Sunday 22 March 2009

حسبي الله ونعم الوكيل

انا عرفت ربنا بيعمل فينا ده كله ليه؟ طب والله ما باقول كده تهريج ولا تهبيل، انا فعلا عرفت ربنا بيعمل فينا ده كله ليه؟
بس قبل ما اقول لكوا لازم نكتب قائمة الشرف للخمستاشر عضو في مجلس الشعب اللي رفضوا اتفاقية كامب ديفيد مع انهم ما قروهاش ولا عرفوا المصايب اللي فيها، اصل مجلس الشعب اتكلفت في موضوع الاتفاقية ده
القائمة
الدكتور محمد حلمي مراد
محمود علي زينهم
احمد طه احمد
قباري عبد الله عبد الحليم
عادل عبد المقصود عيد
الدكتور مهندس احمد القاضي
كمال محمد احمد محمد
خالد محمد امين محي الدين
طلعت عبد الرحمن الهادي رسلان
عبد المنعم حسين ابراهيم
احمد محمد ابراهيم يونس
محمد كمال عبد المجيد سعد
احمد حسين ناصر
صلاح ابو اسماعيل محمد عبد الرحيم
محمد ممتاز محمد نصار
ده اولكشي
تانيكشي بقى، حسسسسسسسسسسسسسسسبي الله ونعم الوكيل
الله يرحم الدكتور عصمت سيف الدولة ويسكنه فسيح جناته، بس الراجل كاتب نبوءة مش كتاب، اي والله زي ما باقول لكوا كده، ولو روحه بترفرف علينا دلوقت زمانه اغمى عليه والملايكة بتفوقه فوق من كتر ما كل نبوءاته اتحققت
الكتاب مقسم الى الاتي: توقعات مرئية عن الجيل اللي ح ينشأ في المعاهدة المنيلة دي، تقولش كان حاططنا قدامه وبيرسمنا؟
نقد قانوني يبين عدم دستورية الاتفاقية وازاي ان مجلس الشعب اللي اساسا اتحل بعد ما وافق على الاتفاقية اصلا اصلا اتكلفت ولا عرف هو بيوافق على ايه: موافقة اجماع بالصلاة ع النبي، حتى قال لهم مرفق نسخة من الاتفاقية قالوا له: النسخ مش موجودة قال لهم لا ماهي في امانة المجلس
وزي ما انتوا عارفين يا اصدقائي الصغار اللي عند امانة المجلس ما بيروحش ابدا...ياااااه ده زمانها اتحرقت في المجلس دوقت
وبعدين صاحبك اتضايق ان فيه خماشر واحد قالوا لا، والدكتور محمد شامل ابراهيم الدسوقي اباظة امتنع عن التصويت
ماهو بصراحة ح يصوت على ايه؟ على وكستنا؟
راح بعد ما المجلس وافق بالاغلبية على الاتفاقية، ومن ثم قانونا بقت تجري مجرى القانون عمل استفساء يسأل الشعب بعد ما خلاص شرعها واتقبلت عن: موافقين على الاتفاقية وعلى حل مجلس الشعب وللا لا؟
قام طبعا زي ما احنا عارفين تسعة وتسعين وتسعة وتسعين من مية في المية وافقوا، والدكتور عصمت بيقول: طب قدر ما وافقوش؟ ماهو قانونا عدم موافقتهم غير صالحة لان المجلس خلاص وافق عليها
المهم يعني عمل علينا شغل تلات ورقات من اللي قلبك يحبه
الحاجة الاهم بقى، كلللللللللللللللللللللللللللللللللللللللللللللللللللللللللل اللي احنا فيه ده، نفر نفر وقملة قملة وبقة بقة كللللللللللللللللله منصوص عليه في الاتفاقية، كان ناقص يقولوا لنا نلبس ايه في العيد الكبير وايه في العيد الصغير، ظبطونا تمام بحيث فعلا مافيش اي مجال للاجتهاد، ماهو عشان كده اختار عوكل، راجل بياخد الاوامر وبس، ماهو واحد عنده ميول ابداعية يحكم في ظل هذه الاتفاقية يبقى ح ينتحر
والاتفاقية دي بقى مش جواز كاثوليكي، ده .... ده... ده ينصر دينك يا استاذ نفيسة
يعني اي مخالفة ح نعملها، مخالفة ايه؟ ده لو رمشنا، لو كحينا، لو عطسنا بطريقة ما تعجبش اسرائيل وتثير الشكوك، عنايات ابو سنة ح تتقتل مش بقى من البلطجي الصغير، من البطلجي الكبير اللي بنص الاتفاقية ملزم "بردع مصر لحماية اسرائيل" ومش بس كده، ده مصر ملزمة
اسمع انت عشان بتحب الكلام ده
مصر ملزمة بحماية امن اسرائيل من كل مواطن مصري يسيء اليها بالقول او الفعل في داخل مصر او خارجها ومن كل مواطن مصري وغير مصري يعيش على ارض مصر
ليه؟ ليه؟ ده احنا اتهزمنا وما قبلناش بشروط زي دي
ليه؟
انا اقول لكوا ليه؟
الكدب
والله العظيم مافيه اي مشكلنا عندنا غير الكدب، لو من اول لحظة الاخوة كرامازوف رسونا على البير وغطاه ما كانوش احتاسوا لوحدهم، وما كانوش اضطروا يقمعوا الناس اللي بتكشف كدبهم، وما كانوش عشان يداروا كدبهم يصلحوا الغلطة بغلطة اكبر لما فضلت المصايب تتكوم فوق دماغنا واحنا مش دريانين بحاجة لحد ما فاجئنا الاخ من كام شهر وهو بيقول لنا اننا مالناش اي سيادة على بلدنا، واننا لو استخدمنا مواردنا او غلينا السعر او وقفنا التصدير لاسرائيل او اتقلبنا واسرائيل نايمة او قزقزنا لب وهي بتتفرج على المسلسل ده يعد اعلان حرب
والاتفاقية ابد الابدين
كحك، ده قتل امين عثمان عشان قال اتجوزنا انجلترا جواز كاتوليكي، سبحان الله الراجل ده الظاهر كان راجل غلبان وللا على نياته، اصل ربنا انتقم له قوي وجاب اللي فيه في اللي قتله واكتر، اقصد يعني  انتقم له حتى مننا كلنا، ماله الراجل ده؟ دمه بيطاردنا كده ليه؟ 
 لولا الكدب من اول لحظة ما كانش كل ده حصل لنا، ما كانوا يقولوا لنا، كنا وقفنا جنبهم، هو احنا بنعمل حاجة لحد؟ ده احنا غلابة
ليه كدبوا علينا؟
انا اقول لكوا ليه؟ عشان الكدب ده تراث شعبي
انا بجد وانا عمالة اقرا ودمي اتحرق وحسيت قد ايه الكدب بيئذي، رغم ان مش دايما الكداب نيته وحشة، بس فعلا زي ما الرسول قال، ممكن تزني او تسرق بس ما تكدبش
صح
بس هم ح يجيبوه من برة؟ ما فلاحين وصعايدة وجايبينه من جيناتنا، كل حاجة بنكدب فيها
تبقى واحدة متدينة ومنقبة وتقول لك: والله مش ح اقدر اروح الفرح النهاردة بتاع فلانة، بطني واجعاني قوي، انا ح اعتذر لها بقى واقول لها اي حاجة، اقول لها ان ماما في المستشفى
الله؟ طب وتكدبي ليه يا بنتي ما انت عندك مغص-
ما ح تزعل
ما تتفلق يا ستي
---
واحدة يبقى جوزها نايم ويجيله تليفون: لا والله مش موجود
الله بتكدبي ليه؟
اصله يا عيني ما نامش من امبارح وما اقدرش اصحيه
يا بنتي طب ما تقولي له نايم هو ح يقول لك صحيه؟
ماهو كده انت بتعود لسانك على الكدب، الكدب ده نجاسة
ومش فارق فيه المتدين من اللي ما بيعرفش ربنا، انا ما شفتش حد ما بيكدبش ولا حتى الكدبات الصغيرة دي غير امي بس
انا مش عايزة بس اقع في حيص بيص، يعني مش عايزة احدث بذنوبي اللي ربنا سترها ومش عايزة برضه اعمل ابلة حكمت وتظنوا فيا حاجة مش حقيقية انا كمان باعمل كده:
ازي ماما يا حبيبتي



