Tuesday, 31 May 2011

SOS

آخر نداء استغاثة:
الثورة = الإجماع الشعبي
لا إجماع شعبي = لا ثورة
ألا هل بلغت.. اللهم فاشهد

41 comments:

amr said...

صح مية بالمية ماهو لو مفيش اجماع على أي ثورة يبقى كل واحد يعمل ثورة على مزاجة زي مهزلة 27

رجل المستحيل said...

ثورة ثورة إلى الأماااااااااام

kholy said...

دي كانت تويتة و قلبيتها بوست و لا ايه؟:)

darklord said...

يا ليت قومي يعلمون !!!

sum_1_ said...

السياسة بطبيعتها لعبة قذرة شاء من شاء و أبى من أبى

Hady said...

هههههههه.... هههههههه...
http://www.dostor.org/politics/egypt/11/may/31/43777 المجلس باطل و باطل و باطل صراحة و علنا واحنا بيضحك علينا عشان بنروح زي الهبل نغني و نتفسح في التحرير و نروح .... المجلس باطل... باااااااااااااااااااااااااااااااااااااااااااااططططططططططططططططططططططططططططلللللللللللللللل و بيميز بين افراد الشعب امام العدالة و بيلتف علينا.... المجلس باطل مبارك قاعد في شرم و لسة قاعد و مش هيمشي من لحمنا و دمنا و الناس ساكتة... حاكموه عسكري حاكموه عسكري زي ما بتعملوا فينا و في رجال الاعلام و الفكر و النشطاء و البسطاء... دا لو جادين ... الثورة بتموت .... انا اللي بقول S.O.S

ام مصريه said...

بصى بقى أنا سمعت كلامك ف كل حاجة قلتيها..أنزلو مظاهرات أنزل مليونية انزل ماسبيرو أنزل
لازم تسمعينى وتنزلى بقى وتروحى بكرة
وألا..أنا إلى هرمى نفسى تحت أقرب دبابة..وانا يائسة وأعملها
لو مرحتيش عايزة سبب مقنع
وبعد كده نقلب المدونة نكت
علشان الدنيا بقت غامقة قوى

ام مصريه said...

بصى بقى أنا سمعت كلامك ف كل حاجة قلتيها..أنزلو مظاهرات أنزل مليونية انزل ماسبيرو أنزل
لازم تسمعينى وتنزلى بقى وتروحى بكرة
وألا..أنا إلى هرمى نفسى تحت أقرب دبابة..وانا يائسة وأعملها
لو مرحتيش عايزة سبب مقنع
وبعد كده نقلب المدونة نكت
علشان الدنيا بقت غامقة قوى

thundersound1979 said...

نوارة
انا مش مبسوط نهائي
محمد خليفة

Mohamed said...

جزء من اللي كان بيعمله امن الدولة في الخفاء بيعمله دلوقتي المجلس العسكري في العلن

د/احمد فهمي said...

على فكرة مش كفاية تبليغك انتي حضورك معانا بكره مهم وهايفرق كتير ودا مش بمزاجك دا برضه واجب وطني عليكي .....الا هل بلغت اللهم فاشهد

M.N said...

لا يوجد اجماع ولا غيره ولو عملتوا استفتاء دلوقتي تسألوا فيه الشعب الذين تزعمون أنكم تتحدثون باسمه و هل انت موافق على الأعتصامات و المظاهرات فلن تجدوا تأييدا و ستكون نتيجة هذه الأستفتاءات أكثر من سابقه و كونكم قاعدين طول النهار مع بعض ياعيني بتقولوا لأ و احنا لازم ننزل الجمعة الجاية و نسميها جمعة الغسيل فليس هذا معناه رأي الشعب ده رأيكم انتم ولو مش مقتنعين انزلوا الشارع شوفوا ناس غير بعضكم واسمعوا الناس بتقول عليكم ايه في القهاوي والأسواق والمواصلات.

أبو هاجر said...

