Wednesday, 25 November 2009

مثقفون عرب يدعون إلى التهدئة بين مصر والجزائر


قلبي مع كل سواقين التاكسي والميكروباظات وبتوع تصوير المستندات اللي كانوا فعلا بيعانوا من حالة
state of denial
ومقتنعين تماما ان المباراة ح تتعاد، للاسف المباراة مش ح تتعاد
تتعاد ايه انتوا اتجننتوا؟ وبتوع الحزب الوطني والفنانين ينضربوا تاني؟
حد طبيب نفساني هنا؟ اصل انا عايزة اعرف فعلا حالة ال
state of denial
الجماعية دي قدامها قد ايه وتخلص، احسن انا مش باعرف اتعامل معاها
------------
أصدر العشرات من المثقفين والاكاديميين العرب معظمهم من مصر والجزائر مناشدة لنزع فتيل التوتر بين البلدين الذي أعقب مبارتي الفريقين في تصفيات كأس العالم والتي انتهت بتأهل الجزائر الى مونديال جنوب أفريقيا 2010


وقد نشر هؤلاء مناشدتهم عبر الانترنت، وقالوا فيها إن الذين يقفون وراء العنف في مباراتي التأهل لا يمثلون إلا أنفسهم.وأدان البيان ما وصفه بعمليات "الشحن والتعبئة الهائلة وغير المسبوقة التي استخدمت فيها برعونة ترسانة ضخمة من وسائل الاعلام".


واعتبر الموقعون ان هذه الوسائل سواء حكمية او خاصة عدا استثناءات قليلة اشتركت في " الخروج الفاضح والفظ على القواعد والمعايير المهنية والقيم الاخلاقية ايضا".


وأضاف البيان ان هذه الحملة "تعزز الشك في ان الهدف لم يكن الحث المشروع للجمهور على تشجيع فريق بلده وانما صرف اهتمام وانظار الناس والهاءهم عن قضاياهم وهمومهم ومشاكلهم الأصلية".


ومضى البيان أن هذه الحملة هدفت إلى شغل الناس "بمعارك وهمية وعبثية وتعليق امالهم واحلامهم بانتصار او انجاز قد يحققه لاعبو الكرة فيداري أو يستر مظاهر الفشل والاخفاق والفساد التي يكابدها الشعبان على كل صعيد سياسي واقتصادي واجتماعي".


وحث البيان على وقف الحملات الاعلامية المتبادلة فورا وطالب المسؤولين في البلدين "بالتحلي بأعلى قدر من ضبط النفس والعمل المشترك على وقف التدهور الحاصل في العلاقات بين البلدين مع الحفاظ على الاحترام والود المتبادلين".


كما دعا جامعة الدول العربية أن تعمل على وقف "التدهور والعبث بمقدرات الشعبين"، وناشد الموقعون مؤسسات المجتمع المدني والقيادات الشعبية والمثقفين والكتاب في البلدين أن تعمل على تدارك الاخطاء التي ارتكبها البعض من هنا وهناك وبحث اليات عمل مشتركة تعيد العلاقات بين الشعبين إلى سابق عهدها.


ومن بين الموقعين الكتاب والمثقفين المصريين الإعلامي حمدي قنديل والروائيون بهاء طاهر ويوسف القعيد وعلاء الاسواني ورئيس تحرير صحيفة العالم اليوم سعد هجرس والشاعران جمال بخيت واحمد عبد المعطي حجازي واستاذ العلوم السياسية في جامعة القاهرة حسن نافعة والباحث والمفكر السيد ياسين.


ومن الموقعين الجزائريين وزير الثقافة السابق وعضو البرلمان محيي الدين عميمور والباحث والأكاديمي حسني عبيدي والإعلاميان عياش دراجي ومحمد دحو ومن الاعلاميين الاردنيين عمر العزام وعلا الشربجي وعرفات بلاسمة وعماد النشاش ومن السودان أريج عز الدين علي زروق وطلال عفيفي ومن سورية إيمان ابراهيم


وقد ادى الخلاف بين البلدين الى اعمال عنف وسحب للسفير المصري من الجزائر بالاضافة الى الغاء رحلات سياحية جزائرية الى مصر.


و وافق الزعيم الليبي العقدي معمر القذافي على التوسط بين البلدين بناء على طلب من الجامعة العربية، لكن الجامعة العربية لم تؤكد النبأ.


وكانت حافلة المنتخب الجزائري قد تعرضت للرشق بالحجارة في 12 من نوفمبر/ تشرين الثاني الجاري، لدى توجهها من مطار القاهرة إلى مقر إقامة البعثة الجزائرية.


وانتهت المباراة التي أقيمت في القاهرة في 14 نوفمبر/تشرين الثاني الجاري بفوز مصر بهدفين وفرض مباراة فاصلة اقيمت في السودان فازت بها الجزائر بهدف، وقال مشجعون مصريون انهم تعرضوا بعد المباراة لاعتداءات من نظرائهم الجزائريين.


