Thursday 26 May 2011

ايه ايه ايه ايه؟ صلوا ع النبي صلوا ع النبي

ايه ايه ايه؟
بتقبضوا على العيال اللي بتوزع الدعوات بتاعة بكرة ليه؟ 
وقابضين على بنت كمان؟ يعني هي عايدة الكاشف ما تشبهش سوزان مبارك؟ ماعهاش 24 مليون جنيه معلش
المقبوض عليهم من الشرطة العسكرية اثناء توزيع دعوات بكرة
عايدة الكاشف، محمد فهمي، عبد الرحمن امين، ابراهيم عابد
ايه بقى؟ بيتقبض عليهم ليه؟ هي دي اول مرة الناس توزع ورق عشان الجمع؟ ولا ده استجابة للبلاغ اللي قدمه الاخوان في اللي نازلين بكرة؟ 
بعدين انا عايزة اعرف ايه المشكلة؟ لا بجد وربنا ايه المشكلة؟ ماهو في اون تي في "احد قيادات القوات المسلحة" قال ليسري لازم تنزلوا مليونيات عشان نعرف مطالبكم ونستجيب لها
طب الناس حتنزل ازاي من غير ما حد يوزع دعوات؟ يعني تقولوا لنا انزلوا وبعدين تاخدونا على خوانة؟ 
بتقبضوا على الناس ليه؟
هو توزيع الورق ممنوع؟ طب قشطة... بتقبضوا على الاخوان اللي بيوزعوا ورق يقولوا فيه ماحدش ينزل بكرة؟ ولا ايه؟

34 comments:

كيوبيد said...

نواره انا هاقول الى فى قلبى وانتى حره تنزلى على المدونه تحذفى انتى حره بس انا عايز اتكلم بكل صراحه ووضوح ومن غير اى زعل المجلس العسكرى وضح جدا انو يما حاجه من اتنين يما انه مخبط ومش فاهم حاجة وسيبة ماشى على راى المثال الصعيدى بتعنا متطرح ما ترسى يدق له يما انو باع البلد دى الاخوان وجماعتهم والدليل موجود وقدم عينك يعنى اشمعنا المنشور بتاع الدعوه لبكره الشرطه العسكرى ما سكت الناس الى بتوزعه ومنشور الاخوان محدش جه جنب الى بيوزعه كمان فى حوار التعديلات كلنا نعلم ان التعديلات دى ضحك على البشر ازارى انا اقول راى فى 9 مواد ونلقى بعد كده اعلان فيه 69ماده ده دستور جديد مش اعلان دستورى موقت علشان كده انا بقول لاتنين الاخوان والمجلس العسكرى من قبلهم الى ضحى فى التحرير ودمو لسه على التراب ده غالى ولا يمكن اسيب حقه او انسى ده الموت اهون كتير انى انسى دمو الى سيل علشان كده احنا هاننزل التحرير وهانقول بصوت العالى مطالبا وكله مشروعه ومن حقنا نعرف دم الشهيد فى رقابة مين ومين عايز يلعب با دمو الغالى علشان مطالب خاصة وعايز يفصل دوله على مزجو هو انا بقوله من هنا انسى ان كان الاخوان او حتى المجلس العسكرى مع كل الاحترام

Tears said...

الورق اللى بيوزعه الاخوان هو اللى خطر فعلا لان استعمال كلام من عينه العلمانيين الكفرة و الملاحدة و الكلام العبيط اللى بيضحكوا بيه على الغلابة ده ممكن يعمل فتنه بالذات لو اضفتى له اللى قنوات البزنس الدينى بتقوله و بتثيره من فتنه و كأنها حرب بين الاسلام و الصليبيين لدرجة انهم بيكفرونا احنا كمسلمين لاختلافنا معاهم فى الراى السياسي

طول ما الدين داخل فى السياسة ح نفضل فى تخلف..هاتوا نموذج دولة فى العالم فلحت بادخال الدين فى السياسية..كلها نماذج كوارث..الصومال...افغانستان...السودان...حماس...ايران...السعودية

احلام جوليا said...

نواره نجم الحقي شفتي ليه خلوا مبارك في قضية لواحده علشان يدعوا وفاته وتنقضي الدعوة ولا يدان ولا يحزنون ولا ناخد مليم منه ولا من الورثه الي هم مش ورثة اقراي الخبر
http://www.almogaz.com/News-Source/?

mn_link=http://www.Masrawy.com/news/egypt/almasryalyoum/2011/may/26/mu7akma_mub.aspx?ref=rss

ابراهيم رزق said...

