Monday 23 November 2009

اعتذار رئيس البرلمان الجزائري


نص الخبر اهو، للاسف هو من اليوم الساقع نقلا عن البيض بيضك
بس ح نعمل ايه يعني؟ ادي الله وادي حكمته
والراجل قال انه جاري التحقيق فيما بدر من الجمهور الجزائري في السودان
ولو اني مش رئيسة برلمان، بس انا باعتذر كمان للشعب الجزائري عن السفالات والانحطاطات والوضاعات
وخدوا راسي اهي، وهاتوا راسكوا
كفاية بقى... كفاية، احنا كلنا اتنكدنا في موسم الحجيج والعيد داخل علينا واحنا ربنا وحده العالم بحالنا، كلنا، سواء اللي دخل في الفتنة او اللي ما دخلش فيها، كلنا حالنا كرب
سيبونا نعيد بخير بقى... خلاص. كأن مافيش حاجة حصلت، بسسسسسسسسسسسسسسسسسسسسسسسسس

15 comments:

lastcrazyboys said...

كنـا مستنظـرين رأيك في حلقــة المستشــار مرتضى منصــور مع الغنــدور ..من ســاعة كــده

أنا عن نفسي كــان عاجبني جزء كبير منه ..سيبــك من تصفية الحســابات..واستغــلال الفــرص
ووصلة الدفاع عن "الشاب" عـلاء..و " الشـاب" جمــال

وركزي عالاقتــراحات اللي فيه..ولغة الخطاب مع "الشعب الجزائري"..شكلها جت تعليمات بتغيير لغة الخطــاب ..لأن مسيو "خالد" كان بيأمن عالكــلام ده

سبهللة said...

اللهم لك الحمد والشكر
والل انا لسة داعية انهاردة ان ربنا يصلح ما بينا وبين اخواتنا فى الجزاير
يارب العتذار الصريح دة يكون هو السبب فى قفل الموضوع دة نهائيا

Anonymous Farmer said...

Exactly; things have been blown out of proportion in that respect. It's time to let bygones be bygones and get on with life. These trivial differences are yet another source of backwardness.

سبهللة said...

يارب المولد ينفض وكل واحد يروح لحاله
يارب نفضنا منها السيرة دى
ونلاقى لنا جنازة تانية نشبع فيها لطم

ولد تحت الصفر said...

كل سنة و انتي طيبة

Dr Nemo said...

صح كده يسلم فمك
بسسسسسسسسس
ونقول
العيد فررررررررررررحه
مااااااااااااااااااااء

Anonymous said...

علاء مبارك قال لن نقبل اي اعتذار

ممكن نفكر لو باسوا ادينا :D

موش هيفيد على فكره الاتذار ده

الحرب لسه قائمه في الاعلام

تحياتي

Kalimalhus said...

يا ما أنت طيبة و غلبانة؟؟ .. ده مين ده اللى خلاص و بسسسسسسسسسسسسسس .. و الله لو طولتيها لغاية الحدود الليبية ماهتجيب فايدة.. طب هاذوها الكلام حصل إمبارح و النهاردة مازال العرض مستمرا بحماس و نجاح منكتع النذير ..

همه بيقولوا إيه؟ اللى حضر العفريت يصرفه.. عرفت إنت مين اللى حضر العفريت؟ .. انا ما أعرفش بس هالبت ما إنه مش رئيس البرطمان الجزائرى

wahat_alshohada said...

ربنا يهديهم بقى و يتهدوا و يبعدوا عنا ويسيبونا نعرف نشوف هنعمل ايه فى الايام الطيبة دى اللى سمموهالنا.
بس اليوم الساقع!! ربنا يستر وما يطلعش خبر مضروب..

lastcrazyboys said...

ااادي موجــة العقــل اللي هتستشري في البلــد

واقطع دراعي من "لغلوغه " ان كل ده من تحت راس سيادتك
http://www.almasry-alyoum.com/article2.aspx?ArticleID=234111&IssueID=1597

الراجل ده بتفق معاه في حاجات ..وبنتخلف اكتر
بس بيعجبني انه صوته من دماغه لسة برضه

Sahran said...

