Wednesday 4 May 2011

عاجل: كله يتجمع قدام الكاتدرائية الساعة 6

دلوقت طنط شاهندة كلمتني وقالت لي ان فيه ناس من الكنيسة اتصلوا بيها وقالوا لها ان البابا تلقى تهديدات بالقتل اثناء القائه للوعظ بتاعه النهاردة الساعة ستة في الكاتدرائية
طبعا ان شاء الله خير
بس احنا عايزين بقى نوئد الفتنة الطائفية دي من جذورها عشان وجع الدماغ
طبعا انا مقدرة ان مافيش وقت، وان الحشد حيبقى صعب، لكن مش مستحيل، احنا النهاردة عايزين نقف نحرس الكاتدرائية الساعة ستة
الحقوا بقى الحاضر يعلن الغايب عشان مش قدامنا وقت كبير
وطنط شاهندة رايحة ورايح معاها ناس كتير 
شير بقى في الخير

36 comments:

Al Mahari said...

صدقيني يا نوارة من المهم جداً وئد الطائفية و هي في بدايتها، لو المصريين كلهم يقفوا صفا واحد ضد الطائفية حترجع مصر منارة في العالم العربي، لا تكونوا مثلنا في البحرين فإن الحكومة تعزف على وتر الطائفية ليل نهار لتختلي بالحكم بينما الشعب يتصارع بين بعضهم البعض

M said...

بصراحه انا مستغرب يا نواره فرغم اختلافي مع بعض ارائك لكن موضوع الاشاعات يجب علينا حربها لا نشرها

Ahmed . M . Abdulrahman said...

لازم نوئد الفتنه ربنا يستر

انا مش عارف برضه الكنيسه موقفها غريب

ميطلعوا الى اسمها كاميليا دى ويريحونا

شئ يدعو فعلا الى الشك

ربنا يستر بس مظنش ان فى حاجه من دى ممكن تحصل

القاتل المحترف مبيهددش

بيموت علطول

سلام موقتاً يا نواره
_______________________
الى عاوزنى يجينى
http://misr25jan2011.blogspot.com

hardway said...

معقولة طنط شاهندة كلمتك..معقولة..
ولم تتصل بي طنط شاهندة....
يعني تتصل بك ولم تتصل بي........
طييييييب يا طنط شاهندة.....
أنا مش هانزل يا طنط شاهندة..
ايه رأيك يا طنط شاهندة....
خلي أبله نوارة الثورات ...
تنفعك يا طنط شاهندة.........
بااااااااااااي طنط شوشو

حسني مبارك الا ظلمتوة said...

مش قلتلكم الفوضي الخلاقة هوا انتوا لسة شفتم حاجة

مش فاهمه said...

لما الموضوع يوصل لكده و انتى تكتيى الكلام ده على مدونتك و الناس تتجمع على كلام فارغ يبقى فيه حاجه غلط البلد فيها حاجه غلط السباعى اقالواه بعد ما هبب الدنيا و من ساعة الثورة و قبلها نقول انه بهيم لكن ماشالهوش الا دلوقتى و بعدين كل واحد حايستلمه يسرى فودة بقى ولا ايه فيه غلط و اللى مش شايفه يبقى ولا مؤاخذه اعمى .....ابراهيم عيسى ابتدى برنامجه يعكنن علينا و يثير فينا الغضب و الحنق و نبقى عايزين نخرج فى الشوارع لما شوفنا كل المتهمين بالقتل بياخدوا مناصب و بعدين حايفضل زى ما كان الأول يثير القضايا و احنا يجى لنا الضغط و السكر و خلاص لأ مابقاش ياكل معانا اللى يثير قضايا ياخدها من بابها و يتصل و ينزل و يجب مسئولين خلاص روحنا بقت فى مناخيرنا

Fan of Man-Mind said...

و انتي مصدقة؟؟ ... الموضوع خطير.. لكن ماستبعدش إن التهديد يكون من مسيحيين بهدف تخفيف الضغط على الكنيسة علشان موضوع كاميليا شحاتة ........... وليه ما يكونش التهديد من متطرفين مسيحيين زي اللي قتلوا الست اللي ف كرداسة علشان حاسين إن موضوع كاميليا شحاتة هايتكشف

Unknown said...

