Monday, 30 July 2007

اندرو وماريو تاني واللي بيكفروني

معلش اليومين دول انا مش فايقة لان
عندي شوية ظروف كده
بس الملحوظ ان الناس فعلا بتقرا القرآن وهي مش فاهمة بيقول ايه
وبعيدا بقى عن الناس اللي كفروني
واللي اعلنوا الحرب عليا
لاني قلت اندرو وماريو ما يورثوش دين ابوهم
طيب انا عندي دليل
بسم الله الرحمن الرحيم
ولا تكسب نفس الا عليها، ولا تزر وازرة وزر أخرى
سورة الانعام
بسم الله الرحمن الرحيم
ولا تزر وازرة وزر أخرى وإن تدع مثقلة إلى حملها
لا يِحمل منه شئ ولو كان ذا قربى، إنما تنذر الذين
يخشون ربهم بالغيب وأقاموا الصلاة، ومن تزكى
فإنما يتزكى لنفسه وإلى الله المصير
سورة فاطر الآية 18
وقول رسول الله صلى الله عليه وسلم: يا
فاطمة بنت محمد اعملي فإني لا أغني عنك من الله شيئا
===
فأين في القرآن والسنة سند واحد ينص على توريث الدين
بل إن القرآن أخذ على قريش أنهم يقولون: إنا وجدنا آباءنا
على أمة وإنا على آثرهم مقتدون
فكيف يأخذ الله في كتابه على قريش تصرف
ثم يأمر المؤمنين بالإتيان بنفس التصرف؟
===
هذه أدلة من القرآن
من لي بحديث واحد صريح أو آية قرآنية واحدة
تنص على توريث الدين
بالقهر
للأولاد
وبعدين يقولوا هو ده دينا وان كان عاجبكو؟
والله اذا هو واحد معقد وعايز يفك عقده على الناس
هو حر
بس يسيب الدين في حاله
سودتوا وشنا الله يكسفكوا

20 comments:

amr220 said...

طبعا انا المقصود بالبوست الجميل ده

نواره عاوزه ناس يوافقوها و ينافقوها و يصفقولها

اي معارض يبقي معقد بيطلع عقده علي الناس و ياخد له شتيمتين في جنابه عشان نخاوفه و مايجيش هنا تاني


نقولهم تور يقولوا احلبوه

في حاجه اسمها طفل و في حاجه اسمها بالغ

البالغ بيكون عقله مكتمل النمو و من المفترض انه يكون قادر علي اتخاذ قرارات مصيريه كاختيار الديانه التي يؤمن بها

اما الطفل فيكون عقله غير مكتمل النمو و لذلك هو يتبع ولي امره حتي في الديانه

فين الاطفال في اي بلد في العالم اللي بيختاروا ديانتهم؟

و نواره لما كانت طفله . . تبعت دين ابوها

اختلفنا في الرأي

مين بقه اللي كفرك و اعلن الحرب عليكي

مع احترامي الكامل لشخصك الكريم

الكلام اللي بتقوليه غلط

و موضوع اختبار اللي عاوز يشهر اسلامه لمده سنتين ده غلط

اليهود هما اللي بيعملوا كده في المعابد بتاعتهم

يا للهول . . كفروكي و اعلنوا الحرب عليكي؟

ولا اختلفوا معاكي في الرأي؟

ليه التهويل ده كله

احنا بنتحاور . . مش بنتعارك


الادله بتاعتك بتخاطب البالغين

لأن القرأن اصلا بيخاطب البالغين الراشدين

لو جبت طفل عنده 3 سنين حايفهم ايه في القران او الانجيل؟

كان نفسي تقترحي حل موضوعي للخلاف
مثلا نسأل عالم و شيخ تكوني انتي نفسك بتحترمي ارائه؟

زي الدكتور العوا مثلا

بدل الشتيمه والاهانات

ده مش اسلوب حوار

جبهة التهييس الشعبية said...

