Tuesday 17 May 2011

ماذا تفعل لو كنت حرامي



تحديث:
لقد فقعنا في الوخ.. زكريا عزمي خرج بكفالة ميتين الف جنيه
كده بانت خلاص يا شباب
احنا نازلين الجمعة 20 مايو.. انتوا مش نازلين؟ انا نازلة لوحدي

تحديث:
تم التصديق على الحكم على عمرو البحيري بخمس سنين
انزل على ركبك
لا مش حننزل على ركبنا... ومصر مش مومس عشان تبقى المحاكمات ضد الفاسدين هي اللي بتقطع عيشها.. لو محاكمة الفاسدين حتقطع عيشها، يبقى عيشها كان حرام، وربنا يرزقها من الحلال مدام تابت توبة نصوحة


تحديث:
جمعة رفض الاعتذار 20 مايو... كله اتند وهات معاك 10 وانت جاي 
تحديث:
اخلاء سبيل سوزان مبارك مقابل 24 مليون جنيه.. جنيه... جنيييييه
دول تاخدوهم تشربوا بيهم بتوع الكسب المشروع شاي.. واحنا حننزل مليونية نلم لها تبرعات مدام طلعت غلبانة وفقيرة
احنا اتاكلنا على قفااااااااااااانااااااااااااااااااااااا
يا مصريين احنا اتاكلنااااااااااااااااااااااااااااااااا على قفااااااااااااااااااااااناااااااااااااااااااااا
تحديث:
على فكرة.. احنا لو فضلنا في التوتر ده انا حادخل العناية المركزة، والشعب مش حيبقى له نبض عشان كل شوية تجسوه، ورجالة مصر.... عليه العوض ومنه العوض فيهم.. انا عارفة، مبارك طول عمره بيغير منهم عشان عنده مشاكل
جهاز الكسب غير المشروع افرج عن سوزان مقابل التنازل عن فلوسها؟ واللي برة؟ 
طيب ومبارك اللي عايز يتنازل عن "املاكه" بروح اهله عشان ياخد اخلاء سبيل هو كمان، طيب وجرائم القتل
مش حينفع كده.. مش حينفع، اساسا كده كده احنا حناخد الفلوس دي، قانون ايه ده اللي بيخلي الناس ترجع الفلوس اللي سرقتها وتطلع تبرطع في الشارع؟
وبعديييييييييييييييييييييييين
قلنا لكم رقبتنا سدادة.. عايزين كام؟



تحديث:
الجزيرة: معلومات مؤكدة عن ضغوط كبيرة من دول الخليج لاطلاق سراح مبارك
طيب يا شباب
البلد محتاجانا
يا مجلسنا العسكري... ما تمشيش ورا دول الخليج
عايزين كام؟ 
مطلوب بشكل عاجل:
المصريين في الخارج.. تدوا نني عينيكم لمصر
المصريين في الداخل.. تجوع عيالك عشان مصر
حنعمل حملة تبرعات لانقاذ الاقتصاد المصري... وفكك من دول الخليج وحاكم لنا مبارك
كام واحد رقبته سدادة؟ جربونا تعرفونا
تحديث:
هاه... يا مسهل
واحنا في انتظار خبر نفي التسجيل الصوتي لمبارك، او خبر قبول اعتذار مبارك او اساسا فكرة انه ممكن يعتذر
وحنرن لكم الشروق علقة معتبرة... هو احنا عايزين نخرب البيت يعني؟ 
واحنا عشرين مليون نزلوا في الثورة، كل واحد فيهم كان مستعد يموت عشان مصر، عندكم ازمة اقتصادية؟ عايزين كام؟ عايزين كام من الاخر كده؟ 
المصريين اللي في الخارج، اللي حيصوتوا طبعا زي ما كلنا عارفين، عايزين يعوضوا انهم ما شاركوش في الثورة، ومستعدين يشحتوا على مصر بربابة
والا انا نتذل لرجال اعمال والامارات والسعودية.. رقبتنا سدادة.. بس راعونا، احنا ام العيال برضه وحننفعكم، ماحدش حينفعكم غيرنا وربنا
وربنا كمان مرة ما حد حينفعكم غيرنا.. وقلبنا ابيض وبنعمل كل حاجة وفول اوبشن، بس ما تطلعوش زعابيبنا عشان احنا فينا اللي مكفينا
اشترونا تكسبوا... ده احنا نسوى وزننا الماظ والله العظيم، اشترونا وبيعوا مبارك واحنا من بكرة... مم بكنة الصمح.. نلم لكم الفلوس اللي انتوا محتاجينها
بس قولوا بس عايزين كام؟
----------------
تحسس وتعتذر
انا موافقة ان مبارك يعتذر لنا ويرجع الفلوس - اللي هم نص ترليون يا حرامي مش 145 مليون بروح اهلك - شريطة ان كل حرامي في السجن بالذات النشالين وهجامين البيوت والحرامية الغلابة دول، يدفعوا اللي عليهم - واتخن واحد فيهم يعني سارق سبعتلاف تلتمية اتنين وعشرين جنيه - ويكتبوا جواب اعتذار ويخرجوا من السجن حالا، ومش بس كده، والشوية اللي قضوها في السجن تتخصم من الفلوس اللي حيدفعوها
بس ده بالنسبة لقضية السرقة فقط
نمسك بقى المصابين
المصابين يتعالجوا على حساب مبارك الخاص، بعد ما يرجع الفلوس اللي عليه، ومبارك وسوزان على رأي الصحف الاسرائيلية "يتنازلوا عن ايه؟ هي كانت فلوسهم؟" ده اسرائيل اللي بتقول كده، صعبنا على الكافر. بعد ما يتنازلوا لنا عن فلوسنا، يعالجوا بقى المصابين على حسابهم من فلوسهم هم، ويدفعوا لهم تعويضات من فلوسهم هم.
كده خلصنا المصابين
نيجي بقى للقتلا
اااااه... بما ان مبارك فاكر نفسه ربنا، وفاكر نفسه فوق المحاسبة، اوكيه، يثبت لنا انه ربنا وانه فوق المحاسبة.... يحيي اللي ماتوا.
وبما انه صاحب معجزات وابو خطوة.. اكيد حيحيي لنا اللي ماتوا
خلاص كده اللي ماتوا؟
اللي اتسرطنوا بقى
ارتفاع الاصابة بالسرطان بنسبة اربعين في المية في الخمستاشر سنة اللي فاتوا
قدامه الحلول الاتية
يعالج اللي اتصابوا بالسرطان برة مصر على حسابه - زي ما هو كان بيتعالج برة مصر على حسابنا - واللي ماتوا بالسرطان يحييهم - ماهو ربنا بقى 
او.. بما انه راجل مبروك، يحط ايده على مرضى السرطان ويرقيهم والرقوة تجيب نتيجة وتشفيهم
وكذلك يحيي لنا اللي ماتوا في العبارة - ايوة... عبارة من اللي بيغرقوا دول
واللي ماتوا تحت صخرة الدويقة
واللي انضربوا في الصعيد بالنار واخدوا بصمات الجثث وفتحوا التحقيق - في التمانينيات والتسعينات عشان قالوا بس انه كان كويس واخر عشر سنين بس اللي عك فيهم.. هع
ويرجع للصعيد نفسه اللي اتكسرت
ويكلم اصحابه اللي باع لهم غازنا ببلاش يرجعوا لنا الفلوس على الاقل وبلاش يرجعوا الغاز
ويرجع لنا العمولات اللي كان بياخدها على كل بير بترول مصري بيتصدر
بالنوسبة للفضيحة بتاعة غزة... فاكرين؟ ايام ما الاطفال كانوا بيتحرقوا والناس اكلت وشنا.. احنا عايزينه يعوضنا عن الفضيحة دي، يدفع لنا فلوس مثلا تعويضات على ان الناس كانت بتتف في وشنا عالميا، ويتظاهروا قدام سفارتنا لما انا شخصيا كنت حاموت كمدا
بالنوسبة لفضيحة الجزائر.. اللي وصلت ان واحد صاحبي بعد موضوع الجزائر ده كان في لبنان وبقى يتكلم لهجة خليجي عشان الناس ما تعرفش انه مصري، وواحد صاحبي تاني كان في المغرب - اللي اساسا متخانقين مع الجزائر - وبقى يتكلم فرنساوي عشان الناس ما تعرفش انه مصري من كتر ماهو مكسوف وخايف الناس تمسح بيه البلاط
ولا هو فاكرنا زي شوية المرتزقة اللي حواليه؟ ولا هو فاكرنا زيه وكل همنا الفلوس ومبدأنا في الحياة زيه لما قالوا له السودانيين بيشتموك قالهم "هي الشتيمة بتلزق"؟ 
فيه حاجة يبدو ان لا هو ولا دلاديله ولا حتى القوات المسلحة واخدين بالهم منها:
احنا شعب اليط بطبعه، وعريان الـ... ويتأمز تأميز ويقول باب الخمارة فين، واقرع ونزهي... والثورة دي كانت عشان كرامتنا واجعانا... مش عشان جعانين، عادي، الجوع بيتقضى، كرامتنا هي اللي مش بتتقضى
وبمناسبة كرامتنا، حيعمل ايه في اللي دخلوا الاقسام بشرفهم خرجوا متمرطين؟
وبمناسبة السودان، حيعمل ايه في تقسيم السودان اللي لولاه ولولا عمر سليمان ما كانش جرا لها اللي جرالها؟ ولا هو فاكر اننا حلاليف زيه ومش سائلين في اللي حوالينا؟ ولا هو ناسي ان السودان بالنسبة لنا ايه واحساسنا بيها ايه؟
"ومصر الرياض وسودانها عيون الرياض وخلجانها، وما هو ماء ولكنه وريد الحياة وشريانها، تتمم مصر ينابيعه كما تمم العين إنسانها"
وبمناسبة ينابيعه... حيرجع لنا المية اللي باعها وخلانا دلوقت متوقعين في عرض اثيوبيا ازاي؟ خلاص... المية ترجع لنا من غير ما نتوقع في عرض اثيوبيا واحنا نسامحه.
لما امبارح كنت في الندوة بتاعة القوات المسلحة، عاملين البرزنتيشن وحاطين كل اسباب الثورة... الا السبب الرئيسي: كرامتنا.
طب وربنا.. وربنا.. وربنا كمان مرة، تلاتة بالله العظيم تلاتة بالله العظيم تلاتة بالله العظيم، قسما بأغلظ الايمان، يمين احاسب عليه امام الله، ان السبب الرئيسي اللي قوم الثورة دي هو كرامتنا
واللي مش مصدقني يقول لي ايه تفسير الآتي:
يوم 25 اول ما الناس اتجمعت في الميدان الهتاف الاول قبل الشعب يريد اسقاط النظام كان:
لسه فيكي رجالة يا مصر.. لسه فيكي رجالة يا مصر
بكام دي يا مبارك؟ بكام انك خصيتنا وحسست رجالتنا اللي اهيف واحد فيهم ضفره برقبة عشرة منك انهم مش رجالة، ولما اكتشفوا انهم رجالة قعدوا يعيطوا؟ 
يوم 28 يناير.. كربلاء المصرية:
بعد ما ضربنا الامن في ميدان الدقي بقينا ماشيين ناحية كوبري قصر النيل والهتاف كان: قنابل على مين ده احنا المصريين.
بكام دي يا مبارك؟ بكام انك كسفتنا من اننا مصريين وبقينا بندور جوة نفسنا على اي حاجة عشان نرجع ثقتنا في نفسنا؟
بكام الشباب اللي كان ماشي صف ناحية الرصاص عشان يثبت للعالم انهم رجالة، ولما الضرب يزيد والشباب غصب عنهم يجروا البنات تتقدم عشان تنغز الشباب في نخوتهم وما كانش ناقص غير يغنوا: يا قوم الام وحتام ان تقبلوا نعانق ونفرش النمارق
واول ما نلاقيهم بيجروا نقف صف وايدينا في ايدين بعض واحنا عمالين نصرخ فيهم: ما تجروووووش ما تجروووووش لو جريتوا احنا حنتقدم... ونروح ماشيين كلنا - كل الستات والبنات، بلا اي اتفاق والله العظيم بنفس الخطوة كأننا فرقة رضا - ناحية الرصاص، يروحوا راجعين الشباب على الرصاص فورا
موتنا رجالتنا الله يخرب بيتك... موتناهم عشان نشوفهم رجالة
كل الدم ده نزف عشان كرامتنا واجعانا وعايزين نثبت لنفسنا اننا عندنا رجالة.. وكان ممكن الشباب يجري وينفد بعمره، بس كرامتهم كانت اهم من حياتهم
يوم 2 فبراير بعد هزيمة بلطجية مبارك كان الهتاف:
ارفع راسك فوووق انت مصري
بكام دي يا مبارك؟ بكام انك نكست راسنا وكسرت نفسنا، ولما اكتشفنا اننا جدعان قوي، شباب وبنات، بقينا نصرخ للعالم ونقولهم: احنا رفعنا راسنا؟
يوم 11 فبراير كان الهتاف:
اهم اهم اهم.. المصريين اهم
ايه يا راجل.. ايه راجل؟ ايه يا راااااااااااااجل؟ يخرب بيت امك يا شيخ
يخرب بيت امككككك... خليت الشباب يموت نفسه عشان عايز يتأكد انه لسه راجل، خليت ستات مصر تزق رجالتها في النار عشان يشوفوهم رجالة... يخرب بيت امك
تسوى كام دي؟ 
واخدين بالكم يا قواتنا المسلحة؟
واخدين بالكم؟ احنا عملنا اللي انتوا حلفتوا يمين عشان تعملوه وما عملتوهوش.. احنا برينا بقسمكم بدالكم عشان ما يتقالش ان مصر مافيهاش رجالة
واخرتها... مدخلين لمبارك في سجنه مسجل وبتقولوا لنا سامحوه
كتر خيرنا اننا سامحناكم وانتوا بتتفرجوا علينا واحنا بننضرب يوم اتنين فبراير وانتوا ما اتدخلتوش... ما تسكتوا بقى وتبطلوا تحربوا على خرابها؟ هو لوي دراع ولا ايه؟
فتنة طائفية
فلتان امني
ازمة سولار
تهديد بكارثة اقتصادية
والمشهد الاخير: مبارك عايز يعتذر ويرجع الفلوس
لا والنبي؟
لا والنبيييييي
وبعديييييييييييييييين وبعديييييييييييييييييييين... للصبر حدوووووود 
يعني احنا جزاتنا اننا عملنا عبط؟ ادي اخرة الدلع، فضلنا نبوس ونطبطب ونحايل ونهشتك والجيش والشعب ايد واحدة، ومعلش، انزلوا لهم في مليونية عشان ترفعوا عنهم الحرج، ومعلش، ما حموناش يوم 2 فبراير ماهم كتر خيرهم جالهم امر يقتلونا وما قتلوناش، ومعلش فضونا بالقوة اصلهم ملبوخين، ومعلش ومعلش ومعلش
وبعدين.. وبعدييييين.. اتقي شر الحليم
هي حصلت؟ 
دي اخرتها؟ هو فيه كده يا ناس؟ ده انا كنت باكتب للناس في المدونة: احنا نازلين وفيه تهديدات من قناصة انهم يضربوا على قواتنا المسلحة، والعيال يكتبوا لي في التعليق: احنا نحمي قواتنا المسلحة بارواحنا، ونموت كلنا قبل ما حد فيهم يتخدش
ونحل لكم امن الدولة بايدنا وانتوا واقفين تتفرجوا على قناصتهم وهم بيضربونا ونخش نجيب لكم الوثائق ونسلمها لكم
ونأمن لكم البلد بايدينا ونعمل لجان شعبية واللي نظبطه نقبض عليه ونسلمه لكم
ونقف لكم قدام السعودية والامارات واسرائيل بنفسنا وننزل لكم مليونية ودماغنا تتقور في الشمس عشان نرفع عنكم الحرج ونجيب لكم مبارك تحاكموه
ونمسح ونكنس ونطبخ ونغسل ونعصر وننشر ونكوي ونطبق الهدوم ونستفها في الدواليب ونقول لكم: تسلم يا سيد الرجالة.. الله
الله..
جرا ايه بقى؟
جرا ايه؟
ما تلايموها بقى، ده كتييييير.. كتييييييييييييير، كده اووووووووووووووفرررررررررررررر
انا مش عايزة اسمع حس الموكوس ده في اي تسجيل صوتي
مش عايزة اسمع نفسه
والا بقى اللي دخل له التسجيل في سجنه واللي سرب له التسجيل واللي نشر له التسجيل وهو في السجن ومش قانوني انه يسجل اي حاجة ويأثر على مجريات التحقيق كلهم يتجابوا بقى
كلهم يتجابوا... اي واحد متورط في تسريب تسجيل صوتي لمبارك وهو قيد التحقيق للتأثير على مجرى القانون يتجاب مهما علا شأنه، ويتحاكم، والمحاكمة بقى تجيب محاكمة ويتفتح كل اللي احنا عاملين عبط عليه
قلتوا ايه؟
عقلكوا في راسكوا تعرفوا خلاصكوا... انا مستنية تكذيب بقى لموضوع اعتذار مبارك ده، وما عندناش مانع نتخانق مع الشروق ونقول لها يا كدابة يا كدابة يا ثورة مضادة.. وهي مش حتزعل.. هاه؟ فيه اكتر من كده؟ 
يا تطلقوا مبارك يا تطلقونا... انما تتجوزوا علينا وكمان نصرف عليكم وعليه؟ 
وبالمناسبة بقى طلعوا لنا الـ186 عيل اللي انتوا عايزين تحبسوهم عشان اسرائيل
ايه يا اخواتي ده؟ ده ولا كأن مبارك لسه بيحكم
القوافل تتمنع
واللي يتظاهر قدام سفارة اسرائيل يتحبس
الله الله الله
هي بقت كده؟ 
طااااب بقى.. احنا نازلين يوم 27 مايو الجاي، وحناخد في ايدنا الجرحى باهاليهم، واهالي الشهدا كلهم، واصحابهم وقرايبهم وجيرانهم، شوفوا بقى يعملوا كام دول
ان كان شعبك عسل ما تلحسوش كله.. 
احنا صبرنا عليكوا كتير، حقنا راجع في التحرير

189 comments:

Unknown said...