ما سيوئد الفتنة فعلاً هو حرية الاعتقاد، الحرية أولاً و أخيراً و هذا هدف من أهداف الثورة

ساعي الخير said...

يا نوارة ما تنشريش أشاعات
هو مين اللي عايز يضرب البطرك
ما كانوا محاوطين الكنيسة بكل أدب
و لا هو مزنوق و عايز يطرمخ علي عمايله السودة

ظلم الناس

و محاكم التفتيش

عموماً روحي

بس بجد عيب عليكي لو ما قولتليهوش

الحرية للكل

و العدل فوق الكل

ده لو كنتي شجاعة يعني و بت أبوكي

موفقين للخير

ph.zeinab said...

knckljclcn jbcjnc jbcqkjbn jbcjdb

ph.zeinab said...

هو البابا شنوده محتاج حمايه أكيد عنده حمايه وإذا كان محتاج المفروض الداخليه تقوم بالواجب مصر ليس بها فتنة طائفيه ولكن المظالم لازم تنصف

أمينة سمير said...

لا اتلقى تهديدات ولا كلام فاضي

السلفيين في قمة التسامح ( أنا مش سلفية ع فكرة )

كانوا يقدروا يفجروا الكنايس أيام الثورة بس حموها ..

الفتنة الطائفية ان احنا نجامل طائفة ع حساب طائفة ، يبدو ان دي مسرحية بيعملها شنودة عشان يخرج نفسه من ورطة كاميليا


كل ده مش غريب ، الغريب انك تصدقي وتميلي لرأي من غير ما تفكري خالص في الرأي الآخر

ربنا يهديك بس

خالد المصرى said...

معلشى يا نوارة
اعتقد اننا كده بننشر شائعات ملهاش لزمة
بابا ايه اللى هيتقتل
مين اللى هيجرؤ يخش يقتله جوه الكنيسة
اللى بيحصل ده هوا اللى بينشر اجواء الرعب اياها تانى

Mr.FOX said...

بلاش نقف في الموضع الي كنا بننتقده ايام مبارك.. السؤال المهم فين كاميليا؟؟ محبوسه ولا لا؟؟ مش دي الحريه والكرامه الي احنا ثورنا علشانها.. ليه كلنا عايزين نبيع كاميليا علشان الفتنه؟؟ طب مايخلوا كاميليا تظهر احسن!!.. وانا بصراحه استبعد ان يكون في تهديد بالقتل للبابا على الاقل من السلفيين لان ده مش منهجهم

حمكشه said...

معلش الجماعه المتطرفين من الجانبين ناويين يخلصوا على بعض فى داهيه كل عملاء امن الدوله

Mahmoud said...

نوارة نجم تركع لسيدها شنودة
http://www.youtube.com/watch?v=ZGQ8xHPjsDg&feature=player_embedded

Mahmoud said...

نوارة نجم تركع لسيدها شنودة
http://www.youtube.com/watch?v=ZGQ8xHPjsDg&feature=player_embedded

هاتقدر تنشرى ولا خايفة تتفضحى هههههههههههه بتركعى لكافر بيخطف النسوان

Mahmoud said...

عرفت النهاردة بس حربك عالسلفيين كانت ليه ... الحمدلله اتفضحتى ياخدامة شنودة والكنيسة ... بتركعى لشنودة وتمسكى ايده يعععععععععععع يادى القرف ...دانا لو عديت من جنب شنودة خطاف النسوان انتحر من القرف .... دانتى معملتيهاش مع شيخ ...جاتكو القرف مسلمين بالاسم

أمينة سمير said...

شوفي السلفيين على حقيقتهم في الفيديو ده وهتشوفي كمان محامي الكنيسة على حقيقته

http://www.youtube.com/watch?v=WG5d0SrZk0s&feature=player_embedded

واللي عايز الحق هيوصله

aly said...

