Thursday 19 July 2007

اللاجئين ع المعبر يا نااااااااس

ايه يا شباب فيه ايه؟
يا شباب المدونين
مالكم؟ خير انتوا بعافية؟
وللا ده الحر؟
وللا انتوا في المصيف؟
باقول لكوا فيه قافلة اعلامية
رايحة للناس اللي على المعبر
الناس اللي
فيهم تلاتة ماتوا والباقي بيبيعوا هدومهم
ومصر هي اللي عاملة فيهم كده
ميتين من العطش والجوع
القافلة ح تروح يوم الاحد القادم ان شاء الله
22/7/2007
هم دول مش بني ادمين وللا ايه؟
وللا هم لازم يبقى شعرهم اصفر وعنيهم زرق
عشان نتمهمز ونتحرك عشانهم
ما حدش عايز يروح ليه
مجوعينهم ومعطشينهم وحاجزينهم على الحدود
وكمان مش عايزين نعبرهم ببق مية؟
ما حدش اتصل باللي منظمين القافلة ليه؟
ما حدش سائل ليه؟
فين حقوق الانسان
والصحافة الشعبية؟
هو الحر بيعمل ده كله؟
رجاء المشاركة يعني ولو حتى
بخبر عن القافلة دي
المفروض اننا رايحين نمثل المصريين
ونخلي مسئوليتنا قدام ربنا
من اللي حكومتنا عاملاه فيهم
وللا هاه؟
رجاء الاتصال على الميل
:التالي

8 comments:

Anonymous said...

نواره
أنا مش عارفه إيه اللى ممكن أعمله بس انا بعتت ميل لماريم و مستنياها ترد.
سؤال: هى القافله دى رايحه تعمل إيه؟؟

Anonymous said...

والله عار علينا مايحدث
حاجة تقطع القلب

شوفي يانوارة الموضوع ده

ولو عندك وصلات نزليها وانا احطها فيه

http://afkaar-bella.blogspot.com/2007/07/blog-post_19.html

Anonymous said...

هي مش مسألة عار علينا ولا على الجيران ..
الفكرة ان دي سياسة بحتة .. مفيش دولة في الدنيا تقدر تفتج حدودها على البحري كده لاستضافة شعب تاني .. دي حاجة مستحيلة ومش منطقية خصوصا وان مصر دلوقتي بقت ملجأ لعدد كبير من اللاجئين من كذا بلد نتيجة الصراعات اللي بتحصل في المنطقة ..
لكن لاننا أصلا مش متحضرين .. فكان المفروض اننا كبلد اصبح ملجأ للاجئين منا العراق ولبنان والاراضي الفلسطينية والسودان وغيرها .. ان الدولة كان يجب عليها بناء مجمعات سكنية في المدن الحدودية لاستضافة الناس دي لحين البت في أمرها ..
بمعنى انه من الضروري بناء مجمعات سكنية في سيناء والعريش واسوان وحلايب وشلاتين .. والمدن دي تكون زي المجمعات المغلقة تستضيف اللاجئين لحين مناقشة اوضاعهم وحلها .. زي ما بتعمل استراليا مثلا ..
لكن نفتح الحدود على البحري دي مسألة مش منطقية .. اقتصادنا اصلا لا يمكنه استيعاب عدد اللاجئين دول ولا مشاكلهم .. كفاية العراقيين والازمة اللي عاملينها في سوق العقارات ..

مش بقول طبعا نطردهم ولا نرميهم في الشارع .. كل اللي بقوله بس .. لازم يبقى في منطق وعقل وتحضر في التعامل مع اللاجئين

Anonymous said...

يعنى المفروض نتقابل هناك ؟

ولا نتقابل فى مصر ونروح مع بعض ؟

ولا ايه خطة السير ؟

Anonymous said...

هبعتلها مايل واشوف
تحياتي

Anonymous said...

أنا بالرغم إني جديد في موضوع التدوين ده من كام يوم بس كام من أهم ما بدأت بيه الموضوع ده و هاكمل إنشاء الله
أرجو متابعة موضوعي و في إنتظار تعليقات
http://menakefffree.blogspot.com/2007/07/blog-post_14.html
أنا باحاول أعمل حاجة و ربنا كريم
مناكف
http://menakeff.blogspot.com/

Anonymous said...

ربنا معاهم
هنقول ايه حتى النجدة مش قادرين عليه ليه ان شاء الله
الجوع واكلنا للدرجادى
فى ايه يا ناس ولا قادرين نساعدهم جوا بلادهم ولا برها

Anonymous said...

allah ye5rebeet kda :S
wallahy kan nefsy roo7 bs 3ndy emte7an yoom 28 7 :'(
Bossy ya benty ento ta3melo 7amla tesamooha sayyef weksab thawab ssa3et-ha l nas momkn teegy

To blue stone "sorry ya Nawara"
Dol 3ayzeen yerga3o balad-hom msh ye5osho masr!!