Friday, 6 November 2009

كلمة للجغرافيا



لو حسني مبارك اترشح قدام سعد الدين ابراهيم وايمن نور او اي منهما ومافيش خيار رابع (ولو كان فلفل السباك) ح اعمل حاجة عمري في حياتي ما عملتها وهو اني انزل وادلي بصوتي.... لصالح حسني مبارك طبعا

لو جمال مبارك اترشح قدام سعد الدين ابراهيم وايمن نور ومافيش خيار رابع (ولو حتى سمير صبري او انشالله مصطفى قمر)، يا اما ح انتحر، او عشان ما اموتش كافرة ح اطلع وادي النطرون واعتكف بقية عمري لحد ما ربنا ياخدني بقى ويخلصني
ولو حد اداني بمبتين افجر نفسي في فلسطين يبقى كتر خيره

36 comments:

mido said...

سعد الدين ابراهيم مين ؟

هو قال انه حيرشح نفسه أصلا ؟
!!

يا ماما مفيش خيارات أصلا

هم بيختارولنا دايما

:D

بدراوى said...

البرادعى قال انه حيرشح نفسه
كما قالت اليوم السابع

مواطن مصري said...

البرادعي الاصلح لحكم مصر

م/ الحسيني لزومي said...

نواره
يجب ان تغيري رايك لان جمال هو الرئيس القادم كما حدث مع بشار وانت عارفه انه حافظ الاسد كان قد اعد باسل لتلك المهمه ولما سبقه الاجل لم ييأس وجهز بشار واتغيره الدستور في يوم وليله...اما جمال فالاستعدادات من بدري من ايام الماده 76
خساره انت يانواره وهيه دي مصر سيهتفون بالروح بالدم نفديك يا جمال

لقد خلقنا الله احرارا said...

جبتى من الاخر والله يابنتى
طيب ياريت تعملى حسابى معاك فى وادى النطرون
لان مبارك اكيد مش هبرشح نفسه تانى
الا لو ناوى يحكمنا من العالم الاخر

لورنس العرب said...

لعلمك
لو حدثت انتخابات حرة ونزيهه ونزل جمال مبارك أمام أي شخصية معارضة داخل مصر سيكتسح جمال مبارك الانتخابات بكل تأكيد
والكلام ده انا قلته للناس كلها
عند الجد لو توفى حسني مبارك اليوم فغدا الناس كلها ستنتخب جمال مبارك وعن اقتناع تام
والسبب ان باقي المرشحين معاقين ذهنيا
لم يتحدثوا في شيء سوى عن جمال مبارك
أيمن نور يظهر على البي بي سي ولا يتحدث عن نفسه بل يتحدث عن جمال مبارك وحسني مبارك
وجميع المعارضين يظهرون في القنوات الفضائية من أجل ان يقولوا -لا- للتوريث
والنتيجة النهائية ان جمال مبارك يسير في طريقه ولا ينظر إليهم ويتركهم ينبحون
اعطاك الله صحفا للمعارضه وقنوات فضائيه ماذا فعلت بها؟
لا شيء
باستمرار كلما شاهدت اي برنامج اسمع من يقول -لا- لجمال
حتى عرف كل الناس من هو جمال - بينما الباقون عملوا له دعايه مجانيه دون ان يدري احدهم هذا
وهذا أكبر دليل على انهم عبارة عن شوية بهائم لا يصلح أيا منهم لإمساك زمام الامور داخل بلد بحجم مصر
ووصل الأمر لبعض هؤلاء انهم قاموا بترشيح احمد زويل!!! طيب يا اخوانا هو احمد زويل يمسك بلد ازاي وهو اصلا لو حصلت مشكله مع البواب عنده في العمارة ممكن مايعرفش يحلها
ده راجل طول عمره واقف في المعمل - كيف يصبح رئيس بلد؟
طيب لو كانت العملية كده نجيب اي استاذ شاطر في طب القاهره وطالع الاول على دفعته ونخليه يمسك البلد
نحن نفكر مثل البلاد التعبانه
ولكن عند الجد فإن الكلام سيكون له شأن آخر
زي ما حصل في ليبيريا
في احد السنين ترشح جورج وايا -لاعب الكورة- لإنتخابات الرئاسه نتيجه لأنه اخد احسن لاعب في العالم
لكنه خسر الانتخابات لأن الناس وقت الجد مش بتهرج
وللسبب ده بالتأكيد فرص جمال مبارك مقارنة بأي مرشح آخر أعلى وتقريبا لا يوجد مقارنه بينه وبين الشخصيات التي تسعى لخطف الرئاسه المصريه
وأؤكد لك انه يمكن لو ورقة الترشيح واختيار الرئيس امامنا الآن وفيها صف طويل من المرشحين وبينهم جمال فأنا وانتي وكل من يعارض على المدونات سيختار جمال رئيسا لمصر


