Saturday 28 March 2009

جميييييييييييييييييييييييييييلة

الواد جو ده على فكرة خسارة في جتتنا، ده لو كان يهودي كانوا عملوا له تمثال وداروا بيه في كل حتة عشان يثبتوا ان الجنس اليهودي متفوق على كل اجناس العالم، بيهللوا لنفسهم بطريقة عجيبة، ووالله ما عندهم نص اللي عندنا، احنا بس عندنا عته جمعي
كاتب مقال رااااااااااائع عن كامب ديفيد، وشايل التعليقات :) مش عايز يسمع غباوات الظاهر، فانا سايبة لكوا التعليقات هنا :) بس ما حدش يتغابى بقى عشان الفسفور في مخه ح ينور ولو اتعصب ممكن يحرق واحد هنا وانا مش مسئولة عن الخسائر في الارواح
الا برضه في ظرف يومين اتناقشت مع واحدة ساداتية لايف، وواحدة صهيونية على ماي سبيس وسبحان الله فولة واتقسمت نصين
الساداتية: الجمسي كداب...الشاذلي كداب.... عصمت سيف الدولة ناصري كداب... ابراهيم كامل كداب... كارتر ده كبر وخرف... لا اللي حاصل دلوقت مالوش علاقة بكامب ديفيد... السادات مضى على تصدير البترول بس ما كانش ناوي يصدره :) الاخيرة دي كانت جامدة موت، كل دول ناصريين ولاد...
طيب مين اللي صادق؟ اذا كل الناس بما فيهم الطقم الجديد اللي جه بعد ما الطقم القديم استقال ورضي يبقى رقاصة وفتاحة للزباين ما شاء الله ما شاء الله حتى الطقم ده قال:  كان اسود يوم في حياتي (راجع بطرس غالي) لو كل دول كدابين، ثم الواقع اللي احنا فيه دلوقت، الواقع الاقتصادي والسياسي وكل ما نتكلم يقولوا ما نقدرش عشان خاطر كامب ديفيد كل ده كدب مين اللي صادق؟
تبتدي تشتم بقى وتخرف في الكلام
في نفس ذات اليوم واحد صهيونية على ماي سبيس: الفيديوهات دي متفبركة...الفلسطينيين كدابين....الامم المتحدة تقاريرها مش دقيقة.... الجزيرة كدابة.... ايه يعني كام عيل في الجيش الاسرائيلي قالوا مجرد كلام مالوش ادلة، انا بطبعي شكاكة ومش باصدق اي حاجة تتقال
هايل...انا اتفق معاكي تماما، انا كمان مش باصدق اي حاجة، على كده انت مش مصدقة بقى الهولوكوست اليهودي-
لا..الهولوكوست اليهودي عليه ادلة-
ايوة يعني ايه الادلة اللي على الهولوكوست اليهودي اقوى من فيديوهات مصورة ونقل اخباري لايف وشهادات ضحايا وفوق ده كله شهادات جناة بيعترفوا انهم قتلوا اطفال عشان يخدموا ربنا، لما انت شكاكة قوي لدرجة انك ما تصدقيش ده كله، مصدقة حاجة حصلت قبل ما تتولدي ما عليهاش ولا دليل من الادلة المذكورة دي؟
تبتدي تشتم بقى وتخرف زي الساداتيين بالظبط
ربنا يوفقهم مع بعض ويفرحنا بيهم ويشيلوا عيالهم وعيال عيالهم

51 comments:

mido said...

أنا مختلف معاك بس يا نوارة فى جزئية ان مبارك جه لقى نفسه متكتف باتفاقية بنودها كذا ..

و انه مش عايز يقلنا على اللى فيها و بيتكلم على السيادة و هو عارف البير و غطاه

كل ده تبرير لمبارك و النظام و تخفيف المسئولية عنهم

مهندس مصري بيحب مصر said...

البوست بتاع جو يعتبر تلخيص حلو قوي للفيلم التسجيلي اللي عرضته الجزيرة إمبارح و أنا كنت مذهول قدامه

كل لقاء للسادات و بيجن بيتعمل فيه كل حاجة علشان خاطر كارتر بينما إسرائيل تدك لبنان و الضفة و القطاع و العراق في نفس الوقت بشكل متزامن

السادات تشوفيه في التسجيلات التلفزيونية كان فرحان و منشكح بكلمة كارتر لما كان بيقول له صديقي العظيم
و عمال يوافق على مصايب علشان خاطر كارتر
دا الـ 3 وزراء خارجية اللي إستقالوا ما إستقالوش من شوية
دول شافوا كتييييير

Unknown said...

