Friday 6 March 2009

حقائق في الشان السوداني

تحديث:
دينا صاحبة التعليق سابت لي تعليق دلوقت بتقول لي انها سودانية
انا والله ما اعرف دي مين، ولا اعرف هي سودانية، وللا هي ناشطة، وللا هي بس واحدة بتستعمل مخها اللي ربنا مديهولها ومش راكناه على جنب، بس انا دخلت لي واحدة اسمها دينا عندها معلومات كويسة عن الشأن السوداني، ولانها عايشة في الولايات المتحدة الامريكية فهي الظاهر ما عندهاش كي بورد عربي وسابت لي تعليق طويل ومهم وانا شفت اني لازم اترجمهولكوا، ح تلاقوا كلام بالاحمر دي تعليقاتي لاني ما قدرتش امسك نفسي:

اولا للاسف فعلا مافيش امكانية للحصول على ادلة مادية للي بيحصل في السودان لان زي ما قلتي كل التقارير جاية من مؤسسات ووكالات معينة لها اغراض في السودان وكلهم مش موضوعيين ولا محايدين. لو اتفرجتي على اليوتيوب مش ح تقدري تحددي بالظبط المادة دي اتصورت فين. على سبيل المثال لما تشوفي الفيديو وتلاقي فيه قوات الجنجويد اللي مفروض انها عربية عمرك ما تقدري تعرفي هم ايه بالظبط لان كل الناس شايفين ان السودانيين شبه بعض لكن بقى السودانيين هم اللي يقدروا يميزوا واي حد منهم يقدر يقول لك ان القوات اللي بيتقال عليها جنجويد في الافلام دي فيهم ملامح كتير من القبائل الافريقية اللي في دارفور وغرب السودان. يعني اي حد يقدر يلبس بشكل معين ويقول انا من الجنجويد واللي مش سوداني عمره ما يقدر يعرف الفرق او حتى يشك فيما اذا كان الادعاء ده صحيح وللا لا.

حاجة كمان، كل الفيديوهات اللي مفروض انها بتبين المشاكل في دارفور، مافيش اي صور لجثث الناس اللي اتقتلت، كلها صور لاكواخ مهدودة، مخيمات لاجئين مافيش غير عضام موتى (وبالمناسبة الجثة بتاخد وقت قد ايه عشان تتحول لعظام، لو فاهمة قصدي؟) وبعض شهادات لناس بتقول انها اغتصبت وبيحكوا عن مدابح إلخ. يعني فعليا مافيش صور اتاخدت حية للمدابح زي اللي حصل في غزة.

ممكن تسمعي عن هجوم المتمردين في دارفور على مخيم او جماعة من الناس او منظمات في المنطقة لكن عمرك ما بتشوفي الصور دي فيديوهات، يا ترى ليه؟
ثانيا، مين اللي بيعد الضحايا؟ هل اساسا فيه احصاء رسمي لتعداد السكان في المنطقة دي (صحيح تلتميت الف في دارفور ازاي؟ هي دارفور كلها كام؟ السودان على بعضها فيها كام تلتميت الف؟/انا) هل الناس اللي بتعد دي حاطة في حسبانها ان الحدود بين السودان وتشاد مفتوحة تماما وان الناس بتدخل وتطلع بحرية؟

في سنة 2003 لما ظهرت مشكلة دارفور على الساحة بالرغم من انها كانت موجودة قبل كده بكتير بسبب تقلص الموارد زي ما قلت قبل كده (هي كانت قالت قبل كده ان تغير المناخ تسبب في تقلص الموارد وجفاف المياه مما ادى الى نشوب حرب اهلية) ابتدت النيويورك تايمز تدي تقارير كتير عن ارقام متضاربة للضحايا، وهي النيويورك تايمز اصلا اللي ابتدت كل حملة "انقذوا دارفور" (انا متهيالي كنت قلت لكوا ان النيويورك تايمز ولاد ستين تيت وكدابين ونصابين والفوا على لساني كلام ما قلتوش، تخيلوا لما يألفوا على لسان واحدة فسلة زيي كلام مالوش اصل امال في قضية زي دي ح يعملوا ايه؟ وعلى فكرة بعت لهم وما ردوش عليا) بالرغم من ان امريكا كانت عاملة حصار على السودان من قبل كده، يعني انا مش عارفة ازاي اي مؤسسة امريكية يبقى عندهم فرصة يعرفوا الارقام دي بشكل مؤكد؟ في الاول كان في حدود متين تلتميت الف وبعدين وصلت لمليون وبعدين رجعت تاني لتلتميت الف.... اصلا مين اللي بيحصي الاعداد دي؟ ولمدة خمس سنين الرقم فضل من متين لتلتميت الف؟ ده معناه ايه؟

انا عايشة في امريكا وحاولت اني اتطوع للعمل مع السودانيين اللاجئين اللي من الجنوب ومن دارفور في منظمة اسمها كير. واكتر حاجة غريبة سمعتها من المنظمة ان كان فيه حالات مزيفة كتير...بمعنى ان كان فيه ناس كتير ادعت انها من دارفور ولما حققوا في الموضوع لقوهم لا من دارفور ولا من السودان اساسا.

هل ده يعني ان الحكومة بريئة تماما من ارتكاب جرائم في دارفور؟ بالطبع لا، لان لما المتمردين ابتدوا الحرب الحكومة حاولت تسيطر عليهم فكان فيه قبائل كتير ادتهم حماية فالحكومة سلحت قبائل تانية عشان تحارب المتمردين...بس ايه اللي حصل؟ القبائل المدعومة من الحكومة قامت بتصفية حساباتها القديمة مع القبائل التانية بسبب نزاعات سابقة على الموارد. (هي بتقول: آمل ان يكون الكلام ده مفهوم – ايوة يا دينا مفهوم جدا، ما يتفهمش غيره على فكرة)

مشكلة دارفور ابتدت من زماااااااااااان قبل 2003 بكتير، بس بعد 2003 بقت فجأة مشكلة "ابادة عرقية" غير قابلة للاثبات فحولوها لجرائم حرب. تسحر المنطقة تسبب في نشوب حرب ما بين الفلاحين والقبائل وبعضهم لان كل واحد فيهم عايز يسيطر على الموارد. هل دارفور منطقة مهملة؟ ايوة، بس الحقيقة السودان كله مهمل. ما كانش فيه تنمية لمدة عشرين سنة فاتت في السودان بسبب الفساد الحكومي وحرب الجنوب. ومع ذلك، الحقيقة لازم تتقال، الحكومة دي فيها اكبر عدد من ابناء غرب السودان، يعني فعليا غرب السودان كان بالفعل ممثل في الحكومة دي (ايه القرف ده؟ غرب ايه اللي ممثل؟ ما كلهم سودانيين، ايه الخيبة اللي هم فيها دي؟ يعني الاسكندراني يسأل هو ممثل في الحكومة وللا لا؟ طب احنا اهو، مافيش تمثيل غير للمنوفية، عملنا حاجة؟) وصدقي او لا تصدقي بعض قادة التمرد زي خليل ابراهيم كانوا بيشتغلوا مع نفس الحكومة دي اللي هم بيحاربوها. حاجة تانية ماحدش واخد باله منها وهي دور محتمل للترابي في الحركة دي. (ده يبقى اخص عليه وعلى وشه بجد، يودي بلده في داهية؟) كل المصايب حصلت في دارفور على طول بعد ما الترابي اتشال وهو له صلات وثيقة بكتير من قادة التمرد زي خليل. يعني هل فيه احتمال انه هو اللي يكون ورا الحرب دي؟

مافيش حد بيتعلم من تجربة جنوب السودان، التدخل الاجنبي في الجنوب كان واضح جدا، يعني كتير من متمردي الجنوب كانوا متدربين على ايد الموساد ووكالات استخبارات اجنبية تانية. معلومات مضللة كتير كانت بتبث في وسائل الاعلام وماحدش كان بيحاول يدور على الحقيقة ... كان فيه تقارير من كير ومن الامم المتحدة بتؤكد ان معظم اللي بيموتوا في الجنوب مش بيموتوا بسبب الحرب مع الشمال ولكن بسبب الحرب ما بين الجنوب وبعضه، بس طبعا التقارير دي ما كانتش بيتعمل لها دعاية لان كان من الضروري خلق حالة عزلة حوالين الحكومة السودانية (اهو ده كلام انا اول مرة اعرفه...اخص اخص فعلا، واخص علينا كمان، عشان مصر كانت بتدعم جارنج هو احنا قابين في كل مصيبة كده؟) وممكن الواحد يحصل على دعم اكبر واحسن لما يقول ان المسلمين العرب الوحشين بتوع الشمال بيقتلوا المسيحيين الغلابة بتوع الجنوب، ومع ذلك، مش كل الشماليين مسلمين ولا عرب، واغلبية سكان الجنوب مش مسيحيين، الحقيقة نسبة المسلمين والمسيحيين في الجنوب تقريبا متساوية، واغلبية سكان الجنوب بيدينوا بالديانات القديمة (اول مرة الاقي حاجة عارفاها في كل اللي هي كاتباه، كنا بناخدها في الجغرافيا) ونفس الحكاية بتحصل دلوقت في دارفور، عشان يبقى فيه ضغط كافي على الحكومة السودانية يبقى من الافضل انه يتقال ان القبائل العربية الوحشة بتمارس ابادة عرقية للقبائل الافريقية، مع ان القبائل هناك مختلطة وفيه اسباب كتير تانية للنزاع غير الاسباب العرقية.

اسفة على التعليق الطويل، بس انا زهقت من الاكاذيب وانصاف الحقائق اللي بيتم الترويج ليها في الشأن السوداني، البشير مسئول، بس مش هو المسئول الوحيد عن اللي بيحصل، والكلام الحقيقي اللي مفروض يتقال مش بيتقال عشان هم مش عايزينه يتقال.
----------
خلص تعليق دينا، اول مرة في حياتي من ساعة ما اتخلقت افهم ايه حكاية دارفور دي، كل الناس عمالة تقول دارفور دارفور، آخد واحد ثقة كده على جنب واقول له: استر عليا يا عم الكوتكوت، السيدة في ضهرك لتقول لي ايه اللي بيحصل في دارفور، يا اما يبقى شجاع ويقول لي الحقيقة مش عارف، يا اما يقول لي: نتكلم بالليل نتكلم بالليل
والناس بس عمالة تهلل وتقول البشير سفاح البشير سفاح، ابص على وشه، يا اخواتي ده شكل سفاح؟ شكله يعني شبه اللي عندنا واللي قبلها واللي قبل اللي قبلها، مش صدام يعني، يعني انا فاكرة صدام الجثث كانت بتنط من عينيه، انما ده عادي يعني، زي اللي عندنا كده
يا ناس، يا عالم اتقوا ربنا، حد فيكوا يرضى كده على بلده؟
يعني انت ترضى ايام حرب الصعيد ما بين الحكومة والجماعات...فاكرينها؟ فاكرينها؟ ايام ما كان الشعب كله متواطئ على تعذيب الناس وقتلهم في الشوارع وحبسهم بالشبهة من غير تحقيق وتقول يا ناس ما ينفعش يتعذبوا يقولوا لك: لا يتعذبوا دول ارهابيين، كلللللللللللل الناس حتى سواقين التاكسي والبياعين، فاكرين؟ فاكرين؟ ماهو اللي ربنا بيعمله فينا ده مش من شوية، انا فاكرة اياميها لما اتقبض عليا وانا في الجامعة الناس بتوع الجماعات كانت بتدعي علينا في وشنا وتقول اخرجنا من هذه القرية الظالم اهلها
طيب حد فيكوا كان يرضى وقتها ان محكمة دولية تدخل وتحاصر مصر وتطلب رئيسها توطئة لانها تنشر فيها قوات متعررة الجنسيات وتعمل فيها اللي اتعمل في افغانستان؟ يا عالم يا مؤمنة، ده الراجل قال حسني مبارك ليه قافل المعبر على الفلسطينيين ما تروحوا تفتحوه فضحتوه وخليتوا اللي ما يشتري يتفرج عليه وقلتوا بيحرض على انقلاب في بلدنا وادعي على ابني واكره اللي يقول امين
مين يرضى على بلده حاجة زي دي؟
طب بقى قفل المعبر في اثناء حرب غزة كان مخالف للقوانين الدولية، ويقدر الفلسطينيين يرفعوا علينا قضية في المحكمة الدولية، ترضوها على بلدكوا بالرغم من الكسفة والمعرة اللي احنا فيها؟
نتقي ربنا عشان يسترها معانا احنا ربنا ح يسخطنا اكتر من كده يعمل فينا ايه؟ ده احنا بقينا عبرة خلقه، واي ضرر ح يحصل للسودان مافيهاش هزار دي، بق المية مش ح نلاقيه، حرااااااااااااااااام، كل الحكاية ان الراجل ضعيف وخايب وما عرفش يسيطر على المتمردين وجه يكحلها عماها والتانيين ماحدش بيسال وصلهم السلاح ازاي، ده مش سلاح خايب زي اللي في الصعيد عندنا، ده سلاح حرب بجد
يا سلام؟ يا سلام؟ طب يعني هي الخيابة دي غريبة علينا مثلا؟ يعني تفتكروا لو عوكل مكانه كان عمل ايه غير كده؟ لا، بس عوكل ناصح، عامل لنا جيش امن مركزي، ومافيش ناموسة تقدر تدخل، بس يعني هو الخايب مالوش نصيب في الزمن ده؟
هي المشكلة في البشير ولا غيره؟ وللا المشكلة في انه مش ح يسلم نفسه، وبصراحة اي ناس عندهم كرامة لو هو بيقطعهم واتعمل فيه كده مش ح يرضوا يسلموه، وحطوا نفسكوا مكانهم، ولما مش ح يسلم نفسه، كما ذكرت في السابق، المجتمع الدولي ح يصعب عليه الفن، ح يضرب الدنيا صرمة وفجأتن نلاقي السودان محتلة
(ماهو ده بالظبط اللي حصل في افغانستان، قالوا لهم سلمونا بن لادن، قالوا لهم طيب ادونا دليل على انه هو اللي عمل حداشر سبتمبر اصله بيقول ان مش هو اللي......بمممممممممم وعينهم ما شافت الا النور)
بس الا السودان بقى، لو حصل ده في السودان احنا كده ضعنا الى الابد
يعني حوشوا من دلوقت بقى لا مؤاخذة بول الابل وبولكوا انتوا كمان عشان ده ح يبقى ثروة قومية بعد كده
الا السودان بقى............ مع كامل احترامي لكل الاخوة العرب في العراق وفلسطين ولبنان وندالتنا معاهم اللي ح تخليهم يقولوا: يا سلام؟ واحنا اللي تف علينا الكلب؟ معلش، بس ان جالك الطوفان حط ابنك تحت رجليك الا السودان الا السودان الا السودان الا السوداااااااااااااان
ومصر الرياض وسودانها/ عيون الرياض وخلجانها/ وما هو ماء ولكنه/ وريد الحياة وشريانها/ تتمم مصر ينابيعه/ كما تمم العين انسانها
يا عوكل، ما تتكلم انت مش ليك دلال عليهم؟

82 comments:

مواطن مصري said...