كلامك صح

kandil86 said...

يا نوارة من الاخر لو طلع التسجيل دة يبقى احنا يوم 27 هنهتف ضد الجيش ومحدش يلوم علينا بقى عشان احنا استحملنا كتير قوى وبقينا الحيطة المايلة للناس فى الشارع وقولنا اهالينا وللمجلس العسكرى وقولنا جيشنا وتعبان وبيفضفض عن نفسة وملبوخ وللفلول بتاعة الحزب الوطنى قولنا حصلهم هبل فى دماغهم ما هى الخبطة مش شوية بس وبعدين قى حاجات كنيرة مش مفهومة وانا وزهقت وقلقت لما لقيت زوجة خالى اللى كانت بتساندنى ضد بابا وماما ايام الثورة الاقيها امبارح تقولى ايام مبارك احسن وربنا يرجع ايامة حليها لينا يا كبيرة عشان انا جبت اخرى

mohamad said...

سرق فلوسنا
سرق عمرنا
قتلنا
حرقنا
أغرقنا
عذبنا
ولما قدرنا عليه جاي يقول آسف . . مستشاريني هما اللي ؟؟

مالوش لازمة الإعتذار يا حسنية
مش هيرجع حاجة الإعتذار يا خفيف

والرد الوحيد اللائق بيك : " إتفوو" . . فعلا هتعيش وتموت وإنت معدوم الدم

samar_angel_1990 said...

لولولولولووللولييييي..نوارة رمت الدبلة للجيش يا جماعة..اول مرة تقفشي علي الجيش كده يا نوارة ايه براحة علي اعصابك شوية...كلااااااااااام في الجون وهو ده اللي مفروض يحصل..تسجيل ايه اللي يطلع..وبعدين هو اي حد مسجون عادي يقدرو يدخلوله تسجيل يسجل..اه ما في سيادة قانون بئا..بس علي دماغنا احنا بس..
عايزين يعملو انقسام في الشعب تاني زي بعد خطاب لم اكن انتوي الترشح..الموضوع ده فعلا ميتكتش عليه

candy said...

تغيير غريب فى لهجة الحديث مع الجيش ... أتمنى مايكونش بسبب الضغط من البوست اللى فات ، وأتمنى أكتر أن لهجة الأحترام والتقدير ترجع تانى ... مش علشان خوف ومش علشان هما مش بيغلطوا ... بس علشان ماحدش يكلم خط أحمر كدة !! ... أى لون تانى ممكن لكن أحمر لأ

وبعدين الناس قفشت خلاص مش هاتقبل اعتذارات ... الشعب دا دماغه أنا عارفاها ... اللى هايقبل كان قبل من زمااااان قبل التنحى ، الشعب دا علشان "راجل" فللأسف مش بيرجع فى كلمته حتى لو غلطان ... حتى لو حد قاله : حنفى !!


أكتر شعب عاطفى فى العاااااااااالم طبيعى تلاقى فيه حاجات عاطفية مش موودة على سطع كوكب تانى ... اللى "بيحب" الجيش -وماحدش عارف الجيش دا يتحب منين أصلا وأزاى حد يبحب جيش يعنى !! - واللى يصمم على ثورة غير منطقية ، واللى يولع فى البلد علشان واحدة ست لمؤخذة واللى واللى ... لازم نتوقع أنه فى قضية دولية عالمية كونية يبجى الغلطان فى حقه ويقوله "سورى!" ... مش علشان دا الصح والطبيعى والقانونى ، لكن لأنه معروف عنه أنه زى سفاح النساء فى فلم فؤاد المهندس ... ورغم شراسته ووحشتيه وجبروته وعناده و .... لكن أول ما بتشتغل أغنية ماما زمنها جاية بيرجع طفل تانى.


ربنا يقدم اللى قيه الخير
ويعوش البلد دى عن اللى جرالها بقى

mohamad said...

ولا عايز موقعة جمل تانية ؟؟

والمرة دي هيقى الدم للركب . . يا جدع إنت للدرجة دي خاين وأناني وبتكره مصر والمصريين ؟؟

يا رب سلط عليه اللي يخلص حقنا منه في الدنيا من غير ما تخف عنه في الآخرة

Unknown said...

نوارة نحنا معاك .دول طيروا حتة الدماغ اللي فاضلة براسنا

مصري بالغربة said...

hhhh

elzahraamegahed said...

أه والله أنا هنا فى فرنسا كنت مخزية ومكسوفه إنى مصرية وبعد الثوره بقيت ماشيه زى المجتوته كل ما أقابل حد أقول إنى مصريه وإننا عملنا ثوره وإن إحنا ما كناش قابلين الذل والهوان وإننا .......عندنا رجاله، أه مصر فيها رجاله ,فعلا لما اكتشفت كده عيطت ونفسى أول نا أنزل أبوس على إيد كل واحد فيهم لأنهم رجعوا لنا كرامتنا واللى هان كرامتنا لا يمكن نسامحه ،

NAGWA said...

روعة قلتى اللى فقلبنا واحنا معاكى وبجد بجد أوفر كدا اوفر يا حسني أرحم أمنا أسأت للمنايفه بانتسابك لهم عاوزه أقول يا منوفي يا جبان بس المنايفه طيبين مش زيك أنت مش طبيعي بجد حرامي وبيتقالط علينا يخربيت أهلك أنت والحزيبونه اللعوب بتعتو بجد

اوفر أوفر
يسلم بقك يا نونو
noog74

Mohamed omar Zaian said...

هيه دي نوارة الانتصار اللي اعرفها الله عليكي

Hend said...

بالعكس يانوارة.
كل مرة المجرم ده كان بيظهر على التلفزيون ربنا سبحانه وتعالى كان بيخلق لنا نصرة عليه وآخرها يوم ما أتكلم على العربية من شرم الشيخ كأنه دبور وزن على خراب عشه. يارب يتكلم المرة ديه جايز يبقى ختامه مسك ونصره كبييييرة "والله غالب على أمره".

محمد نبيل said...

قال الرسول صلى الله عليه وسلم :

(إنما أهلك الذين من قبلكم أنهم كانوا إذا سرق فيهم الشريف تركوه وإذا سرق فيهم الضعيف أقاموا عليه الحد وإني والذي نفسي بيده لو أن فاطمة بنت محمد سرقت لقطعت يدها)

احلام جوليا said...

بكيتيني في النص الاول من بوستك يسلم لسانك نفس الكلام قلته على الفيس بوك والله دم الشهداء والسرطان والارض الي اتجرفت والارض الي اتباعت يسلم لسانك يا نواره بردتي ناري بكلامك وحسستيني بالفخر في اخر البوست صحيح لسه ورانا بنات اجدع من ميه راجل مش حيسيبوه يهرب بعملته ويقفوا يتفرجوا تسلمي يا نواره انا بحبك قوي رغم اني ساعات بتخانق معك لكن برضه لاني بحبك وبحب مصر قوي ونفسي تطلع منتصرة على الكل وتبقى ام الدنيا وست الستات بصحيح يا مصر وما يجيبها الا حريمها سيبك انت

حسني مبارك الا ظلمتوة said...

تلك شماتة ان شاء الله قريبا ستقفين نفس الموقف يابنت الجعر بس مش هيكون تلفيق ذي مبارك هتكون حقيقة وساعتها لن نتنازل عن وضع السيخ المحمي في مكان

Free Soul said...

سلمت يداك - دموعي نزلت وانا باقرأ البوست
تحية للشهداء الرجالة اللي رفعوا راسنا
وربنا ينتقم من اللي كان السبب ونشوف بعنينا عدله

Free Soul said...

سلمت يداك - دموعي نزلت وانا باقرأ البوست
تحية للشهداء الرجالة اللي رفعوا راسنا
وربنا ينتقم من اللي كان السبب ونشوف بعنينا عدله

مصري بالغربة said...

يا نوارة ازيك عامله ايه ان شاء الله تكوني بخير
انا المهندس / محمود لو تفتكريني , يمكن ما تفتكرنيش بس انا يوميا لازم افتح مدونتك واقراها
عايز منك طلب وبعد كده اعلق لو ممكن
اولا
عايزك تجددي نيتك بكل اللي انتي بتعمليه ده سواء بالمجهود البدني بالميدان , او بالمجهود العقلي والبدني ايضا بالمدونه
انه كله يكون في سبيل الله اولا ومصر ثانيا

الحاجه التانيه باحيكي جدا جدا جدا على مجهودك ده اللي من زمان انا متابعه

ثالثا انا بصراحه مستاء جدا جدا من مواقف الجيش بصراحه وباقولها علانية
مش ده الجيش بردوا اللي مبارك كان رئيس القوات المسلحه ويدينوا له بالوفاء
ومش ده المشير بتاع النظام من عام 1991 وهو وزير الدفاع المصري
متوقعه ايه من المفسدين الكبار دول لنظام مبارك
انا رايي انه يحصل انقلاب على قيادات الجيش ديه كلها
ويجي الشرفاء من القوات المسلحه امثال الرائد شومان

ولكي تحياتي برجاء ارسال ايملك لي لو امكن

المنسى said...

يسلم فمك وفم أبوكى يانوارة
أيوة كده وريهم العين الحمرا ...هما فاكرينها إيه
لسة بننسى
ولسة عبط وبريالة وبيضحك علينا
وكويس إن العيال بتوع 27 دول طلعتى عا فاهم عشان أطمئن وأشير بقى وأعيش
نتقابل فى الميدان 27

mohamed said...

جدعة جدعة...قسما بالله فشيتي غليلي

احنا نقتل جمال ونحرق علاء في قطر او مسرح ونسحل سوزان ونغرق أحفاده فى عبارة او نأكلهم اكل مسرطن او نشربهم مية مجاري او يموت في فرن العيش، ونعتذرله لو قبل اعتذارنا هنقبل اعتذاره

حسني مبارك الا ظلمتوة said...

وعلي فكرة كل الا انت كاتباة دة مش هيحصل وقريبا جدا هتيجي رجلك في الخية يعني انا كنت قاعد مع بعض المثقفيين في مصر والله العظيم قالوا عليك كلام يودي في داهية وعيب اني اقولة يابنت احمد ابو00000000000

Hoda said...

ولا الست إللي أول ماقالولها تعالي ع السجن قالتلهم ""قلبي قلبي قلبي "" وقلبت عنيها لفوق راحوا مطبطبين عليها و قالولها طب معلش ما تزعليش

Hoda said...

ولا الست الهانم مراته لما قالولها يلا ع السجن قالتلهم ""قلبي قلبي قلبي "" وقلبت عنيها لفوق زي محفوظ أبو طقية راحوا مطبطبين عليها و قالولها طب خليك في المستشفي السبع نجوم و ماتبقيش تعملي كده تااااااااااااني

romagalaxy said...

تسلم ايدك يا ست البات
اهو ده الكلام ريقنا نشف و كرامتنا و راسنا بقوا تحت التراب اكتر من الاول
|علي ايه كل ده علشان ايه
علشان يعتذر
الله ياخده و يخلصنا

Unknown said...

الاخوه المواطنون ..... سورى يا رجاله . و يعلم الله اننى لم اكن انتوى حكم مصر ...بس السادات احرجنى و مرتضش ازعله .. و ربنا يعوض عليكم و يرزقكم بالريس ابن الحلال

Unknown said...

الاخوه المواطنون ..... سورى يا رجاله . و يعلم الله اننى لم اكن انتوى حكم مصر ...بس السادات احرجنى و مرتضش ازعله .. و ربنا يعوض عليكم و يرزقكم بالريس ابن الحلال

elzahraamegahed said...

نوار موقع ثورة الغضب التانيه حلو أنا داخلته بس عامليين زى المسيحيين لما يتصلبوا على طل بهما الوحيدين اللى شايفينه منطقى ويا كده يا مش للاعبين يعنى أول طلب ليهم مجلس مدنى والدستور الأول ؟؟ عادى كده يعنى لوى دراع . عموما هما حاطين لستة طلبات توافقيه كلها وممكن تجمع الشعب كله لكن الطلب ده لو فضل موجود هينزلو الميدان ويبقوا عاملين زى الهبله الى مسكوها طبله

Dr.issamo said...

الكلام جميل بس يكون طلب وحوار مع الجيش


ليه نهاجم الجيش بالشكل ده

والله يا جماعة الجيش بيحاول يعمل اللي يقدر عليه

بس الحمل تقيل

واحنا لو كلمناه بهدوء
همه هيسمعوا الكلام

بلاش مليونيات

ضررها اكتر من نفعها
بتربك الجيش وبتحيره ومش بيفهم حاجة لما بيكون مضغوط و الفلول بيدخلوا على الخط ويلقطوا اول خيط للفتنة ويشتغلوا عليه

الجيش غير متواطئ
لكنه لا يحسن التصرف

الصبر
الحوار
الحوار

Dr.issamo said...

الكلام جميل بس يكون طلب وحوار مع الجيش


ليه نهاجم الجيش بالشكل ده

والله يا جماعة الجيش بيحاول يعمل اللي يقدر عليه

بس الحمل تقيل

واحنا لو كلمناه بهدوء
همه هيسمعوا الكلام

بلاش مليونيات

ضررها اكتر من نفعها
بتربك الجيش وبتحيره ومش بيفهم حاجة لما بيكون مضغوط و الفلول بيدخلوا على الخط ويلقطوا اول خيط للفتنة ويشتغلوا عليه

الجيش غير متواطئ
لكنه لا يحسن التصرف

الصبر
الحوار
الحوار

Anonymous said...

ولو ظباط الداخلية موش عايزين يشتغلوا مشوهم
ولو لواءات الداخلية معصلجين مشوهم ورقوا كام عميد والمصلحة هتتقضى
ولو موش عارفين تحموا الثورة سيبوا الشعب يحميها
ولو حسني مبارك صعبان عليكوا تقدرو تتنحوا عن القضية ونرفع عنكم الحرج

Hana said...

يسلم فمك يانوارة.. وبصراحة موقفهم لازم يبقى واضح قولاً وفعلاً.
وحقيقي، باستغرب من الرسالة الإعلامية للجيش، مافيش ولا مرة طلعوا على التلفزيون في برامج التوك شو إلا وطلع منهم في نص الكلام بعض التلميحات اللي ما بتطمنش، والمرحلة دي مرحلة تحديد مسار الثورة واستكمال آليات نجاحها، ولازم الصراحة تكون هي أول معيار لبناء العلاقة السليمة وبناء تفاهم سليم يخدم مصالح الشعب. اول امبارح في احداث السفارة، كان الوضع مؤسف ومخجل وكان واضح ان الجيش غير معترض ابداً على اللي اتعمل، وجميع الشباب اللي اتكلمت معاهم هناك، رغم اختلاف توجهاتهم السياسية والفكرية، كانوا مجمعين على حاجة واحدة بس، وهي الانزعاج الشديد من موقف الجيش وشعورهم بانه حاجز ضد استكمال اهداف الثورة، والانزعاج من عدم التواصل بدرجة كافية مع الأطراف اللي بتمثل الثورة حالياً من نشطاء وسياسيين. وبات معايا ناس من طبقات فقيرة ومهمشة من سكان القاهرة والعريش والصعيد، وكان اللافت انهم مش قلقانين من احتمالات تدهور الوضع الاقتصادي، لكنهم زعلانين قوي من عدم امتداد زخم الثورة وتعميقها بالشكل اللي يطمنهم انهم في النهاية حيوصلوا لحقوقهم وتحسين اوضاعهم المعيشية ودعم القضايا القومية اللي بيساندوها، وماكانوش ابداً حاسين ان التعبير عن دعمهم لقضية فلسطين بيضر بظروفهم المعيشية او اقتصاد البلد زي ما بعض النخبة بيقولوا، بالعكس كانوا حاسين بكرامتهم واجعاهم قوي بسبب مواقف مصر ما قبل الثورة، وخايفين من استمرار المواقف بعد الثورة وده في رأيهم دليل على ان الثورة لم تقترب من تغيير النظام حتى الآن.

Bent Masrya said...

عندك حق في كل اللي قلتيه

elzahraamegahed said...

الثورة رجعت ورا أوى وعشان نقومها لازم يبقى فيه أهداف توافقيه تحشد الشعب مش احنا بس على الفيس بوك وعشان كده موضوع دستور قبل البرلمان والكلام ده هنبقى كده زى ما نكون بنكلم نفسنا ولا كأن فيه استفتاء حصل وأغلبيه قالت رأيها فياريت نتوحد على باقى مطالب الثوره

محمد نبيل said...

الكلام دة مكتوب فى الشروق :

-------------------------
ولا ينكر المصدر العسكرى أن هناك «غضاضة لدى اوساط ليست بالقليلة» فى القوات المسلحة إزاء أن يتم سجن أحد رجال القوات المسلحة بل القائد الاعلى السابق لها
-------------------------

ياترى كانت الغضاضة دى موجودة برضه لما الفريق الشاذلى اتسجن ؟ دة عار أصلا على القوات المسلحة انهم رضيوا القائد الأعلى بتاعهم يبقى عميل وسكتوا عليه السنين دى كلها.

mohamad said...