ده ايه الذكاوة والفكاكة دي؟
ومين اللي قال لك اني اقصدك انت بالبوست ده؟

يعني جبتها منين؟

انت كفرتني؟

ولما انت ما كفرتنيش جبت منين اني كاتبة البوست عشانك

وايه الاحساس بالاهمية دي يا عمي؟

الحمد لله اني عملت فرورد للميلات اللي جات لي على ناس اصدقائي عشان ما حدش يقول عليا بالف

واحد باعت يقول لي انت مسلمة بالاسم واحسن لك لو عندك الشجاعة انك تتنصري لانك مش مسلمة

وواحدة باعتة لي تقول لي انت مسيحية متعصبة

ده غير ايميلات تانية واحد باعت لي على مجموعة بريدية يقول لي انتوا ناس بتتمسحوا في الاسلام وانتوا مش مسلمين وانت منافقة وبكرة الاسلام ينتصر وندبحكوا

وانا بعت البوست ده على الناس اللي بعتت لي الكلام ده

مين بقى اللي قال انك انت المقصود

ما هو يا اما عندك برانويا

يا اما عندك عقدة اضطهاد

يا اما عندك احساس ان العالم بيتمحور حوالين حضرتك

اه فيه حاجة اسمها طفل وحاجة اسمها بالغ

طيب وسن البلوغ كام؟

واحد وعشرين سنة؟

لا

ده السن اللي عمله القانون المصري

لكن سن البلوغ في الاسلام هو سن بلوغ العقل

وسن بلوغ العقل بيتراوح ما بين تلاتاشر لستاشر سنة

على حسب نمو الانسان

وفيه حالات استثنائية زي سيدنا علي مثلا

اللي الرسول قبل اسلامه وهو عنده عشر سنين هجري يعني تسع سنين ميلادي

وما قالوش اجري يالا العب بعيد انت عيل خليك على دين ابوك لحد ما تكبر يا شاطر

واندرو وماريو عندهم تلاتاشر سنة ميلادي

يعني اربعتاشر سنة هجري

وبالمناسبة

اربعتاشر سنة هجري سيدنا عبد الله بن عمر بن الخطاب اسلم

وقبل اسلام ابوه

يعني وبرضه الرسول ما قالوش اجري العب بعيد انت عيل

وسيدنا ابو بكر اسلم

وابنه عبد الرحمن كان في سن "الاشر" برضه وما اسلمش

وابوه ما جابهوش من قفاه وقال له انت طفل وتبقى تبعي

جبت منين ان الناس تتبع ابوها

الكلام ده لو هي الست متجوزة واحد مسلم والعقد شريعة المتعاقدين

هي متجوزاه مسلم وعارفة انها ح تخلف عيال مسلمة

لو ساعتها بقى علمت ولادها المسيحية او عمدتهم وهم مسلمين من اب مسلم هي متجوزاه وهو مسلم يبقى ساعتها ست خاينة وتعاقب على حاجة زي دي

لكن واحدة متجوزة واحد مسيحي ومخلفة عيال مسيحيين

جه وعياله عندهم ست سنين قرر قرار

القرار ده يعود عليه لوحده

وغير ما يدفعش تمن قراراته

اقرا الايات تاني: ومن تزكى فإنما يتزكى لنفسه

ومدام الولاد من العقل اللي يخليهم ينطقوا باللفظ: ارفض الاسلام كديانة

يبقوا مش مسلمين

ولو كتبنا على ضهرهم مسلمين بالعافية

برضه مش مسلمين

هي بالعافية؟

وبعدين ولنفرض انهم قبلوا يتكتبوا مسلمين دلوقت

لحد سن البلوغ في القانون المصري

- واللي هو بقى مالوش علاقة بالشريعة-

اللي هو 21 سنة

واختاروا المسيحية

ساعتها بقى يبقوا مرتدين؟

يعني كسير ما تاكل صحيح ما تكسر وكل لما تشبع

عجايب

ضد الظلم said...

انتى ليكى رايك وانتى حره فيه ودائما بنهاجم على ارانا اول منتكلم فى الدين ليه مش عارف وانا عن نفسى مقدرش افتى فى حاجة معرفش ابعدها بس انا شايف موضوع الدين ده موضوع اختيارى مش اجبارى خالص يعنى كل واحد عارف الصح فين والغلط فين بس لو هما اطفال مش عارف يتعبدو ازاى ويتربو اذاى مشكله والله بس بردو مش انا الى هفتى
بس خليكى على رايك
ومحدش يقدر يكفرك ومحدش يملك يكفرك

انا بردو بعانى من اصحابى عشان افكارى واتكفرت فى مدينه للطلبه كنت فيها وانا بدرس عشان افكارى بس
ونفضى
وتحياتى

جبهة التهييس الشعبية said...