يا نوارة البشير مجرم حرب و الحكومة السودانية بتمنع وسائل الاعلام انها تغطى او منظمات حقوقية

و بعدين واح اسرائيلي هييقول بردو ان اولمرت برىء لو اتبع نفس وجهة نظرك في البشير هيتبعها في اولمرت

يا نوارة البشير ديكتاتور ازاي تدافعي عن ديكتاتوررررر
و بعدين

الجماعات دول زيهم زي العسكر ديكتاتورين و بيستغلو الدين لحسابتهم الشخصية و بيتاجرو بية

نوارة انا اطالب بمحاكمة اولمرت و البشير بتهم جرائم ضد الانسانية

Unknown said...

انت قريت البوست؟

اشك

اقرا البوست يا مواطن
اقراه كويس يعني كلمة كلمة

مواطن مصري said...

نوارة هوا انتي بتصدقي اي حد يطلع يقولك القومية و المهلبية و نخن اخوة و اعروبة او بتصدقي اي حد من اصحاب الدقون يطلعو يقولو كم اية و يرفعو الشعار الديني

بتاخديهم ب المظهر انا اشك انك مش من الناس الي بيقتنعو ب المظهر اتمنى اكون غلطان

اصل دي ملاحظها فيكي

Unknown said...

احسن ما اصدق البروباجاندا والدعاية الامريكية والصهيونية
انت مظبوط على محطة واحدة
مش بتقرا يا مواطن
قريت البوست؟
اقرا البوست
مش انا اللي كاتباه

مواطن مصري said...

ايوة قريتة انا لا اصدق الدعاية الامريكية ولا العربية ولكني ارى ما هو في مصلحة مصر فقط و امنها


البير نعم مجر و لابد يجاكم و ارفض ان يسيطر الاسلامين او المتطرفين عموما على السلطة في السودان او تقسم

Unknown said...

ايه ده؟ مين اللي فتح القناة الاولى؟

mido said...

نوارة دارفور فيها 6 مليون نسمة و حجمها نصف حجم فرنسا !

قريتى الملف اللى الدستور عملته امبارح


دارفور.. ثروات كبيرة وصراعات لا تنتهي

ده جزء منه

mido said...

القناة الاولى ايه ؟

:))

Anonymous said...

Hi Nawara,

Thank you for translating the post into arabic :)

By the way...yes I'm Sudanese :)

elmonadel said...

برافوا يا نوارة

mido said...

لا مين قالك أن السودانيين رافضين محاكمة البشير و الكلام ده

كل اللاجئين فرحانين فيه

اللى فى المخيمات

Mohamed said...

الحاجة الي تزعل ان الاعلام الغربي و الامريكي نجح انه ينقل صورة ليست صحيحة بالمرة عن البشيرو السودان و دارفور
و هوا في حد من الي بيطالبوا بمحاكمة البشير زار السودان و لا تكلم معا ضحاياالبشير اشك
وهو مين الي جاب الافلام و الوثائق الي بتدين البشير و انتوا شوفتوا المجازر دي فين غير من الاعلام الغربي
يعني كل ارائكم الكريمة و الحقائق الي بتصموا عليها اتبنت فقط من خلال الاعلام و كدا الامريكان نجحوا نجاح باهر
كسوداني و مصري في نفس الوقت و والدي كان يوم من الايام من رموز المعارضة و لكن ما فيش سوداني واحد اصلا معارضة و غير معارضة مقتنع بلهليلة المعمولة لتشويه صورة البشير و الكل عارف انها زريعة للتدخل في حكم السودان الي زيارة واحدة ليها يعرف ان البلد فعلا بتتطور و ان البلد اصبحت مصدر رزق للكثيرين عرب و غير عرب
زيارتي للسودان منذ عامين و اتكلمت مع بعض اهل دارفوار و انا ليا اهل منهم مافيش المبالغات الي الاعلام الغربي بيوصفها ابدااااا
في تجوزات صحيح مش بالصورة دي بس هو مين ورا الجنجويد دول اصلا غير الغرب و اصحاب المصالح ان السودان ما يشوفش استقرار و دول بالمناسبة زي جون جرنج الي طلع ان عندوا اكبر محلات الذهب بعد كدا في نيويورك و زي حركة العدل و المساوة الي عايشين زي
الملوك هنا في كندا و امريكا
و فاكر ان من حوالي 3 سنين قابلت 4شباب كانوا بيدرسوا العسكرية من جنوب السودان في كوبا هوا مين بيوديهم هناك اصلا
يا ناسسس فوقوا شوية هو دا بالظبطت الي بشوفوا هنا في التلفزيون و الي بالضبط الي عايزنكم تصدقوه
و الذ ما في الموضوع ان انا شفت تعليقات بتقول ان البشير دكتاتور و بيقول انه استخدم الدين لحسابهم دا مش فاهم حاجة اصلا و دا بالضبط النموذج الي الامريكان عايزين يعملوه
دين ايه و هوا انتوا عارفين ان اهل دارفور مسلمين و انهم من اكتر الناس المتدينة في ربوع السودان كلها؟؟
و بعدين انتوا شفوتوا خطبة واحدة للبشير ؟؟لو شفتوا حتعرفوا ان ما فيش لا استعدادات بالشهور و لاقناصة و لا الدنيا بتقف زي مصر لو وزير معدي بالعكس دا في وسط الناس علي طول اتحدي لو في حاكم عربي يعمل كدا الا كان مات ضربا بالجزم
هو حاكم عربي ليه مساؤي و مميزات بس اكتر حاكم عربي محبوب من شعبه
صراحة زعلان نفس الي اتعمل مع صدام و ديكتاتور و تور من غير ديك و اسلحة دمار شامل و كلام فارغ و النهاية ان الشعب العراقي في معاناة لا يعلم بيها الا الله و ان كنت ضد سياسة صدام حسين بس نفس الفلم بيتعمل تاني بس المرة دي لو السودان بقت زي العراق مصر و دول عربية كتير حتتبهدل بجد
امريكا عايزانا زي القرود بلضبط نردد الي هيا عايزاه و من غير تحليل عميق للموقف عشان كدا امريكا حتفل امريكا للاسف
يا ناس فوقوا شوية

رحلتنا في الحياة said...

علشان مش اكون كدابة انا مش متابعة موضوع السودان ده خالص ولا متابعةاى اخبار دلوقتى كفاية الاكتئاب اللى جالى فى فترة الحرب على غزة وبحاول انى مفكرش كتير فيه تانى علشان اعصابى تعبت بجد كلن اللى هقوله فى ده كلها انا مشفتش ولا رئيس عربى يستاهل الشفقة ولا التسامح معاه
وخليهم يحكموهم واحد واحد مجرمين حرب علشان يعرفوا ان اخرت جبنهم وتفككهم اعدام وتعليق راقابهم على حبل المشنقة

Unknown said...

انا فرحانة ان دينا طلعت سودانية كمان

يا شباب
انا مش شايفة حد هنا بيدافع عن البشير

دينا ما دافعت خالص عن البشير وحملته المسئولية

بس بتقول الحق اللي يتقال

انا كمان ما دافعتش عن البشير
انا قلت زيه زي عوكل

يعني مش انسان الغاب طويل الناب ولا حاجة
ماشي يتاكل، صحيح حمضان ودلع ويقرف الكلب الحزين، بس يبلعوه بشوية مية زي ما احنا بنبلع عوكل
انما ما توصلش لانه يبقى مطارد دوليا
وهو لو ح يبقى مطارد دوليا مش ح يسلم نفسه
ولما مش ح يسلم نفسه السودان لا قدر الله كده تبقى مهددة
واصدار قرار باعتقاله دوليا مش قرار عادل ولا منصف لان المجتمع الدولي سايب ناس سفاحين بجد
ده القرار ده ما صدرش في حق صدام ذات نفسه اللي هو فعلا بقى انسان الغاب طويل الناب
بس ما صدرش عشان كانوا عايزين يخلصوا مع العراق على طول من غير لت وعجن

المعلومات اللي جايباها الدستور معلومات من نفس المصادر اللي هي اصلا مشكوك فيها

مافيش صحفي من الدستور راح بنفسه وشاف وسأل الناس
هم ناقلين من النيويورك تايمز ومن تقارير المنظمات العالمية اللي بروح امها ما رضيتش تدين اسرائيل بجرائم الحرب
يعني ما شفناش في السودان ولا ربع اللي بيتعمل في فلسطين
ولا صورة واحدة شبه اللي شفناه في فلسطين
مش تقليل من معاناة السودانيين ابدا
بس دي حرب اهلية
ما حصلش ان رئيس ادين بجرائم حرب بسبب نشوب حرب اهلية عنده وهو عقله صغير ودخل نفسه فيها لانه مش عارف يسيطر عليها
يعني ما عندوش امن مركزي يظبط الامور؟ رايح يسلح القبائل؟ اهبل ده وللا ايه؟
واذا كان عدم السيطرة على الحرب الاهلية في اي بلد جريمة حرب
يبقى امريكا اول مدان مش بس بسبب احتلالها للعراق ولكن عشان تسببها في حرب اهلية في العراق ومش عارفة تسيطر عليها وداخلة طرف فيها وبتسلح اطراف
الحقيقة هي بتسلح كل الاطراف
اشمعنى بقى؟
لا طبعا مافيش رئيس عربي يستاهل الشفقة

شفقة ايه ربنا يبقى ينتقم منهم واحد واحد بنظام

بس هو مش ح يحصل له حاجة
السودان هي اللي في خطر وعايزين يعملوا فيها زي افغانستان والعراق
طب وبعدين؟
الا السودان بقى
ده فيه قواعد صاروخية اسرائيلية في الجنوب موجهة علينا
ايه بقى؟

انتوا مش حاسين بالخطر ليه؟

ragabhpl said...

انا اسف جدا انى لم اكمل باقى المقال
ولكن..
اولا قضيه السودان قضيه كبيرة جدا مش ينفع المها كلها فى تعليق لانى كنت بحضر المقال الجاى بتاعى عنها

ثانياً.. عمر البشير مش خائن والا لماذا يخاكم دوليا
هو احنا مش هنتفلم بقى ان اى حد انريكا بتحاربه يبقى كويس


.. سؤال ليه امريكا عايزة تحاكم البشير

علشان قلبها اوى على الشعب السودانى
اسملا امريكا قلبها قلب خصايه وبتخاف على الناس


انا ارجوا من الناس انها تقرا عن ملف السودان كويس وتعرف الحكايه ماشية ازاى

انا بشكرك جدا على ترجمة التعليق دة

لان انتى كدة شجعتينى اكتر انى اتكلم عن موضوع السودان

ragabhpl said...

انا لم اكمل باقى المقال لانى شايف عك ولامؤخذة كتير فى الكلام سواء التعليقات او المقال نفسه


بالنسبة لعمر البشير اللى ناس كتيييير اوى ماتعرفش حاجه عنه ولا عن الوضع فى السودان ماشى ازاى

Ahmad Tawfik said...

مشكلة دارفور هي جزء من مخططات تقسيم السودان بسياسة شد الأطراف التي تمارس على العالم العربي منذ فترة طويلة .
وعلى فكرة دارفور هي كلمة تعني مساكن أو منطقة قبائل الفور وهي قبائل ذات أصول أفريقية إعتنقت الإسلام وتولت نشره في منطقة وسط أفريقيا ومن المشهور عنهم جداً إن شرط تزويج الشباب الأساسي هو إتمامهم حفظ ثلث القرآن على الأقل والمشكلة هناك فعلاً هي مشكلة صراع على موارد المياه.
المنطقة غنية جداً بالمعادن ويقال أنها تحتوي على كميات ضخمة من اليورانيوم.
طبعاً كما حدث في مشكلة جنوب السودان بالضبط عوكل حيقول إنها شأن داخلي ونحن لا نتدخل في الشئون الداخلية للأشقاء العرب ، لكن ده لم يمنعه من دعم جون جارانج كما تفضلتي حتى أصبح إنفصال الجنوب شبه حقيقة ستتم بعد عامين على الأكثر .
)معلوماتي من محاضرة للدكتور محمد سليم العوا )

Unknown said...

فيه يا شباب واحد سوداني اهو معلق اسمه غريب
ووالده من المعارضة السودانية وبيقول كلام تقريبا شبه كلام دينا

صباح الصباح said...

ازيك يا نوارة


دورت كتير عليكى فى حفل توقيع الكتاب التالت عشان بس للاسف عرفت انك ما جيتيش

باقولك اية


هوة الكتاب بتاعك يا بنتى بيتباع فين؟؟؟؟ انا مش عارف الاقية خالص

احمد سعيد said...

هق هق هق هق
ما توجعيش دماغك يا نوارة
اصل الشعب المصرى دة مش ناوى يجيبها لبر
وعمرة ما بيتعلم ابداااااااا
......................
انتى عارفه
كان فيه روايه غريبه كدة طلعت فى منتصف الثمانينيات
اسمها على ما اذكر
عندما جف قاع النهر
بيقولك الناس كانت عايشه عادى جدا
فى الهبل والعبط بتاع كل يوم
وفجاتا صحيو فى يوم
لقو مكان النيل حفرة كبيييرة
ومافيهاش نقطه ميه

طبعا الحكومه طلعت تصريحات كالعادة
ان كل شىء تمام
وانها مستعدة للظروف اللى زى دى
لكن ابتدى كل شىء ينهار بسرعه غريبه
والحكومه اختفت بالكامل
والجيش والشرطه قلعوا لبسهم الميرى واختفوا فجأة
وابتدا يحلل ايه اللى هيحصل فى البلد بعد كدة

بجد روايه كابوسيه
دا اقل ما يقال عنها

اذكر انى قريت حديث نبوى
فى اخبار النهايه لابن كثير
بس بصراحه معرفش مدى صحته
بيقولك ان مصر هتخرب بعد خراب العراق
او البصرة مش فاكر
وان خراب العراق فى الهرج والقتل
الفوضى يعنى
وخراب مصر فى جفاف النيل
..........................
هههههههههه
خليكوا عايشين فى ميه اللفت
وجيشنا الباسل
والسد العالى اللى مؤمن تماما

هههههههههههه
والله لتلاقوا الضرب نازل عليكم فجأة من كل حته

طب العراقيين وعايشين فى الحرب من حوالى 30 سنه
من ايام ايران
ولما الامريكان كانوا بيدكوا بغداد
كانت الناس ماشيه فى الشوارع عادى
متعودين على كدة

والفلسطينيين اديكم شايفينهم
ربنا يعينهم

الرك والباقى على الشعب المدلع
ودينى لو دانه مدفع مفعوص 120 مللى
انضربت فى مصر الجديده
لتلاقى سكان الزمالك عملوها على نفسهم
بجد انا تعبت
تعبت من الكلام
ومن حتى المتابعه
وصلت لدرجه انى بقيت مستنيها تتطربق على دماغنا
وبقيت بستعجل اليوم دة
لانى بجد بجد
هفرح فى الشعب المصرى الخايب دة
مع الاسف

لان دة اللى يستحقه
البلد دى عايزة حقنه شرجيه
.............................
بصى يا نوارة
فيه حاجه اتعودت عليها فى الظروف اللى زى دى
انى اسكت خالص واسيب الزمان يحكم
لان الزمان دايما هو اللى بيبين مين اللى كان صح ومين غلط

بس لما تقع الفاس فى الراس
رجاء
اتحملوا المسؤليه
وخليكوا رجاله
وسدو للاخر
ومترجعوش توأوأو

بس خلاص

احمد سعيد said...