- بتسلم عليكي يا طنط
ما حصلش، ماما ما سلمتش عليها ولا حاجة، امال باكدب ليه؟ ماهو ده كدب، وماحدش يقول لي دي مجاملة، فيه ستميت كلمة اقدر اقولها غير بتسلم عليكي وهي ما سلمتش عليها، انا باقول حاجة ما حصلتش لو مش عايزة حد يكدب عليا ولا حتى اقول كلام زي ده عشان لساني ما يتعودش 
خصوصا ان البلد دي ما اتئذتش غير بالكدب، الهزيمة والنصر دول مقدر ومكتوب، وكل الناس بتتهزم، دي فرنسا احتلها النازي، يعني كله بيعدي، المهم ما يبقاش فيه كدب ويبقى كل حاجة على مية بيضا عشان ما نفقش نلاقي الهرم في الغردقة ونهر النيل تحت السرير زي ما احنا دلوقت، وعاملين زي بني اسرائيل في التيه، ونمشي نمشي نمشي ونوصل في النهاية لنقطة البداية اللي مشينا منها
لو عايزين نداوي المرض الرئيسي اللي اذى البلد دي، يبقى نداوي نفسنا منه
ها يا عوكل، قول قول ما تخافش، مخبي علينا ايه انت كماااااااااااااااااااااااااان؟ لو كدبت ح السعك بالنار، كفاية بقى، مش كل واحد ييجي يكشف كدب اللي قبله ويبتدي هو الفيلم الهندي بتاعه ويفضل ينخع علينا لما شككتونا في صوابع ايدينا حرام عليكوا  

36 comments:

حـنــّا السكران said...

بدي احكي بس مش لاقي كلام .. مافي أي كلام مناسب .. غير خادش للحياء .. مع اني مش واثق إذا كان لسه عندنا حياء ..إلا بالحاجات التافهة .. نحنا لو بقينا على هالحالة ..حرام عيشتنا .
أنا قرّبت اتجنن فعلا.. مش مجازاً .

Anonymous said...

تلك أمة لها ما كسبت ولكم وما كسبتم هنفضل نتكلم فى الماضى الكتير والسادات وعبدالناصر ومش درايين خالص بالحاضر ولا المستقبل كفانا صراخ وعويل لا يودى ولا يجيب ونشوف الحاضر اللى احنا فيه والمستقبل اللى مستنينا الله أعلم هيكون فيه ايه فنفضل نبص ورانا كتير الناس اللى اعترضت على السادات كلها حطت لسانها فى بقها مع حسنى مبارك والناس اللى خرجت فى مظاهرات عشان غلاء الاسعار كلها قتلت بعض على طابور العيش وما حدش قدر يفتح بقه مع حسنى ودلوقتى بيسلم المفاتيح لابنه واحنا بنتفرج على رأى علاء ولى الدين رحمه الله اعمل نفسك ميت وكل واحد خارج فى مظاهرات عشان مكافأه وقرشين زيادة له ومش مهم ايه اللى يحصل لباقى الشعب فى حين الناس كلها خرجت فى اليونان عشان شاب اتقتل من الشرطة واحنا عندنا الشرطة ولعت فى سواق التوك توك وهو صاحى ومحدش رمش عينه لو كنا كلنا مختلفين على الماضى يا ريت نتفق على اللى جاى

Blank-Socrate said...

