Friday 6 May 2011

انا مبسوطة قوي من الصورة دي :)

مش باحط انا صور لنفسي عشان ما اضايقكوش.. انتوا مالكوش ذنب ههههههههه
بس الصورة دي ليا وانا في الكتدرائية ومتاخدة من المصري اليوم، هم شالوها بعد شوية وحطوا صورة البابا شنودة طبعا، بس الظاهر اللي اخدها صعب عليه انه ما ينزلهاش قال ينزلها شوية ههههه
ما اعرفش كنت باعمل ايه ساعتها، بس الصورة معبرة قوي، المصور شاطر
:)
في الكتدرائية :)
واللي يتغاظ يتفقع... وما يبقاش يآنسنا في المدونة هنا تاني، ولا احطها لهم على المدونة على طول؟ هي ايه اللزقة دي؟

88 comments:

kandil86 said...

الصورة جميلة وفيها معانى كتير لاصحاب العقول بس ويا ريت تخليها على طول فى المدونة ومتشليهاش واللى مش عاجبة يخبط راسة فى الحيط وبالذات الجماعة بتوع فرقة كاميليا بس لى يؤال صغنن انت كنت باصة على اية

Anonymous said...

هو ليه حد ممكن يتغاظ؟؟ :)

حلم بيعافر said...

سيادتك زى الفل فى اى مكان)))

باب النجار said...

ارفع راسك فوق انت مصرى

Ahmed . M . Abdulrahman said...

TOZ فى الى مش عاجبه المدونه

انتى ميه ميه

واحنا معاكى

و سيبك من عملاء و علوج امن الدوله و السلفين ( على رأى الصحاف )

مش كل سلفين وحشين او عملاء بس غلبيه من يدعى السلفيه هو كان عميل سابق او حالى لدى امن الدوله

و دا ان شفته بعنيا

سلام مؤقتاً يا نواره
______________________
الى عاوزنى يجينى
http://misr25jan2011.blogspot.com

Ms Venus said...

احترمت موقفك ده جدا يا نوارة

طبيب بيطري said...

هو حد هيتغاظ ليه يابنتي
سيدنا عمر بن الخطاب دخل كنيسة المسيحيين وعرضوا عليه انه يصلي فيها فهو رفض عشان المسلمين ميخدوهاش يصلي فيها مش عشان حرام يعني
واي سلفي مظبوط مش من اللي مركبين دقن وخلاص عارف كدا كويس وعارف ان دي دار عبادة تحترم وعارف كمان انه لو هيمسك الانجيل لازم يبقي طاهر
يعني المسيحيين او الاقباط دول ناس عادي ومتربيين معاهم لكن فيه ناس هبلة في الطرفين عاوزين يطلعوا علي ضهر المسيحيين والمسلمين
علي راي واحد صحبي مسيحي لما كنت عنده وجاب غدا بيقولي انته مش عاوز تاكل عشان احنا مسيحيين
هههههههههههه
لكن كلت وكسفته

Unknown said...

صورة حلوة والله وجميله يجماعة اللي مش عاجبه ممكن يعتبرها في الأزهر أو الحسين :)

Unknown said...

حلوة عشان انتي فيها بس

sukhoi said...

صورة حلوة ومعبره بس انا ليا تعقيب بسيط هو انتى لية بتهاجمى الناس ال بيسألو عن كامليا شحاته؟ السلفيين بيتظاهرو مدعيين ان المسحيين خاطفنها ذى ما المسيحين اتظاهرو قبل كدا مطالبين بردو بعودة حد السلفيين خطفوه...بس العجيب فى الامر انها ما ظهرت لحد دلوقت على الاقل عشان توقف المظاهرات دى

aly said...

الحقيقة انتي حرة في صورتك غيرك اعتنق المسيحية مش راح الكاتدرائية وبس وسب الرسول والاسلام وانتي عارفاها وعارفاه والاسلاميين ماشتمهوش ولا هددوهم ولا كلموهم

اما موضوع مايجيش المدونة تاني وكلام المحترمين اللي هنا من عينة طظ ويخبطوا دماغهم في الحيط وعملاء امن الدولة الى اخر السفالة والكذب فده كلام تاني خالص

فعلا دي حقيقة المخالفين للاسلامنيين ووعد ياستى عن نفسي مادخل المدونة تاني ولا يهمك

بس ماتكذبوش على نفسكم تاني وتتشدقوا بالكلام عن الحوار والاختلاف المحترم

ربنا يهدينا كلنا للي فيه الخير

سامح said...

كان في صورة معبرة اكتر ،
وانتي نازلة على ركبك وموطية راسك قدام الانبا شنودة
عجبتني اكتر

Unknown said...

هي ايه اللزقة دي؟
انتوا ما عندكوش دم؟

Ahmed Moatazic said...

ههههههههههههه .. معلش يا نوارة
حاكم اصل فى ناس عايشين معانا كده ما يعرفوش يعنى ايه يعيشوا من غير ما يكرهوا .. ربنا يشفى

Habeeb said...

كل التقدير والاحترام ولأجل علي مواقفك الوطنية النبيلة. الله قادر ان يعطي الكل المحبة و الحكمة

عبدالله بيه رفاعي said...

اسلوبك المرادى زى الزفت يا نواره اكنك بتقولى شكل للبيع
و طبعا الساده المحترمين اللى ردوا
احب اقولهم كا اناء ينضح بما فيه

AMOON said...

انا بس حبيت اضيف لاني لما بشوفني في مراية الصال دو بان مش ببقي مبسوط مني وبس ابسيلوتلي دا انا بحبني ومعجب بيا ويسلام لما بصورني بالكاميرا السوني الهاند شوت بحب اشوفني في صورتي واقول اة انا دة بس الزمن غيرني. انا متاكد اني فية ناس بتعمل كدة ودول ناس طبيعين برضك الجديد بقيان بسجل مقابلاتي فيديو افيك ميز امي الانتيخ

حمكشه said...

لن ترضى عنك اليهود والنصارى

حمكشه said...

انتى زعلتى من تعليقات تانت شاهنده

free basmagy said...

بتفكرينى بشجرة الدر بس يا خوفى اخرتها كانت وحشه

mostafa said...