نوارة يا بطلة

الصورة بقت باهتة و قربت تختفى

هو المجلس العسكرى على راى على بابا عدو و لا حبيب

هو فى ايه بالظبط عايزين نفهم
عايزين نفهم
عايزين نفهم

الشعب يريد لا مؤاخذة ان يفهم

تحياتى

احلام جوليا said...

الخبر عن سيناريوهات محاكمة مبارك وخدي بالك من الشرط لو بيتحاكم لوحده ومات ايه الي يحصل تنقضي الدعوة من الاصل وتقف المحاكمة مش بقولك شمه ريحة مش مضبوطة

احلام جوليا said...

بوادر الصفقة وحيرجع امن الدولة ولا امن الوطني تاني

hardway said...

لا..ماتشبهش ياحاجة..ومين ست عايدة دي كمان..ثورجية
مفيش مليونية..فاهمة مفيش مليونية
موتي غيظاو كمدا وخدي معاكي ست عايدة
مفيش أخوان ..يعني مفيش مليونية...
في ترمس بطاطا سخنة سوداني حاجة ساقعه شاي سحلب و الاهم حمص الشام ......
بالنوسبة ..كلمة بايخة لا يوجد بها أفيه
أحسن تفتكري أن دمك خفيف..برضه مفيش مليونية سلمي علي عايدة

hardway said...

لا..ماتشبهش ياحاجة..ومين ست عايدة دي كمان..ثورجية
مفيش مليونية..فاهمة مفيش مليونية
موتي غيظاو كمدا وخدي معاكي ست عايدة
مفيش أخوان ..يعني مفيش مليونية...
في ترمس بطاطا سخنة سوداني حاجة ساقعه شاي سحلب و الاهم حمص الشام ......
بالنوسبة ..كلمة بايخة لا يوجد بها أفيه
أحسن تفتكري أن دمك خفيف..برضه مفيش مليونية سلمي علي عايدة

احمد محمد عمر said...

كلام رائع
وانا والله سلفي
وضد التظاهر
لكن انا ايضا ضد التآمر من الاخوان علي ثورة ليسوا اصحابها

فرغم اني ضد التظاهر لاقتناعي دينيا بعدم مشروعيته اولا وآخرا
لكني ايضا اعلم ان الهدف من وقفة الغد هو اسستكمال مطالب الامس ومن شارك في الامس كان حري به ان يشترك في الغد

لكنهم الاخوان كما قال فيهم الامالم الالباني (( الخوان )) وليسوا الاخوان
وهكذا هم الغدر والخيانة ديدنهم

om said...

مشكلتكم إنكم بقيتوا متعصبين بشدةةة..
أنا حزينة أوى حسة إنكم ما بقيتوش بتسمعوا غير نفسكم!! و إللى يقول غير إللى إنتوا بتقولوه يبقى خاين و عميل و مبيت نية سوء و له مصالح...
يا بنتى فيه حاجة اسمها الأغلبية و فيه حاجة اسمها الأقلية.. نادرا ما هنتفق على حاجة واحدة (إلا خلع المخلوع دى كانت حاجة نادرة).. لذلك وجب على الأغلبية الاستسلالالالالالالالالالالالام لرأى الأقلية (دى قاعدة شرعية و قانونية و دولية و كل حاجة!!)..مش حاسين إن الأغلبية رافضة فكرة الثورة التانية بتاعتكم دى؟ و الإعلام كمان مش فى صالحكم سوء المصرى أو الفضائى؟ مش سامعين إللى بيحاولوا يحذروكم إن اليوم دة خطر بلاش أحسن؟ ثورة يعنى ثورة إنتوا فاهمين؟ الثورة بتبقى على نظام مستبد و لا سبيل للحوار معه بعد صبر سنيييييين!! عاوزين إنتوا بقى تعملوا ثورة على الجيش(!!منتهى الجهل بالمسئولية!)، و ثورة على الحكومة إللى أول مشكلة حلتهالنا مشكلة المية إللى كانت هتتقطع عنا، بس دى مشكلة بسيطة -على رأيكوا- مش إنجاز يعنى نبقى نشترى مية معدنية لكن الأهم دلوقتى المجلس الرئاسى هو دة الأمن القومى بتاعكم!! لسانى عاجز عن وصف عقولكم فى المرحلة دى.. واللا الاتهامات إللى بالجملة و إللى لسة برضه بتحطيها بدون دليل على الإخوان و غيرهم (بلاغ إيه يا بنتى إللى الإخوان قدموه فى إللى نازلين 27؟ إنتى بتهرجىى؟جبتى الكلام العجيب دة منين؟ بقيتى بتروجى إشاعات للأسف و يا ريتك بتقرى تعليقات الناس عشان زى ما بتتكلمى تسمعى ؟ للأسف إنتى كنتى عندى "وطنية و عاقلة و زكية" دلوقتى إنتى عندى "وطنية" بس، بصراحة بدأت أشك فى الحكمة إللى إنتوا بتدعوها..
و عموما، كل إللى بطلبه منك إنك تسمعى لصوت العقل.. و بطلوا ديكتاورية بقى بإسم الوطنية..
سلام مؤقتا