تصحيح تصحيح

اللي اسلم وهو عنده اربعتاشر سنة قبل ابوه هو عبد الله بن عمرو بن العاص

عبد الله بن عمر اسلم بعد ابوه وهو عنده اربعتاشر سنة

جبهة التهييس الشعبية said...

ضد الظلم
والله انا مش بافتي
بس القرآن عربي مبين

وواضح
وايه حكاية القرآن للبالغين
يعني اللي عندهم تلاتاشر سنة ممنوع يقروا القرآن عشان ده للكبار فقط؟

طيب سؤال
فاكرين مريانة؟
مريانة اللي اسلمت وهي عندها خمستاشر سنة

اسلامها صحيح ومقبول وللا لا؟

انا شخصيا لما شفتها لقيتها بتتكلم بايمان

ومدام قالت انا مسلمة تبقى مسلمة

ومدام عندها خمستاشر سنة وعرفت تسلم وتهرب وتسيب بيت اهلها عشان هي مسلمة

تبقى مسلمة

اشمعنى اسلام مريانة صحيح

ومسيحية اندرو وماريو غير صحيحة

ولو دول اطفال

يبقى مريانة بقى مش من حقها تبقى مسلمة لان ابوها مسيحي

تستنى بقى لما يبقى عندها 21 سنة عشان تسلم

amr220 said...

أنا اللي قلت ان دي احكام الاسلام . . و اللي مش عاجبه احكام الشرع يطالب بتشريع قوانين وضعيه جديده

لقيتك في البوست بتتكلمي عن اللي قال هوا دينا كده و اللي عاجبه


لما انتي تكوني واضحه في كلامك . . مش حيحصل لبس


انا ما قلتش القرأن للكبار فقط

أنا قلت ان القرأن بيخاطب البالغ الراشد اللي بيفهم

و الا سيادتك شايفه انه عيل عنده 5 سنين حيفهم القران


و متشكر علي باقه الاهانات الجديده

طلع عندي بارانويا و عقده اضطهاد و العالم بيلف حواليا

يا تري عقدتك ايه يا نواره

والا انتي كامله الاوصاف

:)

جبهة التهييس الشعبية said...

لا انا عندي عقد كتير
اولها اني متعقدة من الرجالة
متعقدة من السلطة بشكل عام
لان الانسان اثبت ان لما ربنا بيقدره على حد ما بيرحمهوش
عشان كده متعقدة من المديرين والرؤساء والرجالة والاغلبية وظباط البوليس
عشان عندهم سلطة ومافيش اي قوانين تحكمهم ولا تحاسبهم

ده اولا

ثانيا انا ما قلتش انك عندك برانويا وعقدة اضطهاد والعالم بيلف حواليك

لازم حاجة واحدة بس من دول
:)
انا قلت يا اما عندك كذا يا اما كذا يا اما كذا

واحدة من دول

ولا مش انت بس اللي قلت هو الدين كده واللي مش عاجبه مش عاجبة

انا جالي ناس بتقول لي اللي مش عاجبه يشرب من البحر

وناس بتقول ح نعمل فيهم زي ما امريكا بتعمل فينا

واشمعنى احنا بيحصل فينا كذا وكذا

وانت اذا مش عاجبك الاسلام اخرجي منه

لدرجة ان واحد بعت لي ميل طويل
سب وقذف واتهام بالنفاق والكفر
وفوق ده كله: هو بقى ده الاسلام لو كان عاجبك

يعني عمل نفسه حامي حمى الاسلام وبيشتغل ناظر مدرسة الاسلام وبيرفد منها الطالب اللي ما يعجبهوش

ثالثا
اندرو وماريو ما عندهمش خمس سنين
اندرو وماريو عندهم تلاتاشر سنة

وعقلهم مكتمل
وواخدين قرار
العيال قالت احنا مش مسلمين
وكتبوا في ورقة الامتحان: انا مسيحي

فيه ايه تاني

عايزين ايه تاني

واشمعنى مريانة اسلامها مقبول وحقها علينا اننا نحمي اختيارها

وانا مؤمنة انه اختيارها وان حقها على المجتمع انه يحمي اختيارها حتى من امها وابوها

ومش عشان هم امها وابوها يبقوا امتلكوها وتبقى تحت امرهم

لكن اشمعنى مريانة لها حق الحماية عشان بقت مسلمة

واندرو وماريو لا

انت ما جاوبتش

وللا انت شايف ان مريانة نرجعها بالعافية لاهلها وللمسيحية وهي مش عايزاها؟

amr220 said...

