Thursday 12 May 2011

صلاة الفجر بكرة في التحرير: الكنيسة والازهر... هم الاخوان فين؟



تحديث:
اخيرا... الجزيرة مباشر والبي بي سي حينزلوا يصوروا صلاة الفجر في ميدان التحرير.. ما تكسفوناش بقى
بكرة صلاة الفجر ان شاء الله حتبقى كالآتي:
- التجمع حد اقصى الساعة 1:45 دقيقة عشان صلاة الفجر حتبقى ان شاء الله الساعة تلاتة ونص، وفيه ناس كتير حتبقى موجودة من قبل كده
- امام صلاة المسلمين حيبقى الدكتور صفوت حجازي، وفيه شيوخ ازهريين جايين ان شاء الله
- المسيحيين بقى.. عسسسسسسللللللل
مبدئيا شبرا كلها جاية ان شاء الله... 5 كنائس من شبرا جايين، واللي موجودين في ماسبيرو جايين علينا في التحرير ان شاء الله
الصلاة ستكون لـ:
دعم الانتفاضة/ الوحدة الوطنية/ االتأكيد على مطالب الثورة
تصدقوا ان الاخوان لحد دلوقت ما قالوش اذا كانوا جايين يصلوا ولا لا.. اصل يعني لما بييجوا بيعلنوا، وفيه ناس قالت الاخوان عاملين دعوة لصلاة الفجر في المساجد!
هم قبل كده كانوا متعودين يصلوها فين؟
يا سبحااااان الله على 
صلاة فجر
وعشان فلسطين
واللي حاضرها 5 كنائس من شبرا والاخوان مش حاضرين؟ هو انتوا ايه اللي حصل لكم؟ ايه اللي حصلكم؟ وامبارح من الاخوان ثقة يعني بس مش حاقول اسمه قال لي يا نوارة دول ما كانوش عايزين يعملوها عشان فلسطين وانا اللي اتخانقت معاهم؟ وواحد منهم فعلا يقول لي في وشي "هو ده وقت فلسطين"؟ ينفع  الكلام ده كده؟ هو التحالف مع اخوات كاميليا وعبير ورحاب ونفيسة بيعمل ده كله؟
ما كانش العشم ابدا على فكرة
لا انا زعلت بجد... زعلت واتصدمت... يا رب يكون اللي قالوا لي الكلام ده يكونوا فاهمين غلط لأنهم مش متعودين يكدبوا
الائتلاف حاضرين... واللي اعرفهم من الائتلاف حاضرين وداعيين يساريين وليبراليين ههههههههههههههه هو ايه اللي بيحصل؟ كل الناس دي جاية تصلي ونسيت اللي كان في النص؟ 
يالا.. ان شاء الله حتبقى لحظة حلوة.. والتحرير ارض مبروكة والدعوة فيها مجابة، والغايب هو الخسران
وعلى فكرة يعني.. اللي خايف من الجيش، الجيش مش حيعترض خالص.. خالص يعني، بالعكس بقى، بس انا مش مصدقة ان فيه ناس خايفة من الجيش اصلا.. معقول؟ معقول؟
لالالالالالا اكيد انا فاهمة غلط او اللي قال لي فاهم غلط
ع التحرير انا رايح اصلي... مهما جرالي ومهما حصلي


32 comments:

نور الدين said...

مش عارف والله يا ستي الناس دي ليه مش عايزه ترحمنا كل شويه يطلعونا باْخترع جديد مستفذ ومش عرف مين العبقري اللي شار عليهم بالشوري المهببه دي ...وبعدين ايه حكايه الناس اللي بره حتبيع اصواتها هما الناس دي مستنيه تبيع اصواتها مستنيين هما المية جنيه والوجبه ..والنبي بلاش فضايح الناس دي مشرفه مصر بره وناس ناجحه في مجتمعات معديانا بمليون سنه جاي تقولهم انتوا حتبيعوا صوتكوا ...اقول ايه بصراحه انتوا قيادات تفضح بالذات الباشا اللي اخد القرار ....وطبعا القرار ده اتخاد عشان ان الناس اللي في مصر لا يمكن تبيع صوتها ابدا ..لكن الناس اللي بتقبض باليورو حتبيع عشان الميه جنيه وواحد فول من عند جاد ....هي كلمه واحده حقولهلهم ...حسبي الله ونعم الوكيل...

Mayye Mohy said...

يعني احنا نبقى طافحين الدم بره وبنشرف بلدنا ونفتخر بمصريتنا وصوتنا مسموع علشان يجي المجلس يحرمنا من التصويت ...

