Sunday, 8 November 2009

انا لازم افصل ما بين الفرجة على الافلام والمدونة



ميدو كتر خيره بعت لي اللنك ده 
وبعد ما قريت اللنك سرحت وابتدى خيالي المريض المشوه يكون صور وافكار 
اصل الخبر بيقول ان السفينة اتحملت بالكامل في مرفأ دمياط، قلت يا سلااام، يارب يطلع كان فيها اسلحة، مش مهم انها ضاعت، المهم انها اتحملت في مصر، ويطلع النظام المصري بيمثل علينا كلنا، وهو بيساعد المقاومة من ورانا، ويبقى عامل دور رأفت الهجاص، ويطلع قضية تنظيم حزب الله دي عاملينها تموين ويطلعوا هم اللي بيحفروا الانفاق وبعدين يضحكوا على اسرائيل ويقولوا لها لقينا انفاق في حتة تانية وابتدت المزيكا تشتغل في مخي، البلد امانة في ايديك يا عوكل ترارا ترارارارارارارارار ترارارارارارارار راراراااااااا ترارا تاتا تاتا تاتا تاااووووووووووووهلبلببووووووووعععععع
المزيكا سفت، اصل التسلسل الدرامي كده مش ماشي، المفروض اكشن اند ريآكشن اعلى منه ينتج عنه ريأكشن اعلى يبقى هو في حد ذاته اكشن يتعمل له ريآكشن اعلى وهكذا يفضل في تصاعد لحد ما يوصل للذروة
المفروض لو مصر جاسوسة لصالح المقاومة قوم تهرب اسلحة قوم المقاومة تعمل عمليات جامدة قوم اسرائيل تتهز قوم تتجنن وتبتدي تتدور قوم تفاجأ انها مصر قوم تتصدم قوم تعمل لها فضيحة قوم مصر تعمل رد فعل قوم ...مش ممكن ابدا: نشكر الرئيس مبارك. تدخل في الخط الدرامي ده، الا اذا كان فيلم كوميدي بقى.... هيييييييييييييييييه
انا ح اشوف مذاكرتي وابطل اقرا اخبار احسن كده ح السع
يعني طلعت متحملة في مصر ومافيهاش اسلحة.... يا شماتة ابلة ظاظا فينا


24 comments:

مواطن مصري said...

موضوع الانفاق دة مش عارف لية من زمان و حاسس فية ان

بس تعليقات الجزيرة بتدل على غسيل المخ

بسبب الجزيرة

اة صحيح انا سمعت ان فية واحد يهودي عارض يشتري الجزيرة الكلام دة صحيح؟

muhanad said...

مساء الفل يا ست نوارة
انا معرفش جيت عندك هنا ازاى
بس واضح انها من توفيق ربنا
انا قلت اقولك انى هاخد نسخة من الموضوع ده ابعته على جروبنا
هو صحيح بتاع بورصة
بس احيانا بعد جلسه مهيسة زى النهاردة كده
بنهيس شوية
وكمان بنهيس اكتر على المدونة دى ابقوا شوفوها
http://www.mtyhoo.co.cc/

وبطلى تتفرجى عى شريفة الهجاص

ahmed samir said...

في تخمينات ان السفينة اتحملت سلاح في دمياط فعلاً
و كانت رايحة لبنان
بس مش لحزب الله

جبهة التهييس الشعبية said...

اشاعة اليهودي اللي عارض يشتري الجزيرة دي يا مواطن بقالها خمس سنين

مهند
نورت وشرفت
:)

احمد سمير
امممممممممممم
باعتها للجيش اللبناني؟ امال ازاي بيقولوا ان فيها اسلحة ايراني؟

بتنفس حريه said...

ليه مانسرحش اكتر بنظريه المؤامره و نقول مصر محملها اسلحه فعلا بس على طريقه ظابط القسم الى لما يقرف من حد يلبسه فى حته حشيش
يعنى مصر اتفقت مع اسرائيل على التمثلييه دى علشان يقبضوا على حزب الله متلبس

وبالشكل ده تبقى لايقه اكتر على موقف مصر المشرف ودورها الريادى كااكبر مخبر غشيم فى المنطقه

جبهة التهييس الشعبية said...