om said...

مشكلتكم إنكم مش عارفين إن أكتر من 12 ائتلاف رافض يوم 27 و بيحذر من أخطاره كمان!! و مستغربة إنتى و بتقولى "إيه ايه ايه ايه ؟؟صلوا ع النبى؟" يا ريت تصلوا إنتوا ع النبى..
الخبر آهو:

‏12 ائتلافا ترفض المشاركة في جمعة الغضب الثانية وتسميها جمعة الخطر...

قرر‏12 ائتلافا وحركة سياسية عدم المشاركة في التظاهر يوم الجمعة المقبل تحت شعار جمعة الغضب الثانية‏,‏ وطالبت جميع المصريين بعدم المشاركة فيها لما تنطوي عليه من خطورة بالغة علي ثورة‏25 يناير‏,‏ وعلي مستقبل مصر‏.‏

وقالت هذه الجهات في بيانها: إنها لن تكون جمعة غضب, ولكنها ستكون جمعة الخطر علي مصر.

وأضافت أن الدعوات للتظاهر بعد غد الجمعة تضمنت دعوات لتخريب منطقة وسط البلد, ودعوات لتشكيل مجلس رئاسي مدني في ميدان التحرير, ودعوات لاختيار كل قيادات القوات المسلحة بالانتخاب, وهو ما لم يحدث في أي دولة في العالم, في أي وقت من قبل, علي مدي التاريخ, وتحت أي مذهب من المذاهب السياسية.
وتضم هذه الائتلافات والحركات جماعة الإخوان المسلمين , وائتلاف ثورة مصر الحرة , وتحالف ثوار مصر ويمثله , وائتلاف الوعي المصري , ولجنة الإغاثة الميدانية , والجماعة الإسلامية , وحزب شباب التحرير, واللجنة التنسيقية للثورة , وجمعية محبي مصر السلام , ومجلس أمناء الثورة ويمثله د. هاني حنا , وائتلاف العاملين بالدولة , والدكتور مظهر شاهين خطيب الثورة.

وفيما يتعلق بموقف الإخوان النهائي, قال الدكتور عصام العريان لـ الأهرام: إن الموقف الحالي هو التحفظ علي المشاركة, ولكن القرار النهائي سوف يصدر اليوم, وتستطيع الأهرام أن تؤكد أنهم يميلون إلي المقاطعة.

واستطرد بيان الائتلافات والحركات أنه اتضح لها أن جهات مشبوهة تقف وراء هذه الدعوات بغرض إحداث فوضي وصدام بين الشعب والشرطة والجيش تمهيدا لتدخلات خارجية, طبقا لمسلسل الفوضي الخلاقة الذي نجت منه مصر بفضل ثورة25يناير, وحماية القوات المسلحة لهذه الثورة, وحرصها منذ البداية علي عدم إطلاق رصاصة واحدة علي المواطنين.

كما أهاب بيان الحركات والائتلافات الإثني عشر بالمواطنين أن يأخذوا أقصي الحذر واليقظة, خاصة في منطقة وسط المدينة, وتشكيل لجان شعبية للتصدي لأي أعمال تخريبية.

om said...

