Saturday 7 May 2011

هو المجلس العسكري ايه نظامه؟ وناوي على ايه بالظبط؟

تحديث:
مجموعة من الشباب المسلم توجهوا الى كنيسة امبابة ويقفون الآن لحماية الكنيسة. 
تحديث:
انا سامعة من البث المباشر على النت المسيحيين وهم بيهتفوا: الجيش والشعب ايد واحدة، يا رب يا رب.. هو عمل معاهم حاجة كويسة.. يا رب يكون عمل حاجة كويسة، اصلي مش هاين عليا اقلع الدبلة
تحديث:
بكرة فيه مسيرة من دار القضاء العالي لحد ماسبيرو الساعة اربعة، كلنا رايحين ان شاء الله
تحديث:
اهم.. اهم ولاد الوسخة اهم راحوا كنيسة امبابة واتهجموا عليها
طب بقى دول مافيش عتب عليهم لأنهم دلاديل وبيتحركوا باجهزة
العتب على المجلس العسكري والاخوان... كده خلصت يا معلم.. خلصت
احنا عايزين مجلس رئاسي - اللي قبل كده قلت على جثتي، دلوقت قعاد المجلس العسكري هو اللي على جثتي - والاخوان يوضحوا موقفهم دلوقت.. السلفيين بيتهجموا على كنائس الناس وحيعملوا لنا فتنة طائفية وشهود عيان بيقولوا فيه ضرب نار
فيه ضرب نار
لاااااا كده خلصت... كده خلصت يا معلم.
النهاردة ايه في ايام ربنا؟ 
السبت؟ الحشد ليوم الجمعة الجاية، من دلوقت، مش تيجوا الاربع تحشدوا، من دلوقت، عايزين مجلس رئاسي. 
اه.. انا قلت على التويتر:
1- نقل مبارك لمستشفى السجن
2- محاكمة سوزان وعمر سليمان واحمد شفيق
3- اعادة هيكلة الشرطة بالكامل
4- الافراج الفوري عن كل المحتجزين واعادة محاكمة اللي اتحكم عليهم في قضايا عسكرية واحالتهم لمحاكم مدنية
بس مدام الحكاية وصلت لضرب نار يبقى الجيش يمشي
اللي مش عارف يحمي البلد من فتنة طائفية وصلت لضرب نار يمشي.. زي ما مشينا مبارك بالظبط، ومشيناه عشان فيه كنيسة انفجرت، ولا هم مش واخدين بالهم ان كنيسة القديسين هي اللي خربتها؟
يالا بقى ايفينت وانا حاكلم الائتلاف دلوقت
------------
كاميليا شحاتة طلعت من هنا على قناة الحياة، وفجأة لقيت واحد كاتب يقول مسلمة محبوسة في كنيسة امبابة رجاء الحشد، وبعد شوية لقيت واحد بيقول السلفيين متجميعن بالسيوف عند كنيسة امبابة
ما اعرفش معاهم سيوف ولا لا.. بس شفت واحد سلفي فعلا على التويتر بيقول رجاء الحشد
خير؟ 
الشرطة العسكرية فين؟
والمجلس العسكري فين؟
وايه حكاية كاميليا اللي ظهرت فجأة، دي كاميليا نفسها بتقول بيشغلوكوا بيا عن القضايا الاهم.. بصوا لمصر
اه.. ايه بقى؟
ايه؟ المجلس العسكري ايه نظامه؟ مطنش يعني.. 
مطنش؟
مطنش ولا هو اللي محرك الموضوع بقى؟
ماهو هالله هالله ع الجد والجد هالله هالله عليه، سوزان مبارك مش بيتحقق معاها، ومبارك نفسه مش بيتحقق معاه، وقاعد في مستشفى شرم الشيخ مع ان رئيس الطب الشرعي الجديد قال يقدر يتنقل مستشفى السجن، ومرتضى منصور خرج، وموقعة الجمل اتحولت من النيابة العامة، وعمر سليمان اتقدم بشأنه قضايا والنائب العام قال مش اختصاصنا، وبعدين قالوا اتحول للنيابة العسكرية وبعدين رجعوا قالوا لا مافيش حد بيحقق مع عمر سليمان، وبعدين الشرطة رجعت وبتمارس بلطجة على سكان العشوائيات وبياخدوا منهم اتاوة وبينتقموا منهم ويقولوا لهم: مش شاركتوا في الثورة؟ خلي الثورة تنفعكم.. والعمال طالع ميتين ابوهم وشكل الحد الادنى للاجور مش حيتفعل
والسلفيين دول ما بيتحركوش من دماغهم ابدا.. ابدا.. عمرهم.. عمرهم في حياتهم ما اتحركوا من دماغهم، لازم لهم جهة توجههم، ومش حيهيجوا الهياج ده الا فيه حد دافعهم، والاخوان مش حيقرنوا لهم كده الا يكونوا عاملين صفقة
وبصريح العبارة بقى، بلا سعودية بلا نيلة
الموضوع ده واقف وراه المجلس العسكري وش... ايه؟ اييييييييييه؟ ايييييييييييييييييييييييييه؟
مين اللي علمكوا تعملوا الحركات دي؟ ايييييه؟ ايه حكايتكوا؟ 
وعصام شرف كان بيعمل ايه في السعودية؟ وليه السعودية رصدت مليار ريال لدعم الحركة السلفية في مصر؟ عمالة عيني عينك كده؟ وده من ورا المجلس العسكري برضه؟ ومن ورا عصام شرف برضه؟
لا عدم اللا مؤاخذة
ان كنتوا اخوات اتحاسبوا
مش انا حبيبة الجيش؟
خد دبلتك اهي... يا الليلة دي تتلم، يا تطلقني 

75 comments:

hayat ank said...