Ahmed . M . Abdulrahman said...

احنا بلد العجائب

الموضوع محسوم

لازم يبقى فى حق التصويت فى الخارج

للى فى الخارج

اما عن موضوع تأجيل الانتخابات

هم اساسا حطوا معاد عائم للانتخابات

فا دا اجراء طبيعى

اهم حاجه نفتح عنينا

ونعمل حركات للمحافظه على الثوره

و نربطهم ببعض

وربنا معانا فى مليونيه صلاه الفجر

ماشى يانواره

ياله سلام مؤقتاً يا نواره

____________________________
الى عاوزنى يجينى
http://misr25jan2011.blogspot.com

كيوبيد said...

ياصبح ياعليم خير ايه ها الكلام على الصبح هو احنا مافيش ليلةالوحد ينام من غير نكد هو المجلس عاجبو الحال وناوى يقعد والى ايه؟؟ واية الكلام عن المصرين فى الخارج ده كمان؟؟ مالهم ايه المشكلة لما الناس تعمل تصويت الاكترونى وربنا يخالى لينا عندنا سفارة فى كل بلد والى السفارة دى ايه شغاله؟؟ وضحكتنى قوى النكته الطريفه بتاعت الناس دى هاتبيع اصوته لما دول هما الى بيدخلو للبلد فلوس هايبعو اصوتهم صح والله شر البلاء ما يضحك انا مش فاهم الجنرالات عايزين ايه بظبط انا بديت اشك فيهم هما مع مين ضد مين هما اخوان والى فلول والى مع الشعب مره يبقو اخوان ومره يبقو فلول ومره مع الشعب العب على كل الحبال ده مش كويس ياجنرالات انا خايف عليكو احسن تقعو من على الحبال والى حاجة ياريت توضحو انتو مع مين بظبط وربنا يستر على مصر فعلا انا بدات اقلق وخايف بجد مصر على الهاوية وربنا يستر

marwa said...

عادى والله اللى خلاهم يقولوا على الثوار قللات الأدب وعملا وكانوا بياخدوا فلوس .. واهم كانوا موجودين جوا البلد ووقفوا قدام الرصاص وشافوا الموت بعنيهم اكتر من مرة
يبقى طبيعى جدا انهم يخونوا اللى عايشين برة مصر ومالهمش دعوة بقى بظروفهم ايه المهم فى نظرهم انهم عايشين فى بلاد الفرنجه
تفكير غبى ومتخلف

arabian_faithful said...

مش مهم المصريين بالخارج يصوتوا فى إنتخابات مجلس الشعب المهم يصوتوا فى الإنتخابات الرئاسية ده أهم حاجة
إنما إنتخابات مجلس الشعب بيتهيألى حتبقى صعبة خصوصاً أن المرشحين مش حيكونوا على الأغلب معروفين و ممكن كل حد يبقى يختار اللى أهله أو صاحبه فى مصر حيختاره فالإختيار صعب يكون موضوعى إنما فى الإنتخابات الرئاسية الوضع مختلف وده المهم لازم بمشيئة الله عز و جل يشاركوا فى الإنتخابات الرئاسية

طبيب بيطري said...

( لو كنتوا اخوات اتحاسبوا )
طبعا الاخوة في مصر عملوا دراسة مستفيضة - حلوة مستفيضة دي- واسفرت عن هذه النتائج بعاليه
طيب مش ممكن نتناقش شوية يابشمهندسين في ظل الديمقراطية والشفافية والدقهلية واي حاجة بس ابوس ايدكم نتفاهم
اولا حسب الاحصاءات المصريين بالخارج 10% من سكان مصر
طبعا عشان يبقي عندكم فكرة ان اكتر من 70% من العشرة في المية دول في سن الانتخاب
فاهمني مش كدا
يعني مصر مش كله سن الانتخابات فقول نصهم شباب يعني .... ولا اقولك اسهلهالك
كام واحد شاركوا في الاستفتاء الاخير 18 مليون وفكة
طيب شوف بقي اما تدخل معاهم حوالي 5 مليون هتفرق ولا مش هتفرق
يعني لو شارك 2 مليون من اللي ف الخارج هتلاقي عندك حدود 10% من القوة التصويتية وتوصل لغاية 40% من القوة التصويتية
يعني المفروض احنا حاجة مهمة اهو
نيجي بقي للاسباب العالمية اللي منعت او هتمنع من وجهة نظرهم وانا لا عالم ولا بتاع علوم سياسية انا مواطن مصري من الطبقة المتوسطة ومسافر بالخارج
الاسباب والرد عليها
1- عدم توافر عدد كافي من القضاة
طيب انتوا بتقولوا في نفس الخبر انكم هتعملوا الانتخابات علي اكتر من مرحلة يعني 2 او 3 ضيف ياسيدي مرحلة زيادة للي في الخارج
بلاش انا اقولك اننا 40 ف المية من الكتلة التصويتة يعني المفروض 40 في المية من القضاة يجوا لغاية عندنا
لكن هنقولك احنا مواطنين مصريين نمثل 10% من سكان مصر ولينا حق في عشرة في المية وزيادة من القضاة ... ليه زيادة عشان احنا مبنستفدش من القضاء المصري حاجة في اي امور تانية يعني قضيانا مش مالية المحاكم ولا كل واحد بينزل يمسك في جاره ويطلعوا ع المحكمة

