Tuesday 10 March 2009

الله؟ هي حكاية التفكيك دي واضح انها زعلت ناس كتير

اولا فيه واحد قذر كتب مقال عن وثيقة تفكيك اسرائيل، انا مش ح اعمل حتى لنك لمقاله، لانه اصلا مخلول ومهبول وشتيمته لينا شرف لا نستحقه والله، احنا اكثر تواضعا من اننا ننال شرف شتيمة الحقير ده
وبيقول ان اسرائيل دولة شبه علمانية
:)
يعني جاهل وغبي وحمار كمان، فيه حاجة اسمها شبه علمانية؟ خنثى مشكل يعني؟ وفيه في الدنيا واحد يبقى وزير داخلية وخارجية في نفس الوقت؟ هو واقف على البوابة؟ ده ولا احنا والله العظيم، دي ما حصلتش في مصر اللي باقول عليها مصر
الحاجة التانية، غير اني اتشالت من الوفد بسبب موضوع التفكيك ده، واهو طلع رئيس تحرير جريدة الشرطة السابق
الشرطة؟ الشششششششرطة؟ وش كده؟ كتر خيره انه شالني بس
واحد النهاردة كاتب مقال زي وشه في جريدة الشرق الاوسط بيتكلم عن تفكيك العالم العربي
هو ما جابش سيرة الوثيقة نصا، بس انا منين ما اعمل سيرش على كلمة تفكيك الاقي ناس كتير بتنبط علينا وكأننا طالبين نفك ركبهم من بعضها، اللي متغاظ، واللي بييأسنا، واللي بيسفهنا، واخرتها واحد طالع يقول لنا طب ايه رأيكوا ان العالم العربي بقى هو اللي عايز يتفكك
يا جدعان والله العظيم....طب اهو انا مش ح اتكلم
يا جو، يا ايمان، يا باش مهندز يا ابي يا شلطف كلموهم
معلش احنا كنا بنتكلم يعني مافيش حاجة
وكنا فاكرين ان هم بتوع اوروبا والدول المتغدمة اللي ح يزعلوا مننا
اتضح ان فيه عرب هم اللي زعلوا مننا
يا سبحان الله
يا سبحان الله
أأأ...أوو....إإإإ...انا مش عارفة اقول ايه، ده الموضوع طلع مهم بقى، والله احنا ما كنا واخدين بالنا، احنا كان قصدنا يعني نعمل حاجة للي جاي، عشان ان شاء الله لما اسرائيل تتفكك، وح تتفكك يقينا واقسم على المصحف كمان انها ح تتفكك ان شاء الله، لما تبقى تتفكك، الاجيال اللي جاية ما تتفش علينا، يحسوا يعني اننا كنا معاهم على الخط ما يقولوش: وكان بقى في الوقت ده العرب عبارة عن ناس جربانة دماغهم فيها مجاري وصراصير والحمد الله ان ربنا اخدهم وخلصنا منهم والزمن الاسود ده راح الى غير رجعة
بس
ده كان الغرض يعني
ما كناش نعرف ان الموضوع ح يضايق حد والله
طب بقى مدام الموضوع بيضايق قوي كده، انا ان شاء الله ما وراييش حاجة غير ام تفكيك اسرائيل دي ان شاء الله
ومش ح احط املي للاجيال اللي جاية
انا حاطة املي انها تتفكك النهاردة قبل بكرة
ومش امل ده يقين ان شاء الله،
اه والحلوف اللي كتب يقول اسرائيل شبه علمانية ودولة محترمة وفلسطين اصلا بتاعة اليهود والمسلمين هم اللي وجودهم في المنطقة كلها مش شرعي اسمه نوئيل عيسى
انا حبيت بس اكتب اسمه عشان افضحه فضيحة المطاهر يوم طلوعه ع المعاش

46 comments:

Empress appy said...

طيب ما انا بعلق بتقولى ليه اسكتى انتى اعمل ايه بقى
وبعدين اللى ملقحين نفسهم وبيتريقوا انا مامى قالت ليه مترديش على تافهين
ويا ستى لما احنا مش عجبنهم اوى كده يا نواره لازقين فينا زى البراغيت ليه وبيقروا حاجتنا
يا ستى انا عندى قناعه خلاص يسبونا فى حالنا هما مالهم يعنى مش لاقين حاجه يعملوها
الوطن العربى هو لسه هيتفكك يوووووا ما اتفكك من بدرى اوى اوى يعنى
وبعدين الاخ اللى بيشتم ده اللى اسمه ايه ده
يعنى هو فاهم ايه الغرض ولا بيشتم وخلاص زى الباقين وبعدين هنروح بعيد ليه فيه ناس قريبه وبتشتم عادى يعنى
كله بيروح فى الغسيل خليهم يمكن لما باكلوا فى نفسهم كده يخسوا شويه

Anonymous said...

