ايه يا اخوانا؟
يعني لو الداخلية اهلاوية
ده ما يبررش انهم يضربوا الجمهور التونسي
في الحمامات وامبارح ضربوهم في خان الخليلي
يعني ده الغوغاء والدهماء بتوع الكورة
الاهلاوية الاقحاح
ما عملوهاش
العيال التوانسة محجوزين دلوقت
ووزير الداخلية بيقول يترحلوا
ولو اترحلو ح تحصل لهم مصايب
فيه ايه؟
يعني عملوا ايه يعني
عملوا ايه اكتر من الجماهير الانجليزية
اللي لازم بعد كل ماتش يموتوا واحد
او اتنين
الله يحرق الكورة على الاهلي على اللي عايز
يبقى فيه كورة في البلد
هم التوانسة كمان مسيحيين؟
دلوقت دي عيال تسعتاشر وعشرين سنة
وهم على بعضهم ما يجوش خمسين واحد
لو اترحلوا بتهمة شغب ملاعب
ح يتحبسوا في تونس من سنة لتلات سنين
هو كده في تونس ده النظام
اللي يعمل شغب ملاعب يتحبس كده على طول
كل الحكاية ان العيال وهم بيهيصوا شتموا
يا سلام
هو مين في الكورة مش بيشتم غير الكوريين بس
ما الكورة دي لعبة الرعاع اساسا
وكل اللي بيحضروها بيشتموا
مسلمين ومسيحيين
قصدي اهلاوية وزملكاوية
يعني جماهير الاهلي بتقول كلام
يندى له جبيني انا شخصيا
اللي عمره ما بيندى لاي حاجة خالص
هي دي حصان الضيافة يا مصر
يادي الكسفة والوكسة
العيال لو يخرجوا من البلد دي
يخرجوا من غير تهم الله يخليكوا
والا مستقبلهم في تونس ح يضيع
وراخرين التوانسة دول اللي بيحبسوا على شغب الملاعب
ايه العبثية دي
ايه التهريج ده
فيه ايه؟
طيب امن الدولة بيضرب المصريين وادي احنا
اخدنا عليها وقفانا نحس
كمان الضيوف ينضربوا
الله؟
هم ما عندهمش تصرف تاني غير الضرب
يعني بدل ما يبقى ظابط شرطة
يبقى ظابط ضرب؟
العيال محجوزين دلوقت في قسم مدينة نصر2
واللي دماغه مفتوحة
واللي واخد مش عارف كام غرزة
يا خونا ما ينفعش كده
هو انتوا بتعملوا ايه في الناس
لما بيدخلوا كلية الشرطة
بتحقنوهم بمرض الكلب؟
دول متبرمجين على الضرب
حتى في الكورة
افففففففففففف
---
تحديث
يا لاهويتيييييييييييييييييييييييي
فيه اتنين ظباط دلوقت في العناية المركزة
----
لا بجد احنا عايزين نتأكد ان فيه اتنين
ظباط في العناية المركزة
يعني انا عايزة اعرف ازاي اتنين ظباط
في العناية المركزة؟
بصوا عشان نكون منصفين
انا اصلا ماليش في دول
ولا دول
اساسا الكورة دي المفروض تتلغي
بس
الشهود اللي حكوا لي
بيقولوا ان العيال شتمت الاهلي
عادي يعني انا شخصيا
مش شايفة اي مشكلة في ان الاهلي
يتشتم
مش عارفة ازاي الامن فهم تونسي
لما سمعهم بيشتموا الاهلي
راح نازل فيهم ضرب
واخدهم الحمامات عشان يضربهم
بعيد عن الكاميرا
واصلا هم امبارح انضربوا في خان الخليلي
من الامن برضه
ودماغهم اتفتحت وفيه عيال خيطوا راسهم
ده الكلام ده كان امبارح
النهاردة بقى الامن الظاهر مش عارف انهم توانسة
فاكرهم زينا ينضربوا ويقولوا كمااااان
هو بقى الامن لما اخدهم في الحمامات
وضربهم
قاموا لقوها فرصة وراحوا ضاربينه هم كمان
خلعوا الكراسي وراحوا راميينها عليهم
استغفر الله العظيم
والله باكتب وانا باضحك
حاجة محزنة مضحكة