هههههههههههههههههههههههههههه

يا ساااااااااااااااااااتر

ده انت طلعتي سو

ههههههههههههههههه

تصوري ما جاتش في بالي خالص هههههههه بس لايقة قوي فعلا

ياااااااا انت الظاهر تعرفي منايفة كتير

جبهة التهييس الشعبية said...

على فكرة انا ح اخد تعليقك الشراني ده على التويتر

كيفني قوي

الصارم الحاسم....يوما هل أكونه said...
This comment has been removed by the author.
الصارم الحاسم....يوما هل أكونه said...
This comment has been removed by the author.
الصارم الحاسم....يوما هل أكونه said...
This comment has been removed by the author.
مواطن مصري said...

طيب بما اننا بتوع افلام سينما طيب ما ممكن ان السفينة دي مجرد عم ل اسرائيل و ان البضاعة الحقيقية وصلت و السفينة دي

تموية زي ما البوليس بيعمل في اي حملة بيهرب كمية كبيرة من المخدرات بس بيعمل ضبطية حلوة عشان خاطر الميديا

مش ممكن مصر فعلا بعتت سلاح للبنان و ان السفينة دي طعم ل اسرائيل ضطبية وهمية يعني
؟

جبهة التهييس الشعبية said...

طيب انا ما اقدرش ما انشرش الفقرة الاخيرة لاني ما عنديش اوبشن اني اعمل اديت للتعليق بتاعك

خد كوبي من اللي انت عايز تنزله وامسح التعليق القديم وابعت التعليق الجديد وانا انشره

الصارم الحاسم....يوما هل أكونه said...

علة فكرة من ناحية هما بيضربوا في بعض من تحت لتحت فهما فعلا بيضربوا في بعض من تحت لتحت


وقبلها فيه سفينة اسمها كارين ايه ودي حقيقية وتقدري ترجعي لاخبارها على النت وانتشرت مقتضبات من اخلبارها على الصحف الحكومةي حتى مبارك مرة نفى - كالعادة م- مسؤولية مصر عنها...كانت سفينة اسلحة موجهة للسلطة الفلسطينية تقريبا عام 2004 وكانت تحفة حربية حسبما وصف ....قوم فيه دولة عربية رصدت السفينة وبلغت اسرائيل ...قوم اسرائيل قبضت على السفينة - في عملية حلوة الصراحة واللعبة الحلوة تتقال - في وسط البحر بما عليها من بحارة مصريين

فيه حبة عيال على النت - في الغالب الاضيش للحكومة - قالوا ان فرقة 777 اتدخلت وحررت السفينة من ميناء اشدود في عملية عنيفة جدا عملت صدى كبير في العالم السفلي للصراع لكن العبد لله مش مصدق الكلام ده وحاسس انه شغل حكومة للتغطية على خازوق القبض على السفينة ....بس لو صح يا رييييييييييييت


موضوع السفينة دي يقول انهم بيطلع منهم حاجات عدلة احيانا لكن لأن الله لا يصلح عمل المفسدين وان هواجس السلطة هي الاهتمام الاول للحكومة وبعدها يأتي الصراع ...ولان الحكومة لا تريد ان تلعب اللعبة صح بأن يكون جهاد خالص لله ورسوله على مبادئ الحق والعدالة التي شرعها الدين ...وبأن تتعاون بجد مع الوطنيين المخلصين فقط لانهم اسلاميين ومبادئهم تضر مصالح رجال الحكومة الشخصية... فانهم لا ينجحون وتبوء عملياتهم بالفشل ...فاكرة تفجيرات شرم الشيخ...بتوع الامن اللي بيتابعوا المدونة عارفين انا باتكلم على ايه


