Friday 13 March 2009

لألألألألألألألألألألألألألألألألألألألألألألألألألألألألألألألألألألألألألألألألألألألألألألألألأ

لألألألألألألألألألألألألألألألألألألألألألألألألألألألألألألألألألألألألألألألألألألألألألألألألأ


من ناحية أخرى قال رئيس المخابرات العسكرية السابق بتل أبيب أن " الرئيس المصري حسني مبارك عرف خلال الحرب على قطاع غزة أن تل أبيب هي بالفعل قائدة حرب العالم السني المعتدل ولذلك قام بما قام به" دون أن يوضح المغزى من حديثة ،لافتا إلى أن " صورة إسرائيل تضررت جدا بسبب الحرب الأخيرة في غزة نظرا لأنها فشلت في ترجمة نجاحها العسكري إلى تفوق سياسي"

وسبق ان ادلي بتصريحات ليديعوت أحرونوت أيضا منذ سنوات اكد فيها أن جمال مبارك هو " الشخصية المركزية الآن في الحياة السياسية والإعلام المصري بالإضافة الى اللواء عمر سليمان رئيس المخابرات المصرية "
-------------

32 comments:

TAFATEFO said...

لأ ليه

آه آه آه آه آه آه آه آه آه آه

مبارك عرف كده .. ربنا يخليله دماغه .. وياخده أخذ عزيز مقتدر

انما هي إسرائيل في محرقة غزة كانت بتقود العالم السني المعتدل قدام مين .. ما حماس سنه برضه .. تقريباً يعني

يا رب .. أولمرت أول ما شكر .. شكرك يا حسني .. ودلوقت الرجل العجيب ده بيقول ان حسني عرف ان إسرائيل القائد .. مبروك يا حسني .. ربنا يعلي مراتبك كمان وكمان

اللهم أرنا فيه عجائب قدرتك

77Math. said...

يعني ايه "السني"؟

هي إسرائيل أسلمت وصبأت عن دين آبائها؟

وبعدين ليه متنرفزة ؟ مش اتقال أكثر من كدا في عز أيام الحرب؟

Unknown said...

يا عوووووووكل يا مسيطني


لا ماهو حماس وباكستان تم استبعادهم من المذهب السني

حيث ان امتلاك سلاح نووي زي باكستان او سلاح الصاروخ ابو كيلو واحد متفجرات هي خاصية شيعية بامتياز

ياريت يا اخ مصطفى تراجع دينك وتفهم كويس
بطلوا الايمان بالخرافات اللي زرعها الفاطميين الروافض في مصر

عروسة المولد والسلاح النووي والصواريخ كلها دسائس رافضية مقيتة

استغفر الله يا اخ مصطفى وجدد ايمانك


77ماث

لا ماانا اول مرة اعرف ان احنا في الاصل يهود
والشيعة في الاصل مسيحيين


بس كاتوليك بقى

دول الشيعة الاثنى عشرية

الشيعة الزيدية بقى بيبقوا ارتودوكس

انما بيقول لك الفاطميين بروتستانت
والظاهر مارتن لوثر كان منهم

فهمتي؟

ايه الجهل بالتاريخ ده؟

ahmed samir said...

الراجل مغلطتش

مبارك فعلاً عرف ان اسرائيل هى الزعيمة فى المنطقة و كان بيلعب لصالحها
اما حكاية قائدة العالم السنى فأولاً هو بيضرب اسفين و بيقسمنا سنة موالين و شيعه متطرفين
يعنى يا تبقى سنى معاهم يا شيعى مش معاهم
و انت عايز تبقى سنى و مش معاه يبقى ده طرف ثالث

اما بالنسبة لجمال مبارك فالسى ان ان
اثناء الحوار معاه
وصفته بإنه الرئيس المرتقب لمصر
واضح انه بقى رقم متفق عليه فى المعادلة

77Math. said...

اهااااااااااااااااااااا

قولي كدا بقى


لأ ما فهمتش !