سيناريو بدون المعاهدة
------------------------
استمرار التوتر فى سيناء و المناوشات بين الجيشين
طبعا بعد تدمير معظم الجيش بعد وصول المعونات العسكريه الامريكيه الى اسرائيل و احجام الاتحاد السوفيتى عن الدعم الكامل لمصر لتفادى مواجهة نوويه مع امريكا
----
و كل موارد الشعب موجهه الى القوات المسلحه لشراء الاسلحه السوفيتيه بالقطارة
و طبعا حضرتك قناة السويس مقفوله
و مفيش اى استثمارات اوربيه فى مصر
و استمرار حاله ارهاب الدوله للشعب و اليد الحديدة
و تعاون مصرى مع كوريا الشماليه و ايران و حزب الله
--------------------------
حضرتك حاليا سوريا بتحاول توصل لسلام مع اسرائيل و حضرتك اول واحدة عارفه ان اول تمن هو قطع علاقتها مع حزب الله و ايران
و فصل قضيه سوريا عن فلسطين و انت عارفه كويس قوى انهم هيعملوا كدا
:))
----------------
مشكله مصر حاليا مش اسرائيل
مشكلتنا فساد و سلبيه الشعب
-------------------------
اتفاقيه كامب ديفيد مجحفه بحق مصر
ايه منطق القوة اصلا اللى انت بتتكلمى عنه علشان تكون معاهدة متساويه
مش معنى كلامى انى مش وطنى
طبعا لا
بس العقل
و متنسيش مثلا اليابان و المانيا
قبلوا بمعاهدات صعبه علشان يبنوا بلدهم من تانى
---------------------------
نصر اكتوبر
ببساطه احنا انتصرنا اننا نعبر
مركزة معايا
نعبر بس
و كان المخطط لينا اننا نسيطر فقط على 10 كيلو متر او رقم عبيط كدا داخل سيناء مش كلها و دا على لسان الجمسى
انت متوقعه ايه بعد سيطرتنا على عشرة كيلو عمق بكامل شريط قناة السويس
انت متخيله احنا كنا هنعمل ايه بعد الامدادات العسكريه الامريكيه و الجسر الجوى
انت كنت بتحاربى امريكا
صدام بجلاله قدر جيشه العظيم سقط و احنا جشنا وقت السادات ميجيش واحد على عشرة من جيشه فى التسعينات
-------------------------------
نوارة مش بالعنتريه و الهتافات و الكلام ممكن البلد تغلب اسرائيل و امريكا
شم بنطاطى لكن بس بنفكر و نتصرف صح

Anonymous said...

يعنى السؤال دلوقتى محمد نجيب كان أول رئيس لمصر ولا لأ ؟؟؟

Blank-Socrate said...

فى ايه يا نوارة اعتقلوكى و لا اجازة
:)
تحياتى

احمد سعيد said...

الحق مش عليهم يانوارة

الحق على اللى شجعهم يعملوا كدة

وسكت عليهم

ومضربهمش بالبلغه ولسعهم بالمعلقه من اول مرة علشان يحرموا

Rania Lelah said...

يا ترى هنعرف ايه تانى الايام الجايه
خايفه يجيى اليوم اللى يقول ان مصر مش بلدكوا و كنا بنكدب عليكوا خايفيين عليكوا من الصدمه
و احنا منتصرناش كمان


حسبنا الله و نعم الوكيل

هو كل واحد يبدا بنفسه و نشوف نبطل كدب و نفاق و تناقض و ننتظر المعجزة
ليكى ربنا يا مصر

الكلمة نور said...

والله انا ليا رايى بس خدى منى على قد عقلى
بدل الصويت الحيانى الالكترونى ده خشى فى التفاصيل وانتى عارفه ان الشيطان يسكن التفاصيل
ولان الموضوع كبير اوى اوى
وكل تدوينه فيها كلام عن اللى تنبا واللى ودانا فى داهية واللى استلمها خضرا وبارت فى ايده
وانا قاعد اقرا كل بوست واقول المهم جاى اهه قربت يا واد
واقول لنفسى اول الرقص حنجله بس الحنجلة مخلصتش
طيب ماتدورى فى الاتفاقية على اكبر حاجه مؤذية للبلد وللناس فى حياتها ودينها
عارف هتقولى الاتفاقية كلها بلاوى
ماشى معاكى دورى بس على حاجه تخرم عين اللى يتكلم
وتقدرى تركزى عليها وتضغطى فى كل مكان
فى مدونات تانية فى جروب على الفيس بوك يعنى تنعشى ذاكرة الناس وشوية وتجيبى بند تانى
كده يعنى
لان التركيز فى التفاصيل يوضح اكتر
وتستغلى الامكانيات اللى عندك فى انك على الاقل تنورى الناس اللى زى حالاتى اللى معندوهمش فكرة عن تفاصيل الموضوع

Anonymous said...

