Thursday 26 July 2007

اندرو وماريو يحترمان الاسلام اكثر من سعاد صالح

راجل ابن ستين في سبعين
اتغاظ من مراته وحب يخلص منها
اسلم وراح اتجوز واحدة مسلمة
وبعدين رجع للمسيحية تاني فمراته
رفعت عليه قضية طلاق عشان هي مش على قد ايده
قوم رجع للاسلام تاني عشان يطلبها في الطاعة
سبع سنين مبهدل ام ولاده حابسها على ذمته
وهي مش عايزاه
وما صرفش على ولاده خمسين قرش
ما فكرش مرة يروح يشوفهم
ولا حتى من ورا الام في المدرسة
وجاب لابنه الكبير حكم بالحبس
ولما لقى الست زي الفل
مربية ولادها احسن تربية
وولادها متفوقين وممتازين واخلاق
ليه وليه بقى؟
لازم يثبت لها انه من ساعة ما سابها العيال
مستقبلهم ضاع
تتصرف كيف يا عب رحيم تتصرف كيف يا عب رحيم
بعت ابوه جد الاولاد
- اللي هو ما زال مسيحي -
عشان يغير ديانة ولاده من مسيحيين لمسلمين
يعني حتى لما حب يغير ديانة ولاده
ما كلفش خاطره يغيرها بنفسه
كل ده ليه؟ عشان يقهر الست
اندرو وماريو كانوا امبارح مع منى الشاذلي
في العاشرة مساء
ما شاء الله عليهم وعلى تربيتهم وذكاءهم واخلاقهم
ومبدئيتهم
ما شاء الله على الام المحترمة الفاضلة الذكية
اللي فاهمة الاسلام اكتر من دكتورة الفقه
عارفين مشكلة اندرو وماريو ايه؟
انهم زي ما بيحترموا مسيحييتهم
بيحترموا الديانة الاسلامية
بيتعاملوا معاها على انها عقيدة وايمان
مش على انها كلمتين يطرشوهم في ورقة الاجابة
ويروحوا
امهم معلماهم ان الدين
- اي دين -
لازم يكون مبني على الاقتناع والعقيدة
امهم معلماهم انهم لو ما احترموش دين غيرهم
مش ممكن يحترموا دينهم
اندرو وماريو لو متعصبين
لو بيبصوا للاسلام على انه كلام فارغ
كانوا اتعاملوا معاه على انه كلام فارغ
كانوا طرشوا كلمتين من اللي بيسمعوهم في التلفزيون
وكتبوها في ورقة الامتحان
كانوا عملوا بنصيحة دكتورة الفقه
سعاد صالح اللي قالتهم قضوها سنتين مسلمين
لحد سن التخيير وارجعوا مسيحيين
كأنها بتقول لهم قضوها اشتغلات لحد ما تتجوزوا وتتظبطوا
معلش بقى للي بيحرج من قلة ادبي
بس دي زي دي بالظبط
بالظبط
ما فهمتش يعني ايه قضوها
قضوها؟
طيب الراجل ده اللي اربأ بالابوة انها تنسب له
عايز يكسر الام ويحرق قلبها على ولادها
ومستقبلهم
طيب واحنا؟
احنا عايزين ايه؟
ولدين زي القمر
في منتهى الذكاء
ومنتهى العدالة
ومنتهى الصدق والامانة
يعلموا اتخن تخين ازاي يبقى محترم
ازاي يبقى راجل وياخد موقف ويدفع تمنه
عايزين منهم ايه؟
عايزين يربوا في ولدين لسة عندهم
تلاتاشر سنة
النفاق والكذب والجبن
عايزين نعلمهم يمشوا حالهم ولو بازدراء الاديان؟
ايوة ده ازدراء اديان
هو ده ازدراء الاديان اللي على اصله وللا بلاش
لما اتعامل مع مادة الدين على انها كلمتين
ح اقضيها سنتين
لكن اللي في قلبي في قلبي
ده معناه ايه؟
لو اندرو وماريو سمعوا نصيحة الدكتورة سعاد صالح
وجاوبوا في ورقة الديانة الاسلامية
يبقوا فوق انهم منافقين
كمان بيحتقروا الديانة الاسلامية
وواحد يبعت رسالة يقول الست دي مربية ولادها على العند؟
لا العفو
الاصول تربي ولادها على النفاق والتزوير
والجبن
الاصول تعلمهم ازاي يمشوا حالهم بالنصب
الاصول تكسر مناخير ولادها وتذلهم
اكتر حتة ضحكتني لما واحدة اتصلت وقالت
امهم ساقياهم المسيحية
انا كنت ح اقع على ضهري من الضحك
دي ناقص تقول امهم مدسوسة عليهم
وكويس انها ما قالتش امريكا دافعة لها فلوس
عشان تعلم ولادها دينهم
===
الام الفاضلة المحترمة
والدة اندرو وماريو
عرفت تخليهم رجالة صحيح
والله ماشاء الله عندهم تلاتاشر سنة
ومنى بتحاورهم كأنها بتكلم رجالة كبار
والله في كل الرجالة الكبار اللي شفتهم
ما شفتش ارجل من العيلين دول
عشان ايه عايزين نكسر مناخيرهم ونذلهم؟
عشان ايه عايزين نعمل منهم كدابين ومنافقين؟
بمنتهى البجاحة نقول لهم مشوا حالكوا
!!!!!!!!!!!!!!!
الام دي سألت سؤال
دكتورة الفقه ما عرفتش تجاوب عليه
قالت: حد يجيب لي دليل شرعي من الاسلام
ان الدين يورث
ده الابن اللي بيبقى مولود في اسرة مسلمة
طول ما الاسرة مسئولة عنه بيبقى مسلم حكما
لما بيبلغ العقل لازم يجدد ايمانه ويبقى مسلم
وجوبا
صح
كلامها اصاب كبد الحقيقة والست قارية في الفقه
ودارساه
مش مذاكراه وطارشاه في ورقة الامتحان
مين قال ان الاب
حتى لو كان مؤمن فعلا بالاسلام
لما يغير دينه للاسلام الاولاد يتبعوه
امال سيدنا ابو بكر اسلم
وابنه كان وثني بقى مش مسيحي
ولم يتبع ابوه ازاي؟
واذا كان الولاد عندهم تلاتاشر سنة
وبيقول انا ارفض الاسلام كديانة
هو احنا ايه؟
ما عندناش دم؟
ما عندناش احساس؟
ما عندناش كرامة؟
ما بنخافش من ربنا؟
لما نوصل طفل انه يقول كلمة زي دي
وبعد ما يقول كده نقول له قضيها سنتين مسلم
مش فاهمة ازاي؟
يا اخوانا انتوا ما بتحسوش؟
ده انا الكلمة اللي قالها الولد دي
"ارفض الاسلام كديانة"
ضربت في قلبي زي الرصاص
هو ايه الاستمتاع باهانة الدين دي واذلال الناس كده؟
نصر حامد ابو زيد يقول انا مسلم
نقول له لا مش مسلم
واحد شيعي يقول انا مسلم
نقول له لا مش مسلم
بهائي او مسيحي
يقول انا مش مسلم
نقول له لا انت مسلم
المهم يبقى الدين عافية وخلاص
المسلم مش مسلم
واللي مش مسلم مسلم
كده بلطجة
وكله نلزقه في الشريعة
انا استغربت جدا وبقيت اضرب كف على كف
والدة اندرو وماريو بتدافع عن الشريعة
الاسلامية
وسعاد صالح هي اللي بتورط الشريعة في حاجة مش منها
والدة اندرو وماريو جابت من الشريعة
ادلة عقلية ونقلية
وسعاد صالح ما جابتش ولا دليل على كلامها
كل اللي قالته: قضوها
اندرو وماريو ووالدتهم
بيحترموا الاسلام وبيبصوا له كعقيدة
ودكتورة الفقه شايفاه
"تقضية"
====
الحقيقة انا انبهرت بذكاء وثقافة ام الولدين
والظاهر ده اللي غاظ جوزها منها
اصل
no offence
مافيش حاجة تكيد الراجل
والراجل المصري بالذات
غير ان مراته تبقى ذكية
بيبقى نفسه يفرمها تحت عجلة القطر
الست قالت كلمة والله
جزاها الله كل خير عليها
الست في دفاعها عن الاسلام
والغريب انها هي الوحيدة اللي دافعت عن الاسلام
قالت: لو ده اب مسلم مؤمن صحيح
كان احتضن ولاده وسقاهم الاسلام حتة حتة
لحد ما يحبوه وهم نفسهم يبقوا عايزين يبقوا مسلمين
لكنه منافق ومتلاعب بالاديان
بدليل انه سابهم سبع سنين ما يعرفش عنهم حاجة
!!!!!!!
ماذا اقول بعد كل ما قد قيل
على رأي غادة
يعني يوم ما واحد مسيحي يسلم
يبقى سقط المسيحيين
ده ايه البخت ده يا ربي
هو احنا ناقصين مصايب
ما كفاية المصايب اللي عندنا
====
انا انحني اجلالا واحتراما
للام
المدسوسة على ولادها عشان تعلمهم دينهم
لا رمتهم في الشارع
ولا ودتهم صالة ديسكو
ودتهم الكنيسة
وعملتهم رجالة
ومتفوقين
انحني اجلالا واحتراما
للرجلين الصغيرين
اندرو وماريو
اللي اتربوا على احترام الاخرين
عشان يحفظوا لنفسهم احترامهم
الولدين ما غلطوش في اي حد
حتى المدرسة
قالوا عن ناظر المدرسة والمدرسين
ان كلهم معاهم وكلهم متعاطفين معاهم
بس معلش
مع احترامي لادب اندرو وماريو
القضية لسة في المحاكم
ولسة لم يفصل فيها
كان المفروض ان يبقى الوضع على ماهو عليه
لحد ما يفصل في الامر قضائيا
لكن ان المدرسة تاخد اجراء زي ده
في قضية لم يبت فيها بعد
دي حاجة تثير الشكوك
=====
مش بس موقف المدرسة هو اللي بيثير الشكوك
كل البوليكة دي تثير الشكوك
بقى هالله هالله ع الجد والجد هالله هالله عليه
ما بقالنا الف وربعميت سنة
والناس بتدخل الاسلام
ومن ساعة ما ربنا خلق الاسلام
وفيه ناس بتدخله
ستات ورجالة
وبتضحي في سبيل ايمانها
باسرتها
والراجل بيسلم ويسيب مراته وعياله
ويحاول يشوف عياله
وعياله ما يرضوش يشوفوه
والقصص اللي احنا عارفينها دي
عمرنا ما سمعنا عن واحد اسلم
وكتب عياله المسيحيين وللا اليهود
على دينه وهم مش مقتنعين
لمجرد انه اسلم
عمرنا ما سمعنا عن واحد يقول انا مش مسلم
ويتكتب مسلم غصبانية واقتدار
كل الافلام دي جديدة نوفي
وباقول انها افلام
وقع ضحيتها ناس ابرياء كتير
ومنهم هذه السيدة الفاضلة
والاولادها الرائعين
وحتى الخرنج ابوهم
طبعا اللي انا ح اقوله ده
ناس كتير ح تتهمني بالجنان بسببه
بس تفوا في وشي
غرقوا وشي تفافة ان ما كانتش هي دي الحقيقة
:اسمعوا
بقى الدولة بالذات في عهد مبارك
بتعتمد اسلوب معين في تغيير الواقع
بدل ما يعمل زي ناصر والسادات
يصحى الصبح يفرض على الناس
تغيير ويعمل استفساء تكون نتيجته
تسعة وتسعين وتسعة وتسعين من مية في المية
ويقول على الواحد من مية في المية دول: انا
عارفهم واحد واحد بالاسم
بقى يستخدم اسلوب جديد
يعني مثلا الفلاحين مصممين يزرعوا
قطن والدولة مش عايزاهم يزرعوا قطن
بدل ما تطلع فرمان
تيجي سنة تملا لهم القطن بالدودة
السنة اللي بعدها تطلع لهم القطن اصفر
السنة اللي بعدها القطن ما يطلعش خالص
وابقى قابلني ع الناصية لو فلاح زرع قطن تاني
السنة الجاية
الدولة عايزة تغير المادة التانية
الا وهي ان الاسلام مصدر اساسي للتشريع
لو غيرتها النهاردة
الناس ح تقول الكفرة الفجرة
وحتى المسيحيين مش ح يقدروا يقروا قرار زي ده
قوم تعمل ايه: مش دي الشريعة اللي انتوا عايزينها؟
طيب باسم الشريعة تسلخ وش المواطنين
بالذات المسيحيين
وتطلع تلاتين اللي جابوهم
وتكفر المسلم
وتأسلم المسيحي
وتبغبغ اللخبطان
ولله الحمد والمنة
عندنا بين صفوف المسلمين من يتمتعون
بعبقرية الغباء والجهل والتعصب
مجتمعين
واول ما يلاقوا الدولة بتكفر حد
هيييييييييييييييه
بتجبر حد على الاسلام
هييييييييييييييييييه
بتسجن حد بتهمة ازدراء اديان
هيييييييييييييييه
شوية شوية وبعدين الشريعة
اللي حولتها الحكومة الى ساطور
ح تندار على اللي بيقولوا هييييه
سنتين تلاتة بالكتير
والناس هي اللي ح تقول: نحب على ايديكم
ارحمونا من المادة التانية وشيلوها
في الحالة دي
وبعد تشويه الاسلام وتأليف اسلام جديد
عمرنا ما سمعنا عنه
تبقى الدولة شالت المادة التانية بناء على طلب الجماهير
والحقيقة بقى
انا عايزة المادة التانية تتشال
لان مافيش حاجة اسمها : مصدر اساسي للتشريع
او حتى المصدر الاساسي للتشريع
ما هي يا اما دولة مسلمة
بتقيم العدل والاحسان وايتاء ذي القربي
وترحم ابونا من الفحشاء والمنكر والبغي
يا اما مش دولة مسلمة خالص
انما هذا الموقف المخنث من التشريع الاسلامي
لا هو اسلام ولا هو بتنجان
بس كل واحد يحب يطلع قانون قمعي
يمسح برابيره في فوطة الاسلام
====
فيه كتاب ضاع مني اسمه القضاء في الاسلام
عارض قضايا كتير وعارض ازاي ان القاضي
مسموح له يجتهد بما يتفق مع روح الشريعة
اذا لم يجد نصا واضحا
من ضمن القضايا على ما اذكر
طفل كان متنازع على حضانته
ما بين واحد مسلم كان ح يخليه عنده عبد
وواحد مسيحي كان ح يحرره ويتبناه
قام القاضي المسلم حكم للمسيحي
بالحضانة وقال في حيثياته
ما معناه: ان الحرية تضمن للانسان
ان يكون عبدا لله وحده وانه مسئول عن اختياره
لديانته ايا كانت وانه بالقطع ان كبر هذا الطفل
في كنف اسرة مسيحية وهو حر واختار الاسلام
بعد ذلك سيكون مسلما صالحا
اما ان نشأ كعبد غير حر في اختيار دينه
فلا احد يستطيع ان يجزم باخلاصه لديانته التي نشأ عليه
ده معنى الكلام
لكن الجملة اللي فاكراها كويس: الحرية هي اصل الانسان
وعلة خلقه
الكلام ده من الف سنة
احنا بنتقدم واللا بنتأخر؟
=====
اندور وماريو مسيحيين
بايمانهم مسيحيين
بواقعهم مسيحيين
بنص الشريعة الاسلامية
مسيحيين
بالعقل والانسانية
مسيحيين
واندرو وماريو
احسن مسيحيين في الدنيا
واكتر ناس في الدنيا
شفتهم بيحترموا ديني
وبيقدروه
على راسي واحتراماتي
لاندرو وماريو ووالدتهم
اللي بيحترموا الاخرين وعقائدهم
ومش طالبين اكتر من ان المجتمع
والقانون يبادلهم نفس الاحترام
كتير ده؟

