ادي نصائح ل150 ائتلاف في نكتة بتقول ان 3 ليبرالين يجتمعوا يصدروا احزاب 10
انتم الكسبانين طلعتم علي اجماع نسيتوة لية وقعدتم تطلعوا في هتافات ومطالب الدستور اولا والمجلس الرئاسي كدة كان الاتفاق
اعملوا بليونية اخري الاسبوع القادم وبعد القادم زهقتم الناس الناس سمعت غضب بلا ش الناس انا اتعقدت قلت موت ثاني ومصابين ثاني حرام الحمد للة عدي وانتم كسبتم حشد وجماهير وثقة عسي ان تكون حقيقية

احلام جوليا said...

انا معك في مقالتك ورايك وتوحيد الصف حتى مع الاخوان وارجاعهم للصف لكن بحذر فمن يخون مرة لا امان له ولكني اريد ان اتحدث معك عن امر اخر اسمحي لي اتصلت بمصر وعرفت التالي لا يوجد عمل بالمحافظات ولا اي شئ في المجالس المحلية اعرف اتنين في المجالس المحلية قاعدين في البيت مش بيروحوا الشغل لان مكاتب الكل اتسرقت وحتى الكمبيوترات الاهم الاراضي الزراعية الي كان ممنوع البنا عليها كله بيجرف ويبني وعلى ما تفوقه حتلاقوا مصر مفيهاش لا زراعة ولا صناعة ولا حتى متر تزرعوا فيه ذرة مش القمح الي عشمانين تعملوا منه اكتفاء ذاتي وبعدين ببساطة كده مش بدل ما تروحوا تعمروا الصحرا ابدا تنقذوا الاراضي الزراعية من التجريف عاوزة اقول لك اعرف واحد تخصص تجريف اراضي زراعية كانت الحكومة واقفة له ومانعينه من التجريف ومعاكساه في تراخيص بنا لاراضي سبق وجرفها شغال الله ينور يشتري في اراضي زراعية ويجرف جرف عدد مهول من الفدادين وطالع بالعمارات شغال والحديد سعره ولع بسبب الناس الي زي دول شغالين بنا والعملية خربت حتى واحد والله قريبي كان عنده ارض شاريها مجرفة زراعية وبعدين بنا مرة عليها سور هدوه له اليومين الي فاتوا ايه طلع بعمارة و لاحد قال له انت فين ايه الحكاية يا نواره هو انتم حتسبوها تخرب ولا ايه متقوليليش دول قلة مندسة لا ن دول اغلبية ساحقة وكتير من معارفي هنا فلاحين وصعايدة عرفنا ان الفلاحين شغالين تجريف اراضي وبنا والصعايدة بيبيعوا الاثار ووسط كل ده في حمير بتطالب بان الانتخابات تتاخر ونفضل على الحال ده لحد ما حال البلد يتضبط والاحزاب تستعد ايه الخيبة القوية دي دي البلد تضيع لو طولت الخيبة عن كده لازم يبقى في حاكم ودولة وبسرعة ومش بس كده انا مش عاوزة حاكم ثوري شريف وخلاص لا الاهم حاكم قوي وله سلطة يتعمل له اعتبار ويمسكها بايد قوية لان البلد فعلا سايبه والي بيحصل يحزن وبصراحة الحكومة الثورية بتاعتكم دي عاوزة شوية سوا نية قوي الطريقة الي بيرفعوا بها الاقتصاد العن من طريقة مبارك شغالين علينا تسول من الشامي والمغربي حاجة تكسف ومش شايفين انجازات وكله كلام طبطبة الحال كده بصراحة ميسرش

Ahmed Nasr said...

ازيك يا نوارة..
الولاد صحابي صاحيين عالصبح يا فتاح يا عليم بيقولوا لي الحق نوارة عايز تعمل لك استدعاء قلت لهم فدا مصر يابيه..
:)))))

حتى لو اتناقشنا في تفاصيل، فأنا اجمالا موافق على كلامك..ارم وروح القدس معك :)))))

ولما انزل مصر أكيد هيكون لنا حديث ان شاء الله..بس ادعي اعرف انزل قريب :)

Ahmed Diab said...

شكرا يا ستى على الكلام اللى مالوش لازمة ده .

وأحب أقولك أنا واحد من شباب الاخوان اللى اتخيطوا فى راسهم واصبت بشرخ فى الجمجمة ، ورغم كده عاجبنى قادة الاخوان جميعا ومالكيش دعوه بنا

وارحمى نفسك بقى وخليك فى حالك !!!!!!

Mohamed said...

نفسى أصحى من النوم الصبح اللاقى بعض المصريين تخلصوا من نظريه " أنا أصارع ،، أذن أنا موجود " عدو مصر الاول هو الجهل و الد أعداءها هم أنصاف المثقفيين الضعفاء الذين يبحثون لنفسهم عن جماعه أو أئتلاف أو حتى تنسيقيه حتى يحموا ضعف شخصيلتهم داخلها ، ممكن نبطل تضييع الوقت والجهد في الكلام عن الاختلافات بين المسلمين والمسيحيين والإخوان والسلفيين والعلمانيين والليبراليين والشيوعيين واليساريين و الثورجيه و لوبيات الثوره و شباب ماسبيرو و شباب الصحه و مايستجد .. صدقوني لو الطاقة والكلام كله اتوجه ناحية مستقبل مصر 2020 وتوفير فرص العمل ومعالجة المشاكل الاقتصادية واستثمار وقتنا في بناء مجتمع قائم على العدالة ... كل الصراعات اللي مالهاش معنى دي هتبقى هامشية وثانوية .. بافكر نفسي قبلكم: مصر أولا

Mahmoud said...

يا نوارة أبوس رجرك ورجر ابوكي يا شيخة اختصري.. أو اكتبي زي ما انتي عايزة بس حطي فقرة في الأول أو الآخر فيها النقط الرئيسية عشان فيه ناس مالهاش خلق تقرا بوست طويل كده.
كله كلام جامد جدًا ومحترم بس عندنا مشكلة في موضوع القراءة ده.
أنا عندي استعداد اشتغل "مختصراتي" لو تحبي.. أنا باعرف اختصر كويس جربي تختصري أو جربيني.
روحي يا شيخة ربنا يعمر بيتك

heba662004 said...

برافو يا نوارة
غم انى مفروسة من الاخوان لكن مش عايزين نفرح فينا حد
لو شفتى عمرو اديب امبارح مبسوط قوىىىىى
من اللى حصل وبيشعللها بين الطرفين ووراه طبعا شردى اللى حزين من الثورة اكتر من الحزب الوطنى
والنبى كلمتين للافاق عمرو اديب اللى نفسه يشمت فينا واحنا بنقطع فى بعض اول مرة اشوفه فرحان قوى كده من يوم ما اتضرب فى الميدان

Jameel said...

يسلم فمك. هوه ده ملخص مطول جدا لما يحدث!
أصبح من الواضح جدا أن قيادات (عواجيز) الإخوان قد باعوا أنفسهم كما تعودوا أن يفعلوا ( من يهن يسهل الهوان عليه ما لجرح بميت إيلام ) وهم إذ يتخاذلون إنما يفرطون أكثر ما يفرطون بحقهم و حق شبابهم الذين يستحقون قيادات انظف و أذكى من هؤلاء العواجيز الذين إمتهنوا و إستطيبوا مهنة العهر السياسي. بل تطور الحال بهم الآن ليقوموا بدور القوادة السياسية بتجميل السلفيين و تزبيطهم و تقديم أنفسهم كوسيط لمن يريد أن ينهل من قواعد السلفيين العريضة. حسبي الله ونعم الوكيل.
ولكن و بغض النظر عن نجاح يوم جمعة 27 فما زال بإمكان الإخوان و حبايبهم السلفيين إذا تحالفوا مع المجلس العسكري الإلتفاف على الثورة و شق الصف وهم لايدركون أن قوتهم هي أنهم الفئة الأكبر والأحسن تنظيما ضمن الإجماع الشعبي وأنه إذا تم التقسيم و ضعفت القدرة على الحشد سيكونون كالأيتام على مائدة اللئام و أن الوعود ستنكث و العهود ستنقض. الديناصورات قد إختاروا طريقهم (الطريق المنحدر السهل الذي ألفوه و طرقوه أكثر من مرة ولم يؤد بهم إلا إلى الهاوية) و الرهان الآن على الشباب الإخواني الواعي لا لينشق عنهم و لكن ليضغط و يجر هذه الديناصورات لما فيه مصلحة الجميع.
صورة لا تفارق مخيلتي, عمر سليمان يملي على الحاضرين ما سيتصدق عليهم مبارك به و صورة المخلوع تهيمن على المشهد من وراءه بينما يجلس محمد مرسي كالتلميذ الخائب فرحا بأنه و لاول مرة يجلس على الطاولة وليس كما تعود أن يكون واقفا و وجهه للحيط. كان وجهه لعمر سليمان و ظهره للملايين التي كانت تهتف الشعب يريد إسقاط النظام.

gehan said...