المستشار ممتاز نصار والدكتور حلمى مراد والاستاذ خالد محى الدين والاستاذ أحمد ناصر والشيخ صلاح ابواسماعيل والدكتور القاضى
رحمة الله عليهم أجمعين وربنا يدي اللى عايش الصحة
الناس دى أساطير يا نوارة كل واحد فيهم لو دورنا على تاريخه واللى عمله فى حياته هانلاقيه أسطورة
ومعظم الناس متعرفش السادات عمل فيهم أيه وكان بيعاديهم ازاى بسبب رفضهم لاتفاقية العار بتاعته

واللى كان بيدعم الناس دول على فكرة بجد هو حب الناس ليهم

Unknown said...

جو

لا بس الحقيقة السادات كان مظبطكوا في الاتفاقية
يعني ماضي على اتفاقية هو بس اللي بيتفاوض فيها وماضي على بنود بيقول فيها: يجب على الدول العربية الراغبة في السلام الاعتراف باسرائيل والتعاون الاقتصادي وتقديم قهوة وشاي وعرض استبرتيز

يعني هو عارف انهم وقتها ما كانوش راضيين يتفاوضوا
قوم يعمل ايه اسم الله على مقامه

يحط شروط مش بس مجحفة ليه وللعرب كمان بحيث ان لو عقلهم هفهم وحبوا يتفاوضوا يبقى زي ابو عمار كده


انونيمس

والله حضرتك مش مركز خالص

احنا بنقرا في سورة عبس؟ ما احنا بنشوف الحاضر حضرتك مش بنتكلم عن الماضي يا اذكى اخواتك
الماضي احنا مالنا وماله

انما لازم نشوف ايه اللي وصلنا للي احنا فيه

واللي احنا فيه ده احنا ملزمين بيه في اتفاقية حضرتك
كل صفحة الحوادث اللي حضرتك قرتهالي دي لها اساس واحد

طب باقول لك ايه ما تقرا الكتاب كده عشان انا مش ح اقعد اشرحهولك

بلاك سقراط

حضرتك الكلام الفارغ ده مين اللي قالهولك وللا قريته فين؟

السيناريو ده محض خيال مالوش اي اساس

اقرا مذكرات الجمسي وبلاش الشاذلي عشان يا سيدي "متطرف" عنده دم بزيادة

اقرا مذكرات الجمسي وشوف الحرب كانت ماشية ازاي

عندك اللنك؟

لو مش عندك اطلع في مدونتي في سيرش واكتب مذكرات الجمسي

انا حاطاها وتقدر تحملها وتقراها

بص


احب على رجلك تقراها

احب على رجلك

عشان ما تقولش السيناريو بدون معاهدة وتقول كلام زي ده تضحك عليك الناس

انا زي اختك الكبير
ابوس ايدك تقرا مذكرات الجمسي

ولو حبيت تقرا مذكرات الشاذلي برضه اعمل سيرش عندي على المدونة

واقرا هذه المعاهدة ده صغير

وفيه بقى كتب تانية عندي ح اجيب لك اساميها

استبينا؟

وبعدين ما انت عارف اهو ان اللي يشتم اسرائيل بيروح النار

احمد سعيد

اه
بس الناس غلابة يا احمد
يعني شوية اقول زيك كده واقعد اسب والعن واقول الله؟ هم بيحكموا بلد مافيهاش شعب؟ دول لو كانوا قاعدين في الهو لوحدهم كانت السحالي والابراص اتكلمت

وبعدين ارجع اقول
ما الناس غلابة
وهم كدبوا علينا كتير
كانوا ح يعملوا ايه طيب


رانيا

حسسسسسسسسسسسسبيييييييييي الله ونعم الوكيل

يا شيخة وانا باقرا الكتاب ده افتكرت كتاب كارتر

peace not apartheid
طول ما انا باقرا الكتابين، جملة جملة عمالة اقول: حسسسسسسبي الله ونعم الوكيل

لو عوكل بس يكلمنا
انا حاسة انه راخر عامل عملة من ورانا ومش بيتكلم

Unknown said...

الكلمة نور

طيب
فيه اهم حاجة

التزام مصر بامن اسرائيل وملاحقة اي مصري يسيء لاسرائيل بالقول او الفعل داخل وخارج مصر

طب ما نساع بعضينا يابني بدل البستفة
انت فاكرني السيد الوزير زكي جمعة؟

انا ح اخد كتاب كارتر من صاحبتي عشان شحتته مني
وطلع منه البنود

وانت بص في الكتاب وطلع معايا

لاني انا متضايقة
كل ما اقرا عن كامب ديفيد اتضايق

وممكن لو متضايقة اروح مطلعة كل حاجة

عموما انا دلوقت ح احاول اقعد واشوف ايه اللي ممكن اعمله

وانت اقعد وشوف برضه

بص هو الكتاب ده اللي عامله الدكتور عصمت موفر علينا اننا نرجع نقرا الاتفاقية كلها بالجوابات الغرامية اللي تبادلها الرؤساء التلاتة
لانه مركز على النقط المهمة

ح احاول الخصه تاني

وانت بص برضه عليه شوف تعمل ايه

واللي عايز يعمل معانا حاجة يعمل

قلت ايه؟

Unknown said...

الكلمة نور

باقول لك ايه

الميل بتاعي في البروفايل

ابعت لي ونقسم الشغل على بعض

نعمل حاجة ملخصة كده: لماذا نريد الغاء اتفاقية كامب ديفيد

وتبقى نقط مختصر

واي حد يا شباب عايز يشارك معانا ييجي

من الكتاب بتاع الدكتور عصمت

عشان هو موفر علينا الرجوع للنص الاصلي

اوكيه؟

Blank-Socrate said...

