Friday 27 November 2009

مبارك يهنئ بوتفليقة بعيد الاضحى

الصلح خير قوم نتصالح ده الصلح خير، خصوصا انهم هم الاتنين قدموا الضحية ودبحوا الدبيحة في يومي 14 و18 نوفمبر بعد ما فضلوا يعلفوها من يوم 9 اكتوبر باغنية احلف بسماها وبترابها احلف بدروبها وابوابها احلف بالقمح وبالمصنع احلف بالمدنة وبالمدفع بولادي بايامي الجاية ما تغيب الشمس العربية طول ما انا عايش فوق الدنيا...آآآآه جات لنا ضربة دوختنا من الشمس العربية
وبما انهم باعوا سماها وترابها ودروبها وابوابها، وبطلوا يزرعوا قمح، والمصانع اتخصخصت وعملوا ادان موحد وما بقاش فيه مدافع والحمد لله، فهم مش مضطرين يصوموا تلات ايام لما حلفانهم يقع
اما بالنوسبة لاولاده وايامه الجاية فدول مالهمش نهاية
وانا لسة عندي في الشارع الناس بتمشي تعمل تيت تيت تتيت تييييت ومشغلين يا حبيبتي يا مصر بصوت عالي، وفي الدوري سمعت مشجع عمرو قال له ان اسمه حميدو بيغني: يا اخلى اس في الوجود يااااامصر.. يا اس مغلوء للخلووووء يااااااامصر
والحمد لله، وكما قال مرتضى منصور في حواره مع خالد الغندور
مرتضى: احنا بلد نجيب محفوظ وعادل امام
خالد الغندور: بس ليلى علوي لها احترامها
مرتضى: طبعا لها احترامها والا ما كانوش شافوا افلامها
يعني الوطنية بخير، وافلام العيد بخير، واخلى اس في الوجود بخير، والناس ماشية تهيص في الشارع من غير ماتش وده يدحض كل مزاعم المغرضين اللي بيقولوا ان الهتاف باسم مصر ده مش وطنية دي مجرد حماسة ماتش زي ما بيقولوا اهليييي اهليييي، وحب وطن ايه؟ ده شكل بلد فيه اي حد بيحبها ولا حتى امها اللي خلفتها؟ وطلع السلاح صاحي اهو وبيهيص في الشارع لسة

ده حتى كوكاكولا لسة بتقول: المصريين كلهم بيشجعوا واحنا معاهم.. كوكا كولا راعي المشجع المصري

وزي ما قال احد الرغايين اللي انا مش فاكراه من كترهم: مصر ح تفضل طول عمرها مصر بتاريخها وجغرافيتها
طب والجراح اللي اتشقت بساطور واتخلقت من ولا حاجة؟ طب والقناطير المقنطرة من الشر المستطير اللي اتضح انه نايم جوة الناس المبتسمة على طول دي؟ طب والرعب اللي تملكني بعد اللي شفته من شرهم واحساسي اني مش ح اقدر اثق في وش طيب مبتسم تاني؟ طب والصدمة؟ طب والغل؟ طب والاحساس المختلط بالوقوع تحت ظلم والاستمتاع بايقاع الظلم بدون ذرة تأنيب للضمير؟ طب والمفاهيم القذرة العنصرية المشوهة المزيفة الدنيئة الحقيرة الكدابة اللي لا راعت دين ولا اخلاق ولا اعراض ولا انسانية واتدلقت جوة معدة الناس بعد ما فتحوا لهم بقهم على مصراعيه وفضلوا يظغطوها لهم بشكل مكثف لحد ما جالهم تخمة منها؟ طب المعلومة المروعة اللي وصلتني ان فيه ناس كتير بتقول انها مصرية وبتحب مصر وهي ما تعرفش البلد اللي هي عايشة فيها؟ طب بلاش جراحنا احنا، الجراح اللي سببناها للناس؟ الاهانة والاستهانة والقهر والتنكيل اللي عملناه في الناس والتصميم على انكار اننا عملنا حاجة؟ طب والناس اللي اتداس عليهم في السكة من غير ما يبقى لهم اي ذنب؟ شالوا في قلبهم قد ايه؟ وح يفجروه في وشنا امتى وازاي؟ طب ودينا وانسانيتنا واخلاقنا واحترامنا ودماغنا وقلبنا اللي خسرناهم؟ الجرايم اللي ارتكبناها وارتكبت في حقنا وكل واحد فينا بقى ظالم ومظلوم لا قابل يواجه نفسه بفداحة ظلمه ولا قادر يستحمل مرارة انه اتظلم؟ طب واس مصر اللي طلع مغلوء للخلوء وانا ما كنتش عارفة ده كله؟ طب والمذيع اللي قدامي اللي بيقول: ح يرد عليك "نغبة" من المستشارين القانونيين؟

هممممم هنا ح نضطر نلجأ لحكمة الرئيس الخالد: ارمي ورا ضهرك

75 comments:

dr.gesho said...

اهو الريس الحكيم هنا بوتفليقه و نزع فتيل الازمه
خلى بقى اى كلب يتكلم تانى واللا اسمع صوته

مواطن مصري said...

لا بسس أكيد فية تحرك تاني من تحت ل تحت

Rasha said...

