Wednesday, 18 November 2009

العب يا ملعب

يا شعب مصر العظيم، التفوا حول علاء وجمال مبارك الـ...الـ..إيه؟ الإيه؟ انا مش عارفة هم حاضرين باي صفة؟ هو حد من قرايب بوتفليقة حاضرين؟ مش عارفة بجد علاء وجمال واخدين الميكروباظ والطبلة والرايات ورايحين السودان ليه؟
لكن... فليبق كل في مكانه، فليبق كل في مكانه، يا شعب مصر العظيم، ها هو ذا جمال مبارك، اسبرنته فداؤكم، ترقيصته فداؤكم، هذا هو جمال مبارك يشجع معكم بحول الله، بعد ان حاول المغرضون ان يحرزوا هدفا في شباك الحضري، ايها المشجعوووون، ايها الالترااااااس، ان جمال مبارك ملك لكم، وان تحليلات جمال مبارك الرياضية ملك لك، هاهو جمال مبارك.. انا لست جبانا، اقتلوا جمال مبارك الذي زرع فيهم كاس الامم الافريقية وكاس العالم
انا في مرحلة النقد الذاتي
انا كنت قلت ان جمال مبارك غبي...انا الغبية وستين غبية، انا الاي كيو بتاعي اربعين، وهو الاي كيو بتاعه تلتمية
انا غبية انا غبية انا غبية انا غبية انا غبية انا غبية
وجمال مبارك اينشتاين العصر والله

14 comments:

فتاه من الصعيد said...

هههههههههههههه

خلاص جابت جااااااااااز

تحياتي

فتاه من الصعيد said...

انا والله قلت ان في ناس بتستغل شعبيه الكوره ومحدش صدقني

وطبعا ذكي جداااا .... موش بيهزر اصلا

تحياتي

البنفسج الحزين said...

بالراحه علي نفسك يا نوارة والله أنا خايفه عليكي يجرالك حاجه بسبب الماتش ده استهدي بالله كدة وبلاش الأفكار الوحشه دي جمال مين اللي خايفين عليه هو انتي مخدتيش بالك الماتش اللي فات لما عماد متعب جاب الجون التاني في اخر دقيقه وقف واحد من الوزرا مش متأكده مين بس افتكر انه سيد مشعل يحضن ويبوس في جمال راح البودي جارد بتاعه بعده عنه ومخلهوش يكمل الحضن...

lymona said...

ياااااااااااااا قلبـــــــــــــي

جننـــــــوكي صح ؟؟

تصدقي ان عندي يقين ان تاريخيا بيكون في مرحلة ما قبل المبارة هذه ومرحلة ما بعدها ... مش طبيــــــــــعي الي بيحصل

وانا هنا في برلين طالعة اشوف المبارة مع اصدقاء جزائريين ومغاربة وناويين نطلع نكسر في الدنيا بعد المبارة بغض النظر عن مين الفائز ومن الخاسر .... بس عشان نضمن تفاعلنا مع الجمهور الي في الاستاد



الله يقرفهم قرفونا وخلو الكرة اكبر همنا !!

اللهم لا تحاسبنا بما فعل السفهاء منا !

lymona said...

تعديـــــل :

اللهم لا تؤاخذنا بما فعل السفهاء منا

Os Ansary said...

جمال مبارك الفذ يحضر مباراة مصر والجزائر لدعم ظهوره اعلاميا ً .. اجزم
ان من فرط غبائه طول الماتش وهو مفكرهم بيلعبو سكواش ..

يارب يارب

اي مشاحنة بين الجماهير واي طوبـة تنحدف
سهل طريقها لراس جمال مبارك

يارب

بيرجع والدم سايح منــو

ياريت مايرجع اساسا ً ونتخلص من وش امو

esraa said...

انت بتحرضي الجماهير علي جيمي وأخوه يانواره؟
اخص مكنش عشمه فيكي كده
:D

AhMeD RaDy said...

اشهد ان لا اله الا الله وان محمدا رسول الله وربنا يارب يستر علينا ويستر على البلد وخلاص بجد كفاية تهريج لغاية كدا .. العب بعقولنا كفاية تهيف للشعب وسطحية فى التفكير

الخوجة said...

نقيتى اهه الهدف الاول للجزاير

الخوجة said...

نوارة نصيحة اخ راجعى البوست تانى فية تلات كلمات خطر شيلهم ان كنتى تقدرى راينا احنا عاوزينك مش كدة

Dr Nemo said...

الماتش خلص حالا
انا زعلان جدا جدا
جدا جدا
كمان جدا جدا
لان الحاجه الوحيده اللى فالحين فيها كانت الكوره
بس معغ كده انا متقبل الامر لان على الاقل جيمى وصاحب الحكمة الابديه مش هياكلوا عيش على قفا المنتخب وطبعا يدونا على قفانا
الحمد لله

Amr said...

ههههههههههههههه
نواره
تحفه
هههههههههههههههه

بس متخافيش
جيمى طالع معاه صفوة الحرس الحديدى
أقصد الرئاسى

ضحكتينى وأحنا مهزومين

soreal said...

أنا أول ما قريت " ايها الشعب العظيم"، افتكرت خطابات القائد الملهم صدام حسين P:

والله يا أختي اللي بيحصل ده ولا أجدعها مسرحيه ... والهبل بس هما اللي بيخدوها جد...

ملحوسه : أنأ ما بتكلمش عن الكوره بس.... والحدق يفهم (:

فتاه من الصعيد said...

في جروب ع الفايس بوك .... اسمه الكبير اولى بينادي نتوريث علاء بدل نوفل .... لانه الكبير :D

انا لسه قاريه البوست عند مدونه زميله

صحيح هارد لك لمصر

تحياتي