مش راكب الموضوع معاحترامي لحضرتك ولطنط شاهندة
والمسيحيين اللي اتظاهروا بحجة خطف كاميليا قبل كدة وقالوا المسلمين خطفوها ورجعوا قالوا اصل خناقة عائلية ورجعوا قالوا غسيل مخ ورجعوا قالوا لما اتسالوا عن كاميليا مالكمش دعوة وبيراوغوا في تطبيق دولة القانون ممكن يطلعوا اشاعات زي دي لاستدرار عطفنا ببعبع الوحدة الوطنية اللي مافيش عاقل هيقول انها على حساب كاميليا ووفاء واخواتهم

عموما مقدما هيقولوا السلفيين عملوها

منك لله انتي وطنط شاهندة
بس هي مين طنط شاهندة اللي المسيحيين بيستنجدوا بيها لما البابا بيتهدد بالقتل؟

aly said...

الا هو طنط شاهندة راحت تعزى في سلوى عادل؟؟
وياترى سلوى عادل ماكانتش تستاهل بوست منك برضه عشان خاطر الوحدة الوطنية والفتنة؟
ولا هو وئد الفتنة بيكون مع المسيحيين بس؟
وياترى هي دي معاني المواطنة اللي بتتكلموا عنها ؟

اسئلة مش بريئة لا مؤاخذة وماتجاوبيش عشان هي مش استفسارية

أمينة سمير said...

نسيت اقول ان البابا مش محتاج حماية الكنيسة متحصنة كويس خاصة بعد احداث كنيسة القديسين وكنيسة العراق ،،

ولازم تتأكدوا من خبر التهديد ده مش استخفاف بعقول الناس اتلموا يعني اتلموا

وليه دايما بتلمحي او حتى بتصرحي وكأن السلفيين وبتوع كاميليا شحاتة هم اللي بيعملوا الفتنة الطائفية


على فكرة هم شاركوا في الثورة ولهم فيديوهات في الميدان زي استاذ خالد حربي عضو ائتلاف المسلمين الجدد

وياريت تقرئيلهم وتعرفي ايه وجهة نظرهم ؟؟ مش بس هجووم

Unknown said...

يار يت تقوليله يطلع الست وماريان بتاعة طب الفيوم لان دي زميلتنا يعني مش قصة كاميليا لوحدها لان مفيش وحدة وطنية وان واي و كلنا مع حقوق المسيحيين لكن لما يكون حقوق على طول الخط من غير محد يفكرهم بواجباتهم تجاه الاغلبية اللي بتعتذر ليهم حتى عن قطع ودن انسان مشبوه في خناقة ملهاش اي علاقة بالسلفية ولا بالبطيخ , ده لا اعتذر عن شتيمة شيخ الازهر في الكنيسة ولا عن قتل سلوى ( اه بالمناسبة عارفة يعني ايه قتل ميطلعش في الجر ايد ياسلام لو القاتل سلفي )قليله يبطل نظام جماعة الامة القبطية ومدارس الاحد اذا مكنتيش عارفاهم اسأليه , قليله يبطل المؤتمرات اياها علشان البلد تعيش بسلام زي مكانت عايشه برئيس وزرا مسيحي منتخب قبل مجيء وشه المشئوم بافكار ملهاش اي علاقة بالمسيحية , وقليله كمان ياريت يرجع لنصايح الاب متى المسكين , اما قصة التهديد الهبلة دي يروح يضحك بيها على العبط اللي بيصدقوا النور اللي بيولعوه على الكنايس ويقولولهم العذرا جت العذرا جت ,الظلم ظلم ايا كان في مصر في سوريا في البحرين في الاهواز في اليمن في ليبيا لكن رؤية بعضه والتغافل عن البعض التاني مش من شيم الثوار ده من شيم اصحاب الاجندات اللي مش منهم

hardway said...