اول مرة ازعل ان مقالك انتهى يا نوارة و احس انه خلص بسرعة لآن فيه دروس و عبر بس اللى يفهم و يعتبر و تاريخ الإخوان محذوف منه الكلمتين دول .. اسلوبهم فى الحقيقة بيفكرنى بمثال قاله د.ابراهيم الفقى فى احد محاضرات التنمية البشرية "عمرك شفت واحد قدام بيته حفرة و بيقع فيها كل يوم ٢٠ مرة "
فأنت لست الأولى و لا الأخيرة من كم اللى نصحوهم و نبهوهم و نقدوهم و فكروهم بأيام زمان لعلهم يتراجعوا و لكن الكبر بأنهم الفصيل الوحيد الذى يمثل الأسلام الحق و طبعا ده بسبب انهم من كتر ما كذبوا على الناس صدقوا نفسهم .. و الغرور اللى مطمنهم ان ليهم اغلبية فى الشارع و فى زيادة كل يوم ما دام شبابهم طافح الدم و بيجرى لهم فى كل مكان علشان يكسب لهم اصوات و مش مهم ازاى .. و الذنوب اللى بيعملوها فى الآتفاقات المشبوهة مع السلطة من اجل مصالحهم علشان يكسبوا الأغلبية فى مجلس الشعب على حساب شباب الثورة اللى ضحى بحياته و بعنيه و بصحته و مستقبله و قام بالثورة دى و مش هاين عليهم يستنوا كام شهر علشان يبقى ليهم مكان فى مجلس الشعب القادم اللي هو من حقهم يكونوا فيه الأغلبية بما فيها شبابهم اللى خسارة فيهم ... اعتقد ان دى بعض الآسباب اللى تخلى ربنا يعمى بصيرتهم و يسلطهم على نفسهم و يخليهم يفضحوا نفسهم و ده سر المواقف الخزعبلية اللى بيعملوها و لو عدوهم مش حا يعرف يعمل فيهم زى ما بيعملوا فى نفسهم ... أما بالنسبة لطلبك من قياداتهم انهم يسيبوا قيادة الجماعة لشبابهم اللى فعلا زى الفل و اللى تأكدت انه خسارة فيهم بعد ما قابلت اتثين منهم صدفة بميدان التحرير يوم ٢٧ بس طبعا مش حا اقول اسماؤهم و قلتلهم كل اللى فى قلبى بصراحة توجع و استقبلوه بكل ادب و حاولوا يلتمسوا اعذار لقياداتهم بتهيألى ده لو حصل يبقى من علامات يوم القيامة و لكن انا بحييك من كل قلبى على جردل الميه المثلجة اللي طستيه في وشهم يمكن يفوقوا و نقول بركاتك يانوارة لآننا نفسنا كل القوى الوطنية و الثوار و الشعب خصوصا حزب الكنبة نبقى قلب واحد في حب مصر و ايد واحدة للعمل لصالح شعب مصر و الأمة العربية .. و احييكى كمان و كمان انك قدرتى تجيبى حق شبابهم اللي باعوه فى لحظة و عرفتيهم قيمته بس على الله يفهموا و إذا ما فهموش كالمعتاد او استعبطوا و عملوا ودن من طين والثانية من عجين يبقى ما فيش غير حل واحد ان شباب الآخوان اللي شارك فى الثورة ينفصل عن الكبار و تابعيهم من محدودى الفكر و يعملوا جماعة "شباب الأخوان" و اراهنك ان اغلبية الشعب المصرى حا ينتخبهم لآنهم بيجمعوا بين الدين و الوطنية الحقيقية مش المزيفة

AYMAN said...

كلكم يامحبي الظهور بدون إستثناء متسلقين طالبي سلطة بس عامة الشعب مدرك تماما الغ رض الأساسي من كلامكم الأجوف وسراعكم علي السلطة ولذلك نتيجة الإنتخابات القادمة إن شاء الله سوف تكون مخيبه لكل الطامعين الذين يظنوا أن الشعب المصري غير مدرك
أيامكوا طويلة وخيبة الأمل في أخرها

gehan said...

اول مرة ازعل ان مقالك انتهى يا نوارة و احس انه خلص بسرعة لآن فيه دروس و عبر بس اللى يفهم و يعتبر و تاريخ الإخوان محذوف منه الكلمتين دول .. اسلوبهم فى الحقيقة بيفكرنى بمثال قاله د.ابراهيم الفقى فى احد محاضرات التنمية البشرية "عمرك شفت واحد قدام بيته حفرة و بيقع فيها كل يوم ٢٠ مرة "
فأنت لست الأولى و لا الأخيرة من كم اللى نصحوهم و نبهوهم و نقدوهم و فكروهم بأيام زمان لعلهم يتراجعوا و لكن الكبر بأنهم الفصيل الوحيد الذى يمثل الأسلام الحق و طبعا ده بسبب انهم من كتر ما كذبوا على الناس صدقوا نفسهم .. و الغرور اللى مطمنهم ان ليهم اغلبية فى الشارع و فى زيادة كل يوم ما دام شبابهم طافح الدم و بيجرى لهم فى كل مكان علشان يكسب لهم اصوات و مش مهم ازاى .. و الذنوب اللى بيعملوها فى الآتفاقات المشبوهة مع السلطة من اجل مصالحهم علشان يكسبوا الأغلبية فى مجلس الشعب على حساب شباب الثورة اللى ضحى بحياته و بعنيه و بصحته و مستقبله و قام بالثورة دى و مش هاين عليهم يستنوا كام شهر علشان يبقى ليهم مكان فى مجلس الشعب القادم اللي هو من حقهم يكونوا فيه الأغلبية بما فيها شبابهم اللى خسارة فيهم ... اعتقد ان دى بعض الآسباب اللى تخلى ربنا يعمى بصيرتهم و يسلطهم على نفسهم و يخليهم يفضحوا نفسهم و ده سر المواقف الخزعبلية اللى بيعملوها و لو عدوهم مش حا يعرف يعمل فيهم زى ما بيعملوا فى نفسهم ... أما بالنسبة لطلبك من قياداتهم انهم يسيبوا قيادة الجماعة لشبابهم اللى فعلا زى الفل و اللى تأكدت انه خسارة فيهم بعد ما قابلت اتثين منهم صدفة بميدان التحرير يوم ٢٧ بس طبعا مش حا اقول اسماؤهم و قلتلهم كل اللى فى قلبى بصراحة توجع و استقبلوه بكل ادب و حاولوا يلتمسوا اعذار لقياداتهم بتهيألى ده لو حصل يبقى من علامات يوم القيامة و لكن انا بحييك من كل قلبى على جردل الميه المثلجة اللي طستيه في وشهم يمكن يفوقوا و نقول بركاتك يانوارة لآننا نفسنا كل القوى الوطنية و الثوار و الشعب خصوصا حزب الكنبة نبقى قلب واحد في حب مصر و ايد واحدة للعمل لصالح شعب مصر و الأمة العربية .. و احييكى كمان و كمان انك قدرتى تجيبى حق شبابهم اللي باعوه فى لحظة و عرفتيهم قيمته بس على الله يفهموا و إذا ما فهموش كالمعتاد او استعبطوا و عملوا ودن من طين والثانية من عجين يبقى ما فيش غير حل واحد ان شباب الآخوان اللي شارك فى الثورة ينفصل عن الكبار و تابعيهم من محدودى الفكر و يعملوا جماعة "شباب الأخوان" و اراهنك ان اغلبية الشعب المصرى حا ينتخبهم لآنهم بيجمعوا بين الدين و الوطنية الحقيقية مش المزيفة

Faissl said...

نحن شعب لا تقمعه الثورات.. لكنه يقمع الثورات..!!
حسيي الله ونعم الوكيل في هذا الشعب لو ضيّع ثورته تاني..

Mohamed said...

كلامك جميل ومش هتاخدي ثواب مني بس فية افكار وكلام مكرر كتيييييييييير بس احب ااقولك انه لولا شيوخنا ماتعلمنا واتصور ان الاخوان من الخبرة ف مواجهةأنظمة الحكم المختلفة فلها الحرية ف رؤيتها وكيفية التعامل مع الأحداث وليس من اللائق ان يتم الإداعاء بدون دليل وجود اتفاق بينهم وبين الجيش وهو نفس ادعائات السابقة عندما كانو يدخلون المجالش الشعبية والمحلية ف عهد الحزب البائد ونقول صفقات

Mohamed said...