لا خالص انا مش بابرر لمبارك

لان مبارك ده ولا حاجة

انت عمال تتكلم كأن مبارك ده عنده عقل يفكر بيه وللا وطني وللا كان فيه عشم وخانه

الكلام ده يمشي على عبد الناصر والسادات لانهم اعضاء مجلس قيادة الثورة والواحد كان عشمان فيهم احسن من كده

ما يمشيش على مبارك
مبارك ده العوبة
ماحدش يتعشم فيه وهو تم اختياره بالذات عشان هو ولا حاجة

فاهمني اقصد ايه؟

مهندس

انا شفت التسجيلي
بس جو مش ملخص وبس

جو عامل تحليل رائع

Unknown said...

اه يصحيح يا مهندس

هو ماله كان بيضحك قوي كده؟

فرحان انه قاعد مع خواجات وبيكلموه انجليزي؟

مواطن مصري said...

نوارة نفسي بجد تطلعي السادات من ماغك حبة الراجل ماتو ب النسبو للناس الي بتدعي علية هما نسيو نفسهم و هيشتغلو مكان ربنا و يقولو دة في النار و دة في الجنة


السادات رحمة الله في مميزات و فية انجازات و الجزيرة دائما بتاخد اتجاة ضد مصر

طيب لية مجبتش تقارير لما الامير القطري قابل ليفني او قابل شيمون بيريز

في قطر لية ها لية

مواطن مصري said...

و بعدين يا نوارة عاوزاة يقابل الامريكان بوش مكشر و زهفان و قرفان
:)))

مواطن مصري said...

تصحيح انجازات و عيوب

منظور شامل للحياة السعيده said...

عـلـشـان خـاطـر كـارتــر


رائع

مهندس مصري بيحب مصر said...

شوفوا تصنيف الجامعات العالمي ده
http://www.webometrics.info/about_rank.html
إحنا في القاع
مصر تصنيفها رقم 101 على العالم من ناحية التعليم الجامعي
و هي الرابعة عربياً بعد الإمارات و السعودية و المغرب
و جامعاتنا تصنيفها مخزي

حفيدة عرابى said...

انا لسه ما قريتش حاجة وماشفتش من البوست غير كلمتين جو وخسارة فى جتتنا فحبيت اقول مبدئيا انه شخصية محترمة جدا بتدينى امل فى الدنيا وفى العرب لما يكون عندهم ناس دماغها واعية جدا بس مشكلتى معاه اولا انه قافل التعليقات ثانيا هقوله ايه كل مرة كل مرو هقوله دمت لنا عاقلا وطنيا واعيا ----اخاف يتحسد --كفاية انه من بلد الغالى ----اما البوست بتاعه فانا هقراه ان شاء الله وادينى علقت مقدما ---كامب ديفيد وحشة --كامب ديفيد وحشة

Anonymous said...

نواره من فضلك اكيد انتى او اى حد من زوار مدوناتك متابع اخبار احمد ماهر و6 ابريل فياريت تكسبى فيا ثواب وتدلينى هو فيه اعتصام او وقفه قدام سفارتنا فدبى وله لاء لاننا فالامارات للاسف مفيش اى تجمعات او نوادى بنتلم فيها احنا المصرييين واحنا كمغتربين عاوزين نشارك وطبعا الله يقوى الجروب فمصر مش ملاحق يرد على اميلاتنا فاعملى انتى فينا الثواب ده ودلينا علشان نشارك ومنبقاش مهمشين عن بلدنا اقل شىء نتضامن مع الحركه وفالاخر مرسى كتير ليكى نواره

Anonymous said...

انا بدي اعرف حاجة اصابع الامريكان دي كلمة جو ولا نقلا عن الصحيفة الفرنسية؟
غير كده مية فل واربعتاشر,,

وصدق اللي قال العلم نور والجهل انور

Unknown said...

أنا عنيا دمعت حزنا على حالنا وأنا باقرا البوست بتاع جو

عشان خاطر كارتر؟

ياخى ملعون أبو كارتر على خاطر كارتر

................

ممكن يانوارة لنك الفيلم التسجيلى بتاع الجزيرة؟

ابو العربى said...

رائع جو اشكوري جو بجد اكثر من رائع الف تحيه وسلام ليك يا جو
واللعنه على الى عين حرس ع البتاع وبردو مات مقتول
شكراا يا نواره على مقالك الى ورانى كلام جو الاكثر بجد من رائع انا عايز اسقف بس مش عارف

سلام

ابوالعربى

TAFATEFO said...