ست الكل مساء الخير
كلام غير صحيح
لا توجد ثورة على الإطلاق عبر التاريخ كانت محل إجماع .الثورات تتكفل بها الطليعة الثورية التي وبحكم كونها طليعة تمتلك رؤية تتجاوز بها المجتمع لهذا تصبح قدوة ورمزا ومثلا أعلى لشعوبها فتتحول إلى أداة استلهام للكفاح و التضحية وشحذ الهمم. ورغم ذلك الكثير يتخلف عن مواعيد التاريخ ويظل الأبطال وحدهم يتصدرون التاريخ فيتحولون إلى ذات صناعة للتاريخ بعدما كانوا موضوعا للتاريخ .
ملحوظة
لم أكن اعرف انك تحسنين الفرنسية

kjhfkjsdhsf said...

الشروق نشرت النهارده عن واقعة تعذيب مواطن حتى الوت في قسم بولاق الدكرور . والمستشفى عملت تقرير مزور زي حادثة خالد سعيد بالضبط

http://www.shorouknews.com/contentdata.aspx?id=467532

arabian_faithful said...

السلام عليكم

شوفى بقى يا نوارة والله العظيم أنا مش لاقى حد يتكلم بإسمى أحسن من الراجل ده ربنا يجازيه عننا خير


http://www.shorouknews.com/Columns/column.aspx?id=467110

أو سلامة أحمد سلامة

أنا ياستى شاب و شاركت فى الثورة ونفسى حد من دول يساهم فى الحوار مع الجيش ممكن طيب تقرى الناس دى بتقول أيه ولو من باب التسلية بس يعنى أنا مش حأقولك هما بيفهموا أحسن مننا بس أنا شايف أنهم أصحاب رأى و قلم حر

Hady said...

طيب حيث كدة.. و حيث ان الناس فاهمة ان المجلس الفاشل باطل و بيدلس و بيستهبل انه ما بيدخلش في القضايا بس فاضي لكل ساقطة و لقطة في الجرايد و الاعلام زي أمن الدولة بالضبط عمالين يرهبوا القضاة النزهاء مش اللي ها؟؟؟ و عمالين يضحكوا على البسطاء و الاخوان باعوا قضية القصاص و معاقبة مبارك و استكمال المسيرة و متفرغين بس لإتهام الغير بالفتنة و الوقيعة... الوقيعة و عمالين يعاقبوا الشباب بتوعهم اللي التحموا مع الشارع و دي طبعا الديموقراطية اللي بيزعموها و حيث اننا نجحنا في الحشد و حيث كل اللي عمال يحصل و اللي هو ارتدادات صريحة عن مكتسبات الثورة و ان الفاشل الجندي اساسا بيطبل للمجلس و بقت واضحة جدا من اللي عمله في القضاة بتوع امبارح و في قانون منع الاعتصامات و في ظل ان المجلس علمنا الادب يعني نتظاهر و نورح زي ماتكون حفلة غنائية كبيرة و بقينا هبل و احان اللي بنمنع اللي عاوز يصعد و كله بقى تمام التمام... يبقى نوريهم العين الحمرا من غير ما نلمس عقدة اسم المجلس الفاشل الباطل... يعني نفكر نعمل مسيرات لتطبيق العدالة على المخلوع العدالة الشعبية و احنا اتعلمنا من دروس قوافل الاغاثة يعني هنوصل شر و لازم نوصلها بأعداد كبيرة و يبقى خلي المجلس يورينا بقى و مش هنطالب بتنحيته و لا حاجة عشان ام الاجماع... طيب نجرب نشوف اللي بقوله ده في ضوء ان الزفت المخلوع عليه و على اللي بيحموه قاعد خلاص رسمي و مافيش نية في تقديمه للمحاكمة العسكرية زينا كدة و يكس حكم سريع من اللي بنطسه و لا بيكشفوا على عذرية اللي جابته و لا بعذبوه في المتحف و عمالين يجيبوله اللي يفبركله تقارير... يبقى نشوف في ضوء كل ده هل اللي بقوله ليكي ده هيحصل عليه اجماع و لا لأ؟؟؟ و لو عليه يبقى الشرارة اللي كلمتك عنها ممكن تيجي من هنا لو مش الحال و لو اديرت الامور صح... انتي اذكى من اني اقولك احنا وصلنا لده ليه من جهتنا احنا.. و على فكرة كلمة من زمان كان نفسي اقولهالك هما اختاروكي انتي تحديدا عشان يجتمعوا معاكي لسبين بالرغم من ان مافيش نتيجة جت من الاجتماع ... الاول انهم متابعينك لأنك في الواجهة بحكم حاجات كتير و التاني ان طريقتك كانت عاجباهم و الاعذار و الموافقات على كل الحاجات اللي طمعتهم كانوا بيقروها و اول ما يعني بداتي توسطني الالمور خلاص ... اسف لو زعلتك بس انا صريح و لو عاوزة تشطبيني اشطبيني و مش زعلان منك و بتأسفلك كمان... فكري نوجه الطاقات و الغضب اللي عند الناس في صالح القضية بصورة ايجابية ازاي من غير ما نبدد الطاقات في مهرجانات احتفالية في التحرير و حفلات غنائية في هايد بارك بجد كده و نروح و كان الله بالسر عليم... فاكرة لما قولتلك انك و اننا هنعمل مليونية مش هتكون يوم غضب و لازم نسميها مليونية محلك سر؟؟؟؟ دلوقتي هيبقى اسمها مليونية الرجوع للخلف لو نزلنا و روحنا زي العبط و الرجوع بدأ من زمان و شادد حيله الايام دي بالذات