الحوار و التفاهم و التناغم مطلوب بين كل القوى الوطنيه ، لن ينفع الحوار بالمدونات ، لازم خطوه متقدمه ، أقترح أن تدعو الاخوان الى حوار ميدانى و أقترح أن يكون المكان هو عزبه الهجانه وذلك أثناء عمل حمله لتنظيف لان الناس الغلابه اللى هناك موش حاسه أن الثوره عملت لهم حاجه ، شاهدوا مأساه البشريه هناك و أنا واثق أن كل هذه الطاقات ممكن تتوحج هناك ، شاهدوا على الطبيعه هذا الفيديو على هذا الرابط ، ربنا معاكم ، http://www.shorouknews.com/contentdata.aspx?id=465618

akramelsheikha said...
This comment has been removed by the author.
محمد طنطاوي said...

مشعارف أقولك ايه ؛ قلتى كل اللى أنا عايز أقوله وزيادة

محمد طنطاوي said...

مشعارف أقولك ايه ؛ قلتى كل اللى أنا عايز أقوله وزيادة

محمد طنطاوي said...

مشعارف أقولك ايه ؛ قلتى كل اللى أنا عايز أقوله وزيادة

moo said...

كان ياما كان فيه عالم حبس برغوت فى برطمان وقعد يراقب سلوكه
البرغوت فى الاول قعد ينط يحاول يخرج من البرطمان وبعدين لما زهق وراسه وجعته من كتر الخبط احتفظ لنفسه بمسافه دون خط الاصطدام ولكى لا تتيبس مفاصله ولكنه لم يياس من محاولة الخروج وبعد مدة ليست بقليلة فتح الرطمان هيييييييييييييييه
ولكن المشكلة ان السيد برغوت كان قد كيف نفسه وتحورت اعضائه لتلائم هذا التكيف على الارتفاع الذى يحول دون اصطدامه مع اى سلطه اقصد مع اى غطاء للبرطمان هنا تكمن المشكلة يجب فعلا تغيير النظام الخبرة شىء مهم ولكنه يفسد الاختيارات الحاسمة ان ماحدث كان له اثار سيئة على الاخوان وعلى زملاء الميدان ايضا ولكنى اقول للمحترمين منهم التمسوا لاخيكم بعض الاعذار من السبعين عذرا وعينوا الباقى لانكم حاتحتاجوها لان دى مش حاتبقى اول مرة ولا اخر مرة لحد ما القدرة على الحوار تتعدل والناس تحس بقيمة اولادها وبما قدمت من تضحيات
واللهم الف بين قلوبنا

أبو هاجر said...

ست الكل صباح الخير

النوارة تمارس الهبل السياسي

بصراحة يا النوارة حديثك عن الإخوان ونصائحك لهم تدل وبشكل قاطع أنك تمارسين الهبل السياسي وتجهلين تاريخ مصر الحضاري ،كما تجهلين التنظيم و الهيكلة التي يقو م عيها تنظيم الإخوان لأن الجماعات الإسلامية معروف عنها الانضباط و بخاصة تقسيم العمل . لهذا شباب الإخوان يعرفون الدور المنوط بهم كما يغرفون متى يقفون عند حدودهم لأنهم يعرفون . أن المسائل الفكرية و التنظيرية لها رجالها . من الآخر يا النوارة الإخوان منذ ثمانين حولا أي منذ تأسيس الجماعة سنة 28 ورغم أخطائهم الجسيمة كانوا حملة وحماة وحاملي رسالة الأمة الحضارية ودفعوا ثمنا غاليا من اجل ذلك أخرها كان في ميدان ا التحرير. نعم يا النوارة من حمى الثورة هم الإخوان بدأ باللوجستيك من مبكرات الصوت والشاشات والمنصات التي كانت في الميدان إلى التضحيات بالروح بحاصة في ليلة الحسم لما قرر النظام تنظيف ميدان التحرير وكان قادرا على ذلك وبمنتهى السهولة . فجاء المدد والإمداد من شباب الإخوان فأبدعوا في التصدي وبصدور عارية . لأنهم يرون في أنفسهم أصحاب قضية . وأنا هنا أتحدث عن إخوان مصر لأنهم يا النوارة مرجعية ليس لمصر إنما للأمة بكاملها .
الشباب الذين حملوا السلاح عندنا ورفعوا شعار الكفاح المسلح ، وكانوا بالآلاف كانوا يحملون البندقية بيد " ورسائل الشباب" " و معالم في الطريق " بيد أخرى . التنظيم الدولي للإخوان يا النوارة قياداته ومنظريه الكبار من مصر. مصر التي بها اكبر مؤسسة ناطقة باسم الإسلام السني في العالم الإسلامي. أعمليلك جولة داخل أروقة الأزهر واسألي عن رواق المغاربة .أي المغرب العربي . مصر يا النوارة هي حاضنة هوية وثوابت الأمة من لغة ودين وانتماء حضاري . مصر يا النوارة عبر تاريخها كانت حاملة وحامية رسالة الأمة الحضارية . و الإخوان يرون في نفسهم استمرار ا لهذه الرسالة و أي تخطي لهذه الحقائق التاريخية يترتب عنه خطأ سياسي كبير . لازلت أتذكر ندوة في قناة التنوير من ضمن الحضور واحد معتوه يقول عن نفسه ليبيرالي ظل يتحدث طول الحصة عن مصر الفرعونية ويتهجم على الأزهر بوصفه من مخلفات الاحتلال الفاطمي . بل ذهب إلى حد المطالبة بإزالته لأنه يعيق التنوير العقلانية . هؤلاء يا النوارة كما يسميهم المفكر الكبير أنور عبد الملك ، "العملاء الحضاريين " وما أكثرهم في مصر حين تعدهم
ست الكل أنا هنا أتحدث عن دور مصر الحضاري .ما يتطلب من كل القوى الوطنية، من أقصى اليسار إلى أقصى اليمن ، إذا أرادت أن تحتل موقعا حقيقيا وتسحب البساط من تحت أقادم الإخوان أن توضح في برنامجها وبلا بمواربة ،يعني بدون لف ولا دوران موقفها من المكونات الحضارية للأمة من هنا تبدأ المنافسة الحقيقية و الجدية للإخوان .
أجمل التحيات لأجمل نوارة

بساطه said...

مجهود جبار في البوست ده يانواره .. بس صعبان عليه انه هيروح هدر لانهم مش هيعملوه .. ومعتقدش شباب الاخوان يقدروا يتمردوا على قيادتهم .. صعب .. الي اعرفهم على الاقل مستحيييييل

والله الموفق والمستعان

palindromier said...

تصور ان حالة الاتحاد اللي كانت موجودة وقت الثورة حتفضل علي طول هو نوع من السذاجة السياسية. اللي كان موحد الخلق دي كلها هو هدف الخلاص من حسني فلما زال انفرط العقد وكان لازم ينفرط واللي مش حيحط ده في حساباته عليه يحضر نفسه لصدمات عاطفية كتير قادمة. انتي غالبا إي إن إف جيه وده يفسر كاريزمتك العالية و تجاوب الناس معاكى, لكن لازم تخلي عندك القدرة علي وضع العواطف جانبا والتفكير بشكل منطقي مجرد لما الامر يتعلق بتحليل الاحداث اللي قدامنا.

الاخوان دلوقتي ببساطة بيعملوا حاجة اسمها (انفاق الرصيد السياسي) وده معناه تحقيق مكاسب علي الارض أو اعلان مواقف معينة حتنتقص حتما من شعبيتهم اللي بنوها قبل كده, ده مش صح أو غلط, دي براجماتية سياسية. فمثلا كل الاضطهاد والاقصاء اللي الاخوان لاقوه قبل كده في العصور المختلفة خلق لهم رصيد كبير من التعاطف في قلوب الشعب. فييجوا ينفقوا الرصيد ده بعد كدة مثلا في شكل اتخاذ مواقف منفردة أو شتم القوي الاخري او الاصرار علي انهم يكونوا في موقع القيادة من اي احتجاج بغرض تعرية الاخرين, صحيح ا ن ده حينقص من الرصيد السياسي اللي بنوه عبر السنين (حيخسرهم تعاطف وتاييد الكثيرين) لكنه حيكسبهم كتير علي الارض (رضا المجلس العسكري,ارسال رسائل تطمين للخارج انهم مش عايزين يقلبوا النظام القديم بالكامل, وكسب المزيد من المقاعد في البرلمان الجديد). لعبة كسب وانفاق الرصيد السياسي دي معروفة ومطبقة في كل حتة, الشطارة بس في انك ما تصرفيش كل او معظم الرصيد اللي عندك في مقابل مكاسب هزيلة لان هو هده بالظبط اللي خصومك السياسين حيحاولوا يستدرجوكي له واللي باعتقد انهم نجحوا يوقعوا الاخوان فيه المرة دي بشكل او باخر.