نرتب من دلوقتي لمطالب الإعتصام اللي هيبدأ في التحرير وميادين مصر كلها يوم 27 الجاي

أول مطالب يوم 27 إنشاء الله إن المتهم تحت التحقيق / مبارك وزوجته يتم نقلهم إلى طرة

إيقاف ضباط الشرطة المتهمين بجرائم أو الجاري محاكمتهم عن العمل والتحفظ عليهم

التحقيق في التسجيل الصوتي للمخلوع والذي تم إيصاله للعربية وإعلان النتائج وإحالة من يثبت مخالفته للقانون في الواقعة للمحاكمة

يللا . . كملوا معانا ونفكر مع بعض

يا دكتور عصام . . إحنا إبتدينا نضن بيك على إنك تتورط في اللي بيحصل ده

elzahraamegahed said...

الأخ اللى مسمى نفسه حسنى اللى ظلمتوه ، إالهى ربنا يكتب عليك أنت واللى بتقعد معاهم اللى حارقنا من العميل الحقير اللى ما يتسمى وقادر كريم ربنا يسلط عليك واحد زى المخلوع يعمل فيك ويدوقك الحرقه اللى أمهات الشهداء فيها و يبتليكم بسرطان ما تلاقوش له دوا و يحرمكم من نعمة البصر والهى يارب بعد ما تدوقوا الأمرين يرزقكم باللى يترحم على اللى عمل فيكم كده ويفقع مرارتكم ، روحوا يا بعدا ربنا يكتب عليكم الذل والهوان دنيا وآخره ويحشركم مع الحرامى السفاح فى جهنم يا رب

Passant said...

روحى يا شيخة يسلم لسانك دانا طلع ديني بقى الله احنا حنكدب الكدبة و نصدقها احنا اللى عملنا الفيلم بتاع الجيش و الشعب ايد واحدة و حطيناهم فى موقف مكنش قدامهم بعده غير انهم يقفوا معانا و شرعية الثورة و الكلام الحلو د احنا يا نوارة جبنهالهم عل الطبطاب على دم شهدائنا و مصابينا حملناهم الامانة فكيف حملوها كفاية بقى لما الموكوس ابن الموكوسة ده طلع باول خطاب بتاع فتشنى فتش قلنا لا ده عايز يوقع ما بينا و بين المجلس و قلنا ده مش ممكن يعمل كده تانى ابدا و المجلس حيظبطه اهو ابن الدايخة حيطلع لنا تانى اه هو و المدام النهاردة يعتذروا و بكرة الطقم المشدود كله يطلع براءة عشان اعتذروا بقولك ايه كدبوا الخبر صدقوا عليه هى الغلطة كانت من يوم ما سيبنا الميادين قبل ما نملا ادينا بس و ماله احنا لسة فيها و الدكتور سليم العوا قلك ايه الميادين موجودة و الملايين موجودة

محمود على said...

مشكلة حسنى لو تطلع وتكلم مش عرفين رد فعل الناس هايكون اية كدة البلد هاتولع يبفى كل واحد سرق يطلع يقول انا اسف وخلاص فين دولة القانون اللى مصدعين دمغنا بيه

Mohamed kharoub said...

عايز اشتمه و الله ... راجل ابن ستين كلب ... ايه ايه ايه .. ده مش راجل اصلا

nour1971 said...

نواره اخلوا سبيل سوزان النيله و تنازلت عن فلوسها و الفيلا هو ده الثمن ولا ايه طب اذا كان كده فين الفلوس اللي بره و ارواح الناس زي ماانتي كاتبه ايه النيله اللي بتحصل دي الناس ابتدت حواليا كلهم يقولوا يا ريت الثوره ما قامت ايه الارف اللي احنا عايشين مفيش اقتصاد فتنه طائفيه سلفين و مفيش شرطه هي الشرطه فين بالمناسبه انا ارفت من الناس دي بحس ان مفيش عندهم وطنيه و مش بيحبوا البلد دي و نفسي البلد تتصلح يا رب لازم كلنا ننزل يوم ٢٧ زي ما الناس نزلت يوم ٢٥ يناير و يفهموا اننا مش راجعين غير لما مطالب الثوره تتحقق لما يتكلموا علي ان مفيش سياحه مهوا لما ضربوا شرم الشيخ من كام سنه مكنشي فيه سياحه بلاش كلام ملوش لزمه و النبي

باب أمل said...

يسلم بوقك يانوارة بس انا محروقة قوى ونفسى انزل حالا واصرخ واقول كفاية حرام خلصونا بقى واعدموهم بجد تعبنا الله ينتقم منهم

omima said...

واللة يانوارة ياختى واضح اننا اخدنا نانوس كبير من اللى بيحكموا البلد دى تم تنيمنا لحد ما المخلوع يطلع براسة تانى هو والرقطاء اللى معاة وهى قالت انا الهانم يااخى اية؟ كل بياعة فجل مصرية بتجرى على بيتها وعيالها هانم وستين هانم كل ست مصرية شايلة البلى وعمرها ضاع فى شيل بيت وعيال هانم عمرى اللى راح فىتربية اولادى وتعليمهم وعمر ابوهم اللى راح عشان نطلع شباب كويس يشرف كل ست مصرية ماشية وشايلة هم ماتقدر علية جبال على الاقل الهانم عاشت لها يومين واماجة وقت الحساب لاء دى الهانم ويتم الافراج عنها حسبى اللة ونعم الوكيل فى كل واحد انتمائة للمخلوع اكبر من انتمائة للعدل ولشعب غلبان حرام الناس صبرت على الاوضاع مقابل احساسهم ان فية حساب للفاسدين لكن كدة الامورزادت ومحتاجين نعرف مين اللى ورا الناس دى واية الدول اللى بتمشى كلامها علينا كدة ودم كل شهيد فى رقبة كل مسؤل مايراعيش ربنا يبقى يشرب نار ولادة زى الناس اللى ولادها راحوا وماحدش برد نارهم ا

thundersound1979 said...

يا بنت بلدى ... انا النهاردة ميت فى التراب اللى انت بتمشي عليه ... وحشتينى وحشتينى وحشتينى زي ما مصر كانت واحشانى ... بعد ما كنت فقدت الامل وحسيت انى مخصى مخصى على ايدك وايد كل شباب الثورة اللى عرفتهم قبل الثورة وعرفتهم فى الميدان .... انا كنت اصبت بالياس النهاردة حاسس انى بدات اعيش تانى ... احنا اتلعب بينا كورة شراب فى زقاق فى اردا الاحياء الشعبية ... نشفتى ريقى معاك ... وحشتينى يا بنت احمد فؤاد نجم يا بنت ابوك يا بنت مصر ..... انا فاتح صدري للرصاص تانى .... مش سايبين الميدان لان ثورتنا اتسرقت اتسرقت اتسرقت .... كنت مخاصمك والله كنت مخاصمك ....... مش هنسيب الميدان تانى ........ مش سايبين الميدان تانى

noha said...

فعلا عندك حق يا شيخة دى حاجة تقرف بقة و لما ينزلنا التسجيل دة يطلعولنا بتوع خلاص بقة دة راجل كبير يا جماعة حرام عليكم حرام ايه حرمت عليه عيشته دة حتى مقضاش ولا يوم واحد فى طرة لأ وكمان المدام خايفين عليها و اتنازلت عن الملاليم وخرجوها ليه بقة ان شاء الله هما بنى ادمين وحنا ايه ؟؟؟؟!!!!!!

نور الدين said...

الله ينور عليكي في كل اللي انتي قولتيه ...وانا موافق انه يرجع الفلوس كلها بره وجوه وبره قبل جوه ونسمحه في موضوع السرقه ...بس موضوع قتل المتظاهريين او موضوع العباره اللي رفعلي ضغطي وانا لسه شاب في العشرينات وموضوع الجزائر وقطار الصعيد والسرطان وفيرس سي والفقر والجوع والسياسه الخارجيه وتقولوي يعتذر علي جثتي في الحاجات دي علي جثتي ...واسلم رد علي الناس بتاعة ده راجل الحرب والضربه الجويه والكلام الفارغ ده علي اساس انه كان بيحارب لوحده ...ده هو نفسه ما احترمش القائد بتاعه في الحرب ...الله يرحمه سعد الدين الشاذلي وموته ناقص عمر وسجنه وبهدله نحترمه هو ازاي ....انا ردي اذا خاطبك السفيه فال تجبه فخير الاجابة عليه السكوت فان انت اجته ارحته وانت تركته يموت كمدا...

Emadeldin said...

أخيراً يا بنت الشعب ده إفتكرتك بقيتى نقيب فى الأمن الوطنى قصدى أمن العولة

مصري بالغربة said...

شفتوا الخبر ده يا جماعه
افرجوا عن سوزان مبارك
حسبي الله ونعم الوكيل

http://www.youm7.com/News.asp?NewsID=414398

مصري بالغربة said...

حسبي الله ونعم الوكيل فيك يا عاصم يا جوهري
ياللي حكمت بالافراج عن الحيظبون سوزي هانم

salma dodin said...

ya nawara kalamek dah lazem kol el nas tesma3o we ta3rafo la2en el nas zakeretha osayra we btensa bsor3a...........fe kteer nas delwa2tee basma3ha bet2ol kalam mor3eb wa be jahal kameeeeeeeel!!!!!!!
ana mosh 3arfa howa ma7adesh maf2oo3 men el talya asma2hom gheeree wala eeh?:
1 gama3et e7na asfeen ya rayes ya 7elw ya kwayes
2 el 3abeet ebn el 3abeet tal3at el sadat wel 3abat el nazel ye2ooloo fel baramegh
3 el monadel 3amro adeeb ele gesmo behrosho 3ala moshkela....eshee yelame7 3al ekhwan.....eshee yegblee el mazkoor sabeqan tal3at yekharaf!!....we ye2olak khodo el 3eyal lal nas el fel segen ye2olohom e7na mosh 3awzeen nakol 7aram ya baba!!!!!!!!!!!!!........we eshee yekhbat fe qatar we yegblak mostafa el fe2ee yeharag!!...we akheeran yetraya2 3ala fekret en fee flool!!!
howa fee 7ada makhnoo2 gheeree yakhwana!!

Anonymous said...

اصبحت علاقة الشعب بالجيش زي الست اللي عارفة ان جوزها بيخونها بس مش عايزة تخرب البيت !!

noha said...

معلش بقة احنا عاوزيييييييين عدل وشرع الله هما فييييييييييييييييييييييييييييييييييييييييييييييييييييييييييييييييين؟؟؟؟؟؟؟مش عاوزين اعتذارات القصاص يا اما نسيب عليهم هو ومراته وعيالة السلفيييين بقه ونخلص ونهدأ

salma dodin said...

el ragel el 3amel feeha 3ab7aleem 7afeez we nazel fel rayes el kowyas zalamo zalamo............etlam yallah wa batal 2elet adab!!.....fe3lan nas matekhtesheesh!.....gatkom el 2araf talameez amn dawla awsakh!!

utopia said...

ده الايفينت يا نوارة
ثورة الغضب المصرية الثانية 27/ مايو / 2011

Friday, May 27 at 9:30am - August 27 at 12:30pm
Location
ميدان التحرير وكل ميادين مصر
وياريت تكلمى المعرصين بتوه ائتلاف الثورةووائل غنيم عشان يفوقوا كده ويشاركوا فى الدعوة

Yara Ali said...

عياطيني يا نوارة !! و انا قلبي مقهور خلقة !و اديني من الصبح بكتب من غيظي بس والله غباؤه هو مستشارينه ده يشكروا عليه اهي الناس فاقت لهم تاني بد خناقات المدارس اللي كانت دايرة !!
النموذج اللي قابلتيه من المجلس العسكري قد يكون النموذج الطيب .. بس مفيش مخ خالص .. يعني ايه مش فاهمنكوا .. مبيقرأوش جرايد ليه و يقابلوا امثال د. ابو الغار و الاسواني و بلال فضل ما طول انهار و الليل يكتبوا لهم في الجرايد(مبيعرفوش يقرأوا) .. ايه الرعاع اللي راحوا لموها دي بقى, مفيش حاجة اسمها منعرفش ايه يعني عايشين ف كوكب تاني ؟ و في ناس محترمة كتير اساتذة جامعةو اقتصاديين فين دول ؟؟ هو زي ما قلتي .. مليونيات الجمعة تستمر و يبقى ليها منهج و خطة

Early bird said...
This comment has been removed by the author.
مصري بالغربة said...

يا جماعة اللي بالمدونه
ويا نوارة
ويا كل شباب مصر الشرفاء
لابد من ان نتحد ضد الحراميه والفاسدين
حتى الفاسدين من الجيش
والحكومه

لابد من وقفه قويه ضدهم
ولا نترك الميدان حتى تتحقق مطالبنا
وبراي اول مطلب هوه تطهير البلد من الفاسدين بالجملة
جميعهم يتحاكموا
واعتقد ان مفيش ولا واحد فيهم مش حرامي

واولهم مبارك والحيزبون
ده حتى فتحي سرور طلع بكفالة
عائشة عبد الهادي وزيرة ومعاها شهادة الابتدائية اللي بتبوس الايادي طلعت بكفالة 10 الاف جنيه
وهلما جر
بعد كده صفوت بيه
وجمال باشا
وعلاء البرنس
كله هيطلع

والمجاهدين الثوار والشهداء هما اللي يتحاكموا

حسبي الله ونعم الوكيل
لا يضيع حق ورائه مطالب

lastcrazyboys said...

هو ليييه م الصبـح الأغنية دي بترن في ودني

لا بأحلامــك - جوليـــا بطــرس

Early bird said...

هو ده الكلام اللى معندناش غيره وفعلا ده مش هزار مبارك هو المفجر الحقيقى للثوره لو الناس سمعت حسه تانى فى خضم عدم الاحساس بالامان اللى هم فيه ردود افعالهم لن تكون متوقعه الناس اصلا حاسيين ان الثوره بتتسرق ويتم الالتفاف عليها والمعارك الجانبيه ومرقعه الشرطه اللى هى لا نزلت ولا ما نزلتش ومش عارفه ايه وضعهم دول يعنى بيقبضوا اخر الشهر ولا موفريين فلوسهم لحاجه تانيه انفع مع بقى المحاكمات البطيئه والمحافظيين العك والطود الراسخ اللى هو يحى الجمل والمحليات وكل العك ده متجوش بقى مع ده كله وكمان مبارك يقول خطاب انتم كده بتتكوا علينا قوىوعلى فكره اعتقد ان عمليه التوقيع المستمره اللى بين الشعب والجيش خطاب زى ده حيخليها تنجح جداوانتم عارفيين فيه ناس كتير من القوى الخارجيه بالدات مش عاجبها ان الجيش مبيسمعش كلامهم وحيصيدوا بقى فى الماء العكر يعنى خطاب زى ده حيعرض امن مصر القومى للخطر واعتقد ان هو ده الهدف الرئيسى للخطاب لان حسنى دلوقتى تلاقيه بيضرب نفسه ميت صرمه انه معملش جيش من المرتزقه زى بتاع القدافى علشان كان يخلص علينا كلنا خطاب زى ده ضرب فى الجيش وقياداته ومش حقولكم انا بقى يعنى ده انتم جيش مصر

Early bird said...

ولكل واحد سرق شعبه وسرطنه وباع وخان علشان اسرائيل اهى اسرائيل بتعايرك وبتقولك هى كانت فلوسك علشان تقو ل حرجعها.............. اسفوخسسسسسسسسسسسسسسسسسسسسسسسسس

wessam011 said...

بصراحة الله ينور يا نوارة انتى بجد بمية راجل. وشكلها مفيش حل غير التحرير.. وحتى لو القوات المسلحة اعتقلت وموتت فينا خلاص احنا مش باقيين على حاجة ومش هنسكت غير لما تحقق مطالب الثورة بالكامل والتهريج اللى بيحصل ده يبطلوه.

Unknown said...

اعتقد يااستاذه بعد السلام عليكم
ان الموضوع مش مبارك - عيال مبارك هيه الموضوع - المخاليع الظغننين اللى المفروض ان عمرهم لسه قدامهم -الشغل كله على دول وعشانهم - لان المخلوع والمخلوعه الكبار خلاص الاربع رجول بقوا بره - والدنيا بالنسبه لهم اصبحت ايام معدوده - فالشغل كله عشان خاطر العيال - لكن الخباثه تقتضى هذه البدايه - فهى مجرد طعم -بدايه كلام - جس نبض - فتح موضوع - وانتى ست العارفين فى ناس فاتحه حلقها من دلوقتى عالبحرى وجاهزه تبلع الطعم -الناس اللى هتتظبط من تانى لما الشعب يسامح ونتصالح ويبقى زيتنا فى لمبتنا ولولو وجيمى يطلعوا - مخلاص بقى الشعب اراد قبول الاعتذار والسماح واطلاق السراح والدنيا تبقى زى الفل المسقى بميه ورد والفلول تستحمى وتحلق تحت بطاطها وتحط فوزلين - والشعب يرجع يتنفخ تانى - وانا اموت فى غربتى - كابوس يانواره ولايمكن يكون - وبدل ماانا قاعد احسد فى الشهداء هنزل مصر ولن ابرح الميدان

كيوبيد said...

صح لسانك الجيش بلاش يلعب بينا ومبارك ايه الى عايز يطلع ده ويدفع ديه؟؟ الديه عار كبير على فاكره وانا ارفض اى ديه فى اى شهيد وهايدفع ايه والى ايه ثانيا ده مالنا مش مالو يخرب بيت ابو هايتصدق علينا من مالنا لا انسى ياحسنى ان وافق الجيش على هذا الكلام هما احرار لكن احنا مش هانتنزل عن كرامتنا وعن حقنا وحق اهالينا انسى ان وصلت ان هاناخد الحق ده منك بايدينا الاعدام لابد ان ياعدام

Unknown said...

