Tuesday, 31 July 2007

انقذ نفسك من سيفون التاريخ وبصاق الاجيال




يعني اساسا عباس ابو لباس ده

حتة دمية بتلعبها امريكا واسرائيل

والهدف الاصلي من وجود ما يسمى بالسلطة الفلسطينية

هو القضاء على المقاومة اللي دوخت الصهاينة

فعملوا بحكمة المثل: من دقنه وافتل له

وسلطوا على المقاومة ناس من اهلهم عشان يخلصوا عليهم

ولما ياسر عرفات ما اشتغلش بالكفاءة المطلوبة

قتلوه وجابوا حفيد يهوذا ده

هو والدلدول دحلان

اللي ان شاء الله مصيرهم الى مزبلة التاريخ

لا

سيفون التاريخ

المهم البيان ده من موقع

arabnews

ودليل المدونين

لدعم المقاومة والكفاح المسلح ضد الاستيطان الصهيوني

وتحرير كامل التراب الفلسطيني من هذا الكيان السرطاني

وقبل ما حد يبتدي يأتت في امي ويقول لي

وتوقيعك ده ح يعمل ايه يا ام توقيع

من الاخر كده فلسطين دي ان شاء الله ح تتحرر ح تتحرر

والواغش اللي فيها ح يغور ح يغور

والمقاومة المسلحة هي الحل الوحيد واظن ده مش رأيي

دي التجربة العملية هي اللي بتقول كده

وللا المقاومة المسلخة لما تبقى فرنسية ضد النازي

وللا جيفارية ضد الرأسمالية تبقى حلوة

ولما احنا اللي نعملها يبقى دماغنا فيها تراب؟

على اي حال

الدبان كتر لان الخراء زاد

وعادة الدبان بيعف على الخراء

واحنا كلنا مصيرنا للموت

بس ح يجي يوم واحفادنا ح يتفوا علينا

بجد والله

احنا في زمن لازم ينتف علينا

يبقى على الاقل نسجل موقف اننا مع المقاومة

لحد التحرير

عشان اللي ح يتف

لما يشوف اسامينا ما يجيبش التفة من معاميعه قوي

اهمية البيان تأتي بعد مواقف حماس العصابية

لأن المقاومة مش يعني حماس

حماس هنجت

فيها غيرها يقاوم

لحد ما ربنا ينفخ في صورتها وتفوق

وللا هي كمان تروح على السيفون

:اليكم البيان



دعوة لجمع مليون توقيع لدعم المقاومة وحق العودة وبطلان التمثيل ـ م/ سميح خلف
Sunday, 29 July 2007
أخبار العرب/ كندا
تتسارع الأحداث السياسية على الساحة الفلسطينية ، وأصبح اللعب على المكشوف بعد أن كان متسترا ويلبس زيا وطنيا أحيانا ولكن ها هم
المتنفذون في قرارات منظمة التحرير وفي حركة فتح يعلنون صراحة عن نواياهم الحقيقية في تسوية الصراع العربي الصهيوني ، وما تناقلته الأنباء عن الأوساط الدبلوماسية الغربية حول إسقاط حق العودة وتلاه برنامج فيّاض الذي أسقط حق المقاومة المشروعة للشعب الفلسطيني ، بل زاد على ذلك أن الدولة الفلسطينية لن تأتي عن طريق المقاومة .
ولقد صرح عباس أنه يجب إيجاد حل خلاق لمشكلة اللاجئين أو حل مبتكر ومن هنا استبعد عباس القرارات الدولية وخاصة القرار 194 الخاصة بحق اللاجئين في العودة والتعويض على مائدة المفاوضات القادمة برئاسة وزيرة خارجية أمريكا كونداليزا رايس .
توجهات لعباس وحكومته تمثل منتهى الخطورة على حقوقنا المشروعة في فلسطين وبرنامج فياض يمثل أيضا طعنة لحركة التحرر الوطني الفلسطيني وتجربتها وتاريخها ويريد أن يقول فياض أن الشعب الفلسطيني كان مخطئا عندما استخدم المقاومة كوسيلة وكأنه يريد ان يقول أننا نعتذر عن خيارات الشعب الفلسطيني الخاطئة ها هو رئيس وزراء عباس يتحدث وكأنه يمثل هو ورئيسة الشعب الفلسطيني فإذا كان عباس قد انتخب من شعبنا الفلسطيني في الداخل فاليتحدث هو فياض باسم الذين انتخبوه أما الشعب الفلسطيني في الخارج وتعداده 6.5 مليون لم ينتخب عباس رئيسا للسلطة ولم ينتخبوه أيضا رئيسا لمنظمة التحرير وأصبحت منظمة التحرير عبارة عن ستار وواجهة لتمرير البرامج المشبوهة والتنازلية لصالح العدو الصهيوني .