استغربت جداً ان الخبر اللذيذ ده عدى على حضرتك بلا تعليق

Enjoy Reading !!!

حـنــّا السكران said...

شكرا يا نوارة

بعض ما عندكم
شكراً للجميع

بخصوص سؤال الأخ أو الأخت :

الحديث عن بصمات الأمريكان على الاغتيال , تحدّثت عنه صحيفة فرنسية في الثمانينات .. و الامريكان كانوا مسؤولين عن حمايته بطلب شخصي منه . هو طلب منهم توفير الحماية له في مصر ( مع انه كان يقول ان الجيش أولاده ..و الشعب كله اولاده و هو كبير العائلة ) , كان واضحاً أنّ الرجل لم يكن يطيق كل ما هو مصري أو عربي و لا يثق بأي عقل مصري او عربي ,لكنه كان يخفي ذلك , أنا دققت في هذا الأمر و أنا أتابعه في مرات عديدة في الفترة الاخيرة ..لاحظوا قسمات وجه الرجل حين يقابل أجنبيا و لاحظوا قسماته حين يقابل مصريا او عربيا .. كان وجهه يتهلّل كطفل صغير حين يقابل الامريكيين و الاسرائيليين كان يضحك بفرح حقيقي و هو يحتضنهم و يقبّلهم ( لم يسبقه أحد في البوس سوى ياسر عرفات ),و كان حين يتحدث عنهم او يذكر أسمائهم يتحدث بلغة حميمية غريبة و مستغربة ..و يستخدم مصطلحات حميمة دائمة ( صديقي فلان ) و من خلال متابعتي لبعض كتاباته و الكثير من التسجيلات و المقتطفات المنقولة عنه لم أجده استخدم وصف صديقي و لا مرة واحدة على شخص مصري أو عربي , لم ينعم بها اللقب على مصري او عربي .. لكن كان مثلا يقول ( ولادي , كبير العائلة ) هذه هي الالفاظ العاطفية و الحميمية التي أنعم بها على المصريين , هو يرى أنه كبير العائلة ( اللي بيفهم , يعني متل الشخص الوحيد المتعلم في عائلة ريفية بسيطة قديما و قاعد يشوف حاله عليهم , يعني هو بينسب نفسه للعائلة منشان همّ يفخروا فيه لا العكس )
أرى أن دراسة نفسية حقيقية لشخصية السادات , أمر مهم جدا ..الرجل شخصية فريدة من نوعها .. يمكن أن يُعمل عنها أفلام رائغة ( لكن ليس على غرار فيلم أيام السادات . الذي أبدع فيه الراحل أحمد ذكي بالمناسبة )

تحياتي

Unknown said...

احمد زكي الله يرحمه لا ابدع في السادات ولا نيلة
الواحد يبقى ممثل مش مونولوجيست

Unknown said...

شفتوا يا شباب مشروع تعريف العرب بالمحرقة: للتعاطف مع اليهود واسرائيل؟

الناس دي مخلولة؟
يعني احنا ح نسيب عيالنا اللي بيموتوا دلوقت عشان نعيط على ناس ماتوا من ستين سنة؟

مواطن مصري said...

علاء الدين نتيجة الحشيش الافغاني


اة للعلم كان فية محرقة لليهود ايام هتلر و دي حقيقة زي ما فية نيو هولكوست لفلسطين

Ahmad said...

علي ذكر الاصابع الخفية في عملية الاغتيال.. ايه علاقة ده بدهولة عوكل زي المرة المتجوزة الي عشيقها ماسك عليها صور و افلام فيديو.. و سجن طلعت السادات.
انا بقول و بعض الظن اثم لكن مش كله لن الامريكان حسو ان السادات عمل الي عليه و زيادة و ابتدا يحس انه عظيم جدا و , قالو نخلص منه و نحط بداله الست الي مصورينلها افلام في اوضاع مخلة
و اهو من دقنه و افتله.
اصل والله مفيش حد بارد كدة في الدنيا
والله مفيش

احمد سعيد said...