2- صعوبة تجمع المصريين في مدن وولايات متفرقة
بيقولك كيّف ....... العسل يشتريله معلقة
يعني اللي عاوز يحط صوته وعاوز يشارك يشد علي السفارة او القنصلية اللي في الدولة اللي فيها وانتوا ملكومش دعوة يجي ميجيش براحته ومتشلوش هم المشوار الحساب علينا مش هتدفعوا من جيبكم حاجة
ومش هقول خلوها علي الانترنت للمصريين بالخارج ولا باجهزة الكترونية

3- عدم امتلاك البعض منهم لبطاقة الرقم القومي
مش هقولك انتخب بالجواز ولا بالبصمة
بس اظن ان اللي عاوز ينتخب هيستخرج بطاقة الرقم القومي من السفارة

4- البعض منهم مزدوجي الجنسية
مزدوجي الجنسية اه دي بقي مصيبة سودا مش كدا
اظن يعني ايام المخلوع كانوا بيبقوا اعضاء مجلس الشعب من الهاربين من الجيش ومزدوجي الجنسية
دول هينتخبوا مش هيترشحوا اظن فاهمين الليلة دي علما بان الدستور المصري يسمح بازدواج الجنسية ولو اتغير ياسيدي خليهم ميصوتوش واسقط عنه الجنسية واظن اللي بياخد جنسية لازم موافقة من وزارة الداخلية

5- عدم معرفتهم بالمرشحين ( المصري اليوم )
عدم معرفتهم بالمرشحين ههههههههههههههه اهي دي جامدة جدا لان فيه ناس ي مصر ميعرفوش يقرأو ولا بيعرفوا المرشح
ميعرفوش غير الرمز اللي بيقولوه علم عليه
احنا شايفين كل واحد فيكم ....... بص قدامك ياحرامي
فيه حاجة اسمها ثورة معلومات هي وصلتكم بس انتوا مش واخدين بالكم دي هية اللي خلعت مبارك اصحوا بقي

6- سهولة شراء الاصوات منهم نتيجة للسبب رقم خمسة (المصري اليوم)
ياتري هيدفعوا بالدولار ولا باليورو
يعني هيدونا 50 دولار مثلا ولا 50 يورو ولا 50 ريال ولا بالدرهم ولا بالفرانك
مع احترامي لكم وللجنة الكريمة اللي استفاضوا في الامور وتقريبا تاهو ميعرفوش ان متوسط دخل المصري بالخارج احسن من مرتب عضو اللجنة اللي قاعد يقرر مصيرنا ويقيس علي نفسه ان كان مستعد يبيع صوته وبكام وياتري هيجولنا ازاي ويعتروا علينا ازاي ولا هيقولوا مؤتمر لشراء اصوات المصريين بالخارج
دي مصر شرا الاصوات فيها بالكوم بلاش تقولوا الحته دي اصلها عليكم مش ليكم

mohammed said...

والله انت فقعتينى بهبلك فى التعامل مع بهوات مجلس المعاشات ده. اعدتوا ترعبوا الناس إنهم ينتقدوهم لحد ما رزعونا على قفانا. و هما فشلة سياسيا أصلا. ما كانوا يعملوا مجلس رئاسى زى مخاليق ربنا و يريحونا و يريحوا نفسهم بس هنعمل ايه بئه. انت و أمثالك عملتوا لنا مجلس فراعنة يلطعنا على قفانا و نقول كمان
دم الشهداء الى لحد دلوقتى ما حدش أتحاسب عليه بيقولكم حسبى الله و نعم الوكيل

Unknown said...