كلام للعاقلين (إللى نفسى ترجعى تبقى منهم تانى إنتى بالذات لإن عليكى مسئولية 20000مواطن على الأقل زى مانتى بتقولى على عدد المشتركين فى مدونتك).. بقلم: أسامة عبد السلام، كاتب وباحث سياسي.

"المطالب التي يدعو لها هؤلاء للتظاهر يوم الجمعة (27/5) هي:

1- مجلس رئاسي مدني لتنفيذ أهداف الثورة كاملةً مع جمعية تأسيسية لوضع دستور جديد للبلاد.

2- تطهير الشرطة من قيادات الفساد وإعادة الأمن والأمان لمصرنا الحبيبة.

3- تطهير القضاء، لضمان تطبيق العدالة الناجزة.

4- تطهير المحليات وانتخاب المحافظين.

5- تطهير الإعلام بكل وسائله، فلا تقدم ولا حريات في بلد يرأس إعلامه فاسدون.

6- الإفراج عن جميع المعتقلين السياسيين من يوم 25 يناير وما قبلها والإفراج عن ضباط 8 أبريل الأحرار.

7- محاكمة كل الفاسدين والمفسدين، وعلى رأسهم المخلوع مبارك.

8- استرجاع كل أموال الشعب المنهوبة، ومحاكمة كل من شارك، أو ساهم، أو تواطأ في نهب ثروات البلاد).

هذه المطالب كما تلاحظ جميلة وممتازة، ومن السهل على الكثيرين من الشعب المصري التعاطي معها، وكل مطلب منها يعدُّ مبررًا للنزول للشارع، هذا هو العسل الذين يريدون خداع الناس به، أما السم فهو المطلب الأول الذي ينقضُّ على نتيجة الاستفتاء، ويلغيها تمامًا، وبالتالي يلغي إرادة 18 مليون مصري، فالمجلس الرئاسي، والجمعية التأسيسية والدستور الجديد الذين يطالبون به الآن وفورًا؛ قد أعلن غالبية الشعب رفضه لهذا الطرح.

لذلك الخدعة سوف تكون كالآتي: دعوات للنزول يوم الجمعة القادمة لميدان التحرير، وسينزل الكثير من الناس بحسن نية، وقد يكونون رافضين تمامًا لمبدأ وضع دستور الآن أو فكرة المجلس الرئاسي، ولكنهم خرجوا من أجل تطهير الشرطة والقضاء والإفراج عن المعتقلين، لكن مع سيطرة الليبراليين على وسائل الإعلام سوف يكون هناك حرص على نقل الحدث وتسليط الضوء على أنهم خرجوا من أجل تشكيل جمعية تأسيسية ووضع دستور جديد الآن في انقضاض على نتيجة الاستفتاء، ويضغطون بالتالي على المجلس العسكري مع وضعه في الحرج، خاصةً مع الأزمات الأمنية والاقتصادية التي تعصف بالبلاد، وبالتالي نجد رجلاً مثل يحيى الجمل وشركاه؛ هم الذين يشكلون لجنة تأسيس الدستور، ومن ثم وضع دستور جديد على هواهم، ويتمشى مع مرجعيتهم الليبرالية العلمانية بمعزل عن الشعب الذين يخشون أن يأتي بالإسلاميين للمجلس الشعب، وبالتالي تكون لهم الكلمة الأولى في تشكيل لجنة وضع الدستور وبالتالي وضع دستور تكون مرجعيته الشريعة الإسلامية.

هذه هي اللعبة السياسية التي تجري في مصر الآن.. ليبراليون وعلمانيون لا يملكون أيديولوجيا مقنعة للشعب أو برنامجًا نهضويًّا معتبرًا، ولكنهم يملكون التمويل والدعم الخارجي الكبير- الإدارة الأمريكية أعلنت دعم (التحول للديمقراطية!!) في مصر بـ250 مليون دولار- مع السيطرة شبه المطلقة على وسائل الإعلام، ودون رصيد شعبي يذكر لهم، في المقابل إسلاميون وفي مقدمتهم الإخوان لا يملكون مصادر التمويل الضخمة التي عندهم إلا من جيوبهم ولا يسيطرون تقريبًا على أي وسيلة إعلامية، ولكن أيديولوجيتهم الشعب المصري، يحبها ويتعاطى معها؛ لأنه متدين بطبعه، لذلك ليس أمام يحيى الجمل وأعوانه سوى تمرير دستور على هواهم بمعزل عن غالبية الشعب المصري.