بساطه said...

مالك يانواره انتي حالتك صعبه كده ليه .. لأ بجد خدي اجازه ولو يوم واحد بعيد عن كل وسائل الاعلام واقفلي التليفون واعدي مع عيلتك او اصدقاء الطفوله .. والله نصيحه .. كلنا محتاجين نصفي ازهاننا عشان مخنا ضرب

palindromier said...

مفيش اجماع شعبي حيدوم زي ماعمر الاحزاب ما حتفضل متفقة علي طول. في الثورة الامريكية الفدراليين والديمقراطيين ضربوا بعض بالرصاص (فعلا هاميلتون مات قتيل). في الثورة الفرنسية اليعاقبة وبتوع الجبل قطعوا بعض (وروبسبيير اتقطعت رقبته بالمقصلة بعد ما طير رقابي كتير). والبلاشفة خلصوا علي المناشفة بعد ماساعدوهم في الثورة في روسيا. و ماوتسي تونج طرد شي كاي شيك من الصين علي تايوان بعد ما كانوا ولا الاخوات.

عادي جدا ان رفاق الثورة بتوع امبارح يقطعوا بعض بكرة, دي طبيعة البشر. الفرق هو ان الثوار في كل الامثلة السابقة وصلوا للحكم وسيطروا علي زمام الامور فما فرقش بعد كده ان كان فيه شوية خناقات بعد الثورة ادت لان فريق انتصر علي فريق لان العملية في بيتها في الاخر. لكن لو ان الثوار الامريكيين عهدوا بالحكم للحامية الانجليزية في تشارلز تاون أو الشعب في فرنسا سلم الامور للجيش بتاع لويس كانت اكيد الخلافات الطبيعية اللي حصلت بين الثوار بعد كده استخدمت لنسف الثورة وكان زمان الصين لسه بتاكل افيون والقيصر بتاع روسيا عمال يدور علي علاج لابنه من الهيموفيليا في اجزاخانات موسكو.

Adb El-Hameed Riad said...

طيب ما تعملى ايفنت بيوم 10/6 بالمطالب الى كله موافق عليها ونشوف يمكن ربنا يهدى الجميع

arabian_faithful said...

الطالب : يا ماما هسقط ......
الأم : خش ذاكر
الطالب : بقولك الامتحانات على الابواب وهسقط
الأم : خش ذاكر ........
الطالب: هاااااااااااسقط
...الأم : خش ذاكر ..... ا
لطالب: بس رامى هينجح
الأم : اتنيل على عينك وذاكر ...
الام = مصر ..... الطالب = الأحزاب الجديده ..... الامتحانات = الإنتخابات .... رامى = الإخوان الظريف إن الطالب دلوقتي سايب المذاكرة و عمال يشتم في رامي

sawabe2 said...

el egma3 el sha3by mesh hayet7a22a2 ella lamma el nas teb2a fahma elli beye7sal .. w ana ba3teb 3aleeki w 3ala el mosaqafeen 3ashan konto w mazelto bet7awlo teqni3o nafsokom w teqni3o el nas en el magles el 3askary 7elw .. bs e7na metday2een menno shwaya .. el magles el 3askary 3omro ma kan 7elw .. w dorkom enokom twassalo kda lel nas .. w hayeb2a 2odamkom 7'eyar mn etneen .. ya teb2o ma3a el magles le7ad ma mubarak yerga3 tani ... ya teb2o ded el magles w masr teb2a libya ..