49 comments:

Anonymous said...

العزيزة نواره
قد أختلف معك أحيانا كثيرة
وقد أختلف بشدة (أعذريني) لكن في هذا البوست أنا أنحني أحتراما وتقديرا وموافقة على كل ما قلت
للأسف لم أتابع البرنامج على التلفزيون
أكون أكثر من شاكر لأي أحد يعرف يرفع نسخة على يو تيوب
أحييك يا نواره مرة أخرى
وبصحيح نواره

Anonymous said...

بصي انا معجبه بيكى جدا من خلال تعليقاتك خصوصا عند تمرحنه وان طبعا ضد التهريج فى الاديان وياريت تكونى شفتى حلقه وائل الابراشى فدريم عن نفس الموضوع بس انا عايزه الاقى حل لكن مفيش غير التضييق في حركه التحول بين الاديان عشان كل واحد يفكر الف مره قبل ما يسلم وهوا احنا يعنى ناقصين!!!ا
ممكن اسالك سؤال لو جه عريس لبنتك او اختك مسيحى واسلم وهى متمسكه بيه وانتى طبعا شايفه ان وماله واجوزوا وخلفوا وبعد كام سنه قال لها زى ما بيقولوا لقد جد شئ على ايمانى وقناعتى!!! انا هارجع مسيحي تانى!!ممكن الاسره دى تكون حياتها ازاى اولاد يدمروا مش عارفين هما ايه بالضبط والزوجه برضه تتقطع ما بين جوزها واولادها موقف زى دا يتحل ازاى بس يا ريت تفكري وتعدى لحد ميه قبل ما تجاوبي فعلا الدين مش شقه ايجار جديد بس برضه الدين مش كازينو على البحر مش عاجبك تغيره وتروح غيرة معجبكش ترجع للاولانى تانى!!!!!!!

Anonymous said...

لابد للاسلام من قوة تحمية
خالد منصور

Anonymous said...

انا عملت لك كوبى..من تعليقي على موضوعك اللى فات..بس هاقول انك يمكن ماشوفتيهوش او مش مقتنعه.... طب هاقولك حاجه تانيه او الراجل اللى اسلم عشان يشتغل فى السعوديه كمان كان فى حلقه وائل الابراشى وجه اجوز واحدة مسلمه..وخلف منها وبعد حبه قال يا لهوى يا نارى مش طايق الاسلام بيقطع فى جتتى ...المسيح ينادينى يا بشر يبقى دا ايه راجل خرنج برضه عشان بيغير دينه مرة للسفر ومرة عشان يخلص من مراته...واحنا كمان نبقي خرنجات لو كل شويه نديله بطاقه جديده يتنطط بيها.. وتبقى الحكومه كمان خرنجه لو تسمحله بكدا!!!اعتقد ان الحكومه عندها حق المرة دى للسبب ان حريه التنقل بين الاديان ها يعمل مشاكل اجتماعيه رهيبه.. تحياتى لحضرتك

Anonymous said...

alex
انا كمان باختلف معاك في حاجات كتير
واختلاف الرأي لا يفسد للود قضية

بنت القمر
ما انا مش فاهمة ايه وجه اعتراضك
اعتقد ان اعتناق الاسلام او اعتناق المسيحية مش لعبة
وقبل كده قلت ان اللي عايز يعتنق الاسلام لازم الازهر يمتحنه ويديله فرصة سنتين يقرا في الاسلام ويتيقن وبعدين يرجع تاني وما يغيروش ورق الناس بسهولة كده من دين لدين
عشان ما حدش يلعب اللعبة دي

خالد منصور

والقوة اللي ح تحميه دي بقى ح تبقى قوامها ناس مش مقتنعين بيه ومجبرين على انهم يتكتبوا مسلمين؟

Anonymous said...

اختلى لو سمحت تعتبرينى اختك..انا معترضه على ايه!!انا مش معترضه انا ببص على الموضوع من الناحيه الاجتماعيه واعتقد يا جبهه ان اللى فجر الحكايه دى هى المشكله الاجتماعيه ولا ايه؟؟؟؟
ااعتقد برضه ان حماسك للحريات مقدمش حل للمشاكل الاجتماعيه اللى قلتها لك ومردتيش عليها طب انتى شخصيا تتصرفى ازاى؟؟؟؟ تحياتى لك...

Anonymous said...

انت بتسأليني انا لو في الموقف ده اتصرف ازاي؟
اتصرف زي ام اندرو وماريو
ولو قطعوني حتت ما اسيبش ولادي
ومش ممكن ولادي يتربوا على دين وبعد اتناشر تلاتاشر سنة اجي اقول لهم اصلكوا بقيتوا مسيحيين عشان ابوكوا بقى مسيحي
اولا المتلاعب بالاديان
سواء غير للاسلام او المسيحية
لا يؤتمن على اطفال
ثانيا
بصراحة
مافيش راجل بيسأل على العيال
اللي بتسأل عليهم وبتحميهم وتربيهم وتتعب عليهم هي الام
لما راجل ساب عياله سبع سنين ما بيصرفش عليهم وقبل ان واحدة ست هي اللي تصرف على ولاده
جاي بيطالب بايه دلوقت؟
تو ما افتكر انه ابوهم؟

لو الموقف معكوس وانا اتجوزت واحد مسلم واتنصر
او كان مسيحي واسلم ورجع تاني
مش ح اسيب ولادي
ومش ح اسمح له يعبث بعقل ولادي ومشاعرهم ونفسيتهم
ومش ح اخلي ولادي يمتحنوا دين تاني غير ديانتهم اللي اتولدوا عليها ابدا

ولما يكبروا بقى هم يختاروا

يا اما يختاروا الاسلام يا اما يختاروا المسيحية
لكن طول ما انا مسئولة عنهم انا ليا الحق اني اربيهم على عقيدتي وافكاري
وعلي واجب اني احميهم من اي خطر حتى لو كان الخطر ده جايلهم من ابوهم

انت نفسك بتقولي واحد اسلم عشان يروح السعودية

يعني باع دينه بوظيفة وفلوس
طيب ده الواحد يأتمنه على الاطفال ازاي؟

سواء فضل مسلم او رجع للمسيحية
لاهو مسلم ولا هو مسيحي

لا يمكن اسيب ولادي ولو قطعوني حتت

Anonymous said...

