Friday, 20 May 2011

جمال مبارك اتحفظ التحقيق معاه؟

ويا ترى ده خبر ولا بالون اختبار برضه؟ 
انا كنت في الميدان النهاردة والعدد طبعا ما كانش كبير زي ما كلنا توقعنا
بس يوم 27 لازم يبقى كبير
ويبقى كبير قوي
اكبر مما نتخيل.. والا حنبقى بنحكم على ثورتنا بالاعدام، وبصراحة الاخوان اللي عمالين يستندلوا دول بيلفوا الحبل حوالين رقبتهم
فيه ايه؟ ايه حالة النوم دي؟ ما نفوق بقى شوية
احنا في خطر
سوزان مبارك وفتحي سرور وجمال مبارك ومرتضى منصور وابراهيم كامل والغمراوي وكل عصابة القناع الاسود بيتسرسبوا
فلوس ايه اللي بتحاكموهم عليها؟ احنا اللي بينا وبينهم فلوس ولا دم؟
وموقعة الجمل ايه الطناش اللي عليها ده؟
وماحدش يفتح بق امه في موضوع السولار واكل العيش والكلام الفارغ ده، ما تحطوش على لسان الناس كلام هم ما قالوهوش، انا اللي بانزل في البلاعات مش انتوا، والناس بتقول: الثوار المجلس العسكري خدهم في حضنه وسابونا
ما بيقولوش اكل العيش.. بيقولوا اخدوا مكاسب واحنا نأبنا طلع على شونة
والاخوان اذا كانوا فاكرين انهم ظبطوا مع الجيش وحيضحكوا عليه وعلى امريكا وعلى الدنيا كلها وعلى اساس كده عاملين نفسهم ميتين لازم يعرفوا انهم اول ناس حيتعمل لهم مدبحة لو النظام السابق اعاد انتاج نفسه، وهو بالفعل بيعيد انتاج نفسه
نفوق بقى شوية
انا تعبت وزهقت واعصابي باظت وما بانامش وما باكلش وامي زعلانة مني وصحابي زعلانين مني وقرايبي زعلانين مني ومش باشوف ابويا.. النهاردة كان فرح اعز اتنين صحاب ليا في الدنيا وما حضرتش فرحهم اللي انا كنت مستنياه اكتر منهم هم الاتنين.. عشان يا قاعدة في الشارع، يا قاعدة قدام الجزيرة، يا باتخانق
ايه وجع القلب ده؟ ايه القرف ده؟ 
ومجلس رئاسي مدني ايه اللي بيتكلموا عنه دلوقت وحيفرق الناس؟ انا شخصيا موافقة عليه، بس المطلب ده مش كل الناس موافقين عليه، ولو الاخوان ضحكوا عليكوا وقالوا لكم نازلين وانتوا حاطين المطلب ده اعرفوا انهم كدابين ومش اول مرة يكدبوا يعني، ولو انتوا ضحكتوا على نفسكم وافتكرتوا انكم تقدروا تنزلوا بشكل مؤثر من غير الاخوان يبقى انتوا بتخدموا الخطة اللي بتتنفذ ضد الثورة وخلاص بقى اللعب على المكشوف
والله العظيم تلاتة
والله العظيم تلاتة
والله العظيم تلاتة
لو عصابة القناع الاسود خرجوا، والنظام اعاد انتاج نفسه، ورجع ابوك عند اخوك النظام حيرجع اسوأ من الاول، واشرس من الاول، واهو قاس القوة على الارض وعرف ان الاخوان مؤثرين وحيقضي عليهم تماما عشان ما يفوقوش عليه تاني، وحتبقى جماعة الاخوان دي اسم مكتوب في التاريخ، ده غير الانتقام من الفقرا اللي ابتدا دلوقت، ظباط الشرطة سارحين على سواقين الميكروباص وسكان العشوائيات يضربوهم ويبهدلوهم وياخدوا منهم اتاوات ويقولوا لهم: مش عملتوا ثورة؟ خلي الثورة تنفعكوا يا ولاد... وحكاية الفتنة الطائفية دي واكلة مع الناس قوي مش عارفة ليه؟ وكفاية بقى.. كفاية بقى خيانات، اللي بيشارك في الفتن دي خاين خاين خاين زيه زي جاسوس اسرائيلي، وباقولها اهو: اللي بيشارك فيها سواء بالفعل او رد الفعل الاتنين خونة
ووالله العظيم تلاتة
والله العظيم تلاتة
والله العظيم تلاتة
لو الخطة دي نجحت ما سايبة الشارع وحاحط نفسي قدام اول دبابة اشوفها ومش حاتحرك من قدامها لحد ما تشيلوني عشان تدفنوني وده عهد عليا.. ولو ما عملتش كده تفوا عليا كل ما تشوفوا وشي انا دلوقت اهو ما عنديش اي رغبة في الحياة.. بعد كل الناس اللي ماتت دي ما عنديش اي رغبة في الحياة.. ولو الثورة دي ضاعت حاموت نفسي
جمال مبارك اللي بيخدم اسرائيل حيخرج؟ والتحقيق معاه بيتحفظ؟ ومبارك قال لفريد الديب اتنازل عن الفلوس عشان يخرج؟ والثوار هم اللي بيتحاكموا محاكمات عسكرية؟ ومرتضى منصور مرشح نفسه للرئاسة؟ تخيل بقى لو مرتضى منصور رئيسك
ايه النوم ده؟ حاولع في نفسي.. حاموت نفسي 
حاموت نفسي.. امن الدولة بيشتغل بكامل طاقته
يوم سبعة وعشرين لازم يبقى مليوني.. لازم يبقى مليوني
ولازم نطبع ورق ونوزعه في كل حتة
كل واحد بيقرا البوست ده يطبع 10 ورقات على الاقل ويوزعها على ناس ما يعرفهمش في الشارع، مش كفاية تقول لناس من قرايبك وصحابك، لازم تقول لعشرة من معارفك وعشرة ما تعرفهمش عشان ييجوا.. ده فرض عين عليك، وحسبي الله ونعم الوكيل فيك لو ما عملتش كده
حتموتوني 
ودي المطالب
اولا: المطالب السياسية
1- تقديم مبارك للمحاكمة بتهمة الخيانة العظمى، على اثر اعتراف المشير بإعطاء مبارك الامر للقوات المسلحة بقتل المتظاهرين
2- اشراف قضائي وحقوقي على جهاز الامن الوطني ومحاكمة كل الضباط المتورطين في قتل المتظاهرين وتعذيبهم
3- حل جهاز الامن المركزي او ادماجه في الجيش انشالله يشتغلوا مزارعين
4- اقالة يحيى الجمل ومحاكمة عمر سليمان في ليلة واحدة بقى، هي ايه الحكاية؟
ثانيا: المطالب الاقتصادية:
1- وضع حد ادنى واقصى للاجور واعادة توزيع الثروات لانقاذ البلاد من الازمة الاقتصادية والتحكم في الاسعار
2- فرض الضريبة التصاعدية 
3- محاكمة كافة رجال الاعمال الفاسدين ومصادرة اموالهم
ثالثا: الحريات
1- الغاء احالة المدنيين الى قضاء عسكري 
2- اعادة محاكمة كل المحكوم عليهم باحكام عسكرية بعد تحويلهم الى المحاكم المدنية
3- حظر فض الاعتصامات بالقوة بشكل كامل
دي مطالب اجماع وطني، وتمس الناس بشكل مباشر، ما يقعدش كل واحد نفسه في حاجة يقولها لي في التعليقات
وماحدش يجيب سيرة المجلس الرئاسي المدني لاني باقولكم اهو الاخوان مش حينزلوا بكامل طاقتهم، وده مش مطلب اجماع وطني... ولو الاغلبية عايزاه حيبان في الهتاف في الميدان، بس ما يتحطش في المطالب.. انا عن نفسي عايزاه، بس الناس مش تحت امري عشان كل حاجة انا عايزاها يعملوها، ومش حافرق الناس واشتتهم عشان حاجة انا عايزاها وهو مش رأيهم
اللي نفسه في حاجة يطلبها من ربنا في الروضة الشريفة، لكن ما يقولش مطالب تفرق الناس وتشتتنا عشان يزايد على امنا بالثورية ويعمل لنا مجنون
لا بقى.. طول عمرنا علمونا واحنا صغيرين كده ان المجنون بيأدي اداء الامن والامن بيأدي اداء المجنون ودايما كان الامن اللي بيتحشر وسطنا هو اكتر واحد بيزايد علينا في الثورية عشان يورطنا في مصايب ويفرق صفنا ويشكك الناس في بعض ويكرههم في بعض
قديمة قوي وللاسف كل البهايم واقعين فيها
----------
انا اسفة يا مالك ويا فاطمة اني ما حضرتش الفرح
:'(
كنت فاكرة اني حييجي يوم واعرف ارتاح شوية
شوفتوا القمر بقى


100 comments:

الخوجة said...

عقبال كل البنات والف مبروك اولا
- وثانيا
#JAN25 #EGYPT #TAHRIR #BYEMUBARAK جمعة رفض التصالح_الخوجة

Hosam said...

كلام كويس بس يا ريت حد يسمع لأن كل واحد مفكر نفسه صح و الباقيين يا خونة يا بهايم

Negm_2014 said...

يسلم فمك يا نوراة هو ده الكلام

itachi said...

v

محمد نبيل said...

http://www.almasryalyoum.com/node/444376

"وردا على سؤال حول حق المصريين بالخارج فى التصويت، أوضح شاهين أن أول مادة في القانون تؤكد على حق كل مصري ومصرية فى مباشرة الحقوق السياسية، وهو ما يعنى حق المصريين فى الداخل والخارج. وأضاف «المصرى هو المعيار وليس (محل) الإقامة». وأشار إلى أن هناك قواعد تنظيمية وقيود سواء مادية أو غيرها تحدد هذه العملية، تتم من خلال اللجنة العامة للانتخابات، «فالقانون حدد وجود قاض لكل صندوق، وليس قنصلا لكل صندوق»."

-------------------------------

طالما أعطى القانون الحق لكل المصريين فى التصويت، اذن لا يجوز التحجج بأى قيود تنظيمية أو مادية، مسئولية الحكومة هى توفير قاضى لكل صندوق للمصريين فى الخارج أو أى طريقة أخرى تتيح لهم التصويت فى جميع السفارات والقنصليات المصرية، وان لم يحصل المصريين فى الخارج على حقهم فى التصويت تكون الانتخابات باطلة.

itachi said...

انا مش مقتنع ومش مصدق الرعب اللى انت بتقوليه انا حاسس ان كلامك ده فيه شىء من المنطقيه بس مش للدرجه الفظيعه دى لو حصل حاجه كبيره فعلا حنحس قبليها كل الكلام ده قانونى ابراهيم عيسى بيقول ان دى هى القضايا الماليه واحنا ممكن نحاكمهم لما الثوره تحكم البلد

Wello said...

لو الشعب المصري ما فاقش هياكل اكبر خازوق في التاريخ و الثوره هتبقي زي السلاح الفاسد كده هينفجر في وشوشنا احنا و النظام هيرجع اكثر توحشا و دمويه و رغبه في الانتقام من كل من قاموا بالثوره.ربنا يستر الايام اللي جايه هتبقي اصعب من ايام الثوره بمراحل.يا رب تعدي علي خير

Marwa said...

قالوا اني موش باثور
قالوا ضيعت العبور

قالوا طيب قالوا ساذج
شعب ينزل في المناهج
تحت تعريف الدواجن مالطيور

قالوا موش هاتقومله قومه
دالعيال على قلبه كومه
وكل همه ازاي يوفر
من عشاهم للفطور

قالوا آخره ماتش كوره
ومين مأنجج مين في صورة
ويبقى شايل هم ميدو وعقد جدو
وهو ساكن في القبور

بس هس المصري قام
اقطعوا شيء اسمه نت
وهاتلي فتوى من الإمام
روحي بيتكم يا بت

"إلحجونا يا جيادة
فيه بشر شايلين علام"
"اهرسه ياض بالبياده
واضربه تحت الحزام"
ليلة بيضا "ليلة زرجا
بندجيتي ماعتش فارجه"
ليله بيضا ليله زرقا
ماعادش حاجه بجد فارقه

اللي عنده عيال رماهم للوليه
وقال لها نازل اجيب بكره بإيديه

واللي حاجز قاعة أو زفة كمان
خد عروسته وزفها فقلب الميدان

كان ناقصنا نقش حنه
و كام طهور

ونجيب لعم شفيق جنان

الخلاصه ..
طلعنا جدعان بالوراثه

واللي قالوا عليه بغلي
وموش بافور
بيمسحوا كفوفهم فتوبي
ويدعوا حكامهم تغور



المحروقه بجاز: مروة مأمون

dr_abdog said...

لاحظي يا نوارة ان اليسار والقوميين والليبراليين طلبوا تأجيل الانتخابات ومجلس رئاسي ووضع الدستور قبل الانتخابات البرلمانية ... وده طبعا خلى الاخوان انسحبوا من يوم 27-5 مع ان باقي المطالب كل الشعب متفق عليها.وطبعا اختلافنا ده اضعف موقفنا جدا وادى الفرصة لأعداء الثورة انهم صوتهم يعلى...
طب ايه الحل؟
لازم المطالب يبقى عليها توافق والموضوع ده بقى مسألة حياة أو موت
وأي واحد يقول مطلب غير توافقي يبقى بيشق صف الثورة وبيدور على مصلحته الشخصية على حساب المصلحة العليا لمصر
وده لازم ياخد على دماغه لانه اخطر على الثورة من أعوان مبارك ...
ياريت تتبني الموضوع ده وتنشريه في كل مكان وربنا يقدر الخير على ايديكي

yosef said...

