تحديث:
ايه ده؟ فيه ناس بتسأل دي قصيدة مين؟
مش عارفين ان دي قصيدة تميم البرغوثي؟
تحديث:
شارع سوزان مبارك في المقطم بقى اسمه شارع الشهيد كريم بنونة.. دافعين تمنها دما، يا أمة الكرما، شعبك كأنه سما، والدنيا دي مطره
-------
وبهاذوها المناسبة احب اعبر عن نفسي
ايه ده؟ فيه ناس بتسأل دي قصيدة مين؟
مش عارفين ان دي قصيدة تميم البرغوثي؟
تحديث:
شارع سوزان مبارك في المقطم بقى اسمه شارع الشهيد كريم بنونة.. دافعين تمنها دما، يا أمة الكرما، شعبك كأنه سما، والدنيا دي مطره
-------
وبهاذوها المناسبة احب اعبر عن نفسي
وحانشر القصيدة اللي انا اصلا ناشراها هنا
<<<<<
والشروق العبط ما كانوش منزلينها كلها فأنا بقى قعدت اتملاها واصححها عشان تبقى مظبوطة
انا بقى باحب القصيدة دي مش عشان باتفلحس واقيم الشعر اللي فيها، انا مين اصلا اقيم شاعر الزمان
انا بس عمري في حياتي ما حد قال كل اللي انا نفسي اقوله كله كله وكل اللي جوايا ومش عارفة اعبر عنه وحاجات حاسة بيها ومش عارفة اصيغها وحاجات كانت جوايا زي الدمل ومش عارفة هي ايه بقى؟ ها؟ ايه؟ هو انا حاسة بحاجة كده، بس ايه ده اللي انا حاساه؟ وليه عملت كذا مثلا في اليوم الفلاني؟ وكده.. دي حتى عاملة زي يومياتي، وقعد اقرا كل بيت فيها كذا مرة، واقول بقى انا لازم كل بيت اكتب عليه بوست، واقول انا البيت ده يوم ايه اكتر حاجة كنت حاساه، بس لقيت اني حابقى هرمنااااا، هرمنااااا على ما اخلصه، ثم اصلا ماهو قايل، انا حاقول في المتقال ليه؟
عمري يعني ما حد قعد يتكلم ويقول كل الكلام اللي في دماغي كله بالطريقة دي، وانا عمري ما اتكلمت وقلت كل اللي في دماغي كده واحساسي، مع اني مش بابطل كلام، وبالعة راديو، ويمكن عشان كده بالعة راديو، عشان فيه كام حاجة في الجوانيات عمالة الف وادور حواليها ومش عارفة اقفشها قوم لقيت بقى القصيدة دي تقول مثلا في بيت حاجة قعدت اكتب فيها بوستات وانا مش عارفة اكتبها، وبعدين الناس ما تفهمش انا باقول ايه؟ ولا حاسة بايه؟ ويردوا على حاجة تانية خالص، اقوم اتعصب قوي، واتنرفز، واشتمهم جامد من الغيظ، هم ليه بقى مش حاسين بيا؟
عمري يعني ما حد قعد يتكلم ويقول كل الكلام اللي في دماغي كله بالطريقة دي، وانا عمري ما اتكلمت وقلت كل اللي في دماغي كده واحساسي، مع اني مش بابطل كلام، وبالعة راديو، ويمكن عشان كده بالعة راديو، عشان فيه كام حاجة في الجوانيات عمالة الف وادور حواليها ومش عارفة اقفشها قوم لقيت بقى القصيدة دي تقول مثلا في بيت حاجة قعدت اكتب فيها بوستات وانا مش عارفة اكتبها، وبعدين الناس ما تفهمش انا باقول ايه؟ ولا حاسة بايه؟ ويردوا على حاجة تانية خالص، اقوم اتعصب قوي، واتنرفز، واشتمهم جامد من الغيظ، هم ليه بقى مش حاسين بيا؟
واحس كده بقى اني لوحدي، واني مهما ارغي ما حدش فاهم مالي، وافضل كده اعيط، واتلكك عشان اعيط، واقعد مع الناس وابقى حاسة اني لوحدي برضه، وفيه اود كده لا انا عارفة افتحها ولا حد عارف يقول لي ايه بقى؟
قام جه ربنا عمل الثورة
وراح ربنا مملي تميم البرغوثي القصيدة دي
قمت انا قعدت اعيط.. بس فرحانة، عشان حسيت ان الاود اتفتحت وشفتها، وحسيت بقى اني مش لوحدي كده ولا حاجة، وده حتى فيه اهو حد حاسس انا حاسة بايه؟ وحتى الحتة اللي بيتكلم فيها عن نفسه عاملة بالظبط زي ما انا حاسة بس مش عارفة اقول
ويخيروني العيال في حب اب وام.. وللمصادفة انا برضه قرشية، فكأن بقى هو هو نفس الحكاية بالظبط، فانا بقى فرحت كده، عشان حسيت اني بردانة كده والقصيدة بلوفر جه على مقاسي واحسن من بلوفر شفيق
وانا مش عارفة ليه في يوم ميلاد مبارك عايزة انزل له القصيدة دي، عشان يعرف انا حاسة بايه؟ لانه واضح انه مش حاسس انا حاسة بايه؟ تصدقوا انا بعد ده كله مش عايزة منه حاجة غير يحس قد ايه هو ظلمنا. بس لو حس انه هو ظلمنا انا حارتاح. ولو حس انه عمل لي في جوانياتي الحاجات اللي في القصيدة، احس بالراحة بس.
ولا انا عارفة اتكلم واوصل الكلام اساسا.. اذا كان اصلا اللي بيدخل المدونة مش فاهم انا مالي
المهم يعني.. ايه الرغي ده كله؟ كل ده عشان اقول القصيدة دي بتعبر عني في كل حرف فيها؟ ما انا راخرة انسانة عيانة بالكلام بجد.. ما اسكت شوية، ما الراجل اتكلم بدالي اهو وجه يشرح نفسه قام شارحني.. بارغي ليه انا دلوقت؟
طب خدوا القصيدة بقى:
يا شعب مصر اللى سابقة ضحكته غضبه
ما يطلع الصبح إلا وصحبتك سببه
يا مخلص الأرض من وحشتها فى الأكوان
يا حجة الشمس تفضل طالعة ساعة كمان
مستأذنة وهى مش عادتها الاستئذان
متونسة بالميدان وبعشرته ونسبه
يا شعب يا مصلي قدام العساكر صف
يجري الجريح من ورا لقدام
لا خاف ولا خف
تدوس عليه العربية تحوله لميت الف
يا للعجب يقتلوه ويتوقعوا هربه
يا للعجب يقتلوه ويتوقعوا غيابه
اللي اتقتل لسه واقف هو واصحابه
ما بهدل الامن غير من ماتوا واتصابوا
والصبح ما نور الا اما الشموس غربوا
اضرب عليا انا مش جاري يا قناص
من امتى خوفنا يابن الكلب ضرب رصاص
كل اللي شاف الشهيد بقى تاره تاره الخاص
الدم صاحي وعنيد ولا تقبلوش تربه
يا شعب ياللي دفع تمن الشوارع دم
احفظ اسامي اللي ماتوا في الشوارع صم
الشارع اللي اصطفى وقصر الامارة لم
ملوك قليلة الرباية ركبوا واتركبوا
شعب بغزالة اتخنق قلب التاريخ في يومين
لابس عباية جحا وهو صلاح الدين
بيكرم الانبيا ويهزأ السلاطين
والفجر خيله وحبات الرمال عربه
يا شعب مصر اكم فرعون وفرعونة
ضربتهم ضرب سجادة في بلكونة
ضرب الملوك تربية صالحة ومضمونة
