Monday, 9 July 2007

نصر من الله: اسلام سمير جعجع

الدمعة ح تفر من عيني
النهاردة سمير جعجع عمل مؤتمر صحفي بيدافع
عن الشريعة الاسلامية
اهئ اهئ اهئ
وقعد يقرا القانون الاسلامي لتربية الطفل
وازاي ان الشريعة الاسلامية قمر قمر قمر
وجرى ايه لما لغوا اجازة عيد الجمعة العظيمة
هم بيشتغلوا الجمعة؟
!!!!!!
وقعد يتهم مخاوف المسيحيين من اسلمة لبنان
بانها مخاوف اصولية
شبه الاصولية الاسلامية
وانهم عاملين زي اسامة بن لادن
!!!!!!!!
واتحمق يا قلب امه وقال: ولو
هيدا المجتمع فيه مسلمين يا بيي
وللا لأ؟ شو فيكن ما بدكن تعترفوا بالمسلمين ياللي بمجتمعنا؟
والسنيورة راجل ذوق ذوق ذوق
وهو كل حاجة السنيورة السنيورة؟
كم من الجرائم ترتكب باسمك يا سنيورة
امورة خطبوها دستة وتورة
السنيورة هو خط الدفاع الاول عن لبنان
السنيورة هو اللية والعين الجوانية
السنيورة هو حبيب الملايين
"كم من الجرائم ترتكب باسم المسيحية"
ياااااااااااا سبحان الله
وايه كمان
ده فريق المعارضة هو اللي عايز يأسلم لبنان
هو اللي اصولي
بدليل
ان السنيورة مش لابس جلابية ولا مربي دقنه
اما بخصوص تصريحات البطريرك صفير
اللي قال فيها ما معناه انه يخشى من ان لبنان بيفقد خصوصيته
وبيتم أسلمة لبنان
فده راجل طيب وامير
وانضحك عليه
وبطلوا تعصب بقى
وايه لما يلغي لكوا الاجازة بتاعتكوا
يا سلام
خدوا اجازة يوم تاني
اه والله قال كده
قال ما فيه اجازات مسيحية تانية كتير
ما هو صحيح اما المسيحيين دول بيمسكوا في حاجات
ولا ليها لازمة
ما تاخدوا يوميها عارضة يا سيدي
بدل
اعتيادي
لازم تبقى اجازة رسمية يعني؟
ده فلوس الخليج لها مفعول السحر يا جدع
الله اكبر والنصر للاسلام
لقد اعز الله الاسلام باحد الجيمين
جعجع أوجنبلاط
فسحقا لكم يا عباد الصليب انتم والروافض الفجرة
ومش بعيد بكرة نلاقي جعجع لابس عمة
وما سك سبحة
بركاتك يا زيت الحبايب
عرفتوا بقى ليه الحكومة السعودية مجوعة مواطنيها
عشان تهدي راجل زي ده للاسلام
جزاهم الله على قد نيتهم
وكفى مش ح ادعي عليهم اكتر من كده
بس فيه نقطة مهمة قوي
اتكلم عن تمليك الاراضي اللبنانية للاجانب
وتغيير القانون بخصوص الموضوع ده
اهلا
هم ناويين يبيعوا ساحة الشهدا زي ما بيعنا ميدان التحرير
ياللا بالشفا

3 comments:

joe said...

هههههههه

هههههههههه

حلوة منك

ــ سمعـتِ عن العاهرة التي تحاضر بالعفـّة؟؟؟

هي جعجع نفسه
ـ هيدا أكبر رؤوس الفتنة الطائفية في لبنان و لولا يكونوا الأغبياء اللي في الحكومة وعلى رأسهم الشيخ سعد قدس الله سره و الحاج فؤاد السنيورة رضي الله عنه .. لولا يكون شايف فيهم أدوات للوصول لمخططاته .. كان قتلهم من زمان.. حتى المفتي .. مش شايف الإسلام إلا
من تحت عباءة سعد
ـ هم فعلا باعوا البلد كله و بيفقروا الشعب عشان اللي باقي عنده حاجة يشتروها منه .. نص بيروت صار لاّل الحريري من أيام المرحوم .. و يمكن بعد كام سنة انت شخصيا مارح تقدري تروحي بيروت .. لأنك محتاجة فيزا من سعد أو من يمثـّله لزيارة مزرعته اللي اسمها بيروت .. و انت محسوبة عالمعارضة .. يعني انت من الأعداء و بقايا الفرس و العرب السوريين ههههههه
ـ بلد أخو شـرمــــ......

karakib said...

el key board mafihosh arabic


shi2 fe3lan mo7zen el tegara di
banyadmin ro7'as awy

Anonymous said...

السلام عليكم
حبيبتي يا نوارة كيفك هاي انا الانا
المهم انتي عرفتي اللعبة وفهمتيها انتبهي على حالك بكرة بتصيري من الفرس المجوس او من احفاد ابن العلقمي او يمكن انتي ربيبه ابن سبأ ما تحكي عالاخ المناضل المؤمن باذن الله جعجع شي في فلوس مدفوعة وناس مجموعة وجعجع عنده جعجوعة سلام يا حلوة ما تبخلي علينا بالاخبار وبس تروحي ورا الشمس ابعتيلنا خبر بنبعت لك حقووووووووووووووق النسيان