عرفت يا حاجة أنك مالكيش شعبية
شغل..عاجل..سلمية..سلمية..الساعة 6
ميوكلش..مبشبعش...عرفت ياحاجة......
وبلغي ابراهيم بك.. وبلال بك..وتمام بك
الشعب يريد أمن وأمان..الشعب يريدقمح و عيش له ولاولاده..يريد تعليم وصحة و ثقافة و رعاية.......
يا حاجة الخناقات حاليا في مصر في وسط البلد بالسلاح الرشاشات سريع الطلقات
وانت قاعدة تقولي طنط شاهنده....تتحرقي انت وطنط شاهنده.................
طبعا ها تقولي وهايقول الطبلجية بتوعك
فلول...ذيول...العهد البائد..والحزب الواطي...
تتحرقي أنت ..وطنط شاهنده..والفلول..والذيول.والواطي والعالي...
طول ماأنتم مش فاهمين حاجة

hardway said...

عرفت يا حاجة أنك مالكيش شعبية
شغل..عاجل..سلمية..سلمية..الساعة 6
ميوكلش..مبشبعش...عرفت ياحاجة......
وبلغي ابراهيم بك.. وبلال بك..وتمام بك
الشعب يريد أمن وأمان..الشعب يريدقمح و عيش له ولاولاده..يريد تعليم وصحة و ثقافة و رعاية.......
يا حاجة الخناقات حاليا في مصر في وسط البلد بالسلاح الرشاشات سريع الطلقات
وانت قاعدة تقولي طنط شاهنده....تتحرقي انت وطنط شاهنده.................
طبعا ها تقولي وهايقول الطبلجية بتوعك
فلول...ذيول...العهد البائد..والحزب الواطي...
تتحرقي أنت ..وطنط شاهنده..والفلول..والذيول.والواطي والعالي...
طول ماأنتم مش فاهمين حاجة

mutargim said...

http://al-agenda.blogspot.com/2011/04/blog-post_30.html

Gihan said...

ا ولا يهمك كل الهجوم عليكي بسبب أسلوبك النبيل و الشهم مع البابا شنودة و اخوانة المسحيين (ولو اني عارفة انه اساسا مش بيفرق معاكي الهجوم و التطاول :) بس انت حقيقي انسانة جميلة و بتعبري عن كل شئ جميل في المصريين.

المهندس said...

أنا بأضحك من ساعة ما شوفت البوست دا شغل السياسين يحركوا الجموع بأي شكل هم طلبوا يعملوا مليونية فيضحكوا عل المساكين أمثالك وأمثال طنط شوشو تعيشي وتاكلي غيرها

احلام جوليا said...

شوفي طول ما زفت متحاكمش اكيد في ناس من جوا وبرا مصر لسه عندها امل تهرب بالي عملته وبتشوشر على الثورة طبعا ده ميمنعش برضه ان في ناس عقلها ذكاءه محدود ومتليس عليه مش عاوزين يفهموا من بتوع اسف يا ريس جوا مصر وبرا مصر برضه علشان كده لسه فيه محاولات فتنه وكمان منقدرش ننسى الجماعات الدينية الي مصدقت تخرج من الامم وعاوزة تبقى المارد الجبار واول حاجة عملها المارد في فيلم لص بغداد المشهور انه كان عاوز يقتل الي طلعه من المصباح وعلى ما يفهم المارد انه عمل فيه خير يتجازى بالخير اخد وقت وحيل من لص بغداد وهو ده الي بتعمله الجماعات الدينية فاكرين نفسهم بيعملوا الصح وهم بيرتكبوا اكبر جريمة في حق مصر بيدمروها والمضحك انهم بيشتغلوا تحت ايد دول اسلامية وهماهم انها حامي حمى الاسلام وهم بهبل مصدقين ده مش عاوزين يستوعبوا احدى مميزات العيشة خارج مصر وخاصة في دول الخليج انك تكتشفي الحاجات الي مكنتيش شايفاها من مصر وتعرفي ان العروبة وهم مصري اصيل وان العرب اهتماماتهم مختلفة تماما عن ما يظن المصريين وانهم شعوب اكثر رفاهية وخمول مما يظن المصرين ومسألة حماية الدين واجه كارثية عندما تكتشفيها من الداخل يهتز ايمان ضعيف الايمان ويصدم المؤمن وهم فتنة للاسلام بحق فالاعراب اشد كذبا ونفاقا وهذا قوله سبحانةوتعالى وهو اعلم بما خلق

احلام جوليا said...