وصلنا الى لب الموضوع يعنى لو الراجل ندل يبقى الولاد حق لامهم يعنى انتى شايفه ان الموضوع انتصار للمراءة المقهوره ضد الراجل الندل!!!طيب هاقولك حاجه تالته لما المسيحيين اشتكوا من تعنت الكنيسه فى منح صكوك الطلاق ووصلوا الى 100000 حاله امام المحاكم المدنيه والكنسيه طلعت جورجيت قلينى عضو مجلس الشعب وقالت ايه؟؟ اوافق راى البابا والناس دى لازم تتكتم انا دينى مش صعب ولواحنا 8 مليون وعندنا 100000 عندهم مشاكل يبقي انا دينى سهل ودول اقليه مااغيرش الدين عشانهم واوافقها الراى ليه؟؟؟؟ لان الدين يغير الناس مش العكس ةاذا كان المسيخيون..يحترموا البابا والدين ولو على حسلب 100000 اسره تنتظر حكم طلاق كمان احنا مش اقل تمسك بالقانون مش هاقولك الدين اللى بيحمى اليدين والمراه ان راجل يجي يلعب بيها ويتنطط كل شويه انا مسلم لا مسيحي لا مسلم طب لا مسيحى!!!! ويلعب بيها كورة.. ولو هى اسلمت معاة وبعد شويه اقتنعت بالاسلام ورتبت حياتها على كدا جه هو يتمرقع ويقولها لا طب تعالى نرجع مسحيين تانى يبقي لا!!هو كدا ممكن بيستغل حبها او رغبتها فى تماسك اسرتها... ويمرمغ بيها الارض... تحياتى

Anonymous said...

بنت القمر
ممكن بس توضحي لي انت قصدك ايه لان معلش كلامك مش واضح او انا مش عارفة افهمه
دلوقت انت يعني نعم مش فاهمة برضه
عامليني على اني غبية وفهميني تقصدي ايه

اولا ده مالوش علاقة بانتصار المرأة وانتصار الرجل
دلوقت لو واحدة عايزة تخلص من جوزها واسلمت
ورجعت اتنصرت تاني
ورجعت اسلمت عشان تاخد حضانة العيال وتعملهم فجأة مسلمين بعد ما كانوا مسيحيين
وللا رمت عيالها لابوهم

وبعد سبع سنين العيال ما شافهوهاش فيهم فجأة طلبت الحضانة وطلبت تغيير ديانتهم

ده يعمل في نفسية الاطفال ايه؟

وبعدين يا ستي العيال حسموها
دول عندهم 13 سنة

تلاتاشر سنة مش عيال يا بنت القمر

دول يقدروا يقرروا هم عايزين ايه

مريانا مثلا اللي اسلمت
كان عندها خمستاشر سنة

ورغم ان الاخوة المسيحيين بيقولوا دي عيلة وما تقدرش تقرر
بس الحقيقة ان ده كلام مش مظبوط

خمستاشر سنة مش عيلة

واللي تعرف تغير دينها وتهرب من بيت اهلها ما تبقاش عيلة

وما يبقاش انضحك عليها

الكلام على ان الام ساقياهم المسيحية ده كلام عبط
لان طبيعي كل واحد بيربي ولاده على دينه

وكمان الاب قعد ست سنين يسقيهم المسيحية لحد ما اسلم

وبعدين رماهم وسابهم

انا ما اعرفش ياختي اسلام ايه ده اللي يخلي اب يتخلى عن ولاده

مسلم ازاي ده وهو ما بيتحملش مسئولية ولاده النفسية والمادية

ولو الموقف معكوس والاب اسلم والام رمت له العيال ومشيت والعيال اتربوا معاه كانوا ح يبقوا مسلمين وكانوا ح يتمسكوا بالاسلام

طيب اسألك انا بقى سؤال

لو العيال دول

اندرو وماريو

وهم عايشين مع امهم اختاروا الاسلام

والام صممت انها تكتبهم مسيحيين

كان يبقى الموقف ايه؟

العيال بلسانهم وبايديهم كتبوا في ورقة الامتحان: انا مسيحي

يبقى مسيحي

اللي يقول انا مسيحي يبقى مسيحي

ومافيش قوة على الارض ح تعمله مسلم

مريانا لما قالت: انا مسلمة

تبقى مسلمة ومافيش قوة على الارض ح ترجعها مسيحية تاني
غير هي اللي تقرر وتقول انا ارجع للمسيحية

بمزاجها

الولاد مش عشان خلفناهم بقوا ملكية لينا

اما بخصوص ان مافيش طلاق في الكنيسة

مافيش طلاق في المسيحية يا بنت القمر

والبني ادم لما يعتنق دين ياخده كله بالحقوق والواجبات

مش ح يأيف الدين على كيفه

طيب ما احنا عندنا تعدد زوجات

تحبي جوزك يتجوز عليكي؟

ولو ما حبتيش

تقدري تطلبي من اي شيخ انه يلغي تعدد الزوجات او يحرمه؟

يا تاخدي الدين على بعضه

يا تسيبيه على بعضه

مافيش حاجة اسمها زهقت من مراتي وما عندناش طلاق اقوم اسلم

طيب ما يغير الطائفة وهو يطلقها

وبعدين هو مسيحي وللا لا؟ مؤمن بالمسيحية وللا لا؟

واذا مؤمن بالمسيحية ليه مش راضي باحكامها

لو مش راضي باحكامها يبقى مش مؤمن ان الاحكام دي من عند ربنا

ولو مش مؤمن ان احكام المسيحية من عند ربنا يبقى مش مسيحي

طيب حول وبقى مسلم

مسلم وللا مش مسلم

يعني ملتزم بواجبات الاسلام وللا لا

يعني راضي انه حتى لو اسلم ولاده المسيحيين لهم عليه حق الانفاق والتربية وللا لا؟

راضي ان حكم الاسلام: ولا تمسكوهن ضرارا لتعتدوا ومن يفعل ذلك فقد ظلم نفسه

وللا لا؟

لو راضي

يبقى ازاي يغصب مراته على انه تبقى على ذمته

ازاي يتركها كالمعلقة وهو عارف ان الاسلام بيحرم ده

ازاي لا ينفق على اولاده وهو عارف انه بحسب الانسان اثما ان يضيع من يعول

ازاي يرمي ولاده وما يسألش عليهم وهو عارف انه من لا يرحم لا يُرحم

ازاي يضيع مستقبل ولاده

ازاي يظلم مراته وولاده وهو عارف ان الظلم ظلمات يوم القيامة

ازاي يجبر ولاده على الاسلام من غير حتى ما يسألهم وهو عارف انه لا اكراه في الدين

ليه ما دعاش ولاده للاسلام بالحكمة والموعظة الحسنة

انا شخصيا شايفاه مش مسيحي
لانه مش راضي بحكم المسيحية بعدم جواز الطلاق

ومش مسلم لانه لم يلتزم باي واجب من واجبات الاسلام

وعليه

فهو لا يؤتمن على الولاد

بصرف النظر هو راجل وللا ست

لو كانت الام هي اللي اتصرفت كده برضه كانت ح تبقى مدانة

وايوة الكنيسة ما تقدرش تألف دين من دماغها

وما تقدرش تعمل طلاق وهم ما عندهمش طلاق

زي ما احنا ما نقدرش نعمل صلاة المغرب بعد العشاء

وما نقدرش نحرم الطلاق وهو حلال

وما نقدرش نحرم تعدد الزوجات وهو حلال

واللي يرضى بدين معين يرضى بالواجبات قبل ما يدور على الحقوق

Anonymous said...

بصي يا حبهه.. واه يل جبهتى عملت مج شاى وربطت لك دماغى..
اولا بعد الشر عليكى من الغباء دا انتى ست الكل
..
انا لما جبت حكايه الطلاق كنت بلفت نظرك لحاجه ان المسيحيين حتى المستنيرين منهم والمراءة منهم زي جورجيت قلينى رفضوا حكايه الطلاق لانها مبدا اساسي فى المسيحيه طب هما صح لان الدين مش لعبه وانا راضيه بدينى وبصلى المغرب وبعدين العشا ولو المان بتاعى استغل حقه واجوز عليا انا كمان الاول هاطلع النجيله على عينه دا بينى وبينك هههه و هاستغل حقى واطلق ودى حق قانونىوشرعى.. ومش هاطلب انى اغير الشرع بتاعى ولا هما دينهم مقدس واحنا دينا كازينو كل واحد يقعد فيه حبه وما يعجبوش يرجع تانى ويسيب لنا عيال مش عارفين لهم مله ماشى كدا متفقين لحد كدا طب احنا مختلفين على ايه؟؟؟
اقولك انا: هما لما قالوا: ماريانا عيله ولكن اندرو ومارير رجاله انا شايفه ان دا تهريج ليه؟؟؟
انا قناعتى الشخصيه ان كلهم عيال ودراسه دين واختيارة منى مام بعد 21سنه زى الجبش تمام يكون بعد الانسان ما يتم النضج
تانيا انا عايزة افول لحضرتك حاجه ان الراجل وركزى معايا اوى فى الحته دى ممكن جدا يطلع بوز مراته بحجه انه بيغير دينه ويلوح لها مخها ومخ عيالها ويكون استغل الدين تغره يقرفها بيها فى عيشتها نقوم نعمل ايه؟؟؟ نسيبه ولا نديله الحبل اللى يشنقها بيه عشان الاخ بيتمرقع!!اطب ما نسيب العيال لما تكبر تختار ونفضها سيرة وازا هى محموقه عليهم تربيهم على دينها ولما يكبروا يختاروا وخلاص ياريتك شفتى حلقه وائل الابراشى...انا لو مسيحيه وورق العلم بيقول انى مسلمه مش هاتغير زى المسلمين لما كانوا بيتعزبوا فى عهد الرسول ويقولوا احد احد
المسلمين مش ها يفرق معاهم كام الف بيتنططوا بين الاديان كل حبه لكن دول هايكونوا صداع ويطلع لنا الاخ مايكل منير ويقول لنااصل انا اعمل مع الحكومه الامريكيه على "تحفيز" الحكومه المصريه على متابعهحقوق الاقباط وهما حد ضربهم على ايدهم كل الحالات دى ناس بالغه عالقه اختارت تلعب وتتنطط بين الاديان لتالت مرة فعلا اولادنا مش لعبه ولا الدين كمان لعبه يكبروا وبعدين يقرروامحدش جبرهم...تحياتى واسفه انى مليت صفحه التعليق بجد اسفه!! ويارب خلافنا ما يضايقكيش بجد احترامى لعقلك المحترم.."

Anonymous said...

لا يا بنت القمر احنا مش مختلفين خالص

فيه موضوع في المدونة عندي اسمه بالنوسبة للمسيحيين اللي اتكتبوا مسلمين غصبانية واقتدار

الموضوع ده باقول فيه كلام شبه كلامك
وباقول ان اللي يدخل الاسلام مش داخل لامؤاخذة الكنيف
ده داخل دين
يعني لازم يمتحن فيه
بدل المرة تلات مرات

ولازم يتساب له فرصة على الاقل سنتين قبل ما يغير ورقه

وممكن يبقوا اكتر

والمسلم المؤمن الورق مش ح يفرق معاه

لكن اللي عايز يغير الورق عشان يقضي مصلحة
يبقى احنا كده قفلنا في وشه السكة دي

Anonymous said...