هو ايه الحكاية طلعت كبيره اوى كده ليه

مهو طول عمرهم سايبنا نبعبع ونقول اللى نفسنا فيه اشمعنا المره دى وجعتهم اوى

الظاهر الحكايه جد
وانا معاكى وان شاء الله تتهد على دماغهم
وعليه العوض فى الشغل ربنا يعوضك

هرطقة said...

احقاقا للحق يعنى
هو العالم العربى محتاج شوية تفكيك فعلا
لكن مش فى الاتجاه اللى بسلامته بيقول عليه
هو احنا فعلا عندنا أصنام وموروثات عايزة تتكسر
منها سيطرة الكهنوت واستذلال الانسان الفرد
نكسر أصنامنا لكن مش نفكك نفسنا

77Math. said...

ههههههههههه

عملت سيرش ف جوجل على الاسم اللي ذكرتيه

مين دا أساسا ؟ المحررين بتوع ويكبيديا مهزئينه عشان داخل يكتب هناك قصص قصيرة وحاجات غريبة !

ايه القرف دا؟ وبعدين لا تعصبي حالك .. طول عمر الدول العربية مش بتقع إلا بسبب الخيانة الداخلية مش بسبب العدو

وإذا كان علينا احنا على رأي آبي مش محتاجين تفكيك أكثر من كدا بجد .. في تفتيت أفعص من كدا ؟

77Math. said...



العلمانيون والليبراليون الجدد ... ومجزرة غزة !!


مركز بيت المقدس للدراسات التوثيقية

Unknown said...

هههههههههههههه
ده نوئيل ده تحفة
ده كاتب بيقول: وكما قال القرآن الكريم الساكت عن الحق شيطان أخرس

:))

وبيقول علينا جهلة

مواطن مصري said...

انا كليبرالي مصري ارى ان النموذج الاسرائيلي متطرف مثل النموذج الافغاني في عهد طالبان و بن لادن

مواطن مصري said...

@77 math

على فكرة فية ليبرالين كتار ضد دولة اسرائيل و اي نوع من انواع التطرف الديني

Unknown said...

ازاي يعني؟

ازاي ناس بتدافع عن بلدها يبقى زيهم زي اللي سرقوا ارض ناس تانية؟

ايه وجه التشابه يعني؟

مواطن مصري said...

اسرائيل الاحزاب فيها دينية تخيلو بقو لو الجماعات الاسلامية في مصر وصلت للحكم هتمارس ضد الاقليات ما تمارسة اسرائيل على الفلسطينين


يا ريت نتعلم من دروس الاخرين

Unknown said...

انا ح اروح ارمي نفسي من الشباك

مواطن مصري said...

بزمتك مسمعتيش عن طالبان و تهديدات للنساء ب القتل لو راحت المدرسة



يبقى تفرق اية عن اسرائيل الي بتقتل الاطفال الي رايحة المدارس تتعلم؟

Unknown said...

يا سبحان الله يا اخي
بلدهم وهم احرار فيها
انت مالك
يوقع محفظته مطرح ما هو عايز
يوقع محفظته مطرح ما هو عايز
اللي مش عاجبه من اهل البلد يغيرهم

مافيش جريمة اكبر من الاحتلال

انا ايه اللي مقعدني
انا مش قلت رايحة ارمي نفسي من الشباك

عن اذنك ح انط من الشباك وارجع لك

Anonymous said...

نوئيل عيسى عراقي من مسيحي الموصل ..وهولاء عانوا الامريين من قتل وتشريد على يد صدام سابقا والمليشيات الشيعية’ حاليا وخصوصا ميليشيا حسن نصر الله بقيادة المقبور عماد مغنية . فالتمسي له العذر بدل الشتائم .

mido said...

@مواطن مصرى

ابعد عنها دى عندها قابلية كبيرة للانتحار

و نفسها تموت
:)

77Math. said...