ما يبقوا بني ادمين الا اذا اضربوا
ضرب الملوك مصلحة
ضرب الملوك تأديب
محلى المماليك وهي بتجري في السراديب
ولولا ضرب شجرة الدر بالقباقيب
مابين اغا وباش اغا كان التتار غلبوا
بعدين مبارك سادات فاروق ماحدش دام
هو احنا شعب كده ما بيعيشلناش حكام
عقبال جيرانا وحبايبنا كمان يا سلام
لو كل من له رئيس نصحى نلاقيه قلبه
يا مصر لسه ولسه الثورة بلة ريق
ما ينتهيلك طريق الا ويبدا طريق
يا شعب مصر تعالى نتفق يا شقيق
رج الملك قبل ما تنعم عليه بلقبه
رجه كده شوفه ان كان الملك شغال
واسأل عليه المكوجي واسأل عليه البقال
واهم حاجة في صفاته انه يكون يتشال
متربي عال لما يمشي يلتزم ادبه
بتكون في احسن حالاتك وانت مش محكوم
بتبقى رايق ولا ظالم ولا مظلوم
بعدين ده ايه الغبي ده اللي يهددك بالشوم
يا مخلي الف احتلال ينزل على ركبه
يا شعب انت اللي كارم كل من حكمك
الدولة دي عارفة تحكم بس من كرمك
كشر لها وهي حتجيلك تبوس قدمك
مافيش حاجة اسمها مليون راجل اتغصبوا
سايق عليك النبي ما تقول كفاية يا شيخ
الملحمة لما تخلص يبدأ التاريخ
وبكرة جاية حروب فيها بكا وصريخ
وبكرة نصرك يخض الشمس من لهبه
سايق عليك النبي ما تقول كفاية كده
من النهاردة انتصاراتك حتبقى كده
يا شعب مصر اللي رجالته وبناته كده
حلال عليه لبن العصفورة لو طلبه
سايق عليك النبي ما تقول كده كفاية
إفرح وكمل وما تقولشى كده كفاية
الثورة دى بداية زى الهجرة والميلاد
الثورة دى بسملة كمل بقى الآية
مع كل مرة قراية حسنها يزداد
والآية تجرى تسلم أختها الراية
من غير نهاية وحتى الوقف مش معتاد
وبكرة أيامنا تبقى حكاية ورواية
عن ناس يباتوا حفايا يصبحوا أسياد
خمسة وعشرين يناير يا شباب حصل ايه
لو قلنا يعنى على الساعة تلاتة الفجر
فى حد فينا طِوِل أو جد حاجة عليه
أو جاب سلاح أو ملايكة بشروه بالنصر
كان اختلف فينا إيه عن أى يوم قبليه
نمنا غلابة، صحينا احنا ولاة الأمر
كان عرش مصر ف أُوَضْنا واحنا ناسيينه
راميين هدومنا على شماله وعلى يمينه
طردنا عنه الحرامى غصب عن عينه
ونزلنا ع الميادين بإدينا شايلينه
بقوا الملوك فى الشوارع والعبيد فى القصر
وف يوم وليلة اكتشفنا ان احنا والنبى مصر
ومصر مش حد تانى غيرنا يعنى يا بيه
وكل واحد سأل طب كنا ساكتين ليه
وشعب مين اللى كانوا الزُّطِّ حاكمينه
بدولة شومة ومختومة بختم النسر
وكل واحد قرا اللى كان على جبينه
رفع بدمه يمينه هْدية وهداية
لو كانت الأنبيا ع المية مَشَّاية
لاجلك يا مصر مشينا باسمين ع الجمر
يا مصر وافتكرى أصل الدنيا نسايه
الملك ده حقنا ومفيش فراعنة جداد
إفرح وكمل وما تقولشى كده كفاية
الثورة ده بداية زى الهجرة والميلاد
مش بس مصر اتغيرت من وقفة الميدان
فيه مساحة ضلمة نورت فى طبيعة الإنسان
فيه حاجة ف طبيعة البشر زى السمع زى البصر
زى اكتشاف القدرة ع الطيران
فيه حاجة كت ضايعة وبانت
خلت الأمة استعانت
عالشقا بالله فهانت
هذه الدنيا على الفتيان
ارقينا وارقيهم يا عم الشيخ
فى حاجة خلت يشمك التاريخ
ينزل عن الوجه الجميل فيبان
والخلق كانوا مدركين
لكنهم مش كلهم متأكدين
لحظة ما شافوا بعضهم جوة المظاهرة
اصبحت واضحة وظاهرة نعمة الرحمن على المستضعفين
وصلت رسالة ربهم من كل زهرة كل زفرة
كل نفرة كل زحمة في كل حارة او خناقة في الاشارة
كل كلمة حق
او ضحكة ولد او بنت
كانت دعوة مستورة الى العصيان
فى حاجة أصلا فى الطبيعة تدعو للثورة على السلطان
شوف الشجر رغم الحجر طارح ثمر زى الخبر وبتعلنه الأغصان
شوف الهوا حب اللِّوا فبقوا سوا هبَّة لها ألوان
شوف القمر يفضل قمر تحت الحصار
رغم اقتناعه إنه هايموت قبل ما يشوف النهار
تحصل مفاجأة تطلع الشمس ف حضوره
يختلط نورها بنوره
تشبهه ما تقولش واحدة من ولاده
هى معناه وامتداده
واخدة منه الموهبة والبغددة
وعشان كده
لغة يقولوا عنهم القمران
شوف النجوم ما لهاش نظام حاكم
تكسر كلمة العالم
يبص ويبقى مش فاهم
وهو شايفها ماشية بكيفها فى الأكوان
يا سما هويتك
انت بيتي وقلبي بيتك
تشبهيني واشبهك بالمعنيين
الشبهة يعني والشبه يام النجوم الفلتانين
وباموت انا في فلتانك الامني
لإنه عبقري وفني
وفيه منطق من الموجود في كل جنان
وبرضه باحبه بس كده عشان فلتان
فيه حاجة غامضة بتكتشف
هى اللى بتخلى الحصان اللى اتحدف
من بطن أمه ولسه مش عارف يقف
يقزح ويجرى ويعرف انه حصان
فيه حاجة بتخلى السجين المستكين فى كل حين اشطر من السجان
فيه حاجة بتخلى القوى عيِّل قوى وبيتلوى من نكتة الغلبان
فيه حاجة بتخلى عيون الخلق ما تنامشى
وبتخلى المدن تمشى
وتخرج زى كلمة حق من غير قصد مابترجعش لو طلعت
وم الأسمنت والأسفلت يفلت فلت نهر مقدس الجريان
فليحذر السلطانُ زحف الغابة
والورد إذ يستأنس الدبابة
داب الحديد من لمسته دوبان
فيه حاجة خلت خطة الموت ترتبك
عابس وعايز يشتبك
خاف من ضحية جاية ناوية تاخده بالأحضان
وإذا بهذا الفجر يا اخواننا اتولد بيننا
وكنا احنا بنستنى وهو كمان بيستنا
واتاريه بس عايز إذن منا وهو فى يميننا
فلما أذنا خد منا وعطانا أمان
يا فجر يا سابق صياح الديك
يا شعب يا مشبك إيديك فى إديك
وكأنها خط الثلث فى آية القرآن
إديت لآدم معنى تانى زاد على كل المعانى
وربنا قال هو ده قصدى وده غرضى
كده بالظبط لا زيادة ولا نقصان
يا مصر وانت لسه في البدايات
بكرة اللي جاي اعظم م اللي فات
يا مصر قومي وبصي في المرايات
كان كل واحد في الميدان جايب معاه مراية
رافعها للسما
اشكال والوان كلها مرفوعة في العالي
صبحت مراية واحدة بتلالي
وبقت يا مصر الارض صورة للسما