هذا هو المشكل في الموضوع، أما الكارثي فإن هؤلاء الذين ينقضُّون على نتيجة الاستفتاء يزرعون- بقصد أو بغير قصد- بذور الفتنة التي تهدم ولا تبني ويهدمون أبسط معاني الديمقراطية التي تستند إلى الاحتكام إلى رأي الأغلبية.

أدرك أن هناك من الشرفاء من سينزل يوم الجمعة، ولم يفكر في الموضوع بالشكل الذي طرحته، إما لأنه لم تصله الفكرة، أو لعدم اقتناعه بها، وهذا حقه الذي لا تثريب عليه، لكن أخشى ما أخشاه أن يتم استخدام هؤلاء في إظهار الصورة إعلاميًّا على عكس ما يريدون، فيصبحون مفعولاً بهم وليسوا فاعلين، اللهم قد بلغت؟! اللهم فاشهد

DIY CNC said...

يا جماعة ماتخفوش من الأخوان هو دا ديما مبدئهم والى يتجوز امى ائؤلو يا عمى لاكن للئسف كل مرة بيتخوزقو جامد وبعدين يحصل التغير المتابع للتاريخ يرى جماعة الأخوان وتحالفتها المشروعة او المشبوهة ناصر مع العمل والوفد والنظام ممكن بكرا يحلفو مع 6 ابريل فى ايه احنا منجناش الثورة الى فاتت الى نجحنا ربنا وقادر ينصرنا ويزل كل خسيس

يعنى من الأخر العسكرين حيركبو الخوان شوية وخلاص بيتك بيتك المهم انن نثبت

hassan said...

للاسف
انا شايف ان فلول النظام السابق سواء بمعرفةالمجلس العسكرى ام لا
قدرت تفرق مابين شباب الثورة
فرق تسود
خلتنا كلنا نطمع فى الغنايم وحصل انقسامات داخلنا وبقينا نفكر فى انفسنا وما يمكن ان نحصل عليه ونسينا الهدف الاكبر وهو مصر

hassan said...

للاسف
انا شايف ان فى ناس كتير مواقفها اتغيرت ناس من اللى كانو موجودين فى الميدان وشافو بعنيهم دم الشهداء
بجد انا حزين.........
كلاب النظام السابق قدرو يشقو صفوفنا وتوحدنا على هدف واد وهو مصر
انشغلنا بلم الغنائم
كل مجموعة بتحاول تاخد اكبر نصيب من هذه الغنائم
ونسينا هدفنا الاكبى والاسمى
مصر ..مصر

yosef200077 said...

نوارة صديقة الجيش و كاتبة جوابات الحب و الغرام كلمة واحدة حارد بيها



خدى فطيرك

dandosa123 said...

بصى بقى يا نوارة عشان التمثلية دى طولت وبقت بايخة عمر سليمان كان بيخوف الدول الاجنبية ان مبارك اول ما يمشى الاخوان حيمسكوا الحكم ومبارك خوفنا وقلنا الفوضى او الاستقرار وقال للدول الحقوا الاخوان هما اللى حياخدوا الحكم وطبعا الاخوان مكدبوش خبر اتحالفوا مع المجلس اللى راخر قالك الاخوان تنفيذا للى شافه مبارك وعمر سليمان و جابلنا صبحى صالح وفزعنا بالسلفيين عشان نقول الاخوان ارحم وطبعا الكلام بيتعمل مع البلطجية اللى دايما مش عارفة ازاى بيطلعوا اول ما المظاهرات بتبقى موجودة زى يوم 9 مارس و 9 ابريل ويولعوا امبابة ومفيش شرطة ودلوقتى لما الناس فهمت المجلس العسكرى مع مين ظهرت الشرطة عشان تقبض على اللى بيوزع بوسترز ضد المجلس بصى لا مبارك حيتحبس ولا حسين سالم حيرجع واحنا مش حنشوف العادلى فى الزنزانة ولو المجلس شايف ان ده غلط يبقى ازاى سايبوه كده؟؟؟؟

archimedes012 said...

الت.ر.ص ملى الكيس على الآخر و محتاجين التبرع باكياس زيادة يا جماعة على شكل الاكياس اللي معانا مش هتكفي

Sameh Hassouna said...