Magles el sha3b el gay dah mas2ool 3an dostoor el dawla el gedeed. Wala leeh el fel mezaneya wala el kawaneen el 3adeya. Hadafoh EL DOSTOOR.

El nas elly bara el balad we sa7yeen naymeen 3ala mazaya we 3eyoob el dasateer beta3et el dowal elly 3aysheen feeha. Mesh men 7a2ohom yekhtaro momathelhom fe lagnet el dostoor?

El dostoor aham men ra2ees aw wazeer aw geesh 7ata. Wel nas elly 3aysha fel ghorba yeb2a leehom 'Ma3lesh el thawra el gaya ba2a, we mantensoosh el ta7welat bel dollar wel euro'

Mawdo3 el dawa2el el entekhabeya dah mesh sa3b lel nas elly bara. Kol wa7ed yentekheb el morasha7 beta3 ma7al melaadoh aw ma7al sakanoh fel beta2a aw shahadet el meelad. 7ay2olo mesh 3arfeen el morasha7een kewayes 7an2ool ye3rfoohom a7san men el basmagy beta3 ramz el helal wel 7omar!

So2al.. Eh el demographic elly geish 3ayzo yet7akem fe shakl el dostoor el gedeed? Homa khayfeen men el nas elly bara leeh?

Mervat said...

طيب انا مصرية و عايشة في الخارج و بقول ان مش من العدل اني اصوت في الانتخابات البرلمانية اذا ما كنتش مقيمة في مصر. لكن في الرئاسية مستعدة اموت علشان انتخب و على فكرة انا جيت مخصوص و اتسحلت ٢٤ ساعة سفر في مارس و دفعت دم قلبي علشان الاستفتاء. بس بصراحة تصويت اون لاين ده مشاكله كتيييير، ممكن قواعد البيانات و الفرز بس حكاية ان التصويت كله اون لاين دي مصييييبة، و على فكرة كمان انا ساكنة في قرية و ايام الثورة سافرت ٦ ساعات رايح و ٦ جاي علشان مظاهرة يعني لو اللجنة الانتخابية في المريييييخ برضه حاروح بس يسيبوني اصوت بدل ما اصوت عليهم و على غلبي

Sameh said...

موضوع تأجيل الانتخابات مش سببه المجلس العسكري
سببه شوية الشلة الخبرانة اللي عارفة انها لا يمكن توصل لمجلس الشعب ولا للحكومة لأنهم فشلة وليس لهم شعبية عند الشعب
يعني نوعية الأشكال اللي متحكمة في الإعلام اليومين دول وكل ما تفتحي حنفية تلاقيهم
ومنطقهم نفس منطق المخلوع ان الشعب غير جاهز للديموقراطية

احلام جوليا said...

كتبت لك رسالة طويلة بس للاسف اتمسحت ولانها وجعت قلبي وكانت من قلبي مقدرتش اكتبها تاني شكرا عن دفاعك عن المصريين بالخارج

احلام جوليا said...

نوارة الغالية اريد ان اقول لك امرا انا اتابع عده قنوات على التليفزيون سمعت كلام في قناه الاتجاه لا اعلم ان كنتي تتابعيها ام لا هي قناه نوعا ما جريئة ولكن غير معروفة يقول احد المحللين والعهدة عليه ان المجلس العسكري في مصر والجماعات الاسلامية حددوا موقفهم من رئيس الجمهورية السابق بل واتفقوا تقريبا على صفقة اختاروا احد المرشحين الذين سيشحن لهم الجماعات الاسلاميه على غرار الاستفتاء السابق وانه شخص معروف ولكنه ابى ان يعرف اسمه والله اعلم لا اعلم من اين اتى المحلل بتلك المعلومة البغيضة جدا ولكن هل هناك سبب يجعلنا نشك بصحتها ومن هذا الشخص الذي يقول عنه المحلل هل تعرفين يا نواره؟؟؟؟؟؟؟

الحرية لمصر said...

انا مصرية مقيمة في الخارج في المانيا بالنسبة لقرار منع المصريين المقيمين في الخارج من التصويت في الانتحابات البرلمانية بصراحة انا مع القرار ده لان بالعقل و المنطق فيه مصريين برة مصر بالتلاتين سنة على اي اساس هيختاروا اعضاء مجلس الشعب؟ لكن انتخابات رئاسية لا طبعا ده من حق كل مصري برة او جوة ينتخب

medhat ali said...