Calm down Nawara, and Eid Saeed .

Unknown said...

وازاى علاء وافق على كده؟

Unknown said...

ههههههههههههههههههههههههههههههههه

لا دي جامدة فعلا

ازاي علاء وافق على كده صحيح؟

dark moon said...

بركاتك يا معمر يا قذافي والله الراجل دة حكيم والا ما كنش احتفل بعيد الاضحي يوم الخميس

Unknown said...

هو ده الاعتذار اللي احنا مش ح نقبله بسبب الاهانة الفظيعة اللي لحقت بينا؟

بقى احنا لو كنا اتهانا وللا حد داس لنا على طرف وللا عندنا اي ادلة ان حصل فينا اي حاجة كان عمل كده؟

طب كان لزومها ايه البهدلة والمرمطة وفرجة الناس علينا؟ وطلعنا نقول احنا انضربنا واحنا جرينا واحنا قلعنا هدومنا؟

ليه اللعب باعصاب الناس بالطريقة دي

الكداب اللي اسمه محمد فؤاد لسة فاكرة لما كان بيصرخ في التليفون وبيقول احنا بنموووووت

ومصاريني كركبت وقمت ارجع من كتر التوتر والقلق والخوف

وطلعوا كدابين وبيضحكوا علينا وضحكوا كل العالم علينا
الجزائر كدبتنا والفيفا كدبتنا والسودان كدبتنا ووسائل الاعلام العالمية كدبتنا ودول عمالين ينفخوا زي البسوس ولن نتراجع ولن نتنيل على دماغنا

ولو عارف ان له حق كان اخد خطوة تانية غير الشرشحة في وسائل الاعلام

بقالنا عشر ايام اهو من يوم الاربع، عمل ايه غير انه شرشح؟ طب هم لما انضربوا هنا جابوا الفيفا في نفس اليوم
عشان لهم حق
لو لنا حق كنا عملنا زيهم بدل تهييج الناس والغوغائية وعلاء مبارك يسيب كلابه على اخو بوتفليقة عشان توكيل موبايلات

وكلابه دول كانوا احنا
احنا كنا كلابهم

واهم لموا الكلاب وح يتصالحوا واياك حد يقرب من شريك علاء مبارك تاني

حسبنا الله ونعم الوكيل

مجرمين
مجرمين
مجرمين

مواطن مصري said...

فضّوها بقى

و الله الست اسعاد يونس قالت الي انا بقولة ب الظبط


http://www.almasry-alyoum.com/article2.aspx?ArticleID=233948&IssueID=1595

بلادي الجميلة said...

كل سنة وانت طيبة
بس لي سؤال يخصوص فيديومحمدفؤاد
هو كدب في ايه قال في المكالمة الجزائرين هجموا علينا
في الطريق
وانهم دلوقت 130 شخص في مكتب وكالة طارق نور
مش كده
يعني قال الحقيقة اللي شايفنها في الفيديو
لم يقول انهم بيتكلموا من الشارع

لو سمحت ممكن توضحي لي الكدب فين
خصوصا ان نقس الكلام قاله لما رجع مصر
وعيد سعيد على كل الامة العربية

wahat_alshohada said...

كل سنة و انتى طيبة يا قمر انتى و الناس الحلوة اللى عندك والامة كلها - استراحة فى العيد وتهدئة ووحياة اهلهم كلهم ان ما همدوا لنرجعلهم تانى - احنا ماورناش حاجة

Unknown said...

كل سنة وانت طيبة يا بلادي جميلة

هو ما قالش انه في وكالة طارق نور هو قال انا في مكان ما اقدرش اقول عليه

وكان قاعد مافيهوش اي حاجة وقال احنا بنموت وكركب لي مصاريني وقبلها هيثم شاكر اللي كان واقف جنبه اتصل بابراهيم حجازي وقال احنا في بيت ناس سودانيين وهم سابوا لنا البيت ومشيوا

ايمان

كل سنة وانت طيبة

مواطن مصري
يكفيها فخرا انها بتقول كلامك والله

muslima said...

كل عام وانتم بخير

اعفو واصفحوا

أعزكم الله واصلح احوالكم واحوال المسلمين

mido said...

انت مصلتيش العيد ليه
؟
:D

كل سنة و انت بصحة و سلامة

:)

Unknown said...

وانت طيب يا ميدو

مواطن جايب لي لنك اسعاد يونس وبيبشرني انه بيقول نفس كلامها

عيد بقى وابقى اقرا المقالة دي بعد العيد عشان ضغطك ما يضربش مع اللحمة يجيب لك الحصبة

mido said...

لا مش بقدر اقرا مقالات اسعاد يونس

مش بعرف استوعبها


لعمقها

ههههههههه

mido said...

منى الشاذلى ج 1

http://www.youtube.com/watch?v=YZp8MlcEyvU

منى الشاذلى ج2

http://www.youtube.com/watch?v=YRpmYmsaA_w

عاشقة القمر said...

كل سنه انتي طيبه

Anonymous said...

