Tuesday 24 March 2009

انباساطوا لكوا شوية

هو الواحد المفروض يبقى ضهره معمول من ايه عشان يرقص كده



هو انا مش عاجبني بطل الفرقة قوي لانه بيتمشكح بهبل شوية بس بسم الله ما شاء الله، ضهره اسم الله عليه، الفيديو قديم، بس انا كنت بادور على اندريه ريو عشان اروق اعصابي قبل ما ابتدي قام طلع لي ده، شايفين الحلاوة
وبصوا الواد ده نيجيري، اسمه حكيم كامارا واندريه بيقول له أكيم


 
ياروحييييي، متضايق من الناس وعمال يبص للمدرس بتاعه عشان يشوفه مبسوط وللا لا
المهم، روقوا اعصابكوا كده عشان نبتدي حملة الاستقلال التام، مصعب والكلمة نور معانا ان شاء الله، وطبعا جابر انا حرة فيه اعذبه زي ما انا عايزة

9 comments:

أنا - الريس said...

أنا..مستني..إنك..تبدأ...في..حملتك
ومنتضرك..علي..أحر..من..الجمر..وبوركت
ياولدي

Blank-Socrate said...

بصراحه مش حرمانا من حاجه
ايه رايك تسيبى الصفحه السياسيه و خليكى فى الفنيه و ترحمينا شويه من السياسه العنتريه
انا بهزر مش طالبه مشاكل معاكى

Unknown said...

انا حملت المعاهده وهقراها ان شاء الله
مانا كنت قاعده في بيتنا ومش بدخل علي مدونات وزي الفل
دلوقتي بقي لو حصلي حاجه من بنودها اهلي يرفعوا قضية تعويض علي مين؟

الخوجة said...

دى خدع كلها يانوارة يعنى عملوا ايه
انا شخصيا لااطرب الا للموسيقى البلدى وياسلام لو موسيقى شعبية
ولااحفل ولااهتم الا ببنت بلدى رمز العفة والطهارة والشرف والنقاء بنت بلدى الاصيلة هى من ترنو اليها الابصار والتى تحمل جميع جينات الجمال لدى نساء الارض فكيف ارضى بغيرها.بنت بلدى هى التى ترضى بى وبظروفى ورغم كونها امراة الا ان لها من الحقوق مايفوق النساء الاخريات لانه مضاف الى كاهلها بلوى اسمها انا فكيف تسمح لى نفسى بان ارنو الى غيرها هنا لااهمية للون لان المصرية الاصيلة بنت الاصول اغلى من الجواهر والالألى والدرر لانها درة شرفنا الله بها فهنيئا لكل من ظفر بمصرية اصيلة مش مهجنه حيث ان المصرية الاصيلة تعمل لديها جميع نساء الارض كوصيفات
الاخريات زى الورد على شاطىء النيل لارائحة لها اما الورد البلدى ماجمل رائحته وطعمه ان اكل واضيف للاكل

Ahmed Fawzi said...

ده مش ضهر بس ... دى عضلات رجلين و أعصاب متينة و ناس بتموت نفسها فى التمرين بجد علشان يوصلوا للى هم عايزينه

Unknown said...

وما يتمرنوش ليه يا اخويا كل واحد فيهم بيهبش له قد كده على قلبه ومالوش شغلانة تانية غير يرقص
لا عندهم تلوث ولا اكتئاب ولا بيشربوا عشان ينسوا فشلهم

Unknown said...

انا في تنية من تنيات رجليهم دي اتلوح واقعد شهر ما اتحركش من السرير

Unknown said...

شفت حكيم كمارا وهو بيعزف رقصة الجنيات

دي مقطوعة صعبة قوي على فكرة

soreal said...

lol


this is modernized traditional irish dance

7agah zay fer2et reda le elfonon el sha3beia ya3ny

and that guy whom you didnt like, Michael Flatley, indeed, made millions out of his "Lord of the Dance" show