الفلتر الثلاثي...صنع في مصر




قبل ان اسرد لكم قصة سقراط مع احد طلابه وبعد ان وصل الحال الى ما وصل اليه في مصر ومن باب الحرص الاكيد خاصة وانه يتضح لنا انه اصبح الجميع يضع فوق اسمه على الفزت كارد ثورة 25 ينايّر واصبح متحدثاً رسميّا بها ومراسلاً معتمدا ينقل الاحداث عبر الفضائيّات والتعليق عليها دون ايّ تحري او تدقيق وما اثر ذلك سلباً على الشارع المصري والذي لم يهدأ بعد ولن يعرف الهدوء قبل ان يطمئن الى نجاح ثورته بالكامل ووصول مصر الى شاطئ الآمان .
في أحد الأيام صادف الفيلسوف أحد معارفه
الذي جرى له وقال له بتلهف
"سقراط ، أتعلم ما سمعت عن أحد طلابك؟"
رد عليه سقراط : " انتظر لحظة قبل أن تخبرني أود منك أن تجتاز امتحان صغير يدعى امتحان الفلتر الثلاثي"
"الفلتر الثلاثي؟"
تابع سقراط : "هذا صحيح قبل أن تخبرني عن طالبي لنأخذ لحظة لنفلتر ما كنت ستقوله
الفلتر الأول هو الصدق
هل أنت متأكد أن ما ستخبرني به صحيح؟"
رد الرجل : "لا، في الواقع لقد سمعت الخبر"
قال سقراط : حسنا , إذا أنت لست أكيد أن ما ستخبرني صحيح أو خطأ
لنجرب الفلتر الثاني، فلتر الطيبة
هل ما ستخبرني به عن طالبي شيء طيب؟"
"لا،على العكس"
تابع سقراط : حسنا إذا ستخبرني شيء سيء عن طالبي على الرغم من أنك غير متأكد من أنه صحيح؟
بدأ الرجل بالشعور بالإحراج
تابع سقراط : ما زال بإمكانك أن تنجح بالامتحان ، فهناك فلتر ثالث,
فلتر الفائدة, هل ما ستخبرني به عن طالبي سيفيدني؟
"في الواقع لا"
تابع سقراط : إذا , إذا كنت ستخبرني بشيء ليس بصحيح ولا بطيب ولا ذي فائدة أو قيمة، لماذا تخبرني به من الأصل؟
فسكت الرجل وشعر بالهزيمة والإهانة
لهذا السبب كان سقراط فيلسوفا يقدره الناس
ويضعونه في مكانة عالية
تذكر هذه الحكمة قبل محاولة نشر أي إشاعة او نقل اي خبر غير موثق او حتى مجرد نقله ممكن يثير الفتنة في الشارع المصري .
وكل مانسينا وابتعدنا نسمع اغنية الثورة ونتذكر انه المصريّين اللي بنوا الهرم الثلاثي قادرين على بناء واستعمال الفلتر الثلاثي

elzahraamegahed said...

يا نواره لو المطالب كده الاخوان هتنزل وكل الناس هتنزل لكن الموضوع يا ريته على أد مجلس رئاسى لكن دول بيطالبوا بتأجيل الانتخابات وعمل مجلس تأسيسى لاعداد الدستور ودى أول الطلبات ؟؟؟؟؟؟!!!! بأه ده كلام ينفع الاخوان ينزلوا يطالبوا بيه؟؟؟ الحل فى إيد الائتلاف وخالد سعيد وباقى القوى يوحدوا طلبات النزول زى اللى انتى منزلاها كده ويلاش هرتله

BARAA said...

ودي المطالب
اولا: المطالب السياسية
1- تقديم مبارك للمحاكمة بتهمة الخيانة العظمى، على اثر اعتراف المشير بإعطاء مبارك الامر للقوات المسلحة بقتل المتظاهرين
2- اشراف قضائي وحقوقي على جهاز الامن الوطني ومحاكمة كل الضباط المتورطين في قتل المتظاهرين وتعذيبهم،
3- عمل ما يلزم لفرض الأمن في الشارع المصري مع التأكيد على أستخدام وزارة الداخلية لصلاحياتها كاملة بمنتهى القوة في حدود القانون ، على أن يستخدم القوة فيمن يخالف القانون على أن يتم الحساب القاسي لفرد الشرطة الذي يتجاوز القانون مع أي مواطن شريف لم يتجاوز القانون
مع فرض جزاء قاسي يصل الى حد العزل لرجال وزارة الداخلية ممن يتقاعس عن تنفيذ واجبة او يتهاون في الأستجابة لأي أستغاثة أو بلاغ
ثانيا: المطالب الاقتصادية:
1- وضع حد ادنى واقصى للاجور واعادة توزيع الثروات لانقاذ البلاد من الازمة الاقتصادية والتحكم في الاسعار
2- التأكيد على أن غياب الأمن هو المعوق الأول لعودة الأقتصاد و عجلة الأنتاج و السياحة
ثالثا: الحريات
1- الغاء احالة المدنيين الى قضاء عسكري
2- اعادة محاكمة كل المحكوم عليهم باحكام عسكرية بعد تحويلهم الى المحاكم المدنية أو محاسبة كل المتهم بفساد سياسي من رموز النظام السابق أمام محاكم عسكرية عاجلة (بغض النظر عن حسابهم امام القضاء المدني للجرائم المالية )، فكلاهما نشاط سياسي لا عقوبة علية بالقضاء العادي
3- حظر فض الاعتصامات بالقوة بشكل مطلق الا في حالة التعدي على مواطنين عزل او دور عبادة او منشآت
4 - أستخدام القوة في حدود القانون مع كل من يعيق تنفيذ أوامر الدولة أو يثير الفتنة و يجعل من نفسة قيمآ على المجتمع كمن يمنع فتح كنيسة أو يهاجم معتصمين و متظاهرين سلميين

en said...

ماتزعليش يا نوارة
ربنا هيكتب لنا الخير ان شاء الله طول ما في ناس زيك بيحبوا البلد
قولي لفاطمة الف مبروك وعقبالك يارب
.
.
.
وماتقلقيش
جمال اذا قفلوا التحقيق معاه في قضيه لسه قدامه قضايا كتير يتحقق معاه فيها(انا عندي كفايا موضوع التحريض على قتل المتظاهرين وياخد اعدام ونخلص بقى )

ahmed said...

والله انا حاسس انى انا اخدت مقلب فى حكومة عصام شرف دى وطلعت حكومة فشنك لا عارفين يرجعوا الامن ولا ييتخذوا قرارات ثورية لعلاج مشاكلنا ومش عاملين اى حاجة

بالنسبة لحكاية الامن انا عندى اقتراح قلته من اول ما حسنى اتنحى وهو انه يعاد تأهيل قوات الامن عن طريق خبراء علم نفس واجتماع ومشايخ عشان يعرفوا اللى عليهم واللى ليهم

وبالنسبة للائتلاف اطلب منكم انكم تفكروا فى حلول ثورية لعلاج مشاكل الاقتصاد زى مثلا انكم تنادوا بفتح باب التبرع للاقتصاد المصرى زى ايام التبرع لمستشفى 57357 كده وهكذا
ونطالب الحكومة بوضع حد اقصى للاجور واظن ان دى مش حاجة صعبة ويدونا جدول زمنى لوضع الحد الادنى للاجور

وكمان لازم نطالب بأن كل من افسدوا الحياة السياسية فى مصر يتفرض عليهم اقامة جبرية فى الوقت ده ويتحاكموا واحدة واحدة

kjhfkjsdhsf said...

للأسف يا نوارة الثورة ضاعت وده لأن القوى السياسية والأحزاب عمالين يقسموا الفتافيت اللي اترمت لهم وفرحانين بيها لدرجة إن معظمهم أصبح ينظر للثورة على إنها خطر على السبوبة بتاعته. بالإضافة للضغط النفسي وحملات التخويف اللي بتمارسها الحكومة ضد الشعب وافتعال الأزمات وإلصاقها بالثورة وأصبح الإعلام يساوي بين ميدان التحرير وبين الإعتصامات الفئوية وأنصار المخلوع . على فكرة في الفترة الأخيرة ظهر أعداء الثورة تاني بشكل كبير على الفيسبوك بعد اختفائهم الفترة اللي فاتت وده مش مطمنني خالص

ola said...

و دول إيه كمان؟
http://www.youm7.com/News.asp?NewsID=417037&SecID=65

drabomarwan1972 said...

فكرة النزول اليوم لم تكن على مطالب توافقية وهذا ما جعل الإخوان ما ينزلوا التحرير ويعملوا وقفتهم فى الإسكندرية مطالب المجلس المدنى والدستور قبل الإنتخبات هى إنقلاب على رغبة الشعب

على العموم فالمطالب التى كتبتها نوارة هى توافقية فعلا ولا أجد من يعترض عليها وهى تستحق الإلتفاف حولها ليوحدنا ميدان التحرير مرة أخرى وعلى هذه المطالب أطمئن نوارة أن الإخوان سيكونون مع وبين ثوار ميدان التحرير الجمعة القادمة إن شاء الله

Basma said...

الاخوان الاخوان الاخوان نزبط امورنا معاهم و نقنعهم انهم لازم ينزلوا و لازم يعرفوا ان لو لقدر الله النظام القديم رجع هيرجع اوسخ من الاول و هما اول ناس هيخدوا بالجزمة

lavender said...

لا للمجلس الرئاسي المدني - لا لتاجيل الانتخابات - لا لمن يريدون فرض وصايه علي الشعب و يتصرفون علي ان الشعب غير مستعد للديمقراطيه و ليس عنده وعي - لا لمن يريدون المجلس الرئاسي ليقفزوا علي السلطه بدون انتخابات

BARAA said...

حفظ التحقيقات مع جمال مبارك وفتحي سرور في قضية تراخيص الشركات السياحية

elzahraamegahed said...

نواره يحى الجمل على الفضائيه دلوقتى وقال إن العرب رضوا على الفقى وقال ان الدول العربيه توافقوا على شخصيتين وهما نبيل العربى وشخصية تانيه قال لاداعى لذكرها . تعرفى مين هى الشخصية التانيه دى ؟ وليه ما اختاروهاش وسابوا العربى للخارجية؟

lavender said...

لا للمجلس الرئاسي - لا لتاجيل الانتخابات - لا لمن يريدون فرض وصايتهم علي الشعب و يتصرفون علي انه غير مستعد للديمقراطيه و ليس عنده وعي - لا لمن يريدون مجلس رئاسي ليقفزوا علي السلطه بدون انتخابات

zmmorabya said...

نوارة كلامك كويس و كل حاجة بس مش مترتب و ملخبط و بردو لسه مش بيقدم حاجة للراجل البسيط اللي في الشارع عشان تشجعه إنه ينزل الجمعة الجايا!! أنا شخصيا شايفة لو فيه نص معين فيه تحفيز وترغيب في النزول عن طريقبردو عرض المطالب (سياسية - إقتصادية..) و فيه بردو تنفير من الكلاب اللي عمالين يخرجوا من السجن كلب ورا التاني.. ده غير الكلاب السعرانة اللي لسة متسرحة برا من قيادات في الشرطة و مديرين مؤسسات و كدا..
يعني المهم ماتكونش حاجة طويلة عشان الناس ماتملش يعني تاخد ورقة واحدة بس طباعة و بردو جايبة كل الأسباب اللي تخلي الناس ديه لاااازم تنزل 27 مايو
فهماني... والله يكرمك بلاش أباحة في الكلام وكمان يا ريت ياااا ريت عدم التطرق لأي فئة ولا جماعة ولا حزب من أم الأحزاب الموجودة عشان ما يبقاش فيه أي نوع من التوجيه الفكري سواء بالترغيب أو بالترهيب من الجماعة/الفئة/الحزب ده... يا ريت يا ريت النص ده يكون جاهز على بكرة عشان نلحق الناس من أول الأسبوع... يا رييت

salma dodin said...

mafeesh 7al!!.........el 7al howa thawra 2.0 we bas!!!!!!!!
el ekhwan tool 3omrohom 3andohom ghaba2 seyasee mokheef men ayam gamal 3abdel naser we entehazyeen we 3aqlaythom mota7agera we sa3ab tagheyrha........el 7al fe takatof el qowa el watanya kolaha we tenzel el share3 tewa3ee el nas tanee men el araf ele benshoofoo we bensma3oo kol youm fel ma7atat dah 3ala lesanat nas zay 3amro adeeb we gheero ele ma7seseen el balad en feeh kartha 7asalet esmaha el thawra.
wade7 ya nawara en el baraneet ketret away we en el magles el 3askaree loh shoo2 fel baraneet ba2a!!
besm ellah el ra7man el ra7eem...el egaba..el medan!!!
we belmonasba dee ya reet bardo nekalem tunis....menha netamen 3aleehom we menha nefakar sawa...la enohom men shahar keda kan 3andohom ta2reeban nafs el moshkela bas ma3 kol ele beygra fe sorya we libya wel yaman ma3reftesh eeh 7asal ma3ahom
we alf mabrouk 3al 3ersan rabena yeg3al far7ethom wesh khair 3al thawra;

elzahraamegahed said...