ماشاا الله
بتوع امن الدوله واللجنه الالكترونيه للحزب الواطي بيردوا علي كل بوست
نفس الغباا زي النظام البائد 
ده يخلينا نحس مقدما بنجاح ثورتنا التانيه لان الناس دي بهائم ومابتتعلمش من أخطائها !!!

حياه افضل said...

ده على كده بيهددونا ان ممكن بكره نلاقى اعتقلات وضرب فى المليان زى يوم 28 بالظبط ايه اللى بيحصل بالظبط انا نفسى اعرف حد يقولى اخد كفنى معايا وانا نزله بكره ولا ايه بالضبط

حياه افضل said...

هو ايه بالظبط اللى بيحصل فى البد ده ده بيهددونا بقى عشان ممنزلش ولا ايه طب احنا نزلين نزلين واللى عايزين تعملوه اعملوه وهاخد كفنى معايا وانا نزله كمان هما عايزنها بركة دم ولا ايه

حياة الظل said...

الكعكة اتقسمت خلاص
الله يورينا فيك يوم يا سلفية ويا اخوان ويا حماس وحزب الله وبقية الجزم

Dina Nasrini said...

أولا .. الشاطر اللي عمبيقول 12 إئتلاف رفض المشاركة .. يا ترى جربت تعد كام حزب رفض المشاركة بالثورة ؟ ... و هلق الكل صار بده يركب و يدندل رجليه ؟ ... طيب أنا مو بصدد النزلة بكرا " لمساعدة المجلس العسكري بوجود قوى ضغط داخلية كافية تخفف من الضغوطات الخارجية " إقرأ تعليقات ستة أبريل " أنا لست في هذا الصدد .. لكن المشكلة أن يتم اعتقال ناس بدون أي مناسبة إلا أنهم قرروا أن يتوجهو توجهاً لم يعجب شخصاً ... او مجموعة ما .. دون إنذار أو تنبيه و دون أن يكونو قد تعرضو لأي بند من بنود القانون أو الدستور .. إنتو يعني عمبتمثلو الغباء على حالكم .. طيب لإيمتى .. فهمنا بدكم البلد تمشي .. يا عيني رح تمشي بس تمشي عرجا؟

Omaymah Al-Shathily said...

انا بجد حتجنن من اللي بيحصل.. اموت وافهم ايه اللي بيحصل ... المجلس العسكري من بدري عمال يلعب معانا لعبة المستهبلة لكن توصل انه يقبض على اللي بيوزعوا دعوات؟؟؟ لا وكله كوم وتخوين الاخوان المسلمين لينا كوم تاني.. رجعنا تامي لسياسة التخوين والقرف ده وكأننا نازلين بكره عشان مصلحتنا الشخصية ومش بعيد يكون المرة دي وجبة من ماكدونالدز بدل كنتاكي عشان يغيروا .. م كلنا نازلين عشان مصر.. واللي مش نازل برضه عشان مصر.. كل واحد بيتكلم من وجهة نظره وانا بحترم الجميع بس انتوا اللي قلتلنا لما ميعجبكمش حاجة التحرير موجود.. نيجي ننزل تقولولنا لا وخربتوها والتفاف على الاستفتاء؟؟؟ اساسا ايه دخل الاستفتاء ببكره؟؟ ده كان استفتاء لعبة اساسا وكمان كان على مواد دستورية ايه علاقته بمطالبنا بكره للي بيدخل ده ف ده؟؟
احنا نازلين لان مصر غالية علينا قوي.. والشهداء غاليين علينا قوي .. ومش مستعدين دمهم يروح هدر ونلاقي مبارك هرب بره مصر او اخد حكم مخفف او اعلنوا وفاته وهو لسه عايش عشان برضه يهربوه .. احنا نازلين عشان ثورتنا بتتسرق مننا وحسبنا الله ونعم الوكيل

متفائل said...

عايز أسألك سؤال واحد وبلاش تجاوبيني عليه .. كفاية تجاوبي عليه بينك وبين نفسك : ألا تدلك ممارسات الإخوان والكلام المكتوب في الورق اللي بيوزعوه بخصوص مظاهرات الغد - سواء إتفقت أنا معها أم إختلفت - على الإسلوب الذي سوف يديرون به البلاد وطريقة تعاملهم مع معارضيهم حينما يصلون إلى الحكم ؟ إجابتك على هذا السؤال حتنور مخك يا (نوارة) وحتفهمك إن مشكلتك الحقيقية والأخطر ليست مع المجلس العسكري .. ليست مع المجلس العسكري أبداً

e said...