لعبة بازل متكاسرة الاجزاء
لما البشر يتجمعوا تبان السما ع الارض
واما البشر يتفرقوا تلقي السما بتنفض
تبقى سما متوزعة جوه الشقق
وتمر ليلة من التوجس والقلق
وننام ونصحى تاني يوم
ترجع سما لما البشر يتجمعوا مع بعض
يا مصر حقك تملكي بدل السما اتنين
واحدة هدية وواحدة تانية صانعها مصريين
يا مصر لو دققتي حتلاقي البراق
بيجر عربية فواكه في الحواري الضيقة
شوفي الصحابة والحواريين على القهوة
بيتناقشوا بحرارة
والسما على مد ايدهم مستشارة طيعة ورقيقة
شوفي المساجد كت تشاور ع السما
صبحت تشاور ع البشر وتقول اهما يا سما
بصي وشوفي
وابقي قول لكل صوفي
وهو طالع لك طريق المعرفة اتغير
يوصل م السما للارض
لا يتوه ولا يحير
وشوفي الخلق وسط الموت تقابله وهي بتهزر
فيتلخبط ويتبعتر
وسر الدنيا يتفسر
ونعدلها ونوزنها
باقول يا مصر قومي وبصي في المرايات
في سما الولاد هم اللي عاملينها
بيشوفوا بعض في وش بعض
كأن انا انت وهو انا واحنا الكل
احنا ف مرايا بعض بنصبح صباح الفل
افدي بروحي كل واحد في المرايا طل
افدي الشهيد اللي بيتبسم
الفجر توب على قده متكسم
والله اعلم مين من الاتنين في صاحبه حل
افدي اللي سهران ع الخيم في الطل
وافدي اللي واقف يشتغل في الضل
وافدي اللي شايل للعناد اشارات
يهدي التاريخ صوب الميدان لو ضل
وافدي اللي واقف هاري نفسه كلام
وافدي اللي يتريق على الحكام
وافدي اللي رايح جاي ما بيتعبش
وافدي اللي جنبه حط فرشة ونام
وافدي طويل البال ما يتعصبش
وافدي المصاب اللي شوية وطاب
وافدي المصاب بهوى التراب وما طابش
وافدي اللي صاب البلطجي وما اتصابش
وافدي المقام العالي في التحرير
دولة بلا امرا وشعب امير
اعلم يا هذا الجيل ان الوطن بشره
لو مصر مالهاش نيل كان شعبها حفره
مش وصلوا بحرين وبنوا جبال اتنين
وف ظرف أسبوعين على خوفهم انتصروا
والخوف ده شىء معروف بيفرعن الحلوف
رزق الملوك الخوف من غيره يندثروا
رزق الملوك بقشيش من خوفنا شعب وجيش
ومفيش ملك بيعيش لو شعبك افتكره
ناس لسة فى العشرين نازلين على الميادين
بيهزأوا السلاطين من غير ما يعتذروا
يا شعب يا مجنون
علم شعوب الكون
اللي اخترع فرعون
قادر يجيب خبره
يا سادة الايام يا رافعين الهام
من بكرة بر الشام نادر لكم شجره
نادرها تين وزتون فى القدس ينتظرون
جيش ع الغلابة حنون وعلى العدا ضرره
دافعين تمنها دما
يا امة الكرما
شعبك كأنه سما
والدنيا دي مطره
يا مصر حمد الله ع السلامة
مطر ونازل بدون غمامة
مطر يا سيدي نازل وطالع
كأنه مدنا والارض جامع
والارض دي مظاهرة في الشوارع
تسقي السما جدعنة وشهامة
مطر وطالع يقول لربه
الامهات اللي في مصر ربوا
ويا بنات مصر قوموا حبوا
اجمل ما في الراجل الكرامة
مطر وطالع ع الفجر يدن
طلعت بنات مصر حلوة جدا
في الحرب والدنيا نار ومعدن
طايرة وشايلة السما اليمامة
خمسة وعشرين من شهر واحد
الفين وعشرة وزادوا واحد
كنا ملايين وكنا واحد
حددنا موعد يوم القيامة
قلت لصحابى انزلوا وانا بعيد عنهم
وقلت من بات فى بيته سلم اصحابه
وانا اللى غبت وهمه اللى هنا اتصابوا
نزلوا الشباب الميدان وانا بعيد عنهم
كسروا الشباب البيبان وانا بعيد عنهم
خرج الشباب م البيوت وأنا بعيد عنهم
دخل الشباب فى الموت وانا بعيد عنهم
يا موتى قوم امتحنى أعتذر منهم
اشمعنى يا كلب تستثنينى من بينهم
يوم الخطر قبلها ما كنت اجبنهم
يا موت تعالى اعوض غربتى ومنفاى
يا موت تعالى أحاسبك ع القديم والجاى
يا موت تعالى ونتقاسمك أنا وعداى
ولا تطال عزوتى وانا بعيد عنهم
بس الحكومة قالت لي انت مش مصري
انت فلسطيني يعني اجنبي حصري
طيب يا بيه يعني بلاد الشام بلاد اروام؟
اعيد كلام قلته ميت مرة ده يبقى كلام؟
مش ام هاشم بلدها السيدة زينب؟
مش الحسين في الحسين ولا لازم له جواز؟
ولا حيختار مابين مصر وعراق وحجاز؟
والمرسي والشاطبي جم م الاندلس الاتنين
من مرسية وشاطبة لو كانوا مش باينين
في اسكندرية اجانب ولا مصريين
اسماءنا هي بلادنا يا حسن يا حسين
اسماءنا زي العلم زي اللغة والدين
اسماءنا هي الوطن له دمنا لو عاز
واسمي خلالي في الارض العريضة ملاذ
وعزوة في كل دار تنطق حروفه تمام
وف كل دار ليا صحبة وليا اهل عزاز
كان نفسي يا مصر يتأكد كلامي بدم
والدم يا مصر برضه ع المحبة قليل
قالوا لي بتحب مصر قلت مش عارف
هو الهوى يبقى جارف لما اقول جارف؟
واقعد أألف أغاني عن جمال النيل
وحكاية الشرب ميت مرة وهرم ونخيل
ولا الهوى الحق هو اللي يهد الحيل
واولى شيء في الهوى يا مصر شيل الهم
ياللي تحب النبي ايدك معانا وشيل
الحب اتقل من اسمه واسمه نفسه تقيل
وفي التباس المحبة ع المحبة دليل
ما تعرف اللي اصابك عشق ولا تعب
والشوق بيقلب مع الحرمان ساعات بغضب
والصبر بس اما يخلص يبقى صبر جميل
يا اهل مصر
وانا اهلي في مصر عرب
اهلي عزازمة وعشايرة الخال وخال الخال
ما بين شراقوة وصعايدة بدو في الحالتين
قولوا لي دولا عرب او دولا مصريين
او دولا الاتنين سوا في الحل والترحال
بعدين انا اسمي تميم وحاروح من اسمي فين؟
مش فيه في مصر قريش؟
قالوا البراغتة قريش
من بيت عدي بن مرة والنسب عمري
حطوا الحدود والعشيرة واحدة في البلدين
وسلك شائك فرق من قالوا ليه او ليش
وكنت اطنش لو ان البحث ده نظري
لكن ده فيه دم سال
واسأل رفح وعريش
واسأل ملوك ترهن الاقصى برغيف العيش
واسأل حدود تحرم المسلم من الحرمين
واسأل في غزة الوف في الحرب متحاصرين
ويخيروني العيال في حب اب وام
انا ابن رضوى ومريد
اسمي تميم من تم
وكل دار للعرب لي فيها خال او عم