العالم ديه ناويه تجننى ولا ايه اتحبست ولا متحبستش افراجوا عنها ولا لا فى فيه حاجه مش مظبطوطه فى الروايه ياريت تسعينى ببلال فضل ويقولنا ايه تكلمه القصه علشان تقريبا كده فى حلقه وقعت منهم

Yara Ali said...

عياطيني يا نوارة !! و انا قلبي مقهور خلقة !و اديني من الصبح بكتب من غيظي بس والله غباؤه هو مستشارينه ده يشكروا عليه اهي الناس فاقت لهم تاني بد خناقات المدارس اللي كانت دايرة !!
النموذج اللي قابلتيه من المجلس العسكري قد يكون النموذج الطيب .. بس مفيش مخ خالص .. يعني ايه مش فاهمنكوا .. مبيقرأوش جرايد ليه و يقابلوا امثال د. ابو الغار و الاسواني و بلال فضل ما طول انهار و الليل يكتبوا لهم في الجرايد(مبيعرفوش يقرأوا) .. ايه الرعاع اللي راحوا لموها دي بقى, مفيش حاجة اسمها منعرفش ايه يعني عايشين ف كوكب تاني ؟ و في ناس محترمة كتير اساتذة جامعةو اقتصاديين فين دول ؟؟ هو زي ما قلتي .. مليونيات الجمعة تستمر و يبقى ليها منهج و خطة

utopia said...

نسيت الرابط

http://www.facebook.com/event.php?eid=147776135291120&ref=mf
ثورة الغضب المصرية الثانية 27/ مايو / 2011

samar_angel_1990 said...

نوارة..كلنا معاكي..انا لسه طالبة ومستعدة اطلع من مصروفي واتبرع..وكتير ممكن يتبرعوا محدش هيستخسر..افتحو بس باب التبرع وشوفي هنلم كمان..مش عايزين نطاطي راسنا لحد تاني ولا حد يمسكنا من ايدنا اللي بتوجعنا..نجوع ولا لا حد يذلنا

Hady said...

كنت نشرت ده من ايام و قبل ما يحصل اي حاجة من دي... و بمناسبة انه بيحصل فاسمحيلي انشره هنا كمان.. بس مساحة الكومنت مش كافية طبعا لذلك اسمحيلي احط الرابط ده يمكن اهو يكون فيه حاجة تستاهل ... بس هيجصل اتر من كده لو فضلنا ساكتين و هنشوف خلينا قاعدين... فتحي سرور اخلاء سبيل و سوزان و كمان شوية هنلاقي اننا ماعملناش ثورة من اساسه و يا ويلنا لو فضلنا قاعدين نستنى تاني... اظن لو بالخبرة يبقى كان لازم نتعلم اننا و بس اللي لازم نكمل... المهم الرابط اهو للي مهتم
http://www.facebook.com/?ref=home#!/photo.php?fbid=149968155072100&set=a.146120542123528.34827.146115328790716&type=1&comments

elzahraamegahed said...

أنا بشتغل فى الجامعه ووزير التعليم وعد بزيادةالمرتب فى شهر 7 وأناوجووزى مش عايزين الزياده هتقضيها لحد ما البلد تقوم على رجليها ، وعلى الفكره الزياده كبيره يعنى 800 للمدرس المساعد و1200 للمدرس، بس يا ريت يبقى فيه تقشف فى الوزارات لأن فيه حاجات بتفقع بتحصل، ويا ريت كمان يبقى فيه مصارحه وكلام على المكشوف ووعود تطمينيه عشان باقى الناس، يا مسهل يارب

go said...

Sorry the army was playing a game think egyptian are stupied all of this is a tektek they didnt never plant to bring Mubarak 2 Court!
To Nawara all u wrote is the true i agree w u every word u wrote touch my heart!!! NO NO Mubarak is now no more a king!!!

elzahraamegahed said...

خبر الإفراج عن سوزان مبارك .. صحيح .. لكنه صدر عن الكسب غير المشروع مش من النيابة
http://gate.ahram.org.eg/News/71795.aspx

Mohammed Gamal said...

بالنسبة للإفراج عن سوزي فجهاز الكسب غير المشروع هو اللي حبسها و بعدين أفرج عنها و ليس النيابة العامة. يعني سوزان دلوقتي خرة طليقة. خبر النفي ليس له قيمة

elzahraamegahed said...

من الآخر احنا وافقتا على محاكمات مدنيه عشان الفلوس اللى بره ترجع، بس طالما كده هنموتهم بأيدينا ومالهمش ديه

sayednassr56 said...

نوارة نجم ... قطار الشرق السريع .... اللى عايز عربة منه حينقطع نفس أبوه ... تسلمى يا بنت و يسلم خشمك

smsem_87 said...

معاكي يا نواره والله كلنا حنتبرع وقلنا كده من اول يوم احنا 85 مليون فيه الفقير يتبرع بجني وفيه الوسط يتبرع بالف والغني يتبرع بمليون كلنا حنتبرع بلي نقدر عليه حرام دم الشهدا يضيع هدر حرام علينا نحاكم الفقير ونفرج عن الغني

Unknown said...

أشعر بمؤامرة تحاك ضد شعب مصر (كوني من عشاق نظريات المؤامرة) وبالتحديد بعد ورود نبأ تأجيل زيارة شرف للإمارات اليوم للمرة المليون.

هل يعقل أن يوهم طنطاوي شعب مصر بأن مبارك قد مات بسبب اكتئاب شديد أصابه لردود فعل الشعب على اعتذاره؟
يعني خبر الاعتذار فتيشة لقياس ردة فعل الشارع ومن ثم تنفيذ آخر كرت وهو الإيهام؟

طبعا سوف يربح طنطاوي الكثير. يطلق سراح الزوجة وربما تخفيف الحكم على الأبناء لأسباب عاطفية بعد وقوع اشتباكات (لا قدر الله) بين الثوار وأصحاب آسفين يا ريس؟

وبرضه يتخلص من الضغط الخليجي

طب الإلهاء ده كله ليه؟ التصبيرة ده ليه؟ كل ما أفكر، كل ما يخطر على بالي تاريخ سبتمبر 2011، ماعرفش ليه

sayednassr56 said...

قطر الشرق السريع يا أخوانا .... تجرى وراه و ينقطع نفس أهلك و لا تلحقه ... يسلم خشمك

sayednassr56 said...

قطر الشرق السريع يا أخوانا .... تجرى وراه و ينقطع نفس أهلك و لا تلحقه ... يسلم خشمك

sa6560 said...

ربنا يبارك لك يا نواره....

Unknown said...

نواره زعلانه منك جدا جدااا بعتلك كذا مره عاوزين نشغل الشعب كل شهر بمشروع بدل ما هو قاعد يعمل مشاكل هنا و هناك بس عايزه حد انسق معاه شهر 6 عايزه اعمل حمله تبرع شعبيه علسان نتبرع لمصر و ما نشترطش عليها نقدملها حبنا غير المشروط بعتلك على الفيس و لا عبرتينى تعالى ايدنا فى ايد بعض و نعمل شهر 6 قوافل تبرع لمصر باليسير و هنفيد بلدنا اللينك اهو و عاوزينك تنسقلنا مع الوزاره يانواره عارفاكى واصله فيه ناس عايزين يشتركوا فى الحمله بس عاوزين حد من الوزاره ينسق معاهم ارجوكى تبنى الحمله معاى
http://rewayat2.com/vb/showthread.php?t=80702

smsem_87 said...

كلنا حنتبرع احنا 85مليون الفقير يتبرع بجني والوسط يتبرع بالف والغني يتبرع بمليون حرام علينا نضيع الثورة ونضيع دم الشهدا شباب الثورة بيتحكمو في محاكم عسكريه وبتحكم عليهم بال5 سنين الشباب البريء الي معملش حاجه الي بيحب بلده والخونه الي قتلو الشهداء وسرقو فلوسنا وجوعونا ومرضونا وجبلنا سرطان وكبد وفيرس سي يتحاكمو في محاكم مدنيه وياخدو افراج ويتم التصالح معاهم احنا عملنا الثورة عشان نبقي بلد العدل وبلد المصريين ولا عشان الواسطه والمحسوبيه والفساد لسه يبقي موجود الشعب يريد تطهير البلاتد وتطهير القضاء وتطهير المسئولين كان فين عاصم الجوهري بتاع الكسب غير المشروع طول 30 سنه كان ميت ولسه صاحي بعد الثورة كان فين جودت الملط كان فين النائب العام كل دول لازم يتغيرو الس كان ساكت عن الظلم والفساد مش بعيد يسكت تاني اشرفلهم كانو استقالو من مناصبهم ايام مبارك لازم مكنوش عارفين يحققو العدل مش يسكتو الساكت عن الحق شيطان اخرس ودول اختارو يبقو شياطين في عهد مبارك مش فجأه بعد الثورة حيتحولو ملايكه كلنا نازلين الثورة التنيه يوم 27 وزي معملناها يوم 25 يناير حنعملها يوم 27 مايو

متفائل said...

فتنة طائفية
فلتان امني
ازمة سولار
تهديد بكارثة اقتصادية
والمشهد الاخير: مبارك عايز يعتذر ويرجع الفلوس
لا والنبي؟
لا والنبيييييي
وبعديييييييييييييييين وبعديييييييييييييييييييين... للصبر حدوووووود
يعني احنا جزاتنا اننا عملنا عبط؟

حترجعي تاني تهاجمي الجيش وتتهميه بأنه هو الذي يقود الثورة المضادة وهو الفلول ولا غيره ؟ (ماهو معنى كلامك كده) وبعدين تمسحي البوست كله بتعليقاته زي ما عملتي مع البوست اللي بتقولي للجيش فيه : خد دبلتك ؟ولا تكونيش فاكرانا مش واخدين بالنا ولا ايه ؟ اللي أعرفه إن الشجاع مايهموش .. يعني ياريت ماتمسحيش البوست ده راخر حتى لو شدوا ودنك تاني زي ماشدوها أولاني

nahla5z said...

هي التنازلات بدات ولا اية الاول فرطو في الراجل المحترم نبيل العربي وبعدين اعتدار المجحوم ودللوقتي الست هانم هتخرج بحكاية التنازلات هو في اية دي اخرة قعادهم مع ام برنيطة والفئة المندسة كدة حرااام

كيوبيد said...

نواره انا مستعد اتبرع مستعد اشتغال بلاش بدوان اى مقابل مادى عايز بس الرجل ده يتحاكم هو ورجاله ياجيش مصر العظيم يابناء النيل العظيم ارجوكم لاتزيدو الوضع سوء

Unknown said...

يا نواااااااااااااارة
قوليلهم الاتي:
انتوا بتقولوا ان اقتصادنا منهاااار
طيب لو سمحتم اعملوا حساب في البنك علشان المصريين ينقذوا الاقتصاد المصري . الاولى اننا نشحت من ولاد البلد مش من الناس اللي تلوي دراعنا , مع اني عاطلة و مبشتغلش بس و الله لزن على ماما علشان تتبرع بمبلغ كبييير كمان مش صغير , و طبعا زي مانتوا عارفين مفيش ثقة علشان الكل بيخون في كله , فعملوا كل حاجة على المكشوف و الميزانية و المبلغ بتاع الحساب يبقى على النت علشان الناس تطمن ان فلوسها فعلا هتساعد مصر
و الله دة احنا شعب بيحب بلده و معانا فلوس كمان , ماهي مستشفى 57357 اتبنت بالتبرعات بالرغم من السرقة اللي حصلت فيها
اعملوا حملة خلي رجال الدين يكلموا الناس و الله الناس بتثق فيهم اوي
المهم الفلوس توصلفعلا لمصر
يااااااااااارب تعملوا كدة احنا مش عايزين نتزل للخلايجة اطلعوا و قولوا الخليج بتتنك علينا علشان تدينا فلوس و الله كرامة المصريين هتتهز و مش بعيد الواحد يطلع كل اللي معاااه





يا نوارة و احنا عندنا فقرا ااااه و كتييييييير بس برده في ناس معاها فلوس كتييييير و تكفي مصر كمان قوللهم بدل ميدلعوا اللي برة علشان يدونا فلوس قوللهم يدلعونا احنا و هندي مصر فلووووس , قوللهم مش عايزين نتحوج لاي حد , و الله ممكن نلم مليارات و نعمل ميزانية جديدة للدولة خلي رجال الدين يقولوا للناس و يشجعوهم
مش عايزييييييين نتزل لاي كلب

Unknown said...

يا نواااااااااااااارة
قوليلهم الاتي:
انتوا بتقولوا ان اقتصادنا منهاااار
طيب لو سمحتم اعملوا حساب في البنك علشان المصريين ينقذوا الاقتصاد المصري . الاولى اننا نشحت من ولاد البلد مش من الناس اللي تلوي دراعنا , مع اني عاطلة و مبشتغلش بس و الله لزن على ماما علشان تتبرع بمبلغ كبييير كمان مش صغير , و طبعا زي مانتوا عارفين مفيش ثقة علشان الكل بيخون في كله , فعملوا كل حاجة على المكشوف و الميزانية و المبلغ بتاع الحساب يبقى على النت علشان الناس تطمن ان فلوسها فعلا هتساعد مصر
و الله دة احنا شعب بيحب بلده و معانا فلوس كمان , ماهي مستشفى 57357 اتبنت بالتبرعات بالرغم من السرقة اللي حصلت فيها
اعملوا حملة خلي رجال الدين يكلموا الناس و الله الناس بتثق فيهم اوي
المهم الفلوس توصلفعلا لمصر
يااااااااااارب تعملوا كدة احنا مش عايزين نتزل للخلايجة اطلعوا و قولوا الخليج بتتنك علينا علشان تدينا فلوس و الله كرامة المصريين هتتهز و مش بعيد الواحد يطلع كل اللي معاااه





يا نوارة و احنا عندنا فقرا ااااه و كتييييييير بس برده في ناس معاها فلوس كتييييير و تكفي مصر كمان قوللهم بدل ميدلعوا اللي برة علشان يدونا فلوس قوللهم يدلعونا احنا و هندي مصر فلووووس , قوللهم مش عايزين نتحوج لاي حد , و الله ممكن نلم مليارات و نعمل ميزانية جديدة للدولة خلي رجال الدين يقولوا للناس و يشجعوهم
مش عايزييييييين نتزل لاي كلب

e said...

ﺍﻳﻮﻩ ﻛﺪﻩ ﺍﻫﺪﻣﻮﺍ ﺩﻳﻚ ﺍﻡ ﺍﻻﺻﻨﺎﻡ ﺩﻱ ﺍﻟﻠﻲ ﻭﺩﺗﻨﺎ ﻓﻲ ﺩﺍﻫﻴﺔ..ﻭﺑﻼﺵ ﻭﺍﻟﻨﺒﻲ ﺣﻜﺎﻳﺔ ﺍﻟﺨﻂ ﺍﻻﺣﻤﺮ ﺩﻱ ﻋﻠﺸﺎﻥ ﺑﺘﻔﻜﺮﻧﻲ ﺑﺎﻟﻌﺎﺩﺓ ﺍﻟﺸﻬﺮﻳﺔ ﻃﻈﻈﻈﻈﻆ ﻓﻲ ﺍﻟﺘﺨﻴﻦ ﺟﻴﺶ ﺍﻳﻪ ﻭﺑﺘﺎﻉ ﺍﻳﻪﻣﺨﺪﻧﺎﺵ ﻏﻴﺮ ﺍﻝﻫﺰﺍﻳﻢ ﻭﺍﻟﻮﻛﺴﺎﺕ
ﻗﻮﻣﻲ ﻳﺎ ﺑﻠﺪﻱ ﻭﺷﺪﻱ ﺍﻟﺤﻴﻞ ﺑﺤﻖ ﻭﻻﺩﻙ ﺍﻟﺸﻬﺪﺍ

Hesham essa said...

مايخفش ع الواد غير امه اللى حبلت فيه وطلع عينها فى ولادته
اما خالته او قولى مرات ابوه لم تطفح الدم عليه
لذلك لن يخاف على الثورة غير اللى طلع عين امه فيها وذاق المر علشان تنجح
اما اللى كان واقف يحابى من بعيد رغم حبه لها بس لم يتكوى بنار فقدان ضانه فيها
لذلك لاملام على عمليات جس النبض هذه لن تفلح مع شعب رفع راسه اخيرا واعلن انها لن تحنى مرة اخرى

Hady said...

مش عاوزين المجلس... خلاص المجلس استهلك كل فرصه بجد كل فرصه و ما فيش داعي اكر الشريط من الاول تاني... كفاية... عاوزين مجلس رئاسي مايكنش فيه حد كان اتعين في اي منصب رسمي ايام المخلوع... او منصب بارز... بجد كده كتير..ز ناس بضرب و تتحاكم عشان اسرائيل و من مين الجيش المصري و شهداء النكسة لسه تارهم ما جاش و لا اعني الحرب تحديا او القتال.. و كمان ابراهيم كامل يطلع براءة و فتحي سرور اخلاء سبيل و سوزان و مبارك في الطريق و الاهرام نشر الخبر في البوابة الالكترونية و عياله و هتبقى بالمثل صدقوني و هتشوفوا لو ما اتخدش موقف حازم من دلوقتي و كمان شوية يعني لو دققنا اللي بيتعاقب بس هو الشعب و النشطاء و بس و بوضوح... المجلس ماشي في سكك مش سككنا و مش بتاعتنا اساسا و الناس فعلا مضايقة بجد... مش عاوزين كده بجد... لو مش عارفين مش عيب يطلبوا مساعدة من المتخصصين و رجال الفكر و الديبلوماسية و الناس التنفذيين و الشعب... او يرمولنا الكورة و مالهمش دعوة و نعفيهم من العتب و اللوم او اي حاجة تانية.... السكك اللي ماشيين فيها مش هتنفع حد و مش هتخسر حد الا المجلس ثقة الناس فيه و كنت كتبت و هنا كمان و قولت ان ده هيحصل و ان موضوع مبارك ده اللي ممكن يجيب الاخر بجد... طبعا ماحدش اساسا خد باله اني كتبت ده بس مش مشكلة... المهم ان كل اللي بتنبأ بيه هو اللي بيحصل... لما نشوف مستنيين اخرتها اللي بقت على الاخر

salma dodin said...

nawara.......wel falastenyeen fe dahrokom law el 3arab sabetkom laken ana kolee seqa enhom mesh 7aysebookom!........ente raseenee 3al mofeed wa ana awareekee e7na nefde masr delwa2tee ezay!
ma3akee ana.....dah el email beta3ee 3ashan aye ta7arok momken. wallah el mowafaq wal mosta3an.
salma_dodin@yahoo.com

samysalah7 said...