على فكره .....كل سنه وحضرتك طيبه الاول

على فكره ..... انقلب السحر على الساحر .... وكله بيشتم في الحكومه وازاي انهم موش وثقوا الاعتداءات او اشتكوا لمراقب المباراه

يعني الناس ناقصه هم واحساس بالظلم والدونيه اكتر من اللي هما فيه

تحياتي

سامي said...

واراهنك ان الشعب المصرى حيشجع الجزاير فى المونديال باعتبارة ممثل العرب الوحيد وقلوب المصريين حتقع مع كل هجمة عنترية جزائرية ضد فريق عيونة زرقا وشعر اصفر

سنابل said...

صباح الخير
وكل سنة وانتى طيبة وبخير
يا احلى نوارة

doudou said...

....يقول كليب اسمع يا ابن عمي أياجساس قد أهرقت دمـي ....
....أيا غدار تطعني برمح ولست انت في الميدان خصمـي ....
....واشمت الاحاسد والاعادي وباتت اخوتي تبكـي وامـي ....
....على ناقه تقتل ابن عمك أمير كريم من لحمـك ودمـك ....
....بيوم الضيق كان يزيل همك ويردي الضد في يوم النزال ....

طيف بدر said...

http://www.facebook.com/video/video.php?v=101774669849668
بصي يا نوارة على الفيديو ده

doudou said...

كل سنة وانتم طيبين

http://www.youtube.com/watch?v=NlZnzdw5UwA

بلادي الجميلة said...

لو رجعتي للفيديو اللي موجود في المدونة بيقول انا مستخبي في مكان وخايف اقول هو فين على الهوا
وفي الدقيقة 1:21
قال احنا في مكتب طارق نور
وصوت السيدة اللي كان واضح جداانها بتتكلم فى التليفون مع حد من المسئولين بتقول احنا في وكالة طارق نور عند الثانية 51
مفيش حد فيهم ادعى انهم في الشارع

مش عارف انا صح ولا غلط
هل ممكن ان كل المصريين اللي قالوا ان ده اللي حصللهم كدابين
وكلهم اتفقوا في ثواني على سيناريو واحد بالسرعة دي
صعبة شوية


والحمد لله ان الامور بدأت تهدا

بلادي الجميلة said...

نوارة
ياريت تتفرجي على الفيديو ده وخصوصا من عند الدقيقة 3
هتشوفي الجزائريين فى السودان بيعملوا ايه
متهيأ لي الفيديو ده بيوضح جزء من اللي حصل
وشوفي ماسكين ايه في ايديهم وبيهجموا علي الاتوبيسات ازاي
وبيتحركوا بكل حرية
http://www.facebook.com/video/video.php?v=226956850080

Unknown said...

انا رديت عليك رد طويل والنت طيرته ومكسلة اعيده تاني

خدي الفيديو ده

http://www.youtube.com/watch?v=UOL-nE7ZVVs

وقولي لي ايه الفرق؟
انا اقول لك الفرق

الفرق ان اصابة اللعيب من الجمهور ده خط احمر في عرف الكرويين

اسألي اي كروي
الجمهور يضرب جمهور شغال
لعيب يضرب لعيب ماشي ولو انها بايخة
لكن جمهور يضرب لعيب ويصيبه وقبل الماتش كمان
في عرف الكرويين دي وساخة

ماهي الكورة لها اخلاق واعراف وتقاليد بعيدا عن قوانين الفيفا
زيها زي اي مجتمع

يا استاذتي
بلادك اللي هي بلادي، جميلة صحيح
بس خسارة فينا
عشان احنا اتغيرنا
ما بقيناش صعايدة
بقينا سيس، بقينا نصوت زي النسوان من غير سبب ومن غير حتى ما نتعور تعويرة واحدة وبقينا نظلم وبقينا نضرب ونجري وبقينا نعاير بواجب عملناه وبقينا ننسى الجميل وبقينا عنصريين، وبقى عندنا احساس ملازم باننا مضطهدين حتى واحنا ظلمة
ما بقيناش صعايدة
ما بقيناش صعايدة ولا فينا من الصعيد ريحته، مع ان المصري كان المفروض انه اساسا صعيدي وغير الصعايدة دول الاقلية
ما بقيناش صعايدة خلاص
بقينا دون، وبقينا نصر على الباطل، وبقى فينا صفات خسيسة جديدة علينا
ما بقيناش صعايدة خلاص
بقت تهون علينا اعراض الناس نتكلم فيها بسهولة وما بقاش فينا راجل مصري صعيدي صح وشه يحمر ويزمجر ولسانه يرجع صعيدي تاني لما يسمع اعراض الناس بتتقطع على الهوا
ما بقيناش صعايدة
خلاص
عرفتي كانوا بيقولوا علينا يهود ليه؟

Unknown said...

بالمناسبة

الشرطة السودانية متهمة محمد فؤاد بانه قام ببلاغ كاذب وازعاج السلطات

وطبعا السودان كدابين، والجزائر كدابين، ووكلات الانباء العالمية كدابين والفيفا كدابين

كل الناس مضطهدانا

زي ما كل الناس مضطهدة اليهود كده

ماهو احنا ما بقيناش صعايدة... هو فيه صعيدي مضطهد؟ زمان كان الصعيدي عيب يقول انا مضطهد، عشان ده معناه انه مش راجل، وزمان كان الصعيدي ما يعيطش، حتى لو دخلت فيه رصاصة، مش واحد حدفه بطوبة؟

مواطن مصري said...