نواره يحى الجمل كان على الفضائيه من شوية وقال إن العرب رفضوا الفقى وقال ان الدول العربيه طلبوا حد من اتين واحد منهم نبيل العربى والشخصية التانيه قال لاداعى لذكرها . تعرفى مين هى الشخصية التانيه دى ؟ وليه ما اختاروهاش وسابوا العربى للخارجية؟

Alshaymaa said...

والله يانوارة معاكي حق , انتي واحدة جدعة وقلبك حامي وبتفهمي أحيانا وأنا بحبك للأسف
بس انتي لا مؤاخذة بتيجي عند الاخوان وتعملي مش فاهمة!!!
يعني عايزاهم ينزلوا ويكتروا العدد ويهتفوا جنبك بقلب بس وقت اتخاذ القرار والتشاور مش عايزاهم ولا عايزة رأيهم انتي و اصحابك مش عايزينهم لا عايزينهم في مجلس الشعب ولا عايزينهم في الدنيا أصلا
ليه بقى لأنك شايفاهم كدابين وبتوع مصلحتهم , يا ستي حددي موقفك , كدابين عايزاهم معاكي ليه!! نزهي نفسك واصحابك عن أمثالهم , كويسين اسمعيلهم وخدي برأيهم , مش شغالين من دماغكوا صح غلط يمشوا وراكوا

والله حاجة تفرس

Alshaymaa said...
This comment has been removed by the author.
نور الدين said...

انتي ديسه علي الوتر بجد النهارده يانواره.. والله انا شاب في.العشرينات وكل يوم مع الاخبار الهباب دي ضغطي يعلي وينزل وقربت اتشل وابن الكلب نايم في شرم ولا همه ...ايه الدلع ده ثورة ايه دي اللي قامت علي شخص ونظامه وسيبين الشخص بيتعالج في مستشفي خاص ولا اكنه ملك ايه القرف ده انا زهقت اصلا ما يتنيل يروح طره ولا هو احسن من اللي سجنهم هناك الناس المحترمه اللي انضف منه ومن اهله وسجنهم هناك وكانوا مرضي بجد مش حوارات .....والنبي كمان بلاش حد يفتي علينا ويقولنا انه رمز واكتوبر وكلام النفخ ده محسسني انه حارب لوحده ....وبعدين كلب زي ده مرعاش حرب اكتوبر مع واحد انضف من اهله وكان القائد بتاعه الله يرحمه الفريق سعد الشاذلي واعتقله وحطه في السجن الحربي مطلعش علينا الزباله اللي بتقول انه رمز لاكتوبر وقالوله كده علي سعد الشاذلي ليه ....دعائي لربنا دلوقتي انه يسترها علي مصر ....ويطول عمر الكلب ده عشان يدوق العذاب اللي دوقه للناس....اصلي بصراحه حزعل اوي لو مات دلوقتي من غير ما يتذل ...ووالله ما تشفي ولا ده طبعي بس كل لما اشوف صور الشهداء ولا خالد سعيد ولا الناس اللي ماتت في العباره ولا القطر والا السرطان اللي خلص علي الكبار وانتشر علي الشباب ذي الوبا هو وفيرس سي ...اقول ان الله يمهل ولا يهمل ...وده تاريخه حافل والموت ليه دلوقتي رحمه..............

Rasha Ahmed said...

انا زيك بالضبط!!!مش عارفه اعيش ولا اكل ولا بنام ولو نمت بحلم باحوال البلد والظلم اللي مش راضي يتزال عنا!!!!!!!!حسبي الله ونعم الوكيل في كل واحد ضيع الثوره دي!!!!!!!يانواره الموضوع خطير ابلااهيم كامل والغمراوي ماداموا طلعوا يبقي في مصايب كتيره هاتحصل!!!!ومعاهم طبعا مرتضي منصور وبقيه الفاسدين غير الناس (اللي منهم لله) بتكره الناس في الثوره وسنينها وحتي بصي كده وشوفي قد ايه تعليقات الناس كترت بين صفحات الفيس بوك وفي الشارع وفي الصحف!منها لله لميس جابر اللي قرفتني وبتغير في الحقايق!!!!!!!انا في منتهي اليأس ان الثوره بتضيع واحنا اللي ضايعناها لما سيبنا الميدان!نواره وحياه اغلي شيء طمنيني وطمني الملايين اللي كل يوم بيفقدوا الامل في اي اصلاح!!!!نفسي ترجع الايام الجميله اللي كنا بنصحي فيها كل اليوم علي خبر جميل لاعداء الثوره وبتعليقاتك الجميله عليها!!!!

megabaraty said...

الصورة حلوه و مبروووك عليهم



الباقي ... خراااااا ,, إنت يا بت إهدي كده بلاش شغل النسواان و الصواات ده .. مين اللي بيعيد تشكيل نفسه ده ... اللي راح مش هيرجع خلينا في اللي لسه ماراحش ... كنت بدأت تفهمي العسكر و بعدين رجعتي تاني صويت .. يا بنت هما مش فاهمنا خالص و لا عارفين يفهمونا ... أنا الصبح كتبتلك إن الميدان مش هيبقى زي زماان و كنت مقترح عليكي إن إحنا نقدم النخب و عملها د. معتز قبلينا و إحنا عمالين نصوت و نشتم في أم العسكر ... لازم تشوفي الموضوع بتاع .. التيار الرئيسي ده .. علشان دي شانيل ممتازه نوصل صوتنا من خلالها بدل ما نلاقيه كله إتملا من بتوع الإستكرار و نقول أهم بيتولدو من جديد و إحنا اللي كنا بنرسم على المايه .. اللي هينزل الميدان و صوته هيبقى عالي يوم 27 هما بتوع المجلس الرئاسي و المجلس ما صدق و أعلنها ... نهدى بقه و نفكنا من اليوم ده و منضربش دماغنا في الحيط و نرجعلهم تاني في حاجه عليها إجماع ولا نرمي ناس مننا في السجن العسكري بسبب عند و هبل ... بصي هقولك حاجه أنا اللي هديتني الكلمه دي........ "العقول النيرة تنشغل بالافكار والعقول العادية تنشغل بالأحداث والعقول الساذجة تنشغل بالأشخاص - روزفلت"

هديتي؟!!! ...... هههه مفيش فايده فيكي :P

ابن طفيل said...

انا قولتلك يا نوارة وبعتلك ايميل بخصوص النزول في الميدان، نزول الميدان عايز شحن معنوي مدروس في المرحلة الجاية . ومش كل نداء هيلاقي حد يرد عليه.. الشباب مشغولين في الاستعداد لقطف الثمار.. لثورة ليس لها رأس .. عارفه ليه لأن الثورة كان ليها قلب مش عقل.. ومهما كان القلب مشحون بيجيله ساعة ويفضى.. الثورة وميدان التحرير دخل مرحلة أو ظاهرة بنسميها
systemic desensitization..
وردي على الايميل

bang887 said...

مش بس الإخوان إللى مش راضيين عن المجلس الرئاسى وتأجيل الانتخابات، ناس تانية كتيير جداً لو تفتكرى 77% أه أحسن حد يكون ناسى.

إنسى المليونيات طالما الإعلام الوسخ نازل زن فى ودان الناس أن الثورة هى سبب إفلاس البلاد وباقى المصايب إللى هم نفسهم مختلقينها..

بمناسبة الفَلَس، مش ملاحظة إن المركز على حكاية إفلاس مصر همّ المجلس العسكرى وساويرس وجرايد وقنوات ساويرس؟ !!!

د/احمد فهمي said...

بلاش نتكلم عن الأمن المركزي دلوقتي الناس في الشارع مش هاتفهم الفرق الناس فاهمه أننا السبب في الإنفلات الأمني وتدهور الاقتصاد ودا مش هايخلي حد ينزل من الناس ألعادية إحنا عايزين مطالب تطمن الناس كلها إحنا كنا بنتشتم النهارده في الشارع واحنا اللي مش عايزين البلد تستقر واحنا السبب اللي مخوفين الشرطة تنزل ليزعلونا وغسان كده البلطجية سارحين لازم مع المطالب نخاطب رجل الشارع ونظمنه أن إحنا عايزينله فلوس يأكل ويعيش في أمان ولو المطالب اتصاغت حلو والله ماهانحتاج إخوان والناس أن شاء الله هاتنزل بس وحياة ابوكي يا نوارة بلاش حكاية المجلس الرءاسي أو تأجيل الانتخابات عشان مايرجعش الجيش يقولك دي طلبات غير دستورية وفي إعلان دستوري الناس وافقت عليه ونطلع في الآخر إحنا اللي عايزين نخرب البلد ومش بعيد يطلعونا إحنا الفلول زي ماسمعتها ودني انهاردة من سواق تاكسي أرجوكي جهزي الطلبات وبكرة تبقا موجودة عشان نلحق نطبعها ونوزعها وأنا هانزلها في الحزب عندي وإخلي الناس كمان ينزلوا يوزعوها ......د/أحمد فهمي - المنسق الإعلامي لحزب مصر الثورة

Magdy said...

نوارة: أرجوكى نادى بطلب واحد فقط. نزول الناس أهم من الطلبات نفسها . رايى مطالبة بمحاكمة سياسية للفاسدين. ده حيضرب كذا عصفور بحجر.و نضمن نزول الكل

megabaraty said...

الصورة حلوه و مبروووك عليهم



الباقي ... خراااااا ,, إنت يا بت إهدي كده بلاش شغل النسواان و الصواات ده .. مين اللي بيعيد تشكيل نفسه ده ... اللي راح مش هيرجع خلينا في اللي لسه ماراحش ... كنت بدأت تفهمي العسكر و بعدين رجعتي تاني صويت .. يا بنت هما مش فاهمنا خالص و لا عارفين يفهمونا ... أنا الصبح كتبتلك إن الميدان مش هيبقى زي زماان و كنت مقترح عليكي إن إحنا نقدم النخب و عملها د. معتز قبلينا و إحنا عمالين نصوت و نشتم في أم العسكر ... لازم تشوفي الموضوع بتاع .. التيار الرئيسي ده .. علشان دي شانيل ممتازه نوصل صوتنا من خلالها بدل ما نلاقيه كله إتملا من بتوع الإستكرار و نقول أهم بيتولدو من جديد و إحنا اللي كنا بنرسم على المايه .. اللي هينزل الميدان و صوته هيبقى عالي يوم 27 هما بتوع المجلس الرئاسي و المجلس ما صدق و أعلنها ... نهدى بقه و نفكنا من اليوم ده و منضربش دماغنا في الحيط و نرجعلهم تاني في حاجه عليها إجماع ولا نرمي ناس مننا في السجن العسكري بسبب عند و هبل ... بصي هقولك حاجه أنا اللي هديتني الكلمه دي........ "العقول النيرة تنشغل بالافكار والعقول العادية تنشغل بالأحداث والعقول الساذجة تنشغل بالأشخاص - روزفلت"

هديتي؟!!! ...... هههه مفيش فايده فيكي :P

Mohammed said...

لا لا لا

ربنا يهديك يا نوارة

مش انتي بتقولي
ودايما كان الامن اللي بيتحشر وسطنا هو اكتر واحد بيزايد علينا في الثورية عشان يورطنا في مصايب ويفرق صفنا ويشكك الناس في بعض ويكرههم في بعض
قديمة قوي وللاسف كل البهايم واقعين فيها


فكري بالعقل يا نوارة

انتي وقعتي في الفخ

واللي زايد زايد وانتي انجريتي وراهم

سواء بتوع مبارك اللي نفسهم الجيش يقع مع الشعب او عمر عفيفي المخبول
او ناس مراهقين سياسيا مش عارفين يفكروا

اعقلوا يا جماعة

سيبوا ملف المحاكمات على جنب مع استمرار الضغط
وخلونا نبني البلد

ياريتك سمعتي عمرو خالد و وائل غنيم امبارح

عايزين نبني

ومش هننسى حق الشهداء

مبارك مش هيطلع والله

نوارة انا لسة بحبك

ارجعي لهدوئك وتفاؤلك

وارحمونا من التحفز والتلكيك للجيش بقى

amer said...

يا نواره كل ما يحدث متوقع .. ماذا تنتظري من ثورة لم تنتصر ألا بحول الله و توفيقه و لكن بعد ان أطمئنت نست شكر الله عز و جل و التضرع أليه حتي يتم نعمته و فضله
و ماذا تنتظري بعد ان تم أختزال الثورة في مجموعات غنائية لشباب يتمايع كل همه ان يعزف و يتراقص للثورة و مجموعات أخري تهاجم الدين و تنعت أصحابه بأسؤ الصفات و تنصف الأخر عليه و مجموعات أخري تحاول أقصاءالعديد من التيارات التي ساهمت بفاعلية في أنجاح الثورة مثل محاولات أقصاءالأخوان ...أين شكر الله و أين التضرع له عز و جل ليتم فضله و نعمته علي شعب مصر ،
الله الله يا نواره ليس لنا سواه

jasmin horizon said...