عزيزتى نوارة
بكل بساطه حضرتك رديتى بكلام ملهوش علاقه بالموضوع
بالرغم من انى مش سياسى لكن تصورت سيناريو اقرب الى الواقع
ممكن حضرتك تنفى ان سوريا بتتمنى تعمل سلام مع اسرائيل
تقدرى تنفى انها هتبيع ايران و حزب الله و فلسطين بدون شك
تقدرى تتخيلى وضع مصر بدون سلام الان هيكون ازاى
احب على راسك تردى بكلام موضوعى من غير دباجه و تهيس
:)
تحياتى
قريت كتاب الجمسى من 7 سنين
و حضرتله ندوة عن اكتوبر

Anonymous said...

ياريت ننسى الماضى شوية ونركز فى الجاى ويا ريت نبدأ من نظام الثانوية العامة اللى عايزين يغيروه عايزين ده خلاص هيتغير عشان تيجوا بعد عشرين سنة تتكلموا فى الثانوية العامة لما اتغيرت اذاى اثرت على التعليم وعلى الهيكل الا جتماعى للبلد خلاص الكليات كلها تبقى بالواسطة وكشف هيئة وكوسة فى امتحانات واللى معاه يدخل واللى مش معاه ما يلزموش يا ريت يا أخت نوارة تحولى البوصلة على الثانوية العامة


قلتُ للحاكمِ : هلْْ أنتَ الذي أنجبتنا ؟

قال : لا .. لستُ أنا

قلتُ : هلْ صيَّركَ اللهُ إلهاً فوقنا ؟

قال : حاشا ربنا

قلتُ : هلْ نحنُ طلبنا منكَ أنْ تحكمنا ؟

قال : كلا

قلت : هلْ كانت لنا عشرة أوطانٍ

وفيها وطنٌ مُستعملٌ زادَ عنْ حاجتنا

فوهبنا لكَ هذا ا لوطنا ؟

قال : لم يحدثْ ، ولا أحسبُ هذا مُمكنا

قلتُ : هل أقرضتنا شيئاً

على أن تخسفَ الأرضَ بنا

إنْ لمْ نُسدد دَينَنَا ؟

قال : كلا

قلتُ : مادمتَ إذن لستَ إلهاً أو أبا

أو حاكماً مُنتخبا

أو مالكاً أو دائناً

فلماذا لمْ تَزلْ يا ابنَ ا لكذ ا تركبنا ؟؟

… وانتهى الحُلمُ هنا

أيقظتني طرقاتٌ فوقَ بابي :

افتحِ البابَ لنا يا ابنَ ا لزنى

افتحِ البابَ لنا

إنَّ في بيتكَ حُلماً خائنا !!!!!!
أحمد مطر

مواطن مصري said...
This comment has been removed by the author.
Unknown said...

بلاك سقراط

ده توقعك الشخصي؟

طيب يا حبيبي انا ما عنديش الجرأة اني اتوقع شخصيا حاجة زي دي، الا اذا كان مكشوف عني الحجاب :) وانا مش مكشوف عني الحجاب

الاعتداد بالنفس يا مينا كويس
كويس قوي
الحقيقة هو احنا محتاجينه في الفترة اللي جاية لو عايزين نعمل حاجة كويسة لبلدنا

بس يا مينا في حاجات زي دي انا وانت واي حد ما يقدرش يتكلم فيها ويتوقع ويحط نظريات وهو مش متخصص وما عندوش خلفية

انا ما عنديش خلفية ومش متخصصة

عشان كده باروح للناس اللي عندها خلفية ومتخصصة واقرا واحاول اني بعد كده اشغل مخي ويا يعجبني الكلام يا افكر فيه تاني واحاول ادور اكتر وكده

يعني مثلا انا قريت كتير في كامب ديفيد

لانها المؤثر الاول على حياتنا الاقتصادية والسياسية والاجتماعية الحالية

فلازم اعرف القانون اللي بيحكمني واللي بيلزمني ايه عشان لو فيه مثلا مجال اننا في اطار الاتفاقية نعمل نهضة نعمل مشروع
نعمل لنا اي منظر

اكيد يا مينا انت مش مبسوط من حال مصر
صح؟

اكيد مش مبسوط ان ماليزيا تبقى بتعمل عربيات من اول الموتور واحنا قاعدين نعمل شيكولاتة ولبان وياريتهم بتوعنا

ده احنا واخدين توكيلهم من شركات عالمية

اكيد يا مينا مش مبسوط اننا بنستورد القمح بعد ما كنا سلة الغلال

اكيد مش مبسوط من انهيار زراعة القطن اللي كان بيميز مصر

ده احنا كنا بناخده في الجغرافية

القطن طويل التيلة

صح؟

طيب يا مينا كل ده بموجب اتفاقية كامب ديفيد يا حبيبي

يا مينا ابوس رجلك ركز معايا شوية

ابوس رجليكوا كلكوا يا جماعة
الطبقة المتوسطة لازم تخرج من انعزالها وجبنها واهتمامها الضيق بمصالحها وتبص لحال البلد دي

مين مبسوط من حال البلد دلوقت؟

مين مش نفسه يعمل تنمية للبلد؟

مين مش نفسه يعمل زراعة للبلد دي؟

مين ما نفسوش يشوف كلمة صنع في مصر على اي حاجة تانية غير لبنا تشيكلتس اللي هو مش ماركتنا اصلا؟