أصلي فاشلة في التاريخ.. بس بحاول والله

أنا عايزة أحجز عندك إنت وأحمد سعيد تدوني دروس خصوصية واحدة واحدة كدا

بس عندي شرط واحد بس

إن التاريخ يكون جميل وأمور ويفرح القلب كدا ويشجعني أسمعه، من غير حروب ولا انقلابات وكله عدل وخير وسلام ووئام وفتحية وانتصار!


يكونش قصده يقول كدا تقوم إسرائيل توافق على كلامه، يقوم هو يقول: شفتوا بقىىىىىىىىىىى خليت إسرائيل تسلم؟

بما إن موافقتها على كلامه تعني انها قائدة السنة بقى !

شفتوا بقى الحكمة وبعد النظر ؟

والله الجهل وحش والنوايا محدش عارف بيها غير اللي خلقها

TAFATEFO said...

عروسة المولد والسلاح النووي والصواريخ كلها دسائس رافضية مقيتة

LOL >> عندك حق

حـنــّا السكران said...

هيدا شي واضح يا نوارة .. و مش بس عوكل اللي شايف هيك ..معظم اخوانه في العوائل العربية الحاكمة شايفين هيك .. شو هو محور الإعتدال ؟ هي بدأت من الأخ الأصغر و الأكثر كارثيّة ملك الأردن لما تبرّع و رمى فـتـّيـشة المحور الشيعي ,, و كانت مقصودة تماما ..
هم فعلا عايزين سنـّة متلهم و شيعة متل شاه إيران و أحمد الجلبي ..غير هيك ما بيقبلوا وهم مستعدين للتحالف مع الشيطان .
و أنا أكتر شي بستغربه بالشعوب العربية هي الإنحياز للحاكم بسبب المذهب .. يعني هؤلاء سنة ؟؟ أو إسلام أو منتمين لأي دين ؟ هؤلاء الحكام السنة و شاه إيران الشيعي همّ اللي اسرائيل و أمريكا عايزينهم و عايزين الإسلام يتسمّى باسمهم و يكون على شاكلتهم .

و أي حدا تاني بيفتح تمّه و بيقول عايز حقي .. بيكون متطرف و خارج عن الدين .. سواء كان سني متل حماس أو شيعي من جنوب لبنان .

مواطن مصري said...

نوارة هو اي حاجة تقولها اسرائيل نصدقها يعني انتي مصدقة حكاية ان اسرائيل موتت عبد الناصر ب السحر الاسود؟؟؟


يعني بكرة يقولو ان اولمرت والي من اولياء الله نقوم مصدقين


ربنا عرفوة ب العقل

مواطن مصري said...

انا مش مصدق ولا كلمة من كلام الاسرائيلي دة


دي اسرائيليات

مواطن مصري said...

متعرفيش نصر الله هيتكلم امتى؟

حـنــّا السكران said...

لسه مبارح كتبتنا هنا عن سنّة سعد الحريري الجديدة أو الجدد .. كله ماشي على الخطة المرسومة .و عوكل واحد من هؤلاء .. واحد من ركّاب الترين ...
بس هو متحمّس زيادة عن غيره .. منشان يكسب حسنات أكتر

حـنــّا السكران said...

إنت نسيتِ الرئيس المؤمن ولاّ إيه ؟؟؟

ما هو ده اللي شق لنا البحر ,... قصدي الطريق .

مؤمن .. مؤمن .. ما تنسيها .. هيدي أهمّ شي

mido said...

لو مقرأتيش مقال نجلاء بدير النهاردة يبقى فاتك كتير

Anonymous said...