احنا معاكى وبنقولك كده من الاول وانتى مش مسدقه شوفى بقى الحل ايه انا شايفه من وجهه نظرى الى مش بشوف بيها اساسا ان لازم تتحقق كلمه عزمى بشاره نعمل ثوره لحمايه الثوره

أيـمَـن said...

عـدّاكـى العيـب و أزح و طـار

Unknown said...

المجلس العسكرى بيلاعبنا
و بيفشخنا بغبائه

marwa said...

هههههههههههههههههههه طب اهدى بس اعصابك , صحتك تهمنا بردوا
بس بصراحه انا سعيدة جدا انك وصلتى للنتيجه دى لوحدك واحب اقولك حمدلله على
السلامه

dalia said...

قلنا لك من الاول السعودية هي صاحبة البلاء ده ومتخيلة انها بكده بتحارب المتشيعين اللى هم اصلا مش موجودين في مصر والسعودية عايزة مصر تولع وان شاء الله ربنا هيرد كيدهم في نحرهم المجلس والحكومة لازم يفوقو شوية ويحمو مصر مش كاميليا ولا زفت

Shower-Mirror said...

انا شايف ان خبر كنيسة امبابه ده اللي علي تويتر اغراضه واضحه جدا اولا اللي كاتبه مسمي نفسه اخو كاميليا وثانيا واضح جدا ان قصده يولع البلد .. وهو بسلامته عرف منين ان في واحده مخطوفه جوه ؟؟ وكان فين وهي بتتخطف بروح امه ؟؟؟ والله العظيم اللي بيحصل في البلد حرام ... والمجلس العسكري هايعملنا ايه والا حتي حزب الناتو طالما احنا شعب ابن ستين تيييت عايز يولع في بلده عشان اغراض اخري ........ لكي الله يامصر

Emad said...

الكلام اللى انت بتقليه دة دلوقتى احنا بنقوله من زمان و لما قلناه قالوا انتوا عايزين تودوا البلد فداهية المجلس العسكرى هو اللى ورا كل اللى بيحصل لانة مش عايز ان احنا ندور وراهم و نحبسهم زى ما الباقى اتحبس للاسف حال البلد مش هايتصلح الا اما يتعمل مجلس رءاسى مدنى ودستور جديد

Ahmed . M . Abdulrahman said...

طلق مبطلقش

بس بتخلع

مش وقت هزار خالص

الموضوع فعلا مريب شئ عجيب فعلا

انا كنت امنت ان المجلس وطنى خاصه بعد الكلمتين الى قالوهم على الاون تى فى

بس واضح انه طلع مجلس تربتتتى

مش عارف بجد محتار دا هبل

هو كان فى علاج واحد
ان يبقى فى قياده مركزيه للثوره

بس للاسف احنا كنا فرحنين ان مفيش قياده

ولاكن حان وقت القياده

علشان الشعب ملوش غير سيادته على ارضه

و مجلس بقى مش واضح و طشاش

وكل واحد يطلع يعملنا خماره من زبيبه

ويهيج الجماهير الى هيه اساسا هيجه

و يجرى فى الى فاكرين ان السلفيه دقن و جلبيه

فى الشوارع فى مظاهرات فاشله
لان اساسها هاوى و رخو

وزى مخوتونه بشعارات

الاسلام هو الحل ( شعار سليم لاكن مش بنيه سليمه )

و الرياضه هى الحل ( لعب عيال )

انا بقولها ( القياده هى الحل )

يله و بقى طمنى مقطيع المدونه

سلام مؤقتاً يا نواره
___________________________
الى عاوزنى يجينى
http://misr25jan2011.blogspot.com

e said...

ﺻﺒﺎﺡ ﺍﻟﺨﻴﺮ ﻳﺒﻘﻲ ﺍﻟﻤﻠﻌﻮﺏ ﻃﻠﻊ ﺻﺢ ﻋﺎﻳﺰﻳﻦ ﻣﺠﻠﺲ ﺍﻧﺘﻘﺎﻟﻲ ﻳﺼﺮﻑ ﺍﻣﻮﺭ ﺍﻟﺒﻠﺪ ﺣﺎﻻ ﻭ ﻭﻭﻻﺩ ﺍﻟﻬﺮﻣﺔ ﺳﺍﻳﺒﻨﻬﺎ ﻓﻮﺿﻲ ﻋﻠﺸﺎﻥ ﻧﺘﻠﻬﻲ ﻭﺍﻟﻔﻠﻮﺱ ﺿﺎﻋﺖﺎ ﻻ ﻟﺤﻜﻢ ﺍﻟﻌﺴﻜﺮ ﻻ ﻟﺤﻜﻢ ﺍﻟﻌﺴﻜﺮ ﻻ ﻟﺤﻜﻢ ﺍﻟﻌﺴﻜﺮ

Frozen Chick said...

أخيراً وصلتي... حمدالله على السلامة
عزيزي الكاتب.. حرصاً منا على سلامتك.. نرجو الإبتعاد عن أي من أفراد المجلس العسكري, إنهم خطر ضار جداً بموضوعية أي كاتب
العساكر فيهم سم قاتل

باب أمل said...

اانا شايفة ان المجلس العسكرى دايما بيجى بالضغط علية والمفروض نحمى الثورة اللى راح فيها دماء بعمل مليونات مش مليونية لتنفيذ المطالب فورا وخاصة ان مبارك الى الان لم يتحاكم وهايفضل كدة وكمان سوزان لم يتم التحقيق معاها والجيش مش بيوقف السلفين عند حدهم يبقى كدة صح فيييييييييية مؤامرة ولازم نتحرك بقى

Unknown said...

يعني المجلس العسكري هيعمل اية هيروح يضرب نار علي الناس الي بتظاهر

سامي said...

ايوة كدا ارجعى نوارة بتاعة الثورة

Unknown said...