واللي يقول غير كده بيني وبينه الدم
مين اللي يثبت ومين يجري يلم الديل
شد الكلام عمته واختار اعز جواد
ورد قاصد بلاده والهوى رداد
وابن الاصول اللي ما يبدل ببلاد ببلاد
والغربة مرة ولو كانت هدومها جداد
في مصر بعد السفر وجد الكلام معناه
واهل مصر صحابي واولياء الله
يا اوليا لسه في العشرين وفي التلاتين
يستنجدوا المؤمنين في المأزمة بيكم
يا فارجين الكرب بين العرب عناوين
منعني عنهم مطار القاهرة واسمي
واني لو جيت يقولوا اجنبي مسكناه
مسكنا واحد اهو له مديح في حزب الله
يتهموا اصحابي بيا مش انا بيهم
واضر لي ستة سبعة اكون في وسطيهم
ع بال ما خلص الكلام ده النصر كان مضمون
القلب فرحان ولكن اتعبه منفاه
وهده بعده عن اللي عاش بيستناه
ما فضلش غير انحني حبا واقول الله
الله افردني عنهم وجمعهم
لكي اراهم على بعد واسمعهم
قد فاز فوزا عظيما من قضى معهم
لما تشوف الشهيد تبقى السلامة خجل
وتبقى عايز تقول له يا أخى آسف
طب قول لى بس اعمل ايه، لو يعنى فيها عمل
اللقمة دى لك نصيب فيها باشيلهولك
واشيل نصيبك من القاعدة وكاسات الشاى
لكن نصيبك فى أنفاسى أشيله إزاى
وازاى أشيللك نصيبك من فرحنا الجاى
ساعات ألاقينى باطلب خط محمولك
بعمل فى نفسى كده ليه، لسه مش عارف
وروح على القهوة أسأل، هو جه وسأل
من قال لك الموت طبيعى يبقى مش شايف
الموت ده شىء مش طبيعى الموت ده أصله خلل
الأصل فينا الخلود وهييجى يوم نلقاه
ما تحسبوش الشهيد اداكوا بس حياة
ما موتوش هو وحده اللى برصاصة رماه
ده طخ ابنه اللى لسه ما اتولدش معاه
وطخ أولاد ولاده لآخر الأيام
موت معاه بشرية كاملة محتملة
عدوا بقى فيها كام شاعر وكام رسام
وكام طبيب عبقرى بين الأطبة إمام
وفيلسوف له على حكم الليالى كلام
وبنت نظرتها تشفى القلب من داؤه
فى شعب كامل رحل ما عرفش أسماؤه
في جسم كل شهيد فيه مصر مكتملة
فخلوا مصر اللى فاضلة تعيش كما شاؤوا
---------
عرفتوا بقى قصدي؟
طب انقلوا مبارك بقى مستشفى طره حرام عليكم يعني.. وابتدوا التحقيق معاه، انتوا سايبينه ليه؟
ما يطلع الصبح إلا وصحبتك سببه
يا مخلص الأرض من وحشتها فى الأكوان
يا حجة الشمس تفضل طالعة ساعة كمان
مستأذنة وهى مش عادتها الاستئذان
متونسة بالميدان وبعشرته ونسبه
يا شعب يا مصلي قدام العساكر صف
يجري الجريح من ورا لقدام
لا خاف ولا خف
تدوس عليه العربية تحوله لميت الف
يا للعجب يقتلوه ويتوقعوا هربه
يا للعجب يقتلوه ويتوقعوا غيابه
اللي اتقتل لسه واقف هو واصحابه
ما بهدل الامن غير من ماتوا واتصابوا
والصبح ما نور الا اما الشموس غربوا
اضرب عليا انا مش جاري يا قناص
من امتى خوفنا يابن الكلب ضرب رصاص
كل اللي شاف الشهيد بقى تاره تاره الخاص
الدم صاحي وعنيد ولا تقبلوش تربه
يا شعب ياللي دفع تمن الشوارع دم
احفظ اسامي اللي ماتوا في الشوارع صم
الشارع اللي اصطفى وقصر الامارة لم
ملوك قليلة الرباية ركبوا واتركبوا
شعب بغزالة اتخنق قلب التاريخ في يومين
لابس عباية جحا وهو صلاح الدين
بيكرم الانبيا ويهزأ السلاطين
والفجر خيله وحبات الرمال عربه
يا شعب مصر اكم فرعون وفرعونة
ضربتهم ضرب سجادة في بلكونة
ضرب الملوك تربية صالحة ومضمونة
ما يبقوا بني ادمين الا اذا اضربوا
ضرب الملوك مصلحة
ضرب الملوك تأديب
محلى المماليك وهي بتجري في السراديب
ولولا ضرب شجرة الدر بالقباقيب
مابين اغا وباش اغا كان التتار غلبوا
بعدين مبارك سادات فاروق ماحدش دام
هو احنا شعب كده ما بيعيشلناش حكام
عقبال جيرانا وحبايبنا كمان يا سلام
لو كل من له رئيس نصحى نلاقيه قلبه
يا مصر لسه ولسه الثورة بلة ريق
ما ينتهيلك طريق الا ويبدا طريق
يا شعب مصر تعالى نتفق يا شقيق
رج الملك قبل ما تنعم عليه بلقبه
رجه كده شوفه ان كان الملك شغال
واسأل عليه المكوجي واسأل عليه البقال
واهم حاجة في صفاته انه يكون يتشال
متربي عال لما يمشي يلتزم ادبه
بتكون في احسن حالاتك وانت مش محكوم
بتبقى رايق ولا ظالم ولا مظلوم
بعدين ده ايه الغبي ده اللي يهددك بالشوم
يا مخلي الف احتلال ينزل على ركبه
يا شعب انت اللي كارم كل من حكمك
الدولة دي عارفة تحكم بس من كرمك
كشر لها وهي حتجيلك تبوس قدمك
مافيش حاجة اسمها مليون راجل اتغصبوا
سايق عليك النبي ما تقول كفاية يا شيخ
الملحمة لما تخلص يبدأ التاريخ
وبكرة جاية حروب فيها بكا وصريخ
وبكرة نصرك يخض الشمس من لهبه
سايق عليك النبي ما تقول كفاية كده
من النهاردة انتصاراتك حتبقى كده
يا شعب مصر اللي رجالته وبناته كده
حلال عليه لبن العصفورة لو طلبه
سايق عليك النبي ما تقول كده كفاية
إفرح وكمل وما تقولشى كده كفاية
الثورة دى بداية زى الهجرة والميلاد
الثورة دى بسملة كمل بقى الآية
مع كل مرة قراية حسنها يزداد
والآية تجرى تسلم أختها الراية
من غير نهاية وحتى الوقف مش معتاد
وبكرة أيامنا تبقى حكاية ورواية
عن ناس يباتوا حفايا يصبحوا أسياد
خمسة وعشرين يناير يا شباب حصل ايه
لو قلنا يعنى على الساعة تلاتة الفجر
فى حد فينا طِوِل أو جد حاجة عليه
أو جاب سلاح أو ملايكة بشروه بالنصر
كان اختلف فينا إيه عن أى يوم قبليه
نمنا غلابة، صحينا احنا ولاة الأمر
كان عرش مصر ف أُوَضْنا واحنا ناسيينه
راميين هدومنا على شماله وعلى يمينه
طردنا عنه الحرامى غصب عن عينه
ونزلنا ع الميادين بإدينا شايلينه
بقوا الملوك فى الشوارع والعبيد فى القصر
وف يوم وليلة اكتشفنا ان احنا والنبى مصر
ومصر مش حد تانى غيرنا يعنى يا بيه
وكل واحد سأل طب كنا ساكتين ليه
وشعب مين اللى كانوا الزُّطِّ حاكمينه
بدولة شومة ومختومة بختم النسر