ممكن اسأل سؤال هو احنا فعلا حنقدر نساعد فلسطين ف الانتفاضة الثالثة ويا ترى لو دا حصل روح التحرير حتبقى موجوده فعلا اقصد مسلم ومسيحي ولا حنبقى فريقين

dalyanassar_15 said...

مبرووووووووووووك يا نوارة يا قمر على البرنامج الجديد. أنا سيبت عيلتى النهارده عشان اروح اتفرج عليكى :)
بس انا مش معاكى ان بتوع أسف يا ريس دول ناس متأثرين و صعبان عليهم بس, أصل انا شوفت بتوع أسفين ياريس دول و للأسف فى واحد قريبنا بيفكر كده. و أحب أقولك انهم فاريقين الاول بيقول كده عشان نظرية خالف تعرف و دول زى قريبى كده بالظبط أقعدى اتكلمى معاهم هاتلاقى دماغهم فاضياااا و ماعندهمش أى حجة بيتكلموا بيها و كلامهم مستفز زى مثلا يقولك"أنتى شوفتيه و هو بيسرق؟؟" نعم؟ أشوفه إزاى يعنى هو أنا بقولك انه حرامى غسيل و خدى بقا عندك أسألة مستفزه كده كتيير مايتردش عليها أصلا.. أما الجزء التانى بقا فا دول مأجورين وش بدليل المناظر اللى بنشوفها و بنشوف مستواهم الفكرى عامل إزاى اللى هم بيبقوا اصلا مش عارفين هما نازلين ليه, و كمان انا كنت سامعه من ناس فى السيده من قبلها بفترة انهم بيلفوا على الناس الفقرا و يدوهم فلوس عشان ينزلوا يوم 25 . أما بقا الفئة اللى صعبان عليها مبارك أه طبعا موجودين بس مش لدرجة انهم ينزلوا مظاهرات دول قاعدين فى البيت يبثوا الكأبة فى أصحابهم و أهلهم و خلاص مع انهم فى الاخر لما تقوليهم طب هو كويس ولا وحش يقولولك وحش بس حرام يتعمل فيه كده
إيه ده انا طولت عليكى قوى سورى :) مبروك يا قمر

Early bird said...

الصفحة الرسمية لائتلاف دعم المسلمين الجدد
‎1-من اسبوعين يتم ذبح عائلة بالكامل اسلمت وتقطيع جسدهم بيد ابناء الكنيسة
2- من ثلاثة ايام في الزاوية الحمراء يتم اغتصاب طفلة عمرها ثلاثة سنين من قبل ارهابي مسيحي!!
3- اليوم اغتصاب طفلة عمرها 12 سنة من ثلاثة ارهابيين مسيحيين
هل تعتقد ان هذه صدفة :)
الى متى سيظل الارهاب الكنسي
...الى متى ستظل الاستفزازات بمشاعر المسلمين
هل الحل اصبح اننا نأخذ نسائنا واولادنا وبناتنا ونرحل لتفادي السعار الجنسي الكنسي؟
هل الحل اصبح هو هروب المسلمين من البلد قبل ان يذبحونا؟
لماذا كل هذا الارهاب من الكنيسة في اقل من اسبوعين؟
اين الاعلام؟
هل قطع اذن قواد مسيحي اعظم ام ذبح عائلة بالكامل اسلمت حديثاً؟
هل قطع اذن قواد مدير لشبكة دعارة مسيحي اعظم ام اغتصاب بنت عمرها ثلاث سنوات؟
الى هذه الدرجة يتم الاستهزاء بنا وهتك عرضنا بقمة اللا مبالاه؟

================================
الكلام ده انا قراته على صفحه الائتلاف لدعم المسلميين الجددهل فعلا دى خطه لاستفزاز المسلميين حتى تعلن الاحكام العرفيه اوة ما يبقاش فيه انختابات برلمانيه قريبه_واللى هى متوقع فيها صعود الاسلاميين البعبعبى_و فى طل حاله الفوضى دى وعدم الانصياع لاحكام القانون وبرضه موضوع كاميلياوفيلم تطلع والا متطلعش هو بقيت التمثيليه اللى مع عمر سليمان علشان المسلميين يتنوهم فاكريين انها مسلمه مخطوفه ويتنهم مشعللين الدنيا وانتى واللى زيك بدل ما تحيبوا مستندات تفضح الخديعه قاعديين تقولوا كلام مرسل من قبيل انتم حتولعوا البلد علشان واحده ست طيب ما البلدولعت علشان خالد سعيد والا علشان هو راجل وهى ست النصيبه بقى بتاعه ان المسيحيين خايفيين من الحدود اللى بيطبقها المسلميين مع انهم هم اللى بيقتلوا اللى بيسلمواوبينادوا بالدوله المدنيه وسياده القانون اللى هو برضه مش عايزينه يمشى على الكنيسه على فكره مصطلح الدوله الدينيه اصلا لا يوجد فى الاسلام ده نتيجه لتحكم رجال الديين المسيحى يعنىمش لينا خالص احنا معندناش صكوك غفران وبعديين انتى حره طبعا انك تسمعى اللى يعجبك وتنشرى اللى يعجبك واعتقد ان الكلام لا ينشر فى المدونه تلقائى الا لما يعرض عليكى الكلام اللى لا يعجبك لا تنشريه ولا تقرأيه كمان بس احنا من حقنا نقول راينا

hayat ank said...

والله يا نونو حلوه قوى ومعبره قوى انتى بتضحكى ورافعه راسك لفوق تعبيرا عن انك ومبسوطه وبتدعمى الناس الى فى الكنيسه وفرحانه وبتطمنى الناس ورافعه راسك لانك رافعه راسنا لفوق وكمان فيها مشابه منى وانا بالحجاب انا لو كنت هناك هاكون عمله كده برضوا بجد ربنا يكرمك على الى بتعمليه وانا بحاول اعمل زيك حاجه بس فى الشارع ومع الناس

hayat ank said...