ونريد أن نؤكد أن رئاسة محمود عباس لمنظمة التحرير الفلسطينية مطعون فيها لسبب بسيط أن المجلس المركزي واللجنة التنفيذية لمنظمة التحرير الفلسطينية هي في حد ذاتها متجاوزة للقانون وللدستور الفلسطيني .
كثير من المتغيرات حدثت في خلال أكثر من عقدين ومازالوا متمترسين في مواقعهم لتنفيذ برنامجهم الخاص وليس برنامج الشعب الفلسطيني ولو كان هذا برنامج الشعب الفلسطيني سنقف لهم بكل احترام ولو كان الشعب الفلسطيني حدد خياراته باختيارهم لتلك الأطر لوقفنا لهم باحترام ولكن الشعب الفلسطيني لن يقبل الإجحاف في تجربته المقاومة ولن يتنازل عن حقه في العودة إلى أرضه وليس هناك شيء مبتكر وخلاق مادام الأصل موجود ومادامت المطالب الوطنية موجودة إذا من فوض عباس أن يتحدث باسم الشعب الفلسطيني وباسم اللاجئين . .. وبأي حق أخذ مشروعية المواطنة داخل فلسطين وهو لاجيء ؟؟ .. لقد أخذ مشروعية الإحتلال وليس المشروعية الوطنية أما شعبنا في الخارج يبحث عن حق العودة من خلال المنظور الوطني وليس المنظور الإستسلامي على قاعدة بيع الحقوق التي يحاول عباس من خلال تصريحه الأخير ( الحل الخلاق ) هذه المصطلحات التي طالعتنا بها كونداليزا رايس من الفوضى الخلاقة إلى عباس والحل الخلاق ، وكلا المفهومين يصبان في نهجهما الذي استخدماه سواء في غزة أو في العراق أو الصومال أو في لبنان .
آن الأوان لشعبنا الفلسطيني أن يتحرك خارج الوطن وداخله لجمع مليون توقيع لسحب الثقة من محمود عباس ووزارته في التفاوض بالنيابة عن الشعب الفلسطيني ونحن واثقون أن كل الوعود التي قطعها عباس ما قبل اجتماعه بما يسمى المجلس المركزي وأثناء انعقاد المجلس بعقد المجلس الوطني الفلسطيني إنما هي عملية مماطلة بالوقت ليذهب هو ومستشاريه وزمرته المغتصبة للقرار الفلسطيني إلى ما يسمى بالمؤتمر الدولي لبحث أسس الدولة الفلسطينية في منتصف سبتمبر القادم وعلى الشعب الفلسطيني أن يقطع الطريق أمام هذا التحرك الذي يريد أن يتصرف فيه عباس بما لا يملك .
إن الوضع في منتهى الخطورة وستسألنا الأجيال القادمة عن تهاوننا وسلبيتنا أمام تلك العصابة التي تنفرد بمصير شعب بكامله .
دعوة لجميع المواقع الوطنية أن تقوم بتلك الحملة دعما للمقاومة في فلسطين ومشروعيتها وبطلان التمثيل لقيادة منظمة التحرير .
التواقيع:-
م/سميح خلف كاتب ومحلل سياسي
هاني البرغوثي كاتب ومحلل سياسي موقع اخبار العرب / كندا
حسين راشد / نائب رئيس حزب مصر الفتاة ورئيس تحرير جريدة مصر الحرة
سوسن البرغوتي كاتبة
اللجنة المصرية لمناهضة الاستعمار والصهيونية
محمود كعوش ـ كاتب ومحلل سياسي
محمد الطويل يك / زراعة فلسطيني لاجي
وائل حسن عبد الوهاب بك فيزياء/ ليبيا
الشيخ محمد القبضاي
أحمد يهوى مجموعة أقلام الثقافية
صلاح علام رئيس تحرير جريدة أخبار العرب / كندا
طارق شوشاري - كاتب وصحافي / فيينا
دكتور/ وليد أبو لبدة أخصائي سموم
Dr. Mohamed Almadhoun / طبيب مقيم في المانيا
د.محيي الدين عبد الغني ـ باحث وكاتب / أوسلو النرويج
م . محمد حنون - إعلامي فلسطيني / وكالة الانباء إنفو بال
DR:ZIAD ERMELEY : AUSTRIA
مجيد البرغوثي / شاعر وكاتب فلسطيني
م/ أسامه القدح ـ فلسطيني مقيم في السعوديه
خالد أحمد - تحالف العودة - بريتش كولومبيا / كندا
سمير فارس - ناشط طلابي / كندا
فدوى نور -الحملة من أجل إطلاق سراح
أحمد سعدات / كندا
باسم خضر/ امريكا
اشرف هلس ـ ليسابس لغة عربية
وليد هليل بك ـ محاسبة
الدكتور ابراهيم حمامي/ كاتب ومحلل سياسي/ بريطانيا
الدكتورة : رابعة محمد حمّو / باحثة وناقدة / فرنسا
منذر ابو حلتم
د. حسين المناصرة أكاديمي وكاتب فلسطيني
سيد يوسف / كاتب و باحث فى الصحة النفسية / مصر