وقد دعا الاتحاد الدولي لكرة القدم (فيفا) إلى اجتماع طارئ للجنته التنفيذية في الثاني من ديسمبر/كانون الأول المقبل في مدينة كيب تاون بجنوب افريقيا لبحث الأحداث التي شهدتها المباريات المؤهلة الى نهائيات كأس العالم في جنوب افريقيا 2010.




وكمان القذافي اتوسط عشان المصالحة بين مصر والجزائر، هههههه انا والله ما مصدقة نفسي، كل ده عشان ماتش كورة، ولما نقول ماتش كورة يقولوا لا مش ماتش كورة
امال ايه؟
لو مش ماتش كورة امال ايه؟
يقول لك كرامة مصر
يعني كلام اوسخ من ماتش الكورة، انا عندي البني ادم يبقى محترم في نفسه كده ويقول انا مش متقبل الهزيمة في ماتش كورة حطيت عليه اغاني الله اكبر بسم الله وحلوة بلادي السمرة اهون من الكلام السيس ده
والله وباضت لك في القفص يا حسن يا شحاتة وماحدش كلمك على التشكيل المهبب بتاعك، وعماد مرهق اللي انت حطيته من اول لحظة في الماتش، وسيد معوق اللي اخد له ركن في وسط اللعب ونام ومحمدي اللي كان بيلعب في فسحة بيتهم مش في ماتش، وزيدان اللي كان بيلعب قال الفيلسوف مش بيلعب كورة، ولعيبة دار المسنين اللي مش عايزين تفوروهم بقى وترحمونا من منتخب ربيع العمر ده، والواحد ما كانش عايز يتكلم عشان عارف انهم لما بيتغلبوا بيتقطعوا يا عيني وقلنا خلاص بقى عملوا اللي عليهم، في حدود سنهم وصحتهم، لكن ياخدوا ستة مليون جنيه ليه؟ كمان؟ اتغلبوا وبسببهم حصلت ازمة دبلوماسية بين شعبين ماحدش كان يخطر على باله ان دول يتخانقوا ابدا، ومخلينهم بركة وهم اصلا تخطوا السن القانوني وعلى قفاهم آل مبارك اخدوا بنطات وهم اصلا اللي ملهيين الناس وكمان ياخدوا ستة مليون جنيه؟ وعلاء مبارك دافع عن حسن شحاتة بنفسه واثبت بالادلة العلمية انه مش "يهودي" طب ابو تريكة اديك حاطه عشان راجل بركة، طب والباقي؟

المفاجأة.... فيه ناس زعلانة قوي ان فيه تهدئة، اي والله عليكوا، وزعلانين قوي ان القذافي اتدخل وبيصلح، اي والله عليكوا، وزعلانين قوي ان فيه تحركات للمصالحة، اي والله عليكوا، ولو كانوا لعيبة كورة كنت قلت عادي، مخهم في رجلهم
انما هم اصلا ناس كل الناس بتشك فيهم وفي اللي وراهم، وانا شخصيا ما باشكش، انا متأكدة.
على رأي بياع قال لي: الفضيحة فضيحتنا، اتغلبنا وانضربنا وراجعين نقول انضربنا، يعني واحد قال لي يابن الكلب في حارة، اطلع في الميدان وافضل اقول: انا مش ابن كلب انا مش ابن كلب انا مش ابن كلب؟
الجارديان والتايم مجازين وفوكس نيوز وفرانس توينتي فور عمالين يقولوا: مصر اتجننت


32 comments:

مواطن مصري said...

نوارة اولا انا مضايق منك انك عملتيني بلوك في التويتر ثانيا فين المثقفين الجزائر 6 فقط

يعني هما عندهم 6 بس؟؟؟؟؟؟؟؟؟


امال فين الباقي

ولا لازم احنا نجلد ذاتنا على طول ؟


ما هو زي ما بنعتذر لازم هما يعتذرو

يعني الكبير مطلوب منة ينضرب و يسكت

مرة مرتين هيبقى منظرة وحش

ولا اية


و بعدين الحل في كتاب الأخضر مش القذافي قال كدة في الامم المتحدة

واحد من العمال said...

أتمنى أن تحدث التهدئه والمصالحه قبل أن تطالعنا الصحف

بأن أسرائيل تعرض التوسط بين مصر والجزائر لرأب الصدع الحادث بينهما بسبب ماتش كره
أهو ده اللى ناقص
وبس خلاص

مواطن مصري said...

طيب على جانب الحديث للناس الي بيتهمو مصر ب الخيانة و العمالة

Top Israeli diplomat holds secret talks in Oman

http://haaretz.com/hasen/spages/1130242.html

In addition to Israel, the members are the PA, the United States, Japan, Jordan, the Netherlands, South Korea and Qatar.