بصى يانواره ياحبيبتى،اهدى خالص،وقومى صلى ركعتين لله وامسكى كتاب الله(فيه شفاء لما فى الصدور)ولازم تؤمنى ان كل شئ بأمر الله،وخروج الناس بتدبير من الله والانتقام من الظلمه المجرمين حيكون بأمر الله،ولعل البطء الذى نشتكى منه هو العذاب المقيم بالنسبة لهم،والمثل بيقول وقوع البلى ولا انتظاره،وهم دلوقتى فى انتظار البلى،الصبر جميل وفى النهايه ارادة الله هى النافذه،الولاده مش سهله يا بنتى وسبحان من يخلص روح من روح،اهدئى،الله يكون فى عون والدتك،انا لا اعرفك بصوره شخصيه ولكن قلبى مفطور عليكى،عامله فى نفسك كده ليه ؟
ثورتنا نجحت والحمد لله وربنا حيتم فضله علينا ،وكل اللى عايزينه سوف يتحقق باذن الله شوية صبر،واخلاص فى الدعاء،وصدقينى الثوره نجحت بدعاء المؤمنين المخلصين،اللى عارفين انه (وما النصر الا من عند الله) وكم من فئة قليله غلبت فئة كبيره بأذن الله!!!!!

متفائل said...

فيه ايه؟ ايه حالة النوم دي؟ ما نفوق بقى شوية

دي مش حالة نوم يا أخت نوارة .. دول ناس عاقلين مش عايزين مواجهة مع جيشهم اللي وقف جنبهم وحمى الثورة وأجبر مبارك على التنحي (وإنتي بنفسك كان رأيك كده قبل الشيطان ما يلعب في دماغك).. العدد كان قليل النهارده ؟ مانا قلتلك كده .. وحيكون قليل يوم الجمعة الجاي كمان عشان ماتتصدميش .. أيه ؟ فيه أيه ؟ الشعب واعي وبيحب الجيش ويثق فيه عايزينه يكرهه بالعافيه ؟ وعشان أيه ؟ عشان جمال مبارك إتحفظ التحقيق معاه ؟ ما أبراهيم عيسى قاللك دي طبيعة القضايا المالية .. ولا إبراهيم باع الثورة هو كمان ؟ .. زعلانه من الإخوان عشان مصدرين الطرشه ؟ هذا لأنهم واعيين ومتفرغين لما هو أهم .. متفرغين للي أهملتوه تماماً ولا على فكركم .. متفرغين للإنتخابات يا أخت نوارة اللي فاضل عليها - لو لسه فاكره - ثلاثة شهور فقط لا غير .. الإنتخابات البرلمانية اللي بعد ما تتم حتكتبي هنا وترقعي بالصوت : أيه ده ؟ أيه اللي حصل ؟ إزاي الإخوان ياخدوا خمسه وثمانين في الميه من مقاعد المجلس ؟ بس ساعتها حيبقى (فات الميعاد) على رأي أم كلثوم

حسني مبارك الا ظلمتوة said...

انت غريبة قوي يانوارة كيف يمكن توزيع الثروات وهل يستوي الذين يعملون والذين لايعملون يعني فية ناس مش بتحب الشغل فقط تحب المظاهرات وتضضيع الوقت في الخراب نساوييهم بمن يعملون ويكدون ويعرقون دا مجلة الايكومنست عاملة استبيان اتضح فية ان 82في المائة ممن شاركوا في المظاهرات لايعملون وانهم ايضا لايبحثون عن عمل طيب نعمل ليهم اية نديهم من فلوسنا الا جبناها بكدنا وعرقانا ولا اية

Mohammed said...

يسلم فمك يا متفائل

يارب نوارة تعقل

عايزينك معانا تاني
يا نوارة مصر

مصري اصييل مش من جرابيع التحرير said...

الشعب خلاص قرب ينقلب عليكم يا جرابيع التحرير خلاص الشعب فهم انكم عملاء لامريكا واسرائيل لانكم سبب الخراب الا احنا فية وقريبا سيقضي عليكم ايها الافاقيين ولن تسلمي ياكلبة من غضبة الشعب جرابيع التحرير يومكم قرب خلاص

arabian_faithful said...

بقى تسيب الفرح و تروح تقعد فى الشارع تصدق أنك وش هم :)

عموماً ربنا يفرح عباده الأخوان ماخانوش حد و مربطوش مع حد و مش عارف أنتى مصدقة الكلام ده ولا بتستفزيهم علشان ينزلوا الشارع كل الحكاية أن أحنا مش عاوزين الشائعات تحركنا لو جمال مبارك أو حسنى مبارك خدوا براءة حننزل كلنا الشارع أنما غير كده لأ أحنا مش حنقعد كل شوية حد يطلع أشاعة نقوم كلنا نازليين فى الشوارع زى الهبل

مصري اصييل مش من جرابيع التحرير said...

جرابيع التحرير انتهي الدرس ياغبي

Islamist Bloke said...

كان نفسي آجي التحرير النهاردة عشان أقابل بلال وأقابلك على الطبيعة، لكن للأسف حصل ظرف طارئ. انا مكتبتش ليكي قبل كدة لكن حاسس إنك أختي ولو اتخطفتي في أي كنيسة هابقى آجي أقول عايز أختي نوارة

القصد: أولا انا زعلان من شوية اليأس اللي عاملين بقعة في الكلام اللي انت كتبتيه النهاردة - استعملي شوية تايد مزهزه زي بتاع الصوباعي لوفافة وخليكي فريش عشان تعرفي تشتغلي اليومين الجايين - زغروطة يوم التنحي لسة بترن في ودني والمفروض ترن في ودنك انتي قبلنا وإياكي تيأسي - انتي وراكي مليون مصري عاقل عارفين الصح بس لو شافوكي انتي يأستي تتخيلي هم هيعملوا إيه؟ وخلي بالك من نفسك وربنا يحميكي لمصر - لا أمك ولا أبوكي: انتي بنت مصر وربنا يوفقك ويبعد عنك الشر
والسلام

eng gam3a said...

بصي يا نوارة طول ما القوى السياسية والنخبة بتتعامل مع الإخوان بمنطلق إنهم دراويش ومش عايزين يصدقوا لغاية دلوقت إنهم أكبر قوة سياسية مؤثرة في مصر يبقى متنتظريش من الإخوان حاجة النخبة السياسية سايبين مصالح البلد وعمالين يتكلموا على نسبة الإخوان في المجلس وترشيح أبو الفتوح حركة الإخوان عملينها ولا لأ وطول ما فيه كلام ولو من بعيد عن مجلس رئاسي متنتظريش برده من الإخوان حاجة لو عايزين الإخوان ينزلوا بجد لازم ننسى حاجة اسمها مجلس رئاسي فيه استفتاء حصل والموضوع خلص خلاص

Eman said...

يا رب اللى يزعلك ربنا يخده يا نوارة...اللهم آمين...

عقبالك يا نوارة

يا ريت يا نوارة فى كتب كتابك تعملى الدعوة هنا فى المدونة علشان انا عايزة احضر فرحك

عقبالك تانى ;)

Hossam said...

شوفي يا نوارة - إيه هو الشئ الشرعي الوحيد إلي تم لحد دلوقتي؟ الإجابة: الاستفتاء. علشان كده أي حاجة اقرها الأستفتاء ماينفعشي نيجي جنبها. مجلس رئاسي - تأجيل الانتخابات - رئاسي قبل مجلس الشعب - كل دة منتكلمشي فيه خالص. لكن هل الاستفتاء كان على محاكمة المتظاهرين عسكرياً ؟ هل الاستفتاء كان على تحريم نقد أداء المجلس العسكري؟ هل كان على المرقعة في محاكمة الخونة؟

gogo said...

لأ طبعا مش لازم الاخوان يكونوا موجودين علشان تبقي المظاهرات مؤثرة بدليل يوم ٢٥ يناير شوفي عدد اللي خرجوا من كل مكان ف القاهرة بس كانوا اد اية لو جمعناهم .. خلي الا خوان فاللي هما فية مشغولين الله يعينهم .. الطلبات كدة تمام ياريت يتعمل ايفينت بالطلبات دي بس ويكون واضح ف الايفينت اننا مش بنهاجم الجيش ولابنشكك فيه .. علشان ننشره ونحاول نجمع الكل .. واوعي حد يعمل ناصح ويقول منقولش دلوقتي ف الطلبات مجلس رئاسي وتأجيل انتخابات و نضحك ع الناس ونبقي نعملهلهم مفأجة ف التحرير هتبقي حركة نص كوم اوي

bang887 said...

********************
يحيى الجمل
********************

رصد | مصر | يحي الجمل للفضائية المصرية|

الذين يريدون توجيه الحكومة بالمظاهرات لديهم ضحالة فكرية

gogo said...

لأ طبعا مش لازم الاخوان يكونوا موجودين علشان تبقي المظاهرات مؤثرة بدليل يوم ٢٥ يناير شوفي عدد اللي خرجوا من كل مكان ف القاهرة بس كانوا اد اية لو جمعناهم .. خلي الا خوان فاللي هما فية مشغولين الله يعينهم .. انا هبقي جدعة ومش هفضل اقول انا قولتلكوا كدة من الا ول وماعجبكوش الكلام ووصلت كمان ان واحد قالي انتي من بتوع مبارك علشان هما اللي بيأيدوا المجلس العسكري ..يلا خليها عليا .. المهم الطلبات كدة تمام ياريت يتعمل ايفينت بالطلبات دي بس ويكون واضح ف الايفينت اننا مش بنهاجم الجيش ولابنشكك فيه .. علشان ننشره ونحاول نجمع الكل .. واوعي حد يعمل ناصح ويقول منقولش دلوقتي ف الطلبات مجلس رئاسي وتأجيل انتخابات و نضحك ع الناس ونبقي نعملهلهم مفأجة ف التحرير هتبقي حركة نص كوم اوي

Hady said...

اكبر غلط انك قولتي ماحدش ينادي بمجلس رئاسي مدني... كنتي تسيبيها مفتوحة و ننادي بيها صراحة و اللي اكيد هيشوفه الشعب هو اللي هيكون بس لازم نعمل حركة توعية و نوصل صوتنا ليه لازم اللي بنادي بيه و اللي عارف يقول للي مش عارف و نخلي اولويتنا الايام الجاية في التعريف بليه لازم مع النبش هنا و هناك ومع التقليب في اللي كان و اللي بيكون ممكن يبقى فيه اجماع... وهنادي بده صارحة زي ما ندينا ايام الثورة بيسقط مبارك مرة واحدة كل اتحول من عيش حرية عدالة اجتماعية ليسقط مابرك... ارجعي في كلامك بتاع محدش ينادي بالمجلس المدني او سيبيها مفتوحة كأضعف الايمان و نكون البادئين و كده او كده مش هنقدر نفرض رأينا على الناس... بس اعملي اللي بقولك عليه و اسمعي الكلام مرة واحدة بجد... و لازم الجهد من هنا ليوم 27 يتنظم و يتوحد عشان المطلب ده... ما تحطيش مطالب تانية كتير و خلي المطلب ده هو الاساسي لأنه لو اتحقق كله هيتحقق بعده و عشان ما تشتتيش الناس و تفرقيهم في مطالب و مش تجمعيهم على مطلب... اسمعي و اللي اكيد عاوزه الشعب هو اللي هيكون سواء رضينا ام لم نرضى... تراجعي و اسمعني من فضلك... فيه ناس مش مصدقة و ناس من الصدمة مش قادرة تصدق و ناس بقيلها زقة و تصدق و ناس مش هتصدق لنهم مستفيدين و ناس جاهزة و مصدقة... بس شوية تنظيم و توحيد للجهد و نعبشة و نعكشة و تقليب و على مصارحة و شجاعة في مواجهة الواقع و توعية و زق كله هيمشي ان شاء الله... ياريت امن و اشوف بوست في السكةاللي بقولك عليها و مرة اخيرة ماتخافيش ننادي و لو الناس مش عاوزة هنخرس لأننا هنكون اقلية... بس مش هتكون نهاية المطاف... توعية بكل الطرق.. كتابة، لينكات، كلام في الشوارع، المواصلات، ضرب على الاوتار الحساسة اللي الحق فيها معانا... الخ

MOHAMED said...

انا كمان قلقانه اوى يا نواره وحاسه ان فيه خطه غريبه كده للهى الناس بين الانفلات الامنى المتعمد وحكاية حنفلس دى اللى مسكنهالنا وكل خبراء الاقتصاد المحترمين قالو ان الحاله الاقتصاديه مش واقعه كده بس انا بقول ان لما ننتخب ريس محترم وحكومه قويه بجد كل دا حيتغير ان شاء الله خلى عندك امل وبردو نعمل اللى علينا وننزل هما فعلا كان آدائهم احسن من كده لما كنا بننزل وربنا معانا و مش حيضيع دم شهدائنا ابدا

هراء لا داعى له ..... said...

أخيرا بدأتى إنتى و بلال فضل تشوفوا حقيقة المجلس العسكرى ــ مش الجيش ــ

فاضل شوية و الشعب كله يشوف الصورة واضحة

تصرفاتهم و الشواهد الواقعية هتؤيد المنطق إللى كان المفروض يبقى واضح للجميع من أول لحظة ظهروا فيها

عصام said...

مطالبةالبعض بمجلس رئاسي مدني,هو مطلب ليست له شعبيةمطلقا,الأكثريةتوافق أن يكمل المجلس العسكري مدته بس يتظبط ويتعدل ويبطل لوع
وعلشان يبطل لوع
وعلشان الأقليةماتسرقش قرارالثورة وتفرض رأيها
لازم الأغلبيةتنزل الميدان وتطالب باللي كلنامتفقين عليه

ها يا أغلبية .. سامعاني ؟؟ حد سامعني هناك !