لمن يرغب بتوقيع حملة الدعم ،أرجو ارسال التوقيع إلى البريد التالي

arabnews.ca@gmail.com
هذا البريد محمى من المتطفلين , تحتاج إلى تشغيل الجافا سكريبت لمشاهدته
او التوقيع على هذا الرابط
http://ebd.helalsoftware.net/survey.php?action=SURVEY.SHOW[4]

17 comments:

تــحـوتــمـــــس Thutmose said...

طب ما المقاومة بألها خمسين سنة و اكتر و الحروب و حتى التفجيرات الانتحارية و كل حاجة

ممكن تقوليلي وضع الشعب الفلسطيني ايه بعد كل ده و من خمسين سنة لغاية دلوقتي وضعهم ايه

و تفتكري اكتر وقت بيكون فيه الفلسطينيين كويسين هوا الوقت الي بيحصل فيه تهدئة

الاسرائيلين بشر و لازم نعاملهم كبشر حتى لو هما عاملونا معاملة لا ادمية فاولا المفروض منبقاش احنا زيهم
و ثانيا نحاول نشوف هما عايزين ايه على خلفية اننا كلنا زي بعض و اننا كلنا عاوزين نفس الحاجة و اننا كلنا ممكن نتفاهم نتفاوض نتحاور

و صدقوني هما مش اغبيا و لا متعطشين للدماء
و هما لو لقو طريقة منغير عنف يحققو بيها نص اهدافهم هيتنازلو عن النص التاني


تحياتي الحارة مرة اخرى و الى الابد

تــحـوتــمـــــس Thutmose said...

طبعا الاتهامات جاهزة بس انا مصري مليون في المية و بحب بلدي اكتر من اي حاجة تانة ف الدنيا

و مبحبش اسرائيل انا بحب فلسطين و الفلسطينيين و لي اصحاب كتير فلسطينين و اسرائيلين برضو

ما نعتبر نفسنا بنغير استراتيجية ليه لازم ميكونش ف حل غير القتل و الدمار و الخراب

amr220 said...

نواره

يا ريت تبقي تزوري مدونه تحتمس قبل ماتردي علي اسئلته "البريئه" جدا

الرابط اهوا

http://tutmos7000.blogspot.com/

SoFy said...

