Monday 9 March 2009

تمهلوا تمهلوا..بل ارحلوا هيا ارحلوا

  حقائق تاريخية مستمدة من المؤرخ العلامة حسام الدين بن مصطفى صاحب الموسوعة السينمائية الشيمائية السميرة احمدية:
الشيماء كانت بتحط روج سمون ورموش صناعية-
رقاصات قريش كانوا بيرقصوا زي سهير زكي بالظبط وكانت تسريحة السد العالي بتاعة الستينات هي المودا اياميها-
الناس كانت صحتها كويسة-
يعني الشيماء دي كانت اكبر من الرسول عليه الصلاة والسلام بحوالي عشرين سنة، يعني لما نزل عليه الرسالة كان عندها هي ستين سنة، ومع ذلك بجاد جوزها كان فيه حيل يقول لها: حبيبتي...تعالي الى احضان زوجك المشتاق
سبحان الله يا اخي الناس كانت سبور قوي، يعني عربية حرة كانت ماشية تغني وسط الرجالة وتعمل فاند ريزينج بطريقة لو اي صعيدي شافها على اخته وللا بنته دلوقت كان بج بطنها بجيج
المسلمين كانوا بيعرفوا اخبار الرسول كدهو-
ابو سفيان يبص لهم من خرم الخيمة من غير ما الرسول يحس ويقول لهم: بسط لها رداءه، واجلسها بجواره
وفي الحالة دي ده ما يعتبرش تلصص ولا تجسس لانه في اخر الجملة بيقول: صلى الله عليه وسلم
المهاجرين كانوا بيشفطوا الاكل من الهوا-
وده ظاهر بشدة في فيلم الشيماء حيث ان في نفس اليوم اللي وصل فيه المهاجرين اليهود قالوا: ضاقت الارزاق بوصول المهاجرين
انا لقيت اسم الشيماء في كتاب الطبقات الكبر لابن سعد..كانت مذكورة في سطر ونص بالظبط: وصل الرسول بعد فتح مكة لبني سعد، الشيماء طلبت مقابلته وقالت له انا اختك في الرضاعة، قال لها اهلا وسهلا واكرمها
دي القصة كلها
وفي نهاية الحلقة سؤال المشاهدين في المنازل:
من هم الد اعدائكم؟ من قتل بني الاسود؟ من قتل كلثوم؟ وسلمى وذئيب؟

23 comments:

حفيدة عرابى said...

يانهارك ابيض انا بحب جدا الفيلم ده عشان اغانيه بس ده مايمنعش ان كلامك صح كل افلامنا الدينية عار بصراحة من اول رابعة اللى اصرت تمثل الدورين وحقيقى ماقدرتش استوعب ابدا ان نبيلة ماتتأثرش بكل الكلام اللى قالته عن رابعة وملاحظتك كمان عن الراقصات فعلا مفيش فيلم منهم من غير كبشة راقصات كده وده لمجرد انهم انعودوا الفيلم لازم يكون فيه رقاصة وكمان اشكال الكفار اللى كانت بالبلاكلها وكمان كم الشتائم الغريبة فى الافلام من ثكلتك امك يابن حلزة لكفى يابن كليب اما بالنسبة لاسئلتك فالى عمل الحاجات دى كلها اسماعيل ياسين طبعا

77Math. said...

هاه؟

احمد سعيد said...

يعنى هوة صلاح الدين الايوبى كان بيلبس ساعه يد؟؟؟؟؟؟

فكيها شويه وفوتى

TAFATEFO said...

الشيماء أخت الرسول (ص) في الرضاعة كانت ممن غنم المسلمون في هوازن .. وقالت للمسلمين أنها أخت الرسول (ص) فأدخلوها وأخربته أنها أخته (ص) فسألها عن علامة ذلك ..فأخبرته بعضة كان عضها إياها في صغره (ص) وأرته موضعها .. فبسط لها الرسول (ص) رداءه وأجلسها .. وخيرها بين البقاء عنده مكرمة .. أو أن يكرمها ويردها إلى أهلها .. فاختارت أن تعود إلى أهلها .. فأكرمها وأعادها

السينما المصرية عامرة بالقصص التاريخية الخيالية اللي بيدور التاريخ فيها على مزاج المخرج

صلاح الدين - رابعة العدوية - الشيماء وغيرها كثير

TAFATEFO said...

لعلكم جميعاً بخير .. واللي عايز سوداني - شطة - تمر هندي - كركديه - طاقية بكار أو أي شئ أسواني يقول

:D

mohra said...

امال تقولى ايه على"و اسلاماه" و ده فلم كوميدى من الدرجه الاولى حتى للى مالوش فى التاريخ
بس ضحكتينى

Anonymous said...

:D :D :D

كل سنة و إنت طيبة و تعود عليك
الأيام بخير

:))

الدرويش المرووش said...

بسم الله الرحمن الرحيم

الإجابه

خزاااااااااااعه

Alkomi said...