كيوبيد said...

اولا الف الف الف الف الف مليون مبروك ليهم وعقبال كل الشباب والبنات يارب وانا اول واحد هههههههه .ثانيا فيه مطالب مهم انتى نسيه بتوع الحزب الوطنى لازم يمنعو من ممارسات الحياه السياسى 10 سنين على الاقل انا عندى خبر مهم واكيد الناس غيرت جلده انا اعرف واحد قلب حزب العداله والحرية وهو معروف انه حزب واطى مش عارف بقا العيب فى مين بظبط الاخوان والى مين بس ده معروف نار على علم ونزل الانتخبات البرلمانيه الجاى عن حزب العداله والحرية لازم نعمل زى تونس ونصدر قرار باحرمنا الناس دى الى خربو مصر اكثر من 40 سنة ام بخصوص بقى المطالب تمام انا موافق عليه كله وربنا يكرمنا يارب وينصرنا على الظالمين

samamasr said...

مبروك لفاطمة:)

Ahmed . M . Abdulrahman said...

كلام سليم

انا معاكى فى كل كلمه

لازم نوحد المطالب

وانا مع مطالبك

بس فى ملحوظه صغيره

ممكن الاخوان مينزلوش المليونيه دى خالص
فى حاله واحده

لو حاسه ان القوه على الارض للمجلس العسكرى

وان الوضع مستقر ليهم

وان الى احنا بنعمله دا فسا

دا بالنسبا لهم

انتى عارفه ليه
علشان هم عندهم هدف واحد

الكرسى

باى ثمن ولو تحالفوا مع الشيطان

التاريخ هو الى بيقول الكلام ده مش انا

وفتكرى الى عملوه فى بدايه الثوره

مكتب الارشاد قال نحن لن نشترك فى الثوره

ولما التيار الشبابى نزل بالغصب

قالوا نحن اشتركنا بالفعل فى الثوره

لذلك لازم نعمل على الاسلوب الحماسى علشان ننزل الشباب

اما القياده العليا فا دى بتاعه النموزجيات و الحسابات و المصالح

دى ناصيحتى والبركه فى ربنا وفيكى

ربنا يهديهم وينزلوا علشان مصر مش علشان حد تانى

ربنا معاكى و احنا وراكى

ومبروك للعروسه

سلام مؤقتاً يا نواره

انا حختفى يجى شهر كده بس والله غصب عنى نشوف الجميع على خير باذن الله

_______________________
لظروف خاصه خارجه عن ارادتى ستتوقف مدونه "مصر......الروح والنصر" عن الكتابه لمده شهر من الان على ان اعود فى 3/ 7 / 2011 باذن الله
دعواتكم بالتوفيق

فراوله فروتي said...

كلام جميل وكويس بس احنا نفسنا البلد تهدا والعجله تمشي ونفسنا نشوف بلدنا اجمل بلد في الدنيا لانهافعلا اجمل بلد في الدنيا بس مصر محتاجه اللي يشيل التراب من عليها ارجوكم ساعدوا البلد تقف على رجليها

فراوله فروتي said...

ربنا يستر ومايتقال انه كان مظلوم

فراوله فروتي said...

ربنا يستر على البلد والف مبروك للعروسين

المهدى said...

نوارة لازم نفرق بين آليات الإنقاذ اللى هى آليات هدم النظام الفاسد ورفع أنقاضه ودى هى اللى ممكن الحشد حولها
وآليات البناء ( وأولها المجلس الرئاسى ) ودى لا يمكن الحشد عليها لكن كمان لا يمكن التخلى عنها
لأن فى يوم سيكتشف المجلس العسكرى ( اللى إتنصب عليه من الإخوان والمنظريين الإسلاميين ) إنه لو سلم السلطة سيسلمها لنظام مبارك بعد إعادة إنتاجه وسيحتاج وقتها لكل صوت يؤيد المجلس الرئاسى وإلا سيتهم بالإنقلاب
يعنى بالبلدى نعلى صوتنا ونحشد لهدم النظام الفاسد ولا نكف عن طلب بالمجلس الرئاسى

nadineahmed2005 said...

أحنا أتضحك علينا لما قالوا لنا لو المطالب متحققتش الميدان موجود. الناس بتثور مرة كل مية سنة مش مرة كل خمس أشهر و هي دي النتيجة و أحسن كلمة قالها بلال فضل النهارده أن الخطأ كان بترك ميدان التحرير بعد التنحي . المجلس مراهن على الأغلبية الصامتة و نفاذ صبرها . هي اللي هتسحق الثوار و هتقضي على الثورة و هو دو الهدف من البطأ و المماطلة و التخويف بشبح الفقر و الجوع . للأسف الطلبات مش هتحقق طول ما المجلس العسكري هو اللي بيحكم . الموضوع لازم يتحل من جذوره علشان نخلص . الفلوس اللي بره ليها مهلة لو متجعتش عليه العوض . أحمد شفيق لازم يتحاكم هو كمان لأن الفرم و الحرق و ترتيب الاوراق حصل في وقته . هو قبل أنه يكون ستار للفساد .

nadineahmed2005 said...

أحنا أتضحك علينا لما قالوا لنا لو المطالب متحققتش الميدان موجود. الناس بتثور مرة كل مية سنة مش مرة كل خمس أشهر و هي دي النتيجة و أحسن كلمة قالها بلال فضل النهارده أن الخطأ كان بترك ميدان التحرير بعد التنحي . المجلس مراهن على الأغلبية الصامتة و نفاذ صبرها . هي اللي هتسحق الثوار و هتقضي على الثورة و هو دو الهدف من البطأ و المماطلة و التخويف بشبح الفقر و الجوع . للأسف الطلبات مش هتحقق طول ما المجلس العسكري هو اللي بيحكم . الموضوع لازم يتحل من جذوره علشان نخلص . الفلوس اللي بره ليها مهلة لو متجعتش عليه العوض . أحمد شفيق لازم يتحاكم هو كمان لأن الفرم و الحرق و ترتيب الاوراق حصل في وقته . هو قبل أنه يكون ستار للفساد .

Morsi said...

مبروك يا نواره
وعقبالك وان شاء الله الخير جاى باذن الله

Morsi said...
This comment has been removed by the author.
nadineahmed2005 said...

شايفة التعليقات ؟!!!! نبني البلد . نخليها على الله . نسيب المحاكمات على جنب . الثورة نجحت خلاص !!! و رينا ازاي هتلمي مليون واحد في الميدان يوم الجمعة الجاية . الجواب بيبان من عنوانه و اللي أحنا فيه ده نتيجة أن الثوار سلموا الثورة للمجلس و روحوا بيوتهم قبل ما تحقق مطالبهم .

وائل لبيب said...

نوراة انا بتفق معاكى فى كل حاجة قولتيها والمطالب دى كلها مطالب اجماع شعبى لازم ناخد كل الخونة ويتحاكموا محاكمة عادلة تنتهى بالاعدام رميا بارصاص ضربا بالجزم المهم تنتهى بالاعدام وخلاص ولازم نصادر كل الاموال المشبوهة والمكتسبة من غير وجة حق من دم الشعب بس المحاكمات العسكرية انا مع تطبيقها مع امور البلطجة والسرقة والفوضى الامنية الى انتشرت فى البلد فانا معاكى وباذن الله اخرج معاكى وماتقلقيش انا هكون واقف ورا الدبابة الى وراكى باذن الله

mohamed.omr said...

ازيك يانواره
ان شاء الله كلنا نازلين
بس يانواره عايز الفت انتباهك لحاجه الحكايه مش عدد قدماهى ايمان ....الثوره لما بدأت ماكانش الاخوان مشاركين فيها ومع كده صمدت ونزولهم كان مكسب ليهم مش للثوره.
مش هاينفع اننا نطلب تانى من المجلس العسكرى يحقق لنا طلباتنا ويقولنا ماشى حاضر طيب وبعد مانهدى يعمل برضو اللى هوعايزه.
لازم مجلس رئاسى مدنى لان ده الطريق الاسلم والاسرع لتحقيق مطالبنا.
ومادام الاخوان شايفين ان مصلحتهم مع المجلس العسكرى هما احرار يكملوا معاه ويساندوه.
الناس التعبانه فعلا شايفه ان الثوره معملتش حاجه يعنى لا مرتباتهم زادت ولاحتى حد قالهم ان مرتبتهم هتزيد ولا عيشيتهم اتحسنت ولا فى اى حاجه تقول انها هتتحسن وهما دول اللى لازم يعرفوا ان الناس اللى نازله نازله علشانهم انا كلمت ناس كتير منهم وفيه ناس منهم فعلا اقتنعت ان اللى حاصل مش بسبب الثوره لكن بسبب ان الثوره بتتقتل.
الاخوان المفروض يختاروا اما مصلحتهم الخاصه واما مصلحه الوطن وكل واحد يبقى مسئول بعد كده قدام ربنا وقدام ضميره عن اللى هيختاره .
الحكايه مش بالهتاف ولا بالعدد واديكى شوفتى الناس اللى ماتت جنبك يوم 28 ماكنوش اخوان بس قلبهم كان كله ايمان.
بالنسبه لحكايه ان الاخوان هما اول ناس هيتضحى بيهم مش لوحدك اللى شايفه كده تقريبا الناس كلها شايفه كده بس احنا عندنا مثل فى الصعيد بيقول :
(متبقاش امه ساكته ومرات ابوه مطينه (ششايله الطين يعنى ))
هما احرار والله العظيم انا فعلا عامل عليهم برغم انى متضايق من اللف والدوران بتاعهم
ربنا كريم وان شاء الله مصر حره

hesham said...

نـــواره أنتى ظبطيلى دماغى
معاكى يا كبيره

toufik said...

المشكلة ان الغالبية الصامته اللي كانت رافضه انها تثور او تغيير بعد نجاح الثورة كانوا في موقف محرج فكتير منهم اتحول من غير ما يعترف انه كان غلت ومنهم سكت وفي جزء دلوقتي بيدور علي اي شئ عشان ينقد بيه الثورة وبكده تحالف مع الثورة المضادة من غير ما ياخد باله والوقت ده احسن وقت انا عندي في البيت حسيت انهم رجعوا تاني يدفعوا عن مبارك وبيتكلموا نفس الكلام اللي كانوا بيقولوه قبل التنحي وبقوا فرحانيين بالكلام عن انه ممكن رموز النظام السابق يخرج رغم انهم ايدوا الثورة بعد نجاحها وده مثال صغير بيدل علي ان بدون مصارحة واعتراف داخلي يبقي حنخش تاني في ظلام النفاق واللامبالاه وطبعا هتلاقي الناس مع الكسبان ايا كان مين هو لازم نصارح نفسنا ونقوم بثورة علي تفكرنا وعلييي كل ما هو سئ فينا الاسبوع ده بيفكرني بالاسبوع اللي كان قبل يوم 25 يناير وانا متأكد اننا بأذن الله الجمعة الجايه هتكون اعادة لروح التحرير بس خوفي اننا نصحي اليوم ده وبعدها ننام تاني ونعمل زي اول ناس خرجت تحتفل بالثورة وهي من الاساس كانت ضدها لازم نعترف ان الثورة ماقمش بيها كل الناس لكنه كان عباره عن كوكتيل من كل طوائف الشعب لكن لو حسبناها او حتي من غير حساب هنعرف ان غالبية الناس كانوا ضد الثورة من الاساس بس في الوقت ده مينفعش فئة بس هي اللي تدافع عن الثورة لازم الشعب كله يشترك في انقاذ الثورة عشان الكل يعرف اخلاق الميدان اللي مش هتفرقنا حتي لو معملناش كل اسبوع مليونيات نفسي كل الناس تعيش تجربه التحرير بحلوها ومرها بجد الناس ساعتها حياتها كلها هتمشي علي مبادئ التحرير وصورة الشهداء في كل لحظه نتفرق او نغلط فيها صورتهم هترجعنا للصح وهننسي كل الصراعات اللي بينا حتي لو فكرنا مختلف _ وانا بصراحة مرحتش التحرير إلا يوم واحد قبل التنحي وده بسبب السلطة الابوية اللي معرفتش اهرب مينها إلا اليوم ده بإعجوبة بس اليوم عمري ما هنساه اول مره اشوف التحرير وكانه المدينة الفاضلة والبشر حتي كانوا كما الملايكة وبعد التنحي قلت السلطة الابوية شوية فقررت اني اعيش تجربه التحرير بكاملها وحس بالظروف اللي كان بيعرضلها الثوار وكنت بايت في الميدان مع ناس اول مره اعرفهم وضحكنا وحسينا بالخوف في اوقات واكلنا وشربنا مع بعد وفكرنا سوا....بجد نفسي الناس تعيش الحدوته المصريه في التحرير وان شاء الله يوم الجمعة 27 مايو هيجمعنا تاني في وهنفتكر روح التحرير رغم انه هيكون يوم مش زي طبعا ايام الثورة بس هنستعيد روح التحرير من تاني بس قبل مانروح التحرير لاوم نواجهه نفسنا ونعمل ثورة علي النفس قبل اي شئ وممنساش ان اي حاجه مش هتتحقق إلا لو عوزناها من قلبنا وسعينا ليها بكل طاقتنا

toufik said...