انتي هتصدقي الجرايد الجزائرية الشروق و اخوتها


؟؟؟

خبر محمد فؤاد كاذب و ملهوش اي دليل و ملفق

Unknown said...

لا ولا يتكلم عن التلفيق غيرنا

اللي لسة مصممين ان الجزائريين عوروا نفسهم وجابوا لنفسهم ارتجاج في المخ
عارف؟
دي اكتر حاجة غايظة الجزائريين
مش الضرب
انكار الضرب
وعارف كمان؟
دي اكتر حاجة غايظاني انا كمان، عارف ليه؟ عشان دي خسة
البلطجة تعدي
لكن الخسة والدناءة ما تعديش

Unknown said...

كل سنه وانتم طيبين
بعد ماكان حامى الحمى
والمدافع الأول عن حقوق المصريين
واللى هايجيبلهم حقهم من أيام الهكسوس لحد الجزائريين

بكره هايبأه الحكيم الذى يشد شراع مصر بعيدا" عن المخاطر والحروب
وموحد صفوف الأمه العربيه

ياولاد المجانييييييييييييين
ياولاد المجانييييييييييييين

simplymoi said...

Eid Mubarak

Anonymous said...

هي منى الشاذلي صحيح هيشيلوها من دريم ؟.... انا سمعت كده

مع انها لم تتجاوز اوي يعني

تحياتي

Mohamed said...

معلش يا نوارة هو خبر ملوش دعوة بالبوست.

فاكرة الفديو اللى بعتهولك زمان بتاع
المذيعة اللى بتحاول تتكلم فرنساوى مع مدرب الزمالك.

المذيعة دى ماتت ربنا يرحمها فارجوا ندعيلها بالرحمة.

http://new.filgoal.com/Arabic/News.aspx?NewsID=61985

قويدر أوهيب said...

كل سنة و انتى طيبة يا قمر انتى و الناس الحلوة اللى عندك والامة كلها - استراحة فى العيد وتهدئة ووحياة اهلهم كلهم ان ما همدوا لنرجعلهم تانى - احنا ماورناش حاجة
ــــــــــــــ
ههههههه أختي نوارة أعجبتني هذه المعايدة إلى درجة أني قررت أعيد توجيهها لك على أمل أن تتقبليها مني.
ـــــــــــــــــ
عيد سعيد و كل عام و أنت و أهلك و أحبتك و كل شعب مصر الكريم بألف بخير.
تقبل الله منا و منكم و غفر الله لنا ولكم.
بكل حب توفيق التلمساني.

مواطن مصري said...

على اخر الزمن مش بعيد نطلع احنا الشياطين و البلطجية و الهمجين و الي كسرنا في محلات اوراسكوم

و الجزائرين دول ملايكة لا كسرو ولا حرقو مصر للطيران ولا سرقو و نهبو شركة اوراسكوم


ولا شالو السنج و المطاوي و جريو ورا المصرين في الخرطو

يا نوارة مش معنى انك متخلفة مع النظام في مصر تصدقي جرايد الجزائر

على حساب مصر

لا لازم تفرقي

بين كرهك للنظام و بين جرايد الجزائرية الصفراء و كبهم

دول سرقو قصص علاء اسواني و نشروها

من غير أستئذان حتى

Anonymous said...

عمر اديب يجن بعد فوز الجزائر على مصر
www.youtube.com/watch?v=c6SLxpO1ldk

Unknown said...

مواطن



ما بقاش الا واحد زيك متبني وجهة نظر اسرائيل في كل كبيرة وصغيرة اللي ح يعلمني الوطنية

اهو ده اللي كان ناقص

ده انت ما صدقت في الفرح ده عشان تروج للفرعونية اللي هي صناعة صهيونية بالاساس

lastcrazyboys said...

أولا وقبل كــل شيء ..كل سنــة وانتم جميعا بخــير ..وكل واحد يحقق ما يتمناه على المســتوى الشخصي

وترجع مصر ..زي مصــر




معلش جت متأخرة شوية ..عشان مكنتش عايز "أزفــر" الكيبــورد بصراحــة
:)

lastcrazyboys said...

:مــواطن
أنــا عــاذر تــوجه نــوارة ..نظــراً لأنها تنتمي إلى أحــد الأطــراف المتخاصمة
وفي الثقــافة المصرية العتيــدة ..يجب ان يقــوم كل متحدث بتقــديم التنــازلات " المستساغة " ..كنــوعٍ من ابـــداء حســن النيــة
ومش عايز يكون رأيي ميكافيللي لما أقــول "اننا لو ادركنا الغاية الأسمى من ورا التوجــه..لعذرنا الاســلوب المتبع في سبيل ادراكـه"
حتى لو صاحب كل ده اختــلاف بيننا في وجهات النظر والتوجهات ..طب مانا معـاك في ثورة الغضب اللي اجتاحتنا بعد الأحداث ..ولا انكــر ان اللي في القلب في القلب..مهما كانت المبادرات من حوالينا
ماهو ماينفعش لما اجي اصلح اقول : بس انتوا عملتوا وسويتوا ..مانا كــده هبقى عملت زي اللي مصرين كل شوية يفكروهم اننا اللي حررناكم وعلمناكم واكلناكم ..وشربناكم ..ولحم كتافكم من خيرنا
انا نفسي اعرف لحم كتاف ايييه ..اذا كان العيد جه عليكم من غير ما تدوقوها
......يـــا


بس تعالي هنا مالها " كوكاكولا يعني
:دي حتى

كوكاكولا تروق وتفــوق
ضد الأفكــار الهــدامة

بلادي الجميلة said...

