Sunday 29 March 2009

علاء الدين والهولوكوست السحري

يعني الحكاية دي فيها سبوبة كويسة؟ وللا بيعملوها محبة؟
امبارح طفاطيفو وميدو الظاهر ضايقتهم في حاجة فقرروا يحدفوني بخبرين في دماغي يمكن اموت ويرتاحوا مني، بس هااااااااا انا ذاااااااا
مستر اكس مالوش نهاية
الخبر الاول بيقول ان مؤسسة ذاكرة المحرقة (!) في فرنسا اطلقت مبادرة لمحاربة انكار المحرقة في العالم العربي وشارك فيها عدد كبير من العرب والمسلمين من ضمنهم الامير الحسن بن طلال (هههه وبعدين في العيلة دي بقى) واياد علاوي (ههههه وبعدين في الطقم ده بقى) والاكاديمي الجزائري محمد اركون والاديب التونسي العفيف الاخضر (عفيف؟ بذمتك مش مكسوف) والشيخة هيا من البحرين والرئيس السنغالي عبد الله واد ووزراء الشئون الدينية في كل من المغرب وقطر وتونس (يا حليييييلة) غير ميتين شخصية عربية واسلامية ما شاء الله ما شاء الله، رقاصة وفتاحة للزباين ما شاء الله ما شاء الله، والاستاذ لولو هو اللي بيدربهم
هوبا...واحد اتنين تلاتة اس..واحد اتنين تلاتة اس
الخبر التاني بيقول ان فاروق حسني حبيبنا اللي مسيطنا الونج ويذ الحكومة كلها اللي مسيطانا قال خطبة عصماء قدام المعتمر بتاع المحرقة وقال يجب اننا نتعلم من معاناة اليهود
(انا الحقيقة مش عارفة نتعلم من معاناتهم ونستعين بكتب خارجية ليه؟ ما ربنا كارمنا من وسع يعني)
واتكلم عن التقارب (يا جدع احنا مالنا يا جدع.... يا عم احنا مش بنتقارب احنا انت روح اتقارب لوحدك ح تجيب لنا تهمة؟) وعن اننا لازم نحب بعض موت موت موت
اما جاك شيراك فقال: والله فكرة كويسة يمكن تخلي العرب والمسلمين يتعاطفوا مع اليهود ومع اسرائيل! الراجل ده اهبل؟ اهبل مش كده؟ اه، هو طويل واهبل كده باين عليه
يعني فيه مهمة دلوقت عاجلة مطلوبة من العرب وعلى رأسهم الفلسطينيين، يلحقوا يدفنوا عيالهم بسرعة اللي لسة ميتين من شهرين عشان يلاقوا وقت يعيطوا فيه على ناس ماتوا من اكتر من ستين سنة، وطبعا احنا لما نعرف عن المحرقة وازاي انها كانت حاجة مؤثرة مؤثرة مؤثرة ح نتعاطف مع اسرائيل ونقول لهم: قطعني يا معلم، ونبتدي نتعامل معاهم على انهم ناس عندها اصطدان في النفسية على اساس العاطفة ومن ثم نسيبهم بقى يموتونا مرة من نفسهم
ثم ايه علاء الدين دي؟ مين صاحب الاسم البيت بيتك ده؟ ليه ما اسموش السندباد مثلا؟
يعني هي بقت المشكلة دلوقت في ان اليهود مش صعبانين علينا، يعني برضه طلعنا احنا الغلطانين،
طب خلاص، صعبانين صعبانين، احنا بقى ح نصعب على مين؟ احنا مش صعبانين على حد ابدا ليه كده؟
انا لا بانكر المحرقة، ولا تفرق معايا اذا كان اليهود اللي ماتوا فيها ستة مليون وللا نص مليون، ماهو دول بني ادمين ودول بني ادمين، ح تفرق يعني لو كانوا ستة من عشرتلاف حتى؟ ثم ان ماحدش انكر المحرقة، الناس كلها بتتساءل:
1- الحرب العالمية التانية مات فيها ستين مليون انسان، اتنين مليون من الجيش والباقي من المدنيين
اشمعنى فاكرين الهولوكوست وناسيين اللي كان في النص؟ اههههههههه، شفيييييق يا رااااجل، دول اتنين وخمسين مليون، يتنسوا ازاي يعني؟
2- الناس بتعمل ابحاث على الكتب المقدسة وتعمل روايات تتريق على ربنا وتنكره
اشمعنى الهولوكوست اللي ممنوع التريقة عليها او انكارها او حتى فتحها للبحث، ليه يعني باب الاجتهاد مغلق في الهولوكوست بالذات بالذات بالذات وممنوع اي حد يعمل اي بحث جديد بخصوصها؟
ماهو منع اجراء ابحاث تاريخية عن الهولوكوست معناه حاجة من الاتنين: يا اما هي كدب
يا اما هم عارفين بقى ان الابحاث العلمية دي كلها سبابيب وانها مش بالدقة اللي بيحاولوا يصوروها وانها ممكن تتفبرك
3- واحنا مالنا؟ واحنا مال اللي جابوا اللي خلفوا اهالينا؟ ليه المانيا ما عملتلهمش دولة على ارضها هي كتعويض عن اللي عملته فيهم
ثم ناس كتير اتحرقوا في المحرقة، منهم المثليين جنسيا
طب ليه مافيش دولة للمثليين جنسيا؟
4- هتلر كان مجرم، ده صحيح، بس هو مش اكثر اجراما من تشرشل وديجول وترومان، بالعكس، هو اقل اجراما منهم بدليل انهم هم اللي كسبوا الحرب، والحروب ما بتتكسبش بالاخلاق، خصوصا حروب زي الحرب العالمية التانية، اللي بيكسب الحرب عادة بيبقى هو الاكثر دموية
اشمعنى انجلترا قتلت عشرة مليون هندي لدرجة ان واحد انجليزي كان بيكتب مذكراته وبيقول ان اودية الهند بقى لونها ابيض من عظام فلاحين القطن الهنود
اشمعنى عشرة مليون بنغالي ماتوا من الجوع، من الجووووووووع، انتوا متخيلين يعني ايه بني ادم يفضل يجوع لحد ما يقع ميت؟ عشان الشركة الانجليزية في الهند احتكرت الاكل عشان تغليه في العالم
اشمعنى مليون ونص قتلتهم فرنسا في الجزائر
اشمعنى هيروشيما ونجازاكي؟ الامبراطورية الامريكية اللي وقعت من قبل ما تتأسس ابتدت عهدها بقنبلة ذرية، اول قنبلة ذرية تستخدم في التاريخ
حد في دول اخد تعويض حتى ولو قرش صاغ وللا شاندوشت جبنة بيضا بالجرجير في نص رغيف بلدي؟
كل دول مش بني ادمين وهم اليهود بس اللي بني ادمين؟ وللا عشان اليهود من الجنس الابيض وممنوع انهم يموتوا؟
هي كده، والله هي كده، في كتاب اساطير الصهيونية جون روز قال الغرب كله مستبشع الهولوكوست عشان بيعتبر اليهود اللي ماتوا فيه جزء من الغرب عرقيا وحضاريا (بيض بقى وقشطة) لكن اي حد تاني يموت في افريقيا وللا في اي داهية يبقى في داهية
وعايزينا نتعاطف
صحيح ان الاقوياء هم اللي بيكتبوا التاريخ، وصحيح ان العالم مافيهوش عدل، وصحيح ان اللي يبطلج اكتر هو اللي بيكسب والشر هو اللي بينتصر في الاخر، دي حقيقة
بس يا فاروق حسني يا فنان......ياااااااااااا فنااااااااااااااان
دي مش مهمة الفنان انه يشارك في بناء مجد الساسة وفلوس بتوع البزنس على جثث الابرياء
الفنان مهمته يبقى ضمير الانسانية، ينحاز للقيم الانسانية مش للقوة، لمعذبي الارض مش لبلطجية الارض، ولو ما قدرش ينقذ الابرياء اللي جثثهم بتبني قلاع القوة للساسة ورجال الاعمال يبقى على الاقل يعيط عليهم.... مش يشارك في تجميل قتلتهم وتبرير مصارعهم
هو كده، ربنا خلق الفنانين عشان كده بالذات مش عشان اي مهمة تانية، واللي ما يعرفش كده يبقى مش فنان ولا حاجة
يبقى صنايعي شاطر