All members send scientists to the institute to take part in joint water projects.

Recently, the Obama administration approached Oman to begin steps toward normalization with Israel as an incentive to restart the Palestinian-Israeli peace process.

Although Oman agreed to renew diplomatic relations, it conditioned this on Israel stopping settlement construction and withdrew when Israel refused to do so.


يا ريت من فضلك تعلقي على الجزئية دي

Top Israeli diplomat holds secret talks in Oman

http://haaretz.com/hasen/spages/1130242.html

و في الاخر يتهمو المصرين بانهم خونة الخ الخ


الريس قالها حكمة ان احنا بنشتغل من فوق التربيزة وواضحين امام الناس

انما دول عربية ثانية بتضحك على شعوبها و بتتعامل مع اسرائيل من تحت ل تحت

The Middle East Desalination Research Center was set up in 1996 as part of the negotiations between Israel and Arab states after the Madrid Conference and the Oslo Accords.

In addition to Israel, the members are the PA, the United States, Japan, Jordan, the Netherlands, South Korea and Qatar.


ايش رائيك بقى

؟؟؟؟؟؟؟؟؟؟؟؟؟؟؟؟؟؟؟؟؟

حسن مدني said...

الله البياع ده جاب من الآخر، وجاب الخلاصة

هو ده اللي فهم صح

تحياتي

مواطن مصري said...

دة من موقع المركز

يا ريت تركزي مع دول الاعضاء عشان الدول العربية الي بتتهمنا بالخيانة

http://www.medrc.org/about/chair10arabic.pdf

مواطن مصري said...

عارف اني بعلق كثير

بس لازم تشوفي دة عشان قطر ليها علاقات مع اسرائيل من تحت لتحت دة اثبات

http://www.medrc.org/index.cfm?area=about&page=Executive_Council2

His Excellency Sayyid Badr bin Hamad albu Saidi
Executive Council Chairman
Sultanate of Oman


Ms. Jill R Shaunfield
Executive Council Vice Chairman
United States of America

Mr. Daniel Nevo
Israel

Mr. Yasunari Morino
Japan

Mr. Fayez Bataineh
Jordan

Mr. Rebhy El Sheikh
Palestinian Water Authority

Mr. Jae Gook Yang
South Korea


Her Excellency
Baroness Henriette Van Lynden – Leijten
The Netherlands

Fahad Hamad Al-Mohannadi
State of Qatar
Since 1999 Mr. Fahad Al-Mohannadi is the General Manager of Qatar Electricity and Water Company (“QEWC”) following his service as Technical Manager from 1992. Between 1981 and 1992 he served in various positions at the Ministry of Electricity & Water of Qatar. Additionally, Mr. Al-Mohannadi is Vice Chairman at QPower and is a Board member in four other Qatari companies. Mr. Fahad Al-Mohannadi graduated in 1980 from the North Carolina Agricultural & State University in the USA with a Bachelor Degree in Mechanical Engineering.



قطر في مركز ابحاث المياة الي عملتة اسرائيل

لا تعليق شكرا

maher said...

انت بتتكلمي في الكورة كمان مهو امثالك اللي جابونا ورا والله مروحتيش انتي كمان مع المنتخب ليه يا حلوة الموضوع ملوش علاقة بالوطنية ولا نيلة وبعدين هما عملوا افظع من كدة فينا في بلدنا 84 و89 وبعدين الفيديو اللي انتي جايباه هما قالوا في قنوات كتير انه مش في السودان بس المهم الجمهور ده ميروحش كاس العالم وبعدين احنا مضيعين اجوان اكيدة كتير في الماتش وهما على الاقل 2 منهم لازم يطردوا ومشفتيش لما كلهم اتلموا على احمد حسن في الملعب ربنا ينتقم منك

lastcrazyboys said...

كــلام الجمـاعة "المسئفيــن " ده كويس جدا ..ولابد ان يكون لهم صــوت فيما يجري من أحــداث

بس هلفت نظــرك لحاجة مهــمة جدا .."وأعتقد ان كتير هيأيدوني في التوجــه ده" ..ان حديث الشــارع ..مختلف تمــاما

بغض النظر عن انه قد تم اختيار "شارع سد" عن قصد وبأسلوب متعمد..وان تنسيق ذلك كان لشعبين مسيرين وغير مخيرين
هنلاقي الطرف الجزائري أقــرب إلى المصالحة وتهدئة الاجــواء- على الصعيد الشعبي - منه لدى الطرف المصري
ربما يكون ذلك راجع الى انهم لا يودون افســادالفرحة بالصعود..أو انهم فعلا كانوا مركزين كل جهودهم نحو قضية واحدة يرونها انتهت ..ويستغربون تمادي المصريين مع نهاية الحــدث الرئيس
وربما كانت هنــاك فعلا لدى المصريين رغبة في افســاد تلك الفرحة ..أو ان هناك شيء ما في صدرهم ..يحاولون انكاره ..يدعوهم للسير خلف الموجة ..لأنهم داخليا يريدون ذلك..ويرغبون فيه
حتى لو كانت لديهم قناعة كاملة بأن الامر لا يعدو عن كونه مسرحية