في المقابل انا شايف ان العكس حصل معانا في الفترة الاخيرة. كون ان القوي اليسارية والليبرالية هي اللي اشعلت شرارة الثورة في الاول وصمدت وضحت لغاية الشرارة ماانتقلت لكتلة الجماهير العريضة بعد يومين تلاتة (بينما الاخرين ومنهم الاخوان نطوا بالبراشوت علي الثورة بعد كده) زاد من مصداقية القوي التقدمية عند الجماهير لدرجة ان أغاني الثورة كانت كلها أغانى 52 والواحد ما كانش مصدق ازاي الجماهير العادية اللي المفروض انها بقت يا سلفية يا اخوان متجاوبة معاها وازاي الاخوان والسلفيين مخروسين في قلبهم والاغاني شغالة. كون ان الاعداد اللي مش بطالة ابدا اللي خرجت امبارح كان قدامها اختيار واضح مابين الوصم بالكفر والعلمانية والترويج للوقيعة من ناحية والوصف بالمسؤولية والوقوف خلف شرعية الاستفتاء والاستماع لكلام "العلماء" من ناحية اخري ومع ذلك ماخافوش واختاروا الاول دليل ان الخريطة السياسية ابتدت تتغير في مصر وان سيطرة التيار الاسلامي علي مصر ما بعد مبارك ماهياش حتمية مفروغ منها.

أنا مقدر تماما رغبتك في ابقاء تحالف كل القوي الوطنية اللي كان موجود في أول الثورة قائم وده يتفق مع شخصيتك المثالية العاطفية لكن ماتنبانا بيه قبل كده وتحقق بعد كده في شكل مقاطعة الاسلاميين لدعوات استمرار الثورة يؤكد ا ن ده مستحيل فخفي شوية من الكلام في الموضوع ده لانه بيمرعهم زيادة ويديهم قلم في نفسهم ويخليهم يحسوا ان احنا من غيرهم ولا حاجة . واعملي زي ما ربنا بيعمل لما يأمر الناس بحاجة, بيأمرهم وبعد كده اللي عايز يسمع يسمع واللي يتفلق يتفلق "ولله علي الناس حج البيت من استطاع اليه سبيلا ومن كفر فان الله غني عن العالمين" الله الغني

ولاء علي said...

الله ينور عليكي كمان و كمان يا نوارة...مش تملق و الله انت بس اصلك دايما كدة تجيبي من الاخر و ترتبي الدنيا و تقولي اللي في نفسي بس مش عارفة اطلعو و مش فاهمة ليه في كومنتس زعلانة من البوست دة مع انه ايجابي و موضوعي و مفيهوش حاجة تسيء للاخوان و انما تنتقد قياداتها و تشيد بموقفها في الثورة و بدورها الايجابي لو اديرت بشكل صحيح و دة كلام مايدايقش حد يعني...يا ناس مفيش حد مقدس و لا معصوم من الخطأ و انا شايفة ان اللي نوارة بتقول عليه دة لازم يحصل مع كل القوى السياسية و الاحزاب التانية مش الاخوان بس

akramelsheikha said...

هي المظاهرة بتاعت يوم الجمعة نجحت بدون الإخوان و السلفيين و الملاعيين و الشياطيين و..... و اسطورة الإخوان خلصت (عبد الحليم قنديل في المحور) امال الرفقاء اليساريين و النشطاء الليبراليين خايفيين ليه من الإنتخابات ما نعمل الإنتخابات و بنفس الطريقة ندي الإخوان شلوت... ثانيا انتم ليه مش عاوزين حد يخالفكم في الرأي.. انا و الله مش إخوان بس في نفس الوقت أحب تنظيمهم و تلرتيبهم و شغلهم الجد انتم تعرفوا ان انا سمعت عن كام مصنع و مشروع الناس دي بدءوا يشغلوهم علشان الأمور تمشي و مفيش كلب يقولك الثورة عطلت الدنيا. بالمناسبة الأخوة اللي في البرامج و عمليين يتكلموا و ينظروا ممكن حد يقولنا هيحسوا الزاي بالناس اللي مش لاقية سغل أو اشغالها معطلة و هم بيقبضوا و حياتهم عنب. (ارجعوا لمقال بلال فضل النهاردة). و بعدين يا نوارة بدل مانتوا عمليين تشتموا و تنصحوا ماتقوللنا انت بتقبضي كام في شغلك الجديد و لو تنصحي كام شاب ممكن يشتغل معاكم الزاي أو تتوسطيله عند ابراهيم عيسى ولا والدك يتوسط للشباب عند ساويرس يعمل صندوق تمويلي للشباب للمشاريع الصغيرة بقروض ميسرة بالطريقة العملية دية يبقى ممكن نقدم مقترحات للحلول بدل ما نعقد نشتم و ننظر على خيبة عدم القدرة على التنظيم زي الإخوان. على فكرة البيان بتاع الإخوان ده خايب و فاشل و انا رديت عليهم في موقعهم بلغة اشد من دية و طبعا ما نشروهوش زي ما انت هتعملي بالضبط.

moo said...

كان عمر رضي الله عنه كان إذا نزل به الأمر المعضل دعا الفتيان فاستشارهم يبتغي حدة عقولهم
فيا اخواننا لكم فى خليفة رسول الله اسوة حسنة ))

ملكش دعوة said...

بحس بيكي والله
بحس بيكي وانتي مكبوسه ومكموده والكلام بيطرطش من بقك زي حنفيه نحاس عايزه يركبلها جلده
طب ما الوفد منزلش وغيره كتير اشمعني الاخوان اللي تعبوكي كده
ناس وحشين وبيعكوا في تصرفاتهم وكلامهم .... انتي زعلانه ليه
ومتقوليش قلبي عليهم ولا علي الشباب اللي زي الورد انتي محروقه منهم مش محروقه عليهم وتااااني الوقيعه بين القيادات وشباب الاخوان
اللي بتعمليه ده اسمه تحريض ومش هقول زيك وسااااااا..... بس هقولك عيب
اذا كانت وقفه الجمعه اللي فاتت كيفتك وعجبتك فعلا واثبتت ان الاخوان لا شئ زي ما بتقولي وزي ما كتير بيتمني يبقي تاعبه نفسك معاهم ليه ولا هو عيني فيه واقول اخيييه
عموما المجلس حبيب قلبك وافتكري جوابات الغرام وجسر التنهدات ... المجلس قالها صراحه لا دستور جديد ولا مجلس مدني ولا تاجيل للانتخابات ان شاء الله وكل واحد هياخد ورقته ويكتب اللي يجود بيه بدل ما باقي القوي السياسيه عماله تحارب الاخوان اعملوا حاجه خلوا الناس الغلابه اللي في الشارع تعرفكوا وتحس انكم بتعملوا حاجه غير المليونيات والكلام ودي نصيحه خاااالصه زي نصيحتك لشباب الاخوان ما كانت خاااالصه برضه
وبعديبن ايه قله الاصل دي ازاي بعد الحب الكبير للمجلس العسكري تتهميه بالتواطؤ وعقد الصفقات ولا هما الاخوان عملوا صفقه من طرف واحد .......... عيب علي الحب الكبير

ملكش دعوة said...

بحس بيكي والله
بحس بيكي وانتي مكبوسه ومكموده والكلام بيطرطش من بقك زي حنفيه نحاس عايزه يركبلها جلده
طب ما الوفد منزلش وغيره كتير اشمعني الاخوان اللي تعبوكي كده
ناس وحشين وبيعكوا في تصرفاتهم وكلامهم .... انتي زعلانه ليه
ومتقوليش قلبي عليهم ولا علي الشباب اللي زي الورد انتي محروقه منهم مش محروقه عليهم وتااااني الوقيعه بين القيادات وشباب الاخوان
اللي بتعمليه ده اسمه تحريض ومش هقول زيك وسااااااا..... بس هقولك عيب
اذا كانت وقفه الجمعه اللي فاتت كيفتك وعجبتك فعلا واثبتت ان الاخوان لا شئ زي ما بتقولي وزي ما كتير بيتمني يبقي تاعبه نفسك معاهم ليه ولا هو عيني فيه واقول اخيييه
عموما المجلس حبيب قلبك وافتكري جوابات الغرام وجسر التنهدات ... المجلس قالها صراحه لا دستور جديد ولا مجلس مدني ولا تاجيل للانتخابات ان شاء الله وكل واحد هياخد ورقته ويكتب اللي يجود بيه بدل ما باقي القوي السياسيه عماله تحارب الاخوان اعملوا حاجه خلوا الناس الغلابه اللي في الشارع تعرفكوا وتحس انكم بتعملوا حاجه غير المليونيات والكلام ودي نصيحه خاااالصه زي نصيحتك لشباب الاخوان ما كانت خاااالصه برضه
وبعديبن ايه قله الاصل دي ازاي بعد الحب الكبير للمجلس العسكري تتهميه بالتواطؤ وعقد الصفقات ولا هما الاخوان عملوا صفقه من طرف واحد .......... عيب علي الحب الكبير

mahmoud said...