63 comments:

مواطن مصري said...

هو بردو مش هتلر ذبح في اليهود

سواء قتل مليون او 50 او 100 فتعتبر جريمة

زي ما اسرائيل قتلت في الفلسطينين

Unknown said...

طب ماهو برضه تشرشل دبح الهنود والبنغال

وترومان دبح اليابانيين
وديجول دبح الجزائريين

اشمعنى دول ابطال ومعمول لهم شوارع باساميهم وهو هتلر اللي وحش؟

Anonymous said...

نوارة انتي خدتي بالك من الموقع الصايص اللي كان معمول عن الهولكوست؟
موقع "ياد فاشيم" في منه عبري وعربي وانجليزي، وكان برضو فيه كلمه مسجلة للحسن بن طلال..

هو واضح انه الراجل ده متبني قضية الهولوكوست هههههههه
شئ مش ممكن بصراحة..طيب انا بقى متبني قضية المورسكيين، وعايز اطالب أسبانيا بالتعويض عن قصب السكر اللي كلوه بلوشي وعن دماء المورسكيين، عايزين زيت زتون ببلاش..هه بقى!!

جاك شيراك ده انا فاكر لما فرنسا خدت الكاس شرب منه وسكر ووقف يهلل ويصقف على الكرسي بتاع المشجعين وكان ناقص يمسك حلة ويخبّط فيها..آه هو أهبل فعلا كويس انك خدتي بالك..ميتخيرش عن ساركوزي..