المشكلة ان الغالبية الصامته اللي كانت رافضه انها تثور او تتغيير بعد نجاح الثورة كانوا في موقف محرج فكتير منهم اتحول من غير ما يعترف انه كان غلط ومنهم سكت وفي جزء دلوقتي بيدور علي اي شئ عشان ينقد بيه الثورة وبكده تحالف مع الثورة المضادة من غير ما ياخد باله والوقت ده احسن وقت ،انا عندي في البيت حسيت انهم رجعوا تاني يدفعوا عن مبارك وبيتكلموا نفس الكلام اللي كانوا بيقولوه قبل التنحي وبقوا فرحانيين بالكلام عن انه ممكن رمز النظام السابق يخرج رغم انهم ايدوا الثورة بعد نجاحها وده مثال صغير بيدل علي ان بدون مصارحة واعتراف داخلي يبقي حنخش تاني في ظلام النفاق واللامبالاه وطبعا هتلاقي الناس مع الكسبان ايا كان مين هو لازم نصارح نفسنا ونقوم بثورة علي تفكرنا وعلييي كل ما هو سئ فينا الاسبوع ده بيفكرني بالاسبوع اللي كان قبل يوم 25 يناير وانا متأكد اننا بأذن الله الجمعة الجايه هتكون اعادة لروح التحرير بس خوفي اننا نصحي اليوم ده وبعدها ننام تاني ونعمل زي اول ناس خرجت تحتفل بالثورة وهي من الاساس كانت ضدها لازم نعترف ان الثورة ماقمش بيها كل الناس لكنه كان عباره عن كوكتيل من كل طوائف الشعب لكن لو حسبناها او حتي من غير حساب هنعرف ان غالبية الناس كانوا ضد الثورة من الاساس بس في الوقت ده مينفعش فئة بس هي اللي تدافع عن الثورة لازم الشعب كله يشترك في انقاذ الثورة عشان الكل يعرف اخلاق الميدان اللي مش هتفرقنا حتي لو معملناش كل اسبوع مليونيات نفسي كل الناس تعيش تجربه التحرير بحلوها ومرها بجد الناس ساعتها حياتها كلها هتمشي علي مبادئ التحرير وصورة الشهداء في كل لحظه نتفرق او نغلط فيها صورتهم هترجعنا للصح وهننسي كل الصراعات اللي بينا حتي لو فكرنا مختلف _ وانا بصراحة مرحتش التحرير إلا يوم واحد قبل التنحي وده بسبب السلطة الابوية اللي معرفتش اهرب مينها إلا اليوم ده بإعجوبة بس اليوم عمري ما هنساه اول مره اشوف التحرير وكانه المدينة الفاضلة والبشر حتي كانوا كما الملايكة وبعد التنحي قلت السلطة الابوية شوية فقررت اني اعيش تجربه التحرير بكاملها وحس بالظروف اللي كان بيعرضلها الثوار وكنت بايت في الميدان مع ناس اول مره اعرفهم وضحكنا وحسينا بالخوف في اوقات واكلنا وشربنا مع بعد وفكرنا سوا....بجد نفسي الناس تعيش الحدوته المصريه في التحرير وان شاء الله يوم الجمعة 27 مايو هيجمعنا تاني في وهنفتكر روح التحرير رغم انه هيكون يوم مش زي طبعا ايام الثورة بس هنستعيد روح التحرير من تاني بس قبل مانروح التحرير لاوم نواجهه نفسنا ونعمل ثورة علي النفس قبل اي شئ وممنساش ان اي حاجه مش هتتحقق إلا لو عوزناها من قلبنا وسعينا ليها بكل طاقتنا

omarmostafa48 said...

انا هاسألك كام سؤال كدا جايز تلاقى ليهم اجابات عندك .. كام قرار طلع من بعد تنحى مبارك واتنفذ فعلا زى ماحنا عاوزين ؟؟؟ اقالة شفيق .. التشكيل الوزارى .. التعديلات الدستورية ... الاعلان الدستورى .. ابعاد نبيل العربى الى تلاجة الجامعة العربية ... حل مباحث امن الدولة ؟؟؟ دول امثلة بس تفتكرى كل ده اتعمل صح من وجهة نظرك ؟؟؟ طب تفسرى بأيه اختيار صبحى صالح فى لجنة التعديلات والاعلان الدستورى واللجان اللى بتشرع القوانين لدرجة انه اصبح ما يشبه المتحدث الرسمى باسم المجلس ؟؟ بلاش دى طب تفسرى بأيه القطارة اللى بتتنفذ بيها المطالب والبطء الشديد ؟ طب قانون منع التظاهر صدر ليه ؟؟؟ بلاش دى طب تفسرى بايه الاحتفاظ بالكفاءات النادرة اللى ملهاش مثيل فى مصر امثال سيد مشعل ؟؟طب ازاى الرقابة الادراية والكسب غير المشروع وكل الجهات دى تقدم معلومات ومستندات ضد الفاسدين وفى الاخر تطلع فشنك ؟؟ طب تفسرى بأيه المحاكمات والمماطلة فيها والتاجيلات ؟؟ طب شفتى صورة واحدة للعادلى فالقفص ولا فالسجن ؟؟؟ طب حد شافه ولا لمحه من كردون الشرطة حواليه ؟؟؟ انا عندى اسئلة كتيرة جداااا مشابهة لده وتقريبا عارف اجابتها لكن اسئلى نفسك اسئلة من النوعية دى وشوفى اجاباتها وانتى تعرفى بالزبط احنا فين .. ما فيش عندى غير كلمة واحدة اخيرة هاتلخص كل الموضوع هل المجلس العسكرى مؤمن بانها ثورة ام حركة احتجاجية تريد ( بعض الاصلاحات )

mahmoud said...

بمناسبة الفرح عقبالك ياست البنات يانوارتنا ياغالية اقسم لك بالله يانوارة بعد حرب غزة وقرايتي عن فلسطيني مات من التعذيب في امن الدولة والضابط قال للعسكري شيل الشيء ده من هنا دعيت بحرقة وقلت يارب ذل مبارك في الدنيا قبل الاخرة وماكنتش متصور وانا بشوفهم بيمجدوه في حفلات تخريج الدفعات في الجيش واستجاب المعز المذل لدعوات ملايين المظلومين عشان يفكرنا انه القوي الجبار مؤمنين بيك يارب ومش حنيأس ابدا حنعرف ربنا صح يانوارة وحنعمل اللي يقدرنا عليه وسيقدر الله وماشاء سيفعل الشرطة ضربت الناس بحرقة يوم السفارة لانهم شافوا الحق والخير بينتصر واللي موت ضميره بيوجعه اوي يشوف الحق ربنا بينصره ويشوف الناس بتحب بعض ورجعت تراعي بعض المكسب عظيم يانوارة اعظم من الماديات اللي كتبتيها واللي انا معاها حنعمل اللي نقدر عليه وحنشوف الحسرة في عينهم والخوف وربنا بينصر الحق ان وعد الله حق ابشري يانوارة وماتزعليش ربنا معانا

mahmoud elmallah said...

بصى يانواره
أنا عمرى مانزلت قبل كده
ولاحتى أيام الثوره
بس بعد ماحسيت بنسيم الحرية بعد ١١فبراير مش هقبل بعد كده إنى أكون سلبى لازم أنزل يوم٢٧عشان شايف إن مفيش حاجة واحده من مطالب الثورة إتحققت

mahmoud elmallah said...

ياريت نضيف للمطالب إن المحاكمات تكون علنية بالنسبة لوسائل الإعلام عشان الناس كلها مابقتش تصدق غير اللى بتشوفه بعنيها

magda said...

يا جماعة لن يحقق للثورة مطالبها الا ناس من قلبها حلموا بيها وعايزين ينظفوا البلد من البوم والغربان والوطاويط اللي بتاكل في لحم الثورة لازم اللي يحقق أحلامنا واحد حس باحساسنا خاف وحزن وفرح واول مطلب لازم يتحقق هو محاكمة من قتل الشعب وسرق عيون شبابه لازم القصاص بس ياتري لسه الوقت مافتش

ph.zeinab said...

شئ طبيعى أى ثوره الناس بتهدأ فيه يرجع الظلم ويلتف من ثانى وأنا وجهة نظرى ونصيحتى لكل القوى السياسيه إنهم يكون هدفهم أن يغادر الجيش فى موعده ونرضى بالديمقراطيه ولو يعنى الإخوان فازوا هما خايفين ليه لو كانوا كويسين يكون خير للبلد لو وحشيين مش هنرشحهم تانى وحضرتك ممكن تتوسطى كل مليونيه يكون فى إجتماع وإتفاق على المطالب مش على النت وخلاص
واستعينوا بالله ولا تيأسى من رحمة الله بمعنى اشتغلى وتوكلى على الله

magda said...

الشعب قام يسأل علي حقوقه والثورة زي النبض في عروقهاللي النهاردةيحققه ويرضاه لابد بكرة بهمته يصونهلازمالقصاص من القتلة

esraa said...

يا نوارة الناس بتتكلم عن موصيبا عايزة ابعتلك بس مش عارفة اكونتاكت معاكي ازاي انا الي قابلتك يوم صلاه الفجر الموضوع عاجل بجد

palindromier said...

خلينا نفكر بهدوء ازاي الثورة نجحت؟ الثورة نجحت لما النشطاء (اليساريين والقوميين والليبراليين) اللي عمالين يهاتوا بقالهم سنين علي سلم النقابة بدون جدوي وأخرهم يعملوا حركات زي كفاية أو ستة ابريل خدوا شحنة من اللي حصل في تونس ونظموا موقفهم عن طريق الانترنت وقدروا يصمدوا قدام الأمن يوم خمسة وعشرين يناير. قوم الكتلة العريضة من الجماهير اللي مالهاش في الممارسة السياسية بس مسحوقة و مخنوقة من نظام مبارك اتشجعت وخرجت. خرجت بشكل عفوي لايمكن التحكم فيه (لا من الناشطين اللي هرموا في انتظار خروجهم ولا من الامن اللي فشل في السيطرة عليهم). أقرب تشبيه للي حصل كان مشهد خروج العصفور بتاع يوسف شاهين.

الاخوان طول عمرهم بيسعوا للتمكين في الارض وأسلوبهم معروف للجميع: خلق دائرة واسعة من المتعاطفين اللي يصوتوا في الانتخابات الطلابية والنقابية والبرلمانية ليهم واستراتيجيتهم هي سيساسة النفس الطويل يعني مش لارم تمسك منصب النقيب ولا رئيس الجمهورية من أول مرة. المهم انه دورة بعد دورة وسنة بعد سنة تزداد قاعدة المؤيدين لك وبكده توصل للتمكين في نهاية المطاف. عشان كده الاخوان طول عمرهم بيقبلوا يشاركوا في اللعبة السياسية حتي لو هما متأكدين ان الانتخابات حتتزور أو ان قواعد اللعب ظالمة ببساطة لانهم متصوريين (سواء بالحق أو الباطل مش موضوعنا دلوقتي) ان الوقت في مصلحتهم. وده يفسر ليه هما اشتركوا (ولو متأخر) في الثورة (عشان يضمنوا الاستمرار في اللعب وفق النظام الجديد) وشاركوا في تعديلات دستورية منقوصة وحيخشوا في انتخابات من غير ضمانات واضحة لان عندهم يقين جازم انهم بعدها حيكونوا اقتربوا خطوة من التمكين. ومن هنا هما عمرهم ماحيحاولوا يهزوا القارب أو يشاركوا بشكل فعال في مظاهرات ثورة الغضب التانية لانهم ببساطة مستعدين يوافقوا علي أي حاجة طالما انها بتقربهم خطوة من التمكين.

السلفيين في مصر (أو الوهابيين في السعودية) بيمثلوا أحد الرؤي او القرائات الممكنة للاسلام و ترجع أصولهم التاريخية لفقه الامام أحمد أو مدرسة الحديث. المهم في الامر انه لو ترك الامرلعملية التوازن الطبيعي بين الافكار لانتهي بيهم الحال لفكر اقلية لان الاسس الفكرية لمنطقهم ضعيفة ولا تصمد للنقاش ولكان أصبح حالهم زي الآميش في أمريكا, طائفة منسحبة من المجتمع تعيش علي الهامش ولكن في سلام. ألمشكلة ان بعض السياسين (زي آل سعود مثلا) شافوا مكسب سياسي من اطلاق العنان لهذا الفكر ونشره بين الناس لانه حيضمن انشغال العامة بالسفاسف واطلاق الحبل علي الغارب للحكام يعملوا في البلد اللي هما عايرينه.. وبغض النظر عن سطحية الاستراتيجية دى من قبل الحكام (لان النهاية المنطقية للفكر السلفي هوه الفكر الجهادي اللي ممكن يقلب علي الحكام نفسهم اللي شجعوه زي ماشفنا في حالة القاعدة مثلا) فان الحكام في السعودية أو في مصر استخدموا الفكر الوهابي أو السلفي بنجاح كبير في تخدير الناس (كل الشعب السعودي وقطاع لا يستهان بيه من الشعب المصري) مما ضمن لهؤلاء الحكام الاستمرار في سياستهم الفاسدة دون معارضة تذكر. ألمشكلة الحالية ان جماهيير السلفيين (اللي همه باي ديفنيشن ذوي قدرات تحليلية متواضعة عمرهم ما حيقتنعوا ان قيادهتهم التاريخية كانوا مخلب قط في أيد النظام لان ده ببساطة معناه فقدانهم لايمانهم واكتشافهم فجأة انهم ليسوا علي شيئ. انسي ان السلفيين ممكن ييجي من وراهم خير بل بالعكس توقعي دايما انه حيستمر استغلالهم في كل شر سواء من النظام (اللي المفروض تكوني اقتنعتي بعد كل اللي حصل انه مش سابق) أو من قياداتهم المتواطئة مع النظام.