مين؟

مين؟؟

انا باقرا في سورة عبس؟

ماضي ايه وحاضر ايه؟

هي اتفاقية كامب ديفيد ماضي؟

الطم على وش مين انا دلوقت؟

انا دلوقت لا باتكلم عن سوريا ولا ايران وتحليلاتك العبقرية يا عم مواطن

ولا باتكلم عن فلسطين

كل واحد متعلق من عرقوبه

مش ممكن بلدي في قاع المجتمع الدولي وانا افكر اساعد الناس

مش لما اساعد نفسي الاول؟

انا ح اعيد الكلام اللي قلته قبل كده تاني؟

احنا عايزين نبقى محترمين وللا عايزين نبقى اراجوزات؟

احنا بنحب البلد دي وللا بندور على فرصة نهج منها ونغور في داهية من وشها بعد ما قرفتنا في عيشتنا؟

احنا اقل من ايران في ايه عشان هي تعمل قمر صناعي واحنا لا؟

احنا اقل من الصين في ايه؟

الصين ابتدت تنمية قبلنا بتلات سنين
ودلوقت فرق التنمية بينا وبينها ميت سنة على الاقل

ينفع كده؟

هو انتوا مالكوا ياشباب؟

انتوا مش زعلانين على مصر؟
مش صعبانة عليكوا؟

مش غيرانين؟
مش غيرانين اننا بنستورد قمح وفول من سوريا؟

انا غيرانة
مش باقر على الناس ولا حاجة
ربنا يبارك للكل
بس هو احنا اللي وقعنا من قعر القفة

هو احنا مش بني ادمين زي كل الناس دي؟

ناقصنا ايه؟
لا ناقصنا مخ
ولا ناقصنا موارد
ولا ناقصنا ايدي عاملة

ناقصنا ايه عشان نبقى محترمين زي الناس؟

ليه القطاع العام بتاعنا يتباع لمستثمرين اجانب؟
ليه حتى رجال الاعمال المصريين يبقى مش مسموح لهم غير انهم يبقوا شوية كومسيونجية يعبي من برة ويدلق هنا

ياسيدي بلاش تأميم

يدوا فرصة لرجال الاعمال انهم يعملوا زي طلعت حرب

طيب انا ح اقول لكوا حاجة

انتوا عارفين انا مش باطيق رجال اعمال كلهم

من ناحية اخلاقية يعني

رجل الاعمال ده واحد هدفه في الحياة انه يلم فلوس
وانا شايفة ان ده مش هدف محترم الواحد يعيش عشانه

ومع ذلك
ايه قولكوا ان نجيب ساويرس كان عايز يعمل بنك ويعمل صناعة والحكومة وقفت له؟

كان عايز يعمل مشروع زي بتاع طلعت حرب كده

وزي الراجل اللي كان بيعمل تسليف في اندونيسيا

اندونيسيا يا جدعان
اندونيسيا
ادعوا لهم بالبركة

هو شاف المشروع ده بتاع اندونيسيا وقال انا عايز اعمله هنا في مصر

فيها حاجة دي؟

وده مين؟ نجيب ساويرس اللي بيأمر فيطاع ويوم ما يتقمص يقول لهم انا امريكاني ح اخد فلوسي وامشي يبوسوا على رجليه

ومع ذلك وقفوا له في المشروع بتاعه
ليه؟

امن قومي

والله العظيم قالوا له كده

امن قومي لو عملنا مشروع زي ده اسرائيل ح تضربنا

فهمتوا باقول في ايه؟

وللا اشرح تاني

مواطن مصري said...

كلنا عاوزين مصر تبقى قوية و كلنا بنحبها

Unknown said...

الله يرحمه

خلاص هو مات مش ح نطلعه من القبر ونحاسبه

دلوقت احنا واقعين في ورطة

الجبناء لا يصنعون حياة

هو وقع على حاجة غلط غلط غلط
مصيبة
مصيبة كبير
بس احنا مش ح نقعد نسب ونلعن ونقول منه لله وخلاص

لازم بقى نحاول نعمل حاجة

نطالب بان الاتفاقية تتلغي

لو صفصفت على تعديل بنود الاتفاقية يبقى كسبنا حاجة

انما ما ينفعش افضل اصدر بترولي وغازي وامنع نفسي من صناعات وابور ارضي واسرطن اكلي واقول اصلي لو ما عملتش كده يبقى اعلان حرب

يا اخي نموت يا اخي

يا اخي الموت اهون من عيشة الكلاب اللي احنا فيها دي

مواطن مصري said...

احنا نبتديها بتعديل بنود الاتفاقية و بين البايع و الشاري يفتح الله

Unknown said...

لا
ماهي دي طريقة المصريين وعشان كده خسروا

احنا مش قلنا مش عيب نتعلم من اعدائنا
ونتعلم من اعدائنا ليه؟
ما نشوف ايران عملت ايه؟
نشفت دماغها وقالت يا اشخ في زيركوا يا اروح ما جيلكوا

واهو ح يسيبوها تشخ في زيرهم

واسرائيل بتعمل كده برضه

الطبيعي انك تعلي سقف طلباتك عشان لو حققت منها سبعين في المية يبقى كويس

انما توطي سقف طلباتك يبقى مش ح تاخد حاجة
ح تاخد على قفاك زي السادات كده
هو عمل ناصح وقال يعني بيجر رجلهم
وكانت النتيجة انهم ضحكوا عليه
وكذا مرة يحضر شنطته ويبقى عايز يمشي

مع كل بند تنازل مضى عليه حضر شنطته ورجع في كلامه عشان كان قطع على نفسه خط الرجعة

الله يرحمه احنا مش عايزين نهاجمه

احنا عايزين نشوف هو غلط في ايه عشان ما نكررش الغلط

Anonymous said...