معلش يانوارة مش تشكيك فى كلامك بس فيه سؤالين :

1- اللنك اللى انتى حاطاه بيقول تجمع وماقالش ضرب نار...متأكدة منين ان فيه ضرب نار؟ وانتى كاتبة متجمعين بسيوف يبقى ضرب النار منين؟

2- مناطق ايه العشوائية اللى الشرطة بتاخد منها اتاوة بسبب الثورة؟

معلش ياريت تردى

مش فاهمه said...

الحمد لله انها وصلتلك اخيرا المهم افتكرى السلفيين كانوا فى الميدان مع الأقباط و السلفى اللى كان بيغنى فى او تى فى افتكرى منظرنا كان حلو ازاى لازم الرجوع للميدان تانى انا شوفت الأيفينت بتاعك ياريت تزودى عليه تطهير القضاء هم اللى بيشوروا بالبلاوى دى و مرتضى منصور معروف ماسك على القضاة بلاوى و احمد مكى و الخضيرى قالوا اسماء 300 قاضى فاسد و اسماعيل عتمان كمان الثورة بتتسرق و لازم مليونيات

dalia said...

http://www.youtube.com/watch?v=7INQ3RjCUO0 شوفو التحريض العلني ويقولك مش ماجورين لا ماجورين ونص كمان والمجلس ساكت عليهم بمناسبة ايه اللى مش اد مسئولية مصر يرجع ثكناته وشكرا لغاية كده

masehee said...

http://www.youtube.com/watch?v=7INQ3RjCUO0 هّزا اليوتوب يوجه الان للنائب العام الان ورجاءعمل نسخ منه لانه يثبت دنائه وحقارة الخطه المرسومه ومن الزي يسعي لهدم الوطن وبل الاسماء

masehee said...

http://www.youtube.com/watch?v=7INQ3RjCUO0 هّزا اليوتوب يوجه الان للنائب العام الان ورجاءعمل نسخ منه لانه يثبت دنائه وحقارة الخطه المرسومه

Tears said...

يا ما قلنا يا نوارة و ياما الضباط الغلابة اللى بلغتى عنهم ما قالوا ان المجلس ده هو مبارك و ح يجيب اجلنا و نبهوا لموضوع الطائفية و لموضوع المحاكمات بس مشكلتهم انهم كانوا سلميين

راجعى تويتات بثينه كامل

و بعدين صراحة بقى كل يوم بيتضح لنا ان كل كلام عمر عفيفي اللى هو مصرى مش صهيونى بيطلع صح...و راجعى اللى كتبه على موضوع السعودية و الطائفية من شهر كامل على صفحتة

المهم دلوقتى اتصال بائتلاف الثورة و بكل القوى و لو انى ماعنديش امل فى الاخوان لان دول واضح اوى انهم عاملين صفقة مع المجلس يخربوا البلد و الفاسد يتهنى بفسادة و يحمى نفسه من الدور اللى كان بيقرب منه و همه يبرتعوا و يريلوا على المناصب و تولع مصر

لازم يتعمل فيديوهات للحشد و توعيه و توضيح لان لازم مجلس رئاسى

من قبل تنحى مبارك و البرادعي بيقول لازم مجلس رئاسى مش جزء من النظام و لا محرج منه او حد ماسك عليه حاجة

مبسوطة اوى انك اخيرا فهمتى و اقتنعتى ان فيه فرق شاسع بين الجيش كضباط و جنود اهلنا و بين الطبقة الحاكمة اللى لازم بحكم المنطق تبقى فاسدة و الا مبارك و صحابة كانوا طيروهم

nashwa said...

الثورة لم تنته قلنا وسنظل نعيدها وهذة ليست الا الموجة الثانية من موجات الثورة

مش فاهمه said...

ياريت كمان نكون ادركنا قولة نعم دى ودتنا لفين استعجلنا و بانت الخلافات و اللى كان مستخبى تحت السجاجيد
انا شايفه اللى حايحصل ان الجيش حايسيب الدنيا لما تفك خاااااااااااااااالص و يروح ماسكنا و مايسيبناش و يبقى كل ثورة و احنا طيبين ......

james green said...

يا استاذه فهمينا بس انت تاركه الثوره السوريه وعمال بتحشري اسم السعوديه بمناسبه ومن غير مناسبه ليه والا ماشيه مع سياسة المنار واوامر حسن نصر الله

Bella said...

قلنا الكلام ده كتير يانوارة وان المجلس العسكري يدير هذه الصراعات ويضرب الجماعات الاسلامية بالمجتمع كله في وقت ويضربهم ببعض في وقت آخر والمحصلة في النهاية انقلاب على الثورة بعد تخويف الناس بالسلفيين وغيرهم حتى يستنجد الناس بالمجلس لينقذهم من الاخطبوط الملتف حول رقابهم فينزل المجلس على رغبة الجماهير ويعصر على نفسه شوية ليمون ويستلم السلطة ليس لانه راغب فيها ولكن خدمة للشعب ونزولا على رغباته

نتقابل يوم الجمعة في الميدان وياأما مجلس رئاسي يانفضل قاعدين بقى وكل من له نبي يصلي عليه

متفائل said...

الكلام ده خطير جداً .. طب ليه ما يكونش فيه (جهة تالته) هي اللي ورا كل ده وهدفها توقع بين الشعب والمجلس العسكري ؟ بس برضه ده ما يمنعش إن سؤالك وجيه : ليه المجلس سايبهم يعملوا كده ؟ ليه المجلس سايبهم يعملوا كده ؟ ليه المجلس سايبهم يعملوا كده ؟

Unknown said...

وماتنسيش الامن الوطنى يا نوارة احنا عاوزين رقابه قضائيه وبرلمانيه وحقوقيه كامله علي الجهاز دا ومش بعيد يكونو هم مشاركين فى الفتن دى

Unknown said...
This comment has been removed by the author.
Unknown said...