نازلين ..نازلين .. شهداء بالملايين.. أنا فداكي يا مصر .. أنا فداكي يا مصر .. كان نفسي أموت على أعتاب الأقصى بس مش مشكلة أسبق أنا وولادي التلاتة يكملوا المشوار..يالا شباب شوفوا هتعملوا إيه وإحنا وراكم.. لما نشوف أخرة الدلع اللي دلعناه للمجلس العسكري.. آخرتها يبعنا للمايسواش..يبعنا للباع أما الدنيا عشان كناسة الدنيا .. ياخسارة يا مجلس يا عسكري ..يا خسارة يامصر والله الذي لا إله إلا هو أنا بكتب التعليق ومش عارف أمسك دموعي ..حسبنا الله نعم والوكيل

Hesham essa said...

سألنا قبل كده وقولنا على عصام شرف ان يتوجه الى المصريين بس ويقول عايز كام وان شاء الله نلمهم احنا بنشتغل بره بس قلبى وروحى ودمى لبلدى مش كلام
بس هوه يجرب ويمد ايده
لما قالوا البورصة بعت اشتريت بعشر تلاف جنية ورق لاافهم فيه ولم اتابعه حتى الان وشجعت غيرى
وبعدين قالوا كده الكبار ضحكوا عليكوا
طيب لما حتى قال حساب فى البنك لتشجيع الاقتصاد لم يتابع الامر وبدى وكأنه كلام فى الهوا
احنا عايزين راجل يقف وقفة راجل واحنا نسنده
وبلاش الحوسة اللى همه فيها دى
وزير الداخلية مراتى بتشبهه بالولية المحتاسة رغم انه راجل طيب بس مش وقت الطيبة
احنا عايزين رجالة مش ....

basbosa said...

كلامك كله صح يا نوارة الناس جابت اخيرها بقي ازمة اقتصادية بيهددونا بيها ما احنا طول عمرنا في ازمة اية الجديد وبلطجة وانفلات امنى طيب ما ده عشان فيه 30 سنة برده اية الجديد وكل يوم ضحايا بجد كفاية بقي لحد كده ولازم وقفة بقي لازم حقنا يرجع والعالم كله يعرف ان لينا قيمة مش هفيه ويضغطوا عليناوحنا نسلم ونسكت

Abeer Ahmed said...

تسلم ايديكى وكلماتك ،ايوه كده كفاية تعبنا ،نستنى كام واحد يموت تانى وكام واحد يتهان تانى وكام واحد يتظلم تانى
ومن غير تسجيل ،عايزين حقنا وحق المظلومين ،كفاية ،كفاية ،كفاية
واحنا كفايانا انقسام وتخوين فى بعض ،مش كل واحد يختلف مع التانى يخونه
كل 3 افراد بيعملوا ائتلاف وكل 10 يعملوا حزب ويتخانقوا ،ماهو انقسامنا ودانا فى داهية،خلينا مع بعض لغاية مانوصل وكفاية مزايدة على بعض

Unknown said...

والله العظيم انتى عندك حق علشان انا مفقوع مرارتى من ساعتها وهاين عليا اعيط ... اعتذار ايه اللى بيتكلمو عنه دة هيرجعلنا ايه باعتذاره ولا حتى بفلوسة اللى هيرجعها وهو يعنى ال24 مليون اللى رجعتهم سوزان دول يطلعو كام من فلوسهم اساسا وهتعتذر ع ايه ولا ايه بس حسبي الله ونعم الوكيل والله

محمد نبيل said...

المقاطعة لدول الخليج اللى ضغطوا عشان مبارك.

Unknown said...

والله العظيم انتى عندك حق علشان انا مفقوع مرارتى من ساعتها وهاين عليا اعيط ... اعتذار ايه اللى بيتكلمو عنه دة هيرجعلنا ايه باعتذاره ولا حتى بفلوسة اللى هيرجعها وهو يعنى ال24 مليون اللى رجعتهم سوزان دول يطلعو كام من فلوسهم اساسا وهتعتذر ع ايه ولا ايه بس حسبي الله ونعم الوكيل والله

محمد نبيل said...
This comment has been removed by the author.
Magdy El-Serafy said...

اللى سرقه يقول عليه و نراجع وراه-لأنه محترف كدب- و يرجعه. و بعدها يبقى المسامح كريم فى السرقة. أما القتل فحنسأل أمهات ضحاياه واحد واحد على مدار السنين و ..لو سامحوه يدفع الدية والمسامح كريم. و يتحاسب بس على التزوير و اهدار المال و افساد الحياة السياسية و ضياع مستقبل أجيال و بكده ينفد من حبل المشنقة

Bassem Zakaria El-Samragy said...

الحشد ليوم الجمعة أرجوكة يكون على مطالب الإجماع
فككوا من حوار المجلس الرئاسي وتأجيل الانتخابات والـ"أي كلام" ده

مطالبنا لازم تكون حوالين ترحيل مبارك لطرة (وربنا يسهل ومبارك يطلع يقول خطاب علشان يوحّدنا تاني) ولازم كمان يبطلوا محاكمات عسكرية لأي حد ويعملوا إشراف قضائي على الأمن الوطني أو حتى على الشرطة كلها ويعجّلوا بانتخابات البرلمان

elzahraamegahed said...

طالما مفيش فلوس عايزين محاكمات عسكريه لولاد الوسخه، يا يسيبونا عليهم نقتلهم بأيدينا/
طلباتنا محاكمات عسكريه واعدام كل النظام السابق احنا مش ملايكه عشان نغفر وكده كده مفيش فلوس هترجع

elzahraamegahed said...

النائب العام لازم يمشى هو وجودت الملط ويحى الجمل وسيد مشعل ولازم تطهير القضاء

RAMY said...

على فكرة ، بالنسبة لخطاب النيابة العامة ، الخطاب ده مش نفي الإفراج يا نوارة .. ده من الأخر كده بيقول :
النائب العام مالوش أصلاً دعوة بالليلة عشان ينفي ولا يفرج ولا يحبس .. الليلة دي عند الكسب غير المشروع ، روحولهم هم بقه ، إحنا مالناش دعوة ، جتكم القرف، بلاوي بتتحدف علينا و خلاص !!!

reuf said...

كل اللي قلتيه صح ، نوارة من الاخر كده ، خدي اذن رسمي بجمع تبرعات لصالح الاقتصاد المصري ( الاذن الرسمي علشان ميقلبوهاش عليكي بعد كده ) واكتبيلنا رقم حساب نتبرع فيه ، فداكي عيوني يامصر

بساطه said...

تسلمي يانواره .. الله يكرمك وينور طريقنا الي بيعتموه يوم بعد يوم .. خلاص المجلس العسكري انتهى بالنسبالي وانا مستني يخلصوا بفارغ الصبر يااااارب يغوروا بقي احنا طهقنا من الاشتغالات .. انتي عارفه ؟ احنا الي اشتغلنا نفسنا لما صدقناهم ودافعنا عنهم.. انا تعبت يامصريين .. تعبت

negmat lail said...

قيادات الداخلية لمتهمون بقتل المتظاهرين ما زالوا موجودين ومطلوب منهم يتعاملوا مع ما يحدث من فتن وفراغ امني ..كيف يستقيم الوضع ..المصري اليوم نشرت صورة فاروق لاشين في خبر عن جريمة في صفحة الحوادث ..وكانه غير متهم ..مسكوا القط مفتاح الكرار

Omar El-Sewefy said...

كيفية كده اوي علي إلي احنا سايبينه يحصل في البلد سيبونا بقى نمسكها احنا لو هي تقيلة علكم

محمد نبيل said...

المجلس العسكرى عمال يتكلم عن العمل والانتاج والسياحة وهما اللى مش عايزين يجيبوها لبر ويمشوا الأمور صح عشان الأمور تستقر.

Crafts lover said...

بما ان المخلوع هيعتذر يبقى نحن فى انتظار اعتذار القذافى للشعب الليبى وبشار للشعب السورى
والجيش المصرى للثورة المصريه
وربنا ينتقم من الظالم والمفترى وابن الحرام

وميعادنا الجمعة الجاية وكل جمعة فى الثورة الثانية

dandosa123 said...

ما طول عمرى بقول ان العرب جرب وأدى أخرة خدمة الغز علقة على قفانا لما المصريين اللى متشحططين بره عشان مش عارفين يعيشوا فى بلدهم بسبب الزفت مبارك والحرامية بتوعه ويبنوا بلاد العرب الزبالات بدل ما يبنوا بلدهم واخرتها يدونا اوامر هما فاكرين ان احنا عشان ربنا حوجنا لفلوسهم ندوس على كرامتنا ؟؟؟؟ والجيش بتاعنا يبقى هو كمان متواطئ ايه اللى انتى فيه ده يا مصر احنا لازم نوريهم ان كرامتنا ملهاش ثمن يترد واللى ماتوا مش ارخص من اى واحد سعودى او اماراتى

dandosa123 said...

ما طول عمرى بقول ان العرب جرب وأدى أخرة خدمة الغز علقة على قفانا لما المصريين اللى متشحططين بره عشان مش عارفين يعيشوا فى بلدهم بسبب الزفت مبارك والحرامية بتوعه ويبنوا بلاد العرب الزبالات بدل ما يبنوا بلدهم واخرتها يدونا اوامر هما فاكرين ان احنا عشان ربنا حوجنا لفلوسهم ندوس على كرامتنا ؟؟؟؟ والجيش بتاعنا يبقى هو كمان متواطئ ايه اللى انتى فيه ده يا مصر احنا لازم نوريهم ان كرامتنا ملهاش ثمن يترد واللى ماتوا مش ارخص من اى واحد سعودى او اماراتى

Adam said...

اكيد كلنا موافقينك على اللى انتى بتقوليه ....بس ياترى اعدامه حيحل المشكلة ؟ انا رأيى المتواضع و طالما ان احنا بنحاول نكون ديمقراطيين اننا نعمل استفتاء شعبى و نخير الشعب بين ثلاث حاجات ...اعدام مبارك او تغريمه و حبسه أو تغريمه فقط طبعا حتقولى دول حيضحكوا على الشعب و الشعب غلبان ..حقولك الشعب بيعرغ مصلحته كويس و الدليل على كده ثورة يناير .. و بالتالى نسيب الشعب يختار

....

Nader Gad said...

الى متى يعتقد القائمون على السلطه بمصر غباء الشعب المصرى --------- عفوا لقد تغير جيل خلال ثلاثون عام مضت واصبح الجيل الان شديد الجنكه والذكاء لايخيل عليه العابكم التافهه لاان عقولكم التى شاخت باادواتها القديمه لاتستيطع ان تتذاكى على العقول الشابه التى تمتلك من الفكر مايسبق عمركم احذروا ان تجسوا نبض الشارع --- احذروا ان يتلاعب الشيطان برؤوسكم وانت تلوحوا بالاعتذار وقبول الاعتذار لاانكم وقتها سوف تنضمون الى صفوف الفاسدون والشعب لن يرحكمكم----- احترموا العقول ------واين الدفاس حسين سالم اللى معاه الفلوس المجمده؟؟؟ وهل الست هانم بتتنازل عن الفكه بس؟؟؟ واين الفلوس التى ارسلت الى الخليج -----الشعب المصرى عنده كرامه حتى لو مش لاقى يااكل ----- وفى الاول والاخر دى فلوسنا مش بقشيش اللصوص يهبوها لنا لا لللااعتذار ---- لا للتسويف ---لا لمحاكمات سوريه واحذروا انتم الان فى نظر الناس متواطؤون لاتدخلوا فى زمره من يحاسبهم الشعب بتواطئكم ----------- الشعب متابع بدقه كل ماتفكرون فيه

طائرٌ حر said...

العفو ؟العفو على ايه و لا ايه و لا ايه؟

لولا اني ما ينفعش اطلق لساني كنت شتمته هو و خنازير المجلس العسكري بالاب و الام ..عفو ايه ..و عفو على ايه ؟

عفو على الاف القتلى ؟و لا عفو على الاعمار اللي ضاعت في البحث عن رزق سرقه هوا و ولاده ؟ و لا الع...فو عن ناس مرضت و ناس ماتت بسبب الزراعة الي أفسدها ؟
و لا عفو من اللي انحرفو و اللي سرقوا و اللي باعت شرفها و اللي باع ولاده و اللي باعوا كلاويهم و عينيهم و اكبادهم علشان يعرفوا يعيشوا بعد ما نهب البلد و اخد حقوقهم ؟

و لا عفو عن الديون اللي زادت اضعاف في عهده ؟و لا الكرامة اللي اهدرت على ايدين كلابه ؟و لا على الاجيال اللي اتعلمت غلط و الاجيال اللي ماتعلمتش ؟و لا على اسرائيل اللي اتمكنت من البلد بعد ما باعلها الحديدة ؟

و عمالين بس يقولولنا عاوزين عجلة الانتاج تشتغل عاوزين العجلة تدور ..عجلة ايه يا ولاد الكلب ؟ما المصانع كلها اتباعت و الشركات كلها اتباعت ؟عجلة ايه ؟الدولة مالهاش أي موارد دلوقتي ..لا مصانع و لا مزارع و لا شركات و لا بنوك بعد ما باع كل حاجة حتى العجلة ؟

العفو عن مبارك يعني بحر من الدماء ستغرق فيه المنطقة و العالم..و مش هنسيب حقنا منه و لا من اسرائيل و لا من أمريكا

ابلمناسبة خبر اخلاء سبيلها من الcnn
و ادي اللينك
http://arabic.cnn.com/2011/egypt.2011/5/17/suzanne.money/index.html

و يلعن ابو طنطاوي على ابو المجلس العسكري كلب كلب لو ما اتعدمش مبارك و عيلته..و نستاهل الموت لو ما اتحاكم كلاب امن الدولة اللي رجعو كلب كلب

salma dodin said...

3ashan lama a2oolek 7aga ten2et gedan!!!!!!!
2oleelee eeh ra2yek fe dah!!!!?

http://www.youtube.com/watch?feature=player_embedded&v=_L4xz-25N4M

saro 3amleen lel hanem oghnya we mnazelenha kaman!!!
gathom el araf!!
el ragel dah 3awez 7aga wa7da bas....eno yekhrebha we ye23od 3ala talaha!!....banet khalaaaas!

haroon said...

اولا ..انت يا نوارة سبب من اسباب ضياع الثورة وذنب ناس كتير اتاثروا بيكي وصدقوا كلامك عن الجيش واتغدعوا بعلاقتك الناعمة معاه ..وصدقوا ان الحداية بتحدف كتاكيت وصدقوا ان المؤسسة العسكرية وعلي راسها طنطاوي هي الطاهرة العفيفة اللي فضل مبارك يتحرش بيها تلاتين سنة بس حافظت علي عذريتها
ثانيا..فوضي مفتعلة ف البلد للتصديق علي كلام مبارك اننا هندخل ف فوضي وازمة سولار تؤدي الي ازمات علي كل المستويات في مصر من حصاد محاصيل ونقل مما يؤدي الي غلاء في جميع السلع وحدوث ازمة بالاضافة طبعا للفتنة الطائفية وبعد كدة المجلس العسكري يحذر اننا خلاص هنفلس ..وسوزان تاخد افراج ومبارك هيعتذر وهيضحكوا والله العظيم علينا لان المصريين عبايط بطبعهم وهبل وينضحك عليهم بكلمتين حلوين وتنتصر الثورة المضادة..وكمان قدروا يخلوا الناس تترحم علي ايام مبارك ويقولوا العملية كانت ماشية والسلام وقدروا يخلوا الناس تلعن الثورة وسنينها..وبعدين كمان تحذير من موضوع الاستثمارات اللي وصل للصفر .وضغوط من دول الخليج لعدم محاكمة مبارك وفعلا مش هيتحاكم ...وفتحي سرور اللي اتقبض عليه بعد ما ستف كل اوراقه اهو طلع براءة بكفالة بعد ما قدر يثبت ببساطة ان الممتلكات مش بتاعته لان مجلسك العسكري سابهم براحتهم ع الاخر يفرموا ورق ويظبطوا كل الامور وكله تمام ...يا خسارة يا مصر ..يا خسارة يا ثورة ...مش مكتوبلنا نفرح ولا نحس اننا بني ادمين

Unknown said...

السلام عليكم
انا مهندس مصرى واعمل بالخارج
ومستعد انى اتبرع واعمل حمله بين المصريين هنا بس يا ريت تبعتيلى التفاصيل على ahmedmht@gmail.com

khsnas said...

ما قولنالك الجيش بيضربنا على قفاانااااا
تحيا مصر...ويحيا المجلس العسكرى....ويحيا القضاء ...ويحيا ابوها يحى

ramez_nassef said...