تحياتي

Amr said...

هو طبعا" بعد الشر عنك

بس هو فيه خيارات تانيه غير دول

جمال
عمر
عمرو
البرادعى
ايمن
سعد
ولا ياترى ممكن الصين تلحق تنزلنا شوية رؤساء فى الأسواق قبل 2011 ؟

مهندس حر said...

لأ أنا هصوت لأى منهما .. لأن لو حصلت المعجزة و واحد منهم أصبح رئيس جمهورية مش هيقدر يعمل فينا زى عوكل ما بيعمل لأنه هيكون وصل لمنصبه بإرادة شعبية لازم يحافظ على مساندتها ليه ..

مشكلتنا مع عوكل إنه واخدنا ميراث و مستمر فى حكمنا بالقصور الذاتى و رغم إرادتنا .. هو عارف كده و كل اللى حواليه عارفين كده و عارفين إننا صفر عالشمال و مالناش قيمة و لا عازة و بالتالى بيحرقوا فينا و يطحنونا و يسرقونا عينى عينك من غير ما يبربشلهم جفن..

يوم ما نجيب إن شالله صرصار يحكم بس نكون إحنا اللى جايبينه و نكون حاسين إننا نقدر لو حبينا نجيب غيره هاذها الصرصار هيضطر يرضينا و لو كان محتاج يرضى أمريكا و إسرائيل فده هيكون بصعوبة و مش بالبجاحة و الوقاحة اللى حاصلة دلوقت ..

آخر الكلام عشان ما نقعدش نغنى على بعض .. كل ده تخريف و كلام لا هيودى و لا هيجيب .. رئيس البلاد هذا فإن مات فهذا و من ينكص فهذا .. و إنتى عارفة هذا و هذا و هذا

واحد مش فاهم حاجة said...

سعد الدين ابراهيم وعرفنها ايمن نور مع ان معنديش اى حماس لة بس مش عارف اية السبب ورا رفضة وتفضيل مبارك علية

الخوجة said...

مالك متشائمة كدة انتى ماتعرفيش فى امثال الفلاحين اصبرى.ربنا مايحوجك ولايحوجنا لكدة.اكثر من كدة ويشيل ربنا.دا كل حاجة علنية خلاص.

الحلم العربي said...

طب خليهم يزودوا عدد البمب علشان انا جاية معاكي :))

جبهة التهييس الشعبية said...

ميدو وبدراوي ومواطن

افهم بس انتوا على اي اساس متفائلين بالبرادعي؟ ايه برنامجه الانتخابي يعني؟ هو عشان دكتور في الطاقة الذرية وانتوا زهقتوا من الاغبيا اللي حكمونا بقالهم كتير نفسكوا في حد ذكي بقى؟
مش شرط
مش شرط الذكي يبقى نضيف
ده واحد جاي دلوقت يقول حرب العراق كانت غلط وقبل حرب العراق اخد موقف في منتهى العلوقية
بعد ما فتشوا العراق وقلعوها ملط قال: مافيش ادلة مؤكدة على امتلاك العراق لاسلحة
يا روح امه؟ يعني ايه مافيش ادلة مؤكدة؟ ده كلام علق