مش معقول كده ..هو المجلس العسكرى ها يعمل ايه ولا ايه دول الله يكون فى عونهم و بعدين مش كل خبر يتنشر او نسمعه يتعمل دعوة لمظاهرة حتى لو الخبر صح يبقى العقل بيقول نحاول نعالج الامور اللى والعة بالحكمة مش بنار زيادة ..كده البلد هاتولع و البلد مش مستحمله..و بعدين الجيش هو الجهة الوحيدة اللى تؤتمن على مصر و هو العمود الاخير اللى شايل البيت و الجهة الوحيدة اللى ممكن تعدى بالبلاد لبر الامان فمافيش داعى للتشكيك بالشكل ده ..و المجلس الرئاسى اللى البعض عاوزينه مش ها ها يقدر يعمل المطلوب فى الفترة دى ده طبعا بعد ما نفرض معاكى ان تم الاختيار لأعضائه و حصل اجماع و الكل وافق عليهم لأن ادامك ييجى مليون مليونية احتجاج على كل عضو فى المجلس ..يعنى من الأخر تكون الدنيا ولعت و من الاخر الشعب مش عاوز حد غير الجيش واى حد غيره مش ها يعرف يعدى بالبلد من اللى هى فيه

نور الدين (محمد الجيزاوى) said...

انت انسانة معدومة الضمير وسليطة اللسان
هى الدولة يا اما تبقى على مزاجك ومزاج ابوكى يا اما يبقو ولاد ... زى ما انت قلتى بقلة حيا
اتقى الله فى نفسك محدش هاجم كنايس لو معندكيش ضمير انسان فاحترمى مهنيتك الصحفية وتوثقى الاول
اشمعنى لسانك خرس على انهاكات الكنيسة وتحريض البابا للمسيحين فى كل قصة وكلاب المهجر
انا اللى بناشد المجلس العسكرى يلم اللى زيك
عشان اللى زيك فعلا همه اللى هيعملوا فتنة طائفية لو الكنيسة بريئة ليه مطلعتهاش على الاعلام من سنتين بدل ما تفبرك فيديو على اليوتيوب
داخلك باسمى مش بغير معروف لأن اللى
زيك يتم مواجهته من امام مش من خلف
مرة تانية هتقفى قدام ربنا وهيحاسبك ياسيدة الكاتدرائية
..
نورالدين محمود

Unknown said...

ربنا يستر

Unknown said...

أنا سمعت فى الجزيرة مباشر ان المسيحيين هما اللى ابتدوا برمى المولوتوف وانهم ضربوا نار ع الجيش

ربنا يستر

متفائل said...

إحنا مش عايزين نرجع تاني نقول مسيحيين ومسلمين .. مش بعد ما المسيحيين حاوطوا المسلمين ليحموا صلاتهم في الميدان .. مش بعد ما المسلمين رددوا التراتيل ورا القسيس في الميدان .. مش بعد ما دم المسلم ودم المسيحي إتبعتر ع الرصيف يوم جمعة الغضب .. حرام ده يبوظ .. وكمان الفصيل السياسي اللي مافهمش روح الثورة ورجع تاني لمناوراته القديمة وحركاته القرعه المعروفة بتاعة تلبيس ده طاقية ده والضحك على دقون الناس والتحالفات المرحلية إياها مش عايزينه يوصل للحكم ولا يشمه حتى لأنه زيه زي الحزب الوطني بالظبط .. فاهمين ؟ زيه زي الحزب الوطني بالظبط

ساعي الخير said...

شغل بص العصفورة ده

ما ينفعش

مين قال ان دي كاميليا

و مين قال ان اللي متجمعين دول

بيضربوا

و ليه ما يكونوش فلول

و ليه الموضوع

ما يتحلش صح

و تخرج بعيد عن أي ضغوط

و تكون آمنة علي نفسها و ابنها

و تتكلم بحرية

العدل ما يتجزأش

قد كده خايفة من البطرك

و أمريكا

لدرجة عايزة تتطلقي

من المجلس العسكري

حبيبك

يا تسلطيه

ع اللي بتقولي عليهم سلفيه

طيب مش جايز دول فلول
و لابسين سلفية

ههههههههههههه

مركبين دقن يعني

و لابسين جلابية

يا نوارة أتأكدي من الأخبار

انتي نسيتي الراجل اللي كان بيزق الباب جنبك

و أنتي بتقتحمي أمن الدولة

يا نوارة

العدل هو الخلاص من المشاكل دي كلها

و تغيير الموضوع

و شغل بص العصفورة ده

ما ينفعش

و لا له لازمة

ألا أذا كان قصدك فعلا تهدي البلد

ما تعمريهاش

بأعتبار أنك أول من حكي عن موضوع كاميليا

و أتخلي عنها عن نصر العدل

و كمان أنتي حرضتي كتير علي الثورة
و بعدين ما سعتيش لا في حد أدني للأجور

و لا في مبادئ تحل المشكلات

يعني أيه

بتهدي و بس

لا لا مش معقول

مش مصدق

مش نوارة لأ لأ

بصي من الاخر


العدل ما يتجزأش


و اللي
.. . يزعل من العدل .. .
يداس بالرجل

amt said...

من مكالمة شاهد عيان ع الجزيرة مباشر الموضوع بدأ العصر من واحد بيصرخ ان مراته محبوسة في الكنيسة من اربع سنين و الناس سكتوه وقالوا مخرف - بعد كدة الموضوع اشتعل تاني و بعد كدة بدأ ضرب نار من فوق بيت جنب الكنيسة و من فوق الكنيسة و الجيش بدأ يسيطر

hardway said...