رضوان سعيد رضوان said...

الاصرار على المطالب واحباط اي محاوله لعمل صفقة بين جهه واخرى هي دليل النجاح تعدد الاراء لايفسد شئ مادام كله يصب في اتجاه واحد وهو لا احتكار للسلطة ولا لفلول النظام او الحزب او امن الدوله

ملكش دعوة said...

الثوره = العداله والحريه للجميع
الثائر = الضمير الحي
نجاح الثوره = لا للاهداف الفرديه
المليونيه = ان يكون الجميع علي قلب رجل واحد
وهكذا رحل الديكتاتور وللاسف لم يكن الديكتاتور الوحيد

BestItalianPizza said...

للذكرى و التاريخ فقط .. اذكركم بتسلسل الأحداث فى هذا الشهر .. تم اخلاء سبيل فتحى سرورر و بعدين سوزات تنازلت و بعدين قالك "بعد التنازل لا وجه لأقامة الدعوى" و بعدين قالك حسنى حيتنازل كمان و بعدين حسنى بيعد خطاب اعتذار .. و فى نفس اليوم افرجوا عن زكريا عزمى ... ... .. فى هذه الليلى تولد مخاض ثورة الغضب الثانية .. هاج الناس .. و بعضهم نزل التحرير ليلتها ( يمكن 17 فى الشهر ) .. و قالوا حننزل يوم 20 كتمهيد .. و حنعمل ثورة يوم 27 .. و هذا كان خطأ الثورة التأجيل .. فجمع اعداء الثورة صفوفهم و اعدوا خطتهم التى تمثلت فى الإخوان المسلمين الذين عملوا ثورة مضادة اللى كلكم عارفينوها .. و اتهموا الثوار بالوقيعة .. و فى نفس الوقت طلعوا حدوتى اللجنة الطبية تانى .. و يوم 27 كان التشكيك شغال على ودنة .. و عملوا شق فى الصف و قسموا البلد .. و دلوقتى بعد ما نالوا جميع اهدافهم .. جابوها على بلاطة زى مانتم شايفين .. رفض قاطع لنقل حسنى .. و رجع ابوك عند اخوك .. و اساسا ما فيش حد بيتحاكم .. كله كسب غير مشروع .. و الوحيد اللى بيتحاكم (العادلى) موديينة عند المستشار بتاعهم عبد السلام جمعة .. و احنا شعب عبيط و اهبل .. و كل سنة و انتم طيبين و لا عزاء للأخوان الخونة

qqq said...

بعد ما خربتيها سيادتك؟؟؟ الناس سمعت كلامك (و أنا منهم للأسف) للنزول الجمعة الماضية ليجدوا إن النية مبيتة لتسييس الميدان و الإلتفاف على شرعية الاستفتاء، خلاص الثورة انتهت مع الأسف الاسبوع اللي فات و شبه مستحيل إن الناس ترجع يد واحدة تاني بعد الانقسام اللي حصل، الغريب انك لم تعتذري لهؤلاء الذين خرجوا بناءا على ما ادعتيه من عدم الدعوة للمطالب السياسية الخاصة، لماذا أعطيتم الفرصة لهذه الوجوه العكرة المسماة بهتانا بالنخبة لشق الصف؟؟ مع الأسف مرة أخرى يثبت الإخوان نضجهم السياسي و امتزاجهم مع الشعب وأنهم أدرى بنبض الجماهير، أنا اللي حارق قلبي بصحيح إني حاسس إني اتخدعت لما ناديت بالخروج للميدان الجمعة اللي فاتت و إن الإخوان كانوا أذكى و أعلم مني بهذه النخبة الانتهازية ، يالا عليه العوض و منه العوض.

BestItalianPizza said...