بصي يا نوارة هي فلوس زيادة وميزانية اترصدت..ميبعزقوش؟
هم عارفين أصلا انهم مختارين الشخصيات الساقطة اللي محدش بيسمعها وانه عمره ما هيحصل اننا "نتعاطف" بالمعنى اللي هم عايزينه، لأنه ببساطة احنا ملناش يد في الهولوكوست دي سواء حصلت أو محصلتش، الموضوع مش من ضمن اهتماماتنا أصلا!!
لو حصلت مش احنا اللي عملناها، لو محصلتش احنا طول عمرنا بنقول انه الصهاينة كلهم كذابين ولاد كلب..ايه الجديد؟

Unknown said...

اه
وضحايا حرب الافيون اللي انجلترا قالت لهم يا تستعطوا افيون وتنفعونا يا نموتكوا

بالنوسبة للسبوبة

لا يا احمد
اغلب الظن ان الصهاينة يا عيني (شوف وصلوني لايه؟ باقول عليهم يا عيني) مصدقين بجد انهم بيناضلوا ويفهموا العرب حقيقة الهولوكوست

والتانيين قالوا لك دي عالم هابلة باينها وللا ايه، ناخد لنا قرشين احسن من عينهم

نصاباية يعني

احمد سعيد said...

ياشيخه

خازوق حسنى دة اساسا ليس عليه حرج

مواطن مصري said...

كلهم سفاحين عشان محدش يزعل

يساري مصري said...

nawara wennaby 3ala albak dalla3ne :D
please spread, reblog this http://www.gaberism.net/2009/03/29/anti-mubarak-posters-package/

3ashan 3yz adalla3 mubarak shewaya :D

أحمد عبد الفتاح said...

خدي الخبر الثالث
http://www.youm7.com/News.asp?NewsID=83761

SweetJeje said...

All you wrote about pales. and Jewish ppl are Totally true and am with you in it , we are Human beings Just as them.. But please keep Prince al Hasan Bin Talal out of your talking he's Not kind of person you are talking about. He's cultural , Civilized and also well defender about Palestinians . and If you don't you can check and Enter you tube website and watch all his interviews , we in Jordan know Him very well.

مهندس مصري بيحب مصر said...

فاروق حسني كلنا عارفين حقيقته
و اللي زيه ما يتآخدش على كلامه

أما الهولوكوست فالأبحاث الجادة لجارودي و غيره تؤكد أن عدد قتلى اليهود كان 300 ألف فقط
و أن قتلهم كان من ظروف العمل القاسية في معسكرات السخرة او من تعذيب بعضهم في المعتقلات

و قد قتل أضعاف اضعافهم من مسلمي الإتحاد السوفيتي في الحرب

و قتل أكثر من كلاهما من المسيحيين الأوربيين

و قتل في هذه الحرب الملايين من كل ملة و دين فلما هذه الضجة المفتعلة حول هؤلاء تحديداً

و من يتعاطف مع ضحايانا من قتلى الحروب الصليبية و مسلمي الأندلس المورسكيين الذين عذبتهم و أحرقتهم محاكم التفتيش في أسبانيا جنباً الى جنب مع اليهود و كل من كان لا يعتنق الكاثوليكية

و من يتعاطف مع ضحايا إحتلال الغرب لنا في القرنين التاسع عشر و العشرين الميلاديين و ضحايا محاربتهم لنا حتى الآن في العراق و افغانستان و الصومال و السودان و الفلبين و تايلاند و الهند و باكستان و الكثير و الكثير من بلاد العرب و المسلمين

حقاً إنها مهزلة

الحلم العربي said...

لا فض فوك و الله
فن ايه بس قولى ياباسط هو فيه حد بيدور على الفن دلوقتي
و لا حد بيدور على الحقيقة؟
ربنا يسترها علينا بس

Unknown said...

واليهود كمان دبحوا أسرانا في 56 و 67 ولا هو لازم هتلر يكون له ايد في الموضوع عشان الناس تحس وتعيط علي المقتولين

يعني الاوربين لما يقولو كده او يعملو كده عادي ناس ماتعرفش كتير من اللي اليهود عملوه فينا
لكن العرب لما يعملو كده يبقي ايه؟
قلة دم مثلا؟

حمد الشايع - مدونة الموارد البشرية said...

ياليت عندنا شوي من الاصرار العجيب اللي عندهم في تأكيد المحرقة والاستفادة منها سياسي وماليا ودينيا ودوليا وكل حاجة

احنا عندنا عشرات الهولوكوستلت لكن مو عارفين نستثمرها

شكرا لك جبهة

Ahmed Fawzi said...

ممكن نروح ندفن نفسنا أحياء أهو منها إحتفال بالهلوكوست و منها هدية للصهاينة و حكومات اوربا و أمريكا و ونها نريح حكوماتنا من همنا
و يمكن نرتاح

رحلتنا في الحياة said...

