Monday, 9 July 2007

الحكم على شاهندة مقلد بالغرامة ومصادرة كتابها

"من أوراق شاهندة مقلد"
ده اسم الكتاب اللي اتحكم بمصادرته النهاردة
من اوراق شاهندة مقلد هو مذكرات شاهندة
وقصة كفاحها ضد الاقطاع هي وزوجها الشهيد صلاح حسين
العائلة الاقطاعية اللي جه اسمها في الكتاب
وهي عائلة الفقي
رفعت قضية على شاهندة
النهاردة كان حكم المحكمة على شاهندة مقلد
بالسجن ستة اشهر مع ايقاف التنفيذ
والغرامة عشرة الاف جنيه
ومصادرة الكتاب من الاسواق
بكرة يتعمل له سكان وينزل ع النت
اللللللللللللللللل
احنا في انتظار الاستئناف

5 comments:

مروة جمعة said...

صباح الورد يا ست نوارة ..
مجلة (صوت الشرقية ) -اللي هي بلدي ..الشرقية مش المجلة!- مطلعه مانشيت عنده انيميا ..مفاده اننا كشراقوه بنشكر الرئيس مبارك -طبعا على الأرقام القياسية ..المحافظة الفقرية الاولى على مستوى محافظات بحري!- مش عارفه ايه علاقة ده بالست الجميلة شاهندة مقلد ؟..وكتابها اللي اتصادر ؟..احنا متصادرين ..مع الأسف ..وطبعا عائلة الفقي دي مالهاش علاقة بالحاج أبو تزويرة مصطفى الفقي!..اللي صادروا الكتاب عندهم احساس بأن البلد دي الأبعادية بتاعتهم ..الوسية ..اللي احنا لازم نغني لهم فيها قبل ما نغني لها ..ربنا معانا ..وبالنسبة لمصادرة الكتاب الكتاب هيطلع ان شاء الله هيطلع ..اللي يخاف من كتاب ويصادره ..أكيد العد التنازلي بتاعه شغاااال ..يا مسهل ..مليون ..تسعميه تسعة وتسعين ألف ..هههههه ..! كله له نهاية ..منورة يا نوارة الانتصار ..صباح الفل

كراكيب نـهـى مـحمود said...

هكذا اختارت المحكمة ان يقرا هذا الكتاب الدنيا كلها رجعنا لعهد القصايد المتهربة بخط الايد الالكتروني

Muslim&Quptia said...

اقترح اننا نعمل استشكال في الحكم بصفتناواطنين متضامنين مع شاهندة مقلد ودم الشهيد صلاح وكل جزء عزيز من تاريخنا في مصر..
عشان كل اهل كمشيش..حسث ان مصر كلها بقت دلوقتي كمشيش
انا متضامن مع شاهندة مقلد..واتمني يانواره باعتبارك علي صله وثيقة بها انك تنظميلنا يوم تسمحلنا فيه اننا نزورها ونعلن بصفتنا مصريين اولا واخيرا اننا متضامنين ضد الحكم الجائر ده..
ممكن بعد كده نبقي نشيل اسم عيله الفقي من الطبت الجايه ونقول عليهم (الناس التانية) او (الجماعة المفترية
ممكن كمان مخلي مكان اسمهم نقط..من قبيل التسفيه والتحقير..ده اقل ماممكن نعمله
نوارة..فعلا انا النهاردة حزين

viva egypt said...

وهكذا تثبت لنا الايام اننا دائمانراهن الرهان الخطأ فيها ايه لو وقفنا جنب اولاد الفقى الاقطاعيين وجنب الفقى عضو برلمان التزوير بشرطه اصله رئيس لجنه فى المجلس عقبال عندكم ما علينا نرجع لموضوعنا خلينا مع الناس اللى دايما كسبانه دى احسن فكركم ان لو شاهنده مقلد عملت استئناف هاتكسب القضيه يؤسفنى ويحزننى ويسرنى ويصيبنى بالعته انى اقولكم لااااا لان انت اكيد فى مصر فلازم تخسر القضيه زى كل القضايا اللى خسرناها وبنخسرها وهانخسرها يارب نكسب قضيه المجارى بقى محدش يسألنى عنها علشان انا معرفش حاجه عن اى قضيه بالاسم ده

أحمد بدوى said...

أنا قريت الكتاب و عجبنى جدا و بالرغم من أنى مختلف مع فكر الأستاذة شاهندة بس ملاقيتش فى الكتاب كلمة واحدة ممكن تخليه يتمنع !!!!!