Friday, 13 November 2009

كلمة السيد حسن نصر الله في يوم الشهيد




لقيت الفيديو بتاع الكلمة، انا قلت نسمع لنا كلمتين موزونين مافيهمش جنان ولا هبل ولا استهبال ينفعونا بدل فشل الكورة اللي احنا فيه ده

ح تلاقوا الكلام معجزة، سبحان الله، يعني تحس ان كلام واحد عاقل عادي يعني، مش مهبوش... حد يحطه في مصحة ده عشان العقل هو الاستثناء والجنان هو القاعدة

الا هو بعد حرب مصر والجزائر وبعد ما رنينا الناس علقة وهم ضيوف عندنا (ووالنبي ماحدش يجيب لي سيرة عم خيري السواق بأمارة ما حلف على المصحف، الفيديو اهو والطوب بيتحدف عليهم من الشارع) لما نحب نقاطع بضائع بعض ح نقاطع ايه؟
هو احنا عندنا صناعة وللا زراعة وللا حيلتنا اي حاجة تتقاطع؟ سبحان الله، اتاري تفكيك الصناعة وتبوير الزراعة وقطع خلف البلد من كل ناحية ده يا اخي طلع لمصلحة العروبة ماهي الماديات دي هي اللي بتفرق بين الاخوات

19 comments:

الخوجة said...

تسلمى ياستاذة على المرور العطر
والتعليق

بيقولك والكلام ده حالا اهه من الشارع ان الواد ده متعود يعور نفسه

والناس بتقول هو حد يقدر فى مصر كلها يبص ليهم ده كلام الناس اللى ماشية فى الشارع


وبتقول هما عاوزيين كده

بدليل زى مايكون سيناريو واعصابهم مشدودة


عاوزين ياستاذة يخلقوا لنفسيهم جو قبل المبارة ان الجماهير ضدهم لاكن هما فين الجماهير دى



الناس ياستاذة مشغولة فى اكل عيشها وفية ناس ماتعرفش حاجة عن الماتش


دول عاوزيين يخلقوا جو ضربنى ووبكى وسبقنى واشتكى


ولسانهم طويل

لما احنا عارفين النية لازم تصوير 24 ساعه وفين الاعلام العربى كله

شفتى ازاى

سيف said...

الفيديو مش موضح الطوبة جاية من انه اتجاه

فى احتمال تكون من اللى واقفين مع الجزائرى اللى بيصور

لورنس العرب said...

يعجبني الحقيقه حسن توشيبا وهو بيتكلم
أصل الراجل ده هو نجم شاشات البلازما
مش عارف الحقيقه شركة توشيبا سيباه ازاي كل ده من غير ما تعمل معه عقد احتكار لتسويق شاشات البلازما في الوطن العربي
ولله فعلا حاجه تضحك
مين ده عشان يتكلم على العلاقات السعويه السوريه؟
يعني البيه صنعته ايه مثلا؟
الاستاذ بيتحدث كأنه كيان دوله او زعامه
طبعا هاتقولي اني بحقد عليه
مهو أصله من جماله هاحقد عليه
الراجل ده أصله بيفكرني بجمال عبد الناصر
الاتنين كان عندهم لسان طويل
ولأنهم كانوا عارفين طبيعة العرب في انهم يعشقون الكلام الكبير ولذلك نجحوا
العربي يعشق من يقف أمامه ويزعق ويقول الويل لأمريكا
سأحرق اسرائيل - طيب يا سيدي اهي موجوده روح أحرق ايه اللي مانعك؟- وتصريحات زي دي دائما
زمان بردو المرحوم جمال عبد الناصر قال فالتشرب امريكا من البحر
عادي عادي - المهم الكلام الكبير اللي بيعجب الناس

أما بخصوص ما حدث مع منتخب الجزائر
فالفيديو موجود ومعروف
لا ينبغي لنا أن نحمل أنفسنا كل الأخطاء ونهاجم نفسنا باستمرار ونطلع احنا الغلطانين حتى لو حد أخطأ في حقنا
الناس كسروا الاتوبيس بالكامل
ولا أدري ما هي الوبه أو الحجارة التي تكسر زجاج الاتوبيس بشكل منتظم

أما المقاطعه
فالله الحمد لا احنا ولا هما بنصنع حاجه
هما في الاوبيك والبلد منهوبه
واحنا تقريا نفس الحال
لكن مفيش شك ان العلاقات تدهورت
لأن القائمين على الأمر من الإعلاميين ينقلون اخبارهم من المنتديات وما يكتبه أطفال عندهم 13 سنه
ولكن لا يجب أن ننسى ان هذا الطفل لا يأتي بما يكتبه من دماغه
بل سمعه في بلده وينقل ما سمعه من الكبار على النت
يعني عندما يقول اننا بلد الراقصات واننا "مصرائيل" وغيره من الكلام الفاضي فهذا ليس كلام اطفال
لكن عادي
العرب أكثر الامم كرها لبعضهم البعض
ولا يوجد فائده من الكلام في هذه الأمور



تحياتي لك

SpoiledEgy said...

Even if rocks were thrown at their bus that does not give them the right to destroy the bus and beat the driver along with some other Egyptians and break their cameras.
Im sorry to say that but Algerian football team and fans are known to be violent and I would expect them to do any thing to make sure the match is cancelled if it did go our way.

مهندس مصري said...

هو فين الطوب اللي بيتحدف من الشارع ده يا مفترية
انتي شوفتيه في الثانية الكام ؟ إن شاء الله
أنا شوفت الفيديو ده اول ما نزل إمبارح و مفيش غير منظر اللعيبة بتكسر القزاز من جوه في بداية المشهد رغم إن كان فيه كسر من الأول قبل ما هما يكملوا عليه
و لعيب متعور في دماغه ما شوفناش إتعور إزاي و لا بإيه ؟

أنا أفضل إنتظار نتائج تحقيقات النيابة و المعمل الجنائي الرسمية الموثقة بالأدلة

مهندس مصري said...