يابنتى هدى اعصابك شوية علشان اليهود ولاد تييييييييييييت بيحاولوا يستعطفوا العالم بكل الطرق واحنا للاسف مش بنعرف نعمل كده
وفاروق حسنى مش يتاخد عليه الاشكال دى مش يتاخد عليها :)
اصل اليهود دول ولاد البطة البيضة
بس ان شاء الله على ايدينا هيكون ليهم محرقة تانية تبيدهم من كل الدنيا

مصري بالغربة said...

ازيك يا نواره
يا رب تكوني بخير وبصحه جيده
انا كنت باعلق عندك من زمان بس من فتره انقطعت لظروف معينه كده
واتكمنى لك التوفيق بجد في مجهودك اللي بتعمليه في المدونه ده بصراحه
وبافكرك تاني لو ما تزعليش بس مني
بتجديد نيتك يا نواره ان العمل ده يكون خالص لوجه الله
وبنية اصلاح المسلمين ونصرتهم

هو فيه ايه!!! said...

بلاش سوء النيه ده ..هو قصده نستفيد من معاناه اليهود وهما بيبتذو العالم علشان المحرقه ...دايما كده ظالمين الفنان زى برده حكايه الحجاب...ولا علشان كلامه موش مفهوم زى لوحاته...لازم تجتهدو شويه وتفسرو صح....ملحوظه بعيده عن الموضوع: هو ليه الداخليه لسه ما قبضتش على بتوع حادثه الحسين..ولا قبضت اصلى كنت مسافره...سلام

doudou said...

يعني اليهود اتعذبوا و اتقتلوا يبقى بيعملوا كذه ليه ولا زي عاطف أهافرج الناس دي

هانت علينا أنفسنا فهنا على الناس

Anonymous said...

يعني ايه الحرب متتكسبش بالاخلاق؟وضحي قصدك

دا عامة ولا ؟

tuhamy said...

اللي يدور ع الحقيقية هيلاقي ان فاروق حسني يهمه قوي المثليين جنسيا اللي اتحرقوا في الهلوكست ؟؟؟؟


ويمكن ده سبب تعاطفه ؟؟؟



اصل كل ما يطلع في برنامج ويسئلوة متجوزتش ليه لدلوقتي ؟؟

يقول : اصحابي مالييين علي حياتي ؟؟؟

Bella said...

ياسلام عليكي يانوارة لما تيجي للفنان وتقفي في طريق مستقبله

ياامي الراجل بيرمي بياضه علشان اليونسكو

ماانت عارفة بقى ان الوقت بيجري ولازم يلحق يعمل له حاجة يكوم بيها مستقبله

ههههههههههه

Unknown said...

يا مصري بالغربة
تعليقك ده احسن تعليق بيجيلي

احمد سعيد said...

تهامى

اوباااااااااا

ليه بس كدة ياعم

خلى الطابق مستور

(ربنا امر بالستر ( على ولايانا

مواطن مصري said...

وش جمال مبارك كان زفت على المنتخب

حفيدة عرابى said...

نوارة هانم الشهيرة بمسز اكس الحمدلله انك لسه بخير وبعقلك ياحبيبتى وبعدين اصحابك بيجروك من حيث لاتشعرى علشان تبعدى عن السادات تقوم الطوبة تيجى فى مين المرة دى ؟فى الحبايب كلهم من الحسن بن طلال للمخفى اياد لحبيبنا بتاع الورود اللى ماينفعش تتغطى بس انت يااختى بتتكلمى فى ايه ماهى شخصيات زبالة كلهاودى مش شتيمة على فكرةده وصف لحالتهم مع ان الزبالة مش بتخون ومش بتبيع علشان مناصب ------اما الاخ الطويل شيراك فانا مش متفقة معاك انه اهبل ده لئيم بس على الاقل مش سمج وقصير زى ساركوزى

حفيدة عرابى said...

احمد سعيد كان كتب بوست جميل عن هتلر ووعد هيتكلم عنه بالتفصيل ------حلو اوى على فكرة كلامك للفنان بس تفتكرى حد هيحس يعنى لو وصلت وبقيت وزير ومن المقربين هل اليونسكو دى تستاهل كل القرف اللى عمال يقوله من ساعتها ---مش عارفة انا هبله ولا ايه --لا اكيد انا هبله بس كانوا الله يسامحهم علمونا --ان الشرك انواع ومنه من الهه هواه-- طيب امريكا واسرائيل وقلنا جبابرة ومفتريين والورق الاخضر برده ليه هيبته بس الاخت يونسكو دى مزة جامدة كده؟

الكلمة نور said...

"لقد كان فى وسعى ان اقضى على كل يهود العالم ولكنى تركت بعضهم لتعرفوا لماذا كنت ابيدهم"
هتلر

Unknown said...

