Tuesday, 10 May 2011

مليونية صلاة الفجر يوم الجمعة الجاية عشان فلسطين

تحديث:
اقروا بقى الكلام العنب اللي حينفعنا في حياتنا
تحديث:
الشيخ جبريل عامل مليونية فجر في عمرو بن العاص، بس انا حاحاول اوصل له عشان يعملها في التحرير احسن
تحديث:
اسكندرية اجدع ناس
تحديث:
وفي اليوم ده فيه ناس رايحة رفح
هاااااييييل.. اللي حيروحوا رفح كام؟ الف الفين تلاتة عشرة؟ 
عايزين بقى مليون واحد بيصلي الفجر في التحرير من اللي مش رايحين رفح
بحيث دولم يبقوا رايحين رفح... وناس تانية بتصلي في التحرير في ضهرهم، في الفجر
دي احسن فرصة لقتل الفتنة الطائفية
واحسن فرصة للعودة للاجماع الوطني
واحسن فرصة للتأكيد على مطالب الثورة...
-----------
أظن فيلم النسوان والمسلمين والمسيحيين ده خلصنا منه بعد ما طلع ان اللي دبروه واحد مسلم وواحد مسيحي ايد واحدة اسم الله عليهم، ومقبوض عليهم الاتنين دلوقت وبيتشمطوا
دماغنا بقى شوية من الوش ده
اي حمار بديل وبردعة في البلد دي خلاص عرف ان اللي عمل احداث امبابة كان عاملها عشان يفشل مشاركة مصر - التي لا يستهان بها ابدا - في الانتفاضة التالتة
مشاركة مصر حتبقى مليونية صلاة الفجر يوم 13 مايو
هم كاتبين مساجد... مساجد ايه؟ هو فيه مسجد في مصر يساع مليون؟ ده اولا
ثانيا: انت حيجيلك عيال مش بيركعوهاش ويمكن جايين من غير وضوء اساسا عشان يخوفوا اسرائيل من منظرهم وهم بيصلوا، يعني العيال دي جاية تخوف اسرائيل... مين حيصورهم جوة المسجد؟ 
التحرير... التحرير... مليونية صلاة الفجر في التحرير.. والتجمع يبدأ من الساعة 2 بالليل. واللي جاي حيبقى مسلمين ومسيحيين
بالنسبة لاسكندرية ما يتخافش عليهم.. بالنسبة للسويس ما يتخافش عليهم.. بالنسبة لاي محافظة تانية ما يتخافش عليهم
وبصراحة لو الصعيد عرف يعمل مليونية واحدة في صلاة الفجر يبقى معجزة.. ولا بلاش لتقلب بخناقة في اخر اليوم... خليكم خليكم، انا عارفة انكم بتزعلوا من الكلام ده، بس بصراحة.... ولا بلاش... طب ما تورونا نفسكم يعني، اعملوا مليونية صلاة فجر، مسلمين ومسيحيين، وما تمسكوش في بعض اخر اليوم وبعدها يبقى لكم حق تزعلوا لما اتكلم انا كده.. وساعتها حادور بميكروفون اقول انا اسفة يا صعيد
المسيحيين كمان عندهم صلاة الفجر، ومش بيصلوها برضه زي اغلب الشباب المسلم المصري ههههههههههههههههههههههههه والنبي احنا مسخرة
النداء دلوقت موجه الى كل من:
1- الاخوان المسلمين اللي اختفوا في ظروف غامضة... مش عارفة ساكتين اليومين دولم ليه؟ مافيش يا عيني غير صفوت حجازي اللي عمال يصلح ده، ويكلم ده، ويهدي ده.. وسايبينه لوحده
2- ائتلاف شباب الثورة
3- مينا زكري يكلم الكنائس عشان قداس الفجر
4- يسري فودة بالاسم
5- الجزيرة مباشر مصر
6- ابراهيم عيسى ومحمود سعد وبلال فضل بالاسم
7- صفحة خالد سعيد.. اللي هو وائل غنيم بالاسم
مليونية صلاة الفجر للمسلمين والمسيحيين في التحرير، ويتحشد لامها بقى من دلوقت وبسرعة، كل مرة نحشد من يوم الاربع كده؟
مليونية كله ييجي يصلي... مسلمين ومسيحيين ييجوا يصلوا، انتوا ما بتفلحوش الا وانتوا بتصلوا، عشان بتبقوا ساكتين ما بتقولوش كلام من مخكم.. بتقولوا كلام ربنا بس
المليونية دي للاهداف التالية:
1- دعم الانتفاضة التالتة 
2- وحدة وطنية
3- التأكيد على مطالب الثورة
4- واهم حاجة... مصر ما عادتش تعيد تاني على اسرائيل في "عيدها القومي" زي ايام المخلوع
مافيش انقاذ للبلد غير اليوم ده.. لو سمحتوا اهتموا شوية، ووزعوا على قد ما تقدروا، ونزلوها في كل حتة
اديني خلصت ضميري من ربنا واللي يكسل بقى الذنب في رقبته.. انا كده براءة يا رب
ملحوظة اخيرة:
الدول العربية كلها عاملة مليونية صلاة الفجر.. حيبقى شكلنا عاااااااار لو اكبر تعداد سكان في العالم العربي فشل يعمل مليونية وتيجي الدول اللي تعدادها خمسة وعشرة مليون يفلحوا ويعملوها... لو حصل ده ما ترجعوش بقى تتنططوا على الناس تاني

75 comments:

wahid said...