المشكــلة الوحيــدة في هذا الموضوع

ان معالجتنا للأمــر ..زادت من خســائرنا عن ما اذا كنا تركناه للظروف
الجانب الجزائري..لم يرد حتى الآن
في حين ان ردنا جاء مبطنا - من خلال خطبة.. الرئيس- او مستتــرا في تليفونات ابنه "الشــاب ..او مبــاشرا من خلال القنوات الرسمية والاجراءات التي تعتزم اتخاذها ..او اتخذتها بالفعــل
"
حتى السفير الجزئري قال انه لم يصرح لاي وسيلة اعلام مصرية ..لعدم رغبته في اشعال الامر اكثر

ربما يذوب الجليد على المستوى
..الثقافي
ومن بعده الرسمي

لكنه ينتظـره الف عام اخرى ..على الصعيد الشعبي
====
شفتي الراجل اللي جابوه على دريم بيقول انا فلاح لا بقرا ولا بكتب ..بس الموضوع ده مخليني مش عارف انام؟؟

جبهة التهييس الشعبية said...

والنبي معلش انا لازم ارد على الدكتور ماهر صادق ده

يعني مواطن خلاص فقد التمن اللي كان فاضل من مخه وانا باعامله على انه غير مسئول عن تصرفاته

انما يا عم ماهر انت بتقول لي ان امثالي من الجهال بالانجاز العلمي العظيم اللي اسمه الكورة هم اللي جايبينا ورا


طب يا سيد ماهر

طظ في الكورة وفي اللي بيلعبوها وفي اللي بيشجعوها وفي اللي بيفهموا فيها

الهي يارب تنشق الارض وتبلع استاد القاهرة كله بس يكون فاضي احنا مش ناقصين مصايب
عشان دول لو ماتوا ماحدش ح يسأل عليهم
الا لو كان فيه فنانين في الاستاد

هو فيه حاجة جايبانا ورا غير الكورة؟

هو فيه حاجة صايبة الناس بالجنان الاصلي ده ومخلياهم فرجة خلقه اللي رايح واللي جاي يتريق علينا ويقول المصريين اتجننوا رسمي غير الكورة

هو فيه حاجة معطلة الناس وهابلاهم ومخلياهم مفتريين على نفسهم وعلى غيرهم غير الكورة؟

هو مين بيجري ورا الكورة غير الصايع والعاطل

وبما اننا بلد عواطلية فالبلد كلها بتجري ورا الكورة

هو لسة حد له عين يتكلم عن الكورة ويدافع عنها؟

ده انا متهيالي الكورة دي حرام فعلا زي ما السلفيين كانوا بيقولوا

مدام بتوقع العداوة والبغضاء بين الناس كده يبقى مالهاش لازمة

مدام بتهبل الناس وتفضي دماغهم وتخليهم اغبى مخاليق ربنا يبقى مالهاش لازمة

مدام بتهزأنا وتفرج علينا خلق الله يبقى مالهاش لازمة

ملعونة الكورة يا اخي

ملعونة الكورة

ده الشعب بيتسرق عيني عينك وفلوسه بتروح للعيبة فشلة معوقين اللي قدهم اتحال على المعاش وهو راضي بسبب الكورة

راضيين يتسرقوا ويدفع للعيبة ملايين وهم عارفين انها فلوسهم

يا اخي الله يخرب بيت الكورة يا اخي

يا اخي اختشي على دمك بقى يا اخي

يا اخي جتكوا القرف يا اخي على حسن زفت الطين على كل المنتخب اللي ولعوا الدنيا

جرا ايه لما لبسوهم ستات يعني؟

ح ندبح الجزائريين عشان لبسوهم ستات

المفروض يلبسوهم تيران بقرون وللا حمير بديول والله

جبهة التهييس الشعبية said...

لاست كريزي بوي

لا ما شفتوش، ايه اللي مخليه مش عارف ينام؟ اننا اتغلبنا في ماتش؟

يا وكسة يا وكسة

بهيج الشرير said...

إنتخبوا عليئ أبو العلوء سفاح الأمازيغ

حـنــّا السكران said...

