Sunday 8 July 2007

حتى السعوديين مش عارفين ح يدوا ايه للسعودية

تصدقوا بالله طلع السعودية كمان فيها عشوائيات
وانا باتفسح ع اليوتيوب لقيت فيديو من خمس حلقات
مكتوب عليه استهتار آل سعود بالشعب السعودي
اتفرجو





يا سنة سوخا يا ولاد
امال جابوا لنا الاحتلال في المنطقة ليه؟
مش عشان مصلحة الشعب السعودي؟
اتفرجوا على شعب الجزيرة العربية عايش ازاي
والعيلة المالكة عاملة ازاي
امال فلوس الزيت بتروح فين؟




والله اللي عملوا الفيديوهات دي رجالة صح
اصل تصوير فيديوهات زي دي في السعودية
حاجة تانية خالص غير تصويرها في مصر
في السعودية فيها رقاب




خصيمه النبي اللي ما يشوفش الفيديوهات دي خصوصا اخر واحد اللي انا حاطاه ده
والله ما كنت اتصور ان الحال كده
انا كنت اسمع ان عندهم فقر
بس ما كنتش اتصور ان عندهم المناظر دي
طيب ليه؟
لييييييييه؟
ليييييييييييييييييييييييييه؟
السعودية فيها فقرا ليه؟
يعني هم طالعان تلاتينهم في الحريات
والحبسة والقرف
عشان يعيشوا في نعمة
كمان مش لاقيين ياكلوا؟
حسبنا الله ونعم الوكيل

12 comments:

Anonymous said...

كده نقدر نقول لا تعيرنى ولا أعيرك الهم
طيلنى
وطيلك

Anonymous said...

دلوقتى نقدر نقول
لاتعايرنى ولاأعيرك الهم طيلنى وطيلك

Anonymous said...

استاذة نوارة انا سمعت عن الموضوع ده قبل كدا لكن الصورة طبعا بتوضح اكتر .. وعلى رأى شويكار شئ لا يصدكه عكل !!!!كلهم زى بعض ملوك رؤساء امراء الفساد متوحش فى كل مكان لا توجد فيه ديموقراطية تحياتى (وش بيغمز)

Anonymous said...

يا ستى ياما هانشوف بس انتى دايما ما بتشوفيش الا الحاجات السودا ليه انت مش ممكن تتكلمى عن الشاب المثل والنموذج وليد بن طلال اللى بنى المليارات فى خلال 15 سنه من 15 الف دولار ولا الشاب المعجزه ابن الملك فشخ رحمه الله اللى رصيده فى احد بنوك الرياض 850مليون ريال ولا ولا ولا هو ذنب ال ديول ان الناس دى مابتعرفش تفكر وتستغل عقلها علشان تعمل ثروه زى اناس المكافحه دى

Anonymous said...

مش عارف يا نواره اوقات بأحس انك بتشتغلى فى يو تيوب من كتر الفيديوهات عندك

Anonymous said...

يا ساتر الخطبة النحوية العصماء الى قالها صعبة قوى
اكتآب يمين و اكتآب شمال و فوقنا و تحتنا
تفتكرى لو الواحد خد غواصة و نزل بيها تحت هيستريح وللا هلاقى خناقات و قرف كمان !
انا خلااص كفرت من الجنس البشرى كله
بس اصلآ البترول بيخلص من عندهم و هيرجعو كلهم للعشوائيات
انا لسة فاكرة ايام المدرسة واحدة صاحبتى باباها دوكتور كان بيجيله ناس يبوسوا ايده يعالجهم ببلاش!

قال بيقولوا آل سعود دول كان اصلهم يهود؟
عمومآ اليهود فيهم ناس عارفين ربنا اكتر من دول

Anonymous said...

عارفة يا نوارة

انا عشت فترة في السعودية

اقسم بالله

انه هناك ناس فقراء للغاية

مثل افقر فقراء مصر

لكنى لا اعلم حتى الان كيف هذا

وهم يحققوا منذ اكثر من 3 سنوات اعلى فائض في الميزانية في تاريخهم

صدق من قال

ان كل حكام العرب

هم استعمار داخلي

!!!!

Anonymous said...

أكيد اللي عايش في العشوائيات دي مش سعوديين
أو سعوديين بس من المغضوب عليهم زي الشيعه و الخوارج

طب يالا فقره اختبر معلوماتك
السعوديه فيها كام امير و اميره؟

1 5000 امير و اميره
2 15000 امير و اميره
3 30000 امير و اميره

Anonymous said...

انت خشي على المدونة دي وحتعرفي حاجات كتيرة اوي
http://geocities.com/alsabaani/blog.html

Anonymous said...

الفيديو هايل
بس كون ان في فقرا في السعودية شيء مش مبهر .
وكميه السعاده اللي ظهرت علي الاخ في اول تعليق بسبب ان اكتشف ان الهم طايلنا كلنا بتعبر عن كلام كتير مقدرش اقوله من غير تجريح فاهفضل اني مقولوش


كل دول العالم فيها فقرا وده شيء منطقي وطبيعي
وجزء من تركيبة اي مجتمع الفقراء ,لكن وجه االاختلاف هو نسبة الفقر
واللي هي في مصر وصلت لمعدلات كبيرة جدا
عكس السعوديه اللي نسبة الفقر فيها قليلة جدا
لدرجة جعلت من سكان دولة مجاورة لها مثل مصر يندهشون من وجود فقراء اصلا

Anonymous said...

السلام عليكم
لعبة الكراسى يا اختى والخوف عليها

فاكرين المليلم اللى ممكن ينصرف على حد فقير هينقص من خضم المال والوفير وكلما ازدادوا غنى ازدادوا حرص

اذا تحكمت الكراسى فى الناس تتساوى كل الدول
رب استرنا

تحياتى

Anonymous said...

و الله العظيم اليوتيوب ده اختراع
:)
تحياتي