انا بتفق جدا مع الاخ طبيب بيطرى وهو فعلا لخص كل حاجة والالى عاوز ازيد عليه ان كتلتنا التصويتيه هائله فعلا ياعنى لو من ال 8 مليون مغترب راح صوت بس 4 يعنى نصهم وبحسبه بسيطه يعنى لو اللى صوت فى الاستفتاء 18 مليون واحنا اللى هايصوت مش 8 ياعم لاء اربعه مليون بس يعنى 22 فى الميه من نسبه التصويت يعنى نرجح اى مرشح واكيد المرشح بتاعنا ممكن ماييجيش على هواهم لانهم عاوزين واحد منهم او لو تنازلو شويه يبقى عمرو بيه موسى يعنى مبارك جديد
حسبى الله ونعم الوكيل

احلام جوليا said...

بالنسبة لاخوة الي بيقولوا مش مهم ينتخب المصريين الي موجودين بالخارج اعضاء مجلس الشعب والمهم رئيس الجمهورية عندي ردين اولا طالما مش حننتخب الي في مجلس الشعب يبقى معندهمش نية يخلونا ننتخب رئيس الجمهورية وبعدين احنا على اطلاع كامل باحوال مصر والجرايد والنت مقربه البعيد اما مسالة اننا نبيع اصواتنا فا حنا مش محتاجين نبيعها لان ظروفنا المادية اكيد افضل من ناس كتير اما مسالة ان انتماءتنا للخارج فده امر مضحك ازاي ننتمي لبلاد بتعاملنا على اننا اقل من شعوبها واننا اشخاص درجة 10 في الاجانب عند العرب احنا اقرب للخدم واجانب ومقيم ين وهاك المصريين وبنعامل على اننا ارخص العمالات بالخارج وعند الغرب احنا مسلمين وعرب من بتوع الجمال متخلفين يعني مش ممكن تنتمي لحد بيبص لك بدونية واحنا كنا فاكرين ان بلدنا بتبصلنا كده لكن للاسف واضح اننا اضحية الجميع للعيد فحتى بلادنا تعاملنا على اننا غرباء وعملاء ودرجة 10 مواطنة مساكين نحن المصريين بالخارج نمشي مطأطأين الرأس والله يا نواره امام عيني ضرب طفل خليجي ابني ولم استطع ان افتح بقى والله يا نواره صديقة حبت مرة تعاتب طفل خليجي ضرب ابنها قال لها هو وابوه شكو هادول مصريين يعني بالمصري مش مهم ده مصري يا نواره احنا ضعاف ورخاص وقليلين قوي في عيون العرب ومبيفتكروناش الا لما يحتاجوا لخدم يخدموهم او جنود يحاربوا لهم العروبة وهم خدعونا به لنكون عبيد راضيين وفي الغرب لا اظن وضعهم افضل وعندما نعود بالاجازات لمصر بكل الشوق نعامل على اننا اغراب حتى من اهالينا واذا تكلمنا باي شئ فالكل يسخر منا طبعا ما حنا وارد بره اولادنا بيتربوا من غير صحاب ولا ذكريات واحنا بنموت من غير ما حد يمشي في جنازتنا اهالينا بتدفن من غير ما ناخد عزاهم ونبكي في تليفونا بعيدة واحنا بنسمع اخبار مفارقة اهالينا واصحابنا الدنيا واحنا بعاد بنموت في اليوم ميت مرة ولما بتموت اجسادنا بتدفن في ارض غريبة من غير ما حد يترحم علينا ولا حتى حد يقدر يزورنا احنا البيعة الي اتباعت قطيع باعونا نبعت الفلوس علشان نشتري المحبة من الاهل والوطن وفي النهاية نكون اغراب على الاتنين بنشتري الحب والحب ما يتشراش بفلوس الدنيا وقلوبنا ارخص من ان يقبلوها في المقايضه يهمنا اوطانا تكون عاليه علشان نرفع راسنا في الغربة يهمنا اوطانا تكون غالية علشان نرجع ونعيش ونموت فيها لكن للاسف كل الي شايفينه اننا معنا فلوس فلوس رخيصة قوي يا نواره احنا ارخص عمالة في الخارج وارخص عمالة في الداخل ايضا احنا البقرة الحلوب الي بتحلب عمله صعبة للبلد وفي الاخر البلد تعاملها على انها خاينة وبايعة نفسها نموت نحن وتحيا مصر

احلام جوليا said...