بمناسبة الفض بالعافية ....سؤال غير برئ ابدا ماهو اسم الله عليهم القوات المسلحة بتعرف تض بالعافية لما تكون سفارة اسرائيل ......امال مافضوش بسلامتهم ليه الي كانوا حوالين الكتدرائية ....و كنيسة مارمينا .....و العدراء لحد ماتحرقت ......هو جيشنا الكريم شايف سفارة اسرائيل احق بالحماية من دور عبادتنا .....بجد احا

ramez_nassef said...

بمناسبة الفض بالعافية ....سؤال غير برئ ابدا ماهو اسم الله عليهم القوات المسلحة بتعرف تض بالعافية لما تكون سفارة اسرائيل ......امال مافضوش بسلامتهم ليه الي كانوا حوالين الكتدرائية ....و كنيسة مارمينا .....و العدراء لحد ماتحرقت ......هو جيشنا الكريم شايف سفارة اسرائيل احق بالحماية من دور عبادتنا .....بجد احا

محمدى ربيع said...

نعم يا ولاد التيتتتتتتتتتتتتتتتتتتتتتتتتت انتو بتعملو قانون على مزاجكم ولا ايه يعنى الحرامى يتنازل عن المسروقات اللى هو سارقها ويعتذر وونقولو المسامح كريم ده كمان ممكن يستسمحنا ويرجع للكرسى تانى ما احنا عبط ازاى الحرامى أمسكه بشيلته وأسيببه ومحاكموش ده أنا أخد الفلوس وأحاكمه كمان وأخد التعويض عن الأضرارالمادية والأدبية هو فى تنازل فى السرقة ده كده احنا مش بناخد الفلوس احنا بناخد .................................

ramez_nassef said...

بمناسبة الفض بالعافية ....سؤال غير برئ ابدا ماهو اسم الله عليهم القوات المسلحة بتعرف تض بالعافية لما تكون سفارة اسرائيل ......امال مافضوش بسلامتهم ليه الي كانوا حوالين الكتدرائية ....و كنيسة مارمينا .....و العدراء لحد ماتحرقت ......هو جيشنا الكريم شايف سفارة اسرائيل احق بالحماية من دور عبادتنا .....بجد

محمدى ربيع said...

نعم يا ولاد التيتتتتتتتتتتتتتتتتتتتتتتتتت انتو بتعملو قانون على مزاجكم ولا ايه يعنى الحرامى يتنازل عن المسروقات اللى هو سارقها ويعتذر وونقولو المسامح كريم ده كمان ممكن يستسمحنا ويرجع للكرسى تانى ما احنا عبط ازاى الحرامى أمسكه بشيلته وأسيببه ومحاكموش ده أنا أخد الفلوس وأحاكمه كمان وأخد التعويض عن الأضرارالمادية والأدبية هو فى تنازل فى السرقة ده كده احنا مش بناخد الفلوس احنا بناخد .................................اسكت

الخوجة said...

#JAN25 #TAHRIR #BYEMUBARAK - جمعة رفض الاعتذار - Refusing The Apology

bang887 said...

المثل يقول "الحرة لا تأكل بثدييها"؟ .... لو المجلس عايز يسيب الخلوع علشان يلملنا شوية فلوس من الخليج. ...... يبقى ده مجلس شراميط.

بس أنا بيتهيألى إن كل دى تسريبات عاملها الناس إللى عايزة مجلس رئاسى وتنقلب على نتائج الاستفتاء. وهدف الناس دى إننا نشتم فى المجلس زى أنا ما عملت كدة، ونقول عايزين مجلس رئاسى.
المشكلة فى النظرية دى إن التسريبات دى من الصبح وحتى ساعته لم ينفى المجلس العسكرى أى شىء.

Alok Ray said...

ثروه مبارك 620 مليار دولار سيبهم بعد وفاته للاعمال الخيريه فى العالم كله - حسب وثيقه يقال ان المخابرات هى الى سربتها - انا موافق انه يجيب 600 منهم ويغور هو وولاده بره مصر . وبعد كده نعمل معاه زى فاروق - بس امريكا مش هتسيبوا يتعدم لو ده حصل يبقى تاثير اعدام صدام على القاده - عذرا للكلمه - العرب هيروح وهيبتدوا يخافو من شعوبهم وهى اساسا بتشن علينا حرب اقتصاديه من بره ومشغله الطوابير بتاعتها جوه الله ينور ومصر مش مستحمله الضغط ده كله من بره ومن جوه فاحسنلنا نطاطى فى موضوع محاكمه مبارك بدل اما نطاطى فى الموضوع التانى . ولو ان انا خايف برده انهم بعد منسيب مبارك يزودوا الضغط وميقللهوش

محمد نبيل said...

وبكرة لما يدفعوا الفلوس ويتعفى عنهم يقولو احنا بريئين ودفعنا شقا عمرنا عشان نخلص من الشعب الجاحد اللى كان عايز يبهدلنا

bang887 said...

أنا بقيت خايف جدا إنى ألاقى مظاهرت الفلول خارجة تهتف :

الجيش والشعب تيييييت واحدة

محمد نبيل said...

احنا نسمى القانون بتاعنا "قانون أم ريرى للعقوبات"، والمحاكم نغير اسمها يعنى مثلا "محكمة أم ريرى الابتدائية" و"محكمة أم ريرى للاستئناف" وبدل ما المحاكم يبقى متعلق فيها آيات تحض على العدل وشعار العدالة معصوبة العينين نعلق شعار "يابخت من قدر وعفى، مع تحيات أم ريرى"

خالد said...

ربنا يهدك خليتني ابكي بحرقة

Unknown said...

Ayman Soufy هل اصبحت عقوبة السرقه والقتل العمد والفساد السياسي هي الاعتذار...مجرد الاعتذار...لا حول ولا قوة الا بالله... استعدو يا شعب مصر من الان يمكن لاي شخص ان يسطو على منزلك ويسرق اموالك ويقتل ابنائك...ثم يقدم اعتذار ويعيد القليل من مالك ليصبح حر ولا يعاقب على جرائمه....ربنا يرحمنا برحمته

Ahmad Sadek said...

الوضع مخيف. لكن ثورة المصريين بهذه الصورة، كانت معجزة، حدثا هائلا ومهولا. وبما تبقى فينا من صوفية روحية، تغشانا رؤى انها حدث كوني، بيج بانج، فخلق ومولد للشموس والنجوم الرائعة. ولكن، يا الهي، اين الكون المولود؟ اين الكون الجديد؟ اين كون الثورة؟ لاشيء منه بعد. هناك فقط ثقوب سوداء قبيحة، اسماعيل عتمان ويحيى الجمل، سمير رضوان ورجال الكهف، محمد صبحي وحجاب يرتدي قبعة، حدثتنا عنها مدام نجم. هناك فحسب، الكواكب القبيحة المحطمة لكون ميت. تتظاهر، وهي الكائنات المنقرضة، بأنها الكون الحي، وتسبح زورا باسم الكون الجديد الذي لم يأت بعد. شهدنا تمام الجمال في شهدائنا الملائكة، ولا نشهد بعد، الكون المصري الجميل، الذي بشروا به، وغنوا له، وأهدوه الى عيوننا. فهل حدث في تاريخ الكون بيج بانج، كان معجزة وهائلا ومهولا، وعقيما كذلك؟ لايلد كونا جديدا مفعما بالنور والبهجة ، مفعما بالوعود والأمل، وببعث جديد للشعوب؟ انهضي يابلادي. أرجوك أن تنهضي من تابوتك. وتتسربلي بدفء شمسك، وتضمينا شعبا جميعا في حضن عدلك وطهرك ونظافتك، فقد قتلنا الشوق اليه، واليك. فلا ترحمين منهم أحدا

magda said...

اه علي القهرة وقلة الحيلة اه علي ابلد اللي مليان خونة لا تصلح معهم الا ثورة كالثورة الفرنسية

magda said...

اااااه ثم اااااه ثم ااااه هحساس رهيب بالقهر وقلة الحيلة

حسن محمد على said...

لايجوز اطلاق سراح اللصوص فى مقابل رد المسروقات,الكلام دة ينفع فى سرقة موبيل مثلا او نشال فى الاتوبيس اتظبط واترقع علقةجامدة. انما سرقة المال العام و"استحلاال" الاستيلاء او ادمان الاستيلاء عليةشىء لايمكن التسامح فية او العفو عنة والا فاننابذلك نبطل احكام القانون لأن المتهم اسمة "زينب"و القانون مافيهوش ولا زينب ولا سوزان ولاحسنى ولا اى اسم اخر

omima said...

ياريت يانوارة تقولى لحكمنا بلاش يشحتواعلينا من البدو الحفاة العراة قادر العزيز الجبار يخسف بيهم الارض وعلى راىالمثل تموت الحرة ولاتاكل ب؟؟؟؟؟؟بلاش السواد اللى عاملة الحكام بالطروف الاقتصادية وتبقى وسيلة للوى دراعنا لرجوع ابو رجل مسلوخة وعيلتةوبما ان البلد ضاعت زى ما طلع علينا عمرو اديب وهانشحت كلنا عن قريب يبقى مش فاضل لينا الا الكرامة وحسبنا اللة ونعم الوكيل فى اللى ااتمناهم على بلد نا وحياتناوسابوها تبوظ عشان يرجع المخلوع لك اللة يامصر ولشعبك الغلبان

Dr.issamo said...

يا نوارة

التنازل عن الاملاك ممكن ينجيهم بس من الكسب غير المشروع

بس طبعا لازم يثبتوا كل املاكهم واذا ظهر اهم اي املاك تتصادر


لكن الجرائم الاخرى مش هيكون فيها افراج
قانونا ماينفعش

وماحدش قال كدة

بلاش توليع

مبارك لن يفرج عنه لأن تهمه كبيرة وكتيرة جدا وما ينفعهاش تنازل


هدووووء

و

حواااار



هدووووء

و

حواااار


هدووووء

و

حواااار

Sgheita said...

اخييرا حمد الله ع السلامه و يا رب تكملي

assour said...

نوارة الانتصار

كم حزنت و انتي تدافعين عنهم دفاع الليوث عن اولادها بلا سبب و لا دافع و انكسرت نفسي لثقتي فيكي و في رجاحة عقلك ولكن القلب غلاب و الكريم يتوقع الكرم و لكن اود ان اخبرك ان مصر تحت حكم اي عسكري لن تتخلص من الهوان ـ قد ننتصر و تظفر بعزة منقوصة خارجيا لكن العسكر لا يعرفون معنى الكرامة ولا يعرفون سوى اطاعة الاوامر و هي نهج عملهم فليس عليهم لوم في عملهم ـ اما في الشارع و في المؤسسات فقد خربوا و دمروا كل مكان اداروه و ذلو الشعب وكسروا عينه لأن هذا ما تربوا عليه و العقيدة الخاصة بهم فاللوم عليهم قليل واللوم على الشعب الذي يرضى بحكم من يؤمر فيطاع و لو في قتل الاحباء كبير,
نوارة لو عاوزة مصر حرة لازم العسكر يعمل بالعسكرة فقط و لا يتولى منصب مدني ابدا ابدا ابدا ـ و الا سوف نبقى كما نحن و دماء الشهداء كلها مية
\
اللهم هل بلغت اللهم فاشهد

Egyptologist said...

والله الكلام ده مش هاينفع , احنا ليه نقوم بثورة و بعد مانخلعه نسمع كلامه ونمسك البلد للجيش , ليه ما يتعملش مجلس رئاسى يحكم البلد من منطلق ثورى و يحاكم الفاسدين زى ما احنا عاوزين بدون مجاملات و بدون تسويف و تأجيل ؟ و ليه مراعيين ربنا مع الكلاب دول و نعاملهم أحسن معاملة فى السجون ؟ دول لو اتعاملوا زى أى سجين كانت فلوسنا رجعت من شهرين , وكان زمانهم بيبوسوا إيدينا , مش احنا اللى بنترجاهم بس للأسف فى ناس متعرفش معنى العزة وفى عز انتصارهم مايصدقوش و يرحوا يبوسوا إيد أسيادهم وهما مذلولين ,للأسف مصر عايزة ثورة جديدة تصحح أوضاع الثورة اللى فاتت بس المرة دى تبقى ثورة ليها راس و عارفة هى رايحة فين , و إلا يبقى الوضع كما هو عليه وعلى المتضرر اللجوء الى القضاء للنظر فى جلسة يوم القيامة العصر.

elzahraamegahed said...

أنا مش عاوزه الفلوس ، كفايه علينا حنفية السرقة اتسدت، أنا عايزه رقبته هو والنجسه اللى اسمها سوزان ، عايزه انتقم عايزه آخد حقى منهم ومن عيالهم وعايزه أطفح عياله والواد حفيده أكل مسرطن من اللى احنا بناكله وعارفين انه مسرطن ومش عارفين نعمل ايه عايزاه يأكله لحفيده بأيده ، عايزاه هو والوسخه اللى متجوزها يروحوا المستشفيات اللى احنا بتعالج فيها ، هو أحسن مننا ف إيه الحرامى العميل بن الكلب ده ، لو الفلوس اللى بره مش هترجع النجس الى اسمه حستى ده وهو مراته وعياله يتحاكموا محاكمات عسكريه ياهنموتهم ونموت أى حد يتشدد لهم بأيدينا عارنا ولازم نغسله بأيدينا ، وهما أكبر عار علينا وعلى كل مصر

حازم الهواري said...

دمى محررررررررررروق وهتجنن من امبارح يعنى ايه بقى اللى بيحصل فى البلد ده يعنى ايه سوزان تتنازل عن فلوس مصر اللى كانت سرقاها وتطلع ويعنى ايه مبارك يعتذر ويعفو عنه ويعنى ايه العرب بيضغطوا علشان يطلع دحنا كده اللى روحنا بتطلع يا نوارة احنا مستعدين نبيع هدومنا ونديها لمصر خد يجينا السعودية ويقعد معانا واقسم بالله العظيم كل اللى معانا هندهوله بس يا ريت لما يجيوا وما يقعدوش فى بيت السفير اللى احنا ما نعرفش بيته وما نقدرش نهوب نحاية بيته اصلا يجي حد محترم ويقعد معاااااااااانا وهنعمل المستحيل علشان نطلع من الأزمة دي بس حد يسائل فينا ويقدرنا ويسمع صوتنا مش نروح نتسول على باب القنصلية فى جدة علشان نقدر بس نقابل محامى السفارة ولو قابلنا يكلمنا من طرف مراخينه لاننا العبيد بتوع ابوه واحنا اطباء ومهندسين ومحاسبين ومدرسين واساتذة جامعة وحملة مؤهلات عليا حد يوصلنا للمجلس العسكري نقوله لو معذورين احنا نبيع لحمنا علشان مصر وما تطلبوش من حد يذلنا كمان وكمان اعملوا شكرة كبيرة نساهم كلنا فيها بفلوسنا واحنا كده كده بنحول ام فلوسنا لمصر يعنى اهلنا فىمصر بياكلوا طوب من ساعة الثورة ؟؟؟ ما احنا بنحول كل شهر فلوس بالدولار يانوارة حد يجينا السعودية ويروح الكويت ويروح الامارات بس مش يقابل اصاحب البلد لا يجي يقابل الغلابة الضعاف المصريين العبيد اللى فى الخليج ويوشف الخدم اللى هما احنا هنعرف نقف جنب بلدنا ولا لاء ؟ احنا مش أقل من الشباب اللى زي الورد اللى ماتوا فى التحرير علشان نعيش بكرامة مستعدين نبيع اجزاء من جسمنا ودمنا ومصر ما تتهانش من اى كلب ومبارك ما يطلعش من السجن لان كده اسمه بقى استخفاف ب85 مليون مصري كرامتهم اتمسح بيها البلاااااااااااااااااااااط كرامتنا اتهانت يا خلق يا هو كرامتنا اتمرطمططش كنا بنتكسف نقول اننا مصررررررررررررين ولما بيندهوا علينا الخليجيين يقولك يا مصري وكأنها سبة كفااااااااااااااااية بقى ما صدقنا حسينا اننا رجالة كفاية بقى عايزينا نرجع تانى اشباح لا حصلنا الرجالة ولا حصلنا النسوان ...........يطلع ليه مبارك ؟؟؟؟ علشان خاطر ايه ؟؟؟ عملنا ايه زين ؟ مخلينا ممسحة للخرفان عبيد نتباع بالكيلوا انا فى السعودية من 8 سنين ما نزلتش مصر لانى سبت مصر واهلى مش لاقيين العشا لانى كنت بغسل عربيات علشان اقدر بس اكمل جامعة كنت بغسل مداخل العماير علشان اقدر اكل واتحمل الذل والاحتقار وانا ابن الشرفاء علشان بس اقدر اعيش وزيي ملاييييييييييييييييييييييييين كتيرة واحسن مني ومن ابويا كمان ......نسامحه ليه ؟ ابويا اللى مريض بالفشل الكلوى ؟ ولا ملايين الناس اللى عندهم سرطان بسبب الاهمال والقمح المسرطن ؟ ياناس يا هو يا خلق يا عاقلين اسرائيل ماعملتش كده فى الفلسطنيين انجلترا ما عملتش كده فى مصر ........مافيش محتل عمل كده فى بلد محتلها مبارك عمل فينا كده بقى كأننا أحنا مش من بلده كنا زي العبيد عند ابوه ابن مافيش اللى مالوش اصل اصلا ولا له عيلة نعرفها فضحنا فى كل حتة كأننا بناكل من ورث ابوه اللى مات جعان وسوزان الحيزبون اتنازلت عن ايه ؟ .......... 24 مليون جنيه ؟؟؟ يعنى ايه بقى حد يفهمنى يعنى حاجة من اتنين احنا هبل وعبط او الفلوس اللى اتسرقت من البلد اللى سرقها كابتن ماجد هفرقع يا ناس من جنابي وهتشل حد يقولى اي اللى بيحصل هنعمل ايه بقى انا قربت اختل من اللى بسمعه فيه ايه المجلس العسكرى بنحبه ونحترمه بس يجب ان يعى ما يفعل لان ده هيخلينا نتجنن دول لازم يعرفوا ان الشعب بيغلىىىىىىىىىىىىى ....ثم طلما هما بقى عايزين فلوس وقى من بابا اولى يسارعوا بمحاكمة الناس دي بسرعة علشان يسترجع الاموال من بره ويجيبوا بقى رجال الاعمال المصريين اللى عاملين شرفاء بقى وكل واحد يدفعله 100 مليون ماهما ياما كسبوا من مصر يلموا منهم على الاقل الضرايب ولا ولاد سويرس يكسبوا فى السنة 5 مليار وما يدفعوش حاجة للبلد وعاملين شرفا وغيرهم يجي 2000 رجل اعمال عندهم مليارات احنا فى الخارج 8 مليون واكتر مستعدين ندفع كل واحد متوسط 1000 جنيه يعنى 8 مليار جنيه هتيجي فى خلال ايام والحكومة احسنلها تلجاء لولادها احسن ما تروح للامراء والشيوخ اللى بيتعالوا عليهم .......واى رجل اعمال عايز يغور يمشى من مصر علشان مبارك هيتحاكم مش عايزين مستثمرين جايين مصر للحريم والفساد وبس يفروا فلوسهم لهم والله الغنى ......وعايز اعرف الحكومة ما تعملش ليه خطة تقشف لحد ما نطلع من ام الازمة دي وعايز اعرف برضه المستشارين اللى كانوا فى الوزارات لسه بيقبضوا برضه ؟؟؟ وعايز اعرف برضه ظباط الشرطة اللى كارهين للبلد والشعب السادة البشوات والبكوات والسادة امناء الشربة بسلامتهم اسم الله عليهم اللى سايبين البلد مولعة كده بيقبضوا برضه ؟؟؟
يعنى اللى عايز اعرفه نروح نحفر قبر وندفن نفسنا اكرملنا ولا ايه ولا نعمل ايه بس قلولنا ياناس على الاقل انتم بتقدروا تنزلوا التحرير وتتظاهروا احنا بنموت من الغيظ ومش قادرين نتنفس

محمد نبيل said...