Here you go..
Links lel 3ashra msa2an "Andro w Mario"

http://freecopticvoice.com/fcv/video/androw-maruo-25-7-2007.wmv

http://freecopticvoice.com/fcv/video/androw-maruo-25-7-2007-2.wmv

Anonymous said...

مش هاقوللك غير كلمتين
يسلم فمك
(مسلمة)

Anonymous said...

نوارة الحقيقة انا مضطر انحني اعجابا بالفكر الي انتي بتقوليه و لو اني الحقيقة برضو و بكل اسف مش مصدقو او يعني مش مصدق انه فكر اسلامي

الفكر الاسلامي نصيا و فقهيا و تاريخيا و عمليا و واقعيا هو الكلام الي قالته سعاد الصالح و مكانش عاجبك

ايوة انتي ممكن تعملي من الاسلام و من الشريعة حاجة في منتهى الجمال و ده الي بيعمله ابو زيد و البنا و عشماوي و القمني لكن واخدة بالك من الاسامي كلهم ناس بيعتبرو كفار على المستوى الديني و الشعبي ليه ؟؟ لمخالفتهم ما يسمى بصحيح الدين او بمعنى اخر النص المقدس

و سيبيني اقولك حاجة كمان ,, زمان في العصور الاسلامية الي انتي معجبة بيها مكانتش الناس بتعرف تقرا و مكانش في قران مطبوع كتير و مكانتش اللغة العربية منتشرة و سهل تعلمها ناهيك عن الترجمات الي بقت موجودة دلوقتي , فكانت الفتاوى و الاحكام بتدور بالاساس حول الشخص المفتي او القاضي و مكانش سهل ان حد يعدل عليه او ينقض فتوته لعدم انتشار علماء الدين زي دلوقتي ,المهم الشخص ده غالبا كان الخليفة بيعينو من الناس ذوي العلم و الثقافة و الفهم
دلوقتي الموضوع اختلف كتير و بقت الفتوى سهلة لان النص بأى متوفر و متاح و النص في منتهى الوضوح و الجلاء ناهيك عن القاعدة الفقهية الجميلة بتاعة ان لا اجتهاد مع النص و بقى الناس بتتعلم دين عمال على بطال و الدين بأى ببلاش و بأى في كل حتة و الشيوخ بقو بعدد الفضائيات و اكتر بكتير و النصوص المقدسة بقت في كل بيت و سهل اوي ان اي حد يقراها و يفهم الامر اللهي الصريح باي حاجة ناهيك ان الشيوخ مبقوش يقدرو يطلعو عن ما في النصوص لان النصوص بقت مع كل حد فضطرو يلتزموا بها و يزايدو عليها

فاهماني؟؟

Anonymous said...

عجبتني حته "مفيش حاجه تكيد الراجل المصري غير ان مراته تبقي ست زكيه" . . ههههههههه


أنا حاغير جنسيتي عشان الراجل المصري ده كخه في كل بوست ابله نواره تكتبه

Anonymous said...

اه كتير يا نوارة
لان فى بلدنا مبقاش فى حاجه اسمها احترام لحد بدأت بسحل القضاة فى الشواره مرورا بسجن الطلاب انتهاء بزاداراء الاديان
ولسه ياما فى الجراب يا بلدنا

Anonymous said...

الموضوع ده كاسفنى جدا جدا
ومخلى عقلى مشلول ومش عارف افكر

زي الفزورة كلب اتجوز قطة يخلفوا ايه ؟

أو واحد اتجوز واحدة وخلفوا، وبعد ما خلفوا الراجل حول وباه ست، مين أبو العيال ده

حاسس ان الموضوع يمخول زي كده

وحاسس ان المسلمين أو الإسلام انجر لقصة مش بتاعته خالص ، وادبس فيها برده غصبانية واقتدار

أن متفق معاكى ان الراجل ده لو مسلم إسلام يقينى، كان عمل المستحيل انه يخلى عياله مسلمين ويربيهم ويعمل البدع، علشان يسقيهم الإسلام، زي ما الزوجة المحترمة ما عملت

لكن هو مشفارق معاه أي دين، هو برده زي ما قلتى عاوز يربى مراته من خلال عياله

بس برده فى الآخر الإسلام ذنبه ايه، احنا زنبنا ايه، لما كل شوية يطلع محامى ويكلم ويقول هو الإسلام بالعافية

فين الأمن الغجتماعى من موضوع زي ده
فين مؤسسات الدولة
فين النيابة
لازم يحققوا مع الراجل ده ويشوفوا ايه حكايته، بيعمل كده ليه، وعاوز ايه، والله لو متمسك بالإسلام وعاوز عياله يبقوا مسلمين، نقولا خليها 7عليك المرة ده يا عم طالما هما مش عاوزين واتربوا ع المسيحية لغاية السن ده لما يبلغوا يشوفوا هما عاوزين ايه

وسيدنا نوح كان ابنه كافر
وفيه كتير من الصحابة كان أبوهم وامهم كافرين، زي سيدنا والدة سيدنا أبو هريرة وأسلمت من دعاء النبى لها

ولو عاوز يزل مراته ، نقوله يا عم الحاج بيعد عننا وبعيد عن الإسلام وبعيد عن المسيحية، الناس بعد اذن سيادتك مش ناقصة

طبعا غير تفعيل لجان الأزهر، وعمل الاختبارات اللازمة أي فرد عاوز يسلم ونشوفه قرا فى الإسلام ولا لا ونشوف معلومات عن المسيحية وليه عاوز يدخل فى الإسلام وايه الى خلاها يسيب المسيحية، والعكس صحيح

ومعلش بأه هنا ممكن نختلف ، ويبقى عارف انه بعد نطقه للشهادتين له ماله وعليه ما عليه
زي ما انا بشوف فى الأفلام الأمريكانى ان كل ولاية أمريكية لها قانون، وممكن يتغير من ولاية لولاية، مثلا لو كان فى ولاية كان بيعمل فيها شيئ معين ممكن يكون الشيئ ده محرم فى ولاية تانية، لازم يلتز بقانون الولاية الجديد الى باه فيه

زي ما عم ألف بتاع وائل الإبراشى ساب دينه علشان عقد وفين فى السعودية، طب
لو جالك صهاينة يساوموك على وطنيتك نعمل فيك ايه
ما خيانةالدين زي خيانة الوطن

طب ده خيانة الدين من وجهة نظر كل دين تمثل عذاب أبدى، حتى لو كنت محبك لدينك الأصلى بس سببت ضرر لأهل دينك من تركك ليه أفسدت عليهم عقائدهم


معلش اطول من البووست بتاعك

وفيه مدون تانى اتخطف يا نوارة، مش اتقبض عليه اتخطف فى عربية ميكروباص
تحياتى لك

Anonymous said...


الفكر الاسلامي نصيا و فقهيا و تاريخيا و عمليا و واقعيا هو الكلام الي قالته سعاد الصالح و مكانش عاجبك


معلش يعني أسانيد حضرتك إيه؟ ده إذا كان هيا شخصيا معرفتش تجيب أسانيد للملكية المزعومة للأبناء، كلامك هنا مرسل وبدون دليل


ايوة انتي ممكن تعملي من الاسلام و من الشريعة حاجة في منتهى الجمال و ده الي بيعمله ابو زيد و البنا و عشماوي و القمني لكن واخدة بالك من الاسامي كلهم ناس بيعتبرو كفار على المستوى الديني و الشعبي ليه ؟؟ لمخالفتهم ما يسمى بصحيح الدين او بمعنى اخر النص المقدس


برده كلام مرسل، حلوة قوي ده، البنا كافر؟
أصلا في صحيح الدين لو بتفهم يعني في الدين الإسلامي بيقول إيه؟ لو أنا رميت زاحد بالكفر وهو مش كافر، يبقى أنا كافر، بأي حق وبأي أسانيد وبأي إحصاءات طلعت كلامك ده؟



و سيبيني اقولك حاجة كمان ,, زمان في العصور الاسلامية الي انتي معجبة بيها مكانتش الناس بتعرف تقرا و مكانش في قران مطبوع كتير و مكانتش اللغة العربية منتشرة و سهل تعلمها ناهيك عن الترجمات الي بقت موجودة دلوقتي , فكانت الفتاوى و الاحكام بتدور بالاساس حول الشخص المفتي او القاضي و مكانش سهل ان حد يعدل عليه او ينقض فتوته لعدم انتشار علماء الدين زي دلوقتي ,المهم الشخص ده غالبا كان الخليفة بيعينو من الناس ذوي العلم و الثقافة و الفهم
دلوقتي الموضوع اختلف كتير و بقت الفتوى سهلة لان النص بأى متوفر و متاح و النص في منتهى الوضوح و الجلاء ناهيك عن القاعدة الفقهية الجميلة بتاعة ان لا اجتهاد مع النص و بقى الناس بتتعلم دين عمال على بطال و الدين بأى ببلاش و بأى في كل حتة و الشيوخ بقو بعدد الفضائيات و اكتر بكتير و النصوص المقدسة بقت في كل بيت و سهل اوي ان اي حد يقراها و يفهم الامر اللهي الصريح باي حاجة ناهيك ان الشيوخ مبقوش يقدرو يطلعو عن ما في النصوص لان النصوص بقت مع كل حد فضطرو يلتزموا بها و يزايدو عليها


القاعدة العلمية تقول إن كلما توافر العلم كلما زاد تطوره

المشكلة مجتمعية في المقام الأول ملهاش دعوة إطلاقا بتوافر الوسائل المتاحة للعلم والتعليم، المشكلة في تغيير أخلاق الشعب المصري أحيانا، والقمع إللي أعاق وأخر حرية التفكير زائد عوامل مجتمعية سياسية كثيرة جدا ملهاش دعوة بالرؤية شديدة السطحية إللي إنت كاتبها هنا


وبالنسبة احوار الطلاق، إللي أنا عارفه إن المسؤول هنا مش الإنجيل يا نوارة، المشكلة في البابا شنوده نفسه، فمن المعروف إن قبل البابا شنوده كانت أسباب الطلاق متعددة غير علة الزنا، مش فاكر الرقم بالضبط لو حد فاكر يقول

المشكلة بدأت لما البابا شنوده أقصر الطلاق لعلة الزنا وده في رأيي نفس التفكير الجامد السلفي بتاع السلفيين لما بيطبقوا النص زي ما هو بدون مراعاة للواقع

وده بيزود إقتناعي بإنها مشكلة مجتمعية بالدرجة الأولي

Anonymous said...