جميله يا نونو بتضحكى لتطمين الناس ومشاركتهم وتعضيدهم ورافعه راسك لانك رافعه راسنا يارب تكونى كده دايما وانا بحاول اعمل زيك كده بس بطرق مختلفه وفى الشارع ومع الناس يعنى اقوم لست كبيره انا عارفه انها مسيحيه فى المترو وافتح كلام مع حبايبنا الصعايده المسيحيين واصدقائى منهم وكان فى اتنين معايا فى المدرسه فى ابتدائى وثانوى انا مرشده سياحيه وبدخل الكنيسه المعلقه كتير وباتعامل مع مسلمين ومسيحيين من مختلف دول العالم وبحب كل ما اشوف حد مسيحى اتكلم معاه واضحك واطمنه وبروح الصعيد وخاصه الاقصر وبحاول اعنل صداقات معاهم علشان ده المفروض الى يحصل وكثفت ده شويه ساعه تفجير كنيسه القديسين

كيوبيد said...

احلى صورة ماله مش عاجبه الناس لية طيب تصدقى انا من زمان نفسى احضر قداس فى كنيسه بس الظروف كانت تمنع انى احضر يمكن دلوقتى بعد امن دوله احضر قداس ودخل الدير اشوف فيه ايه ده جزاء من حضارة مصر واى حد مهما يكون هو مين عايز يلغى التاريخ اسمح لى اقول له مش طظ واحده لا دى الف مليون ترليون طظ فية وفى افكاره وسلام ختام

i_am_2andeel said...

جميلة أوي يا نوارة و الف مبروك علي البرنامج الجديد جبهة التهييس الشعبية و كمان برنامج رمز البطة مع سلمي الدالي

Anonymous said...

اية القمر دة

Anonymous said...

معلشي يانوارة متنزليش تعليقي الا فات دة بيني وبينك انت فعلا ذي القمر اخوك محمود

magda said...

أنا كنت بأحب اقرأ لك مقالاتك في الدستور واستمع الي مداخلاتك في الجزيرة خصوصا ايام الثورة لكن لما دخلت المدونة لا اصدق كيف تهاجمين التيارات الدينية المسلمة كلها وتستخدمي الفاظ وصفات كنت ارجو ان تكوني أرقي منها خاصة ان النواحي الدينية نواحي حساسة جدا ومراعاة فكر الجماعات المختلفة حتي وان لم نتفق معهم شئ مطلوب ومستحب ومبروك عليك التصوير في الكاتدرائية صبرتي ونولتي

أنا المصري said...

فعلا من حقك ترفعي رأسك فوق لأنك رفعتي راسنا كلنا فوق وانا فعلا بعتبرك قدوه ومثل أعلي

أنا المصري said...

فعلا من حقك ترفعي راسك فوق فأنت أهلها وانا بعتبرك قدوه ومثل أعلي

أنا المصري said...

من حقك إنك ترفعي راسك فوق فانا أعتبرك قدوه ومثل أعلي ربنا يكرمك ويثبتك

qqq said...

ماشي... انتي حرة تعملي اللي عايزاه، أقترح إنك تخلي الصورة دية على طول على المدونة لإنها بتساعد الناس تعرف فكرك أكتر و بالتالي الرؤية بتكون أوضح ليهم عشان يقدروا يحددوا فين أماكن الالتقاء و الاختلاف معاكي، يعني مثلا إنتي بالصورة دية خلتيني أفهم كويس إن فكرك تشكيلة و توليفة من عدة اتجاهات و مافيش مرجعية محددة عندك إلا مجموعة الأفكار الهجينة اللي في دماغك اللي هي توليفة يسارية قومية راديكالية إخوانية.. خليط عجيب نقدر نسميه وحدة المذاهب الفكرية على غرار وحدة الأديان أو وحدة الوجود مع الفارق، علي فكرة ده اسمه في القران اتباع الهوى و عشان كدة من الصعب جدا التنبأ بردود أفعالك أو مواقفك (غياب المرجعية اللي علي أساسها بيتم تحديد المواقف)، المهم عشان ما أطولش يا ريت زي ما كنتي شجاعة و انتي بتنزلى الصورة على المدونة يا ريت تبقي شجاعة و تخليها على طول، بالنسبة لطلبك إن اللي موش عاجبة يمشي و الكلام الجميل ده عن "أهمية إن الواحد يبقى عنده دم"، و الله انتي حرة بردة في اللي تقوليه و الناس حرة في تعليقاتها و بعدين انتي موش قاعدة في البيت بتكتبي و تعلقي اللي كتبتيه في أوضة السفرة و الناس بتقتحم بيتك و تتدخل في شئونك الخاصة ..لا لا معلش الموضوع موش كده خالص، الموضوع إن سيادتك بتكتبي و بتنشري غسيلك امام الناس و بالتالي الناس من حقها تعلق عليكي طالما تصديتي للعمل العام و طلعتي في الفضائيات يعني من الأخر بقي ليكي دور في توجيه الرأي العام، و بعدين في النهايةانتي مالكة المدونة يعني بسهولة تقدري تحذفي الأراء اللي موش عاجباكي، و على فكرة يبدوا إن الناس اللزقة اللي ما عندهمش دم دولة كان ليهم فضل في النهاية إنهم يخلوا مواقفك تظهر أكتر و بالتالي تزداد شعبيتك عند جمهور معين، عموما الحهل ممكن يقود صاحبه للهاوية، خصوصا لما يكون الواحد جاهل و لسانة طويل، كفاية كدة النهاردة عشان تعبت، سلام

Unknown said...

ربنا يهديكي وتتعلمي تحترمي مخالفينك في الرأي من والدتك ,

كان نمفسنا نشوفك في عزا سلوى عادل
ولا زعلانة على طفلة انتهك عرضها من مجرم لفي الزاوية الحمرا
ولا طفلة اغتصبت في الحضرة الجديدة
و يارب رجليك متاخدكيش في سكة نجلاء الامام بسبب العند
والله ده اللي نتمناه ليك من قلوبنا

mohamed said...

hhhhhhhhhhhhhhhhhhhhhhhhhhhhhh 7loa aoy elsora dy ya nawara ms basa 3la eh fo2 aked fih 7aga 3agbtk bs lafta gamila mnk

Dr.karim elaraby said...

أنا بصراحة متغاظ منك جدا يا نوارة
ايه اللي عملتيه ده
مش كنتي تقوليلي أجي معاكي
والله انتي ماعملتيش حاجه غلط ولا حرام ولا عيب
هي دي اخلاق ميدان التحرير
وصورة جامده علي فكرة
:p

Ahmed Shokry said...