لن نعفو عنك يامبارك

http://www.facebook.com/pages/%D9%84%D9%86-%D9%86%D8%B9%D9%81%D9%88-%D8%B9%D9%86%D9%83-%D9%8A%D8%A7%D9%85%D8%A8%D8%A7%D8%B1%D9%83/173011459423281?sk=wall

Unknown said...

لا يا نوارة بصراحه... انا ممكن اقبل اعتذار بس موش تسجيل والكلام الفارغ ده... انا عاوزاه يتعمل له اذاعه مفتوحه... ويطلع يعتذرلنا كل يوم من 7 مساء ل 8 مساء... وباقي وقت الهوا يكون وقت مفتوح للجمهور... يسأله اللي فنفسه... يبستفه... يمرمط بكرامته البلاط.. كده يعني

يعني مثلا كل ما نحقق إنجار نكلمه نحرق دمه... لما نوقف بيع الغاز.... نكلمه نحرق دمه... والله ساعتها هاقبل الاعتذار

Tears said...

و الله ح زغررط يا نوراة انك اخيرا خدتى بالك بس عايزاكى تفرقى بين الجيش و المجلس العسكرى اللى بيدير البلاد سياسيا و بيغرقنا

بلاش مجلس رئاسى مدنى مادام الكلمة عاملة حساسية

خليها مجلس انقاذ وطنى او مجلس مساعديين او امناء مدنى عشان المجلس العسكرى ماعندوش خبرة سياسية و ح يولع البلد

و مش ناقص غير انه يرجع مبارك رئيس و يقوله احنا اسفين يا مخلوع يا عميل اسرائيل و لو اولمرت عايز يحكم معاك فى العلن بدل السر يتفضل ما احنا كنا شايفين و فاهمين و ساكتين عشرين سنة و لما الشباب ضحوا بنفسهم و عملوا ثورة خلينهالهم فوضى و ولعنا البلد بفتنه طائفية عشان الناس مش ضامنه ان الدستور يبقى مدنى مش دينى و سبنا التيار اللى عامل فزع للمسلمين قبل المسيحيين و ح نخليهاحرب اهلية و نقول معلش اصلنا ماعندناش خبرة و ماكناش عايزين حد عنده خبرة و علم يدير و لما البلد تنهار يطلعوا يقولونا اسفين

ضباط التحرير كان معاهم الف حق بس غلطوا فى الاسلوب و نسى عبد الناصر او سوار الدهب بتاع السودان

Unknown said...

حسني زمانه محتار قاعد بيعمل لنا شريط كوكتيل من مختارات أغاني الاعتذار... أرشحله جورج وسوف "انا آسف لاني ما كانش غصب عني"

اختك مروة مأمون

kbahey said...

بيقول لك بقى،واحد كان أتقى الخلق و من المقربين لله و من أعبدهم له مدة كبيرة لا تحصى. و بعدين غلط كدة غلطة معينة و انطرد و عاند، أكمنه أستاذ في العند. بس هو دلوقت عايز اللي اتكسر يتصلح و حيكتب خطاب اعتذار و خلاص بقى نسامحه عشان تاريخه المشرف قبل الغلطة. إسمه إبليس. إحنا آسفين يا إبليس.

Unknown said...

طلبنا مجلس أمناء وطني... جالنا مجلس أمناء شرطة

وعجبي

اختك مروة

Ahmed . M . Abdulrahman said...

نواره

ماأخذ بالقوه لا يسترد الا بالقوه

هذه عقيده ثابته لا انحراف ولا تبديل فيها ولا تعديل

نحن نعلم ان 95 % من قاده القوات المسلحه ولائهم لمبارك

واظن ان ابسط دليل انهم لم يحركوا ساكن منذ ان تولى الحكم

ولاكنهم مجبرين على الخضوع للثوره

لان عدم خضوعهم سيؤدى الى ان ال 5% الشرفاء سيعزلوا قاده المجلس الاعلى للقوات المسلحه

وذلك لان الجيش اوامر و رتب

ف عند خروج اكثر من فرقتين مع خطه محكمه للسيطره على اذرع الجيش

سيكون الامر قد حسم لصالح القيادات الجديده

وهذا يسمى انقلاب داخلى

او انقسام

وللحفاظ على وحده الجيش ستخضع بقيه القيادات للقياده الجديده

وهذا يعلمه طنطاوى و سامى عنان جيداً

فهم يحاولوا الا يفقدوا الكرسى والا يفقدوا الحكم
والا يفقدوا مبارك

لانهم معكوكون معه فى مصائب كثيره الله اعلم بها

اعود واذكركى ب القياده القياده القياده القياده

او

التنظيم التنظيم التنظيم التنظيم

وذلك لنحقق نتائج فعاله و مؤثره

ونتولى امور البلاد

وانا هنا اقصد الشعب وليس فرد اخر

وان اردنا ان نضحك على انفسنا و نترك قياده الجيش لحالها

فلن يتركنا مبارك ولا جمال ولا علاء و لا الخليج ولا السعوديه و لا اسرائيل و من قبلهم امريكا فى حالنا

لذلك نعود لنقول ان وجود قياده شعبيه ليست فرد ولاكن مجموعه و تكون مركزيه

هو الحل المثل فالاوامر ستكون بالاجماع و لاتجاهات ستكون مجرده من نزوات و طموحات التيارات السياسيه

كما يحدث الان فى ائتلاف الثوره

وستكون القرارات قرارات ملزمه طبقاً للشرعيه الثوريه

ولا بديل عن المحاكم الثوريه
لا بديل عن المحاكم الثوريه
لا بديل عن المحاكم الثوريه

من قام بالثوره هو من يحاكم

انا قمت بالثوره لانى مظلوم فى شئ معين

و هدف الثوره هو استرداد هذا الشئ

او القصاص او اى شئ اخر على حسب

فلم اسمع عن ثوره تستغرق محاكمتها 5 اشهر

او ثوره يتازل فيها المثار ضده عن املاكه مقابل الافراج عنه

او ثوره يجلس فيها رئيس الجمهوريه المثار ضده فى مشفى فاخر و ياكل لحم النعام و الجبن الكشكفال بدل من ان تقطع رأسه فى ميدان عام

مافعله مبارك بنا و ماذكرتيه و نحن نعلمه جيداً و ما خفى كان اعظم

يؤدى الى شئ واحد لا محاله

هو اشتهاء الموت

فا مبارك ليس من المفترض ان يعدم فقط بكل سهوله

اكل حكم على هذا الرجل وذبانيته ان ياكل جلده ولحمه حى

هذا اقل شئ اقل شئ

ان النار التى بداخلى تكفى لتحرقه هو واتباعه

لقد ضيع احلى سنون عمرى

فى الفقر و قله ذات اليد

واشتهاء الاشياء لدرجه اننى كنت احيا على الاحلام

الاحلام او الاوهام سميها كما شئتى

ما ضاع قد ضاع

وانا صامد كل تلك السنين لكى ياتى اليوم لكى اتكلم

ولن ياتى اليوم الذى اتكلم فيه ل اصمت

لن يصادر احد حلمى

لن يصادر احد مصر

انا كتبت ما عجزت قوله

وساظل اكتب حتى يأتينى اليقين

انا واحد من ملايين و امثالى كثر

ارجوا ان تكون رسالتى وصلت اليك يا نواره

سلام مؤقتاً يا نواره

__________________________

اقرأ مقال (هاله سرحان من ثوره شعب الى ثوره العاهرات )

اقرأ للاخر و متكسلش

على مصر........الروح والنصر

ادعمنا تدعم مصر والثوره و العروبه

http://misr25jan2011.blogspot.com/2011/05/blog-post_17.html

Awladmisr said...

أنتي جبتي من الأخر هوة دا الكلام

Zeinab said...

يا ست نوارة أولا أنا واحدة من الناس اللى بتحبك وبتموت فى والدك الفاجومى، وأحب أقول لك وما تزعليش من كلامى عيب قوى قوى التجريح فى الجيش ده، ومفيش حد بيحب مصر بجد يحرض على الجيش، ننتقد مواقف آه لكن نحرض دا مرفوض مرفوض مرفوض لغاية السنة الجاية، واللى ما تعرفيهوش إن ضابط الجيش قبل ما بيخطى خطوة بيوزن وياخد أخف الضررين، يعنى يمكن كانوا يوم 2 فبراير شايفين إن الحياد أفضل لأن الجيش لازم يفضل محايد لأنه بتاع مصر مش بتاع مبارك ومؤيديه ولا بتاع الثوار، واللى حضرتك وناس كتير يظهر نسيته مش واخدة بالها إنه لو دخل لنا عدو من بره حيقولوا لسيادتك وللناس كلها خليكو فى بيوتكو وأشغالكو وشغلتنا إننا نموت عشان نحميكم، واللى جايز ما تعرفيهوش إنه لو ماكنش الجيش اتدخل فى 10 و11 فبراير الله أعلم كان المخلوع دا ممكن يعمل فينا إيه، والفلتان والفتنة والأزمات دى مش الجيش اللى عملها لكن دى من آثار عدوان مبارك وعصابته "آثار عدوان دى لطشتها من أ. فهمى هويدى"، ومبارك دلوقت فى إيد القضاء والجيش مالوش سلطة على القضاء، والقضاء وحده هو اللى يقبل اعتذاره أو يرفض، وكمان مرة: انتقاد مواقف الجيش ممكن لكن اعتباره عدو والتحريض ضده غباوة مالوش اسم تانى!!

hassn hamdi said...

وفقا للمادة 19 من الاعلان الدستوري الاخير للمجلس العسكري فلن يحاسب مبارك عن الجرائم الجنائية لأن العقوبة شخصية (وطالما لم يثبت عليه أنه حرض أو أمر بقتل المتظاهرين أو قتل نفسه فهو وفقا لهذه المادة لم يرتكب أي جريمة) وطالما أن هذه المادة تنص على أنه لا جريمة ولا عقوبة إلا بناءً على قانون فأين القانون الذي صدر ويعتبر ما فعله مبارك في حق مصر جريمة؟ كما أن المادة تنص أنه لا عقوبة إلا على الأفعال اللاحقة لهذا القانون، وطالما أن المجلس العسكري لم يصدر حتى الآن أي قوانين تعتبر ما فعله مبارك في حق مصر جريمة فإن محاكمته بتهمة قتل المتظاهرين أو التحريض على قتلهم أو الأمر بقتلهم باطلة..فقط يمكن التحقيق مع مبارك بموجب المادة 61 من نفس الاعلان الدستوري (كل ما قررته القوانين واللوائح قبل صدور هذا الاعلان يبقى صحيحا ونافذا على أنه يجوز إلغاؤه أو تعديله..نص المادة) تتم محاكمته وفقا لقانون247 لسنة 1956 بشأن محاكمة رئيس الجمهورية بتهمة الخيانة العظمى (المادة 6 في القانون المشار إليه) لكن بشرط تقديم ثلثا أعضاء مجلس الشعب طلب بذلك فأين مجلس الشعب؟ ..كما أن الفقرة 9 من المادة 55 من نفس الاعلان الدستوري للمجلس تعطي المجلس العسكري حق العفو عن مبارك أو تخفيف العقوبة ومن هنا فإن مبارك براءة رغم أنف المصريين وبعلم وتخطيط المجلس العسكري ولا عزاء للمصريين

نسيم الفجر said...

اخيرا عرفتي إن الله حق ؟؟
أخيرا فووووووقتي من فايروس الدفاع الاعمي عن المجلس وعمايل المجلس السودا !!!!!! أظن مبقاش فيه شك دلوقتي انهم مش ناويين ينفذوا مطالب الثورة اصلا !! وأظن دلوقتي اعتبارهم جزء من الثورة المضادة مش كتير عليهم ابدا !!

om said...

إلى الذين يستشهدون فى كل المواقع بعفو النبى عن الكفار يوم فتح مكة مطالبين إيانا بالمثل، أقول لكم استشهادكم فى غير محله!!!
موقف النبى هذا كان بعد الفتح أى بعد القوة، بمعنى: لوأطلق سراحهم سيظل قويا كماهو!!
وإلا لكان النبى عفا كذلك عن يهود خيبر،الذين حكم فيهم سعد بن معاذ بحكم الله(أرحم الراحمين!!)من فوق سبع سموات،فقال: أرى أن يقتل رجالهم و تسبى نساؤهم وأطفالهم!!وتم ذبح جميع اليهود وقتها نتيجة لخيانتهم العهد،أى:إعدام بتهمة الخيانة العظمى!!فلماذا لم يعف عنهم النبى وقتها؟ لأنه لو فعل هذا(مثلما تطلبون منا اليوم)لهجموا عليه بعدها ثانية.
فكماقال الشعراوى مامعناه:العفو إذا كان يجعل المعفى عنه يتمادى لا ينبغى.
فلماذا ندعى نحن أن نكون أرحم و أعدل من الله أو رسوله!؟

om said...

إلى الذين يستشهدون فى كل المواقع بعفو النبى عن الكفار يوم فتح مكة مطالبين إيانا بالمثل، أقول لكم استشهادكم فى غير محله!!!
موقف النبى هذا كان بعد الفتح أى بعد القوة، بمعنى: لوأطلق سراحهم سيظل قويا كماهو!!
وإلا لكان النبى عفا كذلك عن يهود خيبر،الذين حكم فيهم سعد بن معاذ بحكم الله(أرحم الراحمين!!)من فوق سبع سموات،فقال: أرى أن يقتل رجالهم و تسبى نساؤهم وأطفالهم!!وتم ذبح جميع اليهود وقتها نتيجة لخيانتهم العهد،أى:إعدام بتهمة الخيانة العظمى!!فلماذا لم يعف عنهم النبى وقتها؟ لأنه لو فعل هذا(مثلما تطلبون منا اليوم)لهجموا عليه بعدها ثانية.
فكماقال الشعراوى مامعناه:العفو إذا كان يجعل المعفى عنه يتمادى لا ينبغى.
فلماذا ندعى نحن أن نكون أرحم و أعدل من الله أو رسوله!؟

Unknown said...

انا معاك انا زهفت كل ماروح ندوة الاقي اشكال ذبالة من العجايز يكلموا غي كلام فديم كأن معملناش ثورة.و يعدوا يقولوا ان الشباب متفرقين 100 ااتلاف و مش عايزين يتعاونوا . و اناعارفة اننا كلنامتفقين علي مطالبنا و شجعاتنا و اللي لايفهمها العاجيز . و لازم تعمل مشروع قومي علشان توريهم ان عجلة الاتناج اللي كلووا
دمغنا بيه احنا اللي دوارنها مش رغيهم الفاضي و الارهاب

bang887 said...

ز8888888888888888888888888 فلوسنا إللى بره ضاعت
ز7777777777777777777777777

لما الكسب غير المشروع يقبل استراداد ما يدعون أنه ممتلكاتهم ويقول خلاص، يبقى ده إقرار منه أن دى هى كل ممتلكاتهم.

وباى باى كل الفلوس إللى بره.

Unknown said...

ربنا يلهمكم للصح ويمددكم بجنود من عنده وينصرنا على الظالمين

Hady said...