لمن يسال عن وظيفة السفارة وظيفة السفارة ان ياخذوا مننا رسوم مبالغ فيها على كل ورقة تحتاج لختم وكل ختم له ثمن شهادة الميلاد عليها كم ختم وكل ختم بكام بنشتري جنسيتنا اي بدل فاقد عليه كم ختم والختم بكام اي تجديد للباسبور عليه كم ختم والختم بكم اي ورقة توكيل عليها كم ختم والختم بكم تلك وظيفة السفارة مازلنا بدولة مبارك للاسف مشى مبارك وجه غيره الف مبارك يا عيني عليك يا مصر يظهر مفيش فايدة يا مصر مفيش فايدة من مبارك ل................ يا قلبي لا تحزن

bang887 said...

واضح إن البعض عايز يلم أصوات من أى حتة لكى تعادل أصوات التيار الإسلامى بالداخل، حتى إنهم فكروا فى أصوات الجيش والشرطة.

الناس إللى برة نوعين: نوع يعمل أو يدرس لفترة وسيعود (وده ممكن يكون له حق التصويت).
والنوع الثانى هاجر، وخلاص انقطعت صلته بالبلد بإرادته واختياره، فهل يحق للمهاجرين التصويت برضو؟

هوّ المهاجر له نفس حقوق المغروس فى البلد؟

وأقباط المهجر إللى نازلين فينا دسائس وشتايم، إيه وضعهم؟

احلام جوليا said...

اضافة صغيرة للكلام الرائع الي دافع به كل الي كاتبين عندك ربنا يبارك لهم هم نسيوا ان المصريين بالخارج دول قبل ثورة يناير كان منهم هشام بسطويسي والبرادعي واهم مرشحين لاكبر منصب في مصر والله حزنتونا وشيلتونا الهم اقسم لك يا نواره اننا ايام الثورة لم نكن ننام كنا نوصل الليل بالنهار نرى الاخبار وكنا في اعمالنا لا احد يرحم انا عن نفسي تشاجرت مع كل من دافع عن مبارك او تكلم ع ن الثورة بسوء وكدت افقد عملي بالفعل والليلة التي هرب فيها الشرطة وقيل من الاعلام الخائن ان اللصوص والبلطجية يهاجموا البيوت وكرات النار على المتظاهرين بميدان التحرير كانت اسود ليلة بعمرنا نحن المصريين بالخارج كنا كمن قتلتيه مرتين بكينا وصرخنا والله يا نواره اني بكيت ورايت الدموع بعين زوجي وكان يقول خلاص مصر ضاعت كنت ابكي واقول بلدنا راحت فين معقول مفيش مصر مفيش بلدنا اتسجنا هنا لاخر عمرنا ده احنا عايشين على امل الرجوع وفي اسوأ الاحوال ان ولادنا حيرجعوا معقول حنبقى ايه فلسطين تانية لا مستحيل مصر لا كنا نبكي ونبكي ولم يسمعنا احد واسوا ما يكون ان تبكي دون احد من حولك ربما انتم مع بعضكم البعض تتساندون ولكن نحن من يساندنا في احزاننا سوى الله يا الله ربما ننتمي لحزب الكنبة كما تقولون ولكن نحن مضطرين لبعد المسافة ولسنا كالمصريين بمصر الذين اختاروا ان يكونوا من حزب الكنبة بارادتهم حتى ينضموا للفريق الكسبان ايا كان لكن نحن كنا ندافع بلسانا على الاقل عن الثوار ونسب مبارك ولم يتنحى بعد ومع من مع كل من احبوا مبارك اتعرفين يا نواره لقد منعونا هنا من ان نقيم اي نوع من المظاهرات ضده او حتى نحتفل بالثورة ولكننا احتفلنا رغم ذلك واعلنا للجميع نحن مع الثورة وطظ في المخلوع هل جربتم ان تعيشوا في وسط ناس ضدكم نحن فعلنا الله لا يسامح من منعونا من التصويت ويبقوا يا رب في مكاننا يموتوا في اليوم ميت مرة ميته الغريب في الغربه الغريب الي بيعيش ميت حي طول عمره ياكل ويشرب اه لكن يفضل يحلم ببكرة في مصر احنا يا نواره لما بنشتري اي شئ حلو او غريب او جديد على طول بنبعته لبيوتنا في مصر على امل ان يوم من الايام نعيش فيها ونستعمله واغلبيتنا بيموتوا ويتمتع بحاجتهم الورثه ويعيشوا هنا على اقل شئ افضل فرش لشقة مصر واي كلام لشقة الغربة نعيش على القليل ونبعت الحلو كله لبلدنا ونموت ونتورث واسالي غرقى العبارة يقولوا لك

متفائل said...