صدقتى والله يانوارة

دا مش ابداع

دا شغل منولوجيست

وعلشان محدش يقولى دة علشان بتكرة السادات


فيلم عبناصر برضه شغل منولوجيست

مجرد تقليد شكل وحركات وكلام

نظام عزب شو كدة

دا طبعا لو صرفنا نظر عن كل الاخطاء التاريخيه الفظيعه

زى متعودنا

كلهم كويسين

كلهم محترمين

وسلبياتهم عبارة عن وجهات نظر

سابقه عصرها

بس المتخلفين اللى زيى

مش بيقدرو يستوعبوها


سمعت انه كان ناوى يعمل فيلم عن عوكل زى فيلم ناصر وايام السادات

الحمد لله

ربنا ستر


الله يرحمه احمد زكى

حفيدة عرابى said...

بصراحة انا شايفة ان فيلم احمد زكى عن السادات كان اكتر من رائع بصرف النظر عن رأينا فى السادات بس احمد زكى ابدع فيه جدا وخلص على نفسه فى الفيلم ده صحيح زى ما قال احمد سعيد الحمد لله انه معملش فيلم عن عوكل بس فى لحظات فى فيلم السادات انا حسيت ان مفيش فرق وانى مش بتفرج على فيلم--- واحمد ما قلدش السادات شكل وطريقة كلام بس ده تقمصه حط فيه البقية الباقية من خلاصة ابداعه انا يمكن ماعجنيش فيلم ناصر زيه حرام بجد مجهوده يضيع

حـنــّا السكران said...

الأفلام من هذا النوع ( ناصر 56 و أيام السادات ) ليس فيها إبداع فني ..تماماً كمسلسل أم كلثوم , يقول الناس أن صابرين عملت دور حياتها في أم كلثوم , و أنا أرى أنها فقط لبست بشكل معين و عملت مكياج .لا أكثر .

ما أقصده عن إبداع أحمد زكي ..يندرج تحت إطار إجادة التقليد و التقمّص للشخصية .بل إن أحمد زكي يُضحكني في فيلم السادات كثيراً .

لا أتكلم عن أي إبداع فني في الفيلم كله . فهو أقرب لأن يكون فيلم وثائقي .يعرض وجهة نظر السيدة جيهان تقريبا .

مواطن مصري said...

طب التمثيل اية غير التقليد ما التقليد دة جزء من التمثيل

حفيدة عرابى said...

انا قريت بوست جو ---ايه الجمال ده ليك حق يانوارة ومش قادرة ارتب انطباعاتى --اولا اسلوب رائع فى الكتابةبيخلينى دايما احب اقتبس كلماته انا حاسة انى كرهت نفسى جدا مش كرهت السادات انا كلمت الطلبة بتوعى كتير عن سوريا اللى كان نفسها قصير ومكلمتش الحرب ومفروض على احفظهم مزايا السلام للعرب ولمصر ومطلوب منى اقولهم ان كامب ديفيد وضعت اطار للسلام فى الشرق الاوسط ولازم يعرفوا ان السادات هو قائل العبارة العظيمة دى ومش لازم يعرفوا ان مفيش حاجة اتنفدت منها (اننى لم اجى اليكم لكى اعقد اتفاقا منفردا بين مصر واسرائيل )طيب جيت ليه علشان مجدك الشخصى ولاعلشان كارتر الله يخرب كارتر هو واللى شبهه واللى يمشى وراه --جو مستغرب ان السادات مااخدش رأينا هو احنا مين احنا شوية عيال وهو الكبير ماهى مشكلتنا طول تاريخنا بنسمع كلام كبار ودونا فى داهية من اول فرعون ابن الاله للخليفة نائب الرسول عليه الصلاة والسلام لكبير العيلة لعوكل--بس بقى علشان انا اتضايقت كان نفسى اقولك قللى شويه من هجومك على السادات علشان محدش يتلكك ويقول دى امور شخصية بس عيشى حياتك براحتك ميهمكيش من حد وكنت عايزة اقولك انى بحب قصيدة خالد جدا وحاسة اد ايه الولد ده كان برى لكن الاغتيالات غير مبررة --لكن يبقى ايه طيب اللى مبرر -الهوان اللى احنا فيه ----ربنا يتولانا علشان محدش يفهمنى غلط انا اغلب المعلومات دى مش جديدة على او على الاقل الاطار العام بتاعها وبفهم الطلبة اللى جالهم استبحس بس بعد مااقول اللى فى الكتاب علشان كده انا اخر واحدة بتخلص المنهج --الله يحرب المنهج على بيت كارتر مرة تانية

احمد سعيد said...

فيلم وثائقى يعرض وجهه نظر السيدة جيهان تقريبا
..................

ههههههههههههههههههههههههههههه

الله يحظك ياجو


تعريفاتك ممتااااااازة


الله ينور عليك

.....................