ألمسيحيين من أول ما البابا شنودة ما مسك وهما بيتبعوا سيساسة قريبة من سياسة الاخوان بتاعة النفس الطويل بغرض التمكين مع اختلاف بسيط انه نظرا لعددههم المحدود ما يقدروش يأملوا في التمكين عن طريق النقابات والنتخابات ولكن عن طريق السيطرة علي البيزنيس والرأي العام الدولي من خلال جالياتهم القوية في الخارج. ألمأساة انه بعد سنين من السياسات دي من قبل قيادات الكنيسة أصبح وضع موارنة لبنان من حيث التبرؤ من عروبتهم والتطلع الي هوية مفترضة (الفينيقية أو الفرعونية) هو الهدف الاسمى لمعظم المسيحيين الشرقيين. طبعا مع استثنائات عديدة من الاقباط الوطنيين اللي زي جورج اسحاق وغيره لكن الاغلبية ايدك منهم والارض.

(يتبع)

palindromier said...

تتمة: طب ايه اللي ممكن يتعمل؟ المفروض السؤال يكون ايه اللي كان ممكن يتعمل لاني أشك كثيرا في انه لسه فيه حاجة ممكن تتعمل ومع ذلك خلينا نحاول. أذا وصلنا مما سبق انه الثوار (اليساريين والقوميين والليبراليين الحقيقيين زي ا لبرادعي مش زي جمال مبارك) هما المنوط بيهم العمل الطليعي لان الجماهير العريضة مش حتخرج لوحدها و بقية القوي الأخري فطش زي ما تم توضيحه أعلاه يبقي الواجب الاساسي لهؤلاء الثوار هو قيادة الجماهير وهي لسه في الشارع للتخلص من الحمام القديم بأكمله وليس من الكنيف فقط. لكن لما بعض الحيوانات (اللي بالرغم من حبنا لهم وايمانا باخلاصهم ونقائهم الثوري لا يمكن وصفهم الا بالحيوانات) يطلعوا يثبطوا من عزيمة اخواتهم اللي بيحاولوا يكشفوا للناس أبعاد المؤامرة اللي بتحصل ومحاولات الالتفاف علي الثورة من المجلس العسكري. ولما ربنا يقيض ناس من جوه الجيش حاسيين بالفساد والتآمر فيحاولوا يزيدوا من وعي اخوانهم داخل المؤسسة العسكرية الوطنية نقوم نألس عليهم ونكسر في مآديفهم ونبلغ عليهم عشان الشرطة العسكرية تيجى تضربهم بالرصاص نبقي نستاهل بعد كده ان الشرطة العسكرية تركعنا وتضربنا وتعذب وتسجن شبابنا وتكشف علي عذرية بناتنا.

حاولوا حاولوا تاني انكوا تحركوا الجماهير العريضة عشان تنضم ليكوا و تعملوا كلاكيت ثورة تاني مرة وان كنت أشك كثيرا في امكان ذلك. اولا الجماهير العريضة مش سهل اقناعها دلوقتي بقضايا معقدة زي ان جيشنا حبيبنا بقه فجأتن متواطئ مع النظام السابق لانه أسهل حاجة علي المجلس العسكري وقتها انه يعمل للشعب ملوخية علي مبارك أو كوارع علي سوزان وساعتها الجماهير الطيبة (وقياداتها من الثوار الحيوانات اللي مصريين ان محاكمة مبارك هي الاساس وناسيين ان التخلص من شخص لن يغير شيئ طالما بقي النظام كما هو وعلي رأسه المجلس العسكري). و طبعا مما يصعب جدا من امكانية النجاح المرة دي ان مش بس الحماس الثوري راح من عند رجل الشارع العادي, ده كل واحد من ذوي الانتمائات الاخري حيسعي بكل قوته لافشال محاولات استكمال الثورة لان معني نجاحها ضياع مكاسبه المتوقعة في ظل استمرار الوضع كما هو علبه.

أتمني اكون غلطان (زي ما تمنيت قبل كدة تكون شكوكي في المجلس العسكري في غير محلها) أتمني يكون كلامي قبل كده عن حالة الحماس الثوري اللي بتبرد بسرعة عند الشخص العادي زي الشمع المسال مش في محله واتمني في النهاية انه ربنا مايحكمش علي واحد من قيادات الثوار اللي قادوا الناس بحسن نية الي التهلكة بعذاب الضمير بتاع جان دارك. يا رب أكون غلطان وأنا أول واحد حيعتذر.

محمد صبرى said...

مش هنتقدك على مدونتك عشان مزعلكيش , انما بجد ملعونة دى بلد ملعونة ملعونة ملعونة

Hesham essa said...

اولا وقبل كل شىء نهنى العروسين ونتمنى لهم حياة حرة سعيدة
ثانيا انتى فين من مظاهرات عشرية امام قبر الجندى المجهول عند المنصة عدد رجال الاعلام بها اكبر بكتير من عدد من فيها هكذا بدى المنظر فى القنوات الفضائية اللى ركزت اوى على عشرة افراد ولايزيدوا
علامة استفهام كبيرة كلما ظهر هذا الحشد العشرى
ماذا يرد الجيش ان يقول لنا
سيدى الجيش دعنا نحترمك كما كنت سابقا حتى قبل الثورة ولاتدخل فى الملعب السياسى بهذه الصورة المقززة
ثالثا لهل ما ترفعينه هو مطالب الشعب فعلا يعنى هذه الافكار من الناس الغلابة
كانت الشعارات المرفوعة سابقا اسهل وامضى فى ابلاغ الرسالة
اظن الشعار الاهم الان هو ان تترك الثورة لاصحابها وهذا ليس بمجلس مدنى ولكن بترك الامور كما هى على ان يكون المهمة الهامة الان هو تسيير احوال البلاد حتى انتخابات حقيقية فى اسرع وقت
تقولوا رئاسية او برلمانية او اى نيلية مش مهم المهم احنا عايزين اصحاب الثورة ينزلوا الانتخابات ونشوفهم ونعرفهم ونشجع على انتخابهم
مقولة ان الفلول سيعودون هذه خايبة قوى لانكماذا قولتوها لم تعرفوا ان الشعب اذكى من كل الفئات وفاهم مين الكويس ومين ابن.....ال
الجيش لايصدر قوانين ولا يحاكم افراد وكتر خيره يولصلنا لانتخابات
معى احترامى الجيش لم ولن يكون شريك فى ثورة هو يعلم ان نجاحها سياتى على بعض قيادته بالتحقيق و السؤال
اهم شايفيين امس قلنا مبارك واليوم عمر سليمان وغدا انتم تعرفون من سيكون

HOKSHEA SAYS said...

يوم ما نفقد قدرتنا على حشد الناس المجلس العسكرى مش حيبصلنا وهو يحكم البلد زى ما هو عاوز مش زى ماحنا عاوزين .ممكن كمان يطمع فى الحكم .........قدرتنا على الحشد اقوى سلاح عندنااااااااااااااااا...
سلام ...ختام

أبو هاجر said...

ست الكل صباح الخير



انا تعبت وزهقت واعصابي باظت وما بانامش وما باكلش وامي زعلانة مني وصحابي زعلانين مني وقرايبي زعلانين مني ومش باشوف ابويا.. النهاردة كان فرح اعز اتنين صحاب ليا في الدنيا وما حضرتش فرحهم اللي انا كنت مستنياه اكتر منهم هم الاتنين.. عشان يا قاعدة في الشارع، يا قاعدة قدام الجزيرة، يا باتخانق
ايه وجع القلب ده؟ ايه القرف ده؟
لو الخطة دي نجحت ما سايبة الشارع وحاحط نفسي قدام اول دبابة اشوفها ومش حاتحرك من قدامها لحد ما تشيلوني عشان تدفنوني وده عهد عليا.. ولو ما عملتش كده تفوا عليا كل ما تشوفوا وشي انا دلوقت اهو ما عنديش اي رغبة في الحياة.. بعد كل الناس اللي ماتت دي ما عنديش اي رغبة في الحياة.. ولو الثورة دي ضاعت حاموت نفسي
كنا نتفهم هذا الكلام لو صدر من وحدة أمية وفقيرة ومغبونة سكانة حي شعبي ومعها كومة اطفال تخانقت مع زوجها اللي مضيع أولاده و كل مساء يدخل البيت سكران . أما أن يصدر عن النوارة المثقفة الجامعية التي تقود ثورة ، فهذا يا النوارة يؤكد بالدليل القاطع أن الثورة تعاني من أزمة عميقة في الفكر الثوري، تعاني أزمة خطيرة في الوعي الثوري ، تعاني انسدادا كبيرا ،

Alaa Eid said...

معلش انا اسف بجد انا ما قدرتش اقف معاكوا وقت كفاية انا كنت تعبان بجد و باجي من سفر 3 سعات و كنت جاي لوحدي بس أوعدكوا الجمعة الجاية هقنع اكبر عدد من اصحابي و هاجبهم معايا ... بس بلاش نزعل ان العدد مش كبير... احنا في الاخر بنعمل اللي علينا و الباقي علي ربنا ... اما بالنسبة لموضوع مشاركة الاخوان فكك منهم هما خلاص ظبطوا امورهم و مش هيشاركوا و مش هنترجي حد دول حتي بيهاجوموا اللي بيطلع الوقتي و شوفي شبكة رصد اللي نصها وطني ونص اخوان و ازاي بيثيروا الفتنة بين المسلمين والمسحين ... من يوم الاستفتاء وانا عملتلها ديس ليك و هما لسة مكملين بنفس الصورة للوقتي... بس في امل في بعض شباب الأخوان ... محتاجين نركز ونجمع كل القوي تاني و اعتقد قدمنا فترة كفاية بس نشد حيلنا و ربنا معانا

politiratures said...

الأخت التي نعتز بها وبأبيها نوارة نجم,
فعلاً الكلام اللي حضرتك قلتيه أنا موافق على معظمه ولكن مش شايف إن الإخوان فاكرين إنهم مظبطين مع الجيش, الإخوان عايزين ينجزوا مع الجيش ونعمل إنتخابات برلمانية بسرعة وربنا يخلصنا منه على خير , يطلع علينا بقى حبايبنا الليبراليين يقولولك لاااااااا الإنتخابات لازم تتأجل !!! عزيزتي نوارة , الإنتخابات دي لو متعملتش في معادها هنقول على مصر السلام ونبقى سلمناها لأمريكا عالمفتاح , وأرجو إن حضرتك تقرأي تدوينتي التالية عشان شارح فيها حاجات كتير مهمة , لعل وعسى تفيدك إحداها http://bit.ly/m7EwHu

memo_yaaaa said...

ihd

memo_yaaaa said...

كل الواحد اللي خايف منو
بيتحقق
قلنا الهانم بعدين الابناء والوزاء وفي الاخر الراس الكبيرة
كلهم بيطلعو ا واحد ورا التاني وفي الاخر هيدخلنونا احنا السجن واحد ورا التاني
حرام عليكم اتحركوا بقي البلد بتضيع والثورة بتتسرق من ايدينا

musk rose said...

هدي نفسك يا نوارتنا ووحدي الله المعركه مع الناس ولاد التيت اللي مشيوا واللي لسه موجودين محتاجه طول نفس يس انا ليه ملاحظه ان في الفتره الاخيره في كل بوست بتسالي عن الاخوان هيشاركوا ولا لا دول على قد ما انا فاهمه خلاص حققوا اللي هم عايزينه من المشاركه في الثوره وهو الوصول للسلطه واللي يا ريت ما يبقاش في جو حريه كامله وناس لسانهم طالع لبره قوي ناهيكي عن محاكمة المسؤلين وده اللي هم مركزين فيه دلوقت وامبارح العدد ما كنش وحش وكان كافي ان المجلس يفهم اننا قاعدينله واننا مش راكنين الفيل بره

Hunter.Wolf said...