عندك حق يا نوارة وانا معاكى فى الدعوة وهكون فى ميدان التحرير ان شاء الله وننتظر من صلاة الفجر حتى صلاة الجمعة ايضا

حمكشه said...

هما سؤالين عايز افهمهم؟
الاستاذ رامى اتحادشباب ماسبيرو ودكتور تانى ذكرا ان الجيش هو من قتل الاقباط فى امبابه
كمان محمود سعد تلقى مكالمه من عبير فخرى وكانت المفاجأه انها متزوجه وام وبتحب واحد مسلم يعن سفاله وقله ادب من واحده بايظه ولعت البلد
تعليقى هنا يشمل الحراميه الكبار اللى سرقوا اموال الاقباط .... وبيطلبوا تدخل امريكا ...ردى هو اتفوو

حمكشه said...

كمان شىء محيرنى السلفيين والابهات يقودون الشباب من الطرفين للتظاهر اتمنى ان ربنا ياخدهم ونخلص من الامراض العقليه
والجشع للمال والفته والنسوان

Hana said...

كلام جميل.. ووقت الفجر من أجمل الأوقات للمخمخة (نسبة الأوزون عالية). وهتكون فرصة للاستفادة من الصفاء الذهني في قعدة تبادل رأي على هامش المليونية. ومن حسن حظي بقالي في مصر عزوة، منهم اثنين اتعرفت عليهم من شباب اعتصام ماسبيرو واتفقنا يجمعوا صحابهم ونقعد مع بعض للمصارحة بالهموم ونعمل برين ستورمنج.. لو حد مهتم بالموضوع ممكن تكون القعدة فرصة لده.
من ناحية تانية، انا ساكنة في اوتيل قريب من ميدان التحرير، وبارحب بأي واحدة ست تحب تقعد عندي لحد وقت الصلاة لو فيه حظر تجول.

متفائل said...

أنا باقول إن مليونية تأييد فلسطين ما ينفعش تكون في التحرير .. الأنسب إنها تبقى هناك على الحدود عند معبر رفح وياريت كمان تعبر وتعدي الناحية التانية وتلقن الصهاينة درساً لن ينسوه .. ولا أنا كده أبقى متفائل أكتر من اللازم ؟

وجع البنفسج said...

واحنا كمان راح نصلي معاكم .،هنا في غزة من أجل الحبيبة فلسطين .." كده كده احنا بنصلي الفجر يعني ،، !! " بس ربنا معاكم ويوفقكم يارب ويبعد عنكم شر الفتن ..

MarwaGoogle said...

أنا هعيط من جمال البوست شكرا يا نوارة أنا أول واحدة هصلي الفجر في القائد ابراهيم في اسكندرية

حازم الهواري said...

ربنا معانا وتنجح ان شاء الله بس لى بس تعليق بسيط يا نوارة فى مكان فى الصعيد يساع مليون ؟؟؟ تعرفيلى مكان فى الصعيد كده ؟؟؟ علشان بس ما تظلميش الصعيد واكيد هيكون معاكم فى التحرير كتيييييييييير جدا من الصعايدة منهم اتنين اخواتى الاصغر مني ولو انا فى مصر كنت هكون اول واحد موجود

osama said...

يا رب احمي مصر
ياريت المصريين يقدروا يتحكموا في اعصابهم وتسرعهم المتطرف والتأكد من اي وقيعة ( فتنة) مستقبلا ويراعوا االله وضمائرهم في وطننا الغالي مصر - واقول للاخوة المعتصمين امام السفارة الامريكية لا تدعوا أحد يغرر بكم وافيقوا من غفلتكم ولا تساهموا في الثورة المضادة

jehad said...

المفروض شعب مصر كله ينام ويقوم في التحرير وفي كل الميادين عشان لما بيقعدوا في بيوتهم الفتنه بتشتعل....بس ياريت الصلوات كلها يوم الجمعة في التحرير والامام يدعوا دعاء لمصر يهز الكون كله ذي دعاء يوم جمعة التنحي وياريت فكرة بسيطة بس ان شاء الله مجدية الحريم والبنات يعملوا حلو ويوزعوة على المسيحين والناس تتصافح لان حرام بلدنا الجميله دي تضيع مننا
والله قلبنا بيتقطع انا على فكرة خارج مصر وحزينه حزينه على بلدي خلاص ارحمونا بأى اعصابنا اتدمرت في ايام الثورة والوقتي كمان حرام نفسنا نسمع اخبار حلوة كفاية علينا محرومين من هوى بلدنا حرررررررررررررررررررام

المسافر said...