نـرنـر...احنا هنستنا لغاية بكرة و الساعة 4
مايلا بينا دلوقتي نطلع نجرب المليونية بالليل و الدنيا ضلمه....ياريت ..
والجيش لازم يمشي زي ما قلتي يا نرنر..
عايزين نبقي لوحدينا..بلاش بياخة...
وياريت عصام ياخد أصحابه و يمشوا هما كمان..عايزين ناخد حريتنا ياناس...
ياريت تيجي بنفس طقم اللبس بتاع الكتدرائية..شيك..شيك..شيك.....

hardway said...

نـرنـر...احنا هنستنا لغاية بكرة و الساعة 4
مايلا بينا دلوقتي نطلع نجرب المليونية بالليل و الدنيا ضلمه....ياريت ..
والجيش لازم يمشي زي ما قلتي يا نرنر..
عايزين نبقي لوحدينا..بلاش بياخة...
وياريت عصام ياخد أصحابه و يمشوا هما كمان..عايزين ناخد حريتنا ياناس...
ياريت تيجي بنفس طقم اللبس بتاع الكتدرائية..شيك..شيك..شيك.....

Shaymaa said...

إيه الكلام الفاضى ده ؟؟ هو إحنا عرفنا إيه اللى حصل أصلاً ؟؟ يا نوارة بلاش تبقى إنفعاليه كده ومنافقه وتجرجرى الشباب ده وراكى ... المسيحين مش ملايكه يا نوارة

ساعي الخير said...

نوارة بصي العصفورة

بصي العصفورة

دي مش كاميليا دي الدوبلير بتاعة المرة الأولانية

و ما خالتش علي حد ههههههههههه

نوارة

الطرمخة ما تنفعش

لازم كلمة الحق

لازم ننصر العدل

نوارة

ما تحافيش من العدل

و لا أنتي عايز تخربي في البلد

من غير العدل

الناس هتمسك في بعض

و انتي هتكوني السبب

دم الي ماتوا في الشوارع في رقبتك

و دم طفل المحلة في رقبتك و كل اللي اتقتلوا في أحداث المحلة

و دم العمال اللي محدش قدم لهم حد أدني للأجر يكافأ عرق جبينهم

برضه في رقبتك

و كل دم بسبب كاميليا في رقبتك

لأنك ما حكمتيش بالعدل

و ما ناصرتيش العدل

يا نوارة

مش معقول تطلعي أنتي اللي عايزاها تولع

نوارة


اللي .. يزعل من العدل يداس بالرجل

يا نوارة

بس الوفا ع الحر

يا ..... حرة

Shaymaa said...

إيه الكلام الفاضى ده ؟؟ هتشيلى المجلس العسكرى وتجيبى مين يا ست العبقريه ياللى عايزه تشعليليها حريقه ؟؟ هو إحنا كنا عرفنا مين اللى عمل كده أصلاً يا نوارة ؟؟ واضح جداً إن الحكاية مترتبه ولسه التحقيقات هتورينا إيه اللى حصل بلاش تستبقى الأحداث

المهدى said...

لسة ماوصلتيش برضه الإخوان ( فرع 65 وخيرت الشاطر ) هم أصل البلاء الذى نراه الأن ومعهم للأسف المفكرين الإسلاميين الكبار هما اللى دلسوا على المجلس العسكرى وهما اللى بنوا التحالف الإسلامى المزعوم لسرقة ثورة عمرهم ما آمنوا بيها
لا وعايزاهم يوضحوا موقفهم أى موقف كلهم سكتوا وقرنوا لما شافوا نعم واجب شرعى والمادة التانية وغزوة الصناديق كل همهم البرلمان يا شيخة ده حتى شبابهم الشريف فتح وشاف إنت بس اللى لسة مشوفتيش

Bassem Zakaria El-Samragy said...

ممكن يا نوارة تكون أحكامك متأنية شوية وتاخدي وقتك في التفكير
وقتك ده اللي هو ممكن يبقى أزيد شوية من 5 دقايق يعني

حسن محمد على said...

عزيزى الجيش :- بعد التحية والسلام والاشواق ,الحق صالح نوارة احسن قربت تقلع الدبلة وهى مش هاين عليها العشرة وعمالة تأجل تأجل مستنية منك أيتهااشارة ايجابية تكيد العوازل من ايتام وارامل مبارك المخلوع. وقلبين وسهم كمان عشان تتبسط... تحياتى

حسن محمد على said...

مطلوب من قوات حفظ الامن انها تبطل وضع(صفا واسترح )الللى هية فية دة وان يكون لها دور اكثر فاعلية فى حماية بلدهم وبلدنا من البلطجية

Loai said...

اخيراً يا نوارة؟ حمد الله على السلامة...
انتى بنت حلال طول عمرك واللى ربنا بيحبه بيخليه يمشى ورا الصح دايماً طالما فطرته نقية...

والنبى بقى شيلى البلوك :P

hayat ank said...

لو المجلس ده كان عايز يمشى عدل كان طهر القضاء والشرطه والاعلام بس هو عايز الدنيا تبقى كسكسى على حمصى ومابيتحركش الا لما تكون فيه مشكله هاتحصلوا وهو بيميع الاموروكل الى كان بيعمله من الاول بيصب فى مصلحه الاخوان والسلفيين واتنين من الى حطوا الاعلان الدستورى اخوان والتعديلات الدستوريه اخوان والسلفيين هم مركبنهم من الاول وطالقينهم علينا فداالمشهد يمكن يكون الفينال او الى قبل الفينال بشويه وحسنى قاعد تمام وهو خلاص امتص الناس بشويه المحاكمات الهبله وشويه شويه هايخدوا برائه ويقول الله مش قلتوا محاكمات ما اهه حاكمناهم وانتخابات اهه ما احنا عملنالكم وهم بيضيقوا المده ويخدونا كل يوم على مصيبه ومحدش هايبقى جاهز الا هم وانتى بتقولى لا الناس الى كسلانه ومش عايزه تشتغل واحنا قلنالك كده من زمان وانتى الى مش راضيه تسدقى احنا الى هانطلع وحشيين ومالناش فى الديمقراطيه

علاء زين الدين said...
This comment has been removed by the author.
hardway said...