#
ده رأيي في الطلبات المعروضة .. وعلي فكرة أنا أؤيد النزول يوم الجمعة وتكون أكبر من أي جمعة تانية فاتت بس اعارض بشدة الأعتصام المفتوح وأهانة الجيش و المجلس العسكري وسبهم و أتهامهم بالخيانة .. لو كانوا كده فعلاً كنا بقينا زي سوريا

اولا: المطالب السياسية
1- تقديم مبارك للمحاكمة بتهمة الخيانة العظمى، على اثر اعتراف المشير بإعطاء مبارك الامر للقوات المسلحة بقتل المتظاهرين

أنا مشفتش الخطاب بالكامل بس لو فعلاً ذكر الموضوع ده يبقي مبارك لازم يتحاسب عليه

2- اشراف قضائي وحقوقي على جهاز الامن الوطني ومحاكمة كل الضباط المتورطين في قتل المتظاهرين وتعذيبهم

الأشراف القضائي علي الأمن الوطني مفهوم ومطلوب .. لكن محاكمة كل الظباط المتورطين لازم تتم بحرص ودقة لأن في بعضهم فاسد وأول ما يحس أنه حيقع حيعمل حالة فوضي علشان يغطي علي نفسه

3- حل جهاز الامن المركزي او ادماجه في الجيش انشالله يشتغلوا مزارعين

آسف .. ده كلام فارغ .. كل دول العالم فيها أمن مركزي .. بلاش نظام "اللي أتلسع من الشربة ينفخ في الزبادي".. أيه ده ... دولة مبارك كان فيها أمن مركزي .. يبقي لازم نشيله .. أيه ده دولة مبارك كان فيها مخابرات .. يبقي لازم نشيلها ... ده أسمه بارانويا .. ملوش أسم تاني
ويا ريت الناس تدور علي
Riot Police
وتشوف بيعملوا أيه في المظاهرات اللي بتتخطي حدودها في كل دول العالم بما فيها أوروبا وأمريكا .. ضرب وسحل ورش بالمياه وقنابل مسيلة للدموع وخلافه .. بس الفرق أن البلاد دي فيها ديموقراطية يعني معندكش حجة ولاسبب تتظاهر وتعمل أعتصامات وتشتبك مع البوليس .. لكن نظام مبارك كان قمعي .. بأختصار فكرة الأمن المركزي مطلوبة وضرورية بس المهم معاها أن النظام الحاكم يكون ديموقراطي وشعبي مش قمعي وديكتاتوري

4- اقالة يحيى الجمل ومحاكمة عمر سليمان في ليلة واحدة بقى، هي ايه الحكاية؟

معتدقش أن عمر سليمان حيتحاكم بحكم كونه من رجال المخابرات السابقين وفيه أسرار مينفعش يكشف عنها بأي حال من الأحوال دلوقتي وده برضه متعارف عليه في كل دول العالم ومفيش أسرار عنها قبل 25 سنة علي الأقل .. ممكن تحديد أقامته أو وضع مراقبة عليه بس ما أظنش حيتحاكم لأن حتي أصلاً مفيش تهمة محددة موجهة ليه ... ممكن يظهر حاجة بعد كده بس مش شايف سبب للطلب ده دلوقتي... أما بالنسبة ليحي الجمل ... فهي مسئلة مبدء ومش دفاعا عن شخصه
.. مش كل واحد مش جي علي هوا مجموعة من الناس يطلبوا أنه يتشال .. يبقي أحنا بنأسس لدولة فوضي مش دولة قانون .. ولو موضوع الأقالة ليه حيثيات واضحة وقانونية يبقي يتم التقدم بيها في مذكرة أو خطاب للمجلس العسكري أو عصام شرف شخصياً

Hunter.Wolf said...

ثانيا: المطالب الاقتصادية:
1- وضع حد ادنى واقصى للاجور واعادة توزيع الثروات لانقاذ البلاد من الازمة الاقتصادية والتحكم في الاسعار

مش فاهم .. طلب زي ده محتاج أعادة هيكلة لكل أنظمة الأجور في الشركات ومؤسسات الدولة وده موضوع ياخد وقت كبير جداً مينفش نطلب يتنفذ دلوقتي .. أمال حيبقي فيه مجلس شعب ورئيس ليه أن شاء الله .... وبرضه موضوع التحكم في الأسعار لازم يتدرس كويس لأنه حيكون ليه آثار جانبية كتيرة وفي تجار ورجل أعمال كتير حيعترضوا عليه ويطالبوا أن الأسعار تفضل مفتوحة للمنافسة ومفيش عليها تحكم حكومي وإلا حيعلموا أضراب وأعتصامات هما كمان .. مش عاوزين قرارات متسرعة من غير دراسة تودي البلد في داهية

2- فرض الضريبة التصاعدية

أتفق تماماً مع الطلب .. وأختلف مع التسرع في تنفيذه برضه ومش دور المجلس العسكري ولا حكومة شرف أنها تعمله .. لازم يتدرس في مجلس الشعب لما ننتخبه .. ولازم أي قانون يطلع يتم دراسته بعناية علشان يتكتب صح وميبقاش فيه عوار أو ثغرات .. وإلا يبقي فايدة الثورة أيه .. هنرجع لنظام خلص خلص و "موافقون" تاني .. هي مسئلة مبدء قبل أي حاجة

3- محاكمة كافة رجال الاعمال الفاسدين ومصادرة اموالهم

مفهوم ومطلوب تنفيذه (أو الأصح جاري تنفيذه) .. لكن اثبات فساد أي رجل أعمال لازم يكون بالمستندات مش بالأتهام وخلاص .. وإلا هينضر رجال أعمال كويسين كتير كل واحد عنده خلافات معاهم وعاوز يصفي معاههم حساباته يتهمهم بالفساد بالزور وهو مطمئن أنهم حينضروا جداً من الأتهام ده حتي لو بالباطل ... مش فاهم ليه الناس مش قادرة تستوعب أنه لازم أدلة قوية وواضحة وقرائن علشان تحاكم أو تحبس حد .... مينفعش نظام "كلنا عارفين فلان حرامي" .. هي مش بالويم .. الأحتياج للأدلة ده بيحمي البرئ قبل المجرم .. والأبرياء هما الأغلبية .. وده ضروري برضه لو عاوزين نأسس دولة يحترم فيها القانون مش دولة
فوضي

Hunter.Wolf said...

ثالثا: الحريات
الغاء احالة المدنيين الى قضاء عسكري واعادة محاكمة كل المحكوم عليهم باحكام عسكرية بعد تحويلهم الى المحاكم المدنية

مفهوم لو الكلام عن الناشطين السياسيين .. لكن بلطجي بيبلطج وأحنا في الظروف دي لازم يتحاكم محاكمة عسكرية ويتم التعامل معاه بحزم وشدة وحسم علشان باقي البلطجية يرتدعوا .. المصيبة أن شوية بعض الناس تقلولك لازم الشرطة تضرب بيد من حديد علي المجرمين .. ولازم يتعمل محاكمات عسكرية ليهم .. وبعدين فجاءة .. لأ أحنا عاوزين كل المحاكمات مدني ومش عاوزين أستخدام عنف ..و ..و ..و.. حيرتوا الناس بصراحة



3- حظر فض الاعتصامات بالقوة بشكل كامل

آسف .. ده زي طلب ألغاء الأمن المركزي .. كلام غير واقعي وغير عملي ..ويعتبر دعوة للفوضي مش للحرية (وكلنا شفنا اللي حصل في أعتصام ماسبيرو).... الأعتصام في أي دولة محترمة ليه قواعد وقوانين ولازم يعلن عنه قبلها بعدة أيام ولازم يكون ليه مدة محددة .. علشان دي دول متحضرة المواطن فيها عارف أن زي ما ليه حقوق عليه واجبات واللي يخل بواجباته يقع تحت طائلة القانون والأمن المركزي بيتعامل معاه زي الخارجين علي القانون .. للأسف روح البلطجة بدأت تتسرب للثورة بشكل مؤسف جداً .. لازم نفهم أن الأعتصام ده المفروض آخر وسيلة للتعبير عن الرأي لما تفشل كل الوسائل التانية وأنه الهدف منه التعبير عن الرأي مش فرضه بالقوة .. أما اللي حصل في الثورة فده الإستثناء لأن مبارك أفسد الدولة كلها و أعتدي علي كل حقوق المواطنين وكتم كل الأراء ومينفعش اللي حصل يبقي القاعدة و الأساس وإلا مش هينفع نأسس دولة قانون ونظام وهنفضل في فوضي أعتصامات لمالا نهاية

Hunter.Wolf said...

ليه العنوان المضلل .. أنا كنت حأعتقد أن في سوء نية بعد ما قريت الخبر .. البتاع اللي أسمه جمال أتحفظ معاه التحقيق في قضية واحدة محددة و هي "تراخيص" السياحة .. ده مش معناه أنه براءة من كل حاجة أو خلاص هيخرج زي الشعرة من العجين زي ما العنوان بيحاول يقول .. فيه قضايا متلتلة تانية كتير .. بلاش نظام تهييج الناس وخلاص لو سمحتم

ويا ريت نحترم أحكام القضاء حتي لو معترضين أو مجتش علي هوانا .. وإلا نستورد قضاة من أندونيسيا أحسن .. ولو في قاضي فاسد يتفضح ويتم تقديم أدلة فساده للمجلس العسكري وحكومة شرف أوالنائب العام .. مش عاوزين دولة فوضي

hardway said...

أيــــــــه يا حاجة نوارة..؟؟؟
هو مرة مش عايزة الاخوان..الاخوان مشاركتهم في الثورة ضئيلة ومش هما اللي دافعوا عننا في موقعة الجمل و متلاها.القوة الاساسية للثورة هي الالتراس
مش كلامك يا حاجة..هاتموتي دلوقتي علي الاخوان ..قاعدة في الميدان بتولولي زي النسوان وتصرخي ألحقونا يا أخوان..تعالوا يا أخوان..كترونا يا أخوان..والمصيبة أنك أنت بتنصحي الاخوانانهم بيلفوا الحبل علي رقبتهم ..كتك خيبة
أنت مجنونة..انت..هتنصحي الاخوان بكل كوادرهم وقياداتهم..منتظرين الحاجة نوارة
لالالالالالالالالا تعليق
اوعي تنسي حمص الشام والترمس في التحرير الجمعة القادمة

sosta_80 said...

مبرووووووووووك وعقبال كل البنات يارب بس عاوزه اقولك حاجه الاخوان هدفهم من الاول معرفو جداا وخلاص سواء نزلو او مانزلوش مش فارقه بالنتسبه ليهم احنا دلوقتي بنتكلم في البلد والثوره وهما بيرتبو ورقهم في الانتخابات وكده يعتبرو ضمنو مجلس الشعب والشورى وشكرا على كده ادي دقني ان سمعنا عنهم حاجه بعد كده نوع متسلق مش اكتر

moolaa said...

حلو او التمسح فى الاخوان فى مقولتك :
وماحدش يجيب سيرة المجلس الرئاسي المدني لاني باقولكم اهو الاخوان مش حينزلوا بكامل طاقتهم، وده مش مطلب اجماع وطني
يعنى ثبتوهم عشان ينزلوا واضحكوا عليهم وبعد كده ادوهم استمارة 6 وطلعوا عليهم اشاعات وانهم بيطلعوا على اكتاف الثورة ... ههههههه
ياستى الى عاوز ينزل يتفضل الميدان واسع وطريقه معروف .. بس محدش يفرض على فئة انها تنزل خصوصا لو الفئة دى اصلا مش بتعترفوا بيها .. ودايما متهمة انها بتطلع على اكتاف الثورة .. مش خايفين الاخوان يطلعوا على كتافكم ؟؟ ازاى عاوزنهم ينزلوا .. بتناقضوا نفسكم ؟؟ .. مش دول اللى بتقولوا عليهم كيت وكيت ؟؟ دلوقتى لازم ينزلوا ؟؟

LogicMind said...

الهدوء يا نواره.. كده انت بتدى احساس ان الثوار فى موقف ضعف.. هما اقوياء ولكن متفرقين.. لازم التلاقى على اهداف اساسيه وهى اتمام الاجهاز على النظام القديم لان الوضع الحالى مقلق جدا.. حتى الاخوان لازم يتعلموا من درس ثورة 23يوليو لما اتقلبوا عليهم برغم انهم كان ليهم دور كبير.. لاز م كل الثوار يخلوا عمودهم الفقرى هو مطالب الشعب والفلاحين والعمال..
مش مهم مين حيكسب الانتخابات مادام الاختيار حر للشعب والاختبار العملى هو اللى بيوضح للشعب هل كان اختياره صحيح ام لا..وفعلا اختيار الشعب لازم يحترم من جميع الاطراف.. بس لازم بعد الاطراف لما تتفق على الطلبات.. يكون ليهم ممثليين دائمين يجتمعوا مع الجيش والناس فى الميادين ويقدموا الطلبات مع حلول وبدائل وترشيح شخصيات وطنيه بديله تخدم الثورة.. ويفضل هذا الضغط على الجيش لحد الاجهاز على النظام القديم تماما.. محاكم سياسيه ثوريه لمحكمتهم على جرائمهم السياسيه اولا مش الجنائيه ويتم سجنهم او اعدامهم.. بكده حال البلد يتعدل والمستثمريين يرجعوا مين اهبل يستثمر فى بلد غير مستقرة حتى لو رجع مبارك مش ح يرجعوا لانه رجوع مع عدم استقرار.. يعنى الافضل لمصر ان الثورة تنجح بالكامل مش نص نص.. وربنا معاك ياشعب مصر كتير بيتأمروا عليك لانك لو شديت حيلك حلهم ح يتهد.. اسألوا الله النصر يكن معكم

Amirasa3d said...

انا هاتجنن هما الناس ليه بيعملو كده ليبراليين ايه واستراكيين ايه والكلام الفارغ الى بيقولوه ده احنا هانعمل زي النظام السابق ونعملها اقسام والا ايه ونتيجة استفتاء ايه دي اللى بنعمل التفاف عليها هو احنا جبنا سيره الاستفتاء خالص بجد اللى بيحصل ده حرام الناس مبقتش فاهمه حاجه من كتر التشتيت اللى هما فيه :((((((((