اما موضوع الانفاق فهو فكرة مصرية من الاساس والاسرائيليين عارفين لكن فيه فرق بين ما تفعله الحكومة وبين كرهها لحماس اللي يخليها لا تسمح لهم بفعل نفس الشئ ...بالاضافة الى ان الحكومة ترى هذا الامر من ناحية انهم ان سمحوا لحماس بالتهريب او حتى فتحوا الحدود والمعابر فان اسرائيل هتشيل ايادها من القطاع كليا- فعلا هي من يمده بالوقود والكهربا...فهتقع المسؤولية على مصر بالتبعية...وحتى ان كفت التبرعات لتغطية حاجات القطاع - وهتكفي ودي حسابات منطقية وليست عاطفية - فان اي عملية للمقاومة وقتها هتقع مسؤوليتها سياسيا على مصر وقد تؤدي لحرب بين مصر واسرائيل اي مصر والولايات المتحدة بالتبعية

هكذا ترى الحكومة الامر واغلبه صحيح ....طبعا من يؤمن بالله ورسوله هيعرف يدير الامور صح بحيث انها ما تتطورش الا عندما يكون مستعدا لتطورها ...وفي نفس الوقت هيعد العدة كويس لتطورها وعارف انه لازم ييجي يوم وتتطور ومش هيخاف

لكن الحكومة ورجالها وعلى رأسهم مبارك وابنه والمدام لا يريدون هذا...هم يريدون سلام بارد يحكموا فيه مصر ويعيشوا ملوك مع الاحتفاظ بالحد الادنى للتوازن الاستراتيجي بين مصر واسرائيل اللي يمنع اسرائيل بطبيعتها الاستعمارية من التفكير في الحرب مع مصر وده في المقام الاول يفكر فيه رجال الحكم لكي تستقر اوضاعهم هم

وعلى هذا الاساس فان الجيش والمخابرات مبرمجين على هذه الموجة....امن مصر القومي - الحد الادنى لان الحفاظ على الكرسي لا يسمح بتطور عن الحد الادنى - والحفاظ على حدودها واستقرارها النسبي الداخلي هي وبس


لكنها سياسة جبانة وغير طموحة وبتؤدي للخراب كما يحدث الآن في مصر وكله بيسمع في كله...الفساد في اي ناحية بيؤدي لفساد ترديجي في كل ناحية وده اللي بيحصل في مصر دلوقت


واكيد الاجتماعات المكوكية شغالة الآن مع زويل والبرادعي لاقناعهم ان الحال الآن هو افضل حال لامن مصر القومي ومصالحها الوطنية العليا كما حدث من قبل مع ابوغزالة - وان كان ابوغزالة كان مشرف على الموت فيبدو انه مقاوحش معاهم كثير


كم من الجرائم ترتكب في مصر باسم الامن القومي...وهي كلمة حق وحق وحق ...لكن يراد بها باطل

ahmed samir said...

اولا مفيش دليل ان الاسلحة دي ايراني يعني مفيش مثلا و لا صاروخ مكتوب عليه بالفارسي في الفيديو اللي اتعرض

اما قلت انها اتحملت في دمياط و رايحه لبنان مكنتش اقصد الجيش اللبناني
اقصد المليشيات اللبنانية

الناس اللي بتتكلم عن الفرضية دي تقصد ان مصر بتسلح طرف لبناني ما و طبعاً الطرف ده ضد حزب الله و ان مكنش في تنسيق بين مصر و اسرائيل فاسرائيل وقفت السفينة و اكتشفت غلطتها متأخر

و الفرضية مش خيالية أوي، يعني ممكن بحثها بالمنطق مع الأخذ في الاعتبار ان اسرائيل افرجت عن طاقم السفينة و لو كانت فعلاً السفينة رايحة لحزب الله كانت حاكمتهم مش افرجت عنهم
و كمان مع الأخذ في الاعتبار الأمن اللبناني مسك من فترة شاحنة مليانة سلاح رايحة لحزب القوات اللبنانية و ان ليه معسكرات تدريب اتكشفت قريب

يعني من الأخر مش حزب الله لوحده اللي بيمتلك سلاح في لبنان

Amr said...

