Friday 6 July 2007

عاجل الاعتداء على الصحفي احمد بدر


من عند مراقب مصري
اللي هو مينا بس مخبي اسمه
امناء الشرطة قالوا له الصحافة على جزمتنا
والموضوع مالوش علاقة بشخص الاستاذ احمد بدر
يعني احمد بدر مش دبلون
مش سواق ميكروباص
مش خبير اصوات جاهل وحاقد ومضلل وكذاب وصايع
ولا ينتمي الى قناة الجزيرة
ولا مافيا حروق اللسان اللي بيتكلم عليها دفاع اسلاك نبيه
كل الحكاية ان احمد بدر كان فايت مصادفة كان فايت معاه
موكب السفير الامريكي
والسفير الامريكي ده بقى عامل نفسه راجل شيعبي
كل يوم يحضر لنا مولد وحفلة طهور وفرح ع السطوح
بس ما سبقش ووضح موقفه من الصحافة
هل هي على جزمته وللا على حزب الريح
المهم ان احمد كان عايز يعمل محضر
بس الظابط رفض
والظابط ده اسمه اسلام خليل
والنبي بقى ماحدش يسمي عياله تاني اسلام
كل حاجة بتتلزق في الاسلام
حتى ظباط الشرطة
ده ايه الوكسة دي يا ربي
التفاصيل
هنا

16 comments:

Anonymous said...

مفيش اي حاجه حتتغير في البلد
و الوضع حيزداد سوء
الا لو الناس نطقت
و كلمه الناس يعني كل الناس
مش نقابة كذا و لا طلبه جامعة كذا
نفسي كل مصري بتفرج علي فيلم غاندي
او يقرا كتاب قصه حياة مانديلا
يمكن واحد من دول يجيب التايهه
و الناس تفهم انه مفيش مخرج
الا لما كل الناس تنطق

الناس قاعده مستنيه الفرج
مستنيه معجزه
عصر المعجزات انتهي
مش حتخلصوا منه و لا من ابنه
ولا من عمه و لا من ظلمه
الا لما تنطقوا

دانتم لما بتدعوا . . بتنطقوا
لما بتصلوا لربنا . . بتنطقوا
لما بتروحوا عند البقال و لا الحلاق
برضه بتنطقوا
اشمعني لما بتيجي سيرته بتسكوتوا
انتم مش عارفين ان السكوت علامه . . الرضا
تلاته محدش بيسمع صوتهم
الاخرس و النايم و الميت
انتم انو واحد فيهم؟

كل شعب عنده نظام الحكم اللي يستحقه
زي واحده قريبتي
جوزها مطلع عينها بقاله 30 سنه
ضرب و حبس و شتيمه و جبس
و برضه لسه . . مش عايزه . . تنطق

في تعذيب في الاقسام؟
طب عرفتم منين يا عفاريت؟
شفتوا الافلام؟
طب ماتزعلوش
انا عندي الحل
مفيش موبايلات يبقي مفيش افلام
يبقي مفيش تعذيب في الاقسام :)

المحامين الافاضل اللي بيدافعوا
عن الضابط الشريف الانسان اسلام نبيه
بدعي من كل قلبي تطلعوه براءة
عشان يجي يوم يقبض فيه
علي عيل من عيالكم
و يعمل له عمليه توسيع
من غير ترقيع
زي ما عمل في عماد الكبير
بس المره دي مفيش افلام
عشان الموبايل ممنوع
من دخول الاقسام :)
و بالشفا لنجلكم المصون . . مقدما

تحياتي

Anonymous said...

أطالب بتعديل القسم الدستوري
عند تولي الرئيس مبارك لولايته ال 45
علي جمهوريه مصر العربيه للأتي

أقسم بالله العظيم
اني اطلع مايتين ام كل مصري و مصريه
عيل او شاب او شيخ او حتي وليه
باستثناء طبعل شلتي و حبايبي الحراميه
و رجالتي في الحرس الجمهوري و الداخليه

أقسم بالله اني حاجوعكم
و اعريكم و ادلعكم
و امسخركم و ابهدلكم
و روح دين ابو اللي جابوكم اذا لسه ماطلعتش
انا حاعمل كل جهدي و اطلعهم
و الله علي ما أقول شهيد


و شكرا
مواطن بيحب رئيسه . . موت

Anonymous said...

أزيك يا نوارة
والله أول ما قريتكلمه إعتداء فكرتة من النوع بتاع عماد الكبير وكمان
الظابط
أسمه إسلام
ولا أنتى إسلام زى الانتى فيرس كده

Anonymous said...