ايه موضوع تأجيل الانتخابات ده؟
ما قلنا بتوع الحمار الوطني دولم ناس فاشلة ولو اديتهم ميت سنة فرصة مش حينجحوا في الانتخابات وبيفضلوا الديكتاتورية على الديمقراطية لو هم مش حينجحوا.. ومهما استنينا عليهم مش حينجحوا، نعمل لهم ايه؟ ساقطين ساقطين ساقطين

ساقطين ساقطين مش عشان خايبين عشان ما عندهومش السلاح اللي عند التانيين وهو الإبتزاز الديني لجماهير شعبنا (الواعي) وإذا أضفنا إلى ذلك ستين سنه من إغتيال الحياة السياسية بفضل ثورة الأحرار المباركة لم يكن خلالها على الساحة سوى قوتين فعالتين فقط ولا غير هما الجيش والإخوان يصير من العبث أن نتكلم الأن عن إنتخابات وتكافؤ فرص .. الأمر يشبه واحد في كى جي وان عايزاه يخش إمتحان الدكتوراه ولما يقولك مش قادر تقوليله إنت خايب وتفضل الديكتاتورية .. شوية بصيرة يا أخت نوارة .. وعلى فكرة بقى أي تأجيل مش حينفع .. إنتي مش عايزه الجيش يستنى وهذا مفهوم .. يبقى الحل الوحيد مجلس رئاسي إنتقالي وحكومة إئتلافية يقعدولهم خمس سنين (على الأقل) لحين تعافي الحياة السياسية والحزبية بما يسمح باجراء إنتخابات برلمانية تحظى بقدر ما من تكافؤ الفرص وبرضه يحظر فيها أي إبتزاز ديني من أي نوع

صمت الحملان said...

قلنا من الاول يا اختنا الغالية نوارة ان المجلس طول عمرة ولاؤه لمبارك ولا هيحمي لا شعب ولا ثورة وكل اللي بيعمله انه يعطل مصالحنا لحد مانزهق وننسي ان كان فيه ثورة قامت وتبقي مجرد هبة من شوية عيال وخلاص امتي بقي هاتفهموا

طبيب بيطري said...

ورجاء كمان ههههههه
ملحوظة صغننة : بيقولك المصريين اللي في الخارج مش هيعرفوا يختاروا نائب عشان ينفع الناس طيب دي عندي حلها وشكراً علي حسن السؤال .
زي ما فيه نسبة عمال وفلاحيين ومحافظين عليها احنا عاوزين 10 في المية من مقاعد مجلس الشعب لاننا 10% من السكان يعني يطلع لنا بتاع 40 مقعد كدا عشان نعرف نقعد براحتنا كدا حلو
بلاش 40 خليها 20 بلاش طيب 10 بلاش خليها خمسة ويتعمل لها 5 دوائر دولية ويشترط ان اللي يتقدم للعضوية يكون له مش اقل من 5 سنين في الخارج ويكون مش مزدوج الجنسية ويلزم انه يزور دايرته 10 مرات في السنة اظن كدا عدانا العيب وسهلناهلكم ع الاخر

Tears said...

جرى ايه يا نوارة انتى رجعتى تانى مش فاهمه بعد ما فرحنا و قلنا اخيرا فهمتى الفرق بين الجيش و الكام قائد اللى معينهم مبارك و كانوا موافقين و ساكتين على خيانته و مصالحهم بيحميها اللى حاصل ده

همه قالوا مافيش تصويت للمصريين فى الخارج عشان منع شراء الاصوات..ده استعباط رسمى

كل ده معمول عشان صفقة المجلس مع التيار الدينى بتاعه اسيبلك الشارع و تسيبلى فسادى مش احصل زمايلى فى طره..اى مصرى مادام فى الخارج يبقى بيشتغل مش عاطل ماحدش يقدر يشترى صوته ثم ان ما ينفعش اتهم كل المصريين فى الخارج انهم مرتشيين فامنعهم من التصويت خاصة ان بره فيه الالاف العلماء المصريين و الاطباء و المهندسيين و المدرسين....انما فى داخل مصر فى القرى و النجوع و الكفور و العشوائيات ماحدش ح يشترى صوتهم...المجلس بقى مفضوح اوى و القرار ده طلع بعد ساعه من زيار وزير خارجية السعودية

شوفى القرطاس اللى لابسناه

http://tears-demo3.blogspot.com/2011/05/blog-post_10.html

مــــــــنـــــــي said...