الخونه اللى بيدوروا على كرسى يقعدوا عليه مش حيأثر فيهم مليون نداء و مناشدة و استعطاف حتى .. الناس اللى اساسا بتدور على صفقات ما يفهموش هذا الكلام .. المسألة كلها صراع ارادة .. اللى ارادته اقوى ,, حيمشى كلمته .. و الجيش مش حايمشى و حيكم البلد و بكرة نشوف .. و الإخوان مش حيتعدلوا .. الشباب هم قول الفصل .. و لازم يوصلوا للحكم .. يقولوا وقيعة مش وقيعة بقى دى حاجة تانية .. هم العسكر بتوعنا يفرقوا ايه عن عسكر ليبيا ة لا سوريا و لا اليمن .. مافيش فرق .. الفرق فرق الحطة فقط .. مصر لسة عايزة شهداء كمان .. و استغفر الله العظيم

محمد عبد الغفار said...

وياترى كام واحد من الصييته فاهمين الحقيقه دى - للأسف هى دى المشكله

محمد عبد الغفار said...

نسيت اقول ان كلامتك دى أسقطت 27 مايو من اساسه

Mohamed said...

يوم الاثنيين 6 - 6 موعدنا مع الذكرى السنويه الاولى لخالد سعيد و المره ديه هنلبس أعلام مصر بدل اللون الاسود بتاع قبل الثوره ، كل الشعب و كل الاعمار , كل الاطياف السياسيه و كل الاديان السماويه أيد واحده لاحياء روح الشهداء اللى ماتوا قبل و بعد الثوره علشان مصر

B. said...

من اليمن، ممكن يكون يوم الجمعة الجايي امام الجامعة العربية علشان المجازر في اليمن؟

مهندس مصري said...

ايه اللي حصل مع ريم و حسام ؟

ملكش دعوة said...

لو كل شباب الثوره وبتوع الائتلافات واللي عايزينهم يديروا دفه البلد للمسار الصحيح افكارهم مشتته وحلولهم عقيمه كده وواخدين الحكايه علي اعصابهم
يبقي العوض علي الله ومتكلميناش تاني بأه عن دم الشهدا

ملكش دعوة said...

لو كل شباب الثوره وبتوع الائتلافات واللي هيديروا دفه البلد للمسار الصحيح بيفكروا زي سعادتك كده افكارهم مشتته وحلولهم عقيمه وواخدين الموضوع خناقه يبقي العوض علي الله
ومتكلميناش تاني عن دم الشهدا

saleh11143 said...

قال الله تعالى :
وَأَطِيعُواْ اللّهَ وَرَسُولَهُ وَلاَ تَنَازَعُواْ فَتَفْشَلُواْ وَتَذْهَبَ رِيحُكُمْ وَاصْبِرُواْ إِنَّ اللّهَ مَعَ الصَّابِرِينَ

د/احمد فهمي said...

انا ليا رجااااااااااء انك توصلي للشباب بتوع ائتلاف الثورة والجبهات المتعددة اللي اتكونت في التحرير رسالة مهمة
انا نزلت في التحرير من يوم 25 يناير وكتير زيي نزلوا مش هما بس بلاش يخلوا الجيش يلتف على المطالب الرئيسية للثورة هما كونوا ائتلاف واكتفوا بنفسهم وللاسف كتيييير منهم ركبه الغرور بانه صانع الثورة ودا الشئ اللي خلا الجيش يوجه دعوة عامة لكل الشباب والائتلافات للحوار ليه انت يا ائتلاف ماتسبقش الجيش وتعمل انت حوار مجتمعي وتدعوا كل الحركات الناشئة حتى ممن لم ينزلوا في الثورة فهم شركاء في الوطن وتتكلم معاهم وتعرف افكارهم وتكون انت الممثل الشرعي ليهم وبكده هايكون ليك ثقل اكبر في حوارك مع المجلس ومش هايعرف المجلس يلتف ويستغل الفرقة الواضحة بين ممثلين الشعب من الشباب انت يا ائتلاف خايف من الاخوان يبقا خليك منظم زيهم واكسب ناس من الشارع تمثلهم كل اللي عايز يعمل حزب او جبهة اتناقش انت معاه وفعلا عبر عن اراءة او اقنعه بوجهة نظرك لكن انا سمعت كلام احد اعضاء الائتلاف انهارده وهو بيتكلم والله العظيم بيتكلم زي الحزب الوطني بالظبط بنفس الغطرسة ويقول احنا سنقاطع هذا الحوار ولازم نعرف المشاركين مين ويقدموا لينا اجندة ........المجلس مش هايغلب هايلاقي بدل الالف مليون يتكلموا معاه وساعتها هايفقدك شرعيتك في تمثيل الثورة ويقولك انت مين ؟ انا واحد من الناس نفسي نكون كلنا صوت واحد قصاد الجيش بس ازاي اذا كان مفيش فرصة للحوار مع الائتلاف وشبابه اللي مصدقوا يتكلموا كل يوم في التلفزيون ومابقوش ينزلوا للناس يشوفوا طلباتهم وارائهم واحتكروا مصلحة الوطن على وجهة نظرهم وكانت النتيجة زي الاستفتاء ما جه وكانت مفاجئة ليهم انا نفسي اعرف اوصل لحد من المسئولين في الائتلاف عشان ابلغهم كده افتحوا انتوا حوار مع الائتلافات والاحزاب اللي تحت التأسيس هاتكسبوا الناس وهاتقدروا تدعموا موقفكم في الحوار امام المجلس وماتسيبوش الساحة الشعبية للاخوان وبس
انا من ساعة الثورة وانا حاسس ان الناس ماحدش فيها بيسمع حد انا بجد هاتجنن
ارجو منك يا نوارة انك تردي على كلامي دا حتى لو شايفاه مش مقنع وقولي ليه ؟
د/احمد فهمي 0100130419
المنسق الإعلامي لحزب مصر الثورة
ahmedfahmypharmacies@hotmail.com