المهم
خلعوا الكراسي
الظاهر حد من الظباط الكراسي جات في راسه
الداخلية بتقول ان اتنين من الظباط
في العناية دلوقت
والحبيب العادلي بنفسه بيقول العيال دي تترحل
واهم بيقولوا احنا مش عايزين نروح السفارة
ونقول اننا انضربنا
احنا عايزين نقول اننا ضربنا
قال يعني رجالة وجدعان يعني
هم اصلا كلهم عيال صغيرة
اكبر واحد فيهم عنده عشرين سنة
لا حول ولا قوة الا بالله
هم يضحك وهم يبكي
طيب انا مش عارفة بقى
العيال دي ح تتسجن في تونس؟
طيب لما هم عارفين ان نظامهم قمعي كده
بيشتموا عند الناس ليه؟
ههههههههههههه
والامن يا عيني مش واخدها خوانة
وفاكر ح يدخل يضربهم وخلاص
راحوا ضاربينه
هاهاهاها
والله مسخرة
ما تلغوا الكورة دي يا جدعان
مالهاش لازمة والله
28 comments:
بس بس انتى مش فاهمة دماغ الحكومة
هى دى الوحدة العربية بأعلى صورها ... قبل كدة السودانيين و دلوقتى التوانسة
و ده طبعا عشان مصر أم الدنيا ولازم تربى عيالها
على من يحضر لمصر علية ان يحترم نفسة بأحترامة القانون المصرى مثلما نفعل نحن عند السفر للخارج يؤسفنى الا اتفق معك
ya nawara abl mayrou7 el 2esm 2olt le yasary ye2ol le gemy eno ye2olhoum yrou7o el sefara el tunsya we ye7klhoum henak
rad we 2ali gemy 2alahoum kda bas homma 2alo e7na msh 3ayzeen ne2ol enene edrabna e7na 3ayzen ne2ol en e7na ele darbna !!!!!!!!!!!!!!!! eih el 3abat da ya3ni
ana la ma3 el amn wele 3amalo wala ma3 dema3'houm el 3abeeta de fe 7een ene ahlawya mot3aseba bas msh 3agbni ele bey7sal
ههههههه
بتفكريني بالله يرحمه علاء ولي الدين..
كابتن كابتن..هو انت كل حاجة عندك ضرب ضرب مفيش شتيمة؟
لا حرام والله يا نوارة..جماهير الكورة غلابة يعني..الظباط عندهم ضرب وشتيمة وكله يعني..أي أذى هم في الخدمة..
أنا مشكلتي مش انهم يترحلوا ولا انه يتخذ ضدهم اجراء قانوني، بس مفيش حاجة في القانون تدي الضابط حق انه يضرب أو يشتم حد!!
فعلا زى ما بتقولى
هم يبكى وهم بردة يبكى
شغب الملاعب
شعب الشوارع
قال يعنى الحق مقطع بعضة اوى
لو كان الموضوع على الشتيمة يجى البية الضابط يركب اى ميكروباص ويشوف الشتيمة اللى على أصلها
ولا يمشى فى الشارع خمس دقائق
ما هو يا بية لو كل واحد عزل علشان تحته واحد بيشتم
البلد كلها هتبات فى الشارع
تحياتى
ekram el def darbh wa sahlo fakren matsh el esmaily fe elgazaer som el toansa andhm akter men kda byndrbo henak we hena la bydrbo henak we hena
انا مش فاهمه ايه اللى جاب المسحين والمسلمين فى الموضوع وانت ليهبتشبه العداء اللى بين الاهلويه وبين الزملكويه بيهم
او بالعداء بين الشرطه والشعب وبين المسلمين والمسحين
ما احنا الاتنين بنضرب من الشرطه
اما موضوع التوانسه والله انا من وجهة نظرى ان الموضوع مايستاهل ان احنا نضيع مستقبلهم
علشان حتت متش
وكل الكروين كده كده قليلون الادب اصلا
عاي سودانين وتوانسه وليبين ومغاربة
قومية مبارك!