هاني
مش بيفتح الفيديو عندي
لكن عموما اشكرك يمكن يفتح عند ناس تانية

انا يهمني ان الناس تشوف الولدين دول
وماشاء الله زي القمر اصلا يتاكلوا اكل

wild at heart

تسلمي يا حبيبتي

تحوتمس

بص الكلام اللي انت بتقوله ده جانبه الصواب

انا عارفة الخلفية اللي بتخليك تقول كده
وهو انك متربي في السعودية

بس انا عايزة اقول لك ان المذهب الوهابي الازهر كان بيكفره لحد القرن التسعتاشر

يعني المذهب الوهابي اللي مضايقك واللي مخليك تظن ان هو ده صحيح الاسلام او اصل الاسلام

مذهب محدث جدا

كل الكلام اللي متسعود اللي انت بتسمعه ومخليك تحس ان الكلام اللي انا بقوله تجديد

هو الحقيقة العكس

اللي انا باقوله قديم جدا

المذهب الوهابي هو اللي عمل نيو لوك للاسلام

بص

اقرا رد

irc president

هو يمكن شادد شوية في الرد بس استحمله لان هو مش عارف خلفيتك

وبيرد رد مفيد جدا


عمرو

ههههههههههههههههههه
اه انا مستقصدة الرجالة بقى

هاهاهاها

desert cat

انا باموت في القطط

منذر

كنت ح اموت وانا باقرا الرد بتاعك من الضحك

عجبتني قوي واحدة اتجوزت واحد وبعدين قلب ست مين فيهم ابو العيال

والله ومين سمعك يا منذر

انا كمان متضايقة قوي

يا اخي احنا اتهزأنا على الاخر

انا مش فاهمة هم ليه مش بيحطوا حدود للموضوع ده

هو الاسلام ده حمام عمومي كل واحد مزنوق يخش يفك زنقته ويطلع؟

المفروض ان الازهر لما يجيله واحد يقول له انا اسلمت المفروض يمتحنه

ده احنا عندنا سورة اسمها الممتحنة

والمفروض يدوله فرصة سنتين قبل ما يغيروا ورقه

بس يبقى معاه ورقة كده زي تصريح عشان لو مات يندفن في مقابر المسلمين ويتصلى عليه

لكن ما ياخدش اي حقوق اسلامية بموجب هذه الورقة

يعني لا يقدر يطلق ولا يتجوز على مراته ولا يسافر السعودية

الله يخرب بيوتهم

واللي سافر السعودية ده طالع قال يقول لك المسيح ناداني

طيب يعني المسيح قاعد مستنيه لما يعملهم ويكومهم على قلبه ويناديه؟ ما ناداهوش ليه من الاول وريحنا احنا

بصراحة يا منذر احنا اللي مهزأين نفسنا

انا عايزة افهم ازاي واحد لما يبقى عليه شيكات ويسلم الشيكات تسقط؟

هو اللي يسلم ده ياكل حقوق الناس وللا يرجع حقوقهم

ده الشهيد بيتغفر له كل حاجة الا الدين
والرسول وهو مهاجر من مكة ساب سيدنا علي عشان يرجع الحقوق لاصحابها
يبقى ازاي واحد يسلم وياكل حقوق

الناس

انا مش فاهمة هم بيعملوا كده ليه

مافيش طلاق مافيش طلاق

يعني هي الكنيسة ح تألف لهم دين على كيفهم؟

كمان احنا عايزين تعاون من الكنيسة شوية

يعني انا مش فاهمة الكنيسة قبلتهم ازاي بعد عملتهم السودا دي؟

المفروض اللي اسلم عشان يطلق مراته ويتجوز واحدة تانية وبعدين رجع للمسيحية

المفروض انه يتعاقب

مش يتعاقب بانه يتكتب مسلم

لان الاسلام مش عقوبة

اهي دي من الحاجات اللي حرقت دمي واهانتني

انت متلاعب طب انا ح اعاقبك باني اكتبك مسلم؟

المفروض الكنيسة تعاقبه بانها تفرقه عن مراته الجديدة

وكمان ما ترجعهوش لمراته القديمة

وتحرم عليه الجواز خالص مدام بيتلاعب بالدين والجواز كده

يقعد زي الكلب كده لوحده طول عمره

وكمان اللي عليه شيكات

يدفعها سواء اسلم وللا فضل مسيحي

واللي اسلم عشان يطلع اعارة

المفروض الكنيسة تصادر منه على الاقل نص فلوسه

ما ترجعهاش للمسلمين عشان هم يستاهلوا احنا اللي عملنا في نفسنا كده

تاخدها

الكنيسة اصلا بتعمل خدمات للفقرا

تاخدها تديها للفقرا

انما احنا كده نبقى ممسحة للرايح واللي جاي

هو احنا ناقصين؟ مش كفاية البلاوي السودا اللي عندنا ومش عارفين نخلص منها

كمان ح نمشي نلم في بلاوي الناس


irc president

انا معجبة بذكاءك والله

Anonymous said...

Links are OK
I tested them and they are working fine..

Anonymous said...

من أيام 11 سبتمبر و الأقباط ماشاءلله شادين حليهم علينا

شافوا بوش في التلفزيون بتقول انه حايرجع الحروب الصليبيه و قاموا اتجننوا من الفرح

زي اللي ماصدق و لقي فرصه يطلع كل البلاوي اللي جواه

اشي محطات فضائيه مرئيه و اشي مسموعه و اشي مقريه

و شتيمه في المسلمين و شتيمه في النبي

نبي الاسلام . . الكذاب الارهابي المجرم القاتل المغتصب السارق الظالم المنافق

والله ماسابوا شتيمه و لا مسبه الا اما شتموا النبي بيها

مواقع الأقباط علي الانترنت فيها ايه؟

كلها شتيمه و تشكيك و تكفير في المسلمين

و ماحدش يقول لي حالات فرديه . . اوريكم بدل الموقع الف


علي سبيل المثال

موقع الأقباط متحدون . . اسم علي مسمي

من اكبر المواقع القبطيه علي النت

متحدون مع مين يا تري ؟؟؟ خلي الطابق مستور

متحدون ضد مين؟ ضد المسلمين الغزاه اللي احتلوا مصر من 1400 سنه

ليه موقع الاقباط متحدون يكاد يكون خالي من اي مواضيع قبطيه . . فين المواضيع عن المسيح و لا الانجيل و لا الصليب و لا القديسين؟؟؟

. . كل المواضيع اللي فيه عن الاسلام و ازاي الاسلام دا دين متخلف و المسلمين دول مجرمين كذابين منافقين ارهابيين وا وا وا

دول اخواتنا الاقباط . . اللي عشنا معاهم 1400 سنه . . بيحبونا . . موت


و انا حاقولها بكل صراحه

القبطي اللي مش عاجباه مصر اللي فيها 70 مليون مسلم غازي . . الباب يفوت جمل يا حبيبي . . حل عن قفانا

و فاضل سنه و حبيبكم بوش يطلع معاش و معاه كل اليمين المسيحي المتطرف اللي انتم شايلين كل امالكم عليه


حاتعملوا ايه ساعتها يا شطار؟

Anonymous said...

ادي مقدمه من مقاله من موقع الاقباط متحدون

و الرابط اهو

http://www.copts-united.com/wrr/go1.php?subaction=showfull&id=1185389266&archive=&start_from=&ucat=3&





اسم الكاتب : جورج المصري
25/07/2007

تلمع عيون القبطي عندما يري شيء غالي الثمن ويسال فورا بكام ؟
سؤالي لكم اليوم.. ما هو ثمن حريتك وثمن حرية أولادك وثمن حرية وطنك؟
البخل في العطاء هو سبب سرقة أغلي ما أمتلكه الأقباط. البخل في بذل النفس و الوقت و الجهد هو سبب سرقة مصر من يد الأقباط شعب مصر الأصلي.





كده برضه يا نواره يا حراميه؟ تسرقي مصر من يد الأقباط . . شعب مصر الأصلي؟

ههههههههههههه

تحياتي

:)

Anonymous said...

ice prisedent

يعني ازاي هجيب لحضرتك الاسانيد و البراهين في كومنت على بوست و عموما انا كان كلامي مبني على نقاش سابق حصل بيني و بين صاحبة المدونة

و بعدين سيادتك جاي تقولي انا هنا ان مش من حق المسلم انو يكفر اي حد طب ايه رأيك في اية لقد كفر الذين قالو ان المسيح ابن اللهو الحديث بتاع الفرق بين المسلم و الكافر ترك الصلاة و غيرهم كتير و بعدين ما الشيوخ عمالين يكفرو الناس حالا بالا في كل صلاة جمعة و انا يا دوب بردد كلامهم و ناقل الكفر ليس بكافر

و بعدين انا اتحداك انت شخصيا انك تكون مبتعتبرش ناس زي القمني و عشماوي و ابو زيد و صبحي منصور و جمال البنا مش حسن البنا و خليل عبد الكريم كفار؟ ولا ايه ؟؟

و بعدين برضو وجهة النظر الي انا افصحت عنها في مقارنة المعتقد و الشرع الاسلامي بين الان و في الماضي دي مكانش ليها دعوة بالاساس بموضوع الولدين و لو تاخد بالك انا قولت اني هتكلم في حاجة تانية و ياريت تفكر فيها تاني بالشكل ده

نوارة

انا منكرش انو نيو لوك بس نيو لوك قوي اوي او بأى حلو اوي لانه مبني على نصوص و على قواعد فقهية و حاجة كمان ايوة الوهابية كأسم جديد لكن الفكر الوهابي قديم جدا يمكن من ايام اصلا محمد الرسول و كانو متبعينو بيتسمو الخوارج او الطوائف و افكارهم مبنية على اطروحات ابن القيم و ابن تيمية و ابن حنبل و دول ناس اقدم بكتير من محمد ابن عبدالوهاب

مش عشان متربي في السعودية يا نوارة

السؤال هل هو الاجتهاد أم النص ؟؟؟؟ و لو هوا الاجتهاد يبقى هيتعمل ايه في النص ؟؟؟

بس

خالص تحياتي و احتراماتي يا نوارة

Anonymous said...