ماعنديش مشكلة في دخولك الكاتدرائية
مش عاجبني طبعا نزولك على ركبك قدام شنودةلأني شايف إن في مليون طريقة تانية ممكن نعبر فيها عن سماحة ديننا بدون شبهة تنازل أو جرح لمشاعر حد

هافضل أدخل المدونة عشان مش لازم 100% من آرائك تعجبني عشان أقرالك وعشان المدونة دي مكان عام من حق الجميع متابعته بدون إجباره على تبني الأفكار اللي فيه كلها

افترضي حسن النية في اللي بيوجهك، أنا والله زعلان جدا من اللي عملتيه لكن برضوا ليكي أفضال كتير عليا ودور تنويري ماحدش يقدر ينكره... الله يهدينا ويهديك للخير واللي يرضى عليه

مش فاهمه said...

حلوة و الله بس كانك بتفقرى صح ......المهم شوفتى قرار شرف للشرطه بالضرب فى المليان دى .....و احنا عارفين ان لسه فيه قيادات فاسده و ابراهيم عيسى اتكلم عنهم

مش فاهمه said...

عارفه يا نوارة لو بتتكلمى على حق كاميليا فى الظهرو كانسان و كامرأة مقهورة سواء كانت على اى دين كانت المواضيه حاتتعدل معانا كلنا انا مايهمنيش مسيحيه ولا مسلمه يهمنى الكنيسه ماتحتجزش حد ضد ارادته....نخلى بتوع حقوق المرأة هم اللى يتولوا الموضوع ده

Hana said...

صورة حلوة.. وكنت سعيدة جداً اني حضرت معاكم.. حسيت بفخر اني انسانة حرة، ومخي ملكي مش مسلفاه لواحد يفكر عني.

محمد طنطاوي said...

أنا بحترم رأيك يا نواره ، والصورة جميلة ومعبرة ، ولكن متنيس إن وسط جموع السلفيين أصوات كتيرة تعاليت بالمناداه بالحرية المطلقة لجميع الأديان إن صح أن نسميها ، غير كدة إن النصارى نفسهم متعصبين وعنصريين أحيانا ولو عملت مقارنة بينا وبينهم هتلاقى إن االديمقراطية عندنا أعلى درجات بكتير منهم بغض النظر عن الأعداد ، وإن مكنوش بظهروا ده أحيانا نظرا لمتطلبات الموقف وكونهم نسبة أقل ، ثم أنا شايف إن اللى صعد الموقف الجهات القضائية مش السلفيين ، السلفيين خدوه كرمز بس ، نظرة بعيدة يعنى وأنا معاهم فى ده ، لكن مش معاهم إن الموقف ده كان يخص كامليا بس كنت عايز كمان " المخططفات " من المسلمين والمسيحيين اللى الله أعلم أعدادهم كد إيه النهاردة ما شاء الله كل فى ازدياد ، موضوع كمان أخواتنا اللى فى السجن العسكرى ، والكشف على عذريتهم ، واللى فيها انتهاك صريح للقانون الدولى فى التعامل مع الأسيرات على اعتبار إنهم أسيرات يعنى مش محصلين مواطنات مصريات

سامي said...

الصورة ناقصها حاجة
خيطين من الريالة على جانبي فمك وتبقى فلة.. بعدين قداسة البابا يمسح لك الخيطين ويدهن لك جسمك بزيت الميرون عشان تاخدي بركته بالمرة

حسني مبارك الا ظلمتوة said...

انت فعلا عبيطة يانوارة انت واضح ان مخك فلسع تتك نيلة وانت شبة زينات صدقي

Mahmoud Ahmed said...

هو حد اتكلم خالص !!

علان العلانى said...

يا نوارة التحرير

يقول المتنبي والذى عاني من حسد الحاسدين وحقد الحاقدين لمجرد أنه أنسان يحترم نفسه ويعتد بها في خلاصة شعرية وقاعدة ذهبية

وأتعَبُ مَنْ ناداكَ من لا تجيبهُ
وأغيظُ مَن عاداكَ مَن لا تُشاكِلُ
وما التّيهُ طبّي فيهمو غيرَ أنني
بغيضٌ إليَّ الجاهلُ المتعاقلُ

Unknown said...

شكلك وحش قوى وانتى منتشية جوة الكاتدرائية كدة زى ماتكونى واقفة اقدام الة !! تلئكى عمرك ما دخلتى مسجد ولا فتحتى مصحف .. ياخسارة خيبتى املنا .. ثم ان اللى انتى بدافعى عنة شنودة دة لا يحترم ولا يعترف بحرية العقيدة للمسحيين الذين يشهروا اسلامهم وشوفتى بيعمل فيهم اةة! وأهانتة للقضاء واستهزاءة بالقوانين التى تكون مخالفة لاهوائة وتحريض على الفتن وتحريك اقباط المهجر .. يعنى فعلا دولة داخل الدولة وانتى دخلتى جوة هذة الدولة!! شنودة هو رأس الفتنة الطائفية فى مصر..

lastcrazyboys said...

طب أنــا متغــااااظ

ومش كــده بس ..غيراااان غيرة العيال اللي بيقعدوا قدام في الفصل كمان

يعني مش بس الظروف مســاعداكي تحضري المناسبــة
كمااان المصورين مضبطين الأداء بالطريقة دي

ماشيـــة معاكي آآآخر حلاااااوة

يسهلووووووووووووووووووووووووووووووووووووووووووووووووووووووووووو

Coming from Shaqlashstan said...

و أنا كمان مبسوط, اللهم أدم وحدة مصر خيرا لللأمة العربية و الاسلامية و العالم أجمع

Coming from Shaqlashstan said...

برافو

ملكش دعوة said...