لقد خلقنا الله احرارا

فينك من زمان

عاش من شافك

قلت اعتزلتى التدوين ولا حاجه ..

حمدالله عالسلامه

ahmed samir said...

بالنسبة لكلام جو عن دور الامريكان فى الاغتيال
أحب ألفت نظركم لجملة غريبة
قالها أحمد منصور فى حواره الأخير مع بطرس غالى
بمناسبة 30 سنة سلام يا سلام
أحمد منصور اتكلم عن وثيقة مفرج عنها
بتقول ان السادات كان بيفكر انه يلغى اتفاقية كامب ديفيد بعد انسحاب الاسرائيلين فى 82
لكنه اتقتل فى 81

ياريت لو حد يعرف معلومات عن الوثيقة دى يقولنا..
بالرغم من انى مش مصدق الكلام ده اساساً
_______________________
@ مواطن مصرى

الهولوكوست حصل فعلاً زى ما انت بتقول
و لكن
هتلر موت حوالى مليون يهودى او اقل شوية
اليهود بيقولوا انه قتل 6 مليون
و عندى مقاله بتتكلم على كمية من مذكرات
الناجين من الهولوكوست و طلعت كلها مذكرات مزيفة
هدفها الشهرة و الدعاية و الابتزاز

mido said...

فاروق حسني امام مؤتمر ذكري المحرقة: يجب ان نتعلم من المآسي التي عاشها اليهود وغيرهم

مواطن مصري said...

ابو حميد قتل مليون قتل 100 الف جريمة و هولكوست انما الشماتة انا برفضها ان ناس تحب هتلر عشان قتل في اليهود


انا ارفض هذا المبدأ

ahmed samir said...

@ مواطن مصرى

ايوة بس اليهود بيبالغوا
و بيبتزوا اوروبا و العالم
و بيستخدموا المحرقة عشان يفضلوا
محتلين فلسطين على انها الجائزة التى اعطاهم اياها الرب بعد التعذيب
انت مش متخيل كمية الفلوس و العطف و الدعم السياسى اللى بتيحبة اسرائيل بسبب الهولوكست اللى نص حواديتها محصلتش

على فكرة هتلر موت من الروس او السوفيت ساعاتها اكتر مما موت من اليهود و مع ذلك الروس معملوش الهوليلة دى بتاعه اليهود

Anonymous said...

قال: كان اسود يوم في حياتي (راجع بطرس غالي)

هذه الكلمة انتقائية من قبلك واذا اردت ان تراجعي بطرس غالي فهذا هو لقائه مع احمد منصور منذ ايام قليلة
http://www.youtube.com/watch?v=BL6pi_EskiA
ومازلت انت كعهدك دائما لا تتحري الدقة في سرد معلوماتك

الكنيست يناقش معاهدة "كامب ديفيد" غدًا وسط تلميحات إسرائيلية إلى مصر بتهريب شحنة الأسلحة المزعومة من السودان said...

الكنيست يناقش معاهدة "كامب ديفيد" غدًا وسط تلميحات إسرائيلية إلى مصر بتهريب شحنة الأسلحة المزعومة من السودان

حـنــّا السكران said...

بس أكتر شي عجبني

( الواد جو )

هههه

Unknown said...

Ya reet law feeh 7ad 3andoh link le mozakerat "MOHAMMED KAMEL IBRAHEEM" yedeeholna, 3awzeen neshoof howa kateb eh??!!

عبده البرماوي said...

مبدئياً، أنا مش منكر المحرقة، أنا بس مش واثق فى حجمها وعندى تحفظات على ارقام الضحايا وكتير منالقصص المختلقة حولها، وكمان مش شايف أى علاقة لإسرائيل بالمحرقة اللى عماله تلم من وراها فلوس دى وخلتها صناعه بتدر عليها دخل رهيب،
المسيرى وجارودى وغيرهم خدو نفس الموقف، ماشى المحرقة حصلت والنازية كانت مشروع دموى قام بجريمة التطهير العنصرى للغجر والعجائز والمعاقين واليهود، طبعا احنا ما بنسمعش غير عن المأساة الإنسانية لليهود، لكن برضو بنقول إن البشر فى كل مكان مكرمين، ومايجوزش قتلهم بغير حق، ديننا وحضارتنا بيقولونا كده

نرجع بقى لمرجوعنا، منصب فاروق حسنى ما ينفعش يجى على حساب مصالحنا، وماينفعش يجى بالترويج لمسألة المحرقة، فى الوقت اللى إسرائيل ارتكبت فيه واحده من الفظائع التى لا يمكن السكوت عنها
كلمة مبارك أشارت لمما لمحاولة خلق توازن بين الترويج لادانة المحرقة بعد ستين سنه من وقوعها بين المحرقة الاسرائيلية اللى جرت فى غزه من أيام

والخبر قال النص ده
وأشار المتحدثون إلى أهمية عدم تجاهل المآسى التى تعيشها الشعوب فى كافة أرجاء المعمورة خاصة فى أسيا وأفريقيا ومنطقة الشرق الأوسط.