نوارة أرجو انك تشوفي هذا الفيديو .
انت بتتذكري طبعا لما عمرو أديب تكلم على موضوع العاهرات في جنوب افريقيا و هاجم المنتخب بشدة , هذا الفيديو هو ثاني يوم بعد الهجوم على عمرو أديب .. الغرض من كل هالفيديو انك تشوفي الدقيقة الثامنة و تسمعي عمرو شو بيقول ... هيدا بخصوص كلامك انه ما حدا سأل المنتخب ليش حسرتوا و ليش لعبتوا بطريقة سيئة و تحولوا إلى مظلومين .. عمرو بيقول نفس الكلام من يومها بيقول : ( أنا السبب انه ما حدا سألكم ليش خسرتوا و أنا السبب انه الأنظار كلها تحولت عن خسارتكم و لعبكم السيء و تحولتم لمظلومين ) .
و هذا ما يحصل الان و هذا ما قلتيه أنت .

http://www.youtube.com/watch?v=Nt77EJhZxuQ&feature=player_embedded

طبعا موجود بنفس المجموعة الفيديو اللي عمرو أديب نشر عرض و حريم المنتخب فيه بخصوص العاهرات و شحاته اتصل فيه و قال له : الله يخرب بيوتكم .

Al said...

المصريون والجزائريون، الذين تبادلوا الشتائم واللكمات، متشابهون في أشياء كثيرة، لا تنحصر في خلفياتهم الاجتماعية، ولا في ثقافاتهم الفرعية، بل تتعداها إلى قابليتهم للاستغلال في السرّاء والضراء من جانب الدولة نفسها، التي تصادف هذه المرّة أنها لم تطلق عليهم الكلاب البوليسية، بل عانقتهم، لتحقق مكسبا سياسيا صغيرا، وفي المقابل منحتهم شرف المواطنة، ووسام الدفاع عن كرامة الوطن. هذا ما حدث في مصر والجزائر، وما يمكن أن يحدث في بلدان عربية أخرى

yasserXY said...

دلوقتى فى سؤال..هل انتى كنتى فى السودان بتتفرجى على الماتش..لو لا..يبقى مينفعش تردى على الل بتمسيها اشاعات وفتنه باشاعات بردو من غير اى دليل..كل الادله كلامك المعارض للحكومه وللحزب الوطنى على شويه فديهوات من اليوتيوب والل موجود برضو على نفس الموقع فديهوات تدين الجزائر...بلاش الخلط بين نقد الحكومه والفساد ...والتخاذل عن كرامه المصريين.. بلاش نلعب بورقه فلسطين واليهود ومعروف ان مصر هيا الدوله العربيه الوحيده الل تدخلت بحروب ومعاهدات سلام مع اسرائيل لم تقم بها اى دوله عربيه نهائيا.ولو مش عاجب يبقى نترك المفاوضات او الحروب لاى بلد اخرى ولتكن الجزائر ونشوف هيحصل ايه..فى انتظار ردك على سؤالى

khairy said...

ولو مثقفين العالم كله خلاص اللي حصل حصل واللي اتكسر عمره ما يتصلح دي مصر ياعينني من يوم الماتش وهيا قافله علي نفسها الاوضه وقاعده تعيط ده حتي هشام عباس قعد يغنيلها اه ياغاليه ومتزعليش لكن برضه هيا واخده علي خاطرها اوي وقالت انها مش طالعه غير لما بتوع الجزائر ييجوا واحد واحد يعتزرولها وساعتها ممكن تفكر بس صراحه هيا غلطت هيا ايه اللي يخليها تسيب مقدراتها بره وهيا عارفه ان حد ممكن ييجي يعبث بيها (انا بتفرس من كلمة مقدرات البلاد دي)

Amr said...

ياجماعه بالله عليكم ماتبطلوا بأه حتة الأم و الشقيقه الكبرى و الكبير اللى بينضرب

حاسس أننا بنتكلم عن دار حضانه أو قرية فى الصعيد

فتاه من الصعيد said...

اجواء التهدئه بدات في الظهور

حتى المهللين تحدثوا امس عن القله الجزائريه .... ورجعنا عرب تاني :D

ورجع الدوري خلاص .... والاسماعيلي بكره يلاعب الاهلي ويقطعوا بعض .... ونشوف الشغب اللي على حق ربنا

تحياتي

m5m said...

عاجبنى قوى الخبر ده

http://www.youm7.com/News.asp?NewsID=159997

maher said...

ايوة مهو زي مانت بتقولب بالضبط كدة انا عواطلي وفاشل ومكنش لينا غير البتاعة الهبلة دي نتفرج عليها ولا فالاق معانا مصر ولا نيلة جيتوا انتوا دخلتوا فيها كمان قرفتونا في عيشتنا وبعدين مهما كمان مجانين من زمان وعملوا فينا بلاوي عشان الكورة فيها ايه باة اما احنا كمان نتجنن مرة يباى من حقي اشتمك ولا لا

شاب فقرى said...