تحياتي
لا كله الا الاهلي
حكومه ماشي
تونس ماشي
بس الاهلي لااا
ana mesh fahem leh enty sabety lel ahly seten mela fe el mawdo3 da
el ahly kol 3elakto bel mawdo3 enno kan 7ader el match
mafesh ahlawy wa7ed et7'ane2 ma3a el tawansa
bel3aks da el ahlaweya ablohom fe el matar
el moshkela ben el amn elly metala3 denna kolena we gamaher tunis
leh ba2a 7'aletena ka 2ahlaweya welad seten kalb we ghawgha2 we 7aramia we mogreman we el mawdo3 ba2a moslemen we mese7eyen
we da7'alty el ahly we gamahero fe mawdo3 homa malhomshy da3wa beh we shatamtehom
we enty 3arfa en aboky ahlawy we e7na ahlawya
wala e7na ba2a welad kalb
ana asef
bas we23et de menek ya nawara
بمناسبة احتفالات ثورة يوليو أنا عاوز المصريين يفتكروا قائدها اللواء محمد نجيب فلو عايز (ة ) تشارك (ى) فيها أنا حاطط على المدونة بتاعتى كود لصورة نجيب ممكن تحطيها فى
add page element html/java code
وده لحد يوم 23 يوليو مع انى عارف ان ده مش هيعوضه هو ولا أسرته عن اللى اتعمل فيهم بس يمكن تنجح المحاولة ويزور قبره رئيس الجمهورية ويقراله الفاتحة أو يكتبوا فى كتب التاريخ اللى مزورينها انه كان أول رئيس لمصر
شكرا جبهة التهييس
أنا مش عارفة ازاى حصل اللى حصل؟
إحنا معروفين بإكرامنا لجميع الوافدين على حساب المواطن المصرى الغلبان
وبعدين ازاى الأمن يسحب شباب للحمام وينزل فيهم ضرب لمجرد انهم شتموا فريق؟
صحيح مصر بلد العجائب
يانواره واضح انك ماشفتيش الي حصل في الاستاد انا كنت هناك وشايف هاحكيلك الاول انتي عارفه ممنوع ان اي العاب ناريه تدخل الاستاد ولا اي عبوات معدنيه والكلام ده عادي وبيفتشو علبي الباب واحد واحد وهوا داخل.... اوك تمام يافندم..... مش عارف تقريبا الكلام ده اتطبق علينا بس في الاستاد..... احترموهم هما ومفيش تفتيش ودخلوهم يبدا الماتش واللعيبه نازله الملعب راحو رامين صاروخ نار كبير في الملعب يعني علي سبيل الاحتفال بفريقهم وبدأ الماتش مافيش 5 دقائق وراحو رامين تاني في الملعب صاروخ نار ودخان ...طلعلهم كام ظابط علشان مايحدفوش تاني وسكتو شويه وبعدين راحو مولعين حاجه كده كبيره ورموها تاني في الملعب وواحده تانيه رموها علي الظباط ... راح الظباط مسكو الي كان عمال يرمي يمكن يبطلو راحو ماسكين في الظباط ونازلين فيهم ضرب وكسرو الكراسي ورموها عليهم وو لعو صورايخ وبردو رموها عليهم وفي فعلا 2 ظباط اتصابو بس فعلا استفزوني انا جدا وهما عاملين يرمو الحجات في الملعب ولا اكن في امن قاعد معاهم صباح البجاحه يارب نكون الصوره وضحت
المفروض يلغو الكورة و يلغو الرياضة و يقفلو النوادي و يلغو كمان الصحة و التعليم و الاعلام و الداخلية و الجيش
ماكلو بايظ في بايظ
كفاية علينا الشعارات الفارغة الوطني في مصلحتك و الاسلام هو الحل
مفيش فايدة
ya loooooooool ya loooooool
walhe ana kot lsa b2oool kda =D
wa7d 23rfo kda ya nawara wa7'ed kol 7aga bdra3o we 2leel el adab we msh byfham fe 7aga 3'er el playstation .. we ymche fe 2y 7ata y2ulak 2na abn el lwa folan .. ya loool ya sa3t el lwa :D
we bydrab a7'wato wekda
elmoham ya sete aboh shyfo msh agtma3ee ra7 wa7'do m3rfo 3la bnaaat we ychrbo shesha
hya de el rgooola
el wad ba2a wa7'da ana ah ana el moham el b2aee ywala3 fe steen dahya
2nhrda b2a 3rft eno el wad 7'las sanwya 3maaa we 3ayz ya7'osh shorta
hhhhhhhhhhhhh
yab7't kolyat el shorta
howa kol ele 3ayz y7'od el dnia bdra3o we y3ml ma badlo we kman m3ah solta ya7'och shorta
ya loool ya loool
كله ضرب ضرب مفيش شتمية ولا ايه
تحسى فعلا ان الظباط دول متبرمجين على الضرب .. مع اى حد !!!!!