الكلام ده شرير يا حاج
الناس اللي ماتت دي ضحايا
مش لوحدهم اللي ضحايا
بس هم لوحدهم اللي بيتاجر بدمهم زي ما عبده البرماوي قال كده: تجارة الهولوكوست

مافيش ضحايا اتقتلوا مرتين مرة على قيد قاتلهم ومرة على ايد اللي بيتلزقوا فيهم وبيلموا على قفاهم فلوس وياخدو تبرير انهم يقتلوا الناس

مواطن مصري said...

تجار هولكوست يعني بياخدو فلوس تعويض للضحايا يعني حماس بكرة تبقى تجار نيو هولكوست بردو
:)

بس الاسرائيلين بيلعبو سياسة خارجية صح مش زينا

TAFATEFO said...

لقد خلقنا الله أحرارا

سو باد يا مان .. يو آر سو ايفل

:@:@:@:@:@

الكلمة نور said...

فعلا كلام شرير جدا وابيح كمان واسوأ حاجة ممكن يوصلها انسان انه يقبل حاجات او يرفضها مش بناء على مبدئه وانما بناء على الواقع واللى حاصل
وكدا يبقى عدوك كسب منك اكتر من اللى
كسبه فى الحرب الحقيقية
ضيع مبادئك وسابك فى الطل
مرة تدافع عن ضحايا الهولوكست عشان منصب دولى مش عشان هما ضحايا
ومرة تدافع عن اللى عمله هتلر لما تشوف ست شايله ابنها الصغير وهو ميت على رجلها وقاعده تقول فين العرب
فى الحقيقه فاروق حسنى راجل عبيط
وكمان الهولوكست كان كانت مدبحه حقيقى
بس نعمل ايه بنحن لهتلر واحنا بنشوف الجزيرة والرجالة فى غزة بتعيط
واحنا جوانا حاسين بقلة الحيلة وان مافيش فايدة

ahmed samir said...

عاااااااااااااااااااا
مواطن مصرى حرام عليك
انا بشد فى شعرى منك
حماس بتاخد الفلوس تبنى بيها مدارس و بيوت بدل اللى اتكسرت
و بتدى فلوس للمصابين


اليهود أخدوا الفلوس تعويض عن الضحايا من يهود اوروبا و راحوا عملوا بيها
استعمار فى فلسطين
استعماااااااااااااار
استعمااار
فى بلد تانية خالص

اهئ اهئ اهئ

مواطن مصري said...

طيب ما الصاهينة كانو بيقولو نفس المبدأ بتاعك عاوزين فلوس دة طلع عين اهلي عاوز ابني مدارس الخ و هو نفس المبدأ التاريخ بيعيد نفسة

احمد سعيد said...

هههههههههههههههههههه
:
:
:
:
:
ياهاااااااااى

الكلمة نور said...

ويا مواطن حضرتك تقترح ان حماس هتعمل زى الحركة الصهيونية؟
يعنى هتاخد الفلوس وتعمل استعمار
تقترح فين؟
اليمن؟
ولا يمكن سينا زى الوطنى ما مصدعنا؟
ولا هايشتروا بالفلوس ارض فى الشروق ويبدوا حياتهم على نضف
والنبى انت عسل
انا على فكرة بادخل ادور على تعليقاتك
انا باحبك والله ياخى
الله يبارلكك

مواطن مصري said...

الكلمة نور على فكرة كان كان فية مخطط لترحيل حماس الي سيناء و اغلب الاسرائيلين كانو بيفكو في كدة

ahmed samir said...

يا مواطن

الضحايا فى غزة و الفلوس فى غزة و حماس فى غزة


لكن اليهود اللى ماتوا كانوا من اوروبا و الفلوس فى فلسطين

جاوب على سؤالى بعد اذنك

الفلوس فى فلسطين بتعمل ايييه
اذا كان الضحايا فى اوروربا؟؟؟؟؟

t3ban said...

هو سؤال اخوي
و مش الغرض منه اي حاجة وحشة ولاهي
بس انا بقرة (و انا عارف ان ده حيبقي رأيك فيا)
كل بوستاتك
بس نفسي اعرف اه هو الهولوكوست ده

ahmed samir said...

بالمناسبة صحيح
نوارة
انتى نسيتى تقولى للناس على حفل التوقيع

TAFATEFO said...


اشمعنى دول ابطال ومعمول لهم شوارع باساميهم وهو هتلر اللي وحش؟


علشان اتهزم

TAFATEFO said...

تجار هولكوست يعني بياخدو فلوس تعويض للضحايا يعني حماس بكرة تبقى تجار نيو هولكوست بردو

ها ها ها .. بتنكت صح

بس يا شاطر .. بس يا أمور

بس الاسرائيلين بيلعبو سياسة خارجية صح مش زينا

أكيد مبيبدأوش بعماد نيلة متعب .. ولا بيلعبو بركات شمال

TAFATEFO said...