البس من الممكن ان يعتبر هذا تحدياً للأمر العسكري بحظر التجول في الفترة من الثانية صباحاً وحتى الخامسة صباحاً .... على فكرة الحظر ما زال قائماً ولم يتم إلغائه

عمار said...

إن شاء الله يا استاذة نوارة مليونية ولو عايزة تعرفي عدد الصعايدة اللي هيصلوا الفجر عدي نص سكان فيصل والهرم اللي هيكونوا في التحرير وانتي هتعرفي الصعايدة فين بالظبط في نظام فاسد وضع كل حاجة في العاصمة كان لازم انزل اشتغل بالعاصمة وهما دول الصعايدة

Desperate Heart said...

إن شاء رب العِباد عند القائد إبراهيــــــــم يوم الـجُـــمــعة

esraa said...

اما لو ده حصل هنرعب العالم و اي حد هيفكر يخرب مصر هيفكل ميت مره قبلها لازم نحشد لازم نروح محدش يكسل و يقول هيبقة هناك كتير ربنا هيحاسبنا على كسلنا

mahmoud said...

من فضلك يانوارة اقري مقال علاء الاسواني وبلال فضل النهاردة في المصري اليوم وحاجة تانية حاولوا تتفاهموا مع ادارة النايل سات علي تردد بديل لقناةالتحرير لانها هي ودريم2 ونايل سينما بيقطعوا جامد معظم اليوم وبيشتغلوا معقول في فترة معينة وشكل فيه حد بيشوش كده ولا كده عايزين تردد اقوي من فضلك اهتمي بالموضوع يانوارة

ahm_say511 said...

ياريت لما تنزلى ألشارع وتتكلمى مع ألناس لازم تهدوا الناس وبلاش ألخيلة ألكدابة أللى عايشين فيها إن كل واحد عامل فيها زعماء ونفوق لبلدنا قبل ما تضيع وبالنسبة للأقباط لازم يهدوا وبلاش شغل حبس النسوان أللى ليها مشاكل مع أجوازهم ويشوفوا حل فى موضوع طلاقهم بدل ما يجمعوا ألناس عند ماسبيرو

utopia said...

مليونية الوحدة المصرية الوطنية دعماً للأنتفاضة الفلسطينية الثالثة
Time
Friday, May 13 · 11:00am - 11:30pm


ميدان التحرير بالقاهرة | مسجد القائد إبراهيم بالأسكندرية


http://www.facebook.com/event.php?eid=172769849445400

grgerian said...

امين كلنا جاييين

ملتقى تنمية المرأة said...

نوارة عايزين شعار موحد كلنا نحطه على صفحاتنا وصورة واحدة نحطها كلنا على البروفايل بتاعنا عشان اليوم ده
كمان عايزين نعمل أفضل رسالة ممكن نرسلها أصدقائنا ومتكنش أكتر من 70 حرف عشان نبعتها لكل إخواتنا المصريين
عايزين بجد نشتغل ونعد إعداد كويس جدا لليوم ده
معلش أنا جاية متأخره بس لو أنتم خططتوا لده ياريت تقولوا لى

grgerian said...

امين ....كلنا جايين

ahmedbasha said...

أعطاك الله رجاحة العقل
بارك الله فيك

elzahraamegahed said...

الرعب مالينى لحسن كنيسه تانيه يحصل لها حاجه/ ياريت يبقى فيه لجان شعبيهلحماية الكنائس/ فين الاخوان المسلمين املى فيهم كبير بالرغم انى مش منهم

Marwa said...

لازم المكان يتأمن كويس و لازم يبقي فبه مسلمين و مسيحيين
لأن جالي هاجس إنها لو صلاة فجر بس حد ممكن يحاول يعمل مصيبه عشان نتهمها في المسيحيين
و دا بالنسبه لكل المحافظات...
هتيجي إزاي دي؟

اوبرا 1001 said...

تحيا مصر المجد للشهداء

اوبرا 1001 said...

تحيا مصر تحيا مصر تحيا مصر المجد للشهداء المجدللشهداء واللعنه على الاعداء والمنافقين والمتلونين اللهم زلزل الارض من تحت ارجل الاعداء ووحد كلمه الحق ووحد الصفوف وثبت القلوب وجند العباد والملائكه الفذاذ يارب العالمين ياذوالاسم الاعظم الكل من الجنود المجهولين مستعدين باشارة وجاهزين و تحيا مصر تحيا مصرالمجد للشهداء

ساعي الخير said...

علي فكرة الحب

عمرة ما كان سغالة و لا قلة أدب

و كل أنسان حر في حياته

و فكرة و عقيدته

و علي رأي وائل عباس

محدش له دعوة أنا مرافق مين و لا ماشي مع مين

و للعلم بقي الطرخة ما تنفعش

و الغلطان لازم يتحاسب

لأن الرهبان الأرثوذكس
بقوا بينشروا العداوة في المجتمع هم و اللي عاملين مشايخ


و التنين فلول زي ما ظهر و بان

و الغلطان لازم يتحاسب

و الطرمخة لا تفيد يا نوارة

هه

kamal6373 said...