نــــــــــرنـــــــــر......
أحنا هانروح دار القضاء العالي...
ولا هانروح كنيسة امبابة...
احنا كده ها نشتت وهانتفرق...
وبعدين السلفيين دول ها يضحكوا علينا
أنت يامجلس يا عسكري ..أنت وحش...
أنت ياعصام وصحابينك...أنتم وحشين
أنتم يا سلفيين...أنتم وحشين خالص..خالص
والاخوان حلوين..حلوين..حلوين...
زي ماقالت نـرنــــــــر
أنت تعرفين كل حاجة...ومافيش حد يعرف حاجة خالص خالص الا أنت يا نـرنـر

Tears said...

اب كنيسة امبابة:

الجيش حضر الساعة 10 مساءا و نحن في حرب من الساعة 5 مساء
حضر لواء و بعض الضباط الاصاغر و غادروا الكنيسة مسرعين لدرجة نسيان الباريه

عجبي على كمية القوات التي استخدموها لقمع الثوار و الثورة و المعتصمين 9 ابريل

منقول من صفحة ضباط من اجل الثورة

Ahmed Mohamed said...

كل واحد ابن ستين حماره يقولك
ان قضية المسلمات الي دخلو الاسلام قضيه
تافهه وهايفه
وهوه ابن ستين تافه
ليه
لان الكنيسه تربية مبارك وامن الدوله
ولان الكنيسه لم تأخد علي احترام القانون
والبابا فوق القانون وسلطته اعلي من اي سلطه
مش هيقدرو علي النظام الجديد الي كل الناس بتطلبه
الي هوه سيادة ام القانون علي الارض

فشخو دماغ ابونا باليبراليه والديموقراطيه والزفتيه والمدنيه
وهما اول ناس مش محترمين اهم حاجه في ام المفردات دي

***********

كانو زمان بيخوفونا بأمريكا
ودلوقتي بيخوفونا بالانفصال

الكنيسه هي الي هتخربها

الكنيسه هي الي هتخربها


الكنيسه هي الي هتخربها


الكنيسه هي الي هتخربها


الكنيسه هي الي هتخربها


الكنيسه هي الي هتخربها


وكل شويه يطلع يقولك السلفيين السلفين
وكأنهم مش مسلمين
وكأنهم مش معاه حق في دي بالذات
انا مش سلفي
بس شايف ان احترام ام القانون فرض عين مش فرض كفايه

Qoom said...

يسلم فمك يا نواره .. من زمان بنقول لك الكلام ده .. والحمد لله إنك فهمتي

elzahraamegahed said...

طول ما الصفرا اللى اسمها سوزان ما اتحققش معاها ولا هى ولا التعبان اللى اسمه عم سليمان وطول ما المخلوع سايبينه فى شرم البلد هتفضل والعه

Ahmed Mohamed said...

لازم يتعرف مين الي ضرب نار
ويتفشخ
ويتخزوق
ولو من الكنيسه يبقي سليم العوا كان صادق في الي قاله

والكنائس تتفتش
والجوامع تتفتش
والي يخاف يتفضح
هوه الي يقولك
لاء


كلامي مش هيتنشر بس مش مهم

طز


بس نعرف الاول

بناء الدوله يكون علي اي اساس
تجبر الكنيسه وكمان السلفيين؟
ولا الاتنين ياخدو بالشبشب لو محترموش القانون
هااااااااااااا

واحد مش فاهم حاجة said...

ايوة كدة يانوارة ارجعي تاني لينا اتكلمي باسمنا حمدالله على السلام يانوارة

كيوبيد said...

البلد بتغرق صباح الفل الاخوان نسخه محدثه من السلف وزى ما سبق وقولت كلام زى بعض نفس الفكر لانهم شايفين العنف مش عنف وتطرف لا ده جهاد ولو مات هايدخل الجنة وانا بقول لكل سلفى او اخونى او اى حد تانى مصر مش لعبة ولان اسمح لكم بالعنف والعب بيه ودخله مراحلة الحرب الاهلية على جثتى ها الكلام والاخ نور الدين محمود اصحى يامعلم فيه قتلى وفيه فتنة طائفية انت والى زيك هما سبب خراب البلد اصحى كده وبلاش قلة اداب بدوان سبب وانا هاقتل من اجل مصر ولا هاسافر كندا ولا امريكا ياخ محمود انا هاعايش هنا واموات هنا والسلام على اهل السلام

حسني مبارك الا ظلمتوة said...

اقسم بالله انت ظالة وولعتم مصر ياولاد الوسخة مصر الامن والامان ضيعتوها يااما عن قصد ( قطر) او عن جهل وشاركتم امريكا في خطتها المسماة الفوضي الخلاقة واقسم بالله في الوقت المناسب ساتقدم ببلاغ فيكي وفي كل حد تسبب فيما نحن فية دا الواحد بقي يخاف يخرج من بيتة يانبت مصر الشيطاني

حياة الظل said...

ومطلعوش سلفية يا خالتو نوارة
انتي مدينة بالاغتذار علشان استعجالك وانك قلتي عليهم كمان ولاد وسخة
ورينا جمال خطوتك

Eng.Tamer said...

اخيرا اقتنعتى ...

ما يا اما اتنبح صوتنا و قلنالك الجيش مش المجلس العسكرى و كنتى تفضلى تشتمى فينا و تقولى كله الا المجلس العسكرى و المشير و قلب و سهمين

بس حمد لله ع السلامة و كويس ان الغشاوة اللى كانت على عنيكى انزاحت

حمكشه said...