شوفي بقى طالما جيتي للمخرج اللوذعي حس حس انا حس حس و حس حس انا بتاع يا خرابي

هاقول حاجة انا اسف اني هاقولها بس في نفس السياق

كان في مسلسل اسمه الفرسان بتاع فتى و نجم الشاشة الاوحد في نهاية التمانينيات و بداية التسعينيات

احمد عبد العزيز و كان بيحكي عن الظاههر بيبرس الكخة الوحش و ايبك و اقطاي و الليلة دي

المهم انا كنت صغير و بتفرج على مشيرة اسماعيل

كل مشهد الاقي مكياج قلت يا واد كنش خالص

و اذ فجاة هولاكو ملك التتار اخدها جارية كان احمد ماخهر تقريبا و اذ به اراد ان يمارس معها افعال التتار اللي كانت اكبر من سني في الوقت ده بس على مين انا صايع قديييييييم

طبعا هيقطع هدومها

و هوب نلاقي ايييييييييييييه

مشهدين و الله

مشهد بيبي دول بنفسجي فاتح

و المشهد التاني دراع حمالة صدر

انا كل ده شتتني و ضيع متعتي الشيطانية الطفولية

ازاي يا مؤمن كان الستات عندهم الحاجات دي من ييجي تمنميت سنة

و الان اتضحت الرؤى من المخرج العالمي حس حس فيبدو انه كان سابق عصره و عايز يثبت لنا ان المراة العربية كانت مية مية من ووصلت برضه للميك اب و الموضة في اللانجري من قبل اي حد على وجه البسيطة

يالا هاقولك حاجة مابحبش اقولها اصلا

اذكروا محاسن موتاكم

و محاسن الصدف كانت في نفس الفترة برضه

و تقريبا محاسن الحلو

نياهاهاهاهاهاهاهاها

Moh'd Shaltaf said...

هههههههههه
أول مرة اسمع بالفيلم
عملت بحث صغير على جوجل
شوفي
http://osamasherif.blogspot.com/2008_04_01_archive.html

مصر تحت الاختلال said...

هههههههههههه
صح
والله معاكي حق
هي دي السيما في مصر
امال ليه السورين عدونا وشرخوا

أدهم الصفتى said...

خزاااااااااااااااعه

Anonymous said...

الحقيقة ان قصة الحب اللى كانت فى الفيلم بين الشيماء وزوجها والمشاكل اللى كانت حاصلة بينهم مش حقيقية بالمرة لكن الحقيقة هى ان القصة دى هى قصة السيدة زينب ابنة الرسول عليه الصلاة والسلام مع زوجها أبى العاص ابن خالتها واللى كانت بتجمعهم قصة حب كبيرة وواجهت السيدة زينب مشاكل كتيرة بعد بعثة الرسول بسبب رفض زوجها الدخول فى الاسلام

Unknown said...

الاتنين الفائزين في مسابقة المشاهدين في المنازل الدرويش وادهم: هل تتركون ثأركم من خزاعة؟

TAFATEFO said...

بس أبي العاص زوج السيدة زينب رضي الله عنها لم بكذب الرسول (ص) أبداً ولم يسع لقتله .. بل كان يصدق دعوته ولكنه لم يدخل الإسلام منذ البداية خوفاً من أن يقال أنه دخل الإسلام إرضاء لزوجته .. وقد قال لها -رضي الله عنها- مرة "" والله ما أبوك عندي بمتهم، وليس أحب إليّ من أن أسلك معك يا حبيبة في شعب واحد، ولكني أكره لك أن يقال: إن زوجك خذل قومه وكفر بآبائه إرضاء لامرأته".

مواطن مصري said...

خسئتم تبا لكم سوف اركب الناقة و اشرخ الي خزاعة بلوج
:)))



داخل سلم على طفاطيفو

Anonymous said...

مين اللي شرب اللبن..؟
خزااااعة
مين اللي جري بالمعزة..؟
خزاااعة
إذن فهي الحرب يا شلّة

Anonymous said...

والله يابنتى احنا بلد المواسم يهل الموسم ويقوموا خابطينا الكام فيلم اللى حليتهم افلام اكتوبر
والناصر صلاح الدين القليوبى فى مولد الريس وكل المماليك وافلام الاقطاع فى ذكرى ثورة المماليك العسكرية اللى ادت لدولة المماليك الجوية اللى احنا فيها
ولما يهل الموسم الدينى يطلعوا دينا بفيلم طلوع الدين(ظهور الاسلام)
والست ماجده وايهاب نافع لما كانوا صحابه والفيلم بتاع خزاعه ده والفيلم بتاع انها سليمة
بس للحق وااله حاجه لطيفه وبقت عشرة والواحد بقه بيعرف احنا امتى من الجو اللى فى التليفزيون وكل عام وانتم بخير وبعوده

رحلتنا في الحياة said...

انا بطلت اسم افلام من زماااااااااااان وخصوصا المصرية التحفة دى
حتى المسلسلات التاريخية كلها خزعبلات وملهاش صلة بالتاريخ

Unknown said...

يا أختى بكل ثقة أحب أقولك إن الأفلام العربية لا يؤخذ منها لا تاريخ ولا علم ولا ثقافة ولا أى شئ

يكفى ما تقدمه لنا من سوء أدب وإضمحلال فى اللغة والثقافة فى غال الوقت

وللإشارة فقط

عيسى العوام الذى صاحب صلاح الدين الأيوبى كان بطلا مسلما من قادة جيش صلاح الدين

ما الذى جعله نصرانى ...؟

والسلام عليكم

Anonymous said...

احسن فيلم الرسالة للعقاد بس مش عارف ليش المصرين مابيعجبشهم

Anonymous said...

خزاعة

طائرٌ حر said...

خزاااااااااااااااااااااعة