وكل واحد قرا اللى كان على جبينه
رفع بدمه يمينه هْدية وهداية
لو كانت الأنبيا ع المية مَشَّاية
لاجلك يا مصر مشينا باسمين ع الجمر
يا مصر وافتكرى أصل الدنيا نسايه
الملك ده حقنا ومفيش فراعنة جداد
إفرح وكمل وما تقولشى كده كفاية
الثورة ده بداية زى الهجرة والميلاد
مش بس مصر اتغيرت من وقفة الميدان
فيه مساحة ضلمة نورت فى طبيعة الإنسان
فيه حاجة ف طبيعة البشر زى السمع زى البصر
زى اكتشاف القدرة ع الطيران
فيه حاجة كت ضايعة وبانت
خلت الأمة استعانت
عالشقا بالله فهانت
هذه الدنيا على الفتيان
ارقينا وارقيهم يا عم الشيخ
فى حاجة خلت يشمك التاريخ
ينزل عن الوجه الجميل فيبان
والخلق كانوا مدركين
لكنهم مش كلهم متأكدين
لحظة ما شافوا بعضهم جوة المظاهرة
اصبحت واضحة وظاهرة نعمة الرحمن على المستضعفين
وصلت رسالة ربهم من كل زهرة كل زفرة
كل نفرة كل زحمة في كل حارة او خناقة في الاشارة
كل كلمة حق
او ضحكة ولد او بنت
كانت دعوة مستورة الى العصيان
فى حاجة أصلا فى الطبيعة تدعو للثورة على السلطان
شوف الشجر رغم الحجر طارح ثمر زى الخبر وبتعلنه الأغصان
شوف الهوا حب اللِّوا فبقوا سوا هبَّة لها ألوان
شوف القمر يفضل قمر تحت الحصار
رغم اقتناعه إنه هايموت قبل ما يشوف النهار
تحصل مفاجأة تطلع الشمس ف حضوره
يختلط نورها بنوره
تشبهه ما تقولش واحدة من ولاده
هى معناه وامتداده
واخدة منه الموهبة والبغددة
وعشان كده
لغة يقولوا عنهم القمران
شوف النجوم ما لهاش نظام حاكم
تكسر كلمة العالم
يبص ويبقى مش فاهم
وهو شايفها ماشية بكيفها فى الأكوان
يا سما هويتك
انت بيتي وقلبي بيتك
تشبهيني واشبهك بالمعنيين
الشبهة يعني والشبه يام النجوم الفلتانين
وباموت انا في فلتانك الامني
لإنه عبقري وفني
وفيه منطق من الموجود في كل جنان
وبرضه باحبه بس كده عشان فلتان
فيه حاجة غامضة بتكتشف
هى اللى بتخلى الحصان اللى اتحدف
من بطن أمه ولسه مش عارف يقف
يقزح ويجرى ويعرف انه حصان
فيه حاجة بتخلى السجين المستكين فى كل حين اشطر من السجان
فيه حاجة بتخلى القوى عيِّل قوى وبيتلوى من نكتة الغلبان
فيه حاجة بتخلى عيون الخلق ما تنامشى
وبتخلى المدن تمشى
وتخرج زى كلمة حق من غير قصد مابترجعش لو طلعت
وم الأسمنت والأسفلت يفلت فلت نهر مقدس الجريان
فليحذر السلطانُ زحف الغابة
والورد إذ يستأنس الدبابة
داب الحديد من لمسته دوبان
فيه حاجة خلت خطة الموت ترتبك
عابس وعايز يشتبك
خاف من ضحية جاية ناوية تاخده بالأحضان
وإذا بهذا الفجر يا اخواننا اتولد بيننا
وكنا احنا بنستنى وهو كمان بيستنا
واتاريه بس عايز إذن منا وهو فى يميننا
فلما أذنا خد منا وعطانا أمان
يا فجر يا سابق صياح الديك
يا شعب يا مشبك إيديك فى إديك
وكأنها خط الثلث فى آية القرآن
إديت لآدم معنى تانى زاد على كل المعانى
وربنا قال هو ده قصدى وده غرضى
كده بالظبط لا زيادة ولا نقصان
يا مصر وانت لسه في البدايات
بكرة اللي جاي اعظم م اللي فات
يا مصر قومي وبصي في المرايات
كان كل واحد في الميدان جايب معاه مراية
رافعها للسما
اشكال والوان كلها مرفوعة في العالي
صبحت مراية واحدة بتلالي
وبقت يا مصر الارض صورة للسما
لعبة بازل متكاسرة الاجزاء
لما البشر يتجمعوا تبان السما ع الارض
واما البشر يتفرقوا تلقي السما بتنفض
تبقى سما متوزعة جوه الشقق
وتمر ليلة من التوجس والقلق
وننام ونصحى تاني يوم
ترجع سما لما البشر يتجمعوا مع بعض
يا مصر حقك تملكي بدل السما اتنين
واحدة هدية وواحدة تانية صانعها مصريين
يا مصر لو دققتي حتلاقي البراق
بيجر عربية فواكه في الحواري الضيقة
شوفي الصحابة والحواريين على القهوة
بيتناقشوا بحرارة
والسما على مد ايدهم مستشارة طيعة ورقيقة
شوفي المساجد كت تشاور ع السما
صبحت تشاور ع البشر وتقول اهما يا سما
بصي وشوفي
وابقي قول لكل صوفي
وهو طالع لك طريق المعرفة اتغير
يوصل م السما للارض
لا يتوه ولا يحير
وشوفي الخلق وسط الموت تقابله وهي بتهزر
فيتلخبط ويتبعتر
وسر الدنيا يتفسر
ونعدلها ونوزنها
باقول يا مصر قومي وبصي في المرايات
في سما الولاد هم اللي عاملينها
بيشوفوا بعض في وش بعض
كأن انا انت وهو انا واحنا الكل
احنا ف مرايا بعض بنصبح صباح الفل
افدي بروحي كل واحد في المرايا طل
افدي الشهيد اللي بيتبسم
الفجر توب على قده متكسم
والله اعلم مين من الاتنين في صاحبه حل
افدي اللي سهران ع الخيم في الطل
وافدي اللي واقف يشتغل في الضل
وافدي اللي شايل للعناد اشارات
يهدي التاريخ صوب الميدان لو ضل
وافدي اللي واقف هاري نفسه كلام
وافدي اللي يتريق على الحكام
وافدي اللي رايح جاي ما بيتعبش
وافدي اللي جنبه حط فرشة ونام
وافدي طويل البال ما يتعصبش
وافدي المصاب اللي شوية وطاب
وافدي المصاب بهوى التراب وما طابش
وافدي اللي صاب البلطجي وما اتصابش
وافدي المقام العالي في التحرير
دولة بلا امرا وشعب امير
اعلم يا هذا الجيل ان الوطن بشره
لو مصر مالهاش نيل كان شعبها حفره
مش وصلوا بحرين وبنوا جبال اتنين
وف ظرف أسبوعين على خوفهم انتصروا
والخوف ده شىء معروف بيفرعن الحلوف
رزق الملوك الخوف من غيره يندثروا
رزق الملوك بقشيش من خوفنا شعب وجيش
ومفيش ملك بيعيش لو شعبك افتكره
ناس لسة فى العشرين نازلين على الميادين
بيهزأوا السلاطين من غير ما يعتذروا
يا شعب يا مجنون
علم شعوب الكون
اللي اخترع فرعون
قادر يجيب خبره
يا سادة الايام يا رافعين الهام
من بكرة بر الشام نادر لكم شجره
نادرها تين وزتون فى القدس ينتظرون
جيش ع الغلابة حنون وعلى العدا ضرره