طب خلاص حصل خير

اذا كانوا اندروا و ماريو بالغين

و يقدروا يقرروا

يبقي لا يجوز اجبارهم


سؤال

مين بقي اللي يقرر اذا كانوا بالغين و الا لأ؟

أنا و لا أنتي و لا القاضي؟

Sharm said...

لا اكراه في الدين فقد تبين الرشد من الغي فمن شاء فليؤمن و من شاء فليكفر

تــحـوتــمـــــس Thutmose said...

نوارة

لما هو القرآن واضح و صريح

يبقى ليه رافضة ايات الجهاد و الغزو و الجزية و قرن في بيوتكن

ليه دي بتأوليها و تجيبي ايات مكية و تصدقيها و بعدين تقولي النص واضح طب ما ده نص و ده نص

و خلي بالك النصوص المدنية بتاعة الجهاد و الجزية و الغزو هي الاجدد و مش عاوز اقولك انها نسخت معظم القديم بتاع لا اكراه في الدين و لكم دينكم و لي دين و غيره و ده طبعا حسب مجموع الفقهاء

ايه رأيك



تحياتي

amr220 said...

تحوتمس


و انتا مالك بالقران بتاعنا

انتا قبطي و البلوج بتاعك كله شتيمه في المسلمين والقران و العرب و الغزاه و الكلام الفارغ ده كله

جاي تعمل زي ابوك المشلوح زكريا بقلظ؟

عاوز تشككنا في دينا؟

هو ده اللي بيعلموه لكم في الكنايس اليومين دول؟

ماتروح تقرا في العشرين انجيل بتوعك

ايه الرزاله دي

دينا و عاجبنا بكل اياته المنسوخه و الغير منسوخه و علي قلبنا زي العسل

احنا حرين . . ماتحوطش بوذك في اللي مالكش فيه

و العرب الغزاه 70 مليون في مصر و الحمدلله

و قاعدين و متكيفيين و مستقرين و مبسوطين

يعني البلد بلدنا

خليها تاكلك


تحياتي

جبهة التهييس الشعبية said...

لا مين قال اني رافضة ايات الجهاد؟
اعوذ بالله اني ارفض اية من ايات الله

معلش احنا يعني مسلمين مش عرصات
لامؤاخذة يعني

يعني المقاومة والدفاع عن النفس والاخذ على يد الظالم ودفع الظلم عن المظلوم باليد والسلاح وكل ما هو ممكن

من اشرف الاخلاقيات

وكل الحضارات اللي في الدنيا حاربت

بس احنا الحضارة الوحيييييدة في العالم

اللي حطت اخلاقيات للحرب

وللا انت عمرك ما قريت عن الحروب غير في الاسلام

مش ح اقول لك ما قريتش حروب الكتاب المقدس

طيب ما قريتش عن حروب الهندوس وحتى البوذيين؟

ما قريتش عن حروب الشيوعية والرأسمالية

فيه ايه؟

وللا انت عايزنا نسيب الظالم يعيث في الارض فسادا

ونتفشخ زي ما احنا مفشوخين دلوقت؟

عشان سلامنا خيار مخلل

مهما يضربونا احنا مصرين على السلام

اما بخصوص دفع الجزية

فيا سيدي الجزية والزكاة والخراج دي كلها تقع تحت بند الضرائب باللغة الحديثة

قرن في بيوتكن نازلة بوضوح لزوجات الرسول وقبلها على طول: يا نساء النبي لستن كأحد من النساء ان اتقيتن فلا تخضعن بالقول فيطمع الذي في قلبه مرض وقلن قولا معروفا وقرن في بيوتكن

ونساء النبي لهم احكام مخصوصة بنص الاية انهن لسن كأحد من النساء

مافيش غزوة يا تحوتمس الا وكانت دفاع عن النفس او استرداد للحق المغتصب
او رفع الظلم عن ناس استنجدوا بالجيش المسلم

ويا اخي اذا كان على المستوى الفردي اللي بيشتمك بتشتمه واللي بيضربك بتضربه

يا تحوتمس الدفاع بقوة الردع مش دموية

بالعكس ده حماية للبشرية من الدموية

يا تحوتمس انت لو تجاوزت عن حقك وخضعت للظالم

مش ح تبقى جنيت على نفسك وبس

انما ح تبقى جنيت على ضحايا كتير ح يجوا بعديك لهذا الظالم اللي انت كان في ايدك تردعه وما عملتش كده فالغرور اخده وخلاه يفتري على غيرك وغيرك