الاخت العزيزه نواره

أرجو ان يتسع صدرك للتعليق الاتي


اولا - بتقولي راجل ابن ستين في سبعين و انتي لا تعرفيه و لا شفتيه و لا سمعتي القضيه من وجهه نظره

اللي فهمته من كلامك انه كل واحد مطلق مراته يبقي حتما و لابد ابن ستين في سبعين

ثانيا - احنا مش عارفين اذا كان فعلا مش بيصرف عليهم او مش بيزورهم. دا كله كلام المطلقه و احنا ماسمعناش رده و لذلك لا بجوز الحكم عليه

ثالثا - الاب اشهر اسلامه بنطق الشهادتين و بالتالي فأطفاله مسلمين بالتبعيه

مالناش دعوه اسلم بقلبه و لا بلسانه . . شروط التحول للاسلام واضحه و صريحه . . و هي نطق الشهادتين

ماحدش اجبر الاب علي الاسلام و من حقه ان اطفاله الغير بالغين ان يتبعوه دينيا


رابعا - الدكتوره سعاد صالح استاذه الفقه الاسلامي احسنت التعليق و نقلت رأي الشرع الصحيح

الاطفال دون سن البلوغ بتبعون دين ابيهم لو أسلم و لا يتبعونه اذا ارتد

دا الدين الاسلامي كما نزل . . اذا مش عاجبك احكامه . . دي تبقي قضيه تانيه


خامسا - موضوع ابن سيدنا ابو بكر دا لا يخضع للقياس لأن الأسلام كان مازال في نشأته و لم يكن هناك نظام اسلامي متكامل بعد

و بالمناسبه .. ابن سيدنا ابو بكر كان طفل و لا بالغ؟

سادسا - ماريو و اندروا يرفضوا الاسلام زي ماهما عايزين . . مش احنا اللي اجبرناهم . . ابوهم عاوز كده . . و هما لسه اطفال لا يعتد برأيهم

الموضوع بينهم و بين ابوهم . . مش كل مصيبه نرميها علي دماغ الاسلام و المسلمين

شفتي فين قبل كده طفل واحد بيقرر ديانته؟


سابعا - د.نصر حامد ابو زيد ربما يكون مسلم علي الورق و لكنه غير مؤمن بالاسلام كدين سماوي او بوجود الله او بنبؤه سيدنا محمد

الموضوع كله من وجهه نظره تراث و اساطير الاولين و ده مش كلامي انا . . دا كلامه اللي كاتبه في كتبه

ثامنا - المدرسه مالهاش اي ذنب
الاداره التعليميه هي اللي غيرت دين الاطفال بناء علي رغبه الاب و هو دا القانون . . الاطفال تتبع ديانه الاب

اللي مش عاجبه القانون يطالب بتغييره


تاسعا - اندروا و ماريو و والدتهم و كنيستهم لا يحترموا دينك كما ذكرتي في البوست

و لا يعترفوا بالاسلام دين و لا بمحمد نبي و لا حتي اننا بنعبد نفس الاله

المسلمين في نظر المسيحيه عبده اوثان و نبيهم محمد ضحك عليهم و لبسهم دين غير موجود ل اله غير موجود

يبقي بيحترموا الاسلام ازاي و هما مؤمنين بانه دين وهمي و رسول كذاب و اله غير موجود؟


مش عارف ايه سر انبهارك بالمسيحيين؟

يا ريت نشوف حد مسيحي كده قلبه واجعه علي الغلابه المسلمين اللي بيتدبحوا في اقصي الارض و مغاربها


و لا يمكن الموضوع انك شفتي واحده مطلقه و بتقول جوزها بهدلها قمتي خدتي صفها
و ابتديتي الكلام ب

واحد ابن ستين في سبعين



و شكرا لاتاحه الفرصه للتعبير

تحياتي

Anonymous said...

هاى جبهه صباحك ورد وفل
:
بصي انا مكنتش عاوزة اكتب تانى فالموضوع دا بس الفضول الانسانى خلانى افتح عينى اشوف اخر ما اتكتب وزقريب لنا هاروق دماغى واكتب بوست عندى عن الموضوع دا انا بس عايزة اقولك حاجه صغيره انتى بتقولى نمتحن اللى عايز يسلم لمده سنتين طب اخر سؤال تفتكرى لو واحد مسيحي عايز يخلص من مراته او واحده عاوزة تخلص من جوزهاوقاعدة ادام الكنيسه كذا سنه مش عارفين يطلقوا تفتكرى ان السنتين دول بتوع دراسه الاسلام ها يعدوا هوا بالنسبه لهم وبعد كدا يعوزوا يتجوزوا حد مسيحى يقوموا ير حعوا تانى يقولوا عايزين نرجع دينا!!! انتى عارفه ان جوز هاله صدقي البابا احد دلوقت مش راضى يجوزة ورافع قضيه عليه امام المحاكم انو متعنت ضده؟؟؟طب لواسلم عشان يجوز ويخاص من الموقف دا حتى لو مدة سنتين ورجع عاوز يبقى مسيحى تانى يبقى ايه الحل؟؟ نرجعه تانى ولا نبقى بنكتبه غصبانيه واقتدارمسلم!!!ا
هاقولك كمان حاجه ان ابو ماريو واندرو اسلم ورجع تلات مرات وحكايه ان مراته عرفت انه اسلم بلسانها قالت انها عرفتها فى 2003وزى ما بتقول مضاها عافيه على ورق اسلامها طب لحنا دلوقت فى 2007 طب سكتت ليه كل دا؟؟؟ وايه خلاها تتكلم كل دا اقولك انا:نطقت عشان اتجوز عليعا واحده مسلمه لدرجه ان وائل الابرشى قال لها دى غيرة نسائيه بقى؟؟ يعنى هى طرمخت وكبرت دماغها بمزاجها مش عشان عيالها دا كان عشان صفقه ما بينهم لما اخل هو بالاتفاق واجوز عليها هى بتنتقم منه فى العيال
انا صعبان عليا العيال لان هما هايطلعوا مشوهين من الحياة اللى هايكبروا فيه مش عشان مكتوبين مسلمين!!ا الولاد دول ضحيه اب وام مستهترين... تحياتى لك ومحبتى

Anonymous said...

نواره صباح الفل
اسمحيلي الاول اني اشير للتدوينة الجامدة دي في إطار تدوينة عندي عن الموضوع ..

ثانيا .. لفت نظري كلام قالته بنت القمر في تعليقها الاخير على تفاصيل الحكاية بتاعة اندرو وماريو
المشكلة في اندرو وماريو وبس ولا في الحكاية الفردية .. هي الفكرة ان الحكم هيكون سابقة هسيتند عليها كل من هم في نفس الحالة .. عشان كده الموضوع مهم

ممكن يكون الأب والام مهببين بنيلة .. سواء الأب اللي اسلم عشان عايز يسيب مراته (والله اعلم ربما اسلم عن اقتناع) ولا الأم اللي طلعت دينه لحد ما خليته يخرج منه (وربما برضه هي مظلومةمسكينة .. الله اعلم بالنوايا) لكن المهم هنا .. الاطفال .. الطفلين دول .. وغيرهم .. المبدأ يا بنت القمر .. يعني إذا احترمنا انسانية البني آدم وضعفه الانساني وانه ممكن يتخذ قرارات حمقاء في لحظات الضعف .. لازم القانون يحميه مش يدوس عليه

ليه الانسان يكون مسلم بالتبعية لأبوه يعني؟؟؟ طيب ولو العكس .. ايه هيحصل .. ليه الانسان مابيبقاش مسيحي بالتبعية برضه في حالة اعتناق والده للمسيحية؟؟؟؟
تطبيقا للعدل بقى

مع كامل اعتراضي على التبعية المطلقة دي ,, والتبعية اللي بالعافية

القضية هنا مش الزوج اللي أسلم ولا الزوجة اللي عايزة نفقة ولا مش عارف ايه .. القضية هنا قضية طفلين لا يعرفوا عن الاسلام شيئا ولا يريدون ان يكونوا مسلمين .. ولكن بمزاج الأب وسطوة القانون هيبقوا مسلمين بالعافية .. أو بالزور

Anonymous said...

بلو ستون الانسان فى لحظه ضعفه برضه ممكن يقتل يسرق يزور والمجتمع يدفع التمن.. ارجو قراءه تعيقاتى من اولها بتانى عشان تعرفى الابعاد الاجتماعيه الرهيبه للتهريج دا!!! اخيرا يا ستى لما يكبروا يبقوا ياخدوا بطاقه بالدين اللى عاوزينه بس مش قبل 21 سنه يا ناس لازم يكبروا وبعدين يختاروا وزنبهم فى رقبه اهلهم اللى لوحا دماغهم محدش ها يعتنق حاجه بالعافيه ولا يمارسها انا بتكلم عن الورق..اللى بتترتب عليه حقوق وواجبات جواز وطلاق ومواريث تحياتى لشخصك واعتذر من اختى جبهه على الحوار الجانبي دا فى بيتها قصدى مدونتها..ا

Anonymous said...

بنت القمر ..
معلش نوارة تستحمل الحوار الجانبي في دوارها بقى

احنا كده فعلا ما اختلفناش .. انا برضه شايفة ان الاب (لو كان فعلا زي ما قالوا عليه والله اعلم بظروفه) يبقى بيهرج وبيستعبط كمان

هما الاتنين مش مهمين بالنسبة لي. . كل واحد بيدفع تمن اختياراته في الحياة
لكن الاطفال هم فعلا اللي في مأزق .. وانتي زي ما قلتي .. من حقهم يفضلوا على نفس ديانتهم لحد 21 سنة وبعدين يبقوا ياخدوا ورق رسمي بالدين اللي هما عايزينه ويختاروه

انا كنت من أكثر الناس المؤيدين لفكرة ان اللي عايز ينتقل من دين لآخر بمنتهى المساواة والحرية في الاعتقاد انه يخصص ليه فيما يشبه الكورس لمدة زمنية معنية
وانا قلت الكلام قبل كده هنا عند نواره
يعني مثلا 3 سنين أو سنتين مش لازم يبقى اختبار ولا حاجة .. يخصص ليه دراسة متأنية للدين اللي هو مقبل عليه .. منها ضمانا للجدية ومنها استفادة ليه هو شخصيا ما دام عايز يغير

لكن يمكن نختلف في مسألة الورق .. انا لا اتفق ابدا مع اللي قالته سعاد صالح على العاشرة مساء .. انهم يزوروا ويقبلوا يبقوا مسلمين على الورق لحد ما يبلغوا وخلاص ..
دي تقية ولا تزوير ولا نفاق ولا ايه بالظبط ؟؟

تحياتي ليكي مرة تانية
ولنوارة

Anonymous said...

عندي شوية اسئلة
هل الدين بالوراثه ؟؟ هل سنحاسب يوم القيامة علي اساس خانة الديانة في البطاقة الشخصيه ؟؟
ما هي فائدة ان تضع بيانات مخالفة للواقع في البطاقة الشخصية ؟؟ هل ينتقص من قدر أي دين تحول احد اتباعه الي دين اخر ؟؟ هل تغيير دين احد افراد عائلة ما هو بالضرورة تغيير لقناعات و ايمان و عقيدة باقي العائلة ؟؟
هو في ايه بالظبط ؟؟

Anonymous said...

غير كل ده
هو فين ابوهم ؟؟ ليه ما طلعش في اي برنامج يتكلم و يقول لنا ايه وجهة نظره و ما هي قناعاته الشخصيه
اتمني اني اشوفه فالتليفزيون قريب هو كمان

Anonymous said...

بلو ستن العزيزة....يظهر كدا ان جبهة طفشت وسابت لنا البلوج طيب ما نكتبهمش مسلمين.. طب نكتبهم ايه انا ابدا مش ضد حريه الاعتقاد كل واحد عايز يغير دينه يغيرة وماله انشاء الله يبقى هندوسى لكن يرجع تانى يبقى بيلعب انتى عايزة تفهمينى ان الراجل البالغ العاقل يغير دينه ومش عارف هو عاوز ايه ما بالك العيال الصغيرة اللى عايشين فى جو مضطرب.. ولا الحكومه كل اسبوع تعمل لهم ورق شكل... ومابالك لو العيال دى اتصالحت مع ابوها فى يوم فكرى كدا فكري بامانه هو ممكن يكون بيعاند الام دلوقت وممكن برضه يصالحهم من باب العند ورجعوا باعوا امعم وقالوا طب احنا عاوزين نسلم زى ابونا تقوم الحكومه كل حبه تعمل لهم ورق شكل يبقى حلو كدا؟؟؟
وممكن لما يكبروا اللى يجوز مسلمه واللى يجوز مسيحيه ويقولو لا ابونا مسلم والتانى يقول اصل امى مسيحيه... ياجماعه الاعتقاد حريه شخصيه لكن التنطيط والمرئعه حسب الهوى الشخصي.. مش لازم يتساب مفتوح كدا
فكري بجد تحياتى ومحبتى ...