بس عموما هي لو وجهة النظر انه يحكمنا واحد ذكي مرة واحدة في حياتنا تبقى وجهة نظر برضه

اهو نجرب الاذكيا يمكن حتى لما يبقوا وسخين على الاقل ما يتغابوش علينا

يمكن

عموما لو هو وجمال وايمن وسعد يبقى هو اكيد
على الاقل بيعرف يتكلم
بس هو راسمالي برضه مش كده؟

لالالا
مش عايزة انا الخواجات دول
هو مافيش واحد مصري؟
لازم يبقى خواجة يعني؟

الحسين اللزومي
يعني ابتدي احضر البمبة وبيت الاعتكاف في وادي النطرون من دلوقت؟

لقد خلقنا الله احرارا
لو الاخوة الفلسطينيين يخدمونا في بمبة يكون كتر خيرهم

لورنس العرب
هو حيث ان عمرنا ما حصل لنا المرض ده اللي اسمه انتخابات نزيهة فاعتقد انه افتئات منك على الناس لما تتنبأ باختياراتهم

عمرو
انا ممكن انتخب منتج الصين
هو اي حد غير التلاتة المذكورين ح انتخبه
بجد والله
اي حد

مهندس حر
لا انا مش عايزة صراصير
وسعد الدين ابراهيم ده بالذات صرصار فعلا
ما يتقالش عليه غير صرصار
وانا انتخب صرصار ليه؟

واحد مش فاهم حاجة
والنبي انت سمعت ايمن نور بيتكلم؟
بريه بريه بريه
وصاحب كوندوليزا، وبعت جواب غرامي لاوباما، هو احنا ناقصين؟

الخوجة
قادر الكريم
عالم بينا غلابة

الحلم العربي
هو شكله كده ح يبقى انتحار جماعي
ده ممكن مثلا من كتر المصريين اللي ح يفجروا نفسهم هربا من الاشكال دي فلسطين تتحرر

مواطن مصري said...

مفكرتيش ان الجيش ممكن يقول كلمتة و يتدخل ل اختيار عمر سليمان دة انا هصوتلة وش لو الجيش اختارة

جبهة التهييس الشعبية said...

طب ايه برنامج البرادعي الانتخابي؟ تعرفوا ايه عن البرادعي؟ البرادعي مثلا، رأسمالي وللا اشتراكي؟ طب ايه وجهة نظره في الحرب على افغانستان مثلا؟ ايه رؤيته للسياسات الخارجية؟ ايه خطته التنموية؟
مثلا يعني
لما يترشح ونشوف برنامجه الانتخابي تبقوا تقولوا نعم وللا لا
بس انا مش ضد انه يترشح

ياريت
ياريت اي حد يترشح
لو مصطفى قمر اترشح ح انتخبه بس جمال لا، جمال لا، جمال لا

جبهة التهييس الشعبية said...

ومش طالبة اراجوزات برضه زي سعد الدين ابراهيم وايمن نور كمان

Amr said...

هو انتم ليه مديين الجيش كل السلطه دى؟
أنا حاسس أن اللى بيقول الجيش يدخل عايش فى تركيا اللى المؤسسه العسكريه هناك ليها كلمه
الجيش فى مصر مسير بأوامر الرئيس ولا يملك من أمره شيء
ثم يامواطن مين هو عمر سليمان ؟
أنا مش هانتخب شبح
يبأه جمال هنا أحسن لأن اللى أعرف مساوئه أفضل 100 مره من اللى معرفش عنه أى حاجه

mido said...

البرادعى لسه مقررش انه يدخل الانتخابات

علشان يبقى ليه برنامج أصلا !!