دافعين تمنها دما
يا امة الكرما
شعبك كأنه سما
والدنيا دي مطره
يا مصر حمد الله ع السلامة
مطر ونازل بدون غمامة
مطر يا سيدي نازل وطالع
كأنه مدنا والارض جامع
والارض دي مظاهرة في الشوارع
تسقي السما جدعنة وشهامة
مطر وطالع يقول لربه
الامهات اللي في مصر ربوا
ويا بنات مصر قوموا حبوا
اجمل ما في الراجل الكرامة
مطر وطالع ع الفجر يدن
طلعت بنات مصر حلوة جدا
في الحرب والدنيا نار ومعدن
طايرة وشايلة السما اليمامة
خمسة وعشرين من شهر واحد
الفين وعشرة وزادوا واحد
كنا ملايين وكنا واحد
حددنا موعد يوم القيامة
قلت لصحابى انزلوا وانا بعيد عنهم
وقلت من بات فى بيته سلم اصحابه
وانا اللى غبت وهمه اللى هنا اتصابوا
نزلوا الشباب الميدان وانا بعيد عنهم
كسروا الشباب البيبان وانا بعيد عنهم
خرج الشباب م البيوت وأنا بعيد عنهم
دخل الشباب فى الموت وانا بعيد عنهم
يا موتى قوم امتحنى أعتذر منهم
اشمعنى يا كلب تستثنينى من بينهم
يوم الخطر قبلها ما كنت اجبنهم
يا موت تعالى اعوض غربتى ومنفاى
يا موت تعالى أحاسبك ع القديم والجاى
يا موت تعالى ونتقاسمك أنا وعداى
ولا تطال عزوتى وانا بعيد عنهم
بس الحكومة قالت لي انت مش مصري
انت فلسطيني يعني اجنبي حصري
طيب يا بيه يعني بلاد الشام بلاد اروام؟
اعيد كلام قلته ميت مرة ده يبقى كلام؟
مش ام هاشم بلدها السيدة زينب؟
مش الحسين في الحسين ولا لازم له جواز؟
ولا حيختار مابين مصر وعراق وحجاز؟
والمرسي والشاطبي جم م الاندلس الاتنين
من مرسية وشاطبة لو كانوا مش باينين
في اسكندرية اجانب ولا مصريين
اسماءنا هي بلادنا يا حسن يا حسين
اسماءنا زي العلم زي اللغة والدين
اسماءنا هي الوطن له دمنا لو عاز
واسمي خلالي في الارض العريضة ملاذ
وعزوة في كل دار تنطق حروفه تمام
وف كل دار ليا صحبة وليا اهل عزاز
كان نفسي يا مصر يتأكد كلامي بدم
والدم يا مصر برضه ع المحبة قليل
قالوا لي بتحب مصر قلت مش عارف
هو الهوى يبقى جارف لما اقول جارف؟
واقعد أألف أغاني عن جمال النيل
وحكاية الشرب ميت مرة وهرم ونخيل
ولا الهوى الحق هو اللي يهد الحيل
واولى شيء في الهوى يا مصر شيل الهم
ياللي تحب النبي ايدك معانا وشيل
الحب اتقل من اسمه واسمه نفسه تقيل
وفي التباس المحبة ع المحبة دليل
ما تعرف اللي اصابك عشق ولا تعب
والشوق بيقلب مع الحرمان ساعات بغضب
والصبر بس اما يخلص يبقى صبر جميل
يا اهل مصر
وانا اهلي في مصر عرب
اهلي عزازمة وعشايرة الخال وخال الخال
ما بين شراقوة وصعايدة بدو في الحالتين
قولوا لي دولا عرب او دولا مصريين
او دولا الاتنين سوا في الحل والترحال
بعدين انا اسمي تميم وحاروح من اسمي فين؟
مش فيه في مصر قريش؟
قالوا البراغتة قريش
من بيت عدي بن مرة والنسب عمري
حطوا الحدود والعشيرة واحدة في البلدين
وسلك شائك فرق من قالوا ليه او ليش
وكنت اطنش لو ان البحث ده نظري
لكن ده فيه دم سال
واسأل رفح وعريش
واسأل ملوك ترهن الاقصى برغيف العيش
واسأل حدود تحرم المسلم من الحرمين
واسأل في غزة الوف في الحرب متحاصرين
ويخيروني العيال في حب اب وام
انا ابن رضوى ومريد
اسمي تميم من تم
وكل دار للعرب لي فيها خال او عم
واللي يقول غير كده بيني وبينه الدم
مين اللي يثبت ومين يجري يلم الديل
شد الكلام عمته واختار اعز جواد
ورد قاصد بلاده والهوى رداد
وابن الاصول اللي ما يبدل ببلاد ببلاد
والغربة مرة ولو كانت هدومها جداد
في مصر بعد السفر وجد الكلام معناه
واهل مصر صحابي واولياء الله
يا اوليا لسه في العشرين وفي التلاتين
يستنجدوا المؤمنين في المأزمة بيكم
يا فارجين الكرب بين العرب عناوين
منعني عنهم مطار القاهرة واسمي
واني لو جيت يقولوا اجنبي مسكناه
مسكنا واحد اهو له مديح في حزب الله
يتهموا اصحابي بيا مش انا بيهم
واضر لي ستة سبعة اكون في وسطيهم
ع بال ما خلص الكلام ده النصر كان مضمون
القلب فرحان ولكن اتعبه منفاه
وهده بعده عن اللي عاش بيستناه
ما فضلش غير انحني حبا واقول الله
الله افردني عنهم وجمعهم
لكي اراهم على بعد واسمعهم
قد فاز فوزا عظيما من قضى معهم
لما تشوف الشهيد تبقى السلامة خجل
وتبقى عايز تقول له يا أخى آسف
طب قول لى بس اعمل ايه، لو يعنى فيها عمل
اللقمة دى لك نصيب فيها باشيلهولك
واشيل نصيبك من القاعدة وكاسات الشاى
لكن نصيبك فى أنفاسى أشيله إزاى
وازاى أشيللك نصيبك من فرحنا الجاى
ساعات ألاقينى باطلب خط محمولك
بعمل فى نفسى كده ليه، لسه مش عارف
وروح على القهوة أسأل، هو جه وسأل
من قال لك الموت طبيعى يبقى مش شايف
الموت ده شىء مش طبيعى الموت ده أصله خلل
الأصل فينا الخلود وهييجى يوم نلقاه
ما تحسبوش الشهيد اداكوا بس حياة
ما موتوش هو وحده اللى برصاصة رماه
ده طخ ابنه اللى لسه ما اتولدش معاه
وطخ أولاد ولاده لآخر الأيام
موت معاه بشرية كاملة محتملة
عدوا بقى فيها كام شاعر وكام رسام
وكام طبيب عبقرى بين الأطبة إمام
وفيلسوف له على حكم الليالى كلام
وبنت نظرتها تشفى القلب من داؤه
فى شعب كامل رحل ما عرفش أسماؤه
في جسم كل شهيد فيه مصر مكتملة
فخلوا مصر اللى فاضلة تعيش كما شاؤوا
---------
عرفتوا بقى قصدي؟
طب انقلوا مبارك بقى مستشفى طره حرام عليكم يعني.. وابتدوا التحقيق معاه، انتوا سايبينه ليه؟
28 comments:
إبتديت أقلق و انا مش باقلق بسهولة .. 3 شهور حايعدوا و إحنا مش بنتكلم و مش مركزين غير فى المحاكمات و مبارك و الفلوس اللى إتنهبت و الإخوان و السلفيين و كاميليا و الفتنة والبلطجية و تفاصيل الحياة اليومية .. و سايبين تأسيس الدولة الجديدة !!!