انا لا مربيه دقني ولا منتقبه انا واحده محجبه زيك بالظبط واصدقائي في العمل منهم نصاري وعلاقتي بهم طيبه جدا ... اللي عايزه اقولهولك انه مش مهم انك دخلتي الكنيسه واتصورتي فيها ولا المهم شعورك بالفخر تجاه ذلك
المهم هو ان احترام الاخر مبدأ والمبدأ لا يتجزأ ولو قدرتي تأكدي ان كل اللي في الكنيسه متحابين ومتسامحين ومفيش فيهم متعصبين ومتشددين اكتر من السلفيين يبقي احترامك واعتزازك بتصرفك طبيعي ولكن انتي متقدريش تأكدي ده وزي ما في مسلم متشدد ومتعصب لدينه كذلك النصاري عندهم نفس النماذج
يبقي كلامك ده غير انه لايليق فيه شئ من التمييز وطالما الانصاف ده شئ مش عندك يبقي ازاي تطالبي الناس بيه
فرطت منك المره دي ... بس علي فكره الصوره حلوه وعجبتني بس الكلام بصراحه ميطلعش من نواره

ملكش دعوة said...

وبعدين انتي متحفزه اوي كده ليه انتي محسساني انك واقفه في دكان ودلقتي جردلين ميه لزوم الاصطباحه وطينتي ادام الدكان ووقفتي تقولي للناس اللي عاجبه يشتري يلغوص في الطين واللي مش عاجبه يورينا عرض افاه
والله انا ماضايقنيش مضمون كلامك اد ما ضايقني الاسلوب ....انتي احسن من كده بكتير

احمد محمد عمر said...

http://www.youtube.com/watch?v=8jO_yPmT5TI

انا شنودة مش سيدي
يا نواره


يحشر المرء مع من احب

elzahraamegahed said...

معلش حاجه بره الموضوع ، بس الضابط اللى انضم للمتظاهرين ياريت الإعلام يكرمه وهو على فكره وشه باين، وعلى حد علمى إن ف إسكندريه فى 2 ضباط برضه انضموا للتظاهرات وكانوا قالوا عليهم فى الجزيرة

hardway said...

لالالالالالالالالالالالالالالالالالالالالالالالالالا
ايه الجمال و الرقة و الحلاوة و الشياكة
دي
احنا تضايق علشان صور الجميل ده ..معقول
احنا عايزين كل يوم نشوف صورة جديدة
وبعدين المصور مش شاطر ولا حاجة.....
الرك علي الحشو
يا جميل

Unknown said...

صورة جميلة جدا وانت منورة فيها اكتر من اى صورة تانى ابقى روحى كل شويه واتصورى هناك علشان متحرمناش من النور ده

ساعي الخير said...

بسم الله الرحمن الرحيم

الحمد لله رب العالمين

يا نوارة متغيريش الموضوع لو سمحتي

الثورة اللي بتقولوا عليها ما نجحتش

العمال و الغلابة و المظلومين بسبب حرية الرأي
أو المظلومين في أكل العيش زي ما هما

يا نوارة ربنا أمر بالعدل

العدل و تحقيق العدل أهم حاجة

هو ده الهدف الأصيل الهدف الواقعي المادي الحقيقي الملموس

مش من العدل أن ما يكونش فيه حد أدني للأجور مقيم بالذهب لتلافي التضخم

و مش من العدل القضاء البطئ اللي بيأجل بالشهور و السنين

و مش من العدل محاكم التفتيش في الكنايس سواء كانت في أوربا أو مصر
أو الرضوخ لآراء المشايخ مهما كانوا صوفية سلفيين عقلاء متجننين

و مش من العدل السكوت علي الظلم و الطرمخة بحجة الوحدة الوطنية و علي فكرة ده نفس العيب اللي أخذتيه علي حسن نصر الله أذا ما قالش لبشار سوريا أنه غلطان بحجة المقاومة و وحدة صف المقاومة

نوارة العدل هو الهدف و الخير

نوارة في أوربا قالوا زمان

أشنقوا آخر ملك بأمعاء آخر قسيس

و انتصرت عندهم المدنية و العلمانية
ما بيتكسفوش النهارده أنهم يذيعوا
أن القساوسة أتحرشوا بالأطفال ما بيقولوش لحسن المسلمين يشمتوا فينا

لأ .. دول بيواجهوا الحقايق مهما كانت مرة

لكن أحنا طرمخنا .. الكنيسة في مصر يعني علي الراهب اللي ذاعت فضيحته جريدة النبأ زمان و الدولة كمان طرمخت

و دلوقتي أنتي بتشاركي في الطرمخة علي حرية الناس حرية العقيدة و الفكر

و كمان نسيتي كرامتك الشخصية و بتركعي جنب شخص هو أسوأ من حسني مبارك أو من أكبر داعميه و داعمي الفساد نسيتي أن القداسة للفكر وحده

أصحاب الفكر ما يركعوش يا نوارة قدام بشر

جايز عايزة تحسسيه و تنحسسي المسيحيين أن فيه مودة و حب و ماله
لكن المودة الحقيقية تكون بنصرة العدل

مش بتبجيل أنسان ظالم بيكبت الحريات

شنودة اللي شارك مبارك كبت حريات المصريين ما يستحقش التبجيل

لازم يشعر أنه أنسان لابد له من أحترام حريات و حقوق الأنسان مش الأعتداء عليها

و طبعاً انتي حرة نيجي بقي لموضوع الصورة

بس معلشي يعني بجد

الصورة وحشة خالص

عاملة زي كلب البحر مستني سمكة

ههههههههههههههه

سامحيني يانوارة و الله بجد

مش عشان أي حاجة تانية بجد الصورة وحشة شكلها كده

سامحيني و الله ما أقصد أساءة

بس قولت رأي بعيد عن أي حساسيات

عموما متغيريش الموضوع

النظام ما اتغيرش و الفساد بيجمع أنصاره و بيحشد أفكاره عايز تاره

يا تري هتتفرغي لنصرة العدل و مش هتغيري الموضوع

لحد العدل ما ينتصر

لحد كل مظلوم ما ياخد حقه

لحد كل عامل ما ياخد الأجر الحقيقي لتعبه و عرق جبينه

لحد كل جعان ما يشبع و كل بردان ما يلاقي اللي يتغطي بيه

و كل عطشان ما يلاقي ميه حلوة ترويه

نوارة الناس لازق لك لأنهم حاسين أنك بتحبي العدل

و بتقولي كلمة الحق علشان كده غصب عنهم

مهما شتموكي و لعنوا أبوكي

بيدخلوا عندك بيحبوكي

بيتمنوا لك و أنا معاهم أنك بس تثبتي علي كلمة الحق اللي دايما بتقوليها

أول مرة و بعدين بتخافي و تغيري الموضوع

بتخافي من أيه خلاص اللي حصل حصل

و اللي مات مات حقه أننا نقول كلمة الحق و نثبت عليها

و اللي يزعل من العدل يداس بالرجل

يا نوارة العدل هو الوضوع من فضلك متغيريش الموضوع

و موفقين للخير

Unknown said...