ايوه كده هو ده الكلام انا معاكم

kamal6373 said...

الله ينور عليكى يا نواره

hardway said...

نفسي أعرف عقدة ميدان التحرير في حياتك
كل حاجة تحدث تقولي نجتمع في التحرير....
الناس المحترمة كلها ..كلها حتي جميع الدول العربية محددين مساجد معينة في كل بلد عربي حتي تكون صلاة فجر حقيقية في مساجد وبيوت الله ..كل الشعب العربي بكل طوائفه
رجال وسيدات..شباب و صبايا نجتمع في أماكن محترمة لنصلي الفجر فريضةملزمة لكل مسلم حتي تكون صورتنا محترمة..لالالالالالالالالا
مش عاجب نـرنـر الكلام ده.لازم التحرير
لازم الزحام والاحتشاد و الاحتكاك و التحرش والمبيت في العراء........
هي عقدة نفسية يانـرنـر........الله يخرب بيت أم التحرير و أبو التحرير
ملحوظة خارج الموضوع:
هو محمود سعد أصبح ثوري دلوقتي
تحيا ثورة 25

بساطه said...

الحدث ده رااائع وانا سعيد وفخور بيه جدااااا ؟؟ لان شارك او لم يشارك في الثوره .. ليه في المظاهرات او ملوش .. ليه في الصلاه او ملوش للاسف .. هيحب الموضوع ده انشاء الله انشاءالله يانواره الموضوع ده هيكون فيه توفيق كبير .. لان مافيش اجمل من تجمعنا ودعائنا مسلمين ومسيحيين في صلاة الفجر والله انا شوفت ناس ماهزوش نفسهم في عز الثوره بيلموا بعض ويجمعوا بعض في الموضوع ده



ياااااارب جمع قلوب المصرييين والعرب والمسلمين على الخير

بساطه said...

اه نواره مين الامام في الصلاه؟؟ مهم اوي .. صفوت حجازي ؟؟ ولا جبريل ؟؟ اصل بصراحه دعاء جبريل جميل ماشي مع صلاة الفجر.. مش عارف وحاسس ان الموضوع ده محتاج تنظيم خااااص

الخوجة said...

#JAN25 #EGYPT #TAHRIR-صلاة الفجر المليونية يوم جمعة النفير 13 مايو-..13-5-2011 - جمعة النفير

omar_ahmed98 said...

إيه رأيك يا نوارة ناخد إذن للمليونية دي من الجيش و تبقى رسمي نظمي و أهو نضرب عصفورين بحجر و نكيد العزال يبقى الجيش مأمنا و الناس تهل كتير عشان مش خايفة من الحظر؟!

HANY MOHAMED said...

ممكن نشتغل و نشوف مستقبلنا الاول بلا مليونيات بلا هبل فلسطين إيه و زفت نشوف البلد الى لتغرق يا متخلفين

HANY MOHAMED said...

شغل هبل نشوف البلد الاول يا همج و بعدين نشوف فلسطين و هبل

Bero said...

بلال فضل قلع الدبلة النهاردة .. اوعبالك

سراج said...

بالتوفيق إن شاء الله تعالى.. ويتقبل منكم جميعاً.. وياربي ..ينطيكم على قد نيتكم.. يارب

عاليه said...

شكلك كده هبله آخر حاجه،وبتعانى من
التحرير سندروم،ومحتاجه علاج نفسى،ربنا يشفيكى وتنتبهى بقى لأكل عيشك،ولا لسه بتقبضى من غير ما تروحى الشغل ،على فكره كده حرام وزيك زى اللى مشرفين فى طره بتهمة نهب المال العام.

ساعي الخير said...

تصلوا الفجر تصلوا العشا

تعملوا قداس

الطرمخة لا تفيد

لازم الغلطان يتحاسب

و اللي يزعل من العدل ياخد باللي في الرجل

mortalegom said...

أحييك على مجهودك الرائع!!
و لو انى احيانا بلاقيكى لسعتى من سخونة الاحداث ...
كلنا فى التحرير يوم الجمعه و هيكون يوم اسود على اسرائيل و اعوانها.........
على فكرة احنا اتكلمنا اكتر من مرة فى الميدان اثناء الثورة حابب أسيبلك الاميل بتاعى و ياريت تدينى ميلك لان احيان كتيره يكون فى اخبار مهمه احب اوصلهالك

welely@yahoo.com

ساعي الخير said...