مواطن:

عارفة

نوارة:

ايه اللي جابرك ع الصبر ؟ كلام مواطن لا يختلف عن كلام أي من المدافعين عن إسرائيل، باختلاف أنه لا يدافع عن إسرائيل !

لكنه يهاجم المقاومين ضد الاحتلال !

موضوع طالبان والنساء دا موضوع تطرف ديني وجهل، موضوع منفصل تمامًا عن الدفاع عن الأرض ..

يعني مش أمريكا هي اللي حتحمي النساء في أفغانستان، أمريكا بعد ما دخلت العراق بفترة النساء صرخن بأنهن أصبحن حوامل من الجنود !!

هي دي الحماية المزعومة للنساء في أفغانستان أو العراق ؟

عندما تقاوم النساء ضد الجهل بأنفسهن أفضل ألف مرة من أن نجلب لهن من يغتصبهن ثم يدعهن يذهبن كما يشأن !!

في حاجة كمان ..

في مصر تحرش واضطهاد للنساء ونظرة دونية حقيرة جدا لا تعرفها سوى النساء ولم تعاني منها سوى النساء.. وهناك تمييز عنصري صارخ ضدهن في مصر الآن .. ومش حقول لو انتظرنا حكم إسلامي ولا حكم بتنجاني..

من دلوقت الكلام دا موجود

Unknown said...

Nawara, Check this link Please

http://www.unitedvoices.com/obama.html

Unknown said...

ازاي مسيحي واسمه عيسى؟

هو فيه مسيحيين بيسموا عيسى؟

وبعدين ده بيقول كما جاء في القرآن الكريم: الساكت عن الحق شيطان اخرس

Unknown said...

اه شفته

واختار اكتر حديث باحبه

انا باحب كل احاديث الرسول صلى الله عليه وسلم طبعا

بس الحديث ده بيخليني اعيط

Anonymous said...

ضحكتيني على إللي بيتكلم بالقرآن ده وفكرتيني بواحد مصري مسلم كنت قابلته في لوس أنجلوس من كام سنة وكان عايز يعمل فيها عم الشيخ أخنوخ وقال لي « وكما قال الله في كتابه الكريم إن الله لا يحب المغفلين»، على فكرة أنا لا أخفي إعجابي بطفاطيفو وطريقة كتابته وخلفياته بالإضافة إلى صحة اللغة العربية عنده وأنتي كمان العربي عندك كويس

Anonymous said...

أه فيه مسيحيين بيسموا عيسي
اوعى كمان تقولى عمرك ما شوفتى مسيحى اسمه عيسى


انا اعرف عشرين عيسى مسيحى فى الصعيد ايه الغريب فيها يعنى

Anonymous said...

في العراق المسيحيون يسمون عيسى والكاتب المذكور اسمه الاول نوئيل واحيانا عمانوئيل وهو اسم احد القديسين .والدليل على ذلك عدم معرفته بان الساكت عن الحق شيطان اخرس هي حديث وليس سورة في القران

Unknown said...

مسيحي اسمه عيسى؟
عمري ما شفتها دي؟
انا شفت مسيحي جده الكبير اسمه علي عشان ابو جده كان صاحبه المقرب اسمه علي فسمى ابنه على اسمه
:)
صعيدي بقى
لكن عمري ما شفت مسيحي اسمه عيسى
ازاي يا جدعان مسيحي اسمه عيسى
هو فيه مسلم بيسمي ابنه رحمن مثلا؟
لا ما اعتقدش ان فيه مسيحي اسمه عيسى
اقصد ما اعتقدش انه ينفع عقائديا ان مسيحي يتسمى عيسى

Unknown said...

بببببببببببببببببببببببببببببببببببببببببببببة ى

Unknown said...

يييييييييي
لا مؤاخذة يا شباب
التعليق ده اللي كتبه القط بتاعي
طلع على اللاب توب وقعد يدوس على الزراير

Anonymous said...

وكمان بتقوللي عليا القط بتاعك! ده إيه الهنا إللي أنا فيه ده، وياترى ده بسبب أني واد مخربش

على فكرة صحيح في الصعيد إسم عيسى موجود كتير عند بعض المسيحيين ولكن عن جهل نظرا لوضع المسيح في الثالوث؛ الحاجة التانية أن إسم عيسى لم يذكر قبل القرآن إلا بيسوع

Moh'd Shaltaf said...