ﻋﺎﻳﺰﻳﻦ ﻣﺠﻠﺲ ﺭﻳﺎﺳﻲ ﻳﺤﻜﻢ ﺍﻟﺑﻠﺪ ﺍﻟﻠﻪﻳﺨﺮﺏ ﺑﻴﺘﻜﻮﺍ ﺍﻡ ﺍﻟﺪﺳﺘﻮﺭ ﻋﻠﻲ ﺍﻡ ﺍﻻﺳﺘﻔﺘﺎ ﺯﺍﻧﻘﻴﻦ ﺍﻟﺪﺳﺘﻮﺭ ﻓﻲ ﺍﻟﺨﺮﺍﺑﺔ ﺑﻘﺎﻟﻬﻢ ﺧﻤﺴﻴﻦ ﺳﻨﺔ ﻭﺩﻟﻮﻗﺖ ﺑﺕﺘﻜﻠﻤﻮﺍ ﻋﻦ ﺍﻟﻔﻮﺿﻲ ﻭﺍﻟﻔﺮﺍﻍ ﺍﻟﺪﺳﺘﻮﺭﻱ
ﺣﺴﻨﻲ ﺍﻟﻤﺘﻬﻢ ﻗﺎﻋﺪ ﻓﻲ ﻣﻨﺘﺠﻊ ﺧﻤﺲ ﻧﺠﻮﻡ ﻭﺍﻟﻀﺤﺎﺑﺎ ﻣﺮﻣﻴﻴﻦ ﻓﻲ ﻣﺴﺘﺸﻔﻴﺎﺕ ﺍﻟﺤﻜﻮﻣﺔ ﺍﺣﺎ ﻓﻴﻦ ﺍﻟﻌﺪﻝ ﻓﻴﻦ ﺍﻟﺪﻳﻦ ﺩﻩ ﺍﻟﻠﻲ ﻓﺎﻟﻘﻨﺎ ﺑﻴﻪ

Rab.Shak said...

دي ايه الهبل ده
هما معانا ولا ضضنا
هما بيحمونا ولا بيحمو ناس معينة مننا

محمد طنطاوي said...

أنا عايز بس كل واحد يعول على نفسه بس طالما إنه شايف الحق هنا أو هناك يمشى وراه لكن مطلوب منه تحرى الحق سواء كان الإخوان معارضين أو مختلفين أو السلفيين معارضين أو مختلفين مش هى دى القضية ولا هم دول أعدائنا عايز كل واحد فينا يعول على نفسه بس ويكفى لإثبات صحة الخروج يوم الجمعة قرار محاكمة المخلوع جنائيا وأنا متأكد إن فيه قرارات تانى هتنزع لصاح الثورة المهم مش عايزن فرقة ومرة تانى الاخوان والسلفيين معانا مش ضدنا وإن كان الموقف ده يتاخد عليهم لأن إحنا محتاجلهم فعلا اليوم ده لكن مهم جدا إننا ما نختلفش ونحدد مين هو عدونا الحقيقى ونعول على نفسنا بس

محمد طنطاوي said...

أنا عايز بس كل واحد يعول على نفسه بس طالما إنه شايف الحق هنا أو هناك يمشى وراه لكن مطلوب منه تحرى الحق سواء كان الإخوان معارضين أو مختلفين أو السلفيين معارضين أو مختلفين مش هى دى القضية ولا هم دول أعدائنا عايز كل واحد فينا يعول على نفسه بس ويكفى لإثبات صحة الخروج يوم الجمعة قرار محاكمة المخلوع جنائيا وأنا متأكد إن فيه قرارات تانى هتنزع لصاح الثورة المهم مش عايزن فرقة ومرة تانى الاخوان والسلفيين معانا مش ضدنا وإن كان الموقف ده يتاخد عليهم لأن إحنا محتاجلهم فعلا اليوم ده لكن مهم جدا إننا ما نختلفش ونحدد مين هو عدونا الحقيقى ونعول على نفسنا بس

عرق سوس said...
This comment has been removed by the author.
عرق سوس said...