negmat lail said...

يا ريت تروحي لإجتماعات المجلس العسكري لأن واضح ان فيه ناس ما بتسدش و الخوف ان ناس زي اللي قابلتيهم في الندوة اللي بالبرانيط يروحوا ويقولوا على نفسهم شباب الثورة

د/احمد فهمي said...

أنا يا نوارة للأسف روحت اللقاء اللي كان ناقص يذنبونا فيه وشنا في الحيط ونرفع أيدينا بس ألذ حاجة بقا اين شفت الفلول والله العظيم ولية قرشانة عمالة تشتم في اللي بيعملوا مظاهرات وتقول أن شباب الائتلاف أخذوا أراضي من الدولة وعائزة تهيج الناس رحت شاخط فيها وناديت على الأمن راحت جارية ولما اصطدت اللواء صلاح برا اللقاء جئت أكلمة على قانون مجلس الشعب قال ماليش في القانون كلم العصار قلتله المحاكمات المدنية للثوار وكان في ناس برا المسرح بتهتف ضد المشير فقالي يعني دول مش بلطجية لازم إحاكمهم عسكرية قلتله لا البلطجي اللي قتل في الشعب وسايبينه في شرم راح سايبني وماشي ..... على كل حال متخافيش أنا لو جم يكلموني بعد كده هاقولهم نوارة هي السبب ويانتحبس إحنا الكل يابلإش وأنتي هاتي بلال بالمرة .....الخلاصة لقاء فاكس على الآخر. الناس دول مش بتوع حوار أصلن

moka said...

على فكرة يا نوارة ..حكاية ساق التوكتوك دى احداثها غلط..لان ابن عمى احد الشهود والقصة حصلت قدامه
اللى اعرفه ان الضابط بعد اصراره على حجز التوكتوك لعدم وجود اوراقه ومخالفته فى الطريق..(انا معرفش هو قاله هات 200 جنيه ولا ايه)
اللى اعرفه ان الولد السواق كلم اخوه ..وهذا الاخ جه ومعاه ما يقرب من 15 واحد..معاهم سلاح ابيض
المهم ان الضابط كان معاه حوالى 3 تانيين ميرى(ماعرفش رتبهم ايه)..جريوا لما شافوا السلاح..والبلطجية دول اتلموا على الضابط وواحد رفع عليه سنجة..( لكن الضابط ضرب طلقتين فى الهوا وف الهوجة ..ضرب تانى جت واحدة فى رجل الولد وواحدة فى بطنه(وليس رجله فقط كما تقول رواية الداخلية)
المهم الدنيا اتقلبت..وجه مدير امن الجيزة ووزير الداخلية ..(لان خبر دخول الولد المستشفى وامكانية موته مشكلة فى الوقت الحالى فى ظل التحفز الموجود والمفهوم ضد الشرطة)..الضابط طلب من الناس الشهادة معاه..ووافق البعض ومنهم ابن عمى وراح شهد
(حتى كان خايف لانه سمع فى القسم ان المجنى عليه مسجل خطر وعليه قضايا..وانه ممكن يلاحقه احد اصدقاؤه البلطجية)
...
مما سبق نعرف ان الضابط كان فى حالة دفاع عن النفس..لكن الغريب ان تصرف له مكافأة 3000 جنيه ويترقى!!
طب بيدافع عن نفسه وفهمناها..يتم مراعاة ذلك فى التحقيق..لكن يترقى!!..ليه؟؟..حاجة تانى ارجو التيقن قبل نشر مثل هذه الاخبار ..انا ساكنة فى الهرم ونص ان لم يكن كل سواقين التكاتك والميكروباصات..بلطجية ومحدش عارف يسيطر عليهم ..لسه امبارح سواق ميكروباص ضرب امين شرطة علشان عمله مخالفة..مش كل الغلابة ملايكة