للأسف كعادة الشعب العروبي كله بتاخدنا الحماسة و مبنقدرش نحكم المواضيع للعقل و التدقيق.

يا ست نوارة القضية الفلسطينية مهياش القضية اللي نحكم فيها على حركة بتناضل من خمسين سنة زي فتح من خلال موقف

بإختصار أنا هوصفلك الوضع لأني متابع ليه بشكل جيد، فتح بتنفذ أجندة أمريكية زيها زي مصر وزي السعودية وزي أي حليف لأمريكا، أما حماس فبتنفذ أجندة إيرانية زيها زي سوريا وزي حزب الله .

يعني الخلاصة محدش فيهم بيلعب لصالح الوطن، لكن الحسنة الوحيدة لفتح هي كونها تبحث عن سلام فعلاً و عندها رجالة العالم كله بيحترمهم زي عباس وزي فياض بما فيهم الإتحاد الأوروبي، عكس حماس اللي الكل بيعتبرها إرهابية " طبعا هي مش كدا" لكن العالم مصنفها على إنها تنظيم إرهابي، كمان لازم مننساش حماس عملت أيه من شهر ونص لما أعدمت عشرات الأشخاص لمجرد كونهم في تنظيم فتح! أيوة دا حصل.. و تخيلي كانو يقتلو الواحد بعشر رصاصات و من ثم يرموه من الدور العاشر.....حماس للأسف خسرت التأييد الشعبي و الإحترام العربي اللي كان موجود..

نقطة إن الدولة الفلسطينية ستأتي عن طريق المقاومة فالكلام دا حقيقي، مفيش فلسطين من خلال حرب فلسطينية إسرائيلية لإن القوى غير متكافئة و لإن الأخوة العرب مستحيل هيحاربو إسرائيل " على الأقل في التلاتين سنة القادمة" و إذن يبقى حل واحد وهو التفاوض...

هشام رمضان said...

أولاً : حل لغز اينشتاين صح ,, انت حليتوه و لا عملت سرش في جوجل و جبت الحل ؟!!؟ انت و ضميرك
ـــــــــــــــــــــــــــــــــــ
ثانياً : بالنسبة للموضوع بتاعك : اساساً زمان في بدايات احتلال فلسطين كان العساكر الصهاينة بيخافوا من الطوب بتاع المقاومة - ايام المقاومة اللي على حق - فعشان كده اتقتل ياسر عرفات - بمنع عنه الدواء و الحوارات اللي بعض الناس عرفاها - و اتجاب حكومة تانية ,, بيقولك ان فتح و حماس بيضربوا في بعض عشان - مش فاكر - فتح باين او حماس لقيت عند التانية حاجات بتدل ع الخيانة و كده ,, طيب انتوا يا و لاد الـ .... مين اللي قولكوا ان في حاجات زي كده و ليه تصدقوا و لو فعلاً شوفتوا بعينيكوا ايه اللي خالاكوا تتجسسوا على بعض ,, الصهاينة ولاد الكلب زرعوا بين المسلمين الضغينة و البغضاء و الكره ؛؛ ربنا يخرب بيوتهم ولاد الكلب دول
ـــــــــــــــــــــــــــــــــــ
تحياتي : هشام

test said...

وحياة عم احمد يا نوارة تقولى للأخ صوفى مايناقضش نفسه لأنه بيطالب اننا لا نحكم على فتح من موقف لانها بتناضل من خمسين سنة وفى نفس الوقت بيحكم على حماس من موقف واحد بعد تنظيف غزة .. وبعدين هى فين فتح ؟ فتح البرغوثى ..فتح حيدر عبد الشافى .. كل دول راحوا وجه عباس و دحلان وابو شباك .. وتعالو نحكم عقلنا من بعد تطهير غزة كام حادث فلتان أمنى وقع ولا كام محاولة اغتيال حصلت بالمقارنة ايام وجود فتح غزة والمفاجأة الكبيرة كام محاولة اغتيال اسرائيلية فشلت بسبب عدم توفر المعلومات الدقيقة لهم عن قادة المقاومة بعد الفتحاوية ما غادروا غزة وحطى علامة تعجب كبيرة عند دى بالإضافة الى تصريحات مصادر أمنية مصرية ان تهريب المخدرات والسلاح انخفض بنسبة كبيرة عبر حدود مصر كل دى اشارات لمن يجيد قراءتها والسلام

مروة جمعة said...