العدل وحده الحل

و أنتي مصرة علي الطرمخة

الأرثوذكس طائفيين و عنصريين

و بيكرهوا المسلمين

و أنتي اللي قولتي كده في البوست

المسلم اللي بيروح بيسمع ما لا يرضيه



المسلم مش السلفي

و هم هم الأرثوذكس اللي دبحوا المسلمين في البوسنة

و الجيش المصري كان هناك أسألوه

و هم الأرثوذكس اللي عاملين محاكم تفتيش

و هم اللي بيخطفوا الحريم و يفتروا عليهم و يجيبوها في المسلمين

و ضربني و بكي و سبقني و أشتكي

و ساويرس بتاعهم

اللي بيعترف بدعم أضعاف السودان بلأنفصال


و أذا كان الثوار حرقوا الحزب الوطني و الأقسام

يبقي المسلمين هم اللي ولعوا في الكنايس



يا نوارة عيب بقي لازم نحكم بالعدل لازم نقول الحق

أنا بأتهمك بأشعال الفتنة الطائفية و تخريب البلد

عن طريق الطرمخة

لأن المسئولين برضه لازم يفهموا الأرثوذكس و البهائية الحقيقة أيه اللي ممكن يتسمح لهم بيه في البلد و ايه اللي ما ينفعش لأنه يتعارض مع مشاعر الأغلبية و يسبب مشاكل

و ده زي ما في أوربا و بلاد المريكان برضه بيعرفوا المسلمين حدودهم

ما يتعدوهاش

لازم صراحة و وضوح

لازم نقول الحق مش نطرمخ .... عيب

ساعي الخير said...

و أحب أكد أن

الطرمخة علي حقوق العمال الغلابة

و تطنيش الحد الدني للأجور مقيم بالذهب

و الطرمخة علي أصلاح النظام القضائي الفاشل البطئ

و الطرمخة علي حرية التعليم و العمل

كل دول هم الأساس الحقيقي الواقعي

لسياسة الطرمخة النورية _ نسبة إلي نوارة نجم يعني _ و اللتي يتم أتباعها

في أحداث الشغب الأخيرة

لأن ما حدث بأمبابة هو شغل بلطجة و شغب و فلول

و موفقين للخير بعيد عن الطرمخة و ظلم الغير

hardway said...

Bero said...
بلال فضل قلع الدبلة النهاردة .. اوعبالك
.....................................
تفسيـر حالا علي الكلام ده ، تفسير وتوضيح
1-ايه عقبالك؟؟؟؟؟؟؟؟
هو أنت مخطوبة ولابسة دبلة وعايزة تفكي
2-ايه دخل الاخ/بلال قلع ولا ماقلعش بك
3-مين صاحب الدبلة اللي في ايدك
توضيح.. وتفسير..كافي وواضح
أحسن أخليها ضلمه عليكي ..وعلي بلال ..وعلي صاحب الدبلة
أنا عندي قلة أدب أكتر منك..وضحي بسرعة أحسن ممكن لاتحصلي جمعة فلسطين ولا خميس ماسبيرو..ضلمة عليكي وعلي 25 وعلي التحرير وعلي البلد كلها
هو باين كده انك أنت اللي هتشمطي
مش بتوع أمبابة

الحايس said...

الله الله الله يا مصرين الله يلايلا شدو العزم يلا نصلى الفجر مصر بلدنا ومش هنسيبها للكلاب الضالة وكل من هب ودب دخلاص رجعتلنا الروح ومفيش خوف ولا خنوع وهنرجع تانى زى زمان اسياد اسياد مسلمين ومسيحين طول الوقت اخوان واخوات

الحايس said...

بحبك يا مصر

اربح من المنزل said...

السلام عليكم ورحمة الله وبركاته من فضلك يا اختى الصغيرة ممكن تردى على سؤالى لانى ما عنديش فهمك هو انا كل ما ابعت فى صفحات الثورة السورية كلام يشجهعم يجيلى شتيمة من اجانب عايشين بره ليه على انى ارهابية هوه ايه النظام عايزه افهم الله يخليكى

محمد طنطاوي said...

بصراحة أنا شايف إن مليونية الصعيد مهمة أكتر كمان من مليونية التحرير ، لأن إسرائيل وأمريكا والعالم كله إتعود على مليونية التحرير ، لكن ماتعودش على مليونة الصعيد فمهم جدا فى الوقت ده لأن معنى إن الصعيد يعمل مليونة معناه إن مصر كلها بل العالم العربى كله تحرك لأجل إنقاذ فلسطين ، أما بخصوص المكان فكورنيش النيل فى كل محافظة يشيل ملايين مش مليون بس ربنا يسلم

محمد طنطاوي said...

مهم جدا كمان الزخم الإعلامى وتركيز المثقفين والمفكرين والعلماء واتصالاتهم من جميع أنحاء العالم زى ما كان بيعمل كده الشيخ القرضاوى أيام الثورة

Zeina said...