نفسي افهملك بر محدد

Unknown said...

انت مش فاهم لي بر محدد؟

مع اني يعني مش باتكلم غير مواضيع معينة ما باخرجش عنها

ده انا حتى بقيت مملة

ايه اللي مش فاهمه؟

اسأل وانا اجاوبك

77Math. said...

بتعملي فيا كدا ليه ؟

ليه؟

Unknown said...

هياع هياااااع هيااااااااااااااع

باعذبك

77Math. said...

ليه ؟؟

مع إن عمري ما كذبت عليكِ

:(

Unknown said...

يادي النيلة على الساداتيين وخراهم

اهو بس شتمت السادات انطلقوا زي الصراصير المرشوشة في كل حتة

وبهيج اللي كان عاتقني بقاله فترة جات له الجنونة ورجع يكتب عشرميت تعليق وسخ زي اللي جابوه

مع اني والله قلت الواحد يسيبه بقى في حاله اهو مات وما تجوزش عليه غير الرحمة ونحاول نشوف الخرا اللي هببه يتصلح ازاي

بس الظاهر ان الخرا اللي هببه مش في السياسة بس

ده في ادمغة كل اللي بيحبوه ومات وساب لنا صراصير ربايته وبيفكروا زيه ده اذا كان هو وللا هم عندهم مخ يفكروا بيه
الناس تسيب صدقة جارية
وده سايب لنا المجاري جارية على دماغنا

طيب يلعن ميتينكوا يا عرصات على ميتين السادات اللي خربها وباع نفسه للشيطان عشان يقعد على قلبنا

وبرضه مات مقتول
وتسلم ايدين اللي عملها

ياللا من هنا عشان انا ح احط نفتالين كمان الى جانب البيروسول

حـنــّا السكران said...

رواية " عزازيل " انشالت عن النت ؟؟

أرجو إذا كان حدا عارف أي لينك لتحميل الرواية , يكتبه , و أنا ممنون كتير .

Unknown said...

يا اختييييييييييييي


يا شباب

نصيحة اخت لوجه الله تعالى

اللي عنده بوادر حب السادات يلحق نفسه بسرعة قبل ما الاصابة تستشري وتنتشر في كل خلايا المخ ويبقى زي التحف اللي بيسيبوا لي التعليقات اياما

اذا وجدت في نفسك بعض من هذه الصفات اعرف انك في خطر:

1- غبي
بجد والله مش شتيمة، وغباوة اختيارية مش حاجة كده من عند ربنا لا سمح الله

2- ديماجوجي
ما يعرفش يرد على حاجة، زي الصهاينة كده، يبتدي الاول بالشتايم اللي ورا بعضها، وينتقل الى الاتهامات (خاصة الخوض في الاعراض - دي لعبتهم على فكرة) ثم يهلل عليك بقى زي الولية الشرشوحة في الحارة
وبرضه ما يردش على ولا حاجة من اللي انت قلتها

3- دماغه زي نشافة

بيلزق فيها الكلام بالعكس وبيسيب تعليقات زي اللي متسابة في البندينج كده، يعني كلها ترديد لنفس الكلام

4- انعدام القدرات الابداعية تماما

حتى وهو بيشتمك ما يعرفش يبتكر، يا اما يقول كلام مكرر ويفضل يعيد ويزيد فيه

يا اما (غالبا) ياخد الكلام من بقك ويعيدهولك كأنك بتضرب كورة بينج بونك في الحيطة

5- هيستيري

ما اعرفش دي اعاقة وللا دودة
يعني لا يكتفي بتعليق واحد
عامل زي المخبول اللي يشتمك وبعدين يروح للباب ويفتكر شتيمة يروح راجع تاني وبعدين يروح ويرجع
كده، وعنده تصور انه ملزم يفضل يهبل الهبل بتاعه ده لحد ما تسكت
واذا ما سكتش انت بتقطع نفسه كده

6- ما عندوش بضاعة
غير يا اما يسب لك يا اما يسب لعبد الناصر اللي هو مش جوز خالتك ولا حاجة
ويفضل يقول لك يا ناصري وهو عارف انك مش ناصري وناصري دي اصلا مش شتيمة

الله يرحمه عصمت سيف الدولة كان ناصري
واللي بيتقال عليهم ساداتيين ما انتجوش اي حد اكاديمي ولا مفكر ولا اي حاجة عليها القيمة خالص
يعني كفاية تقارن ما بين انيس منصور وهيكل
مهما كان هيكل اهو على الاقل ربنا مديله دماغ
مش بيتكلم عن الذين هبطوا من السماء وصديقي الاسرائيلي ليل نهار


الا بالمناسبة صحيح

انيس منصور كان كاتب بيقول ان السادات قال له: انا فنان، انا اتورطت في السياسة

اه

طب يعني واحنا ذنبنا ايه؟ مين اللي منه لله اللي ورطه وورطنا معاه؟

ما اشتغلش مغني ليه وهو كان صوته حلو في الغنا؟

احنا ذنبنا ايه صاحبه يورطه في السياسة واحنا نلبس فيه؟

Unknown said...

اه معلش يا شباب

انتوا اصلكوا ما شفتوش التعليقات اللي بندنج

انا بس مش منزلاها عشان ما اخدشش حياءكوا

Anonymous said...

