Monday, 23 July 2007

تابع العالقين على المعبر اللي بدهم يروحوا


الحقيقة انا ماليش دعوة بقوافل الاغاثة
اللي بتمثل نقابات او احزاب
او خلافه
احنا صحيح نزلنا على حزب التجمع
اللي في شمال سيناء عشان عنده معلومات
عن الناس لكن مش هو اللي منظم
القافلة دي
او على الاقل اللي نظموا القافلة قالوا لي كده
القافلة دي كانت قافلة شعبية
ده اللي قصدته من قافلة تمثل الشعب المصري
مش قافلة نقابية ولا حزبية
كان عشمي ان المنضمين لقافلة زي دي
مش محسوبة على نقابة ولا حزب
ان يبقى فيها
اولا رجالة
يا رجالة
ثانيا ناس عادية
وللا هو خلاص
اسم الله الشعب المصري
بقى مسيس كله وكلهم في احزاب
وحركات سياسية
لا والاكادة ان المفروض الاعلاميين
يروحوا يعبروهم ويضغطوا على الحكومات
ما جاش من الصحفيين المصريين غير ناهد امام
وزينات
ونور الهدى
وندى القصاص
ووائل عباس
واربعة من الاذاعة الكندية
طيب بقى يا ريت تشوفوا الفيديو
تشوفوا الناس عايشة ازاي
دول فيديوهات بتاعة الناس
اللي نايمة على الحصيرة في
الشارع
وستات ما بتنطقش من الكسفة
فيه امل وللا انتوا بس جايين
تعشمونا
من معبر كرم ابو سالم
خايفين على رجالتهم وولادهم واخواتهم
رجاء تشوفو الفيديوهات
ورغم اني لاحظت ان ما حدش
فتح الفيديوهات ولا بص فيها
بس انا سايقة عليكوا كل نبي
وبالنوسبة للاكل اللي الاغاثة بتوديه
رغم انه مش حل ولا حاجة
بس كمان قليل
وفي الحر بيبوظ والناس جالها
تسمم لانه بيتنقل من القاهرة
لرفح والعريش بالاتوبيس
خمس ست ساعات
يبوظوا اتخن جتة في نار الله الموقدة دي
ده غير ان الاربعة بيشتركوا في وجبة واحدة
لان الكمية قليلة
يعني زي الكمية القليلة اللي اخدناها معانا
من المواد التموينية
واحد من اللي قاعدين تحت الحصيرة
قال لو عباس عنده كلاب مربيهم
كان سأل عليهم اكتر من كده
وواحد تاني راح داخل وقال يحيا دحلان
وواحد تالت قال عليه جاسوس ومش عالق
وواحد رابع قال: انبسطوا الست صورت فضايحكوا
يعني يا عم هي جات عليا انا؟
ما العالم بيصور فضايحنا كلنا
عندي سؤال لو تسمحوا
هو فيه اي تعديل حصل في اتفاقية الدفاع المشترك؟
يعني اتغير اسمها وبقت اتفاقية الذل المشترك مثلا؟
طيب مش تقولوا لنا يا اخونا
يصح كده نعرف من برة؟
ودي مناشدات من داخل
لدرجة ان واحد استنجد بأولمرت
تحت السجر
ودول اللي استضافوهم
ولسة فيه فيديوهات تاني
ولو سمحتوا شوفوها
اديني باطلب بأدب اهو
عشان جمال عيد بيقول اني
باشخط فيكوا

4 comments:

Monzer said...

والله يا أستاذة نوارة
قصة السفربالنسبة لى مشكلة كبيرة فعلا بالنسبة لى
طبعا أتمنى انى أكون موجود معاكم

انا من الوضع ده كتبت الكلميتن دول

قفلت بابك بالستاير
ع الى داخل والى خارج
والمخارج والمعابر
والبيبان حيطة سدة
بالمدافع والخناجر
فى وجه غزة
ده وضع فاجر
م اللمامة م الحثالة
م اليهود الصهاينة
ده حيطة قايلة للسقوط
ده عمارة قايلة للهبوط
على دماغ الأكابر
والعدو فى نفسه شر
واخوانا قاعدين فى الحر
غرام وهيام
فى العدو المكابر
والحبيب والصديق
والمصلح والأديب
فى السجون والعنابر
والدنيا رايقة للسياحة
ومصر ليهم استراحة
جواسيس وليلة
زنا وأباحة
فى مصر الجثارة
قوى وإثارة
وملهى ليلى
فى حته ضلمة
وبلاها فلاحة
فى وش غزة
ده تبقى عزة
ده كفر وتناحة
من الغبى التيس
الى مسمى نفسه رئيس
ومخه عاوزله جراحة
يبطله ده التناحة
يفكره بالأصالة
والوطن الرسالة
بالعافية أو بالراحة

amr220 said...

و الله مانا عارف اكتب ايه؟

بقي لي ساعه عاوز اكتب كلمتين أفش غلي

مش لاقي مفردات تقدر تعبر عن

الحكام العرب


مش ممكن دول يكونوا بني ادمين

و لا حيوانات


والله مش لاقي اي حاجه اعرفها

في الدنيا دي . . اشبهها بالحكام العرب


مخلوقات عجيبه . . كلها سفاله و نداله



العالم كله احتار فيهم

والله شئ لا يصدقه عقل


ليه بس يا مبارك يا خنزير

تقفل المعبر ليه؟

الناس الغلابه دي عملت لك ايه؟

ترميها في الصحرا

لا اكل و لا شرب و لا دوا


بتحب تعذب في الناس ليه؟

انت شيطان؟

أحمد عبد الفتاح said...

نوارة
اختلف معاي في الراي
لان قوافل الاغاثة هي قوافل من تبرعات الشعب
يعني شعبية
وهما الاقدر والمخولين بلم التبرعات
علعموم عندي خبرين
واحد وحش وواحد مش قوي
الوحش
ظهرت حالة جرب بين عالعالقين في مطار العريش
الخبر هنا

http://yalally.blogspot.com/2007/07/blog-post_24.html
الخبر الي يعني
اني خلصت النهرده مونتاج فيلم تسجيلي بسيط كنت صورته في رفح والعريش عن الماساة
الفيلم مدته 30 دقيقة
هحاول ارفعه النهرده يو تيوب
ولو عايزه سي دي عليه نسخة بجوده عالية للعرض انا في الخدمة
المهم نتحرك
علي فكرة
صحفيين كتير قوي راحوا رفح وكتبوا عن الموضوع
اخوان اون لاين كتب والدستور واسلام اون لاين والمصري اليوم
متظلميش الناس الناس شغاله

جبهة التهييس الشعبية said...

انا ظلمت حد؟
انا ما عملتش حاجة غير اني نقلت كلام المختار اللي قال انه بيحيي الجزيرة وان بقية الاعلام متجاهلهم
والكلام ده قاله المختار في رفح وقالته الست اللي تحت التكعيبة
وانا مصوراه وده كلامهم
يمكن عشان هم في رفح ومش كل الصحفيين بيقدروا يوصلوا رفح
اصلا انا مش عارفة احنا وصلنا ازاي
دي حاجة من عند ربنا كده كل الناس اول ما وصلنا قالوا لنا مش ممكن تقدروا تدخلوا رفح
والظابط وقفنا وقال للسواق رفح ممنوع
وبعدين يا اخي سبحان الله
قال لنا طيب امشوا
كده

يمكن عشان كده الناس هناك فاكرين ان الاعلام متاجهلهم