ياجامد يا نواره معبره اوي الصوره دي شكل كان فيه حد بيغمزلك فوق ولا حاجه عشان كدا مبسوطه الله يسهلو يعم ههههههه

Unknown said...

ياجامد يا نواره زي العسل واللي يتغاظ اقرب جدار ويعدي منه هههههههه

حسن محمد على said...

أولا :-"قمرون منيرون" ثانيا :-انا مستغرب جدا من ان فية ناس زعلت لدخولك الكنيسة!!ما كنتش عارف ان سلالة "ابوجهل"لسة ممتدة لحد دلزقت . نفسى افهم هما زعلانين من اية بالضبط؟؟؟

Unknown said...

ما شاء الله لا قوة إلا بالله, قمر و أهنيكى على حضورك القداس. طول عمرنا عايشيين مع بعض فى حب و سلام و واجب علينا الدفاع عن بعض ضد المعتدى و مش فاهمة لماذا يتكلم بعض الناس بإسم الاسلام بما لم يأمر به الاسلام و لماذا يُسيئون إلى ديننا الحنيف و لمصلحة من؟ اللهم أرنا جميعاً الحق حقاً و ارزقنا اتباعه و أرنا الباطل باطلاً و ارزقنا اجتنابه

د. هانى احمد said...

مقال رائع عن الدوله المدنيه والدنيه

http://elbadil.net/%D8%AF-%D9%85%D8%AD%D9%85%D8%AF-%D9%85%D8%AD%D9%81%D9%88%D8%B8-%D8%A7%D9%84%D8%AF%D9%88%D9%84%D8%A9-%D8%A7%D9%84%D9%85%D8%AF%D9%86%D9%8A%D8%A9-%D8%A7%D9%84%D8%AF%D9%8A%D9%85%D9%82%D8%B1%D8%A7%D8%B7/

د. هانى احمد said...

ممكن اعرف ايه اللى انته عليه موضوع بثينه كامل واللواء عتمان لانني حزين من وقتها ومش قادر افوتها..ممكن؟؟؟

Anonymous said...

والله انتى منورة يانواره.. ربنا يبارك فيكى ويحفظك..

طائر said...

عسل يا استاذة نوارة

Unknown said...

جميل إنك تدافعي عن الوحدة الوطنية، وجميل إنك تجاملي الأقباط وتطمنيهم.
لكن لو كنت متصورة إنك ماتقدريش تعملي كده من غير ما تستفزي المسلمين .....

تيقي محتاجة تعيدي النظر في موقفك، هل يصب في مصلحة الوحدة الوطنية، أم في مصلحة الفتنة الطائفية.

قُلْ يَا أَهْلَ الْكِتَابِ تَعَالَوْا إِلَىٰ كَلِمَةٍ سَوَاءٍ بَيْنَنَا وَبَيْنَكُمْ أَلَّا نَعْبُدَ إِلَّا اللَّهَ وَلَا نُشْرِكَ بِهِ شَيْئًا وَلَا يَتَّخِذَ بَعْضُنَا بَعْضًا أَرْبَابًا مِنْ دُونِ اللَّهِ ۚ فَإِنْ تَوَلَّوْا فَقُولُوا اشْهَدُوا بِأَنَّا مُسْلِمُونَ
سورة آل عمران - أية64

ضحيـــــــة البيروسول said...

شغللك والناس الى حوليكى هو الى خله الناس تحب تقرالك اعتقد انك لازم تسمعى الراى الى يعجبك والى برضوه ميعجبكيش هانستفاد ازاى هااا الا من دوول اروش عليكوو كلكوو بيروسول واخلص

ساعي الخير said...

بت يا نوارة

من فضلك تقولي مواعيد أذاعة البرامج بتاعتك اللي بيقولوا عليها دي حطيها كده بصورة ثابتة في المدونة

علشان نتفرج عليكي

و نفرج عليكي خلقه

هههههههههههههههههههه

نقولهم تعالوا شوفوا نوارة يعني

أخلصي و أكتبي المواعيد

جاك هرشة في دماغك أكتر ما هي مهروشة

قال دخلت الكنيسة قال

ما كتير بيخشوا الكنيسة يجاملوا

جبت التايهة أنتي

أكتبي مواعيد البرامج ما تنسيش

و أفتكري أصحاب الفكر ما يركعوش لبشر

و ما يصنعوش فراعنة باسم الحكم و الدين أي دين

و عموماً ما تغيريش الموضوع

العدل هو الأساس و اللي يخالف العدل بالجزمة ينداس

و اللي يحكم بالعدل يبقي ع الراس

غلطان انا في الكلام ده يا ناس

Unknown said...

هههههههههههههه الصورة حلوة اووووى بس انا عاوزة اعرف انتي كنتي بتعملي ايه :D

nosseir73 said...

كنت اتمنى انى اكون معاكم وبعدين انا ياما دخلت الكنائس وحضرت افراح وسلمت على قساوسة مش عارفة الحاجات الغريبة دى ظهرت امتى انا كان لية اصدقاء مسيحيين كتير وعمرى ما حسييت بفرق برغم انى كنت صغيرة و المفروض سن المراهقة يكون الواحد على طبيعته فلو اناكارهة حاجة بتظهر علىة بمعنى اخر بلا رياء سواء من ناحيتى وناحية المسيحيين كنا ناكل مع بعض ونضحك مع بعض ايه اللى تغير دلوقتى مش عارفة

نور الدين said...

انا مقدرش اقولك انتي كونتي بتعملي ايه بس من الصوره واضح انك مبسوطه ومرتاحه نفسيا مش عشان المكان اللي انتي في لا عشان حققتي حاجه جواكي مهمه اوي من وجهة نظرك وبعد ما حسيتي كده سحبتي نفس السعاده عشان جسمك كله ينتعش....او بمعني اصح ده...نفس الحريه....وارجو يكون تفسيري صح...

سندالنوبي said...