مواطن

"أنا مصري" حلوة أوي

Unknown said...

t3ban

انت مش بقرة ولا حاجة
انت لك حق، هو مش موضوع مهم عشان تعرفه ولا حاجة تنقصك لما ما تعرفوش ولا ح تزيد لما تعرفه

بس بالاختصار كده، ادولف هتلر كان عنده نظريات عنصرية منحازة للجنس الاري وبيحتقر كل الاجناس الاخرى

وكان بيكره اليهود بالذات عشان متغلغلين في اوروبا وبيلوثوا الجنس الاري بالتزاوج بيه وبيسيطروا على الاقتصاد وهم اللي جلبوا العبيد السود اللي لوثوا اوروبا الى اوروبا

ده كلام ادولف هتلر في كتابه كفاحي

وبناء على النظريات دي - اللي حاول يدعمها علميا - عمل غرف محارق لكل المختلفين زي اليهود والمثليين واي حد ضد نظرياته اللولبية

ده باختصار

الملحوظة الهامة جدا ان هتلر لم ينفرد بالاعتقاد بتفوق الجنس الابيض على بقية الاجناس

في فرنسا كانوا لحد السبعينات ان الجنس الافريقي والعربي عندهم ضمور في الفصين الاماميين من المخ ولذلك فهم يميلوا الى الجريمة بطبيعتهم

طبعا بعد ما العلم اتقدم اكتشفوا ان الكلام ده فارغ وان مافيش اي دليل علمي يقول ان فيه عرق او جنس اذكى او احسن من جنس او عرق اخر وان الامخاخ كلها زي بعضها بس هو كل واحد عاجبه مخه

ومع ذلك

ومع ذلك
ومع كل التقدم العلمي اللي اثبت بالدليل القطعي المصور بما لا يدع مجال للشك ولو بنسبة ربع في المليار ان البشر كلهم سواسية

فيه عالم جينات مشهور وحائز على جائزة نوفل في علم الجينات اسمه واطسن قال من سنتين: انا ما عنديش دليل لحد دلوقت، بس من المؤكد ان الجنس الابيض ارقى، بصوا على الناس وانتوا تشوفوا اننا ارقى واذكى واحسن وعندنا اخلاق وانسانية
بس لحد دلوقت ما تمكنتش من اثباتها علميا بس انا ح اثبتها


قوووووووووم
الافرو امريكان الشياطين فضلوا يدعبسوا وراه لحد ما لقوا ان جده لامه كان افرو امريكان وفضحوه فضيحة المطاهر يوم طلوعه على المعاش

الكلمة نور said...

طب والله يا عم المواطن كنت عارف انك هتقول كدا
مش عارف اقولك ايه بس
بس انا عايز اسالك
انت ايه رايك فى ان الفلسطنين ياخدوا سينا
دا كويس ولا بطال؟
يعنى هما اخواتنا نديهم الارض ونقول احسن من السيناوية اللى بيهربوا حشيش
واحسن كمان من اسرائيل لما احتلت سينا ولا نديهم بالجزمة ونقول ان الاستعمار واحد فلسطينى كان ولا اسرائيلى؟
ولا نعملهم معسكرات تدريب ونهربلهم سلاح بس؟
ولا نكب عليهم جاز وسخ ونحرقهم ونقول طول عمر فلسطين اللى جايبالنا البلاوى دى كلها يغورا ونفضى لنفسنا بقى؟
بجد بجد نفسى اعرف
ولو معرفتش ترد عليا عشان الردود هنا مش هتستحملنا هاديك تليفونى عشان اسمع رايك بودانى

مواطن مصري said...

كلمة نور سيناء ارض مصرية و الي يخترق الحدود هنقطع ايدو سواء كانو حماس او اسرائيل او الجن الاحمر نعمر سيناء الاول و بعدين نساعد غيرنا منبقاش احنا محتاجين الفلوس و الاكل و نساعد غيرنا

أكون أو لا أكون said...

يعني هم اللي شاركوا أمثال الأردني وعلاوي وغيرهم ... يعني هم حضروا المحرقه...؟
ولّه هم بيتضامنوا مع حاجه مش شايفينها ولا حاضرينها...
ده بتعتبر شهادة زور...
بس الإشكال ده مش مؤمنه إن فيه يوم حساب... لأن اللي بيفكر بإن فيه يوم حساب عمره مايحط نفسه في موقف زي ده... واللي مش بيحط ربنا في حساباته لا بيهمنه تزويره ولا زيفه...
خليهم يبلطوا البحر...

أكون أو لا أكون said...

يعني هم اللي شاركوا أمثال الأردني وعلاوي وغيرهم ... يعني هم حضروا المحرقه...؟
ولّه هم بيتضامنوا مع حاجه مش شايفينها ولا حاضرينها...
ده بتعتبر شهادة زور...
بس الإشكال ده مش مؤمنه إن فيه يوم حساب... لأن اللي بيفكر بإن فيه يوم حساب عمره مايحط نفسه في موقف زي ده... واللي مش بيحط ربنا في حساباته لا بيهمنه تزويره ولا زيفه...
خليهم يبلطوا البحر...

