Wednesday 18 November 2009

مبروك لبوتفليقة



مافيش يا عم انتفاضة فقرا تاني خلاص، مبروك يا سيدي، هنيا لك
الحمد لله؟ خلصت منكوا انتوا الاتنين؟ الجزائريين مش ح يضربوا عشان فرحانين والمصريين لما بيزعلوا بياخدوا جنب
اتهدوا بقى

21 comments:

Dr Nemo said...

اخيرا الكابوس انتهى
بيييييييييس

muhanad said...

اللهم لك الف حمد وشكر

علشان شوية الرعاع يبقى

يتألهوا على ربنا

ويقسموا بالفوز كأنهم اطلعوا الغيب او اتخذوا عند الله عهدا

علشان الالة الاعلامية القذرة اللى شحنت الناس علشان ماتش كورة

علشان المذيع الهايف اللى قال ان بما ان السيد جمال مبارك هنا والسادة اعضاء مجلس الشعب يبقى ممكن ياخدوا قرار الفوز بالمبارة من الخرطوم

علشان السحر يتقلب على الساحر

علشان يمكن الشعب يفوق ويتشحن من نفسه على فساد نظام الحكم

اقسم بالله العظيم انا حزين على تفاهة شعبنا ومش حزين على الخسارة

لان الخسارة دى اكيد ربنا هيكتبلنا بعدها مكسب

انما تفاهتنا ما شوفتش ابدا بعدها اننا نفوق

اللهم لك الف حمد وشكر



--
مهند ،،،

Os Ansary said...

الف مبروك الك نوارة الفوز

لان عنجد احترق دمك هاليومين .. واخيرا خلصتي هههه

بس سؤال بسيط :

ليه السودانين كانو لابسين كامامات

ومن انسحبوا المشجعين المصرين من المدرجات وفضلو بس الجزائرين نعزوا الكمامات ههههه ؟

dr.gesho said...

هيا دى مصر يا رافت

Asmaa mahaba said...

مبروك يا نواره
دا رحمه والله للناس الى عايشه فى الجزاير والمشجعين وربنا حقن دماء المصريين اللى كانت هناك

Eldebug said...

كله يبتسم ابتسامة عريضة تحت شعار " اوعى تكرمش وشك "

البنفسج الحزين said...

خلااااااااااااااااااااااااص
كل شيكن انكشفن وبان ...
رجعنا لقوعدنا سالمين
بس مش مشكله ادينا خدنا أسبوع أجازة من التفكير في المشاكل بتاعتنا(عشان نكسر الملل هههههههه) وهنرجع نستأنف تاني ...
وكل كاس عالم واحنا طيبين...

Anonymous said...

أيها الاخوه الجزائريين جاتكوا خيبه
اتهدو بقى

سامي said...

الحمد لله انتهت الحمى

مبروك للجزائر وهارد لك للنظام المصرى

هتشوفوا said...

انبسطتي يا ختي, اهو كدة مفيش هيستريا زي المرة اللي فاتت

أبو أمك said...

ولا بياخدوا جنب ولا نيلة
كانوا هايطحنوا العيال بتوع الجزائر في شارعنا لولا إني سيطرت على الموقف وماحدش قدر يمد إيده

آه يا دراعي

Unknown said...

الحمد لله
خروج من كاس العالم أحسن من مدبحه أم درمان
المصريين متعودين يستكينوا بعد أى قفا ياخدوه سواء قفا حكومي أو كروي أو أى نوع يستجد
الجزائريين هايتهدوا هما كمان
خلاص مش عايزين حاجه

نرجع بأه لأيش عرفك أنت وأخواتها

فلاشاوي said...

شعور غريب بالحزن والفرحة في نفس الوقت
!

فلاشاوي said...

شعور غريب بالحزن من الهزيمة والفرحة في مبارك والحزب الواطي

يسري said...