وربنا وربنا وربنا كمان مرة حاجة تحرق الدم

ما كان من الاول

يعنى محمد فؤاد طلع بيشتغل نفسه وبيشتغلنا

الحمد لله

سمعتى جمال بخيت امبارح مع الواد معتز ؟؟؟؟

وشفتى راى وائل الابراشى

عجبنى جدا راى وائل الابراشى

لما بيقولهم احنا فاشلين فى التنظيم وفى كل حاجة

لما الجانب الجزائرى يخطط ويوصل

وقال ان المدان هوا الحكومة الجزائرية او الادارة اللى مخططة
لما منحت جوازات سفر لمسجلين خطر لمدة عشر ايام بس

تخيلى

اشتغالات وربنا

وقالك كمان العيب مننا كمان

اننا مش عرفنا نوثق الحدث كل اللى بنعمله دا هبل

والدنيا كلها بتشتم فينا عشان خاطر فيديو تلاتين ثانية

يادى النيلة والوكسه

ربنا يصبرنا بقى

شاب فقرى

شاب فقرى said...

اه صحيح فيديو التلاتين ثانية دا بتاع الطوبة عالاتوبيس بتاع الجزائر

الدنيا كلها لما شافته بتشتم فينا

وعشان كدا اتعاقبنا


لا عرفنا نوثق ولا نثبت اى هبل ولا عرفنا نقول كلمة صح وولعناها عالفاضى

بس وائل قال علاء مبارك اتصل بيه

وهوا بيقولى علاء مبارك بقوله علاء مين

ههههههههههههههههههههه
قاله ابن الريس

انتم خرجتوا ولا لسه

قاله انته خرجت

قاله اه انا فى المطار والطيارة لسه مقامتش

المهم انا مش هسافر غير لما اتطمن عليكم

وفعلا كان بيطمن عليهم

لاء الراجل عمل اللى عليه

على راى المثل

لاقينى ولا تغدينى

يعنى هما فشلوا فى حمايتنا هناك وفشلوا فى ارسال جمهور محترم وفشلوا فى التوثيق للى حصل

يبقى كدا هبل فى هبل بقى

لاقينى ولا تغدينى

وكمان فى نقطة تانية اتكلم فيها حنان شومان

قالت ان يسرا راحت ترجع جايزة للسفارة الجزائرية

كانت واخداها من مهرجان وهران من سنتين او سنة تقريبا

ههههههههههههههههههههههه

صباح التهييس |:d

ابقى اسمعى مسحراتى العرب من جمال بخيت
http://www.youtube.com/watch?v=6Kf6mohiQYY

وكمان الراجل الطيب دا قالك انى اقول عروبة ايه وبتنجان ايه ابقى بظلم نفسى لما اقول انى مش دولة كبرى واحبس نفسى واقول خلينى فى حالى

يبقى انا بظلم نفسى

لانى فعلا دولة كبرى عربيا عالاقل

مثالية عربيا


شاب فقرى

Yasmeen said...

"يا اخي جتكوا القرف يا اخي على حسن زفت الطين على كل المنتخب اللي ولعوا الدنيا"

اية يا بنتي ده قطع لسانك و عمي بقلبك غلبنا و احنا نقولك الموضوع الموضوع مش موضوع ماتش كورة الموضوع موضوع شعب واطي و رمةبس انتي لازم تهيفينا و تحقرينا على اساس انك واحدة اكثر ثقافة و دراية و ذات نظره موضوعية ببواطن الامور و كل الكلام البطيخ ة و عايزة تحشري في دماغنا و بالعافية انك انتي اللي شايلة هم البلد و مكرسة وقتك كلة للدفاع عن حقوق المواطن الضعيف حتي فكر الجواز لاغيها عشان نقتنع اكتر و الله العظيم انا مش عاوزة اهاجمك بس كلامك اسفزازي اوي و لسانك زفر اوي و اللي زاد و غطي الاضيشك اللي كل يوم ارفني اعتذري لضلمة (نوارة) يعني لازم الاعتذار و الا هيعملوا و يسوا انا مشفتش حد اتعرض لك و انتي بتشتمي اسيادك و تاج راسك احنا حرين يا ستي بنحب الكرة و بنحب اللي بالي بالك اللي عملين لك عقدة في حياتك احنا حرين اللة لازم تفرضي علينا سلوك معين يرضيك من الواضح جدا ان الناس بدأت تفهمك علي حقيقتك و عقبال الباقي فية مكان حلو اوي مستنيكي تعيشي فية جنوب لبنان عند بابا حسن و سيبينا بقي احنا في جهلنا و ارفنا

Samar Abdullah said...

الحقى يا نوارة...
------------------------
حملة «فيس بوك» لحذف الجزائر من «بنك الحظ»

كتب سارة سند ٢٥/ ١١/ ٢٠٠٩

وكأن العلاقات المصرية - الجزائرية قد انتهت تماماً بعد أحداث مباراة المنتخبين فى الخرطوم ولم يبق منها سوى «بنك الحظ»، طالب عدد من شباب الـ«فيس بوك» فى جروب أنشأوه خصيصاً بحذف الجزائر من خريطة لعبة «بنك الحظ» الشهيرة.