احمد سعيد said...

على فكرة يانوارة
انتى اغفلتى جزء مهم جدا فى موضوع هتلر دة

راجعى لما كان بيشد فى شعرة منهم بسبب تدميرهم لالمانيا

ونشر وتشجيع الاحزاب الشيوعيه

ودعم الرذيله فى المجتمع الالمانى
وغيرة وغيرة من حركاتهم القذرة

قصه التفوق العنصرى دى

كانت الاطار او المحور اللى هيبنى عليه امبراطوريته

لان اى امبراطوريه لااازم تكون لها فكرة
ومبدأ تتمحور حوله

تلكيكه فلسفيه يعنى

زى الحريه والاخاء والمساواة بتاعه بهوات الثورة الفرنسيه كدة


وزى بالاتحادى والاخائى والعمل
بتاعه ظباط يوليو


هو لو كان الموضوع مجرد تفوق ارى

كان ولع فى الناس كلهم

مكانش ركز على اليهود بس

صراحه

هما يستاهلوا الحرق


اة ضحايا وفيهم اللى مالوش ذنب

بس بصراحه

انا مش عارف الفيرس اللى اسمه يهود دة حله ايه


تخيلى كدة ربنا نفخ فى صورتنا فى يوم
وبقينا القوى العظمى الوحيدة
نعمل معاهم ايه

هتقوليلى يعيشوا فى المجتمع عادى

طيب ماهم كانوا عايشين قبل كدة

هل المجتمع سلم من اذاهم ؟؟؟

المجتمعات كلها

يعنى لو ربنا قدرنا عليهم

الناس دى يبقى حلها ايه؟؟؟؟

Unknown said...

لا يا احمد
هتلر ده كان ابن كلب وعنصري ومافيش حاجة اسمها يشد شعره منهم عشان بينشروا الرذيلة والاحزاب الشيوعية
ده جزء من العنصرية
مافيش حد بينشر حاجة
كل واحد عقله في راسه يعرف خلاصه
هو اللي ديكتاتور ومش قابل اي حد مختلف عن اللي في دماغه

وعلى فكرة كمان كان بيكره العرب والافارقة اكتر ما بيكره اليهود يعني

هي بس القضية ان هتلر هو الوحيد اللي متشيطن عشان هو اللي اتهزم زي ما مصطفى بيقول

لكن ترومان وتشرشل وديجول اوحش منه وقتلوا اكتر منه وعنصريين زيه والعن كمان

TAFATEFO said...

واطسن مقالش كده

اطسن قال ان برغم ان كل الاختبارات بتؤكد ان في فرق في الذكاء بين البيض والسود (يقصد الآي كيو تيستس) فمفيش أي فرق جيني يبرر هذا التباين .. وان في خلال الـ10 أو 15 سنة الجايين ممكن العلم يتوصل للجينات اللي بتعمل الفارق في الذكاء ده

واطسن كان بيناقش حقيقة ان الآي كيو للبيض أعلى منه عند السود .. لا كان كلامه عنصري ولا حاجه

وبعدين في ناس بعد كده أجروا اختبارات ذهنية على الأطفال في سن سنه وسنتين ولقوا ان مفيش أي فرق بين الأظفال البيض والسود .. وبالتالي ان غالباً مش أكيد فرق الذذكاء ده (اللي هو في اختبارات الآي كيو واللي هي حاجه موجوده أصلاً) ملوش سبب جيني

كمان الرجل عنده 80 سنه .. أكيد مش هيقول هكتشف بعد 10 ولا 15 سنه

ahmed samir said...

هتلر حارب فى الحرب العالمية الاولى
و كان عسكرى شجاع
و كانت مسيطرة عليه فكرة ان اليهود هما السبب فى هزيمة المانيا فى الحرب العالمية الاولى
و كمان معروف ان اليهود كانوا بيشتغلوا فى مهن معينه
مجموعه محدده و معروفة من المهن
و من ضمنها الدعارة
كل ده خلى هتلر مؤمن ايمان تام ان اليهود وراء كل بلوة او مصيبة بتحصل فى المجتمع الالمانى

يعنى زى ما احمد سعيد بيقول
حكاية الجنس الأرى دى تلكيكة فلسفية

TAFATEFO said...

أضيفوا إلى ان هتلر اتهزم .. انه انتحر ومات كافر**

----------------

**حقيقة علمية

ها ها ها ها ها

TAFATEFO said...