عارفة يانوارة مشكلة حلقة العاشرة مساء امبارح ايه ان الطرف اللي مش اخواني بيقول لو وصل الاخوان للحكم وحكموا بالاسلام مش الديموقراطية ايش ضمني انهم حيحكموا بالعدل مش بمزاجهم بحجة الشرع وفعلا مشكلتنا مين الوصي الامين اللي نسيبه يحكم بالاسلام واحنا واثقين فيه للاسف عمر بن الخطاب في ذمة الله والمسلمين زمان كانوا بيتحروا الصدق في اصعب المواقف زي موقف الرسول لما كان مع صحابي وواحد ساله في الصحرا من هذا قال له النور الذي يضيء لنا الطريق وهذه حقيقة اي انه جاوب بدون كذب رغم صعوبة الموقف لكن الاخوان كذبوا بخصوص حاجات كتير تخص مظاهرات يوم 27 وده مش حلو ومين قالهم ان الغرب حيسبهم يحكموا بدون معركة علي كل المستويات ومين ضمنهم ان اوراق اللعبة في ايديهم علي فكرة انا مش ضد حكم اسلامي بالعكس احنا جربنا الحكم العلماني الحضاري والمدني المتحضر والكلام الفاكس ده البهايم اللي الغرب بيشغلهم في مصر ماعرفوش ييروجوا للحكم العلماني وده غباء كمان من الغرب لان ده صب في صالح حكم الاسلاميين اللي الناس كلها مالت لصفه ونفسهم في حكم الاسلام اللي مافيهوش اهانة للكرامة وتعدي علي الحرمات وسرقة بالتخلف ده ولا كنهم بهايم ولقوا مرعي وانا كمان بحب حكم الاسلام مش ديني يارب الاسلام يحكم ما احنا جربنا الحكم التاني وشوفنا فظاعته الا يستحق حكم الله ان ياخذ فرصة بس يارب اللي يحكم يحكم بما انزل الله وبما يرضي الله دون استغلال القوة وليتذكروا قوة الله عليهم بس بعد سقطات الاخوان لا اضمن ان يحكموا بالعدل اين انت ايها الحاكم الاسلامي العادل والله اشتاق قلبي لان تظهر يارب الاخوان يراجعوا نفسهم في افعالهم حتي ولو نيتهم خير ويفتكروا ان الصدق والعدل وتقوي الله اساس نصر الله لعباده

dr.hamdy said...

بصي يانوارة انا من اول يوم ف الثورة مش بصدق ولا بيعجبني كلام وروايات حد عن الأحداث من شباب الثورة غيرك ..فمش هاجي في اللي يخص الاخوان واكدبك .. لا كلامك ممتاز .. وانتي مش حد معادي ليهم او نفسه يحرقهم زي ناس تانية ..

بس معلومة بسيطة انا واحد من شباب الإخوان قررت مقاطعة الجمعة دي من قبل اي تصريحات او بيانات للإخوان .. بسبب ايه ؟؟
1- كان المعلن من المطالب حاجات ليس عليها اجماع او وفاق من كل ال قوي زي المجلس الرئاسي
2- كان فيه دعوات لإعتصام مفتوح ودا مرفوض دلوقتي علي الاقل من بعض القوي
3- اسم الجمعة نفسه .. جمعة غضب ولا انتفاضة تانية !!!.. ضد مين بقي بعد ما خلاص النظام مشي ؟؟ ضد الجيش ولا ضد الشعب ؟؟!!!! .. عجبني جدا اسم اتكتب من 6 ابريل بس بعد اليوم ما خلص ... سموها جمعة تصحيح مسار الثورة .. طب ماتقالش الكلام دا من الأول ليه؟؟؟؟

وبعد ما اليوم ما خلص .. واعترف انه يوم ناجح .. مشوفناش اي مطالب من مجلس رئاسي ولا تنحي الجيش ولا ثورة ضد الجيش ولا ولا ولا
طب ايه بقي اللي كان معلن دا ؟؟!!!!
بتحليلاتك اللي بتعجبي الا تعتقدي ان المطالب المعلنة لحد الخميس بالليل .. حركة مرتبة لإجبار الاخوان علي عدم المشاركة ثم بقي القلب عليهم..
انا اعتقد كدا ..
وامكنش كدا ... مش مشكلة ان الاخوان مشاركوش ... طظ في الاخوان .. المهم ان حد من ولاد البلد اللي بيقوم بالواجب مش ناس اجانب
والاخوان ميزعلهمش ان الشعب كله يبقي واعي وينزل يطالب بمطالبه ..
المهم المطالب تتنفذ .. مش مهم مين بيطلب . ومين اخد الشو والنياشين والاوسمة
ولو الاخوان غلطانين .. دي جمعة .. نحسب نزوا كام جمعة ونشوف النسبة .. اعتقد نسبة خطأ مقبولة

SAF said...

كالمعتاد يبهرنى عمق رؤيتك وحسك السياسى، مهما كان الهجوم عليك يجب ان تعرفى انك تمتلكى موهبةخاصة لم تكتشفيها بعد. وأن اغلب المدونين يثرثرون دون أن دون أن يصلوا لعمق الرؤية لانهم إما أن يتكلمون من العقل أو من المشاعر العمياء ولكنك تمزجين الأثنين مع إرتباط قوى بالواقع الشعبى واللغة التى تمتد الآف السنين، لغة العامة المصرية.

معذرة لا أحب أن أكتب الا بالفصحى حاليا.

Taha Yusuf said...

http://www.shorouknews.com/ContentData.aspx?id=465620

ملكش دعوة said...

مع كل العداء الاقصاء الذي تمارسه كل القوي السياسيه ضد الاخوان ""ده لدرجه ان في ناس مظهرتش الا بعد الثوره وبرضه طلعت تعادي الاخوان كأنه طقس سياسي وواجب وطني عشان تثبت ولاءك لازم تعادي الاخوان""
لا تنكري يا نواره انهم من انبل واشرف الموجودين علي الساحه ومع التهميش والاذلال عبر السنين الماضيه صمدوا وظلوا بجوار رجل الشارع البسيط وليس بمساعدات سعوديه وعربيه كما يشاع ولكن بقدر هائل من الاخلاص والتفاني كسبوا حب الناس وتعاطغهم وليس لانهم قالوا الدين والشريعه
واتعجب انك لم تلحظي شيئا من حوار البارحه في العاشره مساء الا ما ذكرته
الم تلحظي ان قيادي الاخوان يستدعي لبرنامج حواري والضيف الليبرالي والمحاور وحتي المتصلين يهاجمون بضراوه ويظل العظيم عظيما ويظل المبدأ ثابتا لا يتغير ولا يتلون لارضاء اشحاص او خصوم ليت الجميع يتعلم من الاخواني كيف تكون السياسه التي لايكون همها الاول هو المكاسب الشخصيه ولكن امال عريضه لكل اطياف الشعب مع اختلاف عقائدهم وتوجهاتهم
ورغم انف الجميع ... احترم الاخوان

انتفاضة الحرية مصرية said...

أستاذة نوارة ياريت لو سمحت تضم في بيان 27مايو طلب إقالة رؤساء الجامعات وعد تغيير لائحة قانون الجامعات إلا بعد شهر يوليو أو أغسطس عشان إحنا كطلاب الجامعة نقدر نشارك في وضع القوانين اللي هتحكمنا لإن كعادة رئيس جامعة المنصورة -اللي بالمناسبة أصدر بيان تأييد لمبارك يوم 29 يناير باسم كل أساتذة وطلاب جامعة المنصورة وكأنه كان سألنا واحد واحد-قدم مواعيد الامتحانات وغطي علي موضوع تغيير اللائحة عشان طبعا ماحدش فينا يسأله انت بتعمل إيه نظرا لإن كلنا مشغولين بالامتحانات ....وعذرا يا أستاذة نوارة والله معظم طلبة الجامعة كان نفسهم ييجوا الميدان يوم 27 مايو بس انشغالنا بالامتحانات مش مخلينا فايقين لحاجة

Mohammed said...