طيب ممكن بقى السيد فاروق حسنى يرعى مؤتمر عن كشف مأساة الشعب الفلسطينى وما حدث له خلال العدوان الأخير على غزه خصوصا وإن الموضوع فيه فوسفور أبيض وتعمد قتل أطفال المدارس، وهدم مرافق الخدمات ودور العبادة واستهداف الكثافات السكانية بالقصف الجوى العنيف، وهى أمور توقع اسرائيل فى موقع المتهم بالتطهير العرقى وتجعل قادتها مجرمى حرب

ممكن فاروق يقول ده

تعالو ندعوه أن يكون مؤتمر لكشف الفظائع التى ارتكبتها اسرائيل بحق شعب غزه تحت رعاية سيادته بصفته مرشحا لرئاسة اليونسكو

تعالوا نراهن انه يقدر يعملها
بادرى بالدعوة يا نواره
حد عارف يمكن يحصل

Anonymous said...

مصطفي اذ اردت ان تراجع ايضا فلتراجع مذكرات المشير الجمسي , وهو ينفي ما قاله الفريق سعد الدين الشاذلي بوجود خطة وهمية للجانب السوري
- كما يشرح اسباب تطوير الهجوم من عدمه , واسباب الوقفة التعبوية المحددة سلفا في خطة الحرب والتي صدق عليها كلا منه والمشير احمد اسماعيل والفريق الشاذلي
- ورجاء اخير من لا يفقه شيئا في العسكرية عليه الا لا يتحدث فيها

Unknown said...

يا عم انت

هو انت لما تدخل مرتين بانونيمس مش ح اعرفك؟

انت فاكر يعني فيه حد جاهل ومتعالم ودمه تقيل بيدخل لي غيرك؟

والفيديو اللي انت سايبه ده تبرمه وتحطه في اوسع حتة عندك

عشان لازم الاول تقرا مذكرات بطرس غالي

ثم ان طبيعي بطرس غالي لازم يدافع عن المعاهدة ماهو رقاصة وفتاحة للزباين ده معروف

بس حتى الرقاصة ده قال اسود يوم في حياتي

وامشي من هنا ح نرش مية

Anonymous said...

علي فكرة شكلك تقصدي حد تاني ...... لاننا باختصار لست هذا الرجل - انا مجرد عابر سبيل كنت معدي من هنا وواضح انكم اكرمتوني اخر كرم

وعموما انا اسمي خالد
givara2005@yahoo.com
وعندي عادة سيئة ان دايما بعلق من خلال انونيمومس بس شكلها جت علي دماغي
انا حبيت اوضحلك النقطة دي عشان تعرفي ان النمرة غلط

Anonymous said...

علي فكرة انت عملتي فيا معروف , لاني طول عمري مش ميال قوي للسياسة وطول عمري بحب اتنين جيفارا ومحمد عبد الوهاب , بس بقالي كام يوم كنت بتابع مدونتك والتعليقات وبيني وبينك سخنت وحظي المهبب خلاني اقرا مذاكرت الجمسي قريب وحظي المنيل خلاني برضه اشوف حوار بطرس غالي , وكنت عايز اقولك بس ان الراجل ما غيرش كلامه , وما كونتش اعرف ان انونميس دي عيب لاني شفت عندك تعليقات كتير كده ....... بس هوا حظي المنيل برضه خلاكي تفتكرني حد تاني , وبصراحة انا كرهته زي ما انت بتكرهي لان السبب في اللي سمعته

اما المعروف اللي عملتيه فيا اني قررت انفض للسياسة والكلام في السياسة .... دا انا قلت بقين اتهزئت قصادهم بحوالي 100 ج اومال لو اتمسكت في كمين ها يحصلي ايه ؟

ياريت تعملي فيا معروف تاني وتمسحي التعليقين بتوعي لانهم بقوا ذكري منيلة بالنسبالي ....... وتوبة اعلق تاني والله يجازي اللي كان السبب
خالد

doudou said...