نوارة
ممكن بعد اذنك انقل تعليق الاخت دينا والاخ غريب
لانى عامل بوست عن الموضوع دة ومحتاج تعليقهم
ممكن بعد اذنك؟؟؟؟

الاخت دينا والاخ غريب انقل ممكن انقل تعليقاتكم؟؟؟؟؟؟

77Math. said...

تفتكري تفتكري هو دا الهدف بعد ما خلصوا ع العراق ؟لا إيران ولا مصر ولا بتاع ..


السودان فيه ثروات لا تعد ماشاء الله بس مش مستغلة، زيها زي بلدنا كدا تمام..بس الذريعة موجودة والمبرر جاهز .. قوات حفظ السلام في المنطقة !


وبعد كدا يعملوا زي الإقطاعيين ومصر تدفع ضرايب عشان يسيبوا حنفية النيل تصب عندنا ؟


تفتكري تفتكري؟


مش قادرة أتخيل

:(

Sosso said...

بصي يا نوارة، في فرنسا اول من ابتدا يتكلم عن دارفور هو وزير الخارجية الحالي كوشنير، الراجل دا عمرو ما نطق الا كذب. كان مع اجتياح العراق، وافغانستان و بنظر للحرب بدافع انساني (يعني دبلوماسي بتاع حروب) هو من مؤسسي اطباء بدون حدود ... يعني حاجة لما الي يسوقلها المخلوق دا ما يكنش وراها الا داهية. فعشان كده اول ما ابتدا يزن على دارفور فكان اكيد انو في بزنس جامد في السكة. شوفي اللنك دا http://www.middle-east-online.com/english/sudan/?id=30212..

مواطن مصري said...

و بعدين انتوا شفوتوا خطبة واحدة للبشير ؟؟لو شفتوا حتعرفوا ان ما فيش لا استعدادات بالشهور و لاقناصة و لا الدنيا بتقف زي مصر لو وزير معدي بالعكس دا في وسط الناس علي طول اتحدي لو في حاكم عربي يعمل كدا الا كان مات ضربا بالجزم
هو حاكم عربي ليه مساؤي و مميزات بس اكتر حاكم عربي محبوب من شعبه


المظاهرات دي زي الي كانت بتطلع من الاتحاد الاشتراكي و تهلل

زي حركة صدام لما كان بينزل في الشارع و اغلب الناس الي حولية من البعث

حفيدة عرابى said...

ربنا يكرمك يا بنتى ويعلى مراكبك كمان وكمان ايه الحلاوة دى ؟احنا شكلنا هنقعد نهاتى طول عمرنا يابشر الناس دى بتحط خطط100 سنة واحنا بس ماوراناش غير نناهد مع بعض منطقتنا يابنى ادمين مستهدفة لاننا للاسف ضعفاء واغنياء واغبياء فاكيد يعنى فينا الطمع والمخطط بيتطبق من زمان هى لعبة العراق وايران كانت ايه؟وبعدين العراق والكويت وبعدين العراق بس وندخل بقى على ايران الشيعة الروافض ونصر الله لانصره الله ياناس احنا بنتقسم حتة حتة من زمان هو محدش فيكم خد فى المدرسة سايكس بيكو هو ماحدش سمع ليه اسرائيل جت هنا اصلا ؟بس السودان دى بجد دىالنهاية دى المياه المياه المياه وعمقنا الاستراتيجى ايام الحرب العالمية التانية لما روميل كان متقدم كان المندوب السامى بيحرق الورق وعامل حسابه يخلع على السودان طب احنا دلوقت هنخلع نروح فين شوية؟ شويةالمية اللى ربنا كرمنا بيهم وخلاص هيروحوا مننا قعدنا نقول فلسطين امننا القومى لغاية مابعناها كتير ومش هنقدر نعمل كده مع السودان مع ان اللى بيفرط فى مناخيره ممكن يفرط فى حاجة بعد كده----سنة 1942 المصريين ما كانوش بيحبوا الملك فاروق ولما انجلترا حبت تستعبطنا وتجيبلنا النحاس علشان روميل خلاص هيوصل مصر الشعب كله احتج وكره النحاس-----------------------مواطن مصرى معلش سؤال بايخ اسمه ايه مدرس التاريخ بتاعك فى اعدادى وثانوى

مهندس مصري بيحب مصر said...

بصي يا نوارة
أنا معايا 3 سودانيين هنا في الشغل في السعودية
دا غير السودانيين التانيين اللي بأقابلهم في البلد
و هما من مناطق مختلفة في السودان

البشير محبوب في السودان من معظم الناس في الشمال
هو فيه صحيح إعتراضات سياسية عليه لكن اغلب الناس بيحبوه و متفقين على إنه بيعمل لمصلحة السودان مش لمصلحته الخاصة هو وعياله

و حرية الرأي مكفولة هناك و ممكن تنتقديه بدون ما تخافي من الإعتقال او إن أمن الدولة تسحلك زي عندنا

ثم مفيش ليه مواكب تعطل المرور و لا حراسة خاصة تقرف أهل البلد اللي حيزورها في عيشتهم

كمان الراجل بدأ يعمل نهضة في السودان لدرجة إن صنايعية و مهندسين و عمال مصريين كتير بقوا يشتغلوا هناك و بمرتبات احسن من مرتبات الخليج و بيتعاملوا هناك احسن معاملة و بكل حب و أخوة و مفيش هناك كفيل يتنطط عليهم زي الخليج

دا قيمة الجنيه السوداني اللي كان في الارض بقت اعلى من الجنيه المصري

المشكلة إن البشير مش راضي يخضع لأمريكا و مدي إمتيازات إستثمارية للشركات الصينية و ليس الامريكية و هو ده لب المشكلة كلها

لكن لو بكرة الصبح فتح السودان للشركات الامريكية و إعترف بإسرائيل و تبادل السفراء معاها
بكرة الظهر حتتمسح مذكرة الإعتقال بالأستيكة و كأن شيئاً لم يكن

ممكن يكون حصل تجاوزات من الحكومة في قمع التمرد في غرب السودان
بس إيه اللي حول مشكلة قبلية محدودة بين الرعاة و المزارعين على مصادر المياه و مناطق الخضرة و الكلأ و المرعى إلى تمرد عنيف و صلت إحدى هجماته إلى أم درمان بالعاصمة السودانية نفسها

أليس تسليح إسرائيل لفصائل التمرد و تدريبها و دعمها بكل قوة
أليست المبالغات الإعلامية الأمريكية و الغربية

عبد الواحد نور أحد قادة التمرد قام بفتح مكتب لحركته في إسرائيل بحجة مراعاة شؤون اللاجئين السودانيين بها
و يقول إن أول شئ سيفعله إذا إستولى على حكم السودان هو فتح سفارة للسودان في تل ابيب و سفارة لإسرائيل في الخرطوم و يقولها علناً بكل تبجح
و هو يعيش كالملك بين لندن و باريس و تل ابيب و لا يعرف شيئاً عن معاناة الدارفورين و لا يشترك في القتال و كل مهمته هي اللغط الإعلامي

و كأن المفروض من حكومة السودان لما حد يتمرد عليها إنها تطبطب عليه و تقوله كخ يا واد يا وحش ما تعملش كده تاني و لا تواجهه بالقوة

انتي عارفة قرار الإتهام ضد البشير من المحكمة الجنائية الدولية خفض عدد ضحايا دارفور إلى 30 الف فقط و ليس 300 الف
يعني خفضوا العدد للعشر
واضح إن عدد الضحايا هناك حاجة حسب التساهيل كده

أكرر عمر البشير ليس عمر بن الخطاب و أكيد له أخطاء و لكنها أقل بكثير مما يصوره الإعلام الغربي
و ده بشهادة السودانيين قبل غيرهم

مواطن مصري said...

نوارة انا مش لاقي نفسي في نيو هولكوست
؟؟

Ghafari said...

بحسب الحكومة، فاللي حصل في دارفور انه في وقت من الاوقات وفي هذه الصراعات الدايمة بين القبائل وبعضها هناك، حصل ان بعض من القبائل دي هاجمت مقرات للحكومة ومقدرات حكمها في ولايات دارفور، وكان رد الحكومة على كده انها اعلنت ما يعرف عندهم بالتعبئة الشعبية، لانهم ف السودان معندهمش جيش نظامي بالشكل المتعارف عليه وبالاعداد اللي عندنا ف مصر او في بلاد تانية، فعندهم موضوع التعبئة الشعبية او استدعاء الاحتياط واللي في الحالة دي بيكون كل ابناء الشعب واللي هم ف الحالة دي، ابناء دارفور للرد على ما تعتبره الحكومة تعديا عليها من قبل بعض الجماعات المتمردة... استمر الصراع لفترة الى ان خرج عن يد الحكومة واصبحت الجماعات الاهلية، اللي تم تجنيدها اما باعطائها السلاح او ان كان معاها السلاح الخاص بيها فهي كانت تقاتل في صفوف الحكومة، اصبحت الجماعات دي بتعمل لمصالح شخصية لكل واحد ولكل قبيلة وانفلتت عن سيطرة الحكومة وحصلت القتل والسلب والنهب والترويع اللي جرا، واللي طبعا كان من قبل الطرفين وان كان بتفاوتات نسبية واللي العالم مفترض ان الحكومة طرف فيه بما انها كانت من دعم هذه التعبئة الشعبية للرد على المتمردين.
اما بالنسبة للأعداد اللي بيتكلموا عنها فمش فاكر لمين كانت اخر تقديرات، لكن وصلوها من 300 الف نزولا لحد 70 الف! مش عارف بيحسبوا الارقام دي ازاي، لكن بالنسبة لعدد اللاجئين المتواجدين ف المعسكرات داخل السودان او على الحدود مع تشاد ف لا غرابة ان يكون العدد كبير، لكن هل العدد صحيح، هل الحكومة ونظام البشير مسؤولين بالكامل عنه، مظنش حد يقدر ينفي نفس التهمة او المشاركة فيها عن الجماعات والقبائل المتمردة اللي شاركت ف اعمال القتال والقتل ولحد دلوقتي! مظنش ان العدد صحيح، واظن انه في بعض منها فان رواية الحكومة عن خروج من سلحتهم عن طوعها وعدم استطاعتها السيطرة عليهم كلام صحيح، وان اعمال غير منظمة انتشرت ف الاقليم ادت بيه للأزمة الانسانية اللي العالم ضخمها، وانا معتقد انه مضخمة خصوصا على مستوى اعداد الضحايا بشكل كبير.

اللي يطير فوق دارفور، هيشوف على مرمى النظر قرى محروقة بالكامل، على مساحة واسعة اوي من الاقليم... طبعا معرفش مين المسؤول عن حرقها او ان كانت مسؤولية مشتركة واظن ده الارجح او العملية كانت متبادلة، قرية او بالاحرى مجموعة من العشش والاكواخ لطرف ما في مقابل مجموعة مقابلة ف الطرف الاخر.
انا رحت دارفور من حوالي شهرين، وزرت مخيماتها وزرت الفاشر العاصمة الحية ليها، وطرت فوقها من الخرطوم وبطريق العودة وخدت صور مقربة على اد مقدرت للقرى المحروقة واللي اظن منشورة ف مناطق كتير من زمان. الوضع ف المخيمات مزري، درجة الحرارة تختلف عن بقية السودان كلها، مرتفعة جدا والناس حالتها مش حالة بني ادمين، معرفش المنظمات اللي هناك موجودة بتعمل ايه، اظن مفيش اكتر من توفير الاكل فقط للموجودين ويبدو انه اكبر ما يمكنهم تقديمه هو فقط الغذاء. بس مع ذلك الحكومة لم تسمح لنا بالنزول وسط الناحين ف المخيمات، ولا بتصويرهم لانها خايفة اوي من المؤامرة ف نقل صورة ان دارفور فقط صحراء جرداء وناس مكلومين وضعهم مزري، كانوا حابين اننا ناخد صورة مشرقة من الفاشر افضل، وعطفا على كلام دينا فيما يتعلق بوجود قيادات دارفورية ف الحكومة، ففي مجلس ولاية دارفور في ناس من الجماعات المتمردة واللي طبعا كانوا اعضاء فيها سابقا اعضاء ف المجلس، وبردو بالمناسبة والي شمال دارفور عثمان محمد كبر، اظنه واحد من اقوى رجال الحكم ف السودان ومش بعيد نشوفه رئيس ف وقت قريب... لانه بجد راجل ليه قدرات قيادية وشخصية متفردة.

دلوقتي بما انه المحكمة اصدرت حكمها بإحضار وضبط البشير، فاظن انه من المفروض والواجب والحق انها كمان تجيب زعماء التمرد في دارفور واللي كانوا مشاركين في كل اللي حصل من بداية الازمة ولحد الان، لانه محدش يعرف مين مسؤول عن اد ايه من عدد القتلى اللي ايا يكن تقديراته بقى.

بالمناسبة في بعثة طبية للقوات المسلحة المصرية مقيمة هناك من 2004 ولحد الان ومن القلائل الموجودين من الدول العربية وبيقدموا خدماتهم هناك، وفي كمان قوات او لا ادري قيادات مصرية من القوات المسلحة مشاركة ف القوة المشتركة للإتحاد الافريقي والامم المتحدة العاملة ف دارفور واللي طياراتها مالية ارض مطار الفاشر، ومطار الجنينة، الجنينة اللي هي الجزء الاكثر اشتعالا وخطورة على عمل الاغاثة وعمل القوات الاجنبية دي هناك.

عين فى الجنة said...