هما عايزين ايه بالظبط
حرام حرام بقى
ايمن نور و بيموت فى الاسر
و عماد مش سايبينه فى حاله
و أعتقال من غير سبب

حسبنا الله و نعم الوكيل
حسبنا الله و نعم الوكيل

Anonymous said...

المأساه اننا لا نتعلم من التاريخ زينا زى حسنى مبارك والفيران الفار من دول يشوف الجبنه جوه المصيده هوب يروح داخل وانتوا عارفين الباقى مع انه لو اتعلم من تاريخ الفيران اللى قبله ماكانش دخل وحسنى مبارك عارف ان مصير الكل الى زوال وان الكرسى مش هاينفعه لما التاريخ اللى احنا بنكتبه مش اللى عبدالعظيم رمضان بيكتبه هايتكلم عنه زى ما اتكلم عن اللى زيه من الطغاه والظلمه والفاسدين ورغم هذا بيرمى التاريخ ورا ضهره اما احنا فالمأساه اكبر معتقدين رغم كل التجارب اللى مرت بينا قريب ان احنا لينا حاجه فى البلد دى احنا نحمد ربنا ان كلاب الداخليه اللى بتحمى مصر بتاعت مبارك بتسمح لنا نمشى فى الشارع استاذ احمد بدر ربنا معاك وهازورك ان شاء الله قريب عند مباحث عض المواطن اااااااااااااااه على فكره دى اه من الالم

Anonymous said...

لول حلوة حتة تلزيق كل حاجة فى الاسلام دى

Anonymous said...

لول حلوة حتة تلزيق كل حاجة فى الاسلام دى

Anonymous said...

هو ايه الحكاية كل ظابط بقا اسمه اسلام
هى كلية الشرطة بقت مقتصرة على الاسم ده وخلاص
ما عليناااااااااااااااا
الواحد زهق بقا
كفاااااااااايه
ولا بلاش كفااية
خليها الوسط

Anonymous said...

هو ايه موضوع اسم اسلام ده
هى كلية الشرطة بقت مقتصرة على الاسم ده ولا ايه
كفااااااااااااايه
ولا بلاش كفاية
خليها الغد

Anonymous said...

السلام عليكم
ده كله بيؤكد ضعف النظام وهذيانه...لسه القادم ياجماعة القادم أسوأ القادم تكسير عظام ومن الممكن أن تصل للإختفاء القسرى ولسه
علشان كده أنتوا أبتدوا الطريق ولازم التضحية وتحمل العواقب حتى تتحرر مصرنا الحبيبة
وفقكم الله وراعاكم
وشكرا ليكم على الى بتعملوه لمصر فى ظل عدم قدرتنا نحن المغتربون على فعل أى شىء

Anonymous said...

الداخلية ضربت القضاة وضربت المحامين وضربت الصحفيين فلا شك اننا فى دولة سيادة المخبرين وسلام مربع للمخبر الكبير

Anonymous said...

الداخلية ضربت القضاة وضربت المحامين وضربت الصحفيين فلا شك اننا فى دولة سيادة المخبرين وسلام مربع لكبير المخبرين

Anonymous said...

الداخلية ضربت القضاة وضربت المحامين وضربت الصحفيين فلا شك اننا فى دولة سيادة المخبرين وسلام مربع لكبير المخبرين

Anonymous said...

لقد مضى وقت الكلام

اعتقد ان الكلام لم يعد يفيد

تحياتي

Anonymous said...

يعنى يا نوارة عايزة إية من الشرطة؟
ضربوا رئيس محكمة و هما عارفين إنه رئيس محكمة. و ضربوا نائب فى مجلس الشعب و هما عارفين إنه عضو فى البرلمان، مع إننا كلنا عارفين إنه برطمان، بس برضة البرطمان ليه إحترامه.
حيعملوا خاطر لصحفى مبتدئ لسه مطلعش كارنيه نقابة؟ و إيه، بيشتغل كمان فى جريدة الدستور.
يا شيخة حرام عليكى!!

إنتى بتطلبى منهم أكتر من اللى يقدروا يعملوه!!


و لسه لما قانون الإرهاب يتعمل، حنشوف أيام ما يعلم بيها إلا ربنا.

تعرفى أحسن حاجة تتعمل إيه؟ الصحفى ده يشتكى فى السفارة الأمريكية بسبب اللى حصله بسبب موكب السفير، و لو ظنى مخبش، السفير حيوقف فى صفه.
بس ساعتها، يقدم طلب لجوء سياسي هناك بالمرة، لأنه ح يطلع عينه لما يخرج من باب السفارة.

Anonymous said...

نوارة

ينكن يتهموكي بإزدراء الأديان و يقولوا إن كل الظباط اللي بتكتب عنهم إسمهم إسلام