Saturday 7 May 2011

عاجل.. عناية المجلس العسكري، ومجلس الوزراء

انا وصلني الميل ده:

29 يناير وبعد حدوث الانفلات الأمنى احنا كلنا خرجنا من المعتقل لانه مينفعش نقعد بدون مياه ولا نور ولا أمن ..وبعدها فى فبراير تم الافراج عن كل المعتقلين السياسيين وتم نشر اسمائنا على موقع وزاره الداخليه..عملنا بطاقات الرقم القومى دون ادنى مشاكل.. ولكن حدث ان زميلى كان ماشى على كمين فالبصدفه كشفوا على اسمه على كومبيوتر وزارة الداخليه ولقوا مكتوب ( هروب ) فاتكلبش وفضل اسبوع محتجز فى ظروف صعبه مع المجرمين لغايه متعرض على وكيل النيابه .. قام وكيل النيابه قال ( يرجع الى محبسه )!!! ده بعد متم الافراج اساسا عننا كلنا وخلاص بدانا نستنشق نسيم الحريه.
نحن لا نعرف الان هل كل المعتقلين الذين (هربوا) من المعتقلات بعد الانفلات اتعمللهم قضايا هروب ولا الداخليه عملت لاسماء عشوائيه او بالأحرى لابناء سيناء حيث اعتادت على عاملتهم كمواطنين من الدرجه الثانيه.
اسماء المعتقلين فى سجن طره شديد الحراسه ( العقرب) الذين تم القبض عليهم دون وجه حق وقضوا 40 يوما حتى الان فى السجن .. وكل جهه بترمي مسئوليتها على الجهه التانيه:
عرفات مزيد مسلم فريج ( معتقل سياسى منذ 8 سنوات )
سلامه عوض الله سليمان وديان ( معتقل سياسى)
وشكرا مقدما

2 comments:

ساعي الخير said...

من قبل المخلوع

و أنتي بتخرجي من موضوع

لموضوع

و ساعة الجد

بتغيري الموضوع

يا ريت يا نوارة

تعرفي

و تتأكدي

أن العدل

هو الأساس

لكل موضوع

و نصر العدل في كل وقت و حين

هو ده الموضوع

Ahmed . M . Abdulrahman said...

مش عارف اقولك ايه

مش يمكن فى خلل فى الكومبيوتر ههههههىىىى

دا طبعا مستحيل

مش عارف لازم تتاكدى من صحه المصدر

و صحه الكلام بدل ميكون حد فاقعك زمبه و يعملك مشاكل

لانك حتتهورى وتسرعى و تخدى موقف

و ممكن يطلع ان دى خارطه من خرطات امن الدوله علشان يؤعوكى فى الغلط

حسن النيه مطلوب وسوء النيه مطلوب

احترسى !!!!!

انا نصحتك حكمى عقلك و اتقصى عن الموضوع قبل اى موقف

اكيد انتى حتعملى كده

سلام مؤقتاً يا نواره

_________________________
الى عاوزنى يجينى
http://misr25jan2011.blogspot.com