في قوانين الفيفا او اي قوانين المعتدي لازم يتعاقب
مفيش حاجة اسمها جمهور يضرب جمهور
حتى لو حصل بيبقى احتكاك بين مجموعات بتتقابل في المدرجات او بجوار الاستاد
لكن الاغارة بالشكل ده ومن جمهور كسبان دي مش عادية
وعلى فكرة مفبش حد طمعان في اعادة المبارة يعني القصة مبقتش كورة
وبعدين ايه كمية الثقة في الغير دي ليه كده ؟
الفيفا مش على طول الخط عادلة واخر حاجة مبارة فرنسا وايرلندا في تصفيات المونديال
تيري هنري مسك الكورة بايده واعترف بكده بعد الماتش والفيفا لم تغير النتيجة
اعلام الجزائر ولع الدنيا وقال ان 12 جزائري قتلوا في مصر وهييج الجزائر كلها بعد الماتش الاول
واعتدوا على مصريين وكسروا وحرقوا
وفي الاخر طلع كل كلامهم كذب فى كذب
وعلى فكرة الكذبة دي كانت السبب والمحرك الرئيسي لكل اللي حصل بعد كده
اما السودان عادي ممكن يداروا على اشياء حصلت لان ده مش فى مصلحتهم وبعدين هو مش نظام الحكم عندهم زينا برضه
و انا معاكي ان بلدنا فيها مشاكل كتير وموافقك على ان الناس اتغيرت كتير
وده مش معناه ان اي حاجة نقولها تبقى كذب وكل اللي يقوله غيرنا يبقى هو كبد الحقيقة
وبرضه مش معناه ان كل الدنيا كذابين
بلدنا الجميلة في محنة انا معاكي والظلم والفساد والفقر والحرمان والقهر وعلل كتيرة ارهقتها
علشان كده لازم نحمي بلدنا من اي حد يتعدى عليها لان مش معقولة هنتظلم جوة وبرة
والاختلاف في الرأي لا يفسد للود قضية وانا متابع مدونتك من اكتر من سنة
وشايف انك من اكثر الناس وطنية وشايف ان رأيك في الموضوع ده راجع من حبك لمصر وزعلك عليها

مواطن مصري said...

يا سلام اسهل حاجة بقى عندك التخوين

الله يسامحك

انا مش هتكلم على نفسي يا نوارة يكفي شرفاً ان ليا خالي أستشهد دافعاً عن بلدة في حرب أكتوبر 1973

دي تكفيني شرفاً و مش هتكلم عني أكثر من كدة

يا ريت متستخدميش لغة التخوين

بقى الفرعونية صناعة صهيونية

بقى تبيعي تاريخ حضارتك و هويتك و تقولي عليها

صناعة صهيونية

طب هتقولي على الأهرمات و الأثار هي كمان صناعة صهيونية

يا ريت لغة التخوين دي اخر حاجة تتكلمي فيها لو سمحتى

لائنك متعرفنيش

ثانياً مش م النوع الي بحب أتكلم عن نفسي وعلى الأقل أنا بدافع عن بلدي

مش بروح أدافع عن ايران أو لبنان


ربنا يسامحك يا نوارة

أخر حاجة كنت أتوقعها أنك تخوني الي مختلف معاكي في الرأي

Unknown said...

ههههههههههه
الله يرحم خالك
لو كان عايش كان انتحر منك
القرعة بتتباهى بشعر بنت اختها

مواطن مصري said...

كدة يا نوارة الله يسامحك و ربنا يهديكي

Mafrousa said...

حبيبة قلبي نوارة
كل سنة و انتى طيبة يا قمرة و عيلتك كلها بخير
و ان شاء الله نكون السنة الجاية على عرفات كلنا
و نبطل نتفرس و نهدى شوية
ههههههههههههههههههههههه
انا بالنسبة ليا مش حعرف

بص يا قمرة
فيه واحدة اعرفها كانت هناك
و بتقولك فعلا اللى اتقال حصل بجد
و هيه مش حتكذب عليا
لأنها ببساطة كلمتنا و هيه هناك
علشان تطمن اهلها انها بخير

بس المشكلة مش فى كده يا نوارة
المشكلة ان مافيش ولا مصري واحد من اللى كانوا موجودين كلهم على بعضهم ...ما حاولشي يهوش
الشبيحة المرتزقة حتى بزلطة....مش بطوبة

بس تصدقى انتى بالخبر ده فرستيني
صحيح احنا فى ايام مفترجة
و صحيح خيركم من يبدأ بالسلام
لكن كان لازم يعتذروا

ممممممممم
على رأي اللى علق و علاء وافق على ده؟؟؟

لينا الله يا نوارة

ربنا عالم بالحال و غني عن السؤال

Anonymous said...