طبعا يا نوارة كان حديثنا عن مراعاة أن تصاغ الوثيقة بأسلوب يقبله كل انسان بغض النظر عن مبادئه ومعتقداته ولغته لذلك لجأنا للقوانين والعهود التي يقر كل البشر وتوقعنا أن يكون الاعتراض من الغرب ولكن من البديهي أن تظهر مقالات لأمثال هذا الشخص الذي - على سخافة مقالته - لا يحلم ولا يريد لهذا الكيان العنصري المجرم أن يتفكك

يتهمنا بدعوتنا لتفكيك ما يسمى باسرائيل بأننا نعيد دعوة رمي اليهود في البحرالمتوسط مع أن الوثيقة ليس بها أي تطرق لحلول ما بعد التفكيك ولا تتضمن أي بند يدعو لقتل أي يهودي - طبعاً مع مراعاة أن هذا لا يعني عدم محاكمة كل من تسبب في هذه المآسي الانسانية كونه من البديهيات لاحقاق العدل - وهذا المقال ان كان فيه فائدة فهي لا تتجاوز أن نصر على تعميم الوثيقة والتمسك بها فهي ستغضب الكثير من الصهاينة والمتصهينيين معهم

بالنسبة لاسم عيسى فهو بالتأكيد شائع لدى الكثير من المسيحيين كما لدى المسلمين وان كنت لست معنيا بدين الكاتب ومأساته الشخصية بل العكس هو الصحيح فمأساته وعذابه يجب أن يكون المحرض لتحرير الاخرين من العذاب

ما تطرق اليه من وجود مآسي أخرى في العالم العربي صحيح من حيث المبدأ أما في كونها تتناقض مع الوثيقة فهنا نستحضر سعيد صالح ليشرح عن المنطق

أخيرا هذا الموضوع له فائدة على الصعيد الشخصي لي اذ كنت اعتقد ان موقع الحوار المتمدن ينشر لكتاب يستحقون ان تقرأ لهم ولكن من الواضح أن ما كان يصلني منه كان انتقائيا من أصدقائي وأغلب الظن أنه يتيح لمن يريد أن ينشر دون تدقيق...وهذا ليس بعذر فمقالة كهذه هي اساءة لهم قبل أن تكون للكاتب

حـنــّا السكران said...

أول مرة تسمعي عن مسيحي اسمه عيسى ؟؟

كويس انه عيسى حنا مش هنا ..( صديقي الأقرب )

و كيف يعني واحد مسلم اسمه محمد ؟ هاا ؟

ـ بس أنا مش فاهم شو اللي جاب الميليشيات الشيعية على الموصل ؟ لا و حزب الله و عماد مغنية كمان ؟

ارحموا الجغرافيا شويّة .بما انه التاريخ مستباح .
أعتقد انه الشيشانيين كمان بيقاتلوا حزب الله و الميليشيات الشيعية .. كلّ شي صار معقول .. و أمّ أمّ المنطق .

elmonadel said...

انا بحثت عن المقال بتاع الاهبل نوئيل عيسى ولاقيته - ده شكله كده كان رجالة صدام ماسكين عليه زلة و مظبطينه - علشان كده مخه اتلحس وبيهفلط من اللى اتعمل فيه - هوه صعبان عليا بصراحة لأن المثل بيقول ليس على اللى ملعوب فى أساسه حرج

الراجل شايف ان العرب فرضوا الاسلام بالسيف وكأن تاريخ العرب ده كان فيلم سينمائى من وحى الخيال -
طب بالمنطق بقى اذا كان الفتح الاسلامى قضى على اعظم دولتين فى هذا الزمان اللى هما الفرس و الروم يبقى ده يبقى اعظم دليل ان الاسلام لم يتشر بالسيف - لأن لو لم يكن للاسلام فلسفة المساواة بين البشر و العدل وان لافرق بين عربى واعجمى الا بالتقوى .. الخ ما استطاع السيف ولا حتى القنبلة الذرية هزيمة الفرس والروم فى هذا الزمان.

ميرسى كتير

soreal said...

funnely, yes, in iraq alot of muslims name their kids rahman and raheem too.

u live u see


p.s. during saddam days Christians were one of the most protected minorities..

مواطن مصري said...