شوفي ده
http://www.youtube.com/watch?v=8TswhfJNBWQ

mido said...

http://www.youtube.com/watch?v=xbogWTt20oM

الجزائريين بيحذفوا لقطات كسرهم للعربية بنفسهم من الفيديو و يرفعوه تانى من غيرها

!!!!!!!!

اعقلى يا نوارة :p

جبهة التهييس الشعبية said...

شوف والنبي
سابوا موضوع البوست الاساسي وبيتكلموا في الماتش

وانا عايزة اعرف احنا جبنا الاخلاق دي منين

يعني الناس قدامكوا اتحدف عليهم في الثانية 14 طوب وجمال مبارك نفسه اعتذر والفيفا قالت انضربوا

طيب اللي ضرب ده مجموعة من الناس بتدافعوا عنهم ليه؟
يعني نضرب الناس ونتبلى عليهم كمان

بالنوسبة لورنس العرب

اهري في نفسك
اهري في نفسك
وبرضه لما يموت لك ابن في الحرب ابقى وريني نفسك
هيهيهيهيييييييييييي

mido said...

و انت حاشرة الكرة ليه فى بوست السيد حسن ؟

!!

mido said...

اه شوفى الفيديو ده وأتاكدى بنفسك واسمعى صوت رجل الامن وهو بيقول للسفير الجزائرى


ينفع اللى بيحصل ده ياسيادة السفير ينفع اللى بيعملوه ده



http://www.youtube.com/watch?v=xbogWTt20oM

جبهة التهييس الشعبية said...

اه سمعته وهو بينفع كده؟
ايه يعني؟
نعم؟
الواد الجزائري كان نازل يتخانق والراجل المصري بيقول: ينفع كده يا سيادة السفير

انت مش في حالتك الطبيعية عموما

والله ما في حالتك الطبيعية

اهدا شوية
ده ماتش

mido said...

انا مش متعصب بس انت كلامك يعصب و انت عارفة انك واخدة موقف شاذ

و هاتى تقرير الفيفا و مش عايزين كلام فى الهوا ؟

جبهة التهييس الشعبية said...

ميدو

الجزيرة قدامي اهي وبتقول ان الشرطة المصرية تراجعت عن اقوالها واقرت بتعرض الفريق الجزائري للضرب

وكلام الفيفا على الجزيرة

وعموما ما تزعلش
انا قلت لك على التويتر كل بلد فيها الكويسين والوحشين
وما تشدش اعصابك عشان تتفرج وتنبسط

وبعدين يا سيدي ما تزعلش حقك عليا

ده مجرد ماتش

وبعدين انا شاذ برضه؟ كتر خيرك

مصر 30 said...

http://www.youm7.com//News.asp?NewsID=156019
اللينك ده لو لسه بتتابعى نكت اليوم السابع .
طبعا خلوا د. سيد عويس الله يرحمه يقول رأيه فى اللى بيحصل فى موضوع الكورة

جبهة التهييس الشعبية said...

هاهاهاااااااااااااااايييييييييييي

اسمح لي اخد اللنك على التويتر

مصر 30 said...

هو المحزن بالنسبة لموضوع اليوم السابع إن أحد المعلقين على الخبر بيقول إنه واخد ماجستير فى علم الإجتماع و بيعرف كل كبير و صغير فى أساتذة علم الإجتماع و مايعرفش مين البنى أدم ده
!!!!!!!
قصده طبعا على الدكتور سيد عويس ... أنا ماعرفش تعرفيه ولا لا .. بس هو من رواد علم الإجتماع فى مصر و من أهم المثقفين المصريين و كتبه مهمة جدا

زقزوق said...

كنت بدور على فيديو السيد ومش لاقيه

شكررررررررررررررررررررا جزيلا

Mohamed said...

http://www.youtube.com/watch?v=0w5LRatcqYo
انا مصري بس عايز ااكدلك اننا جامدين اوي
مع العلم اني مصري
و انا من عشاق شوبير وبرنامجه و سبحان الله كنت باتفرج علي البرنامج الحلقه بتاعت 13\11
لو مش متاكده من الكليب





يا خسارة العرب

جبهة التهييس الشعبية said...

يا محمد انا مش عارفة الرسالة التانية معناها ايه اللي انت بعتها
بس انا ما نزلتش التعليق التاني زي ما طلبت

بص يا محمد

اللي ضرب على اتوبيس الجزائريين مجموعة من الالتراس وظبطوا مع الداخلية والداخلية نضفت الاتوبيس قبل ما الفيفا تدخل تعاين والجزائريين عرفوا اننا نضفنا الاتوبيس قبل معاينة الفيفا ومستحلفين لنا النهاردة والماتش مش ح ينتهي بخير

والفيفا ما عرفتش تعاين عشان كده اصدرت تحذير لمصر
والداخلية بسبب التحذير ده منعت كل المصريين من دخول الفندق اللي فيه الموفينبيك وبيحاولوا يهدوا الجزائريين والجزائريين مش عايزين يهدوا
يعني زوروا تقرير معاينة وتقرير نيابة وخلوا السواق يقسم بالله كدب على شهادة زور كل ده قال ايه عشان ينتقموا من اللي حصل سنة تسعة وتمانين

طب سنة تسعة تمانين اللي ضربوا كانوا رجالة وقالوا اه احنا ضربنا

لكن شغل النسوان اللي عملوه هنا يضربوا الناس ويرموا بلاهم عليهم

اخلاق واطية واطية يعني