نوارة ، انا رأيى ان الجماعة فى الغرب عارفين ان السودان سوف يرفض تسليم البشير وهكذا ستكون ذريعة للتدخل العسكرى او على الاقل خطفه مثل ما خطفوا ميلوسوفيتش فى وضح النهار بفرقة كوماندوز
الحل هو اعداد فريق من المحامين من الشرفاء واقول من الشرفاء وهم معروفين لدراسة الاتهامات وتفنيدها بطريقة محترفة ثم الراجل يذهب بنفسه بكرامته لحضور المحكمة و نشترط انها تكون محاكمة علنية مذاعة على الهواء واعتقد ان بكده ممكن يطلع براءة لان فى اعتقادى الطريقة الحضارية دى حتعمل له وللسودان دعم غير محدود وكمان حتعمل سابقة فى هذا المضمار
ايه رأيك؟

Anonymous said...

تجريم شخص هو موضوع، وتحقيق العدالة موضوع تاني.. مين ده اللي عايز يحقق العدالة؟ مش نفسه اللي كان بيدعي انه بيسعى ليها في العراق؟ وأفغانستان؟ وفي يوم من الأيام في مصر؟

يا سيدي مجرم مجرم! بس انتا مين عشان تيجي تدخل، انتا لا يهمك ديكتاتورية ولا جرايم حرب لانك انتا نفسك مجرم حرب وبتدعم أوسخ الأنظمة الديكتاتورية في العالم.. يبقى تدخلك في الشأن السوداني مرفوض لانه لتحقيق مصالح خاصة بتهدد أمننا القومي..ده مش بتهدده..ده بتحطه تحت رجليها..

ياريت البهايم اللي مش عارفين يقولو غير كلمتين "بشير مجرم" "بشير مجرم" يتسدوا شوية ويحاولو يشوفو أبعد من كدة...جتكو البلاوي.. لو التاريخ ( اللي بيكرر نفسه من كم سنة..مش من 5000 سنة) معلمكش..مين هيعلكم؟ حاجة تحرق الدم..

مواطن مصري said...

نوارة شوقي دة
http://www.youtube.com/watch?v=giCkih0SjK8

Anonymous said...

*معلمكمش..مين هيعلمكم

Anonymous said...

سلام نوارة...أخيرا لقيت طريقة أكتب بالعربي

سامحيني عشان حأعلق تعليق طويل تاني

بالنسبة لي و أعتقد بالنسبة لغالبية السودانيين البشير و حكومته مجرميين حتى بدون مشكلة دارفور لأنهم ببساطة شديدة عصابة إنقلبت على حكومة منتخبة ديموقراطيا و في خلال تسعتاشر سنة نهبوا البلد و دمروا البنية التحتية تماما و عذبوا الناس وأفقروهم و دخلوا البلد في متاهة ما ليها أول من آخر


لكن زي ما إنت قلتي البشير أهبل و عشان كده جماعته اختاروه هو يكون الرئيس عشان يكون هو اللي في وش المدفع. البشير عمره ما كان اللي بيدير شؤون الحكم في السودان فعليا. لما الترابي كان موجود كل الناس كانت عارفة إن الترابي هو الكان بيحكم السودان فعليا و لما شالوا الترابي زادت سلطة البشيرنوعا ما لكن برضو اللي بيحكم فعليا الآن هو نائب الرئيس طه. لكن إحقاقا للحق بعد مرحلة الترابي خف الضغط بصورة كبيرة جدا على الناس. صحيح الأمور ما أصبحت ممتازة لكن على الأقل الناس إتفتح في وشها حاجات كتيرة كانت مقفولة و رجعت للناس حريات كتيرة إتحرموا منها في زمن الترابي. يعني فعليا كان في تحسن نسبي

طيب نجي لمشكلة دارفور..ما حأعيد اللي قلته تاني...لكن نتكلم في حكاية الإستدعاء...لما الدنيا قامت و قعدت عشان مشكلة دارفور كانت الإتهامات الأصلية الموجهة للبشير هي تهمة الإبادة العرقية و سبحان الله هي دي التهمة اللي ما قدروا يثبتوها عليه. و لو سمعت نص الإستدعاء حتلاقي كلام غريب زي وجود أدلة على محاربة البشير للمعارضة المسلحة في دارفور...حد يشرح لي أصل التهمة دي لو سمحتوا لأني بجد ما فاهمة

طيب...إستدعاء البشير في اللحظة دي ممكن تكون تداعياته شنو بالضبط على السودان...و لاحظي إنه جا في وقت بتحصل فيه مفاوضات مع كل ما عدا واحد من فصائل المتمردين في دارفور و في فصيل أصبح شريك في الحكم فعليا وفي وقت في معاهدة سلام و حكومة وحدة وطنية مع متمردي الجنوب و في سنة المفروض تحصل فيها أول إنتخابات رئاسية من بعد تسعتاشر سنة أكرر تسعتاشر سنة و حاليا داخلين في العشرين و كنا أخيرا حنقدر ننتخب رئيس من تاني. طيب لو قبضواعلى البشير في اللحظة ما هي إختيارات السودان؟ و الله سواء قبضوا عليه أو هو رفض يسلم نفسه إحتمال إن الأمورتسوء و الفوضى تعم هو الإحتمال الغالب وروده لأنه لا يوجد أي ضمانات إن أطراف التمرد أو حتى حكومة البشير يقوموا بأعمال إنتقامية ضد بعضهم و ضد المواطنين و نبقى بنبدأ تاني من نقطة الصفر

أنا و كتير من السودانيين حاسين إن الإستدعاء ده معمول عشان تستمر حالة الفوضى في السودان...لا يمكن بأي حال من الأحوال إنهم يتهموا الراجل بحاجة و لما ما يقدروا يثبتوها يستعملوا إتهامات هبلة زي القضاء على حركات المعارضة المسلحة في دارفور. أنا لا أبريء البشير من الجرائم الموجهة إليه لكن ما مستبشرة خير أبدا في كل اللي بيحصل ده

و أعذريني تاني على التطويل

Unknown said...

الله
أكن الراجل الترابي ده راجل ابن ستين تيت واحنا ما كناش دريانين

سبحان الله امي دي فيها شيء لله

احنا زرنا السودان في مؤتمر سنة 98 وكان اياميها عز عز الترابي
والناس كلها عمالة تهيص له من كل حتة
حتى كان فيه ناس معزومة من الارجتين ومن السويد وايرلاندا وانجلترا
وكلهم عمالين يقولوا له يا عظيم يا هايل يا مفكر يا عبقري
حتى انا ما انكرش اني كنت بابقى منبهرة بيه لما يتكلم في الجلسات بتاعة المؤتمر


الا امي
والله العظيم تلاتة زي ما باقول لكوا كده

بصت في وشه ومن اول بصة قالت لي: الراجل ده منافق

قلت لها حرام عليكي يا ماما ما ترميش الناس بالنفاق
قالت لي الايام بينا وح تعرفي انه نصاب

اي والله زي ما بقول لكوا كده

انا بعد كده اي حاجة امي ح تقول لي عليها ح اسمع كلامها

دي ما كانتش اول ولا اخر مرة اقاوحها ويطلع هي اللي كلامها صح

بالمناسبة احمد سعيد او كل الشباب
اي حد عايز ياخد حاجة من عندي
حقوق النشر محفوظة للانسانية بلا استئذان

elmonadel said...

الساعة دلوقتى خمسة ونص وخمسة مساء - انا قاعد بقالى اكتر من 18 ساعة نمت حوالى 4 ساعات فى النص من التعب علشان اعرف اواصل لأنى قررت انى احطك فى دماغى و افهم كل كلمة بتقوليها و كل كمة مبتقوليهاش - سبحان من ابدعك ده انتى ملك خالص !!
يخرب بيتك ده انتى مهيسة تهييس - طريقتك مختلفة و اسلوبك يخلى الواحد يسيب اللى وراه واللى ادمه عشان يشوف ايه اخرتها معاكى.

لكن ساعات بحس انك اتنين فى واحد لا تلاتة فى واحد - تهييس صحيح - يعنى حسب الصنف وحسب مزاجك بيكون شكل المدونة.
انا مش عاوز اتكلم فى اللى عجبنى فى مدوناتك واسلوبك علشان عارف انك عارفة ان احنا عارفين انك كويسة - لكن عاوز اركز على السلبيات .
فى الاول لازم اى مدون يحط فى دماغه ان المدونة مش مذكرات شخصية - زمان اللى كان عاوز يكتب مذكرات بنزل المكتبة يشترى دفتر ويقعد يكتب اللى نفسه فيه ويحطه فى الدرج - محدش بيطلع عليه الا لما يموت.
لكن المدونة على النت زى اللى بيكتب على الحيطة فى الشارع - كل اللى رايح واللى جى هيشوفها و اللى مصحثور حتى ممكن يقف يفك زنقته جنبها.
القصد عاوز اقلك انك يجب تعيدى نظر فى فكرة ان المدونة دى عملاها لمزاجك مش للناس - يعنى بدعى فيها على راحتك وبمزاجك بس اعملى حساب ان فيه ناس متابعة وبتحب تقرالك فخلى بالك من بعض الافاظ زى احا وبيض وتفسير كلمة شرم بالتفصيل الممل وكده - عادى يعنى انا عارف ان اللى الواحد بيشوفه من البلد يخليه يطلع من هدومه بس برضة من المهم اختيار اللفظ -
تانى حاجة انتى ليك بعض الاراء فى بعض الشخصيات زى اللى بتكلموا عن الاعجاز العلمى و خالد وغيرهم.
انا بحترم رأيك جدا بس مش معنى انى اختلف مع حده يبقى ابن ستين فى سبعين - ياستى دعى الخلق للخالق و خلى الكل ياكل عيش.
القصد برضه مش مفروض الواحد يكون عداوات مع شخصيات عامة اجتمع معظم الناس على حبهم واحترامهم حتى لوكان الناس دى مغيبين - انتى مش عارفة ان فى ناس بيعبدوا البقر - تقدرى تروحى الهند و تدبحى بقرة ادام واحد هندى- اكيد هيقطعك مييت حته والناس هتعلقك من بضا قصدى من شعرك.
يارب تكونى فهمتى قصدى.
حاولى تفلتريها شوية علشان احنا بنحبك وعاوزين نستفاد منك من غير مالواحد يكون قافل الاوضة عليه احسن عياله او مراته تشوفه او زى ماقلتى بقى اعملى مدونتين واحدة لمزاجك وواحدة علشان مامتك وقرايبك!!.

حاجة كمان بقى علشان انكد عليكى.
بلاش شعار لازم تقراه غصب عن بوذك انت وهى.
معلش يعنى صحيح انك بتستخدمى الاسلوب ده فى استفزاز وشد انتباه القارئ بس الحاجات دى عاملة زى الملح بيخلى الاكل طعمه احلى فى الطبيخ لكن لو زادت بتبوظ الاكل.

يارب نكون اصدقاء قريبا لأنى من المعجبين بمدونتك ودماغك العالية دى. صحيح عندك جينات جنان اصلى - لكن ابن الوز والبط عوام

دعاء said...

بجد بجد بجد ألف شكر دينا وغريب و نوارة كمان لانها اتاحت لينا الفرصة دي..

موضوع دارفور من زمن وهو ملخبط بشكل كبير و الواحد مش عارف يوصل لكلمه ترضي عقله فيه..

و بعد موضوع المحاكمة ده زادت الامور ارتباك ولكن بكل صراحة كلام دينا وغريب مقنع بشكل كبير وحيادي ويتفق مع كتير من المعطيات الغير متحيزة والعقل والمنطق..

تاني ألف شكر

احمد سعيد said...

نوارة
شكراااااااااااااا
على الضوء الاخضر
عدى من واحد لعشرة

Anonymous said...

واطن لمواخذة يعني : انت قريت البوست؟؟؟ :))
يابن محدش قال البشير ده ولي من اولياء الله و لا قال انه ابن مرة بطالة يابني يابني
الا السودااااااااااان
اصلها مصيبة لو بتفكر كدة
طيب ما صدام كان يستاهل الشنق و ديكتاتور شفت ايه الي حصل
اقرا البوست

Blue Bird said...

نواره

الحق ان زي مصر ما هي موجوده في جنوب السودان وموجوده في دارفور ، الا ان الغرب واسرائيل موجود في جنوب السودان ودارفور ، والحديث عن الثروات من بترول ويورانيوم وخط انابين الي الغرب وصولا للكحيط ، وصراع مع الصين وخلاف كل ده شئ ، واستهداف تقسيم السودان ، ومن بعده تقسيم مصر أمر لا جديد فيه ، أمر معلن من اول الثمانينات ، تم تنفيذه في العراق ، وكان اعلان الفوضي الخلاقه ليس الا اعلان ملحق علي العمليات الجاريه ــ نحن نعاند الحقيقه ، مصر ستقسم ، واصوات حقوق الانسان المتصاعده ما هي الا تفريغ مضمون للبعد الآخر من دعوات كانت داخل الاوطان ، وتلي دعوات حقوق الانسان العولمه ، ومن بعدها مواجهة الارهاب ، هذه العناوين تتم تحتها صورة الاجتياح الجديد للشعوب والوطان ، ودون ان يخفي العالم المدعي انه متمدن ، اكماع الثروه التي يملكها الجنوب المتخلف ، والشعب في السودان أكثر تفاعلا في السياسه من المصريين ، ولكن أيضا الطموحات والاطماع اصبحت أداه في يد مخطط التفتتي والتقسيم
قبلتم ام لم تقبلوا ، فهمتم ام لم تفهموا ، الامر ليس البشير ــ ومن يطلب امريكيا ليتخلص من عوكل او ابنه لا اقبل منه هذا ــ وليس الامر تفريطا في وطن وشعب ، ولكن ما لا استطيع الحصول عليه كشعب او دفع ثمنه لا استحقه ، ولا يستحقه الشعب ، ولا تستحقه اي امه ، وهؤلاء الذين يعتقدون انهم ليبراليين ، ويحدثوننا عما فعله البشير ، نسألهم من انتم حتي تملكوا حق الرهان بالسودان كله للتخلص من فرد رئيس وهذا الشئ المتحدث باسم العدل والمساواه والذي يعلن ان حركته تحت امرة محكمة الجنايات الدوليه للقبض علي البشير ، هل يملك الدفاع عن وطنه ، ومن أين أتاه السلاح وذلك القزم الذي يعلن انه سيفتح سفاره بتل ابيب ، وهو حركة تمرد ، لانه سيرعي السودانيين اللاجئين هناك ، قزم وليس له مكان الا ذات مكان ليفني التي كانت تدعوا الي القبول باللاجئين في اسرائيل

هناك خلط كثير ، ولكنك قلت الحقيقه ، أن انهيار السودان الموحد هو مقدمه لتفتيت مصر ، اما النائمون في العسل هنا فرجاؤنا اليهم ان يحزموا امتعتهم ويحصوا علي الجرين كارد ويروحوا لستهم امريكا يحيون حياة العظماء والاغنياء ويدعون التراب والقهر والظلم والحكام المتجبرين ، ونحن عليهم قادرون ، ارجوووووكم انتبهوا السودان عتبة الباب لمصر وعوكل متدهول ومشغول بساركوزي

Blue Bird said...