عليه العوض في البنت دي كان في طرق كثيرة تعبر بها عن اخوة الوطن معهم و ليس بالركوع امام شنودة و انا على فكرة كنت من اشد المعجبين بها على الرغم من اختلافي معها في عدة اشياء منها عدم المامها بالفكر الشيعي و اهدافه مثلا و الان اثبتت لى بما لايدع مجال للشك ان لديها تخبط مرضي و من هنا ادعو الجميع و نفسي بعدم الدخول على مدونتها او حتى قراءة مقالاتها حتى تراجع افكارها المنتثرة في مهب الريح

moo said...

بعد ماكتبت التعليق البلوجر قفش معايا منه لله اعيد الكلام تانى

Unknown said...

اللي يتغاظ يتغاظ

moo said...

بسم الله الرحمن الرحيم
( عشان فيه كام حاجة في الجوانيات عمالة الف وادور حواليها ومش عارفة اقفشها قوم لقيت بقى القصيدة دي تقول مثلا في بيت حاجة قعدت اكتب فيها بوستات وانا مش عارفة اكتبها، وبعدين الناس ما تفهمش انا باقول ايه؟ ولا حاسة بايه؟ ويردوا على حاجة تانية خالص، اقوم اتعصب قوي، واتنرفز، واشتمهم جامد من الغيظ، هم ليه بقى مش حاسين بيا؟
واحس كده بقى اني لوحدي، واني مهما ارغي ما حدش فاهم مالي، وافضل كده اعيط، واتلكك عشان اعيط، واقعد مع الناس وابقى حاسة اني لوحدي برضه، وفيه اود كده لا انا عارفة افتحها ولا حد عارف يقول لي ايه بقى؟
قام جه ربنا عمل الثورة
ستوب وقف عندك
\.....................
ده الى عاوز ابدأ بيه لو الانسان مش موضح اللى هوقاصده حايتفهم غلط يعنى انا فاهم انك بتهاجمى المظاهرات بتاعة كامليا شحاته مش علشان بتهاجمى حرية الاعتقاد لا ولكن انتى بتهاجمى اسلوب التحرك وراء المرجعيات كالقطيع وتهاجمين اناس فى نظرك لايهمهم اسلام كامليا من عدمه ولكن كل ما يريدونه هو حشد الاتباع وعدم كشف امرهم من انهم ليس لديهم اى مشروع حضارى او ثقافى ولو حتى دينى يصلح للنهوض ببلدنا وانا معاكى فى كل ذالك بشرط صحة وجهتى نظرنا80% ولكن ماذا لوكنا مخطئين واتضح انهم فعلا مخلصين لقضيتهم وانهم بعد ذلك وببعض المساعدة فى تعديل اولوياتهم وبعض التوعية بالوضع الحرج الذى نحن فيه وان الغرب ينتظر منا اى خطا فى حق المسيحيين يستطيعون بسببه ان يشوهوا الثورة به مذا لو اتضح انهم لديهم حس وطنى عالى جدا زيك وانهم يريدون الخير لبلدهم اليس من الافضل احتوائهم وليس استعدائهم
ثانيا وهذا هو الاهم

Unknown said...

من معرفتي بالمواقع النصرانية وبالنصارى لا أستبعد أن يقولوا أنك تنصرت بفضل هذه اللقطات مثلما فعلوا مع لقطات مماثلة للمذيعة فريدة الزمر وألفوا قصة عن تنصرها كذبتها بعد ذلك

moo said...

ثانيا وهذا هو الاهم انا كنت معاكى انت ومالك فى شارع مجلس الشعب وفضلت لحد التنحى وليلتها شربت من ايد مالك شوب حاجة ساقعة
وبعد ما رجعت المحلة قعدت ادور على مدونتك انت ةمالك وتابعت الاثنين وبعدين رسيت على شواطيء مدونتك واعتقدت انى وقعت على كنز اسمه جبهة التهييس الشعبية مش نوارة نجم وان كانت نوارة هى جوهرة التاج فى الكنز ولكن فى ناس كتيييييييير بحب اقرا ليهم عندك وباختلف معاهم واكتب وبرضه باختلف معاكى واكت ودى اول مرة يقى ليا مشاركة براى على نطاق واسع زي كده ولكن منذ فترة واسلوبك واسلوب البعض
اصبح يشماه بعض الردح واحيانا السب
لييييه ها لييييه هو احنا اجتمعنا هنا علشان نسمع ونتناقش ولا علاشان ندخل لبعض وصلة ردح
نوارة ده مش اسلوب الفلاحين اللى انا منهم واللى انتى بتقولى انك منهم ومش اسلوب المثقفين اللى المفروض يتناقشوا مع مخالفينهم بهدوء وتعقل علشان يبينوا الخطا فى وجهة نظر من يعارضونهم وندمى الوحيد انى لما رديت على مدونه من سوريا انى كنت ناشف معاها علشان حسيت انها ما بتعملش العقل فىما تنقل وانها بتثبط اخوانها فى حقهم بالمطالبة بعيش كريمة وحرة
فارجو منك ترك عبارات اللى مش عاجبة يمشى من هنا و طز وخلافه لان الموضوع صار اكبر من مجرد مساحة فضفضة شخصية ليكى وانتى لو مش عاجبك التعليقات ردى عليها بس بموضوعية مش زى ماواحد بيقولك ماتنشريهاش لا لا لا احنا بنعلم الناس يبقوا متاسمحيين ام موضوع الصورة ففيه ناس عايشه اللى انتى بتعمليه ده عادى من غير ما يحطوا حواليه دواير فسفورى علشان يبان لانهم حاسينه عادى مش لازم كل شويه يقول انا سلمت عى جارى انهارده وقلتله كل سنه وهو طيب فى عيد القيامةى ولا انا وجارى بنفكر ندخل النت سوا ولا ولا مراتى حتقولك انها كل ما تتزنق فى انبوبة البوتجاز تميل على ابلة ام مارك اللى تحتنا علشان تستلف منها الانبوبة عادى يعنى والمسالة مش محتاجة دواير فسفورى لكن لو انت بتعمليه علشان كسر الحاجز النفسى عندك فده معناه انك انتى اللى عندك مشكلة مش احنا

moo said...