يبدو كتاب جيهان السادات الذى تصدر ترجمته العربية عن دار الشروق قريبا، تكريسا للفكرة التى عاشا معا من أجلها: السلام، هذا ما يوحى به العنوان على الأقل «أملى فى السلام».لكن الكتاب فى الجانب الأكبر منه هو دفاع عن الإسلام، الفكرة والعقيدة ومنهاج الحياة، وهى منذ البداية تؤكد التلازم بين الفكرتين، واشتراكهما فى الجذر اللغوى ذاته وفى نفس الحروف كما تقول جريدة الشروق التي نشرت عرضا مختصرا للكتاب ... والجريدة تصدر عن ذات دار النشر التي اصدرت كتاب جيهان

تقول الجريدة :تبدو السيدة الأولى السابقة منشغلة عبر صفحات الكتاب وبين سطوره بتصحيح فكرة الغرب عن الإسلام وبيان زيفها، وتجيب بجهد أكاديمى وروح محبة عن الأسئلة التى كثيرا ما تثار فى العقلية الغربية: هل الإسلام دين صدامى يدعو إلى العنف والقتل وإقصاء الآخر؟.. ما هو وضع المرأة فى الإسلام؟.. هل هى مهانة ذليلة مهدرة الحقوق (أحد الصحفيين الأجانب سألها ذات مرة عن عدد المرات التى يضربها فيها زوجها الرئيس الراحل فى اليوم فأجابته ساخرة: 24 مرة، ثم شرحت له ــ كما تبيّن فى كتابها ــ خطأ فكرته عن مكانة المرأة فى الإسلام)، لماذا آثر الإسلام الرجل على المرأة فى الميراث؟.. هل يمنع الإسلام المرأة من العمل؟.. وإذا عملت فما نوعية الوظائف المسموح لها بها؟.. ولماذا لا يحق لها أن تصبح قاضية أو رئيسة حكومة؟.. وهل النساء فى الإسلام ناقصات عقل ودين؟.. ولماذا يسمح للرجل بتعدد الزوجات فيما لا تنال النساء الحق ذاته؟.. إلى آخر هذه النوعية من الأسئلة التى تمثل مطاعن متكررة للغرب فى الإسلام وحياة المسلمين


وفى سعيها لرد هذه المطاعن، تظهر السيدة خديجة أم المؤمنين وأولى زوجات الرسول، أول من صدقته وناصرته بمالها ونفوذها فى بداية الدعوة، والسيدة عائشة أحب نسائه إلى قلبه ورفيقته فى الرحلة حتى انتقاله إلى جوار ربه، وراوية مئات الأحاديث الصحيحة عنه، وإلى جانبهما تظهر رائدات النهضة النسوية: هدى شعراوى وسيزا نبراوى ونبوية موسى وأمينة السعيد وسهير القلماوى، تأكيدا لنضال المرأة ودورها منذ البعثة النبوية حتى اليوم، ولأنها ترى نفسها «جزءا من تقليد عماده نساء مسلمات عربيات مصريات قويات، نساء لسن شاذات عن القاعدة أو خائنات لصالح الغرب»، تظهر أيضا الملكة رانيا ملكة الأردن والشيخة موزة قرينة شيخ قطر وأسماء الأسد، وقبلهن صورة السيدة سوزان مبارك، وجميعهن يقدمن صورة مغايرة للصورة النمطية الشائعة فى الإعلام الغربى عن المرأة المسلمة

Ahmad Tawfik said...

على رأي مصطفى لأ ليه ؟؟

ده لوقال غير كده هو اللي الواحد يستغرب له.

على فكرة ساعات بافتكرك واعية جداً وفاهمة الأمور مظبوط وساعات زي دلوقت يفاجئني رد فعلك.

احمد سعيد said...

عمى انونيموس

معلش يعنى فدى الكلمه ,
حد يقرى كلام كاتباة جيهان السادات؟

يا راجل حرام عليك

دا انا اقرف المع بيه الازاز

هههههههههههه

جيهان؟؟؟!!!!!

...................

عمى وقائدى الاعلى ميدو بيه


الف الف الف الف شكر
على المقاله بتاع نجلاء بدير

بجد

بجد يعنى

جابت من الاخر

Unknown said...

حرام عليك يا ميدو

هو انا ناقصة نكد؟

مي ثابت said...