امبابه وكر الطائفيه من زمان انا عايزك تفهمى ان المسلمين ليسوا اشرار دائما ولكن هناك من اشر والسلفيين غير متواجدين دورهم انتهى وبدأ المصريين يدبحوا فى بعض طبعا اسلوب الجيش فى التعامل غير اجرامى حيسيبهم يخلصوا على بعض ( ياريت) وبعدين يتدخل.. المجرم الحقيقى اللى وعد اللطرفين بالجنه ..اعتقد انك مسئوله لانك تحرضى الجيش على حتفه ...كل مايحلم به صاحب القداسه مبرر لتدخل الغرب فى سبيل الدوله القبطيه

محمد نبيل said...

اللى اسمه "حسني مبارك الا ظلمتوة"، ياريت مانشوفش تعليقك هنا تانى وروح اتعلم كتابة الأول، ومبارك أبو حصيرة بتاعك دة هو اللى خربها

amr565 said...

وانا بقفل شنطة السفر وعلي السوبر جيت عدل بقولك تاني لا تجري وراء عربة الرش مش اانا قلتلك كده في التعليق السابق اهدئي وتاكدي وابحثي واسمعي من الطرفين ومش اي حد يديلك معلومة حتي لو كنتي بتعتبريه ثقة يبقي خلاص قال الله وقال الرسول سؤال اخير السلاح اللي انضرب من داخل وفوق الكنيسة بتاع مين وهو في بيت للعبادة تخزن فيه السلاح... سيبك من موضوع السلاح الان لان كما انصحك بنصح نفسي لازم برضه نتاكد من كل معلومة قبل ما نسب الناس انا كلامي معاكي هادي علشان انا مسافر ووقت السفر بكون اكتر وقت فيه مع ربنا... سلام

Shoukry said...

بيان المجلس العسكري القادم:نظرا لعدم استعداد الشعب المصري للديموقراطيه وما حدث في الآستفتاء، ونظرا لآحداث الفتنه الطائفيه التي تحدث، وحفاظا علي استقرار وامن البلاد. قرر المجلس العسكري تمديد الفتره الآنتقاليه لحين استقرار البلاد. وما حدث في ١٩٥٤ سيعيد نفسه وشكرا للآخوه مدعي السلفيه و الحاج ابو يحيي اللي قال علي نفسه انه ليه "تعاملات" مع امن الدوله و"البسوا" كاميليا شحانه و"آخواتها" وعليه العوض و منه العوض في البلد

nour1971 said...

انا مبس،طه انك اقتنعتي اخيراانه بيدافع عن المخلوع و بيعمل نفس عمايله و رميتي الدبله يا ريت مترجعيش تلبسيها تاني لو سمحت

BolBol Egypt said...

من زمان انا كنت مع فكرة مجلس رئاسي مدني .. وكل الناس قالت لي مش صح الجيش هو المؤسسة اللي متماسكة .. وادي الجيش .. كل يوم بيحصل فيه شئ بثبت ان دكتور البرادعي شايف كويس اوي لأودام وفاهم كويس جدا مش زي ما بيقولوا ميعرفش حاجة في البلد .. قالها من شهر 2 وللأسف انهارده بس هنبدأ نستجيب .. بالتوفيق وانا موجود يوم الجمعة معاكم ان شاء الله

Unknown said...

بصراحة الكلام كويس لان مش معقول كل مرة الجيش يجي بعد ما الجنيا تولع اومال هو بيعمل ايه يعني دا جيش ياجماعة ومخابرات وامن وبلاوي متقنعنيش انه معندوش مصادر يعرف اي حاجة هتحصل وبتحصل وممكن تحصل مش ممكن مش ممكن اكيد الجيش ليه مصادر اما يكون عارف وبيتهبل او مش عارف وبيتخط يبقى مش شايف شغله خالص خالص خالص وكل اللي بيعمله يطلع بيانات على الفيس بوك بصراحة هو اللي قدامنا نحاسبة على المهازل دي يعني دي مش اول مرة يشوف حل ليشتغل بذمة ليشتغل بذمة ربنا يسترها ويسهلها من عنده هو اللي حامي البلد دي والله

Unknown said...

أنا عندى سؤال محيرنى، لما كاميليا أسلمت ماتصورتش ليه و اتحطت على اليوتيوب زى بقية الأخوات و لا ماكنش فيه موبايل أو كاميرا ديجيتال مع الأخوة؟
و يا ريت لو فيه لنك لفيديو تكون من غير نقاب

meleswey said...

سطحية إندفاعية شديدة
على فكرة أنت بتسمعي اللى يوافق هواك فقط.
أقصد من جهة واحدة.
ولم أشاهدك تكلمتى مع شيخ سلفي (و مش هيعضك). بس شوفت صورتك في الكاتدرائية.
رغم إنهم موجدين وطلعوا في كل القنوات الفضائية و راحوا جامع عمرو بن العاص و الجامعات شئ لا يصدقه عقل
لن أنسى مدونتك أيام الثورة.
إلهي يارب أشوفك متصورة في الحرم إن شاء الله.

Anonymous said...

الاخ الا اسمة محمد نبيل عيب الا انت وجهتة للاخ حسني مبارك الا انتم ظلمتوة هي دي الديمقراطية ما قلتة له دا قذف ودليل علي انك انسان غير متعلم ومين يعرف مش ممكن يكون الا بيقولوا هو الحقيقة وشكلها دي هي الحقيقة وان كل شيئ مخطط فيما عرف باسم الفوضي الخلاقة وانا قريت عنة من شوية وهو نفس الا حصل بالفعل فتح مخك يا حمادة بدل نا اجي اقرصك من ودانك

elzahraamegahed said...

الحلول المؤقته كلها فاشله والقاء اللوم على المتشديين زى كل مره ثبت فشله ثبت فشله ، لازم القانون يسود لازم يبقى فيه حريه انتقال من المسيحيه للاسلام زى ما فيه حرية انتقال من الاسلام للمسيحيه ولازم التبشير بالنصرانيه والدعوه للاسلام يقفوا لاتنين،

وقبل ده كله لازم رجال الدين النتشددين منن الطرفين واولهم شنوده وبيشووى وابويحى وشومان يتفضح دورهم علنا قدان الناس ويتحدد اقامتهم

ph.zeinab said...

