Tuesday 10 November 2009

قبل ماتش الجزائر: قائمة بالانجازات



من ساعة نصر تلاتة وسبعين لحد النهاردة، ايه الانجاز الجماعي اللي عملناه واللي لولانا ما كانش اتحقق غير كاس افريقيا؟
بنعمل ايه غير الكورة؟  بجد، انا عايزة قائمة بالانجازات المصرية من تلاتين سنة لحد النهاردة، انجاز جماعي
ماحدش يقول لي نجيب محفوظ وزويل، نجيب محفوظ اخد جايزة عشان بيكتب عن خيبتنا
وزويل لو كان قعد في مصر كان جاله عته، حد يقول لي مرة مصر اسمها اتذكر في غير الكورة بما يدعو للفخر
يارب الماتش يبوظ، يارب عوكل يحضره

حسبي الله ونعم الوكيل فيك يا عوكل

33 comments:

الميكروباص said...

ولله انا من مواليد 78
ومن يوم ما اتولدت وانا بسمع اننا ماشيين في طريق الاصلاح
ومش عارف الحقيقه هما بيصلحوا في ايه كل ده

Anonymous said...

انجازاتنا كتييييييير

كاس الامم تلات مرات .... الوصول لكاس العالم مره :D

تحياتي

Unknown said...

لورنس العرب

معلش يا لورنس، ماهي الاشارة واقفة عشان فيه تشريفة ح يعملوا ايه يعني يقطعوا نفسهم؟

فتاة من الصعيد

والاهم من ده كله ان مافيش فيلم مصري واحد يرقى انه يشترك في مهرجان القاهرة

شفتي؟
شفتي الخيبة؟

into said...

ﻷ عيب عليكي بجد

مش شايفة اي انجاز لحكومتنافي التلاتين سنة دول!!

لا اسمحيلي اللي ميشفش من الغربال يبقى اعمي

اقولك شوية انجازت و امري لله
1- اسرائيل دلوقتي عندها 7 جامعات في ال 500 جامعة الافضل و بعون الله اعدائها مبقاش عندهم تعليم
2- اسرائيل حصلت على 9 جوائز نوبل
3 -بناء عدة سدود مائية (في اثيوبيا)
4- الاقتصاد الاسرائيلي يعد معجزة
5-الفلسطينيون تم حصرهم على اقل من 20% من مساحة فلسطين
4-العلاقات العربية - الاسرائيلية في تحسن متزايد بالتزامن مع تدني العلاقات العربية-العربية
5-ارتفاع غير مسبوق في صادرات الوقد (لاسرائيل)

عايزين منه اكتر من كده ايه يا ناس، هيعملهم ايه اكتر من كده

ان كان حبيبك عسل متلحسوش كله ، الله!!

into said...

الف هينا في قطر
الفين هنا في عبار
50 ظابط قوات مسلحة في طائرة
30 مليون كبد وبائي
50000 سنويا في حوادث سيارات

هتنكري كمان الانجازات دي

into said...

اه لا مؤاخذه انت قصدك يعني انجازات لصالح مصر؟
مش تقولي كده انا فكرك عايزة انجازتهم لصالح اصدقاءنا

خذي يا ستي
1-كأس الامم الافريقية 3 مرات

into said...

اكبر مصانع لل اسبستوس المسرطن في الشرق الاوسط و افريقيا

خواطر شابة said...

بدعائك ان مصر تخسر حتفتحي عليك جبهة قوامها لو مش كل السبعين مليون مصري ثلاثة ارباعهم على الاقل مستعده لهدا ?
الاهتمام بالكرة ليس عيبا لكن الشطط فيه هو العيب كل شئ ادا زاد عن حده انفلب الى ضده

into said...

ازهي عصور الحرية
لم يتم تعقب مدون
و سجن معارض
او سحل صاحب رأي
او سلخ صحفي
او نفخ مواطن
او فشخه

into said...

الرقم القياسي بلا فخر بين جميع دول العالم في سنوات الحكم بالطوارئ

into said...

صفر المونديال

into said...

خايبة فاروق حسني

into said...

بعد اكثر من 150 سنة من اكتشافها مازالت البلهارسيا تحصد اكثر من 30000 روح مصرية بعد ان تحول انسجه اجسامهم لمنخل لا يصلح حتي كبيئة للبلهارسيا

into said...

الهبوط بالمية من 55% ل 54%
مع زيادة حادة في الامية المقنعة

into said...

الارتفاع بمستوى جودة مياه الشرب اللي الحد الذي اصبح معه غسيل الاسنان بماء الصنبور من قبيل المخاطرة في بعض محافطات مصر

into said...

اصبحت الامنية الشاغلة لكثير من اهل الاقاليم في القرن ال 21 هي
يا تري هنعيش و نشوف عندنا صرف صحي

into said...

ضرب الرقم القياسي في العفة بعد تجاوز عدد الشباب فوق الثلاثين بدون زواج الثلاثة ملايين

Anonymous said...

اهوا هيلبر جاب اهون كل الانجازات .... موش لازم السينما بقا كفايه علينا كده .... بلاش طمع

تحياتي

سامي said...

كفاية اننا بناكل اكل مزروع بميه المجارى وصحتنا زى البمب

دا مش انجاز؟

Asmaa mahaba said...

تصدقى بالله غاظونى لدرجه انى بقيت ادعى الاتنين يتلغوا من اتحاد الكوره خالص عشان الهبل اللى بيحصل دا

هتشوفوا said...

هو فيه غرق جماعي, فيه حرق جماعي , فيه نفخ جماعي, فيه تهجير جماعي, فيه خيبة بالويبه

مواطن مصري said...