صوتي يا نوارة و الطمي على المدونة بتاعتك.... و لا اجي اصوت معاكي... اللعب على المكشوف دلوقتي... دول اللي كني بتدافعي عنهم ها... رافعوا راسك بجد... شوفي ده
http://gate.ahram.org.eg/NewsContent/4/7/72071/حـوادث/محاكم/إخلاء-سبيل-زكريا-عزمى-بكفالة--ألف-جنيه-فى-تهمة-الك.aspx
اخلاء سبيل زكريا عزمي نبع الفساد في مصر و ينبوعه و النشطاء في السجن... ممكن يجيلي ازمة قلبية بجد و اقسم بالله.... المجلس يمشي... طنطاوي يمشي يمشي مش عاوزينه ... و الله نادم نادم على اني يوم صدقت... من هنا و رايح مش هنثق الا في نفسنا و بس الشعب و الشعب و الشعب.... ايه رأيك ننظم مسيرة لشرم و نجيبهم و يبقوا يقتلونا او يعتقلونا... بهبل بس من جناني انا اعصابي و عقلي خلاص... هنعمل اللي احنا عاوزينه و خليهم مع مبارك و العقربة و عياله هيطلعه... من زمان كنت بحاول اخرس بقي و اعمي قلبي عن حاجات كتير و كتير و حاجات اساسا من مسلمات المنطق... بس عرفتوا دلوقتي كان المجلس مطنش و عاوز حكومة شفيق ليه لسة و باقي الحاجات هتبين ليه و ليه و ليه.....

طبيب بيطري said...

انا مبقتش فاهم حاجة
بس الاكيد ان احنا عملنا ثورة
ابراهيم كامل (موقعة الجمل) خرج بكفالة
سرور بكفالة
سوزان ادتهم فلوسها اللي ف مصر واتنازلت عن القصر الجمهوري (تقريبا عشان اتملكته بوضع اليد)
زكريا عزمي بكفالة
---
مين اللي باقي
جمال - علاء - عز
العادلي عادي انه يتسجن لان كان اي وزير داخلية بيتسجن
----
قدامنا
1- نسكت وخلاص واهو هيصنا يومين وكفاية
2- نطلع مظاهرات للضغط ع الجيش
3- نطلع مظاهرات ضد الجيش
اصلا لو فيه مظاهرات هيتلعن ابو الجيش مش المجلس العسكري بس
ولو سكتنا خايف يطلع مبارك وعياله ويدخل جيمي الانتخابات ويكسب
----
ممكن يكون وائل غنيم متفق معاهم انه يعمل كدا عشان جمال يجي
انا هتجنن قريب الحمد لله اني ف السعودية

haroon said...

شهادة محمد عفت عن اللي جري عند السفارة الاسرائيلية موجع جدا ومحبط جدا جدا كدة بانت أوي أوي أوي ...الجيش والشرطة ايد واحدة والشعب المسكين اللي باين كدة مش مكتوبله يرفع راسه بجد ..
مفيش خوف تاني ومفيش ظلم تاني ؟؟؟؟؟؟

حسن محمد على said...

اخبار الافراج بكفالة او التماحك والاستعطاف بالسن او الحالة الصحية او التنازل عن الارصدة -المسروقة اساسا- او الحديث عن الاعتذار ,عبارة عن كلام ماسخ وتخرصات "تعريصية"من جعبة محامى الجاواسيس تخالف -أم-نصوص القانون وتزهق روحة .

د/ أحمد يونس said...

أنا اعرف إن الحق الجنائي لم يسقط عن سوزان لكن الكسب غير المشروع مالوش دعوه غير بالفلوس بس لكن حق المجتمع وهو الحق الجنائي لسه ماتحققش فيه ده في النيابه. ياريت تسألي قانوني وتقوليلنا قبل ما الناس تهيج ع الفاضي

smsem_87 said...

هههههههههههه زكريا طلع افراج وفتحي افراج وشوزي افراج وشباب الثورة بيتحاكمو في المحاكم العسكريه وبيتحكم عليهم بال5 سنين عشان نزلو وعبرو عن رايهم وحيطلعو قانون مخصوص عشان يتصالحو مع الحراميه الي سرقو ونهبو وجوعو البلد لمده 30 سنه واحنا قلنا اعملو قانون الفساد السياسي محدش عبرنا اعملو محكمه للثورة محدش عبرنا من الاخر كده خدنا خازوق وقرطاس وخابور وكل حاجه عايز تقولها بجد المجلس العسكري سذج جدا لانهم فاكرين اننا حنسقط كلنا نازلين يوم الجمعه وكمان موعدنا الثورة التانيه يوم 27 مايو

haroon said...

عمرو البحيري خمس سنين ومئات من المعتقلين اللي محدش يعرف عنهم حاجة اصلا لانهم مش معروفين بالاسم عشان مالهمش حد غير ربنا وربنا كبير ومنتقم جبار ...وسرور كفالة بمية الف وعزمي كفالة بمتين الف واكيد صفوت بتلتمياية ولا حاجة ...وحسني عفو عام لحسن السير والسلوك طول فترة اقامته الفاخرة ف المستشفي وسوزان المكارة اتنازلت للشعب عن جزء من فلوس الشعب اللي سرقتها وطلعتلنا لسان ابوها ...الحل الوحيد هو التصفية الجسدية للفاسدين ..وضرب وبهدلة وقلة قيمة وكسر نفس المصريين قدام سفارة اسرائيل والعربي يتشال بقدرة قادر من الخارجية ويتركن علي رف الجامعة العربية ....واضح ان الموضوع اكبر مننا كلنا ومش وواضح اننا مش بنحارب فساد داخلي وناس بتكرهنا لدرجة الرغبة في اذلالنا وكاننا مش بشر ..الموضوع اكبر بكتير والعدو اقوي بكتيييير ....بس ربنا منتقم جبار عزيز مهيمن

nosseir73 said...

ليه كده هو احنا مش ماليين عينهم كل ما نبتدي نفكر فى المستقبل نرجع لورا
انا حاسة ان احنا بنبتدى من جديد بصراحة مش عارفة افكر الصدمات كتيرة ورا بعضها ايه الاستماتة على عدم محاكمته ليه فرنسا امريكا الخليج كل دول مش عايزين يحاكموه لية
حاجة زى الزفت
نبدا بقى من جديد مفيش مشكلة انشاء الله ربنا معانا و نفسنا اطول و برضه هو لزج وغتت الشعب يريد سجن واعدام الرئيس هو و زبانيته الشعب يريد المحاكمة السياسية اولا

Hady said...

مبروك للثورة المضادة خروج سرور و عزمي و ابراهيم كامل و سوزي و عقبال بابا مبارك و جيمي و علوءة و صفصف و عقبال عندكم... و هو اساسا لما كانوا جوا السجن كنا خالصين منهم و من الفتن بتاعتهم لما يطلعولنا واحد ورا التاني... دا غير ان أمن الدولة لسة قائم تحت شعار الامن الوطني و لم يستبعد منه ضباط أمن الدولة و غير اخلاء سبيل الضباط اللي قتلوا المتظاهرين و تأجيل المحاكمات... الله ياثورة يا مضادة دا لعب على كبير و منكم نستفيد... داحنا كنا عبط بجد... و قانون التصالح مع اللي استفادوا من الفساد كان جس نبض على كده و لما عصلجنا بقيت عيني عينك سوزي بتتصالح و غيرها اكيد طبعا... و اللي يخرج من قضية يخرج من التانية مادام المبدأ واحد...
ده تكييل بعشر مكاييل للنشطاء بمكيال و لمبارك و سوزان بمكيال و لعياله بمكيال و لرجالته بمكيال... للغلابة اللي يضربوا عشان حقوقهم بمكيال و كله و مكياله...

Hala Abdulla said...

مصر مش هتجوع وحتى لو جاعت تجوع الحرة ولاتأكل بثدييهاوبعدين تهددونا فى أمننا وفى لقمتنا عشان رفعنا راسنا طب حسبنا الله ونعم الوكيل فيكم

Hala Abdulla said...

إن عدم تحقيق رغبات الشعب المصرى سيدفع بالبلاد إلى أجواء الثورة الفرنسية وعندما نغرق فى الدماء فلن ينفع الندم ولن نستطيع إرجاع عقارب الساعة للوراء لنقول جميعا ياريت اللى جرى ماكان فهل تستحق عصابة على بابا والأربعين حرامى التضحية بمصر وشعبها اللهم أحفظ مصر وشعبها وأرنا إنتقامك فيمن ظلمونا

د. هانى احمد said...

صدقتى يقى يانوارة الخطه الشريرة بتاعة اخلص من الاثنين.. كدة جاء الدور على الثوار لانهم ساذجين اوي ورموا سلاحهم قبل انتهاء المهمه... وهما قلوها من الاول مبارك لن يحاكم بس لما مانت الموجه اقوى منهم أجلوا الموضوع شويه لما يشوفوا الوقت المناسب..تكتيك بقى...عليه العوض ومنه العوض

Unknown said...

ALLAH Y NAWAAR 3ALEEKY... yslam bo2ek ya Nawara....awlty kol ely nefsy a2oulo... w 7ata b ta3beeraty w klaamy... ka2ny a3rafek sha5syan :) rabena y7meeky

Unknown said...

ALLAH Y NAWAAR 3ALEEKY... yslam bo2ek ya Nawara....awlty kol ely nefsy a2oulo... w 7ata b ta3beeraty w klaamy... ka2ny a3rafek sha5syan :) rabena y7meeky

moo said...

مع ان فيه حد سبقنى واورد الحديث بس حافكركم بيه تانىقال رسول الله صلى الله عليه وسلم «إنما أهلك الذين قبلكم أنهم كانوا إذا سرق فيم الشريف تركوه وإذا سرق فيهم الضعيف أقاموا عليه الحد »
ولم يكن الرسول يقصد الشريف اخلاقا ولكن الشريف نسبا ويبدوا ان الجاهلية التى جاء الرسول ليمحوها عن الأمة العربية التى كانت تعتز بنصرة الشريف وهو ظالم ومعاقبة الضعيف وان كان مظلومالم تختفى فما زال العرب يرون فى محاكمة المخلوع سبة فى جبينهم وتحركت جاهليتهم تدفعهم دفعا للزود عن احد رموز الفساد فى العالم فقط لانه شريف من الاشراف فى نظرهم فاللهم زلزل عروشهم
ام من يدعوا من النكبة المثقفة للمصالحة فليس عندى ابلغ مما قالته نوارة وافراد المدونة الكرام الذين اعتز ان اكون بينهم
واترككم لامل دنقل لعله يبوح بما فى صدرى افضل منى
لا تصالحْ!
ولو منحوك الذهبْ
أترى حين أفقأ عينيكَ
ثم أثبت جوهرتين مكانهما..
هل ترى..؟
هي أشياء لا تشترى..:

هل يصير دمي -بين عينيك- ماءً؟
أتنسى ردائي الملطَّخَ بالدماء..
تلبس -فوق دمائي- ثيابًا مطرَّزَةً بالقصب؟
إنها الحربُ!
قد تثقل القلبَ..
لكن خلفك عار العرب
لا تصالحْ..
ولا تتوخَّ الهرب!

فلا تصالحواااا.

memo_yaaaa said...

ماذا افعل لو كنت حرامي ؟
اذا كنت في مصر
اسرق وانا مطمن اني لو اتمسكت هعرف افلت واطلع منها زي الشعرة من العجين

jasmin horizon said...

ما خلتيش حاجه للواحد يقولها،كلنا فينا النار اللى حرقاك،ربنا يولع فيهم البعدا.

emanezzat said...

مش فاهمه هو ميارك ماسك حاجات على المجلس مهدده بيها ... زى ما فرنسا مسكت شرايط على مبارك فى موضوع العمولات... وهل منهم من هو متورط ومجند مثل مبارك لصالح أمريكا... اذا كان كده يعترف من الأن... وأحنا مسامحين ... لكن مش هنسامح مبارك على اللى عمله فى البلد... حاكموه وأحنا وراكم... وخرجو ولادنا ... واذا كان حد من الداخليه أشار عليكم بالقبض على شباب مصر ... فصدقونى دى مش نصيحة ...ده غيره وحقد على الجيش

emanezzat said...

مش فاهمه هو ميارك ماسك حاجات على المجلس مهدده بيها ... زى ما فرنسا مسكت شرايط على مبارك فى موضوع العمولات... وهل منهم من هو متورط ومجند مثل مبارك لصالح أمريكا... اذا كان كده يعترف من الأن... وأحنا مسامحين ... لكن مش هنسامح مبارك على اللى عمله فى البلد... حاكموه وأحنا وراكم... وخرجو ولادنا ... واذا كان حد من الداخليه أشار عليكم بالقبض على شباب مصر ... فصدقونى دى مش نصيحة ...ده غيره وحقد على الجيش

mohandsmasry said...

ماتنسيش عودة نبيل العربى لوزارة الخارجية دى ضربة كبيرة جدا اتوجهت لينا وفخ اتنصب لينا والبهوات بتوعنا وقعوا فيه بكل سهولة الراجل ده انجح شخصية فى مصر حاليا حرام ندفنه بالحيا فالجامعة العربية .. سؤال هى سوزان اثبتت ازاى ان الحاجات دى مش بتاعتها هى يعنى قدمت عقود ملكية اشخاص اخرين ولا حسابات البنوك اتبرت منها ولا الرقابة الادارية والكسب غير المشروع وتحرياتها واثباتاتها كانت مضروبة .. المستشار الخضيرى كان عنده حق لما قال القضاء فيه فساد كتير .. الناس بتغلى دلوقتى وجالها احباط كبير جدا مافيش حد هايضمن بعد كدا ايه اللى ممككن يحص الامور ممكن تخرج عن السيطرة اتمنى ان المجلس العسكرى والحكومة يكونا مدركين للكلام ده العنف ممكن يسيطر على الناس اللى هاتاخد حقها بايديها طالما القانون مش نافع او بمعنى اصح القائمين عليه فاسدين

hassn hamdi said...

ليه ما تمش التحفظ على كل قصور الرياسة من يوم 11/2 والتحفظ على كافة الاوراق والمستندات اللي فيها والتحقيق فيها بواسطة قضاة مستقلين؟
السبب ببساطة إن الأوراق دي هتكشف للمصريين بوضوح حقيقة المجلس الأعلى للقوات المسلحة
بس معلهش
الصبر طيب والفجر قرب يطلع خلاص

haitham said...

أيوة بقى أنا عايزك تشطفيهم أحنا هنفضل نطبطب ع المجلس السمكرى ده لغاية امتى

صمت الحملان said...

الحمد لله انك اعترفتي بالحق اخيرا با نوارة ونطلب منك الثبات علي الحق وكلنا معك وورائك ان شاء الله وربنا يصلح حال البلاد والعباد

Unknown said...

الحقيقة ان احنا قبل ما مبارك يتنحي كنا دايما سابقين بخطوات و ده كان سر نجاح الثورة لكن بعد تنحي مبارك انا شايفه ان مفيش خطة واضحة طب ايه رايكوا انا شفت حلقة للاستاذ ناصر امين بيتكلم عن العدالة الانتقالية فاحنا لازم نضغط ان يتم تنفيذ لجنة للحقيقة و المصالحة و ده فيديو يتكلم عنها و ممكن نجمع توقيعات لتاسيس هذه اللجنه وhttp://www.youtube.com/watch?v=Oa-KZvgMo7w

ahmad said...

يسلم فمك يا نوارة
سعادة المشير اول امبارح كان لسانه بينقط
لامؤاخذة خراء
وامبارح الاستاذ يحيى الجمل
كان ناقص يبوس الجزم وهو بيتمسح ويقول ماليش دعوة بالسلفيين
ايه الشلة دي

Unknown said...

لازم كمان نطالب بتنضيف البلد من الوزراء بتوع لجنة السياسات والقيادات اللى معينهم امن الدوله فى كل المراكز القياديه فى مصر الناس دي مش عارفين نشتغل منهم وبيعطلوا اي تقدم بنحاول نعمله لازم البلد تنضف علشان نعرف نشتغل

alaa said...

حمدالله علي السلامة يا نوارة
الموضوع كبير وأكبر من الناس اللي موجودة دلوقتي
والدول اياها مش هتسيب رجالتها تتحاكم وانتي عارفة انهم مش بيسيبوا حد يروح فطيس

وياريت تراجعي الرابط ده
http://forums.fatakat.com/thread1554627

محمد نبيل said...

ياريت المجلس العسكرى يبطل الحركات دى، جريدة الشروق ليها مصداقية ومش حتكدب فى حكاية المصدر العسكرى اللى قالت عليه، دى كانت بالونة اختبار من المجلس العسكرى، وكل الشواهد بتقول ان المجلس بيلاعبنا حاورينى يا طيطا

shamstec said...

الجبن ملوش مبرر
مجلس وسخ ومتامر يبقى يتشال خليكوا رجاله
ومش هيحصل اى تغيير الا لما المجلس المدنى ييجى بارادتنا وبمزاجنا نامره ينفذ القانون مش يتحايل عليه دى بلدنا مش بلد كام جثه معفنه رجلها والقبر

lastcrazyboys said...

مواطنة مصرية تهدد باغتيال حسني مبارك اذا تم العفو عنه

ادييييـــلو في جنـــابه :)

طنطـــا واى said...

أمك وأبوك يا كلب يا أبن الكلب ....... من غضب ربنا عليك انك مش محبوس سياسى او فى قتل المتظاهرين لان دة ممكن تزويرة فى التاريخ بعد كام سنة ...... وممكن يتقال عن الثورة انتفاضة حرامية مثلا ................ لكن أنت محبوس عشان حـــرامى ولــــص ,,,,, ودى لا تاريخ ولا جغرافيا بيعرفوا يزوروها ....... يا حــــــرامى يا حــــرامى........... يا حــــــرامى

ضد البطالة said...

نوارة سؤال بسيط جدا مصر فيها كام راجل زيك ؟ ما تزعليش بس بجد انت اجدع بنت شفتها وانا معاكى فى كل اللى قلتيه