إحدى المجموعات لخصت الاقتراح: «الفكرة بسيطة جداً بنك الحظ لعبة مصرية، والجزائر أعداؤنا، فاحنا يا نرخصها شوية فى اللعبة، يا إما نشيلها خالص من أتوبيس السرعة»، وذكر «جروب» آخر: «هذا واجب كل مصرى كريم العنصرين، علينا أن نقف فى وجه المؤامرات الجزائرية. نرجو حذف الجزائر من لعبة بنك الحظ وأخذ موقف بعدم شرائها والاستثمار بها، سواء عن طريق بناء الفنادق أو المساكن».

ونجح مؤسسو «الجروب» فى حشد عدد كبير من الأعضاء المؤيدين للفكرة، حيث وصل عدد أعضاء أحدهم إلى ١٢٥ عضواً فى يومين.

وقال مروان أبوالسعود، مؤسس جروب «حملة لحذف الجزائر من بنك الحظ»: «الجزائر بتتباع بـ٣٠٠ جنيه فى اللعبة والله بعد اللى حصل ما دافع فيها بريزة».

http://www.almasry-alyoum.com/article2.aspx?ArticleID=234548
---------------------------------

ههههههههههههههههههههههههههههههههههههههه وربنا احنا تافهين

م/ الحسيني لزومي said...

كل عام انتم بخير
تقبل الله منا ومنكم صالح الاعمال

m5m said...

بصى على ده كمان

http://www.almesryoon.com/news.aspx?id=21324

جبهة التهييس الشعبية said...

انا دلوقت دخل لي اتنين مشجعين كورة مش فاهمة منهم ولا كلمة

لا بيعرفوا يسبلوا الكلام ولا مجمعين

ايه "ذات نظرة موضوعية ببواطن الامور" دي؟

ايشي خيال يا ناس

طب هو في حدود اللي فهمته من املاء الاتنين مشجعين الكورة ياسمين وماهر انهم بيحبوا الكورة وزعلانين اني مش باحبها؟ تقريبا؟ حاجة كده؟

طب انا باحبها بس مش مهووسة بيها يعني بافترج لما يبقى فيه ماتش مهم

ممكن؟

وللا.... هو فيه ايه؟

جبهة التهييس الشعبية said...

اه بس يا ماهر موضوع ان فيه ناس دخلت في الكورة مصر وكرامة مصر وعكرت على مشجعي الكورة الحاجة اللي بيحبوها دي معاك حق فيها طبعا

بس كده الكورة بقت حرام يا ماهر

مدام اتسببت في البغضاء والتشاحن بين المسلمين بقت حرام

جبهة التهييس الشعبية said...

m5m

ما تجيبش اخبار من المصريون

عمرهم في حياتهم ما كتبوا خبر صح

لو قالوا لك صباح الخير تأكد اننا بالليل وهم بيكدبوا عليك


الخبر التاني حلو بصراحة، انا عايزة اتضامن في القضية دي

جبهة التهييس الشعبية said...

محمد حسين لزومي

وانت طيب وربنا يفك كربة المسلمين

بس تصدق

انت كنت عامل مدونة مواطنين ضد الشعب ههههه الظاهر طلع معاك حق وطلعت انا المغفلة


فتاة من الصعيد

ايوة

بيهدوا دلوقت

بعد ايه؟
بعد ايه؟ بعد ما شحنوا الناس؟ وخلاص، هو اللي اتكسر بيتصلح؟ ده احنا صعايدة يا مروة ههههههههههههه

يعني الحوصول ده ما يمحيهوش الا الدم

هههههههههههههههههه


شاب فقري

والنبي والنبي والنبي عندك حلقة جمال بخيت؟

نزلت على النت؟ والنبي لو عندك تنزلها وتجيب لي اللنك؟


عمرو

اه، احنا في حضانة، ده واحد بيتصل بالعاشرة مساء يقول لها احنا الشقيقة الكبرى وعشان كده لما اخويا الصغير يغلط لازم اضربه

ههههههههههههههه الله يشفي


خيري

ههههههههههههههههههههههههه
ههههههههههههههههههههههههههههههه
ههههههههههههههههههههههههه
هههههههههههههههههههههههههههههههه

واضح ان الفرسة ح تطلع من الناس ابداعات

مصر مقموصة عشان اتغلبت واترمت على الارض وبترفس ليه وليه اتغلبت في لعبة

جبهة التهييس الشعبية said...

yasserYX

ما اللي كاتبة المقال ده كانت في السودان

ومن غير ما تروح السودان

بص يا ياسر فيه حالة شخصها مهندس حر، واحد صاحبي انت ما تعرفوش، اسمها حالة انكار، حالة انكار عامة في الجمهور المصري