بسم الله الرحمن الرحيم

الاجابة

1 الدائري

2 كوبر اكتوبر

3 مترو الانفاق و الخط الثالث بيتعمل

4 كاس الامم الافريقية

5 المحور

6 الرحاب

7 مدينتي

8 010 011 012

9 ممممممممم بس خلاص

10 القرية الذكية


:D
:D

مواطن مصري said...

دة غير العربيات بيقولك 300 الف عربية


:D :D

wahat_alshohada said...

احد الانجازات العظيمة فعلا
عربية الستات اللى فى مترو الانفاق

Unknown said...

انا عيد ميلادى يوم الماتش
و ده اهم انجاز حصل على ما اعتقد
!!!

بهيج الشرير said...

ضرب الرقم القياسي لعمر الحاكم ليقترب من عمر سيدنا نوح، مع الفرق طبعا أن سيدنا نوح كان ذكي وبيفهم

تم رفع الدعم عن سندوتشات البلهارسيا

إستخراج أنواع جديدة من الكفتة من لحم الحمير والحيوانات النافقة

جواز عتريس من فؤادة باطل وجواز الواد إبن عرس من خديجة باركودا السنة اللي فاتت

soreal said...

سؤال وجيه ... نهني أنفسنا P:






الحقيقه المره

العمل الجماعي عاوز قياده

القياده الصالحه تقود لعمل جماعي مثمر

مفيش قياده.. العمل الجماعي المثمر بيصبح مسئله حظ ونصيب

بس لما القياده تبقي سيئه .. العمل المثمر... جماعي أو مش جماعي ... بيبقي مسأله تحدي. واي حاجه تستحق الواحد يبقي فخور بيها

بس عاوزين الصراحه ... أحنا مش بنربي النشء علي العمل الجماعي... بس أنا مش عارفه إذا كان ده بسبب ثقافتنا الموروثه أو بسبب الظروف اللي بنمر بيها..

Kalimalhus said...

بدراوى..

إنت بتحط نفسك فى موقف صعب جدا..

إنت يابنى عندك ميول إنتحارية؟ .. طب دى كانت متقلوظة لواحد تانى و إنت مصر برضه إنك تلبسها ؟؟

لا حول و لا قوة إلا بالله .. كان ولد طيب..

Khaled Selim said...

توشكي
هههههههه

Ahmed Mohamed said...

كنت قاعده ع القهوه وتلت اربع الناس
بتقول وحتي لو كسبنا
طبعا مش يقصدو التمثيل المشرف في كاس العالم
يقصدو
ايوه يعني احنا احنا هنكسب ايه
والله ما عرفت ارد
بس بردو تلت اربع الناس المحبطه دي
بتقول كده من وري قلبها
حتي انتي بتقولي كده من وري قلبك
مصر هتكسب ان شاء الله
عشان الناس تفرح ودي اهم حاجه
مش تستكترو علينا الفرحه حتي لو في الكوره

أحمد عبد الفتاح said...

كورة ايه يا نوارة بس الي لينا فيها انجازات ظ
انتي بتهزري ؟
فاكره مين الي هزمنا في تصفيات كاس العالم الي فاتت ؟
مورشيوس
تخيلي مورشيوس ده دولة
الي عمري ما سمعت عنها ولا في مجلة ميكي حتي ولا اعرف حد سافر لها ولا حتي عم دهب وبطوط وولاد اخوه
قال امنجازات قال
نرفزتيني عالصبح

into said...

لا يا بدراوي عيب عليك الرقم القياسي محفوظ للاخ العقيد قائد الجماهيرية الليبية

Kontiki said...

شعب له انجازات يعنى شعب عندة قيمة او قيم بيدافع عنها يعنى لو احنا متربيين على النضافة مكانش اللى راكب عربية 10 متر اكل ورمى الزبالة من شباك عربيتة !!! رغم انه تصرف غير لائق ومفروض ميصدرش من ناس تتوسم فيهم مستوى اجتماعى ومادى وبالتالى تربوى معين! بس بيحصل لاننا مش متربيين على قيمة النضافة فى ذاتها وبالتالى اتكومت الزبالة فى شوارعنا وكل واحد مكبر دماغه لو كان فى قيمة او فكر جمعى كان الناس اتحدت ونزلت ستات ورجالة و شباب ونضفوا شوارعهم وزرعوها
.. متعودين نشوف الغلط ونسكت عشان متربيين على انا مالى
احنا كشعب اية القيم اللى اتربينا عليها !!
دلوقتى محركات المجتمع ومصدر قيمة بقت الفضائيات ! والقيم الافغانية والاخوانية اللى حصرتنا فى مصدر الفتنة اللى لابد يكلفت والطرف المفتون المظلوم المثار اللى الظروف كلها ضدة اللى لو شاف حواجب ست ممكن يغتصبها هههه ويبقى معذور وهى الغلطانة و قيم اخدت سلبيات الغرب دون ايجابياته
زمان كان تعلم اللغات شىء محبب دلوقت بقى اسمها لغات الكفار
زمان كان انتيمتى فى الفصل مسيحية لما افلس تسلفنى وتحللى الامتحان :) دلوقت بسمع من ناس على مستوى تعليمى وثقافى مرتفع كلمة السلام ميجوزش على مسيحى ! ولو مات منقولش الله يرحمة متجوزش عليه الرحمة
رحمة ربنا اللى وسعت كل شىء بقت وقف علينا بس حتى الكلمة لو قلتيها فى ظرف موت اى حد تلاقى الف صوت يطلع فيكى لا اسكتى حرام انتى حتكفرى الرحمة متجوزش علية !!!
حفضل اقولك زمان ودلوقت ومرارة وظلم وخيانة وافتراء دلوقت خلينى ساكتة احسن انا كدة كدة اكتئبت وخلاص
شعب بدون قيم استحالة يبقى ليه انجاز جماعى !