مش شايف اى نشاط سياسى
مش شايف ناس بتحضر لإنتخابات مجلس الشعب
مش شايف ناس بتتكلم على مواصفات الدولة الجديدة
مؤتمر يتيم محدش سمع عنه عن كيفية ضمان عدم تحول جهاز المن الوطنى لأمن دولة جديد رغم إن فى ظباط من اللى عذبوا خلق ربنا لسه شغالين فى الجهاز الجديد
الوقت بيعدى
و الظروف حاتبقى أصعب و الناس فى الشارع قلقانة و خايفة
و مافيش حاجة بتحصل علشان المستقبل
هى مصر حاتأسس نفسها لوحدها ؟
إيه بقى ؟
ربنا يكرمك يت نواره لما بقرا كلامك بحس ان المصريين الطيبين لسه موجودين
مش لازم كل حاجه نوصلها احنا مش خهنكسب من سجن مبارك في طره لالا التشفي احنا عايزين حقوقنا و هو كده كده ميت و يتسجن في المستشفى مش مشكله. خليكي مصرية جدعه ده راجل عضمه قديمه
كل كلامك صح ، أنا عمري ما حسيت إن حد قال كل اللي عايز أقوله ، و أول ما سمعتها مابقيتش عارف أبوست إيه ولا إيه منها
جميلة جدا قصيدة تميم وتستاهل انك يا نوارة تقفي عندها كتير وتنشريها كلها ...بس مش شايفة انك بتعدي مواضيع كتير مهمة تستاهل انك تعلقي عليها ...زي خروج الظباط المتهمين بقتل المتظاهرين علي ذمة التحقيق ..مش شايفة أد ايه ده بيشككنا ف اللي بيحصل وبيزرع مرارة في نفوس اسر الشهداء ؟؟؟
to ( the pirate )
قياسا علي مبدأك ف التسامح او تكبير الدماغ من ناحية مبارك يبقي المساواة ف الظلم عدل وبكدة لازم برضه نسامح الشريف وعزمي وسرور لانهم برضة عضمة كبيرة ونسجن بس الفاسدين اللي تحت الاربعين عشان دول ممكن يستحملوا السجن والبهدلة ...العدل لازم ياخد مجراه ويخترق صدور الفاسد الكبير عشان يكون عبرة للجميع
وبعدين الناس ما تفهمش انا باقول ايه؟ ولا حاسة بايه؟ ويردوا على حاجة تانية خالص، اقوم اتعصب قوي، واتنرفز، واشتمهم جامد من الغيظ، هم ليه بقى مش حاسين بيا؟
واحس كده بقى اني لوحدي، واني مهما ارغي ما حدش فاهم مالي، وافضل كده اعيط، واتلكك عشان اعيط، واقعد مع الناس وابقى حاسة اني لوحدي برضه، وفيه اود كده لا انا عارفة افتحها ولا حد عارف يقول لي ايه بقى؟
معلش نوارة أعذرينا ،أحيانا تذهب
. بنا الأوهام بعيدا .ونعدك انها لن تتكرر .لكن تأكدي انها كانت من فرط بحنا لك ليس إلا
فعلا القصيدة دي جميييييلة اوي .. وانا اصلا بحب كل اشعار تميم
بس خلي بالك في حتة هو بيقول فيها ومين
وشعب مين اللي كانوا الظبط حاكمينه
اللي هما الظباط يعني :)
وشكرا بجد انك كتبتيها .. هي طويلة اوي فعلا بس ما بزهقش من سماعها
لازم يتحقق معاه ويدان ، لو احنا عايزين فلوسنا بجد/ والصراحه مش داخل على عياه والكلام ده والله أعلم، ما كان زى الجن وبيقولوا محدش بيلاحقه فى المشى ودماغه درج ،وايه حكاية نفسيته تعباته دى والدكتور النفسانى اللى بعتينه له ، ده كلااااااااااا!!!!
تميم البرغوتى شاعر كبير جدا, فى قمة النضج والتدفق والقصيدة من اروع اعمالة
الشماتة من شيم..... عموما بكرة هتعرفي قيمة حسني مبارك الا بعدة سنعيش في الفوضي الخلاقة كما رسمها الامريكان وستري يانوارة ما سيصبنا في مصر من فوضي فالامريكان لم يخططوا لما يسمي بالثورات العربية لسواد عيونا ومش بعيد تكوني انت ممن سيحترقون بنار الفوضي الخلاقة عموما كل سنة وحضرتك طيب يامبارك يا حبيب الملايين ولن انسي ابدا كلمة السادات في مجلس الشعب عنك ( حسني مبارك يعرفوة الاسرائيليين جدا لان الدرس كان موجع ) وذلك بعد حرب اكتوبر عشت يابطل وتاكد ان غالبية المصريين يحبونك ويجلونك واحنا عارفيين ياريس ان كل مايقال عن الفساد في حكمك عار تماما من الصحة وملفق وكلوا في الكلاتش بنحبك ومننساش ابدا افضالك لسبب بسيط اننا احنا المصريين الشرفاء لكن غيرنا دول هما حثالة المصريين وانت عارف كل شعب لازم يكون فية شوية حمضانيين واختتم الله اسال ان يحميك وينصرك يا حبيب الملايين
الله عليك يانواره قريت بفخر الابيات دي
والخوف ده شىء معروف بيفرعن الحلوف
رزق الملوك الخوف من غيره يندثروا
رزق الملوك بقشيش من خوفنا شعب وجيش
ومفيش ملك بيعيش لو شعبك افتكره
ناس لسة فى العشرين نازلين على الميادين
بيهزأوا السلاطين من غير ما يعتذروا
يا شعب يا مجنون
علم شعوب الكون
اللي اخترع فرعون
قادر يجيب خبره
يا سادة الايام يا رافعين الهام
من بكرة بر الشام نادر لكم شجره
نادرها تين وزتون فى القدس ينتظرون
جيش ع الغلابة حنون وعلى العدا ضرره
دافعين تمنها دما
يا امة الكرما
شعبك كأنه سما
والدنيا دي مطره
وبكيت والله بدموعي لما وصلت للابيات دي
لت لصحابى انزلوا وانا بعيد عنهم
وقلت من بات فى بيته سلم اصحابه
وانا اللى غبت وهمه اللى هنا اتصابوا
نزلوا الشباب الميدان وانا بعيد عنهم
كسروا الشباب البيبان وانا بعيد عنهم
خرج الشباب م البيوت وأنا بعيد عنهم
دخل الشباب فى الموت وانا بعيد عنهم
يا موتى قوم امتحنى أعتذر منهم
اشمعنى يا كلب تستثنينى من بينهم
يوم الخطر قبلها ما كنت اجبنهم
يا موت تعالى اعوض غربتى ومنفاى
يا موت تعالى أحاسبك ع القديم والجاى
يا موت تعالى ونتقاسمك أنا وعداى
ولا تطال عزوتى وانا بعيد عنهم
وجعتي قلبي بجد يا نواره فرحتيني وبكتيني في نفس الوقت لكم احبك يا مصر
نواره .. شفتي مين قال اللي انتي حاسه فيه وشفتي مين عبر عن مشاعرك تميم .. يا نواره مين بدو يحبكم ويخاف عليكم قدنا في فلسطين مين بدو يفرح الكم قدنا مين بدو يبكي خوف عليكي لما غبتي بالثوره مع اني بعرف الشهاده امنيه عندك الا انا اختك وما بتعرفيني لكن الدم يا نواره دمكم دمنا وربنا بيعلم شهادئكم بنعرفهم واحد واحد حافرينهم ومخلدينهم متلكم واكتر ومين غير مصر رح تضم الفلسطينيين وهم يتصالحوا مين الا مصر .. كل يوم بعد الثوره حمدلله على السلامه يا مصر الله يبارك مصر وشعب مصر وجيش مصر وسام على صدورنا والله يحمي نواره اختي حبيبتي
نانا - سوزان مبارك كانت تعبانه شويه فى مستشفى شرم الشيخ فدخلت كشفت - بعد الكشف جه الدكتور وهمس فى ودن مبارك - مبارك صرخ وطلب المحامى بتاعه وطلب منه يرفع قضيه انكار نسب لولاده علاء وجمال - ياترى الدكتور همس فى ودانه وقاله ايه ؟؟؟؟؟؟؟ - هاااا ؟؟؟؟ ايه ؟؟؟؟؟ قاله ان سوزان عذراء
الي ( حسني مبارك الا ظلمتوه