كم مرة بكينا عند مشاهدة الاخبار وكم من الغضب كتمنا في صدورنا في هذا العالم الملئ بالطغاة. عجزنا ان نعرف ابنائنا معني كلمة عدالة, كلمة شرف , كلمة حق و كلمة حرية. كانت دموعنا و صلاتنا اكثر ما يمكن تقديمة .
بينما شاهد طغاة العالم المذبحة بأبتسامة داخلية و سكوت طويل. دماء تسيل اطفال و نساء يصرخوون و ايدي ملطخة بالدماء. بينما علي الضقة الاخري تقع السلخانة والتي تمتلك اختراعا فربدا من نوعه, مزيل لبقع الدماء .تدعي انه هدية لعملائها الكرام. الذين تواجدوا امام بابها يتشاجرون كعادتهم , و بالرغم من ان هذا هو المكان الوحيد الذي يجمعهم معا. فكل يرغب قي تنظيف يده من الدماء قبل الاخر! خرج رئيس وزراء السلخانة لرؤيتهم حتي يشرح لهم طريقة ازالة الدماء باستخدام الاختراع العجيب المجاني. نظر اليهم بتعالي و احتكارو صرخ قيهم سكوت. فسكوتوا و كلهم اذان صاغية. و بدأ حديثة قائلا "منذ اكثر منذ ستين عاما اسس اجدادي هذه السلخانة,و قد ادركوا ان كل من فيها ستطلطخ يديه بالدماء. و لذلك اخترعوا هذه الوصفة السرية و خلطوها مع الشئ الوحيد الذي نتحد في عبادته جميعا . انني اعتذر لحلفائي الاعزاء لقد كانت هذه الايام من اكثر الايام لنا مبيعا و حققنا ارقاما تاريخية قي الذبح و نفذ كل ما لدي من مزيل لبقع للدماء و لكن هناك في بنك اخي المزيد. كل ما عليكم ان تذهبوا اليه باموالكم حتي يحولها لكم الي عملتنا المباركة ثم تمسحون ايديكم بها و ستجدون نتبجة سريعة و سحرية ستزول اثار الدماء وبرجاء الا تتركوا هذه الاموال الملوثة بالدماء هنا. خذوها معكم . اوتبرعوا بها لاشقائكم علي الضقة الاخري ليبنوا مدينتهم الدامية مرة اخري". اتبع الطغاة اوامره بالحرف . و الان اصبحت يديهم نظيفة عاد كل منهم الي حظيرته مرة اخري ليمارس طغيانه علي قطعانه.
اما انا و انت يدينا غير ملطخة بالدماء. فنحن مازالنا نعرف معني لكلمة شرف , كلمة حرية. كلمة كرامة ونستطيع ان نغير لاننا لا ننتمي الي السلخانة ولا الي الطغاة ولا قطعانهم .
و قريبا سوف تشهد يوم اتهيار السلخا نة
عزيزى القارئ لقد كتبت هذه القصة بالانجليزية في اثناء العدوان علي غزة 2009 و الان و انا اترجمها للعربية اكتشفت كم رائع ان نصف الكيان الصهيونيأ بالسلخانة و اتت الي فكرة استخدام اسم سلخانة للاشارة الي الكيان الصهيوني فااسرائيل هو يعقوب و هو علية السلام لا يستحق ان يطلق اسمه علي هذا الكيان الغاشم . ان اعجبكتم الفكرة فالننشرها و من اليوم نقول السلخانة يعني اذا كان للغرب الحق في استخدام اسم اجيبت للاشارة لمصر فمن حقنا ان نختار ان نطلق علي هذا الكيان الغاشم القاتل السلخانة اليس هذا الاسم المناسب؟؟

ساعي الخير said...

و أحب أضيف أن الفرق بين الدول المحترمة

و بين مصر هو الطرمخة

الدول المحترمة بتحترم العقل و الفكر

و كل واحد بياخد حقه

الدول النورية

عالم بتحب البرمجة و شغل المناورة

و كل عامل بورم

و بيدخل عشر مواديع في بعضديهم

شوفت الصياعة يا معلم

فنقعد محلك سر

يعني حسنس مبارك مش غلطان لما كان بيطرمخ

تحيا دولة الطرمخة

و يسقط حسنس مبارك بس

عشان نوارة و قبيلة الطرامخة يرتاحوا

و لا حاجة حتتصلح

غير لما نسيب الطرمخة

و نقول الحق

و الغلطان يتحاسب

و لو منقدرش نحاسبه

يبقي نعترف بالحقيقة

و نقول الحق

ساعي الخير said...

عندي أقتراح يا نوارة

بما أن السلطة السابقة و حكومات حسني مبارك

كان هدفها و شعارها هو الطرمخة و قفلي علي كل المواضيع الدنيا ربيع


و حيث أن الطرمخة أصبحت عمل شعبي

بعد ما كانت حكر ع الحكومة

لذا أقترح أن يصبح أسم المدونة

حبهة الطرمخة الشعبية
( جبهة التهييس الشعبية سابقأً )

و أبقوا سلموا لي

علي التفكير المنطقي العقلاني

و علي العدالة و الحرية

nour1971 said...

هو فين عمر سليمان في اللي بيحصل ده كله محدش بيحاسبوا علي اي حاجه ليه محدش يقنعني ان الراجل ده نظيف زي مفيد شهاب مهوا طلع براءه؟؟؟؟؟؟و احمد شفيق اخباره ايه كمان الناس سابت الحجات المهمه و مسكت في كاميليا و عبير و فاضل غفير ربنا يرحمنا برحمته و البلد دي تقوم علي حيلها

Ali EL Banna said...

يا ريتني كنت في مصر كنت بقيت معاكم
ربنا يوفق يا رب

نور said...