البرادعى سياسى و قانونى لايشق له غبار

كفاية انه مسئول عن أخطر ملف فى العالم

دلوقتى

الملف النووى

منصبه سياسى فى الامم المتحدة 30 سنة خبرة امم متحدة

:)

مواطن مصري said...

عمر سليمان عارف و حافظ الشعب دة ظابط مخابرات و عارف الاعيب اسرائيل غير كدة عارف ملففات فلسطين و سوريا

و راجل عسكري و لية شعبية كبيرة


انا عن نفسي انا اثق فية و انا على علم ان لسة في الجيش قيادات شريفة ممكن تقول كلمتها

حسن على said...

ولو حد اداني بمبتين افجر نفسي في فلسطين يبقى كتر خيره" "رد من الفزياء" لما بيقى سنك مية وتلاتين سنة انشاءاللة ...عدى عليا اى وقت تلاقىالبومبتين جاهزين ... وانتى عارفة احنا ايتها خدمة يعنى

حسن على said...

ولو حد اداني بمبتين افجر نفسي في فلسطين يبقى كتر خيره" "رد من الفزياء" لما بيقى سنك مية وتلاتين سنة انشاءاللة ...عدى عليا اى وقت تلاقىالبومبتين جاهزين ... وانتى عارفة احنا ايتها خدمة يعنى

marooned84 said...

aho ennaharda el barad3i bi2ol mosta3ed yerasha7 nfso lw fee damanat maktooba (msh 3aref mn meen) en el entkhabat 7atkoon nazeeha. ya tara el kam yom elli gayeen el sa7afa el 7komeya 7at2ol 3aleh eh? msh b3eed tetalla3o 3ameel irani!

جبهة التهييس الشعبية said...

المفروض ان يبقى فيه مراقبة دولية على الانتخابات

البرادعي كويس قوي انه يترشح لو الدستور المتفصل على جمال ده يسمح له

ونشوف البرنامج الانتخابي بتاعه وعلى الاساس ده نشوف ح ننتخبه وللا لا

بس لو، على رأي مهندس حر، حصلت المعجزة واتغير حسني وجمال وجه البرادعي ح يبقى اول رئيس مصري ذكي في التاريخ

حتى لو بتاع المجتمع الدولي وللا بيقوم بالدور التاريخي في التعزيز

بس ح يبقى ذكي

يااااه تخيل لنا رئيس ذكي؟

انا مش عارفة ليه كل اللي حكمونا اغبيا
لازم نكون احنا نفسنا اغبيا عشان ربنا يكتب علينا الغباوة دي كلها

marooned84 said...

اللي حكمونا ما كانوش أغبياء وإلا ما كانوش طبقوا على نفسنا لحد ما ربنا يفتكرهم. هما بس تقريبا استخسروا فينا نكون بلد نضيفة وقالوا الأقرباء أولى بالمعروف

المهدى said...

نوارة لا مؤاخذة ركزى شوية أنت قربت من الحقيقة ثم سرعان ما أبتعدت عنها
فكرة مرشح مقبول شعبيا ( نسبيا ) ويكسب بفارق ضئيل ولكن شرعى بعد تغيير الماد 76 هى ذات الرسالة التى أرسل بهاعماد أديب من قبل طرف لا مجهول لا قبل لنا به أغلب الظن أنه طرف الثروة والمصالح والرضا الدولى
أى مرشح حالى وأى كلفتة سريعة للمواد الدستورية ستكون النتيجة كارثة وأستمرار للنهج الحالى
راجعى أول تعليق لك بخصوص البرادعى
هنال مؤامرة ما تنضج على مهل وتستغل شغفنا لممارسة حقوق منعنا منها سنين طويلة يعنى ما فيش توريث بس حنشتريكوا وبرضاكوا كمان
نوارة هناك حقيقة جميلة لم ظهرت جلية منذ أكثر من أسبوعين ولكننا لا نريد أن نراها وهى أنه لم يعد هناك لا تمديد ولا توريث
أما أننا لم نملك يوما رئيسا ذكيا فهى مغالطة أيضا متسرعة فقد أمتلكناه بأمارة أنك بتحبيه
محمد المهدى

جبهة التهييس الشعبية said...