ست الكل يا نواره

آسف نسييت اكتب اسمي ، وأنا احب اكون مسئول عن كل كلمه باكتبها
مصطفي الغزاوي

Heba said...

بصى على اللينك ده وقوليلى رأيك, هو البشير ده راجل كويس زى ما د. راغب بيقول ولا لأ
http://www.islamstory.com/article.php?id=5105

jessy said...

اولا :شكرا يا نوارة على الترجمة لانى عرفت معلومات كتير اول مره اعرفها عن موضوع دارفور ... بس الحاجات اللى كنت عارفها ان موضوع درفور اتفتح تانى مش علشان سواد عيون السودانيين لكن علشان اكتشاف ثروات كتير فى درفور من بترول ودهب واليورانيوم الموضوع مش ديكتاتور قتل ولا عمل اباده جماعية لو بصينا على كل الحكام العرب الحاليين مين فيهم ماقتلش حد او عمل اباده للفقراء بطريقة غير مباشرة بالفساد اللى بيخلى الناس تموت بالجملة اسوا موته محروقة ولا غرقانة ولا حتى من الجوع او يقتلوا بعض ... اللى احنا عايزينو ان اللى عمل اباده فى شعبه الشعب هو اللى يحاكمة مش عايزين قوة اجنبية تيجى تحتل البلد وتقول انا جايه اخلصكم من الدكتاتور ... لان من الاخر ما حدش بيمسح دمعت حد هو فى حد هيحارب ويضيع وقته وفلوسه علشان يحرر حد تانى ماحصلتش ومش هتحصل ... وبعدين اسرئيل فعلا بتمول حركات فى الجنوب يا ترى اسرئيل بتدفع فلوس ليه علشان هما صعبانيين عليها ولا علشان ينفصلوا والسودان تتقسم واكيد هى هتستفيد بطريقة او باخرى

مواطن مصري said...

نوارة شفتي دة
http://www.youtube.com/watch?v=YRa2J6c6Edk

عم مينا said...

معلش يا نوارة مع احترامي الكامل لقصة دينا بس هي عندها وجهة نظر معينة للأمور ما نقدرش نعرف ايه حي الحقيقة بالظبط..
السؤال دلوقتي ايه دخل اعتقال البشير بالاستعمار و الكلام الكبير ده.. الناس بتقولك لو خرج برة البلد هنعتقله.. محدش قال هنيجي نحتل السودان علشان نعتقل البشير؟
و السؤال التاني لو حسني مبارك كان قتل مثلاً أهل النوبة كلهم و لا الصعايدة كلهم و جه القضاء الدولي عمله قرار اعتقال لو خرج برة البلد.. المفروض بقي أنا أنزل مظاهرات دفاعاً عن الرئيس المفدي بتاعي علشان أبقي راجل وطني و خايف علي البلد من التدخل الأجنبي؟
و هما الناس اللي نزلوا يتظاهروا اش عرفهم انه مش هييجي اليوم الدور عليهم؟

Anonymous said...

إبراهيم عيسي

غريبة جدًا مصر؛ فهي التي شكرت ومدحت ورحبت وهللت منذ أيام ببدء المحكمة الدولية في جريمة اغتيال رئيس وزراء لبنان الأسبق رفيق الحريري واعتبرت مصر ومعها حشد من حكومات دول الاعتدال والموالاة هذا الحدث بمثابة انتصار دولي للعدالة وللقانون هي نفسها التي تتذمر الآن وتعترض وتشجب قرار المحكمة الجنائية الدولية بالقبض علي البشير لمحاكمته في جرائم قتل مئات الآلاف من الشعب السوداني في دارفور!

يعني محاكمة من أجل جريمة قتل الحريري وعدد من الشخصيات اللبنانية تصبح شيئًا عظيمًا بديعًا محتفي به لدي حكومات الموالاة، بينما محاكمة لشخص واحد بتهمة قتل مئات الألوف شيءٌ يستحق التنديد والاستنكار والشجب! ما هذا الفصام الذهني العجيب الذي يتباهي بازدواجيته أمام العالم كله؟

قطعًا الغرب يكيل بميكالين والعدالة الدولية منحازة ضد العرب وتبول علي نفسها أمام الصهاينة والإسرئيليين، ومؤكد أن المحكمة الجنائية ومؤسسات الأمم المتحدة عاجزة وعرجاء وعمياء أمام جرائم الصهاينة في فلسطين ولا يجرؤ المدعي العام للمحكمة الجنائية الأخ أوكامبو أن يفتح فمه أمام أي مجرم حرب إسرائيلي مثل باراك أو أولمرت أو ليفني أو نتنياهو، بينما عمل فيها «ستين راجل في بعض» أمام عمر البشير!

هذا صحيح تمامًا وواقعي جدًا لكنه لا يغير من الأمر شيئًا؛ فالرئيس السوداني متهم بمجازر في دارفور، فأولاً حدثت مجازر ومذابح في دارفور فعلا لم يختلقها أحد ولم يصنعها إعلام، بل هي الحقيقة كاملة ومكملة، فقط الخلاف بين السيد البشير والجماعة الدولية في عدد القتلي هل هو ثلاثماثة ألف قتيل كما تقول التقارير الدولية أم مجرد عشرة آلاف قتيل كما تقول حكومة السودان وكأن عشرة آلاف رقم عادي وهيِّن والمفروض نرد ونقول صحيح هُمَّه ح يخوتوا دماغنا علي عشرة آلاف قتيل!! ثم إن البشير هو رئيس هذا البلد الذي ارتكب فيه هذه المذابح، ثم هناك جماعات وقبائل تتهمه بأنه وراء ارتكابها، ما الحل إذن؟

هل نعتمد علي قضاء السودان النزيه والمستقل الذي يشبه قضاءنا العربي من القاهرة وحتي صفاقس ومن عدن حتي حلب في أن يحاكم رئيس بلاده؟! وهل ننتظر من العالم العربي الديمقراطي والإنساني والحر وجامعة الدول العربية الفاعلة والقوية والتي تزأر في وجه الحكام العرب فيموتون رعبًا في جلودهم أن يحاكموا أو يسائلوا رئيس السودان عن قتل مئات الآلاف من شعبه؟! أم أن يحاسب البشير ويحاكمه شعب السودان الشقيق الذي هو شقيق فعلاً وجيناته والحامض النووي بتاعه يشبهنا تمامًا في خضوعه للرئيس وركوعه لقرارات الرئيس وهيامه في حكمة السيد الرئيس؟!. ومن ثم فلن يحاكم شعب عربي رئيسه؛ لأن الرئيس العربي من المحيط إلي الخليج ومن بنزرت إلي جوبا إله الناس ورب الشعب والعياذ بالله!

محكمة دولية لمحاكمة قتلة رفيق الحريري وشهداء لبنان مسألة مهمة وضرورية وحتمية في واقع لبناني هَشٍّ وواقع عربي استبدادي وديكتاتوري ولا يتمتع بذرة من العدالة، ومحكمة دولية لمحاكمة الرئيس السوداني أقل ما يمكن أن تقدمه الإنسانية لمئات الألوف من الضحايا والقتلي المسلمين عربًا وأفارقة الذين تم ذبحهم في دارفور!

قد ينجح البشير في النجاة من القبض عليه وقد ينقلب عليه مسئولو حكمه، لكن هذا لا يغير من حقيقة واضحة أنه متهم حتي تثبت براءته، وستسألني وما ضمانة أن المحكمة ستحكم بالعدل؟ والحقيقة أنه لا توجد أي ضمانة علي الإطلاق لكن هل ترك أي رئيس عربي أي ضمانة لمحاكمة معارضيه وخصومه بالعدل؟!. العدل لعبة في يد الحكام العرب وها هي اللعبة تلاعبهم!!

BeLiEvEr said...

أنا شايف ان كل التعليقات ماشية حولين، لأ الناس دى وحشة،لا الناس دى حلوة، لأ دى مؤامرة صهيونية، لأ دى مؤامرة امريكية صهيونية، لأ دى مؤامرة فرنسية امريكية صهيونية، كوكتيل يعنى

طيب مادام كله عارف كده، يبقى بنعلق على ايه؟

أولا، مشكلة دارفور ، من اولها واضح انها ملعوب فى اساسها، يعنى فيه حتت كتير فى العالم حصل فيها ألعن من دارفور ميت مرة، و محدش فكر يبعت تمرجى حتى هناك، اشمعنى دارفور....
يبقى الموضوع من أوله فيه حاجة، مش محتاجة فكاكة
طيب، هما عايزين ايه من دارفور؟
أكيد مش البشير، هما أكيد عايزين يحطوا رجلهم هناك، فى السودان

يا الله!!!نفس الترتيب الللى قال عليه بوش حصل، افغانستان، العراق، لبنان، الصومال، السودان

ثانيا، طيب، احنا ازاى ممكن نمنع انهم يحطوا رجلهم هناك؟طبعا هما معتمدين ان كل الحكام العرب زى صدام، حيفضلوا متبتين فى الكرسى، حيفضلوا نفسهم على الشعب، يعنى لو هما حيروحوا فى داهية، البلد تروح فى داهيه هيا كمان!!

طيب ما نبقى أذكى منهم!!

زى ما قال "راجى"فى تعليق هنا، كده كده حيبقى فيه انتخابات فى السودان السنة دى، البشير يعلن انه مش حيدخل الإنتخابات و اهوه يتحسبلوا انه اول رئيس عربى يتنازل بمزاجه عن السلطة(قال يعنى بمزاجه)، و يسلم نفسه للمحكمة الدولية، و أكبر محامين دوليين عرب يترافعوا عنه، و الموضوع ياخد جانب اعلامى و ممكن فعلا لو الموضوع فيه لعب كبير كله يبان

لازم نكون اذكى منهم، ولكنى اشك، و بكرة نلاقى قوات التحالف فى دارفور او ربنا يستر الخرطوم.

Rania Lelah said...

المشكله مش فى البشير اللى ارتكب جرايم حرب و بس ناس كتير اوى عملت بلاوى تانيه
انا اللى غايظنى التحكم و التدخل فى شوؤن العرب عموما زى ما حصل فى العراق

دة اللى مش موافقه عليه ابداااااااا

Anonymous said...

شهادة...
تعرفت على احد اللاجئين الموجودين فى مصر
كنت أسأله وأحاول أعرف منه الظروف التى جعلته لاجئ ويأتى لمصر
وفى أحد المرات أخبرنى أن معظم الاجئين السودانيين يألفو قصص كاذبة للحصول على مساعدات من منظمات اللاجئين وأكثرهم مهارة من يستطيع ان يفبرك قصة محبوكة أكثر ويستطيع ان يحصل على لجؤ فى دولة أوربية.


هناك أيضا شئ مهم جداً
هل تتذكرون مذابح رواند
رواند دولة صغيرة جداً جنوب السودان
فى أوائل التسعينات حصلت فيها مذابح رهيبة بين القبيلتين الرئيسيتن فيها الهوتو والتوتسى مات فيها أكثر من نصف مليون فى شهور قليلة
هل تعلمون ماذا فعلت قوات الامم المتحدة والمنظمات الدولية وقتها.... أنسحبت من رواند بكل برود
والسبب كان بسيط لأنه ليس هناك أية مصلحة للدول الكبرى فى رواندا
بالعكس كانت فرنسا وقتها لها مصلحة فى دعم الطرف المعتدى وهناك ادلة كتيرة على ذلك . والحكومة الرواندية الأن ما تزال تطالب بمحاسبة فرنسا على دورها فى مذابح رواندا.

أتذكر أنى شاهدت فيلم وثائقى عن مذابح رواند
كان فى الفيلم مشاهد وثائقية حقيقية لمجموعة من الصحفيين وأعضاء فى منظمات دولية ومجموعة من الروانديين هاربين من المذابح وهم يبكون ويستنجدون بهم لأنقاذهم من الموت والأخرين تحدثوا معهم قليلاً وألتقطوا لهم بعض الصور ثم أنصرفوا ببرود تاركيهم لمصيرهم المحتوم.


هل تتذكرون أيضا قصة احد المنظمات الدولية التى كانت تتاجر فى الرقيق وتسرق أطفال دارفور وتهربهم لفرنسا وكيف تم القبض عليهم فى تشاد وتدخلت فرنسا وقتها ومنعت محاكمتهم.

هل هناك من يزال يصدق عدالة الأمم المتحدة وصدق وشفافية عمل المنظمات الدولية ؟

Unknown said...

يا عم مينا

حسني مبارك فعلا قتل اعداد مهولة في الصعيد وكان ممنوع احصاء اعداد ضحايا الشرطة لو تفتكر

هو انت عندك كام سنة؟

المهم
خلي الطابق مستور عشان الموضوع ده كلنا ايدينا فيه وكلنا فيه مدانين ومجرمين

الصعيد كان بيجري فيه مذبحة
وتوحش الشرطة على الناس احد نتائج حرب الصعيد (وبالمناسبة ما كانش يتقال عليها غير حرب) والفتنة الطائفية كمان يا مينا احد نتائج حرب الصعيد

عشان كده باقول لك خلي الطابق مستور لان لو حد ح يتحاكم
يبقى كل اللي حضر الفترة دي وتواطأ مع الحكومة ولو بالصمت

ثانيا
اللي حصل في افغانستان ان بن لادن لانه كان لاجئ مش حاكم فاطلب للمحاكمة وطالبان رفضت تسلمه الا بدليل على انه هو اللي عمل احداث سبتمبر وطلبت انها تدرس الادلة

اظن مافيش اعدل من كده يعني
زي ما بيقولوا بالانجليزي
fair enough

ومع ذلك انضربت عشان لاجئ عندها
لاجئ

مش حاكم
والايام بينما
الا اذا عوكل اتدخل
وغالبا عوكل ح يتدخل مش لحبه للبشير ولا لكرهه للناس اللي ماتت في دارفور

بس لان فعلا تسليم البشير ح يستتبعه فوضى قد تضر بينا احنا هنا في مصر واحنا مافيناش نتسخط تاني
كفاية اللي ربنا عمله فينا بجرايمنا

Unknown said...

بالمناسبة
انا ماليش دعوة بهلفطات ابراهيم عيسى
احنا ح نستهبل
ماهو عارف الحكومة المصرية ليه هللت للمحكمة الدولية بتاعة الحريري
وليه زعلانة من محاكمة البشير

انا ماليش دعوة بالحكومة المصرية
انا كل اللي باقوله
يا اما محكمة دولية بجد
يا اما لا محكمة دولية خالص وكل واحد يدور على مصالحه

ما تقوليش اللي نقدر نحاكمه نحاكمه
الله، اشمعنى المحاكمات اللي تضر بمصالح الغلابة اللي زينا تبقى حلوة والمحاكمات اللي تضر بمصالح العالم القوية المفترية تبقى كخة؟

ولما نطالب بمحاكمة دولية لاسرائيل اللي بتعمل فعلا ابادة عرقية وبتفكيكها لانها كيان عنصري يضحكوا علينا على اننا مجانين وهم هم نفس الناس دي اللي بتدافع عن محاكمة البشير وسايبيني تعليقات تخدش حياءكوا عشان كده ما نزلتهاش

ايه الوساخة ونفسية العبيد اللي بقينا فيها دي؟

ما هو يا ناس مؤمنة بالعدالة
يا اما لا

انما يشتغلوا كورال للمجتمع الدولي القواد عشان طالع لهم منه مصلحة؟
وعايزين يعملوا مناضلين على قفانا كمان؟

Ahmad atef said...