ان شاء الله كل الناس هتشارك في المليونيه

MarwaGoogle said...

نص كلام خيرت الشاطر على اخوان تيوب
May 10, 2011

موقف الاخوان من الانتفاضة الثالثة
بالنسبة للقضية الفلسطينية احنا مشاركين في الفاعلية دعم الانتفاضة لجمعة مليونية الجمعة الجاية بخصوص فلسطين
بس الناس التي تدعو للزحف على الحدود فده مش موجود في ذهن المسؤولين الفلسطينيين في حركات المقاومة المختلفة و انما المشاركة الرمزية أي السفر للحدود سيكون بصورة رمزية و ليس الآلاف في ذكرى النكبة
و مسألة الدعم الشعبي مطلوب في القاهرة و المحافظات و العالم الاسلامي في هذا اليوم

youtube.com/watch?v=OIf2pVu8wlo

حسني مبارك الا ظلمتوة said...

مبارك لن يعتذر يابنت التبت واي صلاة فجر ولية هتنقلها الجزيرة والبي بي سي ياعميلة قطر والامريكان ياخاينة يابنت حمكشة اقسم بالله انك عميلة وقريبا ساتوجة للنائب العام ضدك وخصوصا الكسب غير المشروع

حسني مبارك الا ظلمتوة said...

نفى مصدر قريب الصلة من أسرة الرئيس السابق "حسنى مبارك" صحة ما نشرته تقارير إعلامية, حول نية "مبارك" لإعداد خطاب يعتذر فيه للشعب المصرى عما بدر منه من إساءة لأبناء الوطن, وكما نفى تنازله عن ممتلكاته وممتلكات عائلته لصالح الشعب المصرى. الخبر دة في المصري اليوم ياعبيطة والله العظيم شكلك فعلا لايوحي الا بانك عبيطة

حسني مبارك الا ظلمتوة said...

مجنونة مجنونة مجنونة مجنونة مجنونة مهبولة مهبولة معبولة معتوهة معتوهة معتوهة بصي فبي المراية واحكمي

حسني مبارك الا ظلمتوة said...

سؤال علي جنب كدة هو انت لية متجوزتيش لغاية دلوقتي ؟ عارفة لية لانك عبيطة والان عميلة وبكرة علي العنبوكة

حسني مبارك الا ظلمتوة said...

اللهم في علاك اسألك ان تفضح نوارة العميلة المشاركة في الفوضي الخلاقة وان لم يكن ذلك فلا تجعلها تتمتع بالاموال الا خدتها من قطر وامريكا ويارب تولع عربيتها وهية فيها وان تاكلها النار بحيث لايبقي فيها فتفوتة انك علي كل شيئ قدير وانت تعلم يالله انها مشاركة في الفوضي الخلاقة في بلدي الحبيب مصر وتعلم ان شعب مصر غلبان وطيب وسهل ينضحك علية والبت دي شاربة من ابوها وانت تعلم من هو ابوها فبعزتك وجلالك اخسف بهما الارض ياقوي ياعزيز

Unknown said...

عجبنى فيك يا ست الكل يا ست نوارة الإنتصار هانم - يا أجدع ست فى مصر يابنت الشاعر الرائع أحمد فؤاد نجم والسيدة الكاتبة المحترمة صافى ناز كاظم أنك تتركين الكلاب السعرانة من بتوع مبارك وعصابة الأربعين حرامى - إللى حتى ما بيعرفوش يفكوا الخط صح - تنبح - حتى فوق مدونتك - فهى كلاب بلا صوت ولا أسنان و هى حتى بلا ذيول - بعد أن كتمها الشعب وقرطم لها أسنانها وقطع ذيولها - أجمل تحيات أوفياء مصر لك يا ست الكل - أما الخونة والعملاء والجهلاء فشعب مصر كفيل بهم بإذن الله

Unknown said...

ويا رب هل تغنى عن العبد حجة ٌ - وفى العُمر ما فيه من الغفوات
وتشهدُ ما آذيتُ نفسا ً ولم أضر - ولم أبغ ِ فى جهلى ولا خطراتى
وما حملت نفس ٌ هوى لبلادها - كنفسىَ فى فعلى وفى لفتاتى
وقدمتُ أعذارى وذلى وخشيتى - وجئت بضعفى شافعاً وشكاة
وأنت ولى العفو فامحو بناصع - من الصفح ما سودتُ من صفحات
ومن تضحك الدنيا إليه فيغترر - يمُت كقتيل الغيد بالبسمات