لا يا نوارة بصراحة إنتو المرة هادي مزودينها كتير , وطبعا ما بأقصدك ولكن بأقصد الإخوة المصريين اللي نازلين في شتم كل من هو عربي
https://www.blogger.com/comment.g?blogID=7460664169161105435&postID=8649644540514902073

طيب يعني إحنا شو دخلنا

عجبي

Unknown said...

اللى متابع البيت بيتنا مش بيتك
ومنى الشاذلى هايحس بنبرة هدوء حذره
بس للأسف لسه سفالة تامر مستمره من تحت لتحت مش عايز يهمد

Anonymous said...

أنت تستحقي فعلاً تكوني ملكة المدونيين
لكن طبعاً المدونيين العاقلين وليس الغوغاء المتخلفين التافهين

أنا قولتلك قبل كده انت أنتى المدونة الوحيد العاقلة بين جميع المدنيين المصريين
لكن دلوقتي أنت الأعلامية الوحيدة العاقلة
وأدينا شايفين واحد زي إبراهيم عيسى لم يستطيع الصمود ضد التيار
وكتب مقالة نفاق من الدرجة الأولى

وانتي وسط كل ده وقفتى وحدك
أنا نفسى مقدرش أستحمل
وكل ما أحاول أقنع واحد بالعقل والمنطق ألاقي الإعلام عامله غسيل مخ
فيأست وأستسلمت وخدت جنب

أنا دلوقتي ما بأستحملش أبص دقيقة واحدة في وش اللي مايتسمى عمرو أديب
أو أقدر أكمل أسمع مكالمة للمواطن المصري علاء أفندي
مش عارف أنت بتقدري تسمعيهم إزاي
وكمان بتقدري تردي عليهم

ياريت لو عايزه دعائك يستجاب بجد
تدعي قبل الفجر بحرقة على إللي سبب الفتنة دي
وإن شاء الله دعائك هيستجاب خصوصاً أحنا في الأيام الحرام

وربنا يوفقك ويخليكي دائماً نصيرة للحق

مواطن مصري said...

و جاية تصدقي من اليوم الساقع دلوقتي

يعني تصدقي الي يعجبك و الي ميعجبكش متصدقهوش؟

Dr.Safaa said...

تحياتي لك يا نوارة ,

وتقبلي شكري وتقديري لأن مدونتك خففت عني كثيرا حين ظننت أني أنا من جننت لو كان كل هؤلاء عقلاء حتى كدت أن أصدقهم وأكدب نفسي,,

ومعك حق , الأزمة تعبتنا, تعبت قلوبنا الموجوعة أصلا وتعبت عقولنا وفهمنا وانتمائنا لأي شيء جميل , أسأل الله تسليمه وستره وأن تتنزل علينا منه رحمة تخمد نار الفتنة, وعلى من أشعلها وأججها العار والبوار..

يقول الله تعالى :
" يَا أَيُّهَا الَّذِينَ آمَنُوا لَا تَتَّبِعُوا خُطُوَاتِ الشَّيْطَانِ ۚ وَمَنْ يَتَّبِعْ خُطُوَاتِ الشَّيْطَانِ فَإِنَّهُ يَأْمُرُ بِالْفَحْشَاءِ وَالْمُنْكَرِ ۚ وَلَوْلَا فَضْلُ اللَّهِ عَلَيْكُمْ وَرَحْمَتُهُ مَا زَكَىٰ مِنْكُمْ مِنْ أَحَدٍ أَبَدًا وَلَٰكِنَّ اللَّهَ يُزَكِّي مَنْ يَشَاءُ ۗ وَاللَّهُ سَمِيعٌ عَلِيمٌ (21) وَلَا يَأْتَلِ أُولُو الْفَضْلِ مِنْكُمْ وَالسَّعَةِ أَنْ يُؤْتُوا أُولِي الْقُرْبَىٰ وَالْمَسَاكِينَ وَالْمُهَاجِرِينَ فِي سَبِيلِ اللَّهِ ۖ وَلْيَعْفُوا وَلْيَصْفَحُوا ۗ أَلَا تُحِبُّونَ أَنْ يَغْفِرَ اللَّهُ لَكُمْ ۗ وَاللَّهُ غَفُورٌ رَحِيمٌ (22)" سورة النور

----