كلمتين يمكن يكونوا همه آخر كلمتين
مدونة عرق سوس وخليكم فاكرين إن ذنبى وذنب مصر كلها في رقبته
http://3erqsos.blogspot.com/

Unknown said...

يارب ياخلاف الظنون اخلف ظن الجميع ومنيهم بخيبة الآمل؛قلت للجميع بكل انتماءاتهمأن حديث رسول الله -صلى الله عليه وسلم- قال:-يا غلام لا تطلب الإمارة فإنك إن طلبتها وُكِلْتَ إليها؛وإن هي جاءتك أُعِنْتَ عليها صدق رسول الله - صلى الله عليه وسلم؛ولذا فأنا أقول-وهذا رأيي الشخصي:أنا لو لم ينزل غداً أحد وإن كنت بمفردي سوف أنزل؛ لأنني أشاهد منذ فترة غير قليلة تناقضات في مجالات شتى وكأن الحزب الوطني مازال يحكمنا ويقدر مصائرنا؛ويمارس سياساته المعهودة في الكلام المعسول والوعود الوردية والحياة الناعمة الآمنة المستقرة ؛ورغد العيش ؛ ورفاهية الجميع!ومن ناحية أخرى أرى ممثليه رأي العين في جميع المؤسسات يمارسون الضغوط والافتراءات و العنف والشدةمع جميع الفئات والطوائف من أبناء الشعب المصري؛والجيش ليس له سوىالرؤية المجردة ياأبيض؛ ياأسود؛وله العذر كل العذر ؛فمن أينله بكل الحوارات والمكائدوالخطط المضادة للثورة؛خاصة ونحن في الداخل؛ والجيش لم يتعود؛ولم يتدرب على الكر والفر المدني؛لك الله ياجيش مصر ولنا الله نحن أيضاً ؛ولكن الضحايا كثيرون ليس في جمعة الغضب الثانية فحسب بل في جمع قادمة كثيرة وربما طوال أيام الأسبوع على مدى أسابيع متعاقبة ؛قد تفيق منها جمع الفرق المتصارعة بعد أعوام -في تقديري أربع أعوام.وأخيراً ربنا ينجي الصالحين من القوم الفاسقين وأن يقضي على الفاسدين بأيدي الفاسدين أمثالهم.

moo said...

افدي بروحي كل واحد في المرايا طل
افدي الشهيد اللي بيتبسم
الفجر توب على قده متكسم
والله اعلم مين من الاتنين في صاحبه حل
افدي اللي سهران ع الخيم في الطل
وافدي اللي واقف يشتغل في الضل
وافدي اللي شايل للعناد اشارات
يهدي التاريخ صوب الميدان لو ضل
وافدي اللي واقف هاري نفسه كلام
وافدي اللي يتريق على الحكام
وافدي اللي رايح جاي ما بيتعبش
وافدي اللي جنبه حط فرشة ونام
وافدي طويل البال ما يتعصبش
وافدي المصاب اللي شوية وطاب
وافدي المصاب بهوى التراب وما طابش
وافدي اللي صاب البلطجي وما اتصابش
وافدي المقام العالي في التحرير
دولة بلا امرا وشعب امير

انزلوا ومتخافوش المجلس عارف يفينا كويس والمشكلة فى الاغبياء اللى مصدرين دماغهم سواء القيادات او ديول... مش عارف اصنفهم بايه المهم الكترة تغلب الفرقة المطالب لازم ليها هتافات تسكت اللى قدامها وياريت اقدر آجى ربنا يسهل والحق وربنا يحمينا وينصرنا

احلام جوليا said...

نواره اظن كان عندهم حق يقبضوا على عايدة وواحد تاني فحسب ما سمعنا في التليفزيون اظن كانت هي الي بتتكلم بعد ما افرجوا عنها انها كانت لابسة بدله جيش ووش حمار وهي بتوزع يعني دي شتيمةوبصراحة كده قلة ادب ففي فرق كبير بين ان الواحد ينتقد ويكون ديمقراطي ويختلف في الراي وبين انه يبقى قليل الادب احنا لحد دلوقت كل الي مزعلنا من الجيش مجرد شائعات لكن الواقع في صالحه بصراحه وتباطؤ القضاء من القضاء اصلا مش من الجيش وخاصة ان رؤساء المحاكم كلهم عينهم مبارك نفسه ولم يتم تغييرهم لللاان عاوزينهم يعضوا ولي نعمتهم