أنا رأيت بالأمس صلاة العيد بالتلفزة الجزائرية من مسجد بالعاصمة
و السفير المصري نقل للرئيس الجزائري تحيات الرئيس مبارك
*******************
عيد سعيد على الجميع

Anonymous said...

الفرعونيه صناعه صهيونيه ؟؟؟؟ ازاي يعني ؟

ممكن تشرحيلنا المقوله الغريبه دي

ويا ريت بالادله علشان لانها موش مفهومه

تحياتي

Unknown said...

مش حضارة مصر القديمة يا مروة
:)
الهوية الفرعونية الجديدة

حـنــّا السكران said...

حول الهوية الفرعونية الجديدة

http://www.al-akhbar.com/ar/node/167088

سامي said...

اللى محموق على الحضارة الفرعونية الوثنية المأسوف على شبابها يروح يتحشر مع فرعون ويخلى فرعون يقدمه يوم القيامة

lastcrazyboys said...

مال اللي بيحب الحضــارة الفرعونية
بالحــشر ..ويوم القيــامة
==
والله الجماعة السلفيين دول عليهم حاجات

انا فاكر واحد - بحكم اني كروي يعني - قاللي : انت تعرف ان اللون الأحمــر حرام شرعا
طبعا هو عشان كان عشرة عمر - قبل ما يستشيخ-خدت الكلمتين وعادي قضينا اليوم ..وبعدين انا عارف كل واحد بيربي ربنا بيهديه بيربي دقنه في خلال اسبوع ..وبيفتي في كلللل حاجة خلال شهر ونص
مش مهم ..المهم انه جابلي تاني يوم "مخصوووص" كتاب رياض الصالحين ..عشان يثبت لي انه مش متزمت وممكن يتراجع عن اللي قاله ..لأنه وجد انه "اللون الأحمــر" ..مكروه وليس حرامــاً
وأردف حفظه الله : ياخي المرء يحشر على الوضع اللي بيموت عليه
" نلاحظ ان الحشر دخل في الموضوع برضه"
ينفع يعني تحشـر وانت بتشجع كورة لو مت على دي الحالة
فألنا بيني وبينكم اتخضيت
مش اني احــشر وانا بشجع ..او في الاستاد
ولكن في اوضاع تاني الواحد برضه لا يحبذ انه يحشر عليها
يعني اللي مات في الحمام ده ..او الواحد لو ربنا نفخ في صورته ..وعرف "يتأهـل"..وعمل زي الصعيدي اللي خد تلات حبايات من بتوع حامد..وقضى نحبه وهو واخد راحته مع اهل بيته..مش عارف بس انا كل مرة اقول ..الجماعة دول عندهم بصيرة ..انا لسة قدامي سنين ضوئية لحد ما اوصلهم
==

كنت هنسى ..تابعي الموضوع ده اليومين دول
http://www.facebook.com/group.php?gid=94544239981&ref=nf

Unknown said...

ومال اللي بيحب الحضارة الفرعونية بالهوية الفرعونية الجديدة؟

مواطن مصري said...

طيب ما ايران هويتها فارسية و الدليل أنهم مازلو بيتكلمو فارسي

فهل دي كمان صناعة صهيونية؟

مواطن مصري said...

يا ريت تشوفي المقال دة و تقتنعي بية

هل نحن مصريون أم عرب؟

بقلم د. وسيم السيسى ٢٥/ ٧/ ٢٠٠٩

http://www.almasry-alyoum.com/article2.aspx?ArticleID=220146

يقولون لك: نحن عرب لأننا مسلمون! ترد عليهم: إيران دولة مسلمة ولم يقولوا نحن عرب! وتركيا دولة مسلمة ولم يقولوا نحن عرب! وإندونيسيا دولة مسلمة ولم يقولوا نحن عرب! الهوية إذن ليست بالدين بل بالأرض! أضف إلى ذلك أنه ليس هناك دولة مسلمة أو مسيحية.. لأن الدولة شخصية اعتبارية.. لا تصوم ولا تزكى.. كما أن كل دولة بها «ديانات وعقائد مختلفة».


لماذا الهوية المصرية؟ لأن أوروبا قامت بإحياء القوميات ولم تتخل عنها فى السوق الأوروبية المشتركة، ولأن ألمانيا نهضت من هزيمتها فى الحرب العالمية الأولى بإحياء قوميتها.

ولأن مصر عاشت عصراً ذهبياً ٥٠٠٠ سنة بقوميتها المصرية، نصف قرن قصير العمر.. حين كان شعارها مصر للمصريين «النصف الأول من القرن العشرين».

ولأن مصر ضاعت بالمشروع العروبى الوهمى الناصرى.. انتظاراً للسلطان حتى نكون رعايا له!.. ضاعت مصر.. كما ضاعت الجولان، الضفة، القدس، سيناء أصبحت منزوعة السلاح، كما ضاع ١٠٠ ألف مصرى شهيد.. كما ضاع مائة مليار جنيه «إحصائية ـ أحمد عبدالمعطى حجازى».