عليكي نوووووووووووووووور
اتاري جمال هو الرئيس المقبل لمصر
اه كدة واضحة شوية
اصل لا اخوان و لا راجل عسكري و لا حتي راجل حنجوري هينفع معاهم في الوضع ده
هو جمال مفيش غيره اه
والله ربنا يخليكي
برضه كل شوية الصورة بتوضح
ياتري كمان سنة ايه تاني هيوضح
استر يا رب

Anonymous said...

لا يا جو ممكن ابعتهالك علي الميل الرواية نفسها لو مزنوق فيها بس لينك مش عندي

الكلمة نور said...

هذا والله اوك كبيره منى
وانا هاحمل الكتاب
وهاحاول بس من غير تركيز كبير منى فى الاسبوع ده على الاقل لظروف خاصة
واللى هلاقيه مهم هاشحنه ليكى عالايميل ومكانش قصدى بستفه انا بس كنت سامع المثل بتاع الرقص والحنجله وحبيت استعمله :D
وللاخ حنا السكران عزازيل موجوده كامله فى
4shared.com

حـنــّا السكران said...

هههههه

جد هو قال لأنيس منصور: أنا فنان ؟

ههههه طب بتصدقي انه بيوجعني قلبي عليه أحيانا .

هو كان هاجسه الأبدي الشهرة و النجومية.. و أعتقد والله أعلم انه كان بيكره رشدي أباظة و كمال الشناوي أكتر من كرهه لأي حاجة تانية .

و كتير من اللي بعرفهم و بيحبوا السادات بتعصّب ..عندهم نفس المرض ..مرض الظهور و اجترار الشهرة و النجومية و تخيّلها .
ـ ضفر هيكل بكلّ مدّعي العبقرية التانيين .. بتوع صديقي فلان .. كلهم كمان عندهم نفس الجملة تجاه الصهيوني أو الأمريكي المتصهين : صديقي فلان . صديقي كارتر . صديقي بيغن . صديقي كيسنجر . صديقي شارون . صديقي فوكوياما ... و الأصدثاء المفترضين نازلين بهدلة فيهم و مسخرة عليهم في كتبهم ... بالمقابل .. حتى المعتوهين و السحرة بإسرائيل بيحاولوا ينسبوا لنفسهم مفخرة قتل عبد الناصر ..شخص عبد الناصر و تكوينه النفسي و العقائدي و الإيديولوجي .. كان مصدر رعب لكل أنجاس العالم .. حتى من غير ما يعمل أي حاجة ..

احمد سعيد said...

الاخ بلانك
.............

اولا مين اللى قال لحضرتك على موضوع الاحجام السوفيتى دة

اولا زى ماكان فيه جسر جوى لاسرائيل كان فيه جسر سوفيتى لمصر

وامريكا كان من رابع المستحيلات انها تدخل بشكل مباشر على ارض المعركه , يعنى تحارب مصر , لان الروس انذروها ان دة لو حصل فمعناة حرب نوويه بين الدولتين بدون نقاش , وتم رفع حاله الاستعداد فى الجيش الروسى زى ماحصل فى القوات الامريكيه بالظبط...
يعنى حضرتك حكيت الموضوع بالمشقلب

وبعدين قصه رخامه ورزاله الاتحاد السوفيتى معانا دى مختلقه من السادات
اينعم هما كانوا رخمين شويه
بس السادات ضخم الموضوع دة جامد علشان يوجد مبرر للارتماء فى احضان الامريكان

وعلى فكرة
المخطط كان استرداد 14 كيلو بالظبط شرق القناة
ودى المساحه اللى الدفاع الجوى غرب القناة يقدر يأمنها
بعد كدة قواتنا هتبقى مكشوفه لطيران العدو

ومجرد قدرة الجيش على استرداد المساحه دى وثباته فى وجه الهجمه المضادة لليهود يوم 9 اكتوبر

كان بيضع اليهود امام خيارين كلاهما يؤدى لهزيمتهم
الاول هو ثباتهم فى مكانهم وبقاء المناوشات الحربيه
وفى الحاله دى كانت اسرائيل كدوله هتنهار خلال 3شهور على الاكثر
حتى لو الامريكان عملولها الًلى
لان الشعب بالكامل رجاله وستات عادا من عمرة فوق 56سنه كانوا على الجبهه
يعنى مرافق البلد كانت مشلوله بشكل تام

ولو قرروا يهجموا على الجيش المصرى
هيتكبدوا خسائر بشريه فادحه لان الجيش المصرى هو كان بيقوم بدور المدافع يعنى موقفه احسن بكتير من المهاجم
ودى برضه ملهاش دعوة بسلاح الامريكان
دى تتوقف على كفائه التحصينات المصريه
يعنى خسرانين خسرانين

ايه بقى اللى خلا السادات يدى امر بتطوير الهجوم ؟؟؟؟!!!!!

Unknown said...

يا جو

طبعا ده يصعب على الكافر

ولعلمك كان صوته في الغنا حلو قوي

وكان نفسه يبقى ممثل كوميدي وقدم فعلا في مسابقة تمثيل وبعدين طلعت مقلب
وكان من اشد المعجبين بنجيب الريحاني وذوقه في الفن كان حلو قوي ومتذوق للموسيقى الراقية وبيفهم فيها كويس قوي
وكان بيحب المسرح قوي

سبحان الله
خسرنا فنان عظيم واتبلينا بسياسي حمار
الدنيا دي غريبة
ح نقول ايه؟ قدر الله وما شاء فعل

حـنــّا السكران said...

شكرا جزيلا يا أحمد ..و الكلمة نور .

أشكر اهتمامكم جدا .. في حدا كريم تفضّل عليّ و بعت لي اللينك و نزّلتها .

ألف شكر لكم .