أعتقد إن ده إثبات آخر إن مبارك مش بيتصرف و هوه خايف

لألألألألألألألألألألألألأ
الراجل مستمتع باللى بيعمله

لأن اللى خايف ميبعتش رسالة للصهاينة فى عز مذبحة غزة
عبر ساركوزى مرة
ثم عبر وفد الترويكا الأروبى مرة تانية

إن حماس لابد أن تخرج منهزمة

اللى خايف ميقلش إن الصهاينة لازم يبقوا عند المعبر
تنفيذاً لإتفاقية دحلان اللى مصر مش طرف فيها

كما سبق و مرر سفن الغزو الأمريكى للعراق من قناة السويس

و قالك إتفاقية القسطنطينية عام ألف تمنومية و خشبة

و أظن كامب ديفيد و لا كامب شيزار مبتلزمهوش يجند صبيانة يشوهوا
حزب الله تارة
و حماس و المقاومة مرة أخري
و هما فى وسط المجازر


أما بقى عن عبد الناصر

فمحدش قاله يغلق مضيق تيران
و اللى وقتها كان يعنى إعلان حرب
كما قال جمال حمدان

طب يا عم عايز تحارب
متسلمش القيادة لعامر

و متجبش أكتر من نص جيشك من أرض اليمن و تشحنهم على سيناء
يعنى لا تدريب على أرض المعركة و لا إستعداد و لا يحزنون

و الأغرب إنه يطلب من قائد القوات الجوية إنه يتلقى الضربة الأولى

و لما الراجل حب يشرحله إن ده معناه هزيمة محققة

ركب دماغة.. و فعلاً إضربت الطيارات و هى على الأرض



أما بقى عن الحاج السادات
فمحدش قاله وقع الإتفاقية

الراجل وقعها بمزاجه بمفرده
و كان مدرك إنها بتكبله
للدرجة اللى إستقال فيها وزير الخارجية ساعتها





الخلاصة
الكيان لازم يتفكك طبعااااااااا
بس لازم نبقى مدركين
إن اللى بيحصل فينا نسبة كبيرة منه من صنع إيدينا

Unknown said...

لا خايف طبعا

هو عنده هوس الاخوان المسلمين
ولو الاخوان المسلمين انتصروا في فلسطين الناس ح تتلم حواليهم زيادة ماهي ملمومة

خايف؟

ده مرعوب يا بنتي

مرعوب مننا ومش طايقنا

انا عايزة افهم لما هو بيكرهنا
وعارف ومتأكد اننا بنكرهه
ماسك في ام الكرسي ليه؟

هي شربة؟

Unknown said...

هههههههههههههههههههههههه

لا يا شيخة

لأ بجد

مصدقش هو قال كدة

اه هو يقول

جمال سيد الناس و عمهم كمان
اه ماشى

لكن يقول ان اسرائيل قائدة العالم السنى

ده يبقى جاله استبحس فى المنام
قاله كلام عيب كدة
صحى من النوم قال البقين العسل دووول

طب امتى بقى حيمسكوا سيادة الحاخام
مرشد حزب اسرائيل بيتنا
مشيخة الأزهر
عشان يبقى زيتنا فى دقيقنا

و سنتنا فى صهوينتنا

و نسميها

الطريقة الصهوسنية

او السنهونية

ههههههههههههههههههههههههههه

77Math. said...

بصي أنا كمان بقيت أعتقد إنك أحيانا مش بتفكري بشكل صحيح

يعني حيكون ماسك في الكرسي ليه؟

أكيد عشان صحته مش مساعداه يقوم يقف

حسبة بيرما دي؟

مواطن مصري said...

اةةةةة اتاري مش بعيد يكون مهدي عاكف عضو في حزب اسرائيل بيتنا


اهااااااا ام الحشيش الافغاني
:))

TAFATEFO said...