اسمحوا لي يا جماعة انا مع وأد الفتنة حاليا لسبب مهم نحن لا نريد تحقيق ما قاله الرئيس السارق لاننا ببساطة اذا تركنا الامر للفتنه فالمسيحين من الممكن والمتوقع ان يستعينوا بمسيحي المهجر ويجعلوها حجة لادخال الغرب في مصر اذا شعروا بالاضطهاد فلا يجب ان نعطيهم الفرصة ابدا للاستعانة بالغرب خاصة الان كده حنضيع البلد كلها فمعلش يا عم السلفيين والاخوان والمسلمين العادين الي روحهم في مناخيرهم اتنازلوا شوية علشان خاطر مصر وبعد ما تصبح مصر قوية نتحاسب بالقانون برضه نشوف مين الي غلط ويتحاسب ونشوف مين الي خطف كاميليا ووفاء ويتحاسب سواء كان مسيحي ومسلم وكل الي غلط ياخد جزاءه لكن دلوقت لازم نلم الحكاية علشان نقدر ناخد الحقوق الاهم اسمحوا لي نحاكم العصابة قبل ما تخلع ونرجع الفلوس الي الكل بيحاول يعمل معنا مشاكل علشان يتحجج وميرجعهاش لنا تاني ويضربوا على السريقة المستخبية ونقوم اقتصاد البلد على رجله وننتخب حد محترم يبقى مسؤول عن البلد دي ساعتها نقدر ندور على كاميليا ووفاء واخواتها وولاد عمتها كمان بس الصبر ربنا بنا الدنيا في ست ايام متهدوهاش انت بعصبيتكم وفكروا في الاهم ثم المهم ومش على حساب كاميليا ووفاء ولو كاميليا ووفاء مسلمين مجاهدين بحق اظنهم عندهم استعداد يصبروا لصالح مصر والاسلام شوية كمان وهم صبروا كتير ده في حاله انهم بصحيح اسلموا ومخطوفين

maged said...

اولا انتى بت جدعه وب100 راجل
انا مسيحى وبحب بلدى جدا وعلى الرغم انى لدى جنسيه اخرى موش هسيب بلدى طول مافيها ناس ذيك جدعان ومسلمين حقانين بس اقولك حاجه انا خايف جدا ومرعوب على بيتى وتعبى وشقايا خايف من السلفين جدا الناس دى فعلا لو مسكو البلد هيضو عليها الغريب لما اسمعك انتى وكتير من الناس المحترمه احب الاسلام والمسلمين ولما اسمع الناس دى اخاف من الاسلام واكره المسلمين بس انتى جدعه و100 راجل بس استحملى اللى هيجرالك من اخونا على فكره لو فى ذيك كتير بلدنا هتقود الهالم بس الخوف ان الثوره انشلت منكم بعد التعب والموت ربنا معاكى ومع مصر والمصرين ربنا بتعنا كلنا اهنا الواحد معانا كلنا وسلام

حمكشه said...

عماد جاد :لن اسمح لحد يعاملنى درجه تانيه والمح على طريقه ساويرس حاطلع دين تييت بأنه لن يسكت مع انه كان قاعد مرعوب من السلفى المنافق عميل امن الدوله اللى قاعد قصاده ودكتور كندى يقول للعوا لسنا ارمن ده غير استفزازات تصل للقتل بالصعيد ...كل ده والشعب المسلم لا يستفز وده مش بلاده ولكن ادراك لحلم نصارى مصر وهو تقسيم مصر وانشاء الجنه المسيحيه لشعب يسوع وطبعا الليبراليين غير مرغوب فيهم برضه لأنها ستكون دوله دينيه حقيقيه لم ينجح اولاد عمومتهم فى انشائها لا فى روسيا ولا صربيا ولا حتى الحبشه

Unknown said...

