Wednesday 4 March 2009

هو انا عملت ايه على دييجو ده؟

عمرو غربية قال خشوا على دييجو ده
قمت انا دخلت اسجل، عشان استسهل سجلت بالميل الياهو بتاعي قام جاب لي العلاوين كلها اللي عندي على الميل
قوم بغبائي عملت اوكيه وانا مش فاهمة انا باعمل ايه
اتاريني بعت دعوات لكل اللي موجودين عندي على الميل بما فيهم السفارات والناس اللي شاتماهم والست الاسرائيلية اللي ناكشة شعرها
طبعا انا ما كنتش عارفة الحكاية ايه
لحد ما لقيت الست الاسرائيلية اللي ناكشة شعرها باعتة لي ميل تقول لي: متشكرة قوي على الدعوة اللي بعتيها لي
وانا اصلا كنت باعتة لها شاتماها
اه ليه شتمتها؟ اصلها المجنونة بنت المخاليل بعد ما عملت الفيديو بتاع اسرائيل مشروع نازي راحت عاملة فيديو تاني تقول ان اليهود متفوقين على كل الناس فبعت لها قلت لها انت ولية مهبوشة على فكرة، طبعا ح تقول عليا انا اللي مهبوشة
منين شاتماها ومنين باعتة لها دعوة فريندشيب على الدييجو
 طب ده انا عندي الميل بتاع سفارة فنزويلا
راح لهم ده؟

9 comments:

mido said...

و دى حاجة كويسة من ناحية تانية لأن الدعوة وصلتنى

و الموقع ده شكله تمام

:)

mido said...

و بالمرة ضيفينى فى الفريندز

:))

Unknown said...

ضفتك

مهندس مصري بيحب مصر said...

دا الواد بتاع الحرب العالمية التالتة ده نفيخ بشكل رهيب
و أنا معنديش أعصاب للشلل ده
ثم مش فايق للكتابة بالإنجليزي
دا أنا بأكتب بالعربي بالعافية

اما بالنسبة لدييجو
فأنا ما وصلنيش حاجة
و ده معناه اني مش عندك على الإيميل ده

أكون أو لا أكون said...

هههههههههااااااااااااي
يعني الست العبيطه وصلها دعوه وأنا لأ... ههه
بس هي كام ايميل بيوصلها كل يوم... معقوله بتقعد بترد عليهم كلهم ههههه... شوفي كام أيميل بيوصلها من أنحاء العالم... غريـــــــبه...!

وبعدين إنتي ماتابعتيش معانا التطورات اللي حصلت معاكي من ناحيتها...
أنا كل اللي فاكراه إن صوتها بيرن في الهيدفون كل ما آجي المدونه بتاعتك... فصرت آخذ الخذر قبل ماأجي.

بس بجد مقلب تحفه اللي حصل معاكي... هههه
: ))))))))

mido said...

طيب حط صورة لنفسك فى البروفايل على ديجو

simply me said...

هو انتى منهم بقى
انا كل مادخل الميل بتاعى الاقى العيال اصحابى بعتنلى دعوات من كل مواقع العالم

وانا عارفه بقى ان الموقع بيبعت لاى حد فى الميل

ولا يهمك حصل خير
كويس ان الست قالتتلك شكرا مش حاجه تانيه
بس ست فاضيه اوى
انها ترد على كل ايميلاتها

soreal said...

and i was wondering about that invetation i got from you...

i thought so too. lots of sites does the same trick to bring ppl on board


i only subscribed to that jewish lady on youtube because of you

she is very arrogant...last week, i just couldnt stand it any more and unsubscribed

her last vid, the one that made me unsubscribe is called jesus=juses, jews are jesus.. or was it jesus is the jews... i dont remember, and i dont care

we have the idea that zionist are those who kill us, this lady is a hard core zionist..

Anonymous said...

أرجو قراءة هذا الخبر مع التركيز على الفقرة التي تبدأ بجملة إضافةإلى نشاطات....


المغرب يقطع علاقاته الدبلوماسية مع إيران

الجزيرة-نت
أعلنت وزارة الخارجية المغربية أن المغرب قطع علاقاته الدبلوماسية مع إيران، وذلك عقب احتجاج من المغرب على تصريحات لمسؤول إيراني تشكك في سيادة البحرين.

وذكرت الوزارة أن "المغرب استدعى يوم 25 فبراير/شباط الماضي القائم بالأعمال المغربي بالنيابة بسفارتها في طهران للتشاور لمدة أسبوع"، وأنها طلبت توضيحات من السلطات الإيرانية التي "سمحت لنفسها بالتعامل بطريقة متفردة وغير ودية ونشر بيان تضمن تعبيرات غير مقبولة في حق المغرب إثر تضامنه مع مملكة البحرين، على غرار العديد من الدول، بشأن رفض المساس بسيادة هذا البلد ووحدته الترابية".

وأضاف البيان أنه بعد انقضاء أسبوع لم يستلم المغرب أي تفسير عن هذه التصرفات.

وأكد أن "هذا الموقف المرفوض والموجه حصرا ضد المغرب


إضافة إلى نشاطات ثابتة للسلطات الإيرانية، وبخاصة من طرف البعثة الدبلوماسية بالرباط، تستهدف الإساءة للمقومات الدينية الجوهرية للمملكة والمس بالهوية الراسخة للشعب المغربي ووحدة عقيدته ومذهبه السني المالكي".


واستهجنت عدة دول عربية التصريحات الإيرانية، في حين وصفها مصدر سعودي مسؤول بأنها عدائية.

لكن إيران قالت إن التصريحات أسيء فهمها وتفسيرها، وقال المتحدث باسم الخارجية الإيرانية حسن قشقاوي "كان هناك تصريح سبب سوء فهم، كما كان هناك بعض من سوء التفسير".

وكانت كل من البحرين وإيران قد أعلنتا الجمعة الماضية أنهما ستستمران في الحفاظ على علاقات جوار طيبة، معتبرتين أن الخلاف الدبلوماسي الذي نشب بينهما بسبب تصريحات إيرانية قد انتهى.