77math

انا اكرة اسرائيل و اكرة الاستعباط لما تكون حركة مقاومة صح زي بتاعت حزب الله


قارني بين حماس و حزب الله من حيث السياسة الي بيلعبوها سواء داخليا او خارحيا و الاستعدادات العسكرية هتلاقي فرق بين مقاومة لا تبحث عن السلطة زي حزب الله و الاخرى تبحث زي حماس و اظنها و واضحة اووي دة هو الاختلاف

مواطن مصري said...

@ميدو

انا ميخلصنيش ان نوارة تنتحر دي نوارتنا مهما كانت

Anonymous said...

في العراق ممكن كون ان انت ماسمعتيش دي حاجة ثانية . احد معارفي وهو عراقي مسيحي اسمه مصطفى جاء الى مصر بعد احداث العراق بعثت عليه مباحث امن الدولة بتستفهم منه كيف هو مسيحي واسمه مصطفى اجابهم في العراق ممكن .

Anonymous said...

إنت ليه زعلانة منه كده؟؟ أنا شايفة إنه دمه خفيف جدا


عمنا أبو الشباب ده بيقول للفلسطينيين إنهم كانوا يهود و غزوهم المسلمين العرب و حولوهم بالإكراه

و بعد شوية غير رأيه و قال حماس و حزب الله زجوا الشعب العربي الفلسطيني في غزة في معركة حماس

ده طبعا على أساس إن دوام الحال من المحال و الدوام لله و طبيعي الفلسطينيين يبيتوا يهود يصبحوا عرب و بعد المغرب بيتحولوا رومان

و على أساس إن فلسطين كانت فاضية قبل ما يدخلوها بني إسرائيل زي ما كلنا عارفين
عسول جدا و الله

:D :D :D

Anonymous said...

على فكرة عايزين وثيقة كده من بتوعك وكلنا نمضي عليها أن أبو التعالب خلاص مش عايزينه هو ولا الواد إبنه -إبن عرس- «بالسين علشان لساني مؤدب » ونبعتها له ونبعت نسخ منها للعالم كله ونحطها على الإنترنت ونخللي إللي يسوى وإللي مايسواش يتفرجوا عليه، وممكن نجيب كام واد يتسلبطوا ويعوروا روحهم بالموس وبعدين نصورهم ونقول ياعالم بصوا وشوفوا أبو التعالب والواد إبنه إبن عرس بيعملوا فينا إيه

سامح العروسي said...

بدل من أن تجد أسرائيل نفسها تعامل كأستعمار استيطاني عنصري في المنطقة وتفضح،من قبل محيط يواجهها بحقوق الشعب الفلسطيني كحقوق إنسان بغض النظر عن دين وقومية هذا الإنسان الفلسطيني بأعتباره يعيش فوق أرضه،وجدت نفسها وسط كمية من الشعارات العنصرية،تعطيها الشرعية في عنصريتها القومية والدينية لإقامة دولتها التي وهبها الله اياها لشعبه الموعود....ودائما بالجراح موعود يا قلبي !.
بهذا ضاعت الأوطان وضاعت فلسطين،وانقسمت بين منظمة التحرير وجماعة (آمين)والأخوان المسلمين،كما ضاعتاوطاننا العربية سط قوافل المجاهدين في أفغانستان مع الأمريكان،ليتسيد الساحة لصوص السلطة الذين بعد أن صدروا الشباب للجهاد،عادوا ليستوردوهم من معتقل كونتنامو...ثم كانت المصيبة الكبرى و(غزة)في آخر المطاف بجثث الشهداء بدون قتال ... اليوم تطورت الأمور في مقاطعة(غزة)تحت حكم الأخوان ليصبح الشعار (حسبنا الله ونعم الوكيل) أما النشيد قبل دخول المدارس الأطفال للفصول فهم يرفعون الأيدي بالدعاء،كما شاهدت في تلفزيون الجزيرة،لتجد إسرائيل أكثر من شرعية دينية وقومية لسرقتها لأرض شعب له الحق في استردادها حتى لو لم يكن له قومية ولا دين،فصاحب الحق أولى به ولو أنكر وجود الله ،ولم يعرف له أصل ،كما لا تصدق أي كتاب مقدس يعطى لشخص ما هو حق لآخر ولو وعد بالجنة .
إذن شعاراتنا وصراخنا هو الذي أعطى لأسرائيل شرعية سرقة أرض الفلسطينيين،بل وحال دون إتهامها بأنها دولة عنصرية قومية دينية،لأننا أول من يمارس هذه العنصرية حتى ضد بعضنا البعض (شيعة وسنة)(سلفي وعادي)!!،كما حال دون شعوب العالم والوقوف مع الشعب الفلسطيني بأعتباره إنسان فقط، يقاتل مستعمر لأسترداد ارضه،ونحن الذين نكفر كل من ليس مسلم ونتباهى بالعروبة،رغم ان غالبية أولاد العرب ما بين لاجئ ومهاجر وسجين سياسي.
صدق او لا تصدق انه في بلاد الأعراب !
تعتبر ممارسة السياسة جريمة !!فكيف يمكنك الإنتصار لقضية شعب هي قضية حقوق إنسان وسياسة أيضا ؟! .