نعم نعم نعم نعم (على طريقة شويكار) إخوان ايه يا حبيبتي

رحمتك يا رب

يا ست الحاجه .. يا ست الناس .. يا ستو أنا .. إخوان مين اللي هيخاف منهم يا ضنايا

مش عايز أحكيلك حكاية الشاطر حسني لما مسك الحكم والتأييد والاستبشار الشعبي على أشده .. واللي بلغ ذروته لما أخرج وعمل وسوى .. اللي بلغ عنان السماء لما رفع وقال وعاد وزاد .. مش عايز أحكيلك ده كله وأقول ايه اتقال وايه اتعاد وايه اللي حصل والحال وصل لده الحال .. الحكايه مش محتاجه

مبارك بيخاف من أمريكا .. ليه؟ .. لأن أمريكا تملك كثير من مفاتيح اللعبة الداخلية في معظم بلدان الشرق الأوسط .. ازاي؟ .. بتطلع قوى معارضه تهدد بيها النظام علشان ينصاع لأوامرها .. ليه؟؟ لأنه مصمم يخلد فيها لآخر نفس .. مع ان الفويل اتحرق والمعسل فحم والميه اسودت

مين قبل كده راهن على الشعب .. محدش
مين قبل كده راهن على الديموقراطيه .. محدش

ليه لأن الشعب لسه مجابش حد علشان يحاسبه .. ومحاسبش حد علشان يشيله .. والشعب اللي مش قادر يشيله وفي معظم الأحيان مبيتكلمش .. برضه هيسكت لو أمريكا خلعته بالقوة ومش هيتكلم

بس الشعب ده اتغير

نسأل الله ان ميجيش شوية ألاضيش يركبوا الموجة ويستغلوا الحراك الشعبي الواضح (للمبصر والأعمى) ويركبوا على الكرسي ويحلالهم ويرجعونا تاني لحكم الألاضيش

جمال مش هييجي بايد الناس ولا بمزاجهم .. بس هييجي على شعب في مناخ مهيأ لأن الشعب يشيله لو مكانش على هوا الشعب .. بكره تقولوا حد قال

جمال محدش هيسنده .. اللي ساند عليهم مستقلين بيه وشايفين نفسهم أحق منه .. والناس مستقلين بيه وشايفينه هفية .. فراح ساخد عم ماما أمريكا وطنط إسرائيل .. ودي أولى غلطاته .. ووالله ما هينفعوك يا أهبل يا ابن سوزي

=-=-=-=-=-=-=-=-=-=-=-=-=

على جنب .. موضوع من يومين .. بس فهمي هويدي كاتب مقال يوم الأحد اللي فات في آخره سطرين مهمين .. أوي

http://fahmyhoweidy.blogspot.com/2009/03/blog-post_08.html

اقريه حضرتك إذا بتريدي

Anonymous said...

To Ahamed said:

I have just send this news because I like your group here in this blog. You donot know how I like all here. By way, I am female (lady) not guy. For time to time, I send some funny news that I find it so I be in touch with you all especially the owner of this blog my favourite writer NAWARA. At the beginning I used to like your Mommy but now you are favourite with your craziness, fun and smart mind.

Allah bless your all.

TAFATEFO said...

بخصوص الإخوان المسلمين

مع كامل إحترامي .. بس هما ازاي تتخيلي ان عيل صغير ممكن يخاف من واحد مهواش عارف أصلاً هو ممكن يعمل ايه؟؟

لو معاك تأييد 30 مليون مثلاً .. وعندك فلوس .. وواخده سمعه مش حقيقيه ان في منك أمل .. وقدامك تحصل مكاسب قوى كتير بقالها أكتر من 30 سنه بتعمل .. وبتكدب والناس بتصدقك .. ولسه تايه وخايف ومش عارف تمد ايدك ولا تتحرك .. ومستني حاجه منتش عارفها

تبقى حماااااااااااااااااااااار

TAFATEFO said...

الإخوان .. زيهم زي كيانات أو أفراد تانيه كتير .. ليهم مهنة

فزاعات أنظمة .. في ايد مين؟؟ ماما طبعاً

بيفكروني بعصاية المقشة .. وعود الكبريت .. والمكواه السخنة

بلا هم

TAFATEFO said...