moka said...

على فكرة يا نوارة ..حكاية ساق التوكتوك دى احداثها غلط..لان ابن عمى احد الشهود والقصة حصلت قدامه
اللى اعرفه ان الضابط بعد اصراره على حجز التوكتوك لعدم وجود اوراقه ومخالفته فى الطريق..(انا معرفش هو قاله هات 200 جنيه ولا ايه)
اللى اعرفه ان الولد السواق كلم اخوه ..وهذا الاخ جه ومعاه ما يقرب من 15 واحد..معاهم سلاح ابيض
المهم ان الضابط كان معاه حوالى 3 تانيين ميرى(ماعرفش رتبهم ايه)..جريوا لما شافوا السلاح..والبلطجية دول اتلموا على الضابط وواحد رفع عليه سنجة..( لكن الضابط ضرب طلقتين فى الهوا وف الهوجة ..ضرب تانى جت واحدة فى رجل الولد وواحدة فى بطنه(وليس رجله فقط كما تقول رواية الداخلية)
المهم الدنيا اتقلبت..وجه مدير امن الجيزة ووزير الداخلية ..(لان خبر دخول الولد المستشفى وامكانية موته مشكلة فى الوقت الحالى فى ظل التحفز الموجود والمفهوم ضد الشرطة)..الضابط طلب من الناس الشهادة معاه..ووافق البعض ومنهم ابن عمى وراح شهد
(حتى كان خايف لانه سمع فى القسم ان المجنى عليه مسجل خطر وعليه قضايا..وانه ممكن يلاحقه احد اصدقاؤه البلطجية)
...
مما سبق نعرف ان الضابط كان فى حالة دفاع عن النفس..لكن الغريب ان تصرف له مكافأة 3000 جنيه ويترقى!!
طب بيدافع عن نفسه وفهمناها..يتم مراعاة ذلك فى التحقيق..لكن يترقى!!..ليه؟؟..حاجة تانى ارجو التيقن قبل نشر مثل هذه الاخبار ..انا ساكنة فى الهرم ونص ان لم يكن كل سواقين التكاتك والميكروباصات..بلطجية ومحدش عارف يسيطر عليهم ..لسه امبارح سواق ميكروباص ضرب امين شرطة علشان عمله مخالفة..مش كل الغلابة ملايكة

أ . مشرف said...

الثوره = العداله والحريه للجميع
الثائر = الضمير الحي
نجاح الثوره = لا للاهداف الفرديه
المليونيه = ان يكون الجميع علي قلب رجل واحد
وهكذا رحل الديكتاتور وللاسف لم يكن الديكتاتور الوحيد

mido said...

مش عارف تقصدى ايه بالاجماع الشعبى وهل ده يتضمن الاخوان ولا لا واذا يتضمنهم تبقى بتنفخى فى قربة مفتحة من كل حته واذا ما تقصديش ده اعتقد انه امل واقعى وحقيقى وكل مصرى بيحب بلده بيدور عليه على اختلافات المصالح والانتماءات(طبعا ما بنكلمش على انصار ومحبى الحزن الوطنى الديموقراطى ورئيسه )ويا رب مصر تفوق وتفهم دعوتك