انا بأيدك فى انهم لازم يلغوا الكورة .. بجد انا بأيد الاقتراح ده
بس ايه موضوع انك على طول بتسمعى جماهير الاهلى بتشتم .. طب ما الزملكاوية كمان بيشتموا .. بلاش تحيز بقى
الكوره فى العالم كله رياضه
انما عندنا زى اى حاجه فرده ودراع ومؤامرات وطولة لسان وقلة أدب وياريتنا فى الاخر بنشوف لعب
اما بالنسبه لنظرتنا للتوانسه وهم كمان لينا على انهم يهود مش عرب
فطبعا المصريين حاسين انهم مكروهين من كل المغرب العربى وبيتعاملوا معاهم بالمنطق ده
ربنا يولع في الاهلي قادر يا كريم
بس الزمالك لا
امييييين
انا متهيألي أن المقال ده من جريدة ,, بس مش فاكر اسمها بالظبط ,, على العموم لو فعلاً منقول ياريت اللي كتب الموضوع يذكر كده ؛ منعاً للإحراج
صباح الخير يا جبهة
انا جبت اللينك طبعا من مدونة أبو النجوم.. بس ما علينا..
عندي خومنت بسيط على الموضوع ده..
كنت قاعد على التكعيبة وشفت قد عشر شباب توانسة -كلهم لابسين فانلة الترجي- والكلام ده كان الليلة اللي قبل الماتش.. وكانوا ينظرون إلى من على القهوة ومن في الشارع وكأنهم - التوانسة- يريدون التهامهم...
جري أحدنا ورائهم ليسألهم إيه الحكاية -ولم ينس آخر أن يسألهم على أنيس بوجلبان فيرد أحد التوانسة شاتمًا أنيس- ثم تبعناه نحن بعد قليل كان معهم شاب مصري أخبرنا ان الناس ضربوهم في خان الخليلي بلا مبرر (وقد يكون منظر فانلات الترجي قد استفزهم) وعندما استغاثوا بالعساكر الذين تواجدوا في المكان اتضح ان العساكر أهلاوية أيضا لأنهم اشتركوا مع الناس في ضرب التوانسة ومعهم أخينا المصري...
ولا تعليق من عندي..!
بالنسبة للأخ مجهول اللي قبلي لا أعتقد ان المقال من جريدة.. صحيح انه كان من بيننا أحد صحفيي الكرامة لكنه كان من القسم الفني لا الرياضي...
اولا: ازيك يا نوارةانا بحب اسلوبك جدا ... وطبعا هذا الشبل من ذاك الاسد
ثانيا: انا فرحت جدا فى اللى اتعمل فى ضباط الشرطة ربنا بيسلط ابدان على ابدان ... هما اكيد ماكنوش متخيلين انهم هيضربوا وكانوا بيضربواالتونسة بقلب جامد... حتى لو حد غلط مش مفروض انهم يضربوا ... وبدل ما نلغى الكورة نبقى محترمين احسن
ثالثا : انا عملت بلوج جديد عايزكى تدخلى وتقولى رايك ايه
نوارة
من مدة كام سنة اخونا المجنون بتاع ليبيا كان لغى الكورة
وكان بيقول زيك كدة الكورة بتزعل الناس من بعضها الظاهر انة كان مكشوف عنة الحجاب وكان عارف ان فية حد هييجى بعدة ويقول نفس الكلام
بالمناسبة انا اتكلمت فى حقك فى اجتماع المدونين المصريين الخامس بس واللة بكل خير وسالت هما لية ماوجهوش دعوة ليكى والغريبة ان كتير منهم كان ردة انهم بيخافوا من لسانك اللى زى المبرد
وعلشان تشابة الاسماء بينا سالونى انت تعرفها قلت ليهم زيى زيكم
ربنا يقويكى ويوفقك يانوارة
ابو النجوم
myhooo
العيال اترحلوا
و متوقع ياخدوا تلات سنين حبس فى تونس
دين ابو مصر على دين ابو مبارك
على دين ابوكوا
كسم الاهلى على الكورة العيال ضاع مستقبلها علشان شويه ظباط خولات
طقوا حنك اكتر
يحرق دين ام خيبتكم