Anonymous said...

يانوارة
اولا الاعتراض على الشريعة مايكونش بالهجوم دا
طول ما ان السيدة سعاد صالح او غيرها اعلم منا فى الدين.. يبقى واجب علينا احترام آراءهم ايا كانت ودا مش معناه جهل بالعكس.. احترام للنفس بدل الدخول فى جدل مش من تخصصنا اصلا


ثم انما زى ماقالت بنت القمر.. الاولاد مسؤولية الاب... هو اللى بيربيهم اساسا
سواء مسلم بقى مسيحى.. هندوسى حتى.. هو ابوهم وحر فيهم لحد سن البلوغ
لانه فى حاجة يا نوارة.. اظن ان دلوقتى مافيش حد بيغير دينه قبل سن البلوغ.. المعظم بيعيش تبع الدين اللى اتولدوا عليه.. يعنى الدين اللى اختاره الاب والام لهم.. يعنى برضو مسؤولية الاب والام مش الاولاد اللى فى السن دا

ثم بعيدا عن الحوار دا اساسا...
احب اوضح بس حاجة للخف من هذا الجدل

وهو ان الدين لا ياخذ بالعقل
بل يأخذ بالشرع عن علي رضي الله عنه قال:
( لو كان الدين بالرأي لكان أسفل الخف أولى بالمسح من أعلاه لقد رأيت رسول الله صلى الله عليه وسلم يمسح على ظاهر خفيه) رواه أبو داود والدارقطني.

(توضيح النص.. بيتكلم عن الوضوع فى حالة لو انك لابسة جورب.. فبتمسحى على ظاهر رجلك وليس باطنها)

لذلك ماينفعش آجى دلوقتى واقول وانا اعمل كدة ليه ومش كدة ليه والا الدنيا ح تبقى سايبة!
وهو بقت فعلا سايبة



بى اس: ممكن تكملى باقى ردى عند بلو روز..

Anonymous said...

اه للعلم بالشئ انا لا مع ولا ضد... بس حبيت اوضح نقطة حسيت انه جايز يكون فيه التباس
وياريت تكون وضحت الصورة

Anonymous said...

من الواضح إن حضرتك متأثر قوي زيي بعيشتك في السعودية يا أستاذ تحوتمس

بص، أنا عشت أكثر من 12 سنة من عمري في السعودية، وبكره التفكير السلفي أكثر منك

إنت لسا بتقول الإجتهاد أو النص، كويس؟ دلوقتي هل إنت عارف إن فيه إجتهاد مع النص؟

إللي هو التفسير الآخر؟

وبرده القاعدة الشرعية إللي إنت مهملها تماما

إللي هي إستفتفي قليك وإن أفتوك؟

والقاعدة الشرعية الثالثة

حيثما وجدت المصلحة العامة وجدت الشريعة والعكس بالعكس

المشكلة مع السلفيين إنهم إتبعوا تفسير واحد تقريبا وخلاص، وده نتيجة مباشرة للدولة الدينية الفاشية، زي مصر بالضبط. الفرق إن عندهم العدد قليل والفلوس كثير فالقمع سهل

ولو تعرف أو تسمع أو تقرأ في أي مصدر، أسهلها المدونات السعودية، هتعرف أد إيه الشيوخ المحترمين بيتحاربوا من الدولة، زي في مصر بالظبط

لو إنت عايز تخش في معمعة الأحاديث الضعيفة وتأثيرها أنا مستعد

Anonymous said...

أقصد بزي مصر هنا كدولة فاشية مش دينية طبعا

Anonymous said...

بنت القمر العزيزة:
غالبا نوارة ممكن تقفل التعليقات بسببنا .. بس ما علينا .. لو عايزة نكمل عندي مفيش مشاكل انا كتبت موضوع عن نفس القضية لو تحبي..
وبرضه لو نوارة معندهاش مشاكل نكمل هنا

(طيب ما نكتبهمش مسلمين.. طب نكتبهم ايه)
هما أصلا في شهادة ميلادهم مكتوبين مسيحيين .. فاهمة قصدي ..؟
ابوهم لما خلفهم كان مسيحي .. وقانونا هنا في مشكلة هل الابن يتبع دين والده اللي انتقل ليه قبل ميلاده ولا بعد ميلاده؟؟
لان الاب كمان لما غير ديانته ساب البيت ومحدش يعرف عنه اي حاجة .. يبقى الابن القاصر ده ذنبه ايه؟ اذا كان ابوه أصلا ما سألش عليه ومافكرش يضمه لحضانته وهو أصغر سنا من كده قبل حتى ما يتربى 13 سنة على تعاليم تانية خالص

لو اخدتي بالك في الحلقة الام قالت ايه ؟
لو كان ده مسلم بجد كان على الاقل عمل اقصى جهده عشان يضم الاولاد ليه وهما صغيرين عشان يعلمهم اي حاجة .. كان موت نفسه عشان يهديهم لو كان اهتدى بجد .. ده كلام الأم وفيه شوية منطق برضه .. ولا ايه

افتكر الحل المنطقى انهم يفضلوا زي ما هما (لانهم قانونا وفعليا في حضانة الأم) ويسيبوهم في الحالة اللي هما عليها دلوقتي .. لحد ما يبلغوا وبعدين يسألوهم ويكتبوهم حسب ما هما عايزين ..

(كل واحد عايز يغير دينه يغيرة وماله انشاء الله يبقى هندوسى لكن يرجع تانى يبقى بيلعب)
انا مليش دعوة بالاب نهائي ولا اعرف مشكلته لاني لم اسمع منه اصلا
انا كنت بحاول التمس له الاعذار لانه الطرف الغائب في القضية .. والمفروض اني أكون اكثر غضبا عليه بحكم ما فعله ..
لكن وانا مالي .. هو حر
الفكرة ان الفسحة اللي بين الاديان دي مش مظبوطة .. لكن النوايا ربنا اعلم بيها .. ومن حق كل انسان انه يفضل يبحث عن قناعات تريحه طول عمره
يبقى الحل في محاولات لضمان الجدية وفي نفس الوقت لا تؤثر على حرية الاختيار ..

(ايه ما بالك العيال الصغيرة اللى عايشين فى جو مضطرب)
زي ما نواره قالت هما مش صغيرين .. هما عايزين الوضع اللي هما فيه .. لحد ما يوصلوا لسن يكونوا قادرين على القرار
هما اتربوا على كده ومقتنعين باللي هما فيه .. اجبرهم ليه على اختيارات اخرى هما رافضينها؟
مهما كانوا صغيرين مش هتقدري تعلميهم حاجة مش عايزين يتعلموها .. فاهماني ؟
هما اتولدوا مسيحيين وعاشوا كده ومرتاحين كده ..
إسلام الأب شأنه الخاص وهو بالغ ولديه حرية .. لكن لا يجب أن يورث اختياراته لاولاده أصلا .. خاصة وانه لم يحاول حتى اقناعهم أو رؤيتهم ورعايتهم

قبل ان نتكلم عن إسلام الرجل وحقه في أسلمة أولاده .. علينا أن نتكلم أولا في الأب .. أي أب هذا ؟؟؟


(ومابالك لو العيال دى اتصالحت مع ابوها فى يوم فكرى كدا فكري بامانه هو ممكن يكون بيعاند الام دلوقت وممكن برضه يصالحهم من باب العند ورجعوا باعوا امعم وقالوا طب احنا عاوزين نسلم زى ابونا تقوم الحكومه كل حبه تعمل لهم ورق شكل يبقى حلو كدا؟؟؟)

انا مش فاهمة السؤال ؟؟
بس اللي فهمته انهم ممكن يغيروا دينهم بحسب المؤثر عليهم..
هما دلوقتي أطفال مالهمش ورق أصلا عند الحكومة إلا شهادة الميلاد
لما يبلغوا ويطلعوا بطاقة هيبقى الخانة بتاعة الديانة .. يطلبوا من كل واحد فيهم انه بما انه بالغ يقول هو عايز يبقى ايه .. واللي هيقولهوه ساعتها هيكتب .. ولو حبوا بعد كده يغيروا يعني يسلموا أو يرجعوا أو القصص

فدي قصة تانية خالص .. هيكون الكلام فيها عن اقتراحات ضمان جدية طالب تغيير الدين من خلال الدراسات وكل الكلام ده ..

انا قلت لك قبل كده هما مش هيفضلوا من غير ورق طول العمر .. لأ .. لحد ما يبلغوا عشان يقرروا بحريتهم


وبعدين بعيد عن الهوسة دي كلها
لو شالوا خانة الديانة من البطاقة هيرحموا دماغنا من الهيصة دي كلها .. الدين أصلا علاقة شخصية بين البني آدم وربنا .. الحكومة مالها مال الكلام ده ,,,

Anonymous said...

يا جماعة أكيد للجميع حرية الانتماء للدين اللى هما عاوزينه ، بس لازم الموضوع ما يبقاش تهريج وتلاعب ، يعنى شوية مسلم وشوية مش مسلم ، اللى بيحصل الان ده بصراحة تهريج ، واستهبال من البعض ، الإسلام لن يزيد فضلا إذا دخله فلان أو ينقص إذا خرج منه فلان ، بس لابد من احترام الدين ، مش كده ولا إيه ؟؟؟

Anonymous said...

نوارة
الحل هو الغاء خانة الديانة فى البطاقة والغاء المادة التانية من الدستور ونقولها زى سعد زغلول الدين للة والوطن للجميع
اما بالنسبة لزوج الست دى فباين علية عيل مالوش لازمة
ودة مايشرفش اى دين ينتمى الية والدين الاسلامى مش هيزيد ولا هينقص بواحد ابن متضايقة زى دة
واما عن الاولاد وامهم حتى لو طلبوا هما يبقوا مسلمين بعد اللى اتقال على التليفزيون نقول لهم متشكرين شطبنا ومش عايزين زباين .لازم يكون عندنا كرامة .احنا فى بلدنا واحنا ناس فلاحين بنت كانت مدرسة مسيجية وابوها كان رجل دين فى الكنيسة وحبت واحد زميلها مدرس عربى ودين واسلمت وسافرت معاة السعودية خوفا من انتقام اهلها وبعد مابقى عندهم 3 اولاد اخونا المسلم طلع ندل وطلقها .لكن هى مع ذلك ظلت متمسكة باالاسلام ومربية اولادها على الدين الاسلامى وكل الناس بتحترمها حتى اهلها المسيحين حاليا بيزوروها والجميع متقبل الوضع.
يابنتى الندالة مالهاش دين وزى مافية مسلمين اندال برضة فية مسحيين اندال
شكرا يانوارة
ابو النجوم

Anonymous said...

ice president

و اذا كان النص هوا الي بيقولك لا اجتهاد مع النص يبقى منين انت جبت ان فيه اجتهاد مع النص

صدقني انا بحترم جدا فكرك و فكر نوارة بس بكل اسف و مرارة و حزن بقولكو انتو بتنفخو في قربة مقطوعة

Anonymous said...