صباح الفل ! ..نوارة ..أنا فعلا نفسي أنقذ نفسي من سيفون التاريخ ..وبصاق الأجيال وريالتهم وإلخ ..إلخ! ..لكن تفتكري لما يكون وطننا الأم محتل أصلا ..مصر يا عااالم ..أيوه محتلة ..بلد مايعرفش يمشي الواحد فيها في سكينة تبقى محتلة..مصر لو قامت قومة رجاله وبقت دولة بمعنى الدولة هتقدر تردع الإحتلال-على اعتبار ان مصر دولة محورية ..المفروض يعني!- ..وبالنسبة لتحتمس -مش عارفه مادد الواو ليه ؟- بقى الإسرائيلين مش متعطشين للدماء لا يامان مش معقولة ..الفلسطينين بيتعمدوا يخفوا الطماطم من البلد ..-تكتيك استراتيجي !-وبالتالي أولمرت وهو قاعد في صحن داره -عدم المؤاخذة يعني!-يتخيل طاجن باميه مسبك ..فتخبره زوجته ام شارون ان الطماطم قد أخفاها الملاعين الفلسطينين وبالتالي يجب التصرف ..ولأنت اولمرت ذكي فيعتقد ان الطماطم الفلسطينين بيدوبوها في عروقهم ..-حاجة كده زي تهريب المخدرات واخد بالك!-وبالتالي لان الفلسطينين ولاد ستين ...لازم يطلعوا الطماطم ..بالصواريخ بالهباب ..لازم الطاجن تشرق شمسه على معاميع اولمرت! ..يا شيخ بلاوكسه! ..انت واضح مابتقراش تاريخ ..افتكر المؤتمر اليهودي الأول 1898 وثيودور هرتزل ..قبل الاحتلال ب50 سنة كاملة واكتر بيخططوا ! ..وياسلام لو لقوا طريقة من غير عنف !..السلام ليس في مصلحة اسرائيل على الإطلاق ..هذا قول المحللين ..وقول التاريخ ايضا ..من النيل للفرات ..فاهم ..ليست دولة أصلا ..إحنا اللي جعلناها صديقة كمان ! ..احلم بعيد عننا ..احنا مش اعداء لليهود ..إحنا اعداء الصهيونية الدموية المتعطشة واقرا الأسفار المزورة بتاعتهم لو مش مصدق! ..ا

نوارة أحييك على التدوينة السابقة وكنت أتمنى اني اعلق عليها لكن النت فصل ساعتها!ّ..المهم انا كنت عايزاكي تشوفي مقال لمحمد هشام عبيه في بص وطل ..المفتي ماريو أندرو ..وقريش ..شوفي تعليقات القراء عامله ازاي ..
http://www.boswtol.com/5gadd/nsahsah_154_021.html
أنا كنت عايزة طلب.. وماتكسفينيش ..الأستاذة العزيزة عليا صافي ناز كاظم ..-صافي الظرف كاظم زي ما بتتريق على المستغربين من اسمها!-عيد ميلادها السبعين ان شاء الله 17 أغسطس القادم ان شاء الله ..ونفسي ابعت لها أو أقولها كل سنة وانتي طيبة وصافي وكاتبة مبدعة ..ممكن ؟

إلى الأمام يا سكر

ضد الظلم said...

مفيش حركه مقاومه بتخسر ابداا على مر التاريخ والعصور ودخول حماس اللعبه السياسيه فقدها بعض الشىء من روح المقاومه

انا هدخل اوقع عشان فعلا التفه متجيش جمده عليا

تحياتى

شمس الزناتي said...