لو افترضنا جدلا ان حسني مبارك راجل نضيف جدا وبيستحم كل يوم ومش فاسد وكمان مصر ف عهده عاشت ازهي عصور الحرية والترف والبغددة ..بس زي ما تقول كدة فيه كام مليون من الشعب ولانهم مش وش نعمة مكنوش حاسين بالنعيم بتاع مبارك ...ما علينا وفجأتنمثلا مات مبارك ..كنا ساعتها هنعمل ايه ؟؟ كان حد هيمسك مكانه طبعا ولَّا الحزب شايل كام نسخة منه وكنا هنعملله استنساخ زي النعجة دوللي ؟؟؟ ...يا اخي اعتبره كلب وراح
الجبهة الوطنية لإدارة المرحلة الانتقالية: ممثلين من كافة القوى والاحزاب والتيارات والنقابات والاتحادات والتيارات والجماعات يشكلون لجنة تنفيذية للجبهة تنتخب أربعة اعضاء لمجلس رئاسي مدني وتتفاوض مع المجلس العسكري لاختيار ممثل منه يكمل خماسية المجلس الرئاسي ثم اختيار حكومة كفاءات وطنية مستقلة برئاسة شخصية مستقلة لا تتبع أي تيار أو جماعة أو حزب ويجمع عليها المصريون (باغلبية اصوات اعضاء اللجنة التنفيذية بعد ترشيح أكثر من شخصية وطنية مستقلة).. برنامج عمل المجلس الرئاسي واللجنة التنفيذية والحكومة الانتقالية هو أهداف الثورة التي اجمع عليها المصريون وخلق مناخ سياسي مناسب للانتقال للمرحلة الديمقراطية وتنظيم انتخابات النقابات المهنية والمحلية والمحافظين ووضع قانون للأحزاب وانتخابات الرئاسة يتضمن تقييد سلطات الرئيس ولمجلس الشعب يتضمن سلطة المجلس في مساءلة رئيس الجمهورية وعزله وفقا لشروط معينة.. إذا رأى المجلس الرئاسي أو الحكومة الانتقالية وضع قرار أو قانون معين لتسيير أمور البلاد في المرحلة الانتقالية يطرحه على اللجنة التفيذية ويتم مناقشته والتصويت عليه بمشاركة أعضاء المجلس والحكومة الانتقالية واللجنة التنفيذية...وإذا أصدرت اللجنة التنفيذية قرارا أو قانونا انتقاليا بأغلبية الثلثين مثلا يتم رفعه للمجلس الرئاسي والحكومة الانتقالية للعمل بمقتضاه ونشره في الجريدة الرسمية بعد توقيع رئيس المجلس ورئيس الحكومة ورئيس اللجنة التنفيذية عليه. توجد خطوات للتصعيد مع المجلس العسكري في حال رفضه للاقتراح.. لا تتضمن خطوات التصعيد اي صدامات مسلحة..اساس الجبهة أن يكون الشارع هو من يسير دفة الامور في البلاد اثناء المرحلة الانتقالية وتكوين كيان للثورة نابع من قلب الشارع ويمثله تمثيلا حقيقيا.
يمكن بدء مشروع الجبهة في كل قرية وحي ثم على مستوى المركز أو قسم الشرطة ثم المحافظة ثم على مستوى العاصمة ومصر كلها.. يتم الاستعانة اولا بالتكتلات الفعلية الموجودة على الارض وضم المستقلين وتكوين روابط لاصحاب المطالب لتمثيلهم في الجبهة.
نبطل تهييس ونشوف شغلنا بقى
ولا ايه يا نوارة؟
Taima
القلوب عند بعضها
أنا فاكره نفسى من وأنا طفله عمرى 8 سنين وأنا أمى بتحفظنى قضية فلسطين ،وبنتى دلوقتى عمرها تلت سنين ونص ولقيتها النهارده الصبح وأنا بتابع مع أبوها أخبار المصالحه بتقولى إسرائيل وحشه زى حسنى مبارك وفلسطين حلوه زى مصر
مع العلم إن ولا أنا ولا أهلى ولا جوزى لينا أى انتماءات سياسيه أو دينيه
بس فلسطين فى دمنا رضعناها من أمهاتنا وبنرضعها لولادنا
ممكن يا نواره رجاء
عايزه أفهم حكاية كامليا ، حتى ع المتغطى
النهارده المصرى اليوم نشرت إن زوجها مختفى زى ما أنتى كنت قايله
يعنى معلوماتك صح ،
بس فعلا عايزه أفهم ، أنتى ليكى مصداقيه عند ناس كتير قولى اللى تعرفيه
هى فين ؟ والقصه اللى احنا فيها دى وهتضيع البلد سببها مين ؟، ولما هى ما أسلمتش زى ما دكتور العوا اللى أنا بحترمه جدا قال، ليه الكنيسه ما ؟بتخرجهاش ونخلص،
أرجوكى عايزه حواجبى تقع، مش أنتى كنتى قايله الناس لما هتعرف الحقيقه حواجبها هتقع ، ههههههه
يله بأه قولى واحنا مش هنقول لحد اللى هتقوليه
ايييييييييييييييييييييييه دنيا
فاكرين يا جماعة 4 مايو
يوم ان ولدت مصر من جديد
مثثثثثثثثثثثثثثثثم
يا ترى انت فين يا اسامة يا سرايا صفرا
إلي الزهراء اللي عايزة تعرف قصة كاميليا
القصة بتفاصيلها علي موقع المرصد الأسلامي
و نوارة الله يجازيها هي اللي عرفتني علي الموقع ده
و بعدين زي عادتها خافت و دفنت راسها في الرمل بعد ما ردحت لكل منظمات حموم الأنسان اللي ظهر لها كذبها و نفاقها
القصد أن نوارة في الاخر خافت و جابت ورا علشان خاطر الوحدة الوطنية و الأستقرار و سلامة النسيج الوطني
و لا عزاء للمظلومين
و عموماً العدل ما يتجزأش
و الطرمخة دي كانت بتاع حسني و ثبت أنها ما بتجيبش خير
و بتعمل اللي بسموه ده أحتقان
القصد أطلعي علي الموضوع
و أنصري العدل و الحرية
قصيدة ملهاش حل حلوة اوووووووووووى مستية حلقتك بكرة على التحرير بفارغ الصبر
I think it is a very good poem and very well describes the feeling of others in foreign countries that have friends or family down in the revolution that are risking their lives.
To summarize,therefore,I think that it is a exempllary poem as it portrays the feeling of longing that is in the heart of many a egyptian that is living in another country.
طبيعى جدا اننا نكون مندهشين من كل هذا الجمال
تمييم استطاع ان يعبر بعبقرية الشعر عن الوجدان الجماعى للشعب المصرى
وانتى يانوارة وبطبيعة الحال جزة من هذا الوجدان الجماعى
القصيدة جميلة جدا بس فيها ألفاظ نابيةوكمان بيشتم الموت
أنا مش عارف ازاي تميم بيقول إنه ما كانش معانا في الميدان.. طب ازاي عرف كل الحاجات دي!!
شوفوا الحتة دي:
باقول يا مصر قومي وبصي في المرايات
في سما الولاد هم اللي عاملينها
بيشوفوا بعض في وش بعض
كأن انا انت وهو انا واحنا الكل
احنا ف مرايا بعض بنصبح صباح الفل
طب بذمتكم جميعًا مش كنا في الميدان كل ما نتكلم في موضوع أو مشكلة نلاقي كلامنا بيكمل كلام بعضنا؟
يعني بالضبط كأن أنا إنت وهو انا واحنا الكل..!
تيجي تاخد رأي واحد من البايتين في الميدان في أي حاجة تلاقيه بيقول رأيك.. تيجي تقول رأيك تلاقيه موافقك
يا بن الذينا يا تميم عرفت اللي حصل ده ازاي..
مش بس ده.. كل القصيدة
اول مرة اقرى القصيدة الرائعة دى..واللى مهد لروعتها..المذيعة اللى قدمتها ..توهتنى من بيت لبيت وزنقة زنقة..وعملت زى العمدة اللى كانت تايه فى مولد الليلة الكبيرة لحد ما القصيدة نورتنى
والخوف ده شىء معروف .....بيفرعن الحلوف
فعلا حلوف كبير اوى اللى مرمى ف شارم .......ربنا يولع فيه و فى اللى زيه
Post a Comment