احمد سعيد said...

والله يابنتى انتوا المفروض تفرحوا

معنى الكلام دة حاجه واحدة بس

هى
انكم
نجحتممممممممممم


الهى ياااااارب كل صحفيين الحكومه والمعارضه الفشنك ينزلوا فيكم شتايم فى مقالتهم

قششششششطه

قشطه بالهبل

يا بنتى دى كلها دعااااايه

دعاااايه مجانيه

يلا خلى اللى ميعرفش يعرف

ههههههههههههه
صباح الغباء المستحكم
مش صباح اللى بتغنى كمان

لبنــــــــــى said...

نوارة مسا الخير
لا ترمي حالك و لا على بالك
بعيد الشر عن قلبك
يا ستي يحكوا متل ما بدهم
و احنا بنقول اللي بدنا اياه
المهم انو الحق بنتصر
و اكيد الحق معنا
يعني اللي بقول اسرائيل دوله شبه علمانية بستاهل ترمي حالك علشانو
و الا الاخ اللي لهلا بسب على نصر الله سيد المقاومة و غصب عن اي حدا سيد المقاومة
بستاهل تردي عليه

تسلم ايدك اليمين و الشمال
و هم
خليهم مدايقين

Unknown said...

لا يا بهيج مش انت القط

القط بتاعي فضل دايس على الزراير وراح دايس انت ومعلق باسمي

حفيدة عرابى said...

احمد سعيد عنده حق يانواره ياريت كل الناس الهبلة دى تشتم فيكم ليل نهار ده معناه ان الوثيقة على عكس اكثر احلامنا تفاِؤلا نجحت والناس دى ابتدت تخاف منها ---عجبنى جدا كلامك انك اشتركت فى الوثيقة دى للاجيال الجاية ربنا يخليكى للامة العربية--- وبعدين ربنا فعلا يصبرك على مواطن وعمايله فيك ---وكمان اللهم لاحسد ايه حكايةبهيج الليلة دى راضى عنك اوى ربنا يهدى ومبروك عليك القط الالكترونى اللى بيعرف يتعامل مع اللاب توب ده

Unknown said...

انا باقول تاخدوا ميلات بعض وتتكلموا احسن

بدل الكلام ده على الملأ

Unknown said...

اخلصوا بقى

ده اخر تعليق ح انزله في الموضوع ده

عندكوا الميلات اتصلوا ببعض فيها

Unknown said...

بما اني بعت لكوا انتوا الاتنين ميلات بعض تتفاهموا فانا ح امسح تعليقاتكوا اللي هنا بخصوص الموضوع ده

Anonymous said...

حرام عليكي. اللي اسمه نوئيل ده واحد أقل جدا من إنك تعلقي عليه وتشغلي بالك وبال قرائك. دا أنا عملت بحث وقريت مقالات ليه. دا أصلا ما بيعرفش يكتب ولا بيعرف عربي ولا بيفهم من أساسه. أول مرة أعرف إنك بتقري مقالات لمعاتيه وتؤثر فيكي كدة.

77Math. said...

حنا


والله صدقني دا اللي جايبنا ورا، بيسمو محمد ومش عارفين مين محمد دا اللي مسميين عليه ،أسهل حاجة كل واحدة تخلف يروحوا يسجلوه محمد..محمدين..واللي مش اسمهم محمد يدلعو حمادة

إنما تلاقي أخلاق حميدة وحمد وشكر؟أبدًا

Anonymous said...

شوفى الخبر ده

http://www.almesryoon.com/ShowDetails.asp?NewID=61262&Page=13