معلش كمان قصة ان الأفرو أمريكان الشياطين لقوله جد أفريقي دي مش حقيقية خالص

كل الحكاية ان واطسن نفسه سمح بتحميل نتيجة الجينوم بتاعه على الانترنت .. واللي فيها ان 73% من جيناته من أصل أوروبي و16% ن أصل افريقي و9%من أصل آسيوي .. وان نسبة الـ16 في المية دي قريبة من النسبة لأي حد عنده جد أفريقي (أبو والده أو والدته) .. وده كله ملوش علاق بتصريحه اللي أثار الجدل

ahmed samir said...

و لعلمك
هتلر كان عامل اتفاقيات مع اليهود
فى وثائق طلعت من فترة اليهود حاولوا يخبوها لكن عرفناها
الوثائق دى عن اتفاقيات بين اليهود و هتلر انه يسيب اليهود الاغنيا يهاجروا من البلاد اللى تحت سيطرته مقابل مبلغ عن كل فرد
و مقابل ان اليهود يتجسسوا على الانجليز لصالح هتلر
و اللى مضى الاتفاقية دى
هملر قائد الجستابو و قوات أس أس
و النائب بتاع هتلر اللى اتقبض عليه فى انجلترا

و ده يعنى

1- الوكالة اليهودية خرجت اليهود الاغنيا من المانيا و سابت الفقرا لمعسكرات الاعتقال زى اوشفيتز

2- الوكالة اليهودية كانت بتلعب على الناحيتين تتجسس لحساب هتلر على الانجليز من ناحية

و من ناحية تانية تحارب مع الانجليز
و أقصد تحديداً الفيلق اليهودى اللى بعد كدة
هاجر اعضاءة و انضموا للعصابات فى فلسطين و حاربونا فى 48

يعنى هتلر كان بتاع مصلحته عايز يخلص منهم و مش بالضرورة بقتلهم
اللى يهاجر يهاجر المركب اللى تودى

soreal said...

just got this comment from one of "them" on youtube:

We are the world Idiot, without Israel the world is nothing - it would go back to the jungle eating cocroaches. Maybe Chinese and Indian civilisations would still stand, but Islamic and Western world relie entirely on jewish culture and basics of religion, science, hi-tech. Your entire code of behaviour comes from the laws of Shumer and Haran - which was brought to you by Israelites (Judah). Israel can destroy whatever God desires, we are soldiers of God - this is our name and destiny Isra-El.


and just to put things into context, a commenter before him said to me, isreal will destroy whatever she wants when ever she wants... to which i replied, please do, the world is waking up to the true nature of israel


they are not even trying to hide it any more..

and this holocoust thing is simply a tool... one of the tricks in their hat..
in their world, a support for the holocaust commemoration is a support for israel.. and the more idiots bow to it, the more arrogant "they" become

Anonymous said...

مواطن مصري، تصدق انت قديم موت؟
وخليني أصارحك انك بقيت ممل؟
ياراجل انت لسة فاكر حكاية الاحتلال الفلسطيني لسينا؟..ده الفشرة دي حمضت خلاص وريحتها طلعت!!

وماله خلينا نقول تاني..طز في أي حدود تترسم على الأرض لإذلال البشر..
وطز في أي دولة تستخدم القوة لإذلال البشر..
الدولة المصرية قبل الصهيونية..

Unknown said...

هاااااااااي شباب
الكتاب ده لقيته صدفة بيتكلم عن بن جوريون وتقريبا اسمه فضائح بن جوريون Ben Gurion Scandals وانا حملته فعلا بس ما عنديش وقت اقراه , ومعنديش فكرة عن مضمونه بس لو حابين تشوفوه الرابط بتاعه اهه
http://www.4shared.com/file/66584255/15032749/Ben_Gurion_Scandals.html?s=1
وشكرا لاتاحة الفرصة

هرطقة said...

هو انا بس غايظانى الكلمة اللى بيقولوها على هتلر
"لقد كان فى وسعى أن أقضى ........"
دى لامؤاخذة كلام فارغ
الناس اللى بتاخد معلوماتها عن طريق ثقافة الفوروارد
ياريت نقرا شوية أكتر من كده
لم يثبت عن هتلر أى كلام صريح عن القضاء على اليهود أو إبادتهم
على رأى نوارة.. هو ابن كلب عنصرى فعلا
لكن مكانش فى محارق
كان فى معسكرات عمل (استعباد تقريبا) لكن حفر نار وغرف غاز والتخربف ده ملوش أساس من الصحة

Anonymous said...

نسيتى

hammer of witches

قتل 20 مليون امرأة وثنية فى بداية انتشار الممسيحية

Anonymous said...

قمة الدوحة شغالة وانا غيران اوىمن سوريا نفسى نكون احسن من كدا انا زعلان اوى

احمد سعيد said...

انونيموس

ميصعبش عليك غالى

مواطن مصري said...

انيوميس سوريا و قطر اخرهم كلام و خطب حنجورية عشان ينيمو بيها الشعب العربي عشان شعب ظاهرة صوتية فقط

Anonymous said...

http://worldblog.msnbc.msn.com/archive/2009/03/30/1870536.aspx