انكار اننا ضربنا اللعيبة بالرغم من اصابات تلات لعيبة وارتجاج في المخ لمدرب حراس المرمى وتقرير الفيفا واعتذار جمال مبارك للفريق

انكار لاننا اسأنا للجزائريين لما جم، بالرغم من ان الاصابات بينهم خمسة واربعين وفيهم واحد مطعون وصحفي في المصري اليوم لبس جزائري ما فاقش الا في المستشفى

انكار اننا خسرنا الماتش والاصرار على انهم كسبوا الماتس بالغش

طب والنبي ده الجون اللي دخلوه فينا صاروخ

وماهر اللي عامل لي كروي وبيقول لي احنا جات لنا فرص ونسي كلمة كابتن محمد لطيف الشهيرة: الكورة اجوان

ما تقعدش تقول لي فرص

حالة تهويل من اللي حصل في السودان وادعاءات من غير اي دليل واحد على ان بوتفليقة هو اللي بعت لنا بلطجية

مع ان الاصابات كلها في الجمهور المصري في السودان كانت 20 اصابة خفيفة

وتكلمهم يقولوا لك مش مهم عدد الاصابات
وتكلمهم يقولوا لك مش مهم الماتش
وتكلمهم يهونوا كل اللي حصل للجزائريين هنا ويهولوا كل اللي حصل للمصريين هناك

مع ان بالاعداد والتقارير

خسائر الجزائريين اكبر من خسائر المصريين

يبقى ازاي احنا متحضرين ومؤدبين وحنينين وهم بلطجية وصيع ومتسلطين؟

ثم انت مش ملاحظ ان كل الناس سابت الماتش بل على العكس، قال ايه، بيحمدوا ربنا اننا خسرنا الماتش

والا كنا خسرنا الماتش
بانت كده، هم شحنوا الناس واقنعوهم انهم كسبانين كسبانين، وخافوا من رد فعل الناس عشان خسرنا فعملوا الفيلم ده عشان يطلعوا من بق الناس: الحمد لله اننا خسرنا الماتش

lastcrazyboys said...

شفتي الموضوع الجــامد اللي اثبت ان ااعلام الجزائري متفوق فيه هو كمــان
حتى نبرة "قمصاني ..وشراباتي "على رأيك ..معرفناش نســد معاهم

الجــزائر بتقول :مااشي انتوا قلتوا هنقاطع الفنانين الجزائريين ..ومش هنغني هناك تاني ..والخ الخ

طب بدل مانتوا شماليل كده ..وعمالين تتنازلوا عن الهدايا والجوائز بتاعة المهرجانات ..ماتجيبوا الدولارات اللي قبضتوها مع الجوائز دي
ولا انت فالحين بس ترجعولنا الورق ..والشهادات


:خدي الكــلام اهو زي ماهو
تحت عنوان
هذه أفضال الجزائر على حثالة أهل الفن المصري
الشارع الجزائري يطالب الفنانين المصريين بدولارات الخزينة

لو نعود قليلا للوراء يوم نزلت يسرا"
على مهرجان وهران، واستقبلت استقبال الفاتحين وقالت بعظمة لسانها بأنها لم تحض يوما بمثل التكريم الذي حضيت به في الجزائر، وهل نسيت إلهام شاهين يوم وقفت في أروقة شيراتون وهران وهي تطالب على "الفول المصري"، وكيف أساءت للفنانة القديرة بهية راشدي، وكيف سعت لتكسير المهرجان عندما قامت بتسريب نتائجه للإعلام المصري قبل أن يتم الإعلان عنها رسميا،
وبرغم كل ذلك لم يشتمها أحد في الجزائر ولم نقل أن الشعب المصري لا يتقن فن "الإتكيت" ولا يحفظ أسرار المهنة، كما لم نقل أن الفنانين المصريين " شحاتين" ويعيشون على بقشيش المهرجانات، وإلا كيف تجرأت إلهام شاهين على أن تتنازل عن تكريم مهرجان وهران ولم تتنازل عن40 ألف دولار قيمة جائزة أحسن دور في فيلم "خلطة فوزية " التي فاز مخرجها مجدي أحمد علي بـ 50 ألف
"دولار.

حسن على said...

كان لى صديق عرفتة منذ عقود صادقا شديد الصراحة,لكنةالسنة دى اصيب بداء الانكار,اقول لة شاهدتك وانت تدخل منزلك ,فيرد بانة لم يغادر المنزل من اسبوع!؟اقول :لم لم ترد على مكالمتى؟؟؟ فيرد انة لم يتلقى منى ولا من احد اية مكالمات!!!؟؟؟ وهكذا حتى ادركت انة فى ورطة لايسعفة فيها الكذب مهما بلغ اتقانة ولذلك فهو ينكر الواقع الذى يدركة الجميع حولة ويعتقد ان وضع الرأس فى الرمال سيخفية عن الناس , مسكين اطلبوا لة الشفاء والرحمة من اللة