الحمد لله
الحمد لله
الحمد لله
الحمد لله



بس احنا كنا على مشارف خطر عظيم


و ربنا سلمها من عنده
مع حكمة الجيش برضه

لم يكن من الصواب ابدا الدعوة لهذا اليوم بهذا الشكل مع العلم اني لا اخوان ولا سلفي ولا فلول

بس المهم ان بعد اليوم ده


نقفل الملف ده تماما


لا يعتبر هذا انتصار على الاخوان1-


وطبعا اعتباره انتصار على الاخوان في حد ذاته مش مشكلة كبيرة


اهو يبقى كويس عشان يفتكر الفريق الثاني انه قوي بس المفروض ما يتغروش



بس اللي احنا خايفين منه ان يتم تخوين الاخوان واتهامهم بالتخلي عن الثورة والمحلسة للمجلس العسكري او التظبيط معاه


وهذا غير صحيح لأنها كانت مجرد رؤية سياسية


(صحيحة فيما أظن)


فليس من الحكمة تخوين الاخوان او محاولة اقصاءهم من المشهد الوطني


وهذا خطأ كبير سيصيب الاخوان وايضا باقي القوى



والافضل هو نسيان الماضي واعتبار ما حدث اختلاف رؤى في عائلة وطنية واحدة



ويجب احتواء الاخوان في ائتلاف عام يضم القوى الوطنية ويدخل الانتخابات بقائمة واحدة ستمنع نجاح كل الفلول وستضمن عدم نجاح الاخوان الا بنسبة محدودة متفق عليها سلفا


2- لا يجب ان يغتر المجلس العسكري بالقلة النسبية للاعداد ويتصور ان الشعب موافق على اخطاؤه وتباطؤه
وبالتالي تزيد الفجوة بين الجيش والشعب

يجب ان نتمتع جميعا بأدب الاختلاف ورحابة الصدر حتى نعمل للوطن

سامح said...

نفسي افهم صفقة ازاي؟ هو الجيش هو اللي هيختار اللي يحكم مصر . مفيش صفقات لو في حاجة يبقى تهديد من الجيش او تفاهم بلا مقابل .
الاخوان مشاركوش ببساطة لان كان في مطالب ضد نتيجة الاستفتاء (الديمقراطية ) فمش معقول يحشدوا لمليونية وفي اخر اليوم يسري ومنى واديب = النهاردة كان في مليونية للتعجيل بوضع الدستور وتاجيل لانتخابات ومجلس رئاسي وكان في فصيل لا يمثل اكتر من 15 -20 % رافض وباقي القوى السياسية متفقة .
اما موضوع الثورة داخل الجماعة لتغيير القيادات ، ده اصعب من الثورة
..لان القيد مش امن دولة ولا خوف لا احترااام - يقترب من القداسة- للقيادات ولكفاحهم ومجرد التفكير في تنحيتهم = غدر. لكن المطلوب والممكن اعطاء الشباب دور اكبر في الاعلام وفي الحوار مع القوى السياسية.
ويحز في نفسي ظنك ان السلفيين اتحرقوا لا احنا السلفيين ضد المية ضد النار ضد الحشرة ضد الفار .

esraa said...

نوارة انا عندي فكرة حلوة اوي او اعتقد كدة
طبعا ميخفاش على حد الكره المتزايد اتجاه التحرير من الاغالبية الصامتة و تدهور العشوائيات و اقتصاد مصر
ليه منعملش منصة في التحرير كل تخصصها انها تجمع تبرعات يعني مثلا الاسبوع ده نجمع تبرعات عشان دور الايتام الاسبوع الجاي عشان شبرى الخيمة و كدة ده ليه فوايد كتير الاول هنلم فلوس من غير مالناس تحس يعني لو كل واحد دفع جنيه بس ممكن نلم ربع مليون في الاسبوع ثانيا مش عايزة اقلك الناس هتحب التحرير و تستنة تجمع الناس اد ايه عشان عارفين انه على وشه ممكن ييجي الفرج الناس الي مبتفهمش غير في قلة الاكل
الموضوع ده ممكن يتولاه شخصية موثوق فيها تماما يعني فاليكن مستشار او كدة الشباب يشتغل تحت ايديه عشان محدش يقول ان التحرير دول حرامية بيجمعو تبرعات يصرفو بيها على نفسهم و لازم يتاخد تصريح من عصام شرف يعني ناخد التصريح و يمسكها المستشار الخضيري مثلا والشباب تحت ايديه كدة الهبل يتخرسوا و نحبب الناس في التحرير و ننقذ الناس الي مش لاقية تاكل وكل اسبوع يتقدم تقرير مفصل الفلوس دي راحت فين يتمضي عليه من عصام شرف

medo azaz said...

من جبهة التهييس الشبابية الإخوانية إلى نوارة
جميل انك قولتي رايك بصراحة
جميل تحيزك للشباب الاخواني اللى زيي
لكن
مدة ولاية المرشد 6 سنين عدا منها شوية حلوين هيخلصوا هيخلصوا وهييجي مرشد جديد ومكتب ارشاد جديد ومجلس شورى جديد والشباب هيدخلوا وكل حاجة هتبقا فل
بس
احنا واثقين في قياداتنا مية في المية ثقة عقل وليس طاعة وخضوع

hosseiny shatat said...

جمعة الغضب الاولى ياست نواره وحدت كل المصريين الشرفاء بينما جمعتك التانيه شقت الصف وكسرت هذا التوحد للابد
ثم فرحانه ليه بنجاح الجمعه التانيه وايه هوه دليل النجاح المزعوم ده غير ان بعض القوى ال عندها احساس بالنقص تجاه الاخوان عايزه تثبت نفسها

hosseiny shatat said...

وبعدين عيب تحريض الناس على بعض لان شباب الاخوان مش سذج علشان يمشوا وراك
خليك متوازنه يانواره وخليك حقانيه زي ماكنتي بعد الثوره
ولا خلاص هتركبي الموجه
والله هتخسري كتير عشان حرام ظلم الاخوان ده

hosseiny shatat said...

وبعدين رصد زي ماهيه لم تتغير شوفي انتي نفسك انتي ال اتغيرتي يانورا

hardway said...

ياساتر يارب.....كل ده علشان الاخوان لم يسمعوا كلام الحاجة و السناريست و عمارة يعقوبيان
المصيبة ان الحاجة بتقول أنه في يوم جمعة27 قرطاس..أثبتت ان الميدان و الجموع والملايين التي حضرت تثبت اننا لاحاجة لنا للاخوان..
طالما كده ياحاجة تعبت نفسك وكتبت مدونة من 30سطر ليه وكلام وكلام وهرتلة.......
ياحاجة....يا نوارة القراطيس..
معقول تنظيم تحمل سجون ومعتقلات وتعذيب عبد الناصرثم سجون السادات ثم معتقلات المخلوع أكثر من ستون عام تعذيب وتنكيل واعتداء علي العرض والمال وجعل الاطفال يتامي والسيدات ثكلي ومحاصرتهم والتضييق في لقمة العيش....كل ده
وأستمر التنظيم..وجايه أنت الان متوهمة انك تدقين مسمار بين الشباب والكبار
لالالا ياحاجة أنت تروحي تكشفي بسرعة عند الدكتور عكاشة او تدخلي مصحة ابو العزايم ولو التكلفة غالية في عباسية او الخانكة..........يا خانكة

hardway said...

ياساتر يارب.....كل ده علشان الاخوان لم يسمعوا كلام الحاجة و السناريست و عمارة يعقوبيان
المصيبة ان الحاجة بتقول أنه في يوم جمعة27 قرطاس..أثبتت ان الميدان و الجموع والملايين التي حضرت تثبت اننا لاحاجة لنا للاخوان..
طالما كده ياحاجة تعبت نفسك وكتبت مدونة من 30سطر ليه وكلام وكلام وهرتلة.......
ياحاجة....يا نوارة القراطيس..
معقول تنظيم تحمل سجون ومعتقلات وتعذيب عبد الناصرثم سجون السادات ثم معتقلات المخلوع أكثر من ستون عام تعذيب وتنكيل واعتداء علي العرض والمال وجعل الاطفال يتامي والسيدات ثكلي ومحاصرتهم والتضييق في لقمة العيش....كل ده
وأستمر التنظيم..وجايه أنت الان متوهمة انك تدقين مسمار بين الشباب والكبار
لالالا ياحاجة أنت تروحي تكشفي بسرعة عند الدكتور عكاشة او تدخلي مصحة ابو العزايم ولو التكلفة غالية في عباسية او الخانكة..........يا خانكة

14681324-88c3-11e0-8e24-000bcdcb5194 said...