شنودة هو نفسة مصدر هذة الاشاعات وهو مؤجج الفتنة الطائفية وكل المشاكل بين المسلمين والنصارى ومستشارة التعبان نجيب جبرائيل .. هم الاثنين سبب كل البلاوى ربنا يريحنا منهم ..

sara said...

بصى يا نواره انا بحب ارائك جدا لكن عايزه اقولك كفايه مظاهرات واضرابات عايزين البلد تقف على رجليها احنا دلوقت بنحاكم الفاسدين فى النظام السابق وفى نفس الوقت بنعملهم اللى هم عايزينه فوضى واضرابات وما حدش عايز يشتغل لازم نبنى مصر وكفايه بكا على اللبن المسكوب وبالنسبه للبابا يقدر يحمى نفسه يبلغ الشرطه بالتهديد اللى جاله وقوليلى مين فينا مش معرض للقتل من البلطجيه فى اى لحظه وانا اشك ان فى تهديد ولو فى يبقى مش من السلفين يبقى من الفلول اللى عايزين الفتن وعايزين البلد تولع وبالنسبه لكامليا ووفاء ربنا معاهم لو عايشين ولو انى اشك انهم عايشين والا كانو ظهرو نحسبهن شهداء عند الله ياريت كلنا نتسامح ونبدا صفحه جديده كلها عمل وعمرنا ما ننسى المسلمين وهم بيحرسوا الكنيسه والمسيحين وهم بيصبو الماء لوضوء المسلمين ده كان احلى منظر فى الثوره ياريت نبص لبكره بدل مانرجع 100سنه ورا

sara said...

بصى يا نواره انا بحب ارائك جدا لكن عايزه اقولك كفايه مظاهرات واضرابات عايزين البلد تقف على رجليها احنا دلوقت بنحاكم الفاسدين فى النظام السابق وفى نفس الوقت بنعملهم اللى هم عايزينه فوضى واضرابات وما حدش عايز يشتغل لازم نبنى مصر وكفايه بكا على اللبن المسكوب وبالنسبه للبابا يقدر يحمى نفسه يبلغ الشرطه بالتهديد اللى جاله وقوليلى مين فينا مش معرض للقتل من البلطجيه فى اى لحظه وانا اشك ان فى تهديد ولو فى يبقى مش من السلفين يبقى من الفلول اللى عايزين الفتن وعايزين البلد تولع وبالنسبه لكامليا ووفاء ربنا معاهم لو عايشين ولو انى اشك انهم عايشين والا كانو ظهرو نحسبهن شهداء عند الله ياريت كلنا نتسامح ونبدا صفحه جديده كلها عمل وعمرنا ما ننسى المسلمين وهم بيحرسوا الكنيسه والمسيحين وهم بيصبو الماء لوضوء المسلمين ده كان احلى منظر فى الثوره ياريت نبص لبكره بدل مانرجع 100سنه ورا

sara said...

بصى يا نواره انا بحب ارائك جدا لكن عايزه اقولك كفايه مظاهرات واضرابات عايزين البلد تقف على رجليها احنا دلوقت بنحاكم الفاسدين فى النظام السابق وفى نفس الوقت بنعملهم اللى هم عايزينه فوضى واضرابات وما حدش عايز يشتغل لازم نبنى مصر وكفايه بكا على اللبن المسكوب وبالنسبه للبابا يقدر يحمى نفسه يبلغ الشرطه بالتهديد اللى جاله وقوليلى مين فينا مش معرض للقتل من البلطجيه فى اى لحظه وانا اشك ان فى تهديد ولو فى يبقى مش من السلفين يبقى من الفلول اللى عايزين الفتن وعايزين البلد تولع وبالنسبه لكامليا ووفاء ربنا معاهم لو عايشين ولو انى اشك انهم عايشين والا كانو ظهرو نحسبهن شهداء عند الله ياريت كلنا نتسامح ونبدا صفحه جديده كلها عمل وعمرنا ما ننسى المسلمين وهم بيحرسوا الكنيسه والمسيحين وهم بيصبو الماء لوضوء المسلمين ده كان احلى منظر فى الثوره ياريت نبص لبكره بدل مانرجع 100سنه ورا