خلاصة الخلاصة: أنا مصرى.. أتحدث العربية، والعامية، أؤمن بالوحدة العالمية مع بنى الإنسان.. ومن يقل لى: عيب أن نتخلى عن عروبتنا.. أقل له: بل عار أن نتخلى عن مصريتنا.. ومن ليس له خير فى مصريته.. ليس له خير حتى فى نفسه.

مقال حلو

Unknown said...

ماهو اللي انت ما بتفهموش ان العروبة مش متعارضة مع المصرية

مش انت بتحب السادات؟
السادات بيقول المصريين اصل العرب

وبعدين بصراحة انا في حالة دلوقت ما تستحملش كم الغباوة والعنصرية والجهل دي

زيادة علي يعني في الظروف اللي احنا فيها دي بالذات

وبعدين اقف مع نفسك كده واسأل نفسك: ليه كل موقف بتاخده بيبقى متسق مع مواقف اسرائيل؟

والله راجع نفسك كده

ليه كلامك اللي بتقوله شبه كلام اسرائيل؟ ماهو لو كنت بتاخد عليه فلوس تبقى معذور

لكن حالتك دي غباوة لوجه الله تعالى

مواطن مصري said...

مش غباوة و الله يسامحك على الكلمة دي


اذا كنت انا معترض على فكرة تهويد الدولة

ازاي تبقى مع اسرائيل؟

اذا كنت انا معترض على تسيس الدين زي ما بتعملة اسرائيل و برفض الي بيعملة الجماعاة اسلمة الدولة = تهويد الدولة

انا بختلف مع اسرائيل في حاجات كثير

و اظن ان احنا لو اهتمينا بقوميتنا و حضارتنا زي ما بقيت الدول بتعمل

هننجح انما الي بتعملة اسرائيل هي تهويد اي جعل اسرائيل دولة يهودية

زي ما بعض الجماعات المتطرفة عاوزة تعمل الدولة اسلامية او مسيحية الدولة

مواطن مصري said...

غير كدة السادات قال


هما الدول العربية هي الي تنتسب الي مصر و ليس العكس

بهيج الشرير said...

مواطن مصري

عارف يامواطن، بالرغم من أن في حاجات كتير في أرائك أنا مش متفق معاك فيها، لكن في حاجتين أنا فعلا بأحترمك فيهم، أولا: أنك فعلا عف اللسان ومابتغلطش في حد (ماعرفش بتعملها إزاي) والحاجة التانية: إعتزازك بمصريتك بالرغم من البلاوي اللي في البلد اللي مالهاش حل. تحياتي ليك

Kalimalhus said...

أنا عايز واحد - بس يكون بيفهم - يوضحللى إزاى ممكن يعرف الهوية المصرية بشكل منفصل عن القومية العربية..

أنا قرفت من حكاية إننا ندافع عن عروبتنا فى حين إننا مش محتاجين نعمل كده .. الطرف الآخر المدعى يتفضل يقدم أى بينة على إدعاءاته..

القاعدة هى البينة على من إدعى و اليمين على من أنكر و أنا من ناحيتى بأشهد الله و خلقه أجمعين أنى عربى ولدت عربيا و سأموت عربيا رغم أنف الشعوبيين..

Unknown said...

لا والنبي يا تامر
ما تفتحش علينا الحوار البضين ده تاني

الناس بتوع احنا مش عرب احنا مصريين دول عندهم فراغ عاطفي

لما يتجوزوا ويخلفوا ويدفعوا مصاريف عيال ح يبطلوا يعلونا احنا

Unknown said...

بهيج
ولو اني متعودة ما اردش عليك

بس بصراحة
ههههههه

مواطن المعتز بمصريته ح يموت على فرصة يهاجر لامريكا

ما تشوف له سكة

عبد الزهراء المصري (علي الحسيني) said...

يااااااااااااااااااه أخيراً بيييييييس ، الحرب أنتهت يعني ياولاد علشان أخلع غطا الحلة اللي على دماغي ؟؟؟
أحمدك يااااااااارب ... اللهم لك الحمد والشكر الدائم ويارب مانسمعش غوغائية تانية من العرب ^o)
نوارة كل سنة وأنتي والعائلة الكريمة وكل الأخوه والأخوات المدونين والمدونات وعائلاتهم الكريمة بألف مليون خير ....

عبد الزهراء المصري (علي الحسيني) said...

يااااااااااااااااااه أخيراً بيييييييس ، الحرب أنتهت يعني ياولاد علشان أخلع غطا الحلة اللي على دماغي ؟؟؟
أحمدك يااااااااارب ... اللهم لك الحمد والشكر الدائم ويارب مانسمعش غوغائية تانية من العرب ^o)
نوارة كل سنة وأنتي والعائلة الكريمة وكل الأخوه والأخوات المدونين والمدونات وعائلاتهم الكريمة بألف مليون خير ....

بهيج الشرير said...

بصي ياأبلتي، أنا دايما بيتي مفتوح لكل المصريين اللي بييجوا أمريكا

مواطن مصري said...

لا يا نوارة انا مش هسافر ل امريكا و مش هسيب البلد ل الاخوان

طول ما الاخوان موجودين فانا قاعدلهم

و بعدين امريكا راحت عليها خلاص

انا لو اسافر بجد

اروح اليابان

او اروح جنوب افريقيا

سامي said...