ملحوظة هامة جدا نفسى افهم ازاى فاتت على كل التعليقات .. الصورة اللى حضرتك حطها هى صورة تعبيرية مفبركة بكل ما تعنية الكلمة من معانى الكذب الفاضح . بالتاكيد مكنش الميدان فية المنظر دة اصلا الا فى خيالك .. ياريت يانوارة بلاش استخفاف بعقول البشر وحط صور فاجرة فى كذبها وتلفيقها

د:اسامة

magda said...

يا الله ما كل هذا الكره والغل للإخوان كل هذا لانهم يريدون تطبيق شرع الله ام لانهم لا يريدون الالتفاف علي الاستفتاء وان الدستور قبل الانتخابات مهما يكن فقد تجاوز الهجوم عليهم حد الخلاف في الراي ووضع حزب ابراهيم عيسي وشركاؤه افسهم أوصياء علي الشعب بمنطق من ليس معنا فهو ضدنا والمفارقة الكبيرة كيف يرحب ويمجد ابراهيم عيسي عصامسلطان رغم ان حزبه لم يشارك يوم الجمعة وكيف يغتال الاخوان لمجرد ان خطابهم الاعلامي خانهم اعدلوا هو اقرب للتقوي

Ahmed Nasr said...

يا اخواننا ايه رأيكوا تهدوا شوية؟

1- اتعلمنا نقبل النصيحة على أي وجه، ونقدمها على أحسن وجوهها..
ونوارة بعض النظر عن انه ممكن أسلوبها ميعجبش لكن مظنش حد يشكل في نيتها أو اخلاصها وانه ده رأيها فعلا..

2- مش أول واحدة تنادي بتغيير قيادة الاخوان حرصا على الاخوان..في مفكرين اسلاميين كتار نصحوا نفس النصيحة للجماعة وسمعناها منهم وقبلناها..
ناهيك عن وجود سابقة لهذا الأمر في الأردن :)
ده غير انه بعض ما نصحت به معمول به الآن فعلا..يعني الاخوان دلوقتي عاد عندهم موضوع مرشد مدى الحياة؟ :)

elkomy said...

انا كنت اعرف انك موضوعية يا نوارة بس اللحاف اللى انت كتبتيه دا خلانى اراجع نفسى لعدة امور :
اولا :لانك شيلتى الاخوان الشيلة علشان ما نزلوش وقامموابشق الصف الثورى فى الميدان ، طب ليه ما تقوليش ان اللى نزلوا وركبوا دماغهم زى لا مؤاذة هما اللى نزلوا بدون تنسيق ورغما عن اللجنة التنسيقية وائتلافات اخرى كثيرة بهدف فرض رؤيتهم الشخصية رغما عن الجميع.
ثانيا لانك انتقلت من الميدان الى المركز العام وعايزة تفرشيه على زوقك وتملى على الاخوان لائحة تنظيمية جديدة من تاليفك ونحتك الخاص لدرجة انى ظنيت انك حاترشحى نفسك لمكتب الارشاد وعلى فكرة انا ماعنديش مانع لو جيتى بالانتخاب .
ثالثا انك ذكرت تعديلات فى لائحة الاخوان تكرس اليكتاتورية زى العش سنين بتوع المرشد فى حين ان الائحة الحالية بتقول ثمانية سنوات فقط على اقصى حد وكان لازم تقرائى االائحة الاول.
ياريت يا نوارة تعرفى الاخوان من جوة مش من برامج التوك توك قصدى التوك شو

babykhan100 said...

كلامك كل صح يا نواره فعلا ياريت كل العواجيز دول يمشوا ويسيبوها للقيادات شابه ويفصلوا بين مكتب الاشاد وبين الحزب مكتب الارشاد دا يبقى للارشاد بس مش يبقى ليه دعوه بالسياسه وياريت يعملوا كوادر اعلاميه تتكلم فى الاعلام لانهم طلعوا من كتر ماهما محظوره مش بيعرفوا يتكلموا كويس ويذوقوا الكلام زى باقى الاحزاب وياريت يتعلموا فعلا من الماضى الجيش مانفعهمش حاموا الثوره بتاعت 56 وبعد كدا جمال عبد الناصر طيرهم وبردوا ايام السادات خرجهم علشان يقضوا على الفكر الشيوعى وبعد كدا طيرهم مبارك بقى كان مطيرهم على طول فا ياريت مايكرروش المنوال لايلدغ المؤمن من الجحر مرتين

shhab said...

انا كنت هقفل المقال ده بعد كلمة السلفين اتحرقوا لا يا نواره السلفيين ما اتحرقوش انتي اللي لازم تتحرقي قبل ما السلفيين يتحرقوا دفاعا عنهم هما دول ولاد كلب ول ايه السلفيين اشرف ناس في مصر احنا هننسا نفسنا ول ايه ؟
انا مش من الاخوان عشان اعلق علي نصيحتك ليهم
بس علي فكره عيب اوي لما تجيب اللوم علي الناس اللي بتحافز علي مطالبها انا مش الاخوان و كنت ضد النزول لانها كانت جمعه لسياسيين بس مطالب ليست من مطالب الثورة و اللي هيقولي غير كده بيناقد نفسه

jasmin horizon said...

محتاجه علاج نفسى اكيد،ممكن اساعدك بتشخيص مبدئى:
متلازمة ميدان التحرير وتشمل:1-الرغبه الشديده للتواجد بالميدان من اجل الشعور بالدفء فى حضن الوطن
2-تضخم فى الذات يؤدى الى التجاوز فى اسلوب الخطاب وتعدى الحدود
3-عصبيه زائده وعدم اتزان ورغبه فى الموت نتيجه للشعور بانعدام الوزن وتشوش الفكر .
كفايه كده والباقى فى العياده......

jasmin horizon said...

محتاجه علاج نفسى اكيد،ممكن اساعدك بتشخيص مبدئى:
متلازمة ميدان التحرير وتشمل:1-الرغبه الشديده للتواجد بالميدان من اجل الشعور بالدفء فى حضن الوطن
2-تضخم فى الذات يؤدى الى التجاوز فى اسلوب الخطاب وتعدى الحدود
3-عصبيه زائده وعدم اتزان ورغبه فى الموت نتيجه للشعور بانعدام الوزن وتشوش الفكر .
كفايه كده والباقى فى العياده......

حسن محمد على said...

هل يستند الاخوان الى مبداء "التقية"فى كذبة المتوالى وخيانتة للتوحد مع باقى ابناء الوطن فى جبهة ثابتة؟؟؟؟؟؟

khsnas said...

انا معاكى فى الكلام عن موضوع التغطية الاعلامية للاخوان عن جمعة 27 بس مش كل حاجة صحيحة يا استاذة نوارة فى الى انتى قولتيها...وبعدين انتى مش ملاحظة ان فيه هجمة شرسة على الاخوان دلوقتى وخاصة الاستاذ صبحى صالح ملاحظة كدا ولا لا...مكتبتيش رايك ليه فى الهجمة دى..وبعدين موضوع الشباب دا مش الى انتى شايفاه دا ..انا معاكى فى انا الشباب لازم يكون ليهم دور اكبر فى الاخوان ودا بيحصل دلوقتى على فكرة فى خطة تطوير الجماعة الى محدش سبقهم ليها على مستوى القوى السياسية لكن العواجيز الى انتى بتقولى عليهم دول ليهم دور كبيييييير فى الى وصلت له الجماعة ولازم يعنى نقدرهم احسن من كدا شوية لانك هزئتيهم شوية معلش....احب اقولك حاجة ان القرار لما يطلع من الجماعة بيطلع من خلال الدمج بين قنوات كتييييرة جدا شورى من مجلس الشورى ورد فعل الشارع وراى القاعدة فى الاخوان وفى الشارع ..يعنى القرار مبيطلعش هبولى كدا يا نوارة

Mahmoud said...

الإخوان.. والعريان.. والهرم المقلوب http://www.dostor.org/politics/egypt/11/may/29/43661

Mahmoud said...

الإخوان.. والعريان.. والهرم المقلوب http://www.dostor.org/politics/egypt/11/may/29/43661

مهندس حياتي said...

رد شبكة رصد علي د عمرو حمزاوي بخصوص تغطية يوم الجمعة جاااااااااااامد

OSRATONA said...

أ/ نوارة .. سامحك الله
1- البينة على من ادّعى .. رجاء دليل واحد لإثبات الصفقة ما بين الجيش و الإخوان .. كفى بالمرء إثما أن يحدّث بكل ما سمع
2- لغتنا العربية من أجمل اللغات .. رجاءا حافظوا عليها
3- لماذا يكون صبحي صالح هو من يحلف كذبا و ليست منى الشاذلي .. أنا لا أكذّب أحدا و لكن سبقت التهمة إلى الأستاذ صبحي .. و لا يجرمنّكم شنئان قوم على ألّا تعدلوا
4- الإخوان شيء واحد بشيوخهم و شبابهم قد تزيد الحماسة و الإندفاع عند الشباب و لكن الفكر واحد و إلا لرأيتي جموع شباب الإخوان بالميدان يوم الجمعة
5- اخيرا اتقوا الله في مصر

حسين العسقلاني said...