على فكره يا صارم
العمليه فعلا" تدخل فيها فرقة السيل تيم 777 وفرقة الضبع الأسود وتم تحرير السفينه

وانا اول لما عرفت أن السفينه أتحملت فى دمياط اتأكدت تماما" ان العمليه دى مفبركه ومكانش عليها اسلحه

بس والله كتر خيرك نواره انك أشركتينا معاك فى الحلقه الجامده دى من المسلسل
أتمطعت كده وقعدت اسرح وأتبسط قوى لمدة 5 دقايق
يااااااه - ده احنا كنا وحشين اوى وظلمنا عوكل اتارى الراجل بيضحى
فكرنى بفيلم العميل رقم 13
اهله قالوا للعميل 13 انت خاين ومرتشى
اتاريه حكومه :-D

الصارم الحاسم....يوما هل أكونه said...

فعلا...ايه اللي مخليك متأكد كده
؟

تفسر بإيه افراج اسرائيل المعلن عن طاقم السفينة...ده حتى جريدة الاهرام المصرية - او الاخبار مش فاكر اوي بس واحدة فيهم - عملت معاهم لقاء صحفي بالصور اتنشر بالجريدة

http://www.aawsat.com/details.asp?section=4&article=122533&issueno=8669



عموما برضه فيه سيناريو معقول لما تقول .... ياريت

حـنــّا السكران said...

كلام أحمد سمير صحيح تماما

و معروف في لبنان أن مصر و دول عربية أخرى "معتدلة" تُسلّح أطراف لبنانية لمواجهة حزب الله , حتى أن بعض الصحافة اللبنانية اتهمت في وقت سابق نظام مصر بأنه يريد إشعال فتنة كبيرة في مدينة طرابلس بالذات تمتد إلى كل لبنان بل و إلى سوريا هدفها حزب الله و كل التنظيمات الفلسطينية المقاومة و المتواجدة في لبنان و سوريا , حتى أنّ التنظيمات و الجماعات الإسلامية "السنّية" في طرابلس نفسها و التي تتبنّى خيار المقاومة ضد اسرائيل و لا تتخدث بلسان طائفي تمّ تهميشها و محاولة إضعافها تماما على حساب تقوية تيارات متطرفة قريبة "مالياً و تنظيمياً في بعض الحالات " من تيار المستقبل .. و معروف تماما أن الميليشيا التي شكّلها تيار المستقبل في وقت ما تم تدريب الكثير من كوادرها في بعض الدول العربية و منها مصر ( لا أدري ان كان هناك أدلة بخصوص مصر ) لكن المؤكد أن بعضهم تلقى تدريبات في الأردن ... و الهدف دائما هو المقاومة في لبنان و حزب الله تحديداً, و هذا العمل كان يتم تحت غطاء و ستار طائفي بحت .بينما المُحرّك الرئيس لكل هذا هو اسرائيل و أصحابها .

Amr said...

ابعتلى أيميلك وهاقولك

جبهة التهييس الشعبية said...

amr

ana maily fe el prophile

this is my mail

nawaranegm@yahoo.com

الصارم الحاسم....يوما هل أكونه said...

alsarem_alhasem@hotmail.com

Sosso said...

اللنك دا بيتكلم عن الباخرة بجد ممتاز http://www.agoravox.fr/tribune-libre/article/le-coup-du-cargo-64516

الصارم الحاسم....يوما هل أكونه said...

وكده يبقى في الغالب تفسير احمد سمير وجو غانم - اللي هو اكيد شايف الامور احسن من اي حد فينا - هو الصح

اذا اختلف اللصان ظهر المسروق...وقد اختلفت الحكومة المصرية واسرائيل وكانت دي النتيجة

الجدير بالذكر ان اسرائيل باعت الحكومة في لحظة ...وبالوساخة التقليدية بتاعتهم قالوا اسلحة ايرانية ورايحة لحزب الله وطالعة من مصر ...لا تتورع عن ضرب الحكومة المصرية من فوق ومن تحت على الرغم انها ملتقية معها في نقطة ضرب الحركات الاسلامية


حاجة تضحك وتقرف في نفس الوقت...وكان عليها بإيه من ده الحكومة المصرية...لا دنيا ولا آخرة

الصارم الحاسم....يوما هل أكونه said...

إيه يا عم عمرو...حلقتلنا واللا ايه
:)

مستني ايميلك

Sosso said...

يا نواره قريتي اللنك اللي بالفرنساوي؟