مفيش مقاومة عمرها بتفقد الحصول على حقها مهما مر الزمن
و انا مع حماس
و مع فتح برضة بس ما يضربوش في بعض
و برغم يا استاذة نوراة اني مش مقتنع ان التوقيعات مش هتعمل حاجة و ما اخذ بالقوة لا يسرد لا بالقوة
الا اني هوقع اصلي مش هخسر حاجة و يمكن اكون بتوقيعي هعمل حاجة

شمس الزناتي said...

نوارة على فكرة ابقى بصي على مدونة تحتمس اللي ميمتش لتحتمس بصلة
اقلك اية يا تحتمس الخرة انت مش عارف

SoFy said...

يا أخ عصام؛

الحكم على تنظيم كحماس من موقف واحد سيكون حكم مبطن بالكره، و لذا فأنا لم أحكم على حماس من موقف واحد ولا يعنيني الشأن الفلسطيني كله أصلاً سوى أنه قضية لشعب مظلوم لا بد من مساندته، يعني أحكم على كافة الأطراف بحيادية تامة.

ما قامت به حماس يؤكد أنها مثلها مثل حزب الله، تنفذ أجندات إيرانية ولا يهمها مصلحة الوطن، غزة تعاني الأن من الحصار المفروض عليها و سيموت في خلال الأسبوع القادم إذا لم يتدخل محمود عباس أكثر من الف مواطن بسبب إصابتهم بأمراض تستلزم العلاج الذي لا يتوفر في القطاع، و طبعا لن يتوفر طالما أن القطاع كله في يد حماس التي يصنفها الكل على إنها إرهابية.

أيضاً أنظر إلى الشأن الفلسطيني بعد أن أصبحت حماس هي المسؤولة عن الأوضاع بمعنى أوضح بعد أن تشكلت الحكومة الحماساوية، وضع إقتصادي قاتل، مظاهرات بسبب عدم الحصول على الرواتب التي بالكاد تكفي!، و موضوع دحلان وعباس فمعلش الظاهر إنك غير مهتم بالشأن الفلسطيني، و لم تدرك أن عباس يحاول تنظيف حركة فتح من الفاسدين أمثال "دحلان" الذي أجبره عباس على تقديم إستقالته و هو ما حدث بالفعل، بالنظر للجبهة الحماساوية فهل تم عزل أي أحد؟ هل تم محاسبة من قام بقتل العشرات من أبناء فتح و إلقائهم من الأعلى؟ هل تم محاسبة حماس على رغبتها في قتل عباس و تدبير خطة لقتله؟، هل نسيت حماس أنه لولا فتح و ديموقراطيتها و علمانيتها لما كانت على السلطة أصلاً.. أهكذا يكون رد الجميل بإحتلال القطاع و قتل أبناء فتح هناك؟

أيضاً هناك نقطة تدهشني... هل تعتقدون أن فتح لا تقوم بعمليات مقاومة مثلاً؟ أو أنها الحركة التي لا ترفع السلاح في وجه الكيان الصهيوني؟، طبعاً للأسف تأثير الإعلام العروبي جعل من كل من يختار العقل و من ثم المقاومة هو خائن جبان و نسى الجبناء الحقيقيين كيف كانت حركة كتائب شهداء الأقصى خير مستنزف للكيان الصهيوني

حاجة أخيرة و همسة في أذن كل العروبيين اللي الشهامة بتاخدهم و بينسو إمكانياتهم و مبيقروش التاريخ... مصر لم تحصل على إستقلالها سوى بالتفاوض سواء مع الإنجليز أو مع الصهاينة بخصوص سيناء أو بخصوص قضية طابا أو غيرها من القضايا....

و دع عنك التعصب الحماساوي يا عصام!.

Anonymous said...

أسئلة للتاج


حملة انترنت بلا حدود : شارك من فضلك جاوب على الاسئلة وانشرها وساهم فى الحملة

تــحـوتــمـــــس Thutmose said...

اتهامات مش جديدة و شكرا جدا

حاجة كمان

العنف = العنف

غاندي و مارتن لوثر و مانديلا و غيرهم و قبلهم كلهم المسيح ابن مريم البتول

دول محاربوش مفجروش نفسهم و مع ذلك ....