فين أم النص ده يا عم :D

وأنا
irc
يا باشا، مش
ice

:D

Anonymous said...

بلوستون , أحييك :رأيك منطقى ومحايد ,أكثر الله من أمثالك . أما بنت القمر فهى متحامله على الأم لمجرد أنها مسيحيه ! مع أنها هي اللى تعبت وربت ومش أى تربيه ,دول ولاد ما شاء الله يشرفوا بصحيح . وعجب العجاب أنها تحاول أن تجد مبررات للأب لمجرد أنه أسلم !ده كفايه أنه بيعند مع الأم على حساب أولاده وما كلفشى خطره أنه يدافع عن وجه نظره !!!!!!!!يا ناس حرام ,هى الأم تتعب وتربى والأب يكبر دماغه ويجرى وراء أهواؤه وبعدين يتحكم فى أولاده لمجرد أنه أبوهم بالأسم بس ؟ أنا من رأى نواره ,أن أى حد عايز يغير دينه نديله فرصه سنتين حتى يتأكد وده مش عيب أى أنسان ممكن يغير قناعاته بمرور الأيام وكلنا مع تجارب الحياه ونضوجنا بتتغير أفكار كتير بداخلنا .وشكرا

Anonymous said...

ملحوظه : الأولاد هما اللى مش عايزين يتلاعبوا بالدين ! دى الحكومه هيا اللى عاوزاهم يتلاعبوا وسعاد صالح نتقولهم خليكم مسلمين سنتين كده وبعدين غيروا زى مانتوا عايزين ! يعنى ماشوا حالكم عشان تعيشوا!!!!!!!!!!!!

Anonymous said...

بسم الله الرحمن الرحيم

و لن ترضي عنك اليهود و لا النصاري حتي تتبع ملتهم

صدق الله العظيم


أبدا يارب والله ما حانفرط في دينك مهما حصل . . مهما حاولوا ينصرونا و يشككونا و يلخبطونا

شروط الاسلام نطق الشهادتين فقط
ربنا ماقلش نعمل رسم قلب و نشوف جواه ايه

و الدكتوره سعاد صالح استاذه الفقه المقارن قالت حكم الشرع . . الطفل غير البالغ يتبع دين ابوه اذا اسلم

دينا كده . . احكامه كده . . مانقدرش نغيره . . و لا لماريو و لا لأبو ماريو


اللي مش معجب بأحكام الشرع في قانون الاحوال الشخصيه . . يطالب بقوانين وضعيه . . و يتم التصويت عليها في مجلس الشعب


و لا حول و لا قوه الا بالله العلي العظيم

Anonymous said...

بسم الله الرحمن الرحيم

و لن ترضي عنك اليهود و لا النصاري حتي تتبع ملتهم

صدق الله العظيم





من موقع الأقباط الأحرار

اهو الرابط
http://freecopts.net/forum/showthread.php?t=13144


لابد من تغيير اسم مصر ليصبح الجمهورية المصرية، فبلدي ليست عربية ولا إسلامية

لابد من تغيير علم مصر العروبي العنصري
لابد من علمنة مصر وإلغاء أية إشارة للأديان في الدستور

لابد من إلغاء تقسيم مصر لدوائر انتخابية متعددة واعتبارها دائرة انتخابية واحدة

لابد من انضمام كل المسيحيين والمسلمين المتنورين لحزب مصر الأم العلماني

لابد من تبني اللغة المصرية القبطية كلغة رسمية لمصر

Anonymous said...

الاخ عمرو 220
انت قلت
:
"
و الدكتوره سعاد صالح استاذه الفقه المقارن قالت حكم الشرع . . الطفل غير البالغ يتبع دين ابوه اذا اسلم

دينا كده . . احكامه كده . . مانقدرش نغيره . . و لا لماريو و لا لأبو ماريو

"

ممكن نصوص من القرآن وصحيح الحديث اعرف بيه ازاي "حكم الشرع" بقة كدة؟

معلش اصلي متلخبط شوية
شكرا

Anonymous said...

الأخ ابن عبد العزيز

سيبك من كلامي . . انا مش شيخ و لا عالم

يا ريت سعادتك تروح تسأل اي شيخ أو عالم اسلامي و هما حيقولوا لك رأي الشرع

Anonymous said...

في برنامج العاشره مساء

اصر ماريو و اندرو ان قرار شطب ورقه الامتحان كان قرارهم بدون تدخل من الام


لاكن موقع تاريخ الاقباط علي النت بيقول كلام تاني

بيقول ان الام هي اللي فضلت رسوب الولدين و ان القرار كان قرارها هي

اذا ماريو و اندروا لسه اطفال بيسمعوا كلام ماما و مش بالغين عشان يقرروا هما مسلمين و لا مسيحين

يعني ببساطه الموضوع كله خلاف بين اب مسيحي اسلم و بيطالب ان اولاده القصر يتبعوه في دينه . . و بين الام المسيحيه اللي حاشده الكنيسه وراها

يا تري مين فيهم الكداب . . ماريو و اندروا و لا مواقع الاقباط علي الانترنت؟



و اهو الرابط

http://www.coptichistory.org/new_page_1953.htm

بدأت‏ ‏القصة‏ ‏في‏ ‏عام‏ 2000 ‏عندما‏ ‏أشهر‏ ‏الزوج‏ ‏مدحت‏ ‏رمسيس‏ ‏إسلامه‏ ‏ليتزوج‏ ‏من‏ ‏سيدة‏ ‏أخري‏ ‏خلاف‏ ‏زوجته‏ ‏كاميليا‏ ‏لطفي‏ ‏التي‏ ‏روت‏ ‏لنا‏ ‏قصتها‏:‏
لم‏ ‏يلبث‏ ‏زوجي‏ ‏أن‏ ‏تزوج‏ ‏بإحدي‏ ‏المسلمات‏ ‏حتي‏ ‏قام‏ ‏بتطليقها‏ ‏في‏ ‏عام‏ 2002, ‏وذهب‏ ‏بعدها‏ ‏للكنيسة‏ ‏يطلب‏ ‏المغفرة‏ ‏والعودة‏ ‏إلي‏ ‏الديانة‏ ‏المسيحية‏ ‏سرا‏ ‏حيث‏ ‏لم‏ ‏يستطع‏ ‏تغيير‏ ‏أوراق‏ ‏الهوية‏ ‏الخاصة‏ ‏به‏, ‏لكنه‏ ‏عاد‏ ‏ليتزوج‏ ‏من‏ ‏سيدة‏ ‏أخري‏ ‏مسلمة‏ ‏في‏ ‏أوائل‏ ‏عام‏ 2003. ‏وأنجب‏ ‏منها‏ ‏ولدا‏, ‏ففقدت‏ ‏كل‏ ‏أمل‏ ‏في‏ ‏الرجوع‏ ‏إليه‏.‏

ثم‏ ‏أقمت‏ ‏دعوي‏ ‏قضائية‏ ‏ضده‏ ‏لأحصل‏ ‏علي‏ ‏الطلاق‏, ‏وكان‏ ‏ذلك‏ ‏في‏ ‏أوائل‏ ‏عام‏ 2004, ‏فما‏ ‏كان‏ ‏منه‏ ‏إلا‏ ‏أن‏ ‏رد‏ ‏علي‏ ‏الدعوي‏ ‏بدعوي‏ ‏مضادة‏ ‏لضم‏ ‏الولدين‏ ‏أندرو‏ ‏وماريو‏ ‏وعمرهما‏ 13 ‏سنة‏, ‏بل‏ ‏إمعانا‏ ‏في‏ ‏العناد‏ ‏أقام‏ ‏دعوي‏ ‏أخري‏ ‏لإنذاري‏ ‏بالدخول‏ ‏في‏ ‏طاعته‏ ‏حتي‏ ‏أجبر‏ ‏علي‏ ‏العيش‏ ‏معه‏ ‏علي‏ ‏اعتبار‏ ‏أن‏ ‏الدين‏ ‏الإسلامي‏ ‏يبيح‏ ‏للزوج‏ ‏المسلم‏ ‏الزواج‏ ‏من‏ ‏مسيحية‏.‏
وللأسف‏ ‏حكمت‏ ‏المحكمة‏ ‏بضم‏ ‏الولدين‏ ‏إلي‏ ‏حضانة‏ ‏الأب‏ ‏واستند‏ ‏الدفاع‏ ‏إلي‏ ‏أن‏ ‏وجودهما‏ ‏مع‏ ‏أم‏ ‏مسيحية‏ ‏يشكل‏ ‏خطرا‏ ‏في‏ ‏التنشئة‏ ‏بابتعادهما‏ ‏عن‏ ‏قواعد‏ ‏الدين‏ ‏الإسلامي‏!‏ وقال‏ ‏دفاع‏ ‏الزوج‏ - ‏والحديث‏ ‏مازال‏ ‏للزوجة‏ ‏كاميليا‏ - ‏إنني‏ - ‏أي‏ ‏الزوجة‏ - ‏سأغذيهما‏ ‏علي‏ ‏لحم‏ ‏الخنزير‏ ‏وشرب‏ ‏الخمور‏ ‏واللذين‏ ‏يحرمهما‏ ‏الإسلام‏!.‏وأصبح للولدين شهادتين للميلاد الأصلية الديانه مسيحيين والمزورة التى أستخرجها الأب الديانة لأب مسلم , فقالت الأم هل يولد الولد مرتين وتخرج شهادات أخرى أنهم مسلمين ؟

ولجأت‏ كاميليا‏ ‏إلي‏ ‏الكنيسة‏ ‏للتدخل ‏, ‏والتي‏ ‏بدورها‏ ‏رفعت‏ ‏المشكلة‏ ‏لمحافظ‏ ‏الإسكندرية‏ ‏ورفضت‏ ‏الأم‏ ‏أن‏ ‏يسطر‏ ‏ولداها‏ ‏سطرا‏ ‏واحدا‏ ‏في‏ ‏ورقة‏ ‏امتحان‏ ‏الدين‏ ‏الإسلامي‏ ‏مفضلة‏ ‏أن‏ ‏يرسبا‏ ‏في‏ ‏العام‏ ‏بأكمله‏ ‏علي‏ ‏أن‏ ‏يثبت‏ ‏عليهما‏ ‏اعتناق‏ ‏عقيدة‏ ‏لا‏ ‏يعتنقاها‏. واثناء إمتحان الولدين الدين الإسلامى حاول المراقبين المسلمين دفع الولدين لكتابة أى شئ وقالا لهما أكتبا أى شئ حتى ولو من الأنجيل‏ فرفضا وكتب‏ ‏كل‏ ‏منهما‏ ‏في‏ ‏الورقة‏ ‏أنا‏ ‏مسيحي , والأقباط لسان حالهم يقولون : أنـــــــــــــــــا مسيحى حتى ولو أنـــــــــــــكر أبويا مسيحى

Anonymous said...

ما يحدث هو عار فى جبين المجتمع باى حق يجبر المواطنين على الايمان بدين اخر بالقوة الجبرية !!

Anonymous said...

مقال رائع

أنا معك في كل كلمة قلتيها