السلام عليكم
بصراحة أنا مش مختلف معاكي في أن مايسمي بالمجتمع الدولي هو النفاق والازدواجية بعينها زي مابيعرفوهما في الكتب ولا في أن ورا الأمور أمور وموضوع المحاكمة قطعا مش لوجه العدالة ولكن السؤال البسيط هو مجرم حرب ولا لأ؟؟؟ هل قتل عشرة ألاف بني أدم تبعا للأرقام السودانية اللي بتشكك في رقم التلتميت ألف بتاع المنظمات الدوليةوكان العشرة ألاف ده رقم عادي لا يستحق التوقف عنده بالإضافةغليتشريد ألاف الأسر جريمة حرب ولا لأ ؟ وماتقوليليش أرجوكي قتل 1300 في غزة وألف في جنوب لبنان لأن احنا عارفين الفولة وإسلامنا وعلومنا الشرعية كلها مبنية علي قاعدة فقهية بسيطة بتقول ما لا يدرك كله لا يترك كله
نقول كمان
مالا يدرك كله لا يترك كله
يعني لو كلامك صح وأرجوكي تفكري بهدوء يبقي بتوع صحف الحكومة والإعلام الرسمي علي حق لما بيقولوا أن الجزيرة قناة بنت ستين في سبعين عشان مابتهاجمش الراجل بتاع قطر وكأنها مطلوب منها عشان حدود سقفها قطر أنها تسكت عن كل بلاوي ال21 حاكم التانيين وعن عمالة مبارك وبن عبد العزيز وأبو مازن...ماهي مش قادرة تهاجم قطر وقواعد أمريكا فيها بقي يبقي ياللا نتفرج ع القناة الأولي بتاعة الرئيس يحذر ويشيد ولاقناة العبرية
حطي كدة الموقفين جنب بعض هتلاقي موقفك زيهم تيبيكال
يايحاكموا بوش وأولمرت مع البشير يا يسيبوا الكل ياكل عيش
أسف الهي يجحمهم جميعا واحد ورا التاني وربك يضرب الظالمين بالظالمين طالما احنا كشعوب مش قادرين ناخد خطوة تجاه حقوقنا أكبر من طرقات الكيبورد ونضال توقيع العرائض
من الأخر وأسف للتطويل عقبال باقي المجرمين بأي وسيلة وعلي إيد أي حد وان لم يكن علي البشير عار غير تسليم المناضل الفرنسي كارلوس الذي كان يعمل لصالح القضية الفلسطينيةعام 1995 في أخس حركة خيانة منذ تسليم البوليفيين ليفارا وحتي أتحفنا عوكل بتسليم غزة للإسرائيليين هذا العام
خدي النكتة دي يمكن تخفف عنك شوية
واحد اتحشر في زحمة المرور فلقى واحد بيخبطله على شباك السيارةفتح الشباك و سأله عايز ايه

قاله : الرئيس حسنى مبارك خطفوه و الفدية 5$مليون دولار و لو الفدية ماتدفعتش .. الخاطفين هددوا يدلقوا
عليه بنزين و يولعوا فيهو احنا بنجمع تبرعات .. تحب تشارك ؟

الرجل سأل: ' و في المتوسط الناس بتتبرع بكام

'الرجل الثاني : ' من 5 الى 10 لتر بنزين

عم مينا said...

أنا عارف اللي حصل في الصعيد بس ده ما كانش حرب ابادة زي اللي حصلت في دارفور
أنا كل اللي بقوله يا نوارة ان الراجل ده تسبب في مذابح أقل تقدير ليها هو ٣٠ ألف بني أدم.. مهما كانت الظروف و الملابسات و نظرية المؤامرة و كل الكلام ده مقدرش أحاول حتي أدافع عنه..
احنا طول النهار بنتهم الغرب بانهم بيكيلوا مكيالين و دي حقيقة محدش يقدر ينكرها.. بس يا ريت ما نعملش احنا كمان زيهم و نبقي أعدين نظالب بالديمقراطية و حقوق الإنسان و بعدين ندافع عن واحد زي ده

أنا ضد التدخل الأجنبي في بلادنا بس أنا لو كنت سوداني مكنتش هنزل مظاهرات تأييد للكائن علشان عاملي فيها جمال عبد الناصر و انه هيقف ضد الإستعمار.. مقدرش أبيع دم اخواتي اللي ماتوا علشان شوية شعارات خايبة

عاشقة القمر said...

انا ردت عليك في مدونتي
هم بدخلوا بيلقوا دوال
خليهم بدخل مدونتي
بعرف ايه عن السودان
ام حكاية لاجين ماهم وراهم امريكا بتدعم بأموال

عاشقة القمر said...

lممكن تخليه موطن مصري يسكت خالص لانوا لو انا اتكلم عن مصر مش برضي
انا
برضوا
مش اهرضي ياريت مش تكلم علي حجه مش عارفها

عبده البرماوي said...

صديقتى العزيزة نوارة
أحيانا تعجبنى قدرتك على النفاذ لقلب الأشياء مستخدمة تحليلا بسيطا للأمور يذهلنى برغم ما يتخذه من منحى شعبوى فى بعض الأوقات، مرجع ذلك ربما لحقيقة أن البساطة كثيرا ما تمثل روح الحقيقة، وأن الحكمة ليست حكرا على أولئك الذين يتبعون نماذج التفكير المعقدة والمعقلنة والمنمطة، فتأتى فصوصها – برشاقة ومباشرة - من أولئك الذين لا تعمى أبصارهم الحواشى والتفاصيل ورتوش القضايا، لكنى – رغم هذا الإعجاب - أنزعج بشدة فى قليل من الأحيان عندما يتخذ تفكيرك هذا المنحى الذى يستريح لتفسير المؤامرة، والواضح فى تدوينتك الأخيرة، فنتيجته دائما هى حصار القدرة على التفكير، والاستسلام لبساطة تخل بالمعانى والمنطق السليم وتحيد بنا عن جادة الهدى والحق. لا أريد هاهنا أن أمارس تعالى فكرى، ولا أن أقع منك موقع الموجه، حاشانى أن أتورط فى هذا، رغم جاذبيته، فهو عيب لا يقل فى خطره على إفساد التفكير عن التفكير وفق نموذج المؤامرة.
لندخل فى صلب المسألة، ولنعبر الباب الزلق لعقلية المؤامرة، وتعالى لنحلل مسألة طلب القبض على البشر ليمثل أمام المحكمة الجنائية الدولية بتهمة اقتراف جرائم حرب وتطهير عرقى بحق أهل دارفور بعيدا عن تفاصيلها السخيفة، من خلال المسائل الأربعة التالية التى أظنها تلخص ورطتنا الفكرية وربما تفيدنا فى استلهام عبرة التاريخ وروح الواقع:
- السؤال الأول والمكرر فى كل امتحان/محنة وقف فيه عالمنا العربى أمام كارثة: هل دائما الغرب وإسرائيل هما المتهمان الوحيدان؟ أو هل هما المتهمان صاحبا الذنب الأكبر ضمن مجموعة المذنبين المتسببين فى الكارثة، والشيطان صاحب الدور الأبرز فيما يتكرر علينا ويتكاثر من مصائب فى هذه البقعة المكلومة من العالم، أم هناك من جعلنا لقمة سائغة للذئاب الدولية، وجعلنا أكثر قابلية للاختراق والاستغلال والاستعمار، أهناك من فعلها حينما أزال عنا أسباب المنعة والقوة، ورسمنا ضحية مثالية للأكلة المتكاثرين على لحمنا، وأقصد هنا بالطبع ثلة المستبدين من حكام العالم العربى.
- السؤال الثانى، سؤال لنا نحن الموروطين بين خيارين كلاهما مر: هل تحقيق العدالة رهين بواحدية المعايير أم أن تحقيق العدالة حتى فى ظل ازدواجية معايير تطبيقها أمر مرغوب للمستضعفين، على قاعدة أنه ليس من الأخلاق ولا المنطق ولا المصلحة إهدار العدالة كلية، أم نذهب مذهب القائلين: "هم يقتلون فلما لا نقتل، هم يسرقون فلما لا نسرق". وهل تطبيق العدالة سيؤدى لتدهور ومزيد من الظلم، أم ربما يكون بابا للنور فى نهاية النفق المظلم. باب ينبه المظلومين جميعا لضرورة التضامن للدفاع عن مصالحهم، دون شق للصف ووقوع بين أنياب المستعمرين، ويمنحهم أمل فى الغد بالتخلص من المستبد.
- وستدفعنا نقاشات السؤال الثانى للسؤال الثالث مباشرة، السؤال الذى قد يبدو يائساً: هل كتب علينا دائما فى نهايات كوارثنا – التى هى بالضرورة مفتتح لكوارث أفدح - أن نختار أحد طرفى هذه الثنائية الجامدة؛ إما ديكتاتور أو مستعمر؟ (ولأذكرك بتخييرنا فى العقدين الماضيين بمقولة إما صدام أو بوش). بمعنى آخر، هل الحفاظ على استقرار بلداننا معناه دائما الابقاء على المستبدين القتلة لمجرد أنهم حكامنا، دفعا للاستعمار، أم هل هذه هى التكئة التى ينمو فوقها دائما الاستبداد، كفرشة حريرية تمهد للاستعمار الذى يليه بحسب ما ينطق التاريخ القريب، هذا الخوف الذى يزرعه أولئك المستبدون، فى دخيلتنا، حتى وهم يدعون حمايتنا من الاستعمار، وهذا الترويع اليومى من السقوط فى براثن المستعمرين، هل له ما يبرره حقا، وهل يفعلون ما يزيله حقا، أم هى شماعة مثالية لإلهاء الشعوب وتسليمها بالجملة لمصير وحشى مجهول. وربما يدفعنى هذا للسؤال، هل حكامنا هم الحماة أم تراهم هم هذا الجسر العظيم الذى عبره وسيعبره المستعمرون وصولاً لقلب مواردنا، يدفعنى هذا لمزيد من الأسئلة التى تغلى بها رأسى، وأخيبها وأكثرها تعميما: هل نحن شعوب تتعلم شيئا من التاريخ.
- وأخيرا، لماذا دائما ما نفاجئ، لماذا تعلونا الدهشة ويعلو نحيبنا فى نفس اللحظة التى تصيبنا بها السكين، ولا ننتبه لحقيقة أن السكين كان مسلطا فوق رقابنا منذ سنين طويله، ولم نعمل حسابنا للحظة استقراره فى نحورنا. ألسنا بهذا ضحية مثالية حقاً، فى عالم تدرك فيه الأمم أسباب المنعة وتحصلها، وتصحح من أخطائها وتشير إليها وتسعى من أجل إنهاء ما قد يجعلها عرضة للخلل/ المرض/ الاستبداد/ الفقر /الاستعمار. هل هو العمى، الذى يسببه ضعف العقل السياسى أم هو الغرور والتجبر.

رأى المتواضع هو أن الإجابة على هذه الأسئلة ومثلها هو الواجب الدراسى لمن أراد التكلم فى مسألة دارفور، وأراد بالفعل خيرا لهذه الأوطان المنكوبة، وأراد أن ينجح فى امتحان الشعوب. ومن ناحيتى سأجلس لأجيب عنها وربما عن مزيد من هذه الأسئلة.

يمكنك أن تضعى هذه الأسئلة فى بوست مستقل، ولنحاول أن نجيب عنه، رغم أننى أتوقع مبدئيا - كسوداوى متشائم - أن يحجم الكثيرون ممن أهرقوا وقتهم فى التعليق على البوستات عن الدخول فى هذه المتاهة

عبده البرماوى

Anonymous said...

أولا البشير فعلا مجرم حرب وأنا ليا أصحاب سودانيين ومن زمان بيشتموا فيه ثانيا السودان لن تحتل زى العراق لأن سياسه أوباما مختلفه وهما كمان أتعلموا الدرس كويس مت اللى حصل فى العراق وثالثا يا ريت تعملى أستفتاء عن رأى الناس فى اللى يرمى الطوب وبعدين يجرى يتحامى فى النساء والأطفال وهو عارف كويس أن جاره اللى رمى عليه الطوب ده لا أخلاقى وكل اللى يهمه أنه يحافظ على بيته

حسن مدني said...

مقالك هذا يا نوارة من الروائع – خاصة مع التعليقات التي أثرت الموضوع كثيرا.

الأخت دينا فتحت كل الملفات وأشارت إليها بواقعة شديدة.
كما أن إشارتها إلى دور الترابي جميلة جدا، لأن هناك الكثير من الشواهد التي تشير إلى تورط الترابي في تفجير أزمة دارفور، وغيرها. وكذلك التدخل الأجنبي – الأمريكي والفرنسي- بصورة خاصة.
برغم اختلافي معاها في موضوع إجرام البشير. لكن معظم ما أوردته صحيح.

الترابي ياسيدتي، وقد التقيت به في الثمانينات، رجل مقنع للغاية، قوي الحجة، ذو ابتسامة ساحرة. وهناك رأي قوي بأنه تبدل منذ محاولة اغتياله في كندا. ومنذ ذلك الحين ظهرت عليه بوادر جنون العظمة، ربما كانت موجودة من الأصل، لكنها ظهرت في وقت متأخر. حتى وصلت إلى الصدام المكشوف مع البشير.

كنت أتمنى أن يقرأ مواطن مصري الموضوع قبل أن يعلق، ولكن من الواضخ أنه لم يقرأ إلى الآن.
وأتفق معاكي تماما في

لو حصل ده في السودان إحنا كده ضعنا إلى الأبد

بالنسبة لإبراهيم عيسى
فهو قد جاء بإبداع جديد تماما، وهو أن المتهم متهم حتى تثبت براءته، مع أني كنت أظن - وبعض الظن إثم – أن المتهم بريء حتى تثبت إدانته.
علما بأنه أيضا كرر الادعاءات بقتل مئات الآلاف. مع أن المحكمة نفسها خفضت الرقم إلى ما دون ذلك. والخلاف بيننا وبين المحكمة ليس فقط في عدد القتلى، وإنما في تحديد المسؤول عن قتلهم.