جو ده فلة عثل عثل عثل
و مادام قال الشاذلي يبقى بيتكلم صح
يعني أنا مش مجنونة بقى
يا نوارة ده بيقول كل اللي في دماغي
فيه ناس كده
الحمد لله

احمد سعيد said...

ياعم الانونيموس

نصيحه لوجه الله

ماتسمعش من اى حد مسك منصب كبير واترقى بعد حرب اكتوبر

ولا جمسى ولا حوسنى ولا بلا ازرق

الجمسى دة اساسا فيه ناس كتير ماتت فى الحرب بسبب غباء اهله

انا شايف ان مذكرات الفريق الشاذلى هى الاصح

والاكثر مصداقيه


تطوير الهجوم كان غباء بكل المقاييس


كلمه غباء دى كلمه محترمه

مش عايز اقول خيانه
لان دى المسمى الاصح

معناها ايه انك تعدل الخطه بشكل يضمن تدمير قواتك بشكل اكيد

لدرجه ان قائد جيش يطب ساكت من القرف

ورئيس اركانك يقلب عليك

مع ان الخطه الاصليه كانت نجحت نجاح فاق التصورات


وبعدين ياباشا كلمه وقفه تعبويه دى
كلمه ملهاش معنى

دى اسطنبه بتنحط كدة
فى اخر اى خطه
علشان تفتح الباب لاى تعديل فى المستقبل

زى ما بنقول فى اخر المكاتبات الحكوميه
مع جزيل الشكر
او برجاء اتخاذ اللازم والافادة

كانى بقولك لما تعمل اللى قولتلك عليه استنى مكانك وكلمنى علشان اقولك تعمل ايه تانى ...

زى كلمه الاخلال بالضبط والربط ومقتضيات النظام العسكرى

اللى بتتزين فى اول كل محاكمه عسكريه


وزى كلمه تهديد الامن العام اللى بتزين قائمه اتهامات نيابه امل الدوله

فخمتوا ؟؟؟

doudou said...

هو هذا ال
Anonymous
خبير في ايه الطرشي ولا خبير روحاني حضرتك عارف كل الأموات قالوا ايه و عملوا ايه و بغض النظر عن كل اللي مكتوب و لا ايه و بعدين هو السادات ده من بقية أهلك و لا انت تقرب لبيجين
أصلك بتتكلم و كأنك تملك الحقيقة المطلقة
يعني خبير عسكري سعادتك و بتفهم
وبعدين أيها المواطن المصري احنا هنا مش في عزاء و بنذكر محاسن موتانا احنا بنتكلم عن اتفاقية تسببت في الخراب و ضياع الكرامة و سحق الإنسان المصري
بنتكلم و بمنتهى الأنانية عما سببته الإتفاقية وبنودها من خراب الزراعة دمار التعليم

Anonymous said...

مع اني كنت ناوي ما اعلقش تاني واعتزلت السياسة نهائيا , يا ابو حميد بس اصلا اللي استفزني اني اعلق من الاول كلام جو في مقاله اننا ضحكنا علي سوريا وان الخطة اللي ادينهالهوم خطة وهمية
واللي بيكلم دا يا سيدي له عم مازالت لحد دلوقتي رصاصة مستقرة في كتفه من الحرب بقالها 36 سنة , وبصراحة عز عليا انه يتقال ان الجيش بتاعنا والقادة بتعونا خانو سوريا
واذا كنت شايف ان الراجل اللي في كتفه الرصاصة دي خاين
في الحالة دي ممكن اقولك كل شئ جايز

Unknown said...

anybody have the diary of MOHAMMED IBRAHEEM KAMEL, we need to read what he says. pls ya Nawara

احمد سعيد said...

لا ياسيدى الفاضل

صبرك عليا

انا ماخونتش الجيش المصرى

انا بااتهم السادات

باعتبارة هو اللى اعطى الاوامر

وبشرك معاة بعض

واخدلى بالك

بعض وليس كل

بعض كبار قادة الجيش الجبناء والسلبيين

اللى نفذوا اوامر السادات بالحرف

رغم علمهم ان فيها دمار جنودهم

وكل دة بسبب الجبن والخوف على الكرسى

فهمت كلامى ؟؟؟


يبقى نتكلم على اللى ادى الاوامر
اللى هو السادات
واللى كان يملك يعارضه ولم يفعلها
واللى الفريق الشاذلى فضحهم على استحياء

ولو انى اعتقد ان فيه بلاوى اكتر من كدة والشاذلى استحى يكشفها

ولمح عنها بس

والحدق يفهم


ولم اتهم اغلب القادة الشرفاء واللى افتخر بيهم بلا شك

وكذلك الرتب الصغيرة من الظباط والصف والجنود

ربنا يكرمهم ويثيبهم


اظن كلامى كدة واضح ؟؟

احمد سعيد said...