بصى انتى دماغك كويسه ..لاسعه حبه بس دماغ حلوة وانا كونت انطباع من ردودك على تدوينات تانيه..الحقيقهالحقيقه المرادى معندكيش حق يعنى لما الشرطه تسيب الدنيا بايظه ما يعجبكوش ولما تشوف شغلها برضه مش عاجبكم
وبعدين ايه دخل المسيحيين فى الموضوع دلوقت مايكل منير يستشهد بيكى ان فى اضطهاد للمسيحيين ويقطعوا عنا المعونه وساعتها تقولى حقى برقبتى
تالتا انتى لو عشتى برا مصر ماكنتيش قلتى كدا ما يتحرقوا التوانسه ولا يروحوا فى داهيه دا لو واحد مصرى تف فى الشارع برا مصر ها يفرموه يا اختى ما تقوليش الانجليز بيقتلوا بعض دا عادى لكن لو واحد المانى او فرنساوى فى انجلترا ها تبقى ازمه دوليه يعنى الشرطه المصريه تدينا بالجزمه لكن مش ناقصه التوانسه كمان اخيرا ايه رايك ان شركه روتانا نكايه فى هانى شاكر اللى ساب الشركه ومشى ومعروف انه امير الغناء العربي منحت اللقب للتونسي صابر الرباعى !!!اة تصدقى صابر الرباعى امير الغناء العربى فعلا ازا لم تستحى يا عرب اعملى اللى عايزاة فمصر وتحباتى
الغوث يا جبهة التهييس
الحكومة هتقطع النت عن مصر، و هتقدم مكانه شبح خدمة مالوش أي معنى
شاركونا يا جماعة في حملة قومية تثبت إننا بنقدر نقول لأ و بنقدر نغير حاجة في البلد دي
المسألة مهمة جداً... اللي مش هيقول لأ النهاردة مش هيعرف يقولها تاني أبداً
قولوا لأ
و التفاصيل على صفحتي
نوارة انا متأكد انك عضبانه من اللي حصل
بس صدقيني انا بحب اعيش دور المحامي و اقول ان دة حماس زايد
هو غلط اللي حصل
بس غلط ممكن نعلق علية و نتمنى عدم تكرارة خاصة انه من شباب لسة حديثي السن
انا مش فاهمك يا نوارة فى البوست ده.
لو إنتى ليكى فى أى رياضة غير الكورة حتى، حتعرفى إن أسوأ جمهور رياضى و بيكره الفرق المصرية، فرق شمال أفريقيا (بس بصراحة، الجمهور التونسى أأدبهم)
هما جمهور متعصب و طبيعتهم كده، و ياما عملوا شغب و كسروا كراسى من غير ما امن يعمل معاهم حاجة.
حضرتك مسمعتيش عن المتخب المصرى اللى كان حيموت (و حيموت دى بجد) فى ليبيا فى ماتش كورة علشان كان بيلعب النهائى مع ليبيا؟
شغب الملاعب موجود، و مش المفروض إن الأمن يفضل ساكت و ميتحركش.
انا اللى اعرفه، إنى لمل ازور بلد تانيه، احترم قوانينها و منشأتها و مواطنينها برضه، مش متعجبنيش نتيجة ماتش أضرب الناس و احدف عليهم كراسى متكسرة و ألعاب نارية كمان.
الأمن المصرى ممكن يكون ردوده عنيفة و دايما إحنا ضده، بس ده مش معناه إن الجمهور المشاغب ده ملايكه، يعنى مش علشان بنكره الأمن المصرى، يبقى أى حد يعمل مشكلة معاه يبقى ملاك و مظلوم.
و على فكرة، لو تابعتى الموضوع حتلاقى إن سبب المشكلة أصلا إنهم كانوا بيرموا ألعاب ناريه على الملعب و جات فى عسكرى و عورتة.
و بعدين إيه علاقة المسلمين و المسيحيين بالموضوع، و لا ختى إيه علاقى جمهور الاهلى الرعاع بالموضوع؟
دول ناس مش مصريين عملوا شغب، أبسط حاجة إنهم يترحلوا، والا المفروض إننا نطبطب عليهم و نقولهم كملوا شغب؟
و على فكرة التوانسة نفسهم مش راضيين عن الموضوع ده، و مستنكرين رد فعل الجمهور
و اللينك اهوه
http://www.yallakora.com/arabic/news/details.aspx?ID=23263
Post a Comment