دايما أقول لك يا ست نوارة عيب
1 - أما تكذّبي الأستاذ صبحي صالح وتصدق منى الشاذلي ليه مش العكس
2 - رجل بهذه المكانة والخوف من الله يستحيل أن يقسم كذبا
3 - محاولة الوقيعة الدائمة بين شباب وشيوخ الإخوان لن تؤتي ثمارها فوفري كلامك المتداخل والمتلاحق والمتبعثر لأنه لا فائدة منه
4 - صراحة ورغم متابعتي من زمان لمدونتك إلا أنني أرى تغيرا طارئا عليها في التدوينات الأخيرة وتحيزا غير مفهوم ضد الإخوان رغم بعض الكلام المعسول في وسط الكلام مما يشبه دس السم في العسل

مذكرات عشوائية لفتاة شرقية said...

روعه بصراحة نفسي اخوان الاردن يسمعوها كمان

saleh11143 said...

نوارة تمتدح شباب الإخوان وتطالب قيادة الجماعة بالرحيل !
أولا- لو كانت قيادة الإخوان فاشلة كيف استطاعت أن تبني شباباً قادراً على القيادة ؟!
يقول المتنبي :
ليت الحوادث باعتني الذي أخذت ... مني بحلمي الذي أعطت وتجريبي
فما الحداثة من حِلمٍ بمانعةٍ ... قد يوجد الحِلمُ في الشبان والشيب
ترعرع الملك الأستاذ مكتهلاً ... قبل اكتهالٍ أديبا قل تأديبِ
مجربا فهماً من غير تجربةٍ ... مهذبا كرما من قبل تهذيبِ
حتى أصاب من الدنيا نهايتها ... وهمه في ابتدآت وتشبيب

والشاهد أن الحِلم قد يوجد في الشبان والشيب
فالصواب أن تتشكل القيادة من الأكفاء من الطرفين !
ثانياً- القرار بالمشاركة بمظاهرة أو عدم المشاركة يخضع لاعتبارات كثيرة، وعلى فرض وجود خطأ في التقدير فليست بالقضية المصيرية التي تستوجب الإنقلاب على قيادة الجماعة !

ثالثاً- قوة الإخوان آتية من ناحيتين، أولاهما : قوة الإسلام في نفوس الغالبية العظمى من المصريين. وثانيهما عراقة التنظيم وانتشاره في أنحاء العالم. أما قوة الإسلام في النفوس فآخذة بالتعاظم بحمد الله تعالى، والأفكار الأخرى كالعلمانية والليبرالية والإشتراكية والشيوعية والقومية وغيرها لم تستطع أن تحل محل الإسلام في نفوس المسلمين سواء في مصر أو في باقي أنحاء العالم الإسلامي، رغم امتداد فترة الانحطاط لأكثر من قرن . وأما عراقة التنظيم فيكسبه المقدرة على التعامل مع مستجدات كل مرحلة. وذلك لا يعني العصمة من الوقوع في الأخطاء .
وفي تقديري سيبقى تنظيم الإخوان هو الأقوى ما لم يأتِ تنظيم إسلامي آخر أقوى وأقدر منه على استقطاب غالبية المسلمين . أما الحركات الليبرالية واليسارية والقومية فستبقى على هامش حياة المصريين حتى لو تم تأجيل إنتخابات مجلسي الشورى والشعب والرئاسة مئة سنة ....!!!

saleh11143 said...

نوارة قالت :
( وفوق ده كله تنظيم سياسي قوي.. ما هواش اقوى التنظيمات بحيث يقدر ينفرد لوحده بالساحة السياسية، واهو يوم الجمعة اثبت ان لو القوى كلها اتكتلت ضده تقدر تعزله لو عايزة )

السؤال :
كيف أثبت يوم الجمعة ( أن لو القوى كلها اتكتلت ضده تقدر تعزله لو عايزة ) ؟
لو قمنا بتحليل حشد كل القوى في جمعة الغضب الثانية 27 مايو على ضوء نتائج الإستفتاء على التعديلات الدستورية نخرج بالنتيجة التالية :
جماعة ( لا ) في الإستفتاء على التعديلات الدستورية هي كل القوى المتكتلة ضد الإخوان
عدد المصوتين ب ( لا ) على مستوى مصر كان 4 مليون ونسبتهم 22.8%
عدد المصوتين ب ( لا ) في القاهرة كان ( 901.625 ) ونسبتهم 4.9%
ولو فرضنا جدلاً أن حشد جمعة 27 مايو وصل إلى ( 901.625 ) فما هو الجديد في هذا ؟!
لا جديد !
فالحقيقة الواضحة والتي أكدتها جمعة 27 مايو هي أن مقدرة كل القوى المتكتلة ضد الإخوان على الحشد لا تتجاوز في أحسن أحوالها نسبة أل 4.9% في القاهرة وحدها ونسبة 17.9 % في باقي المحافظات = 22.8% المجموع .

مع الأخذ بعين الإعتبار أن الكثيرين ممن شاركوا في جمعة الغضب الثانية قد شاركوا لأجل المطالب المتفق عليها فقط لا غير وليس لأجل المطالبة ب ( مجلس رئاسي ولجنة للدستور ) والذي هو مطلب كل القوى التي هي متكتلة ضده على طول الخط !

Sindeeed said...

أنا مش عارف طالعه أوى فى قيادة الإخوان محسسانى انهم جم من فراغ ولا انهم مثلا اجروا أو اشترو الشباب بتاعهم دا كلام فارغ وفاضي

وعمالة تقولى ياخراشي الحقوا عملوا اتفاق مع الجيش وتقولى هنرجع لنظام مبارك معلش ولا مؤاخذة نظام مبارك هو اللى كان فيه النموزج بتاعك انك تتهكمى على الإخوان بدون دليل ولا علم وبغباوة المعترض

ثالثا حقيقة لا يخفيها أحد وبلاش عنجهية اللى كانوا فى الميدان 27 كانوا قليليين جدا عن المليونية
وزى ما الإخوان فى نظرك كدبوا فى العدد انتم كمان أكبر كدابين فى العدد بردوا فمتنقضيش حد انتى بتعملى زية

ثالثا عايز تتكلمى بإنصاف شوية فاكرة الانصاف اللى راح مع مبارك دا فاكراه ها وقولى لقيادات الأحزاب الغبية دى ترحل بردوا فقولى للإئتلافات المتخلفة اللى حاسس ان هيبقى فيه ائتلاف شباب البلاعات يرحل

ايه بقى مصلحة الإخوان مع الجيش كلام فارغ هيبقى في انتخابات رئاسية وبرلمانية محروقة ليه من كدة

انتى بقى من غير شعب اللى انفصلتى عنه وقلتى ان اللى عمل الثورة قال لا والشعب السلبى قال نعم اظن دا تكبر وغباوة شكرا

Sindeeed said...

أنا مش عارف طالعه أوى فى قيادة الإخوان محسسانى انهم جم من فراغ ولا انهم مثلا اجروا أو اشترو الشباب بتاعهم دا كلام فارغ وفاضي

وعمالة تقولى ياخراشي الحقوا عملوا اتفاق مع الجيش وتقولى هنرجع لنظام مبارك معلش ولا مؤاخذة نظام مبارك هو اللى كان فيه النموزج بتاعك انك تتهكمى على الإخوان بدون دليل ولا علم وبغباوة المعترض

ثالثا حقيقة لا يخفيها أحد وبلاش عنجهية اللى كانوا فى الميدان 27 كانوا قليليين جدا عن المليونية
وزى ما الإخوان فى نظرك كدبوا فى العدد انتم كمان أكبر كدابين فى العدد بردوا فمتنقضيش حد انتى بتعملى زية

ثالثا عايز تتكلمى بإنصاف شوية فاكرة الانصاف اللى راح مع مبارك دا فاكراه ها وقولى لقيادات الأحزاب الغبية دى ترحل بردوا فقولى للإئتلافات المتخلفة اللى حاسس ان هيبقى فيه ائتلاف شباب البلاعات يرحل

ايه بقى مصلحة الإخوان مع الجيش كلام فارغ هيبقى في انتخابات رئاسية وبرلمانية محروقة ليه من كدة

انتى بقى من غير شعب اللى انفصلتى عنه وقلتى ان اللى عمل الثورة قال لا والشعب السلبى قال نعم اظن دا تكبر وغباوة شكرا