المقاومة طريق لاسترداد الحقوق الفلسطيني صح
لكن
السلام طريق لاسترداد الحقوق الفلسطينية أيضا

صعب اوي؟؟؟ مش كده ؟؟؟

و ان جنحو للسلم فاجنح لها

ولا ايه؟؟

مصطفى محمود said...

طبعا انا بايد الكفاح المسلح مش بس ضد الاسرائيلين لكن كمان ضد كل النظم الديكتاتورية العربية .

Ahmad Badawy said...

للأسف احنا مش قادرين نصدق أن حماس مش أحسن من فتح ولا حاجة و أن كل واحد بيدور على السلطة و بس و كل منظمة فيهم بتلعب بالورق اللى فى ايدها ...

لما المقاومة بتجيب شعبية بيقاوموا و لما قتل الخصوم ممكن محدش ياخد باله منه بيقتلوا ...

و أظن لما واحد بيقول أن الفلتان الأمنى انتهى بعد ما حماس خدت السلطة بالقوة هو مش كدة ممكن يكون معناه ببساطة أنها هى اللى كانت بتحرض عليه عشان تضعف موقف فتح ؟؟؟؟؟؟؟

هل فيه من ساعة ما حماس وصلت للسيطرة على غزة عملية واحدة عملوها ضد اسرائيل ؟؟؟ طبعا لأ ولا يقدروا لأن بقت روحهم و روح كل اللى فى غزة فى ايد اسرائيل ... المياه و الكهربا و الدوا

يعنى هما باللى عملوه ده ادو اسرائيل على طبق من فضة مفتاح القفص بتاعهم ... يعنى بعد ما كانت حماس مقاومة مهمتها تقاوم بقت سلطة مهمتها تأكل وتعالج و تدى مرتبات ... و كدة بقى كل أملهم أنهم يزودوا سيطرتهم على غزة كام يوم زيادة عشان ينشروا أفكارهم أكتر

ممكن بنى آدم واحد عاقل يقول لى ايه الهدف من سيطرة حماس على غزة فى المستقبل ؟؟ ايه الفايدة اللى حتعود على القضية الفلسطينية ؟؟

من ناحية تانية أنا مش مصدق موضوع أن عباس بيقول أنه يحل مشكلة اللاجئين من غير ما يرجعهم بلدهم ... ده كدة الراجل بينتحر

بس ده برده لسبب بسيط ... هو كان شبه حاكم .. لما اسرائيل بتأمره بحاجة ممكن يتحجج بأن فيه غيره فى البلد بيقاوم ... بس لما حماس بقت زيها زيه محتاجة موافقة و معونات اسرائيل و شوية بشوية حتضطر أنها تقلل من المقاومة عشان تأكل الناس

فبكدة لازم عباس يقرب أكتر من مصالح اسرائيل و يتنازل زيادة مادام المقاومة اللى كان بيتحجج بيها بقت هى كمان فى ايد اسرائيل

Ahmed Nasr said...

واحد يقول لك إيران والتاني يقول لك أمريكا والتالت يقول لك سلام وانتخارية..محدش فيكو يدي سبب ولا تصور معقول لكلامه يوحد ربنا؟

اسكتوا احسن ريحتكوا بقت وحشة قوي..

Ahmed Nasr said...

نوارة أحييكي عالبيان الجامد..وياست نوارة يعني حاولي تكعبري المسائل عشان الرفاق اللي ييجوا بعد كدة مش كل واحد يتزنق في كلمتين يفتح السوستة ويسمعنا..

على فكرة انا باسمع انه كتائب القسام عاملة شغل كويس في غزة في التصدي للاجتياحات، باسمعها في التلفزيونات الحكومية العربية والله..مواطن صالح..

سلمولي بقى عالوضع الاقتصادي اللي اتـ**** في عهد حماس ولا أحد غير حماس، حتى بالأمارة أبو عمار على أيامه مكنش عارف يطلع من أوضته للحمام وبيقول شهيدا شهيدا شهيدا..الله يرحمه بقى الراجل مات..والناس بتنسى..