الاخ اللى مش عارف اقرا اسمه دا(لانى ساقط اعدادية)يحشر المرء مع من احب وعليه وبما انك كروى يعنى فتحشر مع المنتخب القومى بنفس حالة الخزى والخذلان اللى كنتوا فيها بعد موقعة ام درمان اما لو عرفت تتأهل وعملت زى الصعيدى اللى اخد تلات حبايات وقضيت نحبك وانت فى الوضع دا فتحشر مأجور ان شاء الله عشان تبقى قضيت نحبك وانت بتتصدق على اهلك! متخلطش بين الاوضاع فى الموت والاحبة اللى حتحشر معاهم لكن.. ايه اللى يتحب فى الحضارة الوثنية المصرية القديمة ؟استعباد الناس فى بناء الاهرامات ولا تعدد الالهة وجو الكهنة والبخوروالسحر الاسود ولا التنكيل ومطاردة اولى العزم من الرسل ولا جمال رقبة نفرتارى ولا ايه بالظبط

lastcrazyboys said...

هـع هـع هـع
والله انتي مشكــلة يا نـوارة ..ماهو مــواطن اكيــد عايز يروح امريكـا عشـان يعمله منظمة هو كمــان لحماية " حمــوم " الانــسان المصـري
وبالمنـاسبة دي بعد خصخصـة المياه اللي تمت بالفعل تقريبا ..هتبقى الحاجة ملحــّـة للمنظمة دي
عشان حتى " حمـّــاية "العيدين نقدر نحافظ عليها كموروث شعبي
==
لا..بس بجــد الحالة اللي بيمر بيها "مواطن " هي حالة عامة فعـلاً
وانا شخصيـاً لما كل ما اقابل العرب ..واسمع منهم "كل ما يسر" عن مصر والعمالة ..ومحدش يقوللي الكلام عن الحكومة لأنه في اصوات بتقول ان ده توجه عام في مصـر
ساعتها بلعن الساعة اللي خلتنا نضع معيار الاخــوة والعروبة في العلاقة بينا وبينهم
وده كله شعور لحظي كـرد فعلي على الاحداث

لكن تعالى كده يا مواطن ..وخلينا نرجع بالزمن لورا ..لما كانت لمصر فعــلا الريادة واليد الطولى على الناس دي كلها..وكانوا بيحلفوا بحيــاة مصر ..هل ساعتها كنت هتتخلى عن الحلم العروبي ..ورابطة الدم والاخوية ..ولا هتكون أول المدافعين عنه

مواطن مصري said...

الاميرة فريال ابنة جلالة الملك فاروق توفت البقاء ل الله

Unknown said...

بصى يا ستى
انا ارفان زيك من الشعب المصرى ومن تصرفاتة بس برضوا لسة فية امل
الامل فى الناس الى بتقول ان الى بيحصل دة انهيار و عبط زى الشيخ القرضاوى فهمى هويدى وناس كتير تانية
الناس دية هى الى بتدى للواحد امل ربنا يطول فى اعمارهم
الى والشعب المصرى لسةفيةخير علشان الناس دية
بصى على الجزائر ولا واحد طلع غلط الاعلام فى الى بيعملة
حتى منى الشادلى كان نفسها حد من المثقفين الجزائريين يطلع ويحولوا يحلوا الموضوع مع اقرانهم فى مصر لكن ولا سمعنا عن اى حد الارئيس جبهة الانقادالجزائرية
كل شعب فية همج ويمكن يكون اثرهمزاد انما الناس المحترمة الى بتفكر هى الى بتدى امل و بتفرق بين الشعوب

احمد سعيد said...

:)

ازيك يانوارة

كل سنه وانتى طيبه

mido said...

انت غطست فين يا به؟

:D

lastcrazyboys said...

اهم اللي حالفين يضربوا كل مبادراتك في مقتل

اصبري وهتسمعي ان الدنيا ولعت ..تاني

http://www.aljazeera.net/NR/exeres/476CB14D-5E31-468F-8D61-4CCAA344FDCF.htm

بهيج الشرير said...

مواطن مصري

عموما أمريكا تنور لو حبيت تيجي هنا، وساعاتها تبقي مواطن أمريكاني، بس لو رحت اليابان أو جنوب أفريقيا هتبقي مواطن ياباني أو مواطن جنوب أفريقاني!

Unknown said...

حرام عليك يا راجل

ده السيول دي راح فيها حجاج ابرياء

هم قبل السيول عملوا صلاة استسقاء
مش عارفة قلبت سيول ليه؟

Nubian in Canada said...

يا جماعه ده ماتش كووووره

عبد الزهراء المصري (علي الحسيني) said...

حرام عليك يا راجل
ده السيول دي راح فيها حجاج ابرياء
هم قبل السيول عملوا صلاة استسقاء
مش عارفة قلبت سيول ليه؟
=======================
هههههههههههههههه وهو ده السؤال يانوارة ... هي قلبت سيول ليه مش أمطار عادية ؟؟؟
بالنسبة لوفاة الحجاج فالحجاج كده كده بيموتوا في الحج بالسيول أو بغيرها لسوء التنظيم في موسم الحج واللي حولته السعودية لبيزنس