ان شاء الله هيحصل و ياريت الي ميقدرش يصلي معاهم في الميدان يصلي في بيته بنفس النيه المهم نكون كلنا صاحيين في لليله دي بندعي ربنا بالنصر للعرب جميعا و اظهار الحق و دحض الباطل

نور said...

ان شاء الله هيحصل و ياريت الي ميقدرش يصلي معاهم في الميدان يصلي في بيته بنفس النيه المهم نكون كلنا صاحيين في لليله دي بندعي ربنا بالنصر للعرب جميعا و اظهار الحق و دحض الباطل

omima said...

سيبك يانوارة عايزة اعرف رايك فى اتحاد كروش الخليج اللىقاموا يضموا الاردن والمغرب ياة اد كدة عندهم اسهال من نجاح الثورات العربية انابقى نفسى ومنى عينى زى ما ربنا كرمنا ورفضنا قرض امريكا ابو ششروط نرفض اى مساعدات اوقروض منهم ودكتور عصام يتوكل على اللة ويزور ايران وتركيا ويفتح مع الاخوة الافارقة بصراحة دمهم اخف والواحد بيحس انة منهم شاربين من نيل واحد وبنلعب فى بطولة افريقيا سوا

نور الدين said...

احلي حاجه انك فكرتي الناس ان الاسكندرانيه اجدع ناس ....نخش في المهم ابن الكب ...(انا اسف للقراء) ابن الكلب تاني نتنياهو طالع في الاحتفال باحتلال فلسطين يقول اننا الدوله الوحيده اللي فيها وحده بين الشعب وبيرمي علينا كلام لازم نعلمه الادب ونطلع بملاييين مش مليونيه وكمان عشان نبيض وش اخونه الغلابه في فلسطين ونعلم ابن الكلب ده هو وبقيت القطيع اقصد الحزيره اللي جي منها اقصد الصهاينه الادب...والسلام ختام

moo said...

اهى غمة وانزاحت
انشاء الله ومن غير مقاطعة حاسافر بعد العشاء وربنا يكرمنا وياريت اعرف احضر جلسة العصف الذهنى بتاعhana واللى خايف حاجة تحصل ما يخافش اللى كان فى ادييهم عملوه وخلينا شجعان ومتفائلين

كيوبيد said...

كلام جميل وتفكير اجمل واجمل بس هو الخوف من حاجة ان تحصل مشكلة زى بتاعت مسجد النور والاخوة السلف يرفضو الصلاة وارء امام مش سلفى وبدل ما تبقى مليونية لدعم القدس اسرائيل تضحك علينا علشان كده انا عندى اقترح تعرفو مين الامام فى الصلاة المليونية ويكون اسمو مع الدعوه والى عايز ياهلا والى مش عاجبه خلاص ام بخصوص الصعيد الصعيد ده عايز ترتيب تانى خلاص علشان نعمل فيه مليونية عايز ترتيبات مش اقل من شهر بس انا هاشوف لو فية اى حاجة فى اسيوط اكيد هاشارك فيه وربنا يحفظ مصر وشعبه الامة الاسلامية والعربية

moo said...

اما بخصوص موضوع امبابة \
انا خايف ليكون الجيش حبيبى اهو خطيبى اهوه
ناوى يلعب بديله و تكون حليت فى عينيه وعايز يدوقنا من المر كاسات زى المخلوع
النار لا ينقصها زيت والقضايا المسكوت عنها كتيير مش بس الفتنة احنا بالعين الزلط اهوه
ومش راضيين ننقد بجد علشان هو متورط مش بكيفه



اه حكاية المحاكم العسكرية اللى بيطبلولها ويزمرو اليوميين دول يا ولاد الهبلة يا جبانات دى بتتعمل بس علشان الحقيقة لا تظهر يعنى لو فيه تقصير من الجيش ولا من الداخلية فى التعامل مع الموضوع فكركم النيابة العسكرية حتقول عليه وكمان لو فيه شغل استغلال للملف الطائفى علشان السيطرة على تقدم الثورة وتقديم المجلس العسكرى على انه حامى حما الاقباط وقامع شوكة السلفين ومحررمصر من اليساريين ......... وعلى كل لون يا باتستا
كل ده مش حيبان الا لو القضاء هو اللى تولى التحقيقات وظهرت الحقيقة

ٍShakty said...

عاوز اصححلك معلومة يا نوارة - صفوت حجازي سلفي مش اخواني هههههه انصدمي يالا

AhmeD 3llaM said...

http://www.youtube.com/watch?v=k2gr2WHMUfs

قالوا ربنا أفرغ علينا صبرا وثبت أقدامنا وانصرنا على القوم الكافرين

moo said...