مش بس كده انت جنيت عليه لانك سمحت له بانه يقضي بقية حياته في الظلم والدموية

مين قال لك ان واحد زي جورج بوش وللا دولة عنصرية زي اسرائيل مؤسسة على فكرة انهم هم بس البشر وبقية البني ادمين حيوانات غير عاقلة

مين قال لك انك لما تسكت لهم يعني متوقع انهم يتكسفوا من نفسهم؟
هههههه
ده انت طيب قوي

دول ناس وغيرهم كتير في التاريخ لا يرتدعوا الا بالقوة: ولولا دفع الله الناس بعضهم ببعض لهدمت صوامع وبيع وصلوات ومساجد يذكر فيها اسم الله كثيرا ولينصرن الله من ينصره ان الله قوي عزيز

فاهم يعني ايه يا تحوتمس؟

يعني مهمة المسلم انه يحمي الصوامع والبيع والصلوات يعني بيوت العبادة بتاعة اليهود والمسيحيين والمجوس واخيرا يحمي مساجده

ولولا دفع الله الناس بعضهم ببعض

يعني لولا ان فيه ناس بتقاوم المعتدي

لكانت الدنيا بقت خراب يا تحوتمس

انت بتقول لي في البوست بتاع المقاومة اننا نشوفهم عايزين ايه عشان نحلها؟

طيب يا سيدي من غير ما نشوفهم

هم قالوا لنا: بن جوريون قال صراعنا مع العرب صراع بقاء

يعني يا احنا نعيش يا هم يعيشوا

ما الناس في الاندلس قالوا زيك كده وقالوا نحلها ودي

وكانت النتيجة انهم اندبحوا


وبعدين يا سيدي السور المدنية اللي انت بتتكلم عليها مافيهاش سورة واحدة مافيهاش رحمة

بلاش

سورة التوبة

سورة التوبة من اشد السور في القرآن واسمها الفاضحة والكاشفة ومافيهاش بسم الله الرحمن الرحيم لانها سورة شديدة

سورة التوبة دي الشديدة دي اللي هي اشد سور القرآن
وهي على رأس سور القتال
بتقول ايه: وان احد من المشركين استجارك فأجره حتى يسمع كلام الله ثم أبلغه مأمنه

ده في معرض الحديث عن القتال

والقرآن يا تحوتمس يتاخد كله على بعضه

ما تسمكش سورة لوحدها وتقول دي سورة دموية مثلا

كل حاجة مرتبطة ببعضها

اما بخصوص الناسخ والمنسوخ فده قصة طويلة يا تحوتمس نتكلم فيها بعدين

بس ملخصها

ان ما هو منسوخ

هو منسوخ في زمنه

ولو عاد زمنه لعاد حكمه

مثال سريع كده

لا تقربوا الصلاة وانتم سكارى

اتنسخ بتحريم الخمر

لكن افرض واحد دخل الاسلام جديد وهم مدمن خمر

ما يصليش لحد ما يتعالج؟

لا يعمل بالاية دي

يعني المنسوخ هو مش منسوخ الى الابد

ولكن ما يقال عن ما بطل زمانه بطل نصه وان عاد زمانه عاد نصه

عمرو

تحوتمس مش مسيحي

تحوتمس ضحية السعودية والوهابية الله يخرب بيوتهم

وما تغلسش عليه

ده صاحبي

amr220 said...

حاضر يا أستاذة

طلباتك اوامر


بصراحه ردك كان مفحم

ايه الحلااااااوه دي



انا افتكرت انه قبطي من اياهم من اللي كاتبه في البلوج بتاعه

كاتب . . ايات القران المتعفنه

:(

جبهة التهييس الشعبية said...

لا برضه ما تزعلوش
تحوتمس ده ابني الروحي
:)

amr220 said...

و انا ابن الغساله؟

:)

amr220 said...

معلش يا أخ تحوتمس

ماتزعلش مني

انا مش حاضايقك تاني

و باعتذر عن اي اساءه غير مقصوده

عمرو

Anonymous said...

i think no one make problem to the Islam like Moslems.

the Person who is afraid that his way is not sure of it try to fight , islam dont nee this peapl . Islam is Free fom this thougts
Nagdi

nono said...