ههههههههههه
المولد انفض و كلة يروح على بيته يلااااا

كويس و الله انهم كسبونا
عشان لو كان غير كده كان حصل بلاوى و كوارث ( علي رأي سوسن) وقشوع
الحمد لله
قدر الله و ماشاء فعل

بالنوسبة ليكى بقا يا نوارة

انتى بقا ليكى معايا قاعدة طوييييييلة
عشان الكام بوست النارى اللى فاتوا دول
مبروك للجزائر
هارد لك مصر
نشوف بقا ورانا ايه
و نعمله
و نشوف الحجج الجديدة من حكومتنا الرشيدة
نشوف بقا حيتطلعولنا بحجج ايه جديده حكومتنا المجيدة

فضينالكم
و فضيتولنا
و الحوار مجاش فى صالحكم

ابو تفليقة .. خلع اهو على رأيك
الدور و الباقى علينا احنا
و لا انتى ايه رأيك

عاشقة القمر said...

سلام عليكم انا عايزه رود علي شخص بتاع ليه لبسين كممات احنا كننا معاكم اكيد في ناس مع
لجزائرين
كممات يا اخ عشان احنا مش غباره لان اكيد دنيا مغلوبه في عاصمه اهكون في غبارة سيارات يعني عاملين الا حتياطات كمان ممكن يكون عشان الانفلوز الخنايزر
يعني مش تظلمونا بقي
احنا ناس عدنا وفاء وكرمه
كمان مذيعة قالت اشترو سودانيوان بالفلوس احنا لو بنتهم بالفلوس مش كان عدنا الحرب
الحمدالله حتي الان مش ركعنا لي امريكيا

dark moon said...

هزيمتنا تولدت من انتصارنا يوم السبت بمعجزة هدف متعب في الثواني الاخيرة احنا لازم نتحط تحت ضغط جامد علشان نبدع كنا محتاجين هدفين علشان نلعب مباراة فاصلة وقد كان واحتفلنا بالانتصار ونسينا ان احنا عندنا ماتش فيصل يوم الاربعاء يا عيني عليكوا يا مصريين فرحتكوا ما بتكملش ابدا واضح ان الفرحة كتير علينا والله وعملوها الرجالة وحرقوا دم المصريين

عبد الزهراء المصري (علي الحسيني) said...

ههههههههههههههاي تعرفي يانوارة أنا طبعاً كان نفسي مصر تغلب لكن فكرت شوية وقلت لنفسي وقلت ياواد وأنت مالك زعلان ليه ؟ يغلبوا ولا مايغلبوش أنت هتخسر حاجة ؟
طبعاً لأ بالعكس أحنا لو كسبنا فأنا كمواطن هخسر أن إعلام الوطن والحكومة هيخرج مهنئ للفخامة والقداسة الرئاسية الإلهية للحاكم القابع على صدورنا منذ 29 سنة وإن الماتش أنتهى بالفوز بفضل حكمة الرئيس ومش بعيد يطلع علينا واحد من شلة نفاقك ياوطني الحبيب يدعي إن اللي حط خطة المنتخب هو الحاكم المعصوم الذي لأ ذلة له ولا عيب فيه أسم النبي حارسه عوكل وبكده ياولاد أنتهت الحدوتة بتاعت المونديال وعلى فكرة أخويا قال لي إن فيه واحد من المشجعين اللي خرجت بعد الماتش قال أنا بحب إسرائيل ههههههههههههههههههههه تخيلوا بقى أنتوا التفاهة وصلت لحد فين ؟؟؟
أحسن أحسن أحسن مبرووووووووووووووك ياعوكل مبرووووووك ياجيمي مبرووووك.

Unknown said...

أشووووووووووووفه

نفسى أشوف وشوشاهم القذره

شلبى و مصطفى وشوبير والأراجوزززززز

Os Ansary said...

عاشقة القمر ..

مابعتقد شتمت السودان او تجاوزت على

شعبها ؟؟!!

ومتى ظلمتك او طلبت تكوني معانا ؟

سئلت سؤال انتبهت عليه من خلال المباراة !!

فمايحتاجلها كل هالوطنيات والموت لامريكا والنصر للحق .!!

ياريت حسن الظن يكون هو المحمل بالتعامل

حسن على said...

لأنى لااهتم بكرة القدم ,ولأن كل(ن)يغنى على ليلاة,ولأننى مصاب بالسنتمنتالزم المهترىء والعياذ باللةأبضا, فقد احزنتنى الاغنبة الجميلة بأسقاطها على موضوعات شخصية,شكرا لنوارة ومنك للة فى نفس الوقت ...ازاى معرفش.بس خلاص