علشان اللى مكسل يقرا هي دى الخلاصة

إن هذه الثورة انتصرت بالإجماع، ولا تكون حمايتها إلا بحماية الإجماع، وحمايته ممكنة، فالأغلبية الساحقة من المصريين مجمعون على سياسة خارجية مضادة لإسرائيل ومستقلة عن إملاءات الولايات المتحدة، وهم مجمعون على الحرية المطلقة فى الداخل، حتى الجماعات الدينية من الطائفتين، كل يبدو واثقا من قدراته الدعوية ويعلم أنه سيستفيد أن أطلقت حرية التعبير والتنظيم أكثر من غيره، وهم مجمعون على درجة من العدالة الاجتماعية فى الاقتصاد. وهذا البرنامج المثلث يضع السياسة الخارجية وموضوع الهوية فى يد القوميين والإسلاميين الثوريين، ويضع أمر الحريات فى يد الليبراليين الحقيقيين غير المصابين بالإسلاموفوبيا ولاالمتحالفين مع الولايات المتحدة، ويضع الاقتصاد فى يد اليسار الذى يستفيد من تجارب نظم ما بعد الماركسية كالبرازيل وغيرها ويضمن حقوق العمال والفلاحين. هذا برنامج يرضى به الجميع إلا طائفى دينى حليف للمملكة العربية السعودية أو طائفى لا دينى من نوع آخر حليف للولايات المتحدة الأمريكية، يتعاديان بأمر سيديهما وسيداهما متحالفان، وبلادنا لم تزل منبعا للعجائب.

Ahmed . M . Abdulrahman said...

تمام يا نواره

كده احنا ماشين صح

مفيش كلام كتير يتقال

بس ع البركه

فى المليونيه

و كلام تميم سليم

وانا نشرت دعوه المليونيه على المدونه بتاعتى

ياريت مقاطيع المدونه يعملوا حاجه

سلام مؤقتاً يا نواره

________________________
الى عاوزنى يجينى
http://misr25jan2011.blogspot.com

ارض الله الواسعة said...

http://www.youtube.com/watch?v=ZwSfvweUH04

hardway said...

لا...كده أنت مريضة يا نـرنـر لالالا
يعني عم الحاج /جبريل هيصلي في المسجد
أنت هتحاولي ان الصلاة في التحرير برضه
ده يا نـرنـر مرض..ممكن تروحي تكشفي عند دكتور/ مصطفي محمود متخصص في الامراض دي
.....................................
أما بالنسبة لمقال /تميم البرغوتي........
أحنا ما بنحبش العنب ..ولا ينطيق العنب
كليه أنت العنب ده

ayman said...

ربنا يبارك فيكي يا نوراة..... اليهود نفسهم قالوا انهم مش هيتهزمو من المسلمين الا لما يلاقو عدد الناس اللي في صلاة الفجر قد اللي في صلاة الجمعة....ربنا ينصرنا عليهم... يا مصريين مسلمين ومسيحيين عدونا هما اليهود والله العظيم... "هم العدو فاحذرهم" فوقو بقا يا مصريين وفككم من الفتن نتنياهو وعصابته هم الاعداء ....لا الكنيسه عدوة المسلم ولا المسجد عدو المسيحي...اسرائيل هي العدو

ayman said...

زمان كان فيه فى مصر فيلم "أسمه حسن و مرقص و كوهين" ... من كام سنة نزل فيلم "حسن و مرقص" ...شكلها كده السنة دي حسن و مرقص هايموتوا بعض علشان كوهين يعيش مرتاح و ياخد الغاز و المياه اللي عاوزها ببلاش........... نداء عاجل الي حسن و مرقص احذروا كوهين ....!!!!
copied

متفائل said...

تعاقدت دار نشر أمريكية مع الأخ وائل غنيم على كتاب يكتبه ويتضمن (ذكرياته عن الثورة) في مقابل إثنين مليون دولار أمريكي .. ما تفسيرك لهذا الخبر ؟
لينك الخبر
http://www.dostor.org/culture/news/11/may/10/41692

مــــــــنـــــــي said...

كلنا هنطلع عشان خاطر فلسطين

مــــــــنـــــــي said...

ان شاء الله فلسطين تتحر

hardway said...

العنب النهارده بكام...؟؟؟؟؟؟؟؟؟
أنا بحبك أنت يا مانجة...............

T 3 b a y z A said...

وحنا معاكم إن شاء الله

karima said...

مصر عدت خلاص لبر الامان والى يحصل من فتن طائفية ليس الا محاولة لتخريب ثورة مصر لكن نحن متاكدون من انها مرحلة كاي المراحل الفاشلة وستزول ان شاء الله لكن يا استاذة نوارة اعرف انشغالك وحرصك الشديد على المضي قدما بثورتك وثورة مصر الى الامام لكن من فضلك لا تنسينا ولا تنسي ليبيا واليمن والبحرين فنحن نسمع لك اكثر من غير اما نحن في الجزائر فثوراتنا الى حد الان لم تصل الى النظام واخر خرجات شعارتنا في الجزائر الشعب يريد رحيل العاهرات والشعب واظن انه افضل لنا حاليا في الجزائر ان نهتم بسفاسف الامور حتى نصل الى المرحلة التى تجلعنا واثقين باننا لن نخرب البلاد ان عملنا ثورة شاملة ..تحياتي

M said...

مرتضى منصور شتم نوارة ووالدها في برنامج كورة أون لاين في قناة مودرن حرية اليوم 15 مايو 2011 ومازال مصر أن إبنة الدكتور البرادعي متزوجة من مسيحي