ملاحظة مهمة
السودان يكاد يكون البلد العربي الوحيد الذي يعيش فيه رئيسين سابقين (النميري وسوار الذهب). وبه عدد من أحزاب المعارضة.

الفكرة قبل المحكمة يانوارة بيعملوا فريق تحري الحقائق. يجمعوا الحقائق والأدلة على وقوع جريمة وحجمها، ثم بعد ذلك تقام محكمة محايدة لمحاكمة المجرم.
لجان تحري الحقائق، ومنها كولن باول (وكان وزير خارجية بوش في ذلك الوقت) أقر بأن المعلومات التي عنده غير صحيحة. وفد الاتحاد العالمي لعلماء المسلمين، برئاسة الشيخ القرضاوي كان له شهادة قيمة بهذا الصدد، بعد زيارنه إلى السودان. شهادات أهلي في السودان مغايرة تماما لما يعلن في الإعلام الأمريكي، وكثير من الإعلام العربي.
حدثت مخالفات وتجاوزات بالتأكيد، هل ترقى إلى درجة جريمة ضد الإنسانية أو جريمة حرب؟ لا يوجد دليل على ذلك. هل هي مسؤولية الحكومة أم المتمردين أم القبائل أم العصابات؟ لا أحد يدري على وجه اليقين.
القدر المتيقن من العلم أن هناك كثير من الأدلة الملفقة، والشهادات الكاذبة في هذا الشأن، لخدمة مصالح لا تتعلق أبدا بمصلحة أهالي دارفور، ولا أهالي السودان، ولا العدالة ولا حقوق الإنسان.

تحياتي

الفوريجي said...

هذاوتعهد"المناضل" عبد الواحد محمدنور يوم أن اصبح رئيسا لجمهورية السودان لن أتردد في فتح سفارة لإسرائيل في الخرطوم وبعض القنصليات في المدن الكبيرة
وقال "نحن في حركة تحرير السودان ليس لنا أي عداوة مع دولة إسرائيل .

http://www.aljazeera.net/NR
/exeres/4B3B0332-AA27-403D-9BA8-F3E9DAFF695B.htm

على باب الله said...

طيب يا نوارة دارفور متفبركة

طيب الأتنين مليون لاجيء اللي هربوا دول هربانين من أيه بالظبط ؟

لو 2 مليون رقم كبير عليك.. ممكن نقول خدلك بصة على مخميم اللاجئين في تشاد اللي فيه 200000 لاجيء و هو المخيم اللي عامل أزمة كبيرة في تشاد

دول كمان هربانين من أيه ؟

---

البشير مجرم حرب ... ده شيء بديهي

حتى اللي بيدافعوا عنه كان دفاعهم قايم على أساس أشمعنى البشير .. ما تبدأوا بالمجرمين الإسرائيليين .. لكن صعب شوية أنك تقول البشير مش مجرم حرب لمجرد أن وشه فوتوجينيك حبتين

---

Anonymous said...

الحقيقة أنا مستغربة جدا من الناس اللي فهمت إني بكلامي ده بدافع عن البشير....كلامي واضح جدا مافيه طلاسم مثلا عشان يكون فيه تأويلات بالشكل ده

أنا ببساطة شايفة إن كلامي ده واضح جدا.....أنا ضد البشير و حكومته أصلا لكن ما معنى كدة إني ما أقول الحق

مشكلة دارفور واضح جدا إن فيها كتير من ‎اللغط لأي حد متابع المشكلة من الأول و شايف كمية التناقضات في الروايات

أول سؤال هو حركات التمرد اللي كل يوم طالعة في السودان دي بتجيب السلاح من وين؟؟؟ طيب أصلا إيه هي دوافع البشير إنه بعد ما يخلص من حرب الجنوب اللي فرضها المتمردين على السودان كله إنه يفتح على نفسه جبهة تانية في دارفور؟؟؟؟ مجنون مثلا؟؟؟

طيب عدد الناس اللي ماتوا في دارفور ليه فضل لمدة خمس سنين زي ما هو؟؟؟؟ و أصلا كيف كان في عدد واضح للضحايا من أول ما إتكشفت الحكاية؟؟؟

ما عايزة أعيد كلامي تاني لكن أنا ما بأدافع عن البشير و لا عندي سبب إني أعمل كده و هو و حكومته إرتكبوا بالفعل جرائم ضد أهل السودان. و أتمنى إننا نتخلص من حكمه قريب. لكن في نفس الوقت أنا ضد الكذب و التدليس و زي كتير جدا من أهل السودان ما شايفة إن الموضوع ده في صالح السودان أبدا لإنه بيكرس للفوضى في البلد تاني من بعد ما إبتدأ يكون في مساعي لحل مشلكة دارفور اللي هي لسه ما إتحلت بالمناسبة و بعد ما كان المفروض يكون في إنتخابات للرئاسة. و بيكرس لمبدأ التمرد المسلح و أي واحد ليه أطماع في السلطة بعد كده حيرفع السلاح و يقول أنا مضطهد أنا مهمش أنا عايز أبقى نائب الرئيس و عايز أترشح للرئاسة و هو ده اللي بيقولوه كل قادة حركات التمرد على فكرة. و أنا كسودانية زهقت من الناس اللي عايزة تفرض سلطتها علينا بالقوة من غير ما يكون عندهم أي كفاءة تفيد البلد و لمجرد إنهم شايفين السلطة من حقهم

Anonymous said...

مش باقي منى غير شوية ضى في عنيا

جمال بخيت

مش باقي منى غير شوية ضى في عنيا
انا حدهملك وامشي بصبري في الملكوت
يمكن في نورهم تلمحي خطوة تفرق معاكى بين الحياة والموت
مش باقي منى غير شوية نبض في عروقي خدي وعيشي
وافتح لي تابوت افرح بريحه ورد فرعوني وربنا في عوني
إذا دخلت الجنة ولا النار حشتاق لضحكتك وقعدتى في الدار
والقهوة متحوجه من طيبة العطار
في كل يوم الصبح اشرب حليب قبطي
وفى النهار والمسا امسك ستار الكعبة لو سبتي
واثبت اذا هربتى
اهديكى عمري وحسي وجوارحي
اهديكى جرحى هو إلى باقي في دنيتي لما خلص فرحى
مش باقي منى غير شوية لحم في كتافى
بلاش يتبعثروا في البحر
بلاش يتحرقوا في قطر الصعيد في العيد
بلاش لكلب الصيد تنوليهم
خدي إلى باقي من الأمل فيهم
وابنيلى من عظمهم في كل حارة مقام
وزورينى مرة وحيده لو كل ألفين عام
الم الجراح يتلم
مش باقي منى غير شوية دم
متلوثين بالهم مرين وفيهم سم
كانوا زمان شربات والنكتة سكرهم
شربتهم الخفافيش في الب أوكرهم
مش باقي منى غير شوية دم مقدرش اسقيكى مواجعهم
ويرضوا مقدرش ارميكى وأبعهم
يمكن في مرة تعوز تطلبيني شهيد
حاحتاج يوميها الدم يمضى على شهادتى
مش باقي منى غير شوية قوة في إرادتي

على شوية شعر من خطى
حسبي عليهم وأنت بتخطي
وأنت في صبح الدلال بتعطري شطي

مش باقي غير شوية ضى في عنيا
انأ مش عاوزهم
لو كنت يوم حالمحك وأنت بتوطى
في معركة مفيهاش ولا طيارات ولا جيش
وأنت في طابور العيش
بتبوسى أيد الزمن ينولك لقمة من حقك المشروع
مش باقي منى غير شهقة
شهقة في نفس مقطوع
بفتح لها سكة ما بين رئة وضلوع
ما بين غبار ودموع
وأنا تحت حجر المقطم في الدويئة بموت
أنا والعطش والجوع
يئن تحتي التراب
وأنا صوتي مش مسموع
يا حلمنا الموجوع من المرور ممنوع
مستني لما يمر موكب سلاطينك
مش باقي منى غير شوية رحمة من طينك
على شوية صبر من دينك
مش باقي منى غير حبة غنى تايهين
في الضلمة مش لاقين حس الفواعلية
ولا صوت مركبي عفي فوق المعدية
ولا صوت بناتي العذارى في كل صبحيه
والغنوه أمنية يما نفسي أقابل حبيبي
وأنا على الزراعية صوتك وصوتهم غاب
وأنا تحت حجر المقطم بموت لوحدية
الليلية راحت عيوني تطل على البستان
وجناين الرمان رجعت لي توصف عناد الغل والدخان
وسحابة سوده تضلل على غُنى الغلبان
رجعت لي توصف هبوب الموت على الألوان
رجعت لي توصف خيال الذل في موائد الرحمن
مش باقي منى غير شوية كفر بشروقك
وأنا منبع الإيمان

مش باقي منى غير شوية ضى
وعنيا مش قادرة تلمحك
في وحدتي محنى
خايف أموت من الخوف والضعف يفضحني
السجن عشش في قلبي وماشى في شوارعك
نفس إلى بعني وخدعني بالرخيص بيعك
أشيل حمولى أنا ولا أشيل حملك
ماعدت املك شيء فيكى ولا فيا
ولا قيراط ولا بيت
ولا نسمة صافية تلاغى النيل بحريه
مش باقي منى غير شوية حب جرحني
ولا باقي منى غير شوية ضى في عنيا

Unknown said...

معلش يا شيباب النت كانت واقعة طول اليوم
ح اقرا تعليقاتكوا وارد عليها ان شاء الله دلوقت

مهندس مصري بيحب مصر said...

أيوه بس ردي بسرعة و بتركيز و تفصيل ممل بقى
لإن فيه تعليقات عجب جات لك

أنا قلقت لما لقيتك كل ده ما نزلتيش بوست جديد

مواطن مصري said...

نوارة شوفي الفلم دة بيتكلم عن مشكلة السودان
http://www.youtube.com/watch?v=gB8n44fX-U0

Unknown said...

النت قطع في البيت عندي تاني بعد ما كنت حضرت رد طويل
بس سيفته
لما ارجع ان شاء الله والنت ترجع انزل الرد

بس انا ليا رجاء من السادة المعلقين

ياريت ما نقررش مسلمات كده واحنا ما عندناش معلومات كافية

مواطن مصري said...

انا بعتلك ميل عن مشكلة السودان اتفرجي على الكليب

مدونة النسر المصرى said...

نوارة
مبروك الكتاب
انا دورت عليه مش لاقيه وكل ما اسئل واحد يضحك على

عم مينا said...

للأخ الفوريجي

لأ طبعاً بما ان الراحل طلع معندوش مشاكل مع اسرائيل يبقي يتحرقوا الناس اللي ماتوا و يحيا المناضل البشير المدافع عن حقوق الشعب ضد الإستعمار

Unknown said...

انونيمس
يا سلام يا سلام
ايه وجه المقارنة ما بين قناة مهنية من حقها تختار التوجه بتاعها زي ما التلفزيون المصري ليل نهار يشتم في حماس بمحكمة دولية بتحطم مصير بلاد وتحيي وتميت على كيفها؟ بقى دي زي دي؟
ازاي الموقفين زي بعض؟ هي قناة الجزيرة محكمة وللا جهة ذات صفة، قناة الجزيرة قناة اعلامية واي حمار يقول ان الاعلام موضوعي مائة بالمائة هاتهولي عشان اغرق لك وشه تفافة
ده كلام واحد ما يعرفش الف باء صحافة
كل قناة او صحيفة لها من حقها تختار التوجه بتاعها فيه فرق ما بين النزاهة المهنية وما بين اتخاذ موقف معين والتركيز على قضايا معينة على حساب قضايا اخرى
يعني ما تقدرش تتهم الجزيرة مثلا باللا موضوعية او اللا مهنية عشان مش مركزة على احداث كشمير مثلا ومركزة اكتر على فلسطين
واقع الامر ان قطر مش دولة مؤثرة في الصراع العربي الاسرائيلي، مهما كان اميرها وسخ، وواقع الامر ان مصر اكبر مؤثر على الصراع ده وعشان كده بيتم التركيز على مصر، لما بيتم التركيز على مصر بيلاقوا زبالة
ده ذنبهم؟ ما نشيل زبالتنا
لكن محكمة العدل الدولية ما يتحكمش عليها بالمهنية، هي مش بتسترزق من ورا المحكمة ولا دي شغلانة، المفروض انها اسمها: محكمة العدل "الدولية" الدولية الدولية
ما ينفعش قراراتها تبقى سياسية، والا ايه الفرق ما بينها وبين صدام مثلا؟ ايه الفرق ما بينها وبين البشير نفسه؟ ايه الفرق ما بينها وما بين القضاء المصري النزيه اللي برأ ممدوح اسماعيل؟

عم مينا
30 الف غير عشرتلاف غير تلتميت الف، انا عارفة ان كلهم بني ادمين وان بني ادم واحد حياته غالية، ده بالنسبة لي وبالنسبة لك مش بالنسبة للمحكمة الدولية، المحكمة الدولية قررت انها حرب ابادة، وبعدين رجعت قالت جرائم حرب
طيب انت كمان يا عم مينا بتقول حرب ابادة، ايه دليلك؟ ايه مصدرك المستقل غير المشكوك فيه اللي بيقول انها حرب ابادة؟
اذا كانت المحكمة الدولية نفسها تنازلت عن كونها حرب ابادة وعملتها جرائم حرب
لو ح ندخل في جرائم حرب، يبقى اللي حصل في الصعيد عندنا جرائم حرب، واللي حصل في فلسطين جرائم حرب، ثم زي ماهو مافيش تعداد اكيد للقتلى في دارفور والتفاوت جنوني زي ناس تقول مليون وبعدين تلتميت الف وبعدين تلاتين الف
!!!!!!!!!!!!
دي حاجة كده زي ما اقول لك: ح اغيب عليك عشر دقايق تلات ساعات يومين كده مش ح اتأخر
عشرتلاف وتلاتين الف حاجة، وتلتميت الف حاجة تانية، ومليون حاجة تالتة
وانا ما عنديش مانع يتحاكم
بس زي ما الامريكان نفسهم بيقولوا
Either values or interests… don’t mix
مصالح وللا قيم؟
قيم تبقى على الكل
مصالح تبقى للكل
احنا بني ادمين مش عبيد
واظن يا مينا مافيش اي داعي للمزايدة على السودانيين لانهم هم ادرى ببلدهم، اذا هم نزلوا مظاهرات بالاعداد الكبيرة دي هم ادرى بمصلحتهم وده دم اخواتهم هم
وانت ما تعرفش يا مينا لو كنت مكانهم كنت عملت ايه؟ عشان احنا بعنا دم اخواتنا في الصعيد، وكان فيه ناس بتبلغ عشان تاخد حماية البوليس واكتشفوا بعد كده ان اللي متغطي بالبوليس عريان وتسببت في كوارث ومشاكل ما لهاش اول من اخر
عمري ما شفت حد بيزايد على شعب
جديدة دي يا مينا