الله يباركلك يا نوارة ويفهمك ويملى قلبك كده خير دايما.......بس على فكرة عبد الله بن عمر هو اللى اسلم قبل ابوه عمر بن الخطاب بسنة
وعمر رضى الله عنه لما اسلم دخل لاولاده وعرض عليهم الاسلام فعبد الله قاله انا مسلم من سنه يا ابتى ...فضربه عمر بايده على صدره وقاله :وتترك اباك؟...او حاجة بالمعنى ده
وكان بيقول لحد ما مات ابوه كل ما يفتكر يضربه على صدره ويقول نفس الجملة
اما ابن عمرو بن العاص فمش متاكده بصراحة
ربنا يكرمك ويفتح لك يا جميلة ....يسلم لسانك

Anonymous said...

احييك بشدة اختى العزيزة نوارة على ردك
ولكن اعذرينى اختى الحبيبة فأنتى مثلك مثل الكثيرين من شيوخ الاسلام الذين يحاولون تجميل صورة الاسلام ، ولكن لن تظهر الا الحقيقة
اختى مع انى من اشد المعجبين بك ولكنى لم اكن اتصور بإنك تقومى بخداع نفسك وإخفاء الحقيقة .
اختى نوارة ...الاسلام ورسول الاسلام جاء ليحارب ويقتل ..بدون رطوش وبدون مجاملات .
وإقرأى التاريخ الاسلامى من وجهة نظر محايدة لتتعرفى على حقيقة الاسلام .
فها هو رسول الله يقول :امرت ان اقاتل الناس حتى يقولوا لا اله الا الله فمن قال لا اله الا الله فقد ‏عصم ‏مني ماله ونفسه http://hadith.al-islam.com/Display/Display.asp?Doc=1&Rec=121
والكثير والكثير من الاحاديث الصحيحة وايات القرأن المميتة التى تتحدث عن القتال والردة والزكاة والجزية والخ ..
تعرفى ليه لأن الاسلام دين ودولة ومعنى ان الاسلام دين ودولة انه لابد ان يكون هناك دار حرب ودار سلام ويجب ان يكون هناك كُفار وجهاد لتمتلئ كروش المسلمين بمال الكفار وليغنموا الغنائم وينكحوا بنات الكفار زى ماقال الرسول اغزوا تغنموا بنات الاصفر يعنى نساء الروم سوره التوبه49 وأكد على كلامه الشيخ مبروك فى برنامجه مع بسمه وهبه وقال نفسنا نكون عايشين لما يكون للمسلم اربع زوجات وعشرات من ملكات يمين .
اختى العزيزة هل قرأتى عن القصاص فى الاسلام هل تعلمى ان لا يؤخذ دم مسلم بكافر وان العلماء اختلفوا فى اخذ دم الرجل بالمرأة والكثير والكثير ...
اما الناسخ والمنسوخ فقد وضع لان الرسول الكريم كان ينسى ماينزله فى القرأن، وكان يأتى بأيات مضادة ومتناقضة ..ولو محتاجة اسانيد انا مستعد .
اخير اختى العزيزة هل ممكن تقولى لى اذا كانت الجنة بها حوريات وغلمان لينكحهم الرجال المؤمنون فسؤالى هل سيكون لكى رجال ام ليس لك مكان فى جنة الاسلام .. اسف جدا لو هااسبب لك اى مضايقة
مع حبى واحترامى

كبرتش said...

الأخ أو الأخت المبشرة اللي نشرة الكلام اللي فوق ده كله مغالطات ومش محتاج رد أصلا لأنه رد متعصب للنصرانية ولايدري شئ عن الإسلام غير المعلومات السطحية اللي بيخدوها في الكنيسة على العموم ده مش موضوعنا
أنا مع نواره في رأيها العيال دول لو ابوهم كان عاوزهم مسلمين كان خدهم رباهم على الإسلام بدل ما سبهم لأمهم تسمم أفكارهم وهمه لا هيزودزنا ولا ينقصونا والمركب اللي يودي على جهنم وبئس المصير بس انا عندي ملاظه هيه منى الشاذلي ماجبتش ابو الولاد ليه عشان نسمع وجهة النظر الثانيه بدال ما احنا ماشيين بنعرج
وأسف على الإطالة