محمد مهدي

تف في وشي لو كنت فهمت منك حاجة

جبهة التهييس الشعبية said...

بهيج عايز يرشح نفسه
والله لو جمال ح يترشح يبقى بهيج يترشح ليه لا؟ ده حتى ممكن سعد الصغير يترشح

المهدى said...

العفو يا فندم ماعاش ولا كان أكيد الغلط منى لكن مدام أنت مهتمة أحاول أقول بالراحة
ما حدث فى الفترة الماضية من أول ترشيح عمرو موسى ومرورا بمبادرة هيكل وختاما برسالة عماد أديب تفسيره عندى هو الأتى :
1- لم يعد شبح التوريث موجود إلا فى خيالنا أما أصحاب المصالح المالية والأرتباطات الدولية ( وممثلهم عماد أديب ) فقد نقلوا رهانهم على مرشح أخر لا نعلمه ( ودى خطورة البرادعى أو أى أحد أخر يظهر فجأة )
2- البلد دى ليها أصحاب شعب وجيش لا يرضيوا بالتوريث ولكنهم سيقفوا عاجزين أمام مرشح يفوز فى أنتخابات نزيهة
3- مبادرة هيكل هى لفك الأشتباك ومحاولة بناء دولة
أرجو أن أكون مفهوما
محمد المهدى

جبهة التهييس الشعبية said...

اه
يعني انت قصدك انهم باعوا الواد وابنه وعايزين يخرجوهم في امان ويغيروا وش؟

هو وارد

بس مش اكيد
مش عايزين نراهن على الموضوع ده

ماهو انا مش عارفة الخروج من الورطة اللي احنا فيها دي تبقى ازاي يا محمد

ماهو لازم اللي ح ييجي ح توافق عليه امريكا

الله يخرب بيته اللي ارتكب في حقنا الجريمة دي

اهو في دار الحق بس جريمته سارية علينا لحد دلوقت بتاع تسعة وتسعين من اوراق اللعبة وراح هو مدي لها الواحد في المية الفاضلين هدية كده محبة من غير اي مقابل

ولو اللي ح ييجي لازم توافق عليه امريكا ما يبقاش ايمن نور ولا سعد الدين براهيم

ابدا

اون ماي ديد بودي

البرادعي بتاع الامريكان بس هو اصلا مش معروف

انا مش عارفة الناس بتحبه ليه

لكن هو ذكي، اقصد يعني جاب نمر عالية في الكلية
ممكن يبقى وسخ بس يبقى ذكي

والله ما عارفة احنا ح نخرج من الوقعة اللي وقعنا فيها من ساعة كامب ديفيد دي ازاي

الناس مش مؤهلة انها تختار اختيار فيه تحدي لامريكا كمان، لان ده له تبعات هم مش حملها

والله اعلم هم حملها وللا لا، انا مش عايزة افتي
اللي اقصده ان شكلهم كده مش حمل حاجة

مش عارفة
مش عارفة ح نخرج ازاي من الورطة دي اللي وحلنا فيها السادات

حسبي الله ونعم الوكيل فيه

المهدى said...

الحمد لله وصلنا والله بحاول ألفت نظرك للموضوع بقالى أسبوع المهم
بصى ياستى من جهة يخرب بيته يخربه ألف مرة أنما من جهة نخرج أزاى داحنا نخرج ونص كل الحكاية ممكن توصليلها لو بصيتى كويس فى مبادرة هيكل ( أنا ناصرى لكن مش هيكلاوى ) هيكل مش حالم مهواش فاروق جويدة عشان يستعطف البعيد يتنازل ويعمل مجلس أمناء هيكل ريبورتر لا يتحرك إلا فى وجود خبر وكمان هيكل مهندس مؤامرات نقل السلطة تابعها 4 مرات وعملها بأيده عزف منفرد مرة راجعى مبادرته جيدا ستجدى أن هناك طرفين يتسابقوا نحوا السلطة أحدهما يملك القوة والأخر يملك الثروة والرضا الدولى أما الشبح فقد تلاشى إلى الأبد لم يبقى له سوى مجلس أمناء ( بناء دولة ) أو مخرج أمن ( شراء دولة
هذا والله أعلم
محمد المهدى

المهدى said...