عاشقة القمر

لا اتكلمي عن مصر براحتك :) القعدة حرية
عبده
هههههههههههههه
اسم الله عليك مالك
طيب خليني ارد عليك نقطة نقطة
النقطة الاولى: انا عندي اجابة على موضوع امريكا واسرائيل ده،
طبعا الاجابة مش من عندي لانك عارف اني على باب الله، انا ح انقله من كتاب مذكرات شاريت والاعلام بتاع تشومسكي وركل السلم بعيدا، بس بالليل بقى عشان ابقى فاضية اطلع منه الاجابات
النقطة التانية:
نحن الموروطون مش الموروطين
:)
ومين قال ان فيه تطبيق للعدالة ح يحصل اصلا؟ اذا كانت المحكمة الدولية نفسها ما عندهاش ادلة دامغة على ادعاءاتها مما دفعها الى تغيير التهمة من ابادة الى جرائم حرب
والعدالة دي اتحققت فين بقى ان شاء الله؟ في جوانتانامو مثلا؟
في قضية الضباط المتورطين في فضيحة ابو غريب مثلا؟
امتى العدالة اتحققت عشان يبقى عندك الرهان والثقة ان لما البشير يمثل امام المحكمة الدولية ح تتحقق العدالة؟
ثم ايه قرينتك انت نفسك على ان مجرد طلبه للمحاكمة تحقيق للعدالة؟

طيب يا عبده الخلاص من الديكتاتور مسئولية الشعوب مش مسئولية المحكمة الدولية
انا عايزة افهم هو بيتحاكم على ايه بالظبط؟ على انه ديكتاتور؟ وللا على انه مجرم حرب؟ وللا على انه عمل حرب ابادة؟
دول تلات تهم مختلفة يا حاج

انونيمس
لك صحاب سودانيين بيشتموا فيه :) طيب يا حبيبي وانا مستعدة اشتم فيه
اشتم فيه حاجة والمسخرة اللي معمولة في المحكمة الدولية دي حاجة تانية
طيب ما انا باشتم في حسني مبارك
اقوم اقدمه لمحكمة دولية؟ بتهمة ايه؟ ولو هو عليه تهمة، التهمة دي ما تلبسش على حد

زي ما قلت
ما عنديش مشكلة ان المحكمة الدولية تشوف شغلها
بس تشوف شغلها
Playing values or playing interests?
ح تلعب قيم وللا تلعب مصالح؟
قيم يبقى على الكل
مصالح يبقى للكل
المحكمة الدولية مش محكمة مستقلة، ومش نزيهة، ومش ما بتلعبش مصالح، ومش منفصلة عن الاتحاد الاوروبي والولايات المتحدة
لو منفصلة عنهم كانت ادانتهم بابادات عرقية وجرائم حرب
يعني لو افترضنا ان البشير بنفسه وذات نفسه قتل تلتميت الف، طيب ما امريكا قتلت تلاتة مليون يا عم، ما امريكا انتهكت حقوق الانسان في جوانتانامو
لو المحكمة دي مستقلة تبقى تدين امريكا وانشالله حتى ما يبقاش عندها السلطة لمحاكمتها بسبب بلطجة امريكا لكن هي حتى ما ادانتهاش
اذن هي محكمة بتلعب مصالح لحساب طرف معين
طيب
مش نشوف مصالحنا احنا بقى وللا ايه؟ وللا ح نفضل نشتغل كورس وبغبغانات؟
انا كمصرية روحي في ايد السودان ماليش اي مصلحة في ان اي اهتزازات تحصل في السودان، المفروض اني ادافع عن استقرارها تحت اي بند والا اموت انا
وما تآخذنيش...ياروح ما بعدك روح
لو بنلعب قيم يبقى الوضع مختلف
لكن العالم كله بيلعب مصالح
اشمعنى احنا؟

الفوريجي

اسم الله علييييييييييييييييييييييييييييييك
رد على عبده البرماوي بقى اللي مش عاجبه نظرية المؤامرة بتاعتي

على باب الله

اه.... اللاجئين اللي احنا قتلناهم في الشارع؟
وما تقدمناش بتهمة جرائم حرب للمحكمة الدولية ولا حاجة
وللا هه؟

دينا:
"الحقيقة أنا مستغربة جدا من الناس اللي فهمت إني بكلامي ده بدافع عن البشير"

ههههههههههههه
لا ما انت تستحملي معايا بقى... ح تلاقي من ده كتير
كل واحد بيكمل خناقة في دماغه وبيرد على حاجة تانية عندنا هنا في مصر، الله يكون في عونا برضه :) احنا اللي زينا وشاف اللي شفناه كان مفروض نمشي نكلم نفسنا في الشارع

انونيمس
متشكرين على العصيدة

عم مينا said...

نوارة

أنا خاني التعبير في حتة حرب ابادة دي.. أنا مقدرش أقول كم واحد ماتوا بس أقل تقدير اللي الجكومة السودانية بقتوله هو ١٠ ألاف و ده أعتقد رقم كافي ان واحد يتحاكم عليه
انت بتقولي محدش يتكلم من غير أدلة.. لو هنعمل كده يبقي مش هنعرف نمسك أدلة حتي علي المجازر الإسرائيلية لأنه أنا و انت و الناس اللي هنا محناش المحكمة و معندناش أوراق نثبت بيها أي حاجة في الدنيا

أنا كل اللي بقوله اني ما ينفعش علشان هما ما حاكموش الإسرائيلين يبقي نقولهم محدش يقرب من البشير.. ما ينفعش يبقي عندي ١٠ قتالين قتلي هربانين و أما يمسكوا واحد أقولهم محدش يقربله لغاية ما تمسكوا التسعة التانيين

و يا ستي أنا أسف لو زايدت علي السودانيين لأنه ده مش من حقي بس ما أعتقدش انهم عارفين مصلحتهم زي ما انت بتقولي.. زي ما احنا مش عارفين مصلحتنا بردو و الا ما كناش فضلنا عايشين في الذل ده لمدة ٢٨ سنة

الفوريجي said...

للأخ
عم حد أسمه مينا
وبالتحية لمينا" موحد" القطرين

إذا كان حسن الترابي مؤسس النظام بلا محاكمة دولية قدم في محراب "الثورة لا مؤاخذة " يبقى مين حسن البشير ده اللي بيحلف بالطلاق في خطبه، مش في البداية تعرف" أنته" بتتكلم عن ايه قبل" ما تقٌولني" كلامك يا أخ عم حد اسمه مينا

الفوريجي said...

نوارة
مرحب بعبده البرماوي
وأنا دكاني مفتوح وكما قال أبو الشمقمق
برزت من المنازل والقباب
فلم يعسر على أحد حجابي
فمنزلي الفضاء وسقف بيتي
سماء الله أو قطع السحاب
فأنت إذا أردت دخلت بيتي
علي مسلما من غير باب
لأني لم اجد مصراع باب
يكون من السحاب إلى التراب

BeLiEvEr said...

خبر عاجل من الجزيرة

الافراج عن حسن الترابى

واضح ان فيه شغل بيخصل هناك دلوقتى

Unknown said...

هي بقت كده؟

Ahmad atef said...

أولا أنا أحمد ولست انومينس
أنت رديت علي نقطة واحدة اللي هي قناة الجزيرة اللي ماقصدتش بضربها كمثال أكتر من أني أدلل بيه علي قاعدة مالا يدرك كله لا يترك كله وترك انتقاد حمد بن خليفة لا يعني ترك باقي القوادين يبرتعوا براحتهم وبالمثل ترك محاكمة أولمرت وبوش مش معناه أن الباقي ياكل عيش وكل واحد يتسلي علي شعبه براحته ولما يتقفش يقول اشمعني بوش وأولمرت
اما السؤال المهم اللي سعادتك ماجاوبتيش عليه
هو مجرم حرب ولا لأ؟؟؟
يستحق المحاكمة من غير كلمة اشمعني ولا لأ؟؟
ملحوظة: ياريت وانت بتتكلمي ع العصابات اللي بتحكمنا من المحيط للخليج ماتقوليش احنا لأن هما مش احنا ولا يمثلونا ببصلة علشان لما يولعوا حتي في حد فيهم نجري احنا قول هو احنا تف علينا الكلب؟احنا مش عبيد مييييييييييين احنا بالضبط أنا معاكي ان احنا مش عبيدبس احنا حاجة وال22 بني أدم بشلتهم بأحزابهم بجنودهم حاااجة تانية خالص
ومرة تانية عقبال الباقيين انشالله في حياتنا أو حياة ولادنا

Anonymous said...

@Ahmad
" مالا يدرك كله لا يترك كله "

قصدك إن لو العدالة مطالتش بوش وأولمرت، وجت الفرصة انها تطول بشير..ليه نعترض..وان "ما لا يدرك كله لا يترك كله"؟
لو قصدك كدة، فمين ضحك عليك وقالك ان دي عدالة؟ وان هدفهم تحقيق العدالة؟
امتى هتفهمو ان محكمة العدل الدولية دي مجرد "أداة" مش اكتر واسمها لا يعني اي شيء!
أداة بحتة لتحقيق مصالح صهيونية! تقدر تعترض على الجملة دي؟
الأداة دي اثبتتلك كل يوم والتاني ان معندهاش اي قيم وانها متوجهة لتنفيذ مصالح...بتضفي غطاء شرعي على اي مخططات قذرة ..المفروض انها بتسكت بيه شعوب الدول اللي ليها مصالح اللي اغلبهم نايم في العسل او مش هامه.. لكن المصيبة ان يكون حد مننا ولسه بيكرر البقين بتوع أصل بشير ده مجرم!! يا اخي **** بشير!!!!! لا يفرق معاهم لا بشير ولا سودان ولا دمك يسوى عندهم التراب!
افهمو بقى يا جدعان!!!!
صدق اللي قال:
"Those who CANNOT learn from history are doomed to repeat it."

Anonymous said...

السلام عليكم ورحمة الله
أولاًَ مبروووك صدور كتابكم وعقبال كتب كتابكم
ثانياً : أعجبني مقالكم عن البشير والسودان ، وقد كتبت مقالاً في نفس الموضوع عنوانه " لماذا البشير ؟ ولماذا السودان " http://roppama.blogspot.com/2009/03/blog-post_06.html
وأتفق معكم في كثير من النقاط كما أن أسلوبكم برغم عاميته إلا أنه أعجبني رغم دعوتي - فلندون باللغة العربية الفصحى http://roppama.blogspot.com/2009/03/blog-post_07.html
، كما قرأت نفس الموضوع في مدونةhttp://hmadani.wordpress.com/
وملاحظتي هي اتفاق الرؤى بين أغلب المدونيين في طرح القضية ، "ولا تجتمع أمتي على باطل"

Anonymous said...

أنا عارفة إن الكلام إلل هقوله ده ممكن يكون حد قاله قبل كده بس ابقى عملت إللى عليا وقولت إللى عندى ، أنا ليا صحاب أصلهم سودانى و عايشين هنا فى مصر يعنى ظروفهم متشابهه شوية مع صحبة الكومنت و هما فعلاً مش عاجبهم إللى بيحصل ده ومع البشير اياً كان مع إن إللى هو عمله إللى فى الحقيقة يا دوبك عشرة فى المية بالكتير بالنسبة لإللى بيعمله عوكل و ابنه فينا و لسه بيعملوه و هيعملوه بس هو برضه ابن بلدهم ومالهوش مصالح زى الكلاب السعرانة بتوع عرايس المارونت إللى بيحركوا المحكمة الدولية و زعيمهم أوكامبو بالخيوط ، و للناس اللى بجد مش عارفة تفهم ان هما بيعملوا كده علشان ينهبواالثروات اللى فى السودان بس المرة دى طلعوا أنصح شوية و اتعلموا من العراق فيحركوا الخيوط من ورا الستارة و إللى مش بيفهم بيهيص و يقول يا سلام اهو ديكتاتور ، ديانصور مين اللى بيقول عليه ده هوا فاكره زى عوكل اللى عندنا
أصل الحداية بقت بتحدف كتاكيت و المنظمات إللى كانت بتدين شعب غزة على المقاومته لإسرائيل و أرتكابه جرائم حرب زيه زى إسرائيل لأ وكمان إسرائيل غلبانة و جرائم حماس أوضح و إللى زاد غطى إن فيه ناس لسه بتهلل بالكلام الفاضى ده و بينشروه زى إللى بيحصل فى حكاية السودان ولا كأن اللى بيحصل ده بيحصل فى كوالالمبور و انجولا و إن هما لما يخلصوا من حماس و البشير معنى كده إن إحنا أتحوطنا و الدور جاى علينا
بجد الأيام بتثبت إن إللى بيحصل فينا ده أقل واجب طالما لسة فيه ناس بتفكر بالشكل كده
نيمو

ragabhpl said...

عوافى يا نوارة

انا شايف ان الاخت دينا والكابتن اللى مش معروف دة


اصلا مش عايشين فى السودان وكل اللى يعرفوه عن قضيه السودان يعرفوه عن طريق امريكا واخبارها وناسها

كمان احنا ايه اللى عرفنا ان هى ما تكونش مؤيده للمجرمين اصلا الموجودين فى الجنوب اللى عايزين البلد تبقى بلدين

وفى الاخر يطلع عنين امنا احنا
لما البلد تتقسم

عبده البرماوي said...

برضو شعبوية

طالما طلعتيلى غلطه فى النحوى بتاعى هابطل فصحى، كنت رايق وانا باكتبلك، ومتهيألى الغلطه جت لإنى كنت فاكرها منصوبه ع التخصيص بعد نحن، معلشى، أولا بقى أنا ما قلتش فيه حاجه إسمها عدالة دولية، بس ما اتورطتش وقلت البشير مظلوم زى ما انتى بتحاولى تقولى، موضوع دارفور قضية مثالية لتطبيق مفهوم القابلية للاستعمار (مش فاكر هو مالك بن نبى ولا على شريعتى اللى صكه) البشير بإدارته الغبية للأمة وباستبداده هو والحكومات اللى تعاقبت على السودان خلو السودان سطيحه من غير اسرائيل ولا أمريكا، طب بعقلك النور، بعد ما فنيخها حضرته ومن قبله ومن قبله عسكر كتير، ليه تستنى دولة استعمارية زى أمريكا ولا دولة استيطانية زى اسرائيل، وما ينطوش على الضحية المثالية دى، أنا باطالب بتطليع دين أم البشير واللى زيه بأى طريقه، أهو كلام شعبوى انشالله يعجبك

وهههههههه مرة عاشرة

Unknown said...

لا ما يطلعش دين امه باي طريقة

له ناس يطلعوا دين امه بمعرفتهم

مش العالم يطلع دين ام شعبه عشان هو يطلع دين امه في السكة

Unknown said...

انت مش ماضي ليه على الوثيقة؟

يعني ابعتك مع البشير دلوقت؟