فى نقطه أحب تأخذيها فى إعتبارك لماذا لا تعليق لكى على مخصصات أمريكا لدعم الديمقراطيه فى مصر

free basmagy said...

تعرض صلاح الدين الايوبى للإغتيال فى احداث امبابه التفاصيل على المدونه دى http://freebasmagy.blogspot.com/

m said...

أختي الغالية /نوارة
اسمحي لي ان اطلب منك أن تكوني عقلانية لا إنفعالية في ردود افعالك
اولا: انت بنت الثورة ومعنى ذلك ان لك من يتطلع الى افكارك وينقاد لها
فلا تكوني سبب في تذبذب متابعيك بين انفعالاتك
ثانيا : انتِ إعلامية ولابد ان تكوني حيادية وعقلانيه في طرح الحقائق متجردة من انفعالاتك حتى تصلي الى حكم عدل صحيح
واسمحي لك أن أقول لك ايضا لا تكوني مع التيار والذي يحشر اسم السعودية بمناسبة وبدون مناسبة فقط لانه لا يتفق مع افكارها ....
كوني مسلمة عربية مصريه تزن الامور بميزان الحقائق لا العواطف
فليحفظ الله مصرا ذخرا للاسلام والمسلمين
مؤمنة ايمانا كامل ان اذا مصر استقرت وامنت وعدلت فسيكون باب خيرا لكل البلدان العربية وباب لعودة القدس من جديد
تقبلي تحياتي
اختك : مسلمة عربية سعودية

ملكش دعوة said...

نفس الغرقه اللي بنقع فيها كل مره تلاقي لالموضوع ابتدي يهرتل وبدل ما نديله ضهرنا ونمشي وراه
الكام بوست اللي فاتوا كنت هطق منك .. اقول مالها دي اتهبلت ولا ايه
اخيرا وصلتك ان في ايدي خفيه بتلاعبنا كيكا عل الواطي عشان ننسي المأسوف علي عمره جوز الحربايه وابو جوز الخيل بهروز والمليجي
فينك .. مخك كان مضلم ليه مشيتي ومشيتينا معاكي في طريق مليان زباله وهاتك يا شتايم وافتراءات ونسينا اللي عايز يتشتم بجد وهو في شرم مع حلفاؤه بيلعبونا زي عرايس الماريونيت
والنبي ادي جامد لبتوع الفتنه الطائفيه بتوع الكنيسه عشان الاخ المتخلف الغبي اللي عايز حمايه دوليه من ماما امريكا
احمدوا ربنا احنا كلنا عايشين هنا مواطنين درجه تانيه هناك بأه يا سيد امك هتعيش مواطن درجه تاسعه مش ناقصين هبل

negmat lail said...

يعني انت بكل بساطة وفي الوقت الغريب ده والظروف الصعبة جدا دي بتقلبي الناس على الحكومة وعلى الجيش وببتهميهم بانهم ورا البلاوي.. ممكن اهمال لكن خيانة لأ..لاحظي انك دايما كنتي بتعملي توازن ضد الطرف المهيج

Haroun said...

الحمدله علي سلامتك يا ست ابوكي...... نواره فهمت يا جدعاان.........نواره فهمت يا جدعااااان........... نواره فهمت يا جدعااااااااااااااااااااااااااااااااااااااااان............. لو تعرفي حاولنا قد ايه نفهمك يا ست الكل.... بس مش مهم..... المهم انك رجعتي لميتك تاني.... اصلك زي السمكه متعرفيش تعيشي من غير ثوره قصدي من غير ميه.... انا احد ضباط خيمة التحرير و ارجو اعادة ترتيب افكارك تجاهنا اذا قريتي الكومنت بتاعي... شكرا

Haroun said...

نواره فهمت يا جدعاااان........... نواره فهمت يا جدعااااااااااااااان............ نواره فهمت يا جدعاااااااااااااااااااااااااااااااااااااااااااااااااااااااااااااااااااااااااااااااااااااااااااااننننننننننننننننن.........................
الحمدله علي سلامتك يا ست ابوكي.... لو عرفتي احنا عملنا ايه عشان نوصلك و نفهمك يا نواره..... المهم ان كل اللي حاولنا نبعتهملك يفهموكي اتقبض عليهم......... بس الحمد لله....... احنا ضباط خيمة التحرير....... يا تري رأيك فينا لسه زي ما هوه و لو شفت اي حد فينا في الميدان هتسلميه من قفاه للشرطه العسكريه.... بصراحه كل ضباط الجيش زعلوا منك قوي يا ستنا ماعدا اعضاء المجلس الأدني......
تحيا مصر و العزة لله جميعا

qqq said...

يعني هي شطارة و ثورية إن لسانك يبقى طويل و تشتمي بالأب و الأم؟؟؟ و لا يعني هو نظام ما يطلبه المستمعون؟؟ بقيتي أستاذة في ترويج الفتن و الإشاعات، روحي و اقرأي بأمانة كل اللي كتبتيه في الأيام اللي فاتت، على فكرة قلة الأدب و الخطاب العدائي هما أسهل شئ و أي واحد بلطجي معاه دكتوراة فيهم، بالنسبة للردح فهو بردة مهارة و لكنه فولكلور نسائي بامتياز و على فكرة الهنجرانية الرداحة مهرها بيزيد عن الهنجرانية النورمال، اللي صعب حقيقي هو ان الواحد يضبط أفعالة و أقواله و يجمع الناس ما يفرقهاش و يثيرها بتصرفاته الحمقاء اللي ما فيهاش كياسة، يالا أهو اللي يعيش ياما يشوف و عجبي.