شكرا لساعى الخير بوستاتك تصب دايما فى الموضوع

yasser said...

أتمني تقري الكلام من غير قفش
أنا مش سلفي و لا إخوان و بسمع الشيخ امام و اتكيفت من اسكندريللا .... لكن
القضية بين طرفين .. السلفيين بيسألوا فين كاميليا .. صحيح في وقت خرا لكن ماحدش ريحهم و جاوب
انتي ليه اخترتي مش بس ما تسدقيهوش .. لا كمان بتدعمي الكنيسة وانتي نفسك يستحيل تعرفي الحقيقة
و حكاية التهديد بالقتل إشاعة زي التهديد بماء النار للغير المحجبات و حرق الأضرحة و حتى قطع الودان طلعت خناقة صعايده دمهم حامي مع واحد قرني .. لو مش مصدقه اسألي بلال فضل
أنا حاسس ان الليبراليين و اليساريين من خوفهم من الاخوان و السلفيين سايبين ودانهم لأي كلب عايز يخرب البلد و بيصدقوا الإشاعات و كمان بينشروها
الظلم هو اللي ضيع مبارك لو استمرينا كده ربنا مش حينصف الثورة
اللهم بلغت .. اللهم فاشهد
و كل الناس عارفة ان الكنيسة ما بتنفذش أحكام القضاء

moo said...

لماذا أنا سعيد لأننى ولدت مسلماً؟
مقال بلال فضل الاكثر من رائع
http://www.almasry-alyoum.com/article2.aspx?ArticleID=295802&IssueID=2126

moo said...

«هناك حقيقة أتصور أنها تغيب عنا فى معمعة الصراع بين دعاة الفتنة الطائفية ودعاة التسامح، حقيقة أتمنى ألف مرة أن يتم التمعن فى قراءتها، لأن فهمها يمكن أن يوفر علينا الكثير من الجدال الطائفى المقيت، حقيقة يجب أن يقولها المسيحى منا للمسلم ويقولها المسلم للمسيحى، ويقولها الاثنان لكل صاحب معتقد من أبناء هذا الوطن أيا كان معتقده «يا أخى فى الوطن ليس معنى أننى أطالب بحريتك العقيدية وبحقك الكامل فى المواطنة أن تطلب منى أن أعتقد أن عقيدتك على حق، وألا أعتقد أنها على خطأ وألا أعبر عن رأيى هذا بشكل حضارى هادئ بعيدا عن التحريض والغوغائية فى مكان عبادتى أو لأبنائى أو فى دراسة علمية أو فى عمل فنى وأدبى مثلما يحدث فى أى بلد متقدم به أديان متعددة دون أن يجور ذلك على حق كل مواطن فى المواطنة، بل ينبغى أن يدفعك ذلك إلى أن تتعمق فى فهم دينك ودراسته فلا خير فى إيمان يورث دون وعى، وكلمة مؤمن لا تستحقها إلا إذا كنت عاقلا لما تؤمن به، ولن ينتفع دين ممن ينتسبون إليه اسما لا وعيا ويقينا، لذلك كله لا تندهش عندما أقول لك إننى كمسلم أعتقد أن من حقك أن تعتقد أن دينك هو الحق ودينى هو الباطل، تماما كما أعتقد كمسلم أن الدين عند الله هو الإسلام ومن يعتنق غيره على ضلال،
الكلام لبلال فضل واتفق معاه

Bassem said...

انا متابعك من زمان و معجب بارائك . انا بقول كده عشان لما اعترض على موقفك تبقى فهمه ان ده هدفه المصلحة. المشكلة مش هتتحل لما نروح الكنيسة و نهتف بالروح بالدم نفديك يا سيدنا. انا بكره الهتاف ده و مش عارف ايه سيدنا ديه؟ الحل اننا نحل المشاكل باننا ندى الاقباط حقهم و هما كمان يدوننا حقنا. موضوع كاميليا ده على تفاهته لكن مستفز جدا . يعنى ايه يحبسها ده تحدى للدولة غير مقبول. و كمان موضوع الاقباط اللى قتلوا اختهم عشان اسلمت. فيه مشاكل من الناحيتين لازم تتحل قبل ما نتظهر بكل هذا الحب و الود للبابا.

Bassem Zakaria El-Samragy said...

الصورة منورة المدونة يا نوارة طبعا
بس برضه زيادة النور بيؤذي العين
:P

abo 7assan said...

الصورة تستلهل النشر وكانك بتستنشقى أكسجين نقى وصل لكل مكان فى مصر بعد الثورة

Mohammed said...

خشوع
هو انتي ليه مفكرة انه في ناس هتتغاظ ؟
انتي حرة وإن كنتي بتآمني بدينهم كمان حولي محدش راح يجري وراكي ويختظفك زي ما بختطفوا الستات اللي بتسلم

Unknown said...

الحقيقة الصورة حلوة جداً
بس انا شوفت فيديو كتني فيه محنية كدة قدام البابا شنودة
الحقيقة كان منظر مقزز جدااااااااا
وياريت متقوليش اني انا سلفي وشكراً

المنصور said...

قال رسول الله فيما معناه لاتشاركو النصارى اعيادهم واليهود : اهل الكتاب : وانا اخشى ان اخالف كلام السول صلى الله عليه وسلم :فأحشر مع شنودة وشارون الاصل فى الانسان الايمان بالله ولايشرك به شيئا السؤلال ازاى هتقابلى الله يو القيامة ولا انت اسغفر الله من ان تكونى كذللك ملحدة لن ينفعك حب مصرمهدف النصارى ابعادنا عن الاسلاموهم يتمسكون بدينهم لا تكونى غبية فتخسرى الاخرة والدنيا

المنصور said...

قال رسول الله فيما معناه لاتشاركو النصارى اعيادهم واليهود : اهل الكتاب : وانا اخشى ان اخالف كلام السول صلى الله عليه وسلم :فأحشر مع شنودة وشارون الاصل فى الانسان الايمان بالله ولايشرك به شيئا السؤلال ازاى هتقابلى الله يو القيامة ولا انت اسغفر الله من ان تكونى كذللك ملحدة لن ينفعك حب مصرمهدف النصارى ابعادنا عن الاسلاموهم يتمسكون بدينهم لا تكونى غبية فتخسرى الاخرة والدنيا