أما موضوع الأزمة مع حماس سببها انه خايف من الإخوان في الداخل فده بصراحه كلام عقيم

مسكلة اليلطة الوطنية والأنظمة العربية مع حماس شرحها فهمي هويدي برضه حين قال

ذلك أننا نبسط الأمر كثيراً ــ هكذا قلت أكثر من مرة ــ إذا حصرنا الخلاف بين حركتي فتح وحماس، أو اعتبرناه صراعاً حول السلطة، لأنه فى حقيقته خلاف حول المنهج يتجاوز الحركتين ويطرح نفسه بقوة فى الساحة السياسية العربية، من حيث إنه تجسيد للانقسام بين نهجين، أحدهما التزم بالتسوية السياسية، والثاني انحاز إلى صف المقاومة، وهو ما دعا أحد المثقفين الفلسطينيين البارزين إلى القول إن الانقسام فى الصف الفلسطينى لم يبدأ بنتائج انتخابات عام 2006، ولا بعد تولي حماس للسلطة فى القطاع فى منتصف عام 2007، وإنما بدأ مع توقيع اتفاق أوسلو فى عام 1993 (الذى كان عرابه السيد أحمد قريع رئيس وفد فتح فى لقاءات القاهرة الأخيرة).. منذ ذلك الحين اعتبرت المقاومة عقبة فى طريق السلطة، التى نشأت بعد أوسلو، وظل الأمر تحت السيطرة، إلى أن أفرزت انتخابات عام 2006 سلطة جديدة منحازة إلى صف المقاومة، الأمر الذى أربك العملية واعترض المسار الذى كان مرسوما. لذلك ظل إقصاء تلك السلطة وعدم الاعتراف بنتيجة الانتخابات مطلبا ألحت عليه وتمسكت به كل القوى المنحازة إلى التسوية السياسية، فلسطينيا وعربيا. وهذا الإقصاء هو الهدف النهائي لكل المساجلات والمصادمات والحيل، التى تتابعت على المسرح الفلسطيني منذ عام 2006 وحتى هذه اللحظة.

فالموقف من حماس هو ذاته من حزب الله .. هو موقف الخائف من عقاب ماما أمريكا وابنتها إسرائيل .. هو موقف من المقاومة

عقاب ماما أمريكا وابنتها إسرائيل ق يكون بيد أي متحرك بدعم من أمريكا بما فيهم الإخوان

احمد سعيد said...

مصطفى بك

انت عارف انى عندى شبه يقين ان جمال مش هيشم ريحتها

وان نهايته هتكون اسود من نهايه عمو لويس الستاشر

ومش علشان معطيات سياسيه

دا احساس كدة لوحدة

TAFATEFO said...

ممكن .. كل شئ عنده بمقدار

ربنا يجعل ساعتي قبل ساعته هو وأبوه .. بس ميأخرهمش عني كتير .. ويعجل ساعتي قادر يا كريم

واحد في أسوان زي العسل اسمه عم ناصر (عامل حوالي في السبعين بس مسنينه مواليد 52) وعاش كل حاجه ومسجله أكتر من ساعه حكاياته في الجيش وفي مراحل مصر اللي عاشها

بسأله عن جمال .. بيقوللي مش هيمسك .. علشان مبارك مش هيموت

هو طبعاً قالها بألفاظ مختلفه شويتين ;)

77Math. said...

هو دا التأثير الفرعوني للتحنيط
:D

Anonymous said...

Ahmad Tawfik

اسلوب نوارة بالانفعال وافتعال الدهشة عند قراءتها للكبائر، مرده الحرص على بيان الجريمة وعدم جعلها خبراً عادياً يكتفى بمصمصمة الشفاه عند مروره
وهذا اسلوب الانبياء ويمكنك رؤيته في قصة النبي موسى عند عودته من ميقات ربه ومشاهدته لبني اسرائيل وهم يعبدون العجل
لم يكن هناك وسيلة لبيان استنكار النبي موسى لهول الجريمة الا امساكه برأس ولحية اخيه النبي موسى مع ادراكه لبراءته من الفعل والفاعلين
ودمت موفقاً

سكوت هنصوت said...

المرة دي انا الي هحلق بعيدا عن السرب واعلق تعليق ملوش علاقة بالبوست....بس هو فين نتيجة الإستفتاء الي عملتيه وفين الرغي الي قلتي هترغيه؟؟؟؟