Sunday 15 July 2007

اعتقال معتز عادل واحمد الجيزاوي..يادي النكد اللي ع الصبح

ع الصبح كده مريم كلمتني وقالت لي
وتم الاتصال بالاستاذ احمد حلمي
والاستاذ احمد سيف الاسلام
ابن يسري بيقول لي ان واحد
اتقبض عليه من المترو
والتاني من الطريق
وبينما وفد من منظمة العفش الدولية
ووزير العدل الامريكي السابق
ومستشار ملكة انجلترا السابق
بيحضروا محاكمة خيرت الشاطر
بقية الناس واقفين برة وما سمحوش
للناس انها تدخل
الا لما سابت الموبايل والكاميرا برة
طيب
بعد كده لما نحضر محاكمات
ح نبقى نصبغ شعرنا اصفر
ونحط عدسات زرقا
عشان ما حدش يتقبض عليه
ولا حد يتحجز في الشارع وما يعرفش يدخل المحاكمة
استر يا رب
====
تحديث من عند مريم
معتز عادل خرج
واحمد الجيزاوي لسة محتجز
لان الشرطة بتدعي انها وجدت معاه احراز

12 comments:

Anonymous said...

الموضوع كامل عندي
وياريت تيجي تاخدي البانرات

تحياتي

Anonymous said...

ممكن تشيلى أسماء المدونين من عندك اللى جوه المحاكمة
هياخدوهم وهما طالعين
كمان ياريت لو تتصلى بالمحامين يروحوا عن قاعة المحاكمة ويأمنوا المدومنين اللى جوة علشان بحاول أكلمهم مافيش حد بيرد والأمن كمان مشغل تليفوناتهم وبيستقبل المكالمات اللى جايلهم

Anonymous said...

اه الحمدلله خرج


تحياتي

Anonymous said...

لا كلمنا الناس يا عبقر بس هما سيبين موبايلتهم بره بس

تحايتي

Anonymous said...

يوووووووووووووووه..هي ايه الحكايه يا نواره..هما بيتسلوا ع المدونين و لا ايه
تحياتي و ربنا ياخدهم

Anonymous said...

شكلهم حيتسلوا على المدونين واحد ورا التانى

ربنا يستر

Anonymous said...

كلموني من المحكمه بيقولوا بلاش حكاية الاحراز لا التهمة تثبت !

تحياتي

Anonymous said...

هذة عقاب من يهاجم الرب يسوع المسيح ويهاجم كنيسه الرب احمد الجيزاوى مثل السادات هاجمه كنيسه الرب وهذا جزائهم

Anonymous said...

انت يا عم الامور
والرب يسوع ما علمكش انك ما تشمتش في حد؟
جتكوا القرف كلكوا
اذا كان دول وللا دول
ح تودوا لنا البلد في داهية
الموضوع اللي كتبه احمد انا كنت ضده ورديت عليه
لكن برضه هو حر في رأيه
وفي النهاية نختلف معاه وحتى نهاجمه
بس لما يخرج لنا بالسلامة ويرجع بخير

وللا انت بتستقوى بامن الدولة على مواطن زيك يا مواطن؟

طيب بقى يعني زيك زي اللي هجموا على المسيحيين في الفيوم

ماهم برضه كانوا بيتحاموا في امن الدولة

مش باقول لك جتكوا القرف

Anonymous said...

حســـبنا الله ونعم الــوكــــــــيل
حســـبنا الله ونعم الــوكــــــــيل
حســـبنا الله ونعم الــوكــــــــيل

دولة الظلم ساعة ودولة الحق الى قيام الساعة

حســـبنا الله ونعم الــوكــــــــيل
ربنا يفك اسرهم يااااااااااااارب آمــــــــين

Anonymous said...

نوارة

كل المدونين الي راحو المحاكمة بخير

مفيش حد متاخد من المدونين الي حضروا المحاكمة..والي اتاخدو اتاخدوا قبل ما يوصلوا للهايكستب...اطمنوا يا شباب..

Anonymous said...

السلام عليكم انا بشكرك يا نواره علي الاهتمام بالمضوع وبشكر كل الناس اي اهتمت بالموضوع ودي حاجه بجد رافعه جدا من معنوياتي لاني مش عارف اعمل حاجه ومش قادر اكتب حتي من بعد الي حصل علي العموم ربنا يطمنا علي الجيزاوي وان شاء الله يطلع علي خير يا رب امين