الحمد لله الجيزاوي خرج
منذر قال انه لسة خارج
لولولولولوليييييييييييي
ولو انه ما كانش المفروض يتقبض عليه اصلا
بس الحكومة كتر خيرها
عايزة تفرحنا
يعني بما ان الحياة ملل
فاهي بتعمل لنا اكشن
وبعدين تزعلنا عشان تصالحنا
في فيلم
fight club
بتاع براد بيت
البطل هدد مواطن بالقتل
وحط المسدس على راسه
والراجل كان خلاص حاسس انه ح يموت
وبعدين فجأة قال له خلاص امشي
بعد ما جري
قال لصاحبه: انا عرفت اسعده ازاي
هو دلوقت حاسس اني انقذت حياته
مش اني هددتها
وفيه نكتة شبهها
بتاعة كوبري قصر النيل
المهم الف حمد الله على سلامة الجيزاوي
ويا رب ان شاء الله يبقى بخير
التفاصيل عند منذر
5 comments:
طبعا مشكورة للغاية
وجامدة الزغرودة ده :)
بس الاخطر ان كانت الحكومة هاتتعامل معانا بنفس منطق براد بيت
يبقى عيب بجد باه
وكده مش هاينفع
ولو على أحمد الجيزاوى فهو بيشكرك فعلا شكر خاص
جزاكى الله خيرا
الحمدلله
امال تبقى الحكومة بتاعنا الجميلة ازاى يعنى ونحبها ازاى لازم العكننة
الشئ لوزم الشئ
حســبنا الله ونعم الوكــيل
بسم الله الرحمن الرحيم
الاخت الكريمه نوارة الف الف شكر بعدد كل مدونات التى على مكتوب وبلج وغيرة الف شكر ليكى لتضامنك معى
وجزاكى الله كل خير بصراحه كان مجهود على جدا لا يسعنى ان اشكرك عليه
بس انا عوز اوضح شى مهم عندك فى المدونه وخصوصا لانى جالى اميلات كتيرة من ناس انا ارة انهم غير مسئولين ويشوهو وجه المسحيه الجميل
اولا انا ليس ضد الكنيسه وانا ليس ضد وجود المسحين فى مصر ولا يوجد اى عداوة بينى وبين اى مسيحى بل ان نصف صحابى مسحين من اول الاقباط حتى شهود يهوة
لان ببساطه الاسلام هو من امرنى بذلك فانا ليس ضد بناء الكنائس ولست ضد الكنيسه
والبسط الاخير الى زعل ناس كتير منى
دة كان لا يقصد اى مسيحى اطلاقا بل كان فقط مطالبه بحقوق المسلمين الجدد
فكل مسيحى ارجه ان تعرف انه لك صديف فى مصر اسمه احمد الجيزاوى
استاذة نوارة انا كنت اود ان اشكرك تلفنوين بس ليس معى رقمك ومنذر بردة طلبته منه وهو مش معاة بس عموما انا اكرر شكرى لك وارجه ان تكون من فوائد المحنه هذة انه جعلتنى اتعرف على اصدقاء جدد انتى واحدة منهم
وجزاكى الله كل خير
احمد الجيزاوى
و الله الحكومة بتاعتنا بنت حلال و طيبة و اميرة
و عـــــــــــــــــاشــــــــــــت الحكـــــــــــــومة
خرجت الجيزاوي و اديتوا افراج
الف مبروك يا احمد
و بصراحة انا احب اشكر الحكومة عشان لما عرفت اني نفسي اتسدت عن الكتابة قامت مخرجة الجيزاوي على طول عشان ارجع اكتب تاني
الف شكر يا حكومة
شمس الزناتي
ه عاحمد الجيزاوي
الف حمد الله ع السلامة يا بطل
اهم حاجة دلوقت انك بخير وكويس
خد دش كده وكل كويس ونام
وبعدين اي حاجة تيجي بعد كده
ثانيا
انا مش عارفة انت بتشكر مين على ايه
انا صخصيا ما عملتش ولا حتى الواجب يعني
بالنوسبة للتليفون مريم قالت لي انها ح تديه لمنذر بس الظاهر نسيت
Post a Comment