يعنى الجيش مخانش

السادات ودلاديله هما اللى خانوا


ودة ميعيبش الجيش فى حاجه

حـنــّا السكران said...

الاخ الانونيموس اللي بيقول له عم مصاب بالحرب :

أرجو انك ترجع تقرأ المقال تاني ..

و تشوف انا قلت ايه عن عمك و رفاقه سواء جنود مصريين او سوريين ..و تشوف مين اللي كام عنده خطط و مخبيها و ما حدا داري فيها .

انت الظاهر قريت مقال تاني انا ما لي علاقة فيه ..

ثم انا نقلت كلام الفريق الشاذلي في هذه النقطة تحديدا .. .


خيانة إيه ..هو أنا تكلمت عن خيانة في الجيش ؟؟؟

حـنــّا السكران said...

لو كنت شفت تعليق أحمد سعيد الأخير .. كنت اكتفيت به ..لأنه هيدا الكلام المقصود .. و المنطقي كمان ..

حـنــّا السكران said...

كلمة خيانة يجب ألاّ تقترب و لو تلميحاً نحو الجندي المصري أو السوري في تلك الحرب .. لأنها خطيئة مش خطأ ..

الجنود على الجبهتين حاربوا كالمردة .. كقديسين .. و أنا عندي شهادات فردّية من ناس أعرفهم من الجبهتين .
ظابط سوري صديق لوالدي بترت يده و هو يقاتل بالسلاح الأبيض داخل تحصينات العدو في جبل الشيخ ..تلك المرتفعات التي عادت لمرات عديدة أثناء الحرب لقبضة السوريين ثم كان العدو يعود ليستولي عليها من جديد عندما تأتيه التعزيزات , و هكذا دواليك .

غير مسموح باستعمال كلمة خيانة تجاه الجندي هنا .. نحن نتكلم عن قيادة سياسية كانت في واد اّخر و كان لها خططها التي لم يكن يعلم بها حتى قادة عسكريين كبار .. ما بالك بجنود

TAFATEFO said...

Anonymous مش غلطان .. عنده حق طبعاً

وبعدين مش غالي اللي في مذكراته قال "زيارة الرئيس السادات إلى القدس، وهو الحدث الأهم في حياتي السياسية والدبلوماسية. اليوم سأخشع وأصلي من أجل السادات الذي اغتاله أحد المتعصبين، كما اغتيل جدي عام 1910، السادات مثل موسى، لم يشاهد الأرض الموعودة، لقد توفي قبل استرجاع سيناء، هذه الأرض المقدسة التي دفع مصريون كثيرون حياتهم ثمنا للدفاع عنها" والكلام ده عن يومياته بين 1997 - 2002؟؟

وبعدين أحمد سعيد ونوارة

بيعتبروا سعد الدين الشاذلي هو المصدر الوحيد وما عداه أفاقين .. ماشي .. طب ما الشاذلي نفسه هو اللي أعد الخطة اللي فيها تطوير الهجوم اللي اتسلمت للجانب السوري علشان يدخل الحرب .. وتطوير الهجوم اللي كان تصرف خاطئ كان بناء على ضغط من الجانب السوري اللي حضر من قيادة جيشه 2 للقاهرة واجتمعوا بالسادات وصمموا على قيام الجيش المصري بتطوير الهجوم لتخفيف الضغط عن الجبهة السورية

دلوقتي بقى السادات اللي خاين .. احم

عموماً .. الموضوع ده الكلام فيه لا يودي ولا يجيب .. ومفيش خلاف على إجحاف معاهدة كامب ديفيد (وإن كانت في عوامل كتير أدت لده) لكن تخوين السادات وكل الكلام اللي زي كده ملوش أي وجه من الصحة و مردود عليه لكن كل ده ملوش فايدة .. وكلام بيتعاد ويتزاد (اعذروني وآسف مقدماً) حسب المزاج

Anonymous said...

عموما يابو حميد وياخ حنا حصل خير , وتحية لكل بطل وشهيد ومصاب ضحي من اجل وطنه
بس انا خوفي جي يوم عليناانا وانتم ونحارب بالعرق والخوف والدم ويجي جيل بعدنا يحطنا في الميزان ويهيل التراب علينا