ثم أيه حكاية أيمن نور وسعد الدين إبراهيم اللى أنت ماسكة فى خناقهم دول من جهة الأول فأمريكا ومصالحها تحتاج إلى شخصية أكثر عمقا وأقل تلوثا بالعربى مالوش ملفات وسخة فى مصر أما الثانى فقد قرأ بسرعة البرق مبادرة هيكل وأيدها بل أضاف أسباب للتأييد أخطرها رقم 3 ( المصرى اليوم 24/11 ) مما يؤكد أن هناك شئ ما قادم ومختلف
نوارة من ناحية باعوهم أه باعوهم دا مؤكد لذلك يجب مش بس نراهن على كدة ده كمان لازم ناخد بالنا من ما يدبر فى الخفاء لا توجد سياسة فى مصر ولابد من فترة أنتقالية لتغيير السياسات وليس لتغيير الأشخاص
محمد المهدى

Amr said...

مصيبة أيه دى؟
طب يانواره دى كده معادله مستحيله
يعنى قبل 2011 لازم نلاقى شخصيه يتفق عليها كل من الرئيس + الجيش + أمريكا + اسرائيل ونقول الشعب بالمره

طب ده مين ده ؟

مش فاهمه said...

هو احنا مالناش دور خالص كده يعنى يجيوبا لنا و ينقوا لنا و يختاروا لنا و اللى له نفس يجى واللى مالوش نفس ما يجيش و احنا فين و ممكن نعمل ايه بجد و حق و حقيقى دلوقتى فوقنا و عرفنا الماده 76 دى سيئه قد ايه العيب مش فىاللى بيحكومونا و انهم اغبيا ولا لأ العيب فينا احنا اللى بنطاطى قوى كده و عاملين نفسنا مطايا يركبوهم و يهزوا رجليهم العيب فيهم و اللى كانوا بيسقفوا لأحمد ع دول مصريين و اللى بيكتبوا فى الجرائد القوميه مصريين و اللى بيطبلوا و يزمروا للحزب الوطنى مصريين مش حايفرق مين اللى يحكمنا طالما احنا زى ماحنا و على رأى الغنوة اللى بتقول انا زى ما انا و انت بتتغير

overdose said...

انا متفائل بحسني مبارك
هيكل 81
انا متفائل بالبرادعي
ناس كده 09
دا كفاية اسمه ياخوانا

مش فاهمه said...

نوارة مش عارفه اكتب الموضوع ده فين مافيش غير الشهر ده و الشهر الجاى فرصه ان الناس تطلع بطاقه انتخابيه لأن لو فيه انتخابات مجلس شعب السنه الجايه يبقى الشهرين دول اخر فرصه اهو الكلام اللى بيتقال هنا بيقول ان فيه حاجات كتير بتتطبخ و بتتجهز لنا على الأقل يبقىمعانا بطاقات انتخابيه و ماتنسيش بتوع الحزب الوطنى بيشونوا الناس فى اتوبيسات و الستات اللى مش بتفهم حاجه علشان يطلعوا بطاقات انتخابيه مش احنا اولى و لا ليكى وجهة نظر تانيه

Fawzy said...

طب لو البرادعي جه حيمنعو مسلسل أنا البرادعي يا رشدي؟ طب و ديني من مصوتلو

فيشة بنت كبس said...

msh msada2a b3d kol da trasha7 uncle hosney!!!!!:D XD